ᠡᠮᠡᠭᠡ ᠡᠪᠦᠭᠡ ᠬᠣᠶᠠᠷ5-р анги - Эмээ өвөө хоёр
1069ᠡᠪᠦᠭᠡ ᠡᠮᠡᠭᠡ ᠬᠣᠶᠠᠷ
ᠮᠡᠷᠭᠡᠨ ᠬᠦᠦ ᠶ᠋ᠢᠨ ᠶᠠᠷᠢᠶᠠ
ᠡᠪᠦᠭᠡ ᠡᠮᠡᠭᠡ ᠬᠣᠶᠠᠷ
ᠲᠠᠪᠤᠳᠤᠭᠠᠷ ᠠᠩᠭᠢ
- ᠰᠠᠢᠨ ᠪᠠᠢᠵᠠᠭᠠᠨᠠ ᠤᠤ?
ᠪᠢᠳᠡᠨ ᠦ᠌ ᠠᠶᠠᠯᠠᠯ ᠥᠨᠳᠥᠷᠯᠡᠬᠦ ᠲᠤᠩ ᠳᠥᠭᠥᠵᠦ ᠪᠠᠢᠨᠠ᠃ ᠤᠳᠠᠬᠤ ᠦᠭᠡᠢ ᠡᠪᠦᠭᠡ ᠡᠮᠡᠭᠡ ᠳᠡᠭᠡᠷᠡ ᠪᠡᠨ ᠣᠴᠢᠵᠤ ᠦᠨᠦᠰᠦᠭᠦᠯᠬᠦ ᠴᠠᠭ ᠤᠯᠠᠮ ᠣᠢᠷᠠᠲᠤᠭᠰᠠᠭᠠᠷ᠁ ᠡᠪᠦᠭᠡ ᠡᠮᠡᠭᠡ ᠶ᠋ᠢ ᠣᠢᠷᠠᠳᠬᠤ ᠲᠣᠰᠤᠮ ᠪᠢᠳᠡ ᠤᠯᠠᠮ ᠯᠠ ᠶᠠᠭᠠᠷᠠᠭᠰᠠᠭᠠᠷ ᠁ ᠵᠢᠭᠠᠬᠠᠨ ᠮᠠᠷᠭᠠᠳ ᠳᠡᠭᠦᠦ ᠮᠠᠨᠢ ᠬᠦᠷᠲᠡᠯᠡ ᠪᠠᠶᠠᠷᠯᠠᠵᠤ ᠪᠠᠢᠭᠠ ᠶ᠋ᠢ ᠨᠢ ᠬᠠᠷᠠᠵᠤ ᠪᠠᠢᠨᠠ ᠤᠤ? ᠬᠢ ᠬᠢ
ᠪᠢᠳᠡᠨ ᠦ᠌ ᠣᠴᠢᠵᠤ ᠪᠠᠢᠭᠠ ᠶ᠋ᠢ ᠮᠡᠳᠡᠭᠰᠡᠨ ᠡᠮᠡᠭᠡ ᠮᠠᠨᠢ ᠴᠤ᠌ ᠭᠡᠰᠡᠨ ᠶᠠᠭᠠᠷᠠᠵᠤ ᠪᠠᠢᠭᠠ ᠪᠣᠯᠤᠯᠲᠠᠢ᠂ ᠲᠡᠷᠡᠭᠦᠬᠡᠨ ᠡᠴᠡ ᠬᠣᠢᠰᠢ ᠠᠪᠤ ᠶ᠋ᠢ ᠵᠠᠯᠭᠠᠯᠠ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠠᠪᠤ ᠮᠠᠨᠢ ᠮᠠᠰᠢᠨ ᠪᠠᠷᠢᠵᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠬᠡᠵᠢᠶᠡ ᠴᠦ᠍ ᠤᠲᠠᠰᠤ ᠪᠠᠷ ᠶᠠᠷᠢᠳᠠᠭ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠪᠣᠢ ᠭᠡᠪᠡᠯ ᠮᠠᠰᠢᠨ ᠪᠠᠷᠢᠵᠤ ᠪᠠᠢᠬᠤ ᠦᠶᠡ ᠳ᠋ᠦ᠍ ᠪᠡᠨ ᠭᠠᠷ ᠤᠲᠠᠰᠤ ᠪᠠᠷ ᠢ᠋ᠶ᠋ᠠᠨ ᠣᠷᠣᠯᠳᠣᠬᠤ ᠮᠠᠭᠤ᠃ ᠵᠢᠱ᠌ᠢᠶᠡᠯᠡᠪᠡᠯ ᠵᠢᠯᠣᠭᠣᠴᠢ ᠬᠥᠮᠦᠨ ᠦ᠌ ᠠᠩᠬᠠᠷᠤᠯ ᠰᠠᠷᠨᠢᠵᠤ ᠠᠶᠤᠯᠲᠠᠢ ᠵᠦᠢᠯ ᠪᠣᠯᠵᠤ ᠮᠠᠭᠠᠳ ᠦᠭᠡᠢ ᠭᠡᠰᠡᠨ᠃
ᠪᠢ ᠡᠭᠦᠨ ᠢ᠋ ᠬᠡᠨ ᠡᠴᠡ ᠮᠡᠳᠡᠭᠰᠡᠨ ᠪᠣᠢ ᠭᠡᠵᠢ ᠤᠤ?
ᠨᠢᠭᠡ ᠤᠳᠠᠭᠠ ᠮᠠᠨ ᠤ᠋ ᠠᠩᠭᠢ ᠳ᠋ᠤ᠌ ᠮᠤᠨᠳᠠᠭ ᠵᠠᠮ ᠤ᠋ᠨ ᠴᠠᠭᠳᠠᠭᠠ ᠠᠬᠠ ᠢᠷᠡᠭᠰᠡᠨ᠃ ᠲᠡᠷᠡ ᠴᠠᠭᠳᠠᠭᠠ ᠠᠬᠠ ᠭᠡᠬᠦ ᠳ᠋ᠦ᠍ ᠪᠡᠨ ᠮᠠᠰᠢ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ᠂ ᠲᠤᠩ ᠡᠶᠡᠯᠳᠡᠭ ᠵᠥᠭᠡᠯᠡᠨ ᠬᠥᠮᠦᠨ ᠪᠠᠢᠭᠰᠠᠨ᠃ ᠴᠠᠭᠳᠠᠭᠠ ᠠᠬᠠ ᠯᠠ ᠪᠢᠳᠡᠨ ᠳ᠋ᠦ᠍ ᠵᠢᠯᠣᠭᠣᠴᠢ ᠬᠥᠮᠦᠨ ᠮᠠᠰᠢᠨ ᠪᠠᠷᠢᠵᠤ ᠪᠠᠢᠬᠤ ᠦᠶᠡ ᠳ᠋ᠦ᠍ ᠪᠡᠨ ᠭᠠᠷ ᠤᠲᠠᠰᠤ ᠪᠠᠷ ᠢ᠋ᠶ᠋ᠠᠨ ᠣᠷᠣᠯᠳᠣᠬᠤ ᠶᠤᠮ ᠤᠤ ᠶᠠᠷᠢᠪᠠᠯ ᠵᠢᠯᠣᠭᠣᠴᠢ ᠬᠥᠮᠦᠨ ᠦ᠌ ᠠᠩᠬᠠᠷᠤᠯ ᠰᠠᠷᠨᠢᠵᠤ ᠠᠶᠤᠯᠲᠠᠢ ᠵᠦᠢᠯ ᠪᠣᠯᠵᠤ ᠮᠠᠭᠠᠳ ᠦᠭᠡᠢ ᠭᠡᠳᠡᠭ ᠢ᠋ ᠲᠠᠢᠯᠪᠤᠷᠢᠯᠠᠭᠰᠠᠨ ᠬᠡᠷᠡᠭ ᠰᠢᠦ ᠳᠡ᠃ ᠸᠠ ᠦ᠂ ᠢᠩᠭᠢᠭᠡᠳ ᠬᠦᠷᠦᠭᠡᠳ ᠢᠷᠡᠯᠡ ᠳᠠ᠃ ᠮᠠᠨ ᠤ᠋ ᠡᠪᠦᠭᠡ ᠶ᠋ᠢᠨ ᠬᠢ ᠲᠡᠷᠡ ᠬᠠᠷᠠᠭᠳᠠᠵᠤ ᠪᠠᠢᠨᠠ ᠃ ᠡᠮᠡᠭᠡ ᠮᠢᠨᠢ ᠭᠠᠷᠤᠭᠠᠳ ᠢᠷᠡᠴᠢᠬᠡᠭᠰᠡᠨ ᠪᠢᠳᠡᠨ ᠢ᠋ ᠬᠦᠯᠢᠶᠡᠭᠡᠳ ᠵᠣᠭᠰᠣᠵᠤ ᠪᠠᠢᠨᠠ᠃ ᠡᠪᠦᠭᠡ ᠬᠠᠷᠢᠨ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠠᠢᠬᠤ ᠴᠢᠨᠢ᠃ ᠠ᠂ ᠬᠣᠨᠢ ᠪᠠᠨ ᠤᠰᠤᠯᠠᠬᠤ ᠭᠡᠳ ᠶᠠᠪᠤᠴᠢᠬᠠᠭᠰᠠᠨ ᠶᠤᠮ ᠪᠠᠢᠬᠤ ᠳᠠ᠃ ᠦ᠂ ᠡᠪᠦᠭᠡ ᠴᠦ᠍ ᠪᠠᠰᠠ ᠭᠠᠷᠤᠭᠠᠳ ᠢᠷᠡᠯᠡ᠃ ᠪᠢᠳᠡᠨ ᠢ᠋ ᠢᠷᠡᠨᠡ ᠭᠡᠳ ᠡᠪᠦᠭᠡ ᠮᠠᠨᠢ ᠴᠤ᠌ ᠪᠠᠰᠠ ᠭᠡᠷ ᠲᠦ᠍ ᠪᠡᠨ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠪᠠᠢᠨᠠ᠃ ᠪᠠᠩᠬᠤᠷ ᠴᠤ᠌ ᠭᠡᠰᠡᠨ ᠪᠢᠳᠡᠨ ᠢ᠋ ᠬᠦᠯᠢᠶᠡᠭᠡᠳ ᠬᠣᠨᠢᠨ ᠳ᠋ᠤ᠌ ᠪᠠᠨ ᠶᠠᠪᠤᠭᠠ ᠦᠭᠡᠢ ᠪᠠᠢᠵᠠᠢ᠃ ᠪᠠᠩᠬᠤᠷ ᠮᠠᠨᠢ ᠡᠬᠢᠯᠡᠭᠡᠳ ᠪᠢᠳᠡᠨ ᠢ᠋ ᠲᠠᠨᠢᠬᠤ ᠦᠭᠡᠢ ᠬᠤᠴᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠨᠠᠮᠠ ᠶ᠋ᠢ ᠬᠠᠷᠠᠩᠭᠤᠲᠠ ᠯᠠ ᠪᠢᠳᠡᠨ ᠦ᠌ ᠮᠠᠰᠢᠨ ᠲᠠᠢ ᠵᠡᠷᠭᠡᠴᠡᠨ ᠳᠠᠪᠬᠢᠵᠤ ᠭᠠᠷᠤᠯᠠ᠃
- ᠪᠢ ᠴᠢᠮᠠ ᠳ᠋ᠤ᠌ ᠬᠥᠭᠡᠷᠦᠬᠦᠨ ᠳᠡᠭᠦᠦ᠂ ᠪᠠᠰᠠ ᠨᠠᠢᠵᠠ ᠠᠪᠴᠢᠷᠠᠭᠰᠠᠨ ᠰᠢᠦ! ᠴᠢ ᠲᠡᠭᠦᠨ ᠢ᠋ ᠶᠠᠭ ᠥᠪᠡᠷ ᠰᠢᠭ ᠢ᠋ᠶ᠋ᠡᠨ ᠮᠤᠨᠳᠠᠭ ᠰᠠᠢᠨ ᠨᠣᠬᠠᠢ ᠪᠣᠯᠭᠠᠭᠠᠷᠠᠢ᠂ ᠮᠡᠳᠡᠪᠡ ᠤᠤ!
ᠡᠪᠦᠭᠡ ᠡᠮᠡᠭᠡ ᠮᠠᠨᠢ ᠮᠦᠰᠢᠶᠡᠯ ᠡᠭᠡᠴᠢ᠂ ᠮᠠᠷᠭᠠᠳ ᠳᠡᠭᠦᠦ ᠪᠢᠳᠡ ᠭᠤᠷᠪᠠ ᠶ᠋ᠢ ᠵᠥᠩᠳᠡᠭᠡᠨ ᠶᠡᠬᠡ ᠰᠠᠨᠠᠭᠰᠠᠨ ᠪᠣᠯᠤᠯᠲᠠᠢ ᠦᠨᠦᠰᠦᠭᠡᠳ ᠯᠡ ᠦᠨᠦᠰᠦᠭᠡᠳ ᠯᠡ ᠪᠠᠢᠭᠰᠠᠨ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠠᠪᠤ ᠡᠵᠢ ᠬᠣᠶᠠᠷ ᠢ᠋ ᠴᠦ᠍ ᠪᠠᠰᠠ ᠵᠥᠩᠳᠡᠭᠡᠨ ᠦᠨᠦᠰᠦᠭᠰᠡᠨ ᠯᠡ ᠳᠡ᠃ ᠡᠪᠦᠭᠡ᠄
- ᠣᠪᠣᠭᠠ ᠳᠠᠭᠤ ᠴᠢᠩᠭᠠ ᠲᠠᠢ ᠵᠣᠷᠢᠭᠲᠠᠢ ᠰᠢᠨᠵᠢ ᠶ᠋ᠢᠨ ᠶᠠᠭᠤᠮᠠ ᠪᠠᠢᠨᠠ᠃ ᠰᠠᠢᠨ ᠬᠣᠲᠠᠴᠢ ᠨᠣᠬᠠᠢ ᠪᠣᠯᠬᠤ ᠪᠠᠢᠬᠠ ᠳᠠ!
- ᠬᠣᠲᠠᠴᠢ ᠭᠡᠵᠦ ᠶᠠᠭᠤ ᠭᠡᠰᠡᠨ ᠦᠭᠡ ᠶᠦᠮ ᠪᠣᠢ?
- ᠬᠣᠲᠠ ᠲᠠᠢ ᠬᠣᠨᠢ ᠪᠠᠨ ᠴᠢᠨᠣᠠ ᠨᠣᠬᠠᠢ ᠠ᠋ᠴᠠ ᠬᠠᠮᠠᠭᠠᠯᠠᠳᠠᠭ᠂ ᠬᠦᠴᠦᠲᠡᠢ᠂ ᠤᠬᠠᠭᠠᠯᠢᠭ ᠨᠣᠬᠠᠢ ᠶ᠋ᠢ ᠬᠡᠯᠡᠳᠡᠭ ᠶᠦᠮ ᠠ᠋᠂ ᠮᠢᠨᠦ ᠬᠦᠦ! ᠭᠡᠵᠦ ᠬᠠᠷᠢᠭᠤᠯᠤᠭᠰᠠᠨ᠃
ᠤᠳᠠᠬᠤ ᠦᠭᠡᠢ ᠪᠠᠰᠠᠷ ᠮᠠᠨᠢ ᠴᠤ᠌ ᠭᠡᠰᠡᠨ ᠶᠠᠭ ᠪᠠᠩᠬᠤᠷ ᠰᠢᠭ᠋ ᠮᠤᠨᠳᠠᠭ ᠲᠣᠮᠣ ᠪᠠᠰᠠ ᠤᠬᠠᠭᠠᠨᠲᠠᠢ ᠰᠠᠢᠨ ᠬᠣᠲᠠᠴᠢ ᠨᠣᠬᠠᠢ ᠪᠣᠯᠬᠤ ᠪᠠᠢᠬᠠ ᠳᠠ!
ᠢᠩᠭᠢᠭᠡᠳ ᠵᠥᠩᠳᠡᠭᠡᠨ ᠤᠳᠠᠭᠠᠨ ᠴᠤ᠌ ᠭᠡᠰᠡᠨ ᠣᠭᠲᠣ ᠶᠠᠳᠠᠷᠠᠯ ᠦᠭᠡᠢ ᠪᠡᠷ ᠪᠠᠰᠠ ᠶᠠᠭᠠᠷᠠᠯ ᠦᠭᠡᠢ ᠪᠡᠷ ᠶᠠᠪᠤᠭᠰᠠᠭᠠᠷ ᠪᠠᠢᠭᠠᠳ ᠡᠪᠦᠭᠡ ᠡᠮᠡᠭᠡ ᠳᠡᠭᠡᠷᠡ ᠪᠡᠨ ᠢᠷᠡᠭᠰᠡᠨ ᠳᠡ᠃ ᠬᠥᠳᠡᠭᠡ ᠶᠠᠪᠤᠬᠤ ᠭᠣᠶᠣ ᠪᠠᠢᠭᠠ ᠪᠢᠵᠡ? ᠵᠠᠮ ᠳ᠋ᠤ᠌ ᠵᠥᠩᠳᠡᠭᠡᠨ ᠰᠣᠨᠢᠨ ᠰᠠᠢᠬᠠᠨ ᠵᠦᠢᠯ ᠲᠣᠬᠢᠶᠠᠯᠳᠤᠭᠰᠠᠨ ᠴᠤ᠌ ᠭᠡᠰᠡᠨ ᠬᠠᠮᠤᠭ ᠤ᠋ᠨ ᠰᠣᠨᠢᠷᠬᠠᠯᠲᠠᠢ ᠭᠡᠰᠡᠨ ᠢ᠋ᠶ᠋ᠡᠨ ᠯᠡ ᠲᠠ ᠨᠠᠷ ᠲᠤ᠌ ᠪᠠᠨ ᠶᠠᠷᠢᠵᠤ ᠦᠭᠯᠡ ᠰᠢᠦ!
ᠬᠣᠯᠠ ᠶ᠋ᠢᠨ ᠠᠶᠠᠯᠠᠯ ᠳ᠋ᠤ᠌ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠣᠭᠲᠣ ᠶᠠᠳᠠᠷᠠᠭᠠᠵᠤ ᠪᠠᠰᠠ ᠠᠶᠤᠯ ᠦᠭᠡᠢ ᠰᠠᠢᠨ ᠠᠪᠴᠤ ᠶᠠᠪᠤᠭᠰᠠᠭᠠᠷ ᠡᠨᠳᠡ ᠬᠦᠷᠴᠦ ᠢᠷᠡᠭᠰᠡᠨ ᠠᠪᠤ ᠡᠵᠢ ᠬᠣᠶᠠᠷ ᠲᠤ᠌ ᠪᠠᠨ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ! ᠨᠠᠢᠵᠠ ᠨᠤᠭᠤᠳ ᠠ᠋᠂ ᠲᠦᠷ ᠪᠠᠶᠠᠷᠲᠠᠢ!
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠮᠥᠴᠢᠷ