ᠪᠢᠴᠢᠬᠠᠨ ᠠᠮᠢᠲᠠᠳ3-р анги Бяцхан амьтад
414ᠪᠢᠴᠢᠬᠠᠨ ᠠᠮᠢᠲᠠᠳ3
ᠮᠡᠷᠭᠡᠨ ᠦ᠌ ᠶᠠᠷᠢᠶᠠ
ᠪᠢᠴᠢᠬᠠᠨ ᠠᠮᠢᠲᠠᠳ
ᠭᠤᠷᠪᠠᠳᠤᠭᠠᠷ ᠠᠩᠭᠢ
| ᠰᠠᠢᠨ ᠪᠠᠢᠵᠠᠭᠠᠨᠠ ᠤᠤ? ᠨᠠᠮᠠ ᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠤᠤ? ᠬᠥᠳᠡᠭᠡ ᠡᠪᠦᠭᠡ ᠡᠮᠡᠭᠡ ᠶ᠋ᠢᠨ ᠬᠢ ᠤᠷᠤᠭᠤ ᠪᠠᠨ ᠶᠠᠪᠤᠬᠤ ᠳ᠋ᠤ᠌ ᠪᠠᠰᠠ ᠨᠢᠭᠡ ᠭᠣᠶᠣ ᠨᠢ ᠶᠠᠭᠤ ᠪᠣᠢ ᠭᠡᠬᠦ ᠪᠡᠷ ᠵᠠᠮ ᠤ᠋ᠨ ᠴᠠᠢ ᠶ᠋ᠢᠨ ᠭᠠᠵᠠᠷ ᠶᠤᠮ᠃ ᠦᠷᠭᠦᠯᠵᠢ ᠭᠡᠷ ᠲᠦ᠍ ᠪᠡᠨ ᠢᠳᠡᠳᠡᠭ ᠶᠦᠮ ᠤᠤ ᠡᠰᠡᠪᠡᠯ ᠰᠤᠷᠭᠠᠭᠤᠯᠢ ᠶ᠋ᠢᠨ ᠴᠠᠢ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠬᠣᠭᠣᠯᠠᠨ ᠠ᠋ᠴᠠ ᠣᠭᠲᠣ ᠥᠭᠡᠷᠡ ᠠᠮᠲᠠ ᠲᠠᠢ ᠭᠣᠶᠣ ᠬᠣᠭᠣᠯᠠ ᠨᠤᠭᠤᠳ ᠪᠠᠢᠳᠠᠭ᠃ ᠡᠨᠡ ᠪᠣᠯ ᠡᠮᠡᠭᠡ ᠶ᠋ᠢᠨ ᠬᠢᠳᠡᠭ ᠬᠣᠭᠣᠯᠠ ᠴᠤ᠌ ᠪᠠᠢᠭᠠ᠂ ᠠᠮᠲᠠ ᠶ᠋ᠢ ᠨᠢ ᠠᠷᠠᠢ ᠦᠵᠡᠬᠦ ᠦᠭᠡᠢ ᠯᠡ ᠳᠡ᠂ ᠶᠡᠷᠦ ᠨᠢ ᠪᠣᠯ ᠭᠣᠶᠣ᠃
ᠢᠩᠭᠢᠭᠡᠳ ᠪᠢᠳᠡ ᠡᠳᠦᠷ ᠦ᠋ᠨ ᠬᠣᠭᠣᠯᠠ ᠪᠠᠨ ᠢᠳᠡᠴᠢᠬᠡᠭᠡᠳ ᠪᠦᠭᠦᠳᠡ ᠭᠠᠷᠴᠠᠭᠠᠨ ᠮᠠᠰᠢᠨ ᠳ᠋ᠤ᠌ ᠪᠠᠨ ᠰᠠᠭᠤᠬᠤ ᠭᠡᠲᠡᠯᠡ ᠵᠠᠮ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠶ᠋ᠢᠨ ᠮᠣᠳᠣᠨ ᠳᠤᠮᠳᠠ ᠠ᠋ᠴᠠ ᠮᠠᠰᠢ ᠬᠥᠭᠡᠷᠦᠬᠦᠨ ᠨᠢᠳᠦ ᠲᠡᠢ ᠠᠮᠢᠲᠠᠨ ᠪᠢᠳᠡᠨ ᠦ᠌ ᠵᠦᠭ ᠰᠢᠷᠲᠡᠵᠦ ᠪᠠᠢᠯᠠ᠃ ᠯᠠᠪᠯᠠᠭᠠᠳ ᠰᠠᠢᠬᠠᠨ ᠬᠠᠷᠠᠲᠠᠯᠠ ᠬᠥᠭᠡᠷᠦᠬᠦᠨ ᠵᠢᠵᠢᠭᠬᠡᠨ ᠡᠪᠡᠷ ᠲᠡᠢ᠂ ᠪᠦᠯᠲᠡᠭᠡᠷ ᠲᠣᠮᠣ ᠨᠢᠳᠦ ᠲᠡᠢ ᠪᠢᠴᠢᠬᠠᠨ ᠠᠮᠢᠲᠠᠨ ᠪᠤᠲᠠᠨ ᠳᠣᠲᠣᠷᠠ ᠠ᠋ᠴᠠ ᠭᠠᠷᠤᠭᠠᠳ ᠢᠷᠡᠭᠰᠡᠨ᠃ ᠪᠢ ᠴᠦ᠍
| ᠡᠭᠡᠴᠢ ᠠ᠋᠂ ᠮᠦᠰᠢᠶᠡᠯ ᠡᠭᠡᠴᠢ ᠠ᠋! ᠲᠡᠷᠡ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠢ᠋ ᠬᠠᠷᠠ ᠳᠠ! ᠭᠡᠳ ᠯᠡ ᠬᠠᠰᠬᠢᠷᠤᠯᠠ᠃ ᠡᠵᠢ ᠮᠠᠨᠢ ᠴᠤ᠌ ᠪᠠᠰᠠ ᠣᠯᠤᠭᠠᠳ ᠬᠠᠷᠠᠴᠢᠬᠠᠭᠰᠠᠨ᠄
| ᠬᠥᠶᠢ᠂ ᠮᠢᠨᠦ ᠥᠬᠢᠨ ᠲᠡᠭᠦᠨ ᠢ᠋ ᠬᠠᠷᠠ ᠳᠠ᠂ ᠮᠢᠨᠦ ᠥᠬᠢᠨ ᠰᠢᠭ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠪᠠᠢᠨᠠ ᠭᠡᠳ ᠮᠠᠷᠭᠠᠳ ᠳᠡᠭᠦᠦ ᠶ᠋ᠢ ᠮᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠡᠭᠡᠴᠢ ᠪᠢᠳᠡ ᠬᠣᠶᠠᠷ ᠴᠤ᠌ ᠠᠪᠤ ᠠ᠋ᠴᠠ᠄
| ᠲᠠᠪᠤᠭᠤᠯᠠ ᠪᠠᠨ ᠬᠠᠵᠠᠭᠤ ᠳ᠋ᠤ᠌ ᠨᠢ ᠣᠴᠢᠵᠤ ᠬᠠᠷᠠᠶᠠ ᠯᠠ ᠳᠠ᠂ ᠠᠪᠤ ᠠ᠋᠂ ᠲᠡᠭᠡᠬᠦ ᠤᠤ? ᠭᠡᠳ ᠯᠡ ᠭᠤᠶᠤᠵᠤ ᠭᠠᠷᠤᠯᠠ᠃ | ᠵᠠ᠂ ᠮᠢᠨᠦ ᠬᠡᠦᠬᠡᠳ ᠦ᠋ᠳ ᠵᠠᠮ ᠬᠥᠨᠳᠡᠯᠡᠨ ᠭᠠᠷᠬᠤ ᠳ᠋ᠤ᠌ ᠪᠠᠨ ᠪᠣᠯᠭᠣᠮᠵᠢᠲᠠᠢ᠂ ᠪᠡᠶᠡ ᠪᠡᠶᠡ ᠶ᠋ᠢᠨ ᠢ᠋ᠶ᠋ᠡᠨ ᠭᠠᠷ ᠠ᠋ᠴᠠ ᠬᠥᠲᠥᠯᠦᠭᠡᠳ ᠬᠢᠨᠠᠭᠤᠷ ᠪᠠᠢᠬᠤ ᠶᠣᠰᠣᠲᠠᠢ ᠰᠢᠦ! ᠬᠥᠳᠡᠭᠡᠨ ᠦ᠌ ᠵᠠᠮ ᠳ᠋ᠤ᠌ ᠭᠠᠷᠴᠠ᠂ ᠭᠡᠷᠡᠯ ᠦ᠋ᠨ ᠳᠣᠬᠢᠶᠠ ᠭᠡᠵᠦ ᠪᠠᠢᠳᠠᠭ ᠦᠭᠡᠢ ᠶᠦᠮ ᠰᠢᠲᠠ ᠭᠡᠳ ᠬᠣᠶᠠᠷ ᠲᠡᠢᠰᠢ ᠪᠡᠨ ᠰᠠᠢᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠡᠭᠡᠴᠢ ᠪᠢᠳᠡ ᠬᠣᠶᠠᠷ ᠢ᠋ ᠬᠥᠲᠥᠯᠦᠭᠡᠳ ᠵᠠᠮ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠭᠠᠷᠤᠯᠠ᠃ ᠭᠡᠲᠡᠯᠡ ᠲᠡᠷᠡ ᠪᠢᠴᠢᠬᠠᠨ ᠡᠪᠡᠷ ᠲᠡᠢ ᠨᠢᠷᠤᠭᠤᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠬᠥᠭᠡᠷᠦᠬᠦᠨ ᠵᠢᠵᠢᠭᠬᠡᠨ ᠵᠢᠵᠢᠭᠬᠡᠨ ᠲᠣᠯᠪᠣ ᠲᠠᠢ ᠡᠭᠳᠡᠭᠦᠦ ᠲᠡᠢ ᠠᠮᠢᠲᠠᠨ ᠪᠢᠳᠡᠨ ᠡᠴᠡ ᠶᠡᠷᠦ ᠠᠶᠤᠭᠠ ᠦᠭᠡᠢ᠂ ᠪᠦᠷ ᠡᠭᠡᠴᠢ ᠶ᠋ᠢᠨ ᠥᠭᠭᠰᠡᠨ ᠵᠢᠩᠨᠡᠮᠡᠭ ᠢ᠋ ᠭᠠᠷ ᠠ᠋ᠴᠠ ᠨᠢ ᠠᠪᠴᠤ ᠢᠳᠡᠭᠰᠡᠨ ᠭᠡᠳ ᠪᠣᠳᠣ ᠳᠠ! ᠠᠪᠤ ᠲᠡᠷᠡ ᠪᠢᠴᠢᠬᠠᠨ ᠪᠤᠭᠤ ᠶ᠋ᠢ ᠬᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ
| ᠨᠢᠳᠤᠨᠤᠨ ᠵᠤᠨ ᠭᠠᠷᠤᠭᠰᠠᠨ ᠨᠢᠭᠡ ᠨᠠᠰᠤ ᠯᠠ ᠬᠦᠷᠴᠦ ᠶᠠᠪᠤᠭᠠ ᠢᠯᠢ ᠪᠠᠢᠨᠠ᠃
| ᠢᠯᠢ ᠭᠡᠵᠦ ᠶᠠᠭᠤ ᠶᠤᠮ ᠪᠣᠢ?
| ᠪᠤᠭᠤ ᠶ᠋ᠢᠨ ᠲᠥᠯ ᠢ᠋ ᠢᠯᠢ ᠭᠡᠳᠡᠭ ᠶᠦᠮ ᠠ᠋! ᠮᠢᠨᠦ ᠬᠡᠦᠬᠡᠳ ᠦ᠋ᠳ᠃ ᠰᠣᠨᠣᠰ ᠳᠠ! ᠮᠢᠨᠦ ᠬᠡᠦᠬᠡᠳ ᠦ᠋ᠳ᠂ ᠠᠮᠢᠲᠠᠨ ᠤ᠋ ᠦᠷᠡ ᠲᠥᠯ ᠪᠣᠯᠭᠠᠨ ᠥᠪᠡᠷ ᠥᠪᠡᠷ ᠦ᠋ᠨ ᠳᠠᠭᠤᠳᠠᠳᠠᠭ ᠨᠡᠷᠡ ᠲᠡᠢ ᠪᠠᠢᠳᠠᠭ᠃ ᠶᠠᠭ ᠯᠠ ᠤᠨᠠᠭᠠ᠂ ᠲᠤᠭᠤᠯ᠂ ᠢᠰᠢᠭᠡ᠂ ᠮᠠᠭᠤ ᠴᠠᠢᠯᠳᠠᠰᠢ ᠭᠡᠬᠦ ᠰᠢᠭ ᠭᠡᠵᠦ ᠬᠠᠷᠢᠭᠤᠯᠤᠭᠰᠠᠨ᠃
ᠪᠢ ᠳᠣᠲᠣᠷᠠ ᠪᠠᠨ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠪᠠᠷ ᠡᠭᠦᠪᠡᠷ ᠳᠠᠭᠠᠷᠢᠵᠤ ᠥᠩᠭᠡᠷᠡᠬᠦ ᠳ᠋ᠦ᠍ ᠪᠡᠨ ᠡᠨᠡ ᠪᠢᠴᠢᠬᠠᠨ ᠢᠯᠢ ᠲᠡᠢ ᠵᠠᠪᠠᠯ ᠲᠠᠭᠠᠷᠠᠨᠠ ᠳᠠ! ᠭᠡᠵᠦ ᠪᠣᠳᠣᠭᠰᠠᠨ᠃ ᠢᠩᠭᠢᠭᠡᠳ ᠪᠢᠳᠡ ᠡᠪᠦᠭᠡ ᠡᠮᠡᠭᠡ ᠤᠷᠤᠭᠤ ᠪᠠᠨ ᠶᠠᠭᠠᠷᠠᠵᠤ ᠪᠠᠢᠭᠰᠠᠨ ᠪᠣᠯᠬᠣᠷ ᠳᠠᠬᠢᠭᠠᠳ ᠯᠠ ᠮᠠᠰᠢ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠵᠠᠮ ᠬᠥᠨᠳᠡᠯᠡᠨ ᠭᠠᠷᠴᠤ᠂ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠮᠠᠰᠢᠨ ᠳ᠋ᠤ᠌ ᠰᠠᠭᠤᠬᠤ ᠭᠡᠲᠡᠯᠡ ᠠᠪᠤ ᠮᠠᠨᠢ ᠮᠠᠰᠢᠨ ᠤ᠋ ᠪᠠᠨ ᠬᠣᠢᠲᠤ ᠳᠤᠭᠤᠢ ᠶ᠋ᠢᠨ ᠳᠣᠭᠤᠤᠷ ᠲᠣᠩᠭᠣᠢᠭᠰᠠᠨ ᠢ᠋ᠶ᠋ᠠᠨ ᠪᠢᠴᠢᠬᠠᠨ ᠭᠥᠯᠥᠭᠡ ᠭᠠᠷᠤᠭᠠᠳ ᠢᠷᠡᠪᠡ᠃ ᠪᠢ ᠭᠠᠢᠬᠠᠵᠤ
| ᠠᠪᠤ ᠠ᠋᠂ ᠲᠠ ᠲᠡᠨᠳᠡ ᠭᠥᠯᠥᠭᠡ ᠪᠠᠢᠭᠠ ᠶ᠋ᠢ ᠶᠠᠭᠠᠬᠢᠵᠤ ᠮᠡᠳᠡᠪᠡ?
| ᠬᠡᠦᠬᠡᠳ ᠦ᠋ᠳ ᠠ᠋᠂ ᠵᠢᠯᠣᠭᠣᠴᠢ ᠬᠥᠮᠦᠨ ᠪᠦᠷᠢ ᠵᠣᠭᠰᠣᠵᠤ ᠪᠠᠢᠭᠠᠳ ᠬᠥᠳᠡᠯᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠵᠠᠪᠠᠯ ᠮᠠᠰᠢᠨ ᠤ᠋ ᠪᠠᠨ ᠡᠷᠭᠢᠨ ᠲᠣᠭᠣᠷᠢᠨ᠂ ᠳᠡᠭᠡᠭᠦᠷ ᠳᠣᠭᠤᠤᠷ ᠰᠢᠯᠭᠠᠬᠤ ᠶᠣᠰᠣᠲᠠᠢ ᠪᠠᠢᠳᠠᠭ ᠶᠤᠮ᠃ ᠬᠡᠷᠪᠡ ᠠᠪᠤ ᠨᠢ ᠰᠢᠯᠭᠠᠯ ᠦᠭᠡᠢ ᠪᠡᠷ ᠮᠠᠰᠢᠨ ᠢ᠋ᠶ᠋ᠠᠨ ᠤᠨᠤᠭᠠᠳ ᠶᠠᠪᠤᠭᠰᠠᠨ ᠪᠣᠯ ᠡᠨᠡ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠶᠠᠭᠠᠬᠢᠬᠤ ᠪᠠᠢᠭᠰᠠᠨ ᠪᠣᠯ? ᠭᠡᠵᠦ ᠬᠠᠷᠢᠭᠤᠯᠤᠯᠠ᠃
ᠬᠠᠷᠠᠵᠤ ᠪᠠᠢᠭᠠ ᠪᠢᠵᠡ! ᠮᠢᠨᠦ ᠠᠪᠤ ᠡᠢᠮᠦ ᠮᠤᠨᠳᠠᠭ! ᠲᠡᠭᠡᠭᠡᠳ ᠪᠢ ᠠᠪᠤ ᠠ᠋ᠴᠠ᠄
| ᠠᠪᠤ ᠠ᠋᠂ ᠡᠨᠡ ᠭᠥᠯᠥᠭᠡ ᠪᠣᠳᠣᠪᠠᠯ ᠡᠵᠡᠨ ᠦᠭᠡᠢ ᠪᠣᠯᠤᠯᠲᠠᠢ᠃ ᠡᠰᠡᠪᠡᠯ ᠡᠵᠢ ᠡᠴᠡ ᠪᠡᠨ ᠲᠥᠭᠡᠷᠢᠴᠢᠬᠡᠭᠰᠡᠨ ᠪᠠᠢᠬᠠ᠃ ᠡᠪᠦᠭᠡ ᠶ᠋ᠢᠨ ᠳ᠋ᠦ᠍ ᠠᠪᠠᠴᠢᠭᠠᠳ ᠥᠭᠴᠢᠬᠡᠶᠡ ᠯᠡ ᠳᠡ᠂ ᠲᠡᠭᠡᠭᠡᠳ ᠡᠨᠡ ᠬᠥᠭᠡᠷᠦᠬᠦᠨ ᠪᠢᠴᠢᠬᠠᠨ ᠠᠮᠢᠲᠠᠨ ᠢ᠋〈 ᠪᠠᠰᠠᠷ〉 ᠭᠡᠵᠦ ᠨᠠᠷᠠᠯᠠᠶᠠ! ᠮᠠᠨ ᠤ᠋ ᠪᠠᠩᠬᠤᠷ ᠲᠠᠢ ᠬᠠᠮᠲᠤ ᠬᠣᠨᠢ ᠪᠠᠨ ᠬᠠᠷᠢᠭᠤᠯᠵᠤ ᠪᠠᠢᠭ! ᠭᠡᠵᠦ ᠭᠣᠶᠣᠲᠠᠯᠠ ᠠᠪᠤ ᠴᠤ᠌ ᠵᠥᠪᠰᠢᠶᠡᠷᠡᠭᠰᠡᠨ᠃
ᠢᠩᠭᠢᠭᠡᠳ ᠪᠢᠳᠡ ᠪᠢᠴᠢᠬᠠᠨ ᠪᠠᠰᠠᠷ ᠢ᠋ ᠪᠡᠨ ᠠᠪᠤᠭᠠᠳ ᠡᠪᠦᠭᠡ ᠡᠮᠡᠭᠡ ᠶ᠋ᠢᠨ ᠳ᠋ᠦ᠍ ᠪᠡᠨ ᠣᠴᠢᠬᠤ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠤᠭᠰᠠᠨ ᠳᠠ! ᠤᠳᠠᠬᠤ ᠦᠭᠡᠢ ᠳᠠᠬᠢᠭᠠᠳ ᠴᠣ ᠰᠢᠨᠡ ᠰᠣᠨᠢᠷᠬᠠᠯᠲᠠᠢ ᠠᠳᠠᠯ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠠᠭᠤᠯᠵᠠᠨᠠ ᠳᠠ᠃
ᠲᠦᠷ ᠪᠠᠶᠠᠷᠲᠠᠢ!
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠮᠥᠴᠢᠷ