ᠶᠢᠰᠦ᠂ ᠠᠮᠢᠨ ᠤ᠋ ᠲᠤᠬᠠᠢ ᠲᠥᠰᠥᠭᠡᠯᠡᠬᠦᠢ-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ3-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
368ᠶᠢᠰᠦ᠂ ᠠᠮᠢᠨ ᠤ᠋ ᠲᠤᠬᠠᠢ ᠲᠥᠰᠥᠭᠡᠯᠡᠬᠦᠢ
ᠡᠷᠲᠡᠨ ᠦ᠌ ᠨᠡᠭᠦᠳᠡᠯᠴᠢᠨ ᠳᠡᠭᠡᠳᠦᠰ ᠮᠠᠨᠢ ᠠᠮᠢ ᠶ᠋ᠢ ᠬᠠᠢᠷᠠᠯᠠᠬᠤᠢ ᠤᠬᠠᠭᠠᠨ ᠳ᠋ᠤ᠌ ᠬᠠᠮᠤᠭ ᠠᠩᠬᠠᠷᠤᠯ ᠢ᠋ᠶ᠋ᠠᠨ ᠬᠠᠨᠳᠤᠭᠤᠯᠵᠤ ᠰᠢᠲᠦᠯᠭᠡ ᠶ᠋ᠢᠨ ᠳᠡᠭᠡᠳᠦ᠂ ᠦᠨᠡᠳᠡᠨ ᠦ᠌ ᠮᠠᠩᠯᠠᠢ ᠳ᠋ᠤ᠌ ᠰᠡᠬᠡᠭᠡᠷᠡᠨ ᠠᠯᠲᠠᠨ ᠡᠷᠳᠡᠨᠢᠰ᠂ ᠠᠯᠳᠠᠷ ᠴᠣᠯᠠ ᠶ᠋ᠢ ᠥᠴᠦᠬᠡᠨ ᠭᠡᠮᠡᠨ ᠳᠣᠣᠷᠠᠰᠢᠶᠠᠵᠤ ᠭᠠᠭᠴᠠ ᠬᠦ᠌ ᠠᠮᠢ ᠶ᠋ᠢ ᠰᠦᠯᠳᠡ ᠪᠢᠯᠢᠭ ᠦ᠋ᠨ ᠣᠷᠣᠢ ᠳ᠋ᠤ᠌ ᠵᠠᠯᠠᠵᠠᠢ᠃ ᠭᠡᠲᠡᠯᠡ ᠪᠢᠳᠡ ᠪᠤᠰᠤᠳ ᠢ᠋ ᠳ᠋ᠡᠭᠡᠨ ᠫᠠᠨᠠᠲ᠋ᠷᠣᠮᠣᠷᠹᠢᠽᠮ᠂ ᠭᠢᠯᠣᠽᠦᠢᠽᠮ᠂ ᠫᠠᠨᠲᠧᠢᠽᠮ᠂ ᠰᠣᠼᠢᠶᠣᠮᠣᠷᠹᠢᠽᠮ᠂ ᠵᠤᠤᠮᠤᠷᠹᠢᠽᠮ᠂ ᠲᠧᠣᠯᠣᠬᠢ᠂ ᠰᡁᠣᠯᠠᠰᠲᠢᠺ᠁ ᠭᠡᠮᠡᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠢᠽᠮ ᠲᠤᠯᠭᠠᠵᠤ ᠳᠡᠭᠡᠳᠦᠰ ᠢ᠋ᠶ᠋ᠡᠨ
ᠵᠡᠷᠯᠢᠭ ᠪᠦᠳᠦᠭᠦᠯᠢᠭ ᠰᠢᠲᠦᠯᠭᠡᠲᠡᠨ ᠨᠦ᠍ᠭᠦᠳ ᠪᠠᠢᠭᠰᠠᠨ ᠮᠡᠲᠦ ᠪᠡᠷ ᠲᠥᠰᠦᠭᠡᠯᠡᠭᠰᠡᠭᠡᠷ ᠪᠠᠢᠬᠤ ᠤᠤ᠂ ᠵᠢᠱ᠌ᠢᠶᠡ ᠨᠢ ᠪᠠᠢᠭᠠᠯᠢ ᠶ᠋ᠢ ᠦᠭᠡᠢᠰᠬᠡᠬᠦ ᠰᠾᠣᠯᠡᠰᠲᠧᠺ ᠬᠠᠨᠳᠤᠯᠭᠠ ᠪᠢᠳᠡᠨ ᠦ᠌ ᠡᠯᠦᠨᠴᠡ
ᠬᠤᠯᠤᠨᠴᠠ ᠨᠠᠷ ᠲᠤ᠌ ᠪᠠᠢᠭᠰᠠᠨ ᠭᠡᠵᠦ ᠤᠤ ᠳᠠ᠃ ᠨᠡᠭᠦᠳᠡᠯᠴᠢᠳ ᠪᠠᠢᠭᠠᠯᠢ ᠳ᠋ᠤ᠌ ᠬᠡᠵᠢᠶᠡ ᠴᠦ᠍(ᠣᠳᠣ ᠴᠤ᠌) ᠰᠦᠷ ᠬᠦᠴᠦ ᠪᠡᠨ ᠦᠵᠡᠭᠦᠯᠵᠦ ᠪᠠᠢᠭᠠ ᠦᠭᠡᠢ ᠪᠢᠯᠡ᠃
ᠠᠮᠢᠨ ᠳ᠋ᠤ᠌ ᠭᠠᠳᠠᠨᠠ ᠶ᠋ᠢᠨ ᠪᠣᠯᠤᠭᠠᠳ ᠥᠪᠡᠷ ᠦ᠋ᠨ ᠮᠤᠩᠬᠠᠭ ᠤᠬᠠᠮᠰᠠᠷ ᠦᠢᠯᠡᠳᠦᠯ ᠪᠦᠬᠦᠨ ᠭᠠᠵᠢ ᠨᠥᠯᠥᠭᠡ ᠲᠡᠢ ᠶ᠋ᠢ ᠲᠠᠨᠢᠨ ᠮᠡᠳᠡᠵᠦ ᠠᠷᠢᠭᠤᠨ ᠢ᠋ ᠨᠣᠮᠯᠠᠵᠤ ᠪᠠᠢᠯᠠ᠃ ᠮᠣᠩᠭᠣᠯᠴᠤᠳ ᠠᠮᠢ ᠴᠥᠪᠳᠥᠭᠡᠬᠦ ᠪᠤᠵᠠᠷ ᠠ᠋ᠴᠠ ᠴᠡᠭᠡᠷᠯᠡᠵᠦ ᠠᠶᠠᠭᠠ ᠲᠠᠢ ᠪᠠᠨ ᠶᠠᠪᠤᠬᠤ ᠵᠠᠩᠰᠢᠯ ᠲᠦᠭᠡᠵᠦ᠂ ᠠᠶᠠᠭᠠ ᠦᠭᠡᠢ ᠪᠣᠯ ᠠᠮᠠᠨ ᠦᠭᠡᠢ ᠲᠡᠢ ᠠᠳᠠᠯᠢ ᠭᠡᠳᠡᠭ ᠪᠠᠢᠪᠠ᠃ ᠲᠡᠷᠡ ᠠᠶᠠᠭᠠ ᠨᠢ ᠭᠣᠶᠣᠮᠰᠣᠭ ᠬᠢᠴᠡ ᠲᠡᠢ ᠮᠥᠩᠭᠥᠯᠡᠭᠰᠡᠨ ᠦᠨᠡᠲᠦ ᠡᠷᠳᠡᠨᠢ ᠪᠠᠢᠬᠤ ᠨᠢ ᠲᠦᠭᠡᠮᠡᠯ᠃ ᠠᠮᠠᠨ ᠳ᠋ᠤ᠌ ᠬᠤᠪᠢ ᠬᠥᠮᠦᠨ ᠦ᠌ ᠡᠪᠡᠳᠴᠢᠨ ᠦ᠌ ᠲᠣᠭᠣᠵᠢ ᠣᠷᠣᠰᠢᠬᠤ ᠲᠤᠯᠠ ᠦᠨᠦᠰᠦᠯᠳᠦᠬᠦ ᠪᠢᠰᠢ ᠦᠨᠦᠷᠯᠡᠬᠦ ᠲᠡᠳᠦᠢ᠂ ᠳᠣᠲᠣᠨᠣ ᠠᠷᠢᠭᠤᠨ ᠶᠣᠰᠣᠨ ᠨᠡᠩ ᠡᠷᠲᠡᠨ ᠦ᠌ ᠤᠯᠠᠮᠵᠢᠯᠠᠯ ᠲᠠᠢ ᠪᠥᠭᠡᠳ ᠬᠣᠶᠠᠷ ᠭᠠᠷ ᠪᠠᠷᠢᠬᠤ ᠪᠤᠰᠤ᠂ ᠪᠡᠶᠡ ᠳ᠋ᠡᠭᠡᠨ ᠦᠯᠦ ᠬᠦᠷᠴᠦ ᠲᠣᠬᠣᠢ ᠲᠣᠰᠣᠨ ᠮᠠᠨᠳᠤᠯᠠᠨ ᠬᠦᠨᠳᠦᠯᠡᠨ ᠵᠣᠯᠭᠠᠬᠤ ᠨᠢ ᠮᠥᠨ ᠯᠡ ᠪᠣᠬᠢᠷ ᠭᠠᠷ ᠤ᠋ᠨ ᠡᠪᠡᠳᠴᠢᠨ ᠡᠴᠡ ᠴᠡᠷᠪᠡᠵᠦ᠂ ᠠᠮᠢ ᠶ᠋ᠢ ᠬᠠᠢᠷᠠᠯᠠᠭᠰᠠᠨ ᠮᠡᠳᠡᠯᠭᠡ ᠵᠠᠩᠰᠢᠯ ᠪᠠᠢᠪᠠ᠃ ᠲᠡᠷᠡ《ᠵᠡᠷᠯᠢᠭ》 ᠬᠥᠮᠦᠰ ᠥᠨᠥ ᠶ᠋ᠢᠨ ᠬᠢ ᠡᠴᠡ ᠴᠦ᠍ ᠢᠯᠡᠭᠦᠦ ᠡᠢᠮᠦ ᠯᠡ ᠰᠣᠶᠣᠯᠴᠢ ᠪᠠᠢᠵᠠᠢ᠃ ᠥᠪᠥᠭᠡᠷ ᠪᠣᠷᠣ ᠭᠡᠷ ᠲᠤ ᠨᠢ ᠬᠡᠭᠡᠷᠡ ᠶ᠋ᠢᠨ ᠴᠡᠴᠡᠭ ᠦ᠋ᠨ ᠦᠨᠦᠷᠲᠦ ᠰᠠᠯᠬᠢᠨ ᠠ᠋ᠴᠠ ᠥᠭᠡᠷᠡ ᠶᠠᠭᠤᠮᠠ ᠬᠦᠷᠳᠡᠭ ᠦᠭᠡᠢ᠂ ᠥᠯᠮᠡᠢ ᠳᠣᠣᠷᠠ ᠬᠢ ᠭᠠᠵᠠᠷ ᠨᠢ ᠥᠨᠥ ᠴᠠᠭ ᠤ᠋ᠨ ᠭᠠᠨᠲᠢᠭ ᠬᠡᠪᠢᠰ ᠮᠡᠲᠦ ᠡᠴᠡ ᠠᠷᠢᠭᠤᠨ ᠪᠠᠢᠯᠠ᠃ ᠡᠨᠡ ᠨᠢ ᠠᠮᠢ ᠭᠡᠳᠡᠭ ᠡᠷᠴᠢᠮᠯᠡᠭ ᠪᠣᠯ ᠶᠠᠭᠤᠮᠠᠰ ᠦᠵᠡᠭᠳᠡᠯ ᠲᠡᠢ ᠮᠥᠩᠬᠡ ᠶ᠋ᠢᠨ ᠹᠢᠽᠢᠺ ᠨᠢᠭᠡᠳᠦᠯ ᠳ᠋ᠦ᠍ ᠣᠷᠣᠵᠤ ᠪᠢᠣᠹᠢᠽᠢᠺᠵᠢᠬᠦ᠂ ᠪᠠᠢᠩᠭᠤ ᠤᠷᠪᠠᠯᠵᠢᠨ ᠡᠭᠦᠰᠬᠡᠵᠦ ᠣᠷᠣᠰᠢᠬᠤ(ᠪᠢᠣᠬᠢᠮᠢᠵᠢᠬᠦ) ᠶᠠᠪᠤᠴᠠ ᠪᠥᠭᠡᠳ ᠡᠨᠡ ᠬᠣᠯᠪᠣᠭᠠᠨ ᠳ᠋ᠤ᠌ ᠬᠤᠪᠢᠰᠤᠭᠴᠢ ᠪᠢᠣᠮᠡᠲᠧᠷᠢ(ᠤᠰᠤ᠂ ᠭᠡᠷᠡᠯ᠂ ᠳᠤᠯᠠᠭᠠᠨ) ᠤ᠋ ᠶᠠᠪᠤᠴᠠ ᠵᠣᠬᠢᠴᠠᠯ ᠪᠣᠯᠬᠤ ᠶ᠋ᠢ ᠣᠢᠯᠠᠭᠠᠭᠰᠠᠨ ᠬᠡᠷᠡᠭ ᠶᠦᠮ᠃ ᠠᠮᠢᠲᠠᠨ ᠭᠡᠳᠡᠭ ᠨᠢ ᠲᠣᠭᠠ ᠦᠭᠡᠢ᠂ ᠬᠢᠵᠠᠭᠠᠷ ᠦᠭᠡᠢ ᠪᠢᠴᠢᠯ ᠠᠮᠢᠨ ᠤ᠋ ᠴᠢᠭᠤᠯᠭᠠ ᠪᠥᠭᠡᠳ ᠠᠮᠢ ᠨᠢ ᠠᠮᠢ ᠪᠠᠷ᠂ ᠪᠡᠶᠡ ᠨᠢ ᠪᠡᠶᠡ ᠪᠡᠷ᠂ ᠣᠶᠤᠨ ᠨᠢ ᠣᠶᠤᠨ ᠢ᠋ᠶ᠋ᠠᠷ ᠲᠡᠵᠢᠭᠡᠭᠳᠡᠨᠡ᠃ ᠲᠡᠷᠡ ᠬᠦ᠌ ᠨᠢᠭᠡᠳᠦᠮᠡᠯ ᠠᠮᠢ ᠬᠥᠳᠡᠯᠭᠡᠭᠡᠨ ᠴᠢᠰᠤᠨ ᠳ᠋ᠤ᠌ ᠣᠷᠣᠰᠢᠬᠤ ᠪᠥᠭᠡᠳ ᠲᠡᠨᠳᠡ ᠭᠠᠳᠠᠨᠠ ᠶ᠋ᠢᠨ ᠮᠢᠺᠷᠣᠪ ᠤ᠋ᠳ ᠲᠠᠢ ᠲᠡᠮᠡᠴᠡᠭᠴᠢ ᠴᠠᠭᠠᠨ ᠡᠰ᠂ ᠬᠦᠴᠢᠯᠲᠦ᠋ᠷᠦᠭᠴᠢ(ᠬᠡᠢ ᠪᠡᠶᠡ) ᠲᠦᠭᠡᠭᠡᠭᠴᠢ ᠤᠯᠠᠭᠠᠨ ᠡᠰ᠂ ᠰᠢᠷᠬᠠ ᠪᠦᠯᠦᠭᠨᠡᠭᠦᠯᠦᠭᠴᠢ(ᠡᠮᠴᠢ ᠭᠡᠮ ᠢ᠋ᠶ᠋ᠡᠷ) ᠲ᠋ᠷᠤᠮᠪᠤᠼᠢᠲ ᠡᠰ᠂ ᠡᠰ ᠰᠢᠷᠬᠠ ᠪᠦᠯᠦᠭᠨᠡᠭᠦᠯᠦᠭᠴᠢ ᠡᠰ᠂ ᠮᠥᠨ ᠤᠭᠤᠷᠠᠭ᠂ ᠠᠮᠢᠳᠤ ᠵᠡᠰ ᠲᠡᠮᠦᠷ ᠬᠦᠷᠲᠡᠯᠡ ᠶᠠᠭᠤ ᠡᠰ ᠦᠭᠡᠢ ᠭᠡᠬᠦ ᠪᠣᠢ? ᠲᠡᠳᠡᠨ ᠡᠴᠡ ᠡᠳᠦᠷ ᠲᠦ᠍ ᠬᠡᠴᠢᠨᠡᠨ ᠨᠢ ᠦᠬᠦᠵᠦ ᠬᠡᠴᠢᠨᠡᠨ ᠨᠢ ᠲᠥᠷᠥᠵᠦ ᠰᠠᠶᠠ ᠰᠠᠶᠠ ᠠᠮᠢᠳᠤᠷᠠᠯ ᠪᠤᠴᠠᠯᠵᠤ ᠪᠠᠢᠳᠠᠭ ᠭᠡᠬᠦ ᠪᠣᠢ? ᠵᠥᠪᠬᠡᠨ ᠠᠮᠠᠨ ᠤ᠋ ᠬᠥᠨᠳᠡᠢ ᠳ᠋ᠦ᠍ ᠭᠡᠬᠦ ᠳ᠋ᠦ᠍ ᠬᠣᠷᠣᠮ ᠪᠦᠷᠢ(ᠮᠢᠨᠦᠬᠢ)250 ᠮᠢᠩᠭᠠᠨ ᠴᠠᠭᠠᠨ ᠡᠰ ᠭᠠᠷᠴᠤ ᠢᠷᠡᠵᠦ ᠭᠠᠳᠠᠨᠠ ᠶ᠋ᠢᠨ ᠮᠢᠺᠷᠣᠪ ᠲᠠᠢ ᠲᠡᠮᠡᠴᠡᠳᠡᠭ ᠭᠡᠬᠦ ᠪᠥᠭᠡᠳ ᠠᠶᠤᠯᠲᠤ《 ᠳ᠋ᠠᠬᠢ》 ᠶ᠋ᠢᠨ ᠨᠢᠶᠠᠨ ᠢ᠋ ᠭᠠᠭᠴᠠ ᠬᠦ᠌ ᠰᠢᠯᠦᠰᠦ ᠤᠰᠠᠳᠬᠠᠳᠠᠭ ᠠᠵᠠᠢ᠃ ᠪᠢᠣᠹᠢᠽᠢᠺ ᠪᠢᠴᠢᠯ ᠬᠣᠷᠸᠠ ᠣᠷᠣᠪᠠᠯᠵᠠᠬᠤ ᠲᠠᠰᠤᠷᠠᠯᠲᠠ ᠦᠭᠡᠢ ᠵᠢᠮᠡ ᠪᠣᠯ ᠠᠮᠢᠳᠤᠷᠠᠯ ᠪᠤᠶᠤ᠃ ᠳᠡᠭᠡᠷᠡ ᠨᠠᠷᠠ᠂ ᠳᠡᠯᠡᠬᠡᠢ ᠳ᠋ᠦ᠍ ᠤᠰᠤ᠂ ᠲᠩᠷᠢ ᠳ᠋ᠦ᠍ ᠠᠭᠠᠷ ᠪᠠᠢᠭᠠ ᠴᠠᠭ ᠲᠤ ᠠᠮᠢ ᠮᠥᠩᠬᠡ ᠣᠷᠣᠰᠢᠮᠤᠢ᠃ ᠠᠮᠢᠰᠬᠤᠯ ᠪᠣᠯ ᠬᠥᠳᠡᠯᠭᠡᠭᠡᠨ(ᠪᠡᠶᠡ ᠶ᠋ᠢᠨ) ᠦ᠌ ᠡᠬᠢ ᠲᠡᠳᠦᠢ ᠦᠭᠡᠢ ᠠᠮᠢᠨ ᠤ᠋ ᠢᠵᠠᠭᠤᠷ ᠮᠥᠨ ᠴᠢᠨᠠᠷ ᠨᠢ ᠶᠦᠮ᠃ ᠰᠠᠭᠠᠳ ᠢ᠋ ᠲᠤᠭᠤᠯᠵᠤ ᠬᠥᠳᠡᠯᠭᠡᠭᠡᠨ ᠦ᠌ ᠪᠣᠯᠣᠯᠴᠠᠭᠠᠨ ᠠ᠋ᠴᠠ ᠮᠡᠳᠡᠷᠡᠮᠵᠢ ᠤᠯᠠᠮ ᠢ᠋ᠶ᠋ᠠᠷ ᠤᠬᠠᠮᠰᠠᠷ ᠬᠥᠭᠵᠢᠭᠰᠡᠨ ᠪᠥᠭᠡᠳ ᠡᠨᠡ ᠨᠢ ᠠᠮᠢᠨ ᠤ᠋ ᠳᠠᠷᠠᠭᠠ ᠡᠭᠦᠰᠦᠭᠰᠡᠨ ᠭᠡᠰᠡᠨ ᠰᠠᠨᠠᠭᠠ ᠪᠢᠰᠢ ᠶᠦᠮ᠃ ᠠᠮᠢ ᠪᠦᠬᠦᠨ ᠳ᠋ᠦ᠍ ᠡᠰᠡᠷᠭᠦ ᠠᠮᠢ᠂ ᠡᠶᠡᠷᠭᠦ ᠠᠮᠢ ᠪᠣᠢ᠃ ᠡᠢᠮᠦ ᠡᠴᠡ ᠮᠣᠩᠭᠣᠯᠴᠤᠳ ᠪᠤᠯᠠᠭ ᠤ᠋ᠨ ᠤᠰᠤ ᠪᠤᠵᠠᠷᠳᠠᠨᠠ ᠭᠡᠮᠡᠨ ᠠᠷᠢᠭᠤᠨ ᠤ᠋ ᠳᠡᠭᠡᠳᠦ ᠴᠠᠭᠠᠨ ᠰᠦ ᠴᠦ᠍ ᠦᠯᠦ ᠳᠤᠰᠠᠭᠠᠬᠤ᠂ ᠲᠩᠷᠢ ᠪᠣᠬᠢᠷᠳᠠᠨᠠ ᠭᠡᠮᠡᠨ ᠠᠷᠭᠠᠯ ᠲᠦᠯᠡᠰᠢᠨ ᠦ᠌ ᠠᠷᠢᠭᠤᠨ ᠠ᠋ᠴᠠ ᠥᠭᠡᠷᠡ ᠶᠠᠭᠤᠮᠠ ᠭᠠᠯ ᠳ᠋ᠤ᠌ ᠣᠷᠣᠬᠤ ᠠ᠋ᠴᠠ ᠣᠳᠣ ᠴᠤ᠌ ᠰᠡᠷᠡᠮᠵᠢᠯᠡᠵᠦ ᠬᠡᠩᠰᠢᠭᠦᠦ ᠬᠢᠷᠪᠤᠰᠤ ᠭᠠᠷᠭᠠᠬᠤ ᠶ᠋ᠢ ᠴᠡᠭᠡᠷᠯᠡᠳᠡᠭ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠵᠠᠢ᠃ ᠭᠠᠯ ᠪᠣᠯ ᠠᠮᠢᠨ ᠤ᠋ ᠰᠦᠯᠳᠡ ᠭᠡᠮᠡᠨ ᠡᠮᠦᠨᠡ ᠶᠠᠷᠢᠭᠰᠠᠨ ᠪᠢᠯᠡ᠃ ᠠᠮᠢ ᠭᠡᠲᠡᠯᠡ ᠰᠢᠩᠭᠡᠨ ᠪᠡᠶᠡ ᠲᠡᠢ᠃ ᠠᠮᠢ ᠪᠠᠰᠠ ᠬᠡᠢ ᠪᠡᠶᠡ ᠲᠡᠢ᠃《ᠶᠡᠬᠡ ᠵᠠᠰᠠᠭ ᠬᠠᠤᠯᠢᠨ ᠳ᠋ᠤ᠌《ᠭᠠᠯ ᠳ᠋ᠤ᠌ ᠬᠢᠲᠤᠭᠠ ᠲᠥᠷᠥᠬᠦ ᠪᠤᠶᠤ᠁ ᠭᠠᠯ ᠤ᠋ᠨ ᠬᠠᠵᠠᠭᠤ ᠳ᠋ᠤ᠌ ᠰᠦᠬᠡ ᠪᠡᠷ ᠲᠦᠯᠡᠭᠡ ᠬᠠᠭᠠᠯᠵᠤ ᠪᠣᠯᠬᠤ ᠦᠭᠡᠢ》 ᠭᠡᠮᠡᠨ ᠵᠢᠭᠠᠭᠰᠠᠨ ᠨᠢ 《ᠭᠠᠯ》 ᠠᠮᠢᠨ ᠤ᠋ ᠲᠣᠯᠣᠭᠠᠢ ᠳ᠋ᠤ᠌ ᠬᠠᠯᠳᠠᠭᠰᠠᠨ ᠬᠡᠷᠡᠭ ᠠᠵᠠᠢ᠃ ᠤᠭ ᠬᠠᠤᠯᠢ ᠪᠠᠷ《ᠤᠰᠤ ᠪᠤᠶᠤ ᠦᠨᠡᠰᠦᠨ ᠳ᠋ᠦ᠍ ᠰᠢᠭᠡᠭᠴᠢᠳ ᠢ᠋ ᠴᠠᠭᠠᠵᠠ ᠪᠠᠷ ᠠᠪᠠᠴᠢᠨᠠ(ᠶᠠᠯᠠᠯᠠᠨᠠ)》 ᠭᠡᠵᠦ ᠵᠢᠭᠠᠭᠰᠠᠨ ᠪᠠᠢᠳᠠᠭ ᠨᠢ ᠭᠠᠯ ᠰᠢᠲᠦᠭᠡᠨ ᠦ᠌ ᠮᠥᠩᠬᠡ ᠪᠤᠰᠤ ᠶ᠋ᠢ ᠦᠵᠡᠭᠰᠡᠨ ᠪᠡᠶᠡ ᠦᠨᠡᠰᠦ ᠶ᠋ᠢ ᠬᠦᠨᠳᠦᠯᠡᠵᠦ ᠪᠠᠢᠭᠠ ᠨᠢ ᠲᠡᠷᠡ ᠪᠥᠭᠡᠳ ᠵᠠᠯᠠᠬᠤ ᠭᠠᠵᠠᠷ ᠨᠢ ᠴᠦ᠍ ᠵᠦᠭ ᠲᠡᠢ᠂ ᠲᠡᠭᠦᠨ ᠢ᠋ ᠨᠢ ᠪᠤᠬᠠ ᠵᠢᠭᠠᠵᠤ ᠥᠭᠳᠡᠭ ᠪᠠᠢᠵᠠᠢ᠃ ᠡᠢᠮᠦ ᠡᠴᠡ ᠪᠤᠬᠠ ᠶ᠋ᠢᠨ ᠬᠦᠨᠳᠦᠯᠡᠯ ᠲᠣᠲᠧᠮ ᠪᠡᠯᠭᠡᠳᠡᠯ ᠳᠡᠯᠭᠡᠷᠡᠵᠡᠢ᠃ ᠰᠠᠭᠠᠭᠯᠠᠵᠤ ᠣᠷᠣᠮᠳᠠᠭᠰᠠᠨ ᠪᠤᠬᠠ ᠶ᠋ᠢᠨ ᠤᠬᠤᠭᠰᠠᠨ ᠨᠦᠬᠡ ᠶ᠋ᠢ ᠦᠨᠡᠰᠦ ᠪᠡᠷ ᠳᠦᠭᠦᠷᠭᠡᠳᠡᠭ ᠨᠢ ᠨᠢᠭᠡ ᠲᠠᠯᠠ ᠳ᠋ᠠᠭᠠᠨ ᠪᠣᠷᠳᠣᠵᠤ ᠳᠡᠯᠡᠬᠡᠢ ᠶ᠋ᠢᠨ ᠰᠢᠷᠬᠠ ᠶ᠋ᠢ ᠳᠣᠮᠨᠠᠵᠣ ᠪᠣᠢ ᠦᠢᠯᠡ ᠶᠤᠮᠰᠠᠨᠵᠠᠢ᠃《ᠭᠠᠯ》 ᠪᠣᠯ ᠮᠣᠩᠭᠣᠯ ᠠᠢᠯ ᠤ᠋ᠨ ᠰᠢᠲᠦᠭᠡᠨ ᠨᠢ ᠪᠥᠭᠡᠳ ᠪᠣᠳ᠋ᠳ᠋ᡁᠠ ᠶ᠋ᠢᠨ ᠲᠠᠬᠢᠯ ᠪᠣᠯ ᠬᠣᠵᠢᠭᠤ ᠦᠶᠡ ᠶ᠋ᠢᠨ ᠵᠠᠩᠰᠢᠯ ᠪᠣᠯᠤᠨᠠ᠃ ᠰᠢᠨᠡ ᠪᠡᠷᠢ ᠠᠪᠴᠢᠷᠠᠵᠤ ᠬᠤᠷᠢᠮ ᠨᠠᠢᠷ ᠡᠬᠢᠯᠡᠬᠦ ᠳ᠋ᠦ᠍ ᠪᠡᠷᠢ ᠶᠠᠭᠤᠨ ᠤ᠋ ᠡᠮᠦᠨᠡ ᠭᠠᠯ ᠳ᠋ᠤ᠌ ᠮᠥᠷᠭᠥᠵᠦ ᠳᠡᠭᠡᠵᠢ ᠡᠷᠭᠦᠳᠡᠭ ᠪᠢᠯᠡ᠃《ᠶᠡᠬᠡ ᠵᠠᠰᠠᠭ ᠬᠠᠤᠯᠢ》 ᠪᠠᠷ ᠪᠣᠯ ᠭᠠᠯ ᠳᠡᠭᠡᠭᠦᠷ ᠭᠠᠷᠤᠭᠰᠠᠨ ᠬᠥᠮᠦᠨ ᠢ᠋ ᠴᠠᠭᠠᠵᠠ ᠪᠠᠷ ᠠᠪᠳᠠᠭ ᠪᠠᠢᠨᠠ᠃ ᠤᠭ ᠬᠠᠤᠯᠢ ᠬᠠᠩᠭᠠᠢ ᠳᠡᠯᠡᠬᠡᠢ ᠶ᠋ᠢᠨ ᠦᠨᠳᠦᠰᠦ ᠲᠡᠢ ᠪᠦᠬᠦᠨ ᠢ᠋ ᠬᠢᠮᠠᠭᠠᠳᠠᠨ᠂ ᠦᠷᠡ ᠲᠡᠢ ᠪᠦᠬᠦᠨ ᠢ᠋ ᠬᠠᠢᠷᠠᠯᠠᠬᠤ ᠬᠡᠰᠢᠭ ᠪᠤᠶᠠᠨ ᠤ᠋ ᠨᠠᠷᠢᠨ ᠲᠢᠭ ᠲᠣᠭᠲᠠᠭᠠᠭᠰᠠᠨ ᠨᠢ ᠥᠨᠥ ᠴᠦ᠍ ᠮᠥᠷᠳᠡᠭᠰᠡᠭᠡᠷ᠃ ᠲᠥᠯᠯᠡᠯᠲᠡ ᠶ᠋ᠢᠨ ᠪᠤᠶᠤ ᠬᠡᠭᠡᠯᠢ ᠬᠦᠨᠳᠦᠷᠡᠭᠰᠡᠨ ᠦᠶᠡ ᠳ᠋ᠦ᠍ ᠨᠢ ᠶᠠᠮᠠᠷ ᠴᠤ᠌ ᠠᠪᠠ( ᠴᠢᠨᠣᠠ) ᠶ᠋ᠢ ᠠᠯᠠᠳᠠᠭ ᠦᠭᠡᠢ᠂ ᠦᠷᠡ ᠲᠥᠯ ᠳ᠋ᠦ᠍ ᠨᠢ ᠬᠠᠯᠳᠠᠳᠠᠭ ᠦᠭᠡᠢ ᠵᠠᠩᠰᠢᠯ ᠥᠨᠥᠳᠥᠷ ᠯᠡ ᠵᠢᠭᠠᠬᠠᠨ ᠬᠠᠵᠠᠢᠬᠤ ᠪᠣᠯᠵᠠᠢ᠃ ᠲᠠᠬᠢᠯᠭᠠ ᠰᠢᠲᠦᠯᠭᠡ ᠰᠦᠰᠦᠭ ᠪᠢᠰᠢᠷᠡᠯ᠂ ᠪᠡᠯᠭᠡ ᠰᠦᠯᠳᠡ ᠪᠦᠬᠦᠨ ᠮᠠᠨᠢ ᠮᠤᠬᠤᠷ ᠰᠦᠰᠦᠭ ᠲᠦ᠍ ᠪᠢᠰᠢ ᠠᠮᠢᠨ ᠤ᠋ ᠲᠤᠯᠠ᠂ ᠬᠣᠷᠸᠠ ᠶ᠋ᠢᠨ ᠤᠳᠬᠠ ᠤᠴᠢᠷ᠂ ᠶᠢᠷᠲᠢᠨᠴᠦ ᠶ᠋ᠢᠨ ᠪᠦᠬᠦ ᠶᠠᠭᠤᠮᠠᠰ ᠦᠵᠡᠭᠳᠡᠯ ᠦ᠋ᠨ ᠰᠢᠯᠲᠠᠭᠠᠨ ᠠᠮᠢᠨ ᠤ᠋ ᠤᠴᠢᠷ ᠢ᠋ ᠨᠡᠭᠡᠭᠡᠭᠰᠡᠨ ᠭᠠᠢᠬᠠᠮᠰᠢᠭ ᠠ᠋᠃ ᠥᠨᠥᠳᠥᠷ ᠡᠨᠡ ᠦᠵᠡᠯ ᠰᠢᠭ ᠢᠷᠭᠡᠨ ᠪᠦᠷᠢ ᠳ᠋ᠦ᠍ ᠲᠦᠭᠡᠵᠦ ᠶᠣᠰᠣ ᠵᠠᠩᠰᠢᠯ ᠬᠠᠤᠯᠢ ᠳᠦᠷᠢᠮ᠂ ᠠᠮᠢᠳᠤᠷᠠᠯ ᠪᠣᠯᠵᠤ ᠬᠡᠪᠰᠢᠭᠰᠡᠨ ᠣᠨᠣᠯ ᠰᠤᠷᠭᠠᠯ ᠳᠡᠯᠡᠬᠡᠢ ᠶ᠋ᠢᠨ ᠬᠠᠮᠢᠭᠠᠨ ᠴᠤ᠌ ᠪᠠᠢᠬᠤ ᠦᠭᠡᠢ ᠯᠡ ᠪᠣᠯᠪᠠ ᠤᠤ ᠳᠠ᠃ ᠴᠢᠯᠠᠭᠤ ᠪᠦᠬᠦᠨ ᠤᠰᠤ ᠲᠠᠢ᠃᠃ ᠤᠰᠤ ᠲᠠᠢ ᠤᠴᠢᠷ ᠠᠮᠢ ᠲᠠᠢ᠃ ᠲᠡᠢᠮᠦ ᠶ᠋ᠢᠨ ᠲᠤᠯᠠ ᠭᠤᠷᠪᠠᠯ ᠴᠢᠯᠠᠭᠤ ᠭᠣᠯᠣᠮᠲᠠ ᠶ᠋ᠢᠨ ᠳᠣᠣᠷᠠ ᠲᠤᠯᠳᠠᠭ ᠪᠥᠭᠡᠳ ᠠᠯᠤᠰ ᠬᠣᠯᠠ ᠳ᠋ᠤ᠌ ᠵᠣᠷᠢᠬᠤ ᠳ᠋ᠠᠭᠠᠨ ᠨᠤᠲᠤᠭ ᠤ᠋ᠨ ᠭᠤᠷᠪᠠᠯ ᠴᠢᠯᠠᠭᠤ ᠶ᠋ᠢ ᠭᠤᠷᠪᠠᠨ ᠡᠷᠳᠡᠨᠢ ᠭᠤᠷᠪᠠᠯ ᠤᠬᠠᠭᠠᠨ ᠤ᠋ ᠪᠡᠯᠭᠡᠳᠡᠯ ᠪᠣᠯᠭᠠᠨ ᠠᠪᠴᠤ ᠶᠠᠪᠤᠳᠠᠭ ᠤᠴᠢᠷ ᠲᠠᠢ᠃ ᠤᠰᠤᠨ ᠤ᠋ ᠭᠤᠷᠪᠠᠨ ᠲᠥᠯᠥᠪ ᠢ᠋ ᠬᠦᠨᠡᠰᠦᠨ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠪᠠᠢᠪᠠ᠃ ᠠᠳᠤᠭᠤᠨ ᠤ᠋ ᠬᠥᠯᠳᠡᠭᠡᠵᠦ ᠵᠦᠰᠦᠭᠰᠡᠨ ᠡᠯᠢᠭᠡ ᠢᠳᠡᠬᠦ᠂ ᠬᠡᠦᠬᠡᠳ ᠲᠡᠭᠡᠨ ᠥᠯᠥᠨ ᠡᠯᠢᠭᠡᠨ ᠳᠡᠭᠡᠷᠡ ᠨᠢ ᠬᠥᠯᠳᠡᠭᠦᠦ ᠰᠦ᠂ ᠠᠭᠠᠷᠴᠠ᠂ ᠮᠥᠰᠥ ᠢᠳᠡᠭᠦᠯᠬᠦ ᠶᠣᠰᠣ ᠶᠠᠭᠤ ᠶ᠋ᠢ ᠬᠡᠯᠡᠨᠡ ᠪᠣᠢ? ᠪᠠᠰᠠ ᠪᠦᠯᠢᠶᠡᠨ ᠴᠢᠰᠤ ᠶ᠋ᠢ ᠠᠮᠢᠨ ᠤ᠋ ᠨᠡᠩ ᠴᠢᠬᠤᠯᠠ ᠬᠡᠷᠡᠭᠴᠡᠭᠡ ᠭᠡᠵᠦ ᠪᠤᠭᠤ ᠶ᠋ᠢᠨ ᠴᠢᠰᠤ ᠤᠤᠭᠤᠳᠠᠭ᠂ ᠡᠨᠡᠴᠢᠯᠡᠨ ᠪᠦᠯᠢᠶᠡᠨ ᠰᠤᠳᠠᠰᠤ᠂ ᠬᠠᠯᠠᠭᠤᠨ ᠰᠡᠪᠡᠰᠦ᠁ ᠣᠯᠠᠨ ᠢ᠋ ᠲᠣᠭᠠᠴᠢᠵᠤ ᠪᠣᠯᠤᠨᠠ᠃ ᠤᠰᠤ ᠪᠤᠶᠤ ᠯᠤᠤᠰ ᠢ᠋ ᠬᠦᠨᠳᠦᠯᠡᠭᠰᠡᠨ ᠰᠢᠲᠦᠭᠡᠨ ᠨᠢ ᠣᠪᠣᠭᠠ ᠶᠤᠮ᠃ ᠲᠩᠷᠢ ᠠᠭᠠᠷ ᠤ᠋ᠨ ᠰᠢᠲᠦᠭᠡᠨ ᠨᠢ ᠮᠥᠷᠭᠥᠯ ᠰᠢᠪᠰᠢᠯᠭᠡ ᠵᠠᠯᠪᠠᠷᠢᠯ ᠶᠤᠮ᠃ ᠭᠠᠯ ᠳ᠋ᠤ᠌ ᠡᠨᠡ ᠭᠤᠷᠪᠠ ᠴᠣᠭᠴᠠᠯᠠᠵᠠᠢ᠃ ᠤᠰᠤ ᠭᠡᠷᠡᠯ ᠠᠭᠠᠷ ᠭᠤᠷᠪᠠ ᠶ᠋ᠢᠨ ᠠᠯᠢ ᠨᠢᠭᠡ ᠳᠤᠲᠠᠭᠳᠠᠯ ᠤ᠋ᠨ ᠡᠰᠡᠬᠦᠯᠡ ᠢᠯᠡᠭᠦᠳᠡᠯ ᠲᠡᠢ᠂ ᠠᠮᠢᠨ ᠡᠷᠴᠢᠮ ᠰᠤᠯᠠ᠂ ᠵᠣᠬᠢᠴᠠᠯᠳᠤᠭᠠ ᠦᠭᠡᠢ ᠨᠥᠬᠥᠴᠡᠯ ᠳ᠋ᠦ᠍ ᠬᠣᠣᠷᠲᠠᠢ ᠭᠠᠵᠢᠭ ᠢᠰᠦᠯ ᠬᠦᠴᠢᠯ ᠴᠣᠭᠣᠯᠵᠤ ᠴᠢᠰᠤᠨ ᠤ᠋ ᠭᠠᠯ ᠠᠮᠢᠨ ᠳ᠋ᠤ᠌ ᠨᠥᠯᠥᠭᠡᠯᠡᠬᠦ ᠦᠭᠡᠢ ᠡᠨᠡ ᠠᠭᠤᠯᠭᠠ ᠡᠭᠦᠰᠦᠯ ᠬᠡᠯᠪᠡᠷᠢ ᠪᠡᠨ ᠲᠣᠳᠣᠷᠬᠠᠢᠯᠠᠵᠤ᠂ ᠡᠨᠡ ᠬᠦ᠌ ᠠᠭᠤᠯᠭᠠ ᠬᠡᠯᠪᠡᠷᠢ ᠶ᠋ᠢᠨ ᠶᠠᠪᠤᠴᠠ ᠦᠷᠡ ᠴᠢᠳᠠᠪᠤᠷᠢ ᠪᠠᠨ ᠢᠯᠡᠷᠬᠡᠢᠯᠡᠨᠡ᠃ ᠡᠨᠳᠡ ᠡᠴᠡ ᠨᠠᠰᠤ ᠭᠡᠳᠡᠭ ᠹᠢᠽᠢᠺ ᠴᠢᠨᠠᠷ ᠪᠣᠯᠤᠮᠵᠢ ᠨᠥᠬᠥᠴᠡᠯ ᠢ᠋ᠶ᠋ᠡᠨ ᠣᠯᠤᠮᠤᠢ᠃ ᠨᠠᠰᠤ ᠪᠣᠯ ᠤᠷᠪᠠᠯᠵᠠᠬᠤ ᠶᠠᠪᠤᠴᠠ ᠶ᠋ᠢᠨ ᠲᠠᠰᠤᠯᠳᠠᠯ᠂ ᠣᠷᠴᠢᠯᠠᠩ ᠬᠣᠷᠸᠠ ᠶ᠋ᠢᠨ ᠤᠶᠠᠯᠳᠤᠭᠠ ᠨᠥᠯᠥᠭᠡᠯᠡᠯ᠂ ᠰᠡᠳᠬᠢᠯ ᠤᠬᠠᠮᠰᠠᠷ ᠪᠣᠳᠠᠲᠤ ᠪᠠᠢᠳᠠᠯ ᠤ᠋ᠨ ᠦᠢᠯᠡᠴᠢᠯᠡᠯ ᠲᠡᠢ ᠬᠠᠮᠢᠶᠠᠷᠤᠯ ᠲᠠᠢ ᠪᠥᠭᠡᠳ ᠡᠨᠡ ᠲᠣᠭᠠᠴᠠᠭᠠ ᠨᠢ ᠵᠢᠮᠡ ᠵᠠᠶᠠᠭᠠᠭᠰᠠᠨ ᠲᠠᠪᠢᠯᠠᠩ ᠨᠢ ᠪᠣᠯᠤᠨᠠ᠃ ᠪᠦᠬᠦ ᠲᠥᠷᠥᠯ ᠵᠦᠢᠯ ᠦ᠋ᠨ ᠠᠮᠢ ᠨᠡᠢᠲᠡᠯᠢᠭ ᠬᠠᠤᠯᠢᠨ ᠳ᠋ᠤ᠌ ᠵᠠᠬᠢᠷᠤᠭᠳᠠᠳᠠᠭ ᠪᠥᠭᠡᠳ ᠲᠡᠷᠡ ᠨᠢ 1. ᠡᠭᠦᠰᠦᠯ᠂ ᠥᠷᠨᠢᠯ᠂ ᠲᠡᠭᠦᠰᠦᠯ᠃ 2. ᠬᠣᠭᠣᠯᠠᠯᠠᠬᠤ᠂ ᠨᠣᠢᠷᠰᠤᠬᠤ᠂ ᠦᠷᠡᠵᠢᠬᠦ᠃ 3. ᠵᠣᠷᠢᠯᠭᠠ᠂ ᠬᠢᠨᠠᠯᠲᠠ᠂ ᠬᠡᠷᠡᠭᠵᠢᠭᠦᠯᠦᠯᠲᠡ ᠪᠣᠯᠤᠨᠠ᠃ ᠣᠶᠤᠨ ᠤᠬᠠᠭᠠᠨᠲᠤ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠦ᠋ᠨ ᠲᠤᠬᠠᠢ ᠳ᠋ᠤ᠌ ᠬᠣᠭᠣᠯᠠᠯᠠᠬᠤ᠂ ᠬᠤᠪᠴᠠᠰᠤᠯᠠᠬᠤ᠂ ᠣᠷᠣᠩᠨᠠᠬᠤ ᠢᠵᠠᠭᠤᠷ ᠭᠤᠷᠪᠠᠨ ᠡᠷᠬᠡ ᠠᠰᠢᠭ ᠪᠣᠢ᠃ ᠲᠡᠭᠦᠨ ᠳ᠋ᠦ᠍ ᠰᠢᠯᠲᠠᠭᠠᠨ᠂ ᠨᠥᠬᠥᠴᠡᠯ ᠪᠣᠯᠤᠮᠵᠢ ᠬᠠᠷᠢᠴᠠᠩᠭᠤᠢ ᠶ᠋ᠢᠨ ᠶᠡᠬᠡ ᠵᠥᠷᠢᠴᠡᠯ ᠡᠭᠦᠰᠬᠡᠨᠡ᠃ ᠨᠥᠭᠦᠭᠡ ᠲᠠᠯᠠ ᠪᠠᠷ ᠲᠡᠮᠡᠭᠡᠨ ᠦ᠌ ᠪᠦᠬᠦ ᠨᠢᠷᠤᠭᠤᠨ ᠳ᠋ᠠᠭᠠᠨ᠂ ᠴᠠᠷᠴᠠᠭᠠᠨ ᠤ᠋ ᠰᠣᠨᠣᠰᠬᠠᠯ ᠬᠥᠯ ᠳ᠋ᠡᠭᠡᠨ᠂ ᠬᠥᠮᠦᠨ ᠦ᠌ ᠠᠪᠢᠶᠠᠰ ᠬᠠᠷᠢᠴᠠᠩᠭᠤᠢ ᠨᠢ ᠹᠢᠽᠢᠣᠯᠣᠭᠢ ᠶ᠋ᠢᠨ ᠥᠪᠡᠷᠮᠢᠴᠡ ᠲᠠᠯᠠ ᠣᠷᠣᠨ ᠵᠠᠢ᠂ ᠴᠠᠭ ᠬᠤᠭᠤᠴᠠᠭᠠ᠂ ᠤᠴᠢᠷ ᠲᠠᠪᠢᠯᠠᠩ ᠤ᠋ᠨ ᠡᠷᠬᠡ ᠶᠦᠮ᠃ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠢᠳᠡᠪᠬᠢᠵᠢᠯ ᠨᠥᠯᠥᠭᠡ ᠪᠡᠷ ᠭᠡᠷᠡᠯ— ᠨᠢᠳᠦ ᠶ᠋ᠢ᠂ ᠬᠦᠴᠢᠯᠲᠦ᠋ᠷᠦᠭᠴᠢ— ᠰᠣᠨᠣᠰᠬᠠᠯ ᠢ᠋᠂ ᠤᠰᠤ— ᠲᠡᠩᠴᠡᠪᠦᠷᠢ ᠶ᠋ᠢᠨ ᠭᠠᠢᠬᠠᠮᠰᠢᠭ ᠢ᠋ ᠴᠣᠭᠴᠠᠯᠠᠵᠤ ᠡᠯᠡ ᠭᠤᠷᠪᠠᠨ ᠮᠡᠳᠡᠷᠡᠮᠵᠢ ᠶ᠋ᠢ ᠬᠦᠯᠢᠶᠡᠨ ᠠᠪᠬᠤ᠂ ᠲᠣᠭᠠᠴᠢᠬᠤ᠂ ᠬᠠᠳᠠᠭᠠᠯᠠᠬᠤ ᠰᠠᠩ ᠱᠠᠭᠠᠷᠳᠠᠭᠳᠠᠬᠤ ᠶ᠋ᠢᠨ ᠭᠡᠮ ᠢ᠋ᠶ᠋ᠡᠷ ᠲᠠᠷᠢᠬᠢ ᠪᠠᠶᠠᠵᠢᠭᠰᠠᠨ ᠵᠡᠷᠭᠡ ᠪᠡᠷ ᠪᠡᠶᠡ ᠶ᠋ᠢᠨ ᠡᠷᠬᠡᠲᠡᠨ ᠨᠦ᠍ᠭᠦᠳ ᠴᠣᠭᠴᠠᠯᠠᠳᠠᠭ ᠪᠣᠯᠪᠠ ᠤᠤ᠃ ᠡᠨᠡ ᠬᠦ᠌ ᠠᠮᠢᠨ ᠦᠢᠯᠡ ᠶᠠᠪᠤᠴᠠ ᠶ᠋ᠢᠨ ᠵᠢᠷᠦᠬᠡ᠂ ᠠᠭᠤᠰᠬᠢ᠂ ᠬᠣᠳᠣᠭᠣᠳᠣ᠁ ᠭᠡᠬᠦ ᠮᠡᠲᠦ ᠬᠡᠮᠨᠡᠯᠲᠡ ᠡᠷᠬᠡᠲᠡᠨ ᠨᠦ᠍ᠭᠦᠳ ᠪᠦᠷᠢᠯᠳᠦᠵᠦ ᠬᠣᠭᠣᠯᠠᠯᠠᠬᠤ— ᠪᠣᠯᠪᠠᠰᠤᠷᠠᠭᠤᠯᠬᠤ— ᠢᠯᠭᠠᠷᠠᠭᠤᠯᠬᠤ ᠵᠡᠷᠭᠡ ᠪᠡᠷ ᠠᠮᠢᠳᠤᠷᠠᠯ᠂ ᠬᠡᠷᠡᠭᠴᠡᠭᠡ᠂ ᠬᠡᠷᠡᠭᠯᠡᠭᠡ ᠨᠢ ᠬᠥᠭᠵᠢᠯ ᠢ᠋ ᠲᠣᠳᠣᠷᠬᠠᠢᠯᠠᠪᠠ ᠤᠤ ᠭᠡᠮᠡᠨ ᠰᠠᠨᠠᠨᠠ᠃ ᠣᠶᠤᠨ ᠮᠡᠳᠡᠯᠭᠡ ᠶ᠋ᠢᠨ ᠥᠨᠥ ᠶ᠋ᠢᠨ ᠲᠦᠪᠰᠢᠨ《ᠠᠮᠢ》 ᠶ᠋ᠢ ᠡᠢᠨ ᠬᠦ᠌ ᠲᠠᠭᠠᠮᠠᠭᠯᠠᠨᠠ᠂ ᠭᠠᠳᠠᠷᠯᠠᠨᠠ᠂ ᠬᠥᠭᠵᠢᠬᠦ᠂ ᠳᠡᠪᠵᠢᠬᠦ ᠪᠣᠯᠤᠯᠴᠠᠭᠠ ᠨᠢ《ᠠᠮᠢ》 ᠶ᠋ᠢ ᠬᠠᠢᠬᠤᠷᠤᠭᠠ ᠦᠭᠡᠢ ᠲᠤᠯᠠ ᠬᠠᠭᠠᠭᠳᠠᠮᠠᠯ᠃
ᠶᠠᠭᠠᠬᠢᠭᠠᠳ ᠪᠢᠳᠡᠨ ᠢ᠋ ᠦᠬᠦᠭᠰᠡᠨ ᠭᠡᠳ ᠣᠷᠣᠰᠢᠭᠤᠯᠤᠭᠰᠠᠨ ᠬᠥᠮᠦᠨ ᠦᠰᠦ᠂ ᠬᠢᠮᠤᠰᠤ ᠤᠷᠭᠤᠵᠤ ᠠᠮᠢᠳᠤ ᠶ᠋ᠢᠨ ᠥᠰᠦᠯᠲᠡ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠢᠳᠠᠭ ᠶᠤᠮ ᠪᠣᠢ? ᠠᠮᠢᠨ ᠤ᠋ ᠦᠯᠡᠳᠡᠭᠳᠡᠯ ᠪᠠᠢᠭᠰᠠᠭᠠᠷ ᠪᠠᠢᠭᠠ ᠨᠢ ᠲᠡᠷᠡ ᠪᠢᠰᠢ ᠤᠤ? ᠨᠥᠭᠥᠭᠡᠳᠦᠷ ᠦ᠋ᠨ ᠣᠷᠴᠢᠨ ᠦᠶᠡ ᠶ᠋ᠢᠨ ᠠᠢᠯ《ᠫᠯᠧᠲ᠋ᠢᠺ》① ᠢ᠋ᠶ᠋ᠡᠨ ᠰᠢᠲᠦᠵᠦ ᠪᠣᠯᠬᠤ ᠤᠤ? ᠡᠷᠴᠢᠮ ᠬᠦᠴᠦᠨ ᠦ᠌ ᠬᠥᠭᠵᠢᠯ ᠴᠠᠭᠠᠰᠢᠳᠠ ᠪᠠᠨ《ᠭᠠᠯ》 ᠰᠢᠲᠦᠭᠡᠨ ᠢ᠋ ᠤᠯᠠᠮ ᠪᠦᠷ ᠮᠠᠷᠲᠠᠭᠤᠯᠬᠤ ᠤᠤ? ᠦᠨᠡᠨ ᠳ᠋ᠡᠭᠡᠨ ᠣᠷᠴᠢᠨ ᠦᠶᠡ ᠶ᠋ᠢᠨ ᠲᠣᠬᠢᠯᠢᠭ ᠪᠠᠢᠷᠢ ᠲᠠᠢ᠂ ᠭᠠᠯ ᠭᠣᠯᠣᠮᠲᠠ ᠲᠠᠢ ᠠᠢᠯ ᠪᠡᠷᠢ ᠪᠡᠨ ᠶᠠᠭᠤᠨ ᠳ᠋ᠠᠭᠠᠨ ᠮᠥᠷᠭᠥᠭᠦᠯᠬᠦ ᠶᠦᠮ ᠪᠣᠢ? ᠭᠠᠯ ᠭᠣᠯᠣᠮᠲᠠ ᠦᠭᠡᠢ ᠠᠢᠯ ᠤ᠋ᠳ ᠤ᠋ᠨ ᠪᠤᠵᠠᠷ ᠶᠠᠭᠠᠬᠢᠵᠤ ᠠᠷᠢᠭᠤᠳᠬᠤ ᠶᠤᠮ ᠪᠣᠢ? ᠰᠠᠯᠬᠢᠪᠴᠢ ᠪᠠᠨ ᠨᠡᠭᠡᠭᠡᠭᠡᠳ ᠠᠷᠢᠭᠤᠳᠬᠤ ᠤᠤ? ᠬᠠᠮᠤᠭ ᠤ᠋ᠨ ᠤᠯᠠᠮᠵᠢᠯᠠᠭᠤᠰᠢᠲᠠᠢ ᠨᠢ ᠵᠤᠯᠠ ᠶᠤᠮ ᠳᠠ᠃ ᠲᠡᠷᠡ ᠨᠢ ᠲᠣᠰᠣᠨ ᠪᠠᠢᠨᠠ ᠤᠤ᠂ ᠭᠠᠽ ᠪᠠᠢᠨᠠ ᠤᠤ ᠬᠠᠮᠢᠶᠠ ᠦᠭᠡᠢ᠂ ᠠᠢᠯ ᠳ᠋ᠤ᠌ ᠶᠠᠮᠠᠷ ᠴᠤ᠌ ᠭᠡᠰᠡᠨ ᠭᠠᠯ ᠪᠠᠢᠬᠤ ᠶᠣᠰᠣᠲᠠᠢ᠃ ᠠᠮᠢ ᠪᠣᠯ ᠭᠠᠯ᠃ ᠭᠠᠯ ᠪᠣᠯ ᠰᠦᠯᠳᠡ᠃ ᠠᠮᠢᠨ ᠨᠢᠭᠡᠳᠦᠯ ᠦᠭᠡᠢ ᠪᠣᠯ ᠮᠠᠲ᠋ᠧᠷᠢ ᠦᠭᠡᠢ᠂ ᠤᠬᠠᠮᠰᠠᠷ ᠣᠶᠤᠨ ᠦᠭᠡᠢ᠃ ᠠᠮᠢᠳᠤᠷᠠᠯ ᠠᠮᠢᠨ ᠳᠡᠭᠡᠷᠡ ᠲᠣᠭᠲᠠᠬᠤ ᠪᠥᠯᠥᠭᠡ᠃
—————————————
① ᠫᠯᠧᠲ᠋ᠢᠺ— ᠴᠠᠬᠢᠯᠭᠠᠨ ᠲᠤᠯᠭᠠ᠂ ᠵᠤᠤᠬᠠ( ᠪᠠᠭᠤᠯᠭᠠᠴᠢ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠭᠳᠠᠭᠤᠨᠪᠠᠶᠠᠷ
ᠦᠰᠦᠭ ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ᠂ ᠭᠠᠷᠮᠠ