ᠣᠨᠣᠯ ᠵᠢᠷᠭᠠᠭᠠᠬᠤ ᠲᠡᠭᠦᠰᠬᠡᠯ ᠪᠤᠶᠤ ᠳᠡᠯᠡᠬᠡᠢ ᠳ᠋ᠦ᠍ ᠲᠦᠭᠡᠬᠦ ᠮᠣᠩᠭᠣᠯ ᠤᠬᠠᠭᠠᠨ-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ3-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
253ᠣᠨᠣᠯ ᠵᠢᠷᠭᠠᠭᠠᠬᠤ ᠲᠡᠭᠦᠰᠬᠡᠯ ᠪᠤᠶᠤ ᠳᠡᠯᠡᠬᠡᠢ ᠳ᠋ᠦ᠍ ᠲᠦᠭᠡᠬᠦ ᠮᠣᠩᠭᠣᠯ ᠤᠬᠠᠭᠠᠨ
ᠲᠤᠯᠭᠠ ᠶ᠋ᠢᠨ ᠭᠤᠷᠪᠠᠯ ᠴᠢᠯᠠᠭᠤ ᠪᠠᠲᠤ ᠪᠣᠯᠲᠤᠭᠠᠢ! ᠭᠠᠯ ᠤ᠋ᠨ ᠭᠤᠷᠪᠠᠯ ᠮᠥᠩᠬᠡᠳᠡ ᠪᠠᠳᠠᠷᠠᠲᠤᠭᠠᠢ᠃ ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠯ ᠮᠡᠷᠭᠡᠨ ᠣᠷᠣᠰᠢᠲᠤᠭᠠᠢ! ᠬᠥᠮᠦᠨ ᠪᠣᠯᠤᠨ ᠳᠡᠯᠡᠬᠡᠢ ᠶ᠋ᠢᠨ ᠨᠠᠰᠤ ᠬᠥᠭᠵᠢᠯ ᠨᠢ ᠬᠥᠮᠦᠨ ᠦ᠌ ᠤᠬᠠᠭᠠᠷᠠᠯ ᠣᠶᠤᠨ ᠲᠠᠢ ᠰᠢᠭᠤᠳ ᠬᠠᠮᠢᠶᠠᠷᠤᠯ ᠲᠠᠢ ᠴᠠᠭ ᠢᠷᠡᠵᠡᠢ᠃ ᠠᠮᠢᠨ ᠬᠥᠭᠵᠢᠯ ᠦ᠋ᠨ ᠬᠦᠲ
ᠥᠯᠪᠥᠷᠢ ᠴᠢᠭᠯᠡᠯ ᠳᠡᠯᠡᠬᠡᠢ ᠶ᠋ᠢᠨ ᠬᠤᠪᠢ ᠵᠠᠶᠠᠭᠠᠨ ᠳ᠋ᠤ᠌ ᠲᠡᠳᠦᠢ ᠦᠭᠡᠢ ᠪᠢᠴᠢᠯ ᠢᠵᠠᠭᠤᠷ ᠴᠤ᠌ ᠦᠭᠡᠢᠯᠡᠭᠳᠡᠬᠦ ᠪᠣᠯᠤᠯᠠ᠃ ᠡᠺᠣᠯᠣᠭᠢ ᠶ᠋ᠢᠨ ᠲᠡᠩᠴᠡᠪᠦᠷᠢ ᠠᠯᠳᠠᠭᠳᠠᠪᠠ᠂ ᠡᠨᠡ ᠲᠡᠷᠡ ᠭᠡᠵᠦ ᠱᠤᠤᠭᠢᠯᠳᠤᠭᠰᠠᠭᠠᠷ20 ᠳ᠋ᠤᠭᠠᠷ ᠵᠠᠭᠤᠨ ᠢ᠋ ᠪᠠᠷᠠᠬᠤ ᠨᠢ᠃
ᠭᠤᠷᠪᠠ ᠳ᠋ᠠᠬᠢ ᠮᠢᠩᠭᠠᠨ ᠳ᠋ᠤ᠌ ᠪᠣᠱᠣᠭᠠ ᠪᠠᠷ ᠬᠠᠷᠰᠢᠯ ᠬᠣᠣᠷᠳᠠᠯᠭᠠ ᠵᠦᠳᠡᠷᠡᠯ ᠢ᠋ᠶ᠋ᠡᠨ ᠲᠡᠭᠡᠭᠡᠭᠰᠡᠭᠡᠷ ᠠᠯᠬᠤᠨ ᠣᠷᠣᠯᠠ᠃
ᠠᠮᠢᠳᠤ ᠶᠠᠪᠤᠪᠠᠯ ᠠᠯᠲᠠᠨ ᠠᠶᠠᠭᠠᠨ ᠠ᠋ᠴᠠ ᠤᠰᠤ ᠤᠤᠭᠤᠨᠠ ᠭᠡᠵᠦ ᠰᠤᠷᠭᠠᠯ ᠥᠨᠳᠥᠷ ᠡᠪᠦᠭᠡᠳ ᠮᠢᠨᠢ ᠦᠯᠡᠳᠡᠭᠡᠵᠡᠢ᠃ ᠢᠨᠵᠠᠭᠠ ᠨᠢ《ᠵᠣᠪᠠᠭᠰᠠᠨ ᠰᠦ》 ᠬᠥᠬᠥᠬᠦ ᠪᠣᠢ ᠭᠡᠵᠦ ᠬᠥᠬᠥᠭᠦᠯ ᠰᠢᠷᠭᠠᠴᠢᠨ ᠦᠷᠭᠦᠭᠡᠳᠡᠭ ᠦᠭᠡᠢ ᠡᠷᠡᠰ ᠭᠤᠷᠪᠠᠯᠲᠣ ᠴᠢᠳᠥᠷ ᠢ᠋ᠶ᠋ᠡᠨ ᠳᠤᠰᠤᠯᠠᠵᠤ ᠲᠤᠯᠢᠵᠤ ᠰᠠᠭᠤᠬᠤ ᠳ᠋ᠠᠭᠠᠨ ᠰᠢᠮᠰᠢᠷᠡᠵᠦ ᠰᠠᠭᠤᠳᠠᠭ ᠡᠬᠡ ᠣᠷᠣᠨ ᠮᠢᠨᠢ᠃ ᠭᠤᠷᠪᠠᠯ ᠴᠣᠭᠴᠠᠯᠠᠭᠰᠠᠨ ᠥᠷᠭᠥᠭᠡ ᠭᠡᠷ ᠦ᠋ᠨ ᠭᠣᠯᠣᠮᠲᠠ ᠭᠤᠷᠪᠠᠨ ᠴᠢᠯᠠᠭᠤ ᠲᠠᠢ᠂ ᠲᠡᠭᠦᠨ ᠳ᠋ᠦ᠍ ᠮᠥᠷᠭᠥᠭᠰᠡᠨ ᠭᠤᠷᠪᠠ ᠪᠠᠷ ᠳᠠᠷᠤᠭᠰᠠᠨ ᠭᠡᠵᠢᠭᠡ ᠲᠡᠢ ᠭᠤᠸᠠ ᠡᠮᠡᠰ ᠮᠠᠨᠢ ᠭᠤᠷᠮᠤᠰᠤᠨ ᠬᠣᠰᠢᠯᠠᠩ ᠰᠦᠵᠢᠵᠦ᠂ ᠪᠠᠲᠤ ᠣᠷᠣᠰᠢᠯ ᠤ᠋ᠨ ᠢᠷᠦᠭᠡᠯ ᠴᠣᠭᠴᠠᠯᠠᠭᠴᠢ ᠬᠥᠳᠡᠭᠡ ᠨᠤᠲᠤᠭ ᠮᠢᠨᠢ᠃ ᠨᠡᠷᠡ ᠪᠡᠨ ᠭᠤᠷᠪᠠᠨ ᠤᠳᠠᠭᠠ ᠴᠢᠬᠢᠨ ᠳ᠋ᠡᠭᠡᠨ ᠰᠢᠪᠡᠨᠡᠭᠦᠯᠵᠦ ᠠᠯᠳᠠᠷᠠᠭᠠ ᠡᠬᠢᠯᠡᠭᠰᠡᠨ ᠬᠦᠦ ᠨᠢ ᠭᠤᠷᠪᠠᠨ ᠨᠠᠰᠤᠨ ᠳ᠋ᠠᠭᠠᠨ ᠳᠠᠭᠠᠬᠢ ᠪᠠᠨ ᠠᠪᠬᠠᠭᠤᠯᠵᠤ ᠠᠭᠤᠯᠠ ᠤᠰᠤᠨ ᠤ᠋ ᠪᠠᠨ ᠣᠪᠣᠭᠠᠨ ᠳ᠋ᠤ᠌ ᠭᠤᠷᠪᠠ ᠮᠥᠷᠭᠥᠬᠦ ᠬᠤᠪᠢ ᠣᠯᠳᠠᠭ ᠶᠣᠰᠣ ᠮᠢᠨᠢ᠃ ᠨᠤᠲᠤᠭᠯᠠᠭᠰᠠᠨ ᠨᠤᠲᠤᠭ ᠨᠢ ᠭᠡᠪᠡᠯ ᠣᠷᠣᠯᠠᠢ ᠭᠤᠷᠪᠠᠨ ᠰᠡᠭᠡᠷ᠁ ᠥᠴᠢᠯ ᠭᠤᠷᠪᠠᠨ ᠰᠠᠨᠰᠠᠷ᠁ ᠤᠷᠭᠢᠶᠠ ᠭᠤᠷᠪᠠᠨ ᠪᠤᠯᠠᠭᠲᠤ᠃ ᠭᠤᠷᠪᠠᠨ ᠴᠡᠩᠬᠡᠷ ᠦ᠋ᠨ ᠠᠭᠤᠢ ᠨᠢ ᠯᠢᠮᠪᠦ ᠶ᠋ᠢᠨ ᠭᠡᠮ ᠢ᠋ᠶ᠋ᠡᠷ ᠴᠡᠯᠡᠯᠵᠡᠵᠦ᠁ ᠭᠤᠷᠪᠠᠯ ᠭᠣᠣᠯ ᠢ᠋ ᠮᠥᠩᠬᠡ ᠭᠠᠯ ᠲᠤᠭᠤᠷᠭᠠᠲᠠᠨ ᠨᠤᠭᠤᠳ ᠭᠤᠷᠪᠠᠯ ᠶᠣᠰᠣ ᠪᠠᠨ ᠳᠡᠭᠡᠳᠦᠯᠡᠮᠦᠢ᠃ ᠪᠠᠶᠠᠷ ᠪᠠᠶᠠᠷ ᠤ᠋ᠨ ᠡᠬᠢᠨ ᠳ᠋ᠦ᠍ ᠪᠡᠯᠡᠭ ᠳᠡᠭᠡᠵᠢ ᠬᠦᠷᠲᠡᠳᠡᠭ ᠨᠢ ᠭᠠᠯ《ᠠᠮᠢ》 ᠪᠥᠯᠥᠭᠡ᠃
ᠬᠠᠮᠤᠭ ᠤ᠋ᠨ ᠶᠡᠬᠡ ᠠᠴᠢ ᠲᠤᠰᠠ ᠶ᠋ᠢ ᠠᠮᠢᠨ ᠳ᠋ᠤ᠌ ᠣᠷᠣᠯᠠ ᠭᠡᠬᠦ᠂ ᠬᠠᠮᠤᠭ ᠤ᠋ᠨ ᠳᠡᠭᠡᠳᠦ ᠭᠠᠪᠢᠶᠠ ᠶ᠋ᠢ ᠠᠮᠢ ᠠᠪᠤᠷᠠᠭᠰᠠᠨ ᠭᠡᠬᠦ᠂ ᠬᠠᠮᠤᠭ ᠤ᠋ᠨ ᠪᠡᠷᠬᠡ ᠮᠥᠴᠡ ᠶ᠋ᠢ ᠠᠮᠢ ᠬᠡᠯᠲᠦᠷᠢᠪᠡ ᠭᠡᠬᠦ ᠠᠷᠠᠳ ᠲᠦᠮᠡᠨ ᠮᠢᠨᠦ᠃ ᠮᠠᠯ ᠦᠬᠦᠳᠬᠢᠨ ᠤᠨᠠᠬᠤ᠂ ᠬᠥᠮᠦᠨ ᠤᠬᠠᠭᠠᠨ ᠠᠯᠳᠠᠬᠤ ᠳ᠋ᠤ᠌ ᠴᠢᠯᠠᠭᠤ ᠬᠠᠭᠠᠯᠵᠤ ᠦᠨᠦᠷᠯᠡᠭᠦᠯᠳᠡᠭ ᠠᠮᠢ ᠨᠢ ᠰᠡᠷᠭᠦᠭᠡᠰᠦᠲᠡᠢ ᠨᠢ ᠭᠠᠢᠬᠠᠮᠰᠢᠭ ᠪᠤᠶᠤ᠃ ᠨᠠᠢᠷ ᠤ᠋ᠨ ᠭᠤᠷᠪᠠᠨ ᠳᠤᠭᠤᠷᠠ ᠨᠢ ᠠᠢᠷᠠᠭ ᠠᠲᠠᠯᠠ᠂ ᠥᠭᠡᠳᠡ ᠨᠢ ᠡᠷᠭᠦᠵᠦ ᠳᠡᠭᠡᠭᠰᠢ ᠨᠢ ᠳᠡᠪᠰᠢᠭᠦᠯᠳᠡᠭ ᠢᠷᠦᠭᠡᠯ ᠨᠢ ᠰᠦ ᠠᠲᠠᠯᠠ᠂ ᠡᠷᠭᠦᠯ ᠳᠠᠯᠠᠯᠭᠠ ᠶ᠋ᠢᠨ ᠢᠳᠡᠭᠡ ᠨᠢ ᠥᠷᠥᠮᠡ ᠠᠭᠠᠷᠤᠤᠯ ᠠᠲᠠᠯᠠ ᠠᠷᠢᠬᠢ ᠰᠢᠬᠢᠷ ᠪᠣᠯᠤᠭᠰᠠᠨ ᠨᠢ ᠰᠣᠶᠣᠯ ᠮᠥᠨ ᠯᠡ ᠪᠠᠢᠭᠠ ᠳᠠ᠃
ᠠᠮᠢᠨ ᠠ᠋ᠴᠠ ᠬᠣᠯᠠ ᠶᠤᠮ ᠭᠡᠵᠦ ᠠᠩᠭᠠᠢᠵᠤ ᠶᠠᠪᠤᠭᠰᠠᠭᠠᠷ ᠡᠴᠦᠰ ᠦ᠋ᠨ ᠠᠮᠢᠰᠬᠤᠭᠠ ᠳᠠᠭᠤᠰᠤᠭᠰᠠᠨ ᠪᠠᠢᠬᠤ ᠳ᠋ᠤ᠌ ᠠᠮᠢ ᠨᠢ ᠭᠠᠷᠤᠭᠠ ᠦᠭᠡᠢ ᠭᠡᠵᠦ ᠢᠲᠡᠭᠡᠵᠦ ᠲᠣᠯᠣᠭᠠᠢ ᠲᠦᠰᠢᠬᠦ ᠦᠷᠡᠰ ᠮᠢᠨᠢ᠃ ᠹᠢᠯᠣᠰᠣᠹᠢ ᠥᠷᠨᠢᠭᠰᠡᠨ ᠡᠨᠡ ᠯᠡ ᠡᠭᠡᠵᠢᠭ ᠲᠡᠢ ᠮᠥᠴᠡ ᠳ᠋ᠦ᠍ ᠠᠮᠢᠨ ᠠ᠋ᠴᠠ ᠮᠢᠨᠢ ᠴᠢᠷᠭᠠᠭᠤᠴᠡᠯᠳᠤᠬᠤ① ᠭᠡᠵᠦ ᠪᠡᠶᠡ ᠲᠡᠢ ᠮᠢᠨᠢ ᠨᠣᠴᠣᠯᠳᠤᠵᠤ᠂ ᠠᠮᠢᠨ ᠳᠠᠮ( ᠸᠢᠲ᠋ᠠᠮᠢᠨ ᠪᠤᠶᠤ ᠪᠡᠶᠡ ᠶ᠋ᠢᠨ ᠳᠠᠮ)᠂ ᠠᠮᠢᠨ ᠲᠠᠷᠢᠶᠠ( ᠵᠢᠷᠦᠬᠡᠨ ᠦ᠌ ᠠᠵᠢᠯᠯᠠᠭᠠ ᠰᠡᠷᠭᠦᠭᠡᠬᠦ ᠡᠮ) ᠭᠡᠵᠦ ᠭᠦᠶᠦᠯᠳᠦᠬᠦ ᠡᠮᠴᠢ ᠨᠠᠷ ᠠᠮᠢ ᠰᠢᠩᠭᠡᠬᠦ ᠲᠥᠪ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠮᠢᠨᠢ᠃ ᠴᠠᠢᠯᠠᠯᠭᠠ ᠳᠠᠢᠯᠠᠯᠭᠠ ᠳᠠᠭᠤᠳᠠᠯᠭᠠ ᠮᠢᠨᠢ᠃
ᠵᠠᠨᠤᠬᠤ᠂ ᠬᠠᠷᠢᠶᠠᠬᠤ᠂ ᠠᠯᠠᠬᠤ ᠭᠤᠷᠪᠠᠨ ᠪᠤᠵᠠᠷ ᠢ᠋ ᠴᠠᠷᠪᠠᠵᠤ᠂ ᠵᠣᠷᠢᠭ᠂ ᠵᠢᠳᠬᠦᠯ᠂ ᠪᠦᠲᠦᠭᠡᠯ ᠭᠤᠷᠪᠠᠨ ᠠᠷᠢᠭᠤᠨ ᠢ᠋ ᠳᠡᠭᠡᠳᠦᠯᠡᠬᠦ ᠶᠤᠮᠰᠠᠨ᠃ ᠠᠮᠢ ᠪᠠᠨ ᠠᠯᠳᠠᠵᠤ ᠢᠯᠠᠬᠤ ᠵᠣᠷᠢᠭ ᠬᠡᠷᠡᠭ ᠦᠭᠡᠢ᠂ ᠠᠮᠢ ᠪᠣᠯ ᠪᠡᠶᠡ ᠣᠶᠤᠨ ᠤ᠋ ᠵᠣᠯᠢᠶᠠᠰᠤ ᠪᠣᠯᠬᠤ ᠥᠴᠦᠬᠡᠨ ᠶᠠᠭᠤᠮᠠ ᠪᠢᠰᠢ ᠭᠡᠳᠡᠭ ᠢ᠋ ᠠᠬᠢᠨ ᠰᠠᠨᠠᠭᠤᠯᠬᠤ ᠮᠢᠨᠢ᠃ ᠠᠮᠢᠨ ᠠ᠋ᠴᠠ ᠳᠡᠭᠡᠳᠦ ᠶᠠᠭᠤᠮᠠ ᠦᠭᠡᠢ ᠲᠤᠯᠠ ᠠᠪᠤᠷᠠᠬᠤ ᠵᠣᠷᠢᠭ᠂ ᠵᠢᠳᠬᠦᠯ᠂ ᠪᠦᠲᠦᠭᠡᠯ ᠯᠡ ᠡᠨᠡ ᠬᠣᠷᠸᠠ ᠳ᠋ᠤ᠌ ᠴᠢᠬᠤᠯᠠ ᠰᠠᠨ᠃ ᠭᠤᠷᠪᠠ ᠳᠠᠪᠠᠭᠰᠠᠨ ᠪᠥᠬᠡ ᠴᠣᠯᠠᠯᠠᠭᠤᠯᠳᠠᠭ᠂ ᠠᠢᠷᠠᠭᠳᠠᠭᠰᠠᠨ ᠮᠣᠷᠢ ᠲᠣᠯᠣᠭᠠᠢ᠂ ᠳᠡᠯ᠂ ᠬᠣᠨᠳᠣᠯᠠᠢ ᠭᠤᠷᠪᠠ ᠳ᠋ᠠᠭᠠᠨ ᠮᠢᠯᠢᠶᠠᠯᠭᠠᠳᠠᠭ᠁ ᠪᠢᠲᠡᠭᠦᠨ ᠦ᠌ ᠦᠳᠡᠰᠢ ᠵᠠᠪᠠᠯ ᠭᠤᠷᠪᠠ ᠲᠣᠭᠣᠭᠠᠯᠠᠳᠠᠭ ᠶᠣᠰᠣ ᠪᠢᠳᠡᠨ ᠦ᠌ ᠳᠡᠭᠡᠳᠦᠰ ᠦ᠋ᠨ ᠬᠢ ᠠ᠋᠃
ᠠᠮᠢᠨ ᠳ᠋ᠤ᠌ ᠪᠢᠳᠡ ᠳᠠᠩᠴᠢ ᠬᠠᠢᠷᠠ ᠭᠠᠮ ᠦᠭᠡᠢ ᠬᠦᠷᠡᠩ ᠪᠥᠭᠡᠷᠡ ᠲᠡᠢ ᠬᠠᠨᠣᠵᠣ ᠪᠠᠢᠭᠠ ᠶ᠋ᠢ ᠶᠠᠰᠤ ᠬᠠᠪᠲᠠᠢᠮᠠᠷ ᠪᠠᠢᠨᠠ᠃ ᠳᠡᠯᠡᠬᠡᠢ ᠨᠡᠢᠲᠡ ᠶ᠋ᠢᠨ ᠪᠦᠳᠦᠭᠦᠯᠢᠭ ᠬᠠᠨᠳᠤᠯᠭᠠ ᠲᠠᠢ ᠵᠢᠱ᠌ᠢᠪᠡᠯ᠂ ᠪᠠᠰᠠ ᠴᠤ᠌ ᠭᠢᠯᠠᠢᠬᠤ ᠴᠠᠢᠬᠤ ᠶᠠᠭᠤᠮᠠ ᠬᠠᠷᠠᠭᠳᠠᠳᠠᠭ ᠯᠠ ᠳᠠ᠃ ᠭᠡᠪᠡᠴᠦ ᠲᠡᠷᠡ ᠭᠢᠯᠠᠢᠬᠤ ᠭᠡᠷᠡᠯ ᠨᠢ ᠡᠯᠦᠨᠴᠡ ᠳᠡᠭᠡᠳᠦᠰ ᠦ᠋ᠨ ᠥᠪ ᠪᠣᠯᠬᠣᠷ ᠪᠢᠳᠡᠨ ᠦ᠌ ᠲᠤᠬᠠᠢ ᠳ᠋ᠤ᠌《ᠡᠪᠡᠰᠦᠨ ᠳ᠋ᠦ᠍ ᠣᠷᠣᠪᠠᠴᠤ ᠦᠬᠡᠷ ᠲᠣᠭᠣᠵᠤ ᠢᠳᠡᠬᠦ ᠦᠭᠡᠢ᠂ ᠥᠭᠡᠬᠦᠨ ᠳ᠋ᠦ᠍ ᠬᠤᠴᠢᠪᠠᠴᠤ ᠨᠣᠬᠠᠢ ᠲᠣᠭᠣᠵᠤ ᠢᠳᠡᠬᠦ ᠦᠭᠡᠢ ᠶᠠᠭᠤᠮᠠ᠂ ᠲᠥᠷᠥᠭᠡᠳ ᠬᠠᠨᠳᠠᠭᠠᠢ ᠶ᠋ᠢ ᠬᠠᠷᠪᠤᠭᠠᠳ ᠣᠭᠣᠲᠣᠨᠠ ᠶ᠋ᠢ ᠤᠨᠤᠬᠤ ᠪᠣᠯᠤᠭᠤᠵᠠᠢ》 ᠭᠡᠵᠦ ᠰᠡᠷᠡᠮᠵᠢᠯᠡᠭᠰᠡᠨ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠪᠣᠯᠭᠤᠭᠠᠮᠵᠢᠯᠠᠭᠰᠠᠨ《ᠬᠣᠢᠲᠤ ᠦᠶᠡ ᠶ᠋ᠢᠨ ᠬᠥᠪᠡᠭᠦᠳ ᠠᠴᠢ ᠨᠠᠷ》 ᠪᠣᠯᠵᠠᠢ᠃ ᠬᠠᠨᠳᠠᠭᠠᠢ ᠬᠠᠷᠪᠤᠭᠠᠳ ᠣᠭᠣᠲᠣᠨᠠ ᠤᠨᠤᠭᠠᠳ ᠪᠠᠢᠨᠠ ᠤᠤ ᠳᠠ᠁ ᠭᠡᠳᠡᠭ ᠢ᠋ᠶ᠋ᠡᠨ ᠡᠷᠭᠢᠴᠡᠭᠦᠯᠬᠦ ᠴᠠᠭ ᠲᠤᠯᠪᠠ᠃ ᠠᠮᠢ ᠶ᠋ᠢᠨ ᠡᠪᠦᠭᠡ ᠳᠡᠭᠡᠳᠦᠰ ᠮᠠᠨᠢ《ᠳᠦᠷᠰᠦᠯᠡᠵᠦ》 ᠪᠠᠷᠢᠵᠤ ᠢᠷᠡᠭᠡᠳᠦᠢ ᠳ᠋ᠡᠭᠡᠨ ᠢᠯᠡᠭᠡᠭᠰᠡᠨ᠃ ᠲᠡᠭᠡᠪᠡᠯ ᠮᠣᠩᠭᠣᠯᠴᠤᠳ ᠤ᠋ᠨ ᠤᠯᠠᠮᠵᠢᠯᠠᠯᠲᠤ ᠥᠩᠭᠡ ᠤᠯᠠᠭᠠᠨ(ᠠᠮᠢ ᠪᠤᠶᠤ ᠭᠠᠯ)᠂ ᠬᠥᠬᠡ(ᠲᠩᠷᠢ ᠪᠤᠶᠤ ᠣᠶᠤᠨ)᠂ ᠴᠠᠭᠠᠨ(ᠰᠦ ᠪᠤᠶᠤ ᠳᠡᠯᠡᠬᠡᠢ) ᠶᠦᠮ᠃ ᠡᠨᠡ ᠰᠢᠲᠦᠭᠡᠨ ᠲᠥᠷᠥ ᠶ᠋ᠢᠨ ᠪᠡᠯᠭᠡ ᠪᠡᠯᠭᠡᠳᠡᠯ ᠳ᠋ᠦ᠍ ᠲᠣᠰᠤᠭᠠ ᠦᠭᠡᠢ ᠪᠠᠢᠳᠠᠭ᠃ ᠳᠦᠷᠰᠦ ᠶ᠋ᠢᠨ ᠤᠯᠠᠮᠵᠢᠯᠠᠯᠲᠤ ᠰᠢᠲᠦᠭᠡᠨ ᠨᠢ ᠰᠣᠶᠣᠮᠪᠣ ᠪᠤᠶᠤ ᠠᠷᠭᠠ ᠪᠢᠯᠢᠭ ᠬᠣᠶᠠᠷᠠᠯ ᠪᠤᠰᠤ᠂ ᠭᠤᠷᠪᠠᠨ ᠳᠥᠯᠥᠲᠦ ᠭᠠᠯ(ᠭᠤᠷᠪᠠᠯ) ᠶᠤᠮ᠃ ᠡᠨᠡ ᠨᠢ ᠲᠥᠷᠥ ᠶ᠋ᠢᠨ ᠪᠢᠯᠢᠭᠲᠡᠨ ᠳ᠋ᠦ᠍ ᠬᠣᠢᠮᠣᠰᠣᠨ ᠣᠨᠣᠯ ᠤ᠋ᠨ ᠰᠢᠲᠦᠭᠡᠨ ᠳ᠋ᠦ᠍ ᠰᠠᠷᠨᠢᠭᠰᠠᠨ ᠬᠠᠪᠰᠠᠷᠭᠠ ᠲᠡᠳᠦᠢ ᠣᠷᠣᠰᠢᠵᠠᠢ᠃ ᠮᠣᠩᠭᠣᠯ ᠤ᠋ᠨ ᠭᠦᠨ ᠤᠬᠠᠭᠠᠨ ᠡᠢᠨ ᠬᠦ᠌ ᠰᠤᠳᠤᠯᠬᠤ᠂ ᠰᠤᠷᠲᠠᠯᠴᠢᠯᠠᠬᠤ᠂ ᠬᠡᠷᠡᠭᠵᠢᠭᠦᠯᠬᠦ ᠱᠠᠲᠤ ᠨᠢ ᠬᠠᠭᠠᠯᠲᠠ ᠲᠠᠢ ᠪᠠᠢᠨᠠ ᠭᠡᠰᠡᠨ ᠦᠭᠡ᠃ ᠳᠡᠭᠡᠷᠡ ᠪᠡᠨ ᠡᠢᠨ ᠬᠦ᠌ ᠰᠠᠮᠠᠭᠤᠷᠠᠭᠰᠠᠨ ᠪᠣᠯᠬᠣᠷ ᠳᠣᠣᠷᠠ ᠪᠠᠨ ᠰᠠᠷᠨᠢᠬᠤ ᠠ᠋ᠴᠠ ᠶᠠᠭᠠᠬᠢᠬᠤᠪ? ᠭᠤᠷᠪᠠᠯ ᠣᠨᠣᠯ ᠢ᠋ ᠨᠠᠭᠠᠨᠪᠤᠤ ᠭᠡᠭᠴᠢ ᠬᠠᠴᠢᠨ ᠨᠡᠷᠡᠲᠦ ᠡᠲᠡᠭᠡᠳ《ᠰᠡᠳᠬᠢᠵᠦ》 ᠲᠤᠯᠭᠠᠷᠠᠵᠤ ᠪᠠᠢᠳᠠᠭ ᠲᠡᠷᠡ ᠯᠠ ᠥᠪ ᠬᠥᠷᠥᠩᠭᠡ ᠪᠥᠭᠡᠳ ᠮᠡᠬᠦᠰ ᠶᠠᠳᠠᠭᠤ ᠮᠢᠨᠦ ᠲᠤᠬᠠᠢ ᠳ᠋ᠤ᠌《ᠶᠢᠰᠦᠨ ᠨᠢᠳᠦ ᠲᠡᠢ ᠲᠡᠮᠦᠷ》 ᠰᠢᠲᠦᠭᠡᠨ ᠢ᠋ᠶ᠋ᠡᠨ ᠰᠢᠷᠲᠡᠨ ᠡᠮᠦᠨᠡᠬᠢ ᠦᠶᠡ ᠡᠷᠭᠢᠴᠡᠭᠦᠯᠵᠦ ᠡᠳᠦᠭᠡ ᠦᠶᠡ ᠲᠡᠢ ᠪᠡᠨ ᠬᠣᠯᠪᠣᠨ ᠰᠠᠨᠠᠭᠠᠰᠢᠷᠠᠭᠰᠠᠨ ᠲᠡᠳᠦᠢ ᠶᠦᠮ᠃ ᠢᠯᠠᠩᠭᠤᠶᠠ ᠡᠷᠳᠡᠮᠲᠡᠳ ᠲᠤ ᠰᠡᠬᠡᠭᠡᠷᠡᠯ ᠥᠭᠬᠦ ᠨᠢ ᠮᠢᠨᠦ ᠡᠭᠦᠷᠭᠡ ᠪᠠᠢᠪᠠ᠃ ᠵᠢᠱ᠌ᠢᠶᠡ ᠨᠢ ᠢᠳᠢᠶᠠᠯᠢᠰᠲ ᠰᠡᠳᠬᠢᠯ ᠵᠦᠢ᠂ ᠮᠠᠲ᠋ᠧᠷᠢᠶᠠᠯᠢᠰᠲ ᠰᠡᠳᠬᠢᠯ ᠵᠦᠢ ᠭᠡᠪᠡᠯ ᠥᠷᠥᠭᠡᠰᠦᠭᠡᠯ᠃ ᠪᠠᠰᠠ ᠰᠡᠳᠬᠢᠯ ᠵᠦᠢ ᠶ᠋ᠢᠨ ᠣᠯᠠᠨ ᠰᠠᠯᠪᠤᠷᠢ ᠤᠬᠠᠭᠠᠨ ᠠᠢ ᠪᠦᠷᠢ ᠭᠤᠷᠪᠠᠯ ᠣᠨᠣᠯ ᠳ᠋ᠤ᠌ ᠦᠨᠳᠦᠰᠦᠯᠡᠭᠰᠡᠨ ᠠᠷᠭᠠ᠂ ᠬᠡᠯᠪᠡᠷᠢ᠂ ᠠᠭᠤᠯᠭᠠ ᠶ᠋ᠢᠨ ᠬᠠᠷᠠ ᠪᠦᠳᠦᠭᠦᠪᠴᠢ ᠶ᠋ᠢ ᠯᠡ ᠳᠡᠪᠰᠢᠭᠦᠯᠦᠭᠰᠡᠨ ᠬᠡᠷᠡᠭ᠃ ᠬᠥᠮᠦᠨ ᠢᠳᠡᠬᠦ ᠶ᠋ᠢᠨ ᠲᠤᠯᠠᠳᠠ ᠠᠮᠢᠳᠤᠷᠠᠳᠠᠭ ᠤᠤ? ᠡᠰᠡᠪᠡᠯ ᠠᠮᠢᠳᠤᠷᠠᠬᠤ ᠶ᠋ᠢᠨ ᠲᠤᠯᠠᠳᠠ ᠢᠳᠡᠳᠡᠭ ᠤᠤ? ᠭᠡᠰᠡᠨ ᠮᠠᠷᠭᠤᠭᠠᠨ ᠮᠥᠩᠬᠡᠷᠡᠭᠰᠡᠨ ᠭᠡᠯᠴᠡᠳᠡᠭ᠃ ᠲᠡᠭᠡᠪᠡᠯ ᠨᠢᠭᠡ ᠠᠰᠠᠭᠤᠯᠲᠠ ᠨᠢ ᠭᠤᠷᠪᠠᠨ ᠠᠰᠠᠭᠤᠯᠭᠠ᠂ ᠬᠣᠶᠠᠷ ᠠᠰᠠᠭᠤᠯᠲᠠ ᠨᠢ ᠭᠤᠷᠪᠠᠨ ᠠᠭᠤᠯᠭᠠ ᠠᠭᠤᠯᠵᠤ ᠪᠠᠢᠬᠤ ᠶᠣᠰᠣᠲᠠᠢ ᠶ᠋ᠢ ᠰᠠᠨᠠᠵᠠᠭᠠᠶᠠ᠃ ᠲᠡᠳᠡᠭᠡᠷ ᠨᠢ ᠴᠠᠭᠠᠰᠢ ᠪᠠᠨ ᠶᠢᠰᠦᠨ ᠶᠢᠰᠦᠯ ᠠᠭᠤᠯᠭᠠ ᠳ᠋ᠤ᠌ ᠵᠠᠳᠠᠷᠠᠵᠤ᠂ ᠭᠤᠷᠪᠠ ᠳ᠋ᠠᠬᠢ ᠬᠠᠷᠢᠭᠤ ᠶ᠋ᠢ ᠬᠠᠢᠬᠤ ᠪᠣᠯᠤᠮᠵᠢ ᠪᠣᠢ ᠪᠣᠯᠭᠠᠳᠠᠭ᠃ ᠲᠡᠭᠡᠪᠡᠯ ᠪᠠᠰᠠ ᠲᠡᠢᠮᠦ ᠬᠡᠮᠵᠢᠶᠡᠨ ᠦ᠌ ᠰᠢᠯᠲᠠᠭᠠᠨ ᠨᠥᠬᠥᠴᠡᠯ ᠪᠠᠢᠬᠤ ᠶᠣᠰᠣᠲᠠᠢ᠃ ᠡᠨᠡ ᠣᠨᠣᠯ ᠤ᠋ᠨ ᠪᠠᠷᠢᠮᠲᠠ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠲᠤᠷᠰᠢᠯᠭᠠ ᠨᠢ ᠡᠢᠨ ᠬᠦ᠌ ᠳᠣᠲᠣᠷᠠ ᠪᠠᠨ ᠪᠠᠢᠭᠠ ᠪᠣᠯᠤᠨᠠ᠃ ᠮᠥᠩᠭᠥ ᠴᠢᠬᠤᠯᠠ ᠪᠢᠰᠢ᠂ ᠡᠰᠡᠬᠦᠯᠡ ᠣᠶᠤᠨ ᠮᠡᠳᠡᠯᠭᠡ ᠴᠢᠬᠤᠯᠠ ᠪᠤᠰᠤ ᠭᠡᠵᠦ ᠮᠡᠳᠬᠡᠭᠡᠳ ᠪᠢᠳᠡ ᠭᠣᠣᠮᠠᠢ ᠴᠡᠴᠡᠷᠬᠡᠯ ᠡᠴᠡ ᠥᠭᠡᠷᠡ ᠶᠠᠭᠤ ᠴᠤ᠌ ᠣᠯᠬᠤ ᠦᠭᠡᠢ᠃ ᠮᠥᠩᠭᠥ ᠴᠢᠬᠤᠯᠠ ᠪᠤᠰᠤ᠂ ᠣᠶᠤᠨ ᠤᠬᠠᠭᠠᠨ ᠴᠢᠬᠤᠯᠠ ᠪᠤᠰᠤ᠂ ᠭᠤᠷᠪᠠᠳᠠᠬᠢ ᠦᠨᠡᠨ ᠴᠢᠬᠤᠯᠠ᠃ ᠬᠡᠷᠪᠡ ᠭᠤᠷᠪᠠᠳᠠᠬᠢ ᠦᠨᠡᠨ ᠴᠢᠬᠤᠯᠠ ᠪᠤᠰᠤ᠂ ᠮᠥᠩᠭᠥ ᠴᠢᠬᠤᠯᠠ᠂ ᠣᠶᠤᠨ ᠤᠬᠠᠭᠠᠨ ᠴᠢᠬᠤᠯᠠ ᠭᠡᠪᠡᠯ ᠬᠥᠭᠵᠢᠯ ᠪᠤᠷᠤᠭᠤ ᠵᠠᠮ ᠢ᠋ᠶ᠋ᠠᠷ ᠣᠷᠣᠵᠤ᠂ ᠪᠤᠴᠠᠬᠤ ᠳ᠋ᠠᠭᠠᠨ ᠰᠢᠷᠣᠢ ᠲᠡᠭᠡᠭᠡᠭᠡᠳ ᠯᠡ ᠰᠠᠵᠢᠯᠠᠵᠤ ᠢᠷᠡᠨᠡ ᠭᠡᠰᠡᠨ ᠦᠭᠡ ᠶᠦᠮ᠃
ᠪᠢᠳᠡ ᠶᠠᠭᠤ ᠴᠤ᠌ ᠪᠣᠳᠣᠵᠤ ᠶᠠᠭᠤ ᠶ᠋ᠢ ᠴᠦ᠍ ᠶᠠᠭᠠᠬᠢᠵᠤ ᠴᠤ᠌ ᠰᠡᠳᠬᠢᠵᠦ ᠪᠣᠯᠤᠨᠠ᠃ ᠪᠠᠷᠠᠭᠤᠨ ᠤ᠋ ᠬᠥᠭᠵᠢᠯ ᠦ᠋ᠨ ᠲᠤᠷᠰᠢᠯᠭᠠ ᠴᠢᠬᠤᠯᠠ ᠭᠡᠪᠡᠯ ᠴᠢᠬᠤᠯᠠ᠂ ᠴᠢᠬᠤᠯᠠ ᠪᠤᠰᠤ ᠭᠡᠪᠡᠯ ᠴᠢᠬᠤᠯᠠ ᠪᠤᠰᠤ᠃ ᠡᠨᠡ ᠣᠢᠯᠠᠭᠠᠯᠲᠠ ᠵᠡᠭᠦᠨ ᠦ᠌ ᠪᠠᠰᠠ ᠲᠥᠪ ᠦᠵᠡᠯ ᠳ᠋ᠦ᠍ ᠠᠳᠠᠯᠢ ᠬᠠᠮᠢᠶᠠ ᠲᠠᠢ᠃ ᠭᠠᠭᠴᠠ ᠬᠦ᠌ ᠡᠬᠡ ᠠᠪᠬᠤ ᠤᠭᠲᠤᠪᠤᠷᠢ ᠣᠨᠣᠯ ᠦᠭᠡᠢ ᠪᠡᠷ ᠰᠢᠭᠤᠳᠠᠢ ᠳ᠋ᠤ᠌ ᠬᠢᠭᠰᠡᠨ ᠦᠬᠡᠷ ᠦ᠋ᠨ ᠡᠪᠡᠷ ᠰᠢᠭ《ᠣᠯᠠᠨ ᠣᠷᠭᠠᠯᠴᠢ》 ᠦᠵᠡᠯ ᠢ᠋ᠶ᠋ᠡᠷ ᠣᠷᠣᠯᠳᠣᠪᠠᠯ ᠬᠥᠭᠵᠢᠯ ᠡᠴᠡ ᠪᠡᠨ ᠢᠯᠡᠭᠦᠦ ᠮᠥᠬᠥᠯ ᠳ᠋ᠦ᠍ ᠬᠦᠷᠬᠦ ᠨᠢ ᠲᠦᠳᠡᠯᠦᠨᠡ᠃ ᠠᠷᠠᠳᠴᠢᠯᠠᠯ ᠭᠡᠳᠡᠭ ᠢ᠋ ᠣᠨᠣᠯ ᠦᠵᠡᠯ ᠦ᠋ᠨ ᠥᠷᠢᠰᠦᠯᠳᠦᠭᠡᠨ ᠭᠡᠬᠦ ᠡᠴᠡ ᠪᠡᠨ ᠢᠯᠡᠭᠦᠦ ᠭᠤᠷᠪᠠᠯ ᠣᠨᠣᠯ ᠭᠡᠵᠦ ᠤᠬᠠᠭᠠᠷᠠᠬᠤ ᠨᠢ ᠴᠢᠬᠤᠯᠠ᠃ ᠠᠯᠢᠪᠠ ᠦᠵᠡᠯ ᠨᠥᠭᠦᠭᠡ ᠬᠣᠶᠠᠷ ᠴᠢᠭᠯᠡᠯ ᠲᠡᠢ ᠪᠡᠨ(ᠥᠭᠡᠷᠡ ᠳᠥᠷᠪᠡᠳᠡᠬᠦ ᠨᠠᠮ᠂ ᠡᠪᠰᠡᠯ ᠦᠵᠡᠯ ᠭᠡᠵᠦ ᠪᠠᠢᠬᠤ ᠪᠣᠯᠤᠮᠵᠢ ᠦᠭᠡᠢ) ᠰᠢᠲᠦᠯᠴᠡᠵᠦ ᠪᠠᠢᠬᠤ ᠲᠡᠷᠡ ᠯᠠ ᠵᠠᠷᠴᠢᠮ ᠶᠤᠮ᠃ ᠪᠠᠰᠠ ᠭᠤᠷᠪᠠᠯ ᠤ᠋ᠨ ᠣᠨᠣᠯ ᠠ᠋ᠴᠠ ᠲᠡᠮᠡᠴᠡᠯ᠂ ᠬᠤᠪᠢᠰᠬᠠᠯ᠂ ᠥᠷᠢᠰᠦᠯᠳᠦᠭᠡᠨ ᠬᠠᠢᠬᠤ᠂ ᠲᠡᠭᠦᠨ ᠢ᠋《ᠵᠡᠪᠰᠡᠭ》 ᠭᠡᠵᠦ ᠡᠨᠳᠡᠭᠦᠷᠡᠬᠦ ᠬᠥᠮᠦᠨ ᠰᠡᠪ ᠪᠠᠢᠬᠤ ᠦᠭᠡᠢ ᠪᠣᠯᠤᠨᠠ᠃ ᠲᠡᠭᠡᠪᠡᠯ ᠴᠢᠩᠭᠢᠰ ᠬᠠᠭᠠᠨ ᠶᠠᠭᠠᠬᠢᠭᠠᠳ ᠲᠥᠪ ᠠᠽᠢ ᠶ᠋ᠢᠨ ᠠᠲ᠋ᠯᠠᠨᠲ ᠤ᠋ᠨ ᠳᠠᠯᠠᠢ ᠶ᠋ᠢᠨ ᠡᠷᠭᠢ ᠬᠦᠷᠲᠡᠯᠡ ᠲᠡᠢᠨ ᠪᠠᠢᠯᠳᠤᠭᠠᠨ ᠬᠢᠵᠦ《ᠠᠮᠢ》 ᠰᠦᠢᠳᠬᠡᠭᠰᠡᠨ ᠶᠦᠮ ᠪᠣᠢ? ᠭᠡᠰᠡᠨ ᠠᠰᠠᠭᠤᠯᠲᠠ ᠭᠠᠷᠴᠤ ᠢᠷᠡᠨᠡ᠃ ᠡᠨᠡ ᠨᠢ ᠨᠢᠭᠡᠳᠦᠭᠡᠷ ᠲᠤ《ᠶᠡᠬᠡ ᠵᠠᠰᠠᠭ》 ᠬᠠᠤᠯᠢ ᠪᠠᠨ《ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠ》 ᠶ᠋ᠢᠨ ᠪᠦᠯᠦᠭ ᠲᠡᠢ ᠪᠠᠢᠭᠤᠯᠵᠤ《ᠡᠯᠴᠢ ᠵᠠᠷᠯᠢᠭ ᠢ᠋ ᠭᠤᠲᠤᠭᠠᠨ ᠳᠣᠷᠣᠮᠵᠢᠯᠠᠵᠤ ᠦᠯᠦ ᠪᠣᠯᠤᠨᠠ》᠂᠂《ᠤᠯᠤᠰ ᠤ᠋ᠨ ᠬᠣᠭᠣᠷᠣᠨᠳᠣᠬᠢ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠶ᠋ᠢ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠲᠡᠢ》᠂ ᠬᠣᠶᠠᠷ ᠲᠠᠯᠠ ᠳᠠᠢᠳᠤᠬᠤ ᠶ᠋ᠢᠨ ᠡᠮᠦᠨᠡ ᠳᠠᠢᠰᠤᠨ ᠡᠲᠡᠭᠡᠳ ᠦ᠋ᠨ ᠴᠡᠷᠢᠭ ᠠᠷᠠᠳ ᠲᠤ《ᠬᠡᠷᠪᠡ ᠡᠰᠡᠷᠭᠦᠴᠡᠯ ᠦᠭᠡᠢ ᠳᠠᠭᠠᠵᠤ ᠣᠷᠣᠪᠠᠰᠤ ᠲᠠ ᠨᠠᠷ ᠢ᠋ ᠰᠠᠢᠨ ᠰᠠᠢᠬᠠᠨ ᠪᠠ ᠠᠮᠤᠷ ᠲᠦᠪᠰᠢᠨ ᠪᠠᠢᠯᠭᠠᠮᠤᠢ》 ᠭᠡᠰᠡᠨ ᠭᠤᠷᠪᠠᠨ ᠵᠢᠭᠠᠯᠲᠠ ᠪᠣᠢ ᠪᠥᠭᠡᠳ ᠲᠤᠬᠠᠢ ᠶ᠋ᠢᠨ ᠤᠯᠤᠰ ᠣᠷᠣᠨ ᠪᠦᠷᠢ ᠳ᠋ᠦ᠍ ᠣᠶᠤᠨ ᠤ᠋ ᠡᠮᠦᠨᠡ ᠮᠡᠳᠡᠭᠦᠯᠦᠭᠰᠡᠨ ᠪᠠᠢᠳᠠᠭ᠃ ᠡᠳᠡᠭᠡᠷ ᠵᠢᠭᠠᠯᠲᠠ ᠵᠥᠷᠢᠴᠡᠭᠳᠡᠵᠦ ᠬᠠᠤᠯᠢ ᠶ᠋ᠢᠨ ᠵᠢᠭᠠᠯᠲᠠ ᠶ᠋ᠢ ᠪᠡᠶᠡᠯᠡᠭᠦᠯᠬᠦ ᠱᠠᠭᠠᠷᠳᠠᠯᠭᠠ ᠭᠠᠷᠴᠠᠢ᠃ ᠲᠡᠷᠡ ᠨᠢ《ᠶᠡᠬᠡ ᠵᠠᠰᠠᠭ》 ᠲᠤ《ᠬᠡᠷᠪᠡ ᠡᠰᠡᠷᠭᠦᠴᠡᠪᠡᠰᠦ ᠶᠠᠮᠠᠷ ᠵᠥᠪᠯᠡᠯᠭᠡ ᠤᠴᠠᠷᠠᠬᠤ ᠶ᠋ᠢ ᠭᠠᠭᠴᠠ ᠬᠦ᠌ ᠮᠥᠩᠬᠡ ᠲᠩᠷᠢ ᠮᠡᠳᠡᠬᠦ ᠡᠴᠡ ᠪᠢᠰᠢ ᠪᠢᠳᠡ ᠦᠯᠦ ᠮᠡᠳᠡᠮᠦᠢ》 ᠭᠡᠵᠦ ᠮᠡᠳᠡᠭᠳᠡᠭᠰᠡᠨ ᠪᠠᠢᠨᠠ ᠭᠡᠰᠡᠨ ᠵᠢᠭᠠᠯᠲᠠ ᠠᠵᠠᠢ᠃ ᠳᠡᠭᠡᠷᠡᠬᠢ ᠭᠤᠷᠪᠠᠨ ᠵᠢᠭᠠᠯᠲᠠ ᠶ᠋ᠢ ᠵᠥᠷᠢᠴᠡᠭᠰᠡᠨ ᠨᠢ ᠵᠥᠪᠰᠢᠯ ᠬᠢᠬᠦ ᠶ᠋ᠢ ᠬᠦᠰᠡᠭᠡ ᠦᠭᠡᠢ᠂ ᠪᠠᠰᠤᠮᠵᠢᠯᠠᠨ ᠲᠤᠷᠬᠢᠷᠠᠭᠰᠠᠨ᠂ ᠥᠳᠥᠭᠡᠨ ᠬᠤᠳᠬᠤᠭᠰᠠᠨ ᠬᠡᠷᠡᠭ ᠪᠣᠯᠬᠤ ᠨᠢ ᠲᠣᠳᠣᠷᠬᠠᠢ ᠪᠥᠭᠡᠳ ᠴᠠᠭ ᠠᠯᠳᠠᠪᠠᠯ ᠡᠰᠡᠷᠭᠦ ᠡᠲᠡᠭᠡᠳ ᠲᠦᠷᠦᠭᠦᠯᠡᠵᠦ ᠳᠣᠪᠲᠣᠯᠬᠤ᠂ ᠬᠠᠮᠠᠭᠠᠯᠠᠯᠲᠠ ᠬᠢᠬᠦ᠂ ᠬᠦᠴᠦᠨ ᠬᠤᠷᠠᠮᠳᠤᠯᠠᠭᠳᠠᠬᠤ ᠠᠶᠤᠯ ᠲᠠᠢ ᠪᠥᠭᠡᠳ ᠡᠨᠡ ᠲᠣᠬᠢᠶᠠᠯᠳᠤᠯ ᠮᠣᠩᠭᠣᠯᠴᠤᠳ ᠲᠤ ᠮᠥᠬᠥᠯ ᠶᠦᠮ᠃ ᠭᠤᠷᠪᠠᠯ ᠤᠬᠠᠭᠠᠨ ᠤ᠋ ᠡᠨᠡ ᠳᠣᠷᠣᠮᠵᠢ᠂ ᠰᠢᠢᠳᠪᠦᠷᠢ᠂ ᠪᠡᠯᠡᠳᠬᠡᠯ ᠪᠣᠯ ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠮᠡᠳᠡᠬᠦ ᠬᠡᠷᠡᠭ《ᠫᠠᠰᠰᠢᠤᠨᠠᠷᠢ》 ᠠᠵᠠᠢ᠃ ᠡᠢᠮᠦ ᠤᠴᠢᠷ ᠲᠡᠷᠡ ᠲᠡᠢᠨ ᠪᠠᠢᠯᠳᠤᠭᠠᠨ ᠨᠢ ᠬᠠᠤᠯᠢ ᠶ᠋ᠢᠨ ᠲᠡᠢᠨ ᠪᠥᠭᠡᠳ ᠭᠦᠢᠴᠡᠳᠬᠡᠭᠴᠢ ᠨᠢ ᠴᠢᠩᠭᠢᠰ ᠬᠠᠭᠠᠨ ᠪᠠᠢᠭᠰᠠᠨ ᠪᠣᠯᠤᠨᠠ᠃
ᠡᠳᠦᠭᠡ ᠴᠠᠭ ᠲᠤ ᠪᠣᠯ ᠢᠲᠡᠭᠡᠯ᠂ ᠪᠢᠰᠢᠷᠡᠯ᠂ ᠬᠦᠨᠳᠦᠳᠬᠡᠯ ᠭᠤᠷᠪᠠᠯ ᠳ᠋ᠤ᠌ ᠪᠦᠬᠦᠯᠢ ᠡᠳᠦᠷ ᠰᠣᠶᠣᠯ᠂ ᠤᠳᠤᠮᠰᠢᠯ ᠢ᠋ᠶ᠋ᠠᠨ ᠰᠢᠩᠭᠡᠭᠡᠭᠰᠡᠨ ᠪᠠᠶᠠᠨ ᠥᠪ ᠢ᠋ᠶ᠋ᠡᠨ ᠳᠡᠭᠡᠳᠦᠯᠡᠪᠡᠰᠦ ᠪᠢᠳᠡᠨ ᠦ᠌ ᠠᠮᠢᠨ ᠳ᠋ᠤ᠌ ᠬᠠᠯᠳᠠᠬᠤ ᠲᠠᠢᠰᠠᠨ ᠭᠠᠷᠬᠤ ᠦᠭᠡᠢ ᠶᠣᠰᠣᠲᠠᠢ᠃3×3=9 ᠬᠦᠰᠡᠯ᠂9×3=27 ᠤᠬᠠᠭᠠᠨ᠂27×3=81 ᠰᠠᠨᠠᠭᠠ ᠪᠢᠰᠢᠯᠭᠠᠯ ᠤ᠋ᠨ ᠨᠠᠷᠢᠪᠴᠢᠯᠠᠯ ᠢ᠋ᠶ᠋ᠠᠷ ᠠᠰᠠᠭᠤᠳᠠᠯ ᠳ᠋ᠤ᠌ ᠬᠠᠨᠳᠤᠵᠤ ᠥᠰᠴᠡᠬᠡᠶᠡ᠃ ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ ᠬᠠᠷᠢ ᠰᠣᠶᠣᠯ ᠳ᠋ᠤ᠌ ᠠᠭᠤᠰᠬᠠᠬᠤ ᠠᠳᠬᠠᠭ ᠳᠣᠪᠲᠣᠯᠭᠠᠨ ᠠ᠋ᠴᠠ ᠠᠷᠠᠳ ᠲᠦᠮᠡᠨ ᠢ᠋ᠶ᠋ᠡᠨ ᠠᠪᠤᠷᠠᠭᠰᠠᠨ ᠪᠠᠮᠪᠠᠢ ᠪᠣᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠤᠰᠤᠳ ᠠ᠋ᠴᠠ ᠰᠤᠷᠬᠤ ᠡᠷᠳᠡᠮ ᠦ᠋ᠨ ᠲᠦᠯᠬᠢᠭᠦᠷ ᠴᠢᠨᠳᠠᠮᠤᠨᠢ ᠭᠤᠷᠪᠠᠯ ᠪᠤᠶᠤ᠃ ᠤᠬᠠᠵᠤ ᠪᠣᠳᠣᠬᠤ ᠮᠣᠩᠭᠣᠯ ᠤᠬᠠᠭᠠᠨ ᠤ᠋ ᠤᠳᠬᠠ ᠠᠯᠳᠠᠷᠠᠵᠤ ᠭᠦᠶᠦᠵᠦ ᠭᠤᠪᠰᠢᠬᠤ᠂ ᠤᠤᠭᠤᠵᠤ ᠢᠳᠡᠬᠦ ᠬᠥᠪᠰᠥᠷᠭᠡᠨ ᠬᠥᠩᠭᠡᠨ ᠳ᠋ᠦ᠍ ᠳᠠᠭᠠᠬᠤ ᠪᠣᠢ ᠮᠣᠩᠭᠣᠯ ᠠᠮᠢ ᠮᠢᠨᠦ᠃ ᠡᠨᠡ ᠡᠷᠳᠡᠮ ᠦ᠋ᠨ ᠡᠬᠢ ᠶ᠋ᠢ ᠢᠷᠡᠭᠡᠳᠦᠢ ᠶ᠋ᠢᠨ ᠭᠠᠷ ᠲᠤ ᠠᠳᠬᠤᠭᠤᠯᠵᠤ ᠮᠣᠩᠭᠣᠯ ᠤᠬᠠᠭᠠᠨ ᠤ᠋ ᠦᠷᠡ ᠶ᠋ᠢ ᠠᠷᠠᠴᠢᠯᠠᠨ ᠳᠣᠳᠣᠮᠳᠠᠵᠤ ᠰᠣᠶᠣᠭᠠᠯᠠᠭᠤᠯᠬᠤ ᠶᠤᠮᠰᠠᠨ᠃ ᠶᠡᠬᠡᠰ ᠵᠠᠷᠢᠮ ᠨᠢ ᠮᠦᠰᠢᠶᠡᠪᠡᠴᠦ ᠲᠡᠭᠦᠨ ᠦ᠌ ᠴᠠᠭᠠᠨᠠ ᠣᠯᠠᠨ ᠣᠯᠠᠨ ᠣᠨ ᠵᠢᠯ ᠦ᠋ᠳ ᠴᠡᠯᠡᠢᠨ ᠪᠣᠢ᠃ ᠡᠭᠦᠨ ᠦ᠌ ᠲᠤᠯᠠ ᠮᠡᠬᠦᠰ ᠪᠢ ᠮᠤᠩᠬᠠᠭ ᠣᠶᠤᠨ ᠢ᠋ᠶ᠋ᠠᠨ ᠴᠢᠯᠡᠭᠡᠭᠰᠡᠨ ᠪᠥᠯᠥᠭᠡ᠁ ᠭᠡᠰᠡᠨ ᠡᠭᠦᠨ ᠢ᠋ ᠵᠥᠪᠬᠡᠨ ᠨᠠᠳᠠ ᠮᠡᠲᠦ ᠨᠢ ᠲᠣᠢᠮᠣᠯᠠᠬᠤ ᠬᠤᠪᠢ ᠲᠠᠢ ᠠᠭᠰᠠᠨ ᠢ᠋ ᠪᠠᠰᠠ ᠳᠤᠷᠠᠳᠤᠰᠤ᠃ ᠤᠴᠢᠷ ᠨᠢ ᠢᠳᠢᠶᠠᠯᠢᠰᠲ ᠴᠤ᠌ ᠪᠠᠢ᠂ ᠮᠠᠲ᠋ᠧᠷᠢᠶᠠᠯᠢᠰᠲ ᠴᠤ᠌ ᠪᠠᠢ᠂ ᠡᠰᠡᠬᠦᠯᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠴᠢ ᠡᠷᠳᠡᠮᠲᠡᠨ᠂ ᠱᠠᠰᠢᠨ ᠤ᠋ ᠣᠨᠣᠯᠲᠠᠨ ᠬᠡᠨ ᠨᠢ ᠴᠦ᠍ ᠨᠠᠰᠤᠨ ᠲᠤᠷᠠᠬᠤ ᠤᠷᠤᠭᠤ ᠰᠢᠮᠳᠠᠭᠰᠠᠨ ᠲᠤᠬᠠᠢ ᠶ᠋ᠢᠨ ᠶᠡᠬᠡ ᠪᠣᠯᠪᠠᠰᠤᠷᠠᠯ ᠢ᠋ᠶ᠋ᠠᠨ ᠬᠠᠰᠢᠭᠳᠠᠨ ᠰᠡᠳᠬᠢᠬᠦ ᠨᠢ ᠵᠦᠢ ᠪᠢᠵᠡ᠃ ᠪᠣᠯᠪᠠᠰᠤᠷᠠᠯ ᠦᠭᠡᠢᠳᠡᠨ ᠦ᠌ ᠡᠮᠬᠢᠯᠡᠭᠰᠡᠨ ᠡᠯᠡ ᠰᠡᠳᠦᠪ ᠥᠷᠭᠡᠨ ᠴᠠᠷᠠᠭᠠ ᠲᠠᠢ᠂ ᠮᠡᠳᠡᠯᠭᠡ ᠶ᠋ᠢᠨ ᠪᠣᠯᠤᠮᠵᠢ ᠳᠡᠩᠳᠡᠭᠦᠦ ᠬᠣᠮᠰᠠ ᠬᠦᠮᠰᠡ᠂ ᠮᠡᠳᠡᠭᠦᠰᠢᠲᠡᠢ ᠨᠢ ᠳᠡᠩᠳᠡᠭᠦᠦ ᠢᠵᠠᠭᠤᠷ ᠦᠭᠡᠢ ᠠᠭᠰᠠᠨ ᠲᠤᠯᠠ ᠪᠠᠵᠠᠨ ᠲᠣᠢᠮᠣᠯᠠᠬᠤ ᠭᠡᠬᠦ ᠨᠢ ᠵᠣᠪᠠᠯᠠᠩᠲᠤ ᠠᠵᠢᠯ ᠠᠵᠠᠢ᠂ ᠡᠨᠳᠡ ᠰᠤᠳᠤᠯᠭᠠ ᠰᠤᠷᠲᠠᠯᠴᠢᠯᠠᠭᠠᠨ ᠤ᠋ ᠪᠤᠰᠤ᠂ ᠰᠤᠷᠠᠭ ᠰᠣᠨᠣᠰᠬᠠᠬᠤ ᠵᠣᠷᠢᠯᠭᠠ ᠶ᠋ᠢ ᠡᠷᠬᠢᠮᠯᠡᠨ ᠥᠩᠭᠡᠴᠡ ᠲᠠᠩᠳᠠᠭᠰᠠᠨ ᠪᠣᠯᠬᠤ ᠨᠢ ᠮᠡᠳᠡᠭᠡᠵᠢ ᠪᠣᠢ ᠊ᠶᠠ᠃ ᠹᠢᠯᠣᠰᠣᠹᠢ ᠶ᠋ᠢᠨ ᠦᠨᠡᠨ ᠢ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠨᠤᠲᠠᠯᠠᠵᠤ ᠪᠣᠯᠤᠨᠠ᠃ ᠨᠤᠲᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ᠃ ᠠᠵᠠ ᠪᠠᠷ ᠠᠮᠢ ᠶ᠋ᠢ ᠪᠣᠳᠳᡁᠠ ᠶ᠋ᠢᠨ᠂ ᠾᠷᠢᠰᠲ ᠦ᠋ᠨ ᠠᠯᠠᠯᡁᠠ ᠶ᠋ᠢᠨ ᠦᠢᠯᠡ ᠭᠡᠮᠡᠨ ᠲᠠᠢᠯᠪᠤᠷᠢᠯᠠᠭᠰᠠᠨ ᠱᠠᠰᠢᠨ ᠰᠢᠲᠦᠯᠭᠡ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢᠨ ᠳ᠋ᠤ᠌ ᠨᠥᠯᠥᠭᠡᠯᠡᠵᠦ ᠪᠠᠢᠵᠤ ᠮᠠᠭᠠᠳ ᠦᠭᠡᠢ᠃ ᠨᠢᠭᠦᠯ ᠢ᠋ᠶ᠋ᠡᠨ ᠮᠥᠷᠭᠥᠨ ᠨᠠᠮᠠᠨᠴᠢᠯᠠᠭᠰᠠᠨ ᠶᠡᠬᠡ ᠰᠢᠲᠦᠯᠭᠡ ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢ ᠳᠣᠭᠰᠢᠷᠠᠬᠤ ᠶᠡᠬᠡ ᠰᠦᠢᠳᠬᠡᠯ ᠢ᠋ ᠢᠯᠠᠷᠢᠰᠢᠭᠤᠯᠳᠠᠭ ᠪᠠᠢᠵᠤ ᠪᠣᠯᠤᠨᠠ᠃ ᠠᠵᠠ ᠪᠠᠷ ᠡᠺᠣᠯᠣᠭᠢ ᠶ᠋ᠢᠨ ᠲᠡᠩᠴᠡᠪᠦᠷᠢ ᠠᠯᠳᠠᠭᠳᠠᠪᠠ ᠭᠡᠮᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠬᠣᠶᠠᠷ ᠤ᠋ᠨ ᠲᠠᠪᠰᠢᠯᠲᠠ ᠳ᠋ᠤ᠌ ᠴᠢᠨᠠᠷ ᠢ᠋ ᠨᠢ ᠥᠪᠯᠡᠨ ᠬᠥᠭᠵᠢᠭᠦᠯᠪᠡᠰᠦ ᠭᠤᠷᠪᠠᠯ ᠣᠨᠣᠯ ᠰᠠᠶᠢ ᠴᠡᠭᠴᠡᠷᠡᠵᠦ ᠠᠮᠢᠨ ᠶᠢᠷᠲᠢᠨᠴᠦ ᠶ᠋ᠢ ᠲᠠᠨᠢᠨ ᠮᠡᠳᠡᠬᠦ ᠡᠭᠦᠳᠡ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠵᠦ ᠪᠣᠯᠤᠨᠠ᠃
ᠡᠯᠡ ᠨᠣᠮ ᠢ᠋ ᠣᠨᠣᠯ ᠭᠡᠰᠡᠨ ᠦ᠌ ᠤᠴᠢᠷ ᠨᠢ ᠠᠷᠠᠳ ᠲᠦᠮᠡᠨ ᠦ᠌ ᠭᠦᠨ ᠤᠬᠠᠭᠠᠨ ᠤ᠋ ᠲᠤᠷᠰᠢᠯᠭᠠ᠂ ᠵᠠᠩᠰᠢᠯ᠂ ᠦᠵᠡᠯ ᠪᠠᠷᠢᠮᠲᠠᠯᠠᠯ ᠢ᠋ ᠴᠣᠬᠢᠯᠠᠵᠤ《ᠣᠨᠣᠭᠠᠬᠤ》 ᠰᠠᠨᠠᠭᠠ ᠪᠥᠭᠡᠳ ᠴᠤ᠌ ᠰᠢᠨᠡ ᠨᠡᠭᠡᠭᠡᠯᠲᠡ ᠭᠠᠷᠪᠠ ᠭᠡᠬᠦ ᠦᠭᠡ ᠪᠤᠰᠤ᠂ ᠬᠠᠷᠢᠨ ᠴᠤ᠌ ᠫᠷᠡᠺᠲ᠋ᠢ᠍ᠭ ᠲᠣᠭᠠᠴᠢᠯᠲᠠ ᠭᠡᠳᠡᠭ ᠢ᠋ᠶ᠋ᠡᠨ ᠢᠯᠡᠴᠢᠯᠡᠭᠰᠡᠨ ᠬᠡᠷᠡᠭ ᠶᠦᠮ᠃ ᠫᠷᠡᠺᠲ᠋ᠢ᠍ᠭ ᠭᠡᠳᠡᠭ ᠢ᠋ ᠲᠦᠯᠬᠢᠨ ᠣᠷᠴᠢᠭᠤᠯᠬᠤ ᠪᠣᠯᠤᠭᠰᠠᠨ《ᠡᠰᠢ》 ᠶ᠋ᠢ ᠣᠯᠠᠨᠲᠠ ᠳᠤᠷᠠᠳᠤᠭᠰᠠᠨ ᠨᠢ ᠪᠢᠳᠡᠨ ᠦ᠌ ᠣᠢᠯᠠᠭᠠᠳᠠᠭ《ᠣᠨᠣᠯ》 ᠡᠬᠢ ᠤᠳᠬᠠ ᠠᠪᠠᠢ᠃《ᠡᠰᠢ ᠦᠵᠡᠭᠦᠯᠬᠦ》 ᠭᠡᠰᠡᠨ ᠬᠡᠯᠡᠯᠡᠭᠡ ᠨᠢ ᠭᠤᠷᠪᠠᠨ ᠴᠠᠭ ᠤ᠋ᠨ ᠳᠠᠯᠳᠠ ᠤᠳᠬᠠ ᠶ᠋ᠢ ᠲᠠᠢᠯᠬᠤ ᠭᠡᠰᠡᠨ ᠲᠣᠮᠢᠶᠠᠯᠠᠪᠤᠷᠢ ᠤᠯᠠᠮᠵᠢᠯᠠᠯ ᠲᠠᠢ ᠪᠣᠯᠤᠨᠠ᠃ ᠤᠭ ᠬᠣᠶᠠᠷ ᠦᠭᠡ ᠶ᠋ᠢ ᠢᠵᠠᠭᠤᠷ ᠤᠳᠬᠠ ᠶ᠋ᠢ ᠵᠥᠷᠢᠭᠦᠯᠵᠦ ᠬᠡᠪᠰᠢᠭᠦᠯᠦᠭᠡᠳ ᠪᠠᠢᠨᠠ ᠳᠠ ᠪᠢᠳᠡ᠃ ᠪᠠᠰᠠ ᠵᠣᠬᠢᠶᠠᠭᠴᠢ ᠶ᠋ᠢᠨ ᠨᠡᠷᠡ ᠨᠠ᠊ ᠬᠠᠭᠠᠨᠪᠣᠣ ᠭᠡᠵᠦ ᠪᠣᠢ ᠨᠢ ᠬᠤᠪᠢ ᠶ᠋ᠢᠨ ᠭᠠᠵᠢ ᠶᠡᠬᠡᠮᠰᠦᠭᠯᠡᠯ ᠪᠢᠰᠢ᠃ ᠠᠷᠠᠳ ᠤ᠋ᠨ ᠵᠣᠬᠢᠶᠠᠯᠴᠢ ᠲᠠᠰᠢᠳᠣᠷᠤᠪ᠂ ᠰᠣᠶᠣᠯ ᠤ᠋ᠨ ᠭᠠᠪᠢᠶᠠᠲᠤ ᠴ ᠬᠠᠰᠪᠠᠭᠠᠲᠤᠷ ᠠᠪᠤᠭᠠᠢ ᠨᠠᠷ ᠨᠢᠭᠡᠨ ᠳᠣᠣᠷᠠ ᠨᠣᠮ ᠤ᠋ᠨ ᠨᠡᠷᠡ ᠲᠡᠢ ᠪᠣᠯᠬᠤ ᠵᠥᠪᠯᠡᠮᠵᠢ ᠥᠭᠴᠦ᠂ ᠲᠥᠷᠥ ᠶ᠋ᠢᠨ ᠰᠣᠶᠣᠷᠬᠠᠯᠲᠣ ᠳ ᠴᠣᠣᠳᠣᠯ᠂ ᠨᠡᠷᠡᠲᠦ ᠵᠣᠬᠢᠶᠠᠯᠴᠢ ᠽ· ᠲᠦᠮᠡᠨᠵᠢᠷᠭᠠᠯ ᠨᠠᠷ ᠪᠦᠲᠦᠭᠡᠯ ᠢ᠋ ᠮᠢᠨᠢ ᠡᠢᠨ ᠨᠡᠷᠡ ᠪᠡᠷ ᠭᠠᠷᠭᠠᠵᠤ ᠮᠥᠷᠳᠡᠰᠦᠭᠡᠢ ᠭᠡᠮᠡᠨ ᠨᠥᠬᠥᠷ ᠦ᠋ᠨ ᠶᠣᠰᠣ ᠪᠠᠷ ᠵᠠᠬᠢᠭᠰᠠᠨ ᠤᠴᠢᠷ ᠲᠠᠢ ᠪᠥᠯᠥᠭᠡ᠃
ᠪᠢ ᠡᠯᠳᠡᠪ ᠨᠣᠮ ᠣᠩᠭᠢᠴᠢᠨ ᠭᠦᠨ ᠭᠦᠨᠵᠡᠭᠡᠢ ᠰᠤᠳᠤᠯᠭᠠ ᠬᠢᠭᠡ ᠦᠭᠡᠢ ᠪᠥᠭᠡᠳ ᠠᠬᠤᠢ ᠳ᠋ᠤ᠌ ᠨᠢᠭᠡᠨᠲᠡ ᠬᠡᠪᠰᠢᠭᠰᠡᠨ ᠤᠴᠢᠷ ᠵᠦᠢ ᠰᠤᠷᠭᠠᠯ ᠢ᠋ ᠮᠥᠰᠬᠢᠨ ᠰᠠᠨᠠᠭᠤᠯᠵᠤ᠂ ᠨᠣᠮ ᠤ᠋ᠨ ᠰᠠᠳᠤᠨ ᠬᠡᠨ ᠨᠢ ᠴᠦ᠍ ᠮᠡᠳᠡᠯᠭᠡ ᠶ᠋ᠢᠨ ᠬᠦᠷᠢᠶᠡᠨ ᠳ᠋ᠡᠬᠢ ᠶᠡᠷᠦᠩᠬᠡᠢ ᠡᠷᠳᠡᠮ ᠢ᠋《ᠭᠤᠷᠪᠠᠯ ᠤ᠋ᠨ ᠣᠨᠣᠯ》 ᠳ᠋ᠤ᠌ ᠬᠠᠨᠳᠤᠭᠤᠯᠵᠤ ᠡᠷᠭᠢᠴᠡᠭᠦᠯᠦᠭᠰᠡᠨ ᠲᠤᠯᠠ《ᠠᠰᠢᠭᠯᠠᠭᠰᠠᠨ ᠨᠣᠮ ᠵᠦᠢ ᠶ᠋ᠢᠨ ᠵᠢᠭᠰᠠᠭᠠᠯᠲᠠ》 ᠵᠠᠷᠭᠡ ᠶ᠋ᠢ ᠬᠠᠪᠰᠤᠷᠭᠠᠭᠰᠠᠨ ᠦᠭᠡᠢ᠃ ᠴᠢᠩᠭᠢᠪᠡᠰᠦ ᠪᠣᠯᠪᠠᠰᠤᠷᠠᠯ ᠥᠨᠳᠥᠷ ᠤᠩᠰᠢᠭᠴᠢ ᠣᠯᠠᠨ ᠢ᠋ᠶ᠋ᠠᠨ ᠴᠢᠯᠡᠭᠡᠬᠦ ᠲᠡᠳᠦᠢ ᠦᠭᠡᠢ᠂ ᠴᠢᠮᠠᠷᠬᠠᠭᠰᠠᠨ ᠪᠣᠯᠤᠨᠠ ᠭᠡᠮᠡᠨ ᠡᠮᠢᠶᠡᠭᠰᠡᠨ ᠢ᠋ᠶ᠋ᠡᠨ ᠥᠴᠢᠮᠦᠢ᠃ ᠲᠡᠭᠦᠨ ᠡᠴᠡ ᠪᠢᠰᠢ ᠣᠷᠣᠰ ᠮᠣᠩᠭᠣᠯ ᠲᠡᠷᠡ ᠪᠠᠢᠲᠤᠭᠠᠢ ᠠᠩᠭ᠌ᠯᠢ᠂ ᠭᠧᠷᠮᠠᠨ ᠴᠤ᠌ ᠶᠤᠮ ᠤᠤ ᠬᠡᠳᠦᠨ ᠨᠣᠮ ᠤ᠋ᠨ ᠨᠡᠷᠡ ᠡᠰᠢᠯᠡᠬᠦ ᠠᠮᠠᠷᠬᠠᠨ ᠪᠠᠢᠯᠭᠦᠢ ᠶᠠᠭᠠᠬᠢᠬᠤᠪ ᠠ᠋᠃ ᠲᠠ ᠤᠩᠰᠢᠵᠤ ᠥᠨᠳᠥᠷᠯᠡᠭᠰᠡᠨ ᠡᠨᠡ ᠬᠣᠷᠣᠮ ᠳ᠋ᠠᠭᠠᠨ ᠨᠣᠮ ᠤ᠋ᠨ ᠨᠡᠷᠡ ᠪᠡᠨ ᠡᠷᠭᠢᠵᠦ ᠨᠢᠭᠡ ᠬᠠᠷᠠᠭᠠᠳ《ᠮᠥᠩᠬᠡᠭᠠᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ᠂ ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢᠨ ᠭᠠᠷᠪᠠᠯᠢ》 ᠭᠡᠮᠡᠨ ᠵᠠᠯᠠᠷᠠᠭᠤᠯᠵᠤ ᠨᠢᠭᠡ ᠪᠢᠰᠢᠯᠭᠠᠨᠠ ᠤᠤ? ᠮᠣᠩᠭᠣᠯ ᠤ᠋ᠨ ᠭᠡᠪᠡᠯ ᠰᠠᠶᠢᠬᠠᠨ ᠤ᠋ ᠮᠥᠩᠬᠡᠭᠠᠯ ᠤ᠋ᠨ ᠬᠡᠪ ᠡᠴᠡ ᠥᠨᠢ ᠡᠷᠲᠡᠨ ᠦ᠌ ᠰᠠᠨᠠᠭᠠ ᠴᠤᠬᠤᠯᠵᠠᠬᠤ ᠲᠤᠯᠠ《ᠵᠠᠯᠠᠷᠠᠭᠤᠯᠵᠤ》 ᠭᠡᠰᠡᠨ ᠠᠪᠠᠢ᠃ ᠪᠠᠰᠠ ᠶᠢᠷᠲᠢᠨᠴᠦ ᠶ᠋ᠢᠨ ᠭᠡᠳᠡᠭ ᠦᠭᠡ ᠬᠥᠮᠦᠨ ᠠᠮᠢᠲᠠᠨ᠂ ᠪᠠᠢᠭᠠᠯᠢ ᠳᠡᠯᠡᠬᠡᠢ᠂ ᠣᠷᠴᠢᠯᠠᠩᠲᠤ ᠬᠣᠷᠸᠠ ᠲᠡᠳᠦᠢ ᠦᠭᠡᠢ ᠰᠡᠳᠬᠢᠯᠭᠡᠨ ᠦ᠌ ᠭᠡᠰᠡᠨ ᠠᠭᠤᠯᠭᠠ ᠳᠠᠭᠠᠭᠠᠵᠤ ᠪᠠᠢᠭᠠ ᠶ᠋ᠢ ᠪᠣᠯᠭᠣᠭᠠᠭᠲᠤᠨ! ᠡᠭᠦᠨ ᠯᠦ᠍ᠭᠡ ᠲᠥᠰᠲᠡᠢ ᠪᠡᠷ《ᠭᠠᠷᠪᠠᠯᠢ》 ᠭᠡᠳᠡᠭ ᠢ᠋ ᠡᠭᠦᠰᠦᠯ ᠭᠡᠮᠡᠨ ᠤᠬᠠᠵᠤ ᠮᠥᠴᠢᠭᠳᠡᠬᠦ ᠪᠣᠢ ᠭᠡᠮᠡᠨ ᠴᠡᠨᠡᠮᠦᠢ᠃ ᠭᠠᠷᠪᠠᠯᠢ ᠭᠡᠳᠡᠭ《ᠠᠮᠢ》 ᠨᠢᠭᠤᠷ ᠲᠠᠢ ᠲᠤᠯᠠ ᠡᠭᠦᠰᠦᠯ ᠬᠥᠭᠵᠢᠯ ᠭᠦᠨ ᠤᠬᠠᠭᠠᠨ ᠤ᠋ ᠳᠣᠲᠣᠭᠠᠳᠤ ᠲᠠᠢ ᠣᠨᠣᠯᠴᠢ ᠲᠣᠮᠢᠶᠠᠯᠠᠯ ᠮᠥᠨ ᠪᠣᠯᠠᠢ᠃
ᠬᠥᠮᠦᠨ ᠪᠦᠷᠢ᠂ ᠮᠡᠷᠭᠡᠵᠢᠯᠲᠡᠨ ᠪᠦᠷᠢ ᠡᠮᠦᠨᠡᠬᠢ ᠵᠣᠷᠢᠯᠭᠠ᠂ ᠥᠨᠥ ᠶ᠋ᠢᠨ ᠦᠢᠯᠡᠰ᠂ ᠥᠴᠥᠭᠡᠳᠦᠷ ᠦ᠋ᠨ ᠡᠪᠦᠭᠡ ᠭᠤᠷᠪᠠᠯ ᠤ᠋ᠨ ᠣᠨᠣᠯ ᠤ᠋ᠨ ᠪᠠᠷᠢᠯ ᠢ᠋ᠶ᠋ᠠᠷ ᠬᠦᠰᠦᠨᠦᠭᠲᠦ ᠬᠢᠵᠦ ᠪᠠᠢᠭᠠᠳ ᠳ᠋ᠦᠩᠨᠡᠯᠲᠡ ᠨᠡᠭᠡᠭᠡᠵᠦ ᠰᠢᠯᠭᠠᠭᠠᠰᠠᠢ᠃ ᠲᠡᠷᠡ ᠭᠠᠷᠭᠠᠯᠭᠠ ᠠᠮᠢᠳᠤ — ᠠᠯᠲᠠ ᠪᠤᠶᠤ᠃ ᠮᠥᠩᠬᠡᠭᠠᠯ ᠲᠣᠭᠣᠷᠢᠭᠰᠠᠨ ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠭᠦᠨ ᠤᠬᠠᠭᠠᠨ ᠳ᠋ᠠᠭᠠᠨ ᠰᠥᠭᠥᠳᠦᠨ ᠪᠢᠰᠢᠷᠡᠵᠦ ᠮᠥᠷᠭᠥᠵᠡᠭᠡᠶᠡ᠃ ᠮᠥᠩᠬᠡ ᠲᠩᠷᠢ ᠰᠢᠲᠦᠭᠡᠨ᠂ ᠮᠥᠩᠬᠡ ᠭᠠᠯ ᠰᠦᠯᠳᠡᠲᠦ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭ᠂ ᠮᠥᠩᠬᠡ ᠢᠷᠦᠭᠡᠯᠲᠦ ᠭᠠᠯ ᠭᠣᠯᠣᠮᠲᠠ ᠶ᠋ᠢᠨ ᠰᠢᠲᠦᠯᠭᠡ ᠲᠡᠳᠡᠭᠡᠷ ᠴᠤ᠌ ᠲᠥᠪᠯᠡᠭᠰᠡᠨ ᠠᠷᠠᠳ ᠤ᠋ᠨ ᠶᠣᠰᠣ ᠵᠠᠩᠰᠢᠯ᠂ ᠲᠦᠮᠡ ᠪᠤᠮᠠᠨ ᠭᠠᠷᠭᠠᠯᠭᠠ ᠨᠢ ᠪᠣᠯᠬᠤ ᠡᠷᠳᠡᠮ ᠰᠣᠶᠣᠯ᠂ ᠤᠬᠠᠭᠠᠨ᠂ ᠲᠡᠦᠬᠡ᠂ ᠶᠣᠰᠣ ᠵᠣᠷᠢᠭ᠂ ᠶᠣᠰᠣ ᠵᠠᠩᠰᠢᠯ ᠴᠠᠴᠣᠷᠠᠮᠤ᠃ ᠲᠤᠯᠭᠠ ᠶ᠋ᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠪᠠᠲᠤ ᠪᠣᠯᠲᠤᠭᠠᠢ!
ᠮᠥᠩᠬᠡ ᠲᠩᠷᠢ ᠳ᠋ᠡᠭᠡᠨ ᠰᠠᠴᠤᠯᠢ ᠪᠠᠨ ᠡᠷᠭᠦᠵᠡᠭᠡᠮᠦ
ᠪᠠᠢᠭᠠᠯᠢ ᠶ᠋ᠢᠨ ᠵᠢᠮᠡ ᠬᠠᠤᠯᠢ᠂ ᠶᠢᠷᠲᠢᠨᠴᠦ ᠶ᠋ᠢᠨ ᠷᠢᠳᠢ ᠰᠢᠳᠢ᠂ ᠠᠮᠢ ᠬᠦᠴᠦᠨ ᠦ᠌ ᠮᠡᠳᠡᠭᠡᠯᠡᠯ ᠠᠭᠤᠯᠤᠭᠴᠢ ᠤᠪᠠᠳᠢᠰᠲᠤ ᠬᠢᠵᠠᠭᠠᠷ ᠦᠭᠡᠢ ᠣᠷᠣᠨ ᠵᠠᠢ ᠶ᠋ᠢᠨ ᠳᠣᠯᠭᠢᠶᠠᠯᠢᠭ ᠡᠵᠡᠨ ᠮᠥᠩᠬᠡ ᠲᠩᠷᠢ᠂ ᠪᠠᠢᠭᠠ ᠪᠠᠶᠠᠯᠢᠭ ᠬᠥᠮᠦᠨ ᠦ᠌ ᠳᠡᠭᠡᠵᠢ᠂ ᠪᠠᠢᠬᠤ ᠦᠭᠡᠢ ᠪᠦᠬᠦᠨ ᠢ᠋ ᠨᠢᠭᠤᠴᠠᠯᠠᠭᠰᠠᠨ ᠨᠡᠭᠡᠭᠡᠯᠲᠡ ᠡᠷᠳᠡᠨᠢ ᠪᠠᠢᠭᠠᠯᠢ ᠯᠤᠤᠰ ᠯᠤᠭᠠ ᠬᠤᠪᠢ ᠬᠥᠮᠦᠨ ᠦ᠌ ᠪᠡᠨ ᠬᠤᠪᠢ ᠳ᠋ᠤ᠌ ᠴᠣᠭᠴᠠᠯᠠᠨ ᠰᠦᠰᠦᠭᠯᠡᠨ ᠵᠠᠯᠪᠠᠷᠢᠵᠠᠭᠠᠶᠠ᠃ ᠠᠷᠢᠭᠤᠨ ᠠᠮᠢᠨ ᠤ᠋ ᠬᠦᠰᠡᠯᠡᠩ ᠦ᠋ᠨ ᠡᠯᠴᠢ ᠰᠠᠴᠤᠯᠢ ᠪᠤᠶᠤ᠃ ᠬᠣᠷᠸᠠ ᠨᠢᠭᠡᠨ ᠠᠮᠢ ᠲᠠᠢ᠂ ᠪᠡᠶᠡᠰ ᠢ᠋ᠶ᠋ᠡᠨ ᠲᠥᠯᠥᠵᠢᠭᠦᠯᠦᠨ ᠴᠡᠨᠡᠭᠯᠡᠬᠦ᠂ ᠬᠠᠷᠢᠯᠴᠠᠨ ᠮᠡᠳᠡᠭᠡᠯᠡᠬᠦ ᠠᠲᠠᠯᠠᠬᠤ ᠬᠢᠭᠡᠳ ᠠᠪᠤᠷᠠᠬᠤ ᠰᠦᠯᠵᠢᠶᠡ ᠣᠨᠴᠠᠭᠠᠢ ᠦᠨᠡᠨ ᠪᠥᠯᠥᠭᠡ᠃ ᠲᠩᠷᠢ ᠳ᠋ᠦ᠍ ᠴᠢᠭᠤᠯᠤᠭᠰᠠᠨ ᠲᠦᠮᠡᠨ ᠦᠵᠡᠭᠳᠡᠯ ᠦ᠋ᠨ ᠠᠮᠢᠨ ᠮᠡᠳᠡᠭᠡ᠂ ᠮᠢᠩᠭᠠᠨ ᠨᠥᠯᠥᠭᠡ᠂ ᠪᠤᠮᠠᠨ ᠵᠦᠢᠯ ᠠᠮᠢᠲᠠᠨ ᠤ᠋ ᠠᠮᠢ ᠠᠬᠤᠢ ᠣᠶᠤᠨ ᠤ᠋ ᠬᠤᠷᠠᠯ ᠳ᠋ᠤ᠌ ᠡᠶᠡᠷᠭᠦ ᠡᠰᠡᠷᠭᠦ ᠬᠢᠭᠡᠳ ᠰᠢᠲᠦᠯᠴᠡᠯ ᠦ᠋ᠨ ᠴᠡᠨᠡᠭᠵᠢᠯ᠂ ᠬᠡᠢ᠂ ᠠᠮᠢ ᠲᠠᠨ ᠤ᠋ ᠳᠡᠭᠡᠷᠡ ᠬᠥᠬᠡᠷᠡᠨᠮᠦ᠃ ᠣᠪᠣᠭᠠ ᠲᠠᠬᠢᠯ ᠪᠦᠷᠢ ᠶ᠋ᠢᠨ ᠣᠩᠭᠣᠨ ᠳᠠᠭᠰᠢᠨ ᠰᠢᠳᠢ ᠳ᠋ᠦ᠍ ᠲᠠᠨ ᠤ᠋ ᠮᠢᠨᠢ ᠠᠮᠢᠨ ᠰᠢᠲᠦᠯᠴᠡᠭᠡ ᠬᠤᠪᠢ ᠪᠠᠢᠭᠠᠰᠠᠢ᠃ ᠳᠡᠭᠡᠷᠡ ᠲᠩᠷᠢ ᠮᠢᠨᠦ᠃
ᠮᠥᠩᠬᠡ ᠭᠠᠯ ᠰᠦᠯᠳᠡᠲᠦ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭ ᠲᠠᠭᠠᠨ ᠮᠥᠷᠭᠥᠵᠡᠭᠡᠮᠦ
ᠨᠡᠢᠭᠡᠮ ᠲᠥᠷᠥ ᠪᠡᠨ ᠳᠡᠭᠵᠢᠭᠡᠨ ᠲᠡᠳᠬᠦᠶᠡ ᠬᠡᠮᠡᠨᠡ᠂ ᠲᠥᠷᠥᠯᠬᠢ ᠡᠬᠡ ᠣᠷᠣᠨ ᠳᠠᠶᠠᠩ ᠢ᠋ᠶ᠋ᠠᠨ ᠲᠦᠪᠰᠢᠨ ᠠᠮᠤᠭᠤᠯᠠᠩ ᠠᠵᠤ ᠲᠦᠷᠦᠭᠡᠰᠡᠢ ᠬᠡᠮᠡᠨᠡ《ᠴᠠᠭᠠᠨ ᠰᠠᠷᠠ》 ᠲᠥᠷᠥ ᠤᠯᠤᠰ ᠲᠤᠩᠬᠠᠭᠯᠠᠭᠰᠠᠨ ᠤ᠋ ᠦᠨᠡᠨ ᠪᠠᠶᠠᠷ ᠶᠤᠭᠠᠨ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭ(ᠶᠢᠰᠦᠨ ᠬᠦᠰᠡᠯ ᠲᠥᠯᠥᠭᠡᠯᠡᠮᠦ)᠂ ᠨᠠᠷᠠ ᠰᠠᠷᠠ ᠭᠠᠯ ᠰᠦᠯᠳᠡ ᠪᠡᠨ(ᠮᠥᠩᠬᠡᠵᠢᠬᠦᠢ) ᠳᠠᠭᠢᠬᠤ ᠶᠣᠰᠣᠯᠠᠯ ᠳ᠋ᠤ᠌ ᠨᠢᠭᠡᠳᠬᠡᠵᠦ᠂ ᠨᠡᠢᠰᠯᠡᠯ ᠵᠣᠷᠢᠭᠰᠠᠨ ᠰᠡᠳᠬᠢᠯ ᠵᠣᠷᠢᠯᠭᠠ᠂ ᠴᠠᠭ ᠬᠤᠭᠤᠴᠠᠭᠠ᠂ ᠵᠣᠯ ᠵᠠᠪᠰᠢᠶᠠᠨ ᠪᠦᠬᠦᠨ ᠳ᠋ᠦ᠍ ᠶᠡᠬᠡ ᠥᠷᠭᠥᠭᠡ ᠣᠷᠳᠣᠨ ᠤ᠋ ᠲᠠᠬᠢᠯ ᠲᠢᠩᠬᠢᠮ ᠨᠢ ᠨᠡᠭᠡᠭᠡᠯᠲᠡ ᠲᠡᠢ ᠪᠠᠢᠭ! ᠤᠳᠤᠮ ᠳᠡᠭᠡᠳᠦᠰ ᠦ᠋ᠨ ᠤᠬᠠᠭᠠᠨᠲᠤ ᠮᠡᠷᠭᠡᠳ᠂ ᠬᠠᠭᠠᠳ᠂ ᠬᠠᠷᠠᠴᠤᠰ ᠪᠦᠬᠦᠨ ᠦ᠌ ᠣᠶᠤᠨ ᠤ᠋ ᠲᠥᠪᠯᠡᠷᠡᠯ ᠰᠢᠲᠦᠭᠡᠨ ᠦ᠌ ᠰᠦᠰᠦᠭᠯᠡᠯ ᠰᠦᠯᠳᠡ ᠲᠠᠨ ᠤ᠋ ᠪᠣᠯᠤᠭᠠᠳ ᠮᠠᠨ ᠤ᠋ ᠠᠬᠤᠢ ᠵᠢᠷᠭᠠᠯᠠᠩ ᠢ᠋ ᠠᠪᠤᠷᠠᠨ ᠲᠡᠳᠬᠦᠬᠦ ᠠᠴᠢᠯᠠᠯ ᠳ᠋ᠤ᠌ ᠬᠡᠢᠮᠣᠷᠢ ᠴᠣᠭ ᠨᠡᠮᠡᠮᠦ᠃ ᠭᠦᠷᠦᠨ ᠦ᠌ ᠰᠦᠯᠳᠡ ᠮᠢᠨᠦ᠃
ᠭᠠᠯ ᠰᠢᠲᠦᠯᠭᠡ᠂ ᠶᠣᠰᠣ ᠵᠠᠩᠰᠢᠯ ᠢ᠋ᠶ᠋ᠠᠨ ᠳᠡᠭᠡᠳᠦᠯᠡᠵᠡᠭᠡᠮᠦ
ᠡᠯᠢᠭᠡ ᠪᠡᠷ ᠢ᠋ᠶ᠋ᠡᠨ ᠡᠩᠬᠡ᠂ ᠲᠥᠷᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠦᠪᠰᠢᠨ ᠢ᠋ ᠮᠥᠷᠥᠭᠡᠳᠪᠡᠰᠦ ᠤᠨᠠᠭᠠᠨ ᠭᠠᠯ ᠪᠡᠯᠭᠡᠳᠡᠯ ᠢ᠋ᠶ᠋ᠡᠨ ᠰᠢᠲᠦᠵᠦ ᠢᠷᠦᠭᠡᠯ ᠶᠠᠭᠤ ᠪᠠᠨ ᠰᠢᠩᠭᠡᠭᠡᠮᠦ᠃ ᠲᠡᠢᠨ ᠡᠶᠡᠷᠭᠦ ᠰᠡᠳᠬᠢᠯ ᠣᠷᠴᠢᠨ ᠢ᠋ᠶ᠋ᠠᠨ ᠠᠷᠢᠭᠤᠯᠠᠵᠤ ᠬᠡᠢ ᠪᠢᠴᠢᠯ ᠪᠣᠭᠰᠢᠯ ᠪᠤᠵᠠᠷ ᠪᠦᠷᠢ ᠶ᠋ᠢ ᠭᠠᠯ ᠨᠣᠮᠣᠬᠠᠳᠬᠠᠵᠤ᠂ ᠲᠠᠨ ᠤ᠋ ᠴᠠᠭᠠᠨ ᠥᠷᠥᠭᠡ ᠠᠷᠢᠭᠤᠨ ᠭᠣᠯᠣᠮᠲᠠ ᠳ᠋ᠤ᠌ ᠪᠠᠶᠠᠷ ᠪᠠᠶᠠᠰᠤᠯ ᠴᠢᠭᠤᠯᠬᠤ ᠪᠤᠶᠤ᠃᠃ ᠡᠨᠡ ᠬᠦ᠌ ᠰᠠᠢᠨ ᠨᠥᠯᠥᠭᠡᠯᠡᠯ ᠢ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠡᠬᠡᠭᠡᠷᠡᠨ ᠮᠡᠳᠡᠷᠡᠵᠦ ᠦᠨᠳᠦᠰᠦ ᠶ᠋ᠢ ᠨᠢ ᠡᠷᠢᠨᠡᠮ ᠊ᠢᠡ᠃ ᠠᠷᠢᠭᠤᠨ ᠭᠣᠯᠣᠮᠲᠠ ᠮᠢᠨᠦ᠃
ᠠᠷᠠᠳ ᠲᠦᠮᠡᠨ ᠦ᠌ ᠭᠦᠨ ᠤᠬᠠᠭᠠᠨ ᠶᠣᠰᠣ ᠵᠠᠩᠰᠢᠯ ᠪᠡᠯᠭᠡᠳᠡᠯ ᠪᠦᠬᠦᠨ ᠢ᠋ ᠴᠡᠭᠴᠡᠯᠡᠨ ᠠᠢᠯᠠᠳᠴᠤ᠂ ᠬᠣᠢᠴᠢᠰ ᠢ᠋ᠶ᠋ᠠᠨ ᠴᠡᠭᠴᠡᠯᠡᠨ ᠬᠥᠮᠦᠵᠢᠭᠦᠯᠦᠭᠴᠢ ᠲᠢᠭ ᠲᠡᠢ ᠭᠡᠷ ᠦ᠋ᠨ ᠰᠤᠷᠭᠠᠭᠤᠯᠢ ᠪᠠᠨ ᠠᠢᠯ ᠪᠦᠷᠢ ᠡᠷᠭᠢᠨ ᠰᠡᠷᠭᠦᠭᠡᠨ ᠬᠥᠭᠵᠢᠭᠦᠯᠰᠦᠭᠡᠢ᠃ ᠡᠨᠡ ᠴᠠᠭ ᠲᠤ᠌ ᠰᠠᠶᠢ ᠪᠠᠢᠭᠠᠯᠢ ᠶ᠋ᠢᠨ ᠵᠢᠮᠡ᠂ ᠲᠥᠷᠥ ᠶ᠋ᠢᠨ ᠬᠠᠤᠯᠢ᠂ ᠬᠥᠮᠦᠨ ᠦ᠌ ᠰᠣᠶᠣᠯ ᠭᠡᠮ ᠲᠡᠭᠰᠢ ᠲᠦᠭᠡᠬᠦ ᠪᠤᠶᠤ᠃ ᠭᠤᠷᠪᠠᠯ ᠣᠨᠣᠯ ᠳ᠋ᠠᠭᠠᠨ ᠪᠢᠰᠢᠷᠡᠮᠦ᠃ ᠡᠰᠢ ᠨᠢ ᠵᠢᠸᠠ ᠵᠢᠯ ᠦ᠋ᠨ ᠤᠬᠠᠭᠠᠨ ᠤ᠋ ᠦᠨᠳᠦᠰᠦ ᠤᠳᠤᠮᠰᠢᠯ ᠠ᠋᠃ ᠮᠥᠩᠬᠡᠭᠠᠯ ᠤᠯᠤᠰ ᠮᠠᠨᠳᠤᠬᠤ ᠪᠣᠯᠲᠤᠭᠠᠢ! ᠡᠨᠡ ᠨᠢ ᠤᠯᠠᠮᠵᠢᠯᠠᠯ ᠤ᠋ᠨ ᠰᠢᠨᠡᠴᠢᠯᠡᠯ ᠪᠠᠢᠮᠤ ᠊ᠶᠠ᠃
ᠲᠡᠢᠮᠦ ᠠ᠋᠂ ᠢᠷᠡᠭᠡᠳᠦᠢ ᠶ᠋ᠢᠨ ᠲᠦᠯᠬᠢᠭᠦᠷ ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢᠨ ᠭᠠᠷᠭᠠᠯᠭᠠ(ᠭᠦᠨ ᠤᠬᠠᠭᠠᠨ) ᠮᠥᠨ ᠪᠥᠯᠥᠭᠡ᠃ ᠮᠥᠩᠬᠡᠭᠠᠯ ᠣᠪᠣᠭᠲᠠᠨ ᠨᠤᠭᠤᠳ ᠤ᠋ᠨ ᠲᠣᠷᠭᠠᠨ(ᠬᠠᠷᠠ)ᠤᠬᠠᠭᠠᠨ᠂ᠵᠥᠩᠴᠢ᠂ᠶᠣᠷᠤᠴᠢ᠂ ᠰᠣᠪᠢᠩᠴᠢ ᠰᠡᠳᠬᠢᠬᠦᠢ ᠶ᠋ᠢᠨ ᠥᠪ ᠪᠡᠯᠭᠡ ᠤᠳᠤᠮᠰᠢᠭᠰᠠᠨ ᠰᠢᠨᠵᠢ《ᠭᠤᠷᠮᠤᠰᠤᠨ ᠰᠡᠳᠬᠢᠯᠭᠡ》 ᠮᠥᠨ ᠭᠡᠳᠡᠭ ᠢ᠋ ᠳᠣᠣᠷᠠ ᠰᠥᠭᠥᠳᠦᠨ ᠵᠠᠷᠯᠠᠰᠤᠭᠠᠢ!《ᠮᠣᠩᠭᠣᠯ ᠵᠠᠩᠰᠢᠯ ᠭᠤᠷᠪᠠᠯ ᠣᠨᠣᠯ》 ᠨᠣᠮ ᠢ᠋ᠶ᠋ᠠᠷ ᠵᠣᠯᠭᠠᠬᠤ ᠰᠠᠢᠨ ᠴᠠᠭ ᠠᠢᠰᠤᠢ ᠪᠣᠯᠤᠭᠠᠰᠠᠢ ᠨᠢ᠃ ᠡᠨᠡ ᠶᠡᠬᠡ ᠳᠠᠯᠠᠢ ᠶ᠋ᠢᠨ ᠡᠷᠭᠢ ᠳ᠋ᠦ᠍ ᠡᠷᠭᠢᠵᠦ ᠲᠤᠬᠠᠯᠠᠬᠤ ᠢᠷᠦᠭᠡᠯ ᠲᠠᠯᠪᠢᠶᠤ᠃
—————————————
① ᠴᠢᠷᠭᠠᠭᠤᠴᠠᠯᠳᠤᠬᠤ— ᠨᠣᠣᠷᠠᠯᠳᠤᠬᠤ ᠵᠢᠭᠤᠷᠠᠯᠳᠤᠬᠤ( ᠪᠠᠭᠤᠯᠠᠭᠠᠴᠢ)
1992 ᠣᠨ ᠤ᠋5 ᠰᠠᠷᠠ᠂1998—7—11 ᠰᠠᠷᠠ
ᠴᠡᠩᠭᠡᠯᠲᠡᠢ ᠶ᠋ᠢᠨ ᠲᠠᠬᠢᠯᠭᠠᠲᠤ ᠠᠭᠤᠯᠠᠨᠠ ᠲᠡᠷᠯᠡᠭᠰᠡᠨ ᠪᠢᠴᠢᠳᠡᠰᠦ ᠪᠦᠷᠢ ᠪᠡᠨ ᠪᠢᠩᠳᠤᠯᠠᠨ ᠵᠠᠩᠰᠢᠯᠠᠵᠤ ᠴᠠᠭ ᠬᠠᠳᠬᠤᠪᠠᠢ᠃
2011.5.9.21᠄40 ᠪᠠᠭᠤᠯᠭᠠᠵᠤ ᠳᠠᠭᠤᠰᠬᠠᠪᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠭᠳᠠᠭᠤᠨᠪᠠᠶᠠᠷ
ᠦᠰᠦᠭ ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ᠂ ᠭᠠᠷᠮᠠ