ᠨᠢᠭᠡ᠂ ᠠᠮᠢ ᠰᠢᠨᠡᠯᠢᠭ ᠰᠡᠳᠬᠢᠯᠭᠡᠨ ᠳ᠋ᠦ᠍-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ3-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
255ᠨᠢᠭᠡ᠂ ᠠᠮᠢ ᠰᠢᠨᠡᠯᠢᠭ ᠰᠡᠳᠬᠢᠯᠭᠡᠨ ᠳ᠋ᠦ᠍
ᠭᠤᠲᠠᠭᠠᠷ ᠶᠢᠰᠦᠯ ᠪᠦᠯᠦᠭ
ᠬᠡᠷᠪᠡ ᠶᠡᠬᠡ ᠵᠢᠷᠤᠮ ᠢ᠋ ᠦᠯᠦ ᠰᠠᠬᠢᠪᠠᠰᠤ ᠪᠤᠰᠤᠳ ᠤ᠋ᠨ ᠶᠠᠪᠤᠳᠠᠯ ᠢ᠋ ᠳᠠᠭᠠᠬᠤ ᠳ᠋ᠤ᠌ ᠬᠦᠷᠴᠦ᠂
ᠡᠳᠦᠭᠡ᠂ ᠡᠴᠦᠰ ᠠᠯᠢᠨ ᠳ᠋ᠤ᠌ ᠴᠤ ᠰᠠᠢᠨ ᠢ᠋ ᠭᠡᠭᠡᠵᠦ ᠮᠠᠭᠤ ᠶ᠋ᠢ ᠬᠠᠳᠠᠭᠠᠯᠠᠬᠤ ᠭᠡᠮ ᠲᠡᠢ᠃
(ᠵᠠᠯᠠᠬᠠᠽᠠ ᠬᠤᠲᠤᠭᠲᠤ ᠳᠠᠮᠳᠢᠨᠪᠠᠽᠠᠷ)
ᠨᠢᠭᠡ᠂ ᠠᠮᠢ ᠰᠢᠨᠡᠯᠢᠭ ᠰᠡᠳᠬᠢᠯᠭᠡᠨ ᠳ᠋ᠦ᠍
ᠶᠡᠬᠡ ᠡᠷᠳᠡᠮᠲᠡᠨ ᠯᠶᠸᠸ ᠭᠣᠮᠢᠯᠶᠣᠸ ᠤ᠋ᠨ ᠨᠡᠭᠡᠭᠡᠭᠰᠡᠨ ᠡᠷᠴᠢᠮᠲᠦ ᠬᠦᠴᠦᠨ ᠦ᠌ ᠣᠨᠣᠯ《ᠫᠠᠰᠰᠶᠤᠨᠠᠷᠢ》 ᠭᠡᠳᠡᠭ ᠢ᠋ ᠠᠮᠢᠳᠤᠷᠠᠬᠤ ᠬᠦᠴᠦᠨ᠂ ᠡᠷᠴᠢᠮᠲᠦ ᠭᠡᠮᠡᠨ ᠣᠷᠴᠢᠭᠤᠯᠵᠤ ᠪᠣᠢ ᠴᠤ᠌ ᠴᠣᠬᠣᠮ ᠶᠠᠭᠤ ᠬᠡᠯᠡᠭᠡᠳ ᠪᠣᠢ ᠶ᠋ᠢ ᠲᠡᠷᠡ ᠪᠦᠷᠢ ᠣᠢᠯᠠᠭᠠᠭᠠ ᠦᠭᠡᠢ᠂ ᠪᠠᠷᠢᠨ ᠲᠠᠯᠪᠢᠨ ᠮᠡᠳᠡᠷᠡᠭᠡ ᠦᠭᠡᠢ ᠪᠠᠢᠭᠠ ᠮᠡᠲᠦ᠃ ᠫᠠᠰᠰᠶᠤᠨᠠᠷᠢ ᠭᠡᠳᠡᠭ ᠪᠣᠯ ᠤᠳᠬᠠ ᠪᠠᠨ ᠠᠮᠢᠨ ᠤ᠋ ᠢᠳᠡᠪᠬᠢᠵᠢᠯ᠂ ᠠᠮᠢ ᠴᠡᠨᠡᠭᠯᠡᠯ ᠡᠰᠡᠬᠦᠯᠡ《ᠠᠮᠢ》 ᠪᠤᠰᠤ ᠤᠤ? ᠣᠭᠲᠠᠷᠭᠤᠢ(ᠮᠥᠩᠬᠡ ᠲᠩᠷᠢ ᠡᠴᠡ) ᠡᠴᠡ ᠠᠮᠢᠳᠤᠷᠠᠬᠤ(ᠠᠮᠢ᠁) ᠬᠦᠴᠦᠨ ᠦ᠌ ᠬᠢᠷᠢ ᠡᠴᠡ ᠢᠯᠡᠭᠦᠦ ᠡᠷᠴᠢᠮ ᠢᠷᠡᠳᠡᠭ ᠦᠶᠡ ᠪᠠᠢᠳᠠᠭ ᠠᠵᠠᠢ᠃ ᠡᠨᠳᠡ ᠪᠣᠳᠠᠰ᠂ ᠡᠷᠴᠢᠮ ᠬᠦᠴᠦ᠂ ᠴᠠᠬᠢᠯᠭᠠᠨ ᠰᠣᠷᠢᠨᠵᠢᠨ᠁ ᠬᠡ ᠥᠬᠡᠢ《ᠠᠮᠢᠳᠤᠷᠠᠬᠤ》 ᠬᠦᠴᠦᠨ ᠦ᠌᠁ ᠡᠷᠴᠢᠮ ᠭᠡᠰᠡᠨ ᠪᠠᠢᠭᠠ ᠶ᠋ᠢ ᠰᠣᠶᠣᠷᠬᠠᠨ ᠲᠤᠩᠭᠠᠭᠲᠤᠨ! ᠯ· ᠭᠣᠯᠢᠯᠶᠣᠸ ᠤ᠋ᠨ ᠣᠨᠣᠯ ᠢ᠋ᠶ᠋ᠠᠷ(ᠠᠮᠢᠳᠤᠷᠠᠯ ᠤ᠋ᠨ ᠡᠷᠴᠢᠮ ᠦ᠋ᠨ) ᠪᠣᠯ ᠠᠯᠢ ᠨᠢᠭᠡᠨ ᠲᠢᠪ ᠪᠦᠰᠡ ᠨᠤᠲᠤᠭ ᠲᠤ ᠣᠷᠴᠢᠯᠠᠩ ᠬᠣᠷᠸᠠ ᠠ᠋ᠴᠠ ᠠᠮᠢᠳᠤᠷᠠᠬᠤ ᠬᠦᠴᠦᠨ ᠦ᠌ ᠡᠷᠴᠢᠮ ᠪᠤᠰᠤᠳ ᠳᠠᠪᠠᠭᠤ ᠬᠡᠮᠵᠢᠶᠡ ᠪᠡᠷ ᠢᠷᠡᠵᠦ ᠫᠠᠰᠰᠶᠤᠨᠠᠷᠢ ᠡᠷᠴᠢᠮᠲᠦ ᠬᠥᠮᠦᠰ(ᠲᠩᠷᠢ ᠢᠵᠠᠭᠤᠷᠲᠠᠨ) ᠤ᠋ ᠦᠢᠯᠡ ᠠᠵᠢᠯᠯᠠᠭᠠ ᠳᠠᠪᠠᠮᠠᠭᠠᠢᠯᠠᠬᠤ ᠳ᠋ᠤ᠌ ᠨᠡᠢᠭᠡᠮ ᠨᠢ ᠡᠷᠴᠢ ᠬᠦᠴᠦ ᠪᠡᠨ ᠠᠪᠳᠠᠭ ᠠᠵᠠᠢ᠃ ᠡᠨᠡ ᠢᠷᠡᠵᠦ ᠪᠠᠢᠭᠠ《ᠠᠮᠢᠳᠤᠷᠠᠬᠤ ᠬᠦᠴᠦᠨ》 ᠭᠡᠭᠴᠢ ᠶᠠᠭᠤᠮᠠ ᠶ᠋ᠢ ᠥᠨᠥᠬᠢ ᠮᠠᠲ᠋ᠧᠷᠢ ᠡᠰᠡᠪᠡᠯ ᠢᠳᠢᠶᠡᠯ ᠭᠡᠵᠦ ᠣᠢᠯᠠᠭᠠᠵᠤ ᠪᠣᠯᠤᠨᠠ ᠭᠡᠵᠦ ᠤᠤ? ᠬᠣᠨᠢ ᠭᠠᠷᠭᠠᠭᠠᠳ ᠮᠣᠩᠭᠣᠯᠴᠤᠳ ᠠᠮᠢ ᠨᠢ ᠭᠠᠷᠤᠭᠠ ᠦᠭᠡᠢ ᠪᠠᠢᠬᠠ᠂ ᠬᠤᠭᠤᠯᠬᠤ ᠪᠣᠯᠤᠭᠠ ᠦᠭᠡᠢ ᠭᠡᠳᠡᠭ᠃ ᠡᠴᠦᠰ ᠦ᠋ᠨ ᠮᠥᠴᠡ ᠪᠡᠨ ᠦᠵᠡᠬᠦ ᠭᠡᠵᠦ ᠶᠠᠳᠠᠷᠠᠵᠤ ᠪᠠᠢᠭᠠ ᠬᠥᠮᠦᠨ ᠦ᠌ ᠲᠤᠬᠠᠢ ᠳ᠋ᠤ᠌《ᠠᠮᠢ ᠨᠢ ᠭᠠᠷᠬᠤ ᠦᠭᠡᠢ ᠵᠣᠪᠠᠭᠠᠭᠠᠳ ᠪᠠᠢᠨᠠ》 ᠭᠡᠯᠴᠡᠳᠡᠭ᠃ ᠠᠮᠢ ᠭᠡᠳᠡᠭ ᠶᠠᠭᠤᠮᠠ ᠪᠡᠶᠡ ᠡᠴᠡ ᠭᠠᠷᠬᠤ ᠦᠭᠡᠢ ᠪᠠᠢᠨᠠ ᠭᠡᠰᠡᠨ ᠰᠠᠨᠠᠭᠠ ᠪᠠᠢᠨᠠ᠃ ᠪᠠᠰᠠ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ ᠵᠢᠱ᠌ᠢᠶᠡ ᠮᠠᠩᠭᠤᠰ ᠤ᠋ᠨ ᠲᠣᠯᠣᠭᠠᠢ ᠶ᠋ᠢ ᠴᠠᠪᠴᠢᠪᠠᠰᠤ ᠦᠯᠦ ᠦᠬᠦᠵᠡᠢ᠃ ᠭᠡᠲᠡᠯᠡ ᠣᠯᠵᠠᠯᠠᠭᠳᠠᠭᠰᠠᠨ ᠰᠢᠪᠡᠭᠴᠢᠨ ᠨᠢ ᠴᠤ ᠶᠤᠮ ᠤᠤ᠂ ᠬᠡᠨ ᠨᠢᠭᠡᠨ《ᠴᠠᠭᠠᠳᠤ ᠶ᠋ᠢᠨ ᠴᠢᠨᠢ ᠰᠤᠭᠤᠨ ᠳ᠋ᠤ᠌ ᠬᠤᠷᠤᠭᠤ ᠳᠠᠷᠤᠮᠠ ᠬᠠᠷᠠ ᠮᠡᠩᠭᠡ ᠪᠣᠢ᠃ ᠲᠡᠭᠦᠨ ᠢ᠋ ᠨᠢ ᠪᠦᠯᠢ! ᠠᠮᠢ ᠨᠢ ᠲᠡᠨᠳᠡ ᠪᠠᠢᠳᠠᠭ ᠶᠤᠮ》 ᠭᠡᠬᠦ ᠤᠳᠬᠠ ᠲᠠᠢ ᠨᠢ ᠮᠥᠨ ᠴᠦ᠍ ᠣᠯᠠᠨ ᠰᠠᠨ᠃ ᠠᠮᠢ ᠭᠡᠵᠦ ᠲᠤᠰ ᠲᠠᠭᠠᠨ ᠶᠠᠭᠤᠮᠠ ᠪᠠᠢᠳᠠᠭ ᠭᠡᠵᠦ ᠠᠷᠪᠠ ᠬᠣᠷᠢᠨ ᠮᠢᠩᠭᠠᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠡᠴᠡ ᠠᠷᠠᠳ ᠲᠦᠮᠡᠨ ᠣᠢᠯᠠᠭᠠᠵᠤ ᠰᠡᠳᠬᠢᠵᠦ ᠢᠷᠡᠭᠰᠡᠨ ᠦ᠌ ᠨᠢᠭᠡᠨ ᠪᠠᠷᠢᠮᠲᠠ ᠡᠨᠡ ᠯᠡ ᠳᠡ᠃ ᠯᠢᠶᠧᠸ ᠭᠣᠮᠢᠯᠶᠣᠧ ᠶ᠋ᠢᠨ ᠠᠮᠢᠳᠤᠷᠠᠬᠤ ᠬᠦᠴᠦᠨ ᠦ᠌ ᠴᠡᠨᠡᠭ ᠲᠡᠷᠡ ᠯᠠ《ᠬᠠᠷᠠ ᠮᠡᠩᠭᠡᠨ》 ᠦ᠌ ᠴᠠᠭᠠᠨᠠ ᠨᠢᠭᠤᠴᠠᠯᠠᠭᠳᠠᠭᠰᠠᠨ ᠠᠮᠢ ᠬᠡᠮᠡᠭᠴᠢ ᠶ᠋ᠢ ᠢᠳᠡᠪᠬᠢᠵᠢᠭᠦᠯᠵᠦ ᠤᠯᠠᠮ ᠢ᠋ᠶ᠋ᠠᠷ ᠪᠡᠶᠡ ᠨᠢ ᠴᠢᠭᠢᠷᠠᠭᠵᠢᠵᠤ ᠤᠬᠠᠭᠠᠨ ᠨᠢ ᠤᠷᠲᠤᠰᠬᠤ ᠠᠵᠠᠢ᠃ ᠶᠡᠷᠦ ᠨᠢ ᠠᠮᠢ ᠭᠦᠶᠦᠬᠦ ᠭᠤᠷᠪᠠᠨ ᠴᠠᠭ ᠠ᠋ᠴᠠ ᠲᠠᠷᠢᠬᠢ ᠨᠢ ᠢᠯᠡᠭᠦᠦ ᠬᠥᠭᠵᠢᠪᠡᠰᠦ ᠵᠣᠷᠢᠮᠠᠭ᠂ ᠭᠤᠷᠪᠠᠭᠤᠯᠠ ᠲᠡᠭᠰᠢ ᠬᠥᠭᠵᠢᠪᠡᠰᠦ ᠶᠡᠷᠦᠳᠡ ᠶ᠋ᠢᠨ ᠬᠥᠮᠦᠨ ᠪᠠᠢᠳᠠᠭ ᠭᠡᠳᠡᠭ ᠣᠷᠣ ᠲᠠᠢ ᠴᠤ᠌ ᠪᠠᠢᠵᠤ ᠶᠠᠭᠤᠨ ᠤ᠋ ᠮᠠᠭᠠᠳ ᠠ᠋᠃
ᠮᠡᠩᠭᠡ ᠭᠡᠳᠡᠭ ᠲᠦ ᠶᠡᠬᠡ ᠨᠢᠭᠤᠴᠠ ᠣᠷᠣᠰᠢᠳᠠᠭ ᠤᠴᠢᠷ ᠮᠣᠩᠭᠣᠯᠴᠤᠳ ᠭᠠᠳᠠᠨᠠ ᠶ᠋ᠢᠨ ᠬᠥᠮᠦᠨ ᠡᠴᠡ ᠲᠠᠰᠤ ᠨᠢᠭᠤᠳᠠᠭ ᠶᠣᠰᠣ ᠪᠣᠢ᠃ ᠮᠡᠩᠭᠡ ᠪᠦᠷᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠬᠡᠯᠪᠡᠷᠢ ᠪᠠᠢᠷᠢᠯᠠᠯ᠂ ᠳᠦᠷᠰᠦ ᠥᠩᠭᠡ ᠲᠡᠢ ᠪᠢᠯᠡ᠃ ᠭᠡᠲᠡᠯᠡ ᠮᠣᠩᠭᠣᠯ ᠵᠢᠷᠤᠬᠠᠢ ᠳ᠋ᠤ᠌ ᠵᠢᠯ ᠮᠡᠩᠭᠡ᠂ ᠲᠤᠬᠠᠢᠯᠠᠪᠠᠯ ᠶᠢᠰᠦᠨ ᠮᠡᠩᠭᠡᠨ ᠦ᠌ ᠵᠠᠰᠠᠯ ᠭᠡᠵᠦ ᠪᠣᠢ᠃ ᠮᠡᠩᠭᠡ ᠭᠣᠣᠯᠯᠠᠪᠠᠰᠤ ᠠᠮᠢᠨ ᠳ᠋ᠤ᠌ ᠠᠶᠤᠯ ᠲᠠᠢ᠂ ᠨᠠᠰᠤᠨ ᠳ᠋ᠤ᠌ ᠴᠥᠪ ᠲᠡᠢ ᠭᠡᠳᠡᠭ ᠨᠢ ᠶᠠᠮᠠᠷ ᠤᠴᠢᠷ ᠲᠠᠢ ᠶᠤᠮ ᠪᠣᠯ? 9 ᠵᠢᠯ ᠳᠣᠳᠣᠮ ᠭᠣᠣᠯᠯᠠᠬᠤ ᠡᠨᠡ ᠬᠤᠭᠤᠴᠠᠭᠠ ᠣᠳᠣᠨ ᠭᠠᠷᠠᠭ ᠤ᠋ᠨ ᠲᠣᠬᠢᠶᠠᠯ ᠣᠷᠴᠢᠯ ᠲᠠᠢ ᠬᠣᠯᠪᠣᠭᠠ ᠲᠠᠢ ᠭᠡᠨᠡ᠃ ᠲᠡᠷᠡᠴᠢᠯᠡᠨ ᠠᠮᠠᠳᠠᠨ ᠤ᠋ ᠵᠢᠰᠦ ᠲᠤᠬᠠᠢ ᠶ᠋ᠢᠨ ᠭᠠᠵᠠᠷ ᠣᠷᠣᠨ᠂ ᠪᠠᠢᠭᠠᠯᠢ᠂ ᠴᠠᠭ ᠠᠭᠤᠷ᠂ ᠤᠴᠠᠷᠠᠯ ᠲᠣᠬᠢᠶᠠᠯᠳᠤᠯ ᠤ᠋ᠨ ᠵᠢᠷᠤᠭ ᠲᠥᠭᠡᠷᠭᠡ ᠪᠠᠢᠳᠠᠭ ᠴᠤ ᠪᠠᠢᠵᠤ ᠪᠣᠯᠬᠤ᠃ ᠲᠡᠷᠯᠡᠨ᠂ ᠴᠣᠬᠣᠷ᠂ ᠪᠢᠳᠠᠷ᠂ ᠲᠣᠯᠪᠣ ᠡᠯᠳᠡᠪ ᠳᠣᠬᠢᠶᠠ ᠳᠦᠷᠰᠦ ᠠᠮᠢᠨ ᠤ᠋ ᠵᠢᠷᠤᠭ ᠵᠠᠶᠠᠭᠠ ᠶ᠋ᠢ ᠢᠯᠡᠳᠬᠡᠳᠡᠭ ᠭᠡᠳᠡᠭ᠃ ᠲᠡᠷᠡ ᠳᠡᠯᠭᠡᠴᠡ(ᠳ᠋ᠢ᠍ᠰᠫᠯᠧᠢ) ᠡᠴᠡ ᠮᠠᠯᠴᠢᠳ ᠪᠠᠢᠭᠠᠯᠢ ᠨᠡᠢᠭᠡᠮ ᠪᠣᠯᠤᠨ ᠥᠪᠡᠷ ᠢ᠋ ᠪᠡᠨ ᠰᠢᠨᠵᠢᠳᠡᠭ ᠠᠭᠰᠠᠨ ᠵᠠᠩᠰᠢᠯ ᠮᠠᠷᠲᠠᠭᠳᠠᠬᠤ ᠨᠢ ᠠ᠋᠃ ᠲᠡᠷᠡᠴᠢᠯᠡᠨ ᠳ᠋ᠣᠺᠲ᠋ᠣᠷ ᠵ· ᠪᠠᠲᠤᠰᠠᠭᠤᠷᠢ ᠶᠢ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠭᠧᠨ ᠦ᠌ ᠲᠥᠪᠯᠡᠷᠡᠯ ᠣᠷᠬᠣᠨ ᠭᠣᠣᠯ ᠤ᠋ᠨ ᠰᠠᠪᠠ ᠭᠠᠵᠠᠷ ᠲᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠨᠠ ᠭᠡᠰᠡᠨ ᠨᠢ ᠪᠠᠰᠠ ᠯᠠ ᠨᠢᠭᠡ ᠳᠠᠯᠳᠠ ᠶ᠋ᠢᠨ ᠨᠢᠭᠤᠴᠠ ᠮᠡᠲᠦ᠃ ᠣᠷᠬᠣᠨ ᠤ᠋ ᠰᠠᠪᠠ ᠳ᠋ᠤ᠌ ᠶᠠᠭᠤ ᠪᠠᠢᠭᠠ ᠶᠤᠮ ᠪᠣᠢ? ᠮᠠᠲ᠋ᠧᠷᠢ ᠡᠰᠡᠪᠡᠯ ᠤᠬᠠᠮᠰᠠᠷ ᠤ᠋ᠨ ᠲᠥᠷᠬᠦ ᠤᠤ? ᠮᠣᠩᠭᠣᠯᠴᠤᠳ ᠤ᠋ᠨ ᠠᠮᠢᠨ ᠤᠴᠢᠷ ᠭᠤᠷᠪᠠᠯ ᠤ᠋ᠨ ᠭᠣᠯᠣᠮᠲᠠ ᠤᠤ? ᠶᠡᠬᠡ ᠡᠷᠳᠡᠮᠲᠡᠨ ᠸ᠂ ᠸᠸᠷᠨᠡᠳᠰᠺᠢ᠂ ᠠᠮᠧᠷᠢᠺᠠ ᠶ᠋ᠢᠨ ᠡᠷᠳᠡᠮᠲᠡᠨ ᠺᠢᠹᠧᠷᠨᠧᠲ᠋ᠢᠺᠢ ᠶ᠋ᠢᠨ ᠡᠴᠢᠭᠡ ᠨ· ᠸᠢᠨᠧᠷ ᠨᠠᠷ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠨᠢ ᠪᠡᠶᠡᠲᠦ ᠮᠠᠲ᠋ᠧᠷᠢ᠂ ᠡᠨᠧᠷᠭᠢ᠂ ᠢᠨᠹᠣᠷᠮᠠᠼ ᠤ᠋ᠨ ᠬᠠᠷᠢᠯᠴᠠᠨ ᠦᠢᠯᠡᠴᠢᠯᠡᠯ ᠳ᠋ᠦ᠍ ᠣᠷᠣᠰᠢᠳᠠᠭ ᠲᠤᠬᠠᠢ ᠰᠤᠷᠭᠠᠯ ᠣᠷᠴᠢᠨ ᠦᠶᠡ ᠶ᠋ᠢᠨ ᠡᠷᠳᠡᠮ ᠦ᠋ᠨ ᠢᠷᠡᠭᠡᠳᠦᠢ ᠶ᠋ᠢ ᠲᠣᠮᠢᠶᠠᠯᠠᠭᠰᠠᠨ ᠰᠠᠨᠠᠭᠠ ᠭᠡᠵᠦ ᠦᠨᠡᠯᠡᠳᠡᠭ ᠶᠦᠮ ᠪᠠᠢᠨᠠ᠃ ᠡᠨᠳᠡ ᠳᠤᠷᠠᠳᠤᠭᠰᠠᠨ ᠡᠨᠧᠷᠭᠢ ᠨᠢ ᠶᠠᠭᠤ ᠪᠠᠢᠵᠤ ᠲᠠᠭᠠᠷᠠᠬᠤ ᠪᠣᠢ? ᠲᠡᠷᠡ ᠯᠠᠪ ᠮᠠᠲ᠋ᠧᠷᠢ ᠪᠢᠰᠢ ᠪᠠᠰᠠ ᠢᠨᠹᠣᠷᠮᠠᠽ ᠪᠢᠰᠢ ᠶᠤᠮᠰᠠᠨᠵᠠᠢ᠃ ᠲᠡᠭᠡᠬᠦ ᠪᠡᠷ ᠡᠯᠡ ᠰᠤᠷᠭᠠᠯ ᠤ᠋ᠨ ᠠᠭᠤᠯᠭᠠ ᠳᠤᠤᠯᠢᠶᠠᠨ ᠨᠢ ᠤᠭ ᠲᠠᠭᠠᠨ ᠮᠣᠩᠭᠣᠯᠴᠤᠳ ᠤ᠋ᠨ ᠪᠠᠯᠠᠷ ᠡᠷᠲᠡᠨ ᠦ᠌ ᠮᠡᠳᠡᠯᠭᠡ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠤᠤ?
ᠨᠡᠩ ᠪᠠᠯᠠᠷ ᠴᠠᠭ ᠤ᠋ᠨ ᠠᠮᠢᠨ ᠹᠢᠯᠣᠰᠣᠹᠢ ᠥᠨᠥᠳᠥᠷ ᠵᠣᠬᠢᠶᠠᠮᠠᠯ《ᠢᠽᠮ》 ᠮᠡᠲᠦ ᠴᠤ᠌ ᠰᠢᠨᠡ ᠪᠤᠳᠤᠭᠳᠠᠨ ᠢᠲᠡᠭᠡᠯ ᠦᠨᠡᠮᠰᠢᠯ ᠡᠰᠡ ᠲᠥᠷᠥᠬᠦ ᠪᠥᠭᠡᠰᠦ ᠤᠯᠠᠷᠢᠵᠤ ᠪᠠᠯᠠᠷᠠᠭᠰᠠᠨ ᠮᠤᠬᠤᠷ ᠰᠦᠰᠦᠭ ᠦ᠋ᠨ ᠮᠤᠩᠬᠠᠷᠠᠭᠤᠯᠭᠠ᠂ ᠬᠡᠷᠡᠭᠴᠡᠭᠡ ᠨᠢ ᠥᠩᠭᠡᠷᠡᠭᠰᠡᠨ ᠪᠣᠷᠣ ᠠᠪᠳᠠᠷᠠ ᠲᠠᠢ ᠲᠥᠰᠲᠡᠢ ᠰᠠᠭᠠᠲᠠᠵᠤ ᠮᠠᠭᠠᠳ ᠦᠭᠡᠢ ᠶᠦᠮ᠃
ᠨᠣᠮ ᠨᠢ ᠪᠤᠷᠤᠭᠤ ᠪᠠᠷ ᠡᠷᠭᠢᠭᠰᠡᠨ ᠺᠣᠮᠮᠤᠨᠢᠰᠲ ᠲᠢᠭᠯᠡᠮ ᠨᠢᠭᠡᠨ ᠵᠢᠷᠠᠨ ᠢᠯᠡᠭᠦᠦ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠳ᠋ᠠᠭᠠᠨ ᠮᠣᠩᠭᠣᠯ ᠢᠵᠠᠭᠤᠷ ᠤ᠋ᠨ ᠡᠯᠡ ᠭᠦᠨ ᠤᠬᠠᠭᠠᠨ ᠢ᠋ ᠶᠡᠬᠡᠮᠰᠦᠭᠯᠡᠨ ᠠᠳᠠᠯᠠᠨ ᠬᠠᠭᠤᠴᠢᠷᠠᠭᠰᠠᠨ ᠭᠡᠮᠡᠨ ᠪᠦᠬᠦ ᠬᠡᠭᠰᠡᠨ ᠢ᠋ᠶ᠋ᠡᠷ ᠦᠯᠦ ᠪᠠᠷᠠᠮ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠦᠢᠯᠡ ᠶ᠋ᠢᠨ ᠨᠢᠭᠦᠯ ᠢ᠋ᠶ᠋ᠡᠨ ᠡᠳ᠋ᠯᠡᠨ ᠶᠠᠭᠳᠠᠭᠰᠠᠨ ᠪᠣᠯᠬᠤ ᠪᠠᠷ ᠡᠳᠦᠭᠡ ᠪᠢᠳᠡ ᠤᠷᠤᠭ ᠤᠬᠠᠭᠠᠨ ᠤ᠋ ᠦᠷᠡ ᠴᠦ᠍ ᠦᠭᠡᠢ᠂ ᠦᠷᠡᠴᠢᠯᠡᠭᠰᠡᠨ ᠦᠷᠡ ᠶ᠋ᠢᠨ ᠠᠴᠢ ᠴᠤ᠌ ᠦᠭᠡᠢ ᠭᠣᠯᠣᠮᠲᠠ ᠪᠠᠨ ᠰᠢᠷᠳᠡᠨ ᠬᠣᠴᠣᠷᠤᠭᠰᠠᠨ ᠮᠡᠲᠦ᠃ ᠬᠡᠨᠡᠭᠡᠨ ᠰᠡᠬᠡᠭᠡᠷᠡᠯ ᠢ᠋ᠶ᠋ᠡᠷ ᠮᠣᠩᠭᠣᠯᠵᠢᠭᠤ ᠪᠠᠷ ᠤᠤᠯ ᠤᠯᠠᠮᠵᠢᠯᠠᠯ ᠢ᠋ᠶ᠋ᠠᠨ ᠬᠢᠵᠦ ᠰᠦᠵᠢᠷᠡᠵᠡᠭᠡᠨ《ᠦᠷᠡ ᠭᠤᠶᠤᠵᠤ》 ᠣᠪᠣᠭᠠ ᠲᠠᠬᠢᠬᠤ ᠵᠡᠷᠭᠡ ᠪᠡᠷ ᠡᠪᠦᠭᠡ ᠳᠡᠭᠡᠳᠦᠰ ᠢ᠋ᠶ᠋ᠡᠨ ᠲᠥᠰᠦᠭᠡᠯᠡᠯ ᠢ᠋ᠶ᠋ᠡᠷ ᠳᠠᠭᠤᠷᠢᠶᠠᠨ21 ᠳ᠋ᠦ᠍ᠭᠡᠷ ᠵᠠᠭᠤᠨ ᠤ᠋ ᠰᠣᠶᠣᠯ ᠳᠡᠭᠡᠷᠡ ᠬᠠᠭᠤᠯᠪᠤᠷᠢᠯᠠᠬᠤ ᠳ᠋ᠠᠭᠠᠨ ᠶᠠᠭᠤ ᠬᠣᠵᠢᠬᠤ ᠶᠤᠮ ᠪᠣᠯ ᠭᠡᠵᠦ ᠪᠣᠳᠣᠭᠳᠠᠬᠤ᠃ ᠦᠨᠡᠨ ᠳ᠋ᠡᠭᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠣᠶᠣᠯ ᠲᠧᠭᠨᠢᠭ(ᠮᠠᠲ᠋ᠧᠷᠢ ᠪᠠ ᠤᠬᠠᠮᠰᠠᠷ) ᠡᠷᠴᠢᠮ ᠲᠡᠢ ᠬᠥᠭᠵᠢᠭᠰᠡᠨ ᠬᠢᠯ ᠴᠡᠯ ᠣᠷᠴᠢᠨ ᠳ᠋ᠤ᠌ ᠲᠡᠷᠡ ᠬᠦ᠌ ᠡᠷᠲᠡᠨ ᠦ᠌ ᠶᠣᠰᠣ ᠵᠠᠩᠰᠢᠯ ᠢ᠋ ᠠᠢᠯᠰᠠᠭᠤᠯᠬᠤ ᠭᠡᠬᠦ ᠳ᠋ᠦ᠍ ᠠᠷᠠᠳ ᠨᠡᠢᠲᠡ ᠪᠡᠷ ᠢ᠋ᠶ᠋ᠡᠨ ᠬᠠᠭᠤᠴᠢᠨ ᠤ᠋ ᠦᠵᠡᠮᠦᠷᠢ ᠪᠣᠯᠬᠤ ᠰᠠᠨᠠᠭᠠ ᠤᠤ? ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠤᠤ? ᠪᠠᠰᠠ《ᠦᠨᠳᠦᠰᠦᠨ ᠦ᠌ ᠤᠯᠠᠮᠵᠢᠯᠠᠯ ᠤ᠋ᠳ》 ᠢ᠋ᠶ᠋ᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳ᠋ᠤ᠌ ᠶᠤᠮ ᠤᠤ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠳ᠋ᠤ᠌ ᠴᠢᠷᠦᠭᠦᠯᠵᠦ ᠬᠥᠭᠵᠢᠭᠦᠯᠬᠦ ᠭᠡᠰᠡᠨ ᠵᠠᠯᠢᠷᠬᠠᠭ ᠪᠠ ᠲᠡᠨᠡᠭᠳᠡᠭᠦᠦ ᠵᠣᠷᠢᠭ ᠦᠵᠡᠭᠳᠡᠨᠡ᠃ ᠶᠠᠭᠤᠲᠠᠢ ᠴᠤ᠌ ᠭᠤᠷᠮᠤᠰᠤᠨ ᠰᠡᠳᠬᠢᠯᠭᠡᠨ ᠦ᠌ ᠦᠷᠡ ᠭᠤᠷᠪᠠᠯ ᠬᠡᠪ ᠶᠣᠰᠣ ᠪᠠᠢᠭᠰᠠᠭᠠᠷ ᠪᠠᠢᠭᠠ ᠶ᠋ᠢ ᠲᠤᠩ ᠬᠠᠢᠬᠤᠷᠤᠮᠵᠢ ᠦᠭᠡᠢ ᠨᠢ ᠴᠦ᠍ ᠠᠩᠵᠠᠷᠠᠵᠤ ᠲᠡᠨᠡᠭ ᠨᠢ ᠴᠦ᠍᠂ ᠴᠡᠴᠡᠨ ᠨᠢ ᠴᠦ᠍ ᠲᠥᠷᠥᠯᠬᠢ ᠤᠳᠤᠮᠰᠢᠯ ᠢ᠋ᠶ᠋ᠠᠷ(ᠪᠣᠯᠵᠣᠯᠲᠤ ᠷᠧᠹᠯᠧᠺᠰ① ᠭᠡᠰᠡᠨ ᠴᠦ᠍ ᠪᠣᠯᠤᠨᠠ) ᠡᠰᠡ ᠳᠡᠷᠰᠥᠨ ᠳᠠᠭᠠᠳᠠᠭ ᠦᠨᠡᠨ ᠪᠣᠢ᠃ ᠭᠡᠪᠡᠴᠦ ᠤᠯᠠᠮᠵᠢᠯᠠᠯᠲᠤ ᠶᠣᠰᠣᠨ ᠤ᠋ ᠴᠡᠭᠴᠡ ᠲᠡᠢ ᠪᠣᠳᠣᠯᠭᠠ᠂ ᠤᠴᠢᠷ ᠰᠢᠯᠲᠠᠭᠠᠨ ᠤ᠋ ᠬᠢᠨᠢ ᠦᠨᠳᠦᠰᠦ᠂ ᠠᠪᠬᠤ ᠭᠡᠭᠡᠬᠦ᠂ ᠥᠪᠯᠡᠬᠦ ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠢᠨᠡᠯᠢᠭ ᠬᠥᠭᠵᠢᠯ ᠢ᠋ ᠨᠢ ᠬᠡᠨ ᠨᠢᠭᠡ ᠤᠬᠠᠭᠠᠨ ᠲᠠᠢ ᠡᠷᠳᠡᠮᠲᠡᠨ ᠢ᠋ᠶ᠋ᠡᠷ ᠨᠡᠭᠡᠭᠡᠯᠭᠡᠵᠦ ᠰᠢᠨᠡᠴᠢᠯᠡᠬᠦ ᠪᠢᠲᠡᠭᠦᠦ ᠭᠣᠷᠢᠳᠠᠯᠭᠠ ᠪᠠᠢᠨᠠ᠃ ᠡᠰᠡᠪᠡᠯ ᠲᠥᠷᠥ ᠶ᠋ᠢᠨ ᠲᠡᠮᠦᠷ ᠵᠠᠷᠯᠢᠭ ᠢ᠋ᠶ᠋ᠠᠷ ᠲᠡᠭᠡᠰᠦᠭᠡᠢ! ᠢᠩᠭᠢᠲᠦᠭᠡᠢ! ᠭᠡᠮᠡᠨ ᠰᠡᠢᠳᠪᠦᠷᠢᠯᠡᠭᠦᠯᠴᠢᠬᠦ ᠬᠠᠲᠠᠭᠤ ᠡᠬᠡ ᠣᠷᠣᠨᠴᠢ ᠰᠠᠨᠠᠭᠠ ᠵᠠᠷᠢᠮ ᠤ᠋ᠨ ᠵᠢᠷᠦᠬᠡ ᠶ᠋ᠢ ᠪᠤᠯᠭᠢᠯᠠᠭᠤᠯᠵᠤ ᠪᠣᠬᠢᠮᠳᠣᠯ ᠢ᠋ ᠲᠥᠷᠥᠭᠦᠯᠵᠦ ᠪᠤᠳᠤᠩᠭᠤᠢᠷᠠᠬᠤ ᠨᠢ ᠴᠦ᠍ ᠪᠣᠢ ᠶᠠᠩᠵᠤ ᠲᠠᠢ᠃ ᠪᠠᠢᠳᠠᠯ ᠢ᠋ ᠭᠠᠭᠴᠠᠬᠠᠨ ᠵᠢᠱ᠌ᠢᠶᠡ ᠠᠪᠴᠤ ᠥᠩᠭᠡᠴᠡ ᠬᠠᠷᠠᠶᠠ᠃ ᠮᠣᠩᠭᠣᠯ ᠤᠭᠰᠠᠭᠠᠲᠠᠨ ᠤ᠋ ᠦᠨᠳᠦᠰᠦᠨ ᠦ᠌ ᠶᠡᠬᠡ ᠪᠠᠶᠠᠷ《ᠴᠠᠭᠠᠨ ᠰᠠᠷᠠ》 ᠢᠷᠡᠬᠦ1999 ᠣᠨ ᠳ᠋ᠤ᠌ ᠳᠥᠷᠦᠲᠦ ᠶᠣᠰᠣᠨ ᠤ᠋793 ᠳ᠋ᠠᠬᠢ ᠰᠢᠨᠠᠯᠠᠯᠲᠠ ᠨᠢ ᠪᠥᠭᠡᠳ ᠠᠷᠠᠳ ᠲᠦᠮᠡᠨ ᠨᠠᠢ᠍ᠮᠠᠨ ᠵᠠᠭᠤᠨ ᠤ᠋ ᠲᠤᠷᠰᠢᠳᠠ ᠠᠯᠭᠠᠰᠠᠯ ᠨᠢ ᠦᠭᠡᠢ ᠲᠡᠮᠳᠡᠭᠯᠡᠭᠰᠡᠭᠡᠷ ᠢᠷᠡᠵᠡᠢ᠃12 ᠵᠢᠯ ᠦ᠋ᠨ ᠴᠠᠭ ᠲᠣᠭᠠᠯᠠᠯ ᠾᠦᠩᠨᠦ ᠬᠦᠷᠦᠨᠡ ᠡᠭᠦᠰᠴᠦ ᠭᠠᠳᠠᠭᠰᠢ ᠲᠠᠷᠬᠠᠭᠰᠠᠨ ᠤᠴᠢᠷ ᠣᠳᠣ ᠬᠢᠲᠠᠳ᠂ ᠶᠠᠫᠣᠨ᠂ ᠰᠣᠯᠣᠩᠭᠣᠰ ᠵᠡᠷᠭᠡ ᠤᠯᠤᠰ ᠲᠤ ᠮᠥᠨ ᠲᠡᠮᠳᠡᠭᠯᠡᠳᠡᠭ᠃ ᠭᠡᠬᠦ ᠳ᠋ᠡᠭᠡᠨ ᠮᠣᠩᠭᠣᠯᠴᠤᠳ ᠤ᠋ᠨ ᠬᠤᠪᠢ ᠳ᠋ᠤ᠌ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠢ᠋ᠶ᠋ᠠᠨ ᠲᠤᠩᠬᠠᠭᠯᠠᠭᠰᠠᠨ ᠲᠥᠷᠥ ᠶ᠋ᠢᠨ ᠪᠠᠶᠠᠷ ᠨᠢ ᠪᠣᠯᠤᠭᠰᠠᠨ ᠲᠡᠦᠬᠡᠨ ᠤᠳᠬᠠ1206 ᠣᠨ ᠠ᠋ᠴᠠ ᠡᠬᠢᠯᠡᠭᠰᠡᠨ ᠪᠢᠯᠡ᠃ ᠨᠠᠮᠤᠷ ᠲᠡᠮᠳᠡᠭᠯᠡᠳᠡᠭ ᠮᠢᠩᠭᠠᠨ ᠵᠢᠯ ᠦ᠋ᠨ ᠤᠯᠠᠮᠵᠢᠯᠠᠯ ᠬᠠᠪᠤᠷ ᠲᠤ ᠰᠢᠯᠵᠢᠬᠦ ᠳ᠋ᠡᠭᠡᠨ ᠡᠢᠮᠦ ᠨᠢᠭᠡᠨ ᠪᠡᠯᠭᠡ ᠶᠣᠰᠣ ᠵᠣᠬᠢᠴᠠᠭᠰᠠᠨ ᠠᠵᠠᠢ᠃ ᠡᠨᠡ ᠤᠯᠠᠮᠵᠢᠯᠠᠯ17 ᠳ᠋ᠤᠭᠠᠷ ᠵᠠᠭᠤᠨ(ᠮᠠᠨᠵᠤ ᠶ᠋ᠢᠨ ᠬᠠᠷᠢᠶᠠᠲᠤ) ᠠ᠋ᠴᠠ ᠡᠬᠢᠯᠡᠨ ᠠᠯᠳᠠᠷᠠᠵᠤ᠂ ᠠᠢᠯ ᠡᠷᠦᠬᠡ ᠶ᠋ᠢᠨ ᠬᠡᠮᠵᠢᠶᠡᠨ ᠳ᠋ᠦ᠍ ᠯᠡ ᠦᠯᠡᠳᠡᠵᠡᠢ᠃ ᠠᠬᠠᠰ᠂ ᠡᠬᠡᠰ᠂ ᠶᠡᠬᠡᠰ ᠢ᠋ᠶ᠋ᠡᠨ ᠬᠦᠨᠳᠦᠯᠡᠨ ᠵᠣᠯᠭᠠᠵᠤ ᠤᠭᠲᠤᠬᠤ᠂ ᠵᠣᠴᠢᠯᠠᠵᠤ ᠦᠳᠡᠬᠦ ᠶᠣᠰᠣᠯᠠᠯ ᠨᠢ ᠰᠡᠵᠢᠭ ᠲᠡᠢ ᠪᠠᠢᠵᠠᠢ᠃ ᠠᠬᠠᠰ(ᠠᠬᠠᠮᠠᠳ ᠨᠠᠰᠤᠲᠠᠨ)᠂ ᠡᠬᠡᠰ ᠰᠠᠳᠤᠨ ᠲᠥᠷᠥᠯ ᠦ᠋ᠨ ᠡᠬᠡ᠂ ᠳᠡᠭᠦᠦ ᠨᠠᠰᠤ ᠲᠠᠢ ᠴᠤ᠌ ᠲᠥᠷᠥᠯ ᠦ᠋ᠨ ᠶᠣᠰᠣᠭᠠᠷ ᠠᠬᠠᠯᠠᠬᠤ)᠂ ᠶᠡᠬᠡᠰ(ᠳᠡᠭᠡᠳᠦ ᠰᠤᠷᠪᠤᠯᠵᠢᠲᠤ) ᠶ᠋ᠢᠨ ᠬᠣᠯᠪᠣᠭᠠ ᠶ᠋ᠢ ᠲᠥᠷᠥ ᠶ᠋ᠢᠨ ᠭᠣᠯᠣᠮᠲᠠ ᠳ᠋ᠤ᠌ ᠡᠭᠦᠷᠭᠡᠯᠡᠭᠦᠯᠬᠦ ᠶ᠋ᠢ ᠮᠠᠨᠵᠤ ᠶ᠋ᠢᠨ ᠠᠮᠪᠠᠨ ᠰᠠᠢᠳ ᠤ᠋ᠳ ᠬᠥᠯ ᠬᠥᠭᠡᠷᠴᠦᠭ ᠪᠣᠯᠭᠠᠭᠰᠠᠨ ᠦᠭᠡᠢ᠃ ᠵᠥᠪᠯᠡᠯᠲᠦ ᠶ᠋ᠢᠨ ᠮᠡᠷᠭᠡᠵᠢᠯᠲᠡᠨ ᠨᠦ᠍ᠭᠦᠳ ᠴᠦ᠍ ᠰᠠᠢᠰᠢᠶᠠᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ《ᠭᠠᠯ ᠰᠠᠷᠠ ᠨᠠᠷᠠ》 ᠰᠦᠯᠳᠡ᠂《ᠮᠥᠩᠬᠡ ᠭᠠᠯ》 ᠰᠢᠲᠦᠭᠡᠨ᠂ ᠭᠠᠯ ᠤ᠋ᠨ ᠲᠠᠬᠢᠯᠭᠠ᠂ ᠪᠤᠷᠭᠠᠰᠤ ᠵᠡᠯᠡᠮᠡᠲᠦ ᠣᠪᠣᠭᠠ᠂ ᠰᠢᠨᠠᠯᠠᠯᠲᠠ᠂ ᠵᠣᠯᠭᠠᠯᠲᠠ ᠶᠣᠰᠣᠯᠠᠯ ᠤ᠋ᠳ ᠬᠠᠷᠢ ᠪᠣᠳᠣᠯᠭᠠ ᠠ᠋ᠴᠠ ᠲᠥᠷᠥ ᠪᠡᠨ ᠠᠪᠤᠷᠠᠬᠤ ᠠᠷᠠᠳ ᠲᠦᠮᠡᠨ ᠦ᠌ ᠰᠢᠲᠦᠭᠡᠨᠲᠦ ᠤᠯᠤᠰ ᠢ᠋ ᠪᠡᠯᠭᠡᠳᠡᠭᠰᠡᠭᠡᠷ᠃ ᠭᠤᠷᠪᠠᠯ ᠣᠨᠣᠯ ᠠᠯᠳᠠᠷᠠᠵᠤ ᠵᠢᠯᠣᠭᠣ ᠴᠤᠯᠪᠤᠭᠤᠷ ᠦᠭᠡᠢ ᠪᠣᠯᠤᠭᠰᠠᠨ ᠤ᠋ ᠭᠣᠣᠯ ᠤᠴᠢᠷ ᠡᠢᠮᠦ ᠪᠥᠭᠡᠳ ᠡᠨᠡᠯᠦᠯ ᠨᠢ ᠣᠳᠣ ᠴᠤ ᠪᠦᠷᠢᠨ ᠢᠯᠠᠷᠢᠰᠢᠭᠠ ᠦᠭᠡᠢ ᠪᠠᠢᠨᠠ᠃ ᠰᠢᠨᠡ ᠶ᠋ᠢᠨ ᠨᠢᠭᠡᠨ ᠦ᠌ ᠥᠷᠯᠥᠭᠡ ᠲᠥᠷᠥ ᠵᠠᠰᠠᠭ ᠤ᠋ᠨ ᠲᠡᠷᠢᠭᠦᠨ ᠨᠠᠷ ᠨᠠᠷᠠᠨ ᠲᠩᠷᠢ ᠳ᠋ᠦ᠍ ᠮᠥᠷᠭᠥᠵᠦ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠪᠡᠯᠭᠡ ᠮᠠᠨᠳᠤᠬᠤ ᠶᠣᠰᠣᠨ ᠪᠣᠢ ᠪᠢᠯᠡ᠃ ᠡᠨᠡ ᠪᠣᠯ ᠲᠠᠩᠰᠤᠭ ᠳᠣᠯᠣᠭᠠᠨ ᠬᠤᠰᠢᠭᠤᠨ ᠤ᠋ ᠨᠠᠭᠠᠳᠤᠮ ᠪᠢᠰᠢ᠂ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ《ᠢᠷᠠᠭᠤ ᠠᠯᠳᠠᠷᠲᠤ》 ᠣᠢ ᠪᠢᠰᠢ᠂ ᠾᠦᠩᠨᠦ ᠭᠦᠷᠦᠨ ᠦ᠌ ᠬᠠᠭᠠᠳ ᠠ᠋ᠴᠠ ᠪᠤᠶᠤ ᠨᠠᠮᠤᠷ ᠤ᠋ᠨ ᠴᠠᠭᠠᠨ ᠰᠠᠷᠠ ᠠ᠋ᠴᠠ ᠥᠪᠯᠡᠭᠰᠡᠨ ᠰᠢᠨᠡᠴᠢᠯᠡᠯ ᠦ᠋ᠨ ᠶᠣᠰᠣᠨ ᠪᠢᠯᠡ᠃ ᠭᠡᠲᠡᠯᠡ ᠡᠨᠡ ᠴᠠᠭ ᠲᠤ ᠲᠥᠷᠥ ᠶ᠋ᠢᠨ ᠣᠷᠳᠣᠨ ᠡᠭᠦᠳᠡᠨ ᠳ᠋ᠡᠭᠡᠨ ᠱᠠᠷᠢᠯ ᠳᠠᠷᠤᠭᠠᠰᠤ ᠲᠠᠢ᠂ ᠲᠡᠷᠡ ᠣᠷᠣᠰᠢᠭᠤᠯᠭᠠ ᠳᠡᠭᠡᠷᠡ ᠳᠠᠷᠤᠭᠠ ᠶᠡᠬᠡᠰ ᠨᠠᠷ ᠭᠠᠷᠴᠤ ᠠᠷᠠᠳ ᠲᠦᠮᠡᠨ ᠳ᠋ᠡᠭᠡᠨ ᠪᠠᠶᠠᠷ ᠬᠦᠷᠭᠡᠳᠡᠭ ᠵᠠᠩ ᠦᠢᠯᠡ ᠳᠡᠯᠭᠡᠷᠡᠭᠡᠳ ᠪᠠᠢᠳᠠᠭ᠃ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠤ᠋ ᠶᠡᠬᠡ ᠬᠠᠭᠠᠯᠭᠠ ᠬᠣᠢᠰᠢ ᠪᠠᠨ ᠬᠠᠷᠠᠭᠰᠠᠨ ᠢᠷᠣᠠ ᠶ᠋ᠢᠨ ᠡᠭᠦᠳᠡ ᠲᠡᠢ ᠪᠠᠢᠬᠤ᠃ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭ ᠳᠠᠭᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠨᠢ ᠬᠣᠩᠭᠢᠯ ᠳ᠋ᠤ᠌ ᠦᠵᠡᠮᠦᠷᠢ ᠲᠡᠳᠦᠢ ᠶᠠᠩᠵᠤ ᠲᠠᠢ᠃ ᠣᠢ ᠲᠡᠮᠳᠡᠭᠯᠡᠨᠡ ᠭᠡᠬᠦ ᠳ᠋ᠦ᠍ ᠲᠠᠩᠳᠠ ᠰᠡᠭᠦᠯ ᠦ᠋ᠨ ᠪᠤᠶᠤ ᠰᠣᠼᠢᠶᠠᠯᠢᠰᠲ ᠡᠬᠢᠯᠡᠯ ᠢ᠋ ᠠᠪᠴᠤ ᠶᠣᠰᠣᠷᠬᠠᠬᠤ᠃ ᠮᠣᠳᠣᠨ᠂ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠷᠮᠢ ᠮᠣᠩᠭᠣᠯ ᠴᠡᠷᠢᠭ ᠦ᠋ᠨ ᠡᠬᠢ ᠠᠳᠠᠯᠢ1921 ᠣᠨ ᠳ᠋ᠤ᠌ ᠠᠷᠠᠳ ᠤ᠋ᠨ ᠴᠡᠷᠢᠭ ᠪᠠᠢᠭᠤᠯᠤᠭᠳᠠᠭᠰᠠᠨ ᠭᠡᠬᠦ᠃1911 ᠣᠨ ᠭᠡᠪᠡᠯ ᠡᠨᠳᠡ ᠵᠡᠪᠰᠡᠭᠲᠦ ᠬᠦᠴᠦᠨ ᠦ᠌ ᠡᠭᠦᠷᠭᠡ ᠬᠢᠷᠢ ᠪᠠᠢᠭᠰᠠᠨ ᠢ᠋ ᠬᠡᠨ ᠴᠦ᠍ ᠭᠠᠳᠠᠷᠯᠠᠬᠤ᠃ ᠤᠭ ᠨᠢ ᠮᠣᠩᠭᠣᠯ ᠤ᠋ᠨ ᠵᠡᠪᠰᠡᠭᠲᠦ ᠬᠦᠴᠦᠨ ᠮᠠᠨ ᠤ᠋ ᠡᠷᠢᠨ ᠦ᠌ ᠡᠮᠦᠨᠡ209 ᠣᠨ ᠠ᠋ᠴᠠ ᠭᠡᠪᠡᠯ2210 ᠵᠢᠯ ᠨᠢ ᠣᠢᠷᠠ᠃ ᠬᠣᠯᠪᠣᠭᠠᠨ ᠤ᠋ ᠰᠠᠯᠪᠤᠷᠢ ᠭᠡᠬᠦ ᠳ᠋ᠦ᠍1921 ᠣᠨ ᠳ᠋ᠤ᠌ ᠪᠤᠰᠤ᠂ ᠥᠭᠡᠳᠡᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠶᠠᠭᠠᠬᠢᠵᠤ ᠬᠥᠭᠵᠢᠭᠰᠡᠨ ᠪᠠᠢᠯᠠ ᠳᠠ᠃ ᠡᠢᠮᠦᠷᠬᠦ ᠨᠥᠬᠥᠴᠡᠯ ᠳ᠋ᠦ᠍ ᠠᠷᠠᠳ ᠲᠦᠮᠡᠨ ᠦ᠌ ᠤᠯᠠᠮᠵᠢᠯᠠᠯᠲᠤ ᠶᠣᠰᠣ ᠮᠣᠩᠭᠣᠯ ᠤᠬᠠᠭᠠᠨ ᠨᠣᠮᠯᠠᠭᠠᠳ ᠶᠠᠭᠠᠬᠢᠬᠤ ᠶᠤᠮ ᠪᠣᠢ? ᠳᠡᠭᠡᠷᠡᠬᠢ ᠱᠠᠷᠢᠯ ᠤ᠋ᠳ ᠢ᠋ ᠶᠡᠬᠡᠰ ᠦ᠋ᠨ ᠣᠩᠭᠣᠨ ᠳ᠋ᠤ᠌(ᠠᠯᠲᠠᠨ ᠥᠯᠥᠭᠡᠢ ᠳ᠋ᠦ᠍) ᠣᠷᠣᠰᠢᠵᠤ ᠲᠡᠷᠡ ᠪᠤᠩᠬᠤᠨ ᠢ᠋ ᠲᠥᠷᠥ ᠶ᠋ᠢᠨ ᠶᠣᠰᠣᠯᠠᠯ ᠤ᠋ᠨ ᠠᠯᠪᠠᠨ ᠤ᠋ ᠡᠭᠦᠳᠡ ᠪᠣᠯᠭᠠᠵᠤ᠂ ᠲᠥᠷᠥ ᠶ᠋ᠢᠨ ᠣᠷᠳᠣᠨ ᠤᠷᠲᠤ ᠬᠠᠭᠠᠯᠭᠠ ᠪᠠᠨ ᠨᠡᠭᠡᠭᠡᠵᠦ ᠬᠣᠢᠲᠤ ᠬᠠᠭᠠᠯᠭᠠ ᠪᠠᠨ ᠬᠠᠭᠠᠬᠤ ᠶᠣᠰᠣᠲᠠᠢ᠃ ᠬᠣᠢᠲᠤ ᠬᠠᠭᠠᠯᠭᠠᠨ ᠳ᠋ᠤ᠌ ᠲᠥᠷᠥ ᠶ᠋ᠢᠨ ᠥᠷᠭᠥᠭᠡ ᠭᠣᠩᠬᠣᠯᠠᠨ ᠪᠠᠷᠢᠵᠤ ᠣᠷᠳᠣᠨ ᠲᠡᠢᠰᠢ ᠣᠷᠣᠬᠤ ᠡᠭᠦᠳᠡ ᠪᠣᠯᠭᠠᠮᠠᠷ ᠠᠵᠠᠢ᠃ ᠣᠷᠳᠣᠨ ᠤ᠋ ᠬᠣᠢᠮᠣᠷ ᠲᠤ ᠭᠣᠩᠬᠣᠯᠠᠭᠰᠠᠨ ᠲᠡᠷᠡ ᠦᠷᠭᠦᠭᠡᠨ ᠳ᠋ᠦ᠍ ᠲᠥᠷᠥ ᠶ᠋ᠢᠨ ᠳᠠᠯᠪᠠᠭᠠ᠂ ᠰᠦᠯᠳᠡ᠂ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭ ᠲᠠᠬᠢᠭᠳᠠᠬᠤ ᠶᠣᠰᠣᠲᠠᠢ᠃ ᠦᠷᠭᠦᠭᠡᠨ ᠡᠴᠡ ᠭᠠᠷᠤᠮᠠᠭᠴᠠ ᠬᠥᠯ ᠦ᠋ᠨ ᠶᠡᠬᠡ ᠲᠠᠩᠬᠢᠮ(ᠣᠳᠣ ᠶ᠋ᠢᠨ ᠲᠥᠷᠥ ᠶ᠋ᠢᠨ ᠣᠷᠳᠣᠨ ᠤ᠋ ᠬᠣᠢᠰᠢ ᠪᠠᠨ ᠬᠠᠷᠠᠭᠰᠠᠨ ᠬᠠᠭᠠᠯᠭᠠᠨ ᠤ᠋ ᠡᠭᠦᠳᠡᠨ ᠦ᠌ ᠥᠷᠥᠭᠡ) ᠳ᠋ᠦ᠍ ᠶᠡᠬᠡ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠪᠠᠨ ᠬᠥᠰᠢᠶᠡ ᠶ᠋ᠢ ᠬᠣᠢᠮᠣᠷᠯᠠᠨ ᠵᠠᠯᠠᠭᠠᠰᠠᠢ᠃ ᠣᠳᠣ ᠶ᠋ᠢᠨ ᠪᠤᠩᠬᠤᠨ ᠪᠤᠶᠤ《ᠲᠥᠷᠥ ᠶ᠋ᠢᠨ ᠶᠣᠰᠣᠯᠠᠯ ᠤ᠋ᠨ ᠠᠯᠪᠠᠨ ᠤ᠋ ᠤᠭᠲᠤᠬᠤ ᠪᠠᠢᠷᠢ》 ᠶ᠋ᠢᠨ ᠣᠷᠣᠢ ᠳ᠋ᠤ᠌ ᠪᠣᠯᠤᠨ ᠬᠣᠶᠠᠷ ᠬᠠᠵᠠᠭᠤ ᠶ᠋ᠢᠨ ᠳᠡᠭᠡᠷᠡ ᠭᠤᠷᠪᠠᠨ ᠵᠠᠯᠢᠲᠤ ᠮᠥᠩᠬᠡ ᠭᠠᠯ ᠢ᠋ᠶ᠋ᠠᠨ ᠴᠢᠨᠳᠠᠮᠤᠨᠢᠯᠠᠨ ᠪᠠᠳᠠᠷᠠᠭᠤᠯᠤᠭᠠᠰᠠᠢ᠂ ᠲᠡᠷᠡ ᠨᠢ ᠭᠡᠷᠡᠯ ᠦ᠋ᠨ ᠴᠢᠮᠡᠭ ᠪᠡᠯᠭᠡᠳᠡᠯ ᠴᠦ᠍ ᠪᠠᠢᠵᠤ ᠪᠣᠯᠬᠤ᠁
ᠴᠠᠭᠠᠨ ᠰᠠᠷᠠ ᠠᠢᠯ ᠬᠡᠰᠦᠬᠦ ᠪᠢᠰᠢ ᠲᠥᠷᠥ ᠶ᠋ᠢᠨ ᠶᠣᠰᠣᠨ ᠤ᠋ ᠪᠠᠶᠠᠷ ᠪᠣᠯᠪᠠᠰᠤ ᠤᠯᠠᠮᠵᠢᠯᠠᠯ ᠶᠣᠰᠣᠯᠠᠯ᠂ ᠬᠡᠯᠪᠡᠷᠢ ᠠᠭᠤᠯᠭᠠ ᠪᠠᠨ ᠳ᠋ᠠᠭᠠᠨ ᠰᠢᠨᠡᠴᠢᠯᠡᠯᠲᠡ ᠡᠬᠢᠯᠡᠬᠦ ᠪᠥᠭᠡᠳ ᠡᠭᠦᠨ ᠢ᠋ ᠠᠷᠠᠳ ᠲᠦᠮᠡᠨ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠪᠦᠲᠦᠭᠡᠬᠦ ᠪᠣᠯᠤᠨᠠ᠃ ᠲᠥᠷᠥ ᠶ᠋ᠢᠨ ᠣᠷᠳᠣᠨ ᠬᠡᠯᠡ ᠠᠮᠠ᠂ ᠬᠡᠷᠡᠭᠦᠯ ᠬᠠᠷᠢᠶᠠᠯ ᠤ᠋ᠨ ᠰᠠᠷᠠᠯ ᠪᠠᠢᠰᠢᠩ ᠪᠢᠰᠢ ᠠᠷᠠᠳ ᠲᠦᠮᠡᠨ ᠦ᠌ ᠣᠷᠣᠬᠤ ᠪᠡᠯᠭᠡᠳᠡᠯ ᠰᠢᠲᠦᠭᠡᠨ ᠲᠡᠢ ᠡᠷᠭᠦᠯ ᠬᠦᠨᠳᠦᠯᠡᠯ ᠦ᠋ᠨ ᠲᠡᠦᠬᠡᠨ ᠥᠷᠭᠥᠭᠡ ᠤᠷᠲᠤ ᠪᠠᠢᠬᠤ᠂ ᠬᠥᠳᠡᠭᠡᠨ ᠡᠴᠡ ᠢᠷᠡᠭᠰᠡᠨ ᠪᠠᠢᠲᠤᠭᠠᠢ ᠬᠠᠷᠢ ᠳ᠋ᠤ᠌ ᠰᠠᠭᠤᠭᠠ ᠡᠯᠢᠭᠡ ᠨᠢᠭᠡᠲᠡᠨ ᠨᠦ᠍ᠭᠦᠳ ᠮᠠᠨᠢ ᠮᠥᠷᠭᠥᠬᠦ ᠤᠯᠠᠮᠵᠢᠯᠠᠯ ᠲᠡᠨᠳᠡ ᠬᠠᠳᠠᠭᠠᠯᠠᠭᠳᠠᠵᠤ ᠡᠭᠦᠳᠡ ᠪᠡᠨ ᠨᠡᠭᠡᠭᠡᠭᠡᠰᠡᠢ᠃ ᠥᠨᠥ ᠶ᠋ᠢᠨ《ᠴᠠᠭᠠᠨ ᠰᠠᠷᠠ》 ᠡᠲᠡᠭᠡᠳ ᠶᠠᠩᠵᠤ ᠶ᠋ᠢᠨ ᠲᠥᠷᠬᠦ ᠲᠡᠢ ᠪᠠᠢᠨᠠ᠃ ᠰᠣᠨᠢᠷᠬᠠᠭᠳᠠᠵᠤ ᠪᠠᠢᠭᠠ ᠨᠢ ᠱᠠᠰᠢᠨ ᠤ᠋ ᠵᠢᠷᠤᠬᠠᠢ ᠵᠠᠰᠠᠯ ᠨᠣᠮ ᠤᠩᠰᠢᠯᠭᠠ᠃ ᠡᠨᠡ ᠨᠢ ᠰᠦᠮᠡ ᠬᠡᠢᠳ ᠦ᠋ᠳ ᠦ᠋ᠨ ᠵᠥᠪ ᠠᠵᠢᠯ ᠪᠣᠯᠪᠠᠴᠤ ᠳᠥᠷᠦᠲᠦ ᠶᠣᠰᠣᠨ ᠤ᠋ ᠵᠥᠪ ᠬᠦᠯᠢᠶᠡᠴᠡ ᠪᠢᠰᠢ᠃ ᠲᠥᠷᠥ ᠶ᠋ᠢᠨ ᠲᠦᠰᠢᠶᠡ ᠰᠠᠢᠳ ᠤ᠋ᠳ ᠨᠢ ᠴᠦ᠍ ᠡᠨᠳᠡ ᠲᠡᠨᠳᠡ ᠦᠭᠡᠢ ᠭᠣᠶᠣ ᠲᠡᠷᠭᠡ ᠪᠡᠷ ᠡᠬᠡᠨᠡᠷ ᠬᠡᠦᠬᠡᠳ ᠦ᠋ᠳ ᠲᠡᠢ ᠪᠡᠨ ᠰᠦᠯᠵᠢᠯᠳᠦᠨ ᠳᠠᠪᠬᠢᠵᠤ ᠣᠷᠣᠢ ᠨᠢ ᠰᠤᠭᠤᠳᠠᠭᠤᠯᠤᠭᠰᠠᠨ ᠰᠣᠭᠲᠣᠭᠤ᠁ ᠤᠭ ᠨᠢ ᠲᠡᠷᠡ ᠡᠳᠦᠷ ᠲᠥᠷᠥ ᠶ᠋ᠢᠨ ᠶᠣᠰᠣᠯᠠᠯ ᠳ᠋ᠤ᠌ ᠵᠠᠯᠠᠷᠠᠵᠤ ᠪᠠᠢᠬᠤ ᠶᠣᠰᠣᠲᠠᠢ ᠰᠠᠨ᠃ ᠠᠷᠠᠳ ᠲᠦᠮᠡᠨ ᠠᠬᠠᠰ ᠡᠬᠡᠰ ᠲᠡᠭᠡᠨ ᠵᠣᠯᠭᠠᠳᠠᠭ ᠴᠤ᠌ ᠶᠡᠬᠡᠰ ᠲᠡᠭᠡᠨ ᠵᠣᠯᠭᠠᠳᠠᠭ ᠲᠥᠷᠥ ᠶ᠋ᠢᠨ ᠤᠳᠬᠠ ᠲᠠᠢ ᠮᠠᠷᠲᠠᠭᠳᠠᠵᠠᠢ᠃ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠤᠯᠠᠮᠵᠢᠯᠠᠯ ᠰᠢᠨᠡᠴᠢᠯᠡᠯ ᠡᠨᠳᠡ ᠨᠢᠭᠤᠭᠳᠠᠵᠤ ᠳᠡᠯᠡᠬᠡᠢ ᠶ᠋ᠢᠨ ᠤᠯᠤᠰ ᠣᠷᠣᠨ ᠨᠤᠭᠤᠳ ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠥᠩᠭᠡᠷᠡᠵᠦ ᠪᠠᠢᠨᠠ᠃ ᠮᠣᠩᠭᠣᠯᠴᠤᠳ ᠬᠡᠢᠳ ᠰᠦᠮᠡ ᠥᠷᠥᠰᠢᠶᠡ! ᠭᠡᠬᠦ ᠡᠴᠡ ᠪᠡᠨ ᠲᠥᠷᠥ ᠶ᠋ᠢᠨ ᠰᠦᠯᠳᠡ ᠮᠢᠨᠢ ᠠᠪᠤᠷᠠᠵᠤ ᠥᠷᠥᠰᠢᠶᠡ! ᠡᠨᠡᠷᠢᠵᠦ ᠬᠠᠢᠷᠠᠯᠠ! ᠭᠡᠮᠡᠨ ᠰᠥᠰᠥᠯᠡᠳᠡᠭ ᠪᠢᠯᠡ᠃ ᠮᠥᠩᠬᠡ ᠭᠠᠯ ᠰᠦᠯᠳᠡᠲᠦ ᠨᠦ᠍ᠭᠦᠳ ᠦ᠋ᠨ ᠲᠥᠷᠥ ᠶ᠋ᠢᠨ ᠠᠮᠢ《ᠴᠠᠭᠠᠨ ᠰᠠᠷᠠ》 ᠪᠢᠳᠡᠨ ᠡᠴᠡ ᠴᠣ ᠰᠢᠨᠡ ᠬᠠᠨᠳᠤᠯᠭᠠ ᠦᠭᠡᠢᠯᠡᠵᠦ ᠪᠠᠢᠨᠠ᠃12 ᠵᠢᠯ᠂ ᠴᠠᠭᠠᠨ ᠰᠠᠷᠠ᠂《ᠮᠥᠩᠬᠡ ᠭᠠᠯ》 ᠰᠢᠲᠦᠭᠡᠨ᠂ ᠨᠠᠷᠠ ᠰᠠᠷᠠ ᠭᠠᠯ᠂ ᠰᠦᠯᠳᠡ᠂ ᠦᠯᠢᠭᠡᠷ ᠲᠤᠤᠯᠢᠰ ᠦᠨᠳᠦᠰᠦᠨ ᠦ᠌ ᠲᠣᠭᠯᠠᠭᠠᠮ ᠨᠠᠭᠠᠲᠤᠭᠠᠢ᠂ ᠭᠤᠷᠪᠠᠯ ᠶᠣᠰᠣ ᠵᠠᠩᠰᠢᠯ᠂ ᠪᠡᠯᠭᠡᠳᠡᠯ᠂ ᠵᠢᠷᠤᠬᠠᠢ᠂᠂ ᠵᠣᠯᠭᠠᠯᠲᠠ᠂ ᠠᠷᠠᠳ ᠤ᠋ᠨ ᠬᠡᠪ ᠶᠣᠰᠣ᠁ ᠡᠨᠡ ᠪᠦᠬᠦᠨ ᠠᠢᠯ ᠬᠡᠰᠦᠵᠦ ᠥᠩᠭᠡᠷᠡᠭᠡᠬᠦ ᠪᠠᠶᠠᠷ ᠪᠢᠰᠢ ᠶ᠋ᠢ ᠥᠭᠦᠯᠡᠨᠡ᠃ ᠰᠤᠮᠤ᠂ ᠠᠢᠮᠠᠭ ᠪᠦᠷᠢ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠲᠥᠷᠥ ᠶ᠋ᠢᠨ ᠶᠣᠰᠣᠯᠠᠯ ᠤ᠋ᠨ ᠥᠷᠥᠭᠡ ᠲᠠᠬᠢᠯᠭᠠ ᠲᠠᠢ ᠪᠣᠯᠬᠤ᠁ ᠲᠡᠷᠡ ᠨᠢ ᠰᠦᠷᠵᠢᠨ ᠨᠠᠭᠠᠳᠤᠮ ᠪᠤᠰᠤ ᠰᠢᠲᠦᠯᠭᠡ ᠶ᠋ᠢᠨ ᠮᠥᠷᠭᠥᠯ ᠵᠠᠯᠪᠠᠷᠢᠯ ᠪᠠᠢᠬᠤ᠁ ᠬᠡᠨ ᠴᠦ᠍ ᠡᠰᠡ ᠰᠢᠲᠦᠬᠦ ᠥᠨᠥ ᠶ᠋ᠢᠨ ᠲᠥᠷᠥ ᠶ᠋ᠢᠨ ᠰᠦᠯᠳᠡ ᠶ᠋ᠢ ᠬᠠᠯᠠᠬᠤ᠁ ᠣᠪᠣᠭ ᠤᠭᠰᠠᠭᠠ ᠶ᠋ᠢ ᠳᠡᠯᠭᠡᠷᠡᠭᠦᠯᠵᠦ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤ᠋ᠳ ᠲᠠᠭᠠᠨ ᠣᠨᠴᠠᠭᠠᠢ ᠬᠠᠯᠠᠮᠵᠢ( ᠪᠡᠯᠡᠭ᠂ ᠪᠣᠣᠽᠢ ᠶ᠋ᠢᠨ ᠲᠡᠭᠡᠭᠡᠷᠡ ᠪᠤᠰᠤ) ᠢᠪᠡᠭᠡᠬᠦ ᠪᠠᠶᠠᠷ ᠪᠠᠢᠬᠤ᠁ ᠡᠨᠡ ᠪᠣᠯ《ᠠᠮᠢ》 ᠰᠢᠨᠡᠯᠢᠭ ᠰᠡᠳᠬᠢᠯᠭᠡᠨ ᠳ᠋ᠦ᠍ ᠴᠠᠭ ᠦᠶᠡ ᠲᠡᠢ ᠪᠡᠨ ᠬᠠᠮᠲᠤ ᠪᠠᠢᠵᠤ ᠮᠥᠩᠬᠡᠵᠢᠬᠦ ᠪᠢᠰᠢᠯᠭᠠᠯ ᠤ᠋ᠨ ᠡᠭᠦᠳᠡ ᠶ᠋ᠢ ᠨᠡᠭᠡᠭᠡᠭᠴᠢ ᠰᠢᠲᠦᠭᠡᠨ ᠪᠠᠢᠬᠤ ᠶᠣᠰᠣᠲᠠᠢ ᠶ᠋ᠢᠨ ᠨᠢᠭᠡᠨ ᠵᠢᠱ᠌ᠢᠶᠡ ᠶᠤᠮ᠃
᠁᠁᠁᠁᠁᠁᠁
① ᠷᠧᠹᠯᠧᠺᠰ— ᠲᠤᠰᠬᠠᠯ᠂ ᠣᠢᠯᠲᠠ᠂ ᠣᠢᠯᠲᠠ ᠶ᠋ᠢᠨ ᠦᠢᠯᠡᠳᠦᠯ(ᠪᠠᠭᠤᠯᠭᠠᠭᠴᠢ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠭᠳᠠᠭᠤᠨᠪᠠᠶᠠᠷ᠂ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ