ᠨᠠᠢ᠍ᠮᠠ᠂ ᠰᠢᠨᠡ ᠭᠠᠯᠪᠠ ᠭᠤᠷᠪᠠᠯ ᠰᠣᠶᠣᠯ-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ2-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
243ᠨᠠᠢ᠍ᠮᠠ᠂ ᠰᠢᠨᠡ ᠭᠠᠯᠪᠠ ᠭᠤᠷᠪᠠᠯ ᠰᠣᠶᠣᠯ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠨᠢᠭᠡᠨ ᠰᠢᠨᠡ ᠰᠣᠶᠣᠯ ᠢᠷᠭᠡᠨᠰᠢᠯ(ᠭᠠᠯᠪᠠ ᠭᠡᠬᠦ ᠮᠥᠴᠢᠯᠭᠡ)1999 ᠣᠨ ᠠ᠋ᠴᠠ ᠡᠬᠢᠯᠡᠬᠦ ᠲᠤᠬᠠᠢ ᠳᠡᠯᠡᠬᠡᠢ ᠨᠡᠢᠲᠡ ᠪᠡᠷ ᠱᠤᠤᠭᠢᠬᠤ ᠪᠣᠯᠤᠯᠠ ᠃ ᠠᠲ᠋ᠠᠯᠠᠨᠲ᠋ᠢᠳ᠋ ᠤ᠋ᠨ ᠮᠥᠬᠥᠯ ᠢ᠋ᠶ᠋ᠡᠷ ᠰᠢᠪᠲᠤᠷᠠᠭᠰᠠᠨ ᠨᠢᠭᠡ ᠦᠨᠡᠨᠲᠦ ᠬᠥᠭᠵᠢᠯ ᠢ᠋ ᠥᠷᠲᠡᠭᠡᠯᠡᠨ ᠡᠪᠦᠭᠡᠨ ᠬᠣᠢᠮᠣᠰᠣᠨ ᠣᠨᠣᠯᠳᠤ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠲᠠᠪᠤᠳᠠᠬᠢ ᠭᠠᠯᠪᠠ1998 ᠣᠨ ᠳ᠋ᠤ᠌ ᠳᠠᠭᠤᠰᠴᠤ ᠪᠠᠢᠭᠠ ᠲᠤᠭᠠᠴᠠᠬᠠ ᠰᠣᠨᠢᠷᠬᠠᠯ ᠲᠠᠢ ᠶᠤᠮ᠃666×3=1998 ᠭᠡᠰᠡᠨ ᠵᠦᠩ ᠦᠯᠡᠳᠡᠭᠡᠭᠰᠡᠨ ᠢ᠋ ᠤᠰᠲ᠋ᠷᠠᠳ᠋ᠠᠮᠥ᠋ᠰ ᠴᠦ᠍ ᠦᠭᠡᠢᠰᠬᠡᠭᠰᠡᠨ ᠦᠭᠡᠢ᠃ ᠾᠷᠢᠰᠲ᠋ᠣᠰ ᠬᠡᠪ ᠶᠣᠰᠣᠨ ᠳ᠋ᠤ᠌ ᠶᠡᠷᠦ ᠶ᠋ᠢᠨ ᠲᠣᠭᠠ ᠭᠡᠵᠦ ᠴᠡᠭᠡᠷᠯᠡᠭᠳᠡᠳᠡᠭ666 ᠶᠠᠭᠠᠬᠢᠭᠠᠳ ᠰᠢᠳᠢᠲᠦ ᠲᠣᠭᠠ ᠪᠣᠯᠪᠠ? ᠬᠠᠮᠢᠭᠠ ᠠ᠋ᠴᠠ ᠨᠢᠭᠡᠳᠦᠮᠡᠯ ᠭᠤᠷᠪᠠᠯᠠᠭᠰᠠᠨ ᠪᠤᠷᠬᠠᠨ᠁ ᠭᠤᠷᠪᠠᠨ ᠡᠯᠴᠢ᠁ ᠭᠠᠷᠤᠭᠠᠳ ᠢᠷᠡᠪᠡ? ᠭᠡᠲᠡᠯᠡ《ᠰᠦᠢᠷᠡᠯ ᠭᠤᠷᠪᠠ ᠳ᠋ᠤ᠌ ᠲᠡᠭᠰᠢ ᠬᠤᠪᠢᠶᠠᠭᠳᠠᠬᠤ ᠣᠨ ᠳ᠋ᠤ᠌ ᠪᠣᠯᠤᠨᠠ᠃1998᠄3=666》 ᠭᠡᠵᠦ ᠶᠣᠷᠣᠯᠠᠭᠰᠠᠨ ᠮᠠᠢᠶᠸᠷ ᠤ᠋ᠨ ᠰᠠᠨᠠᠭᠠ ᠬᠣᠶᠠᠷᠯᠠᠯ ᠰᠡᠳᠬᠢᠯᠭᠡᠨ ᠦ᠌ ᠰᠦᠢᠷᠡᠯ ᠢ᠋ ᠬᠡᠯᠡᠭᠰᠡᠨ ᠪᠣᠯᠤᠯᠲᠠᠢ᠃ ᠬᠠᠷᠢᠨ ᠠᠫᠤᠭᠡᠯᠢᠫᠰᠢᠰ ᠮᠠᠢᠶᠸᠷ ᠠᠯᠢ ᠠᠯᠢ ᠨᠢ ᠬᠠᠮᠤᠭ ᠰᠢᠳᠢ《3》 ᠳ᠋ᠤ᠌ ᠨᠢᠭᠤᠴᠠᠯᠠᠭᠳᠠᠵᠤ ᠪᠠᠢᠭᠠ ᠶ᠋ᠢ ᠬᠡᠪ ᠶᠣᠰᠣᠨ ᠤ᠋ ᠤᠯᠠᠮᠵᠢᠯᠠᠯ ᠦᠭᠡᠢ ᠤᠴᠢᠷ ᠠ᠋ᠴᠠ ᠮᠡᠳᠡᠷᠡᠭᠰᠡᠨ ᠦᠭᠡᠢ᠃ ᠲᠡᠷᠡ666 ᠶ᠋ᠢ ᠦᠷᠡᠵᠢᠭᠦᠯᠦᠭᠡᠳ ᠬᠤᠪᠢᠶᠠᠭᠠᠳ ᠪᠠᠢᠭᠠ(3) ᠪᠣᠯ ᠭᠤᠷᠪᠠᠯ ᠣᠨᠣᠯ ᠪᠢᠰᠢ ᠤᠤ? ᠲᠡᠷᠡ ᠨᠢᠭᠡᠳᠦᠮᠡᠯ ᠭᠤᠷᠪᠠᠯᠠᠭᠰᠠᠨ ᠪᠤᠷᠬᠠᠨ ᠴᠢᠨᠢ ᠭᠤᠷᠪᠠᠯᠠᠭᠰᠠᠨ ᠰᠡᠳᠬᠢᠯᠭᠡ ᠪᠤᠰᠤ ᠤᠤ? ᠣᠳᠣ ᠠ᠋ᠴᠠ12000 ᠵᠢᠯ(ᠶᠢᠷᠲᠢᠨᠴᠦ ᠶ᠋ᠢᠨ ᠳᠤᠮᠳᠠᠴᠢ ᠨᠢᠭᠡ ᠭᠡᠳᠡᠭ ᠴᠠᠭ ᠤ᠋ᠨ ᠨᠢᠭᠡᠴᠢ ᠲᠣᠭᠠᠯᠠᠯ) ᠤ᠋ᠨ ᠲᠡᠷᠲᠡᠭᠡ ᠨᠢᠭᠡ ᠦᠨᠡᠨ ᠲᠡᠢ ᠠᠲ᠋ᠠᠯᠠᠨᠲ᠋ᠢᠳ᠋ ᠤ᠋ᠨ ᠭᠠᠢᠬᠠᠮᠰᠢᠭᠲᠤ ᠰᠣᠶᠣᠯ ᠮᠥᠨ᠂12000 ᠵᠢᠯ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠴᠡᠴᠡᠭᠯᠡᠨ ᠬᠥᠭᠵᠢᠭᠡᠳ ᠮᠥᠬᠥᠵᠡᠢ᠃ ᠲᠡᠭᠦᠨ ᠦ᠌ ᠤᠯᠠᠮᠵᠢᠯᠠᠭᠰᠠᠨ ᠲᠠᠪᠤᠳᠤᠭᠠᠷ ᠭᠠᠯᠪᠠ ᠪᠠᠰᠠ12000 ᠵᠢᠯ ᠬᠣᠶᠠᠷᠯᠠᠯ ᠣᠨᠣᠯ ᠢ᠋ᠶ᠋ᠠᠷ ᠳᠠᠪᠰᠢᠨ ᠴᠡᠴᠡᠭᠯᠡᠭᠡᠳ1998 ᠣᠨ ᠳ᠋ᠤ᠌《ᠮᠥᠬᠥᠬᠦ》 ᠠᠵᠤᠭᠤ᠃ ᠭᠡᠲᠡᠯᠡ ᠡᠮᠦᠨᠡ ᠳᠤᠷᠠᠳᠴᠤ ᠪᠠᠢᠭᠰᠠᠨ ᠲᠩᠷᠢ ᠶ᠋ᠢᠨ ᠣᠷᠣᠨ ᠤ᠋ ᠢᠯᠡᠭᠡᠯᠲᠡ ᠳ᠋ᠦ᠍《ᠲᠠᠨ ᠤ᠋ ᠲᠡᠢᠨ ᠪᠠᠢᠯᠳᠤᠭᠠᠨ ᠨᠤᠭᠤᠳ ᠵᠣᠭᠰᠣᠬᠤ ᠳ᠋ᠤ᠌ ᠠᠬᠢᠭᠠᠳ12000 ᠵᠢᠯ ᠡᠴᠡ ᠨᠠᠭᠠᠰᠢ ᠦᠭᠡᠢ ᠪᠣᠯᠤᠯᠲᠠᠢ》 ᠬᠡᠮᠡᠭᠰᠡᠨ ᠥᠭᠦᠯᠡᠪᠦᠷᠢ ᠪᠣᠢ᠃ ᠲᠡᠳᠡᠨ ᠦ᠌ ᠡᠢᠨ ᠳ᠋ᠦᠩᠨᠡᠬᠦ ᠪᠣᠯᠤᠭᠰᠠᠨ ᠰᠢᠯᠲᠠᠭᠠᠨ ᠨᠢ ᠣᠳᠣ ᠶ᠋ᠢᠨ ᠪᠢᠳᠡᠨ ᠦ᠌《ᠲᠡᠢᠮᠦ᠂ ᠦᠭᠡᠢ》 ᠭᠡᠰᠡᠨ ᠪᠢᠴᠢᠬᠠᠨ ᠰᠡᠳᠬᠢᠯᠭᠡ ᠠᠵᠠᠢ᠃ ᠲᠡᠳᠡᠨ ᠦ᠌ ᠠᠶᠤᠭᠠᠳ ᠪᠠᠢᠭᠠ ᠵᠦᠢᠯ ᠨᠢ ᠪᠢᠳᠡᠨ ᠦ᠌ ᠪᠢᠴᠢᠬᠠᠨ ᠬᠣᠢᠮᠣᠰᠣᠨ ᠰᠡᠳᠬᠢᠯᠭᠡ᠃ ᠶᠢᠷᠲᠢᠨᠴᠦ ᠶ᠋ᠢᠨ ᠪᠤᠶᠤ ᠬᠠᠷᠢ ᠭᠠᠷᠠᠭ ᠤ᠋ᠨ ᠤᠬᠠᠭᠠᠨᠲᠠᠨ ᠨᠤᠭᠤᠳ ᠶᠠᠭᠠᠬᠢᠭᠠᠳ ᠦᠯᠦ ᠦᠵᠡᠭᠳᠡᠭᠴᠢ ᠨᠢᠰᠳᠡᠭ ᠪᠡᠶᠡᠲᠦ ᠨᠦ᠍ᠭᠦᠳ ᠪᠣᠯᠤᠭᠠᠳ ᠪᠠᠢᠨᠠ ᠪᠣᠢ⁈ ᠡᠰᠡᠷᠭᠦᠴᠡᠬᠦ ᠤᠬᠠᠭᠠᠨ ᠲᠣᠭᠠ ᠲᠣᠢᠮᠣᠰᠢ ᠦᠭᠡᠢ ᠣᠯᠠᠨ ᠲᠡᠢᠨ ᠪᠠᠢᠯᠳᠤᠭᠠᠨ ᠰᠦᠷᠭᠦᠯᠳᠦᠭᠡᠨ ᠳ᠋ᠦ᠍ ᠬᠦᠷᠭᠡᠵᠦ ᠠᠮᠢ ᠰᠦᠢᠳᠬᠦ ᠲᠡᠳᠦᠢ ᠦᠭᠡᠢ ᠳᠡᠯᠡᠬᠡᠢ ᠶ᠋ᠢᠨ ᠪᠦᠬᠦ ᠠᠮᠢᠳᠤ ᠠᠮᠢᠲᠠᠨ ᠵᠥᠪᠬᠡᠨ ᠬᠥᠮᠦᠨ ᠡᠴᠡ ᠠᠶᠤᠳᠠᠭ ᠲᠥᠷᠥᠯᠬᠢ ᠵᠦᠩ《ᠠᠶᠤᠳᠠᠰᠤ ᠶ᠋ᠢᠨ ᠮᠠᠨᠳᠤᠯ》 ᠪᠣᠢ ᠪᠣᠯᠭᠠᠬᠤ ᠳ᠋ᠤ᠌ ᠬᠦᠷᠭᠡᠵᠡᠢ᠃ ᠤᠷᠢᠳᠤ ᠡᠮᠦᠨᠡ ᠨᠢ ᠬᠥᠮᠦᠨ ᠳ᠋ᠦ᠍ ᠠᠯᠠᠭᠤᠯᠵᠤ ᠦᠵᠡᠭᠡ ᠦᠭᠡᠢ ᠥᠴᠦᠬᠡᠨ ᠮᠥᠨᠳᠥᠯ ᠲᠡᠮᠡᠭᠡᠨ ᠡᠴᠡ ᠦᠯᠦ ᠠᠶᠤᠬᠤ ᠠᠲᠠᠯᠠ ᠪᠠᠨ ᠬᠡᠦᠬᠡᠳ ᠡᠴᠡ ᠠᠶᠤᠳᠠᠭ ᠪᠥᠯᠥᠭᠡ᠃ ᠡᠢᠮᠦᠷᠬᠦ ᠰᠠᠨᠠᠭᠠ ᠪᠠᠷ ᠡᠮᠦᠨᠡ ᠨᠢ《ᠠᠶᠤᠳᠠᠰᠤ ᠶ᠋ᠢᠨ ᠮᠠᠨᠳᠤᠯ ᠤ᠋ᠨ ᠨᠢᠭᠤᠴᠠ》 ᠵᠥᠩᠨᠡᠯᠲᠡ ᠷᠣᠮᠠᠨ ᠪᠢᠴᠢᠵᠦ ᠬᠡᠪᠯᠡᠭᠦᠯᠦᠭᠰᠡᠨ ᠪᠢᠯᠡ ᠪᠢ᠃ ᠲᠩᠷᠢᠯᠢᠭ ᠰᠡᠳᠬᠢᠬᠦᠢᠲᠦ ᠮᠣᠩᠭᠣᠯᠴᠤᠳ ᠬᠣᠢᠮᠣᠰᠣᠨ ᠬᠥᠭᠵᠢᠯ ᠦ᠋ᠨ ᠶᠡᠬᠡ ᠰᠦᠢᠳᠬᠡᠯ ᠳᠤᠮᠳᠠ ᠭᠤᠷᠪᠠᠨ ᠣᠨᠣᠯ ᠢ᠋ ᠳᠡᠭᠦᠴᠡᠬᠡᠯᠡᠨ ᠮᠡᠳᠡᠷᠡᠵᠦ ᠵᠢᠳᠬᠦᠭᠰᠡᠨ ᠦ᠌ ᠰᠥᠷᠬᠦ ᠨᠥᠯᠥᠭᠡ ᠬᠠᠷᠢᠴᠠᠩᠭᠤᠢ ᠪᠠᠭᠠ ᠲᠠᠢ ᠡᠬᠡ ᠣᠷᠣᠨ ᠡᠵᠡᠩᠨᠡᠵᠦ ᠪᠠᠢᠨᠠ᠃ ᠡᠯᠡ ᠰᠡᠳᠦᠪ ᠢ᠋ᠶ᠋ᠡᠷ《ᠬᠥᠬᠡ ᠭᠠᠯ ᠤ᠋ᠨ ᠰᠦᠢᠳᠬᠡᠯ》 ᠤᠷᠠᠨ ᠰᠡᠳᠬᠢᠮᠵᠢ ᠶ᠋ᠢᠨ ᠷᠣᠮᠠᠨ ᠪᠢᠴᠢᠵᠦ1994 ᠣᠨ ᠳ᠋ᠤ᠌ ᠮᠣᠩᠭᠣᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠡᠪᠯᠡᠯ ᠡᠴᠡ ᠭᠤᠷᠪᠠᠨ ᠨᠣᠮ ᠰᠣᠩᠭᠣᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠬᠢᠵᠦ ᠬᠡᠪᠯᠡᠬᠦ ᠪᠣᠯᠬᠤ ᠳ᠋ᠤ᠌ ᠲᠡᠭᠦᠨ ᠳ᠋ᠦ᠍ ᠣᠷᠣᠭᠰᠠᠨ ᠪᠣᠯᠪᠠᠴᠤ ᠬᠡᠷᠡᠭᠴᠡᠭᠡ ᠦᠭᠡᠢ ᠪᠢᠯᠡ᠃ ᠡᠳᠦᠭᠡ ᠠᠢᠯᠴᠢᠯᠠᠨ ᠢᠷᠡᠬᠦ ᠰᠢᠨᠡ ᠭᠠᠯᠪᠠ ᠭᠤᠷᠮᠤᠰᠤᠨ ᠬᠡᠷᠰᠡᠦ ᠤᠬᠠᠭᠠᠨ ᠠᠮᠢᠨ ᠣᠨᠣᠯ ᠤ᠋ᠨ ᠬᠢ ᠪᠠᠢᠬᠤ ᠨᠢ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠪᠥᠭᠡᠳ ᠮᠣᠩᠭᠣᠯᠴᠤᠳ ᠤ᠋ᠨ ᠳᠡᠯᠡᠬᠡᠢ ᠶ᠋ᠢ ᠰᠡᠷᠢᠭᠡᠬᠦ ᠭᠤᠷᠪᠠᠳᠠᠬᠢ ᠳᠠᠭᠤᠳᠠᠯᠭᠠ ᠡᠨᠡ ᠪᠣᠯᠤᠨᠠ᠃ ᠬᠣᠢᠮᠣᠰᠣᠨ ᠪᠣᠯᠤᠨ ᠭᠤᠷᠪᠠᠯ ᠬᠥᠭᠵᠢᠯ ᠦ᠋ᠨ ᠦᠷᠡᠵᠢᠪᠦᠷᠢ ᠬᠤᠷᠳᠤᠴᠠ6(ᠵᠢᠷᠭᠤᠭᠠᠳᠠᠬᠢ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠭᠠᠯᠪᠠ) ᠭᠡᠳᠡᠭ ᠲᠣᠭᠠ ᠲᠠᠢ ᠲᠠᠢᠵᠠ ᠪᠠᠢᠭᠠ ᠨᠢ ᠪᠡᠯᠭᠡᠰᠢᠶᠡᠯ ᠪᠠᠰᠠ ᠣᠷᠴᠢᠯᠠᠩ ᠤ᠋ᠨ ᠮᠠᠲ᠋ᠧᠮᠠᠲ᠋ᠢᠺ① ᠢᠷᠦᠭᠡᠯ ᠶᠦᠮ᠃ ᠪᠠᠢᠭᠠᠯᠢ ᠪᠠᠨ ᠬᠣᠮᠰᠠᠳᠠᠭᠤᠯᠵᠤ ᠪᠤᠰᠤ ᠠᠷᠪᠢᠳᠠᠭᠤᠯᠵᠤ ᠬᠠᠷᠢᠴᠠᠬᠤ ᠤᠪᠠᠳᠢᠰ ᠤ᠋ᠨ ᠡᠭᠦᠳᠡ ᠠᠮᠢᠨ ᠲᠥᠪ ᠲᠦ᠍ ᠳᠡᠯᠡᠬᠡᠢ ᠶ᠋ᠢᠨ ᠭᠤᠷᠪᠠᠯ ᠣᠨᠣᠯ ᠮᠥᠨ ᠪᠥᠯᠥᠭᠡ᠃ ᠡᠨᠡ ᠰᠠᠨᠠᠭᠠ ᠪᠠᠷ《ᠠᠮᠢᠨ ᠶᠢᠷᠲᠢᠨᠴᠦ ᠶ᠋ᠢᠨ ᠳᠤᠤᠯᠢᠶᠠᠨ》 ᠵᠥᠩᠨᠡᠯᠲᠦ ᠷᠣᠮᠠᠨ ᠪᠢᠴᠢᠵᠦ ᠭᠤᠷᠪᠠᠯ ᠨᠣᠮ ᠢ᠋ᠶ᠋ᠠᠨ ᠳᠠᠭᠤᠰᠬᠠᠭᠰᠠᠨ ᠴᠤ᠌ ᠢᠷᠡᠭᠡᠳᠦᠢ ᠳ᠋ᠦ᠍ ᠬᠡᠪᠯᠡᠭᠳᠡᠨᠡ ᠭᠡᠬᠦ ᠳᠦᠭᠦᠷᠡᠩ ᠢᠲᠡᠭᠡᠯ ᠢ᠋ᠶ᠋ᠡᠷ ᠬᠠᠳᠠᠭᠠᠯᠠᠪᠠᠢ᠃
ᠬᠠᠳᠠ ᠴᠢᠯᠠᠭᠤᠨ ᠳᠡᠭᠡᠷᠡ ᠨᠣᠭᠣᠭᠠ ᠤᠷᠭᠤᠭᠤᠯᠬᠤ ᠨᠢᠭᠡ ᠬᠡᠴᠡᠭᠦᠦ
ᠬᠠᠷᠠ ᠤᠰᠤᠨ ᠳᠡᠭᠡᠷᠡ ᠭᠠᠯ ᠲᠦᠯᠡᠬᠦ ᠨᠢᠭᠡ ᠬᠡᠴᠡᠭᠦᠦ
ᠬᠠᠢᠨᠤᠭ ᠦᠬᠡᠷ ᠦ᠋ᠨ ᠡᠪᠡᠷ ᠳᠡᠭᠡᠷᠡ ᠴᠠᠰᠤ ᠲᠣᠭᠲᠠᠬᠤ ᠨᠢᠭᠡ ᠬᠡᠴᠡᠭᠦᠦ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠡᠴᠡᠭᠦᠦ ᠶ᠋ᠢ ᠭᠤᠷᠪᠠᠨ ᠡᠭᠡᠯ ᠪᠣᠯᠭᠠᠨ ᠬᠠᠳᠠ ᠴᠢᠯᠠᠭᠤᠨ ᠳᠡᠭᠡᠷᠡ ᠨᠣᠭᠣᠭᠠ ᠤᠷᠭᠤᠭᠤᠯᠪᠠᠰᠤ ᠠᠮᠢᠨ ᠬᠥᠭᠵᠢᠯ ᠴᠡᠴᠡᠭᠯᠡᠨᠡ᠃
ᠬᠠᠷᠠ ᠤᠰᠤᠨ ᠳᠡᠭᠡᠷᠡ ᠭᠠᠯ ᠲᠦᠯᠡᠪᠡᠰᠦ ᠡᠷᠴᠢᠮ ᠬᠦᠴᠦᠨ ᠦ᠌ ᠠᠰᠠᠭᠤᠳᠠᠯ ᠰᠢᠲᠦᠭᠳᠡᠵᠦ ᠳᠠᠯᠠᠢ ᠶ᠋ᠢᠨ ᠤᠰᠤ ᠭᠠᠯ ᠤ᠋ᠨ ᠡᠬᠢ ᠪᠣᠯᠵᠤ ᠠᠭᠤᠷ ᠬᠠᠶᠠᠭᠳᠠᠯ ᠨᠢ ᠪᠣᠷᠣᠭᠠ ᠪᠣᠯᠵᠤ ᠶᠢᠷᠲᠢᠨᠴᠦ ᠠᠮᠠᠷᠠᠨᠠ᠃ ᠬᠠᠢᠨᠤᠭ ᠦᠬᠡᠷ ᠦ᠋ᠨ ᠡᠪᠡᠷ ᠳᠡᠭᠡᠷᠡ ᠴᠠᠰᠤ ᠲᠣᠭᠲᠠᠪᠠᠰᠤ ᠡᠭᠦᠯᠳᠡᠷ ᠤᠭᠰᠠᠭᠠ ᠦᠷᠡᠵᠢᠯ(ᠮᠢᠺᠷᠣᠪᠢᠣᠯᠣᠭᠢ②᠂ ᠡᠺᠽᠢᠮᠣᠯᠣᠬᠢ᠂ ᠡᠰ ᠦ᠋ᠨ ᠪᠣᠯᠤᠨ ᠭᠧᠨ ᠦ᠌ ᠢᠨᠵᠧᠨᠧᠷᠴᠢᠯᠡᠯ) ᠪᠢᠣᠲ᠋ᠧᠭᠨᠣᠯᠣᠬᠢ③ ᠬᠥᠮᠦᠨ ᠡᠷᠬᠡᠨ ᠳ᠋ᠦ᠍ ᠪᠦᠷᠢᠨ ᠣᠷᠣᠨᠠ ᠭᠡᠰᠡᠨ ᠦᠭᠡ᠃ ᠰᠠᠷᠯᠤᠭ— ᠤᠯᠠᠭᠠᠨ ᠦᠬᠡᠷ ᠬᠣᠶᠠᠷ ᠤ᠋ᠨ ᠳᠤᠮᠳᠠ ᠠ᠋ᠴᠠ ᠭᠠᠷᠳᠠᠭ ᠨᠠᠷᠠᠨ ᠰᠠᠷᠠᠨ ᠬᠠᠢᠨᠤᠭ(ᠬᠠᠶᠠ ᠨᠢᠭᠡ) ᠦᠬᠡᠷ ᠨᠢ ᠡᠪᠡᠷ ᠤᠷᠲᠤ ᠲᠡᠭᠦᠪᠡᠷ ᠢ᠋ᠶ᠋ᠡᠨ ᠳᠤᠯᠠᠭᠠᠨ ᠢ᠋ᠶ᠋ᠠᠨ ᠶᠡᠬᠡ ᠠᠯᠳᠠᠳᠠᠭ ᠭᠡᠮ ᠲᠡᠢ ᠤᠴᠢᠷ ᠬᠠᠢᠨᠤᠭ ᠢ᠋ ᠦᠷᠡᠵᠢᠭᠦᠯᠳᠡᠭ ᠦᠭᠡᠢ᠂ ᠦᠷᠡᠵᠢᠭᠦᠯᠪᠡᠰᠦ ᠤᠰᠤᠨ ᠪᠠᠯᠢᠶᠠᠮ④᠂ ᠤᠰᠤᠨ ᠭᠦᠵᠡᠭᠡ ᠭᠡᠭᠴᠢ ᠬᠡᠷᠡᠭ ᠦᠭᠡᠢ ᠠᠮᠢᠲᠠᠨ ᠪᠣᠯᠳᠠᠭ ᠠᠵᠠᠢ᠃ ᠡᠨᠡ ᠪᠦᠬᠦ ᠬᠡᠴᠡᠭᠦᠦ ᠶ᠋ᠢ ᠶᠢᠷᠲᠢᠨᠴᠦ ᠠᠮᠤᠷ ᠪᠣᠯᠭᠠᠵᠤ ᠠᠮᠢᠨ ᠣᠨᠣᠯ ᠢᠷᠡᠭᠡᠳᠦᠢ ᠳ᠋ᠦ᠍ ᠰᠢᠢᠳᠪᠦᠷᠢᠯᠡᠨᠡ ᠭᠡᠵᠦ ᠡᠷᠲᠡᠨ ᠦ᠌ ᠮᠣᠩᠭᠣᠯᠴᠤᠳ ᠰᠡᠳᠬᠢᠵᠡᠢ᠃ ᠲᠠᠪᠤᠳᠤᠭᠠᠷ ᠭᠠᠯᠪᠠ ᠶ᠋ᠢᠨ ᠲᠡᠭᠦᠰᠬᠡᠯ《ᠬᠠᠷᠰᠢᠯ ᠤ᠋ᠨ ᠡᠷᠢᠨ》 ᠬᠡᠮᠡᠬᠦ ᠨᠣᠴᠢᠲᠠᠢ ᠪᠣᠯᠭᠣᠮᠵᠢᠯᠠᠯ ᠳᠡᠭᠳᠡᠭᠡᠯᠡ᠃ ᠠᠮᠢ ᠦᠭᠡᠢᠴᠢᠯᠡᠭᠰᠡᠨ ᠬᠥᠭᠵᠢᠯ ᠦ᠋ᠨ ᠤᠷᠰᠢᠭ ᠴᠢᠯᠥᠭᠡᠲᠦ ᠰᠥᠷᠭᠡᠯᠳᠦᠭᠡᠨ ᠦ᠌ ᠰᠤᠯᠠ ᠲᠠᠯᠠ ᠡᠨᠡ ᠪᠠᠢᠪᠠ᠃ ᠨᠠᠷᠠᠨ ᠤ᠋᠂ ᠤᠷᠭᠤᠮᠠᠯ ᠤ᠋ᠨ ᠬᠠᠷᠰᠢᠯ ᠲᠡᠳᠦᠢ ᠦᠭᠡᠢ ᠡᠬᠡ ᠶ᠋ᠢᠨ ᠰᠦᠨ ᠦ᠌ ᠬᠣᠣᠷᠳᠠᠯᠭᠠ ᠪᠣᠢ ᠪᠣᠯᠤᠭᠰᠠᠨ ᠭᠡᠳ ᠪᠤᠳᠤᠭᠲᠤᠨ!
ᠠᠮᠧᠷᠢᠺᠠ ᠺᠡᠫᠢᠲ᠋ᠠᠯᠢᠰᠲ ᠬᠥᠭᠵᠢᠯ ᠦ᠋ᠨ ᠡᠬᠢᠯᠡᠯ ᠠᠯᠲᠠ ᠬᠠᠢᠵᠤ ᠭᠠᠵᠠᠷ ᠥᠷᠥᠮᠳᠡᠵᠦ᠂ ᠪᠧᠽᠣᠨ ᠭᠥᠷᠥᠭᠡᠰᠦ᠂ ᠪᠠᠳᠠᠩ ᠨᠢᠰᠦᠭᠴᠢ᠂ ᠲᠠᠭᠲᠠᠭᠠ᠁ ᠵᠡᠷᠭᠡ ᠦᠢ ᠣᠯᠠᠨ ᠠᠮᠢᠲᠠᠳ ᠡᠴᠦᠰ ᠦ᠋ᠨ ᠠᠮᠢ ᠶ᠋ᠢ ᠬᠦᠷᠲᠡᠯᠡ ᠣᠯᠠᠨ ᠠᠰᠢᠭ ᠤ᠋ᠨ ᠵᠣᠯᠢᠶᠠᠰᠤ ᠪᠣᠯᠭᠠᠭᠰᠠᠨ ᠡᠮᠭᠡᠨᠢᠯᠲᠦ ᠲᠡᠦᠬᠡ ᠪᠣᠢ᠃ ᠤᠴᠢᠷ ᠨᠢ ᠠᠮᠢ ᠶ᠋ᠢ ᠠᠮᠢᠨ ᠴᠢᠨᠠᠷ ᠪᠤᠶᠤ ᠪᠠᠢᠭᠠᠯᠢ ᠠᠪᠤᠷᠠᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠡᠭᠦᠨ ᠳ᠋ᠦ᠍ ᠲᠡᠩᠴᠡᠪᠦᠷᠢ(ᠣᠶᠤᠨ ᠰᠠᠨᠠᠭᠠ) ᠨᠥᠯᠥᠭᠡᠯᠡᠬᠦ ᠶᠣᠰᠣᠲᠠᠢ᠃ ᠣᠳᠣ ᠶ᠋ᠢᠨ ᠬᠠᠨᠳᠤᠯᠭᠠ ᠪᠣᠯ ᠲᠢᠭ ᠦᠭᠡᠢ ᠵᠢᠭᠠᠯ ᠤ᠋ᠨ ᠵᠥᠪ ᠵᠦᠩ ᠰᠣᠪᠢᠩ ᠲᠡᠳᠦᠢ ᠦᠢᠯᠡᠳᠦᠯ ᠶᠦᠮ᠃ ᠭᠤᠷᠪᠠᠯ ᠣᠨᠣᠯ ᠢ᠋ ᠮᠠᠩᠯᠠᠢᠯᠠᠭᠴᠢ ᠪᠢᠳᠡᠨ ᠦ᠌《ᠪᠦᠳᠦᠭᠦᠯᠢᠭ》 ᠮᠣᠩᠭᠣᠯᠴᠤᠳ ᠣᠨᠣᠯ ᠤ᠋ᠨ ᠡᠬᠡ《ᠠᠮᠢ》 ᠶ᠋ᠢ ᠲᠠᠷᠢᠬᠢ᠂ ᠵᠢᠷᠦᠬᠡ᠂ ᠪᠡᠯᠭᠦ(бэлх)(ᠡᠬᠡ) ᠭᠤᠷᠪᠠᠯ ᠴᠠᠭ ᠠ᠋ᠴᠠ ᠬᠠᠢᠬᠤ ᠶᠣᠰᠣᠲᠠᠢ ᠴᠤ᠌ ᠪᠦᠯᠡᠬᠡ᠂ ᠬᠣᠯᠬᠢ᠂ ᠰᠢᠷᠬᠠ ᠭᠤᠷᠪᠠ ᠠ᠋ᠴᠠ ᠲᠤᠯᠭᠠᠭᠤᠷᠢ ᠦᠨᠡᠨ ᠦ᠌ ᠰᠥᠷᠬᠦ ᠲᠦᠯᠬᠢᠭᠦᠷ ᠢ᠋ ᠪᠠᠰᠠ ᠣᠯᠵᠤ ᠮᠠᠭᠠᠳ ᠦᠭᠡᠢ᠃ ᠭᠤᠷᠪᠠᠯ ᠣᠨᠣᠯᠳᠤ ᠮᠣᠩᠭᠣᠯ ᠦᠭᠡ ᠬᠡᠯᠡ ᠴᠦ᠍ ᠤᠳᠬᠠ ᠤᠴᠢᠷ ᠦᠭᠡᠢ ᠡᠭᠦᠰᠦᠭᠡ ᠦᠭᠡᠢ ᠪᠠᠢᠵᠤ ᠮᠡᠳᠡᠨᠡ ᠰᠢᠦ᠃ ᠭᠤᠷᠪᠠᠯ ᠤᠬᠠᠭᠠᠨ ᠮᠠᠨᠢ ᠶᠢᠷᠲᠢᠨᠴᠦ ᠳ᠋ᠦ᠍ ᠬᠡᠷᠡᠭ ᠲᠡᠢ ᠡᠷᠢᠨ ᠭᠠᠯᠪᠠ ᠨᠢ ᠢᠷᠡᠭᠡᠳ ᠪᠠᠢᠬᠤ ᠰᠢᠭ᠋᠃
ᠠᠯᠲᠠ ᠶ᠋ᠢ ᠨᠢ ᠠᠪᠤᠭᠠᠳ ᠳᠡᠯᠢᠮ ᠳᠡᠭᠡᠷᠡ ᠨᠢ
ᠠᠳᠬᠤ ᠶ᠋ᠢ ᠨᠢ ᠠᠪᠤᠭᠠᠳ ᠴᠢᠮᠬᠢ ᠳᠡᠭᠡᠷᠡ ᠨᠢ
ᠠᠯᠤᠰ ᠢ᠋ ᠨᠢ ᠠᠪᠤᠭᠠᠳ ᠬᠥᠲᠥᠯ ᠳᠡᠭᠡᠷᠡ ᠨᠢ ᠭᠡᠬᠦ ᠠᠷᠠᠳ ᠤ᠋ᠨ ᠭᠤᠷᠪᠠᠯ ᠰᠤᠷᠭᠠᠯ ᠪᠣᠢ᠃ ᠪᠢᠳᠡ ᠡᠨᠡ ᠯᠡ ᠳᠡᠯᠢᠮ ᠴᠢᠮᠡᠭᠡ ᠬᠥᠲᠥᠯ ᠳᠡᠭᠡᠷᠡ ᠨᠢ ᠢᠷᠡᠭᠡᠳ ᠶᠠᠭᠳᠠᠯᠠ᠃ ᠡᠪᠦᠭᠡᠳ ᠦ᠋ᠨ ᠥᠪ ᠢ᠋ᠶ᠋ᠡᠨ ᠳᠠᠬᠢᠵᠤ ᠲᠤᠯᠭᠠ ᠶ᠋ᠢᠨ ᠭᠤᠷᠪᠠᠨ ᠴᠢᠯᠠᠭᠤᠨ ᠳ᠋ᠠᠭᠠᠨ ᠭᠠᠯ ᠥᠷᠲᠥᠬᠦ ᠴᠠᠭ ᠢᠷᠡᠯᠡ᠃ ᠰᠢᠨᠡ ᠭᠠᠯᠪᠠ ᠰᠢᠨᠡ ᠬᠥᠭᠵᠢᠯ ᠭᠤᠷᠪᠠᠯ ᠤ᠋ᠨ ᠣᠨᠣᠯ ᠤ᠋ᠨ ᠬᠢ ᠪᠤᠶᠤ ᠮᠢᠩᠭᠠᠨ ᠵᠢᠯ ᠳ᠋ᠦ᠍ ᠭᠠᠭᠴᠠ ᠲᠣᠬᠢᠶᠠᠯᠳᠤᠳᠠᠭ ᠭᠤᠷᠪᠠᠨ ᠶᠢᠰᠦ ᠪᠦᠷᠢᠳᠦᠭᠰᠡᠨ ᠲᠣᠭᠠᠨ ᠳ᠋ᠤ᠌(1999) ᠵᠢᠷᠭᠤᠳᠤᠭᠠᠷ ᠭᠠᠯᠪᠠ ᠪᠠᠢᠭᠠ ᠨᠢ ᠭᠤᠷᠪᠠᠯ ᠤ᠋ᠨ ᠳᠡᠭᠡᠳᠦ ᠪᠡᠯᠭᠡᠳᠡᠯ ᠪᠤᠶᠤ᠃
—————————————
① ᠮᠠᠲ᠋ᠧᠮᠠᠲ᠋ᠢᠺ— ᠲᠣᠭᠠᠨ ᠤ᠋ ᠤᠬᠠᠭᠠᠨ(ᠪᠠᠭᠤᠯᠭᠠᠭᠴᠢ)
② ᠮᠢᠺᠷᠣᠪᠢᠣᠯᠣᠭᠢ— ᠮᠢᠺᠷᠣᠪ ᠤ᠋ᠨ ᠰᠤᠳᠤᠯᠤᠯ᠂ ᠥᠴᠦᠬᠡᠨ ᠪᠡᠶᠡᠳᠡᠨ ᠦ᠌ ᠰᠤᠳᠤᠯᠤᠯ᠂ ᠪᠠᠺᠲ᠋ᠧᠷᠢ ᠶ᠋ᠢᠨ ᠰᠤᠳᠤᠯᠤᠯ(ᠪᠠᠭᠤᠯᠭᠠᠭᠴᠢ)
③ ᠪᠢᠣᠲ᠋ᠧᠭᠨᠣᠯᠣᠬᠢ— ᠠᠮᠢᠳᠤ ᠪᠣᠳᠠᠰ ᠤ᠋ᠨ ᠤᠷᠠᠨ ᠮᠡᠷᠭᠡᠵᠢᠯ ᠦ᠋ᠨ ᠰᠤᠳᠤᠯᠤᠯ(ᠪᠠᠭᠤᠯᠭᠠᠭᠴᠢ)
④ ᠪᠠᠯᠢᠶᠠᠮ— ᠬᠠᠢᠨᠤᠭ ᠤ᠋ᠨ ᠲᠥᠯ(ᠪᠠᠭᠤᠯᠭᠠᠭᠴᠢ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠨᠰᠡᠷᠡᠩ᠂ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ