ᠲᠠᠪᠤ᠂ ᠭᠤᠷᠪᠠᠯ ᠣᠨᠣᠯ ᠳ᠋ᠤᠸᠠᠯᠢᠽᠮ① ᠠ᠋ᠴᠠ ᠥᠭᠡᠷᠡ-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ2-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
339ᠲᠠᠪᠤ᠂ ᠭᠤᠷᠪᠠᠯ ᠣᠨᠣᠯ ᠳ᠋ᠤᠸᠠᠯᠢᠽᠮ① ᠠ᠋ᠴᠠ ᠥᠭᠡᠷᠡ
ᠮᠠᠲ᠋ᠧᠷᠢ ᠣᠶᠤᠨ ᠰᠠᠨᠠᠭᠠ ᠬᠣᠶᠠᠷ ᠢ᠋ ᠠᠳᠠᠯᠢ ᠠᠩᠬᠠᠳᠠᠭᠴᠢ ᠪᠥᠭᠡᠳ ᠲᠡᠳᠡ ᠬᠣᠭᠣᠷᠣᠨᠳᠣ ᠪᠠᠨ ᠬᠠᠷᠢᠯᠴᠠᠨ ᠬᠣᠯᠪᠣᠭᠠ ᠦᠭᠡᠢ᠂ ᠠᠴᠢ ᠬᠣᠯᠪᠣᠭᠳᠠᠯ ᠦᠭᠡᠢ ᠭᠡᠵᠦ ᠨᠣᠮᠯᠠᠳᠠᠭ ᠹᠢᠯᠣᠰᠣᠹᠢᠴᠢᠳ ᠢ᠋ ᠶᠡᠷᠦᠩᠬᠡᠢ ᠳ᠋ᠦ᠍ ᠨᠢ ᠳ᠋ᠤᠸᠠᠯᠢᠰᠲ᠋ ᠤ᠋ᠳ ᠭᠡᠳᠡᠭ ᠠᠵᠠᠢ᠃ ᠲᠡᠳᠡ ᠳᠡᠭᠡᠷᠡᠬᠢ ᠣᠢᠯᠠᠭᠠᠯᠲᠠ ᠤ᠋ᠳ ᠢ᠋ ᠨᠢ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠰᠣᠪᠰᠲ᠋ᠠᠨᠼ② ᠤ᠋ᠳ ᠭᠡᠵᠦ ᠦᠵᠡᠪᠡᠴᠦ ᠬᠠᠷᠢᠯᠴᠠᠨ ᠲᠣᠭᠲᠠᠯᠴᠠᠭᠠ ᠶ᠋ᠢ ᠨᠢ ᠣᠯᠵᠤ ᠴᠢᠳᠠᠳᠠᠭ ᠦᠭᠡᠢ ᠪᠣᠯᠤᠯᠲᠠᠢ᠃ ᠲᠡᠢᠮᠦ ᠡᠴᠡ ᠣᠷᠣᠯᠳᠣᠯᠭᠠ ᠨᠤᠭᠤᠳ ᠨᠢ ᠣᠪᠸᠺᠲ᠋ᠢᠪ③ ᠤᠷᠤᠭᠤ ᠡᠰᠡᠪᠡᠯ ᠰᠤᠪᠸᠺᠲ᠋ᠢᠪ④ ᠤᠷᠤᠭᠤ ᠬᠠᠯᠲᠤᠷᠢᠵᠤ ᠪᠤᠳᠤᠯᠢᠳᠠᠭ ᠴᠤ᠌ ᠰᠣᠨᠢᠷᠬᠠᠯ ᠲᠠᠢ ᠡᠷᠢᠯ ᠪᠠᠢᠵᠠᠢ᠃ ᠲᠡᠳᠡ ᠠᠮᠢᠨ ᠤ᠋ ᠮᠥᠨ ᠴᠢᠨᠠᠷ ᠢ᠋ ᠣᠯᠵᠤ ᠬᠠᠷᠠᠭᠰᠠᠨ ᠦᠭᠡᠢ᠃ ᠶᠡᠷᠦ ᠨᠢ ᠬᠥᠮᠦᠨ ᠬᠠᠮᠤᠭ ᠤ᠋ᠨ ᠭᠣᠣᠯ᠂ ᠬᠠᠮᠤᠭ ᠤ᠋ᠨ ᠣᠷᠣᠢ ᠶ᠋ᠢᠨ ᠶᠠᠭᠤᠮᠠ ᠪᠠᠨ ᠠᠩᠵᠠᠭᠠᠷᠠᠳᠠᠭ ᠦᠭᠡᠢ ᠭᠡᠳᠡᠭ᠃ ᠡᠩ ᠦ᠋ᠨ ᠶᠠᠭᠤᠮᠠᠨ ᠳ᠋ᠤ᠌ ᠯᠠ ᠡᠩ ᠦ᠋ᠨ ᠨᠢᠭᠤᠴᠠ ᠪᠠᠢᠳᠠᠭ᠃ ᠮᠠᠲ᠋ᠧᠷᠢ ᠢᠳᠢᠶᠡᠯ ᠬᠣᠶᠠᠷ ᠤ᠋ᠨ ᠬᠣᠯᠪᠣᠭᠠ ᠨᠢ ᠪᠠᠰᠠ ᠨᠢᠭᠡ ᠥᠭᠡᠷᠡ ᠰᠣᠪᠰᠲ᠋ᠠᠨᠼ《ᠠᠮᠢ》 ᠪᠠᠢᠵᠠᠢ᠃ ᠠᠮᠢ ᠪᠣᠯ ᠢᠳᠢᠶᠡᠯ ᠪᠢᠰᠢ᠂ ᠢᠳᠢᠶᠡᠯ ᠨᠢ ᠰᠠᠷᠠᠯ( ᠣᠶᠤᠨ)᠂ ᠴᠣᠴᠢᠷᠠᠯ( ᠰᠡᠳᠬᠢᠯ) ᠮᠡᠳᠡᠷᠡᠬᠦᠢ( ᠤᠬᠠᠮᠰᠠᠷ) ᠤ᠋ᠨ ᠭᠤᠷᠪᠠᠯ ᠶᠤᠮ᠃ ᠮᠡᠳᠡᠯᠭᠡ ᠶ᠋ᠢᠨ ᠭᠤᠷᠮᠤᠰᠤᠨ ᠬᠣᠯᠪᠣᠭᠠ ᠨᠢ ᠬᠦᠷᠲᠡᠯᠭᠡ᠂ ᠲᠥᠰᠦᠭᠡᠯᠡᠯ᠁ ᠬᠡᠢᠰᠪᠦᠷᠢᠯᠡᠨ ᠰᠡᠳᠬᠢᠬᠦ ᠬᠡᠯᠪᠡᠷᠢ ᠨᠢ ᠣᠢᠯᠠᠭᠠᠯᠲᠠ ᠪᠦᠲᠦᠮᠵᠢ ᠣᠶᠤᠨ ᠳ᠋ᠦᠩᠨᠡᠯᠲᠡ᠂ ᠲᠠᠨᠢᠨ ᠮᠡᠳᠡᠬᠦᠢ ᠨᠢ ᠨᠡᠩ ᠲᠦᠭᠡᠮᠡᠯ᠂ ᠲᠦᠭᠡᠮᠡᠯ( ᠬᠣᠶᠠᠷᠯᠠᠯ)᠂ ᠲᠤᠰᠬᠠᠢ ᠭᠡᠰᠡᠨ ᠭᠤᠷᠪᠠᠯ ᠲᠠᠢ ᠭᠡᠬᠦ ᠮᠡᠲᠦ ᠪᠡᠷ ᠶᠠᠮᠠᠷ ᠨᠢᠭᠡᠨ ᠲᠣᠮᠢᠶᠠᠯᠠᠯ ᠭᠠᠷᠭᠠᠵᠤ ᠢᠷᠡᠬᠦ ᠯᠡ ᠶᠦᠮ ᠪᠣᠯ( ᠲᠡᠭᠦᠨ ᠢ᠋ ᠭᠤᠷᠪᠠᠨ ᠵᠠᠳᠠᠷᠠᠭᠠᠨ ᠳ᠋ᠤ᠌ ᠠᠪᠴᠤ ᠦᠵᠡᠪᠡᠯ) ᠡᠭᠦᠨ ᠢ᠋ ᠬᠠᠢᠭᠰᠠᠨ ᠡᠷᠢᠯ ᠦ᠋ᠨ ᠴᠢᠭ ᠵᠥᠪ ᠪᠣᠯᠤᠨᠠ᠃ ᠭᠤᠷᠪᠠᠯ ᠤ᠋ᠨ ᠢᠩᠭᠢᠵᠦ ᠭᠢᠨᠵᠢᠨ ᠬᠡᠯᠬᠢᠶᠡ ᠶ᠋ᠢ ᠴᠠᠭᠠᠰᠢ ᠰᠣᠩᠭᠣᠪᠠᠰᠤ ᠰᠡᠳᠬᠢᠯ ᠨᠢ ᠵᠦᠩ ᠢᠷᠣᠠ᠂ ᠰᠠᠷᠠᠯ ᠨᠢ ᠠᠶᠣᠳᠠᠰᠤ ᠪᠠᠶᠠᠷ᠂ ᠤᠬᠠᠮᠰᠠᠷ ᠨᠢ ᠦᠵᠡᠯ ᠪᠣᠳᠣᠯ ᠭᠡᠬᠦ ᠮᠡᠲᠦ ᠪᠡᠷ ᠡᠴᠦᠰ ᠦᠭᠡᠢ ᠪᠢᠴᠢᠯ ᠭᠤᠷᠪᠠᠯ ᠤ᠋ᠳ ᠲᠤ ᠨᠠᠷᠢᠪᠴᠢᠯᠠᠭᠳᠠᠨᠠ᠃ ᠤᠬᠠᠮᠰᠠᠷ ᠢ᠋ ᠲᠡᠮᠳᠡᠭᠯᠡᠬᠦ( ᠢᠳᠧᠥᠭᠷᠡᠪ)᠂ ᠪᠣᠳᠣᠬᠤ ᠲᠥᠰᠦᠭᠡᠯᠡᠯ( ᠠᠰᠰᠣᠼᠢᠶᠠᠨᠢᠽᠮ) ᠡᠧᠢᠳᠧᠲ᠋ᠢᠽᠮ( ᠣᠢ ᠲᠣᠭᠲᠠᠭᠠᠮᠵᠢ) ᠪᠦᠬᠦ ᠰᠤᠳᠤᠯᠭᠠ ᠶ᠋ᠢ ᠭᠤᠷᠪᠠᠯ ᠳ᠋ᠤ᠌ ᠠᠪᠴᠤ ᠦᠵᠡᠬᠦ ᠶᠣᠰᠣᠲᠠᠢ᠃ ᠲᠡᠭᠡᠬᠦ ᠦᠭᠡᠢ ᠥᠨᠥᠬᠢ ᠯᠡ ᠰᠠᠢᠨ ᠮᠠᠭᠤ ᠬᠠᠷᠠ ᠴᠠᠭᠠᠨ ᠳ᠋ᠤ᠌ ᠠᠩᠭᠢᠯᠠᠬᠤ ᠠᠪᠠᠰᠤ ᠡᠨᠡ ᠰᠠᠯᠪᠤᠷᠢ ᠶ᠋ᠢᠨ ᠬᠥᠭᠵᠢᠯ ᠲᠣᠯᠣᠭᠠᠢ ᠦᠭᠡᠢ ᠪᠡᠶᠡ ᠶ᠋ᠢᠨ ᠬᠣᠶᠠᠷ ᠬᠥᠯ ᠢ᠋ ᠲᠤᠰ ᠲᠤ᠌ ᠨᠢ ᠣᠷᠣᠭᠤᠯᠬᠤ ᠭᠡᠰᠡᠨ ᠲᠡᠢ ᠢᠵᠢᠯ ᠪᠢᠯᠡ᠃ ᠬᠥᠮᠦᠨ ᠪᠣᠯ ᠰᠡᠳᠬᠢᠳᠡᠭ ᠬᠣᠷᠣᠬᠠᠢ᠃ ᠰᠡᠳᠬᠢᠳᠡᠭ ᠤᠴᠢᠷ ᠠ᠋ᠴᠠ ᠰᠡᠳᠬᠢᠯ ᠵᠦᠢ᠂ ᠮᠡᠳᠡᠷᠡᠯ ᠵᠦᠢ᠂ ᠬᠡᠯᠡ ᠵᠦᠢ᠂ ᠰᠤᠷᠭᠠᠨ ᠬᠥᠮᠦᠵᠢᠭᠦᠯᠬᠦ ᠤᠬᠠᠭᠠᠨ᠁ ᠰᠤᠳᠤᠯᠭᠠ ᠲᠠᠢ᠃
᠁᠁᠁᠁᠁᠁᠁᠁
① ᠳ᠋ᠤᠸᠠᠯᠢᠽᠮ— ᠬᠣᠶᠠᠷ ᠡᠰᠢᠲᠦ ᠣᠨᠣᠯ᠂ ᠬᠣᠶᠠᠷᠴᠢ ᠣᠨᠣᠯ( ᠪᠠᠭᠤᠯᠭᠠᠭᠴᠢ)
② ᠰᠣᠪᠰᠲ᠋ᠠᠨᠼ— ᠰᠪᠰᠲ᠋ᠠᠷᠠᠨᠲ᠄ ᠰᠠᠭᠤᠷᠢ ᠡᠳ᠋᠂ ᠰᠣᠪᠶᠧᠺᠲ᠋᠄ ᠪᠡᠶᠡᠴᠢ ᠴᠣᠭᠴᠠ᠂ ᠪᠡᠶᠡᠴᠢ ᠴᠣᠭᠴᠠ ᠶ᠋ᠢᠨ( ᠪᠠᠭᠤᠯᠭᠠᠭᠴᠢ)
③ ᠣᠪᠸᠺᠲ᠋ᠢᠪ—a. ᠪᠤᠰᠤᠳᠴᠢ᠂ ᠪᠣᠳᠠᠲᠠᠢ᠃b. ᠭᠦᠳᠦᠭᠦᠷ ᠰᠢᠯ( ᠪᠠᠭᠤᠯᠭᠠᠭᠴᠢ)
④ ᠰᠤᠪᠸᠺᠲ᠋ᠢᠪ— ᠪᠡᠶᠡᠴᠢ᠂ ᠪᠡᠶᠡᠴᠢ ᠦᠵᠡᠯ( ᠪᠠᠭᠤᠯᠭᠠᠭᠴᠢ)᠃
ᠴ· ᠳ᠋ᠡᠷᠸᠢᠨ ᠦ᠌ ᠰᠤᠷᠭᠠᠯ᠂ ᠢ· ᠫ· ᠫᠠᠪᠯᠣᠧ ᠶ᠋ᠢᠨ《ᠠᠮᠢᠲᠠᠨ ᠤ᠋ ᠳᠡᠭᠡᠳᠦ ᠮᠡᠳᠡᠷᠡᠯ ᠦ᠋ᠨ ᠣᠨᠣᠯ》᠁ ᠪᠢᠳᠡᠨ ᠳ᠋ᠦ᠍ ᠣᠯᠠᠨ ᠨᠡᠭᠡᠭᠡᠯᠲᠡ ᠪᠣᠢ᠃《ᠰᠢᠯᠦᠰᠦ ᠭᠣᠭᠣᠵᠢᠳᠠᠭ》 ᠣᠨᠣᠯ ᠨᠢ ᠰᠡᠳᠬᠢᠯ ᠦ᠋ᠨ ᠮᠡᠳᠡᠷᠡᠮᠵᠢ᠂ ᠪᠠᠰᠠ ᠪᠡᠶᠡ ᠶ᠋ᠢᠨ ᠬᠡᠷᠡᠭᠴᠡᠭᠡ ᠮᠥᠨ ᠲᠡᠳᠦᠢ ᠦᠭᠡᠢ ᠠᠮᠢᠨ ᠤ᠋ ᠦᠢᠯᠡᠳᠦᠯ᠃ ᠲᠠᠷᠢᠬᠢ ᠬᠡᠮᠡᠬᠦ ᠡᠷᠬᠡᠲᠡᠨ ᠪᠡᠶᠡᠲᠦ ᠭᠤᠷᠪᠠᠨ ᠬᠡᠰᠡᠭ ᠡᠴᠡ ᠪᠦᠷᠢᠳᠳᠡᠭ᠃ ᠮᠠᠯ ᠤ᠋ᠨ ᠲᠣᠯᠣᠭᠠᠢ ᠶ᠋ᠢᠨ ᠶᠠᠰᠤ ᠶ᠋ᠢ ᠬᠠᠷᠠᠭᠰᠠᠨ ᠴᠤ᠌ ᠲᠡᠷᠡ ᠶᠠᠰᠤ ᠭᠤᠷᠪᠠᠨ ᠵᠠᠭᠠᠭ《ᠣᠶᠣᠳᠠᠯ ᠲᠠᠢ》 ᠪᠦᠲᠦᠭᠡᠭᠳᠡᠭᠰᠡᠨ ᠪᠠᠢᠭᠠ᠃ ᠲᠡᠷᠡ ᠭᠤᠷᠪᠠᠨ ᠬᠤᠪᠢᠶᠠᠷᠢ ᠳ᠋ᠤ᠌ ᠭᠤᠷᠪᠠᠨ ᠥᠭᠡᠷᠡ ᠯᠡ ᠦᠢᠯᠡ ᠠᠵᠢᠯ ᠬᠥᠳᠡᠯᠭᠡᠭᠡᠨ ᠶᠠᠪᠤᠭᠳᠠᠬᠤ ᠶᠣᠰᠣᠲᠠᠢ᠃ ᠡᠨᠡ ᠪᠣᠯ《ᠭᠤᠷᠪᠠᠯ ᠤ᠋ᠨ ᠣᠨᠣᠯ》 ᠢ᠋᠁ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠭᠤᠷᠪᠠᠯ ᠢ᠋ ᠶᠠᠰᠤ ᠪᠦᠲᠦᠴᠡ ᠮᠠᠲ᠋ᠧᠷᠢ ᠶ᠋ᠢᠨ ᠭᠤᠷᠪᠠᠯ ᠢ᠋ ᠡᠭᠦᠰᠬᠡᠵᠦ ᠪᠠᠲᠤᠯᠠᠵᠤ ᠪᠠᠢᠭᠠ ᠨᠢᠭᠡᠨ ᠪᠠᠷᠢᠮᠲᠠ ᠶᠤᠮ ᠰᠢᠦ᠃ ᠲᠡᠭᠡᠬᠦ ᠪᠡᠷ ᠲᠠᠷᠢᠬᠢ ᠨᠢ ᠭᠤᠷᠪᠠᠨ ᠡᠷᠬᠡᠲᠡᠨ ᠲᠡᠢ᠂ ᠭᠤᠷᠪᠠᠨ ᠵᠠᠩᠭᠢᠯᠠᠭᠠ ᠪᠠᠷ ᠬᠣᠯᠪᠣᠭᠳᠠᠳᠠᠭ ᠨᠢᠭᠡ ᠪᠡᠶᠡ ᠶᠦᠮ᠃ ᠡᠨᠡ ᠨᠢ ᠥᠪᠡᠷ ᠢ᠋ᠶ᠋ᠡᠨ ᠮᠠᠰᠢ ᠪᠦᠳᠦᠭᠦᠯᠢᠭ ᠵᠢᠱ᠌ᠢᠶᠡ ᠲᠡᠳᠦᠢ ᠪᠥᠯᠥᠭᠡ᠃ ᠲᠡᠳᠡᠨ ᠦ᠌ ᠦᠢᠯᠡᠳᠦᠯ ᠨᠢ ᠨᠢᠭᠡᠳᠡᠬᠢ ᠬᠡᠰᠡᠭ ᠨᠢ ᠬᠥᠮᠦᠨ( ᠠᠮᠢᠳᠤ ᠪᠡᠶᠡ ᠶ᠋ᠢᠨ) ᠦ᠌ ᠬᠢᠨᠠᠬᠤ ᠰᠠᠮᠪᠠᠷᠠ᠂ ᠬᠣᠶᠠᠳᠠᠬᠢ ᠨᠢ ᠮᠡᠳᠡᠭᠡᠯᠡᠯ ᠦ᠋ᠨ᠂ ᠭᠤᠷᠪᠠᠳᠠᠬᠢ ᠨᠢ ᠵᠣᠬᠢᠴᠠᠭᠤᠯᠤᠯᠲᠠ ᠶ᠋ᠢᠨ ᠡᠭᠦᠷᠭᠡ ᠲᠡᠢ ᠪᠠᠢᠬᠤ ᠶᠣᠰᠣᠲᠠᠢ ᠪᠥᠭᠡᠳ ᠲᠡᠳᠡᠭᠡᠷ ᠨᠢ ᠡᠴᠦᠰ ᠦᠭᠡᠢ ᠭᠤᠷᠪᠠᠯ ᠤ᠋ᠳ ᠲᠤ᠌ ᠵᠠᠳᠠᠷᠠᠵᠤ ᠢᠷᠡᠭᠡᠳᠦᠢ ᠶ᠋ᠢᠨ ᠰᠠᠶᠠ ᠰᠠᠶᠠ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠬᠢ ᠰᠤᠤᠲᠤ ᠡᠷᠳᠡᠮᠲᠡᠳ ᠦ᠋ᠨ ᠨᠡᠭᠡᠭᠡᠯᠲᠡ ᠠᠪᠠᠢ᠃
ᠥᠨᠥ ᠶ᠋ᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠶᠡᠷᠦᠩᠬᠡᠢ ᠭᠤᠷᠪᠠᠯ ᠤ᠋ᠳ ᠤ᠋ᠨ ᠳᠡᠳ᠋ ᠭᠤᠷᠪᠠᠯ ᠤ᠋ᠳ᠁ ᠭᠠᠳᠠᠭᠠᠷ᠁ ᠪᠤᠶᠤ9 ᠂ 81᠂243᠂ 729᠁6561 ᠭᠡᠬᠦ ᠮᠡᠲᠦ ᠨᠠᠷᠢᠪᠴᠢᠯᠠᠯ ᠢ᠋ ᠭᠦᠢᠴᠡᠳᠬᠡᠵᠦ ᠮᠡᠳᠡᠵᠦ ᠴᠢᠳᠠᠬᠤ ᠦᠭᠡᠢ᠃ ᠭᠡᠪᠡᠴᠦ ᠮᠡᠳᠡᠭᠡᠯᠡᠯ ᠦ᠋ᠨ ᠫᠷᠣᠼᠧᠰᠰ ᠨᠢ ᠮᠥᠨ ᠯᠡ ᠭᠤᠷᠪᠠᠯ ᠭᠡᠰᠡᠨ ᠦᠭᠡ᠃ ᠵᠣᠬᠢᠴᠠᠭᠤᠯᠤᠯᠲᠠ ᠶ᠋ᠢᠨ ᠡᠭᠦᠷᠭᠡ ᠭᠡᠬᠦ ᠳ᠋ᠦ᠍ ᠠᠭᠠᠰᠢ ᠶ᠋ᠢ᠂ ᠰᠡᠳᠬᠢᠯᠭᠡᠨ ᠦ᠌ ᠰᠢᠨᠵᠢ ᠴᠢᠳᠠᠪᠬᠢ᠂ ᠰᠡᠳᠬᠢᠴᠡ ᠶ᠋ᠢᠨ ᠦᠷᠡ ᠳ᠋ᠦᠩ ᠢ᠋ ᠲᠣᠳᠣᠷᠬᠠᠢᠯᠠᠳᠠᠭ ᠪᠠᠢᠵᠤ ᠪᠣᠯᠬᠤ ᠮᠡᠲᠦ᠃ ᠲᠡᠭᠡᠪᠡᠯ ᠲᠡᠳᠡᠭᠡᠷ ᠨᠢ ᠪᠠᠰᠠ ᠯᠠ ᠭᠤᠷᠪᠠᠯ ᠦᠷᠡ ᠳ᠋ᠦᠩ ᠨᠠᠷᠢᠪᠴᠢᠯᠠᠯ ᠳ᠋ᠤ᠌ ᠠᠯᠤᠰᠯᠠᠨ ᠣᠷᠣᠨᠠ᠃ ᠡᠨᠡ ᠡᠭᠦᠷᠭᠡ ᠶ᠋ᠢ ᠨᠢᠭᠡ ᠪᠢᠰᠢ ᠲᠦᠮᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠴᠣᠭᠴᠠ ᠰᠤᠳᠤᠯᠭᠠ ᠰᠠᠶᠢ ᠲᠠᠢᠯᠪᠤᠷᠢᠯᠠᠨᠠ᠃ ᠲᠡᠭᠦᠨ ᠳ᠋ᠦ᠍ ᠨᠢᠭᠡᠨ ᠵᠠᠭᠤᠨ ᠪᠢᠰᠢ ᠬᠡᠳᠦᠨ ᠮᠢᠩᠭᠠᠨ ᠵᠢᠯ᠁ ᠮᠡᠳᠡᠭᠡᠵᠢ ᠬᠢᠵᠠᠭᠠᠷ ᠦᠭᠡᠢ ᠬᠤᠭᠤᠴᠠᠭᠠ ᠱᠠᠭᠠᠷᠳᠠᠭᠳᠠᠨᠠ᠃ ᠲᠡᠭᠦᠨ ᠦ᠌ ᠨᠠᠰᠤ ᠵᠢᠮᠡ ᠬᠠᠷᠢᠴᠠᠩᠭᠤᠢ ᠪᠠᠢᠬᠤ ᠪᠣᠯᠤᠯᠴᠠᠭᠠ ᠦᠭᠡᠢ ᠭᠡᠳᠡᠭ ᠢ᠋ ᠯᠡ ᠪᠢᠳᠡ《ᠨᠡᠭᠡᠭᠡᠬᠦ》 ᠪᠣᠯᠤᠮᠵᠢ ᠲᠠᠢ ᠪᠠᠢᠨᠠ᠃ ᠶᠠᠭᠤᠲᠠᠢ ᠴᠤ᠌ ᠠᠮᠢ ᠪᠠᠢᠭᠠ ᠨᠥᠬᠥᠴᠡᠯ ᠳ᠋ᠦ᠍《ᠣᠶᠤᠨ ᠰᠠᠨᠠᠭᠠ》 ᠠᠵᠢᠯᠯᠠᠵᠤ᠂ ᠪᠠᠰᠠ ᠡᠯᠡ ᠲᠣᠬᠢᠶᠠᠯᠳᠤᠯ ᠳ᠋ᠤ᠌《ᠪᠡᠶᠡ》 ᠮᠥᠨ ᠴᠢᠨᠠᠷ ᠢ᠋ᠶ᠋ᠠᠨ ᠣᠯᠵᠤ ᠣᠷᠣᠰᠢᠬᠤ ᠰᠠᠨ ᠪᠢᠯᠡ᠃ ᠡᠢᠮᠦ ᠡᠴᠡ《ᠠᠮᠢ》 ᠬᠡᠮᠡᠬᠦ ᠪᠠᠯᠠᠷ ᠡᠷᠲᠡᠨ ᠦ᠌《ᠲᠥᠭᠡᠷᠢᠭᠳᠡᠯ》 ᠢ᠋ᠶ᠋ᠡᠷ ᠬᠤᠶᠠᠭᠯᠠᠭᠰᠠᠨ ᠡᠨᠡ ᠦᠨᠡᠨ ᠪᠣᠯ ᠢᠳᠢᠶᠡᠯ ᠮᠠᠲ᠋ᠧᠷᠢ ᠬᠣᠶᠠᠷ ᠤ᠋ᠨ ᠠᠯᠢ ᠤᠷᠤᠭᠤ ᠨᠢ ᠬᠠᠵᠠᠢᠭᠠ ᠦᠭᠡᠢ ᠪᠠᠰᠠ ᠬᠤᠳᠬᠤᠯᠳᠤᠭᠠ ᠦᠭᠡᠢ᠃《ᠠᠮᠢ》 ᠭᠡᠳᠡᠭ ᠦᠯᠦ ᠮᠡᠳᠡᠭᠳᠡᠬᠦ ᠥᠨᠥ ᠶ᠋ᠢᠨ ᠭᠠᠢᠬᠠᠮᠰᠢᠭ ᠪᠠᠢᠭᠠ᠂ ᠪᠠᠢᠬᠤ ᠦᠭᠡᠢ ᠪᠣᠯᠳᠠᠭ ᠪᠠᠢᠭᠰᠠᠨ ᠨᠢ ᠦᠨᠡᠨ ᠤᠴᠢᠷ ᠠ᠋ᠴᠠ ᠮᠤᠬᠤᠷ ᠰᠦᠰᠦᠭ ᠲᠠᠭᠠᠮᠠᠭᠯᠠᠯ ᠪᠢᠰᠢ ᠠ᠋᠃ ᠶᠡᠷᠦ ᠡᠴᠡ ᠭᠦᠨ ᠤᠬᠠᠭᠠᠨ ᠤ᠋ ᠰᠤᠳᠤᠯᠬᠤ ᠵᠦᠢᠯ ᠡᠴᠦᠰ ᠦ᠋ᠨ ᠡᠴᠦᠰ ᠲᠦ᠍ ᠡᠨᠡ ᠪᠥᠭᠡᠳ ᠠᠬᠤᠢ ᠶ᠋ᠢ ᠹᠢᠽᠢᠺ᠁ ᠬᠢᠮᠢ᠁ ᠤᠬᠠᠮᠰᠠᠷ ᠢ᠋ ᠰᠡᠳᠬᠢᠯ ᠵᠦᠢ᠁ ᠮᠡᠳᠡᠯᠭᠡ᠁ ᠰᠤᠷᠭᠠᠨ᠁ ᠬᠡᠯᠡ᠁ ᠪᠤᠰᠤᠳ ᠰᠠᠯᠪᠤᠷᠢ ᠤᠬᠠᠭᠠᠨ ᠨᠤᠭᠤᠳ ᠰᠤᠳᠤᠯᠬᠤ ᠰᠤᠳᠤᠯᠤᠭᠳᠠᠬᠤᠨ ᠶᠤᠮ᠃ ᠢᠷᠡᠭᠡᠳᠦᠢ ᠳ᠋ᠦ᠍《ᠠᠮᠢ》 ᠰᠤᠳᠤᠯᠤᠯ ᠮᠥᠨ ᠯᠡ ᠮᠡᠳᠡᠭᠡᠵᠢ ᠣᠯᠠᠨ ᠰᠠᠯᠪᠤᠷᠢ ᠤᠬᠠᠭᠠᠨ ᠲᠠᠢ ᠪᠣᠯᠬᠤ ᠨᠢ ᠭᠤᠷᠪᠠᠯ ᠠ᠋ᠴᠠ ᠡᠭᠦᠳᠬᠦ ᠦᠨᠡᠨ᠃ ᠮᠣᠩᠭᠣᠯᠴᠤᠳ ᠤ᠋ᠨ《ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ》 ᠬᠡᠮᠡᠬᠦ ᠠᠮᠠᠨ ᠤᠯᠠᠮᠵᠢᠯᠠᠯ ᠲᠠᠢ ᠤᠷᠠᠨ ᠵᠣᠬᠢᠶᠠᠯ ᠭᠦᠨ ᠤᠬᠠᠭᠠᠨ ᠤ᠋ ᠰᠣᠩᠭᠣᠳᠠᠭ ᠪᠦᠲᠦᠭᠡᠯ ᠰᠤᠷᠪᠤᠯᠵᠢ ᠨᠤᠭᠤᠳ ᠲᠤ᠌
ᠥᠰᠬᠦ ᠳ᠋ᠦ᠍ ᠰᠢᠲᠦ ᠴᠠᠭᠠᠨ
ᠥᠲᠡᠯᠬᠦ ᠳ᠋ᠦ᠍ ᠦᠰᠦ ᠴᠠᠭᠠᠨ
ᠦᠬᠦᠬᠦ ᠳ᠋ᠦ᠍ ᠶᠠᠰᠤ ᠴᠠᠭᠠᠨ(ᠠᠮᠢ)
ᠭᠠᠵᠠᠷ ᠦᠨᠳᠦᠰᠦ ᠪᠡᠷ ᠪᠠᠶᠠᠨ
ᠲᠩᠷᠢ ᠣᠳᠣ ᠪᠠᠷ ᠪᠠᠶᠠᠨ
ᠳᠡᠯᠡᠬᠡᠢ ᠤᠰᠤ ᠪᠠᠷ ᠪᠠᠶᠠᠨ(ᠮᠠᠲ᠋ᠧᠷᠢ
ᠡᠷᠬᠢᠮ ᠲᠡᠨᠡᠭ ᠮᠣᠷᠢ ᠪᠠᠨ ᠮᠠᠭᠲᠠᠨᠠ
ᠳᠤᠮᠳᠠ ᠲᠡᠨᠡᠭ ᠡᠬᠡᠨᠡᠷ ᠢ᠋ᠶ᠋ᠡᠨ ᠮᠠᠭᠲᠠᠨᠠ
ᠠᠳᠠᠭ ᠤ᠋ᠨ ᠲᠡᠨᠡᠭ ᠪᠡᠶᠡ ᠪᠡᠨ ᠮᠠᠭᠲᠠᠨᠠ
ᠵᠠᠬᠠ ᠠ᠋ᠴᠠ ᠨᠢ ᠰᠢᠭᠦᠷᠡᠵᠦ ᠠᠪᠤᠨ ᠪᠢᠴᠢᠭᠰᠡᠨ ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠴᠠᠭᠠᠨ᠂ ᠪᠠᠶᠠᠨ᠂ ᠲᠡᠨᠡᠭ ᠭᠤᠷᠪᠠᠯ ᠤ᠋ᠳ ᠤ᠋ᠨ ᠲᠤᠬᠠᠢ ᠳ᠋ᠤ᠌ ᠥᠴᠢ ᠲᠥᠴᠢᠨᠡᠭᠡᠨ ᠲᠠᠢᠯᠪᠤᠷᠢ ᠲᠣᠯᠢ ᠪᠢᠴᠢᠵᠦ ᠠᠭᠤᠯᠭᠠ ᠶ᠋ᠢᠨ ᠭᠦᠨ ᠳ᠋ᠦ᠍ ᠨᠢ ᠪᠡᠳᠡᠷᠢᠵᠦ ᠪᠣᠯᠤᠨᠠ᠃
ᠳᠡᠭᠡᠳᠦ ᠪᠠᠶᠠᠨ ᠦᠷᠡ ᠬᠡᠦᠬᠡᠳ(ᠠᠮᠢ)
ᠳᠤᠮᠳᠠ ᠪᠠᠶᠠᠨ ᠡᠷᠳᠡᠮ ᠨᠣᠮ(ᠤᠬᠠᠮᠰᠠᠷ)
ᠳᠣᠭᠣᠳᠤ ᠪᠠᠶᠠᠨ ᠡᠳ᠋ ᠬᠥᠷᠥᠩᠭᠡ(ᠠᠬᠤᠢ)
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠠᠶᠠᠨ ᠤ᠋ ᠭᠤᠷᠪᠠᠯ ᠡᠨᠡ ᠬᠤᠪᠢᠯᠪᠤᠷᠢ ᠭᠤᠷᠪᠠᠯ ᠤᠬᠠᠭᠠᠨ ᠤ᠋ ᠶᠡᠷᠦᠩᠬᠡᠢ ᠳᠠᠷᠠᠭᠠᠯᠠᠯ ᠢ᠋ ᠭᠦᠨ ᠤᠬᠠᠭᠠᠨ ᠤ᠋ ᠡᠭᠦᠳᠡᠨ ᠡᠴᠡ ᠲᠣᠭᠲᠠᠭᠠᠭᠰᠠᠨ ᠮᠡᠲᠦ᠃ ᠪᠦᠬᠦᠢ ᠯᠡ ᠵᠦᠢᠯ ᠦ᠋ᠨ ᠤᠳᠬᠠ ᠤᠴᠢᠷ᠂ ᠵᠣᠷᠢᠯᠭᠠ᠂ ᠪᠢᠰᠢᠷᠡᠯ᠂ ᠰᠢᠲᠦᠯᠭᠡ᠂ ᠬᠥᠭᠵᠢᠯ ᠭᠠᠭᠴᠠᠬᠦ ᠠᠮᠢᠨ ᠤ᠋ ᠲᠤᠯᠠ ᠶᠤᠮᠰᠠᠨᠵᠠᠢ᠃ ᠡᠪᠡᠳᠬᠦ ᠥᠲᠡᠯᠬᠦ ᠦᠬᠦᠬᠦ ᠭᠤᠷᠪᠠᠨ ᠵᠣᠪᠠᠯᠠᠩ ᠤ᠋ᠨ ᠰᠢᠯᠲᠠᠭᠠᠨ ᠨᠢ ᠰᠢᠨᠤᠯ᠂ ᠠᠲᠠᠭᠠ᠂ ᠣᠮᠣᠭ ᠭᠤᠷᠪᠠ᠁ ᠭᠤᠷᠪᠠᠯ ᠣᠨᠣᠯ ᠳ᠋ᠤᠸᠠᠯᠢᠽᠮ ᠪᠢᠰᠢ ᠭᠡᠳᠡᠭ ᠢ᠋ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠭᠦᠨ ᠤᠬᠠᠭᠠᠨ《ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠ》 ᠨᠤᠭᠤᠳ ᠡᠢᠨ ᠨᠤᠲᠠᠯᠠᠬᠤ ᠠᠪᠠᠢ᠃ ᠠᠮᠢ ᠡᠭᠦᠰᠦᠨᠡ᠃ ᠪᠥᠭᠡᠰᠦ ᠮᠡᠲᠦ᠁ ᠮᠥᠭᠥ ᠮᠡᠲᠦ᠁ ᠳᠠᠷᠬᠠᠯᠠᠯ ᠤ᠋ᠨ ᠸᠢᠷᠦᠰ①᠁ ᠮᠡᠲᠦ ᠠᠮᠢᠨ ᠠ᠋ᠴᠠ ᠡᠭᠦᠰᠦᠨᠡ᠃ ᠴᠢᠭᠢᠭ ᠦ᠋ᠨ ᠤᠯᠠᠭᠠᠨ ᠬᠣᠷᠣᠬᠠᠢ ᠠᠮᠢ ᠲᠠᠢ ᠰᠢᠷᠣᠢ ᠪᠤᠰᠤ ᠤᠤ? ᠳᠠᠭᠠ ᠦᠭᠡᠢ ᠣᠷᠴᠢᠨ ᠳ᠋ᠤ᠌ ᠵᠡᠷᠡᠮᠳᠡᠭ ᠪᠠᠬᠠ ᠳᠤᠲᠠᠭᠤ ᠬᠥᠭᠵᠢᠯ ᠵᠠᠶᠠᠭᠠᠨᠠ᠃ ᠬᠥᠮᠦᠨ ᠣᠷᠴᠢᠯᠠᠩ ᠤ᠋ᠨ ᠳᠡᠭᠡᠳᠦ ᠲᠠᠭᠠᠯᠠᠮᠵᠢᠲᠠᠢ ᠣᠷᠴᠢᠨ ᠳ᠋ᠤ᠌ ᠡᠭᠦᠰᠦᠭᠰᠡᠨ ᠭᠤᠷᠪᠠᠨ ᠥᠩᠭᠡᠲᠦ ᠠᠷᠠᠰᠤᠲᠠᠨ᠃ ᠬᠥᠮᠦᠨ ᠰᠠᠷᠮᠠᠭᠴᠢᠨ ᠠ᠋ᠴᠠ ᠡᠭᠦᠰᠦᠭᠡ ᠦᠭᠡᠢ᠃ ᠲᠡᠢᠮᠦ ᠪᠣᠯ ᠬᠥᠮᠦᠨ ᠦ᠌ ᠦᠷᠡ ᠰᠠᠷᠮᠠᠭᠴᠢᠨ ᠤ᠋ ᠵᠤᠯᠵᠠᠭᠠ(ᠮᠣᠨᠰᠢ ②) ᠲᠥᠷᠥᠬᠦ ᠶᠣᠰᠣᠲᠠᠢ᠃ ᠬᠥᠮᠦᠨ ᠲᠥᠪ ᠠᠽᠢ ᠳ᠋ᠤ᠌ ᠶᠤᠮ ᠤᠤ᠂ ᠠᠹᠷᠢᠺᠠ ᠳ᠋ᠤ᠌ ᠡᠭᠦᠰᠴᠡᠢ ᠭᠡᠳᠡᠭ ᠥᠨᠥᠬᠡᠨ᠂ ᠤᠳᠬᠠ ᠦᠭᠡᠢ ᠲᠠᠰᠢᠶᠠᠷᠠᠯ ᠪᠥᠭᠡᠳ ᠬᠥᠮᠦᠨ ᠭᠤᠷᠪᠠᠨ ᠴᠢᠭ ᠲᠤ ᠡᠭᠦᠰᠬᠦ ᠵᠢᠮᠡ ᠲᠡᠢ᠃ ᠲᠡᠷᠡ ᠨᠢ ᠲᠥᠪ ᠠᠽᠢᠶᠠ᠂ ᠲᠥᠪ ᠠᠹᠷᠢᠺᠠ᠂ ᠲᠥᠪ ᠧᠦ᠋ᠷᠣᠫᠠ᠃ ᠲᠥᠪ ᠠᠽᠢ ᠠ᠋ᠴᠠ ᠧᠦ᠋ᠷᠣᠫᠠ ᠳ᠋ᠤ᠌ ᠨᠡᠭᠦᠳᠡᠯᠯᠡᠨ ᠣᠴᠢᠭᠰᠠᠨ ᠢ᠋ᠶ᠋ᠠᠷ ᠰᠢᠷᠠ ᠠᠷᠠᠰᠤ ᠨᠢ ᠴᠠᠭᠠᠨ ᠪᠣᠯᠬᠤ ᠦᠭᠡᠢ᠃ ᠦᠷᠡ ᠬᠡᠦᠬᠡᠳ ᠨᠢ ᠰᠢᠷᠠ ᠠᠷᠠᠰᠤᠲᠠᠨ ᠲᠥᠷᠥᠭᠡᠳ ᠥᠰᠬᠦ ᠳ᠋ᠡᠭᠡᠨ ᠴᠠᠭᠠᠨ ᠪᠣᠯᠬᠤ ᠲᠡᠦᠬᠡ ᠶ᠋ᠢ ᠡᠨᠡ ᠬᠣᠷᠸᠠ ᠬᠠᠷᠠᠬᠤ ᠦᠭᠡᠢ᠃ ᠰᠢᠨᠡ ᠲᠢᠪ ᠪᠤᠶᠤ ᠠᠮᠧᠷᠢᠺᠠ ᠳ᠋ᠤ᠌ ᠲᠥᠪ ᠠᠽᠢ ᠠ᠋ᠴᠠ ᠨᠡᠭᠦᠳᠡᠯᠯᠡᠨ ᠣᠴᠢᠭᠰᠠᠨ ᠮᠣᠩᠭᠣᠯ ᠲᠡᠷᠢᠭᠦᠲᠡᠨ ᠨᠦ᠍ᠭᠦᠳ ᠦ᠋ᠨ ᠳ᠋ᠢᠸᠠᠩᠭᠠᠷ ᠤ᠋ᠨ ᠡᠬᠡ ᠡᠭᠦᠨ ᠢ᠋ ᠨᠤᠲᠠᠯᠠᠭᠠ᠃ᠢᠨᠳᠢᠶᠡᠨ ᠨᠢ ᠮᠣᠩᠭᠣᠯᠢᠣ᠋ ᠳ᠋ᠤ᠌ ᠭᠠᠷᠤᠯ ᠲᠠᠢ ᠪᠠᠢᠬᠤ ᠵᠠᠢᠯᠠᠰᠢ ᠦᠭᠡᠢ ᠲᠠᠭᠠᠮᠠᠭᠯᠠᠯ ᠨᠢ ᠭᠤᠷᠪᠠᠯ ᠤ᠋ᠨ ᠱᠠᠭᠠᠷᠳᠠᠯᠭᠠ᠃ ᠭᠤᠷᠪᠠᠯ ᠣᠨᠣᠯ ᠤ᠋ᠨ ᠡᠨᠡ ᠮᠡᠲᠦ ᠵᠢᠱ᠌ᠢᠶᠡ ᠨᠢ ᠮᠠᠲ᠋ᠧᠷᠢ ᠤᠬᠠᠮᠰᠠᠷ ᠬᠣᠶᠠᠷ ᠲᠤ᠌ ᠬᠤᠳᠬᠤᠯᠳᠤᠭᠠ ᠦᠭᠡᠢ《ᠠᠮᠢ》 ᠭᠡᠭᠴᠢ ᠲᠤᠰᠬᠠᠢ ᠲᠣᠳᠣᠷᠬᠠᠢ ᠵᠦᠢᠯ ᠦ᠋ᠨ ᠤᠴᠢᠷ ᠶᠤᠮ᠃《ᠠᠮᠢ》 ᠳᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠦᠨ ᠤᠬᠠᠭᠠᠨ ᠤ᠋ ᠰᠤᠳᠤᠯᠬᠤ ᠵᠦᠢᠯ ᠦᠨᠡᠨ ᠳ᠋ᠡᠭᠡᠨ ᠪᠢᠰᠢ᠂ ᠵᠥᠪᠬᠡᠨ ᠭᠣᠣᠯ ᠱᠠᠭᠠᠷᠳᠠᠯᠭᠠ ᠭᠡᠳᠡᠭ ᠢ᠋ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠬᠦ ᠶᠣᠰᠣᠲᠠᠢ᠃ ᠡᠢᠮᠦ ᠡᠴᠡ ᠭᠠᠭᠴᠠᠬᠦ ᠭᠤᠷᠪᠠᠯ ᠴᠣᠭᠴᠠ ᠶ᠋ᠢᠨ ᠨᠢᠭᠡᠳᠦᠯ ᠨᠢ ᠭᠦᠨ ᠤᠬᠠᠭᠠᠨ ᠭᠡᠵᠦ ᠪᠠᠭᠤᠯᠲᠠ ᠬᠢᠶᠡ᠃ ᠭᠡᠬᠦ ᠳ᠋ᠡᠭᠡᠨ ᠯᠡ ᠠᠮᠢ ᠶ᠋ᠢ ᠡᠷᠬᠢᠮ ᠳ᠋ᠦ᠍ ᠦᠵᠡᠬᠦ ᠨᠢ ᠴᠢᠬᠤᠯᠠ ᠪᠣᠯᠤᠨᠠ᠃
᠁᠁᠁᠁᠁᠁᠁
① ᠸᠢᠷᠦᠰ— ᠡᠪᠡᠳᠴᠢᠨ ᠦ᠌ ᠬᠣᠣᠷᠠ᠂ ᠪᠡᠶᠡ ᠱᠦᠭᠦᠷᠡᠬᠦ᠂ ᠬᠣᠣᠷᠠ ᠲᠤᠩᠭᠠᠬᠤ(ᠪᠠᠭᠤᠯᠭᠠᠭᠴᠢ)
② ᠮᠣᠨᠰᠢ — ᠮᠠᠭᠤ ᠠᠮᠢᠲᠠᠨ᠂ ᠯᠤᠢᠪᠠᠷᠴᠢᠨ᠂ ᠲᠠᠩᠬᠠᠢᠴᠤᠳ᠂ ᠬᠡᠷᠴᠡᠭᠡᠢᠴᠦᠳ᠂ ᠬᠥᠮᠦᠨ ᠢ᠋ ᠬᠠᠷᠢᠶᠠᠬᠤ ᠦᠭᠡ(ᠪᠠᠭᠤᠯᠭᠠᠭᠴᠢ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ᠄ ᠪᠠᠶᠠᠨᠰᠡᠷᠡᠩ᠂ ᠲᠣᠭᠳᠠᠭᠤᠨᠪᠠᠶᠠᠷ
ᠬᠢᠨᠠᠭᠴᠢ ᠪᠠᠭᠰᠢ᠄ ᠤᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ᠂ ᠪᠠᠶᠠᠨᠰᠡᠷᠡᠩ