ᠳᠥᠷᠪᠡ᠂ ᠵᠢᠮᠡ( ᠨᠠᠰᠤ) ᠪᠣᠯ ᠹᠢᠯᠣᠰᠣᠹᠢ ᠮᠥᠨ-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ2-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
408ᠳᠥᠷᠪᠡ᠂ ᠵᠢᠮᠡ( ᠨᠠᠰᠤ) ᠪᠣᠯ ᠹᠢᠯᠣᠰᠣᠹᠢ ᠮᠥᠨ
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠥᠭᠵᠢᠯ ᠲᠤᠬᠠᠢᠯᠠᠪᠠᠯ ᠹᠢᠽᠢᠺ ᠦ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠣᠨᠣᠯ ᠤ᠋ᠳ ᠨᠢᠶᠥ᠋ᠲ᠋ᠦᠨ ᠦ᠌ ᠬᠥᠳᠡᠯᠭᠡᠭᠡᠨ ᠦ᠌ ᠬᠠᠤᠯᠢ ᠨᠤᠭᠤᠳ᠂ ᠶᠢᠷᠲᠢᠨᠴᠦ ᠶ᠋ᠢᠨ ᠲᠠᠲᠠᠯᠴᠠᠯ ᠤ᠋ᠨ ᠬᠠᠤᠯᠢ᠂ ᠺᠸᠫᠯᠸᠷ ᠦ᠋ᠨ ᠬᠠᠤᠯᠢ ᠨᠤᠭᠤᠳ᠂ ᠺᠢᠨᠧᠲ᠋ᠢᠺ ᠣᠨᠣᠯ᠂ ᠠᠮᠫᠧᠷ ᠦ᠋ᠨ ᠬᠠᠤᠯᠢ᠂ ᠹᠠᠷᠠᠳ᠌ᠸᠢ ᠶ᠋ᠢᠨ ᠬᠠᠤᠯᠢ᠂ ᠺᠤᠯᠤᠨ ᠤ᠋ ᠬᠠᠤᠯᠢ᠂ ᠴᠠᠬᠢᠯᠭᠠᠨ ᠤ᠋ ᠣᠨᠣᠯ᠂ ᠠᠢᠨᠰᠲ᠋ᠧᠨ ᠦ᠌ ᠬᠠᠷᠢᠴᠠᠩᠭᠤᠢ ᠶ᠋ᠢᠨ ᠣᠨᠣᠯ᠂ ᠡᠭᠡᠯ ᠪᠥᠭᠡᠮᠡᠰ ᠦ᠋ᠨ ᠣᠨᠣᠯ ᠰᠤᠳᠤᠯᠭᠠ ᠠᠯᠢ ᠨᠢ ᠴᠦ᠍ ᠠᠮᠢᠨ ᠤ᠋ ᠪᠤᠰᠤ ᠪᠣᠳᠠᠰ ᠤ᠋ᠨ ᠣᠨᠣᠯ ᠬᠠᠤᠯᠢ ᠨᠤᠭᠤᠳ ᠶᠤᠮ᠃ ᠡᠨᠡᠴᠢᠯᠡᠨ ᠹᠢᠤᠯᠤᠬᠢ ᠶ᠋ᠢᠨ ᠰᠠᠯᠪᠤᠷᠢ ᠶ᠋ᠢᠨ ᠣᠯᠠᠨ ᠠᠷᠪᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠢ ᠪᠣᠯᠵᠤ ᠰᠢᠨᠡ ᠰᠢᠨᠡ ᠨᠡᠭᠡᠭᠡᠯᠲᠡ ᠣᠨᠣᠯ ᠪᠦᠲᠦᠭᠡᠯ ᠦ᠋ᠳ ᠭᠠᠷᠤᠭᠰᠠᠭᠠᠷ ᠪᠠᠢᠭᠠ ᠪᠣᠯᠪᠠᠴᠤ ᠠᠮᠢ ᠶ᠋ᠢ ᠬᠠᠢᠬᠤᠷᠤᠭᠠ ᠦᠭᠡᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠨᠠ᠃ ᠭᠡᠪᠡᠴᠦ ᠥᠨᠥ ᠶ᠋ᠢᠨ ᠭᠠᠢᠬᠠᠮᠰᠢᠭᠲᠤ ᠰᠤᠯᠠᠷᠠᠭᠰᠠᠨ ᠴᠠᠭ ᠰᠢᠭ᠋ ᠪᠣᠯᠵᠠᠢ᠃ ᠭᠡᠪᠡᠴᠦ《ᠠᠮᠢᠨ》 ᠰᠤᠳᠤᠯᠭᠠ ᠶ᠋ᠢ ᠬᠥᠭᠵᠢᠭᠦᠯᠦᠶᠡ ᠭᠡᠲᠡᠯᠡ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠡᠨᠡ ᠴᠢᠭᠯᠡᠯ ᠮᠡᠳᠡᠯᠭᠡ ᠬᠦᠢ ᠨᠢᠭᠡᠳᠦᠯ ᠦ᠋ᠨ ᠦᠶᠡᠷ ᠡᠴᠡ ᠪᠠᠢᠭᠠ ᠨᠢ ᠬᠠᠷᠠᠮᠰᠠᠯ ᠲᠠᠢ᠃ ᠠᠮᠢᠨ ᠤ᠋ ᠲᠤᠯᠠ ᠪᠠᠷᠢᠭᠰᠠᠨ ᠪᠠᠭᠠᠵᠢ ᠭᠡᠪᠡᠯ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠬᠡᠮᠵᠢᠶᠡᠨ ᠦ᠌ ᠬᠥᠭᠵᠢᠯ ᠲᠡᠢ ᠠᠢᠳᠠᠰ ᠯᠠ ᠪᠠᠢᠭᠠ ᠠᠵᠠᠢ᠃ ᠲᠡᠷᠡ ᠠᠢᠳᠠᠰ ᠥᠨᠥᠳᠥᠷ ᠲᠡᠭᠡᠨ ᠮᠠᠲ᠋ᠧᠷᠢ ᠪᠦᠬᠦᠨ ᠦ᠌ ᠠᠮᠢ ᠶ᠋ᠢ ᠬᠠᠢᠷᠠᠯᠠᠨ᠂ ᠣᠶᠤᠨ ᠤᠬᠠᠮᠰᠠᠷ ᠤ᠋ᠨ ᠢ᠋ᠶ᠋ᠠᠨ ᠰᠡᠳᠬᠢᠯᠭᠡ ᠶ᠋ᠢ ᠭᠤᠷᠪᠠᠯ ᠪᠣᠯᠭᠠ ᠭᠡᠵᠦ ᠲᠦᠭᠰᠢᠭᠦᠷᠢᠯᠡᠵᠦ ᠪᠠᠢᠨᠠ᠃ ᠡᠨᠡ ᠬᠦ᠌ ᠹᠢᠯᠣᠰᠣᠹᠢ ᠰᠠᠨᠠᠭᠠᠨ ᠤ᠋ ᠡᠭᠦᠰᠦᠯ ᠠᠳᠠᠭᠯᠠᠭᠠᠳ ᠠᠮᠢᠨ ᠤ᠋ ᠨᠠᠰᠤ ᠵᠢᠮᠡ ᠶ᠋ᠢ ᠡᠷᠭᠢᠴᠡᠭᠦᠯᠬᠦ ᠳ᠋ᠦ᠍ ᠬᠦᠷᠭᠡᠨᠡ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠯᠠᠪ ᠯᠠ ᠴᠡᠷᠢᠭ᠂ ᠲᠡᠢᠨ᠂ ᠬᠣᠣᠷ᠂ ᠵᠡᠪᠰᠡᠭ᠂ ᠠᠯᠠᠭᠤᠷᠴᠢᠨ ᠭᠡᠬᠦ ᠮᠡᠲᠦ ᠶᠠᠭᠤᠮᠠ ᠦᠭᠡᠢ ᠪᠣᠯᠤᠨᠠ ᠭᠡᠰᠡᠨ ᠲᠣᠢᠮᠣ ᠲᠥᠷᠥᠵᠦ ᠡᠪᠡᠳᠴᠢᠨ ᠥᠯᠥᠰᠬᠦᠯᠡᠩ᠂ ᠡᠺᠣᠯᠣᠭᠢ ᠶ᠋ᠢᠨ ᠰᠦᠢᠷᠡᠯ ᠦ᠋ᠨ ᠡᠰᠡᠷᠭᠦ ᠬᠠᠮᠤᠭ ᠲᠥᠰᠥᠪ ᠮᠥᠩᠭᠥ ᠤᠷᠤᠰᠬᠤ ᠬᠥᠭᠵᠢᠯ ᠦ᠋ᠨ《ᠪᠦᠳᠦᠭᠦᠯᠢᠭ》 ᠦᠨᠳᠦᠰᠦ ᠲᠠᠯᠪᠢᠭᠳᠠᠬᠤ ᠪᠣᠯᠪᠠ ᠤᠤ᠃ ᠪᠢᠳᠡ ᠢᠷᠡᠭᠡᠳᠦᠢ ᠶ᠋ᠢᠨ ᠰᠠᠶᠠ ᠰᠠᠶᠠ ᠵᠢᠯ ᠦ᠋ᠨ ᠡᠮᠦᠨᠡ ᠠᠵᠤ ᠲᠥᠷᠥᠵᠦ ᠪᠠᠢᠭᠠ ᠪᠦᠳᠦᠭᠦᠯᠢᠭ ᠦ᠋ᠳ᠂ ᠠᠮᠢᠨ ᠬᠥᠭᠵᠢᠯ ᠢ᠋ ᠲᠥᠰᠦᠭᠡᠯᠡᠬᠦ ᠭᠡᠵᠦ ᠶᠠᠳᠠᠵᠤ ᠪᠠᠢᠭᠠ ᠬᠦᠢ ᠨᠢᠭᠡᠳᠦᠯ ᠦ᠋ᠨ ᠬᠢᠨ᠃
ᠡᠢᠮᠦ ᠳ᠋ᠦ᠍ ᠠᠬᠤᠢ ᠤᠬᠠᠮᠰᠠᠷ ᠤ᠋ᠨ ᠠᠩᠬᠠᠳᠠᠭᠴᠢ ᠶ᠋ᠢᠨ ᠰᠡᠳᠦᠪ ᠢ᠋ ᠲᠣᠭᠣᠷᠢᠵᠤ ᠲᠥᠭᠡᠷᠢᠬᠦ ᠪᠤᠰᠤ᠂《ᠠᠮᠢ᠂ ᠠᠬᠤᠢ᠂ ᠤᠬᠠᠮᠰᠠᠷ》 ᠤ᠋ᠨ ᠵᠢᠮᠡ ᠰᠢᠲᠦᠯᠴᠡᠭᠡ ᠶ᠋ᠢ ᠰᠤᠳᠤᠯᠬᠤ ᠠᠰᠠᠭᠤᠳᠠᠯ ᠹᠢᠯᠣᠰᠣᠹᠢ ᠮᠥᠨ ᠭᠡᠳᠡᠭ ᠲᠦ᠍ ᠢᠲᠡᠭᠡᠵᠡᠭᠡᠶᠡ᠃
ᠠᠮᠢ ᠶ᠋ᠢ ᠤᠬᠠᠮᠰᠠᠷ ᠨᠢ ᠬᠣᠣᠷᠯᠠᠨ ᠬᠥᠨᠥᠭᠡᠵᠦ ᠪᠣᠯᠤᠨᠠ(ᠪᠣᠭᠣᠵᠤ ᠦᠬᠦᠬᠦ᠂ ᠬᠣᠣᠷ ᠤᠤᠭᠤᠬᠤ᠂ ᠪᠡᠶᠡ ᠪᠡᠨ ᠫᠤᠤᠳᠠᠬᠤ᠂ ᠦᠵᠡᠯ ᠳ᠋ᠡᠭᠡᠨ ᠢᠲᠡᠭᠡᠵᠦ ᠠᠮᠢ ᠪᠡᠶᠡ ᠪᠡᠨ ᠵᠣᠯᠢᠶᠠᠰᠤᠯᠠᠬᠤ)᠃ ᠡᠮᠭᠡᠨᠢᠯ ᠲᠡᠢ ᠨᠢ ᠠᠮᠢᠨ ᠠ᠋ᠴᠠ ᠴᠢᠬᠤᠯᠠ ᠦᠢᠯᠡᠰ ᠪᠠᠢᠬᠤ ᠦᠭᠡᠢ᠃ ᠳᠠᠢᠰᠤᠨ ᠤ᠋ ᠪᠠᠨ ᠡᠮᠦᠨᠡ ᠪᠢ ᠺᠣᠮᠮᠤᠨᠢᠰᠲ ᠬᠥᠮᠦᠨ ᠭᠡᠬᠦ ᠶᠦᠮ ᠤᠤ᠂ ᠡᠰᠡᠪᠡᠯ ᠡᠬᠡ ᠣᠷᠣᠨ ᠮᠠᠨᠳᠤᠲᠤᠭᠠᠢ! ᠭᠡᠮᠡᠨ ᠪᠠᠭᠠᠲᠤᠷᠯᠢᠭ ᠢ᠋ᠶ᠋ᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠭᠡᠳᠡᠭ ᠨᠢ《ᠲᠡᠨᠡᠭᠯᠡᠭᠰᠡᠭᠡᠷ ᠨᠠᠰᠤ ᠪᠠᠷᠠᠭᠰᠠᠨ》 ᠭᠡᠰᠡᠨ ᠤᠳᠬᠠ ᠶ᠋ᠢ ᠢᠯᠡᠭᠦᠦ ᠢᠯᠡᠷᠬᠡᠢᠯᠡᠨᠡ᠃ ᠥᠪᠡᠷ ᠢ᠋ᠶ᠋ᠡᠨ ᠶᠦᠮ ᠤᠤ ᠥᠷᠥᠭᠡᠯ ᠢ᠋ ᠦᠬᠦᠭᠦᠯᠵᠦ ᠢᠯᠠᠯᠲᠠ ᠪᠠᠢᠭᠤᠯᠤᠨᠠ ᠭᠡᠳᠡᠭ ᠲᠡᠢᠮᠦ ᠠᠷᠪᠢᠨ ᠯᠠ ᠠᠵᠢᠯ ᠶᠤᠮ᠃
ᠠᠮᠢ ᠪᠠᠨ ᠶᠠᠭᠠᠬᠢᠵᠤ ᠬᠢᠭᠡᠳ ᠠᠪᠴᠤ ᠭᠠᠷᠤᠭᠰᠠᠨ᠂ ᠦᠵᠡᠯ ᠰᠠᠨᠠᠭᠠ᠂ ᠪᠡᠶᠡ ᠬᠣᠶᠠᠷ ᠢ᠋ᠶ᠋ᠠᠨ ᠠᠪᠤᠷᠠᠵᠤ ᠭᠠᠷᠴᠤ ᠴᠢᠳᠠᠭᠰᠠᠨ ᠡᠨᠡ ᠯᠡ ᠲᠣᠬᠢᠶᠠᠯᠳᠤᠯ ᠰᠠᠶᠢ ᠪᠠᠭᠠᠲᠤᠷᠯᠢᠭ ᠪᠣᠯᠤᠨᠠ᠃ ᠠᠮᠢ ᠶ᠋ᠢ ᠪᠠᠰᠠ ᠠᠬᠤᠢ ᠨᠢ(ᠶᠠᠳᠠᠭᠤᠷᠠᠯ᠂ ᠡᠪᠡᠳᠴᠢᠯᠡᠯ᠂ ᠣᠰᠣᠯᠳᠠᠬᠤ᠂ ᠣᠰᠤᠭᠤᠬᠤ᠂ ᠥᠯᠪᠡᠷᠬᠦ) ᠬᠥᠨᠥᠭᠡᠵᠦ ᠪᠣᠯᠤᠨᠠ᠃ ᠭᠡᠪᠡᠴᠦ ᠠᠬᠤᠢ ᠶ᠋ᠢ ᠪᠦᠷᠢᠯᠳᠦᠭᠦᠯᠬᠦ ᠳ᠋ᠦ᠍ ᠣᠶᠤᠨ ᠤ᠋ ᠪᠣᠯᠤᠭᠠᠳ ᠪᠡᠶᠡ ᠶ᠋ᠢᠨ ᠳᠣᠷᠣᠢ ᠪᠠᠢᠳᠠᠯ᠂ ᠨᠡᠢᠭᠡᠮ ᠦ᠋ᠨ ᠪᠣᠯᠤᠨ ᠲᠥᠷᠥ ᠶ᠋ᠢᠨ ᠦᠬᠦᠮᠡᠯ ᠪᠣᠳᠣᠯᠭᠠ ᠨᠥᠯᠥᠭᠡᠯᠡᠭᠰᠡᠨ ᠪᠠᠢᠵᠤ ᠪᠣᠯᠤᠨᠠ᠃
ᠭᠡᠲᠡᠯᠡ ᠠᠮᠢ ᠶ᠋ᠢ ᠤᠬᠠᠮᠰᠠᠷ ᠠᠪᠤᠷᠠᠵᠤ ᠪᠣᠯᠤᠨᠠ᠃ ᠬᠥᠯᠳᠡᠵᠦ ᠦᠬᠦᠬᠦ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠴᠠᠰᠤ ᠤᠬᠤᠬᠤ᠂ ᠭᠠᠯ ᠭᠠᠷᠭᠠᠬᠤ᠂ ᠦᠵᠡᠯ ᠢ᠋ᠶ᠋ᠡᠨ ᠪᠤᠷᠤᠭᠤᠳᠬᠠᠵᠤ ᠳᠠᠢᠰᠤᠨ ᠡᠲᠡᠭᠡᠳ ᠲᠡᠭᠡᠨ ᠪᠠᠭᠤᠯᠲᠠ ᠬᠢᠬᠦ᠁ ᠵᠡᠷᠭᠡ᠃ ᠠᠮᠢ ᠶ᠋ᠢ ᠪᠠᠰᠠ ᠠᠬᠤᠢ ᠠᠪᠤᠷᠠᠵᠤ ᠪᠣᠯᠤᠨᠠ᠃ ᠴᠠᠩᠭᠠᠵᠤ ᠦᠬᠦᠬᠦ ᠭᠡᠵᠦ ᠪᠠᠢᠲᠠᠯᠠ ᠨᠢᠷᠤᠭᠤᠨ ᠳᠡᠭᠡᠷᠡ ᠠᠭᠠᠳᠠᠷ ᠠᠰᠬᠠᠷᠠᠵᠤ ᠪᠣᠯᠤᠨᠠ᠃ ᠡᠨᠡ ᠪᠦᠬᠦᠨ ᠦ᠌ ᠬᠣᠯᠪᠣᠭᠠ ᠡᠷᠭᠢᠭᠡᠳ ᠲᠠᠰᠤ ᠥᠭᠡᠷᠡ ᠪᠡᠷ ᠬᠤᠪᠢᠷᠠᠬᠤ ᠲᠣᠬᠢᠶᠠᠯᠳᠤᠯ ᠴᠤ᠌ ᠬᠢᠵᠠᠭᠠᠷ ᠦᠭᠡᠢ᠃ ᠠᠮᠢ ᠪᠠᠨ ᠬᠣᠣᠷᠯᠠᠬᠤ ᠣᠶᠤᠨ ᠪᠡᠶᠡ ᠶ᠋ᠢᠨ ᠢᠳᠬᠠᠯᠭᠠ ᠨᠢ ᠠᠬᠤᠢ ᠲᠠᠢ ᠬᠣᠯᠪᠣᠭᠠ ᠲᠠᠢ ᠪᠠᠢᠭᠠᠳ ᠶᠠᠳᠠᠬᠤ ᠳ᠋ᠠᠭᠠᠨ ᠭᠤᠲᠤᠷᠠᠵᠤ ᠴᠥᠬᠥᠷᠡᠵᠦ ᠣᠯᠣᠰᠣ ᠬᠣᠭᠣᠯᠠᠢ ᠳ᠋ᠠᠭᠠᠨ ᠤᠭᠯᠠᠨ ᠳᠡᠭᠦᠵᠢᠯᠡᠲᠡᠯᠡ ᠬᠡᠨ ᠨᠢ ᠴᠦ᠍ ᠶᠦᠮ ᠲᠡᠷᠪᠤᠮ ᠲᠥᠭᠥᠷᠢᠭ ᠦ᠋ᠨ ᠭᠡᠷᠢᠶᠡᠰᠦᠯᠡᠯ ᠪᠠᠷᠢᠭᠠᠳ ᠭᠦᠶᠦᠵᠦ ᠢᠷᠡᠬᠦ ᠳ᠋ᠦ᠍ ᠮᠥᠩᠬᠡᠷᠡᠬᠦ ᠲᠤᠬᠠᠢ ᠮᠥᠷᠥᠭᠡᠳᠦᠯ ᠡᠬᠢᠯᠡᠵᠦ ᠪᠣᠯᠬᠤ ᠶᠤᠮ ᠰᠢᠦ᠃᠃ ᠭᠠᠢᠬᠠᠮᠰᠢᠭᠲᠤ ᠠᠮᠢᠳᠤᠷᠠᠯ ᠤ᠋ᠨ ᠪᠣᠯᠤᠮᠵᠢ ᠰᠢᠨᠤᠯ ᠪᠤᠴᠠᠯᠤᠭᠰᠠᠨ ᠡᠨᠡ ᠭᠱᠠᠨ ᠳ᠋ᠤ᠌ ᠠᠮᠢ ᠬᠡᠮᠡᠬᠦ ᠦᠯᠦ ᠦᠵᠡᠭᠳᠡᠭᠴᠢ ᠰᠢᠳᠢᠲᠡᠨ ᠠᠬᠤᠢ ᠪᠣᠯᠤᠭᠠᠳ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠨ ᠰᠥᠨᠥᠭᠡᠵᠦ ᠬᠡᠪ ᠭᠡᠨᠡᠳᠲᠡ᠁ ᠲᠡᠷᠪᠤᠮ ᠲᠥᠭᠥᠷᠢᠭ ᠢ᠋ᠶ᠋ᠡᠷ ᠡᠢᠮᠦ ᠡᠢᠮᠦ ᠶᠠᠭᠤᠮᠠ ᠠᠪᠤᠨᠠ᠁ ᠳᠠᠭᠤᠷᠢ ᠳ᠋ᠷᠠᠮ᠁ ᠠᠯᠲᠠᠨ ᠬᠥᠰᠢᠶᠡ᠁ ᠡᠨᠡ ᠰᠠᠨᠠᠭᠠ ᠪᠠᠨ ᠲᠡᠮᠳᠡᠭᠯᠡᠬᠦ ᠭᠡᠳ ᠰᠠᠭᠤᠲᠠᠯᠠ ᠠᠮᠢᠰᠬᠤᠯ ᠬᠤᠷᠢᠶᠠᠵᠤ ᠪᠣᠯᠤᠨᠠ᠃ ᠪᠦᠬᠦ ᠯᠡ ᠵᠦᠢᠯ ᠡᠭᠦᠰᠦᠯ᠂ ᠲᠦᠷᠦᠯᠲᠡ᠂ ᠦᠬᠦᠯ᠂ ᠮᠥᠬᠥᠯ ᠲᠡᠢ ᠪᠥᠭᠡᠳ ᠡᠳᠡᠭᠡᠷ ᠦ᠋ᠨ ᠬᠣᠭᠣᠷᠣᠨᠳᠣ ᠣᠷᠣᠰᠢᠬᠤ ᠨᠢ ᠠᠮᠢᠳᠤᠷᠠᠯ᠃《ᠨᠠᠰᠤ》 ᠭᠡᠳᠡᠭ ᠣᠢᠯᠠᠭᠠᠯᠲᠠ ᠵᠥᠪᠬᠡᠨ ᠠᠮᠢᠨ ᠤ᠋ ᠲᠣᠭᠠᠯᠠᠭᠤᠷ ᠪᠢᠰᠢ ᠪᠠᠰᠠ ᠠᠬᠤᠢ ᠤᠬᠠᠮᠰᠠᠷ ᠤ᠋ᠨ ᠬᠡᠮᠵᠢᠭᠦᠷ ᠪᠣᠯᠬᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠤᠪᠢ ᠳ᠋ᠤ᠌ ᠰᠠᠶᠢ ᠲᠡᠭᠦᠰ ᠹᠢᠯᠣᠰᠣᠹᠢ ᠠᠵᠠᠢ᠃ ᠡᠭᠦᠰᠦᠯ ᠪᠣᠯ ᠬᠥᠳᠡᠯᠭᠡᠭᠡᠨ ᠦ᠌ ᠡᠬᠢᠯᠡᠯ ᠴᠠᠭ ᠲᠡᠷᠡ ᠨᠢ ᠬᠥᠳᠡᠯᠭᠡᠭᠡᠨ ᠦ᠌ ᠶᠠᠪᠤᠴᠠ ᠪᠠᠨ ᠲᠣᠳᠣᠷᠬᠠᠢᠯᠠᠵᠤ ᠳᠡᠭᠡᠳᠦ ᠬᠡᠯᠪᠡᠷᠢ᠂ ᠡᠴᠦᠰ ᠲᠦ ᠪᠠᠢᠭᠠ ᠴᠠᠭ ᠤᠷᠤᠭᠤ ᠠᠬᠢᠵᠤ ᠬᠥᠳᠡᠯᠭᠡᠭᠡᠨ ᠦ᠌ ᠡᠴᠦᠰ ᠦ᠋ᠨ ᠴᠠᠭ ᠢ᠋ ᠪᠠᠰᠠ ᠡᠭᠦᠰᠬᠡᠵᠦ ᠪᠠᠢᠭᠠ ᠬᠡᠷᠡᠭ᠃ ᠡᠬᠢᠯᠡᠬᠦ ᠴᠠᠭ ᠨᠢ ᠤᠯᠠᠮᠵᠢᠯᠠᠯ ᠤ᠋ᠨ᠂ ᠡᠴᠦᠰ ᠦ᠋ᠨ ᠡᠴᠦᠰ ᠦ᠋ᠨ ᠡᠬᠢᠯᠡᠯ᠂ ᠴᠠᠭ ᠨᠢ ᠰᠢᠨᠡᠴᠢᠯᠡᠯ ᠦ᠋ᠨ ᠡᠬᠢᠨ ᠦ᠌ ᠴᠠᠭ᠃ ᠭᠶᠦᠲ᠋ᠧ ᠪᠢᠪᠯᠢ ᠰᠤᠳᠤᠷ ᠠ᠋ᠴᠠ ᠡᠰᠢ ᠠᠪᠴᠤ《ᠹᠣᠸᠠᠰᠲ᠋》 ᠲᠤ᠌《ᠡᠬᠢᠯᠡᠭᠡᠳ ᠦᠭᠡ ᠡᠭᠦᠰᠦᠭᠰᠡᠨ》 ᠭᠡᠵᠡᠢ᠃ ᠡᠭᠦᠨ ᠢ᠋ ᠢᠳᠢᠶᠠᠯᠢᠰᠲ ᠲᠥᠭᠡᠷᠢᠭᠳᠡᠯ ᠭᠡᠬᠦ ᠳ᠋ᠦ᠍ ᠪᠠᠰᠠ ᠬᠡᠴᠡᠭᠦᠦ᠃《ᠬᠦᠦ ᠲᠡᠢ ᠪᠣᠯᠤᠶᠠ》 ᠭᠡᠰᠡᠨ ᠦᠭᠡ ᠳᠣᠬᠢᠶᠠ ᠦᠢᠯᠡᠳᠦᠯ ᠳ᠋ᠦ᠍ ᠬᠦᠷᠭᠡᠵᠦ ᠭᠡᠪᠡᠯ᠁ ᠡᠬᠢᠯᠡᠭᠡᠳ ᠦᠭᠡ ᠡᠭᠦᠰᠦᠭᠰᠡᠨ ᠭᠡᠵᠦ ᠨᠤᠲᠠᠯᠠᠬᠤ ᠪᠣᠯᠤᠮᠵᠢ ᠣᠯᠭᠣᠬᠤ ᠰᠠᠨ᠃ ᠭᠡᠪᠡᠴᠦ ᠡᠨᠡ ᠨᠢ ᠶᠠᠮᠠᠷ ᠴᠤ᠌ ᠪᠠᠢᠯᠠ ᠭᠡᠰᠡᠨ ᠠᠮᠢᠨ ᠤ᠋ ᠯᠠ ᠦᠢᠯᠡᠳᠦᠯ᠃
—1917 ᠣᠨ ᠤ᠋ ᠣᠺᠲ᠋ᠢᠶᠠᠪᠧᠷ ᠦ᠋ᠨ ᠬᠤᠪᠢᠰᠬᠠᠯ ᠳ᠋ᠤ᠌《ᠦᠵᠡᠯ ᠰᠠᠨᠠᠭᠠᠨ》 ᠤ᠋ ᠬᠥᠰᠢᠭᠦᠷᠬᠡ《ᠢᠯᠠᠯᠲᠠ》 ᠠᠪᠴᠢᠷᠠᠭᠰᠠᠨ᠃
— ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠲᠡᠢᠨ ᠢ᠋ ᠷᠸᠢ᠋ᡁᠰᠲ᠋ᠠᠭ ᠲᠤ᠌ ᠡᠴᠦᠰᠯᠡᠬᠦ ᠳ᠋ᠦ᠍ ᠹᠡᠱ᠌ᠢᠽᠮ ᠦ᠋ᠨ《ᠠᠮᠢ》 ᠶ᠋ᠢ ᠭᠡᠰᠬᠡᠨ ᠶᠠᠯᠠᠯᠠᠵᠠᠢ᠃
1990 ᠭᠡᠳ ᠣᠨ ᠳ᠋ᠤ᠌ ᠰᠣᠼᠢᠶᠠᠯᠢᠽᠮ ᠢ᠋ ᠺᠠᠫᠢᠲ᠋ᠠᠯᠢᠽᠮ ᠳᠡᠢᠯᠦᠭᠰᠡᠨ ᠨᠢ《ᠠᠬᠤᠢ》 ᠲᠣᠳᠣᠷᠬᠠᠢᠯᠠᠭᠰᠠᠨ ᠦᠢᠯᠡ ᠬᠡᠷᠡᠭ ᠵᠣᠩᠬᠢᠯᠠᠵᠤ᠂ ᠣᠶᠤᠨ ᠰᠠᠨᠠᠭᠠ ᠶ᠋ᠢ ᠤᠷᠤᠭᠤ ᠲᠠᠲᠠᠭᠰᠠᠨ ᠬᠡᠷᠡᠭ᠃ ᠭᠡᠪᠡᠴᠦ ᠡᠳᠡᠭᠡᠷ ᠬᠠᠨᠳᠤᠯᠭᠠ ᠪᠦᠷᠢ ᠨᠢ ᠥᠷᠥᠭᠡᠰᠦᠭᠡᠯ ᠪᠣᠯᠬᠤ ᠨᠢ ᠢᠯᠡᠳᠲᠡ ᠲᠤᠯᠠ《ᠦᠨᠡᠨ》 ᠪᠢᠰᠢ ᠶᠦᠮ᠃ ᠣᠺᠲ᠋ᠢᠶᠠᠪᠧᠷ ᠦ᠋ᠨ ᠬᠤᠪᠢᠰᠬᠠᠯ《ᠠᠮᠢ ᠠᠬᠤᠢ》 ᠬᠣᠶᠠᠷ ᠢ᠋ ᠬᠣᠬᠢᠷᠠᠭᠠᠨ ᠦᠵᠡᠯ ᠢᠯᠠᠭᠰᠠᠨ ᠪᠣᠯ ᠬᠣᠶᠠᠳᠤᠭᠠᠷ ᠲᠡᠢᠨ《ᠠᠬᠤᠢ ᠤᠬᠠᠮᠰᠠᠷ》 ᠬᠣᠶᠠᠷ ᠢ᠋ ᠬᠡᠯᠮᠡᠭᠳᠡᠭᠦᠯᠵᠦ᠂《ᠠᠮᠢ》 ᠢᠯᠠᠭᠰᠠᠨ ᠪᠠᠢᠵᠤ ᠪᠣᠯᠤᠨᠠ᠃ ᠺᠠᠫᠢᠲ᠋ᠠᠯᠢᠽᠮ ᠰᠣᠼᠢᠶᠠᠯᠢᠽᠮ ᠢ᠋ ᠨᠤᠭᠤᠰᠤᠯᠠᠬᠤ ᠳ᠋ᠠᠭᠠᠨ ᠠᠬᠤᠢ ᠨᠢ ᠤᠬᠠᠮᠰᠠᠷ ᠠᠮᠢ ᠬᠣᠶᠠᠷ ᠢ᠋ ᠭᠤᠲᠤᠭᠠᠨ ᠨᠢᠷᠭᠡᠭᠰᠡᠨ ᠪᠠᠢᠵᠤ ᠪᠣᠯᠤᠨᠠ᠃ ᠭᠤᠷᠪᠠᠯ ᠣᠨᠣᠯ ᠤ᠋ᠨ ᠶᠣᠰᠣᠭᠠᠷ ᠪᠣᠯ ᠶᠡᠷᠦ ᠡᠴᠡ ᠪᠡᠨ ᠣᠺᠲ᠋ᠢᠶᠠᠪᠧᠷ ᠦ᠋ᠨ ᠬᠤᠪᠢᠰᠬᠠᠯ ᠢ᠋ ᠥᠳᠥᠭᠡᠬᠦ ᠦᠭᠡᠢ᠂ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠲᠡᠢᠨ ᠢ᠋ ᠳᠡᠭᠳᠡᠭᠡᠬᠦ ᠦᠭᠡᠢ᠂ ᠰᠣᠼᠢᠶᠠᠯᠢᠽᠮ1990— ᠭᠡᠳ ᠣᠨ ᠳ᠋ᠤ᠌ ᠰᠥᠬᠥᠷᠡᠬᠦ ᠦᠭᠡᠢ ᠪᠠᠢᠬᠤ ᠨᠥᠬᠥᠴᠡᠯ ᠪᠣᠯᠤᠮᠵᠢ ᠪᠠᠢᠭᠰᠠᠨ ᠪᠠᠢᠵᠤ ᠲᠠᠭᠠᠷᠠᠨᠠ᠃ ᠡᠨᠡᠴᠢᠯᠡᠨ1917 ᠣᠨ ᠳ᠋ᠤ᠌ ᠬᠠᠭᠠᠨᠲᠤ ᠵᠠᠰᠠᠭ᠂1945 ᠣᠨ ᠳ᠋ᠤ᠌ ᠹᠡᠱ᠌ᠢᠰᠲ᠋ ᠭᠧᠷᠮᠠᠨ᠂1990 ᠣᠨ ᠳ᠋ᠤ᠌ ᠺᠣᠮᠮᠤᠢᠨᠢᠰᠲ ᠦᠵᠡᠯ ᠢᠯᠠᠵᠤ ᠪᠣᠯᠬᠤ ᠮᠠᠭᠠᠳᠯᠠᠯ ᠪᠠᠰᠠ ᠲᠦᠭᠡᠮᠡᠯ ᠪᠠᠢᠵᠠᠢ᠃ ᠨᠠᠰᠤ ᠪᠣᠯ ᠵᠢᠮᠡ ᠪᠢᠰᠢ᠃ ᠵᠢᠮᠡ ᠭᠡᠳᠡᠭ ᠲᠤᠢᠯ ᠤ᠋ᠨ ᠣᠢᠯᠠᠭᠠᠯᠲᠠ᠃ ᠵᠥᠪᠬᠡᠨ ᠥᠨᠥᠳᠥᠷ ᠦ᠋ᠨ《ᠵᠥᠪ᠁ ᠲᠡᠢᠮᠦ》᠂《ᠪᠤᠷᠤᠭᠤ᠁ ᠦᠭᠡᠢ》 ᠭᠡᠮᠡᠨ ᠬᠠᠷᠢᠭᠤᠯᠲᠠ ᠲᠠᠢ《ᠢᠯᠠᠯᠲᠠ᠁ ᠬᠣᠵᠢᠮ᠁ ᠬᠥᠭᠵᠢᠯ》 ᠪᠣᠯ ᠵᠥᠪᠬᠡᠨ ᠥᠨᠥᠳᠥᠷ ᠦ᠋ᠨ《ᠦᠨᠡᠨ》 ᠭᠡᠭᠴᠢ ᠴᠡᠴᠡᠷᠬᠡᠯ ᠶᠦᠮ᠃ ᠸ· ᠢ· ᠯᠧᠨᠢᠨ6 ᠨᠠᠰᠤ ᠲᠠᠢ ᠳ᠋ᠠᠭᠠᠨ ᠬᠢᠵᠢᠭ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠦᠬᠦᠭᠰᠡᠨ ᠪᠣᠯ ᠠ· ᠭᠢᠲ᠋ᠯᠧᠷ19 ᠨᠠᠰᠤ ᠲᠠᠢ ᠳ᠋ᠠᠭᠠᠨ ᠴᠡᠷᠢᠭ ᠲᠦ ᠠᠬᠠᠯᠠᠬᠤ ᠴᠡᠷᠢᠭ ᠲᠦ ᠳᠢᠭᠯᠡᠭᠦᠯᠦᠭᠡᠳ ᠦᠬᠦᠭᠰᠡᠨ ᠪᠣᠯ᠂ ᠮ᠂ ᠰ· ᠭᠤᠷᠪᠠᠴᠶᠦᠸ ᠬᠠᠮᠲᠤᠷᠠᠯ ᠤ᠋ᠨ ᠳᠠᠷᠤᠭᠠ ᠠ᠋ᠴᠠ ᠠᠪᠤᠭᠠᠢ ᠶ᠋ᠢᠨ ᠠᠰᠠᠭᠤᠳᠠᠯ ᠢ᠋ᠶ᠋ᠠᠷ ᠬᠥᠭᠡᠭᠡᠭᠳᠡᠭᠰᠡᠨ ᠪᠣᠯ ᠥᠨᠥᠳᠥᠷ ᠳᠡᠯᠡᠬᠡᠢ ᠶ᠋ᠢᠨ ᠶᠢᠷᠲᠢᠨᠴᠦ ᠶᠠᠭᠤ ᠭᠡᠭᠴᠢ ᠢᠯᠠᠯᠲᠠ ᠲᠠᠢ ᠰᠠᠭᠤᠬᠤ ᠪᠠᠢᠭᠰᠠᠨ ᠪᠣᠯ ᠳᠠ᠃ ᠭᠤᠷᠪᠠᠯ ᠣᠨᠣᠯ ᠤ᠋ᠨ ᠢᠷᠡᠭᠡᠳᠦᠢ ᠬᠢᠵᠠᠭᠠᠷ ᠦᠭᠡᠢ ᠴᠦ᠍ ᠶᠠᠭᠤᠮᠠᠰ ᠦᠵᠡᠭᠳᠡᠯ ᠪᠦᠬᠦᠨ ᠨᠠᠰᠤ ᠭᠡᠳᠡᠭ ᠲᠣᠭᠠᠯᠠᠭᠤᠷ ᠲᠠᠢ᠁ ᠵᠢᠮᠡ ᠭᠡᠳᠡᠭ ᠬᠢᠵᠠᠭᠠᠷ ᠲᠠᠢ᠃ ᠭᠡᠲᠡᠯᠡ ᠨᠠᠰᠤ ᠭᠡᠳᠡᠭ ᠬᠠᠷᠢᠴᠠᠩᠭᠤᠢ᠁ ᠵᠢᠮᠡ ᠭᠡᠳᠡᠭ ᠴᠦ᠍ ᠪᠠᠰᠠ ᠯᠠ ᠬᠠᠷᠢᠴᠠᠩᠭᠤᠢ ᠶᠤᠮ ᠪᠢᠯᠡ ᠤᠤ᠃ ᠡᠳᠡᠭᠡᠷ ᠠᠰᠠᠭᠤᠳᠠᠯ ᠤ᠋ᠨ ᠦᠨᠡᠨ ᠬᠠᠷᠢᠭᠤ ᠶ᠋ᠢ4042 ᠣᠨ ᠳ᠋ᠤ᠌340 ᠨᠠᠰᠤ ᠲᠠᠢ ᠵᠠᠯᠠᠭᠤ ᠡᠷᠳᠡᠮᠲᠡᠨ ᠨᠡᠭᠡᠭᠡᠬᠦ ᠴᠤ᠌ ᠶᠤᠮ ᠪᠢᠯᠡ ᠤᠤ᠁ ᠪᠤᠤ ᠮᠡᠳᠡ ᠪᠠᠢᠨᠠ᠃
ᠤᠬᠠᠭᠠᠨᠲᠤ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠬᠤᠪᠢ ᠵᠠᠶᠠᠭᠠ ᠡᠬᠡ ᠶ᠋ᠢᠨ ᠠᠯᠲᠠᠨ ᠬᠡᠪᠡᠯᠢ᠂ ᠠᠩᠭᠢᠷ ᠰᠢᠷᠠ ᠤᠭᠤᠷᠠᠭ᠂ ᠠᠷᠢᠭᠤᠨ ᠡᠯᠪᠡᠷᠢᠯ᠂ ᠬᠠᠢᠷᠠ ᠠ᠋ᠴᠠ ᠤᠶᠠᠭᠠ ᠲᠠᠢ ᠪᠢᠯᠡ᠃ ᠡᠨᠡ ᠨᠢ ᠥᠪᠡᠷ ᠲᠦ᠍ ᠡᠬᠡ ᠶ᠋ᠢᠨ ᠠᠴᠢ᠂ ᠦᠷᠡ ᠶ᠋ᠢᠨ ᠡᠬᠡ᠂ ᠬᠠᠨᠢ ᠶ᠋ᠢᠨ ᠠᠴᠢ᠂ ᠦᠷᠡ ᠶ᠋ᠢᠨ ᠬᠠᠨ᠂ ᠪᠡᠷᠢ ᠶ᠋ᠢᠨ ᠠᠴᠢ ᠭᠤᠷᠪᠠᠯ ᠶᠤᠮ᠃ ᠡᠷᠡ ᠬᠥᠮᠦᠨ ᠦ᠌ ᠨᠠᠰᠤᠨ ᠤ᠋ ᠹᠢᠯᠣᠰᠣᠹᠢ ᠡᠨᠡ ᠠᠵᠠᠢ᠃ ᠡᠢᠮᠦ ᠤᠴᠢᠷ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠪᠣᠯᠤᠨ ᠤᠷᠲᠤ ᠶ᠋ᠢᠨ ᠤᠶᠠᠩᠭᠠᠲᠤ ᠳᠠᠭᠤᠤ ᠨᠤᠭᠤᠳ ᠡᠨᠡ ᠯᠡ ᠹᠢᠯᠣᠰᠣᠹᠢ ᠶ᠋ᠢ ᠦᠶᠡ ᠡᠴᠡ ᠦᠶᠡ ᠳ᠋ᠦ᠍ ᠵᠢᠷᠦᠬᠡᠨ ᠡᠴᠡ ᠵᠢᠷᠦᠬᠡᠨ ᠳ᠋ᠦ᠍ ᠳᠠᠮᠵᠢᠭᠤᠯᠳᠠᠭ ᠪᠠᠢᠵᠠᠢ᠃ ᠡᠨᠡ ᠯᠡ ᠰᠡᠳᠬᠢᠯ ᠡᠮᠡᠭᠲᠡᠢᠴᠦᠳ ᠢ᠋ ᠦᠯᠦ ᠢᠯᠭᠠᠪᠤᠷᠢᠯᠠᠬᠤ ᠭᠦᠨ ᠤᠬᠠᠭᠠᠨ ᠤ᠋ ᠦᠨᠡᠮᠰᠢᠯ ᠢ᠋ ᠬᠡᠪᠰᠢᠭᠦᠯᠵᠦ ᠬᠡᠪ ᠶᠣᠰᠣ᠂ ᠬᠠᠤᠯᠢ ᠴᠠᠭᠠᠵᠠ ᠪᠠᠷ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠵᠤ ᠢᠷᠡᠭᠰᠡᠨ ᠮᠣᠩᠭᠣᠯ ᠤ᠋ᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ᠋ ᠳᠠᠷᠬᠠᠯᠠᠵᠠᠢ᠃ ᠭᠤᠷᠪᠠᠯ ᠣᠨᠣᠯ ᠤ᠋ᠨ《ᠡᠴᠢᠭᠡ ᠡᠬᠡ ᠦᠷᠡ》 ᠭᠤᠷᠪᠠᠨ ᠬᠡᠯᠬᠢᠶᠡᠨ ᠦ᠌ ᠪᠣᠳᠠᠲᠤ ᠪᠠᠢᠳᠠᠯ ᠡᠨᠡ ᠶᠦᠮ᠃
ᠭᠤᠸᠠ ᠮᠠᠷᠠᠯ᠂ ᠮᠣᠩᠭᠣᠯᠵᠢᠨ᠂ ᠠᠯᠤᠩᠭᠤᠸᠠ᠂ ᠥᠭᠡᠯᠦᠨ᠂ ᠪᠥᠷᠲᠡ᠂ ᠶᠢᠰᠦᠢ᠂ ᠰᠤᠷᠬᠠᠭᠲᠠᠨᠢ᠂ ᠳ᠋ᠥ᠋ᠷᠭᠡᠨᠡ᠁ ᠮᠠᠨᠳᠤᠬᠠᠢ ᠭᠡᠳ ᠣᠯᠠᠨ ᠬᠠᠲᠤᠳ ᠤ᠋ᠨ ᠭᠠᠪᠢᠶᠠ ᠲᠡᠦᠬᠡᠨᠡ ᠥᠩᠭᠡᠷᠡᠭᠰᠡᠨ ᠨᠢ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠮᠣᠩᠭᠣᠯ ᠹᠢᠯᠣᠰᠣᠹᠢ ᠶ᠋ᠢᠨ ᠪᠤᠶᠠᠨ ᠪᠣᠯᠤᠨᠠ᠃ ᠡᠨᠡ ᠨᠢ ᠤᠬᠠᠭᠠᠨ ᠳ᠋ᠤ᠌ ᠰᠠᠭᠤᠷᠢᠯᠠᠭᠰᠠᠨ ᠠ᠋ᠴᠠ《ᠶᠡᠬᠡ ᠴᠠᠭᠠᠵᠠ》 ᠬᠢᠭᠡᠳ ᠬᠣᠵᠢᠮ ᠤ᠋ᠨ ᠬᠠᠤᠯᠢ ᠨᠤᠭᠤᠳ ᠡᠮᠡᠭᠲᠡᠢᠴᠦᠳ ᠦ᠋ᠨ ᠡᠷᠬᠡ ᠶ᠋ᠢ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠵᠤ《ᠬᠥᠨᠵᠢᠯᠡ ᠶ᠋ᠢᠨ ᠦᠵᠦᠭᠦᠷ ᠡᠴᠡ ᠲᠠᠲᠠᠬᠤ》 ᠠᠬᠤᠯᠠ ᠴᠡᠭᠡᠷᠯᠡᠯ ᠳ᠋ᠦ᠍ ᠬᠦᠷᠬᠦ ᠠᠷᠢᠭᠤᠨ ᠳ᠋ᠤ᠌ ᠲᠣᠭᠠᠴᠢᠵᠠᠢ᠃ ᠬᠠᠭᠠᠨ ᠪᠣᠯᠤᠭᠰᠠᠨ ᠴᠤ᠌ ᠡᠵᠢ ᠡᠴᠡ ᠪᠡᠨ ᠡᠮᠢᠶᠡᠨ ᠢᠴᠢᠩᠭᠦᠷᠡᠵᠦ ᠠᠭᠰᠠᠨ ᠡᠵᠡᠨ ᠴᠢᠩᠭᠢᠰ ᠬᠠᠮᠤᠭ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠠᠶᠠᠨ ᠲᠡᠢᠨ ᠳ᠋ᠦ᠍ ᠭᠡᠷᠭᠡᠢ ᠶᠢᠰᠦᠢ ᠶ᠋ᠢᠨ ᠢ᠋ᠶ᠋ᠡᠨ ᠮᠡᠷᠭᠡᠨ ᠤᠬᠠᠭᠠᠨ ᠳ᠋ᠤ᠌ ᠪᠢᠰᠢᠷᠡᠵᠦ ᠬᠥᠮᠦᠨ ᠦ᠌ ᠨᠤᠲᠤᠭ ᠲᠤ᠌ ᠴᠤ᠌ ᠬᠠᠨᠢ ᠶ᠋ᠢᠨ ᠬᠠᠯᠠᠮᠵᠢ ᠳᠤᠮᠳᠠ ᠬᠠᠯᠢᠭᠰᠠᠨ ᠪᠢᠯᠡ᠃ ᠲᠡᠷᠡ ᠪᠡᠷ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍《ᠲᠥᠷᠥ᠂ ᠨᠡᠷᠡ᠂ ᠡᠷᠡ》 ᠭᠤᠷᠪᠠᠨ ᠡᠷᠬᠢᠮ ᠪᠠᠢᠬᠤ ᠶᠣᠰᠣᠲᠠᠢ ᠶ᠋ᠢ ᠨᠣᠮᠯᠠᠵᠠᠢ᠃ ᠡᠮᠡᠭᠲᠡᠢ ᠬᠥᠮᠦᠨ ᠳ᠋ᠦ᠍ ᠰᠢᠲᠦᠭᠡᠨ ᠲᠠᠬᠢᠯᠭᠠ ᠶ᠋ᠢᠨ ᠵᠢᠷᠤᠮ ᠤ᠋ᠨ ᠳᠠᠷᠬᠠᠨ ᠡᠷᠬᠡ ᠢᠯᠡᠭᠦᠦ ᠶᠡᠬᠡ ᠪᠣᠢ ᠨᠢ ᠭᠠᠮᠰᠢᠭ ᠶᠤᠮ᠃᠃ ᠬᠥᠮᠦᠨ ᠦ᠌ ᠨᠠᠰᠤᠨ ᠤ᠋ ᠲᠤᠬᠠᠢ ᠭᠤᠷᠪᠠᠯ ᠣᠨᠣᠯ ᠳ᠋ᠠᠬᠢ ᠭᠦᠨ ᠤᠬᠠᠭᠠᠨ ᠤ᠋ ᠤᠳᠬᠠ ᠨᠢ ᠬᠠᠢᠷᠠ᠂ ᠡᠬᠡ ᠶ᠋ᠢᠨ ᠬᠠᠢᠷᠠ᠂ ᠡᠨᠡ ᠬᠠᠢᠷᠠ ᠠ᠋ᠴᠠ ᠤᠷᠭᠤᠬᠤ ᠨᠢᠩᠵᠢᠨ ᠰᠡᠳᠬᠢᠯ ᠦ᠋ᠨ ᠪᠤᠶᠠᠨ᠂ ᠠᠮᠢᠨ ᠬᠠᠢᠷᠠ ᠠᠪᠠᠢ᠃ ᠡᠢᠮᠦ ᠶ᠋ᠢᠨ ᠤᠴᠢᠷ ᠮᠣᠩᠭᠣᠯ ᠡᠬᠡᠴᠦᠳ ᠦᠷᠡ ᠪᠡᠨ ᠪᠤᠤ ᠠᠶᠠᠯᠵᠤ(ᠪᠤᠤ ᠠᠶᠤ ᠪᠤᠶᠤ ᠪᠦᠪᠡᠢ) ᠶᠤᠮᠰᠠᠨᠵᠠᠢ᠃ ᠡᠴᠢᠭᠡ ᠬᠥᠮᠦᠨ ᠴᠦ᠍ ᠡᠬᠡ ᠶ᠋ᠢᠨ ᠦᠷᠡ ᠲᠤᠯᠠ ᠨᠠᠰᠤᠨ ᠤ᠋ ᠤᠴᠢᠷ ᠬᠣᠯᠪᠣᠭᠳᠠᠯ ᠡᠬᠡ ᠬᠥᠮᠦᠨ ᠪᠣᠯᠠᠢ᠃ ᠡᠬᠡ ᠬᠥᠮᠦᠨ ᠰᠠᠮᠠᠭᠤᠨ ᠠᠬᠤᠯᠠ ᠠᠢᠯ ᠭᠡᠷ᠂ ᠠᠮᠢ ᠪᠡᠶᠡ᠂ ᠠᠬᠤ ᠲᠥᠷᠥ ᠪᠦᠭᠦᠳᠡ ᠰᠠᠮᠠᠭᠤᠷᠠᠬᠤ ᠲᠤᠯᠠ ᠡᠮᠡ ᠬᠥᠮᠦᠨ ᠦ᠌ ᠵᠢᠷᠤᠮ ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠶ᠋ᠢᠨ ᠨᠠᠰᠤᠨ ᠤ᠋ ᠠᠮᠢᠨ ᠤᠴᠢᠷ ᠠᠵᠠᠢ᠃ ᠡᠮᠡ ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠪᠠᠰᠠ ᠡᠵᠢ ᠶ᠋ᠢᠨ ᠦᠷᠡ᠃ ᠡᠬᠡ ᠭᠡᠳᠡᠭ ᠦᠭᠡ ᠶ᠋ᠢᠨ ᠤᠬᠠᠭᠠᠨ ᠨᠢ ᠹᠢᠯᠣᠰᠣᠹᠢ《ᠡᠬᠡ》 ᠪᠣᠯᠤᠨᠠ᠃ ᠡᠮᠡᠭᠲᠡᠢ ᠬᠥᠮᠦᠨ ᠢ᠋ ᠭᠣᠮᠣᠳᠠᠭᠠᠭᠰᠠᠨ ᠬᠥᠮᠦᠨ ᠡᠨᠡ ᠨᠠᠰᠤᠨ ᠳ᠋ᠠᠭᠠᠨ ᠥᠭᠡᠳᠡᠯᠡᠳᠡᠭ ᠦᠭᠡᠢ ᠰᠤᠷᠭᠠᠯ ᠤ᠋ᠨ ᠤᠴᠢᠷ ᠡᠨᠡ ᠪᠣᠯᠠᠢ᠃
ᠦᠨᠳᠦᠰᠦᠨ ᠦ᠌ ᠭᠦᠨ ᠤᠬᠠᠭᠠᠨ᠂ ᠰᠣᠶᠣᠯ ᠲᠡᠦᠬᠡ᠂ ᠶᠣᠰᠣ ᠵᠠᠩᠰᠢᠯ ᠢ᠋ ᠡᠰᠡ ᠬᠠᠢᠬᠤᠷᠤᠭᠰᠠᠨ ᠠ᠋ᠴᠠ ᠣᠢᠯᠠᠭᠠᠯᠲᠠ ᠨᠢ ᠲᠠᠰᠢᠶᠠᠷᠠᠬᠤ ᠶᠡᠬᠡ ᠳᠤᠲᠠᠭᠳᠠᠯ ᠭᠠᠳᠠᠭᠠᠳᠤ ᠶ᠋ᠢᠨ ᠲᠡᠳᠦᠢ ᠦᠭᠡᠢ《ᠮᠣᠩᠭᠣᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠ》᠂《ᠶᠡᠬᠡ ᠵᠠᠰᠠᠭ》 ᠵᠡᠷᠭᠡ ᠳ᠋ᠦ᠍ ᠬᠠᠨᠳᠤᠬᠤ ᠮᠠᠨ ᠤ᠋ ᠡᠷᠳᠡᠮᠲᠡᠨ ᠨᠠᠷ ᠲᠤ᠌ ᠴᠤ᠌ ᠡᠯᠪᠡᠭ ᠪᠣᠯᠵᠠᠢ᠃ ᠡᠨᠳᠡ《ᠰᠦᠢ》 ᠶᠣᠰᠣᠨ ᠢ᠋ ᠥᠬᠢᠳ ᠡᠮᠡᠭᠲᠡᠢᠴᠦᠦᠯ ᠢ᠋ᠶ᠋ᠡᠨ ᠬᠤᠳᠠᠯᠳᠤᠳᠠᠭ ᠭᠡᠰᠡᠨ ᠬᠠᠴᠢᠷᠬᠠᠮᠠᠷ ᠨᠢᠳᠦ ᠪᠡᠷ ᠬᠠᠷᠠᠳᠠᠭ ᠵᠢᠱ᠌ᠢᠶᠡ ᠶᠦᠮ᠃ ᠮᠠᠷᠺᠣ ᠫᠣᠯᠣ᠋᠂ ᠫᠯᠡᠨᠣ᠋ ᠺᠡᠷᠫᠢᠨᠢ᠂ ᠸ᠂ ᠷᠦᠪᠷᠥ᠋ᠺ ᠨᠠᠷ ᠤ᠋ᠨ ᠲᠡᠮᠳᠡᠭᠯᠡᠯ ᠡᠴᠡ ᠡᠬᠢᠯᠡᠵᠦ ᠨᠡᠭᠦᠳᠡᠯᠴᠢᠳ ᠦ᠋ᠨ ᠪᠤᠰᠤᠳ《ᠪᠦᠳᠦᠭᠦᠯᠢᠭ》 ᠵᠠᠩ ᠦᠢᠯᠡ ᠶ᠋ᠢᠨ ᠨᠢᠭᠡᠨ ᠪᠣᠯᠵᠤ ᠰᠤᠷᠲᠠᠯᠴᠢᠯᠠᠭᠳᠠᠭᠰᠠᠨ ᠠᠵᠠᠢ᠃ ᠮᠣᠩᠭᠣᠯ ᠤ᠋ᠨ ᠪᠤᠷᠬᠠᠨ ᠣᠢᠯᠠᠭᠠᠯᠲᠠ ᠨᠠᠵᠠᠭᠠᠢ᠂ ᠡᠳᠦᠭᠡᠨ ᠭᠡᠬᠦ ᠪᠡᠯᠭᠡ ᠣᠩᠭᠣᠨ ᠪᠦᠬᠦᠨ ᠡᠮᠡ ᠬᠦᠢᠰᠦ ᠲᠡᠢ(ᠮᠠᠷᠺᠣ ᠫᠤᠯᠣ᠋ ᠴᠤ᠌ ᠣᠨᠴᠠᠯᠠᠭᠰᠠᠨ) ᠲᠡᠳᠦᠢ ᠦᠭᠡᠢ ᠭᠠᠯ(ᠡᠷᠦᠬᠡ ᠠᠢᠯ)᠂ ᠨᠠᠷᠠ(ᠡᠬᠡ)᠂ ᠰᠠᠷᠠ(ᠡᠷᠡ) ᠰᠦᠯᠳᠡ ᠲᠠᠬᠢᠯᠭᠠ ᠲᠠᠢ ᠶ᠋ᠢ ᠮᠠᠷᠲᠠᠵᠤ ᠦᠯᠦ ᠪᠣᠯᠤᠨᠠ᠃ ᠰᠠᠷᠠᠨ ᠤ᠋ ᠡᠬᠡ ᠨᠠᠷᠠ ᠭᠡᠮᠡᠨ ᠰᠦᠯᠲᠠᠨ ᠳ᠋ᠠᠭᠠᠨ ᠳᠡᠭᠡᠳᠦᠯᠡᠭᠰᠡᠨ ᠨᠢ ᠴᠦ᠍ ᠤᠳᠬᠠ ᠤᠴᠢᠷ ᠲᠡᠭᠦᠰ ᠠᠵᠠᠢ᠃ ᠠᠢᠯ ᠤ᠋ᠨ ᠵᠡᠭᠦᠨ ᠲᠠᠯᠠ ᠨᠠᠷᠠᠨ ᠮᠠᠨᠳᠤᠬᠤ ᠴᠢᠭ ᠲᠤᠯᠠ ᠪᠡᠷᠢ ᠬᠥᠮᠦᠨ ᠡᠵᠡᠮᠰᠢᠨᠡ᠃ ᠬᠠᠳᠠᠮ ᠤ᠋ᠨ ᠭᠡᠷ ᠦ᠋ᠨ ᠪᠠᠷᠠᠭᠤᠨ ᠲᠠᠯᠠ ᠳ᠋ᠤ᠌ ᠭᠠᠷᠬᠤ ᠴᠡᠭᠡᠷ ᠲᠡᠢ᠃ ᠡᠨᠡ ᠨᠢ ᠬᠠᠳᠠᠮ ᠤ᠋ᠨ ᠭᠣᠯᠣᠮᠲᠠ ᠶ᠋ᠢᠨ ᠤᠭ ᠡᠬᠡ ᠵᠢᠷᠭᠠᠵᠤ ᠰᠢᠪᠲᠤᠷᠠᠬᠤ ᠶᠣᠷᠣᠯᠠᠯ᠂ ᠪᠠᠷᠤᠭ ᠬᠠᠷᠢᠶᠠᠯ ᠭᠡᠰᠡᠨ ᠤᠳᠬᠠ᠃ ᠠᠢᠯ ᠤ᠋ᠨ ᠭᠠᠯ ᠭᠣᠯᠣᠮᠲᠠ ᠳ᠋ᠤ᠌ ᠪᠡᠷᠢ ᠬᠥᠮᠦᠨ ᠨᠠᠷᠠᠨ ᠤᠷᠭᠤᠬᠤ ᠵᠦᠭ ᠡᠴᠡ ᠮᠥᠷᠭᠥᠳᠡᠭ ᠨᠢ ᠲᠡᠷᠡ ᠣᠪᠣᠭ ᠠᠢᠯ ᠤ᠋ᠨ ᠮᠠᠨᠳᠠᠯ ᠪᠠᠳᠠᠷᠠᠯ ᠤ᠋ᠨ ᠡᠬᠡ ᠢᠷᠡᠪᠡ ᠭᠡᠰᠡᠨ ᠪᠡᠯᠭᠡᠳᠡᠯ᠃ ᠡᠢᠮᠦ ᠬᠦᠨᠳᠦᠲᠦ ᠬᠥᠮᠦᠨ ᠢ᠋ ᠥᠰᠬᠡᠭᠰᠡᠨ ᠡᠴᠢᠭᠡ ᠡᠬᠡ ᠶ᠋ᠢᠨ ᠬᠠᠢᠷᠠ ᠶ᠋ᠢ ᠦᠨᠡᠯᠡᠭᠰᠡᠨ ᠨᠢ ᠰᠦᠢ ᠪᠥᠭᠡᠳ ᠥᠬᠢᠨ ᠦ᠌ ᠦᠨᠡ ᠬᠥᠮᠦᠨ ᠳ᠋ᠦ᠍ ᠶᠡᠬᠡ ᠲᠣᠰᠤᠮ ᠰᠦᠢ(ᠰᠦ ᠬᠠᠷᠢᠭᠤ) ᠨᠢ ᠶᠡᠬᠡ᠃ ᠬᠦᠦ ᠬᠥᠮᠦᠨ ᠪᠣᠯ ᠡᠴᠢᠭᠡ ᠡᠬᠡ ᠪᠡᠨ ᠨᠠᠰᠤᠨ ᠲᠤᠷᠰᠢᠲᠠ ᠪᠠᠨ ᠳᠡᠷᠭᠡᠳᠡ ᠪᠡᠨ ᠡᠷᠭᠦᠬᠦ ᠵᠢᠮᠡ ᠲᠡᠢ᠃ ᠬᠠᠷᠢ ᠳ᠋ᠤ᠌ ᠣᠴᠢᠭᠰᠠᠨ ᠪᠡᠷᠢ ᠬᠠᠳᠠᠨ ᠳ᠋ᠤ᠌ ᠬᠠᠷᠪᠤᠭᠰᠠᠨ ᠰᠤᠮᠤ ᠠᠳᠠᠯᠢ ᠲᠤᠯᠠ ᠪᠦᠰᠡᠭᠦᠢ ᠬᠥᠮᠦᠨ ᠡᠷᠡ ᠶ᠋ᠢᠨ ᠣᠪᠣᠭ ᠤ᠋ᠨ ᠡᠷᠳᠡᠨᠢ ᠪᠣᠯᠵᠤ ᠬᠠᠳᠠᠮ ᠤ᠋ᠨ ᠭᠠᠯ ᠳ᠋ᠤ᠌ ᠮᠥᠷᠭᠥᠳᠡᠭ ᠬᠠᠤᠯᠢ᠃ ᠲᠡᠢᠮᠦ ᠡᠴᠡ ᠲᠡᠷᠡ ᠰᠦᠨ ᠬᠠᠷᠢᠭᠤ ᠰᠦᠢ ᠬᠥᠷᠥᠩᠭᠡ ᠨᠢ ᠥᠬᠢᠨ ᠦᠷᠡ ᠶ᠋ᠢᠨ ᠠᠴᠢᠯᠠᠯ ᠲᠥᠯᠥᠭᠡᠯᠡᠬᠦ ᠪᠤᠶᠠᠨ ᠬᠡᠰᠢᠭ ᠪᠣᠯᠠᠢ᠃ ᠰᠠᠷᠠᠨ ᠡᠵᠢ ᠭᠡᠳᠡᠭ ᠦᠭᠡ ᠬᠢᠵᠠᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠨᠳᠡᠭᠦᠦ᠂ ᠡᠨᠡ ᠨᠢ ᠰᠠᠷᠠᠨ ᠤ᠋ ᠡᠵᠢ ᠨᠠᠷᠠᠨ ᠭᠤᠸᠠ ᠡᠬᠡ ᠭᠡᠰᠡᠨ ᠦᠭᠡ ᠶ᠋ᠢᠨ ᠲᠠᠰᠢᠶᠠ ᠤᠳᠬᠠ ᠶᠤᠮ᠃ ᠵᠥᠪ ᠨᠢ ᠨᠠᠷᠠᠨ ᠡᠵᠢ ᠡᠷᠭᠦᠮᠵᠢᠯᠡᠯ ᠪᠣᠯᠤᠨᠠ᠃ ᠦᠯᠢᠭᠡᠷ ᠳᠣᠮᠣᠭ ᠲᠡᠦᠬᠡ ᠪᠠᠲᠤᠯᠠᠨᠠ᠃ ᠭᠡᠲᠡᠯᠡ ᠡᠨᠡ ᠮᠡᠲᠦ ᠭᠦᠨ ᠤᠬᠠᠭᠠᠨ ᠢ᠋ ᠡᠰᠡ ᠮᠡᠳᠡᠵᠦ ᠡᠮᠡ ᠬᠥᠮᠦᠨ ᠭᠡᠷ ᠦ᠋ᠨ ᠵᠡᠭᠦᠨ ᠲᠠᠯᠠ ᠶ᠋ᠢᠨ ᠡᠷᠬᠡ ᠲᠡᠢ ᠭᠠᠯ ᠲᠣᠭᠣᠭᠠᠨ ᠤ᠋ ᠬᠥᠮᠦᠨ ᠨᠡᠷᠡ ᠲᠡᠢ᠂ ᠬᠠᠳᠠᠮ ᠤ᠋ᠨ ᠪᠠᠷᠠᠭᠤᠨ ᠳ᠋ᠤ᠌ ᠭᠠᠷᠬᠤ(ᠭᠠᠳᠠᠭᠤᠷ ᠴᠤ᠌) ᠡᠷᠬᠡ ᠦᠭᠡᠢ ᠳᠠᠷᠤᠯᠠᠭᠳᠠᠵᠤ ᠪᠠᠢᠪᠠ᠁ ᠬᠤᠳᠠᠯᠳᠤᠭᠳᠠᠵᠤ ᠪᠠᠢᠪᠠ᠁ ᠭᠡᠵᠦ ᠰᠤᠷᠲᠠᠯᠳᠠᠬᠤ ᠨᠢ ᠦᠨᠳᠦᠰᠦᠨ ᠦ᠌ ᠶᠣᠰᠣ ᠪᠠᠨ ᠦᠯᠦ ᠮᠡᠳᠡᠭᠴᠢ ᠶ᠋ᠢᠨ ᠬᠣᠭᠣᠰᠣᠨ ᠦᠭᠡ ᠪᠣᠯᠤᠨᠠ᠃ ᠡᠨᠡ ᠮᠡᠲᠦ ᠭᠠᠰᠢᠭᠤᠨ ᠬᠠᠭᠤᠷᠮᠠᠭ ᠮᠡᠳᠡᠭᠡ ᠲᠠᠢᠯᠪᠤᠷᠢ ᠳᠡᠭᠡᠷᠡᠬᠢ ᠵᠢᠭᠤᠯᠴᠢᠳ ᠤ᠋ᠨ ᠲᠡᠮᠳᠡᠭᠯᠡᠯ᠂《ᠶᠡᠬᠡ ᠵᠠᠰᠠᠭ》 ᠬᠠᠤᠯᠢ ᠶ᠋ᠢᠨ ᠰᠤᠳᠤᠯᠤᠯ᠂《ᠮᠣᠩᠭᠣᠯ ᠶᠣᠰᠣ ᠵᠠᠩᠰᠢᠯ ᠤ᠋ᠨ ᠲᠣᠯᠢ》 ᠵᠡᠷᠭᠡ ᠳ᠋ᠦ᠍ ᠴᠢᠭᠤᠯᠤᠭᠰᠠᠨ ᠢ᠋ ᠰᠥᠷᠬᠦ ᠶᠡᠬᠡ ᠰᠠᠨᠠᠭᠠ ᠳᠠᠷᠠᠭᠠ ᠶ᠋ᠢᠨ ᠨᠣᠮ ᠳ᠋ᠤ᠌ ᠣᠨᠣᠭᠳᠠᠭᠰᠠᠨ ᠢ᠋ ᠲᠠᠰᠢᠷᠠᠮ ᠳ᠋ᠤ᠌ ᠳᠤᠷᠠᠳᠰᠤᠭᠠᠢ᠃ ᠡᠮᠡ ᠬᠥᠮᠦᠨ ᠳ᠋ᠡᠭᠡᠨ ᠴᠠᠢ ᠢᠳᠡᠭᠡᠨ ᠦ᠌ ᠳᠡᠭᠡᠵᠢ ᠪᠡᠨ ᠪᠠᠷᠢᠳᠠᠭ᠂ ᠯᠤᠤᠰ ᠳᠡᠯᠡᠬᠡᠢ ᠳ᠋ᠡᠭᠡᠨ ᠰᠠᠴᠤᠯᠢ ᠡᠷᠭᠦᠳᠡᠭ ᠨᠢ ᠬᠠᠷᠢᠨ ᠴᠤ᠌ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠢᠯᠡᠭᠦᠦ ᠶᠡᠬᠡ ᠬᠦᠨᠳᠦᠳᠬᠡᠯ ᠣᠯᠳᠠᠭᠰᠠᠨ ᠤᠳᠬᠠ ᠪᠣᠯᠤᠨᠠ᠃ ᠤᠴᠢᠷ ᠨᠢ ᠨᠠᠷᠠᠨ ᠤ᠋ ᠪᠡᠯᠭᠡ᠂ ᠭᠠᠯ ᠪᠤᠷᠬᠠᠨ ᠤ᠋ ᠬᠡᠰᠢᠭ ᠢ᠋ ᠲᠦᠭᠡᠭᠡᠵᠦ ᠪᠣᠢ ᠪᠤᠶᠠᠨ ᠤ᠋ ᠡᠵᠡᠨ ᠡᠬᠡ ᠬᠥᠮᠦᠨ ᠶᠦᠮ᠃ ᠡᠷᠡ ᠬᠥᠮᠦᠨ ᠦ᠌ ᠬᠡᠢᠮᠣᠷᠢ ᠶ᠋ᠢ ᠳᠡᠭᠡᠳᠦᠯᠡᠬᠦ ᠨᠢ《ᠣᠯᠵᠠ ᠣᠯᠤᠭᠴᠢ》 ᠲᠤᠯᠠ᠂ ᠡᠷᠦᠬᠡ ᠶ᠋ᠢ ᠡᠷᠡ ᠬᠥᠮᠦᠨ ᠲᠡᠷᠢᠭᠦᠯᠡᠳᠡᠭ ᠨᠢ ᠦᠷᠡ ᠶ᠋ᠢᠨ ᠡᠰᠢ ᠡᠴᠢᠭᠡ᠂ ᠣᠨᠣᠯ ᠨᠢ ᠡᠬᠡ ᠲᠤᠯᠠ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠲᠡᠷᠡ ᠡᠷᠦᠬᠡ ᠳ᠋ᠦ᠍ ᠥᠭᠡᠷᠡ ᠡᠴᠢᠭᠡ ᠶ᠋ᠢᠨ ᠬᠡᠦᠬᠡᠳ ᠦᠯᠦ ᠮᠡᠨᠳᠦᠯᠡᠬᠦ ᠪᠠᠲᠤᠯᠠᠭᠠᠨ ᠤ᠋ ᠠᠷᠢᠭᠤᠨ ᠵᠢᠷᠤᠮ᠂ ᠴᠢᠰᠤ ᠨᠢᠭᠡ ᠤᠷᠤᠭ ᠤ᠋ᠨ ᠪᠡᠯᠭᠡᠳᠡᠯ ᠶᠦᠮ᠃ ᠡᠨᠡ ᠪᠦᠬᠦᠨ ᠢ᠋ ᠬᠦᠢᠰᠦ ᠶ᠋ᠢᠨ ᠢᠯᠭᠠᠪᠤᠷᠢᠯᠠᠯ ᠭᠡᠵᠦ ᠦᠵᠡᠬᠦ ᠡᠴᠡ ᠪᠡᠨ ᠪᠠᠢᠭᠠᠯᠢ ᠶ᠋ᠢᠨ ᠬᠠᠤᠯᠢ ᠳ᠋ᠤ᠌ ᠬᠠᠮᠢᠶᠠᠲᠤᠭᠤᠯᠬᠤ ᠦᠨᠡᠨ ᠪᠥᠯᠥᠭᠡ᠃ ᠡᠷᠡ ᠬᠥᠮᠦᠨ ᠡᠬᠡᠨᠡᠷ ᠦ᠋ᠨ ᠳᠡᠷᠭᠡᠳᠡ ᠭᠠᠯ ᠲᠣᠭᠣᠭᠠᠨ ᠳ᠋ᠤ᠌ ᠣᠷᠣᠯᠴᠠᠬᠤ ᠶ᠋ᠢ ᠨᠠᠷᠠᠨ ᠪᠡᠯᠭᠡᠲᠦ ᠭᠠᠯ ᠤ᠋ᠨ ᠪᠤᠷᠬᠠᠨ ᠢ᠋ᠶ᠋ᠠᠨ ᠳᠣᠣᠷᠠᠰᠢᠶᠠᠭᠰᠠᠨ ᠬᠡᠷᠡᠭ᠂ ᠡᠵᠡᠭᠦᠢ ᠳ᠋ᠦ᠍ ᠨᠢ ᠭᠠᠯ ᠲᠣᠭᠣᠭᠠ ᠶ᠋ᠢ ᠡᠷᠬᠢᠯᠡᠬᠦ ᠨᠢ ᠭᠠᠯ ᠤ᠋ᠨ ᠡᠵᠡᠨ ᠲᠡᠢ ᠶ᠋ᠢ ᠪᠠᠲᠤᠯᠠᠭᠰᠠᠨ ᠲᠥᠯᠥᠭᠡᠯᠡᠯ ᠶᠦᠮ᠃ ᠡᠨᠡ ᠤᠳᠠᠭᠠ ᠶ᠋ᠢ ᠡᠬᠡᠨᠡᠷ ᠬᠥᠮᠦᠨ ᠡᠴᠡ ᠵᠥᠪᠰᠢᠶᠡᠷᠡᠵᠦ ᠭᠠᠯ ᠳ᠋ᠠᠭᠠᠨ ᠳᠡᠭᠡᠵᠢ᠂ ᠲᠤᠯᠭᠠᠨ ᠳ᠋ᠠᠭᠠᠨ ᠬᠡᠰᠢᠭ᠂ ᠢᠷᠡᠭᠡᠳᠦᠢ ᠳ᠋ᠡᠭᠡᠨ ᠬᠤᠪᠢ ᠡᠷᠭᠦᠭᠰᠡᠨ ᠦ᠌ ᠳᠠᠷᠠᠭᠠ ᠡᠷᠡ ᠳ᠋ᠡᠭᠡᠨ ᠪᠠᠷᠢᠭᠰᠠᠨ ᠠᠷᠭᠠᠯ ᠢ᠋ ᠠᠪᠴᠤ ᠭᠠᠯ ᠳ᠋ᠠᠭᠠᠨ ᠬᠢᠵᠦ ᠤᠭ ᠠᠵᠢᠯ ᠢ᠋ ᠬᠦᠯᠢᠶᠡᠵᠦ ᠠᠪᠳᠠᠭ ᠶᠣᠰᠣᠲᠠᠢ ᠠᠵᠢ᠃ ᠡᠢᠮᠦ ᠳ᠋ᠦ᠍ ᠡᠷᠡ ᠬᠥᠮᠦᠨ ᠭᠡᠷ ᠬᠣᠲᠠᠨ ᠳ᠋ᠤ᠌ ᠠᠷᠭᠠᠯ ᠪᠠᠷᠢᠬᠤ ᠶ᠋ᠢ ᠴᠡᠭᠡᠷᠯᠡᠳᠡᠭ ᠠᠪᠠᠢ᠃ ᠡᠨᠡ ᠪᠦᠬᠦᠨ ᠴᠥᠮ ᠵᠠᠩ ᠵᠠᠩᠰᠢᠯ ᠪᠤᠰᠤ ᠤᠯᠠᠮᠵᠢᠯᠠᠯᠲᠤ ᠭᠦᠨ ᠤᠬᠠᠭᠠᠨ ᠤ᠋ ᠭᠠᠷᠭᠠᠯᠭᠠ ᠪᠣᠯᠠᠢ᠃ ᠰᠦᠯᠲᠠᠨ ᠳ᠋ᠤ᠌ ᠡᠷᠡ ᠪᠡᠯᠭᠡ ᠪᠣᠯᠬᠤ ᠰᠠᠷᠠᠨ ᠤ᠋ ᠳᠡᠭᠡᠷᠡ ᠨᠠᠷᠠ(ᠡᠬᠡ ᠪᠡᠯᠭᠡ) ᠭᠠᠯ(ᠪᠤᠷᠬᠠᠨ ᠲᠥᠷᠥ ᠪᠡᠯᠭᠡ) ᠣᠷᠣᠰᠢᠳᠠᠭ ᠨᠢ ᠳᠡᠭᠡᠳᠦᠯᠠᠯ ᠤ᠋ᠨ ᠳᠠᠷᠠᠭᠠᠯᠠᠯ ᠪᠣᠯᠤᠨᠠ᠃ ᠡᠨᠳᠡ ᠪᠡᠨ ᠡᠷᠡ— ᠭᠡᠷ— ᠲᠥᠷᠥ ᠭᠤᠷᠮᠤᠰᠤᠨ ᠬᠣᠯᠪᠣᠭᠠ ᠡᠭᠦᠰᠬᠦ ᠪᠥᠭᠡᠳ ᠡᠨᠡ ᠨᠢ《ᠭᠡᠷ》 ᠤᠭ ᠲᠠᠭᠠᠨ《ᠡᠮᠡ ᠪᠡᠯᠭᠡᠳᠡᠯ》 ᠲᠡᠢ ᠡᠷᠡ ᠡᠵᠡᠨ ᠲᠡᠢ ᠭᠡᠰᠡᠨ ᠤᠳᠬᠠ ᠴᠠᠴᠤᠷᠠᠭᠠᠨᠠ᠃ ᠡᠷᠡ ᠬᠥᠮᠦᠨ ᠭᠡᠷ ᠰᠠᠬᠢᠬᠤ ᠨᠢ ᠬᠡᠢᠮᠣᠷᠢ ᠦᠭᠡᠢ ᠶ᠋ᠢᠨ ᠰᠢᠨᠵᠢ ᠭᠡᠬᠦ ᠠᠭᠤᠯᠭᠠ ᠡᠨᠳᠡ ᠡᠴᠡ ᠡᠭᠦᠳᠦᠯ ᠲᠡᠢ ᠠᠪᠠᠢ᠃ ᠡᠢᠮᠦ ᠡᠴᠡ ᠬᠠᠭᠠᠳ ᠤ᠋ᠨ ᠬᠣᠭᠣᠷᠣᠨᠳᠣ ᠲᠥᠷᠥ ᠪᠠᠷᠢᠭᠰᠠᠨ ᠡᠬᠡᠴᠦᠳ ᠢ᠋ ᠬᠡᠯᠬᠢᠶᠡᠨ ᠳ᠋ᠦ᠍ ᠲᠣᠭᠠᠴᠠᠬᠤ ᠦᠭᠡᠢ᠂ ᠭᠠᠪᠢᠶᠠ ᠶ᠋ᠢ ᠨᠢ ᠮᠠᠷᠲᠠᠬᠤ ᠦᠭᠡᠢ ᠲᠣᠮᠣᠭᠯᠠᠬᠤ ᠪᠥᠯᠥᠭᠡ᠃ ᠡᠮᠡᠭᠲᠡᠢ ᠬᠥᠮᠦᠨ ᠰᠠᠢᠳ ᠪᠠᠢᠬᠤ ᠪᠢᠰᠢ ᠲᠥᠷᠥ ᠪᠤᠰᠤ ᠪᠠᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠲᠡᠷᠢᠭᠦᠨ᠂ ᠤᠷᠠᠯᠢᠭ᠂ ᠰᠣᠶᠣᠯ᠂ ᠰᠫᠣᠷᠲ᠂ ᠡᠷᠳᠡᠮ ᠦ᠋ᠨ ᠠᠯᠳᠠᠷᠲᠠᠨ ᠨᠤᠭᠤᠳ ᠪᠠᠢᠵᠤ ᠲᠥᠷᠥ ᠶ᠋ᠢᠨ ᠪᠤᠶᠠᠨ ᠭᠠᠪᠢᠶᠠ ᠡᠳ᠋ᠯᠡᠬᠦ ᠨᠢ ᠤᠯᠠᠮᠵᠢᠯᠠᠯ᠂ ᠪᠠᠰᠠ ᠰᠢᠨᠡᠴᠢᠯᠡᠯ ᠪᠤᠶᠤ᠃ ᠤᠯᠤᠰ ᠲᠥᠷᠥ ᠳ᠋ᠦ᠍ ᠡᠬᠡ ᠬᠥᠮᠦᠨ ᠣᠷᠣᠯᠴᠠᠨᠠ ᠭᠡᠳᠡᠭ ᠬᠤᠪᠢ ᠬᠥᠮᠦᠨ ᠦ᠌ ᠪᠡᠨ ᠬᠤᠪᠢ ᠳ᠋ᠤ᠌ ᠭᠤᠲᠤᠭᠠᠨ ᠳᠣᠷᠣᠮᠵᠢᠯᠠᠭᠳᠠᠬᠤ ᠲᠡᠦᠬᠡ ᠶ᠋ᠢᠨ ᠳᠣᠷᠣᠮᠵᠢᠯᠠᠯ ᠳ᠋ᠤ᠌ ᠥᠷᠲᠥᠬᠦ ᠡᠭᠦᠳᠡ ᠨᠡᠭᠡᠭᠡᠭᠳᠡᠪᠡ ᠭᠡᠵᠦ ᠬᠠᠮᠠᠭᠠᠯᠠᠬᠤ᠂ ᠥᠮᠥᠭᠯᠡᠬᠦ ᠠᠵᠢᠯ ᠤᠳᠠᠨᠠ ᠭᠡᠰᠡᠨ ᠦᠭᠡ᠃ ᠲᠥᠷᠥ ᠲᠡᠮᠦᠷ ᠨᠢᠭᠤᠷ ᠲᠠᠢ᠂ ᠪᠦᠰᠡᠭᠦᠢ ᠬᠥᠮᠦᠨ ᠠᠩᠭᠢᠷ ᠤᠭᠤᠷᠠᠭ ᠲᠠᠢ ᠪᠢᠯᠡ᠃ ᠡᠷᠡ ᠬᠥᠮᠦᠨ ᠳ᠋ᠦ᠍ ᠬᠡᠷᠡᠭᠦᠯ ᠲᠡᠮᠡᠴᠡᠯ ᠦ᠋ᠨ ᠲᠠᠯᠠᠪᠤᠷ ᠪᠤᠰᠤ᠂ ᠡᠷᠡᠭᠦᠯ ᠡᠩᠬᠡ ᠶ᠋ᠢᠨ ᠠᠯᠳᠠᠷ ᠬᠡᠷᠡᠭᠲᠡᠢ᠃ ᠲᠡᠭᠰᠢ ᠡᠷᠬᠡ ᠬᠡᠮᠵᠢᠶᠡ《ᠡᠷᠦᠬᠡ ᠲᠣᠯᠣᠭᠠᠢᠯᠠᠭᠰᠠᠨ ᠡᠮᠡᠭᠲᠡᠢ》 ᠶ᠋ᠢ ᠣᠯᠠᠰᠢᠷᠠᠭᠤᠯᠵᠤ᠂ ᠡᠴᠢᠭᠡ ᠬᠥᠮᠦᠨ ᠢ᠋ ᠵᠢᠷᠯᠦᠰᠦᠯᠡᠭᠦᠯᠵᠦ ᠦᠯᠦ ᠪᠣᠯᠬᠤ᠃ ᠡᠨᠡ ᠰᠠᠨᠠᠭᠠ ᠪᠡᠯᠭᠡᠳᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠮᠠᠭᠲᠠ ᠲᠥᠷᠥ ᠶ᠋ᠢᠨ ᠳᠡᠭᠡᠷᠡ《ᠡᠬᠡ》 ᠵᠠᠯᠠᠷᠠᠵᠤ ᠪᠣᠢ ᠲᠤᠯᠠ ᠡᠷᠡ ᠦᠷᠡ ᠪᠦᠷᠢ ᠲᠥᠷᠥ ᠪᠡᠨ ᠲᠦᠪᠰᠢᠨ ᠪᠠᠢᠯᠭᠠᠬᠤ ᠶ᠋ᠢ ᠭᠡᠴᠢᠶᠡᠬᠦ ᠤᠳᠬᠠ ᠲᠠᠢ᠃ ᠡᠬᠡ ᠡᠴᠡ ᠲᠥᠷᠥ ᠲᠥᠷᠥᠳᠡᠭ ᠲᠤᠯᠠ ᠮᠥᠩᠬᠡ ᠲᠩᠷᠢ᠂ ᠳᠥᠷᠦᠲᠦ ᠶᠣᠰᠣ᠂ ᠶᠠᠰᠤ ᠤᠭᠰᠠᠭᠠ ᠡᠴᠢᠭᠡ ᠪᠡᠯᠭᠡᠳᠡᠯ ᠲᠡᠢ ᠭᠤᠷᠪᠠᠯ ᠶᠣᠰᠣ᠂᠃ ᠭᠤᠷᠮᠤᠰᠤᠨ ᠰᠡᠳᠬᠢᠯᠭᠡ ᠦᠨᠳᠦᠰᠦᠯᠡᠬᠦ ᠠᠪᠠᠢ᠃ ᠡᠨᠡ ᠬᠣᠣᠰ ᠶᠣᠰᠣ《ᠭᠠᠯ》 ᠪᠤᠶᠤ ᠭᠠᠯ ᠭᠣᠯᠣᠮᠳᠠᠨ ᠤ᠋ ᠭᠤᠷᠪᠠᠯ ᠵᠠᠳᠠᠷᠠᠭᠠᠨ ᠳ᠋ᠤ᠌ ᠴᠣᠭᠴᠠᠯᠠᠮᠤᠢ᠃ ᠮᠣᠩᠭᠣᠯ ᠤᠯᠠᠮᠵᠢᠯᠠᠯᠲᠤ ᠭᠦᠨ ᠤᠬᠠᠭᠠᠨ ᠤ᠋《ᠡᠬᠡ》 ᠰᠠᠨᠠᠭᠠᠨ ᠤ᠋ ᠲᠤᠢᠯ ᠤ᠋ᠨ ᠠᠭᠤᠯᠭᠠ ᠨᠢ《ᠮᠥᠩᠬᠡᠷᠡᠯ》 ᠣᠢᠯᠠᠭᠠᠯᠲᠠ ᠪᠥᠭᠡᠳ ᠮᠥᠩᠬᠡ ᠲᠩᠷᠢ(ᠣᠷᠴᠢᠯᠠᠩ) ᠮᠥᠩᠬᠡ ᠭᠠᠯ(ᠣᠷᠴᠢᠯ)᠂ ᠮᠥᠩᠬᠡ ᠨᠠᠰᠤ(ᠠᠮᠢᠳᠤᠷᠠᠯ) ᠭᠡᠬᠦ ᠭᠤᠷᠪᠠᠨ ᠠᠢ ᠪᠣᠯᠤᠨᠠ᠃ ᠡᠳᠦᠭᠡ ᠮᠥᠩᠬᠡ ᠭᠠᠯ ᠨᠢ ᠮᠣᠩᠭᠣᠯ ᠤᠯᠤᠰ ᠭᠡᠬᠦ ᠦᠭᠡᠨ ᠳ᠋ᠦ᠍ ᠬᠤᠪᠢᠯᠤᠭᠰᠠᠨ ᠴᠤ᠌ ᠪᠡᠯᠭᠡ ᠴᠢᠨᠠᠷ ᠢ᠋ᠶ᠋ᠠᠨ ᠠᠭᠤᠯᠤᠭᠰᠠᠭᠠᠷ ᠪᠥᠭᠡᠳ《ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠬᠦᠴᠦᠨ ᠳᠣᠣᠷᠠ》 ᠰᠢᠲᠦᠭᠡᠨ᠂ ᠮᠥᠩᠬᠡ ᠨᠠᠰᠤᠨ ᠤ᠋ ᠢᠷᠦᠭᠡᠯ ᠢ᠋ ᠤᠳᠬᠠ ᠬᠢᠭᠡᠳ ᠦᠭᠡ ᠶ᠋ᠢᠨ ᠰᠠᠯᠠᠭᠠ ᠦᠭᠡᠢ ᠢᠵᠠᠭᠤᠷ ᠴᠢᠨᠠᠷ ᠢ᠋ᠶ᠋ᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠢᠷᠡᠵᠡᠢ᠃ ᠠᠯᠪᠠᠳᠠᠮᠠᠯ( ᠮᠧᠬᠠᠨᠢᠺ) ᠬᠠᠷᠢᠴᠠᠭᠤᠯᠤᠯ ᠰᠠᠨᠠᠭᠳᠠᠵᠤ ᠮᠠᠭᠠᠳ ᠦᠭᠡᠢ ᠴᠦ᠍《ᠠᠩᠬᠠ᠂ ᠡᠩᠬᠡ᠂ ᠮᠥᠩᠬᠡ》 ᠭᠡᠰᠡᠨ ᠭᠤᠷᠪᠠᠨ ᠴᠠᠭ ᠤ᠋ᠨ ᠤᠳᠬᠠ ᠵᠢᠭᠠᠭᠰᠠᠨ ᠲᠥᠰᠲᠦ ᠦᠭᠡᠰ ᠢ᠋ ᠮᠤᠰᠬᠢᠨ ᠠᠵᠢᠪᠠᠰᠤ ᠵᠣᠬᠢᠰᠲᠠᠢ ᠮᠡᠲᠦ᠃᠃ ᠡᠨᠡ ᠨᠢ ᠠᠩ — ᠡᠬᠡ᠂ ᠡᠩ — ᠡᠬᠡ᠂ ᠮᠥᠩ᠊ — ᠡᠬᠡ ᠭᠡᠬᠦ ᠰᠤᠷᠭᠠᠯ ᠳ᠋ᠤ᠌ ᠳᠡᠭᠡᠳᠦᠰ ᠮᠠᠨᠢ ᠦᠭᠡ ᠪᠦᠷᠢ ᠤᠬᠠᠭᠠᠨ ᠵᠢᠭᠠᠵᠤ ᠰᠣᠩᠭᠣᠳᠠᠭ ᠪᠠᠷᠢᠯ ᠢ᠋ᠶ᠋ᠠᠷ ᠬᠡᠪᠰᠢᠭᠦᠯᠦᠭᠰᠡᠨ ᠭᠡᠳᠡᠭ ᠲᠤ ᠢᠲᠡᠭᠡᠵᠡᠭᠡᠬᠦ ᠶᠣᠰᠣᠲᠠᠢ ᠪᠢᠯᠡ᠃《ᠠᠩᠬᠠ》 ᠪᠣᠯ ᠠᠮᠢᠲᠠᠨ ᠤ᠋ ᠡᠬᠡ ᠡᠭᠦᠰᠦᠯ ᠴᠢᠨᠠᠷ ᠢ᠋ ᠵᠢᠭᠠᠭᠰᠠᠨ ᠰᠠᠨᠠᠭᠳᠠᠬᠤ᠁ ᠡᠳᠦᠭᠡ ᠶ᠋ᠢᠨ ᠠᠩ ᠭᠡᠳᠡᠭ ᠦᠭᠡ ᠶ᠋ᠢᠨ ᠡᠷᠲᠡᠨ ᠦ᠌ ᠬᠡᠯᠪᠡᠷᠢ ᠨᠢ ᠠᠪ ᠪᠣᠯᠤᠨᠠ᠃ ᠡᠩ ᠭᠡᠳᠡᠭ ᠦᠭᠡ ᠢᠵᠠᠭᠤᠷ ᠴᠢᠨᠠᠷ ᠪᠥᠭᠡᠳ ᠪᠡᠶᠡ ᠶ᠋ᠢᠨ ᠠᠷᠢᠭᠤᠨ ᠨᠢᠯᠬᠠ( ᠲᠥᠷᠥᠯᠬᠢ) ᠤᠳᠬᠠ ᠶ᠋ᠢᠨ ᠡᠬᠡ ᠮᠡᠲᠦ᠃《ᠪᠡᠶᠡ ᠡᠩ+ ᠡᠬᠡ ᠮᠡᠨᠳᠦ ᠪᠠᠢᠨᠠ ᠤᠤ?》 ᠭᠡᠬᠦ ᠮᠡᠲᠦ ᠪᠡᠷ ᠬᠡᠪᠰᠢᠭᠰᠡᠨ《ᠲᠤᠩᠬᠠ ᠪᠤᠶᠤ ᠲᠤᠩ + ᠡᠬᠡ》 ᠲᠡᠢ ᠣᠷᠣᠰᠢᠭᠰᠠᠨ( ᠲᠤᠩ— ᠮᠠᠰᠢ ᠰᠠᠢᠨ ᠭᠡᠰᠡᠨ ᠦᠭᠡ) ᠪᠠᠢᠵᠤ ᠪᠣᠯᠬᠤ᠃ ᠮᠦᠩ ᠭᠡᠳᠡᠭ ᠨᠢ ᠲᠡᠭᠦᠯᠳᠡᠷ ᠲᠡᠭᠦᠰ( ᠲᠡᠭᠦᠰᠬᠡᠯ) ᠣᠢᠯᠠᠭᠠᠯᠲᠠ ᠠᠭᠠᠳ《ᠲᠡᠭᠦᠰᠪᠡ》 ᠭᠡᠪᠡᠰᠦ ᠳᠠᠭᠤᠰᠬᠠᠭᠠᠪᠤᠷᠢ ᠪᠤᠰᠤ ᠪᠦᠷᠢᠨ ᠴᠣᠭᠴᠠᠯᠠᠪᠠ ᠭᠡᠰᠡᠨ ᠰᠠᠨᠠᠭᠠ ᠮᠥᠨ ᠶᠦᠮ᠃《ᠭᠠᠵᠠᠷ ᠤᠯᠤᠰ ᠤ᠋ᠨ ᠥᠮᠴᠢ ᠮᠥᠨ》᠂《ᠠᠰᠠᠭᠤᠳᠠᠯ ᠤ᠋ᠨ ᠮᠥᠨ ᠴᠢᠨᠠᠷ》 ᠵᠡᠷᠭᠡ ᠶ᠋ᠢᠨ ᠢᠨᠠᠭᠤᠬᠤ① ᠦᠨᠡᠨ ᠮᠥᠩ᠊ — ᠡᠬᠡ ᠹᠢᠯᠣᠰᠣᠹᠢ ᠰᠠᠨᠠᠭᠠ ᠮᠡᠲᠦ᠃ ᠶᠠᠭᠠᠬᠢᠭᠠᠳ ᠡᠢᠨ ᠪᠣᠳᠣᠪᠠ ᠬᠡᠮᠡᠪᠡᠰᠦ ᠮᠣᠩᠭᠣᠯ ᠭᠦᠨ ᠤᠬᠠᠭᠠᠨ ᠤ᠋ ᠠᠩᠬᠠᠳᠠᠭᠴᠢ ᠶ᠋ᠢᠨ ᠡᠷᠢᠯ ᠨᠢ ᠭᠤᠷᠪᠠᠯ ᠤ᠋ᠨ《ᠡᠬᠡ》( ᠡᠵᠢ ᠪᠢᠰᠢ《ᠡᠬᠢᠯᠡᠯ》 ᠢᠵᠠᠭᠤᠷ) ᠣᠢᠯᠠᠭᠠᠯᠲᠠ ᠲᠤᠯᠠ ᠵᠢᠷᠤ — ᠡᠬᠡ᠂ ᠳᠠᠷᠢ — ᠡᠬᠡ᠂ ᠪᠠᠯ — ᠡᠬᠡ( ᠵᠢᠷᠦᠬᠡ᠂ ᠲᠠᠷᠢᠬᠢ᠂ ᠪᠡᠯᠭᠡ) ᠭᠡᠵᠦ ᠡᠮᠦᠨᠡ ᠴᠤ᠌ ᠡᠷᠭᠢᠴᠡᠭᠦᠯᠵᠦ ᠠᠭᠰᠠᠨ ᠪᠢᠯᠡ᠃ ᠡᠨᠳᠡ ᠴᠦᠩᠬᠦ( ᠰᠣᠮᠺᠡ) ᠭᠡᠬᠦ ᠮᠡᠲᠦ ᠭᠠᠳᠠᠭᠠᠳᠤ ᠭᠠᠷᠤᠯ ᠲᠠᠢ ᠦᠭᠡ᠂ ᠳᠠᠩᠬᠤ( ᠲᠤᠩᠬᠤ) ᠭᠡᠬᠦ ᠮᠡᠲᠦ ᠰᠢᠨᠡ ᠡᠭᠦᠰᠦᠯ ᠲᠡᠢ ᠦᠭᠡ ᠦᠯᠦ ᠬᠠᠮᠤᠷᠤᠨᠠ᠃ ᠡᠢᠮᠦᠷᠬᠦ ᠦᠭᠡ ᠭᠡᠪᠡᠰᠦ ᠭᠣᠩᠬᠤ᠂ ᠬᠤᠩᠬᠠ᠂ ᠬᠠᠩᠬᠤ᠂ ᠬᠣᠩᠬᠣ᠂ ᠱᠠᠩᠬᠤ ᠱᠣᠩᠬᠣ ᠪᠥᠭᠡᠳ ᠭᠠᠷᠤᠯ ᠡᠭᠦᠰᠦᠯ ᠦᠭᠡ ᠪᠦᠲᠦᠴᠡ ᠶ᠋ᠢᠨ ᠲᠠᠯᠠ ᠪᠠᠷ ᠡᠨᠳᠡ ᠰᠣᠨᠢᠷᠬᠠᠵᠤ ᠦᠵᠡᠭᠰᠡᠨ ᠦᠭᠡᠢ᠃ ᠶᠠᠭᠤᠲᠠᠢ ᠴᠤ᠌ ᠮᠣᠩᠭᠣᠯ ᠤ᠋ᠨ ᠡᠷᠲᠡᠨ ᠦ᠌ ᠹᠢᠯᠣᠰᠣᠹᠢ ᠳ᠋ᠤ᠌ ᠡᠬᠡ( ᠡᠵᠢ)᠂ ᠡᠬᠡ( ᠨᠤᠲᠤᠭ ᠣᠷᠣᠨ)᠂ ᠡᠬᠡ( ᠲᠡᠷᠢᠭᠦᠨ ᠡᠬᠢᠯᠡᠯ) ᠭᠡᠰᠡᠨ ᠰᠤᠷᠭᠠᠯ ᠣᠨᠣᠯ ᠪᠣᠢ ᠪᠣᠯᠭᠠᠭᠰᠠᠨ ᠶᠤᠮᠰᠠᠨᠵᠠᠢ᠃ ᠡᠯᠡ ᠭᠤᠷᠪᠠᠨ ᠡᠬᠡ ᠨᠡᠢᠯᠡᠭᠡᠳ ᠹᠢᠯᠣᠰᠣᠹᠢ ᠡᠬᠡ( ᠠᠩᠬᠠᠳᠠᠭᠴᠢ) ᠰᠠᠨᠠᠭᠠ ᠪᠣᠢ ᠪᠣᠯᠭᠠᠵᠠᠢ᠃ ᠡᠬᠡ ᠳᠡᠯᠡᠬᠡᠢ᠁ ᠡᠬᠡ ᠵᠣᠬᠢᠶᠠᠯ᠁ ᠡᠬᠡ( ᠠᠳᠠᠭ)᠁ ᠡᠬᠡ ᠬᠡᠯᠡ᠁ ᠹᠢᠯᠣᠰᠣᠹᠢ ᠡᠭᠦᠳᠬᠡᠯ ᠪᠤᠶᠤ᠃ ᠭᠣᠣᠯ ᠤ᠋ᠨ ᠡᠬᠢ ᠠᠳᠠᠭ ᠵᠥᠪᠬᠡᠨ ᠬᠣᠶᠠᠷ ᠲᠤᠢᠯ᠃ ᠭᠣᠣᠯ ᠥᠪᠡᠷ ᠢ᠋ᠶ᠋ᠡᠨ ᠠᠤᠭᠠ ᠤᠷᠲᠤ ᠲᠠᠬᠢᠷᠮᠠᠭ ᠪᠢᠯᠡ᠃
———————————
① ᠢᠨᠠᠭᠤᠬᠤ— ᠢᠨᠠᠭᠤᠨ᠂ ᠥᠩᠭᠡᠨ ᠲᠠᠯᠠ ᠶ᠋ᠢᠨ᠂ ᠦᠵᠡᠭᠳᠡᠯ ᠦ᠋ᠨ ᠭᠠᠳᠠᠷ ᠲᠠᠯᠠ ᠶ᠋ᠢᠨ ᠰᠠᠭᠤᠭᠳᠠᠭᠴᠠ( ᠪᠠᠭᠤᠯᠭᠠᠭᠴᠢ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ᠂ ᠲᠣᠭᠳᠠᠭᠤᠨᠪᠠᠶᠠᠷ᠂ ᠪᠠᠶᠠᠨᠰᠡᠷᠡᠩ᠂ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ᠂ ᠲᠤᠶᠠᠭᠠ