ᠮᠥᠩᠬᠡ ᠲᠤᠩᠬᠤ 4-09Мөнх ТунхMunkh Tunkh
315ᠮᠥᠩᠬᠡ ᠲᠤᠩᠬᠤ ᠳᠥᠷᠪᠡᠳᠦᠭᠡᠷ ᠤᠯᠠᠷᠢᠯ ᠤ᠋ᠨ ᠶᠢᠰᠦᠳᠦᠭᠡᠷ ᠠᠩᠭᠢ
ᠮᠠᠢ ᠮᠠᠢ ᠮᠠᠢ(ᠬᠣᠨᠢ ᠢᠮᠠᠭᠠᠨ ᠤ᠋ ᠮᠠᠢᠯᠠᠬᠤ ᠳᠠᠭᠤ)
ᠮᠥᠩᠬᠡ ᠄ ᠵᠠ᠂ᠦᠯᠢᠭᠡᠷ ᠪᠣᠯᠲᠠᠯᠠ ᠶᠠᠭᠤ ᠬᠢᠬᠦ ᠪᠣᠢ? ᠬᠣᠶᠠᠭᠤᠯᠠ ᠪᠠᠨ᠃
ᠲᠤᠩᠬᠤ ᠄ ᠴᠢ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠨ ᠬᠢᠴᠢᠬᠡᠭᠰᠡᠨ ᠶᠦᠮ ᠤᠤ ᠮᠥᠩᠬᠡ ᠠ᠋᠃
ᠮᠥᠩᠬᠡ ᠄ ᠬᠢᠴᠢᠬᠡᠭᠰᠡᠨ ᠠ᠋᠃
ᠲᠤᠩᠬᠤ ᠄ ᠨᠡᠭᠡᠷᠡᠨ᠂ ᠢᠩᠭᠢᠬᠦ ᠳ᠋ᠦ᠍ ᠴᠢ comment (ᠰᠡᠳᠬᠢᠭᠳᠡᠯ ᠢ᠋ᠶ᠋ᠡᠨ ᠪᠢᠴᠢᠬᠦ ） ᠨᠣᠮ ᠬᠢᠵᠦ ᠪᠠᠢᠭᠠ ᠭᠡᠰᠡᠨ ᠤᠤ?
ᠮᠥᠩᠬᠡ ᠄ ᠲᠡᠢᠮᠦ ᠰᠢᠲᠠ᠂ᠨᠡᠭᠡᠷᠡᠨ᠂ ᠤᠩᠰᠢᠵᠤ ᠦᠵᠡᠬᠦ ᠤᠤ?
ᠲᠤᠩᠬᠤ ᠲᠡᠭᠡᠶᠡ ᠯᠡ ᠳᠡ᠃
ᠮᠥᠩᠬᠡ ᠄ ᠵᠠ ᠪᠠᠢᠵᠠ᠂ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠳ᠋ᠦ᠍ ᠴᠢᠨᠢ ᠶᠠᠭᠠᠬᠢᠵᠤ ᠳᠠᠭᠤᠰᠤᠯᠠ᠂ ᠪᠠᠢᠵᠠ᠃ ᠷᠤᠪᠡᠲ ᠦ᠋ᠳ ᠬᠢᠮᠡᠯ ᠣᠶᠤᠨ ᠤᠬᠠᠭᠠᠨ ᠲᠠᠢ ᠪᠣᠯᠤᠭᠰᠠᠨ ᠡᠴᠡ ᠬᠣᠢᠰᠢ᠂ ᠡᠬᠡ ᠳᠡᠯᠡᠬᠡᠢ ᠶ᠋ᠢ ᠡᠵᠡᠯᠡᠨ ᠲᠦᠷᠢᠮᠡᠬᠡᠢᠯᠡᠵᠦ ᠡᠬᠢᠯᠡᠵᠡᠢ᠃ ᠠ ᠲᠡᠢᠮᠦ᠂ ᠳ᠋ᠤᠷᠤᠷᠠᠨ ᠮᠠᠰᠢ ᠲᠣᠮᠣ ᠫᠤᠤ ᠭᠠᠷᠭᠠᠵᠤ ᠢᠷᠡᠭᠡᠳ᠂ ᠰᠡᠭᠦᠯᠴᠢ ᠶ᠋ᠢᠨ ᠡᠰᠡᠷᠭᠦᠴᠡᠭᠴᠢᠳ ᠮᠠᠰᠢ ᠬᠡᠴᠡᠭᠦᠦ ᠪᠣᠯᠤᠭᠠᠳ᠂ ᠳ᠋ᠤᠷᠤᠷᠠᠨ ᠯᠠᠢᠰᠧᠷ ᠦ᠋ᠨ ᠫᠤᠤ ᠪᠠᠷ ᠫᠤᠤᠳᠠᠭᠠᠳ ᠯᠠ ᠪᠠᠢᠵᠠᠢ ᠭᠡᠨᠡ᠃ᠬᠠᠮᠠᠭᠠᠯᠠᠯᠲᠠ ᠤᠤᠯ ᠠ᠋ᠴᠠ ᠪᠠᠨ ᠢᠳᠡᠯᠡᠵᠦ ᠡᠬᠢᠯᠡᠵᠡᠢ ᠭᠡᠨᠡ᠃ ᠰᠡᠭᠦᠯᠴᠢ ᠶ᠋ᠢᠨ ᠡᠰᠡᠷᠭᠦᠴᠡᠭᠴᠢᠳ ᠶᠠᠭᠠᠬᠢᠬᠤ ᠤᠴᠢᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠪᠦᠷ ᠬᠡᠴᠡᠭᠦᠦ ᠪᠠᠢᠳᠠᠯ ᠳ᠋ᠤ᠌ ᠣᠷᠣᠵᠤ ᠡᠬᠢᠯᠡᠵᠡᠢ ᠭᠡᠨᠡ᠃ ᠲᠡᠭᠡᠭᠰᠡᠨ ᠴᠢᠨᠢ ᠭᠡᠨᠡᠳᠲᠡ ᠮᠥᠩᠬᠡ ᠪᠣᠰᠴᠤ ᠢᠷᠡᠭᠰᠡᠨ ᠢ᠋ᠶ᠋ᠡᠨ ᠁《ᠮᠢᠨᠦ ᠵᠢᠵᠢᠭᠬᠡᠨ ᠨᠠᠢᠵᠠ ᠲᠠᠢ ᠮᠡᠨᠳᠦᠯᠡᠭᠡᠷᠡᠢ 》ᠭᠡᠰᠡᠨ ᠢ᠋ᠶ᠋ᠡᠨ ᠬᠣᠶᠠᠷ ᠲᠣᠮᠣ ᠯᠠᠢᠰᠧᠷ ᠦ᠋ᠨ ᠫᠤᠤ ᠭᠠᠷᠭᠠᠵᠤ ᠢᠷᠡᠭᠡᠳ ᠴᠡᠨᠡᠭᠯᠡᠵᠦ ᠡᠬᠢᠯᠡᠲᠡᠯᠡ ᠁
ᠲᠤᠩᠬᠤ ᠄ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠡᠪᠲᠡᠢ ᠨᠠᠢᠷᠲᠠᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠡᠢ ᠤᠤ ᠭᠡᠵᠦ ᠭᠡᠨᠡ᠃
ᠮᠥᠩᠬᠡ ᠄ ᠦ᠂ ᠲᠤᠩᠬᠤ ᠠ᠋᠂ ᠦᠭᠡᠢ᠂ ᠮᠥᠩᠬᠡ ᠮᠠᠰᠲ᠋ᠸᠷ ᠪᠤᠳᠠᠭᠠ ᠪᠣᠯᠭᠠᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠴᠢᠨᠢ ᠳᠡ᠃ ᠲᠡᠭᠡᠭᠰᠡᠨ ᠢ᠋ᠶ᠋ᠡᠨ ᠮᠥᠩᠬᠡ ᠮᠠᠰᠲ᠋ᠸᠷ ᠤ᠋ᠨ ᠫᠤᠤ ᠪᠦᠷᠢᠨ ᠴᠡᠨᠡᠭᠯᠡᠭᠳᠡᠭᠡᠳ᠂ ᠴᠡᠨᠡᠭᠯᠡᠭᠳᠡᠭᠡᠳ᠂ ᠪᠦᠷ ᠴᠡᠨᠡᠭᠯᠡᠭᠳᠡᠭᠡᠳ ᠫᠤᠤᠳᠠᠭᠰᠠᠨ ᠴᠢᠨᠢ ᠁
ᠲᠤᠩᠬᠤ ᠄ ᠵᠦᠭᠡᠷ ᠯᠡ ᠱᠣᠰᠢᠭᠠ ᠲᠠᠢ ᠪᠢᠴᠢᠭ ᠦ᠋ᠳ ᠭᠠᠷᠴᠤ ᠢᠷᠡᠵᠡᠢ ᠭᠡᠨᠡ᠃
ᠮᠥᠩᠬᠡ ᠄ ᠦ ᠲᠤᠩᠬᠤ ᠠ᠋ ᠁
ᠲᠤᠩᠬᠤ ᠄ ᠬᠡ ᠬᠡ ᠪᠠᠢᠵᠤ ᠪᠠᠢ ᠯᠠ ᠳᠠ᠂ ᠭᠣᠶᠣ ᠪᠣᠯᠵᠤ ᠪᠠᠢᠬᠤ ᠳ᠋ᠤ᠌ ᠴᠢᠨᠢ᠃
ᠮᠥᠩᠬᠡ ᠄ ᠠᠶᠠ᠂ ᠰᠦᠷ ᠲᠡᠢ ᠪᠠᠢᠭᠠᠳ ᠪᠠᠢᠬᠤ ᠳ᠋ᠤ᠌ ᠴᠢᠨᠢ ᠳᠡ᠂ ᠵᠠ ᠲᠡᠭᠡᠭᠡᠳ ᠮᠥᠩᠬᠡ ᠮᠠᠰᠲ᠌ᠸᠷ ᠭᠡᠨᠡᠳᠲᠡ ᠠᠭᠠᠷ ᠲᠤ᠌ ᠬᠥᠭᠡᠷᠴᠦ ᠡᠬᠢᠯᠡᠵᠡᠢ᠃ ᠰᠢᠭᠤᠳ ᠵᠡᠪᠰᠡᠭ ᠢ᠋ᠶ᠋ᠡᠨ ᠡᠷᠭᠦᠨ ᠨᠢᠰᠦᠭᠰᠡᠨ ᠢ᠋ᠶ᠋ᠡᠨ ᠁
ᠲᠤᠩᠬᠤ ᠄ ᠳ᠋ᠤᠷᠤᠷᠠᠨ ᠢ ᠲᠡᠪᠡᠷᠢᠵᠡᠢ ᠭᠡᠨᠡ᠃ ᠸᠠ ᠧᠦ ᠁
ᠮᠥᠩᠬᠡ ᠄ᠠ᠋ ᠬᠠ᠂ᠦᠭᠡᠢ᠂ ᠳ᠋ᠤᠷᠤᠷᠠᠨ ᠤᠷᠤᠭᠤ ᠳᠣᠪᠲᠣᠯᠵᠠᠢ ᠭᠡᠨᠡ᠂ᠶᠠᠭ ᠲᠤᠯᠵᠤ ᠢᠷᠡᠭᠡᠳ ᠫᠤᠤᠳᠠᠬᠤ ᠭᠡᠰᠡᠨ ᠴᠢᠨᠢ᠂
ᠲᠤᠩᠬᠤ : ᠲᠡᠭᠡᠲᠡᠯᠡ ᠭᠡᠨᠡᠳᠲᠡ ᠡᠩᠬᠡ ᠶ᠋ᠢᠨ ᠴᠠᠭᠠᠨ ᠲᠠᠭᠲᠠᠭᠠ ᠨᠢᠰᠦᠭᠡᠳ ᠭᠠᠷᠤᠭᠠᠳ ᠢᠷᠡᠵᠡᠢ ᠭᠡᠨᠡ᠃ ᠳ᠋ᠤᠷᠤᠷᠠᠨ ᠮᠥᠩᠬᠡ ᠮᠠᠰᠲ᠋ᠸᠷ ᠬᠣᠶᠠᠷ ᠤ᠋ᠨ ᠲᠠᠭᠲᠠᠭᠠ ᠶ᠋ᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠴᠡᠨᠡᠩᠯᠡᠵᠦ ᠪᠠᠢᠭᠰᠠᠨ ᠰᠤᠮᠤ ᠪᠠᠨ ᠵᠣᠭᠰᠣᠭᠠᠵᠠᠢ᠃ᠡᠩᠬᠡ ᠶ᠋ᠢᠨ ᠴᠠᠭᠠᠨ ᠲᠠᠭᠲᠠᠭᠠ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠢ᠋ ᠪᠦᠯᠢᠶᠡᠰᠬᠡᠵᠡᠢ᠃ ᠳ᠋ᠤᠷᠤᠷᠠᠨ ᠬᠡᠳᠦᠢ ᠳᠡᠯᠡᠬᠡᠢ ᠶ᠋ᠢ ᠡᠵᠡᠯᠡᠬᠦ ᠵᠣᠷᠢᠯᠭᠠ ᠲᠠᠢ ᠪᠠᠢᠭᠰᠠᠨ ᠴᠤ᠌ ᠰᠡᠳᠬᠢᠯ ᠨᠢ ᠵᠥᠭᠡᠯᠡᠷᠡᠨ᠂ ᠡᠩᠬᠡ ᠲᠠᠢᠪᠤᠩ ᠢ᠋ ᠵᠠᠷᠯᠠᠵᠠᠢ᠃
ᠮᠥᠩᠬᠡ ᠄ ᠦ᠂ ᠲᠠ ᠮᠢᠨᠦ ᠵᠣᠬᠢᠶᠠᠯ ᠢ᠋ ᠮᠠᠨᠢ ᠠᠶᠠ ᠦᠭᠡᠢ ᠵᠥᠭᠡᠯᠡᠨ ᠵᠣᠬᠢᠶᠠᠯ ᠪᠣᠯᠭᠠᠴᠢᠬᠠᠬᠤ ᠶᠤᠮ᠂ ᠬᠡ ᠬᠠ ᠬᠠ
ᠲᠤᠩᠬᠤ ᠄ ᠬᠡ ᠬᠡ ᠬᠡ᠂ ᠬᠥᠭᠡᠷᠦᠬᠦᠨ ᠪᠠᠢᠭᠠ ᠪᠢᠵᠡ ᠳᠡ᠃
ᠮᠥᠩᠬᠡ ᠄ ᠬᠡᠩ᠂ ᠵᠠ ᠵᠠ᠂ᠳᠠᠷᠠᠭᠠ ᠯᠠ ᠵᠣᠬᠢᠶᠠᠯ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠬᠦ ᠡᠴᠡ᠃
ᠲᠤᠩᠬᠤ ᠄ ᠲᠡᠭᠡ ᠳᠡ ᠮᠥᠩᠬᠡ᠂ ᠮᠢᠨᠦ ᠲᠤᠰᠠ ᠬᠡᠷᠡᠭ ᠪᠣᠯᠪᠠᠯ ᠬᠡᠯᠡᠵᠦ ᠪᠠᠢᠭᠠᠷᠠᠢ!
ᠮᠥᠩᠬᠡ ᠄ ᠬᠡ ᠬᠠ ᠬᠠ
ᠠᠷᠸᠠ :ᠵᠠ᠂ ᠮᠠᠨ ᠤ᠋ ᠬᠢᠨ ᠠ᠋᠂ ᠶᠠᠭᠤ ᠬᠢᠵᠡᠭᠡᠵᠦ ᠪᠠᠢᠨᠠ ᠳᠠ᠃
ᠮᠥᠩᠬᠡ ᠄ ᠦ᠂ ᠮᠢᠨᠦ Comment(ᠰᠡᠳᠬᠢᠭᠳᠡᠯ ᠢ᠋ᠶ᠋ᠡᠨ ᠪᠢᠴᠢᠬᠦ ）ᠨᠣᠮ ᠢ᠋ ᠲᠤᠩᠬᠤ ᠵᠣᠬᠢᠶᠠᠯ ᠢ᠋ ᠨᠢ ᠥᠭᠡᠷᠡᠴᠢᠯᠡᠭᠡᠳ ᠯᠡ᠂ ᠪᠢ ᠵᠣᠬᠢᠶᠠᠯ ᠢ᠋ᠶ᠋ᠠᠨ ᠠᠪᠤᠷᠠᠬᠤ ᠭᠡᠳ ᠪᠥᠭᠡᠮ ᠶᠠᠭᠤᠮᠠ ᠪᠣᠯᠤᠯᠠ ᠰᠢᠲᠠ᠃ ᠬᠡ ᠬᠠ᠃
ᠲᠤᠩᠬᠤ ᠄ ᠬᠡ ᠬᠡ
ᠳ᠋ᠤᠷᠤᠨ ᠄ ᠠ ᠲᠡᠢᠮᠦ᠂ᠮᠢᠨᠦ ᠲᠠᠯᠠ ᠪᠠᠷ ᠬᠢᠭᠰᠡᠨ ᠵᠣᠬᠢᠶᠠᠯ ᠳᠡᠭᠡᠷᠡ᠃
ᠮᠥᠩᠬᠡ ᠄ ᠬᠠᠷᠢᠨ ᠳᠠ᠂ ᠲᠤᠩᠬᠤ ᠴᠢᠮᠠ ᠶ᠋ᠢ ᠪᠦᠷ ᠪᠠᠮᠪᠤᠷᠰᠢ ᠪᠣᠯᠭᠠᠴᠢᠬᠠᠭᠰᠠᠨ ᠰᠢᠲᠠ᠃
ᠲᠤᠩᠬᠤ ᠄ ᠦᠭᠡᠢ᠂ ᠲᠡᠷᠡ ᠴᠢᠨᠢ ᠬᠥᠭᠡᠷᠦᠬᠦᠨ ᠪᠠᠢᠭᠰᠠᠨ ᠰᠢᠳᠡ᠂ᠬᠡ ᠬᠡ᠃
ᠲᠣᠷᠤᠨ ᠄ ᠬᠡ ᠬᠡ᠂ ᠶᠠᠮᠠᠷ ᠪᠠᠮᠪᠤᠷᠰᠢ ᠪᠣᠯᠭᠠᠭᠰᠠᠨ ᠪᠣᠢ?
ᠲᠤᠩᠬᠤ ᠄ ᠡᠭᠦᠨ ᠢ᠋ ᠬᠠᠷᠠ ᠳᠠ᠃
ᠲᠣᠷᠤᠨ ᠄ ᠸᠠ ᠬᠠ ᠬᠠ᠂ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠶᠦᠮ ᠪᠣᠢ? ᠮᠠᠨ ᠤ᠋ ᠪᠠᠰᠠᠷ ᠶᠠᠭᠤ ᠭᠡᠳ ᠪᠠᠢᠳᠠᠭ ᠪᠢᠯᠡ?ᠪᠠᠮᠪᠤᠵᠢ ᠴᠠᠮᠪᠤᠵᠢ᠂ ᠪᠠᠮ ᠪᠠᠮ ᠪᠠᠮᠪᠤᠵᠢ᠂ ᠬᠡ ᠬᠡ
ᠪᠦᠭᠦᠳᠡᠭᠡᠷ ᠢᠨᠢᠶᠡᠨᠡ᠃
ᠮᠥᠩᠬᠡ ᠄ ᠵᠠ᠂ᠠᠷᠸᠠ ᠠᠬᠠ ᠠ᠋᠂ ᠡᠨᠡ ᠤᠳᠠᠭᠠ ᠶᠠᠮᠠᠷ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠬᠤ ᠪᠣᠢ?
ᠠᠷᠸᠠ ᠄ ᠵᠠ ᠠᠬᠠ ᠨᠢ ᠬᠠᠷᠢᠨ ᠪᠣᠳᠣᠵᠤ ᠯᠠ ᠪᠠᠢᠨᠠ᠂ ᠲᠠ ᠬᠡᠳᠦ ᠮᠠᠨᠢ ᠶᠠᠮᠠᠷ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠮᠠᠷ ᠪᠠᠢᠨᠠ᠃
ᠲᠤᠩᠬᠤ ᠄ ᠶᠠᠮᠠᠷ ᠴᠤ᠌ ᠪᠠᠢᠭᠰᠠᠨ ᠪᠣᠯᠤᠨᠠ᠂ ᠪᠦᠬᠦ ᠦᠯᠢᠭᠡᠷ ᠭᠣᠶᠣ᠃
ᠮᠥᠩᠬᠡ ᠄ ᠶᠠ ᠲᠡᠭᠡᠪᠡᠯ ᠭᠣᠶᠣ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠬᠤ ᠤᠤ?
ᠠᠷᠸᠠ ᠄ ᠵᠠ ᠲᠡᠭᠡᠶᠡ᠂ ᠠᠬᠠ ᠨᠢ ᠬᠠᠷᠠᠶᠠ᠃ ᠵᠠ ᠲᠠ ᠨᠠᠷ ᠮᠠᠨᠢ ᠪᠤᠭᠤ ᠲᠡᠮᠡᠭᠡ ᠬᠣᠶᠠᠷ ᠭᠡᠳ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠵᠠᠭᠠᠬᠤ ᠤᠤ?
ᠮᠥᠩᠬᠡ ᠄ ᠬᠣ᠂ᠲᠡᠭᠡᠶᠡ᠃
ᠲᠤᠩᠬᠤ ᠄ ok(ᠵᠠ ᠲᠡᠭᠡᠶᠡ ）
ᠲᠣᠷᠤᠨ ᠄ yes yes(ᠵᠠ ᠵᠠ）
ᠠᠷᠸᠠ ᠄ ᠳ᠋ᠤᠷᠤᠨ ᠮᠠᠨᠢ ᠠᠶᠠᠯᠠᠬᠤ ᠦᠭᠡᠢ᠃
ᠳ᠋ᠤᠷᠤᠨ ᠄ ᠶᠠᠭᠠᠬᠢᠭᠠᠳ?
ᠠᠷᠸᠠ ᠄ ᠬᠡ ᠬᠠ ᠬᠠ᠂ ᠲᠣᠭᠯᠠᠭᠰᠠᠨ ᠶᠤᠮ ᠠ᠋᠂ ᠬᠠᠮᠲᠤ ᠠᠶᠠᠯᠠᠴᠢᠬᠠ᠃
ᠳ᠋ᠤᠷᠤᠨ ᠄ ᠶᠣᠬᠣ᠂ ᠶᠠᠭᠠᠬᠢᠵᠤ ᠪᠠᠢᠭᠠ ᠶᠤᠮ ᠲᠠ᠂ ᠬᠥᠮᠦᠨ ᠠᠶᠤᠯᠭᠠᠭᠠᠳ᠃
ᠪᠦᠭᠦᠳᠡᠭᠡᠷ ᠢᠨᠢᠶᠡᠨᠡ᠃
ᠮᠥᠩᠬᠡ ᠄ᠠᠷᠸᠠ ᠠᠬᠠ ᠠ᠋?
ᠠᠷᠸᠠ ᠄ ᠶᠠᠭᠠᠬᠢᠭᠰᠠᠨ ᠮᠢᠨᠦ ᠳᠡᠭᠦᠦ?
ᠮᠥᠩᠬᠡ ᠄ ᠲᠤᠩᠬᠤ ᠳ᠋ᠤᠷᠤᠨ ᠪᠢᠳᠡ ᠭᠤᠷᠪᠠ ᠦᠯᠢᠭᠡᠷ ᠢ᠋ ᠴᠢᠨᠢ ᠤᠩᠰᠢᠵᠤ ᠪᠣᠯᠬᠤ ᠤᠤ?
ᠠᠷᠸᠠ ᠄ ᠦ᠂ ᠵᠠ! ᠰᠠᠢᠨ ᠪᠠᠢᠨᠠ᠂ ᠤᠩᠰᠢᠬᠤ ᠳᠠᠰᠬᠠᠯ ᠢ᠋ᠶ᠋ᠠᠨ ᠬᠢᠬᠦ ᠭᠡᠵᠦ ᠪᠠᠢᠭᠠ ᠶᠤᠮ ᠤᠤ ᠳᠠ᠃
ᠲᠤᠩᠬᠤ ᠄ ᠨᠡᠭᠡᠷᠡᠨ ᠲᠡᠢᠮᠦ ᠶᠦᠮ ᠪᠠᠢᠨᠠ ᠰᠢᠦ᠂ ᠦᠯᠢᠭᠡᠷ ᠢ᠋ᠶ᠋ᠡᠨ ᠤᠩᠰᠢᠭᠠᠳ ᠤᠩᠰᠢᠯᠭᠠ ᠶ᠋ᠢᠨ ᠳᠠᠰᠬᠠᠯ ᠢ᠋ᠶ᠋ᠠᠨ ᠬᠢᠴᠢᠬᠡᠭᠡᠳ᠂ ᠲᠡᠭᠡᠭᠡᠳ ᠦᠯᠢᠭᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠶᠠᠯᠠᠴᠢᠬᠠᠨᠠ ᠭᠣᠶᠣ ᠳᠠ᠃
ᠠᠷᠸᠠ ᠄ ᠶᠣᠰᠣᠲᠠᠢ ᠰᠠᠢᠨ ᠪᠠᠢᠨᠠ᠂ ᠵᠠ ᠦᠯᠢᠭᠡᠷ ᠢ᠋ᠶ᠋ᠡᠨ ᠤᠩᠰᠢ ᠳᠠ᠃
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ ᠪᠤᠭᠤ ᠲᠡᠮᠡᠭᠡ ᠬᠣᠶᠠᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌᠂ᠲᠡᠮᠡᠭᠡ ᠣᠳᠣ ᠶ᠋ᠢᠨ ᠪᠤᠭᠤ ᠶ᠋ᠢᠨ ᠰᠢᠭ᠋ ᠠᠷᠪᠠᠨ ᠬᠣᠶᠠᠷ ᠰᠠᠯᠠᠭᠠ ᠡᠪᠡᠷ ᠲᠡᠢ ᠪᠠᠢᠭᠰᠠᠨ ᠠᠵᠠᠢ᠃ ᠪᠠᠰᠠ ᠥᠳᠬᠡᠨ ᠪᠣᠯᠤᠭᠠᠳ ᠤᠷᠲᠤ ᠰᠠᠢᠬᠠᠨ ᠰᠡᠭᠦᠯ ᠲᠡᠢ ᠪᠠᠢᠵᠠᠢ ᠭᠡᠨᠡ᠃ ᠬᠠᠷᠢᠨ ᠲᠡᠷᠡ ᠴᠠᠭ ᠲᠤ᠌ ᠪᠤᠭᠤ ᠡᠪᠡᠷ ᠦᠭᠡᠢ ᠮᠤᠬᠤᠷ ᠮᠤᠯᠴᠤᠩ᠂ ᠠᠳᠤᠭᠤ ᠰᠡᠭᠦᠯ ᠦᠭᠡᠢ ᠰᠢᠬᠠᠮ ᠭᠣᠳᠣᠩ ᠱᠣᠳᠣᠩ ᠪᠠᠢᠭᠰᠠᠨ ᠶᠤᠮ ᠰᠠᠨᠵᠠᠢ᠃ ᠡᠢᠨ ᠴᠦ᠍ ᠲᠡᠮᠡᠭᠡ ᠰᠦᠷᠯᠢᠭ ᠰᠠᠢᠬᠠᠨ ᠡᠪᠡᠷ ᠲᠡᠢ ᠳ᠋ᠦ᠍ ᠪᠡᠨ ᠶᠡᠬᠡᠯᠡ ᠪᠡᠶᠡ ᠪᠡᠨ ᠲᠣᠭᠣᠨ᠂ ᠡᠪᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠮᠠᠭᠲᠠ ᠭᠠᠢᠬᠠᠭᠤᠯᠤᠨ ᠬᠥᠭᠡᠷᠦᠯᠬᠡᠳᠡᠭ ᠪᠠᠢᠵᠠᠢ ᠭᠡᠨᠡ᠃ᠲᠡᠮᠡᠭᠡ ᠨᠢᠭᠡ ᠡᠳᠦᠷ ᠤᠰᠤ ᠤᠤᠭᠤᠬᠤ ᠪᠠᠷ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠢᠷᠡᠭᠡᠳ᠂ ᠤᠤᠭᠤᠬᠤ ᠠ᠋ᠴᠠ ᠪᠠᠨ ᠢᠯᠡᠭᠦᠦ ᠤᠰᠤᠨ ᠳ᠋ᠤ᠌ ᠲᠤᠰᠤᠭᠰᠠᠨ ᠳᠦᠷᠰᠦ ᠪᠡᠨ ᠣᠯᠵᠤ ᠦᠵᠡᠭᠡᠳ᠂ᠰᠦᠷ ᠵᠢᠪᠬᠤᠯᠠᠩ ᠢ᠋ᠶ᠋ᠠᠨ ᠶᠡᠬᠡᠯᠡ ᠪᠠᠬᠠᠳᠤᠨ ᠬᠠᠷᠠᠭᠠᠳ ᠵᠣᠭᠰᠣᠵᠤ ᠪᠠᠢᠵᠠᠢ᠃ ᠲᠡᠭᠡᠲᠡᠯᠡ ᠡᠨᠡ ᠦᠶᠡ ᠪᠡᠷ ᠣᠢ ᠠ᠋ᠴᠠ ᠪᠤᠭᠤ ᠭᠠᠷᠴᠤ ᠢᠷᠡᠭᠡᠳ᠂ ᠲᠣᠯᠣᠭᠠᠢ ᠪᠥᠬᠥᠢᠯᠭᠡᠨ ᠮᠡᠬᠦᠰᠬᠢᠨ ᠭᠤᠨᠢᠭᠲᠠᠢ ᠪᠠᠷ ᠡᠢᠨ ᠬᠡᠯᠡᠵᠡᠢ ᠭᠡᠨᠡ᠃ ᠥᠨᠥ ᠦᠳᠡᠰᠢ ᠪᠢ ᠣᠢ ᠶ᠋ᠢᠨ ᠠᠮᠢᠲᠠᠳ ᠤ᠋ᠨ ᠴᠢᠭᠤᠯᠭᠠᠨ ᠳ᠋ᠤ᠌ ᠠᠢᠯᠴᠢᠯᠠᠨ ᠣᠴᠢᠬᠤ ᠤᠴᠢᠷ ᠲᠠᠢ ᠪᠢᠯᠡ᠂ ᠡᠢᠮᠦ ᠮᠠᠭᠤᠬᠠᠢ ᠮᠦᠯᠴᠢᠭᠡᠷ ᠳᠤᠬᠤ ᠲᠠᠢ ᠶᠠᠭᠠᠬᠢᠵᠤ ᠣᠴᠢᠬᠤ ᠪᠢᠯᠡ ᠳᠠ᠂ ᠶᠠᠳᠠᠵᠤ ᠨᠢᠭᠡ ᠴᠠᠭ ᠤ᠋ᠨ ᠲᠡᠳᠦᠢ ᠴᠦ᠍ ᠪᠣᠯᠪᠠ᠂ ᠴᠢᠨᠦᠬᠢ ᠰᠢᠭ ᠡᠢᠮᠦ ᠰᠠᠢᠬᠠᠨ ᠡᠪᠡᠷ ᠲᠡᠢ ᠶᠠᠪᠤᠵᠤ ᠦᠵᠡᠬᠦ ᠰᠠᠨ᠂ ᠲᠡᠮᠡᠭᠡ ᠴᠢ ᠥᠷᠥᠰᠢᠶᠡᠵᠦ ᠥᠨᠥᠳᠥᠷ ᠨᠠᠳᠠ ᠡᠪᠡᠷ ᠢ᠋ᠶ᠋ᠡᠨ ᠲᠦᠷ ᠥᠭᠭᠦᠭᠡᠴᠢ᠂ ᠮᠠᠷᠭᠠᠰᠢ ᠴᠢᠮᠠ ᠶᠢ ᠤᠰᠤ ᠤᠤᠭᠤᠬᠤ ᠪᠠᠷ ᠡᠨᠳᠡ ᠢᠷᠡᠬᠦ ᠳ᠋ᠦ᠍ ᠴᠢᠨᠢ ᠪᠢ ᠡᠪᠡᠷ ᠢ᠋ ᠴᠢᠨᠢ ᠠᠪᠴᠢᠷᠠᠵᠤ ᠥᠭᠭᠦᠨᠡ ᠭᠡᠵᠦ ᠭᠤᠶᠤᠵᠠᠢ ᠭᠡᠨᠡ᠃ ᠲᠡᠮᠡᠭᠡ ᠪᠤᠭᠤ ᠶ᠋ᠢ ᠦᠵᠡᠪᠡᠯ ᠦᠨᠡᠬᠡᠷ ᠥᠷᠦᠪᠳᠦᠮᠡᠷ ᠰᠦᠷ ᠦᠭᠡᠢ ᠦᠵᠡᠮᠵᠢ ᠦᠭᠡᠢ ᠬᠠᠷᠠᠭᠳᠠᠭᠰᠠᠨ ᠲᠤᠯᠠ ᠡᠪᠡᠷ ᠢ᠋ᠶ᠋ᠡᠨ ᠮᠤᠯᠲᠤᠯᠵᠤ ᠦᠭᠭᠦᠭᠡᠳ᠂ ᠤᠰᠤ ᠤᠤᠭᠤᠬᠤ ᠪᠠᠷ ᠢᠷᠡᠬᠦ ᠳ᠋ᠦ᠍ ᠮᠢᠨᠢ ᠵᠠᠪᠠᠯ ᠠᠪᠴᠢᠷᠠᠵᠤ ᠥᠭᠭᠦᠭᠡᠷᠡᠢ ᠭᠡᠵᠦ ᠵᠠᠬᠢᠪᠠ᠃ ᠰᠦᠷᠯᠢᠭ ᠰᠠᠢᠬᠠᠨ ᠴᠢᠮᠡᠭᠯᠡᠯ ᠪᠣᠯᠤᠭᠰᠠ ᠡᠪᠡᠷ ᠢ᠋ ᠨᠢ ᠰᠢᠭᠦᠷᠴᠦ ᠠᠪᠤᠭᠠᠳ ᠪᠤᠭᠤ ᠣᠢ ᠳ᠋ᠤ᠌ ᠪᠠᠨ ᠣᠷᠣᠴᠢᠬᠠᠪᠠ᠃ ᠵᠠᠮ ᠳ᠋ᠤᠨᠢ ᠮᠣᠷᠢ ᠲᠠᠭᠠᠷᠠᠯᠳᠤᠭᠰᠠᠨ ᠳ᠋ᠤ᠌ ᠪᠤᠭᠤ ᠬᠡᠨ ᠡᠴᠡ ᠡᠪᠡᠷ ᠠᠪᠤᠭᠰᠠᠨ ᠢ᠋ᠶ᠋ᠠᠨ ᠬᠡᠯᠡᠵᠦ ᠥᠭᠴᠡᠢ᠃ ᠮᠣᠷᠢ ᠪᠠᠰᠠ ᠨᠢᠭᠡ ᠭᠣᠶᠣ ᠰᠠᠢᠬᠠᠨ ᠶᠠᠭᠤᠮᠠ ᠣᠯᠵᠤ ᠠᠪᠬᠤ ᠰᠠᠨᠠᠭᠠ ᠲᠠᠢ ᠲᠡᠮᠡᠭᠡᠨ ᠳ᠋ᠦ᠍ ᠣᠴᠢᠭᠠᠳ ᠰᠡᠭᠦᠯ ᠢ᠋ ᠨᠢ ᠭᠤᠶᠤᠵᠠᠢ ᠭᠡᠨᠡ᠃ ᠰᠠᠢᠬᠠᠨ ᠰᠡᠳᠬᠢᠯᠲᠦ ᠲᠡᠮᠡᠭᠡ ᠮᠠᠨᠢ ᠠᠨᠢ ᠯᠠ ᠮᠣᠷᠢᠨ ᠤ᠋ ᠦᠭᠡᠨ ᠳ᠋ᠦ᠍ ᠣᠷᠣᠭᠠᠳ ᠰᠡᠭᠦᠯ ᠢ᠋ᠶ᠋ᠡᠨ ᠪᠠᠰᠠ ᠰᠣᠯᠢᠴᠢᠬᠠᠵᠠᠢ ᠭᠡᠨᠡ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠡᠳᠦᠷ ᠬᠣᠨᠣᠭ ᠥᠩᠭᠡᠷᠡᠭᠰᠡᠭᠡᠷ ᠣᠨ ᠤᠳᠠᠭᠰᠠᠨ ᠪᠣᠯᠪᠠᠴᠤ ᠬᠥᠭᠡᠷᠦᠬᠦᠢ ᠲᠡᠮᠡᠭᠡ ᠡᠪᠡᠷ ᠰᠡᠭᠦᠯ ᠬᠣᠶᠠᠷ ᠤ᠋ᠨ ᠢ᠋ᠶ᠋ᠠᠨ ᠠᠯᠢ ᠠᠯᠢᠨ ᠢ᠋ ᠨᠢ ᠣᠯᠵᠤ ᠠᠪᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠪᠠᠢᠵᠠᠢ᠃ ᠠᠪᠠᠯᠠᠬᠤ ᠳ᠋ᠤ᠌ ᠪᠠᠨ ᠠᠮᠢᠲᠠᠳ ᠲᠠᠢ ᠠᠭᠤᠯᠵᠠᠭᠠᠳ᠂ ᠡᠪᠡᠷ ᠰᠡᠭᠦᠯ ᠬᠣᠶᠠᠷ ᠢ᠋ ᠨᠢ ᠡᠷᠭᠢᠭᠦᠯᠵᠦ ᠥᠭᠭᠦᠨᠡ ᠭᠡᠵᠦ ᠠᠮᠠᠯᠠᠭᠰᠠᠨ ᠢ᠋ ᠨᠢ ᠰᠠᠨᠠᠭᠤᠯᠬᠤ ᠳ᠋ᠤ᠌ ᠴᠠᠭᠠᠳᠤᠭᠤᠯᠠ ᠨᠢ ᠳᠣᠭᠣᠭᠢᠯᠠᠨ ᠳᠣᠭᠣᠭᠢᠯᠠᠨ ᠢᠨᠢᠶᠡᠭᠡᠳ ᠄《ᠬᠡ ᠬᠠ᠂ ᠳᠠᠬᠢ ᠶ᠋ᠢᠨ ᠡᠪᠡᠷ ᠢ᠋ ᠲᠡᠭᠷᠢ ᠳ᠋ᠦ᠍ ᠲᠤᠯᠬᠤ ᠪᠠᠷ᠂ ᠲᠡᠮᠡᠭᠡᠨ ᠦ᠌ ᠰᠡᠭᠦᠯ ᠢ᠋ ᠭᠠᠵᠠᠷ ᠲᠤ᠌ ᠬᠦᠷᠬᠦ ᠪᠡᠷ ᠥᠭᠭᠦᠨᠡ 》ᠭᠡᠵᠦ ᠭᠡᠨᠡ᠃ ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠣᠳᠣ ᠪᠣᠯᠲᠠᠯᠠ ᠲᠡᠮᠡᠭᠡ ᠤᠰᠤ ᠤᠤᠭᠤᠬᠤ ᠪᠦᠷᠢ ᠳ᠋ᠦ᠍ ᠪᠡᠨ ᠤᠰᠤᠨ ᠳᠣᠲᠣᠷᠠ ᠡᠪᠡᠷ ᠦᠭᠡᠢ ᠮᠤᠬᠤᠷ ᠮᠤᠯᠴᠤᠩ ᠪᠣᠯᠤᠭᠰᠠᠨ ᠳᠦᠷᠰᠦ ᠪᠡᠨ ᠣᠯᠵᠤ ᠬᠠᠷᠠᠭᠠᠳ ᠳᠤᠷᠠ ᠨᠢ ᠭᠤᠲᠤᠵᠤ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠳᠡᠭ ᠪᠣᠯᠤᠭᠰᠠᠨ ᠭᠡᠬᠦ ᠪᠠ ᠤᠰᠤ ᠬᠡᠳᠦ ᠪᠠᠯᠭᠤᠭᠠᠳ ᠡᠨᠡ ᠲᠡᠷᠡ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠬᠠᠷᠠᠵᠤ ᠪᠠᠢᠨ ᠪᠠᠢᠨ ᠦᠯᠡᠢᠨ ᠵᠣᠭᠰᠣᠳᠠᠭ ᠨᠢ ᠤᠰᠤᠨ ᠳᠡᠭᠡᠷᠡ ᠡᠪᠡᠷ ᠢ᠋ ᠨᠢ ᠠᠪᠴᠢᠷᠠᠵᠤ ᠥᠭᠭᠦᠨᠡ ᠭᠡᠵᠦ ᠠᠮᠠᠯᠠᠭᠰᠠᠨ ᠪᠤᠭᠤ ᠶ᠋ᠢᠨ ᠪᠣᠯᠵᠣᠭᠠ ᠶ᠋ᠢ ᠰᠠᠨᠠᠭᠠᠳ᠂ ᠪᠤᠭᠤ ᠡᠪᠡᠷ ᠢ᠋ ᠨᠢ ᠠᠪᠴᠢᠷᠠᠵᠤ ᠶᠠᠪᠤᠭᠠ ᠪᠣᠯᠪᠠ ᠤᠤ ᠭᠡᠵᠦ ᠭᠣᠷᠢᠳᠠᠵᠤ ᠬᠠᠷᠠᠳᠠᠭ ᠤᠴᠢᠷ ᠠ᠋ᠴᠠ ᠲᠡᠷᠡ ᠭᠡᠨᠡ᠃ ᠪᠠᠰᠠ ᠪᠤᠭᠤ ᠶ᠋ᠢᠨ ᠡᠪᠡᠷ ᠵᠢᠯ ᠪᠦᠷᠢ ᠨᠢᠭᠡ ᠤᠳᠠᠭᠠ ᠪᠤᠯᠭᠤᠷᠠᠵᠤ ᠤᠨᠠᠳᠠᠭ ᠨᠢ ᠲᠡᠷᠡ ᠡᠪᠡᠷ ᠤᠭ ᠠ᠋ᠴᠠ ᠪᠤᠭᠤ ᠳ᠋ᠤ᠌ ᠵᠠᠶᠠᠭᠠᠭᠰᠠᠨ ᠪᠢᠰᠢ ᠲᠡᠮᠡᠭᠡᠨ ᠡᠴᠡ ᠵᠠᠯᠢᠯᠠᠵᠤ ᠠᠪᠤᠭᠰᠠᠨ ᠤ᠋ ᠤᠴᠢᠷ ᠠ᠋ᠴᠠ ᠲᠡᠭᠡᠳᠡᠭ ᠭᠡᠨᠡ᠃
ᠳ᠋ᠤᠷᠤᠨ ᠄ ᠵᠠ ᠢᠩᠭᠢᠭᠡᠳ ᠰᠠᠢᠬᠠᠨ ᠠᠶᠠᠯᠠᠵᠠᠭᠠᠳᠠᠭ ᠶᠤᠮ ᠪᠠᠢᠵᠠᠢ᠃
ᠮᠥᠩᠬᠡ ᠄ ᠬᠥᠶᠢ᠂ ᠳ᠋ᠤᠷᠤᠷᠠᠨ ᠪᠠᠰᠠᠷ ᠤ᠋ᠨ ᠬᠣᠭᠣᠯᠠᠢ ᠪᠠᠷ ᠶᠠᠷᠢᠭᠠᠳ ᠪᠠᠢᠨᠠ ᠤᠤ ᠳᠠ᠃
ᠳ᠋ᠤᠷᠤᠨ ᠄ ᠬᠥᠶᠢ ᠮᠥᠩᠬᠡ ᠴᠢ ᠴᠠᠰᠤᠬᠠᠨ ᠤ᠋ ᠬᠣᠭᠣᠯᠠᠢ ᠪᠠᠷ ᠶᠠᠷᠢᠭᠠᠳ ᠪᠠᠢᠨᠠ ᠤᠤ ᠳᠠ᠃
ᠪᠠᠮᠪᠠᠷ ᠄ ᠬᠥᠶᠢ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ?
ᠴᠠᠰᠤᠬᠠᠨ ᠄ ᠠᠢ᠂ ᠪᠢᠳᠡᠨ ᠦ᠌ ᠪᠡᠶᠡ ᠨᠦ᠍ᠭᠦᠳ ᠰᠣᠯᠢᠭᠳᠠᠭᠰᠠᠨ ᠪᠠᠢᠨᠠ ᠤᠤ ᠳᠠ?
ᠲᠤᠩᠬᠤ ᠄ ᠪᠢ ᠰᠢᠭᠤᠳ ᠶᠠᠷᠢᠵᠤ ᠪᠣᠯᠤᠭᠠᠳ ᠪᠠᠢᠬᠤ ᠶᠤᠮ᠂ ᠰᠣᠨᠢᠨ ᠶᠤᠮ ᠪᠣᠢ?
ᠪᠠᠰᠠᠷ ᠄ ᠶᠧ᠂ ᠶᠠᠭᠠᠬᠢᠬᠤ ᠦᠶᠡ ᠳ᠋ᠦ᠍ ᠪᠢᠯᠡ?
ᠲᠣᠷᠤᠨ ᠄ ᠵᠠ᠂ᠶᠠᠩᠵᠤ ᠶ᠋ᠢᠨ ᠶᠠᠭᠤᠮᠠ ᠪᠣᠯᠬᠤ ᠨᠢ ᠳᠡ᠂ ᠪᠠᠷᠤᠭ ᠠᠩᠭᠢ ᠳᠠᠭᠤᠰᠬᠤ ᠭᠡᠳ ᠪᠠᠢᠨᠠ ᠤᠤ ᠦᠭᠡᠢ ᠤᠤ?
ᠮᠥᠩᠬᠡ ᠄ ᠬᠠᠷᠢᠨ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ?
ᠡᠨᠡ ᠬᠡᠳᠦ ᠳ᠋ᠦ᠍ ᠮᠠᠨᠢ ᠶᠠᠭᠤ ᠲᠣᠬᠢᠶᠠᠯᠳᠤᠴᠢᠬᠠᠪᠠ? ᠪᠠᠰᠠᠷ ᠳ᠋ᠤᠷᠤᠨ ᠬᠣᠶᠠᠷ ᠰᠣᠯᠢᠭᠳᠠᠴᠢᠬᠠᠵᠠᠢ᠂ ᠴᠠᠰᠤᠬᠠᠨ ᠮᠥᠩᠬᠡ ᠬᠣᠶᠠᠷ ᠰᠣᠯᠢᠭᠳᠠᠴᠢᠬᠠᠵᠠᠢ᠂ ᠲᠤᠩᠬᠤ ᠪᠠᠮᠪᠠᠷ ᠬᠣᠶᠠᠷ ᠰᠣᠯᠢᠭᠳᠠᠴᠢᠬᠠᠵᠠᠢ᠂ ᠬᠡᠨ ᠢᠩᠭᠢᠵᠦ ᠰᠣᠯᠢᠴᠢᠬᠠᠪᠠ᠃ ᠡᠨᠡ ᠤᠯᠠᠷᠢᠯ ᠤ᠋ᠨ ᠰᠡᠭᠦᠯ ᠦ᠋ᠨ ᠠᠩᠭᠢ ᠳᠡᠭᠡᠷᠡ ᠬᠦᠯᠢᠶᠡᠨ ᠠᠪᠴᠤ ᠦᠵᠡᠭᠡᠷᠡᠢ᠃ ᠪᠠᠶᠠᠷᠲᠠᠢ᠃ ᠬᠠᠢᠷᠠᠲᠠᠢ ᠰᠢᠦ᠃
ᠳ᠋ᠤᠷᠤᠨ᠄ ᠲᠠ ᠬᠣᠶᠠᠷ ᠰᠠᠨᠳᠤᠷᠴᠤ ᠪᠠᠢᠨᠠ ᠤᠤ?
ᠮᠥᠩᠬᠡ ᠄ ᠬᠠᠷᠢᠨ᠂ ᠵᠢᠭᠠᠬᠠᠨ ᠰᠠᠨᠳᠤᠷᠤᠭᠠᠳ ᠯᠠ ᠪᠠᠢᠨᠠ᠃
ᠲᠤᠩᠬᠤ ᠄ ᠴᠢᠮᠡᠭ ᠡᠭᠡᠴᠢ ᠤᠭ ᠠ᠋ᠴᠠ ᠪᠠᠨ ᠭᠣᠶᠣ ᠠᠭᠠᠰᠢ ᠲᠠᠢ ᠬᠥᠮᠦᠨ ᠭᠡᠰᠡᠨ ᠠ᠋᠃
ᠮᠥᠩᠬᠡ ᠄ ᠬᠡ ᠬᠠ ᠬᠠ᠂ ᠴᠢᠮᠡᠭ ᠡᠭᠡᠴᠢ ᠤᠭ ᠠ᠋ᠴᠠ ᠪᠠᠨ ᠭᠣᠶᠣ ᠠᠭᠠᠰᠢ ᠲᠠᠢ ᠯᠠ ᠳᠠ᠃ ᠭᠣᠣᠯ ᠨᠢ ᠣᠯᠠᠨ ᠺᠠᠮᠧᠷᠠ ᠶ᠋ᠢᠨ ᠡᠮᠦᠨᠡ ᠭᠠᠷᠤᠨᠠ ᠭᠡᠬᠦ ᠪᠠᠷ ᠯᠠ᠃
ᠳ᠋ᠤᠷᠤᠨ᠄ ᠶᠠᠭᠤ ᠪᠣᠢ? ᠲᠠ ᠬᠣᠶᠠᠷ ᠢ᠋ ᠴᠢᠨᠢ ᠡᠳᠦᠷ ᠪᠣᠯᠭᠠᠨ ᠮᠢᠩᠭᠠ ᠮᠢᠩᠭᠠᠨ ᠬᠥᠮᠦᠰ ᠦᠵᠡᠳᠡᠭ ᠰᠢᠲᠠ᠂ ᠬᠡ ᠬᠡ
ᠮᠥᠩᠬᠡ ᠄ ᠦ᠂ ᠨᠡᠭᠡᠷᠡᠨ ᠲᠡᠢᠮᠦ ᠰᠢᠲᠠ᠃
ᠪᠦᠭᠦᠳᠡᠭᠡᠷ ᠢᠨᠢᠶᠡᠨᠡ᠃
ᠴᠢᠮᠡᠭ ᠄ ᠵᠠ ᠢᠩᠭᠢᠭᠡᠳ ᠦᠵᠡᠭᠴᠢᠳ ᠲᠠ ᠪᠦᠭᠦᠳᠡ ᠶ᠋ᠢ ᠪᠡᠨ ᠪᠢ ᠮᠥᠩᠬᠡ ᠲᠤᠩᠬᠤ ᠬᠣᠶᠠᠷ ᠲᠠᠢ ᠪᠠᠨ ᠠᠭᠤᠯᠵᠠᠭᠤᠯᠬᠤ ᠭᠡᠵᠦ ᠪᠠᠢᠨᠠ᠂ ᠮᠥᠩᠬᠡ ᠲᠤᠩᠬᠤ ᠬᠣᠶᠠᠷ ᠠ᠋᠂Digital ᠲᠸᠭ᠌ᠨᠢᠭ᠌ᠯᠤᠬᠢ ᠭᠡᠵᠦ ᠲᠠ ᠬᠣᠶᠠᠷ ᠮᠡᠳᠡᠬᠦ ᠤᠤ?ᠶᠠᠭ ᠶᠠᠮᠠᠷ ᠤᠳᠬᠠ ᠲᠠᠢ ᠦᠭᠡ ᠶᠦᠮ ᠪᠣᠢ?
ᠮᠥᠩᠬᠡ ᠄ ᠶᠠᠭᠤᠨ ᠤ᠋ ᠡᠮᠦᠨᠡ ᠲᠧᠯᠸᠢᠰ ᠦᠵᠡᠵᠦ ᠪᠠᠢᠭᠠ ᠦᠵᠡᠭᠴᠢ ᠲᠠ ᠪᠦᠬᠦᠨ ᠳ᠋ᠦ᠍ ᠪᠡᠨ ᠣᠷᠣᠢ ᠶ᠋ᠢᠨ ᠮᠡᠨᠳᠦ ᠬᠦᠷᠭᠡᠶᠡ!ᠪᠢᠳᠡ Digital ᠶᠢᠨ ᠡᠷᠡᠨ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠵᠤ ᠪᠠᠢᠨᠠ᠂ ᠲᠡᠭ ᠪᠠ ᠨᠢᠭᠡ ᠽᠸᠹᠷᠲᠦ ᠶ᠋ᠢᠨ ᠴᠤᠭᠯᠠᠷᠠᠯ ᠬᠡᠯᠪᠡᠷᠢ ᠪᠡᠷ ᠢᠯᠡᠷᠬᠡᠢᠯᠡᠭᠳᠡᠳᠡᠭ᠃
ᠲᠤᠩᠬᠤ ᠄ ᠬᠡ ᠬᠡ᠂ ᠮᠥᠩᠬᠡ ᠶᠠᠮᠠᠷ ᠰᠦᠷ ᠲᠡᠢ ᠶᠠᠷᠢᠳᠠᠭ ᠶᠤᠮ ᠪᠣᠢ?ᠵᠦᠭᠡᠷ ᠯᠡ ᠭᠣᠶᠣ ᠲᠠᠢᠯᠪᠤᠷᠢᠯᠠᠵᠤ ᠥᠭᠭᠦᠭᠡᠴᠢ ᠠ᠋᠃
ᠮᠥᠩᠬᠡ ᠄ ᠦ ᠬᠠ ᠬᠠ᠂ ᠵᠠ ᠲᠡᠭᠡᠶᠡ᠃ Digital ᠲᠸᠭ᠌ᠨᠢᠭ᠌ᠯᠤᠬᠢ ᠭᠡᠳᠡᠭ ᠪᠣᠯ ᠲᠸᠭ᠌ᠨᠢᠭ᠌ ᠦ᠋ᠨ ᠳᠡᠪᠰᠢᠯ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠪᠣᠯᠬᠤ ᠶᠤᠮ᠂ ᠪᠢᠳᠡᠨ ᠦ᠌ ᠤᠲᠠᠰᠤ᠂ᠺᠤᠮᠫᠢᠦᠢ᠍ᠲ᠋ᠸᠷ᠂ᠲᠧᠯᠸᠢᠰ ᠭᠡᠳ ᠪᠦᠬᠦ ᠵᠦᠢᠯ Digital ᠲᠸᠭ᠌ᠨᠢᠭ᠌ᠯᠤᠬᠢ ᠳ᠋ᠤ᠌ ᠬᠠᠮᠢᠶᠠᠷᠤᠭᠳᠠᠳᠠᠭ ᠶᠤᠮ ᠰᠢᠦ᠃
ᠲᠤᠩᠬᠤ ᠄ ᠲᠡᠢᠮᠦ ᠰᠢᠦ᠂ ᠣᠳᠣ ᠪᠢ ᠠᠶᠠᠭᠦᠢ ᠰᠦᠷ ᠲᠡᠢ ᠦᠭᠡ ᠬᠡᠯᠡᠨᠡ᠂ Digital ᠲᠸᠭ᠌ᠨᠢᠭ᠌ᠯᠤᠬᠢ ᠨᠢ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠢᠳᠡᠨ ᠳ᠋ᠦ᠍ ᠳᠡᠯᠭᠡᠷᠡᠩᠭᠦᠢ ᠮᠡᠳᠡᠭᠡᠯᠡᠯ ᠢ᠋ᠶ᠋ᠡᠨ ᠰᠢᠭᠤᠳ ᠠᠪᠴᠤ ᠪᠣᠯᠳᠠᠭ᠃ ᠦᠢᠯᠡᠴᠢᠯᠡᠭᠡ ᠪᠡᠨ ᠰᠢᠭᠤᠳ ᠬᠡᠷᠡᠭᠯᠡᠵᠦ ᠪᠣᠯᠳᠠᠭ ᠲᠡᠢᠮᠦ ᠵᠦᠢᠯ ᠰᠢᠦ ᠳᠡ᠂ ᠲᠡᠢᠮᠦ ᠤᠤ? ᠴᠢᠮᠡᠭ ᠡᠭᠡᠴᠢ ᠠ᠋᠃
ᠴᠢᠮᠡᠭ ᠄ ᠮᠠᠰᠢ ᠵᠥᠪ᠂ ᠲᠠ ᠬᠣᠶᠠᠷ ᠶᠡᠬᠡ ᠵᠥᠪ ᠣᠢᠯᠠᠭᠠᠯᠲᠠ ᠲᠠᠢ ᠬᠡᠦᠬᠡᠳ ᠦ᠋ᠳ ᠪᠠᠢᠨᠠ ᠰᠢᠦ᠂ ᠲᠡᠭᠡᠪᠡᠯ ᠣᠷᠴᠢᠨ ᠦᠶᠡ ᠶ᠋ᠢᠨ ᠬᠡᠦᠬᠡᠳ ᠦ᠋ᠳ᠂ ᠶᠠᠭ ᠲᠠ ᠬᠣᠶᠠᠷ ᠰᠢᠭ᠋ ᠡᠢᠮᠦ ᠬᠡᠦᠬᠡᠳ ᠦ᠋ᠳ ᠮᠠᠨᠢ ᠶᠡᠷᠦ ᠨᠢ ᠶᠠᠮᠠᠷ ᠲᠸᠭ᠌ᠨᠢᠭ᠌ ᠬᠡᠷᠡᠭᠰᠡᠯ᠂ ᠲᠸᠭ᠌ᠨᠢᠭ᠌ᠯᠤᠬᠢ ᠠᠰᠢᠭᠯᠠᠭᠠᠳ ᠪᠠᠢᠨᠠ ᠪᠣᠢ? ᠵᠢᠱ᠌ᠢᠶᠡ ᠨᠢ᠂ ᠲᠠ ᠬᠣᠶᠠᠷ ᠮᠠᠨᠢ ᠶᠠᠭᠤ ᠠᠰᠢᠭᠯᠠᠳᠠᠭ ᠶᠤᠮ?
ᠮᠥᠩᠬᠡ ᠄ ᠥᠩ᠂ ᠣᠷᠴᠢᠨ ᠦᠶᠡ ᠶ᠋ᠢᠨ᠂ ᠣᠷᠴᠢᠨ ᠦᠶᠡ ᠭᠡᠳᠡᠭ ᠨᠢ ᠥᠭᠡᠷᠡ ᠪᠡᠷ ᠶᠠᠭ ᠶᠠᠭᠤ ᠭᠡᠰᠡᠨ ᠦᠭᠡ ᠶᠦᠮ ᠪᠣᠢ?ᠪᠢᠳᠡ ᠥᠨᠥᠳᠥᠷ ᠬᠡᠦᠬᠡᠳ ᠪᠠᠢᠭᠠ ᠪᠣᠯᠬᠣᠷ ᠣᠷᠴᠢᠨ ᠦᠶᠡ ᠳ᠋ᠦ᠍ ᠪᠡᠨ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠢᠨᠠ ᠤᠤ?ᠡᠰᠡᠬᠦᠯᠡ ᠪᠢᠳᠡᠨ ᠦ᠌ ᠣᠶᠤᠨ ᠰᠠᠨᠠᠭᠠ ᠳᠥᠩᠭᠡᠵᠦ ᠰᠤᠷᠤᠯᠴᠠᠵᠤ ᠪᠠᠢᠭᠠ ᠪᠣᠯᠬᠣᠷ ᠣᠷᠴᠢᠨ ᠦᠶᠡ ᠳ᠋ᠦ᠍ ᠪᠡᠨ ᠬᠠᠮᠢᠶᠠᠷᠤᠭᠳᠠᠳᠠᠭ ᠶᠤᠮ ᠤᠤ?ᠬᠡ ᠬᠡ
ᠲᠤᠩᠬᠤ ᠄ ᠬᠡ ᠬᠡ᠂ ᠦ ᠮᠥᠩᠬᠡ ᠳᠠᠬᠢᠭᠠᠳ ᠯᠠ ᠰᠦᠷᠴᠢᠭᠢᠨᠡᠭᠡᠳ ᠡᠬᠢᠯᠡᠯᠡ᠃
ᠮᠥᠩᠬᠡ ᠄ ᠬᠡ ᠬᠠ ᠬᠠ ᠁ ᠪᠢ ᠶᠡᠬᠡᠪᠴᠢᠯᠡᠨ ᠭᠠᠷ ᠤᠲᠠᠰᠤ ᠵᠢᠷᠤᠭᠲᠤ ᠭᠡᠳ ᠭᠣᠶᠣ ᠠᠲ᠋ᠠᠮᠠᠲ ᠲᠠᠢ ᠲᠣᠭᠯᠠᠭᠠᠮ ᠭᠡᠳ ᠯᠡ᠂ ᠮᠡᠳᠡᠭᠡᠵᠢ ᠬᠢᠴᠢᠶᠡᠯ ᠢ᠋ᠶ᠋ᠡᠨ ᠬᠢᠬᠦ ᠳ᠋ᠦ᠍ ᠪᠡᠨ ᠺᠣᠮᠫᠢᠦ᠋ᠲ᠋ᠧᠷ ᠭᠡᠬᠦ ᠮᠡᠲᠦᠴᠢᠯᠡᠨ᠂ ᠶᠡᠷᠦ ᠨᠢ ᠯᠡ ᠬᠥᠯ ᠨᠡᠢᠯᠡᠭᠦᠯᠦᠭᠡᠳ ᠶᠠᠪᠤᠭᠠᠳ ᠪᠠᠢᠭᠠ ᠳᠠ᠃ ᠬᠡ ᠬᠠ ᠬᠠ
ᠴᠢᠮᠡᠭ ᠄ ᠬᠠ ᠬᠠ᠂ ᠶᠡᠬᠡ ᠰᠠᠢᠨ ᠪᠠᠢᠨᠠ᠂ ᠲᠡᠭᠡᠪᠡᠯ ᠮᠥᠩᠬᠡ ᠲᠤᠩᠬᠤ ᠠ᠋᠂ ᠡᠨᠡ Digital ᠲᠸᠭ᠌ᠨᠢᠭ᠌ᠯᠤᠬᠢ᠂ ᠲᠸᠭ᠌ᠨᠢᠭ᠌ ᠭᠡᠳ ᠪᠠᠢᠭᠠ ᠶᠠᠭᠤᠮᠠ ᠶ᠋ᠢ ᠬᠡᠷᠡᠭᠯᠡᠬᠦ ᠨᠢ ᠶᠡᠷᠦ ᠨᠢ ᠲᠠ ᠨᠠᠷ ᠤ᠋ᠨ ᠮᠠᠨᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠶᠠᠮᠠᠷ ᠠᠴᠢ ᠲᠤᠰᠠ ᠲᠠᠢ ᠶᠤᠮ᠃ ᠲᠠ ᠬᠣᠶᠠᠷ ᠶᠠᠭᠤ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃
ᠲᠤᠩᠬᠤ ᠄ ᠪᠢ ᠶᠡᠬᠡ ᠠᠴᠢ ᠲᠤᠰᠠ ᠲᠠᠢ ᠭᠡᠵᠦ ᠪᠣᠳᠣᠳᠠᠭ ᠠ᠋᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠬᠡᠦᠬᠡᠳ ᠦ᠋ᠳ ᠮᠠᠨᠢ ᠬᠠᠢᠵᠤ ᠪᠠᠢᠭᠠᠳ᠂ ᠰᠤᠷᠤᠶᠠ ᠮᠡᠳᠡᠶᠡ ᠭᠡᠰᠡᠨ ᠵᠦᠢᠯ ᠦ᠋ᠳ ᠢ᠋ᠶ᠋ᠡᠨ ᠰᠢᠭᠤᠳ ᠬᠠᠢᠭᠠᠳ ᠣᠯᠴᠢᠬᠠᠳᠠᠭ᠃ ᠪᠠᠰᠠ ᠭᠣᠶᠣ ᠰᠢᠨᠡ ᠪᠡᠷ ᠭᠠᠷᠬᠤ ᠭᠡᠵᠦ ᠪᠠᠢᠭᠠ ᠬᠡᠦᠬᠡᠯᠳᠡᠢ ᠶ᠋ᠢ ᠶᠠᠭ ᠵᠡᠷᠭᠡ ᠦᠵᠡᠵᠦ ᠪᠣᠯᠤᠨᠠ᠃ ᠵᠢᠱ᠌ᠢᠶᠡ ᠨᠢ ᠠᠮᠧᠷᠢᠺᠠ ᠳ᠋ᠤ᠌ ᠪᠠᠢᠭᠠ ᠰᠢᠨᠡ ᠬᠡᠦᠬᠡᠯᠳᠡᠢ ᠺᠢᠨᠣ᠋ ᠭᠠᠷᠤᠯᠠ ᠭᠡᠵᠦ ᠪᠣᠳᠣᠬᠤ ᠳ᠋ᠤ᠌᠂ ᠯᠢᠰᠡ ᠪᠢᠳᠡ ᠬᠣᠶᠠᠷ ᠵᠡᠷᠭᠡ ᠦᠵᠡᠭᠡᠳ ᠵᠡᠷᠭᠡ ᠦᠵᠡᠵᠡᠭᠡᠵᠦ ᠪᠣᠯᠤᠨᠠ ᠭᠡᠰᠡᠨ ᠦᠭᠡ ᠰᠢᠦ ᠳᠡ᠃ ᠭᠠᠢᠬᠠᠯᠲᠠᠢ ᠪᠢᠰᠢ ᠭᠡᠵᠡᠢ ᠤᠤ?
ᠴᠢᠮᠡᠭ ᠄ ᠭᠠᠢᠬᠠᠯᠲᠠᠢ ᠪᠠᠢᠯᠭᠦᠢ ᠶᠠᠭᠠᠬᠢᠬᠤ ᠶᠤᠮ ᠪᠣᠢ᠃
ᠮᠥᠩᠬᠡ ᠄ ᠲᠡᠢᠮᠦ ᠰᠢᠦ ᠬᠡ ᠬᠡ᠃
ᠴᠢᠮᠡᠭ ᠄ ᠡᠪ ᠦᠭᠡᠢ ᠠᠰᠠᠭᠤᠯᠲᠠ ᠠᠰᠠᠭᠤᠨᠠ᠃ ᠡᠢᠮᠦ ᠠᠴᠢ ᠲᠤᠰᠠ ᠲᠠᠢ ᠶᠤᠮ ᠪᠣᠯ ᠪᠠᠰᠠ ᠬᠣᠣᠷ ᠤᠷᠰᠢᠭ ᠲᠠᠢ ᠪᠠᠢᠵᠤ ᠪᠣᠯᠳᠠᠭ ᠶᠤᠮ ᠪᠣᠯᠪᠠ ᠤᠤ?ᠲᠠ ᠬᠣᠶᠠᠷ ᠶᠠᠭᠤ ᠪᠣᠳᠣᠵᠤ ᠪᠠᠢᠨᠠ᠃
ᠲᠤᠩᠬᠤ ᠄ ᠪᠢ ᠪᠣᠳᠣᠬᠤ ᠨᠢ ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌ ᠮᠠᠭᠤᠬᠠᠢ ᠠᠭᠠᠰᠢᠯᠠᠳᠠᠭ᠂ ᠨᠢᠭᠡᠨ ᠢ᠋ᠶ᠋ᠡᠨ ᠰᠢᠭᠦᠮᠵᠢᠯᠡᠳᠡᠭ ᠵᠠᠩᠨᠠᠳᠠᠭ ᠬᠥᠮᠦᠰ ᠵᠥᠩᠳᠡᠭᠡᠨ ᠪᠠᠢᠳᠠᠭ᠃
ᠮᠥᠩᠬᠡ ᠄ ᠬᠠᠷᠢᠨ ᠳᠠ᠂ ᠨᠢᠭᠡᠨ ᠢ᠋ᠶ᠋ᠡᠨ ᠳᠡᠭᠡᠷᠡᠯᠬᠡᠭᠡᠳ ᠯᠡ᠂ ᠤᠭ ᠨᠢ ᠨᠢᠭᠡ ᠨᠢᠭᠡᠨ ᠢ᠋ ᠪᠡᠨ ᠳᠡᠭᠡᠷᠡᠯᠬᠡᠬᠦ ᠦᠭᠡᠢ᠂ ᠪᠡᠶᠡ ᠪᠠᠶᠠᠨ ᠲᠠᠢ ᠪᠠᠨ ᠨᠠᠢᠵᠠ ᠨᠤᠭᠤᠳ ᠪᠠᠢᠵᠤ᠂ᠤᠷᠮᠠ ᠶ᠋ᠢᠨ ᠦᠭᠡ ᠪᠡᠷ ᠳᠡᠮᠵᠢᠬᠦ ᠨᠢ ᠭᠣᠶᠣ ᠰᠢᠦ ᠳᠡ᠃
ᠴᠢᠮᠡᠭ ᠄ ᠲᠡᠭᠡᠬᠦ ᠦᠭᠡᠢ ᠶᠠᠭᠠᠬᠢᠬᠤ ᠶᠤᠮ᠂ ᠮᠠᠨ ᠤ᠋ ᠲᠧᠯᠸᠢᠰ ᠦᠵᠡᠭᠴᠢᠳ ᠪᠠᠰᠠ ᠲᠠ ᠬᠣᠶᠠᠷ ᠢ᠋ ᠮᠠᠰᠢ ᠰᠠᠢᠨ ᠰᠣᠨᠣᠰᠴᠤ ᠪᠠᠢᠭᠠ ᠪᠠᠢᠬᠤ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ ᠰᠢᠦ᠃ ᠵᠠ! ᠲᠠ ᠬᠣᠶᠠᠷ ᠮᠠᠨᠢ ᠰᠤᠷᠤᠭᠴᠢ ᠮᠥᠨ ᠤᠤ?
ᠲᠤᠩᠬᠤ ᠄ ᠮᠥᠨ᠃
ᠴᠢᠮᠡᠭ ᠄ ᠬᠢᠴᠢᠶᠡᠯ ᠳ᠋ᠦ᠍ ᠶᠠᠪᠤᠳᠠᠭ ᠤᠤ?
ᠮᠥᠩᠬᠡ ᠄ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃
ᠴᠢᠮᠡᠭ ᠄ ᠬᠠ ᠬᠠ᠂ ᠲᠡᠭᠡᠪᠡᠯ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠣᠷᠣᠭᠰᠠᠨ ᠴᠠᠬᠢᠮ ᠰᠤᠷᠭᠠᠯᠲᠠ ᠶᠡᠷᠦ ᠨᠢ ᠶᠠᠮᠠᠷ ᠰᠠᠨᠠᠭᠳᠠᠭᠰᠠᠨ ᠪᠣᠢ?ᠮᠥᠩᠬᠡ ᠲᠤᠩᠬᠤ ᠠ᠋᠃
ᠮᠥᠩᠬᠡ ᠄ ᠥᠩ᠂ ᠴᠠᠬᠢᠮ ᠬᠢᠴᠢᠶᠡᠯ ᠲᠡᠭᠡᠭᠡᠳ ᠯᠡ ᠴᠠᠬᠢᠮ ᠯᠠ ᠰᠠᠨᠠᠭᠳᠠᠭᠰᠠᠨ ᠳᠠ᠂ ᠬᠡ ᠬᠡ
ᠴᠢᠮᠡᠭ ᠄ ᠲᠡᠷᠡ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡ ᠶᠦᠮ?
ᠮᠥᠩᠬᠡ ᠄ ᠠᠩᠭᠢ ᠶ᠋ᠢᠨ ᠬᠢᠨ ᠲᠡᠢ ᠪᠡᠨ ᠶᠠᠭᠠᠬᠢᠬᠤᠪ᠂ ᠪᠠᠭᠰᠠᠢ ᠲᠠᠢ ᠪᠠᠨ ᠬᠢᠴᠢᠶᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠭᠤᠯᠵᠠᠵᠤ ᠪᠠᠢᠨᠠ ᠭᠡᠳᠡᠭ ᠨᠢ ᠭᠣᠶᠣ ᠪᠠᠢᠭᠰᠠᠨ ᠳᠠ᠃
ᠴᠢᠮᠡᠭ ᠄ ᠠ!ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠲᠢᠩᠬᠢᠮ ᠢ᠋ᠶ᠋ᠡᠷ ᠬᠢᠴᠢᠶᠡᠯᠯᠡᠬᠦ ᠨᠢ ᠪᠦᠷ ᠭᠣᠶᠣ ᠤᠤ?ᠡᠰᠡᠬᠦᠯᠡ ᠴᠠᠬᠢᠮ ᠨᠢ ᠭᠣᠶᠣ ᠤᠤ?
ᠲᠤᠩᠬᠤ ᠄ ᠮᠢᠨᠦ ᠪᠣᠳᠣᠯ ᠢ᠋ᠶ᠋ᠠᠷ ᠬᠢᠴᠢᠶᠡᠯ ᠳᠡᠭᠡᠷᠡ ᠪᠡᠨ ᠬᠠᠮᠲᠤ ᠠᠭᠤᠯᠵᠠᠭᠠᠳ ᠬᠢᠴᠢᠶᠡᠯ ᠢ᠋ᠶ᠋ᠡᠨ ᠬᠠᠮᠲᠤ ᠬᠢᠬᠦ ᠨᠢ ᠪᠦᠷ ᠭᠣᠶᠣ᠃
ᠴᠢᠮᠡᠭ ᠄ ᠲᠡᠭᠡᠭᠡᠳ ᠬᠠᠮᠲᠤ ᠳ᠋ᠤ᠌ ᠪᠠᠨ ᠭᠠᠳᠠᠭᠠ ᠲᠣᠭᠯᠠᠪᠠᠯ ᠪᠦᠷ ᠭᠣᠶᠣ᠂ ᠲᠡᠢᠮᠦ ᠤᠤ?
ᠲᠤᠩᠬᠤ ᠄ ᠲᠡᠷᠡ ᠮᠡᠳᠡᠭᠡᠵᠢ᠃
ᠴᠢᠮᠡᠭ ᠄ ᠵᠠ! ᠣᠳᠣ ᠪᠢᠳᠡ ᠴᠢᠨᠢ ᠮᠣᠩᠭᠣᠯᠴᠤᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠠᠬᠢᠮ ᠣᠷᠴᠢᠨ ᠶᠡᠬᠡ ᠰᠠᠢᠬᠠᠨ ᠨᠡᠭᠡᠭᠡᠯᠲᠡ ᠲᠡᠢ ᠪᠣᠯᠴᠢᠬᠠᠭᠰᠠᠨ ᠰᠢᠲᠠ᠂ ᠬᠡᠦᠬᠡᠳ ᠦ᠋ᠳ ᠠ᠋᠂ ᠡᠮᠡᠭᠡ ᠡᠪᠦᠭᠡ ᠨᠠᠷ ᠴᠤ᠌ ᠤᠲᠠᠰᠤ ᠪᠠᠷᠢᠭᠠᠳ ᠰᠠᠭᠤᠵᠤ ᠯᠠ ᠪᠠᠢᠵᠤ ᠪᠠᠢᠳᠠᠭ᠂ ᠬᠡᠦᠬᠡᠳ ᠦ᠋ᠳ ᠴᠤ᠌ ᠤᠲᠠᠰᠤ ᠡᠰᠡᠬᠦᠯᠡ ᠺᠣᠮᠫᠢᠦ᠋ᠲ᠋ᠧᠷ ᠳᠡᠭᠡᠷᠡ ᠲᠣᠭᠯᠠᠵᠤ ᠪᠠᠢᠳᠠᠭ᠂ ᠲᠡᠢᠮᠦ ᠠ᠋? ᠲᠠ ᠬᠣᠶᠠᠷ ᠤ᠋ᠨ ᠮᠠᠨᠢ ᠬᠤᠪᠢ ᠳ᠋ᠤ᠌ ᠶᠡᠷᠦ ᠨᠢ ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌ ᠬᠢᠷᠢ ᠢᠳᠡᠪᠬᠢᠲᠡᠢ ᠪᠠᠢᠳᠠᠭ ᠪᠣᠢ?
ᠲᠤᠩᠬᠤ ᠄ ᠶᠡᠷᠦ ᠨᠢ ᠪᠣᠯ ᠪᠢᠳᠡ ᠬᠣᠶᠠᠷ ᠤ᠋ᠨ ᠬᠤᠪᠢ ᠳ᠋ᠤ᠌ youtube ᠪᠠᠷ ᠬᠡᠦᠬᠡᠯᠳᠡᠢ ᠶ᠋ᠢᠨ ᠺᠢᠨᠣ᠋ ᠪᠠᠨ ᠭᠠᠷᠭᠠᠳᠠᠭ ᠪᠣᠯᠬᠣᠷ ᠶᠡᠬᠡ ᠢᠳᠡᠪᠬᠢᠲᠡᠢ ᠪᠠᠢᠳᠠᠭ ᠠ᠋᠃
ᠴᠢᠮᠡᠭ ᠄ ᠠ ᠲᠡᠢᠮᠦ ᠤᠤ!ᠥᠭᠡᠷᠡ ᠶᠠᠮᠠᠷ ᠵᠦᠢᠯ ᠬᠡᠷᠡᠭᠯᠡᠳᠡᠭ ᠪᠣᠢ?
ᠮᠥᠩᠬᠡ ᠄ ᠶᠡᠷᠦ ᠨᠢ ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠮᠠᠨ ᠤ᠋ ᠠᠪᠤ ᠡᠵᠢ ᠶᠡᠷᠦ ᠨᠢ ᠶᠠᠭ ᠴᠠᠭ ᠤ᠋ᠨ ᠬᠤᠪᠢᠶᠠᠷᠢ ᠭᠠᠷᠭᠠᠵᠤ ᠥᠭᠳᠡᠭ ᠠ᠋᠂ ᠲᠡᠷᠡ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠪᠠᠨ ᠭᠣᠶᠣ ᠢᠨᠲ᠋ᠸᠷᠨᠡᠲ ᠢ᠋ᠶ᠋ᠡᠷ ᠭᠣᠶᠣ ᠶᠠᠭᠤᠮᠠ ᠦᠵᠡᠵᠦ ᠪᠠᠢᠭᠠᠳ ᠯᠠ ᠵᠠ ᠴᠠᠭᠠᠰᠢ ᠨᠢ ᠲᠠᠯᠪᠢᠴᠢᠬᠠᠳᠠᠭ᠃ ᠨᠢᠭᠡ ᠶᠣᠰᠣᠨ ᠳ᠋ᠤ᠌ ᠪᠠᠨ ᠪᠠᠢᠩᠭᠤ ᠤᠩᠰᠢᠵᠤ᠂ ᠠ ᠶᠠᠭᠤᠮᠠ ᠦᠵᠡᠬᠦ ᠨᠢ ᠮᠠᠭᠤ ᠰᠢᠲᠠ ᠨᠢᠳᠦᠨ ᠳ᠋ᠦ᠍᠃
ᠴᠢᠮᠡᠭ ᠄ ᠮᠠᠰᠢ ᠵᠥᠪ᠂ ᠲᠠᠨ ᠤ᠋ ᠡᠵᠢ ᠠᠪᠤ ᠬᠣᠶᠠᠷ ᠴᠢᠨᠢ ᠶᠠᠮᠠᠷ ᠮᠤᠨᠳᠠᠭ ᠶᠤᠮ ᠪᠣᠢ? ᠬᠡᠦᠬᠡᠳ ᠪᠣᠯᠭᠠᠨ ᠤ᠋ ᠡᠵᠢ ᠠᠪᠤ ᠬᠣᠶᠠᠷ ᠶᠠᠭ ᠮᠥᠩᠬᠡ ᠲᠤᠩᠬᠤ ᠬᠣᠶᠠᠷ ᠤ᠋ᠨ ᠡᠵᠢ ᠠᠪᠤ ᠰᠢᠭ᠋ ᠪᠠᠢᠪᠠᠯ ᠮᠠᠰᠢ ᠰᠠᠢᠨ ᠪᠠᠢᠨᠠ᠂ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠪᠠᠰᠠ ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌ ᠬᠡᠳᠦ ᠢᠳᠡᠪᠬᠢᠲᠡᠢ ᠪᠠᠢᠯᠭᠠᠬᠤ ᠨᠢ ᠰᠠᠢᠨ ᠵᠦᠢᠯ ᠪᠢᠰᠢ ᠰᠢᠦ ᠳᠡ᠃ ᠲᠡᠢᠮᠦ ᠠ᠋᠃ ᠵᠠ ᠲᠡᠭᠡᠭᠡᠳ ᠮᠥᠩᠬᠡ ᠲᠤᠩᠬᠤ ᠠ᠋᠂ ᠡᠭᠡᠴᠢ ᠶ᠋ᠢᠨ ᠬᠢᠨ ᠲᠠ ᠬᠣᠶᠠᠷ ᠲᠠᠢ ᠶᠠᠷᠢᠯᠴᠠᠬᠤ ᠴᠠᠭ ᠮᠠᠨᠢ ᠶᠠᠭ ᠳᠠᠭᠤᠰᠬᠤ ᠳᠥᠭᠥᠵᠦ ᠪᠠᠢᠨᠠ ᠰᠢᠦ᠂ ᠨᠠᠢᠷᠠᠭᠤᠯᠤᠭᠴᠢ ᠴᠢᠬᠢᠨ ᠳ᠋ᠦ᠍ ᠨᠠᠳᠠ ᠬᠡᠯᠡᠭᠡᠳ ᠪᠠᠢᠨᠠ᠂ ᠳᠠᠭᠤᠰᠬᠠᠭᠠᠷᠠᠢ ᠭᠡᠳ᠃ ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠡᠭᠡᠴᠢ ᠨᠢ ᠨᠢᠭᠡ ᠠᠰᠠᠭᠤᠯᠲᠠ ᠠᠰᠠᠭᠤᠴᠢᠬᠠᠮᠠᠷ ᠰᠠᠨᠠᠭᠳᠠᠵᠤ ᠪᠠᠢᠨᠠ᠃ ᠴᠠᠬᠢᠮ ᠣᠷᠴᠢᠨ ᠶᠠᠭ ᠲᠠ ᠬᠣᠶᠠᠷ ᠰᠢᠭ᠋ ᠬᠡᠦᠬᠡᠳ ᠦ᠋ᠳ ᠲᠦ᠍᠂ ᠪᠠᠰᠠ ᠲᠠ ᠬᠣᠶᠠᠷ ᠲᠤ᠌ ᠴᠤ᠌ ᠭᠡᠰᠡᠨ ᠬᠢᠷᠢ ᠠᠶᠤᠯ ᠲᠠᠢ ᠣᠷᠴᠢᠨ ᠪᠣᠢ?
ᠮᠥᠩᠬᠡ ᠄ ᠶᠠᠭ ᠵᠥᠪ ᠠᠰᠠᠭᠤᠯᠲᠠ ᠰᠢᠦ᠂ ᠬᠡᠦᠬᠡᠳ ᠪᠢᠳᠡ ᠶᠠᠮᠠᠷ ᠴᠤ᠌ ᠬᠠᠮᠢᠶᠠ ᠦᠭᠡᠢ ᠬᠠᠶᠢᠭ ᠤ᠋ᠳ ᠢ᠋ᠶ᠋ᠠᠷ ᠬᠡᠵᠢᠶᠡ ᠴᠦ᠍ ᠬᠡᠰᠦᠵᠦ ᠪᠣᠯᠬᠤ ᠦᠭᠡᠢ ᠰᠢᠦ᠃
ᠴᠢᠮᠡᠭ ᠄ ᠮᠠᠰᠢ ᠵᠥᠪ᠃
ᠲᠤᠩᠬᠤ ᠄ ᠲᠡᠢᠮᠦ ᠰᠢᠦ᠂ ᠮᠠᠨ ᠤ᠋ ᠠᠪᠤ ᠡᠵᠢ ᠤᠲᠠᠰᠤᠨ ᠳᠡᠭᠡᠷᠡ ᠮᠠᠨᠢ ᠬᠡᠦᠬᠡᠳ ᠬᠠᠮᠠᠭᠠᠯᠠᠬᠤ ᠭᠡᠳᠡᠭ ᠬᠡᠰᠡᠭ ᠢ᠋ ᠨᠢ ᠠᠰᠠᠭᠠᠵᠤ ᠥᠭᠳᠡᠭ᠃ ᠲᠡᠭᠡᠬᠦ ᠪᠡᠷ ᠬᠡᠵᠢᠶᠡ ᠴᠤ᠌ ᠲᠡᠢᠮᠦ ᠬᠠᠶᠢᠭ ᠤ᠋ᠳ ᠣᠷᠣᠵᠤ ᠢᠷᠡᠬᠦ ᠦᠭᠡᠢ ᠪᠣᠯᠤᠭᠰᠠᠨ ᠠ᠋᠃ ᠲᠡᠭᠡᠬᠦ ᠪᠡᠷ ᠨᠠᠢᠵᠠ ᠨᠤᠭᠤᠳ ᠲᠤ᠌ ᠪᠠᠨ᠂ ᠠᠪᠤ ᠡᠵᠢ ᠨᠠᠷ ᠲᠤ᠌ ᠪᠠᠨ ᠰᠠᠨᠠᠭᠤᠯᠬᠤ ᠳ᠋ᠤ᠌ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠬᠤ ᠭᠡᠰᠡᠨ ᠬᠡᠰᠡᠭ ᠢ᠋ ᠠᠰᠠᠭᠠᠵᠤ ᠪᠠᠢᠭᠠᠷᠠᠢ!
ᠮᠥᠩᠬᠡ ᠄ ᠪᠠᠰᠠ ᠨᠠᠢᠵᠠ ᠨᠤᠭᠤᠳ ᠲᠤ᠌ ᠪᠠᠨ ᠬᠡᠯᠡᠬᠦ ᠳ᠋ᠦ᠍᠂ ᠴᠠᠬᠢᠮ ᠣᠷᠴᠢᠨ ᠳ᠋ᠤ᠌ ᠰᠣᠶᠣᠯ ᠲᠠᠢ ᠮᠤᠨᠳᠠᠭ ᠪᠠᠢᠭᠠᠷᠠᠢ ᠭᠡᠵᠦ ᠬᠡᠯᠡᠶᠡ ᠳᠡ!
ᠴᠢᠮᠡᠭ ᠄ ᠮᠠᠰᠢ ᠰᠠᠢᠨ ᠪᠠᠢᠨᠠ ᠮᠥᠩᠬᠡ᠃ ᠮᠠᠰᠢ ᠰᠠᠢᠨ ᠪᠠᠢᠨᠠ᠂ ᠤᠬᠠᠭᠠᠨ ᠲᠠᠢ ᠪᠠᠢᠨᠠ ᠲᠤᠩᠬᠤ ᠠ᠋᠃
ᠲᠤᠩᠬᠤ ᠄ ᠲᠠ ᠨᠠᠷ ᠲᠤ᠌ ᠪᠠᠨ ᠬᠠᠢᠷᠠᠲᠠᠢ ᠰᠢᠦ!
ᠮᠥᠩᠬᠡ ᠄ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠂ ᠡᠨᠡ ᠰᠠᠢᠬᠠᠨ ᠨᠡᠪᠲᠡᠷᠡᠭᠦᠯᠭᠡ ᠳ᠋ᠦ᠍ ᠣᠷᠣᠯᠴᠠᠭᠤᠯᠤᠭᠰᠠᠨ ᠳ᠋ᠤ᠌᠂ ᠠ ᠬᠠ ᠬᠠ
ᠴᠢᠮᠡᠭ ᠄ ᠵᠠ ᠡᠷᠬᠢᠮ ᠦᠵᠡᠭᠴᠢᠳ ᠠ᠋᠂ ᠢᠩᠭᠢᠭᠡᠳ ᠥᠨᠥᠳᠥᠷ ᠮᠡᠳᠡᠭᠡᠯᠡᠯ ᠦ᠋ᠨ ᠬᠥᠲᠥᠯᠪᠦᠷᠢ ᠳ᠋ᠦ᠍ ᠮᠠᠨᠢ ᠮᠥᠩᠬᠡ ᠲᠤᠩᠬᠤ ᠬᠣᠶᠠᠷ ᠣᠷᠣᠯᠴᠠᠵᠤ᠂ ᠴᠠᠬᠢᠮ ᠣᠷᠴᠢᠨ ᠳ᠋ᠠᠬᠢ ᠪᠦᠬᠦᠢ ᠯᠡ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠮᠡᠳᠡᠯᠭᠡ ᠶ᠋ᠢ ᠲᠠ ᠪᠦᠬᠦᠨ ᠲᠡᠢ ᠪᠡᠨ ᠬᠤᠪᠢᠶᠠᠯᠴᠠᠯᠠ᠃ ᠬᠡᠦᠬᠡᠳ ᠦ᠋ᠳ ᠲᠦ᠍ ᠮᠠᠨᠢ᠂ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠮᠠᠨᠢ ᠡᠵᠢ ᠠᠪᠤ ᠨᠠᠷ᠂ ᠡᠮᠡᠭᠡ ᠡᠪᠦᠭᠡ ᠨᠠᠷ᠂ ᠡᠭᠡᠴᠢ ᠠᠬᠠ ᠨᠠᠷ ᠲᠤ᠌ ᠮᠠᠰᠢ ᠬᠡᠷᠡᠭᠲᠡᠢ ᠪᠠᠢᠭᠰᠠᠨ ᠭᠡᠵᠦ ᠨᠠᠢᠳᠠᠵᠤ ᠪᠠᠢᠨᠠ᠃
ᠦᠰᠦᠭ ᠢ᠋ ᠨᠢ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠬᠥᠮᠦᠨ : ᠾᠦᠩ ᠸᠧᠢ
ᠬᠢᠨᠠᠭᠰᠠᠨ ᠬᠥᠮᠦᠰ᠄ ᠱᠤᠳᠤᠷᠭᠤ᠂ ᠳ᠂ ᠪᠥᠬᠡᠴᠢᠯᠠᠭᠤ᠃