ᠨᠠᠢᠷ ᠤ᠋ᠨ ᠰᠥᠩ ᠦ᠋ᠨ ᠢᠷᠥᠭᠡᠯ Найрын сөнгийн ерөөл
520ᠨᠠᠢᠷ ᠤ᠋ᠨ ᠰᠥᠩ ᠦ᠋ᠨ ᠢᠷᠥᠭᠡᠯ
ᠰᠦᠷ ᠨᠢ ᠪᠠᠳᠠᠷᠠᠭᠰᠠᠨ
ᠰᠦᠷᠦᠭ ᠠᠳᠤᠭᠤ ᠪᠡᠨ ᠦᠷᠡᠵᠢᠭᠦᠯᠦᠭᠡᠳ
ᠰᠦᠷᠦᠭ ᠦ᠋ᠨ ᠳᠡᠭᠡᠵᠢ ᠪᠣᠯᠤᠭᠰᠠᠨ
ᠰᠦᠷᠲᠦ ᠶᠡᠬᠡ ᠭᠡᠭᠦᠦ ᠪᠡᠨ ᠵᠡᠯᠡᠯᠡᠭᠡᠳ
ᠵᠤᠨ ᠨᠠᠮᠤᠷ ᠤ᠋ᠨ ᠵᠢᠷᠭᠠᠯ ᠳ᠋ᠤ᠌ ᠠᠪᠲᠠᠭᠳᠠᠵᠤ
ᠵᠤᠳ ᠭᠠᠩ ᠢ᠋ ᠨᠡᠷᠡ ᠶ᠋ᠢᠨ ᠲᠡᠳᠦᠢ ᠮᠠᠷᠲᠠᠵᠤ
ᠵᠤᠭᠠᠴᠠᠨ ᠦᠢᠮᠡᠵᠦ ᠶᠠᠪᠤᠭᠠ ᠣᠯᠠᠨ ᠲᠠ ᠪᠦᠭᠦᠳᠡ ᠶ᠋ᠢ
ᠵᠠᠭᠤᠷᠠ ᠬᠣᠭᠣᠷᠣᠨᠳᠣ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ
ᠲᠣᠭᠣᠰᠣ ᠲᠠᠲᠠᠭᠤᠯᠤᠨ ᠮᠣᠷᠢᠯᠠᠭᠠᠳ ᠢᠷᠡᠬᠦ ᠳ᠋ᠦ᠍ ᠨᠢ
ᠲᠣᠰᠴᠤ ᠭᠠᠷᠤᠨ ᠪᠠᠷᠠᠭᠠᠯᠬᠠᠵᠤ
ᠲᠣᠭᠲᠠᠵᠤ ᠶᠠᠳᠠᠨ ᠪᠠᠶᠠᠷᠯᠠᠵᠤ
ᠳᠣᠪᠣ ᠲᠠᠢ ᠦᠭᠡ ᠬᠡᠯᠡᠯᠴᠡᠵᠦ
ᠵᠦᠭ ᠪᠦᠷᠢ ᠳ᠋ᠦ᠍ ᠨᠢ ᠵᠠᠷᠯᠠᠵᠤ
ᠵᠦᠢᠯ ᠪᠦᠷᠢ ᠶ᠋ᠢᠨ ᠢᠳᠡᠭᠡ ᠪᠡᠯᠡᠳᠬᠡᠵᠦ
ᠰᠢᠷᠡᠭᠡ ᠪᠠᠨᠳᠡᠩ ᠤᠳ ᠢ᠋ ᠵᠠᠰᠠᠵᠤ
ᠰᠢᠮᠡ ᠠᠮᠲᠠ ᠲᠠᠢ ᠢᠳᠡᠭᠡᠨ ᠦ᠌ ᠳᠡᠭᠡᠵᠢ ᠶ᠋ᠢ
ᠰᠢᠩᠭᠡᠨ ᠲᠤᠩᠭᠠᠯᠠᠭ ᠢ᠋ᠶ᠋ᠠᠷ ᠥᠷᠢᠵᠦ
ᠰᠢᠷᠦᠭᠦᠨ ᠬᠠᠲᠠᠭᠤ ᠪᠠᠷ ᠠᠯᠪᠠᠳᠠᠯ ᠦᠭᠡᠢ ᠳᠤᠭᠠᠷᠠᠯᠠᠵᠤ
ᠰᠢᠯᠵᠢᠭᠦᠯᠵᠦ ᠠᠯᠭᠠᠰᠠᠯ ᠦᠭᠡᠢ ᠲᠣᠭᠲᠠᠭᠠᠯᠭᠠᠵᠤ
ᠬᠤᠷᠠᠨ ᠴᠢᠭᠤᠯᠤᠭᠰᠠᠨ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠬᠤᠪᠢ ᠬᠤᠪᠢ ᠳᠠᠭᠠᠨ ᠪᠠᠶᠠᠷᠯᠠᠵᠤ
ᠬᠤᠷᠢᠮᠯᠠᠨ ᠴᠡᠩᠭᠡᠬᠦ ᠠᠢᠷᠠᠭ ᠤ᠋ᠳ ᠢ ᠴᠢᠨᠢ
ᠬᠤᠪᠢᠩ ᠬᠤᠪᠢᠩ ᠢ᠋ᠶ᠋ᠠᠷ ᠰᠥᠩᠨᠡᠵᠦ
ᠬᠤᠪᠠ ᠶ᠋ᠢᠨ ᠥ ᠶ᠋ᠢᠨ ᠥᠯᠵᠡᠢ ᠪᠦᠷᠢᠳᠦᠭᠰᠡᠨ
«ᠬᠤᠭᠤᠷ ᠤ᠋ᠨ ᠮᠠᠩᠨᠠᠢ ᠶ᠋ᠢ» ᠡᠬᠢᠯᠡᠵᠦ
ᠬᠠᠭᠤᠴᠢᠨ «ᠲᠦᠮᠡᠨ ᠦ᠌ ᠡᠬᠢ ᠶ᠋ᠢ» ᠳᠠᠷᠤᠭᠤᠯᠵᠤ
ᠬᠤᠷᠳᠤᠨ ᠮᠣᠷᠢᠳ ᠨᠢ ᠥᠯᠵᠡᠢ ᠲᠡᠢ ᠭᠡᠵᠦ
«ᠬᠣᠯᠠᠴᠢ ᠮᠣᠷᠢ ᠶ᠋ᠢ» ᠳᠠᠭᠤᠯᠠᠵᠠᠭᠠᠵᠤ
ᠠᠳᠤᠭᠤ ᠨᠢ ᠲᠦᠮᠡ ᠬᠦᠷᠴᠦ
ᠠᠢᠷᠠᠭ ᠨᠢ ᠳᠠᠯᠠᠢ ᠪᠣᠯᠵᠤ
ᠥᠨᠢ ᠪᠠᠲᠤ ᠵᠢᠷᠭᠠᠵᠤ
ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢᠵᠤ
ᠥᠨᠳᠥᠷ ᠽᠠᠨᠳᠠᠨ ᠰᠥᠩ ᠢ ᠴᠢᠨᠢ
ᠡᠷᠭᠦᠨ ᠪᠠᠷᠢᠵᠤ ᠲᠠᠯᠪᠢᠬᠤ ᠶ᠋ᠢᠨ
ᠪᠡᠯᠭᠡ ᠶ᠋ᠢ ᠠᠢᠯᠠᠳᠬᠠᠶᠠ᠃
Найрын сөнгийн ерөөл
Сүр нь бадарсан
Сүрэг адуугаа үржүүлээд
Сүргийн дээж болсон
Сүрт их гүүгээ зэллээд
Зун намрын жаргалд автагдаж
Зуд ганг нэрийн төдий мартаж
Зугаацан үймж яваа олон та бүгдийг
Зуур хоорондын газраас
Тоос татуулан морилоод ирэхэд нь
Тосож гаран бараалхаж
Тогтож ядан баярлаж
Товтой үгээ хэлэлцэж
Зүг бүрт нь зарлаж
Зүйл бүрийн идээ бэлтгэж
Ширээ вандангуудыг засаж
Шим амттай идээний дээжийг
Шингэн тунгалгаар өрж
Ширүүн хатуугаар албадалгүй дугараалж
Шилжүүлж алгасалгүй тогтоолгож
Хуран чуулсан бүхнээрээ
Хувь хувьдаа баярлаж
Хуримлан цэнгэх айргууды чинь
Хувин хувингаар сөгнөж
Хувыай үөийн өлзий бүрдсэн
«Хуурын магнайг» эхэлж
Хуучин «Түмний эхийг» даруулж
Хурдан морьдод нь өлзийтэй гэж
«Холч морийг» дуулцгааж
Адуу нь түм хурч
Айраг нь далай болж
Өнө бат жаргаж
Өлзий хутаг оршиж
Өндөр зандан сөнгий чинь
Өргөн барьж тавихын
Бэлгийг айлтгая.