ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤ-ᠬᠡᠦᠬᠡᠳ ᠦ᠋ᠨ ᠬᠥᠮᠦᠵᠢᠯ ᠳ᠋ᠦ᠍ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠠᠩᠬᠠᠷᠬᠤ ᠵᠦᠢᠯ ᠦ᠋ᠳ-ᠮᠣᠩᠭᠣᠯᠴᠤᠳ ᠤ᠋ᠨ ᠭᠡᠷ ᠪᠦᠯᠢ ᠶ᠋ᠢᠨ ᠬᠥᠮᠦᠵᠢᠯ3-05-ᠪᠣᠯᠣᠴᠢᠯᠠᠭᠤ
549ᠲᠠᠪᠤ᠂ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤ
ᠳᠡᠯᠡᠬᠡᠢ ᠶ᠋ᠢᠨ ᠠᠯᠢ ᠴᠤ᠌ ᠤᠯᠤᠰ ᠣᠷᠣᠨ ᠤ᠋ ᠬᠡᠦᠬᠡᠳ ᠪᠦᠷ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤ ᠪᠠᠷ ᠢᠵᠢᠯᠬᠡᠨ ᠭᠣᠶᠣᠯᠠᠳᠠᠭ ᠮᠥᠷᠲᠡᠭᠡᠨ ᠪᠠᠷᠤᠭ ᠪᠦᠬᠦ ᠤᠯᠤᠰ ᠣᠷᠣᠨ ᠤ᠋ ᠬᠡᠦᠬᠡᠳ ᠪᠦᠷ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤᠨ ᠳ᠋ᠤ᠌ ᠪᠠᠨ ᠳᠤᠷᠠ ᠦᠭᠡᠢᠴᠡᠳᠡᠭ ᠲᠦᠭᠡᠮᠡᠯ ᠣᠨᠴᠠᠯᠢᠭ ᠲᠠᠢ ᠨᠢ ᠢᠵᠢᠯᠬᠡᠨ ᠰᠣᠨᠢᠨ᠃ ᠶᠠᠭᠤᠨ ᠳ᠋ᠤ᠌ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤ ᠪᠠᠷ ᠢᠵᠢᠯᠬᠡᠨ ᠭᠣᠶᠣᠯᠠᠳᠠᠭ ᠪᠣᠢ ᠭᠡᠪᠡᠯ ᠭᠠᠭᠴᠠᠬᠠᠨ ᠬᠠᠷᠢᠭᠤᠯᠲᠠ᠂ ᠪᠦᠷ ᠯᠡ ᠦᠰᠦᠨ ᠪᠣᠢᠵᠢᠵᠤ ᠪᠠᠢᠭᠠ ᠬᠡᠦᠬᠡᠳ ᠪᠠᠭᠠᠴᠤᠤᠯ ᠤ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ ᠶ᠋ᠢᠨ ᠲᠥᠯᠥᠭᠡ ᠪᠠᠢᠳᠠᠭ᠃ ᠮᠠᠨ ᠤ᠋ ᠬᠡᠦᠬᠡᠳ ᠢ᠋ ᠬᠡᠷᠪᠡ ᠥᠪᠡᠷᠰᠡᠳ ᠦ᠋ᠨ ᠭᠤᠸᠠ ᠲᠠᠭᠠᠰᠢᠶᠠᠯ ᠳᠤᠷᠠ ᠰᠣᠨᠢᠷᠬᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠤᠪᠴᠠᠰᠤᠯᠠᠵᠤ ᠭᠣᠶᠣᠯᠠᠭᠠᠷᠠᠢ ᠭᠡᠪᠡᠯ ᠶᠠᠮᠠᠷᠬᠠᠨ ᠦᠷᠡ ᠨᠥᠯᠥᠭᠡ ᠭᠠᠷᠬᠤ ᠶ᠋ᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠲᠠ ᠪᠦᠬᠦᠨ ᠴᠥᠮ ᠮᠡᠳᠡᠬᠦ ᠪᠠᠢᠬᠠ᠃ ᠣᠳᠣ ᠶ᠋ᠢᠨ ᠳᠦᠷᠢᠮᠵᠢᠯ ᠲᠡᠢ ᠬᠠᠮᠢᠶᠠᠷᠤᠯᠲᠠ ᠳᠣᠣᠷᠠ ᠴᠤ᠌ ᠰᠣᠨᠢᠨ ᠬᠠᠴᠢᠨ ᠦᠰᠦ ᠭᠡᠵᠢᠭᠡ ᠡᠴᠡ ᠴᠢᠬᠢ᠂ ᠬᠠᠮᠠᠷ᠂ ᠤᠷᠤᠭᠤᠯ᠂ ᠬᠡᠯᠡ ᠪᠡᠨ ᠬᠦᠷᠲᠡᠯᠡ ᠴᠣᠭᠣᠯᠬᠤ ᠬᠡᠦᠬᠡᠳ ᠪᠠᠭᠠ ᠪᠤᠰᠤ ᠭᠠᠷᠴᠤ ᠪᠠᠢᠭᠠ ᠶᠤᠮ ᠴᠢᠨᠢ ᠵᠠᠰᠠᠯ ᠭᠣᠶᠣᠯᠠᠯ ᠢ᠋ ᠳᠤᠷᠠ ᠪᠠᠷ ᠲᠠᠯᠪᠢᠬᠤ ᠶᠤᠮ ᠪᠣᠯ ᠶᠠᠭᠤ ᠪᠣᠯᠤᠨᠠ ᠪᠣᠢ? ᠡᠳᠦᠷᠵᠢᠨ ᠡᠮᠦᠰᠴᠦ ᠵᠡᠭᠦᠬᠦ ᠵᠠᠰᠠᠵᠤ ᠭᠣᠶᠣᠯᠠᠬᠤ ᠳᠡᠭᠡᠷᠡ ᠰᠠᠨᠠᠭᠠ ᠪᠣᠯᠤᠭᠠᠳ ᠬᠠᠷᠢᠯᠴᠠᠨ ᠨᠡᠷᠡᠲᠦ ᠲᠡᠮᠳᠡᠭᠲᠦ ᠦᠨᠡ ᠬᠠᠩᠰᠢ ᠪᠠᠨ ᠠᠳᠠᠯᠢᠳᠬᠠᠭᠠᠳ ᠠᠵᠢᠯ ᠰᠤᠷᠤᠯᠭᠠ ᠳᠡᠭᠡᠷᠡ ᠰᠡᠳᠬᠢᠯ ᠪᠣᠳᠣᠯ ᠲᠥᠪᠯᠡᠷᠡᠬᠦ ᠦᠭᠡᠢ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠦᠷᠡ ᠳ᠋ᠦᠩ ᠳ᠋ᠦ᠍ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠪᠣᠢᠵᠢᠯᠲᠠ ᠳ᠋ᠤ᠌ ᠨᠠᠵᠠᠭᠠᠢ ᠨᠥᠯᠥᠭᠡᠯᠡᠵᠦ᠂ ᠨᠡᠷᠡᠯᠬᠡᠭ᠂ ᠠᠲᠠᠭᠠᠷᠬᠠᠬᠤ ᠮᠡᠲᠦ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠡᠷᠡᠭᠦᠯ ᠪᠤᠰᠤ ᠰᠡᠳᠬᠢᠴᠡ ᠡᠭᠦᠰᠦᠨᠡ᠃ ᠠᠮᠢᠳᠤᠷᠠᠯ ᠤ᠋ᠨ ᠨᠥᠬᠥᠴᠡᠯ ᠲᠠᠭᠠᠷᠠᠤᠬᠠᠨ ᠭᠡᠷ ᠪᠦᠯᠢ ᠶ᠋ᠢᠨ ᠬᠡᠦᠬᠡᠳ ᠲᠤ ᠰᠡᠳᠬᠢᠴᠡ ᠶ᠋ᠢᠨ ᠳᠠᠷᠤᠭᠠᠰᠤ ᠠᠪᠴᠢᠷᠠᠵᠤ᠂ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠠᠮᠢᠶᠠᠷᠤᠯᠲᠠ᠂ ᠰᠤᠷᠤᠭᠴᠢ ᠶ᠋ᠢᠨ ᠡᠷᠡᠭᠦᠯ ᠦᠰᠦᠨ ᠪᠣᠢᠵᠢᠯᠲᠠ ᠳ᠋ᠤ᠌ ᠪᠦᠷ ᠲᠦᠪᠡᠭ ᠳᠠᠷᠤᠭᠠᠰᠤ ᠨᠡᠮᠡᠬᠦ ᠪᠣᠯᠤᠨᠠ᠃
ᠲᠡᠭᠡᠬᠦ ᠡᠴᠡ ᠭᠡᠷ ᠦ᠋ᠨ ᠠᠬᠠᠮᠠᠳ ᠮᠠᠨᠢ ᠬᠡᠦᠬᠡᠳ ᠲᠡᠢ ᠪᠡᠨ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤ ᠪᠠᠷ ᠢᠵᠢᠯᠬᠡᠨ ᠭᠣᠶᠣᠯᠠᠬᠤ ᠶ᠋ᠢᠨ ᠰᠡᠳᠬᠢᠴᠡ ᠶ᠋ᠢᠨ ᠦᠷᠡ ᠨᠥᠯᠥᠭᠡ ᠶ᠋ᠢ ᠢᠯᠡᠭᠦᠬᠡᠨ ᠶᠠᠷᠢᠯᠴᠠᠵᠤ᠂ ᠬᠡᠦᠬᠡᠳ ᠲᠦ᠍ ᠪᠡᠨ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤᠨ ᠤ᠋ ᠲᠤᠬᠠᠢ ᠵᠥᠪ ᠰᠠᠢᠬᠠᠨ ᠣᠢᠯᠠᠭᠠᠯᠲᠠ ᠲᠠᠢ ᠪᠣᠯᠭᠠᠬᠤ ᠶ᠋ᠢ ᠬᠢᠴᠢᠶᠡᠬᠦ ᠶᠣᠰᠣᠲᠠᠢ᠃ ᠦᠭᠡᠢ ᠪᠣᠯ ᠵᠠᠷᠢᠮ ᠭᠡᠷ ᠦ᠋ᠨ ᠠᠬᠠᠮᠠᠳ ᠬᠡᠦᠬᠡᠳ ᠨᠢ ᠴᠠᠭᠠᠨᠠ ᠠ᠋ᠴᠠ ᠪᠠᠨ ᠳᠤᠷᠠ ᠦᠭᠡᠢᠴᠡᠵᠦ ᠪᠠᠢᠲᠠᠯᠠ ᠭᠠᠯ ᠳᠡᠭᠡᠷᠡ ᠲᠣᠰᠣ ᠨᠡᠮᠡᠵᠦ᠂ ᠶᠠᠩᠵᠤ ᠨᠢ ᠪᠣᠯᠬᠤ ᠦᠭᠡᠢ ᠭᠡᠲᠡᠯᠡ ᠥᠩᠭᠡ ᠨᠢ ᠠᠨᠠᠢ᠂ ᠴᠢᠨᠠᠷ ᠪᠣᠯᠬᠤ ᠦᠭᠡᠢ ᠭᠡᠬᠦ ᠮᠡᠲᠦ ᠪᠡᠷ ᠶᠠᠷᠢᠵᠤ᠂ ᠬᠡᠦᠬᠡᠳ ᠦ᠋ᠨ ᠬᠤᠪᠴᠠᠰᠤ ᠪᠠᠨ ᠲᠣᠭᠣ ᠶᠠᠳᠠᠬᠤ ᠰᠡᠳᠬᠢᠯᠭᠡ ᠶ᠋ᠢ ᠨᠢ ᠤᠯᠠᠮ ᠬᠦᠨᠳᠦᠷᠡᠭᠦᠯᠳᠡᠭ᠃ ᠠᠮᠢᠳᠤᠷᠠᠯ ᠤ᠋ᠨ ᠨᠥᠬᠥᠴᠡᠯ ᠰᠠᠢᠨ ᠭᠡᠷ ᠪᠦᠯᠢ ᠶ᠋ᠢᠨ ᠬᠡᠦᠬᠡᠳ ᠢ᠋ ᠬᠠᠷᠠᠭᠠᠯᠵᠠᠵᠤ ᠦᠨᠡ ᠲᠡᠢ ᠴᠢᠨᠠᠷ ᠲᠠᠢ ᠶ᠋ᠢ ᠠᠪᠴᠤ ᠥᠭᠬᠦ ᠪᠣᠯᠤᠮᠵᠢ ᠦᠭᠡᠢ ᠰᠢᠦ᠂ ᠲᠡᠭᠡᠬᠦ ᠳ᠋ᠦ᠍ ᠬᠦᠷᠪᠡᠯ ᠬᠡᠦᠬᠡᠳ ᠦ᠋ᠨ ᠳᠤᠮᠳᠠ ᠠᠳᠠᠯᠢᠳᠬᠠᠵᠤ ᠮᠥᠴᠡᠭᠡᠷᠬᠡᠬᠦ ᠰᠡᠳᠬᠢᠴᠡ ᠠᠳᠠᠯᠢᠬᠠᠨ ᠪᠣᠢ ᠪᠣᠯᠵᠤ ᠬᠡᠦᠬᠡᠳ ᠦ᠋ᠨ ᠰᠠᠨᠠᠭᠠ ᠪᠣᠳᠣᠯ ᠳ᠋ᠤ᠌ ᠣᠯᠠᠨ ᠳᠠᠷᠤᠭᠠᠰᠤ ᠲᠦᠪᠡᠭ ᠠᠪᠴᠢᠷᠠᠨᠠ᠃ ᠰᠤᠷᠤᠭᠴᠢ ᠶ᠋ᠢᠨ ᠬᠤᠪᠴᠠᠰᠤᠨ ᠤ᠋ ᠲᠤᠬᠠᠢ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠠᠮᠢᠶᠠᠷᠤᠯᠲᠠ ᠪᠣᠯ ᠰᠤᠷᠤᠭᠴᠢ ᠶ᠋ᠢᠨ ᠡᠷᠡᠭᠦᠯ ᠦᠰᠦᠨ ᠪᠣᠢᠵᠢᠯᠲᠠ ᠳ᠋ᠤ᠌ ᠣᠮᠲᠣᠭᠠᠢᠯᠠᠵᠤ ᠪᠣᠯᠣᠰᠢ ᠦᠭᠡᠢ ᠴᠢᠬᠤᠯᠠ ᠡᠭᠦᠷᠭᠡ ᠭᠦᠢᠴᠡᠳᠬᠡᠵᠦ ᠪᠠᠢᠬᠤ ᠶ᠋ᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠲᠠ ᠨᠠᠷ ᠵᠥᠪ ᠭᠦᠢᠴᠡᠳ ᠣᠢᠯᠠᠭᠠᠵᠤ ᠠᠪᠤᠭᠠᠷᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ᠂ ᠬᠣᠩ ᠮᠧᠢ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ᠂ ᠵ᠂ ᠪᠤᠶᠠᠨᠲᠣᠭᠲᠠᠬᠤ