ᠮᠥᠩᠬᠡ ᠲᠤᠩᠬᠤ 1-06Мөнх ТунхMunkh Tunkh
919ᠮᠥᠩᠬᠡ ᠲᠤᠩᠬᠤ ᠨᠢᠭᠡᠳᠦᠭᠡᠷ ᠤᠯᠠᠷᠢᠯ ᠵᠢᠷᠭᠤᠳᠤᠭᠠᠷ ᠠᠩᠭᠢ
ᠠᠷᠸᠡ᠄ ᠦᠯᠢᠭᠡᠷ ᠦ᠋ᠨ ᠠᠶᠠᠯᠠᠯ ᠡᠬᠢᠯᠡᠯᠡ ᠳᠡ᠃
ᠮᠥᠩᠬᠡ᠄ ᠶᠣᠣ ᠶᠣᠣ᠂ ᠣᠳᠣ ᠶᠣᠰᠣᠲᠠᠢ ᠭᠣᠶᠣ ᠶᠠᠪᠤᠨᠠ᠂ ᠪᠢ ᠪᠠᠢᠨᠠ ᠰᠢᠲᠠ᠂ ᠣᠳᠣ ᠵᠦᠭᠡᠷ ᠯᠡ ᠠᠶᠠᠯᠠᠭᠠᠳ ᠢᠷᠡᠨᠡ᠂ok᠃ ᠬᠢ ᠬᠢ ᠬᠢ
ᠲᠤᠩᠬᠤ᠄ ᠬᠡ ᠬᠡ ᠬᠡ᠃
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ
ᠪᠣᠯᠳᠠᠭ ᠦᠭᠡᠢ ᠪᠣᠷᠣ ᠡᠪᠦᠭᠡᠨ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ ᠂ ᠪᠣᠯᠳᠠᠭ ᠦᠭᠡᠢ ᠪᠣᠷᠣ ᠭᠡᠳᠡᠭ ᠡᠪᠦᠭᠡᠨ ᠳᠣᠯᠣᠭᠠᠨ ᠪᠣᠷᠣ ᠬᠣᠨᠢ ᠲᠠᠢ᠂ ᠨᠢᠰᠳᠡᠭ ᠪᠣᠷᠣ ᠮᠣᠷᠢ ᠲᠠᠢ᠂ ᠪᠠᠰᠠ ᠨᠢᠰᠳᠡᠭ ᠦᠭᠡᠢ ᠪᠣᠷᠣ ᠮᠣᠷᠢ ᠲᠠᠢ ᠪᠠᠨ᠂ ᠪᠣᠯᠵᠣᠭᠠᠲᠤ ᠶ᠋ᠢᠨ ᠪᠣᠷᠣ ᠲᠣᠯᠣᠭᠠᠢ ᠳ᠋ᠤ᠌ ᠣᠪᠣᠬᠠᠢ ᠪᠠᠷᠢᠨ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃ ᠪᠣᠯᠵᠣᠭᠠᠲᠤ ᠶ᠋ᠢᠨ ᠪᠣᠷᠣ ᠲᠣᠯᠣᠭᠠᠢ ᠳ᠋ᠤ᠌ ᠪᠠᠨ ᠳᠣᠯᠣᠭᠠᠨ ᠪᠣᠷᠣ ᠬᠣᠨᠢ ᠪᠠᠨ ᠬᠠᠷᠢᠭᠤᠯᠳᠠᠭ ᠪᠠᠢᠵᠠᠢ ᠭᠡᠨᠡ᠃ ᠨᠢᠰᠳᠡᠭ ᠪᠣᠷᠣ ᠮᠣᠷᠢ ᠪᠠᠨ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠠᠷᠠᠭᠤᠨ ᠲᠠᠯᠠ ᠳ᠋ᠤ᠌ ᠤᠶᠠᠳᠠᠭ᠂ ᠨᠢᠰᠳᠡᠭ ᠦᠭᠡᠢ ᠪᠣᠷᠣ ᠮᠣᠷᠢ ᠪᠠᠨ ᠵᠡᠭᠦᠨ ᠲᠠᠯᠠ ᠳ᠋ᠤ᠌ ᠪᠠᠨ ᠠᠷᠭᠠᠮᠵᠢᠳᠠᠭ ᠪᠠᠢᠵᠠᠢ᠃
ᠪᠣᠯᠳᠠᠭ ᠦᠭᠡᠢ ᠪᠣᠷᠣ ᠡᠪᠦᠭᠡᠨ᠄ 《ᠬᠤᠪᠤ ᠪᠣᠷᠣ ᠬᠣᠨᠢᠨ ᠠ᠋ᠴᠠ ᠮᠢᠨᠢ ᠬᠤᠨᠳᠠᠨ ᠴᠠᠭᠠᠨ ᠬᠤᠷᠠᠭᠠ ᠭᠠᠷᠤᠭᠠᠰᠠᠢ᠂ ᠬᠤᠷᠮᠤᠰᠲᠠ ᠲᠡᠭᠷᠢ ᠪᠡᠨ ᠳᠠᠭᠢᠬᠤ ᠶᠤᠮᠰᠠᠨ》 ᠭᠡᠵᠦ ᠪᠣᠳᠣᠵᠤ ᠶᠠᠪᠤᠳᠠᠭ ᠪᠠᠢᠵᠠᠢ᠃ ᠲᠡᠭᠡᠵᠦ ᠪᠠᠢᠲᠠᠯᠠ ᠬᠤᠪᠤ ᠪᠣᠷᠣ ᠬᠣᠨᠢᠨ ᠠ᠋ᠴᠠ ᠨᠢ ᠬᠤᠨᠳᠠᠨ ᠴᠠᠭᠠᠨ ᠬᠤᠷᠠᠭᠠ ᠭᠠᠷᠤᠭᠰᠠᠨ ᠳ᠋ᠤ᠌ ᠬᠤᠷᠮᠤᠰᠲᠠ ᠲᠩᠷᠢ ᠪᠡᠨ ᠲᠠᠬᠢᠨᠠ ᠭᠡᠵᠦ ᠪᠠᠶᠠᠷᠯᠠᠭᠠᠳ ᠬᠤᠷᠠᠭᠠᠨ ᠤ᠋ ᠤᠭᠤᠲᠠᠨ ᠳ᠋ᠤ᠌ ᠬᠢᠭᠡᠳ ᠪᠣᠯᠵᠣᠭᠠᠲᠤ ᠶ᠋ᠢᠨ ᠪᠣᠷᠣ ᠲᠣᠯᠣᠭᠠᠢ ᠳᠡᠭᠡᠷᠡ ᠣᠷᠬᠢᠭᠠᠳ ᠶᠠᠪᠤᠵᠠᠢ᠃
ᠮᠥᠩᠬᠡ᠄ ᠬᠥᠶᠢ ᠲᠠ ᠨᠠᠷ ᠶᠠᠭᠠᠬᠢᠵᠤ ᠪᠠᠢᠨᠠ᠂ ᠠᠯᠢᠪ ᠶᠠᠪᠤᠵᠠᠭᠠ᠃ ᠠ ᠂ ᠶᠠᠪᠤᠵᠠᠭᠠ᠂ ᠶᠠᠪᠤᠴᠠᠭᠠ ᠭᠡᠵᠦ ᠪᠠᠢᠨᠠ ᠰᠢᠦ᠃
ᠲᠤᠩᠬᠤ᠄ ᠶᠠᠭᠠᠬᠢᠭᠰᠠᠨ ᠮᠠᠭᠤᠬᠠᠢ ᠰᠢᠪᠠᠭᠤᠨ ᠨᠤᠭᠤᠳ ᠪᠣᠢ᠂ ᠬᠦᠴᠢ ᠬᠦᠴᠢ᠂ ᠬᠦᠴᠢ ᠭᠡᠵᠦ ᠪᠠᠢᠨᠠ ᠰᠢᠦ᠃
ᠶᠠᠮᠠᠷ ᠠᠮᠢᠲᠠᠨ ᠢ᠋《 ᠬᠥᠵᠦ》》 ᠭᠡᠵᠦ ᠳᠠᠭᠤᠳᠠᠳᠠᠭ ᠪᠣᠢ?
ᠲᠠᠬᠢᠶᠠ᠂ ᠦᠬᠡᠷ᠂ ᠨᠣᠬᠠᠢ᠂ ᠮᠤᠤᠷ᠃
ᠦᠬᠡᠷ᠃
ᠬᠡᠷᠢᠶᠡ᠄ ᠪᠢᠳᠡ ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ ᠤ᠋ ᠬᠡᠷᠢᠶᠡ ᠨᠦ᠍ᠭᠦᠳ ᠪᠠᠢᠨᠠ᠂ ᠰᠠᠢᠬᠠᠨ ᠮᠡᠳᠡᠭᠡᠷᠡᠢ᠂ ᠲᠠ ᠨᠠᠷ᠃
ᠮᠥᠩᠬᠡ᠄ ᠬᠤᠷᠮᠤᠰᠲᠠ ᠶ᠋ᠢᠨ ᠭᠡᠨᠡ ᠤᠤ? ᠬᠥᠭᠡᠷᠦᠬᠦᠨ ᠵᠢᠭᠠᠬᠠᠨ ᠬᠤᠷᠠᠭᠠ ᠪᠠᠢᠨᠠ᠂ ᠶᠠᠭᠠᠬᠢᠭᠠᠳ ᠡᠨᠳᠡ ᠣᠷᠬᠢᠭᠰᠠᠨ ᠶᠤᠮ ᠪᠣᠯ ᠠ᠋᠃
ᠲᠤᠩᠬᠤ᠄ ᠬᠠᠷᠢᠨ ᠲᠡᠢᠮᠦ ᠠ᠋᠂ ᠥᠩ᠂ ᠲᠡᠷᠡ ᠳᠣᠣᠷᠠ ᠠᠢᠯ ᠪᠠᠢᠨᠠ ᠤᠤ ᠳᠠ᠃
ᠮᠥᠩᠬᠡ᠄ ᠲᠡᠢᠮᠦ ᠪᠠᠢᠨᠠ᠂ ᠲᠠᠢᠰᠢ ᠪᠠᠨ ᠣᠴᠢᠶᠠ᠃
ᠮᠥᠩᠬᠡ᠄ ᠰᠠᠢᠨ ᠪᠠᠢᠨᠠ ᠤᠤ? ᠡᠪᠦᠭᠡ ᠠ᠋!
ᠪᠣᠷᠣ ᠡᠪᠦᠭᠡᠨ᠄ ᠰᠠᠢᠨ᠂ ᠰᠠᠢᠨ ᠪᠠᠢᠵᠠᠭᠠᠨᠠ ᠤᠤ? ᠬᠡᠦᠬᠡᠳ ᠦ᠋ᠳ ᠠ᠋᠃ ᠵᠠ᠂ ᠠᠯᠢ ᠬᠦᠷᠴᠦ ᠶᠠᠪᠤᠨᠠ ᠳᠠ᠃
ᠲᠤᠩᠬᠤ᠄ ᠪᠢᠳᠡ ᠡᠨᠡᠭᠦᠷ ᠠᠶᠠᠯᠠᠵᠤ ᠶᠠᠪᠤᠭᠠ ᠶᠤᠮ ᠠ᠋᠂ ᠰᠠᠶᠢ ᠡᠨᠡ ᠪᠣᠷᠣ ᠲᠣᠯᠣᠭᠠᠢ ᠳᠡᠭᠡᠷᠡ ᠭᠠᠷᠴᠤ ᠢᠷᠡᠭᠰᠡᠨ ᠴᠢᠨᠢ ᠨᠢᠭᠡ ᠬᠥᠭᠡᠷᠦᠬᠦᠨ ᠬᠤᠷᠠᠭᠠ ᠶ᠋ᠢ ᠬᠣᠶᠠᠷ ᠬᠠᠷᠠ ᠬᠡᠷᠢᠶᠡ ᠢᠷᠡᠭᠡᠳ ᠲᠣᠩᠰᠢᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠨᠢ ᠠᠪᠤᠷᠠᠯᠠ᠃
ᠪᠣᠷᠣ ᠡᠪᠦᠭᠡᠨ᠄ ᠥ ᠲᠡᠢᠮᠦ ᠤᠤ? ᠶᠠᠭᠠᠬᠢᠭᠰᠠᠨ ᠠᠴᠢᠯᠠᠯ ᠲᠠᠢ ᠬᠡᠦᠬᠡᠳ ᠦ᠋ᠳ ᠪᠣᠢ？
ᠮᠥᠩᠬᠡ᠄ ᠲᠡᠭᠡᠭᠡᠳ ᠲᠠᠨ ᠤ᠋ ᠬᠢ ᠪᠣᠯᠪᠠ ᠤᠤ ᠭᠡᠳ ᠯᠡ ᠠᠪᠤᠭᠠᠳ ᠢᠷᠡᠯᠡ᠂ ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ ᠤ᠋ ᠬᠡᠷᠢᠶᠡ ᠨᠦ᠍ᠭᠦᠳ ᠪᠠᠢᠨᠠ ᠭᠡᠳ ᠥᠭᠦᠯᠡᠭᠰᠡᠭᠡᠷ ᠯᠡ ᠶᠠᠪᠤᠭᠰᠠᠨ᠃
ᠪᠣᠷᠣ ᠡᠪᠦᠭᠡᠨ᠄ ᠦ᠂ ᠬᠡᠦᠬᠡᠳ ᠦ᠋ᠳ ᠮᠢᠨᠢ᠂ ᠡᠪᠦᠭᠡᠨ ᠠᠬᠠ ᠨᠢ ᠡᠨᠡ ᠭᠠᠩ ᠭᠠᠴᠢᠭ ᠢ᠋ ᠳᠠᠪᠠᠭᠤᠯᠵᠤ ᠥᠭᠭᠦᠭᠡᠴᠢ ᠠ᠋ ᠭᠡᠳ᠂ ᠬᠤᠷᠮᠤᠰᠲᠠ ᠲᠩᠷᠢ ᠪᠡᠨ ᠳᠠᠭᠢᠬᠤ ᠭᠡᠵᠦ᠂ ᠬᠤᠨᠳᠠᠨ ᠴᠠᠭᠠᠨ ᠬᠤᠷᠠᠭᠠ ᠪᠠᠨ ᠲᠡᠨᠳᠡ ᠣᠷᠬᠢᠭᠰᠠᠨ ᠶᠤᠮ ᠠ᠋ ᠬᠦ᠂ ᠲᠡᠭᠡᠭᠡᠳ ᠢᠷᠡᠵᠦ ᠠᠪᠬᠤ ᠭᠡᠬᠦ ᠳ᠋ᠦ᠍ ᠨᠢ ᠲᠠ ᠬᠡᠳᠦ ᠮᠢᠨᠢ ᠬᠥᠭᠡᠭᠡᠳ ᠶᠠᠪᠤᠭᠤᠯᠴᠢᠬᠠᠵᠠᠢ᠂ ᠣᠳᠣ ᠴᠤ᠌ ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ ᠬᠢᠯᠢᠩᠨᠡᠨᠡ ᠳᠡ᠃
ᠬᠠᠭᠠᠨ᠄ ᠬᠤᠷᠮᠤᠰᠲᠠ ᠲᠩᠷᠢ ᠪᠡᠨ ᠳᠠᠭᠢᠭᠰᠠᠨ ᠵᠦᠢᠯ ᠢ᠋ᠶ᠋ᠡᠨ ᠶᠠᠭᠠᠬᠢᠭᠠᠳ ᠡᠢᠨ ᠪᠤᠴᠠᠭᠠᠵᠤ ᠠᠪᠪᠠ? ᠠᠯᠢᠪ᠂ ᠴᠢᠨᠣᠠ ᠨᠤᠭᠤᠳ᠂ ᠣᠴᠢᠭᠠᠳ ᠨᠢᠰᠳᠡᠭ ᠪᠣᠷᠣ ᠮᠣᠷᠢ ᠶ᠋ᠢ ᠨᠢ ᠢᠳᠡᠭᠡᠳ ᠢᠷᠡ᠃
ᠮᠥᠩᠬᠡ᠄ ᠲᠡᠭᠡᠭᠡᠳ ᠭᠠᠩ ᠭᠠᠴᠢᠭ ᠢ᠋ ᠳᠠᠪᠠᠬᠤ ᠭᠡᠵᠦ ᠵᠠᠪᠠᠯ ᠡᠷᠭᠦᠯᠲᠡ ᠪᠠᠷᠢᠴᠠ ᠪᠠᠷᠢᠳᠠᠭ ᠶᠤᠮ ᠤᠤ?
ᠪᠣᠷᠣ ᠡᠪᠦᠭᠡᠨ᠄ ᠲᠡᠢᠮᠦ ᠠ᠋᠂ ᠬᠡᠦᠬᠡᠳ ᠦ᠋ᠳ ᠮᠢᠨᠢ ᠲᠡᠭᠡᠳᠡᠭ ᠶᠦ᠍ᠮ᠃
ᠮᠥᠩᠬᠡ᠄ ᠪᠢ ᠪᠣᠳᠣᠬᠤ ᠳ᠋ᠤ᠌ ᠪᠠᠨ᠂ ᠪᠠᠢᠭᠠᠯᠢ ᠡᠬᠡ ᠪᠡᠨ ᠬᠠᠢᠷᠠᠯᠠᠨᠠ ᠭᠡᠳᠡᠭ ᠨᠢ ᠪᠠᠢᠭᠠᠯᠢ ᠣᠷᠴᠢᠨ ᠢ᠋ᠶ᠋ᠠᠨ ᠰᠠᠢᠬᠠᠨ ᠪᠣᠯᠭᠠᠬᠤ ᠶ᠋ᠢ ᠬᠡᠯᠡᠳᠡᠭ ᠶᠦ᠍ᠮ ᠪᠣᠯᠪᠠ ᠤᠤ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠂ ᠲᠡᠢᠮᠦ ᠠ᠋᠂ ᠲᠤᠩᠬᠤ ᠠ᠋᠃
ᠲᠤᠩᠬᠤ᠄ ᠲᠡᠢᠮᠦ ᠰᠢᠦ᠂᠃
ᠪᠠᠰᠠᠷ᠄ ᠪᠠᠢᠵᠤ ᠪᠠᠢᠭᠠᠷᠠᠢ᠂ ᠨᠠᠭᠠᠰᠢ ᠪᠠᠨ ᠮᠠᠰᠢ ᠬᠤᠷᠳᠤᠨ ᠬᠣᠶᠠᠷ ᠠᠮᠢᠲᠠᠨ ᠳᠠᠪᠬᠢᠵᠤ ᠶᠠᠪᠤᠨᠠ ᠤᠤ ᠳᠠ᠃
ᠪᠣᠷᠣ ᠡᠪᠦᠭᠡᠨ᠄ ᠠᠯᠢᠪ᠂ ᠬᠠᠷᠠᠶᠠ ᠬᠡᠦᠬᠡᠨ ᠠ᠋᠃
ᠪᠣᠷᠣ ᠡᠪᠦᠭᠡᠨ᠄ ᠲᠡᠢᠮᠦ ᠪᠠᠢᠨᠠ᠂ ᠬᠣᠶᠠᠷ ᠴᠢᠨᠣᠠ ᠢᠷᠡᠵᠦ ᠶᠠᠪᠤᠨᠠ᠂ ᠶᠠᠭᠠᠬᠢᠳᠠᠭ ᠪᠢᠯᠡ!
ᠪᠠᠰᠠᠷ᠄ ᠲᠠ ᠨᠠᠷ ᠮᠢᠨᠢ᠂ ᠠᠶᠤᠯᠲᠠ ᠦᠭᠡᠢ᠂ ᠬᠣᠲᠠᠨ ᠳ᠋ᠤ᠌ ᠪᠠᠨ ᠦᠨᠡᠨᠴᠢ ᠬᠣᠲᠠᠴᠢ ᠪᠠᠩᠬᠤᠷ ᠪᠢ ᠪᠣᠯᠬᠣᠷ᠂ ᠬᠣᠶᠠᠷ ᠴᠢᠨᠣᠠ ᠲᠠᠢ ᠭᠠᠷᠴᠤ ᠤᠴᠢᠷ ᠢ᠋ᠶ᠋ᠠᠨ ᠣᠯᠤᠭᠰᠠᠨ ᠨᠢ ᠳᠡᠭᠡᠷᠡ ᠪᠠᠢᠯᠭᠦᠢ ᠳᠡ᠃
ᠬᠡ ᠬᠡ ᠬᠡ
ᠴᠠᠰᠣᠬᠠᠨ᠄ ᠡᠨᠳᠡ ᠬᠦᠴᠦ ᠪᠡᠷ ᠦᠵᠡᠪᠡᠯ ᠪᠢᠳᠡ ᠳᠡᠢᠯᠬᠦ ᠦᠭᠡᠢ᠂ ᠲᠡᠢᠮᠦ ᠪᠣᠯᠬᠣᠷ ᠤᠬᠠᠭᠠᠨ ᠢ᠋ᠶ᠋ᠠᠨ ᠣᠷᠣᠯᠳᠣᠭᠤᠯᠤᠭᠰᠠᠨ ᠨᠢ ᠳᠡᠭᠡᠷᠡ᠃
ᠥᠩ᠂ ᠪᠢ ᠨᠢᠭᠡ ᠰᠠᠨᠠᠭᠠ ᠣᠯᠤᠯᠠ᠃
ᠪᠠᠰᠠᠷ᠄ ᠤᠬᠠᠭᠠᠨ ᠢ᠋ᠶ᠋ᠠᠷ ᠴᠤ᠌ ᠭᠡᠰᠡᠨ ᠪᠢ ᠪᠣᠯᠬᠤ ᠪᠠᠷ ᠯᠠ ᠪᠠᠢᠭᠰᠠᠨ ᠰᠢᠲᠠ᠃
ᠮᠥᠩᠬᠡ᠄ ᠵᠦᠭᠡᠷ ᠶᠦ᠍ᠮ ᠤᠤ ᠳᠠ ᠴᠠᠰᠣᠬᠠᠨ ᠠ᠋᠃
ᠠᠶᠤᠯ ᠲᠠᠢ ᠶᠤᠮ ᠪᠢᠰᠢ ᠤᠤ᠃
ᠴᠠᠰᠣᠬᠠᠨ᠄ ᠰᠠᠨᠠᠭᠠ ᠵᠣᠪᠠᠯᠲᠠ ᠦᠭᠡᠢ ᠳᠡ᠂ ᠴᠢᠨᠣᠠ ᠨᠤᠭᠤᠳ ᠶᠡᠬᠡ ᠬᠡᠢᠮᠣᠷᠢ ᠲᠠᠢ ᠰᠦᠷᠯᠢᠭ ᠠᠮᠢᠲᠠᠳ ᠶᠤᠮ ᠪᠣᠯᠬᠣᠷ ᠮᠠᠭᠲᠠᠵᠤ ᠥᠩᠭᠡᠷᠡᠭᠡᠵᠦ ᠪᠠᠢᠭᠠᠳ ᠯᠠ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠲᠣᠭᠯᠠᠭᠠᠮ ᠳ᠋ᠤ᠌ ᠣᠷᠣᠭᠤᠯᠤᠨᠠ ᠳᠠ᠃ ᠤᠷᠠ ᠤᠬᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠡᠨ ᠣᠷᠣᠯᠳᠣᠭᠠᠳ᠂ ᠠᠵᠠ ᠲᠦᠰᠢᠭ ᠢ᠋ᠶ᠋ᠡᠨ ᠦᠵᠡᠴᠢᠬᠡᠭᠡᠳ ᠢᠷᠡᠶᠡ᠃
ᠴᠠᠰᠤᠬᠠᠨ᠄ ᠠᠢ᠂ ᠴᠢᠨᠣᠠ ᠨᠤᠭᠤᠳ ᠮᠢᠨᠢ ᠲᠣᠭᠲᠠᠵᠤ ᠬᠠᠢᠷᠠᠯᠠ ᠠ᠋᠂
ᠴᠢᠨᠣᠠ᠄ ᠠᠶᠠ᠂ ᠬᠠ ᠬᠠ ᠴᠢ ᠢᠳᠡᠭᠦᠯᠦᠮᠡᠷ
ᠰᠠᠨᠠᠭᠳᠠᠭᠠᠳ ᠭᠠᠷᠤᠭᠠᠳ ᠢᠷᠡᠪᠡ ᠤᠤ?
ᠴᠠᠰᠣᠬᠠᠨ᠄ ᠰᠦᠷᠯᠢᠭ ᠰᠠᠢᠬᠠᠨ ᠴᠢᠨᠣᠠ ᠨᠤᠭᠤᠳ ᠮᠢᠨᠢ᠂ ᠲᠣᠭᠲᠠᠵᠤ ᠬᠠᠢᠷᠠᠯᠠ᠂ ᠵᠣᠭᠳᠣᠷ ᠶᠥ ᠶ᠋ᠢ ᠪᠡᠨ ᠪᠠᠭᠤᠯᠭᠠᠭᠠᠳ ᠴᠠᠰᠣᠬᠠᠨ ᠮᠢᠨᠦ ᠬᠡᠯᠡᠬᠦ ᠶ᠋ᠢ᠂ ᠰᠣᠨᠣᠰᠴᠤ ᠬᠠᠢᠷᠠᠯᠠ᠃
ᠴᠢᠨᠣᠠ ᠬᠣᠶᠠᠷ᠄ ᠶᠠᠭᠠᠬᠢᠭᠰᠠᠨ ᠰᠠᠢᠬᠠᠨ ᠬᠦᠨᠳᠦᠯᠡᠯ ᠦᠵᠡᠭᠦᠯᠵᠦ ᠪᠠᠢᠬᠤ ᠶᠤᠮ ᠬᠠ ᠬᠠ᠂ ᠵᠠ᠂ ᠢᠯᠡᠭᠦᠦ ᠰᠣᠨᠣᠰᠤᠶᠠ᠃
ᠴᠠᠰᠣᠬᠠᠨ᠄ ᠵᠠᠪᠠᠯ ᠬᠦᠴᠦ ᠶ᠋ᠢ ᠦᠵᠡᠵᠦ ᠬᠥᠮᠦᠨ ᠢ᠋ ᠵᠦᠳᠡᠷᠡᠭᠦᠯᠬᠦ ᠪᠡᠷ᠂ ᠠᠵᠠ ᠪᠠᠨ ᠦᠵᠡᠵᠦ ᠱᠠᠭᠠ ᠰᠢᠲᠠᠪᠠᠯ ᠶᠠᠮᠠᠷ ᠪᠣᠢ᠃
ᠴᠢᠨᠣᠠ ᠬᠣᠶᠠᠷ᠄ ᠱᠠᠭᠠ ᠰᠢᠳᠡᠬᠦ ᠠ᠋᠂ ᠶᠠᠮᠠᠷ ᠬᠡᠷᠡᠭ ᠪᠠᠢᠨᠠ᠂ ᠵᠦᠭᠡᠷ ᠯᠡ ᠢᠳᠡᠴᠢᠬᠡᠶᠡ᠃
ᠴᠠᠰᠣᠬᠠᠨ᠄ ᠬᠥᠶᠢ᠂ ᠬᠡᠨ ᠨᠢ ᠲᠦᠷᠦᠭᠦᠯᠡᠵᠦ ᠳᠦᠷᠢᠮ ᠪᠠᠷᠢᠬᠤ ᠪᠣᠯᠬᠤ ᠪᠠᠨ ᠦᠵᠡᠶᠡ᠃
ᠴᠢᠨᠣᠠ ᠨᠢᠭᠡ᠄ ᠲᠡᠭᠡᠯᠡ ᠭᠡᠳ ᠶᠠᠭᠠᠬᠢᠬᠤ ᠶᠤᠮ᠂ ᠴᠠᠰᠣᠬᠠᠨ᠄ ᠲᠦᠷᠦᠭᠦᠯᠡᠵᠦ ᠪᠠᠭᠤᠯᠭᠠᠭᠰᠠᠨ ᠨᠢ ᠢᠯᠡᠭᠦᠦ ᠲᠩᠷᠢ ᠲᠡᠢ᠂ ᠢᠯᠡᠭᠦᠦ ᠬᠡᠢᠮᠣᠷᠢ ᠲᠠᠢ ᠪᠠᠢᠨᠠ ᠭᠡᠰᠡᠨ ᠦᠭᠡ ᠪᠢᠰᠢ ᠤᠤ᠃
ᠴᠢᠨᠣᠠ᠄ ᠵᠠ᠂ ᠪᠠᠰᠠ ᠲᠡᠢᠮᠦ ᠪᠠᠢᠨᠠ ᠰᠢᠦ᠂ ᠴᠢ ᠪᠢᠳᠡ ᠬᠣᠶᠠᠷ ᠰᠢᠭ᠋ ᠲᠩᠷᠢᠯᠢᠭ ᠠᠮᠢᠲᠠᠨ ᠳ᠋ᠤ᠌ ᠲᠡᠷᠡᠬᠡᠨ ᠵᠦᠢᠯ ᠶᠠᠭᠤ ᠯᠠ ᠪᠠᠢᠬᠤᠪ᠂ ᠦᠵᠡᠭᠡᠳ ᠯᠡ ᠠᠯᠳᠠᠶᠠ᠃ ᠦᠵᠡᠭᠡᠳ ᠯᠠᠪᠯᠠᠶᠠ᠃ ᠵᠠ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠱᠠᠭᠠ ᠶ᠋ᠢ ᠶᠠᠭᠤ ᠶᠠᠭᠤ ᠭᠡᠵᠦ ᠨᠡᠷᠡᠯᠡᠳᠡᠭ ᠢ᠋ ᠬᠠᠷᠠᠵᠠᠭᠠᠶᠠ᠃
ᠲᠡᠮᠡᠭᠡ᠂ ᠢᠮᠠᠭᠠ᠂ ᠮᠣᠷᠢ᠂ ᠬᠣᠨᠢ᠂ ᠡᠨᠡ ᠳᠥᠷᠪᠡ ᠶ᠋ᠢ ᠵᠡᠷᠭᠡ ᠪᠠᠭᠤᠯᠭᠠᠪᠠᠰᠤ ᠳᠥᠷᠪᠡᠨ ᠪᠡᠷᠬᠡ ᠪᠣᠯᠤᠨᠠ᠃
ᠴᠢᠨᠣᠠ ᠨᠢᠭᠡ᠄ ᠵᠠ ᠠᠯᠢᠪ᠂ ᠴᠥᠬᠥ᠃ ᠠ
ᠣᠢᠷᠠᠬᠠᠨ ᠪᠠᠢᠯᠠ ᠰᠢᠦ᠃
ᠴᠠᠰᠤᠬᠠᠨ᠄ ᠲᠡᠭᠡᠯᠡ᠂ ᠣᠳᠣ᠂ ᠮᠢᠨᠦ ᠡᠭᠡᠯᠵᠢ᠂ ᠬᠥᠥᠭ᠂yes᠃
ᠴᠢᠨᠣᠠ ᠨᠢᠭᠡ᠄ ᠵᠠ ᠡᠨᠡ ᠨᠠᠭᠠᠳᠤᠮ ᠴᠢᠨᠦᠬᠢ ᠪᠣᠯᠪᠠ᠂ ᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠪᠠᠶᠠᠷᠯᠠᠬᠤ ᠪᠣᠯᠤᠭᠠ ᠦᠭᠡᠢ᠂ ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ ᠮᠠᠨᠢ ᠬᠣᠶᠠᠷ ᠲᠣᠮᠣ ᠯᠤᠤ ᠪᠠᠨ ᠢᠯᠡᠭᠡᠵᠦ ᠡᠨᠡ ᠪᠣᠷᠣ ᠲᠣᠯᠣᠭᠠᠢ ᠶ᠋ᠢ ᠨᠢᠷᠭᠡᠬᠦ ᠪᠡᠷ ᠶᠠᠭᠤ ᠪᠣᠯᠬᠤ ᠶ᠋ᠢ ᠴᠢᠨᠢ ᠬᠠᠷᠠᠨᠠ᠃
ᠲᠤᠩᠬᠤ᠄ ᠴᠠᠰᠣᠬᠠᠨ᠂ ᠴᠢ ᠲᠡᠳᠡᠨ ᠢ᠋ ᠳᠡᠢᠯᠦᠨᠡ ᠭᠡᠳᠡᠭ ᠢ᠋ᠶ᠋ᠡᠨ ᠶᠠᠭᠠᠬᠢᠵᠤ ᠮᠡᠳᠡᠪᠡ ᠠ᠋᠃
ᠴᠠᠰᠤᠬᠠᠨ᠄ ᠱᠠᠭᠠ ᠰᠢᠳᠡᠬᠦ ᠳ᠋ᠦ᠍ ᠡᠪ ᠳ᠋ᠦᠢ ᠣᠷᠣᠳᠠᠭ ᠪᠣᠯᠬᠤ ᠠ᠋ᠴᠠ ᠮᠤᠨᠤᠭ ᠬᠦᠴᠦ
ᠬᠡᠷᠡᠭ ᠦᠭᠡᠢ ᠰᠢᠦ ᠳᠡ᠂ ᠲᠡᠭᠡᠬᠦ ᠪᠡᠷ ᠱᠠᠭᠠ ᠰᠢᠳᠡᠬᠦ ᠨᠢ ᠵᠥᠪ ᠶᠦ᠍ᠮ ᠭᠡᠵᠦ ᠪᠢ ᠪᠣᠳᠣᠯᠠ᠃
ᠮᠥᠩᠬᠡ᠄ ᠶᠣᠰᠣᠲᠠᠢ ᠮᠤᠨᠳᠠᠭ ᠶᠤᠮ ᠠ᠋᠃
ᠪᠣᠷᠣ ᠡᠪᠦᠭᠡᠨ᠄ ᠪᠠᠶᠠᠷᠯᠠᠯᠠ ᠮᠤᠤᠷ ᠮᠢᠨᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠣᠳᠣ ᠶᠠᠭᠠᠬᠢᠳᠠᠭ ᠪᠢᠯᠡ᠂ ᠨᠦᠰᠡᠷ ᠬᠦᠴᠦᠲᠦ ᠯᠤᠤ ᠨᠤᠭᠤᠳ ᠢᠷᠡᠬᠦ ᠪᠡᠷ ᠴᠢᠨᠢ ᠶᠠᠭᠠᠬᠢᠵᠤ ᠬᠠᠮᠠᠭᠠᠯᠠᠬᠤ ᠪᠣᠢ?
ᠮᠥᠩᠬᠡ᠄ ᠡᠪᠦᠭᠡ ᠮᠢᠨᠢ᠂ ᠠᠶᠤᠬᠤ ᠬᠡᠷᠡᠭ ᠦᠭᠡᠢ ᠳᠡ᠂ ᠪᠣᠯᠵᠣᠭᠠᠲᠤ ᠶ᠋ᠢᠨ ᠪᠣᠷᠣ ᠲᠣᠯᠣᠭᠠᠢ ᠪᠠᠨ ᠵᠦᠯᠭᠡ ᠨᠣᠭᠣᠭᠠᠨ ᠲᠣᠯᠣᠭᠠᠢ ᠪᠣᠯᠭᠠᠴᠢᠬᠠᠪᠠᠯ᠂ ᠯᠤᠤ ᠪᠠᠢᠲᠤᠭᠠᠢ᠂ ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ ᠴᠤ᠌ ᠬᠦᠷᠲᠡᠯᠡ ᠪᠠᠶᠠᠷᠯᠠᠬᠤ ᠪᠠᠢᠯᠭᠦᠢ᠃
ᠲᠤᠩᠬᠤ᠄ ᠲᠡᠢᠮᠦ ᠰᠢᠦ᠂ ᠪᠠᠢᠭᠠᠯᠢ ᠡᠬᠡ ᠪᠡᠨ ᠬᠠᠢᠷᠠᠯᠠᠨᠠ ᠭᠡᠳᠡᠭ ᠨᠢ ᠡᠷᠭᠦᠯ ᠪᠠᠷᠢᠴᠠ ᠪᠠᠷᠢᠬᠤ ᠪᠢᠰᠢ᠂ ᠬᠠᠷᠢᠨ ᠮᠣᠳᠣ ᠵᠦᠯᠭᠡ ᠲᠠᠷᠢᠬᠤ ᠨᠢ ᠢᠯᠡᠭᠦᠦ ᠰᠠᠢᠬᠠᠨ ᠠᠵᠢᠯ ᠪᠢᠰᠢ ᠭᠡᠵᠡᠢ ᠤᠤ?
ᠪᠣᠷᠣ ᠡᠪᠦᠭᠡᠨ᠄ ᠨᠡᠭᠡᠷᠡᠨ᠂ ᠪᠣᠳᠣᠭᠠᠳ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠨᠢ ᠵᠥᠪ ᠴᠦ᠍ ᠶᠦᠮ ᠤᠤ?
ᠮᠥᠩᠬᠡ᠄ ᠲᠡᠭᠡᠪᠡᠯ ᠡᠨᠡ ᠪᠣᠷᠣ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠣᠭᠣᠭᠠᠨ ᠮᠣᠳᠣ ᠪᠠᠨ ᠳᠠᠷᠢᠵᠠᠭᠠᠶᠠ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ᠃
ᠨᠣᠭᠣᠭᠠᠨ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠪᠡᠨ
ᠨᠠᠢᠷᠲᠠᠢ ᠰᠠᠢᠬᠠᠨ ᠬᠠᠢᠷᠠᠯᠠᠵᠠᠭᠠᠶᠡ᠃
ᠳᠡᠯᠡᠬᠡᠢ ᠰᠠᠢᠬᠠᠨ ᠪᠥᠮᠪᠥᠷᠴᠡᠭ ᠢ᠋ᠶ᠋ᠡᠨ ᠳᠡᠨᠵᠢ ᠶ᠋ᠢᠨ ᠮᠣᠳᠣ ᠪᠠᠨ ᠳᠠᠷᠢᠵᠠᠭᠠᠶᠠ᠃
ᠬᠥᠮᠦᠨ ᠪᠦᠬᠦᠨ ᠦ᠌ ᠴᠢᠷᠮᠠᠢᠯᠲᠠ ᠪᠠᠷ
ᠬᠦᠰᠡᠯ ᠪᠦᠬᠦᠨ ᠢ᠋ ᠪᠡᠶᠡᠯᠡᠭᠦᠯᠵᠡᠭᠡᠶᠡ᠃
ᠡᠷᠡᠭᠦᠯ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠶ᠋ᠢ
ᠡᠪᠲᠡᠢ ᠪᠦᠭᠦᠳᠡᠭᠡᠷ ᠪᠦᠲᠦᠭᠡᠵᠡᠭᠡᠶᠡ᠃
ᠪᠠᠰᠠᠷ᠄ ᠬᠥᠪ ᠬᠥᠪ᠁ ᠳ᠋ᠡᠷᠡ᠁ ᠬᠡ ᠬᠡ᠂ ᠶᠠᠭᠤ ᠪᠣᠢ᠂ ᠪᠢ ᠳᠠᠭᠤᠯᠠᠵᠤ ᠳᠡᠢᠯᠬᠦ ᠦᠭᠡᠢ ᠪᠠᠢᠭᠰᠠᠨ ᠶᠤᠮ ᠤᠤ᠃
ᠪᠣᠷᠣ ᠡᠪᠦᠭᠡᠨ᠄ ᠮᠢᠨᠦ ᠬᠡᠦᠬᠡᠳ ᠦ᠋ᠳ ᠶᠡᠬᠡ ᠲᠤᠰᠠ ᠪᠣᠯᠤᠯᠠ᠂ ᠬᠡᠷᠪᠡ ᠡᠨᠡ ᠰᠠᠢᠬᠠᠨ ᠨᠣᠭᠣᠭᠠᠨ ᠲᠣᠯᠣᠭᠠᠢ ᠶ᠋ᠢ ᠮᠢᠨᠢ ᠯᠤᠤ ᠢᠷᠡᠵᠦ ᠨᠢᠷᠭᠡᠨᠡ ᠭᠡᠪᠡᠯ᠂ ᠡᠪᠦᠭᠡᠨ ᠠᠬᠠ ᠨᠢ ᠨᠢᠰᠳᠡᠭ ᠪᠣᠷᠣ ᠮᠣᠷᠢ ᠪᠠᠨ ᠤᠨᠤᠵᠤ᠂ ᠬᠠᠮᠠᠭᠠᠯᠠᠨ ᠲᠡᠮᠡᠴᠡᠨᠡ ᠭᠡᠳᠡᠭ ᠢ᠋ᠶ᠋ᠡᠨ ᠠᠮᠠᠯᠠᠵᠤ ᠪᠠᠢᠨᠠ᠃
ᠲᠤᠩᠬᠤ᠄ ᠡᠢᠮᠦ ᠰᠠᠢᠬᠠᠨ ᠨᠣᠭᠣᠭᠠᠨ ᠲᠣᠯᠣᠭᠠᠢ ᠶ᠋ᠢ ᠠᠷᠠᠢ ᠴᠤ᠌ ᠨᠢᠷᠭᠡᠬᠦ ᠦᠭᠡᠢ ᠪᠠᠢᠬᠤ ᠠ᠋᠂ ᠡᠪᠦᠭᠡ᠃
ᠪᠣᠷᠣ ᠡᠪᠦᠭᠡᠨ᠄ ᠡᠪᠦᠭᠡᠨ ᠠᠬᠠ ᠨᠢ ᠴᠤ᠌ ᠭᠡᠰᠡᠨ ᠲᠡᠢᠮᠦ ᠪᠠᠢᠭᠠᠰᠠᠢ ᠭᠡᠵᠦ ᠶᠡᠬᠡ ᠬᠦᠰᠡᠵᠦ ᠪᠠᠢᠨᠠ ᠳᠠ᠃
ᠬᠠᠭᠠᠨ᠄ ᠪᠣᠯᠵᠣᠭᠠᠲᠤ ᠶ᠋ᠢᠨ ᠲᠣᠯᠣᠭᠠᠢ ᠳᠡᠭᠡᠷᠡᠬᠢ ᠪᠣᠷᠣ ᠣᠪᠣᠬᠠᠢ ᠶ᠋ᠢ ᠨᠢ ᠨᠢᠷᠭᠡᠭᠡᠳ ᠢᠷᠡ᠃
ᠯᠤᠤ᠄ ᠬᠠ ᠠ ! ᠣᠢᠯᠠᠭᠠᠯᠠ᠃
ᠠ᠂ ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ ᠢ᠋ ᠥᠪᠡᠷ ᠦ᠋ᠨ ᠬᠢᠨᠢ ᠥᠪᠡᠷ ᠲᠦ᠍᠂ ᠥᠪᠡᠷ ᠦ᠋ᠨ ᠬᠢᠨᠢ ᠨᠢᠳᠦ ᠪᠡᠷ ᠬᠠᠷᠠᠭᠤᠯᠤᠭᠰᠠᠨ ᠨᠢ ᠳᠡᠭᠡᠷᠡ ᠪᠠᠢᠬᠠ᠂
ᠲᠡᠢᠮᠦ ᠪᠠᠢᠨᠠ᠃
ᠬᠤᠷᠮᠤᠰᠲᠠ ᠶ᠋ᠢᠨ ᠬᠠᠭᠠᠨ᠄ ᠠᠢ᠂ ᠪᠣᠷᠣ ᠡᠪᠦᠭᠡᠨ ᠴᠢ᠂ ᠪᠤᠶᠠᠨᠲᠠᠢ ᠦᠢᠯᠡ ᠶ᠋ᠢ ᠦᠢᠯᠡᠳᠴᠡᠢ᠂ ᠡᠨᠡ ᠬᠢᠭᠰᠡᠨ ᠪᠦᠬᠦᠨ ᠳ᠋ᠦ᠍ ᠴᠢᠨᠢ ᠵᠣᠬᠢᠬᠤ ᠱᠠᠩᠨᠠᠯ ᠢ᠋ ᠪᠢ ᠣᠯᠭᠣᠨᠠ᠃
ᠪᠣᠷᠣ ᠡᠪᠦᠭᠡᠨ᠄ ᠡᠪᠦᠭᠡᠨ ᠪᠢ ᠡᠨᠡ ᠪᠦᠬᠦᠨ ᠢ᠋ ᠭᠠᠭᠴᠠᠭᠠᠷ ᠰᠡᠢᠷᠡᠭᠦᠯᠵᠦ ᠬᠢᠭᠡ ᠦᠭᠡᠢ ᠯᠡ ᠳᠡ᠂ ᠡᠷᠭᠦᠯ ᠪᠠᠷᠢᠴᠠ ᠪᠠᠷ ᠪᠠᠢᠭᠠᠯᠢ ᠠ᠋ᠴᠠ ᠬᠡᠰᠢᠭ ᠬᠦᠷᠲᠡᠬᠦ ᠪᠤᠰᠤ᠂ ᠥᠪᠡᠷᠰᠡᠳ ᠦ᠋ᠨ ᠬᠦᠴᠦ ᠪᠡᠷ ᠪᠠᠢᠭᠠᠯᠢ ᠪᠠᠨ ᠳᠡᠮᠵᠢᠬᠦ ᠨᠢ ᠡᠷᠬᠢᠮ ᠵᠦᠢᠯ ᠭᠡᠳᠡᠭ ᠢ᠋ ᠡᠨᠡ ᠪᠠᠭᠠᠴᠤᠳ ᠠ᠋ᠴᠠ ᠪᠠᠨ ᠤᠬᠠᠭᠠᠷᠠᠵᠤ ᠰᠠᠭᠤᠨᠠ ᠳᠠ᠃
ᠬᠠᠭᠠᠨ᠄ ᠮᠤᠨᠳᠠᠭ ᠬᠥᠭᠡᠷᠦᠬᠦᠨ ᠬᠡᠦᠬᠡᠳ ᠦ᠋ᠳ ᠪᠠᠢᠨᠠ᠂ ᠬᠢᠭᠰᠡᠨ ᠵᠦᠢᠯ ᠢ᠋ ᠴᠢᠨᠢ ᠪᠢ ᠮᠠᠷᠲᠠᠬᠤ ᠦᠭᠡᠢ᠂ ᠪᠠᠢᠭᠠᠯᠢ ᠡᠬᠡ ᠲᠠ ᠬᠣᠶᠠᠷ ᠲᠤ᠌ ᠲᠠᠯᠠᠷᠬᠠᠨ ᠮᠡᠬᠦᠢᠨ ᠶᠣᠰᠣᠯᠠᠵᠤ ᠪᠠᠢᠨᠠ᠃
ᠮᠥᠩᠬᠡ᠄ ᠵᠠ ᠡᠪᠦᠭᠡ ᠠ᠋᠂ ᠪᠢᠳᠡ ᠢᠩᠭᠢᠭᠡᠳ ᠪᠤᠴᠠᠶᠠ ᠳᠠ᠂
ᠪᠣᠷᠣ ᠡᠪᠦᠭᠡᠨ᠄ ᠮᠤᠨᠳᠠᠭ ᠬᠥᠭᠡᠷᠦᠬᠦᠨ ᠬᠡᠦᠬᠡᠳ ᠦ᠋ᠳ ᠲᠦ᠍ ᠪᠡᠨ ᠡᠪᠦᠭᠡᠨ ᠠᠬᠠ ᠨᠢ ᠪᠡᠯᠡᠭ ᠪᠡᠯᠡᠭᠯᠡᠨᠡ᠂ ᠠᠮᠢ ᠶ᠋ᠢ ᠨᠢ ᠠᠪᠤᠷᠠᠭᠰᠠᠨ ᠬᠤᠨᠳᠠᠨ ᠴᠠᠭᠠᠨ ᠬᠤᠷᠠᠭᠠ ᠶ᠋ᠢ ᠲᠠ ᠬᠡᠳᠦ ᠳ᠋ᠦ᠍ ᠪᠡᠨ ᠪᠡᠯᠡᠭ ᠪᠣᠯᠭᠠᠨ ᠥᠭᠭᠦᠶᠡ᠂ ᠠᠯᠤᠰ ᠤ᠋ᠨ ᠵᠠᠮ ᠨᠢ ᠰᠠᠭᠠᠳ ᠦᠭᠡᠢ ᠪᠠᠢᠭ ᠠ᠋᠃
ᠮᠥᠩᠬᠡ ᠲᠤᠩᠬᠤ᠄ ᠪᠠᠶᠠᠷᠯᠠᠯᠠ! ᠡᠪᠦᠭᠡ᠃
ᠠᠷᠸᠡ᠄ ᠵᠠ᠂ ᠮᠢᠨᠦ ᠳᠡᠭᠦᠦ ᠨᠠᠷ ᠠᠳᠠᠯ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠳᠦᠭᠦᠷᠡᠩ ᠠᠶᠠᠯᠠᠭᠠᠳ ᠢᠷᠡᠪᠡ ᠤᠤ?
ᠮᠥᠩᠬᠡ᠄ ᠶᠣᠣ᠂ ᠦ᠂ ᠶᠣᠰᠣᠲᠠᠢ ᠯᠠ ᠭᠣᠶᠣ ᠪᠠᠢᠯᠠ᠂ ᠶᠣᠣ᠃
ᠠᠷᠸᠡ᠄ ᠬᠡ ᠬᠡ᠂ ᠬᠥᠶᠢ᠂ ᠶᠠᠭᠤᠨ ᠬᠥᠭᠡᠷᠦᠬᠦᠨ ᠬᠤᠷᠠᠭᠠ ᠲᠡᠪᠡᠷᠢᠭᠰᠡᠨ ᠶᠠᠪᠤᠨᠠ᠂
ᠲᠤᠩᠬᠤ᠄ᠪᠣᠷᠣ ᠡᠪᠦᠭᠡᠨ ᠮᠠᠨᠢ᠂ ᠪᠢᠳᠡᠨ ᠢ᠋ ᠥᠪᠡᠷ ᠲᠦ᠍ ᠨᠢ ᠲᠤᠰᠠᠯᠠᠭᠰᠠᠨ ᠭᠡᠳ ᠬᠤᠨᠳᠠᠨ ᠴᠠᠭᠠᠨ ᠬᠤᠷᠠᠭᠠ ᠪᠠᠨ ᠪᠡᠯᠡᠭᠯᠡᠭᠰᠡᠨ ᠪᠠᠢᠬᠤ ᠦᠭᠡᠢ ᠤᠤ᠃
ᠠᠷᠸᠡ᠄ ᠮᠤᠨᠳᠠᠭ ᠬᠡᠦᠬᠡᠳ ᠦ᠋ᠳ ᠰᠢᠦ᠂
ᠮᠥᠩᠬᠡ᠄ ᠶᠣᠰᠣᠲᠠᠢ ᠭᠣᠶᠣ ᠠᠳᠠᠯ ᠶᠠᠪᠤᠳᠠᠯ ᠲᠠᠢ ᠪᠠᠢᠯᠠ᠂ ᠠᠷᠸᠡ ᠠᠬᠠ ᠠ᠋᠂ ᠪᠠᠶᠠᠷᠯᠠᠯᠠ!
ᠲᠤᠩᠬᠤ᠄ ᠪᠠᠶᠠᠷᠯᠠᠯᠠ᠂
ᠠᠷᠸᠡ᠄ ᠮᠠᠷᠭᠠᠰᠢ ᠠᠬᠠ ᠨᠢ ᠳᠠᠬᠢᠭᠠᠳ ᠭᠣᠶᠣ ᠦᠯᠢᠭᠡᠷ ᠰᠣᠩᠭᠣᠭᠠᠳ ᠪᠠᠢᠵᠤ ᠪᠠᠢᠶᠠ᠂ ᠵᠠ ᠤᠤ?
ᠮᠥᠩᠬᠡ᠄ ᠫᠥᠬᠥ᠂ ᠳᠠᠬᠢᠭᠠᠳ ᠦᠯᠢᠭᠡᠷ ᠪᠠᠢᠭᠠ ᠬᠡᠷᠡᠭ ᠤᠤ?
ᠠᠷᠸᠡ᠄ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ? ᠵᠥᠩᠳᠡᠭᠡᠨ ᠶᠡᠬᠡ ᠠᠳᠠᠯ ᠶᠠᠪᠤᠳᠠᠯ ᠲᠠ ᠬᠣᠶᠠᠷ ᠢ᠋ ᠬᠦᠯᠢᠶᠡᠵᠦ ᠪᠠᠢᠨᠠ ᠳᠠ᠃
ᠮᠥᠩᠬᠡ᠄ ᠸᠠ᠂ ᠶᠠᠮᠠᠷ ᠭᠣᠶᠣ ᠶᠤᠮ ᠪᠣᠢ᠃
ᠲᠤᠩᠬᠤ᠄ ᠬᠡ ᠬᠡ᠂ ᠶᠠᠮᠠᠷ ᠭᠣᠶᠣ ᠪᠣᠢ᠂ ᠶᠣᠰᠣᠲᠠᠢ ᠭᠣᠶᠣ ᠶᠤᠮ ᠠ᠋᠂ ᠬᠡ ᠬᠡ
ᠮᠥᠩᠬᠡ᠄ ᠲᠡᠭᠡᠪᠡᠯ ᠳᠠᠷᠠᠭᠠ ᠶ᠋ᠢᠨ ᠠᠳᠠᠯ ᠶᠠᠪᠤᠳᠠᠯ ᠬᠦᠷᠲᠡᠯᠡ ᠲᠡᠰᠬᠦ ᠶᠠᠳᠠᠨ ᠬᠦᠯᠢᠶᠡᠵᠦ ᠪᠠᠢᠨᠠ ᠪᠢ᠃
ᠪᠠᠰᠠᠷ᠄ ᠮᠠᠨ ᠤ᠋ ᠳᠥᠷᠪᠡ ᠢᠷᠡᠭᠡ ᠦᠭᠡᠢ ᠪᠠᠢᠭᠰᠠᠨ ᠪᠣᠯ ᠦᠯᠢᠭᠡᠷ ᠳᠡᠭᠡᠷᠡ ᠡᠢᠮᠦ ᠶᠠᠭᠤᠮᠠ ᠪᠣᠯᠬᠤ ᠪᠠᠢᠭᠰᠠᠨ ᠪᠠᠢᠨᠠ ᠰᠢᠳᠡ᠃cool( ᠰᠣᠷᠲᠣᠭᠣ ᠲᠠᠢ) ᠪᠠᠢᠭᠠ ᠪᠢᠵᠡ ᠳᠡ᠃
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ᠄ ᠾᠦᠩ ᠸᠧᠢ
ᠬᠢᠨᠠᠯᠲᠠ ᠬᠢᠭᠰᠡᠨ ᠨᠢ ᠄ ᠬᠤᠸᠠᠷ᠂ ᠮᠥᠴᠢᠷ᠂ ᠱᠤᠳᠤᠷᠭᠤ᠂ᠳᠠ᠂ ᠪᠥᠬᠡᠴᠢᠯᠠᠭᠤ᠃