ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ -ᠴᠣᠪᠣᠭᠣ ᠣᠳᠬᠣᠨᠪᠠᠭᠠᠲᠤᠷБи хөдөө нутагт амьдрахаар явлаа-цовоо отгонбаатар
633ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ
ᠢᠷᠠᠭᠤ ᠨᠠᠢᠷᠠᠭᠴᠢ ᠴᠣᠪᠣᠭᠣ ᠶ᠋ᠢᠨ ᠣᠳᠬᠣᠨᠪᠠᠭᠠᠲᠤᠷ
ᠦᠦᠷ ᠦ᠋ᠨ ᠴᠣᠯᠮᠣᠨ ᠲᠠᠢ ᠮᠣᠷᠳᠠᠵᠤ ᠠᠳᠤᠭᠤ ᠬᠤᠷᠢᠶᠠᠵᠤ ᠢᠰᠬᠡᠷᠬᠦ ᠪᠡᠷ
ᠦᠨᠡᠭᠡᠨ ᠬᠠᠷᠠᠩᠭᠤᠢ ᠶ᠋ᠢ ᠰᠡᠷᠡᠭᠡᠵᠦ ᠵᠠᠯᠮᠠ ᠬᠠᠷᠠ ᠶ᠋ᠢ ᠠᠶᠠᠯᠬᠤ ᠪᠠᠷ
ᠤᠷᠭᠤᠬᠤ ᠨᠠᠷᠠ ᠲᠠᠢ ᠥᠷᠢᠰᠴᠦ ᠤᠨᠠᠭᠠ ᠵᠡᠯᠡᠯᠡᠵᠦ ᠤᠶᠠᠬᠤ ᠪᠠᠷ
ᠤᠷᠭᠠ ᠪᠠᠷᠢᠨ ᠮᠣᠷᠳᠠᠵᠤ
ᠲᠠᠯᠠ ᠶ᠋ᠢᠨ ᠲᠣᠭᠣᠰᠣ ᠶ᠋ᠢ ᠰᠡᠷᠡᠭᠡᠬᠦ ᠪᠡᠷ
ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ᠃
ᠡᠷᠢᠯ ᠳ᠋ᠦ᠍ ᠮᠣᠷᠳᠠᠨ ᠠᠶᠠᠯᠠᠭᠠᠳ ᠡᠮᠡᠭᠡᠯ ᠳᠡᠷᠡᠯᠡᠨ ᠬᠡᠭᠡᠷᠡ ᠬᠣᠨᠣᠬᠤ ᠳ᠋ᠤ᠌
ᠢᠰᠡᠭᠡᠢ ᠲᠣᠬᠣᠮ ᠳᠡᠪᠢᠰᠴᠦ ᠬᠡᠪᠲᠡᠭᠡᠳ
ᠲᠡᠭᠷᠢ ᠶ᠋ᠢᠨ ᠠᠷᠠᠨᠰᠢᠨ ᠢ᠋ ᠳᠠᠭᠠᠯᠠᠬᠤ ᠪᠠᠷ
ᠡᠩᠭᠡᠰᠬᠡ ᠪᠣᠳᠣᠭ ᠥᠬᠡᠢ ᠬᠠᠴᠠᠷ ᠭᠤᠸᠠ ᠡᠷᠬᠡᠯᠡᠵᠦ ᠬᠠᠨᠢᠰᠴᠤ ᠵᠢᠷᠭᠠᠬᠤ ᠪᠠᠷ
ᠡᠷᠳᠡᠨᠢ ᠪᠣᠯᠤᠭᠰᠠᠨ ᠮᠠᠯ ᠰᠦᠷᠦᠭ ᠦ᠋ᠨ ᠢ᠋ᠶ᠋ᠡᠨ ᠡᠵᠡᠨ ᠨᠢ ᠪᠣᠯᠵᠤ ᠨᠠᠯᠠᠢᠬᠤ ᠪᠠᠷ
ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ ᠃
ᠨᠠᠮᠤᠷ ᠣᠷᠣᠢᠲᠠᠭᠰᠠᠨ ᠰᠠᠭᠠᠯᠢ ᠶ᠋ᠢᠨ ᠦᠨᠢᠶᠡ ᠶ᠋ᠢ ᠭᠡᠷᠭᠡᠢ ᠲᠡᠭᠦᠨ ᠳ᠋ᠦ᠍ ᠪᠡᠨ ᠳᠥᠬᠥᠭᠦᠯᠬᠦ ᠪᠡᠷ
ᠨᠠᠩᠵᠢᠳ ᠨᠡᠷᠡᠭᠰᠡᠨ ᠲᠣᠭᠣᠭᠠᠨ ᠠ᠋ᠴᠠ ᠳᠡᠭᠡᠵᠢ ᠬᠦᠷᠲᠡᠵᠦ ᠬᠠᠯᠠᠮᠰᠠᠬᠤ ᠪᠠᠷ
ᠥᠷᠥᠮᠡ ᠲᠣᠭᠲᠠᠭᠰᠠᠨ ᠰᠦᠨ ᠡᠴᠡ ᠠᠮᠠᠨ ᠤ᠋ ᠴᠠᠩᠭᠠᠭᠠ ᠪᠠᠨ ᠲᠠᠢᠯᠬᠤ ᠪᠠᠷ
ᠥᠩᠭᠡ ᠶ᠋ᠢᠨ ᠴᠡᠴᠡᠭᠡᠰ ᠢᠷᠡᠨ ᠪᠡᠯᠴᠢᠭᠡᠷ ᠦ᠋ᠨ ᠰᠦᠷᠦᠭ ᠳᠠᠭᠠᠬᠤ ᠪᠠᠷ
ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ᠃
ᠳᠥᠨᠡᠨ ᠦᠬᠡᠷ ᠦ᠋ᠨ ᠰᠢᠷᠢ ᠪᠡᠷ ᠬᠠᠵᠠᠭᠠᠷ ᠨᠣᠭᠲᠣ ᠵᠠᠩᠭᠢᠳᠬᠤ ᠪᠠᠷ
ᠳᠥᠯᠥ ᠪᠠᠳᠮᠠᠯᠠᠭᠰᠠᠨ ᠵᠤᠤᠬᠠᠨ ᠳ᠋ᠤ᠌ ᠠᠷᠭᠠᠯ ᠨᠡᠮᠡᠵᠦ ᠥᠷᠲᠥᠬᠦ ᠪᠡᠷ
ᠳᠥᠮᠥᠭ ᠬᠦᠯᠦᠭ ᠨᠡᠬᠡᠵᠦ ᠳᠥᠷᠥᠭᠡ ᠵᠢᠭᠢᠨ ᠳᠠᠪᠬᠢᠬᠤ ᠪᠠᠷ
ᠳᠥᠷᠪᠡᠨ ᠴᠠᠭ ᠤ᠋ᠨ ᠡᠷᠭᠢᠯᠲᠡ ᠶ᠋ᠢ ᠢᠰᠡᠭᠡᠢ ᠭᠡᠷ ᠲᠦ᠍ ᠡᠯᠡᠭᠡᠬᠦ ᠪᠡᠷ
ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ᠃
ᠬᠥᠬᠡᠭᠡ ᠡᠪᠦᠯ ᠦ᠋ᠨ ᠭᠠᠯ ᠢ᠋ ᠮᠠᠨᠠᠵᠤ ᠲᠡᠨᠳᠡ ᠰᠠᠭᠤᠬᠤ ᠪᠠᠷ
ᠬᠥᠪᠴᠢ ᠬᠠᠩᠭᠠᠢ ᠲᠠᠢᠭᠠ ᠪᠠᠷ ᠨᠢ ᠲᠡᠨᠦᠵᠦ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠨᠡᠭᠦᠬᠦ ᠪᠡᠷ
ᠣᠷᠴᠢᠯᠠᠩ ᠳ᠋ᠤ᠌ ᠵᠠᠷ ᠲᠠᠢ ᠮᠠᠯᠴᠢᠨ ᠲᠦᠮᠡᠨ ᠦ᠌ ᠦᠷᠡ ᠨᠢ ᠭᠡᠳᠡᠭ ᠢ᠋ᠶ᠋ᠡᠨ ᠮᠡᠳᠡᠷᠡᠬᠦ ᠪᠡᠷ
ᠣᠷᠣᠢ ᠦᠭᠡᠢ ᠲᠡᠭᠷᠢ ᠶ᠋ᠢᠨ ᠳᠣᠣᠷᠠ ᠡᠷᠬᠡ ᠴᠢᠯᠥᠭᠡ ᠶ᠋ᠢ ᠡᠳ᠋ᠯᠡᠬᠦ ᠪᠡᠷ
ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ
ᠪᠦᠷᠭᠦᠳ ᠴᠤᠴᠠᠳᠠᠭ ᠠᠯᠲᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠰᠠᠯᠬᠢ ᠶ᠋ᠢ ᠵᠠᠯᠭᠢᠨ ᠠᠭᠤᠵᠢᠷᠠᠬᠤ ᠪᠠᠷ
ᠪᠤᠭᠤ ᠣᠷᠣᠮᠳᠠᠳᠠᠭ ᠬᠠᠩᠭᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠰᠠᠢᠬᠠᠨ ᠳ᠋ᠤ᠌ ᠨᠢᠳᠦ ᠪᠡᠨ ᠤᠰᠤᠯᠠᠬᠤ ᠪᠠᠷ
ᠦᠶᠡ ᠴᠤᠭᠯᠠᠭᠰᠠᠨ ᠪᠠᠭᠤᠷᠢᠨ ᠳ᠋ᠤ᠌ ᠪᠠᠨ ᠬᠡᠦᠬᠡᠳ ᠰᠢᠭ ᠮᠥᠯᠬᠥᠵᠦ ᠡᠷᠬᠡᠯᠡᠬᠦ ᠪᠡᠷ
ᠬᠥᠮᠦᠨ ᠪᠣᠯᠭᠠᠭᠰᠠᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠠᠷᠢᠭᠤᠨ ᠪᠤᠩᠬᠤᠨ ᠳ᠋ᠤ᠌ ᠣᠢᠷᠠᠲᠤᠬᠤ ᠪᠠᠷ
ᠪᠢ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠠᠮᠢᠳᠤᠷᠠᠬᠤ ᠪᠠᠷ ᠶᠠᠪᠤᠯᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠷᠠᠭᠳᠠᠨ ᠷ· ᠴᠢᠷᠮᠠᠢᠯᠲᠤ
ᠦᠰᠦᠭ ᠬᠠᠳᠠᠭᠴᠢ᠄ ᠬᠠᠷᠠᠭᠳᠠᠨ ᠷ· ᠴᠢᠷᠮᠠᠢᠯᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠴᠣᠯᠮᠣᠨ