ᠬᠤᠭᠤᠷᠠᠭᠠ ᠦᠭᠡᠢ ᠨᠣᠶᠠᠨ ᠨᠢᠷᠤᠭᠤ - ᠴ ᠯᠣᠳᠣᠢᠳᠠᠮᠪᠠ Хугараагүй ноён нуруу - Ч᠂Лодойдамба I
1424ᠬᠤᠭᠤᠷᠠᠭᠠ ᠦᠭᠡᠢ ᠨᠣᠶᠠᠨ ᠨᠢᠷᠤᠭᠤ
ᠴ ᠯᠣᠳᠤᠢᠳᠠᠮᠪᠠ
ᠨᠢᠭᠡ
ᠵᠤᠨ ᠤ᠋ ᠠᠳᠠᠭ ᠰᠠᠷᠠ ᠶ᠋ᠢᠨ ᠲᠡᠷᠡ ᠨᠢᠭᠡ ᠡᠳᠦᠷ ᠪᠧᠨ᠋ᠽᠢᠨ ( ᠲᠣᠰᠣ )᠌ ᠨᠢ ᠳᠠᠭᠤᠰᠤᠭᠰᠠᠨ ᠳᠤᠭᠤᠢ ( ᠮᠣᠲ᠋ᠣᠷ )᠌ ᠶᠢᠨ ᠢ᠋ᠶ᠋ᠠᠨ ᠳᠡᠷᠭᠡᠳᠡ ᠠᠷᠭᠠ ᠪᠠᠷᠠᠭᠳᠠᠨ ᠬᠡᠪᠲᠡᠵᠦ ᠂ ᠬᠠᠭᠠᠯᠲᠠ ᠦᠭᠡᠢ ᠬᠤᠷᠴᠠ ᠨᠠᠷᠠᠨ ᠳ᠋ᠤ᠌ ᠬᠠᠢᠷᠠ ᠨᠠᠢᠷ ᠦᠭᠡᠢ ᠲᠥᠭᠡᠨᠡᠭᠳᠡᠨ ᠪᠠᠢᠬᠤ ᠳ᠋ᠤ᠌ ᠶᠢᠰᠦ ᠡᠬᠢᠯᠡᠭᠰᠡᠨ ᠡᠪᠦᠯ ᠦ᠋ᠨ ᠲᠠᠵᠢᠭᠢᠨᠠᠮᠠ ᠬᠦᠢᠲᠡᠨ ᠳ᠋ᠦ᠍ ᠬᠥᠨᠳᠡᠢ ᠶ᠋ᠢᠨ ᠰᠠᠯᠬᠢᠨ ᠰᠥᠷᠦᠭᠡᠳ ᠳᠠᠪᠬᠢᠵᠤ ᠶᠠᠪᠤᠬᠤ ᠰᠢᠭ᠋ ᠰᠠᠢᠬᠠᠨ ᠵᠢᠷᠭᠠᠯ ᠡᠨᠡ ᠬᠣᠷᠸᠠ ᠳ᠋ᠤ᠌ ᠦᠭᠡᠢ ᠶᠦ᠍ᠮ ᠰᠢᠭ ᠰᠠᠨᠠᠭᠳᠠᠵᠤ ᠪᠠᠢᠯᠠ ᠃ ᠠᠮᠢᠰᠬᠤᠯᠯᠠᠬᠤ ᠪᠦᠷᠢ ᠠᠭᠤᠰᠬᠢ ᠤᠷᠤᠭᠤ ᠬᠠᠯᠠᠭᠤᠨ ᠤᠰᠤ ᠴᠢᠳᠬᠤᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠪᠣᠯᠵᠤ ᠬᠥᠯᠥᠰᠥᠨ ᠳ᠋ᠦ᠍ ᠨᠡᠪᠲᠡᠷᠡᠭᠰᠡᠨ ᠬᠤᠪᠴᠠᠰᠤ ᠪᠡᠶᠡ ᠳ᠋ᠦ᠍ ᠨᠠᠭᠠᠯᠳᠤᠵᠤ ᠂ ᠬᠠᠯᠠᠭᠤᠨ ᠠᠭᠤᠷ ᠢ᠋ᠶ᠋ᠠᠷ ᠵᠢᠩᠨᠡᠨ ᠨᠢᠭᠤᠷ ᠤ᠋ᠨ ᠬᠥᠯᠥᠰᠥ ᠠᠷᠴᠢᠬᠤ ᠲᠣᠰᠤᠮ ᠠᠰᠬᠠᠷᠠᠨ ᠴᠠᠮᠴᠠ ᠪᠠᠨ ᠴᠢᠮᠬᠢᠨ ᠪᠠᠢᠨ ᠪᠠᠢᠨ ᠰᠡᠭᠰᠡᠷᠪᠡᠴᠦ ᠬᠥᠩᠭᠡᠷᠡᠬᠦ ᠶᠠᠭᠤᠮᠠ ᠣᠭᠲᠣ ᠦᠭᠡᠢ ᠃ ᠠᠮᠠ ᠵᠠᠪᠠᠭᠠᠷᠠᠵᠤ ᠂ ᠠᠩᠬᠠᠨ ᠳ᠋ᠤ᠌ ᠪᠠᠨ ᠬᠦᠢᠲᠡᠨ ᠪᠤᠯᠠᠭ ᠤ᠋ᠨ ᠤᠰᠤ ᠪᠣᠳᠣᠭᠳᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠰᠡᠭᠦᠯ ᠳ᠋ᠦ᠍ ᠪᠡᠨ ᠵᠥᠪᠬᠡᠨ ᠤᠰᠤ ᠪᠣᠳᠣᠭᠳᠠᠵᠤ ᠳᠥᠷᠪᠡᠨ ᠴᠠᠭ ᠤ᠋ᠨ ᠡᠮᠦᠨᠡ ᠴᠡᠯᠡᠯᠵᠡᠨ ᠤᠷᠤᠰᠴᠤ ᠪᠠᠢᠭᠰᠠᠨ ᠭᠣᠣᠯ ᠤ᠋ᠨ ᠳᠡᠷᠭᠡᠳᠡᠭᠦᠷ ᠬᠤᠷᠳᠤᠨ ᠥᠩᠭᠡᠷᠡᠬᠦ ᠳ᠋ᠦ᠍ ᠪᠡᠨ ᠶᠠᠳᠠᠵᠤ ᠭᠠᠭᠴᠠ ᠪᠠᠯᠭᠤ ᠤᠤᠭᠤᠭᠠ ᠦᠭᠡᠢ ᠳ᠋ᠦ᠍ ᠪᠡᠨ ᠬᠠᠷᠠᠮᠰᠠᠵᠤ ᠪᠠᠢᠯᠠ ᠃ ᠬᠠᠯᠠᠭᠤᠨ ᠡᠳᠦᠷ ᠶᠠᠭᠤᠮᠠ ᠪᠦᠬᠦᠨ ᠬᠠᠯᠠᠭᠤᠨ ᠪᠠᠢᠳᠠᠭ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠂ ᠪᠦᠬᠦ ᠶᠠᠭᠤᠮᠠ ᠲᠡᠷᠡ ᠬᠠᠯᠠᠭᠤᠨ ᠳ᠋ᠤ᠌ ᠲᠤᠰᠠ ᠨᠡᠮᠡᠷᠢ ᠪᠣᠯᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠳᠠᠭ ᠪᠣᠯᠬᠣᠷ ᠬᠠᠵᠠᠭᠤ ᠪᠠᠷ ᠥᠩᠭᠡᠷᠡᠭᠰᠡᠨ ᠲᠡᠮᠦᠷ ᠵᠠᠮ ᠤ᠋ᠨ ᠱᠤᠭᠤᠮ ᠡᠭᠴᠡ ᠲᠤᠰᠤᠭᠰᠠᠨ ᠨᠠᠷᠠᠨ ᠳ᠋ᠤ᠌ ᠭᠢᠯᠠᠯᠵᠠᠨ ᠵᠠᠮ ᠤ᠋ᠨ ᠨᠢᠷᠤᠭᠤ ᠠ᠋ᠴᠠ ᠬᠠᠷᠢᠭᠰᠠᠨ ᠨᠠᠷᠠᠨ ᠤ᠋ ᠬᠤᠷᠴᠠ ᠭᠡᠷᠡᠯ ᠮᠢᠷᠠᠯᠵᠠᠨ ᠡᠨᠡ ᠡᠳᠦᠷ ᠦ᠋ᠨ ᠬᠠᠯᠠᠭᠤᠨ ᠢ ᠤᠯᠠᠮ ᠶᠡᠬᠡᠳᠡ ᠪᠣᠯᠭᠠᠵᠤ ᠪᠠᠢᠬᠤ ᠰᠢᠭ᠋ ᠪᠣᠳᠣᠭᠳᠠᠵᠤ ᠪᠠᠢᠪᠠ ᠃
ᠲᠡᠮᠦᠷ ᠵᠠᠮ ᠤ᠋ᠨ ᠱᠤᠭᠤᠮ ᠳᠡᠭᠡᠭᠦᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠪᠠᠷᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠬᠥᠮᠦᠨ ᠨᠠᠮᠠ ᠶ᠋ᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠵᠠᠮ ᠤ᠋ᠨ ᠲᠣᠪᠴᠢᠶᠠ ᠰᠢᠷᠣᠢ ᠤᠷᠤᠭᠤ ᠠᠯᠭᠤᠷᠬᠠᠨ ᠪᠠᠭᠤᠭᠠᠳ ᠡᠷᠡᠮᠡᠭ ᠲᠣᠮᠣ ᠭᠢᠰᠬᠢᠳᠡᠯ ᠢ᠋ᠶ᠋ᠡᠷ ᠠᠯᠬᠤᠯᠠᠨ ᠨᠠᠳᠠᠳᠤ ᠤᠷᠤᠭᠤ ᠰᠢᠭᠤᠳ ᠢᠷᠡᠯᠡ ᠃ ᠲᠡᠷᠡ ᠬᠥᠮᠦᠨ ᠲᠣᠰᠣ ᠪᠣᠯᠤᠭᠰᠠᠨ ᠬᠠᠭᠤᠴᠢᠨ ᠨᠣᠭᠣᠭᠠᠨ ᠴᠡᠷᠢᠭ ᠥᠮᠥᠳᠥ ᠂ ᠡᠨᠳᠡ ᠲᠡᠨᠳᠡ ᠨᠢ ᠴᠤᠭᠤᠷᠠᠵᠤ ᠤᠷᠠᠬᠳᠠᠨ᠂ ᠬᠥᠪᠥᠩ ᠨᠢ ᠭᠠᠷᠤᠭᠰᠠᠨ ᠬᠠᠭᠤᠴᠢᠨ ᠨᠣᠭᠣᠭᠠᠨ ᠬᠦᠷᠮᠡ ᠡᠮᠦᠰᠴᠡᠢ ᠃ ᠵᠠᠬᠠ ᠨᠢ ᠵᠠᠳᠠᠭᠠᠢ ᠬᠦᠷᠮᠡᠨ ᠦ᠌ ᠴᠠᠭᠠᠨᠠ ᠶᠡᠬᠡ ᠬᠠᠭᠤᠴᠢᠷᠠᠭᠰᠠᠨ ᠨᠣᠭᠣᠭᠠᠨ ᠨᠣᠣᠰᠣᠨ ᠳᠠᠪᠤᠤ ᠴᠠᠮᠴᠠ ᠴᠤᠬᠤᠢᠵᠤ ᠪᠠᠢᠪᠠ ᠃
- ᠠᠮᠤᠷ ᠢ ᠡᠷᠢᠶᠡ ! ᠭᠡᠵᠦ ᠲᠡᠷᠡ ᠬᠥᠮᠦᠨ ᠬᠦᠩᠭᠢᠨᠡᠭᠰᠡᠨ ᠪᠦᠳᠦᠭᠦᠨ ᠳᠠᠭᠤ ᠪᠠᠷ ᠬᠡᠯᠡᠬᠦ ᠳ᠋ᠦ᠍ ᠨᠢ ᠰᠦᠷᠡᠬᠡᠢ ᠬᠠᠭᠤᠴᠢᠷᠠᠵᠤ ᠤᠯᠠ ᠶ᠋ᠢ ᠨᠢ ᠵᠡᠰ ᠤᠲᠠᠰᠤ ᠪᠠᠷ ᠡᠨᠳᠡ ᠲᠡᠨᠳᠡ ᠨᠢ ᠲᠣᠷᠭᠣᠵᠤ ᠤᠶᠤᠬᠰᠠᠨ ᠠᠵᠢᠯ ᠤ᠋ᠨ ᠬᠠᠷᠠ ᠭᠤᠲᠤᠯ ᠤ᠋ᠨ ᠥᠰᠥᠭᠡᠢ ᠲᠣᠪᠬᠢᠲᠠᠯᠠ ᠨᠡᠢᠯᠡᠪᠡ ᠃
ᠪᠢ ᠬᠠᠷᠢᠭᠤ ᠮᠡᠨᠳᠦᠯᠡᠪᠡ ᠃ ᠲᠠᠪᠢ ᠬᠡᠯᠪᠡᠢᠵᠦ ᠵᠢᠷᠠ ᠰᠢᠬᠠᠭᠰᠠᠨ ᠪᠣᠯᠪᠠ ᠤᠤ ᠭᠡᠮᠡᠷ ᠲᠡᠷᠡ ᠡᠷᠡ ᠶ᠋ᠢᠨ ᠦᠷᠴᠢᠯᠡᠭᠡᠰᠦ ᠰᠠᠭᠤᠭᠰᠠᠨ ᠨᠢᠭᠤᠷ ᠲᠤ᠌ ᠨᠢ ᠭᠦᠨ ᠪᠣᠳᠣᠯ ᠶᠡᠬᠡ ᠭᠠᠰᠢᠭᠤᠳᠠᠯ ᠲᠣᠭᠲᠠᠨ ᠬᠣᠩᠭᠣᠷᠯᠠᠭᠰᠠᠨ ( ᠤᠳᠠᠭᠠᠯᠢᠭ ᠪᠥᠭᠡᠳ ᠵᠥᠭᠡᠯᠡᠨ ᠬᠠᠷᠠᠴᠠ ᠶ᠋ᠢ ᠳᠦᠷᠰᠦᠯᠡᠵᠡᠢ ) ᠤᠬᠠᠭᠠᠯᠢᠭ ᠬᠣᠶᠠᠷ ᠨᠢᠳᠦ ᠨᠢ ᠠᠮᠢᠳᠤᠷᠠᠯ ᠤ᠋ᠨ ᠤᠷᠲᠤ ᠪᠥᠭᠡᠳ ᠬᠡᠴᠡᠭᠦᠦ ᠵᠠᠮ ᠲᠤᠭᠤᠯᠤᠭᠰᠠᠨ ᠤ᠋ ᠲᠡᠮᠳᠡᠭ ᠪᠠᠢᠪᠠ ᠃
- ᠳᠤᠭᠤᠢ ᠴᠢᠨᠢ ᠡᠪᠳᠡᠷᠡᠭᠡ ᠦᠦ? ᠭᠡᠵᠦ ᠲᠡᠷᠡ ᠬᠥᠮᠦᠨ ᠠᠰᠠᠭᠤᠬᠤ ᠵᠠᠭᠤᠷᠠ ᠮᠥᠷᠦᠨ ᠳᠡᠭᠡᠷᠡ ᠪᠡᠨ ᠡᠭᠦᠷᠴᠦ ᠶᠠᠪᠤᠭᠰᠠᠨ ᠬᠦᠷᠵᠡ ᠂ ᠴᠠᠷᠢᠯ ᠢ᠋ᠶ᠋ᠠᠨ ᠭᠠᠵᠠᠷ ᠲᠠᠯᠪᠢᠭᠠᠳ ᠮᠢᠨᠦ ᠳᠡᠷᠭᠡᠳᠡ ᠢᠷᠡᠵᠦ ᠵᠠᠪᠢᠯᠠᠨ ᠰᠠᠭᠤᠪᠠ ᠃
- ᠦᠭᠡᠢ ᠂ ᠡᠪᠳᠡᠷᠡᠭᠡ ᠦᠭᠡᠢ ᠂ ᠪᠧᠨ᠋ᠽᠢᠨ ᠢ᠋ᠶ᠋ᠡᠨ ᠳᠠᠭᠤᠰᠬᠠᠭᠰᠠᠨ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ ᠃
- ᠲᠠᠮᠠᠬᠢ ᠪᠠᠢᠨᠠ ᠤᠤ? ᠭᠡᠵᠦ ᠲᠡᠷᠡ ᠬᠥᠮᠦᠨ ᠬᠡᠯᠡᠬᠦ ᠳ᠋ᠦ᠍ ᠨᠢ ᠬᠠᠢᠷᠴᠠᠭ ᠲᠠᠢ ᠲᠠᠮᠠᠬᠢ ᠪᠠᠨ ᠳᠡᠯᠭᠡᠵᠦ ᠪᠠᠷᠢᠪᠠ ᠃ ᠨᠥᠭᠥᠭᠡ ᠬᠥᠮᠦᠨ ᠨᠢᠭᠡ ᠰᠢᠷᠬᠡᠭ ᠢ᠋ ᠠᠪᠴᠤ ᠂ ᠦᠵᠦᠭᠦᠷ ᠢ᠋ ᠨᠢ ᠠᠯᠭᠤᠷ ᠢᠮᠡᠷᠴᠦ ᠰᠠᠭᠤᠭᠠᠳ ᠂ ᠡᠪᠦᠷ ᠢ᠋ᠶ᠋ᠡᠨ ᠳᠠᠷᠤᠵᠤ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠵᠥᠪᠬᠡᠨ ᠤᠷᠤᠭᠤᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠨᠢᠶᠡᠮᠰᠦᠭᠯᠡᠵᠦ᠄
- ᠬᠤᠰᠢᠭᠤᠨ ᠠ᠋ᠴᠠ ᠪᠤᠰᠤᠳ ᠢ᠋ ᠭᠤᠶᠤᠬᠤ ᠨᠢ ᠪᠣᠯᠤᠯᠲᠠᠢ ᠂ ᠲᠠ ᠴᠦᠢᠳᠡᠩ ᠢ᠋ᠶ᠋ᠡᠨ ᠥᠭᠭᠥᠨᠡ ᠦᠦ ᠭᠡᠵᠦ ᠬᠤᠷᠤᠭᠤ ᠪᠠᠨ ᠢᠮᠡᠷᠴᠦ ᠭᠠᠷ ᠢ᠋ᠶ᠋ᠠᠨ ᠲᠤᠰᠪᠠ ᠃
ᠴᠦᠢᠳᠡᠩ ᠠᠪᠴᠤ ᠲᠠᠮᠠᠬᠢ ᠪᠠᠨ ᠠᠰᠠᠭᠠᠭᠠᠳ ᠬᠡᠳᠦ ᠳᠠᠬᠢᠨ ᠤᠷᠲᠤ ᠭᠡᠭᠴᠢ ᠨᠢ ᠰᠢᠨᠤᠭ ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ᠄
- ᠥᠷᠯᠥᠭᠡᠨ ᠡᠴᠡ ᠬᠣᠢᠰᠢ ᠲᠠᠲᠠᠭᠠ ᠦᠭᠡᠢ ᠶᠦ᠍ᠮ ᠰᠠᠨ ᠂ ᠲᠣᠯᠣᠭᠠᠢ ᠮᠠᠨᠠᠷᠠᠵᠤ ( ᠳᠦᠢᠷᠡᠵᠦ ) ᠠᠶᠠᠭᠦᠢ ᠪᠠᠢᠨᠠ ᠭᠡᠳ ᠥᠷᠭᠡᠨ ᠮᠠᠩᠨᠠᠢ ᠪᠠᠨ ᠵᠡᠭᠦᠨ ᠭᠠᠷ ᠤ᠋ᠨ ᠢ᠋ᠶ᠋ᠠᠨ ᠠᠷᠤ ᠪᠠᠷ ᠠᠷᠴᠢᠪᠠ ᠃᠌
- ᠮᠥᠨ ᠬᠠᠯᠠᠭᠤᠨ ᠡᠳᠦᠷ ᠠ᠋ ᠭᠡᠵᠦ ᠪᠢ ᠬᠡᠯᠡᠬᠦ ᠳ᠋ᠦ᠍ ᠂ ᠲᠡᠷᠡ ᠬᠥᠮᠦᠨ ᠲᠠᠮᠠᠬᠢᠨ ᠤ᠋ ᠪᠠᠨ ᠦᠨᠡᠰᠦ ᠶ᠋ᠢ ᠨᠣᠭᠣᠭᠠᠨ ᠳᠡᠭᠡᠷᠡ ᠨᠢᠰᠠᠯᠵᠤ ᠤᠨᠠᠭᠠᠬᠤ ᠵᠠᠭᠤᠷᠠ ᠄
- ᠬᠠᠯᠠᠭᠤᠨ ᠴᠤ᠌ ᠶᠠᠭᠤ ᠪᠠᠢᠬᠤ ᠪᠣᠢ ᠳᠠᠭᠤ ᠭᠡᠳ ᠥᠳᠬᠡᠨ ᠬᠠᠷᠠ ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠳᠤᠨ ᠲᠡᠭᠷᠢ ᠥᠭᠡᠳᠡ ᠬᠠᠷᠠᠬᠤ ᠳ᠋ᠤ᠌ ᠬᠣᠶᠠᠷ ᠨᠢᠳᠦᠨ ᠦ᠌ ᠬᠢᠨᠢ ᠳᠤᠮᠳᠠ ᠭᠤᠷᠪᠠᠨ ᠭᠦᠨ ᠠᠲᠤᠷᠢᠶᠠ ᠲᠣᠳᠣᠷᠠᠪᠠ ᠃
ᠲᠠᠮᠠᠬᠢᠨ ᠤ᠋ ᠪᠠᠨ ᠬᠠᠢᠷᠴᠠᠭ ᠢ᠋ ᠪᠤᠴᠠᠭᠠᠵᠤ ᠡᠪᠦᠷᠲᠦᠯᠡᠬᠦ ᠳ᠋ᠦ᠍ ᠭᠡᠷ ᠡᠴᠡ ᠠᠪᠴᠤ ᠭᠠᠷᠤᠭᠰᠠᠨ ᠴᠠᠭᠠᠰᠤᠲᠠᠢ ᠰᠢᠬᠢᠷ ᠡᠴᠡ ᠦᠯᠡᠳᠡᠭᠰᠡᠨ ᠬᠣᠶᠠᠷ ᠰᠢᠬᠢᠷ ᠭᠠᠷ ᠲᠤ᠌ ᠪᠠᠷᠢᠭᠳᠠᠭᠰᠠᠨ ᠢ᠋ ᠭᠠᠷᠭᠠᠵᠤ ᠄《 ᠲᠠ ᠰᠢᠬᠢᠷ ᠢᠳᠡ 》ᠭᠡᠳ ᠥᠭᠭᠦᠭᠰᠡᠨ ᠳ᠋ᠦ᠍ ᠲᠡᠷᠡ ᠬᠥᠮᠦᠨ ᠨᠢᠭᠡ ᠶ᠋ᠢ ᠨᠢ ᠠᠪᠴᠤ ᠠᠵᠢᠭᠯᠠᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠴᠡᠮᠴᠡᠨ ᠦ᠌ ᠪᠡᠨ ᠡᠩᠭᠡᠷ ᠦ᠋ᠨ ᠤᠭᠤᠲᠠᠨ ᠳ᠋ᠤ᠌ ᠬᠢᠯᠡ ᠃
ᠪᠢ ᠦᠯᠡᠳᠡᠭᠰᠡᠨ ᠰᠢᠬᠢᠷ ᠢ᠋ᠶ᠋ᠡᠨ ᠵᠠᠳᠠᠯᠵᠤ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠭᠡᠳ ᠬᠦᠯᠬᠦᠬᠦ ᠵᠠᠭᠤᠷᠠ᠄《 ᠠᠮᠠ ᠰᠦᠷᠡᠬᠡᠢ ᠴᠠᠩᠭᠠᠵᠤ ᠪᠠᠢᠨᠠ ᠃ ᠶᠠᠭᠤᠮᠠ ᠣᠯᠵᠤ ᠤᠤᠭᠤᠮᠠᠷ ᠭᠠᠵᠠᠷ ᠪᠠᠢᠨᠠ ᠤᠤ 》ᠭᠡᠵᠦ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠲᠡᠷᠡ ᠬᠥᠮᠦᠨ᠄
- ᠮᠠᠨ ᠤ᠋ ᠬᠢ ᠡᠨᠡᠦᠬᠡᠨ ᠲᠣᠯᠣᠭᠠᠢ ᠶ᠋ᠢᠨ ᠴᠠᠭᠠᠨᠠ ᠪᠣᠢ ᠂ ᠣᠴᠢᠪᠠᠯ ᠬᠦᠢᠲᠡᠨ ᠶᠠᠭᠤᠮᠠ ᠪᠠᠢᠬᠤ ᠯᠠ ᠪᠠᠢᠬᠤ ᠳᠠ ᠃ ᠪᠠᠰᠠ ᠲᠡᠭᠡᠭᠡᠳ ᠵᠠᠮ ᠵᠠᠰᠠᠪᠤᠷᠢ ᠶ᠋ᠢᠨ ᠠᠵᠢᠯᠴᠢᠳ ᠣᠷᠣᠢ ᠢᠷᠡᠨᠡ ᠂ ᠲᠡᠳᠡᠨ ᠡᠴᠡ ᠪᠧᠨ᠋ᠽᠢᠨ ᠴᠦ᠍ ᠣᠯᠳᠠᠵᠤ ᠶᠠᠭᠤ ᠮᠠᠭᠠᠳ ᠭᠡᠯᠡ ᠃
ᠢᠩᠭᠢᠭᠡᠳ ᠪᠢ ᠳᠤᠭᠤᠢ ᠪᠠᠨ ᠲᠦᠯᠬᠢᠵᠦ ᠲᠡᠭᠦᠨ ᠢ᠋ ᠳᠠᠭᠠᠵᠤ ᠶᠠᠪᠤᠯᠠ ᠃ ᠵᠠᠮ ᠳ᠋ᠤ᠌ ᠪᠠᠨ ᠬᠦᠨᠳᠦ ᠳᠤᠭᠤᠢ ᠲᠦᠯᠬᠢᠨ ᠶᠠᠳᠠᠷᠠᠵᠤ ᠶᠠᠪᠤᠭᠠ ᠶ᠋ᠢ ᠮᠢᠨᠢ ᠬᠠᠷᠠᠭᠠᠳ ᠲᠡᠷᠡ ᠬᠥᠮᠦᠨ ᠥᠷᠥᠭᠡᠰᠦᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠮᠡᠭᠡᠯ ᠡᠴᠡ ᠨᠢ ᠪᠠᠷᠢᠵᠤ ᠲᠦᠯᠬᠢᠨ ᠲᠤᠰᠠᠯᠠᠪᠠ ᠃ ᠬᠥᠯᠥᠰᠥ ᠵᠣᠭᠰᠣᠭᠠ ᠵᠢᠯᠣᠭᠣ ᠦᠭᠡᠢ ᠠᠰᠬᠠᠷᠠᠨ ᠤᠷᠤᠰᠴᠤ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠬᠥᠮᠦᠨ ᠦ᠌ ᠮᠠᠩᠨᠠᠢ ᠳ᠋ᠤ᠌ ᠬᠥᠯᠥᠰᠥ ᠳᠠᠭᠠᠪᠤᠷᠯᠠᠭᠰᠠᠨ ᠴᠤ᠌ ᠰᠢᠨᠵᠢ ᠦᠭᠡᠢ ᠰᠡᠪᠡᠯᠵᠡᠲᠡᠯᠡ ᠠᠯᠬᠤᠨ ᠶᠠᠪᠤᠵᠤ ᠪᠢᠯᠡ ᠃
ᠬᠣᠶᠠᠷ
ᠵᠠᠮ ᠵᠠᠰᠠᠪᠤᠷᠢ ᠶ᠋ᠢᠨ ᠠᠵᠢᠯᠴᠢᠳ ᠢᠷᠡᠭᠰᠡᠨ ᠦᠭᠡᠢ ᠃ ᠲᠡᠭᠡᠭᠡᠳ ᠪᠢ ᠲᠡᠨᠳᠡ ᠨᠢ ᠤᠨᠲᠠᠬᠤ ᠪᠣᠯᠤᠯᠠ ᠃ ᠮᠢᠨᠦ ᠰᠢᠨᠡ ᠲᠠᠨᠢᠯ ᠤ᠋ᠨ ᠨᠡᠷᠡ ᠶᠢ ᠳᠣᠷᠵᠢ ᠭᠡᠳᠡᠭ ᠠᠵᠠᠢ ᠃ ᠲᠡᠷᠡ ᠪᠣᠯ ᠵᠠᠮ ᠤ᠋ᠨ ᠡᠷᠭᠢᠭᠦᠯ ᠠᠵᠢᠯᠴᠢᠳ ᠪᠥᠭᠡᠳ ᠲᠡᠭᠦᠨ ᠦ᠌ ᠭᠡᠷ ᠪᠣᠯᠤᠭᠰᠠᠨ ᠵᠢᠵᠢᠭ ᠲᠠᠰᠤᠯᠭᠠᠨ ᠳ᠋ᠤ᠌ ᠬᠣᠶᠠᠷ ᠣᠷᠣ ᠂ ᠨᠢᠭᠡ ᠬᠠᠭᠤᠴᠢᠨ ᠠᠪᠳᠠᠷᠠ ᠂ ᠬᠣᠶᠠᠷ ᠴᠧᠮᠤᠳᠠᠨ ᠂ ᠥᠪᠡᠷ ᠢ᠋ᠶ᠋ᠡᠨ ᠬᠢᠭᠰᠡᠨ ᠪᠣᠯᠤᠯᠲᠠᠢ ᠭᠤᠷᠪᠠᠨ ᠮᠤᠬᠤᠷ ᠰᠠᠨᠳᠠᠯᠢ ᠠ᠋ᠴᠠ ᠥᠭᠡᠷᠡ ᠬᠣᠭᠰᠢᠯ ᠦᠭᠡᠢ ᠪᠠᠢᠨᠠ ᠃ ᠮᠣᠩᠭᠣᠯᠴᠤᠳ ᠪᠡᠯᠡᠨ ᠪᠠᠢᠭᠠ ᠶᠠᠭᠤᠮᠠ ᠪᠠᠷ ᠢ᠋ᠶ᠋ᠠᠨ ᠳᠠᠢᠯᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠣᠯᠬᠣᠷ ᠲᠡᠷᠡ ᠣᠷᠣᠢ ᠳᠣᠷᠵᠢ ᠭᠤᠸᠠᠢ ᠵᠢᠵᠢᠭᠬᠡᠨ ᠭᠤᠨᠵᠤᠭᠤᠷ ᠪᠣᠷᠴᠠ ᠬᠥᠰᠬᠥᠯᠡᠨ ᠴᠠᠭᠠᠨ ᠪᠤᠳᠠᠭᠠ ᠬᠠᠶᠠᠯᠠᠵᠤ ᠬᠣᠭᠣᠯᠠ ᠬᠢᠪᠡ ᠃ ᠬᠣᠭᠣᠯᠠᠨ ᠳᠡᠭᠡᠷᠡ ᠪᠡᠨ ᠪᠢ ᠬᠥᠳᠡᠭᠡ ᠪᠠᠢᠳᠠᠭ ᠠᠬᠠ ᠳ᠋ᠤ᠌ ᠪᠠᠨ ᠥᠭᠬᠦ ᠭᠡᠵᠦ ᠬᠣᠲᠠ ᠠ᠋ᠴᠠ ᠠᠪᠴᠤ ᠭᠠᠷᠤᠭᠰᠠᠨ ᠠᠷᠢᠬᠢ ᠪᠠᠨ ᠵᠠᠳᠠᠯᠪᠠ ᠃ ᠳᠣᠷᠵᠢ ᠭᠤᠸᠠᠢ ᠨᠡᠯᠢᠶᠡᠳ ᠬᠠᠯᠠᠵᠤ ᠠᠮᠠ ᠴᠠᠢᠷᠠᠨ ( ᠦᠭᠡ ᠣᠯᠠᠳᠠᠬᠤ ᠌) ᠠᠮᠢᠳᠤᠷᠠᠯ ᠤᠨ ᠢ᠋ᠶ᠋ᠠᠨ ᠲᠡᠦᠬᠡ ᠶ᠋ᠢ ᠶᠠᠷᠢᠯᠠ ᠃
- ᠪᠢ ᠬᠠᠯᠠ ᠦᠵᠡᠵᠦ ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠭᠰᠠᠨ ᠬᠥᠮᠦᠨ ᠃ ᠠᠪᠤ᠋ ᠶ᠋ᠢᠨ ᠬᠦᠦ ᠤᠨᠠᠳᠠᠭ ᠴᠤ᠌ ᠶᠤᠮ ᠂ᠳᠠᠪᠠᠳᠠᠭ ᠴᠤ᠌ ᠶᠤᠮ ᠭᠡᠳᠡᠭ ᠃ ᠮᠢᠨᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠤᠨᠠᠬᠤ ᠯᠠ ᠢᠯᠡᠭᠦᠦ ᠪᠠᠢᠭᠰᠠᠨ ᠶᠤᠮ ᠃ ᠬᠣᠷᠸᠠ ᠳᠡᠭᠡᠷᠡ ᠬᠥᠮᠦᠨ ᠰᠢᠭ ᠲᠡᠰᠪᠦᠷᠢᠲᠡᠢ ᠠᠮᠢᠲᠠᠨ ᠪᠠᠢᠳᠠᠭ ᠦᠭᠡᠢ ᠪᠣᠯᠬᠣᠷ ᠤᠴᠠᠷᠠᠭᠰᠠᠨ ᠪᠦᠬᠦ ᠵᠣᠪᠠᠯᠠᠩ ᠢ᠋ ᠲᠡᠰᠦᠭᠡᠳ ᠥᠩᠭᠡᠷᠡᠭᠦᠯᠦᠭᠰᠡᠨ ᠬᠥᠮᠦᠨ ᠳᠠ ᠪᠢ ᠃ ᠠᠮᠢᠳᠤᠷᠠᠯ ᠤ᠋ᠨ ᠮᠢᠨᠢ ᠨᠣᠶᠠᠨ ᠨᠢᠷᠤᠭᠤ ᠣᠯᠠᠨ ᠳᠠᠬᠢᠨ ᠬᠤᠭᠤᠷᠠᠭᠰᠠᠨ ᠪᠣᠯᠪᠠᠴᠤ ᠨᠥᠬᠥᠳ ᠦ᠋ᠨ ᠢ᠋ᠶ᠋ᠡᠨ ᠲᠤᠰᠠᠯᠠᠮᠵᠢ ᠪᠠᠷ ᠵᠠᠯᠭᠠᠵᠤ ᠪᠣᠭᠣᠭᠰᠠᠭᠠᠷ ᠣᠳᠣ ᠬᠦᠷᠦᠭᠰᠡᠨ ᠃ ᠪᠢ ᠤᠭ ᠨᠢ ᠥᠪᠥᠷᠬᠠᠩᠭᠠᠢ ᠠᠢᠮᠠᠭ ᠤ᠋ᠨ ᠬᠥᠮᠦᠨ ᠃ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠭᠤᠴᠢᠨ ᠣᠨ ᠳ᠋ᠤ᠌ ᠴᠡᠷᠢᠭ ᠲᠦ᠍ ᠂ ᠬᠣᠷᠢᠨ ᠨᠢᠭᠡ ᠨᠠᠰᠤᠲᠠᠢ ᠰᠢᠪ ᠭᠡᠰᠡᠨ ᠡᠷᠡ ᠲᠠᠲᠠᠭᠳᠠᠵᠤ ᠢᠷᠡᠭᠡᠳ ᠬᠣᠶᠠᠷ ᠵᠢᠯ ᠪᠣᠯᠵᠤ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠣᠷᠣᠵᠤ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠭᠤᠴᠢᠨ ᠲᠠᠪᠣᠨ ᠣᠨ ᠳ᠋ᠤ᠌ ᠲᠡᠭᠦᠰᠦᠯᠡ ᠃ ᠲᠡᠭᠡᠭᠡᠳ ᠭᠣᠪᠢ ᠳ᠋ᠤ᠌ ᠌᠌᠁ ᠳ᠋ᠤᠭᠠᠷ ᠳ᠋ᠧᠸᠢᠴᠢ ᠳ᠋ᠦ᠍ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠠᠷ ᠠᠵᠢᠯᠯᠠᠬᠤ ᠲᠤᠰᠢᠶᠠᠯ ᠠᠪᠤᠭᠠᠳ ᠨᠤᠲᠤᠭ ᠲᠤ᠌ ᠪᠠᠨ ᠶᠠᠪᠤᠵᠤ ᠨᠢᠭᠡ ᠰᠠᠷᠠ ᠠᠮᠠᠷᠠᠬᠤ ᠪᠣᠯᠤᠯᠠ ᠃ ᠰᠢᠨᠡᠬᠡᠨ ᠳᠠᠷᠤᠭᠠ ᠪᠣᠯᠤᠭᠰᠠᠨ ᠢ᠋ ᠬᠡᠯᠡᠬᠦ ᠦᠦ ᠂ ᠣᠯᠠᠨ ᠵᠢᠯ ᠬᠠᠷᠢᠭᠠ ᠦᠭᠡᠢ ᠶ᠋ᠢ ᠴᠦ᠍ ᠬᠡᠯᠡᠬᠦ ᠦᠦ ᠂ ᠮᠣᠷᠳᠠᠬᠤ ᠳ᠋ᠤ᠌ ᠬᠥᠳᠡᠯᠦᠭᠰᠡᠨ ᠲᠣᠭᠣᠰᠣ ᠲᠠᠲᠠᠷᠠᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠭᠠᠳᠠᠭᠠ ᠪᠠᠭᠤᠵᠤ ᠪᠠᠢᠯᠠ ᠃ ᠬᠥᠭᠰᠢᠨ ᠡᠬᠡ ᠶ᠋ᠢ ᠪᠡᠨ ᠡᠷᠭᠢᠬᠦ ᠂ ᠴᠡᠷᠢᠭ ᠲᠦ᠍ ᠶᠠᠪᠤᠬᠤ ᠶ᠋ᠢᠨ ᠡᠮᠦᠨᠡ ᠰᠠᠭᠤᠨᠠ ᠭᠡᠵᠦ ᠶᠠᠷᠢᠯᠴᠠᠭᠰᠠᠨ ᠳᠣᠯᠵᠢᠨ ᠭᠡᠳᠡᠭ ᠨᠤᠲᠤᠭ ᠤ᠋ᠨ ᠪᠦᠰᠡᠭᠦᠢ ᠲᠡᠢ ᠰᠠᠭᠤᠬᠤ ᠪᠣᠳᠣᠯ ᠲᠠᠢ ᠯᠠ ᠬᠠᠷᠢᠭᠰᠠᠨ ᠬᠥᠮᠦᠨ ᠶᠦ᠍ᠮ ᠰᠠᠨ ᠃
ᠭᠡᠷ ᠲᠦ᠍ ᠪᠡᠨ ᠨᠢᠭᠡ ᠬᠣᠨᠣᠭᠠᠳ ᠮᠠᠷᠭᠠᠰᠢ ᠨᠢ ᠨᠠᠢᠵᠠ ᠶ᠋ᠢᠨ ᠢ᠋ᠶ᠋ᠡᠨ ᠵᠢᠷᠣᠭᠠ ᠮᠤᠷᠢ ᠵᠢ ᠬᠥᠩᠭᠡᠨ ᠬᠡᠷᠡᠭᠰᠡᠯ ᠲᠡᠢ ᠂ ᠨᠣᠭᠣᠭᠠᠨ ᠭᠥᠯᠢᠮ ᠲᠡᠢ ᠡᠮᠡᠭᠡᠯ ᠲᠡᠢ ᠨᠢ ᠭᠤᠶᠤᠵᠤ ᠂ ᠴᠣ ᠰᠢᠨᠡ ᠳᠠᠷᠤᠭᠠ ᠬᠤᠪᠴᠠᠰᠤ ᠡᠮᠦᠰᠴᠦ ᠨᠠᠭᠠᠨ ᠫᠤᠤ ( ᠬᠦᠷᠳᠦ ᠲᠡᠢ ᠭᠠᠷ ᠫᠤᠤ ) ᠰᠤᠮᠤᠯᠠᠵᠤ ᠵᠡᠭᠦᠭᠡᠳ ᠳᠤᠯᠵᠢᠨ ᠤ᠋ ᠳ᠋ᠤ᠌ ᠣᠴᠢᠯᠠ ᠭᠡᠵᠦ ᠬᠡᠯᠡᠭᠡᠳ ᠳᠣᠷᠵᠢ ᠭᠤᠸᠠᠢ ᠬᠥᠭᠵᠢᠯᠲᠡᠢ ᠢᠨᠢᠶᠡᠭᠰᠡᠨ ᠢ᠋ᠶ᠋ᠡᠨ ᠲᠣᠯᠣᠭᠠᠢ ᠪᠠᠨ ᠠᠯᠭᠤᠷᠬᠠᠨ ᠰᠠᠵᠢᠯᠠᠵᠤ᠄
- ᠰᠤᠮᠤ ᠲᠠᠢ ᠨᠠᠭᠠ ᠪᠠᠨ ᠵᠡᠭᠦᠵᠦ ᠬᠥᠮᠦᠨ ᠦ᠌ ᠮᠣᠷᠢ ᠂ ᠡᠮᠡᠭᠡᠯ ᠢ᠋ᠶ᠋ᠡᠷ ᠭᠣᠶᠣᠯᠠᠵᠤ ᠶᠠᠪᠤᠳᠠᠭ ᠴᠢᠨᠢ ᠵᠠᠯᠠᠭᠤ ᠶ᠋ᠢᠨ ᠡᠪᠡᠳᠴᠢᠨ ᠰᠢᠦ ᠳᠠ ᠭᠡᠳ ᠬᠡᠰᠡᠭ ᠵᠠᠭᠤᠷᠠ ᠳᠠᠭᠤ ᠦᠭᠡᠢ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠡᠳ ᠄
- ᠵᠠᠮ ᠳ᠋ᠤ᠌ ᠳᠠᠭᠠᠷᠢᠯᠳᠤᠭᠰᠠᠨ ᠨᠤᠲᠤᠭ ᠤ᠋ᠨ ᠬᠥᠮᠦᠰ ᠦ᠋ᠨ《 ᠮᠥᠨ ᠰᠠᠢᠬᠠᠨ ᠳᠠᠷᠤᠭᠠ ᠪᠣᠯᠵᠠᠢ ᠳᠠ 》᠂《 ᠶᠣᠰᠣᠲᠠᠢ ᠨᠢᠭᠡ ᠬᠡᠢᠮᠣᠷᠢ ᠲᠠᠢ ᠶᠠᠪᠤᠨᠠ 》ᠭᠡᠳ ᠱᠠᠭᠰᠢᠨ ᠮᠠᠭᠲᠠᠬᠤ ᠳ᠋ᠤ᠌ ᠨᠢ ᠲᠡᠪᠬᠡᠯᠵᠡᠭᠰᠡᠨ ᠰᠡᠳᠬᠢᠯ ᠮᠢᠨᠢ ᠶᠣᠰᠣᠲᠠᠢ ᠨᠢᠰᠬᠦ ᠰᠢᠬᠠᠵᠤ ᠪᠠᠢᠯᠠ ᠃ ᠳᠤᠯᠵᠢᠨ ᠤ᠋ ᠭᠠᠳᠠᠭᠠ ᠪᠠᠭᠤᠬᠤ ᠳ᠋ᠤ᠌ ᠲᠡᠷᠡ ᠨᠣᠬᠠᠢ ᠪᠠᠨ ᠬᠣᠷᠢᠵᠤ ᠥᠭᠪᠡ ᠃ ᠬᠠᠵᠠᠭᠤ ᠳ᠋ᠤ᠌ ᠨᠢ ᠣᠴᠢᠭᠠᠳ ᠮᠡᠨᠳᠦ ᠤᠰᠤ ᠴᠤ᠌ ᠦᠭᠡᠢ ᠂ ᠰᠢᠭᠤᠳ ᠯᠠ ᠄ 《 ᠪᠢ ᠴᠢᠮᠠ ᠶ᠋ᠢ ᠠᠪᠠᠴᠢᠬᠤ ᠭᠡᠵᠦ ᠢᠷᠡᠭᠰᠡᠨ ᠃ ᠤᠳᠠᠬᠤ ᠦᠭᠡᠢ ᠬᠣᠶᠠᠭᠤᠯᠠ ᠪᠠᠨ ᠶᠠᠪᠤᠨᠠ ᠳᠠ ᠃ ᠶᠠᠭᠤᠮᠠ ᠪᠠᠨ ᠪᠡᠯᠡᠳᠬᠡᠬᠦ ᠬᠡᠷᠡᠭᠲᠡᠢ 》ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍ ᠳᠣᠯᠵᠢᠨ ᠨᠠᠳᠠ ᠥᠭᠡᠳᠡ ᠭᠠᠢᠬᠠᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠲᠥᠪ ᠳᠠᠭᠤ ᠪᠠᠷ ᠄《 ᠰᠠᠢᠨ ᠶᠠᠪᠤᠵᠤ ᠢᠷᠡᠪᠡ ᠤᠤ ?》 ᠭᠡᠪᠡ ᠃
ᠢᠴᠢᠬᠦ ᠵᠣᠪᠠᠬᠤ ᠬᠣᠶᠠᠷ ᠰᠡᠳᠬᠢᠯ ᠳ᠋ᠦ᠍ ᠳᠠᠪᠬᠤᠴᠠᠵᠤ ᠬᠡᠯᠡᠬᠦ ᠦᠭᠡ ᠪᠡᠨ ᠣᠯᠵᠤ ᠶᠠᠳᠠᠨ ᠂ ᠨᠢᠭᠤᠷ ᠮᠢᠨᠢ ᠤᠯᠠᠢᠭᠠᠳ ᠵᠥᠪᠬᠡᠨ《 ᠰᠠᠢᠨ 》ᠭᠡᠵᠦ ᠬᠡᠯᠡᠭᠡᠳ ᠭᠡᠷ ᠲᠦ᠍ ᠨᠢ ᠣᠷᠣᠯᠠ ᠃ ᠵᠠ ᠲᠡᠭᠡᠭᠡᠳ ᠯᠡ ᠣᠷᠣᠮᠠᠭᠴᠠ ᠳᠤᠯᠵᠢᠨ ᠤ᠋ ᠡᠬᠡ ᠡᠴᠢᠭᠡ ᠬᠣᠶᠠᠷ ᠄《 ᠰᠠᠢᠬᠠᠨ ᠡᠷᠡ ᠪᠣᠯᠵᠠᠢ ᠳᠠ 》᠂《 ᠴᠣᠭ ᠵᠢᠪᠬᠤᠯᠠᠩ ᠪᠠᠳᠠᠷᠠᠭᠰᠠᠨ ᠂ ᠲᠣᠰᠣᠲᠠᠢ ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠰᠢ ᠦᠭᠡᠢ ᠳᠠᠷᠤᠭᠠ ᠪᠣᠯᠵᠠᠢ 》 ᠭᠡᠳ ᠯᠡ ᠮᠠᠭᠲᠠᠪᠠ ᠃ ᠳᠠᠷᠤᠭᠳᠠᠵᠤ ᠡᠬᠢᠯᠡᠭᠰᠡᠨ ᠰᠡᠳᠬᠢᠯ ᠰᠠᠭᠰᠠᠢᠵᠤ ᠫᠤᠤ ᠪᠠᠨ ᠡᠪᠦᠷ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠨ ᠂ ᠭᠡᠷ ᠦ᠋ᠨ ᠪᠠᠷᠠᠭᠤᠨ ᠬᠣᠢᠨᠠ ᠵᠠᠪᠢᠯᠠᠵᠤ ᠰᠠᠭᠤᠪᠠ ᠃ ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠴᠠᠢ ᠪᠤᠴᠠᠯᠵᠤ ᠂ ᠲᠡᠭᠦᠨ ᠦ᠌ ᠳᠠᠷᠠᠭᠠ ᠨᠠᠳᠠ ᠳ᠋ᠤ᠌ ᠵᠣᠷᠢᠭᠤᠯᠤᠨ ᠭᠠᠷᠭᠠᠭᠰᠠᠨ ᠲᠠᠷᠭᠤᠨ ᠬᠣᠨᠢᠨ ᠤ᠋ ᠮᠢᠬᠠ ᠪᠣᠯᠵᠤ ᠂ ᠬᠣᠷᠭᠣᠨ ᠠ᠋ᠴᠠ ᠠᠷᠠᠴᠠ ᠭᠠᠷᠭᠠᠨ ᠵᠣᠴᠢᠯᠠᠪᠠ ᠃ ᠢᠳᠡᠵᠦ ᠤᠤᠭᠤᠵᠤ ᠪᠠᠢᠬᠤ ᠵᠠᠭᠤᠷᠠ ᠳᠤᠯᠵᠢᠨ ᠤ᠋ ᠠᠪᠤ᠋ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠦᠵᠡᠳᠡᠭ ᠬᠢᠴᠢᠶᠡᠯ ᠡᠴᠡ ᠡᠬᠢᠯᠡᠭᠡᠳ ᠯᠡ ᠨᠠᠭᠠᠨ ᠫᠤᠤ ᠬᠡᠳᠦ ᠦᠰᠦᠷᠳᠡᠭ ( ᠰᠤᠮᠤ ᠬᠠᠷᠪᠤᠵᠤ ᠭᠠᠷᠬᠤ ᠶ᠋ᠢ ᠬᠡᠯᠡᠵᠡᠢ ) ᠂ ᠬᠡᠳᠦᠨ ᠠᠯᠲᠠ ᠭᠠᠵᠠᠷ ᠲᠣᠰᠳᠠᠭ ᠢ᠋ ᠬᠦᠷᠲᠡᠯᠡ ᠠᠰᠠᠭᠤᠪᠠ ᠃
- ᠦᠭᠡ ᠣᠯᠠᠳᠠᠵᠤ ᠦᠬᠡᠷ ᠬᠣᠯᠠᠳᠠᠵᠤ ᠪᠠᠢᠨᠠ ᠃ ᠴᠢ ᠨᠥᠭᠥᠭᠡ ᠤᠰᠤᠨ ᠤ᠋ ᠲᠡᠮᠡᠭᠡ ᠠᠪᠴᠢᠷᠠᠭᠠᠴᠢ ᠭᠡᠵᠦ ᠠᠪᠠᠭᠠᠢ ᠶ᠋ᠢᠨ ᠬᠡᠯᠡᠬᠦ ᠳ᠋ᠦ᠍ ᠡᠪᠦᠭᠡᠨ ᠤᠴᠠᠭᠠᠷᠯᠠᠩᠭᠤᠢ ᠳᠠᠭᠤ ᠪᠠᠷ ᠄
- ᠪᠠᠢᠵᠤ ᠪᠠᠢ ᠯᠠ ᠳᠠ ᠂ ᠴᠢᠬᠤᠯᠠ ᠯᠠ ᠶᠠᠭᠤᠮᠠ ᠶᠠᠷᠢᠵᠤ ᠪᠠᠢᠨᠠ ᠭᠡᠪᠡ ᠃ ᠠᠪᠠᠭᠠᠢ ᠰᠢᠭᠤᠳ ᠢᠷᠡᠵᠦ ᠡᠪᠦᠭᠡᠨ ᠦ᠌ ᠮᠥᠷᠦᠨ ᠳᠡᠭᠡᠷᠡ ᠡᠴᠡ ᠵᠥᠭᠡᠯᠡᠨ ᠲᠠᠲᠠᠵᠤ ᠄
- ᠴᠢ ᠪᠤᠰᠢᠭᠤᠬᠠᠨ ᠶᠠᠪᠤᠭᠠᠳ ᠢᠷᠡ ᠳᠠ ᠭᠡᠬᠦ ᠳ᠋ᠦ᠍ ᠡᠪᠦᠭᠡᠨ ᠳᠤᠷᠠ ᠲᠠᠢ ᠳᠤᠷᠠ ᠦᠭᠡᠢ ᠪᠣᠰᠴᠤ ᠄
- ᠶᠠᠷᠢᠶᠠ ᠬᠥᠮᠦᠨ ᠢ᠋ ᠱᠠᠭᠠᠵᠠᠭᠠᠢ ᠭᠡᠳᠡᠭ ᠂ ᠶᠠᠭᠠᠷᠠᠤ ᠬᠥᠮᠦᠨ ᠢ᠋ ᠴᠢᠪᠠᠭᠠᠭᠴᠠ ᠭᠡᠳᠡᠭ ᠦᠨᠡᠨ ᠰᠢᠦ ᠭᠡᠳ ᠬᠥᠭᠵᠢᠯᠲᠡᠢ ᠢᠨᠢᠶᠡᠭᠰᠡᠨ ᠢ᠋ᠶ᠋ᠡᠨ ᠄ 《 ᠵᠠ ᠂ ᠬᠦᠦ ᠮᠢᠨᠢ ᠪᠢ ᠤᠳᠠᠬᠤ ᠦᠭᠡᠢ ᠢᠷᠡᠨᠡ ᠃ ᠲᠡᠭᠡᠭᠡᠳ ᠯᠡ ᠲᠠᠪᠠᠲᠠᠢ ᠶᠠᠷᠢᠶᠠ 》ᠭᠡᠳ ᠭᠠᠷᠤᠯᠠ ᠃
ᠳᠤᠯᠵᠢᠨ ᠤ᠋ ᠡᠬᠡ ᠠᠷᠭᠠᠯ ᠲᠡᠭᠦᠬᠦ ᠪᠡᠷ ᠭᠠᠷᠴᠤ ᠣᠳᠪᠠ ᠃ ᠪᠣᠳᠣᠪᠠᠯ ᠪᠢᠳᠠ ᠬᠣᠶᠠᠷ ᠢ᠋ ᠶᠠᠷᠢᠭ ᠭᠡᠰᠡᠨ ᠪᠠᠢᠬᠤ ᠳᠠ ᠃ ᠲᠡᠳᠡᠨ ᠢ᠋ ᠭᠠᠷᠤᠭᠰᠠᠨ ᠠ᠋ᠴᠠ ᠬᠣᠢᠰᠢ ᠂ ᠳᠣᠯᠵᠢᠨ ᠪᠢᠳᠡᠨ ᠬᠣᠶᠠᠷ ᠪᠡᠶᠡ ᠪᠡᠶᠡ ᠪᠡᠨ ᠰᠢᠷᠲᠡᠯᠴᠡᠨ ᠬᠡᠰᠡᠭ ᠳᠠᠭᠤ ᠦᠭᠡᠢ ᠰᠠᠭᠤᠯᠠ ᠃ ᠲᠡᠭᠡᠭᠡᠳ ᠪᠢ ᠠᠮᠢᠰᠬᠤᠭᠠ ᠪᠠᠨ ᠰᠠᠢᠨ ᠭᠡᠭᠴᠢ ᠲᠠᠲᠠᠭᠠᠳ ᠄
- ᠵᠠ ᠪᠢ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠪᠣᠯᠤᠭᠰᠠᠨ ᠃ ᠭᠣᠪᠢ ᠳ᠋ᠤ᠌ ᠣᠴᠢᠵᠤ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠠᠷ ᠁ ᠭᠡᠲᠡᠯᠡ ᠄
- ᠮᠣᠷᠳᠠᠭᠠᠳ ᠶᠠᠪᠤᠵᠤ ᠪᠠᠢᠭᠰᠠᠨ ᠴᠢᠨᠢ ᠴᠢᠮᠠ ᠠ᠋ᠴᠠ ᠨᠢᠭᠡ ᠶᠠᠭᠤᠮᠠ ᠠᠰᠠᠭᠤᠬᠤ ᠯᠠ ᠦᠭᠡᠢ ᠲᠤᠩ ᠪᠣᠯᠬᠤ ᠦᠭᠡᠢ ᠰᠠᠨᠠᠭᠳᠠᠭᠠᠳ ᠲᠡᠰᠴᠦ ᠶᠠᠳᠠᠬᠤ ᠳ᠋ᠤ᠌ ᠪᠠᠨ ᠪᠤᠴᠠᠵᠤ ᠢᠷᠡᠯᠡ ᠭᠡᠭᠰᠡᠭᠡᠷ ᠳᠣᠯᠵᠢᠨ ᠤ᠋ ᠠᠪᠤ᠋ ᠣᠷᠣᠵᠤ ᠢᠷᠡᠭᠡᠳ ᠳᠡᠷᠭᠡᠳᠡ ᠮᠢᠨᠢ ᠵᠣᠭᠰᠣᠵᠤ ᠄《 ᠳᠣᠷᠵᠢ ᠮᠢᠨᠢ ᠦᠬᠡᠷ ᠫᠤᠤ ᠬᠡᠳᠦ ᠦᠰᠦᠷᠳᠡᠭ ᠢ᠋ ᠬᠡᠯᠡᠭᠡᠳ ᠠᠯᠢ 》ᠭᠡᠪᠡ ᠃
- ᠶᠡᠬᠡᠩᠬᠢ ᠨᠢ ᠨᠢᠭᠡ ᠦᠰᠦᠷᠡᠳᠡᠭ ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠲᠦᠷᠭᠡᠨ ᠫᠤᠤᠳᠠᠳᠠᠭ ᠲᠤᠰᠬᠠᠢ ᠣᠨᠢᠰᠣᠲᠠᠢ ᠶᠡᠬᠡ ᠫᠤᠤ ᠭᠠᠷᠤᠭᠰᠠᠨ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ ᠃
- ᠤᠤᠬᠠᠢ ᠳᠠ ᠂ ᠮᠥᠨ ᠳᠠ ᠌! ᠲᠦᠷᠭᠡᠨ ᠫᠤᠤᠳᠠᠳᠠᠭ ᠭᠡᠰᠡᠨ ᠴᠢᠨᠢ ᠣᠯᠠᠨ ᠦᠰᠦᠷᠳᠡᠭ ᠭᠡᠰᠡᠨ ᠦᠭᠡ ᠰᠢᠦ ᠳᠠ ᠃ ᠤᠤᠬᠠᠢ ᠳᠠ ᠂ ᠮᠥᠨ ᠳᠠ ! ᠳᠤᠰᠤᠭᠠᠯ ᠨᠢ ᠥᠷᠲᠡᠭᠡ ᠪᠠᠷ ᠯᠠ ᠶᠠᠷᠢᠨᠠ ᠪᠢᠵᠡ ᠳᠠ ᠁ ᠭᠡᠵᠦ ᠬᠡᠯᠡᠲᠡᠯᠡ ᠭᠠᠳᠠᠨᠠ ᠠ᠋ᠴᠠ ᠣᠷᠣᠵᠤ ᠢᠷᠡᠭᠰᠡᠨ ᠠᠪᠠᠭᠠᠢ ᠨᠢ ᠄
- ᠦᠭᠡᠢ ᠴᠢ ᠴᠢᠨᠢ ᠶᠠᠭᠤ ᠪᠣᠯᠤᠭᠠᠳ ᠪᠤᠴᠠᠵᠤ ᠢᠷᠡᠪᠡ ᠳᠠ ᠭᠡᠰᠡᠨ ᠳ᠋ᠦ᠍ ᠡᠪᠦᠭᠡᠨ ᠳᠠᠯᠤ ᠪᠠᠨ ᠭᠡᠮᠰᠢᠯᠲᠡᠢ ᠪᠡᠷ ᠬᠠᠪᠴᠢᠭᠰᠠᠨ ᠢ᠋ᠶ᠋ᠠᠨ ᠵᠠᠯᠢᠲᠠᠢ ᠨᠢᠳᠦ ᠪᠡᠷ ᠢᠨᠢᠶᠡᠮᠰᠦᠭᠯᠡᠵᠦ ᠨᠠᠳᠠ ᠥᠭᠡᠳᠡ ᠢᠷᠮᠡᠭᠡᠳ ᠄《 ᠭᠤᠨᠠᠨ ᠫᠤᠤ ( ᠨᠢᠭᠡ ᠵᠦᠢᠯ ᠦ᠋ᠨ ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠭᠠᠯᠲᠤ ᠫᠤᠤ 》 ᠬᠡᠳᠦ ᠦᠰᠦᠷᠳᠡᠭ ᠶᠦ᠍ᠮ ᠪᠣᠢ ?》ᠭᠡᠵᠦ ᠰᠢᠪᠡᠨᠡᠨ ᠠᠰᠠᠭᠤᠪᠠ ᠃
- ᠶᠠᠭᠤᠨ ᠤ᠋ ᠴᠢᠨᠢ ᠭᠤᠨᠠ ᠪᠣᠢ ᠂ ᠰᠢᠷᠠ ᠲᠠᠢᠯᠤᠭ ᠠᠪᠤᠭᠠᠳ ᠢᠷᠡ ᠭᠡᠵᠦ ᠠᠪᠠᠭᠠᠢ ᠨᠢ ᠬᠡᠯᠡᠬᠦ ᠳ᠋ᠦ᠍ ᠂ ᠡᠪᠦᠭᠡᠨ ᠄
- ᠮᠥᠨ ᠂ ᠬᠣᠯᠠ ᠳᠡᠩᠰᠡᠯᠵᠦ ᠪᠠᠢᠨᠠ ᠠ᠋ ! ᠭᠡᠳ ᠪᠦᠳᠦᠭᠦᠨ ᠳᠠᠭᠤ ᠪᠠᠷ ᠪᠠᠷᠴᠢᠭᠢᠨᠠᠭᠤᠯᠤᠨ ᠢᠨᠢᠶᠡᠭᠰᠡᠭᠡᠷ ᠭᠠᠷᠪᠠ ᠃
- ᠬᠦᠦ ᠮᠢᠨᠢ ᠴᠠᠭᠠᠳᠤᠬᠢ ᠴᠢᠨᠢ ᠨᠠᠰᠤ ᠠᠬᠢᠬᠤ ᠲᠤᠲᠤᠮ ᠦᠭᠡ ᠨᠢ ᠣᠯᠠᠨ ᠪᠣᠯᠤᠭᠠᠳ ᠯᠠ ᠂ ᠬᠣᠰᠢᠭᠤ ᠲᠥᠷᠥᠬᠦ ᠨᠢ ᠶᠡᠬᠡ ᠪᠣᠯᠵᠤ ᠪᠠᠢᠭᠠ ᠶᠤᠮ ᠃ ᠨᠥᠭᠥᠭᠡ ᠵᠥᠨᠥᠭᠯᠡᠬᠦ ᠭᠡᠳᠡᠭ ᠨᠢ ᠯᠡ ᠢᠷᠡᠵᠦ ᠪᠠᠢᠭᠠ ᠪᠣᠯᠤᠯᠲᠠᠢ ᠃ ᠵᠠ ᠪᠢ ᠴᠦ᠍ ᠠᠷᠭᠠᠯ ᠳ᠋ᠤ᠌ ᠪᠠᠨ ᠶᠠᠪᠤᠶᠠ ᠭᠡᠳ ᠠᠪᠠᠭᠠᠢ ᠭᠠᠷᠤᠭᠠᠳ ᠶᠠᠪᠤᠴᠢᠬᠠᠪᠠ ᠃
- ᠪᠢ ᠴᠢᠮᠠ ᠶ᠋ᠢ ᠠᠪᠠᠴᠢᠬᠤ ᠪᠠᠷ ᠢᠷᠡᠭᠰᠡᠨ ᠃ ᠬᠠᠮᠲᠤ ᠶᠠᠪᠤᠨᠠ ᠳᠠ ᠭᠡᠵᠦ ᠪᠢ ᠬᠡᠰᠡᠭ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠤ᠋ ᠪᠠᠨ ᠳᠠᠷᠠᠭᠠ ᠬᠡᠯᠡᠭᠰᠡᠨ ᠳ᠋ᠦ᠍ ᠳᠤᠯᠵᠢᠨ ᠨᠠᠳᠠ ᠶ᠋ᠢ ᠤᠳᠠᠭᠠᠨ ᠭᠡᠭᠴᠢ ᠠᠵᠢᠭᠯᠠᠨ ᠰᠢᠷᠲᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠄
- ᠴᠢᠮᠠ ᠶ᠋ᠢ ᠬᠠᠷᠠᠬᠤ ᠲᠣᠰᠤᠮ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠰᠢᠭ ᠪᠣᠯᠤᠭᠠᠳ ᠪᠠᠢᠨᠠ ᠃ ᠬᠥᠮᠦᠨ ᠦ᠌ ᠮᠣᠷᠢ ᠂ ᠡᠮᠡᠭᠡᠯ ᠢ᠋ᠶ᠋ᠡᠷ ᠭᠤᠶᠤᠭᠠᠳ ᠳᠠᠢᠳᠤᠬᠤ ᠭᠡᠵᠦ ᠪᠠᠢᠭᠠ ᠶᠤᠮ ᠰᠢᠭ᠋ ᠫᠤᠤ ᠵᠡᠪᠰᠡᠭ ᠠᠭᠰᠠᠵᠤ ᠢᠷᠡᠳᠡᠭ ᠨᠢ ᠶᠠᠭᠤ ᠪᠢᠯᠡ ᠳᠠ ᠃ ᠬᠥᠮᠦᠨ ᠳᠠᠷᠤᠤ ᠵᠠᠩ ᠲᠠᠢ ᠪᠠᠢᠪᠠᠯ ᠠᠶᠠᠲᠠᠢ ᠪᠠᠢᠳᠠᠭ ᠭᠡᠵᠦ ᠥᠭᠡᠳᠡ ᠡᠴᠡ ᠮᠢᠨᠢ ᠵᠢᠮᠡᠯᠡᠵᠦ ᠪᠢᠯᠡ ᠃
ᠨᠠᠳᠠ ᠳ᠋ᠤ᠌ ᠥᠪᠡᠷ ᠦ᠋ᠨ ᠪᠠᠢᠳᠠᠯ ᠢ᠋ ᠵᠥᠪᠲᠦᠭᠡᠬᠦ ᠦᠭᠡ ᠣᠯᠳᠠᠭᠰᠠᠨ ᠦᠭᠡᠢ ᠂ ᠠᠷᠭᠠ ᠪᠠᠷᠠᠭᠳᠠᠬᠤ ᠳ᠋ᠤ᠌ ᠪᠠᠨ ᠰᠢᠯᠢ ᠪᠡᠨ ᠮᠠᠭᠠᠵᠢᠨ ᠲᠠᠮᠠᠬᠢ ᠭᠠᠷᠭᠠᠵᠤ ᠂ ᠳᠤᠯᠵᠢᠨ ᠢ᠋ ᠲᠡᠳᠡ ᠭᠡᠰᠡᠨ ᠳ᠋ᠦ᠍ ᠲᠡᠷᠡ ᠮᠢᠨᠢ ᠪᠣᠲᠣᠭᠣᠨ ᠬᠠᠷᠠ ᠨᠢᠳᠦ ᠪᠡᠨ ᠲᠣᠷᠮᠣᠯᠵᠠᠭᠤᠯᠤᠨ ᠢᠨᠢᠶᠡᠮᠰᠦᠭᠯᠡᠵᠦ ᠄
- ᠪᠢ ᠶᠠᠮᠠᠷ ᠲᠠᠮᠠᠬᠢ ᠲᠠᠲᠠᠬᠤ ᠪᠢᠰᠢ ᠳ᠋ᠠ ᠂ ᠴᠢᠨᠦ ᠰᠡᠳᠬᠢᠯ ᠢ᠋ ᠪᠢ ᠣᠢᠯᠠᠭᠠᠵᠤ ᠯᠠ ᠪᠠᠢᠨᠠ ᠃ ᠰᠠᠶᠢᠬᠠᠨ ᠰᠤᠷᠭᠠᠭᠤᠯᠢ ᠲᠡᠭᠦᠰᠬᠡᠵᠦ ᠳᠠᠷᠤᠭᠠ ᠪᠣᠯᠤᠭᠰᠠᠨ ᠪᠣᠯᠬᠣᠷ ᠬᠥᠭᠡᠷᠴᠦ ᠪᠠᠢᠭᠠ ᠂ ᠬᠥᠭᠡᠷᠴᠦ ᠴᠦ᠍ ᠪᠣᠯᠤᠨᠠ ᠂ ᠬᠠᠷᠢᠨ ᠰᠠᠭᠰᠠᠢᠵᠤ ᠯᠠ ᠪᠣᠯᠬᠤ ᠦᠭᠡᠢ ᠂ ᠵᠢᠷᠭᠠᠬᠤ ᠦᠶᠡ ᠳ᠋ᠦ᠍ ᠰᠡᠷᠡᠮᠵᠢ ᠂ ᠵᠣᠪᠠᠬᠤ ᠦᠶᠡ ᠳ᠋ᠦ᠍ ᠬᠠᠲᠠᠭᠤᠵᠢᠯ ᠭᠡᠵᠦ ᠬᠠᠭᠤᠴᠢᠨ ᠦᠭᠡᠨ ᠳ᠋ᠦ᠍ ᠪᠠᠢᠳᠠᠭ ᠂ ᠨᠠᠭᠠᠳᠤᠬᠢ ᠲᠠᠮᠠᠬᠢ ᠪᠠᠨ ᠴᠠᠭᠠᠱᠢ ᠪᠠᠨ ᠬᠢᠭᠡᠴᠢ ᠭᠡᠪᠡ ᠃
ᠰᠠᠭᠰᠠᠭᠤ ᠯᠠᠩ ᠭᠠᠷᠭᠠᠭᠰᠠᠨ ᠳ᠋ᠤ᠌ ᠪᠠᠨ ᠪᠠᠭᠲᠠᠵᠤ ( ᠶᠠᠭᠠᠬᠢᠬᠤ ᠪᠠᠨ ᠣᠯᠬᠤ ᠦᠭᠡᠢ ᠰᠠᠨᠳᠤᠷᠬᠤ ) ᠭᠥᠯᠢᠷᠡᠭᠡᠳ ᠲᠠᠮᠠᠬᠢ ᠪᠠᠨ ᠳᠡᠯᠭᠡᠭᠰᠡᠨ ᠬᠡᠪᠲᠡᠵᠦ ᠪᠡᠷ ᠨᠢ ᠪᠠᠷᠢᠭᠰᠠᠨ ᠢ᠋ᠶ᠋ᠠᠨ ᠰᠠᠶᠢ ᠮᠡᠳᠡᠵᠦ ᠱᠠᠯᠠᠪᠬᠠᠨ ᠡᠪᠦᠷᠲᠦᠯᠡᠪᠡ ᠃ ᠳᠤᠯᠵᠢᠨ ᠤ᠋ ᠵᠠᠩ ᠢ᠋ ᠮᠡᠳᠡᠭᠰᠡᠭᠡᠷ ᠪᠠᠢᠵᠤ ᠂ ᠬᠥᠮᠦᠨ ᠦ᠌ ᠮᠣᠷᠢ ᠡᠮᠡᠭᠡᠯ ᠢ᠋ ᠭᠤᠶᠤᠵᠤ ᠫᠤᠤ ᠵᠡᠪᠰᠡᠭ ᠵᠡᠭᠦᠵᠦ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠪᠣᠳᠣᠬᠤ ᠳ᠋ᠤ᠌ ᠨᠠᠳᠠ ᠰᠢᠭ᠋ ᠮᠣᠩᠭᠢᠨᠠᠭᠤ ᠠᠮᠢᠲᠠᠨ ᠬᠣᠷᠸᠠ ᠳ᠋ᠤ᠌ ᠦᠭᠡᠢ ᠶᠦ᠍ᠮ ᠰᠢᠭ ᠰᠠᠨᠠᠭᠳᠠᠪᠠ ᠃ ᠳᠣᠯᠵᠢᠨ ᠰᠡᠳᠬᠢᠯ ᠢ᠋ ᠮᠢᠨᠢ ᠪᠦᠷᠢᠨ ᠡᠵᠡᠯᠡᠵᠦ ᠲᠡᠭᠦᠨ ᠢ᠋ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ ᠵᠡᠷᠭᠡᠴᠡᠭᠡ ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯ ᠤᠷᠭᠤᠵᠤ ᠳᠣᠯᠵᠢᠨ ᠦᠭᠡᠢ ᠪᠣᠯ ᠠᠮᠢᠳᠤᠷᠠᠯ ᠮᠢᠨᠢ ᠨᠠᠪᠴᠢ ᠴᠡᠴᠡᠭ ᠦᠭᠡᠢ ᠬᠤᠪᠬᠠᠢ ᠮᠣᠳᠣ ᠰᠢᠭ᠋ ᠪᠣᠯᠤᠨᠠ ᠭᠡᠵᠦ ᠪᠣᠳᠣᠭᠳᠠᠵᠤ ᠪᠠᠢᠯᠠ ᠃
ᠭᠤᠷᠪᠠ
- ᠬᠡᠳᠦᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠳᠤᠯᠵᠢᠨ ᠲᠠᠢ ᠰᠠᠭᠤᠵᠤ ᠬᠤᠷᠢᠮ ᠬᠢᠭᠡᠳ ᠪᠢᠳᠡ ᠬᠣᠶᠠᠷ ᠶᠠᠪᠤᠭᠰᠠᠨ ᠃ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠬᠢᠵᠠᠭᠠᠷ ᠦᠭᠡᠢ ᠬᠠᠢᠷᠠᠲᠠᠢ ᠂ ᠪᠠᠰᠠ ᠲᠡᠭᠡᠭᠡᠳ ᠳᠤᠯᠵᠢᠨ ᠮᠢᠨᠢ ᠳᠥᠷᠪᠡᠯᠵᠢᠨ ᠪᠤᠷᠠᠮ ᠰᠢᠭ᠋ ᠡᠪᠯᠢᠭ ᠵᠠᠩ ᠲᠠᠢ ᠬᠥᠮᠦᠨ ᠶᠦ᠍ᠮ ᠰᠠᠨ ᠃ ᠬᠥᠮᠦᠰ ᠰᠠᠢᠨ ᠭᠡᠷ ᠪᠦᠯᠢ ᠶ᠋ᠢᠨ ᠲᠤᠬᠠᠢ ᠶᠠᠷᠢᠬᠤ ᠳ᠋ᠤ᠌ ᠪᠢᠳᠡ ᠬᠣᠶᠠᠷ ᠤ᠋ᠨ ᠲᠤᠬᠠᠢ ᠵᠠᠪᠠᠯ ᠶᠠᠷᠢᠳᠠᠭ ᠪᠠᠢᠵᠤ ᠪᠢᠯᠡ ᠃ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠨᠠᠷ ᠦᠷᠭᠦᠯᠵᠢ ᠯᠡ ᠮᠠᠨ ᠤ᠋ ᠬᠢ ᠪᠡᠷ ᠴᠤᠭᠯᠠᠷᠠᠵᠤ ᠂ ᠪᠢᠳᠡ ᠣᠯᠤᠭᠰᠠᠨ ᠢ᠋ᠶ᠋ᠠᠨ ᠣᠯᠠᠨ ᠲᠠᠢ ᠬᠠᠮᠲᠤᠷᠠᠨ ᠤᠤᠭᠤᠵᠤ ᠢᠳᠡᠵᠦ ᠬᠥᠭᠵᠢᠯᠲᠡᠢ ᠱᠤᠤᠭᠢᠶᠠᠨᠲᠠᠢ ᠠᠮᠢᠳᠤᠷᠠᠵᠤ ᠪᠠᠢᠪᠠ ᠃ ᠪᠠᠰᠠ ᠳᠣᠯᠵᠢᠨ ᠮᠠᠨᠢ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠨᠠᠷ ᠤ᠋ᠨ ᠬᠠᠭᠵᠠᠷᠠᠭᠰᠠᠨ ᠤᠷᠠᠭᠳᠠᠭᠰᠠᠨ ᠢ᠋ ᠣᠶᠣᠵᠤ ᠡᠬᠡ ᠰᠢᠭ ᠨᠢ ᠪᠠᠢᠳᠠᠭ ᠰᠠᠨ ᠃
ᠮᠠᠨ ᠤ᠋ ᠠᠩᠭᠢ ᠰᠢᠨᠡ ᠭᠠᠵᠠᠷ ᠨᠡᠭᠦᠳᠡᠯᠯᠡᠭᠰᠡᠨ ᠪᠣᠯᠬᠣᠷ ᠨᠢᠭᠡ ᠵᠢᠯ ᠬᠠᠮ ᠬᠣᠮ ( ᠬᠠᠰᠢ ᠶᠠᠰᠢ ) ᠪᠠᠷᠢᠭᠰᠠᠨ ᠭᠡᠷ ᠲᠦ᠍ ᠨᠢ ᠡᠪᠦᠯᠵᠢᠪᠡ ᠃ ᠬᠠᠪᠤᠷ ᠳᠤᠯᠵᠢᠨ ᠤ᠋ ᠮᠢᠨᠢ ᠪᠡᠶᠡ ᠰᠦᠷᠡᠬᠡᠢ ᠮᠠᠭᠤᠳᠠᠭᠰᠠᠨ ᠪᠣᠯᠪᠠᠴᠤ ᠡᠮᠴᠢ ᠳ᠋ᠣᠺᠲ᠋ᠣᠷ ᠤ᠋ᠨ ᠬᠦᠴᠦ ᠪᠡᠷ ᠰᠠᠢᠵᠢᠷᠠᠪᠠ ᠃ ᠪᠠᠰᠠ ᠲᠡᠭᠡᠭᠡᠳ ᠬᠦᠦ ᠲᠡᠢ ᠪᠣᠯᠵᠤ ᠂ ᠲᠡᠭᠦᠨ ᠳ᠋ᠦ᠍ ᠪᠡᠨ ᠪᠠᠭᠠᠲᠤᠷ ᠭᠡᠵᠦ ᠨᠡᠷᠡ ᠥᠭᠪᠡ ᠃ ᠶᠣᠰᠣᠲᠠᠢ ᠯᠠ ᠴᠠᠭᠪᠠᠷ ( ᠴᠠᠰᠤᠲᠤ ᠠᠭᠤᠯᠠᠨ ᠳ᠋ᠤ᠌ ᠣᠷᠣᠰᠢᠬᠤ ᠨᠢᠭᠡ ᠵᠦᠢᠯ ᠦ᠋ᠨ ᠪᠠᠷᠢᠭᠰᠠᠨ ) ᠰᠢᠭ᠋ ᠬᠦᠦ ᠪᠠᠢᠵᠤ ᠪᠢᠯᠡ ᠳᠠ ᠭᠡᠰᠡᠨ ᠢ᠋ᠶ᠋ᠡᠨ ᠳᠣᠷᠵᠢ ᠭᠤᠸᠠᠢ ᠭᠦᠨ ᠰᠠᠨᠠᠭᠠ ᠠᠯᠳᠠᠵᠤ ᠨᠢᠳᠦ ᠨᠢ ᠶᠠᠮᠠᠷ ᠴᠤ᠌ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠪᠣᠯᠤᠨ ᠰᠦᠮᠡᠯᠵᠡᠨ ᠠᠰᠠᠵᠤ ᠪᠠᠢᠭᠠ ᠯᠠ ᠶ᠋ᠢᠨ ᠳᠥᠯᠥ ᠶ᠋ᠢᠨ ᠳᠡᠭᠡᠭᠦᠷ ᠬᠡᠰᠡᠭ ᠵᠠᠭᠤᠷᠠ ᠰᠢᠷᠳᠡᠪᠡ ᠃ ᠲᠡᠭᠡᠭᠡᠳ ᠪᠣᠰᠴᠤ ᠣᠷᠣᠨ ᠤ᠋ ᠳᠡᠷᠭᠡᠳᠡ ᠡᠴᠡ ᠰᠠᠪᠠ ᠲᠠᠢ ᠲᠠᠮᠠᠬᠢ ᠂ ᠬᠠᠭᠤᠴᠢᠨ ᠮᠣᠳᠣ ᠲᠣᠯᠣᠭᠠᠢ ᠠᠪᠴᠢᠷᠠᠭᠠᠳ ᠨᠡᠷᠡᠬᠦ ᠭᠡᠰᠡᠨ ᠪᠣᠯᠪᠠᠴᠤ ᠭᠠᠷ ᠨᠢ ᠴᠡᠴᠡᠷᠡᠭᠡᠳ ᠴᠢᠳᠠᠭᠰᠠᠨ ᠦᠭᠡᠢ ᠲᠤᠯᠠ ᠨᠠᠳᠠ ᠲᠠᠢᠰᠢ ᠭᠠᠷ ᠢ᠋ᠶ᠋ᠠᠨ ᠲᠣᠰᠴᠤ ᠄
- ᠨᠢᠭᠡ ᠲᠠᠮᠠᠬᠢ ᠥᠭᠭᠥᠨᠡ ᠦᠦ? ᠭᠡᠪᠡ ᠃
ᠪᠢᠳᠡ ᠬᠣᠶᠠᠷ ᠲᠠᠮᠠᠬᠢ ᠲᠠᠲᠠᠵᠤ ᠬᠡᠰᠡᠭ ᠵᠠᠭᠤᠷᠠ ᠳᠠᠭᠤ ᠦᠭᠡᠢ ᠰᠠᠭᠤᠪᠠ ᠃ ᠰᠠᠢᠬᠠᠨ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠡᠬᠢᠯᠡᠭᠰᠡᠨ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠶᠠᠷᠢᠶᠠ ᠭᠤᠨᠢᠭᠲᠤ ᠶᠠᠪᠤᠳᠠᠯ ᠳ᠋ᠤ᠌ ᠣᠷᠣᠬᠤ ᠪᠣᠯᠤᠭᠰᠠᠨ ᠨᠢ ᠲᠡᠭᠦᠨ ᠦ᠌ ᠪᠠᠢᠳᠠᠯ ᠠ᠋ᠴᠠ ᠣᠢᠯᠠᠭᠠᠭᠳᠠᠪᠠ ᠃ ᠲᠡᠭᠡᠬᠦᠯᠡᠷ ᠪᠢ《 ᠲᠡᠭᠡᠭᠡᠳ ᠶᠠᠭᠤ ᠪᠣᠯᠤᠭᠰᠠᠨ ᠪᠣᠢ ? 》ᠭᠡᠵᠦ ᠠᠰᠠᠭᠤᠬᠤ ᠵᠢᠷᠦᠬᠡ ᠬᠦᠷᠦᠭᠰᠡᠨ ᠦᠭᠡᠢ ᠃
ᠭᠡᠲᠡᠯᠡ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠨᠥᠭᠥᠭᠡ ᠬᠠᠳᠠᠭᠳᠠᠭᠰᠠᠨ ᠭᠤᠨᠢᠭᠯᠠᠯ ᠢ᠋ ᠲᠦᠷ ᠪᠣᠯᠪᠠᠴᠤ ᠳᠠᠷᠤᠭᠰᠠᠨ ᠪᠠᠶᠠᠷ ᠤ᠋ᠨ ᠣᠴᠢ ᠭᠢᠯᠠᠯᠵᠠᠭᠠᠳ ᠄
- ᠨᠢᠭᠡ ᠡᠳᠦᠷ ᠮᠠᠨ ᠤ᠋ ᠰᠠᠯᠠᠭᠠᠨ ᠤ᠋ ᠴᠢᠯᠠᠭᠤᠨ ᠭᠡᠳᠡᠭ ᠴᠡᠷᠢᠭ ᠮᠠᠨᠠᠭᠠᠨ ᠳ᠋ᠤ᠌ ᠪᠠᠢᠵᠤ ᠪᠠᠢᠭᠠᠳ ᠤᠨᠲᠠᠴᠢᠬᠠᠭᠰᠠᠨ ᠠ᠋ᠴᠠ ᠪᠣᠯᠵᠤ ᠪᠢ ᠰᠤᠮᠤᠨ ᠤ᠋ ᠳᠠᠷᠤᠭᠠ ᠠ᠋ᠴᠠ ᠲᠠᠪᠤᠨ ᠡᠳᠦᠷ ᠦ᠋ᠨ ᠰᠠᠬᠢᠯᠭᠠ ᠬᠦᠷᠲᠡᠪᠡ ( ᠰᠠᠬᠢᠯᠭᠠ ᠶ᠋ᠢ ᠭᠠᠵᠢᠭᠤᠳᠠᠭᠤᠯᠵᠤ ᠪᠤᠷᠤᠭᠤ ᠬᠡᠷᠡᠭ ᠬᠢᠭᠰᠡᠨ ᠡᠴᠡ ᠪᠣᠯᠵᠤ ᠰᠢᠢᠳᠬᠡᠯ ᠬᠦᠷᠲᠡᠬᠦ ) ᠃ ᠴᠢᠯᠠᠭᠤᠨ ᠮᠢᠨᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠭᠠ ᠦᠭᠡᠢ ᠪᠠᠯᠠᠭ ᠲᠠᠷᠢᠭᠰᠠᠨ ᠬᠥᠮᠦᠨ ᠳᠠ ᠭᠡᠳ ᠳᠣᠷᠵᠢ ᠭᠤᠸᠠᠢ ᠰᠢᠵᠠᠭᠤᠷ ( ᠠᠷᠠᠭᠠ ᠰᠢᠳᠦᠨ ᠦ᠌ ᠬᠠᠪᠢ ᠃ ᠰᠢᠵᠠᠭᠤᠷ ᠵᠠᠭᠤᠬᠤ ᠭᠡᠵᠦ ᠰᠢᠲᠦ ᠵᠠᠭᠤᠨ ᠲᠡᠰᠪᠦᠷᠢᠯᠡᠬᠦ ᠶ᠋ᠢ ᠬᠡᠯᠡᠨᠡ 》 ᠪᠡᠨ ᠵᠠᠭᠤᠭᠠᠳ ᠬᠠᠮᠠᠷ ᠢᠶᠠᠷ ᠢ᠋ᠶ᠋ᠡᠨ ᠤᠷᠲᠤ ᠠᠮᠢᠰᠬᠤᠭᠠ ᠠᠪᠤᠯᠠ ᠃ ᠲᠡᠭᠡᠭᠡᠳ ᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠨᠢᠭᠤᠷ ᠢ᠋ᠶ᠋ᠠᠨ ᠬᠡᠳᠦ ᠡᠷᠭᠢᠭᠦᠯᠦᠨ ᠠᠷᠴᠢᠭᠠᠳ ᠨᠢᠳᠦ ᠪᠡᠨ ᠴᠠᠪᠴᠢᠯᠠᠨ ᠪᠣᠳᠣᠯᠬᠢᠯᠠᠭᠰᠠᠨ ᠢ᠋ᠶ᠋ᠠᠨ ᠄
ᠬᠣᠶᠠᠷ ᠬᠣᠨᠣᠭᠠᠳ ᠪᠠᠢᠲᠠᠯᠠ ᠰᠤᠮᠤᠨ ᠤ᠋ ᠳᠠᠷᠤᠭᠠ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠵᠦ ᠬᠠᠭᠠᠯᠭᠠ ᠨᠡᠭᠡᠭᠡᠭᠡᠳ ᠨᠠᠮᠠ ᠶ᠋ᠢ ᠭᠠᠷᠭᠠᠨ ᠄
- ᠪᠤᠰᠢᠭᠤᠬᠠᠨ ᠬᠠᠷᠢᠵᠤ ᠳᠤᠯᠵᠢᠨ ᠤ᠋ ᠰᠡᠳᠬᠢᠯ ᠢ᠋ ᠠᠮᠤᠷᠠᠭᠠ ᠭᠡᠪᠡ ᠃ ᠠᠯᠢ ᠨᠢᠭᠡ ᠴᠡᠷᠢᠭ ᠤᠨᠲᠠᠭᠰᠠᠨ ᠠ᠋ᠴᠠ ᠬᠢᠯᠢᠰ ᠰᠢᠢᠳᠬᠡᠭᠳᠡᠵᠦ ᠬᠣᠶᠠᠷ ᠬᠣᠨᠣᠭ ᠰᠠᠬᠢᠯᠭᠠ ᠳ᠋ᠤ᠌ ᠰᠠᠭᠤᠪᠠ ᠭᠡᠵᠦ ᠪᠣᠳᠣᠭᠠᠳ ᠤᠷᠮᠠ ᠦᠭᠡᠢ ᠠᠭᠤᠷ ᠲᠠᠢ ᠭᠡᠯᠳᠦᠷᠢᠭᠰᠡᠭᠡᠷ ᠭᠡᠷ ᠲᠦ᠍ ᠪᠡᠨ ᠢᠷᠡᠬᠦ ᠳ᠋ᠦ᠍ ᠳᠤᠯᠵᠢᠨ ᠮᠢᠨᠢ ᠤᠭᠲᠤᠵᠤ ᠢᠷᠡᠪᠡ ᠃
- ᠠᠭᠤᠷ ᠲᠠᠢ ᠳᠠᠷᠤᠭᠠ ᠂ ᠤᠷᠤᠭᠰᠢ ᠦᠭᠡᠢ ᠴᠡᠷᠢᠭ ᠡᠴᠡ ᠪᠣᠯᠵᠤ ᠬᠢᠯᠢᠰ ᠬᠣᠷᠢᠭᠳᠠᠵᠤ ᠪᠠᠢᠭᠠᠳ ᠢᠷᠡᠯᠡ ᠭᠡᠵᠦ ᠬᠡᠯᠡᠬᠦ ᠳᠦ᠂ ᠳᠣᠯᠵᠢᠨ ᠮᠢᠨᠢ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠠᠭᠤᠨ ᠭᠠᠷ ᠢ᠋ ᠮᠢᠨᠢ ᠴᠢᠩᠭᠠ ᠠᠳᠬᠤᠵᠤ ᠪᠠᠢᠭᠠᠳ ᠄
- ᠡᠪᠦᠭᠡᠨ ᠮᠢᠨᠢ ᠬᠥᠮᠦᠨ ᠢ᠋ ᠪᠤᠷᠤᠭᠤᠳᠬᠠᠬᠤ ᠶ᠋ᠢᠨ ᠡᠮᠦᠨᠡ ᠥᠪᠡᠷ ᠢ᠋ ᠪᠡᠨ ᠰᠢᠭᠦᠮᠵᠢᠯᠡᠵᠦ ᠦᠵᠡ ! ᠨᠠᠪᠴᠢ ᠨᠢ ᠮᠠᠭᠤ ᠪᠣᠯ ᠦᠨᠳᠦᠰᠦ ᠲᠡᠢ ᠪᠡᠨ ᠬᠣᠯᠪᠣᠭᠠ ᠲᠠᠢ ᠪᠠᠢᠳᠠᠭ ᠰᠢᠭ᠋ ᠂ ᠴᠡᠷᠢᠭ ᠨᠢ ᠰᠠᠬᠢᠯᠭᠠ ᠠᠯᠳᠠᠵᠤ ᠪᠠᠢᠬᠤ ᠳ᠋ᠤ᠌ ᠳᠠᠷᠤᠭᠠ ᠲᠠᠢ ᠨᠢ ᠶᠠᠷᠢᠬᠤ ᠶ᠋ᠢ ᠪᠤᠷᠤᠭᠤ ᠭᠡᠵᠦ ᠪᠣᠯᠬᠤ ᠦᠭᠡᠢ ᠪᠠᠢᠬᠤ ᠠ᠋ ᠭᠡᠵᠦ ᠬᠡᠯᠡᠪᠡ ᠃
ᠨᠢᠭᠡ ᠶ᠋ᠢ ᠪᠡᠨ ᠰᠠᠬᠢᠯᠭᠠ ᠳ᠋ᠤ᠌ ᠬᠣᠷᠢᠭᠳᠠᠵᠤ ᠶᠠᠳᠠᠷᠠᠭᠠᠳ ᠢᠷᠡᠬᠦ ᠳ᠋ᠦ᠍ ᠢᠩᠭᠢᠵᠦ ᠬᠡᠯᠡᠳᠡᠭ ᠬᠠᠨᠢ ᠪᠠᠢᠳᠠᠭ ᠠ᠋ ᠭᠡᠵᠦ ᠪᠢ ᠲᠡᠷᠡ ᠦᠶᠡ ᠳ᠋ᠦ᠍ ᠪᠡᠨ ᠭᠣᠮᠣᠳᠠᠵᠤ ᠪᠠᠢᠭᠰᠠᠨ ᠰᠠᠨ ᠃ ᠭᠡᠪᠡᠴᠦ ᠬᠣᠢᠨᠠ ᠰᠣᠨᠣᠰᠪᠠᠯ ᠳᠤᠯᠵᠢᠨ ᠮᠢᠨᠢ ᠨᠠᠮᠠ ᠶ᠋ᠢ ᠭᠠᠷᠭᠠᠬᠤ ᠭᠡᠵᠦ ᠰᠤᠮᠤᠨ ᠤ᠋ ᠳᠠᠷᠤᠭᠠ ᠂ ᠬᠣᠷᠢᠶᠠᠨ ᠤ᠋ ᠳᠠᠷᠤᠭᠠ ᠂ ᠳ᠋ᠢᠸᠢᠽᠢ ᠶ᠋ᠢᠨ ᠳᠠᠷᠤᠭᠠ ᠴᠥᠮ ᠳ᠋ᠦ᠍ ᠨᠢ ᠣᠴᠢᠵᠤ ᠭᠤᠶᠤᠭᠰᠠᠨ ᠪᠠᠢᠵᠤ ᠪᠢᠯᠡ ᠃ ᠬᠥᠭᠡᠷᠦᠬᠦᠢ ᠮᠢᠨᠢ ᠬᠣᠶᠠᠷ ᠬᠣᠨᠣᠭ ᠬᠣᠭᠣᠯᠠ ᠤᠮᠳᠠ ᠦᠭᠡᠢ ᠂ ᠭᠡᠷ ᠦ᠋ᠨ ᠭᠠᠳᠠᠭᠠ ᠬᠥᠮᠦᠨ ᠦ᠌ ᠬᠥᠯ ᠦ᠋ᠨ ᠴᠢᠮᠡᠭᠡ ᠭᠠᠷᠬᠤ ᠪᠦᠷᠢ ᠨᠠᠮᠠ ᠶ᠋ᠢ ᠢᠷᠡᠪᠡ ᠤᠤ ᠭᠡᠵᠦ ᠭᠠᠷᠴᠤ ᠣᠷᠣᠵᠤ ᠪᠠᠢᠵᠠᠢ ᠃ ᠬᠣᠪᠣᠷᠬᠠᠨ ᠬᠥᠮᠦᠨ ᠶᠦ᠍ᠮ ᠰᠠᠨ ᠭᠡᠳ ᠳᠣᠷᠵᠢ ᠭᠤᠸᠠᠢ ᠨᠠᠳᠠ ᠥᠭᠡᠳᠡ ᠬᠠᠷᠠᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠨᠢᠳᠦ ᠶ᠋ᠢ ᠪᠦᠷᠬᠦᠭᠰᠡᠨ ᠭᠤᠨᠢᠭᠯᠠᠯ ᠭᠠᠰᠠᠯᠠᠩ ᠨᠠᠳᠠ ᠳ᠋ᠤ᠌ ᠳᠡᠮᠵᠢᠵᠦ ᠪᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠰᠠᠨᠠᠭᠠ ᠠᠯᠳᠠᠪᠠ ᠃
ᠳᠣᠷᠵᠢ ᠭᠤᠸᠠᠢ ᠵᠡᠭᠦᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠠᠩᠨᠠᠢ ᠪᠠᠨ ᠲᠤᠯᠤᠨ ᠳᠣᠭᠣᠭᠰᠢ ᠬᠠᠷᠠᠵᠤ ᠬᠡᠰᠡᠭ ᠰᠠᠭᠤᠪᠠ ᠃ᠲᠡᠭᠦᠨ ᠦ᠌ ᠬᠣᠭᠣᠯᠠᠢ ᠨᠢ ᠵᠠᠩᠭᠢᠷᠠᠭᠠᠳ ᠠᠮᠠᠨ ᠳ᠋ᠤ᠌ ᠪᠠᠨ ᠬᠤᠷᠠᠯᠳᠤᠭᠰᠠᠨ ᠰᠢᠯᠦᠰᠦ ᠪᠡᠨ ᠵᠠᠯᠭᠢᠵᠤ ᠴᠢᠳᠠᠬᠤ ᠦᠭᠡᠢ ᠶᠠᠳᠠᠵᠤ ᠪᠠᠢᠭᠠ ᠨᠢ ᠨᠠᠳᠠ ᠳ᠋ᠤ᠌ ᠮᠡᠳᠡᠭᠳᠡᠵᠦ ᠪᠠᠢᠪᠠ ᠃ ᠠᠷᠠᠢ ᠭᠡᠵᠦ ᠰᠢᠯᠦᠰᠦ ᠪᠡᠨ ᠵᠠᠯᠭᠢᠭᠠᠳ ᠳᠡᠭᠡᠭᠰᠢ ᠬᠠᠷᠠᠵᠤ ᠤᠷᠲᠤ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠢ᠋ᠶ᠋ᠠᠨ ᠄
- ᠳᠤᠯᠵᠢᠨ ᠨᠠᠮᠠ ᠶ᠋ᠢ ᠳᠠᠭᠠᠵᠤ ᠬᠣᠭᠣᠯᠠ ᠲᠠᠢ ᠬᠣᠭᠣᠯᠠᠨ ᠦᠭᠡᠢ ᠶᠠᠪᠤᠭᠰᠠᠨ ᠠ᠋ᠴᠠ ᠡᠪᠡᠳᠴᠢᠨ ᠣᠯᠵᠤ ᠂ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠭᠤᠴᠢᠨ ᠨᠠᠢ᠍ᠮᠠᠨ ᠣᠨ ᠤ᠋ ᠬᠠᠪᠤᠷ ᠬᠡᠪᠲᠡᠭᠡᠳ ᠲᠠᠪᠤᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠤ᠋ ᠣᠷᠣᠢ ᠶᠢᠰᠦᠨ ᠴᠠᠭ ᠬᠣᠷᠢᠨ ᠨᠢᠭᠡᠨ ᠮᠢᠨᠦ᠋ᠲ ᠲᠦ᠍ ᠨᠠᠰᠤ ᠪᠠᠷᠠᠵᠤ ᠂ ᠪᠢ ᠬᠣᠶᠠᠷ ᠨᠠᠰᠤᠲᠠᠢ ᠥᠨᠥᠴᠢᠨ ᠬᠡᠦᠬᠡᠳ ᠲᠡᠢ ᠦᠯᠡᠳᠡᠭᠰᠡᠨ ᠭᠡᠳ ᠳᠣᠷᠵᠢ ᠭᠤᠸᠠᠢ ᠨᠠᠳᠠ ᠥᠭᠡᠳᠡ ᠬᠠᠷᠠᠬᠤ ᠭᠡᠰᠡᠨ ᠢ᠋ᠶ᠋ᠡᠨ ᠭᠱᠠᠨ ᠵᠠᠭᠤᠷᠠ ᠬᠠᠷᠠᠴᠠ ᠪᠠᠨ ᠪᠤᠷᠤᠭᠤᠯᠠᠵᠤ ᠳᠣᠭᠣᠭᠰᠢ ᠬᠠᠷᠠᠪᠠ ᠃ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠨᠢᠳᠦᠨ ᠡᠴᠡ ᠨᠢᠯᠪᠤᠰᠤ ᠭᠠᠷᠤᠭᠰᠠᠨ ᠦᠭᠡᠢ ᠃ ᠬᠠᠷᠢᠨ ᠬᠠᠴᠠᠷ ᠤ᠋ᠨ ᠪᠤᠯᠴᠢᠩ ᠨᠢ ᠳᠠᠳᠠᠭᠠᠨᠠᠨ ᠴᠡᠴᠡᠷᠡᠵᠦ ᠪᠠᠢᠪᠠ ᠃ ᠲᠠᠰᠤᠯᠭᠠᠨ ᠳ᠋ᠤ᠌ ᠨᠠᠮᠠ ᠭᠦᠮ ᠂ ᠳᠣᠷᠵᠢ ᠭᠤᠸᠠᠢ ᠲᠠᠰᠤᠯᠳᠠᠨ ᠠᠮᠢᠰᠬᠤᠭᠠᠯᠠᠬᠤ ᠨᠢ ᠲᠣᠳᠣ ᠰᠣᠨᠣᠰᠳᠠᠨ ᠯᠠ ᠶ᠋ᠢᠨ ᠰᠦᠮᠡᠯᠵᠡᠵᠦ ᠪᠠᠢᠭᠠ ᠭᠡᠷᠡᠯ ᠤᠷᠤᠰᠤᠨ ᠭᠠᠷᠬᠤ ᠶ᠋ᠢᠨ ᠵᠣᠷᠢᠭ ᠢ᠋ᠶ᠋ᠠᠷ ᠬᠣᠷᠢᠭᠯᠠᠨ ᠳᠣᠲᠣᠭᠰᠢ ᠲᠠᠲᠠᠭᠰᠠᠨ ᠭᠠᠰᠢᠭᠤᠨ ᠨᠢᠯᠪᠤᠰᠤ ᠪᠠᠷ ᠳᠦᠭᠦᠷᠦᠭᠰᠡᠨ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠵᠢᠷᠦᠬᠡᠨ ᠦ᠌ ᠴᠣᠬᠢᠯᠲᠠ ᠶ᠋ᠢ ᠲᠣᠭᠠᠯᠠᠬᠤ ᠭᠡᠰᠡᠨ ᠰᠢᠭ ᠠᠨᠢᠪᠴᠢᠵᠤ ᠪᠠᠢᠪᠠ ᠃
ᠳᠣᠷᠵᠢ ᠭᠤᠸᠠᠢ ᠶᠡᠷᠦ ᠪᠤᠰᠤ ᠶ᠋ᠢᠨ ᠡᠷᠡᠰ ᠬᠥᠳᠡᠯᠭᠡᠭᠡᠨ ᠢ᠋ᠶ᠋ᠡᠷ ᠠᠯᠢ ᠡᠷᠲᠡ ᠤᠨᠲᠠᠷᠠᠭᠰᠠᠨ ᠲᠠᠮᠠᠬᠢᠨ ᠤ᠋ ᠡᠰᠢ ᠪᠡᠨ ᠠᠪᠴᠤ ᠬᠡᠳᠦ ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ ᠄
- ᠡᠬᠡ ᠬᠥᠮᠦᠨ ᠦᠷᠡ ᠪᠡᠨ ᠬᠠᠷᠠᠵᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠭᠣᠣᠯ ᠨᠢ ᠲᠠᠰᠤᠷᠠᠳᠠᠭ ᠦᠭᠡᠢ ᠭᠡᠵᠦ ᠦᠨᠡᠨ ᠶᠦ᠍ᠮ ᠰᠢᠦ ᠃ ᠳᠤᠯᠵᠢᠨ ᠮᠢᠨᠢ ᠲᠠᠪᠤᠨ ᠴᠠᠭ ᠤ᠋ᠨ ᠦᠶᠡ ᠳ᠋ᠦ᠍ ᠬᠦᠨᠳᠦᠷᠡᠭᠡᠳ ᠳᠣᠯᠣᠭᠠᠨ ᠴᠠᠭ ᠬᠦᠷᠲᠡᠯᠡ ᠲᠠᠷᠴᠢᠯᠠᠵᠤ ᠪᠠᠢᠭᠠᠳ ᠄《 ᠡᠪᠦᠭᠡᠨ ᠮᠢᠨᠢ ᠬᠦᠦ ᠪᠡᠨ ᠠᠢᠯ ᠳ᠋ᠤ᠌ ᠣᠷᠣᠭᠤᠯᠴᠢᠬᠠ 》ᠭᠡᠬᠦ ᠳ᠋ᠦ᠍ ᠨᠢ ᠪᠢ ᠬᠣᠢᠮᠣᠷ ᠢᠶᠠᠷ ᠲᠣᠭᠯᠠᠵᠤ ᠪᠠᠢᠭᠰᠠᠨ ᠪᠠᠭᠠᠲᠤᠷ ᠢ᠋ ᠡᠷᠭᠦᠵᠦ ᠠᠪᠤᠭᠠᠳ ᠭᠠᠷᠬᠤ ᠭᠡᠬᠦ ᠳ᠋ᠦ᠍ ᠄ 《 ᠠᠪᠤᠭᠠᠳ ᠢᠷᠡᠭᠡᠴᠢ ᠂ᠦᠨᠦᠰᠦᠶᠡ 》ᠭᠡᠵᠦ ᠪᠢᠯᠡ ᠃ ᠬᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠶᠠᠷ ᠬᠠᠴᠠᠷ ᠠ᠋ᠴᠠ ᠤᠳᠠᠭᠠᠨ ᠭᠡᠭᠴᠢ ᠦᠨᠥᠰᠥᠦᠭᠡᠳ ᠄《 ᠵᠠ ᠂ᠠᠪᠤᠭᠠᠳ ᠭᠠᠷ ᠳᠠ 》ᠭᠡᠵᠦ ᠬᠡᠯᠡᠵᠦ ᠪᠢᠯᠡ ᠃
ᠬᠦᠦ ᠪᠡᠨ ᠠᠢᠯ ᠳ᠋ᠤ᠌ ᠣᠷᠣᠭᠤᠯᠤᠭᠠᠳ ᠡᠷᠭᠢᠵᠦ ᠢᠷᠡᠬᠦ ᠳ᠋ᠦ᠍ ᠨᠠᠮᠠ ᠶ᠋ᠢ ᠳᠡᠷᠭᠡᠳᠡ ᠪᠡᠨ ᠰᠠᠭᠤᠯᠭᠠᠵᠤ ᠄《 ᠶᠠᠳᠠᠬᠤ ᠳ᠋ᠤ᠌ ᠪᠠᠨ ᠴᠢ ᠬᠦᠦ ᠪᠡᠨ ᠠᠷᠪᠠ ᠬᠦᠷᠲᠡᠯᠡ ᠬᠥᠮᠦᠨ ᠲᠡᠢ ᠪᠢᠲᠡᠭᠡᠢ ᠰᠠᠭᠤᠭᠠᠷᠠᠢ 》ᠭᠡᠬᠦ ᠳ᠋ᠦ᠍ ᠨᠢ ᠨᠢᠯᠪᠤᠰᠤ ᠮᠢᠨᠢ ᠠᠶᠠᠨᠳᠠᠭᠠᠨ ᠠᠰᠬᠠᠷᠠᠵᠤ ᠄《 ᠦᠭᠡᠢ ᠂ ᠬᠡᠵᠢᠶᠡ ᠴᠦ᠍ ᠰᠠᠭᠤᠬᠤ ᠦᠭᠡᠢ 》ᠭᠡᠰᠡᠨ ᠶᠦ᠍ᠮ ᠰᠠᠨ ᠃ ᠳᠤᠯᠵᠢᠨ ᠮᠢᠨᠢ ᠨᠠᠮᠠ ᠶ᠋ᠢ ᠰᠢᠷᠲᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠄《 ᠮᠢᠨᠦ ᠡᠪᠦᠭᠡᠨ ᠪᠢᠲᠡᠭᠡᠢ ᠤᠬᠢᠯᠠ ᠂ ᠡᠷᠡ ᠬᠥᠮᠦᠨ ᠬᠠᠲᠠᠭᠤᠵᠢᠯᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ ᠃ ᠨᠢᠭᠡᠨᠲᠡ ᠵᠠᠢᠯᠠᠰᠢ ᠦᠭᠡᠢ ᠢᠷᠡᠭᠰᠡᠨ ᠵᠣᠪᠠᠯᠠᠩ ᠢ᠋ ᠣᠭᠲᠣ ᠂ ᠵᠣᠪᠠᠬᠤ ᠴᠠᠭ ᠲᠤ᠌ ᠬᠠᠲᠠᠭᠤᠵᠢ ᠭᠡᠵᠦ ᠮᠠᠨ ᠤ᠋ ᠳ᠋ᠤ᠌ ᠣᠴᠢᠭᠠᠳ ᠪᠠᠢᠬᠤ ᠳ᠋ᠤ᠌ ᠴᠢᠨᠢ ᠬᠡᠯᠡᠭᠰᠡᠨ ᠰᠢᠦ ᠲᠠ ᠃ ᠬᠠᠷᠢᠨ ᠴᠢ ᠮᠢᠨᠦ ᠭᠠᠷ ᠢ᠋ ᠴᠢᠩᠭᠠ ᠠᠳᠬᠤ 》ᠭᠡᠯᠡ ᠃
ᠳᠤᠯᠵᠢᠨ ᠲᠠᠢᠪᠤᠩ ᠪᠠᠢᠬᠤ ᠶ᠋ᠢ ᠬᠢᠴᠢᠶᠡᠵᠦ ᠪᠠᠢᠪᠠ ᠃ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠨᠢᠳᠦᠨ ᠳ᠋ᠦ᠍ ᠬᠦᠦ ᠪᠢᠳᠡ ᠬᠣᠶᠠᠷ ᠠᠮᠢᠳᠤᠷᠠᠯ ᠤ᠋ᠨ ᠴᠢᠨᠠᠭᠰᠢᠳᠠ ᠶ᠋ᠢᠨ ᠵᠠᠮ ᠢ᠋ ᠶᠠᠭᠠᠬᠢᠵᠤ ᠳᠠᠭᠠᠭᠠᠵᠤ ᠭᠠᠷᠬᠤ ᠪᠣᠯ ᠳᠠ ᠭᠡᠰᠡᠨ ᠰᠡᠳᠬᠢᠯ ᠦ᠋ᠨ ᠭᠦᠨ ᠵᠣᠪᠠᠯᠠᠩ ᠲᠣᠳᠣᠷᠬᠠᠢ ᠪᠠᠢᠪᠠ ᠃
- ᠠᠯᠬᠤᠮ ᠪᠦᠷᠢ ᠳ᠋ᠦ᠍ ᠪᠡᠨ ᠬᠦᠦ ᠪᠡᠨ᠌᠌ ᠁ ᠭᠡᠳ ᠳᠤᠯᠵᠢᠨ ᠤ᠋ ᠬᠣᠭᠣᠯᠠᠢ ᠵᠠᠩᠭᠢᠷᠠᠨ ᠳᠠᠭᠤ ᠲᠠᠰᠤᠯᠳᠠᠵᠤ ᠬᠡᠰᠡᠭ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠄《 ᠠᠩᠬᠠᠷᠴᠤ ᠂ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ 》ᠭᠡᠪᠡ ᠃
ᠪᠢ ᠬᠠᠷᠢᠭᠤ ᠳᠤᠤᠭᠠᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠃ ᠶᠠᠭᠤᠮᠠ ᠯᠠ ᠬᠡᠯᠡᠬᠦ ᠭᠡᠬᠦ ᠪᠡᠷ ᠨᠢᠳᠦᠨ ᠦ᠌ ᠨᠢᠯᠪᠤᠰᠤ ᠭᠠᠷᠬᠤ ᠭᠡᠳ ᠪᠠᠢᠭᠰᠠᠨ ᠲᠤᠯᠠ ᠵᠥᠪᠬᠡᠨ ᠲᠣᠯᠣᠭᠠᠢ ᠪᠠᠨ ᠳᠣᠬᠢᠪᠠ ᠃ ᠢᠩᠭᠢᠭᠡᠳ ᠨᠥᠬᠥᠳ ᠴᠦ᠍ ᠢᠷᠡᠯᠡ ᠃ ᠡᠮᠴᠢ ᠴᠦ᠍ ᠢᠷᠡᠵᠦ ᠠᠮᠢ ᠲᠠᠷᠢᠶᠠ ᠬᠢᠯᠡ ᠃ ᠳᠤᠯᠵᠢᠨ ᠮᠢᠨᠢ ᠲᠣᠭᠣᠷᠢᠵᠤ ᠪᠠᠢᠭᠰᠠᠨ ᠬᠥᠮᠦᠰ ᠢ᠋ ᠬᠠᠷᠠᠵᠤ ᠄《 ᠡᠨᠡ ᠬᠣᠶᠠᠷ ᠢ᠋ ᠮᠢᠨᠢ ᠯᠡ ᠬᠠᠷᠠᠵᠤ ᠶᠠᠪᠤᠭᠠᠷᠠᠢ 》ᠭᠡᠳ ᠳᠠᠬᠢᠨ ᠦᠭᠡ ᠬᠡᠯᠡᠬᠦ ᠭᠡᠰᠡᠨ ᠢ᠋ᠶ᠋ᠡᠨ ᠴᠢᠳᠠᠭᠰᠠᠨ ᠦᠭᠡᠢ ᠂ ᠠᠮᠠ ᠨᠢ ᠠᠩᠭᠠᠯᠵᠠᠨ ᠤᠷᠲᠤ ᠁ ᠭᠡᠳ ᠳᠣᠷᠵᠢ ᠭᠤᠸᠠᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠭᠠᠷᠴᠤ ᠢᠷᠡᠭᠰᠡᠨ ᠨᠢᠯᠪᠤᠰᠤᠨ ᠤ᠋ ᠪᠠᠨ ᠳᠤᠰᠤᠯ ᠢ᠋ ᠭᠠᠵᠠᠷ ᠤᠨᠠᠭᠠᠬᠤ ᠦᠭᠡᠢ ᠭᠡᠰᠡᠨ ᠰᠢᠭ ᠰᠢᠮᠡᠨ ᠵᠠᠯᠭᠢᠭᠠᠳ ᠨᠣᠢᠲᠠᠨ ᠵᠠᠮ ᠢ᠋ ᠨᠢ ᠭᠠᠷ ᠤ᠋ᠨ ᠠᠯᠠᠭᠠ ᠪᠠᠷ ᠠᠷᠴᠢᠪᠠ ᠃ ᠳᠣᠷᠵᠢ ᠭᠤᠸᠠᠢ ᠤᠷᠤᠭᠤᠯ ᠨᠢ ᠴᠡᠴᠡᠷᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠶᠠᠭᠠ ᠲᠠᠢ ᠠᠷᠢᠬᠢ ᠠᠪᠴᠤ ᠄ 《 ᠵᠠ ᠬᠦᠦ ᠮᠢᠨᠢ ᠂ ᠴᠢᠨᠦ ᠠᠵᠠ ᠵᠢᠷᠭᠠᠯ ᠤ᠋ᠨ ᠲᠥᠯᠥᠭᠡ 》ᠭᠡᠳ ᠨᠢᠭᠡᠮᠥᠰᠥᠨ ᠬᠦᠨᠳᠡᠷᠴᠦ ᠣᠷᠬᠢᠪᠠ ᠃
- ᠲᠠᠨ ᠳ᠋ᠤ᠌ ᠵᠣᠪᠠᠯᠠᠩ ᠢ᠋ᠶ᠋ᠠᠨ ᠶᠠᠷᠢᠵᠤ ᠂ ᠲᠠᠨ ᠤ᠋ ᠠᠮᠠᠷᠠᠬᠤ ᠳ᠋ᠤ᠌ ᠴᠢᠨᠢ ᠰᠠᠭᠠᠳ ᠪᠣᠯᠵᠤ ᠪᠠᠢᠬᠤ ᠳᠠ ᠭᠡᠵᠦ ᠳᠣᠷᠵᠢ ᠭᠤᠸᠠᠢ ᠬᠡᠯᠡᠬᠦ ᠳ᠋ᠦ᠍ ᠄
- ᠦᠭᠡᠢ ᠂ ᠦᠭᠡᠢ ᠂ ᠳᠣᠷᠵᠢ ᠭᠤᠸᠠᠢ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ ᠃
- ᠠᠮᠢᠳᠤᠷᠠᠯ ᠳ᠋ᠤ᠌ ᠨᠢᠭᠡ ᠤᠳᠠᠭᠠᠨ ᠲᠣᠬᠢᠶᠠᠯᠳᠤᠭᠰᠠᠨ ᠰᠠᠢᠬᠠᠨ ᠶᠠᠭᠤᠮᠠ ᠪᠠᠨ ᠠᠯᠳᠠᠴᠢᠬᠠᠭᠰᠠᠨ ᠬᠥᠮᠦᠨ ᠲᠡᠭᠦᠨ ᠢ᠋ᠶ᠋ᠡᠨ ᠶᠠᠷᠢᠬᠤ ᠳ᠋ᠤ᠌ ᠬᠡᠴᠡᠭᠦᠦ ᠪᠣᠯᠪᠠᠴᠤ ᠶᠠᠷᠢᠭᠰᠠᠨ ᠤ᠋ ᠳᠠᠷᠠᠭᠠ ᠣᠩᠭᠣᠢᠵᠤ ᠥᠩᠭᠡᠷᠡᠬᠦ ᠰᠢᠭ ᠪᠣᠯᠳᠠᠭ ᠶᠤᠮ ᠭᠡᠳ ᠳᠣᠷᠵᠢ ᠭᠤᠸᠠᠢ ᠨᠠᠳᠠ ᠥᠭᠡᠳᠡ ᠬᠠᠷᠠᠬᠤ ᠳ᠋ᠤ᠌ ᠤᠷᠤᠭᠤᠯ ᠳ᠋ᠤ᠌ ᠨᠢ ᠬᠦᠴᠦᠯᠡᠭᠰᠡᠨ ᠢᠨᠢᠶᠡᠮᠰᠦᠭᠯᠡᠯ ᠂ ᠨᠢᠳᠦᠨ ᠳ᠋ᠦ᠍ ᠨᠢ ᠭᠦᠨ ᠭᠠᠰᠢᠭᠤᠳᠠᠯ ᠲᠣᠳᠣᠷᠠᠵᠤ ᠪᠠᠢᠪᠠ ᠃ ᠳᠣᠷᠵᠢ ᠭᠤᠸᠠᠢ ᠠᠯᠭᠤᠷᠬᠠᠨ ᠪᠣᠰᠴᠤ ᠬᠣᠢᠲᠤ ᠬᠠᠨᠠᠨ ᠳ᠋ᠤ᠌ ᠡᠯᠭᠦᠭᠡᠰᠦᠲᠡᠢ ᠪᠠᠢᠭᠰᠠᠨ ᠵᠢᠵᠢᠭᠬᠡᠨ ᠬᠦᠷᠡᠩ ᠭᠣᠣ ᠲᠠᠢ ᠵᠢᠷᠤᠭ ᠠᠪᠴᠤ ᠢᠷᠡᠭᠡᠳ ᠪᠠᠢᠷᠢᠨ ᠳ᠋ᠤ᠌ ᠪᠠᠨ
ᠰᠠᠭᠤᠵᠤ ᠄《 ᠮᠢᠨᠦ ᠵᠢᠷᠭᠠᠯ ᠤ᠋ᠨ ᠲᠡᠮᠳᠡᠭ ᠡᠨᠳᠡ ᠪᠠᠢᠨᠠ 》ᠭᠡᠳ ᠨᠠᠳᠠ ᠳ᠋ᠤ᠌ ᠥᠭᠬᠦ ᠭᠡᠰᠡᠨ ᠢ᠋ᠶ᠋ᠡᠨ ᠪᠣᠯᠢᠵᠤ ᠡᠮᠦᠨᠡ ᠪᠡᠨ ᠪᠠᠷᠢᠨ ᠰᠢᠷᠲᠡᠪᠡ ᠃ ᠪᠢ ᠪᠣᠰᠴᠤ ᠠᠷᠤ ᠳ᠋ᠤ᠌ ᠨᠢ ᠣᠴᠢᠵᠤ ᠮᠥᠷᠦᠨ ᠳᠡᠭᠡᠭᠦᠷ ᠨᠢ ᠬᠠᠷᠠᠯᠠ ᠃ ᠨᠡᠯᠢᠶᠡᠳ ᠬᠠᠭᠤᠴᠢᠷᠠᠭᠰᠠᠨ ᠭᠡᠷᠡᠯ ᠵᠢᠷᠤᠭ ᠳᠡᠭᠡᠷᠡ ᠳᠤᠮᠳᠠ ᠪᠠᠨ ᠥᠨᠳᠥᠷ ᠨᠠᠷᠢᠬᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠢᠮᠡᠯ ᠴᠡᠴᠡᠭ ᠲᠠᠯᠪᠢᠵᠤ ᠂ ᠡᠭᠴᠡ ᠬᠠᠷᠠᠨ ᠵᠣᠭᠰᠣᠭᠰᠠᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠦᠷᠢ ᠪᠠᠢᠪᠠ ᠃
- ᠳᠣᠯᠵᠢᠨ ᠮᠢᠨᠢ ᠡᠨᠡ ᠰᠢᠦ ᠳᠠ ᠭᠡᠵᠦ ᠳᠣᠷᠵᠢ ᠭᠤᠸᠠᠢ ᠲᠡᠷᠡ ᠵᠢᠷᠤᠭ ᠳᠡᠭᠡᠷᠡ ᠪᠠᠢᠭᠠ ᠡᠮᠡᠭᠲᠡᠢ ᠶ᠋ᠢ ᠬᠣᠰᠢᠭᠤ ᠪᠠᠨ ᠴᠣᠷᠪᠣᠢᠯᠭᠠᠨ ᠵᠢᠭᠠᠪᠠ ᠃ ᠳᠤᠯᠵᠢᠨ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠬᠥᠭᠡᠷᠦᠬᠦᠨ ᠬᠡᠦᠬᠡᠨ ᠴᠦ᠍ ᠪᠢᠰᠢ ᠯᠡ ᠪᠠᠢᠪᠠ ᠃ ᠭᠡᠪᠡᠴᠦ ᠬᠠᠷᠠᠬᠤ ᠲᠤᠲᠤᠮ ᠶᠠᠮᠠᠷ ᠨᠢᠭᠡᠨ ᠶᠡᠷᠦ ᠪᠤᠰᠤ ᠶ᠋ᠢᠨ ᠲᠠᠢᠪᠤᠩ ᠪᠠᠢᠳᠠᠯ ᠨᠢᠳᠦᠨ ᠳ᠋ᠦ᠍ ᠨᠢ ᠬᠡᠷᠡᠯᠳᠦᠵᠦ ᠨᠢᠭᠤᠷ ᠤ᠋ᠨ ᠰᠢᠷᠬᠡᠭ ᠪᠦᠷᠢ ᠡᠴᠡ ᠨᠢ ᠪᠠᠶᠠᠷ ᠵᠢᠷᠭᠠᠯ ᠤ᠋ᠨ ᠲᠤᠶᠠᠭᠠ ᠰᠠᠴᠤᠷᠠᠵᠤ ᠂ ᠨᠢᠳᠦ ᠶ᠋ᠢ ᠮᠢᠨᠢ ᠪᠤᠯᠢᠶᠠᠨ ᠢᠯᠴᠢ ᠪᠡᠷ ᠵᠢᠩᠨᠡᠵᠦ ᠂ ᠲᠡᠷᠡ ᠢᠯᠴᠢ ᠨᠢ ᠵᠢᠷᠦᠬᠡ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠳᠡᠮᠵᠢᠵᠦ ᠪᠠᠢᠪᠠ ᠃ ᠬᠡᠦᠬᠡᠨ ᠦ᠌ ᠪᠠᠷᠢᠵᠤ ᠶᠠᠳᠠᠭᠰᠠᠨ ᠭᠡᠨᠡᠨ ᠢᠨᠢᠶᠡᠮᠰᠦᠭᠯᠡᠯ ᠤᠷᠤᠭᠤᠯ ᠳ᠋ᠤ᠌ ᠨᠢ ᠲᠣᠳᠣᠷᠠᠵᠤ ᠪᠠᠢᠭᠠ ᠡᠨᠡ ᠵᠢᠷᠤᠭ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠵᠢᠷᠭᠠᠯ ᠤ᠋ᠨ ᠢ᠋ᠶ᠋ᠠᠨ ᠡᠬᠢᠨ ᠂ ᠵᠠᠯᠠᠭᠤ ᠴᠠᠭ ᠲᠤ᠌ ᠪᠠᠨ ᠵᠠᠭᠤᠷᠠᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠲᠡᠭᠦᠨ ᠦ᠌ ᠲᠥᠯᠥᠭᠡ ᠬᠠᠷᠠᠮᠰᠠᠬᠤ ᠰᠡᠳᠬᠢᠯ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠲᠥᠷᠥᠵᠦ ᠰᠠᠨᠠᠭᠠ ᠠᠯᠳᠠᠪᠠ ᠃ ᠬᠠᠷᠢᠨ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠪᠣᠯ ᠲᠡᠷᠡ ᠦᠶᠡ ᠶ᠋ᠢᠨ ᠴᠣᠭ ᠵᠢᠪᠬᠤᠯᠠᠩ ᠪᠦᠷᠢᠳᠦᠭᠰᠡᠨ ᠶᠣᠰᠣᠲᠠᠢ ᠯᠠ ᠲᠣᠰᠣᠲᠠᠢ ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠰᠢ ᠦᠭᠡᠢ ᠳᠣᠷᠵᠢ ᠠ᠋ᠴᠠ ᠣᠳᠣᠬᠢ ᠶ᠋ᠢᠨ ᠳᠣᠷᠵᠢ ᠳ᠋ᠤ᠌ ᠦᠯᠡᠳᠡᠭᠡᠭᠰᠡᠨ ᠶᠠᠭᠤᠮᠠ ᠮᠠᠰᠢ ᠬᠣᠪᠣᠷ ᠪᠠᠢᠯᠠ ᠃ ᠪᠢᠳᠡ ᠬᠣᠶᠠᠷ ᠵᠢᠷᠤᠭ ᠤᠷᠤᠭᠤ ᠰᠢᠷᠳᠡᠨ ᠬᠡᠰᠡᠭ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠤ᠋ ᠳᠠᠷᠠᠭᠠ ᠳᠣᠷᠵᠢ ᠭᠤᠸᠠᠢ ᠬᠣᠶᠠᠷ ᠤᠳᠠᠭᠠ ᠵᠥᠭᠡᠯᠡᠨ ᠲᠠᠮᠰᠢᠶᠠᠯᠠᠵᠤ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠄
- ᠵᠠ ᠲᠡᠭᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ ᠳᠠ ᠂ ᠦᠬᠦᠭᠰᠡᠨ ᠦ᠌ ᠪᠡᠨ ᠬᠣᠢᠨᠠ ᠠ᠋ᠴᠠ ᠦᠬᠦᠳᠡᠭ ᠦᠭᠡᠢ ᠭᠡᠭᠴᠢ ᠪᠡᠷ ᠬᠦᠦ ᠪᠢᠳᠡ ᠬᠣᠶᠠᠷ ᠦᠯᠡᠳᠡᠵᠦ ᠠᠮᠢᠳᠤᠷᠠᠯ ᠤ᠋ᠨ ᠲᠥᠯᠥᠭᠡ ᠯᠡ ᠵᠢᠳᠬᠦᠯᠡ ᠃ ᠡᠬᠡ ᠨᠢ ᠣᠯᠠᠨ ᠳ᠋ᠤ᠌ ᠨᠡᠷᠡᠲᠡᠢ ᠂ ᠲᠦᠮᠡᠨ ᠳ᠋ᠦ᠍ ᠬᠦᠨᠳᠦᠲᠡᠢ ᠂ ᠬᠠᠢᠷᠠ ᠪᠤᠯᠢᠶᠠᠵᠤ ᠂ ᠰᠡᠳᠬᠢᠯ ᠲᠠᠲᠠᠭᠰᠠᠨ ᠬᠥᠮᠦᠨ ᠪᠠᠢᠭᠰᠠᠨ ᠪᠣᠯᠬᠣᠷ ᠥᠨᠥᠴᠢᠨ ᠬᠡᠦᠬᠡᠳ ᠢ᠋ ᠨᠢ ᠴᠡᠷᠢᠭ ᠂ ᠳᠠᠷᠤᠭᠠ ᠂ ᠭᠡᠷ ᠪᠦᠯᠢ ᠶ᠋ᠢᠨ ᠬᠢᠨᠢ ᠬᠥᠮᠦᠰ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠠᠰᠠᠷᠠᠵᠤ ᠂ ᠲᠥᠷᠥᠭᠰᠡᠨ ᠦᠷᠡ ᠂ ᠭᠠᠷᠤᠭᠰᠠᠨ ᠬᠡᠦᠬᠡᠳ ᠡᠰ ᠥᠭᠡᠷᠡ ᠴᠦ᠍ ᠦᠭᠡᠢ ᠬᠠᠷᠠᠵᠤ ᠬᠠᠨᠳᠤᠵᠤ ᠪᠠᠢᠯᠠ ᠃ ᠮᠢᠨᠦ ᠬᠦᠦ ᠴᠦ᠍ ᠬᠥᠮᠦᠨ ᠤ ᠬᠠᠢᠷᠠ ᠶ᠋ᠢ ᠪᠤᠯᠢᠶᠠᠭᠰᠠᠨ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠪᠠᠢᠵᠤ ᠳᠠ ᠃ ᠪᠢ ᠠᠵᠢᠯ ᠠ᠋ᠴᠠ ᠢᠷᠡᠮᠡᠭᠴᠡ ᠬᠦᠦ ᠲᠡᠢ ᠪᠡᠨ ᠲᠣᠭᠯᠠᠵᠤ ᠂ ᠠᠮᠲᠠᠲᠠᠢ ᠪᠦᠬᠦᠨ ᠢ᠋ᠶ᠋ᠡᠨ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠯᠡ ᠦᠭᠡᠢ ᠥᠭᠴᠦ ᠂ ᠠᠯᠢ ᠰᠠᠢᠬᠠᠨ ᠪᠦᠬᠦᠨ ᠢ᠋ᠶ᠋ᠡᠨ ᠲᠡᠭᠦᠨ ᠳ᠋ᠦ᠍ ᠵᠣᠷᠢᠭᠤᠯᠤᠨ ᠵᠢᠯ ᠪᠣᠯᠤᠯᠠ ᠃
ᠦᠷᠭᠦᠯᠵᠢᠯᠡᠯ ᠪᠠᠢᠨᠠ ᠁
ᠨᠢᠭᠡ
ᠵᠤᠨ ᠤ᠋ ᠠᠳᠠᠭ ᠰᠠᠷᠠ ᠶ᠋ᠢᠨ ᠲᠡᠷᠡ ᠨᠢᠭᠡ ᠡᠳᠦᠷ ᠪᠧᠨ᠋ᠽᠢᠨ ( ᠲᠣᠰᠣ )᠌ ᠨᠢ ᠳᠠᠭᠤᠰᠤᠭᠰᠠᠨ ᠳᠤᠭᠤᠢ ( ᠮᠣᠲ᠋ᠣᠷ )᠌ ᠶᠢᠨ ᠢ᠋ᠶ᠋ᠠᠨ ᠳᠡᠷᠭᠡᠳᠡ ᠠᠷᠭᠠ ᠪᠠᠷᠠᠭᠳᠠᠨ ᠬᠡᠪᠲᠡᠵᠦ ᠂ ᠬᠠᠭᠠᠯᠲᠠ ᠦᠭᠡᠢ ᠬᠤᠷᠴᠠ ᠨᠠᠷᠠᠨ ᠳ᠋ᠤ᠌ ᠬᠠᠢᠷᠠ ᠨᠠᠢᠷ ᠦᠭᠡᠢ ᠲᠥᠭᠡᠨᠡᠭᠳᠡᠨ ᠪᠠᠢᠬᠤ ᠳ᠋ᠤ᠌ ᠶᠢᠰᠦ ᠡᠬᠢᠯᠡᠭᠰᠡᠨ ᠡᠪᠦᠯ ᠦ᠋ᠨ ᠲᠠᠵᠢᠭᠢᠨᠠᠮᠠ ᠬᠦᠢᠲᠡᠨ ᠳ᠋ᠦ᠍ ᠬᠥᠨᠳᠡᠢ ᠶ᠋ᠢᠨ ᠰᠠᠯᠬᠢᠨ ᠰᠥᠷᠦᠭᠡᠳ ᠳᠠᠪᠬᠢᠵᠤ ᠶᠠᠪᠤᠬᠤ ᠰᠢᠭ᠋ ᠰᠠᠢᠬᠠᠨ ᠵᠢᠷᠭᠠᠯ ᠡᠨᠡ ᠬᠣᠷᠸᠠ ᠳ᠋ᠤ᠌ ᠦᠭᠡᠢ ᠶᠦ᠍ᠮ ᠰᠢᠭ ᠰᠠᠨᠠᠭᠳᠠᠵᠤ ᠪᠠᠢᠯᠠ ᠃ ᠠᠮᠢᠰᠬᠤᠯᠯᠠᠬᠤ ᠪᠦᠷᠢ ᠠᠭᠤᠰᠬᠢ ᠤᠷᠤᠭᠤ ᠬᠠᠯᠠᠭᠤᠨ ᠤᠰᠤ ᠴᠢᠳᠬᠤᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠪᠣᠯᠵᠤ ᠬᠥᠯᠥᠰᠥᠨ ᠳ᠋ᠦ᠍ ᠨᠡᠪᠲᠡᠷᠡᠭᠰᠡᠨ ᠬᠤᠪᠴᠠᠰᠤ ᠪᠡᠶᠡ ᠳ᠋ᠦ᠍ ᠨᠠᠭᠠᠯᠳᠤᠵᠤ ᠂ ᠬᠠᠯᠠᠭᠤᠨ ᠠᠭᠤᠷ ᠢ᠋ᠶ᠋ᠠᠷ ᠵᠢᠩᠨᠡᠨ ᠨᠢᠭᠤᠷ ᠤ᠋ᠨ ᠬᠥᠯᠥᠰᠥ ᠠᠷᠴᠢᠬᠤ ᠲᠣᠰᠤᠮ ᠠᠰᠬᠠᠷᠠᠨ ᠴᠠᠮᠴᠠ ᠪᠠᠨ ᠴᠢᠮᠬᠢᠨ ᠪᠠᠢᠨ ᠪᠠᠢᠨ ᠰᠡᠭᠰᠡᠷᠪᠡᠴᠦ ᠬᠥᠩᠭᠡᠷᠡᠬᠦ ᠶᠠᠭᠤᠮᠠ ᠣᠭᠲᠣ ᠦᠭᠡᠢ ᠃ ᠠᠮᠠ ᠵᠠᠪᠠᠭᠠᠷᠠᠵᠤ ᠂ ᠠᠩᠬᠠᠨ ᠳ᠋ᠤ᠌ ᠪᠠᠨ ᠬᠦᠢᠲᠡᠨ ᠪᠤᠯᠠᠭ ᠤ᠋ᠨ ᠤᠰᠤ ᠪᠣᠳᠣᠭᠳᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠰᠡᠭᠦᠯ ᠳ᠋ᠦ᠍ ᠪᠡᠨ ᠵᠥᠪᠬᠡᠨ ᠤᠰᠤ ᠪᠣᠳᠣᠭᠳᠠᠵᠤ ᠳᠥᠷᠪᠡᠨ ᠴᠠᠭ ᠤ᠋ᠨ ᠡᠮᠦᠨᠡ ᠴᠡᠯᠡᠯᠵᠡᠨ ᠤᠷᠤᠰᠴᠤ ᠪᠠᠢᠭᠰᠠᠨ ᠭᠣᠣᠯ ᠤ᠋ᠨ ᠳᠡᠷᠭᠡᠳᠡᠭᠦᠷ ᠬᠤᠷᠳᠤᠨ ᠥᠩᠭᠡᠷᠡᠬᠦ ᠳ᠋ᠦ᠍ ᠪᠡᠨ ᠶᠠᠳᠠᠵᠤ ᠭᠠᠭᠴᠠ ᠪᠠᠯᠭᠤ ᠤᠤᠭᠤᠭᠠ ᠦᠭᠡᠢ ᠳ᠋ᠦ᠍ ᠪᠡᠨ ᠬᠠᠷᠠᠮᠰᠠᠵᠤ ᠪᠠᠢᠯᠠ ᠃ ᠬᠠᠯᠠᠭᠤᠨ ᠡᠳᠦᠷ ᠶᠠᠭᠤᠮᠠ ᠪᠦᠬᠦᠨ ᠬᠠᠯᠠᠭᠤᠨ ᠪᠠᠢᠳᠠᠭ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠂ ᠪᠦᠬᠦ ᠶᠠᠭᠤᠮᠠ ᠲᠡᠷᠡ ᠬᠠᠯᠠᠭᠤᠨ ᠳ᠋ᠤ᠌ ᠲᠤᠰᠠ ᠨᠡᠮᠡᠷᠢ ᠪᠣᠯᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠳᠠᠭ ᠪᠣᠯᠬᠣᠷ ᠬᠠᠵᠠᠭᠤ ᠪᠠᠷ ᠥᠩᠭᠡᠷᠡᠭᠰᠡᠨ ᠲᠡᠮᠦᠷ ᠵᠠᠮ ᠤ᠋ᠨ ᠱᠤᠭᠤᠮ ᠡᠭᠴᠡ ᠲᠤᠰᠤᠭᠰᠠᠨ ᠨᠠᠷᠠᠨ ᠳ᠋ᠤ᠌ ᠭᠢᠯᠠᠯᠵᠠᠨ ᠵᠠᠮ ᠤ᠋ᠨ ᠨᠢᠷᠤᠭᠤ ᠠ᠋ᠴᠠ ᠬᠠᠷᠢᠭᠰᠠᠨ ᠨᠠᠷᠠᠨ ᠤ᠋ ᠬᠤᠷᠴᠠ ᠭᠡᠷᠡᠯ ᠮᠢᠷᠠᠯᠵᠠᠨ ᠡᠨᠡ ᠡᠳᠦᠷ ᠦ᠋ᠨ ᠬᠠᠯᠠᠭᠤᠨ ᠢ ᠤᠯᠠᠮ ᠶᠡᠬᠡᠳᠡ ᠪᠣᠯᠭᠠᠵᠤ ᠪᠠᠢᠬᠤ ᠰᠢᠭ᠋ ᠪᠣᠳᠣᠭᠳᠠᠵᠤ ᠪᠠᠢᠪᠠ ᠃
ᠲᠡᠮᠦᠷ ᠵᠠᠮ ᠤ᠋ᠨ ᠱᠤᠭᠤᠮ ᠳᠡᠭᠡᠭᠦᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠪᠠᠷᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠬᠥᠮᠦᠨ ᠨᠠᠮᠠ ᠶ᠋ᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠵᠠᠮ ᠤ᠋ᠨ ᠲᠣᠪᠴᠢᠶᠠ ᠰᠢᠷᠣᠢ ᠤᠷᠤᠭᠤ ᠠᠯᠭᠤᠷᠬᠠᠨ ᠪᠠᠭᠤᠭᠠᠳ ᠡᠷᠡᠮᠡᠭ ᠲᠣᠮᠣ ᠭᠢᠰᠬᠢᠳᠡᠯ ᠢ᠋ᠶ᠋ᠡᠷ ᠠᠯᠬᠤᠯᠠᠨ ᠨᠠᠳᠠᠳᠤ ᠤᠷᠤᠭᠤ ᠰᠢᠭᠤᠳ ᠢᠷᠡᠯᠡ ᠃ ᠲᠡᠷᠡ ᠬᠥᠮᠦᠨ ᠲᠣᠰᠣ ᠪᠣᠯᠤᠭᠰᠠᠨ ᠬᠠᠭᠤᠴᠢᠨ ᠨᠣᠭᠣᠭᠠᠨ ᠴᠡᠷᠢᠭ ᠥᠮᠥᠳᠥ ᠂ ᠡᠨᠳᠡ ᠲᠡᠨᠳᠡ ᠨᠢ ᠴᠤᠭᠤᠷᠠᠵᠤ ᠤᠷᠠᠬᠳᠠᠨ᠂ ᠬᠥᠪᠥᠩ ᠨᠢ ᠭᠠᠷᠤᠭᠰᠠᠨ ᠬᠠᠭᠤᠴᠢᠨ ᠨᠣᠭᠣᠭᠠᠨ ᠬᠦᠷᠮᠡ ᠡᠮᠦᠰᠴᠡᠢ ᠃ ᠵᠠᠬᠠ ᠨᠢ ᠵᠠᠳᠠᠭᠠᠢ ᠬᠦᠷᠮᠡᠨ ᠦ᠌ ᠴᠠᠭᠠᠨᠠ ᠶᠡᠬᠡ ᠬᠠᠭᠤᠴᠢᠷᠠᠭᠰᠠᠨ ᠨᠣᠭᠣᠭᠠᠨ ᠨᠣᠣᠰᠣᠨ ᠳᠠᠪᠤᠤ ᠴᠠᠮᠴᠠ ᠴᠤᠬᠤᠢᠵᠤ ᠪᠠᠢᠪᠠ ᠃
- ᠠᠮᠤᠷ ᠢ ᠡᠷᠢᠶᠡ ! ᠭᠡᠵᠦ ᠲᠡᠷᠡ ᠬᠥᠮᠦᠨ ᠬᠦᠩᠭᠢᠨᠡᠭᠰᠡᠨ ᠪᠦᠳᠦᠭᠦᠨ ᠳᠠᠭᠤ ᠪᠠᠷ ᠬᠡᠯᠡᠬᠦ ᠳ᠋ᠦ᠍ ᠨᠢ ᠰᠦᠷᠡᠬᠡᠢ ᠬᠠᠭᠤᠴᠢᠷᠠᠵᠤ ᠤᠯᠠ ᠶ᠋ᠢ ᠨᠢ ᠵᠡᠰ ᠤᠲᠠᠰᠤ ᠪᠠᠷ ᠡᠨᠳᠡ ᠲᠡᠨᠳᠡ ᠨᠢ ᠲᠣᠷᠭᠣᠵᠤ ᠤᠶᠤᠬᠰᠠᠨ ᠠᠵᠢᠯ ᠤ᠋ᠨ ᠬᠠᠷᠠ ᠭᠤᠲᠤᠯ ᠤ᠋ᠨ ᠥᠰᠥᠭᠡᠢ ᠲᠣᠪᠬᠢᠲᠠᠯᠠ ᠨᠡᠢᠯᠡᠪᠡ ᠃
ᠪᠢ ᠬᠠᠷᠢᠭᠤ ᠮᠡᠨᠳᠦᠯᠡᠪᠡ ᠃ ᠲᠠᠪᠢ ᠬᠡᠯᠪᠡᠢᠵᠦ ᠵᠢᠷᠠ ᠰᠢᠬᠠᠭᠰᠠᠨ ᠪᠣᠯᠪᠠ ᠤᠤ ᠭᠡᠮᠡᠷ ᠲᠡᠷᠡ ᠡᠷᠡ ᠶ᠋ᠢᠨ ᠦᠷᠴᠢᠯᠡᠭᠡᠰᠦ ᠰᠠᠭᠤᠭᠰᠠᠨ ᠨᠢᠭᠤᠷ ᠲᠤ᠌ ᠨᠢ ᠭᠦᠨ ᠪᠣᠳᠣᠯ ᠶᠡᠬᠡ ᠭᠠᠰᠢᠭᠤᠳᠠᠯ ᠲᠣᠭᠲᠠᠨ ᠬᠣᠩᠭᠣᠷᠯᠠᠭᠰᠠᠨ ( ᠤᠳᠠᠭᠠᠯᠢᠭ ᠪᠥᠭᠡᠳ ᠵᠥᠭᠡᠯᠡᠨ ᠬᠠᠷᠠᠴᠠ ᠶ᠋ᠢ ᠳᠦᠷᠰᠦᠯᠡᠵᠡᠢ ) ᠤᠬᠠᠭᠠᠯᠢᠭ ᠬᠣᠶᠠᠷ ᠨᠢᠳᠦ ᠨᠢ ᠠᠮᠢᠳᠤᠷᠠᠯ ᠤ᠋ᠨ ᠤᠷᠲᠤ ᠪᠥᠭᠡᠳ ᠬᠡᠴᠡᠭᠦᠦ ᠵᠠᠮ ᠲᠤᠭᠤᠯᠤᠭᠰᠠᠨ ᠤ᠋ ᠲᠡᠮᠳᠡᠭ ᠪᠠᠢᠪᠠ ᠃
- ᠳᠤᠭᠤᠢ ᠴᠢᠨᠢ ᠡᠪᠳᠡᠷᠡᠭᠡ ᠦᠦ? ᠭᠡᠵᠦ ᠲᠡᠷᠡ ᠬᠥᠮᠦᠨ ᠠᠰᠠᠭᠤᠬᠤ ᠵᠠᠭᠤᠷᠠ ᠮᠥᠷᠦᠨ ᠳᠡᠭᠡᠷᠡ ᠪᠡᠨ ᠡᠭᠦᠷᠴᠦ ᠶᠠᠪᠤᠭᠰᠠᠨ ᠬᠦᠷᠵᠡ ᠂ ᠴᠠᠷᠢᠯ ᠢ᠋ᠶ᠋ᠠᠨ ᠭᠠᠵᠠᠷ ᠲᠠᠯᠪᠢᠭᠠᠳ ᠮᠢᠨᠦ ᠳᠡᠷᠭᠡᠳᠡ ᠢᠷᠡᠵᠦ ᠵᠠᠪᠢᠯᠠᠨ ᠰᠠᠭᠤᠪᠠ ᠃
- ᠦᠭᠡᠢ ᠂ ᠡᠪᠳᠡᠷᠡᠭᠡ ᠦᠭᠡᠢ ᠂ ᠪᠧᠨ᠋ᠽᠢᠨ ᠢ᠋ᠶ᠋ᠡᠨ ᠳᠠᠭᠤᠰᠬᠠᠭᠰᠠᠨ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ ᠃
- ᠲᠠᠮᠠᠬᠢ ᠪᠠᠢᠨᠠ ᠤᠤ? ᠭᠡᠵᠦ ᠲᠡᠷᠡ ᠬᠥᠮᠦᠨ ᠬᠡᠯᠡᠬᠦ ᠳ᠋ᠦ᠍ ᠨᠢ ᠬᠠᠢᠷᠴᠠᠭ ᠲᠠᠢ ᠲᠠᠮᠠᠬᠢ ᠪᠠᠨ ᠳᠡᠯᠭᠡᠵᠦ ᠪᠠᠷᠢᠪᠠ ᠃ ᠨᠥᠭᠥᠭᠡ ᠬᠥᠮᠦᠨ ᠨᠢᠭᠡ ᠰᠢᠷᠬᠡᠭ ᠢ᠋ ᠠᠪᠴᠤ ᠂ ᠦᠵᠦᠭᠦᠷ ᠢ᠋ ᠨᠢ ᠠᠯᠭᠤᠷ ᠢᠮᠡᠷᠴᠦ ᠰᠠᠭᠤᠭᠠᠳ ᠂ ᠡᠪᠦᠷ ᠢ᠋ᠶ᠋ᠡᠨ ᠳᠠᠷᠤᠵᠤ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠵᠥᠪᠬᠡᠨ ᠤᠷᠤᠭᠤᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠨᠢᠶᠡᠮᠰᠦᠭᠯᠡᠵᠦ᠄
- ᠬᠤᠰᠢᠭᠤᠨ ᠠ᠋ᠴᠠ ᠪᠤᠰᠤᠳ ᠢ᠋ ᠭᠤᠶᠤᠬᠤ ᠨᠢ ᠪᠣᠯᠤᠯᠲᠠᠢ ᠂ ᠲᠠ ᠴᠦᠢᠳᠡᠩ ᠢ᠋ᠶ᠋ᠡᠨ ᠥᠭᠭᠥᠨᠡ ᠦᠦ ᠭᠡᠵᠦ ᠬᠤᠷᠤᠭᠤ ᠪᠠᠨ ᠢᠮᠡᠷᠴᠦ ᠭᠠᠷ ᠢ᠋ᠶ᠋ᠠᠨ ᠲᠤᠰᠪᠠ ᠃
ᠴᠦᠢᠳᠡᠩ ᠠᠪᠴᠤ ᠲᠠᠮᠠᠬᠢ ᠪᠠᠨ ᠠᠰᠠᠭᠠᠭᠠᠳ ᠬᠡᠳᠦ ᠳᠠᠬᠢᠨ ᠤᠷᠲᠤ ᠭᠡᠭᠴᠢ ᠨᠢ ᠰᠢᠨᠤᠭ ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ᠄
- ᠥᠷᠯᠥᠭᠡᠨ ᠡᠴᠡ ᠬᠣᠢᠰᠢ ᠲᠠᠲᠠᠭᠠ ᠦᠭᠡᠢ ᠶᠦ᠍ᠮ ᠰᠠᠨ ᠂ ᠲᠣᠯᠣᠭᠠᠢ ᠮᠠᠨᠠᠷᠠᠵᠤ ( ᠳᠦᠢᠷᠡᠵᠦ ) ᠠᠶᠠᠭᠦᠢ ᠪᠠᠢᠨᠠ ᠭᠡᠳ ᠥᠷᠭᠡᠨ ᠮᠠᠩᠨᠠᠢ ᠪᠠᠨ ᠵᠡᠭᠦᠨ ᠭᠠᠷ ᠤ᠋ᠨ ᠢ᠋ᠶ᠋ᠠᠨ ᠠᠷᠤ ᠪᠠᠷ ᠠᠷᠴᠢᠪᠠ ᠃᠌
- ᠮᠥᠨ ᠬᠠᠯᠠᠭᠤᠨ ᠡᠳᠦᠷ ᠠ᠋ ᠭᠡᠵᠦ ᠪᠢ ᠬᠡᠯᠡᠬᠦ ᠳ᠋ᠦ᠍ ᠂ ᠲᠡᠷᠡ ᠬᠥᠮᠦᠨ ᠲᠠᠮᠠᠬᠢᠨ ᠤ᠋ ᠪᠠᠨ ᠦᠨᠡᠰᠦ ᠶ᠋ᠢ ᠨᠣᠭᠣᠭᠠᠨ ᠳᠡᠭᠡᠷᠡ ᠨᠢᠰᠠᠯᠵᠤ ᠤᠨᠠᠭᠠᠬᠤ ᠵᠠᠭᠤᠷᠠ ᠄
- ᠬᠠᠯᠠᠭᠤᠨ ᠴᠤ᠌ ᠶᠠᠭᠤ ᠪᠠᠢᠬᠤ ᠪᠣᠢ ᠳᠠᠭᠤ ᠭᠡᠳ ᠥᠳᠬᠡᠨ ᠬᠠᠷᠠ ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠳᠤᠨ ᠲᠡᠭᠷᠢ ᠥᠭᠡᠳᠡ ᠬᠠᠷᠠᠬᠤ ᠳ᠋ᠤ᠌ ᠬᠣᠶᠠᠷ ᠨᠢᠳᠦᠨ ᠦ᠌ ᠬᠢᠨᠢ ᠳᠤᠮᠳᠠ ᠭᠤᠷᠪᠠᠨ ᠭᠦᠨ ᠠᠲᠤᠷᠢᠶᠠ ᠲᠣᠳᠣᠷᠠᠪᠠ ᠃
ᠲᠠᠮᠠᠬᠢᠨ ᠤ᠋ ᠪᠠᠨ ᠬᠠᠢᠷᠴᠠᠭ ᠢ᠋ ᠪᠤᠴᠠᠭᠠᠵᠤ ᠡᠪᠦᠷᠲᠦᠯᠡᠬᠦ ᠳ᠋ᠦ᠍ ᠭᠡᠷ ᠡᠴᠡ ᠠᠪᠴᠤ ᠭᠠᠷᠤᠭᠰᠠᠨ ᠴᠠᠭᠠᠰᠤᠲᠠᠢ ᠰᠢᠬᠢᠷ ᠡᠴᠡ ᠦᠯᠡᠳᠡᠭᠰᠡᠨ ᠬᠣᠶᠠᠷ ᠰᠢᠬᠢᠷ ᠭᠠᠷ ᠲᠤ᠌ ᠪᠠᠷᠢᠭᠳᠠᠭᠰᠠᠨ ᠢ᠋ ᠭᠠᠷᠭᠠᠵᠤ ᠄《 ᠲᠠ ᠰᠢᠬᠢᠷ ᠢᠳᠡ 》ᠭᠡᠳ ᠥᠭᠭᠦᠭᠰᠡᠨ ᠳ᠋ᠦ᠍ ᠲᠡᠷᠡ ᠬᠥᠮᠦᠨ ᠨᠢᠭᠡ ᠶ᠋ᠢ ᠨᠢ ᠠᠪᠴᠤ ᠠᠵᠢᠭᠯᠠᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠴᠡᠮᠴᠡᠨ ᠦ᠌ ᠪᠡᠨ ᠡᠩᠭᠡᠷ ᠦ᠋ᠨ ᠤᠭᠤᠲᠠᠨ ᠳ᠋ᠤ᠌ ᠬᠢᠯᠡ ᠃
ᠪᠢ ᠦᠯᠡᠳᠡᠭᠰᠡᠨ ᠰᠢᠬᠢᠷ ᠢ᠋ᠶ᠋ᠡᠨ ᠵᠠᠳᠠᠯᠵᠤ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠭᠡᠳ ᠬᠦᠯᠬᠦᠬᠦ ᠵᠠᠭᠤᠷᠠ᠄《 ᠠᠮᠠ ᠰᠦᠷᠡᠬᠡᠢ ᠴᠠᠩᠭᠠᠵᠤ ᠪᠠᠢᠨᠠ ᠃ ᠶᠠᠭᠤᠮᠠ ᠣᠯᠵᠤ ᠤᠤᠭᠤᠮᠠᠷ ᠭᠠᠵᠠᠷ ᠪᠠᠢᠨᠠ ᠤᠤ 》ᠭᠡᠵᠦ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠲᠡᠷᠡ ᠬᠥᠮᠦᠨ᠄
- ᠮᠠᠨ ᠤ᠋ ᠬᠢ ᠡᠨᠡᠦᠬᠡᠨ ᠲᠣᠯᠣᠭᠠᠢ ᠶ᠋ᠢᠨ ᠴᠠᠭᠠᠨᠠ ᠪᠣᠢ ᠂ ᠣᠴᠢᠪᠠᠯ ᠬᠦᠢᠲᠡᠨ ᠶᠠᠭᠤᠮᠠ ᠪᠠᠢᠬᠤ ᠯᠠ ᠪᠠᠢᠬᠤ ᠳᠠ ᠃ ᠪᠠᠰᠠ ᠲᠡᠭᠡᠭᠡᠳ ᠵᠠᠮ ᠵᠠᠰᠠᠪᠤᠷᠢ ᠶ᠋ᠢᠨ ᠠᠵᠢᠯᠴᠢᠳ ᠣᠷᠣᠢ ᠢᠷᠡᠨᠡ ᠂ ᠲᠡᠳᠡᠨ ᠡᠴᠡ ᠪᠧᠨ᠋ᠽᠢᠨ ᠴᠦ᠍ ᠣᠯᠳᠠᠵᠤ ᠶᠠᠭᠤ ᠮᠠᠭᠠᠳ ᠭᠡᠯᠡ ᠃
ᠢᠩᠭᠢᠭᠡᠳ ᠪᠢ ᠳᠤᠭᠤᠢ ᠪᠠᠨ ᠲᠦᠯᠬᠢᠵᠦ ᠲᠡᠭᠦᠨ ᠢ᠋ ᠳᠠᠭᠠᠵᠤ ᠶᠠᠪᠤᠯᠠ ᠃ ᠵᠠᠮ ᠳ᠋ᠤ᠌ ᠪᠠᠨ ᠬᠦᠨᠳᠦ ᠳᠤᠭᠤᠢ ᠲᠦᠯᠬᠢᠨ ᠶᠠᠳᠠᠷᠠᠵᠤ ᠶᠠᠪᠤᠭᠠ ᠶ᠋ᠢ ᠮᠢᠨᠢ ᠬᠠᠷᠠᠭᠠᠳ ᠲᠡᠷᠡ ᠬᠥᠮᠦᠨ ᠥᠷᠥᠭᠡᠰᠦᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠮᠡᠭᠡᠯ ᠡᠴᠡ ᠨᠢ ᠪᠠᠷᠢᠵᠤ ᠲᠦᠯᠬᠢᠨ ᠲᠤᠰᠠᠯᠠᠪᠠ ᠃ ᠬᠥᠯᠥᠰᠥ ᠵᠣᠭᠰᠣᠭᠠ ᠵᠢᠯᠣᠭᠣ ᠦᠭᠡᠢ ᠠᠰᠬᠠᠷᠠᠨ ᠤᠷᠤᠰᠴᠤ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠬᠥᠮᠦᠨ ᠦ᠌ ᠮᠠᠩᠨᠠᠢ ᠳ᠋ᠤ᠌ ᠬᠥᠯᠥᠰᠥ ᠳᠠᠭᠠᠪᠤᠷᠯᠠᠭᠰᠠᠨ ᠴᠤ᠌ ᠰᠢᠨᠵᠢ ᠦᠭᠡᠢ ᠰᠡᠪᠡᠯᠵᠡᠲᠡᠯᠡ ᠠᠯᠬᠤᠨ ᠶᠠᠪᠤᠵᠤ ᠪᠢᠯᠡ ᠃
ᠬᠣᠶᠠᠷ
ᠵᠠᠮ ᠵᠠᠰᠠᠪᠤᠷᠢ ᠶ᠋ᠢᠨ ᠠᠵᠢᠯᠴᠢᠳ ᠢᠷᠡᠭᠰᠡᠨ ᠦᠭᠡᠢ ᠃ ᠲᠡᠭᠡᠭᠡᠳ ᠪᠢ ᠲᠡᠨᠳᠡ ᠨᠢ ᠤᠨᠲᠠᠬᠤ ᠪᠣᠯᠤᠯᠠ ᠃ ᠮᠢᠨᠦ ᠰᠢᠨᠡ ᠲᠠᠨᠢᠯ ᠤ᠋ᠨ ᠨᠡᠷᠡ ᠶᠢ ᠳᠣᠷᠵᠢ ᠭᠡᠳᠡᠭ ᠠᠵᠠᠢ ᠃ ᠲᠡᠷᠡ ᠪᠣᠯ ᠵᠠᠮ ᠤ᠋ᠨ ᠡᠷᠭᠢᠭᠦᠯ ᠠᠵᠢᠯᠴᠢᠳ ᠪᠥᠭᠡᠳ ᠲᠡᠭᠦᠨ ᠦ᠌ ᠭᠡᠷ ᠪᠣᠯᠤᠭᠰᠠᠨ ᠵᠢᠵᠢᠭ ᠲᠠᠰᠤᠯᠭᠠᠨ ᠳ᠋ᠤ᠌ ᠬᠣᠶᠠᠷ ᠣᠷᠣ ᠂ ᠨᠢᠭᠡ ᠬᠠᠭᠤᠴᠢᠨ ᠠᠪᠳᠠᠷᠠ ᠂ ᠬᠣᠶᠠᠷ ᠴᠧᠮᠤᠳᠠᠨ ᠂ ᠥᠪᠡᠷ ᠢ᠋ᠶ᠋ᠡᠨ ᠬᠢᠭᠰᠡᠨ ᠪᠣᠯᠤᠯᠲᠠᠢ ᠭᠤᠷᠪᠠᠨ ᠮᠤᠬᠤᠷ ᠰᠠᠨᠳᠠᠯᠢ ᠠ᠋ᠴᠠ ᠥᠭᠡᠷᠡ ᠬᠣᠭᠰᠢᠯ ᠦᠭᠡᠢ ᠪᠠᠢᠨᠠ ᠃ ᠮᠣᠩᠭᠣᠯᠴᠤᠳ ᠪᠡᠯᠡᠨ ᠪᠠᠢᠭᠠ ᠶᠠᠭᠤᠮᠠ ᠪᠠᠷ ᠢ᠋ᠶ᠋ᠠᠨ ᠳᠠᠢᠯᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠣᠯᠬᠣᠷ ᠲᠡᠷᠡ ᠣᠷᠣᠢ ᠳᠣᠷᠵᠢ ᠭᠤᠸᠠᠢ ᠵᠢᠵᠢᠭᠬᠡᠨ ᠭᠤᠨᠵᠤᠭᠤᠷ ᠪᠣᠷᠴᠠ ᠬᠥᠰᠬᠥᠯᠡᠨ ᠴᠠᠭᠠᠨ ᠪᠤᠳᠠᠭᠠ ᠬᠠᠶᠠᠯᠠᠵᠤ ᠬᠣᠭᠣᠯᠠ ᠬᠢᠪᠡ ᠃ ᠬᠣᠭᠣᠯᠠᠨ ᠳᠡᠭᠡᠷᠡ ᠪᠡᠨ ᠪᠢ ᠬᠥᠳᠡᠭᠡ ᠪᠠᠢᠳᠠᠭ ᠠᠬᠠ ᠳ᠋ᠤ᠌ ᠪᠠᠨ ᠥᠭᠬᠦ ᠭᠡᠵᠦ ᠬᠣᠲᠠ ᠠ᠋ᠴᠠ ᠠᠪᠴᠤ ᠭᠠᠷᠤᠭᠰᠠᠨ ᠠᠷᠢᠬᠢ ᠪᠠᠨ ᠵᠠᠳᠠᠯᠪᠠ ᠃ ᠳᠣᠷᠵᠢ ᠭᠤᠸᠠᠢ ᠨᠡᠯᠢᠶᠡᠳ ᠬᠠᠯᠠᠵᠤ ᠠᠮᠠ ᠴᠠᠢᠷᠠᠨ ( ᠦᠭᠡ ᠣᠯᠠᠳᠠᠬᠤ ᠌) ᠠᠮᠢᠳᠤᠷᠠᠯ ᠤᠨ ᠢ᠋ᠶ᠋ᠠᠨ ᠲᠡᠦᠬᠡ ᠶ᠋ᠢ ᠶᠠᠷᠢᠯᠠ ᠃
- ᠪᠢ ᠬᠠᠯᠠ ᠦᠵᠡᠵᠦ ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠭᠰᠠᠨ ᠬᠥᠮᠦᠨ ᠃ ᠠᠪᠤ᠋ ᠶ᠋ᠢᠨ ᠬᠦᠦ ᠤᠨᠠᠳᠠᠭ ᠴᠤ᠌ ᠶᠤᠮ ᠂ᠳᠠᠪᠠᠳᠠᠭ ᠴᠤ᠌ ᠶᠤᠮ ᠭᠡᠳᠡᠭ ᠃ ᠮᠢᠨᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠤᠨᠠᠬᠤ ᠯᠠ ᠢᠯᠡᠭᠦᠦ ᠪᠠᠢᠭᠰᠠᠨ ᠶᠤᠮ ᠃ ᠬᠣᠷᠸᠠ ᠳᠡᠭᠡᠷᠡ ᠬᠥᠮᠦᠨ ᠰᠢᠭ ᠲᠡᠰᠪᠦᠷᠢᠲᠡᠢ ᠠᠮᠢᠲᠠᠨ ᠪᠠᠢᠳᠠᠭ ᠦᠭᠡᠢ ᠪᠣᠯᠬᠣᠷ ᠤᠴᠠᠷᠠᠭᠰᠠᠨ ᠪᠦᠬᠦ ᠵᠣᠪᠠᠯᠠᠩ ᠢ᠋ ᠲᠡᠰᠦᠭᠡᠳ ᠥᠩᠭᠡᠷᠡᠭᠦᠯᠦᠭᠰᠡᠨ ᠬᠥᠮᠦᠨ ᠳᠠ ᠪᠢ ᠃ ᠠᠮᠢᠳᠤᠷᠠᠯ ᠤ᠋ᠨ ᠮᠢᠨᠢ ᠨᠣᠶᠠᠨ ᠨᠢᠷᠤᠭᠤ ᠣᠯᠠᠨ ᠳᠠᠬᠢᠨ ᠬᠤᠭᠤᠷᠠᠭᠰᠠᠨ ᠪᠣᠯᠪᠠᠴᠤ ᠨᠥᠬᠥᠳ ᠦ᠋ᠨ ᠢ᠋ᠶ᠋ᠡᠨ ᠲᠤᠰᠠᠯᠠᠮᠵᠢ ᠪᠠᠷ ᠵᠠᠯᠭᠠᠵᠤ ᠪᠣᠭᠣᠭᠰᠠᠭᠠᠷ ᠣᠳᠣ ᠬᠦᠷᠦᠭᠰᠡᠨ ᠃ ᠪᠢ ᠤᠭ ᠨᠢ ᠥᠪᠥᠷᠬᠠᠩᠭᠠᠢ ᠠᠢᠮᠠᠭ ᠤ᠋ᠨ ᠬᠥᠮᠦᠨ ᠃ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠭᠤᠴᠢᠨ ᠣᠨ ᠳ᠋ᠤ᠌ ᠴᠡᠷᠢᠭ ᠲᠦ᠍ ᠂ ᠬᠣᠷᠢᠨ ᠨᠢᠭᠡ ᠨᠠᠰᠤᠲᠠᠢ ᠰᠢᠪ ᠭᠡᠰᠡᠨ ᠡᠷᠡ ᠲᠠᠲᠠᠭᠳᠠᠵᠤ ᠢᠷᠡᠭᠡᠳ ᠬᠣᠶᠠᠷ ᠵᠢᠯ ᠪᠣᠯᠵᠤ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠣᠷᠣᠵᠤ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠭᠤᠴᠢᠨ ᠲᠠᠪᠣᠨ ᠣᠨ ᠳ᠋ᠤ᠌ ᠲᠡᠭᠦᠰᠦᠯᠡ ᠃ ᠲᠡᠭᠡᠭᠡᠳ ᠭᠣᠪᠢ ᠳ᠋ᠤ᠌ ᠌᠌᠁ ᠳ᠋ᠤᠭᠠᠷ ᠳ᠋ᠧᠸᠢᠴᠢ ᠳ᠋ᠦ᠍ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠠᠷ ᠠᠵᠢᠯᠯᠠᠬᠤ ᠲᠤᠰᠢᠶᠠᠯ ᠠᠪᠤᠭᠠᠳ ᠨᠤᠲᠤᠭ ᠲᠤ᠌ ᠪᠠᠨ ᠶᠠᠪᠤᠵᠤ ᠨᠢᠭᠡ ᠰᠠᠷᠠ ᠠᠮᠠᠷᠠᠬᠤ ᠪᠣᠯᠤᠯᠠ ᠃ ᠰᠢᠨᠡᠬᠡᠨ ᠳᠠᠷᠤᠭᠠ ᠪᠣᠯᠤᠭᠰᠠᠨ ᠢ᠋ ᠬᠡᠯᠡᠬᠦ ᠦᠦ ᠂ ᠣᠯᠠᠨ ᠵᠢᠯ ᠬᠠᠷᠢᠭᠠ ᠦᠭᠡᠢ ᠶ᠋ᠢ ᠴᠦ᠍ ᠬᠡᠯᠡᠬᠦ ᠦᠦ ᠂ ᠮᠣᠷᠳᠠᠬᠤ ᠳ᠋ᠤ᠌ ᠬᠥᠳᠡᠯᠦᠭᠰᠡᠨ ᠲᠣᠭᠣᠰᠣ ᠲᠠᠲᠠᠷᠠᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠭᠠᠳᠠᠭᠠ ᠪᠠᠭᠤᠵᠤ ᠪᠠᠢᠯᠠ ᠃ ᠬᠥᠭᠰᠢᠨ ᠡᠬᠡ ᠶ᠋ᠢ ᠪᠡᠨ ᠡᠷᠭᠢᠬᠦ ᠂ ᠴᠡᠷᠢᠭ ᠲᠦ᠍ ᠶᠠᠪᠤᠬᠤ ᠶ᠋ᠢᠨ ᠡᠮᠦᠨᠡ ᠰᠠᠭᠤᠨᠠ ᠭᠡᠵᠦ ᠶᠠᠷᠢᠯᠴᠠᠭᠰᠠᠨ ᠳᠣᠯᠵᠢᠨ ᠭᠡᠳᠡᠭ ᠨᠤᠲᠤᠭ ᠤ᠋ᠨ ᠪᠦᠰᠡᠭᠦᠢ ᠲᠡᠢ ᠰᠠᠭᠤᠬᠤ ᠪᠣᠳᠣᠯ ᠲᠠᠢ ᠯᠠ ᠬᠠᠷᠢᠭᠰᠠᠨ ᠬᠥᠮᠦᠨ ᠶᠦ᠍ᠮ ᠰᠠᠨ ᠃
ᠭᠡᠷ ᠲᠦ᠍ ᠪᠡᠨ ᠨᠢᠭᠡ ᠬᠣᠨᠣᠭᠠᠳ ᠮᠠᠷᠭᠠᠰᠢ ᠨᠢ ᠨᠠᠢᠵᠠ ᠶ᠋ᠢᠨ ᠢ᠋ᠶ᠋ᠡᠨ ᠵᠢᠷᠣᠭᠠ ᠮᠤᠷᠢ ᠵᠢ ᠬᠥᠩᠭᠡᠨ ᠬᠡᠷᠡᠭᠰᠡᠯ ᠲᠡᠢ ᠂ ᠨᠣᠭᠣᠭᠠᠨ ᠭᠥᠯᠢᠮ ᠲᠡᠢ ᠡᠮᠡᠭᠡᠯ ᠲᠡᠢ ᠨᠢ ᠭᠤᠶᠤᠵᠤ ᠂ ᠴᠣ ᠰᠢᠨᠡ ᠳᠠᠷᠤᠭᠠ ᠬᠤᠪᠴᠠᠰᠤ ᠡᠮᠦᠰᠴᠦ ᠨᠠᠭᠠᠨ ᠫᠤᠤ ( ᠬᠦᠷᠳᠦ ᠲᠡᠢ ᠭᠠᠷ ᠫᠤᠤ ) ᠰᠤᠮᠤᠯᠠᠵᠤ ᠵᠡᠭᠦᠭᠡᠳ ᠳᠤᠯᠵᠢᠨ ᠤ᠋ ᠳ᠋ᠤ᠌ ᠣᠴᠢᠯᠠ ᠭᠡᠵᠦ ᠬᠡᠯᠡᠭᠡᠳ ᠳᠣᠷᠵᠢ ᠭᠤᠸᠠᠢ ᠬᠥᠭᠵᠢᠯᠲᠡᠢ ᠢᠨᠢᠶᠡᠭᠰᠡᠨ ᠢ᠋ᠶ᠋ᠡᠨ ᠲᠣᠯᠣᠭᠠᠢ ᠪᠠᠨ ᠠᠯᠭᠤᠷᠬᠠᠨ ᠰᠠᠵᠢᠯᠠᠵᠤ᠄
- ᠰᠤᠮᠤ ᠲᠠᠢ ᠨᠠᠭᠠ ᠪᠠᠨ ᠵᠡᠭᠦᠵᠦ ᠬᠥᠮᠦᠨ ᠦ᠌ ᠮᠣᠷᠢ ᠂ ᠡᠮᠡᠭᠡᠯ ᠢ᠋ᠶ᠋ᠡᠷ ᠭᠣᠶᠣᠯᠠᠵᠤ ᠶᠠᠪᠤᠳᠠᠭ ᠴᠢᠨᠢ ᠵᠠᠯᠠᠭᠤ ᠶ᠋ᠢᠨ ᠡᠪᠡᠳᠴᠢᠨ ᠰᠢᠦ ᠳᠠ ᠭᠡᠳ ᠬᠡᠰᠡᠭ ᠵᠠᠭᠤᠷᠠ ᠳᠠᠭᠤ ᠦᠭᠡᠢ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠡᠳ ᠄
- ᠵᠠᠮ ᠳ᠋ᠤ᠌ ᠳᠠᠭᠠᠷᠢᠯᠳᠤᠭᠰᠠᠨ ᠨᠤᠲᠤᠭ ᠤ᠋ᠨ ᠬᠥᠮᠦᠰ ᠦ᠋ᠨ《 ᠮᠥᠨ ᠰᠠᠢᠬᠠᠨ ᠳᠠᠷᠤᠭᠠ ᠪᠣᠯᠵᠠᠢ ᠳᠠ 》᠂《 ᠶᠣᠰᠣᠲᠠᠢ ᠨᠢᠭᠡ ᠬᠡᠢᠮᠣᠷᠢ ᠲᠠᠢ ᠶᠠᠪᠤᠨᠠ 》ᠭᠡᠳ ᠱᠠᠭᠰᠢᠨ ᠮᠠᠭᠲᠠᠬᠤ ᠳ᠋ᠤ᠌ ᠨᠢ ᠲᠡᠪᠬᠡᠯᠵᠡᠭᠰᠡᠨ ᠰᠡᠳᠬᠢᠯ ᠮᠢᠨᠢ ᠶᠣᠰᠣᠲᠠᠢ ᠨᠢᠰᠬᠦ ᠰᠢᠬᠠᠵᠤ ᠪᠠᠢᠯᠠ ᠃ ᠳᠤᠯᠵᠢᠨ ᠤ᠋ ᠭᠠᠳᠠᠭᠠ ᠪᠠᠭᠤᠬᠤ ᠳ᠋ᠤ᠌ ᠲᠡᠷᠡ ᠨᠣᠬᠠᠢ ᠪᠠᠨ ᠬᠣᠷᠢᠵᠤ ᠥᠭᠪᠡ ᠃ ᠬᠠᠵᠠᠭᠤ ᠳ᠋ᠤ᠌ ᠨᠢ ᠣᠴᠢᠭᠠᠳ ᠮᠡᠨᠳᠦ ᠤᠰᠤ ᠴᠤ᠌ ᠦᠭᠡᠢ ᠂ ᠰᠢᠭᠤᠳ ᠯᠠ ᠄ 《 ᠪᠢ ᠴᠢᠮᠠ ᠶ᠋ᠢ ᠠᠪᠠᠴᠢᠬᠤ ᠭᠡᠵᠦ ᠢᠷᠡᠭᠰᠡᠨ ᠃ ᠤᠳᠠᠬᠤ ᠦᠭᠡᠢ ᠬᠣᠶᠠᠭᠤᠯᠠ ᠪᠠᠨ ᠶᠠᠪᠤᠨᠠ ᠳᠠ ᠃ ᠶᠠᠭᠤᠮᠠ ᠪᠠᠨ ᠪᠡᠯᠡᠳᠬᠡᠬᠦ ᠬᠡᠷᠡᠭᠲᠡᠢ 》ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍ ᠳᠣᠯᠵᠢᠨ ᠨᠠᠳᠠ ᠥᠭᠡᠳᠡ ᠭᠠᠢᠬᠠᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠲᠥᠪ ᠳᠠᠭᠤ ᠪᠠᠷ ᠄《 ᠰᠠᠢᠨ ᠶᠠᠪᠤᠵᠤ ᠢᠷᠡᠪᠡ ᠤᠤ ?》 ᠭᠡᠪᠡ ᠃
ᠢᠴᠢᠬᠦ ᠵᠣᠪᠠᠬᠤ ᠬᠣᠶᠠᠷ ᠰᠡᠳᠬᠢᠯ ᠳ᠋ᠦ᠍ ᠳᠠᠪᠬᠤᠴᠠᠵᠤ ᠬᠡᠯᠡᠬᠦ ᠦᠭᠡ ᠪᠡᠨ ᠣᠯᠵᠤ ᠶᠠᠳᠠᠨ ᠂ ᠨᠢᠭᠤᠷ ᠮᠢᠨᠢ ᠤᠯᠠᠢᠭᠠᠳ ᠵᠥᠪᠬᠡᠨ《 ᠰᠠᠢᠨ 》ᠭᠡᠵᠦ ᠬᠡᠯᠡᠭᠡᠳ ᠭᠡᠷ ᠲᠦ᠍ ᠨᠢ ᠣᠷᠣᠯᠠ ᠃ ᠵᠠ ᠲᠡᠭᠡᠭᠡᠳ ᠯᠡ ᠣᠷᠣᠮᠠᠭᠴᠠ ᠳᠤᠯᠵᠢᠨ ᠤ᠋ ᠡᠬᠡ ᠡᠴᠢᠭᠡ ᠬᠣᠶᠠᠷ ᠄《 ᠰᠠᠢᠬᠠᠨ ᠡᠷᠡ ᠪᠣᠯᠵᠠᠢ ᠳᠠ 》᠂《 ᠴᠣᠭ ᠵᠢᠪᠬᠤᠯᠠᠩ ᠪᠠᠳᠠᠷᠠᠭᠰᠠᠨ ᠂ ᠲᠣᠰᠣᠲᠠᠢ ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠰᠢ ᠦᠭᠡᠢ ᠳᠠᠷᠤᠭᠠ ᠪᠣᠯᠵᠠᠢ 》 ᠭᠡᠳ ᠯᠡ ᠮᠠᠭᠲᠠᠪᠠ ᠃ ᠳᠠᠷᠤᠭᠳᠠᠵᠤ ᠡᠬᠢᠯᠡᠭᠰᠡᠨ ᠰᠡᠳᠬᠢᠯ ᠰᠠᠭᠰᠠᠢᠵᠤ ᠫᠤᠤ ᠪᠠᠨ ᠡᠪᠦᠷ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠨ ᠂ ᠭᠡᠷ ᠦ᠋ᠨ ᠪᠠᠷᠠᠭᠤᠨ ᠬᠣᠢᠨᠠ ᠵᠠᠪᠢᠯᠠᠵᠤ ᠰᠠᠭᠤᠪᠠ ᠃ ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠴᠠᠢ ᠪᠤᠴᠠᠯᠵᠤ ᠂ ᠲᠡᠭᠦᠨ ᠦ᠌ ᠳᠠᠷᠠᠭᠠ ᠨᠠᠳᠠ ᠳ᠋ᠤ᠌ ᠵᠣᠷᠢᠭᠤᠯᠤᠨ ᠭᠠᠷᠭᠠᠭᠰᠠᠨ ᠲᠠᠷᠭᠤᠨ ᠬᠣᠨᠢᠨ ᠤ᠋ ᠮᠢᠬᠠ ᠪᠣᠯᠵᠤ ᠂ ᠬᠣᠷᠭᠣᠨ ᠠ᠋ᠴᠠ ᠠᠷᠠᠴᠠ ᠭᠠᠷᠭᠠᠨ ᠵᠣᠴᠢᠯᠠᠪᠠ ᠃ ᠢᠳᠡᠵᠦ ᠤᠤᠭᠤᠵᠤ ᠪᠠᠢᠬᠤ ᠵᠠᠭᠤᠷᠠ ᠳᠤᠯᠵᠢᠨ ᠤ᠋ ᠠᠪᠤ᠋ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠦᠵᠡᠳᠡᠭ ᠬᠢᠴᠢᠶᠡᠯ ᠡᠴᠡ ᠡᠬᠢᠯᠡᠭᠡᠳ ᠯᠡ ᠨᠠᠭᠠᠨ ᠫᠤᠤ ᠬᠡᠳᠦ ᠦᠰᠦᠷᠳᠡᠭ ( ᠰᠤᠮᠤ ᠬᠠᠷᠪᠤᠵᠤ ᠭᠠᠷᠬᠤ ᠶ᠋ᠢ ᠬᠡᠯᠡᠵᠡᠢ ) ᠂ ᠬᠡᠳᠦᠨ ᠠᠯᠲᠠ ᠭᠠᠵᠠᠷ ᠲᠣᠰᠳᠠᠭ ᠢ᠋ ᠬᠦᠷᠲᠡᠯᠡ ᠠᠰᠠᠭᠤᠪᠠ ᠃
- ᠦᠭᠡ ᠣᠯᠠᠳᠠᠵᠤ ᠦᠬᠡᠷ ᠬᠣᠯᠠᠳᠠᠵᠤ ᠪᠠᠢᠨᠠ ᠃ ᠴᠢ ᠨᠥᠭᠥᠭᠡ ᠤᠰᠤᠨ ᠤ᠋ ᠲᠡᠮᠡᠭᠡ ᠠᠪᠴᠢᠷᠠᠭᠠᠴᠢ ᠭᠡᠵᠦ ᠠᠪᠠᠭᠠᠢ ᠶ᠋ᠢᠨ ᠬᠡᠯᠡᠬᠦ ᠳ᠋ᠦ᠍ ᠡᠪᠦᠭᠡᠨ ᠤᠴᠠᠭᠠᠷᠯᠠᠩᠭᠤᠢ ᠳᠠᠭᠤ ᠪᠠᠷ ᠄
- ᠪᠠᠢᠵᠤ ᠪᠠᠢ ᠯᠠ ᠳᠠ ᠂ ᠴᠢᠬᠤᠯᠠ ᠯᠠ ᠶᠠᠭᠤᠮᠠ ᠶᠠᠷᠢᠵᠤ ᠪᠠᠢᠨᠠ ᠭᠡᠪᠡ ᠃ ᠠᠪᠠᠭᠠᠢ ᠰᠢᠭᠤᠳ ᠢᠷᠡᠵᠦ ᠡᠪᠦᠭᠡᠨ ᠦ᠌ ᠮᠥᠷᠦᠨ ᠳᠡᠭᠡᠷᠡ ᠡᠴᠡ ᠵᠥᠭᠡᠯᠡᠨ ᠲᠠᠲᠠᠵᠤ ᠄
- ᠴᠢ ᠪᠤᠰᠢᠭᠤᠬᠠᠨ ᠶᠠᠪᠤᠭᠠᠳ ᠢᠷᠡ ᠳᠠ ᠭᠡᠬᠦ ᠳ᠋ᠦ᠍ ᠡᠪᠦᠭᠡᠨ ᠳᠤᠷᠠ ᠲᠠᠢ ᠳᠤᠷᠠ ᠦᠭᠡᠢ ᠪᠣᠰᠴᠤ ᠄
- ᠶᠠᠷᠢᠶᠠ ᠬᠥᠮᠦᠨ ᠢ᠋ ᠱᠠᠭᠠᠵᠠᠭᠠᠢ ᠭᠡᠳᠡᠭ ᠂ ᠶᠠᠭᠠᠷᠠᠤ ᠬᠥᠮᠦᠨ ᠢ᠋ ᠴᠢᠪᠠᠭᠠᠭᠴᠠ ᠭᠡᠳᠡᠭ ᠦᠨᠡᠨ ᠰᠢᠦ ᠭᠡᠳ ᠬᠥᠭᠵᠢᠯᠲᠡᠢ ᠢᠨᠢᠶᠡᠭᠰᠡᠨ ᠢ᠋ᠶ᠋ᠡᠨ ᠄ 《 ᠵᠠ ᠂ ᠬᠦᠦ ᠮᠢᠨᠢ ᠪᠢ ᠤᠳᠠᠬᠤ ᠦᠭᠡᠢ ᠢᠷᠡᠨᠡ ᠃ ᠲᠡᠭᠡᠭᠡᠳ ᠯᠡ ᠲᠠᠪᠠᠲᠠᠢ ᠶᠠᠷᠢᠶᠠ 》ᠭᠡᠳ ᠭᠠᠷᠤᠯᠠ ᠃
ᠳᠤᠯᠵᠢᠨ ᠤ᠋ ᠡᠬᠡ ᠠᠷᠭᠠᠯ ᠲᠡᠭᠦᠬᠦ ᠪᠡᠷ ᠭᠠᠷᠴᠤ ᠣᠳᠪᠠ ᠃ ᠪᠣᠳᠣᠪᠠᠯ ᠪᠢᠳᠠ ᠬᠣᠶᠠᠷ ᠢ᠋ ᠶᠠᠷᠢᠭ ᠭᠡᠰᠡᠨ ᠪᠠᠢᠬᠤ ᠳᠠ ᠃ ᠲᠡᠳᠡᠨ ᠢ᠋ ᠭᠠᠷᠤᠭᠰᠠᠨ ᠠ᠋ᠴᠠ ᠬᠣᠢᠰᠢ ᠂ ᠳᠣᠯᠵᠢᠨ ᠪᠢᠳᠡᠨ ᠬᠣᠶᠠᠷ ᠪᠡᠶᠡ ᠪᠡᠶᠡ ᠪᠡᠨ ᠰᠢᠷᠲᠡᠯᠴᠡᠨ ᠬᠡᠰᠡᠭ ᠳᠠᠭᠤ ᠦᠭᠡᠢ ᠰᠠᠭᠤᠯᠠ ᠃ ᠲᠡᠭᠡᠭᠡᠳ ᠪᠢ ᠠᠮᠢᠰᠬᠤᠭᠠ ᠪᠠᠨ ᠰᠠᠢᠨ ᠭᠡᠭᠴᠢ ᠲᠠᠲᠠᠭᠠᠳ ᠄
- ᠵᠠ ᠪᠢ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠪᠣᠯᠤᠭᠰᠠᠨ ᠃ ᠭᠣᠪᠢ ᠳ᠋ᠤ᠌ ᠣᠴᠢᠵᠤ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠠᠷ ᠁ ᠭᠡᠲᠡᠯᠡ ᠄
- ᠮᠣᠷᠳᠠᠭᠠᠳ ᠶᠠᠪᠤᠵᠤ ᠪᠠᠢᠭᠰᠠᠨ ᠴᠢᠨᠢ ᠴᠢᠮᠠ ᠠ᠋ᠴᠠ ᠨᠢᠭᠡ ᠶᠠᠭᠤᠮᠠ ᠠᠰᠠᠭᠤᠬᠤ ᠯᠠ ᠦᠭᠡᠢ ᠲᠤᠩ ᠪᠣᠯᠬᠤ ᠦᠭᠡᠢ ᠰᠠᠨᠠᠭᠳᠠᠭᠠᠳ ᠲᠡᠰᠴᠦ ᠶᠠᠳᠠᠬᠤ ᠳ᠋ᠤ᠌ ᠪᠠᠨ ᠪᠤᠴᠠᠵᠤ ᠢᠷᠡᠯᠡ ᠭᠡᠭᠰᠡᠭᠡᠷ ᠳᠣᠯᠵᠢᠨ ᠤ᠋ ᠠᠪᠤ᠋ ᠣᠷᠣᠵᠤ ᠢᠷᠡᠭᠡᠳ ᠳᠡᠷᠭᠡᠳᠡ ᠮᠢᠨᠢ ᠵᠣᠭᠰᠣᠵᠤ ᠄《 ᠳᠣᠷᠵᠢ ᠮᠢᠨᠢ ᠦᠬᠡᠷ ᠫᠤᠤ ᠬᠡᠳᠦ ᠦᠰᠦᠷᠳᠡᠭ ᠢ᠋ ᠬᠡᠯᠡᠭᠡᠳ ᠠᠯᠢ 》ᠭᠡᠪᠡ ᠃
- ᠶᠡᠬᠡᠩᠬᠢ ᠨᠢ ᠨᠢᠭᠡ ᠦᠰᠦᠷᠡᠳᠡᠭ ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠲᠦᠷᠭᠡᠨ ᠫᠤᠤᠳᠠᠳᠠᠭ ᠲᠤᠰᠬᠠᠢ ᠣᠨᠢᠰᠣᠲᠠᠢ ᠶᠡᠬᠡ ᠫᠤᠤ ᠭᠠᠷᠤᠭᠰᠠᠨ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ ᠃
- ᠤᠤᠬᠠᠢ ᠳᠠ ᠂ ᠮᠥᠨ ᠳᠠ ᠌! ᠲᠦᠷᠭᠡᠨ ᠫᠤᠤᠳᠠᠳᠠᠭ ᠭᠡᠰᠡᠨ ᠴᠢᠨᠢ ᠣᠯᠠᠨ ᠦᠰᠦᠷᠳᠡᠭ ᠭᠡᠰᠡᠨ ᠦᠭᠡ ᠰᠢᠦ ᠳᠠ ᠃ ᠤᠤᠬᠠᠢ ᠳᠠ ᠂ ᠮᠥᠨ ᠳᠠ ! ᠳᠤᠰᠤᠭᠠᠯ ᠨᠢ ᠥᠷᠲᠡᠭᠡ ᠪᠠᠷ ᠯᠠ ᠶᠠᠷᠢᠨᠠ ᠪᠢᠵᠡ ᠳᠠ ᠁ ᠭᠡᠵᠦ ᠬᠡᠯᠡᠲᠡᠯᠡ ᠭᠠᠳᠠᠨᠠ ᠠ᠋ᠴᠠ ᠣᠷᠣᠵᠤ ᠢᠷᠡᠭᠰᠡᠨ ᠠᠪᠠᠭᠠᠢ ᠨᠢ ᠄
- ᠦᠭᠡᠢ ᠴᠢ ᠴᠢᠨᠢ ᠶᠠᠭᠤ ᠪᠣᠯᠤᠭᠠᠳ ᠪᠤᠴᠠᠵᠤ ᠢᠷᠡᠪᠡ ᠳᠠ ᠭᠡᠰᠡᠨ ᠳ᠋ᠦ᠍ ᠡᠪᠦᠭᠡᠨ ᠳᠠᠯᠤ ᠪᠠᠨ ᠭᠡᠮᠰᠢᠯᠲᠡᠢ ᠪᠡᠷ ᠬᠠᠪᠴᠢᠭᠰᠠᠨ ᠢ᠋ᠶ᠋ᠠᠨ ᠵᠠᠯᠢᠲᠠᠢ ᠨᠢᠳᠦ ᠪᠡᠷ ᠢᠨᠢᠶᠡᠮᠰᠦᠭᠯᠡᠵᠦ ᠨᠠᠳᠠ ᠥᠭᠡᠳᠡ ᠢᠷᠮᠡᠭᠡᠳ ᠄《 ᠭᠤᠨᠠᠨ ᠫᠤᠤ ( ᠨᠢᠭᠡ ᠵᠦᠢᠯ ᠦ᠋ᠨ ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠭᠠᠯᠲᠤ ᠫᠤᠤ 》 ᠬᠡᠳᠦ ᠦᠰᠦᠷᠳᠡᠭ ᠶᠦ᠍ᠮ ᠪᠣᠢ ?》ᠭᠡᠵᠦ ᠰᠢᠪᠡᠨᠡᠨ ᠠᠰᠠᠭᠤᠪᠠ ᠃
- ᠶᠠᠭᠤᠨ ᠤ᠋ ᠴᠢᠨᠢ ᠭᠤᠨᠠ ᠪᠣᠢ ᠂ ᠰᠢᠷᠠ ᠲᠠᠢᠯᠤᠭ ᠠᠪᠤᠭᠠᠳ ᠢᠷᠡ ᠭᠡᠵᠦ ᠠᠪᠠᠭᠠᠢ ᠨᠢ ᠬᠡᠯᠡᠬᠦ ᠳ᠋ᠦ᠍ ᠂ ᠡᠪᠦᠭᠡᠨ ᠄
- ᠮᠥᠨ ᠂ ᠬᠣᠯᠠ ᠳᠡᠩᠰᠡᠯᠵᠦ ᠪᠠᠢᠨᠠ ᠠ᠋ ! ᠭᠡᠳ ᠪᠦᠳᠦᠭᠦᠨ ᠳᠠᠭᠤ ᠪᠠᠷ ᠪᠠᠷᠴᠢᠭᠢᠨᠠᠭᠤᠯᠤᠨ ᠢᠨᠢᠶᠡᠭᠰᠡᠭᠡᠷ ᠭᠠᠷᠪᠠ ᠃
- ᠬᠦᠦ ᠮᠢᠨᠢ ᠴᠠᠭᠠᠳᠤᠬᠢ ᠴᠢᠨᠢ ᠨᠠᠰᠤ ᠠᠬᠢᠬᠤ ᠲᠤᠲᠤᠮ ᠦᠭᠡ ᠨᠢ ᠣᠯᠠᠨ ᠪᠣᠯᠤᠭᠠᠳ ᠯᠠ ᠂ ᠬᠣᠰᠢᠭᠤ ᠲᠥᠷᠥᠬᠦ ᠨᠢ ᠶᠡᠬᠡ ᠪᠣᠯᠵᠤ ᠪᠠᠢᠭᠠ ᠶᠤᠮ ᠃ ᠨᠥᠭᠥᠭᠡ ᠵᠥᠨᠥᠭᠯᠡᠬᠦ ᠭᠡᠳᠡᠭ ᠨᠢ ᠯᠡ ᠢᠷᠡᠵᠦ ᠪᠠᠢᠭᠠ ᠪᠣᠯᠤᠯᠲᠠᠢ ᠃ ᠵᠠ ᠪᠢ ᠴᠦ᠍ ᠠᠷᠭᠠᠯ ᠳ᠋ᠤ᠌ ᠪᠠᠨ ᠶᠠᠪᠤᠶᠠ ᠭᠡᠳ ᠠᠪᠠᠭᠠᠢ ᠭᠠᠷᠤᠭᠠᠳ ᠶᠠᠪᠤᠴᠢᠬᠠᠪᠠ ᠃
- ᠪᠢ ᠴᠢᠮᠠ ᠶ᠋ᠢ ᠠᠪᠠᠴᠢᠬᠤ ᠪᠠᠷ ᠢᠷᠡᠭᠰᠡᠨ ᠃ ᠬᠠᠮᠲᠤ ᠶᠠᠪᠤᠨᠠ ᠳᠠ ᠭᠡᠵᠦ ᠪᠢ ᠬᠡᠰᠡᠭ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠤ᠋ ᠪᠠᠨ ᠳᠠᠷᠠᠭᠠ ᠬᠡᠯᠡᠭᠰᠡᠨ ᠳ᠋ᠦ᠍ ᠳᠤᠯᠵᠢᠨ ᠨᠠᠳᠠ ᠶ᠋ᠢ ᠤᠳᠠᠭᠠᠨ ᠭᠡᠭᠴᠢ ᠠᠵᠢᠭᠯᠠᠨ ᠰᠢᠷᠲᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠄
- ᠴᠢᠮᠠ ᠶ᠋ᠢ ᠬᠠᠷᠠᠬᠤ ᠲᠣᠰᠤᠮ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠰᠢᠭ ᠪᠣᠯᠤᠭᠠᠳ ᠪᠠᠢᠨᠠ ᠃ ᠬᠥᠮᠦᠨ ᠦ᠌ ᠮᠣᠷᠢ ᠂ ᠡᠮᠡᠭᠡᠯ ᠢ᠋ᠶ᠋ᠡᠷ ᠭᠤᠶᠤᠭᠠᠳ ᠳᠠᠢᠳᠤᠬᠤ ᠭᠡᠵᠦ ᠪᠠᠢᠭᠠ ᠶᠤᠮ ᠰᠢᠭ᠋ ᠫᠤᠤ ᠵᠡᠪᠰᠡᠭ ᠠᠭᠰᠠᠵᠤ ᠢᠷᠡᠳᠡᠭ ᠨᠢ ᠶᠠᠭᠤ ᠪᠢᠯᠡ ᠳᠠ ᠃ ᠬᠥᠮᠦᠨ ᠳᠠᠷᠤᠤ ᠵᠠᠩ ᠲᠠᠢ ᠪᠠᠢᠪᠠᠯ ᠠᠶᠠᠲᠠᠢ ᠪᠠᠢᠳᠠᠭ ᠭᠡᠵᠦ ᠥᠭᠡᠳᠡ ᠡᠴᠡ ᠮᠢᠨᠢ ᠵᠢᠮᠡᠯᠡᠵᠦ ᠪᠢᠯᠡ ᠃
ᠨᠠᠳᠠ ᠳ᠋ᠤ᠌ ᠥᠪᠡᠷ ᠦ᠋ᠨ ᠪᠠᠢᠳᠠᠯ ᠢ᠋ ᠵᠥᠪᠲᠦᠭᠡᠬᠦ ᠦᠭᠡ ᠣᠯᠳᠠᠭᠰᠠᠨ ᠦᠭᠡᠢ ᠂ ᠠᠷᠭᠠ ᠪᠠᠷᠠᠭᠳᠠᠬᠤ ᠳ᠋ᠤ᠌ ᠪᠠᠨ ᠰᠢᠯᠢ ᠪᠡᠨ ᠮᠠᠭᠠᠵᠢᠨ ᠲᠠᠮᠠᠬᠢ ᠭᠠᠷᠭᠠᠵᠤ ᠂ ᠳᠤᠯᠵᠢᠨ ᠢ᠋ ᠲᠡᠳᠡ ᠭᠡᠰᠡᠨ ᠳ᠋ᠦ᠍ ᠲᠡᠷᠡ ᠮᠢᠨᠢ ᠪᠣᠲᠣᠭᠣᠨ ᠬᠠᠷᠠ ᠨᠢᠳᠦ ᠪᠡᠨ ᠲᠣᠷᠮᠣᠯᠵᠠᠭᠤᠯᠤᠨ ᠢᠨᠢᠶᠡᠮᠰᠦᠭᠯᠡᠵᠦ ᠄
- ᠪᠢ ᠶᠠᠮᠠᠷ ᠲᠠᠮᠠᠬᠢ ᠲᠠᠲᠠᠬᠤ ᠪᠢᠰᠢ ᠳ᠋ᠠ ᠂ ᠴᠢᠨᠦ ᠰᠡᠳᠬᠢᠯ ᠢ᠋ ᠪᠢ ᠣᠢᠯᠠᠭᠠᠵᠤ ᠯᠠ ᠪᠠᠢᠨᠠ ᠃ ᠰᠠᠶᠢᠬᠠᠨ ᠰᠤᠷᠭᠠᠭᠤᠯᠢ ᠲᠡᠭᠦᠰᠬᠡᠵᠦ ᠳᠠᠷᠤᠭᠠ ᠪᠣᠯᠤᠭᠰᠠᠨ ᠪᠣᠯᠬᠣᠷ ᠬᠥᠭᠡᠷᠴᠦ ᠪᠠᠢᠭᠠ ᠂ ᠬᠥᠭᠡᠷᠴᠦ ᠴᠦ᠍ ᠪᠣᠯᠤᠨᠠ ᠂ ᠬᠠᠷᠢᠨ ᠰᠠᠭᠰᠠᠢᠵᠤ ᠯᠠ ᠪᠣᠯᠬᠤ ᠦᠭᠡᠢ ᠂ ᠵᠢᠷᠭᠠᠬᠤ ᠦᠶᠡ ᠳ᠋ᠦ᠍ ᠰᠡᠷᠡᠮᠵᠢ ᠂ ᠵᠣᠪᠠᠬᠤ ᠦᠶᠡ ᠳ᠋ᠦ᠍ ᠬᠠᠲᠠᠭᠤᠵᠢᠯ ᠭᠡᠵᠦ ᠬᠠᠭᠤᠴᠢᠨ ᠦᠭᠡᠨ ᠳ᠋ᠦ᠍ ᠪᠠᠢᠳᠠᠭ ᠂ ᠨᠠᠭᠠᠳᠤᠬᠢ ᠲᠠᠮᠠᠬᠢ ᠪᠠᠨ ᠴᠠᠭᠠᠱᠢ ᠪᠠᠨ ᠬᠢᠭᠡᠴᠢ ᠭᠡᠪᠡ ᠃
ᠰᠠᠭᠰᠠᠭᠤ ᠯᠠᠩ ᠭᠠᠷᠭᠠᠭᠰᠠᠨ ᠳ᠋ᠤ᠌ ᠪᠠᠨ ᠪᠠᠭᠲᠠᠵᠤ ( ᠶᠠᠭᠠᠬᠢᠬᠤ ᠪᠠᠨ ᠣᠯᠬᠤ ᠦᠭᠡᠢ ᠰᠠᠨᠳᠤᠷᠬᠤ ) ᠭᠥᠯᠢᠷᠡᠭᠡᠳ ᠲᠠᠮᠠᠬᠢ ᠪᠠᠨ ᠳᠡᠯᠭᠡᠭᠰᠡᠨ ᠬᠡᠪᠲᠡᠵᠦ ᠪᠡᠷ ᠨᠢ ᠪᠠᠷᠢᠭᠰᠠᠨ ᠢ᠋ᠶ᠋ᠠᠨ ᠰᠠᠶᠢ ᠮᠡᠳᠡᠵᠦ ᠱᠠᠯᠠᠪᠬᠠᠨ ᠡᠪᠦᠷᠲᠦᠯᠡᠪᠡ ᠃ ᠳᠤᠯᠵᠢᠨ ᠤ᠋ ᠵᠠᠩ ᠢ᠋ ᠮᠡᠳᠡᠭᠰᠡᠭᠡᠷ ᠪᠠᠢᠵᠤ ᠂ ᠬᠥᠮᠦᠨ ᠦ᠌ ᠮᠣᠷᠢ ᠡᠮᠡᠭᠡᠯ ᠢ᠋ ᠭᠤᠶᠤᠵᠤ ᠫᠤᠤ ᠵᠡᠪᠰᠡᠭ ᠵᠡᠭᠦᠵᠦ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠪᠣᠳᠣᠬᠤ ᠳ᠋ᠤ᠌ ᠨᠠᠳᠠ ᠰᠢᠭ᠋ ᠮᠣᠩᠭᠢᠨᠠᠭᠤ ᠠᠮᠢᠲᠠᠨ ᠬᠣᠷᠸᠠ ᠳ᠋ᠤ᠌ ᠦᠭᠡᠢ ᠶᠦ᠍ᠮ ᠰᠢᠭ ᠰᠠᠨᠠᠭᠳᠠᠪᠠ ᠃ ᠳᠣᠯᠵᠢᠨ ᠰᠡᠳᠬᠢᠯ ᠢ᠋ ᠮᠢᠨᠢ ᠪᠦᠷᠢᠨ ᠡᠵᠡᠯᠡᠵᠦ ᠲᠡᠭᠦᠨ ᠢ᠋ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ ᠵᠡᠷᠭᠡᠴᠡᠭᠡ ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯ ᠤᠷᠭᠤᠵᠤ ᠳᠣᠯᠵᠢᠨ ᠦᠭᠡᠢ ᠪᠣᠯ ᠠᠮᠢᠳᠤᠷᠠᠯ ᠮᠢᠨᠢ ᠨᠠᠪᠴᠢ ᠴᠡᠴᠡᠭ ᠦᠭᠡᠢ ᠬᠤᠪᠬᠠᠢ ᠮᠣᠳᠣ ᠰᠢᠭ᠋ ᠪᠣᠯᠤᠨᠠ ᠭᠡᠵᠦ ᠪᠣᠳᠣᠭᠳᠠᠵᠤ ᠪᠠᠢᠯᠠ ᠃
ᠭᠤᠷᠪᠠ
- ᠬᠡᠳᠦᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠳᠤᠯᠵᠢᠨ ᠲᠠᠢ ᠰᠠᠭᠤᠵᠤ ᠬᠤᠷᠢᠮ ᠬᠢᠭᠡᠳ ᠪᠢᠳᠡ ᠬᠣᠶᠠᠷ ᠶᠠᠪᠤᠭᠰᠠᠨ ᠃ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠬᠢᠵᠠᠭᠠᠷ ᠦᠭᠡᠢ ᠬᠠᠢᠷᠠᠲᠠᠢ ᠂ ᠪᠠᠰᠠ ᠲᠡᠭᠡᠭᠡᠳ ᠳᠤᠯᠵᠢᠨ ᠮᠢᠨᠢ ᠳᠥᠷᠪᠡᠯᠵᠢᠨ ᠪᠤᠷᠠᠮ ᠰᠢᠭ᠋ ᠡᠪᠯᠢᠭ ᠵᠠᠩ ᠲᠠᠢ ᠬᠥᠮᠦᠨ ᠶᠦ᠍ᠮ ᠰᠠᠨ ᠃ ᠬᠥᠮᠦᠰ ᠰᠠᠢᠨ ᠭᠡᠷ ᠪᠦᠯᠢ ᠶ᠋ᠢᠨ ᠲᠤᠬᠠᠢ ᠶᠠᠷᠢᠬᠤ ᠳ᠋ᠤ᠌ ᠪᠢᠳᠡ ᠬᠣᠶᠠᠷ ᠤ᠋ᠨ ᠲᠤᠬᠠᠢ ᠵᠠᠪᠠᠯ ᠶᠠᠷᠢᠳᠠᠭ ᠪᠠᠢᠵᠤ ᠪᠢᠯᠡ ᠃ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠨᠠᠷ ᠦᠷᠭᠦᠯᠵᠢ ᠯᠡ ᠮᠠᠨ ᠤ᠋ ᠬᠢ ᠪᠡᠷ ᠴᠤᠭᠯᠠᠷᠠᠵᠤ ᠂ ᠪᠢᠳᠡ ᠣᠯᠤᠭᠰᠠᠨ ᠢ᠋ᠶ᠋ᠠᠨ ᠣᠯᠠᠨ ᠲᠠᠢ ᠬᠠᠮᠲᠤᠷᠠᠨ ᠤᠤᠭᠤᠵᠤ ᠢᠳᠡᠵᠦ ᠬᠥᠭᠵᠢᠯᠲᠡᠢ ᠱᠤᠤᠭᠢᠶᠠᠨᠲᠠᠢ ᠠᠮᠢᠳᠤᠷᠠᠵᠤ ᠪᠠᠢᠪᠠ ᠃ ᠪᠠᠰᠠ ᠳᠣᠯᠵᠢᠨ ᠮᠠᠨᠢ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠨᠠᠷ ᠤ᠋ᠨ ᠬᠠᠭᠵᠠᠷᠠᠭᠰᠠᠨ ᠤᠷᠠᠭᠳᠠᠭᠰᠠᠨ ᠢ᠋ ᠣᠶᠣᠵᠤ ᠡᠬᠡ ᠰᠢᠭ ᠨᠢ ᠪᠠᠢᠳᠠᠭ ᠰᠠᠨ ᠃
ᠮᠠᠨ ᠤ᠋ ᠠᠩᠭᠢ ᠰᠢᠨᠡ ᠭᠠᠵᠠᠷ ᠨᠡᠭᠦᠳᠡᠯᠯᠡᠭᠰᠡᠨ ᠪᠣᠯᠬᠣᠷ ᠨᠢᠭᠡ ᠵᠢᠯ ᠬᠠᠮ ᠬᠣᠮ ( ᠬᠠᠰᠢ ᠶᠠᠰᠢ ) ᠪᠠᠷᠢᠭᠰᠠᠨ ᠭᠡᠷ ᠲᠦ᠍ ᠨᠢ ᠡᠪᠦᠯᠵᠢᠪᠡ ᠃ ᠬᠠᠪᠤᠷ ᠳᠤᠯᠵᠢᠨ ᠤ᠋ ᠮᠢᠨᠢ ᠪᠡᠶᠡ ᠰᠦᠷᠡᠬᠡᠢ ᠮᠠᠭᠤᠳᠠᠭᠰᠠᠨ ᠪᠣᠯᠪᠠᠴᠤ ᠡᠮᠴᠢ ᠳ᠋ᠣᠺᠲ᠋ᠣᠷ ᠤ᠋ᠨ ᠬᠦᠴᠦ ᠪᠡᠷ ᠰᠠᠢᠵᠢᠷᠠᠪᠠ ᠃ ᠪᠠᠰᠠ ᠲᠡᠭᠡᠭᠡᠳ ᠬᠦᠦ ᠲᠡᠢ ᠪᠣᠯᠵᠤ ᠂ ᠲᠡᠭᠦᠨ ᠳ᠋ᠦ᠍ ᠪᠡᠨ ᠪᠠᠭᠠᠲᠤᠷ ᠭᠡᠵᠦ ᠨᠡᠷᠡ ᠥᠭᠪᠡ ᠃ ᠶᠣᠰᠣᠲᠠᠢ ᠯᠠ ᠴᠠᠭᠪᠠᠷ ( ᠴᠠᠰᠤᠲᠤ ᠠᠭᠤᠯᠠᠨ ᠳ᠋ᠤ᠌ ᠣᠷᠣᠰᠢᠬᠤ ᠨᠢᠭᠡ ᠵᠦᠢᠯ ᠦ᠋ᠨ ᠪᠠᠷᠢᠭᠰᠠᠨ ) ᠰᠢᠭ᠋ ᠬᠦᠦ ᠪᠠᠢᠵᠤ ᠪᠢᠯᠡ ᠳᠠ ᠭᠡᠰᠡᠨ ᠢ᠋ᠶ᠋ᠡᠨ ᠳᠣᠷᠵᠢ ᠭᠤᠸᠠᠢ ᠭᠦᠨ ᠰᠠᠨᠠᠭᠠ ᠠᠯᠳᠠᠵᠤ ᠨᠢᠳᠦ ᠨᠢ ᠶᠠᠮᠠᠷ ᠴᠤ᠌ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠪᠣᠯᠤᠨ ᠰᠦᠮᠡᠯᠵᠡᠨ ᠠᠰᠠᠵᠤ ᠪᠠᠢᠭᠠ ᠯᠠ ᠶ᠋ᠢᠨ ᠳᠥᠯᠥ ᠶ᠋ᠢᠨ ᠳᠡᠭᠡᠭᠦᠷ ᠬᠡᠰᠡᠭ ᠵᠠᠭᠤᠷᠠ ᠰᠢᠷᠳᠡᠪᠡ ᠃ ᠲᠡᠭᠡᠭᠡᠳ ᠪᠣᠰᠴᠤ ᠣᠷᠣᠨ ᠤ᠋ ᠳᠡᠷᠭᠡᠳᠡ ᠡᠴᠡ ᠰᠠᠪᠠ ᠲᠠᠢ ᠲᠠᠮᠠᠬᠢ ᠂ ᠬᠠᠭᠤᠴᠢᠨ ᠮᠣᠳᠣ ᠲᠣᠯᠣᠭᠠᠢ ᠠᠪᠴᠢᠷᠠᠭᠠᠳ ᠨᠡᠷᠡᠬᠦ ᠭᠡᠰᠡᠨ ᠪᠣᠯᠪᠠᠴᠤ ᠭᠠᠷ ᠨᠢ ᠴᠡᠴᠡᠷᠡᠭᠡᠳ ᠴᠢᠳᠠᠭᠰᠠᠨ ᠦᠭᠡᠢ ᠲᠤᠯᠠ ᠨᠠᠳᠠ ᠲᠠᠢᠰᠢ ᠭᠠᠷ ᠢ᠋ᠶ᠋ᠠᠨ ᠲᠣᠰᠴᠤ ᠄
- ᠨᠢᠭᠡ ᠲᠠᠮᠠᠬᠢ ᠥᠭᠭᠥᠨᠡ ᠦᠦ? ᠭᠡᠪᠡ ᠃
ᠪᠢᠳᠡ ᠬᠣᠶᠠᠷ ᠲᠠᠮᠠᠬᠢ ᠲᠠᠲᠠᠵᠤ ᠬᠡᠰᠡᠭ ᠵᠠᠭᠤᠷᠠ ᠳᠠᠭᠤ ᠦᠭᠡᠢ ᠰᠠᠭᠤᠪᠠ ᠃ ᠰᠠᠢᠬᠠᠨ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠡᠬᠢᠯᠡᠭᠰᠡᠨ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠶᠠᠷᠢᠶᠠ ᠭᠤᠨᠢᠭᠲᠤ ᠶᠠᠪᠤᠳᠠᠯ ᠳ᠋ᠤ᠌ ᠣᠷᠣᠬᠤ ᠪᠣᠯᠤᠭᠰᠠᠨ ᠨᠢ ᠲᠡᠭᠦᠨ ᠦ᠌ ᠪᠠᠢᠳᠠᠯ ᠠ᠋ᠴᠠ ᠣᠢᠯᠠᠭᠠᠭᠳᠠᠪᠠ ᠃ ᠲᠡᠭᠡᠬᠦᠯᠡᠷ ᠪᠢ《 ᠲᠡᠭᠡᠭᠡᠳ ᠶᠠᠭᠤ ᠪᠣᠯᠤᠭᠰᠠᠨ ᠪᠣᠢ ? 》ᠭᠡᠵᠦ ᠠᠰᠠᠭᠤᠬᠤ ᠵᠢᠷᠦᠬᠡ ᠬᠦᠷᠦᠭᠰᠡᠨ ᠦᠭᠡᠢ ᠃
ᠭᠡᠲᠡᠯᠡ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠨᠥᠭᠥᠭᠡ ᠬᠠᠳᠠᠭᠳᠠᠭᠰᠠᠨ ᠭᠤᠨᠢᠭᠯᠠᠯ ᠢ᠋ ᠲᠦᠷ ᠪᠣᠯᠪᠠᠴᠤ ᠳᠠᠷᠤᠭᠰᠠᠨ ᠪᠠᠶᠠᠷ ᠤ᠋ᠨ ᠣᠴᠢ ᠭᠢᠯᠠᠯᠵᠠᠭᠠᠳ ᠄
- ᠨᠢᠭᠡ ᠡᠳᠦᠷ ᠮᠠᠨ ᠤ᠋ ᠰᠠᠯᠠᠭᠠᠨ ᠤ᠋ ᠴᠢᠯᠠᠭᠤᠨ ᠭᠡᠳᠡᠭ ᠴᠡᠷᠢᠭ ᠮᠠᠨᠠᠭᠠᠨ ᠳ᠋ᠤ᠌ ᠪᠠᠢᠵᠤ ᠪᠠᠢᠭᠠᠳ ᠤᠨᠲᠠᠴᠢᠬᠠᠭᠰᠠᠨ ᠠ᠋ᠴᠠ ᠪᠣᠯᠵᠤ ᠪᠢ ᠰᠤᠮᠤᠨ ᠤ᠋ ᠳᠠᠷᠤᠭᠠ ᠠ᠋ᠴᠠ ᠲᠠᠪᠤᠨ ᠡᠳᠦᠷ ᠦ᠋ᠨ ᠰᠠᠬᠢᠯᠭᠠ ᠬᠦᠷᠲᠡᠪᠡ ( ᠰᠠᠬᠢᠯᠭᠠ ᠶ᠋ᠢ ᠭᠠᠵᠢᠭᠤᠳᠠᠭᠤᠯᠵᠤ ᠪᠤᠷᠤᠭᠤ ᠬᠡᠷᠡᠭ ᠬᠢᠭᠰᠡᠨ ᠡᠴᠡ ᠪᠣᠯᠵᠤ ᠰᠢᠢᠳᠬᠡᠯ ᠬᠦᠷᠲᠡᠬᠦ ) ᠃ ᠴᠢᠯᠠᠭᠤᠨ ᠮᠢᠨᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠭᠠ ᠦᠭᠡᠢ ᠪᠠᠯᠠᠭ ᠲᠠᠷᠢᠭᠰᠠᠨ ᠬᠥᠮᠦᠨ ᠳᠠ ᠭᠡᠳ ᠳᠣᠷᠵᠢ ᠭᠤᠸᠠᠢ ᠰᠢᠵᠠᠭᠤᠷ ( ᠠᠷᠠᠭᠠ ᠰᠢᠳᠦᠨ ᠦ᠌ ᠬᠠᠪᠢ ᠃ ᠰᠢᠵᠠᠭᠤᠷ ᠵᠠᠭᠤᠬᠤ ᠭᠡᠵᠦ ᠰᠢᠲᠦ ᠵᠠᠭᠤᠨ ᠲᠡᠰᠪᠦᠷᠢᠯᠡᠬᠦ ᠶ᠋ᠢ ᠬᠡᠯᠡᠨᠡ 》 ᠪᠡᠨ ᠵᠠᠭᠤᠭᠠᠳ ᠬᠠᠮᠠᠷ ᠢᠶᠠᠷ ᠢ᠋ᠶ᠋ᠡᠨ ᠤᠷᠲᠤ ᠠᠮᠢᠰᠬᠤᠭᠠ ᠠᠪᠤᠯᠠ ᠃ ᠲᠡᠭᠡᠭᠡᠳ ᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠨᠢᠭᠤᠷ ᠢ᠋ᠶ᠋ᠠᠨ ᠬᠡᠳᠦ ᠡᠷᠭᠢᠭᠦᠯᠦᠨ ᠠᠷᠴᠢᠭᠠᠳ ᠨᠢᠳᠦ ᠪᠡᠨ ᠴᠠᠪᠴᠢᠯᠠᠨ ᠪᠣᠳᠣᠯᠬᠢᠯᠠᠭᠰᠠᠨ ᠢ᠋ᠶ᠋ᠠᠨ ᠄
ᠬᠣᠶᠠᠷ ᠬᠣᠨᠣᠭᠠᠳ ᠪᠠᠢᠲᠠᠯᠠ ᠰᠤᠮᠤᠨ ᠤ᠋ ᠳᠠᠷᠤᠭᠠ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠵᠦ ᠬᠠᠭᠠᠯᠭᠠ ᠨᠡᠭᠡᠭᠡᠭᠡᠳ ᠨᠠᠮᠠ ᠶ᠋ᠢ ᠭᠠᠷᠭᠠᠨ ᠄
- ᠪᠤᠰᠢᠭᠤᠬᠠᠨ ᠬᠠᠷᠢᠵᠤ ᠳᠤᠯᠵᠢᠨ ᠤ᠋ ᠰᠡᠳᠬᠢᠯ ᠢ᠋ ᠠᠮᠤᠷᠠᠭᠠ ᠭᠡᠪᠡ ᠃ ᠠᠯᠢ ᠨᠢᠭᠡ ᠴᠡᠷᠢᠭ ᠤᠨᠲᠠᠭᠰᠠᠨ ᠠ᠋ᠴᠠ ᠬᠢᠯᠢᠰ ᠰᠢᠢᠳᠬᠡᠭᠳᠡᠵᠦ ᠬᠣᠶᠠᠷ ᠬᠣᠨᠣᠭ ᠰᠠᠬᠢᠯᠭᠠ ᠳ᠋ᠤ᠌ ᠰᠠᠭᠤᠪᠠ ᠭᠡᠵᠦ ᠪᠣᠳᠣᠭᠠᠳ ᠤᠷᠮᠠ ᠦᠭᠡᠢ ᠠᠭᠤᠷ ᠲᠠᠢ ᠭᠡᠯᠳᠦᠷᠢᠭᠰᠡᠭᠡᠷ ᠭᠡᠷ ᠲᠦ᠍ ᠪᠡᠨ ᠢᠷᠡᠬᠦ ᠳ᠋ᠦ᠍ ᠳᠤᠯᠵᠢᠨ ᠮᠢᠨᠢ ᠤᠭᠲᠤᠵᠤ ᠢᠷᠡᠪᠡ ᠃
- ᠠᠭᠤᠷ ᠲᠠᠢ ᠳᠠᠷᠤᠭᠠ ᠂ ᠤᠷᠤᠭᠰᠢ ᠦᠭᠡᠢ ᠴᠡᠷᠢᠭ ᠡᠴᠡ ᠪᠣᠯᠵᠤ ᠬᠢᠯᠢᠰ ᠬᠣᠷᠢᠭᠳᠠᠵᠤ ᠪᠠᠢᠭᠠᠳ ᠢᠷᠡᠯᠡ ᠭᠡᠵᠦ ᠬᠡᠯᠡᠬᠦ ᠳᠦ᠂ ᠳᠣᠯᠵᠢᠨ ᠮᠢᠨᠢ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠠᠭᠤᠨ ᠭᠠᠷ ᠢ᠋ ᠮᠢᠨᠢ ᠴᠢᠩᠭᠠ ᠠᠳᠬᠤᠵᠤ ᠪᠠᠢᠭᠠᠳ ᠄
- ᠡᠪᠦᠭᠡᠨ ᠮᠢᠨᠢ ᠬᠥᠮᠦᠨ ᠢ᠋ ᠪᠤᠷᠤᠭᠤᠳᠬᠠᠬᠤ ᠶ᠋ᠢᠨ ᠡᠮᠦᠨᠡ ᠥᠪᠡᠷ ᠢ᠋ ᠪᠡᠨ ᠰᠢᠭᠦᠮᠵᠢᠯᠡᠵᠦ ᠦᠵᠡ ! ᠨᠠᠪᠴᠢ ᠨᠢ ᠮᠠᠭᠤ ᠪᠣᠯ ᠦᠨᠳᠦᠰᠦ ᠲᠡᠢ ᠪᠡᠨ ᠬᠣᠯᠪᠣᠭᠠ ᠲᠠᠢ ᠪᠠᠢᠳᠠᠭ ᠰᠢᠭ᠋ ᠂ ᠴᠡᠷᠢᠭ ᠨᠢ ᠰᠠᠬᠢᠯᠭᠠ ᠠᠯᠳᠠᠵᠤ ᠪᠠᠢᠬᠤ ᠳ᠋ᠤ᠌ ᠳᠠᠷᠤᠭᠠ ᠲᠠᠢ ᠨᠢ ᠶᠠᠷᠢᠬᠤ ᠶ᠋ᠢ ᠪᠤᠷᠤᠭᠤ ᠭᠡᠵᠦ ᠪᠣᠯᠬᠤ ᠦᠭᠡᠢ ᠪᠠᠢᠬᠤ ᠠ᠋ ᠭᠡᠵᠦ ᠬᠡᠯᠡᠪᠡ ᠃
ᠨᠢᠭᠡ ᠶ᠋ᠢ ᠪᠡᠨ ᠰᠠᠬᠢᠯᠭᠠ ᠳ᠋ᠤ᠌ ᠬᠣᠷᠢᠭᠳᠠᠵᠤ ᠶᠠᠳᠠᠷᠠᠭᠠᠳ ᠢᠷᠡᠬᠦ ᠳ᠋ᠦ᠍ ᠢᠩᠭᠢᠵᠦ ᠬᠡᠯᠡᠳᠡᠭ ᠬᠠᠨᠢ ᠪᠠᠢᠳᠠᠭ ᠠ᠋ ᠭᠡᠵᠦ ᠪᠢ ᠲᠡᠷᠡ ᠦᠶᠡ ᠳ᠋ᠦ᠍ ᠪᠡᠨ ᠭᠣᠮᠣᠳᠠᠵᠤ ᠪᠠᠢᠭᠰᠠᠨ ᠰᠠᠨ ᠃ ᠭᠡᠪᠡᠴᠦ ᠬᠣᠢᠨᠠ ᠰᠣᠨᠣᠰᠪᠠᠯ ᠳᠤᠯᠵᠢᠨ ᠮᠢᠨᠢ ᠨᠠᠮᠠ ᠶ᠋ᠢ ᠭᠠᠷᠭᠠᠬᠤ ᠭᠡᠵᠦ ᠰᠤᠮᠤᠨ ᠤ᠋ ᠳᠠᠷᠤᠭᠠ ᠂ ᠬᠣᠷᠢᠶᠠᠨ ᠤ᠋ ᠳᠠᠷᠤᠭᠠ ᠂ ᠳ᠋ᠢᠸᠢᠽᠢ ᠶ᠋ᠢᠨ ᠳᠠᠷᠤᠭᠠ ᠴᠥᠮ ᠳ᠋ᠦ᠍ ᠨᠢ ᠣᠴᠢᠵᠤ ᠭᠤᠶᠤᠭᠰᠠᠨ ᠪᠠᠢᠵᠤ ᠪᠢᠯᠡ ᠃ ᠬᠥᠭᠡᠷᠦᠬᠦᠢ ᠮᠢᠨᠢ ᠬᠣᠶᠠᠷ ᠬᠣᠨᠣᠭ ᠬᠣᠭᠣᠯᠠ ᠤᠮᠳᠠ ᠦᠭᠡᠢ ᠂ ᠭᠡᠷ ᠦ᠋ᠨ ᠭᠠᠳᠠᠭᠠ ᠬᠥᠮᠦᠨ ᠦ᠌ ᠬᠥᠯ ᠦ᠋ᠨ ᠴᠢᠮᠡᠭᠡ ᠭᠠᠷᠬᠤ ᠪᠦᠷᠢ ᠨᠠᠮᠠ ᠶ᠋ᠢ ᠢᠷᠡᠪᠡ ᠤᠤ ᠭᠡᠵᠦ ᠭᠠᠷᠴᠤ ᠣᠷᠣᠵᠤ ᠪᠠᠢᠵᠠᠢ ᠃ ᠬᠣᠪᠣᠷᠬᠠᠨ ᠬᠥᠮᠦᠨ ᠶᠦ᠍ᠮ ᠰᠠᠨ ᠭᠡᠳ ᠳᠣᠷᠵᠢ ᠭᠤᠸᠠᠢ ᠨᠠᠳᠠ ᠥᠭᠡᠳᠡ ᠬᠠᠷᠠᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠨᠢᠳᠦ ᠶ᠋ᠢ ᠪᠦᠷᠬᠦᠭᠰᠡᠨ ᠭᠤᠨᠢᠭᠯᠠᠯ ᠭᠠᠰᠠᠯᠠᠩ ᠨᠠᠳᠠ ᠳ᠋ᠤ᠌ ᠳᠡᠮᠵᠢᠵᠦ ᠪᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠰᠠᠨᠠᠭᠠ ᠠᠯᠳᠠᠪᠠ ᠃
ᠳᠣᠷᠵᠢ ᠭᠤᠸᠠᠢ ᠵᠡᠭᠦᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠠᠩᠨᠠᠢ ᠪᠠᠨ ᠲᠤᠯᠤᠨ ᠳᠣᠭᠣᠭᠰᠢ ᠬᠠᠷᠠᠵᠤ ᠬᠡᠰᠡᠭ ᠰᠠᠭᠤᠪᠠ ᠃ᠲᠡᠭᠦᠨ ᠦ᠌ ᠬᠣᠭᠣᠯᠠᠢ ᠨᠢ ᠵᠠᠩᠭᠢᠷᠠᠭᠠᠳ ᠠᠮᠠᠨ ᠳ᠋ᠤ᠌ ᠪᠠᠨ ᠬᠤᠷᠠᠯᠳᠤᠭᠰᠠᠨ ᠰᠢᠯᠦᠰᠦ ᠪᠡᠨ ᠵᠠᠯᠭᠢᠵᠤ ᠴᠢᠳᠠᠬᠤ ᠦᠭᠡᠢ ᠶᠠᠳᠠᠵᠤ ᠪᠠᠢᠭᠠ ᠨᠢ ᠨᠠᠳᠠ ᠳ᠋ᠤ᠌ ᠮᠡᠳᠡᠭᠳᠡᠵᠦ ᠪᠠᠢᠪᠠ ᠃ ᠠᠷᠠᠢ ᠭᠡᠵᠦ ᠰᠢᠯᠦᠰᠦ ᠪᠡᠨ ᠵᠠᠯᠭᠢᠭᠠᠳ ᠳᠡᠭᠡᠭᠰᠢ ᠬᠠᠷᠠᠵᠤ ᠤᠷᠲᠤ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠢ᠋ᠶ᠋ᠠᠨ ᠄
- ᠳᠤᠯᠵᠢᠨ ᠨᠠᠮᠠ ᠶ᠋ᠢ ᠳᠠᠭᠠᠵᠤ ᠬᠣᠭᠣᠯᠠ ᠲᠠᠢ ᠬᠣᠭᠣᠯᠠᠨ ᠦᠭᠡᠢ ᠶᠠᠪᠤᠭᠰᠠᠨ ᠠ᠋ᠴᠠ ᠡᠪᠡᠳᠴᠢᠨ ᠣᠯᠵᠤ ᠂ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠭᠤᠴᠢᠨ ᠨᠠᠢ᠍ᠮᠠᠨ ᠣᠨ ᠤ᠋ ᠬᠠᠪᠤᠷ ᠬᠡᠪᠲᠡᠭᠡᠳ ᠲᠠᠪᠤᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠤ᠋ ᠣᠷᠣᠢ ᠶᠢᠰᠦᠨ ᠴᠠᠭ ᠬᠣᠷᠢᠨ ᠨᠢᠭᠡᠨ ᠮᠢᠨᠦ᠋ᠲ ᠲᠦ᠍ ᠨᠠᠰᠤ ᠪᠠᠷᠠᠵᠤ ᠂ ᠪᠢ ᠬᠣᠶᠠᠷ ᠨᠠᠰᠤᠲᠠᠢ ᠥᠨᠥᠴᠢᠨ ᠬᠡᠦᠬᠡᠳ ᠲᠡᠢ ᠦᠯᠡᠳᠡᠭᠰᠡᠨ ᠭᠡᠳ ᠳᠣᠷᠵᠢ ᠭᠤᠸᠠᠢ ᠨᠠᠳᠠ ᠥᠭᠡᠳᠡ ᠬᠠᠷᠠᠬᠤ ᠭᠡᠰᠡᠨ ᠢ᠋ᠶ᠋ᠡᠨ ᠭᠱᠠᠨ ᠵᠠᠭᠤᠷᠠ ᠬᠠᠷᠠᠴᠠ ᠪᠠᠨ ᠪᠤᠷᠤᠭᠤᠯᠠᠵᠤ ᠳᠣᠭᠣᠭᠰᠢ ᠬᠠᠷᠠᠪᠠ ᠃ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠨᠢᠳᠦᠨ ᠡᠴᠡ ᠨᠢᠯᠪᠤᠰᠤ ᠭᠠᠷᠤᠭᠰᠠᠨ ᠦᠭᠡᠢ ᠃ ᠬᠠᠷᠢᠨ ᠬᠠᠴᠠᠷ ᠤ᠋ᠨ ᠪᠤᠯᠴᠢᠩ ᠨᠢ ᠳᠠᠳᠠᠭᠠᠨᠠᠨ ᠴᠡᠴᠡᠷᠡᠵᠦ ᠪᠠᠢᠪᠠ ᠃ ᠲᠠᠰᠤᠯᠭᠠᠨ ᠳ᠋ᠤ᠌ ᠨᠠᠮᠠ ᠭᠦᠮ ᠂ ᠳᠣᠷᠵᠢ ᠭᠤᠸᠠᠢ ᠲᠠᠰᠤᠯᠳᠠᠨ ᠠᠮᠢᠰᠬᠤᠭᠠᠯᠠᠬᠤ ᠨᠢ ᠲᠣᠳᠣ ᠰᠣᠨᠣᠰᠳᠠᠨ ᠯᠠ ᠶ᠋ᠢᠨ ᠰᠦᠮᠡᠯᠵᠡᠵᠦ ᠪᠠᠢᠭᠠ ᠭᠡᠷᠡᠯ ᠤᠷᠤᠰᠤᠨ ᠭᠠᠷᠬᠤ ᠶ᠋ᠢᠨ ᠵᠣᠷᠢᠭ ᠢ᠋ᠶ᠋ᠠᠷ ᠬᠣᠷᠢᠭᠯᠠᠨ ᠳᠣᠲᠣᠭᠰᠢ ᠲᠠᠲᠠᠭᠰᠠᠨ ᠭᠠᠰᠢᠭᠤᠨ ᠨᠢᠯᠪᠤᠰᠤ ᠪᠠᠷ ᠳᠦᠭᠦᠷᠦᠭᠰᠡᠨ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠵᠢᠷᠦᠬᠡᠨ ᠦ᠌ ᠴᠣᠬᠢᠯᠲᠠ ᠶ᠋ᠢ ᠲᠣᠭᠠᠯᠠᠬᠤ ᠭᠡᠰᠡᠨ ᠰᠢᠭ ᠠᠨᠢᠪᠴᠢᠵᠤ ᠪᠠᠢᠪᠠ ᠃
ᠳᠣᠷᠵᠢ ᠭᠤᠸᠠᠢ ᠶᠡᠷᠦ ᠪᠤᠰᠤ ᠶ᠋ᠢᠨ ᠡᠷᠡᠰ ᠬᠥᠳᠡᠯᠭᠡᠭᠡᠨ ᠢ᠋ᠶ᠋ᠡᠷ ᠠᠯᠢ ᠡᠷᠲᠡ ᠤᠨᠲᠠᠷᠠᠭᠰᠠᠨ ᠲᠠᠮᠠᠬᠢᠨ ᠤ᠋ ᠡᠰᠢ ᠪᠡᠨ ᠠᠪᠴᠤ ᠬᠡᠳᠦ ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ ᠄
- ᠡᠬᠡ ᠬᠥᠮᠦᠨ ᠦᠷᠡ ᠪᠡᠨ ᠬᠠᠷᠠᠵᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠭᠣᠣᠯ ᠨᠢ ᠲᠠᠰᠤᠷᠠᠳᠠᠭ ᠦᠭᠡᠢ ᠭᠡᠵᠦ ᠦᠨᠡᠨ ᠶᠦ᠍ᠮ ᠰᠢᠦ ᠃ ᠳᠤᠯᠵᠢᠨ ᠮᠢᠨᠢ ᠲᠠᠪᠤᠨ ᠴᠠᠭ ᠤ᠋ᠨ ᠦᠶᠡ ᠳ᠋ᠦ᠍ ᠬᠦᠨᠳᠦᠷᠡᠭᠡᠳ ᠳᠣᠯᠣᠭᠠᠨ ᠴᠠᠭ ᠬᠦᠷᠲᠡᠯᠡ ᠲᠠᠷᠴᠢᠯᠠᠵᠤ ᠪᠠᠢᠭᠠᠳ ᠄《 ᠡᠪᠦᠭᠡᠨ ᠮᠢᠨᠢ ᠬᠦᠦ ᠪᠡᠨ ᠠᠢᠯ ᠳ᠋ᠤ᠌ ᠣᠷᠣᠭᠤᠯᠴᠢᠬᠠ 》ᠭᠡᠬᠦ ᠳ᠋ᠦ᠍ ᠨᠢ ᠪᠢ ᠬᠣᠢᠮᠣᠷ ᠢᠶᠠᠷ ᠲᠣᠭᠯᠠᠵᠤ ᠪᠠᠢᠭᠰᠠᠨ ᠪᠠᠭᠠᠲᠤᠷ ᠢ᠋ ᠡᠷᠭᠦᠵᠦ ᠠᠪᠤᠭᠠᠳ ᠭᠠᠷᠬᠤ ᠭᠡᠬᠦ ᠳ᠋ᠦ᠍ ᠄ 《 ᠠᠪᠤᠭᠠᠳ ᠢᠷᠡᠭᠡᠴᠢ ᠂ᠦᠨᠦᠰᠦᠶᠡ 》ᠭᠡᠵᠦ ᠪᠢᠯᠡ ᠃ ᠬᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠶᠠᠷ ᠬᠠᠴᠠᠷ ᠠ᠋ᠴᠠ ᠤᠳᠠᠭᠠᠨ ᠭᠡᠭᠴᠢ ᠦᠨᠥᠰᠥᠦᠭᠡᠳ ᠄《 ᠵᠠ ᠂ᠠᠪᠤᠭᠠᠳ ᠭᠠᠷ ᠳᠠ 》ᠭᠡᠵᠦ ᠬᠡᠯᠡᠵᠦ ᠪᠢᠯᠡ ᠃
ᠬᠦᠦ ᠪᠡᠨ ᠠᠢᠯ ᠳ᠋ᠤ᠌ ᠣᠷᠣᠭᠤᠯᠤᠭᠠᠳ ᠡᠷᠭᠢᠵᠦ ᠢᠷᠡᠬᠦ ᠳ᠋ᠦ᠍ ᠨᠠᠮᠠ ᠶ᠋ᠢ ᠳᠡᠷᠭᠡᠳᠡ ᠪᠡᠨ ᠰᠠᠭᠤᠯᠭᠠᠵᠤ ᠄《 ᠶᠠᠳᠠᠬᠤ ᠳ᠋ᠤ᠌ ᠪᠠᠨ ᠴᠢ ᠬᠦᠦ ᠪᠡᠨ ᠠᠷᠪᠠ ᠬᠦᠷᠲᠡᠯᠡ ᠬᠥᠮᠦᠨ ᠲᠡᠢ ᠪᠢᠲᠡᠭᠡᠢ ᠰᠠᠭᠤᠭᠠᠷᠠᠢ 》ᠭᠡᠬᠦ ᠳ᠋ᠦ᠍ ᠨᠢ ᠨᠢᠯᠪᠤᠰᠤ ᠮᠢᠨᠢ ᠠᠶᠠᠨᠳᠠᠭᠠᠨ ᠠᠰᠬᠠᠷᠠᠵᠤ ᠄《 ᠦᠭᠡᠢ ᠂ ᠬᠡᠵᠢᠶᠡ ᠴᠦ᠍ ᠰᠠᠭᠤᠬᠤ ᠦᠭᠡᠢ 》ᠭᠡᠰᠡᠨ ᠶᠦ᠍ᠮ ᠰᠠᠨ ᠃ ᠳᠤᠯᠵᠢᠨ ᠮᠢᠨᠢ ᠨᠠᠮᠠ ᠶ᠋ᠢ ᠰᠢᠷᠲᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠄《 ᠮᠢᠨᠦ ᠡᠪᠦᠭᠡᠨ ᠪᠢᠲᠡᠭᠡᠢ ᠤᠬᠢᠯᠠ ᠂ ᠡᠷᠡ ᠬᠥᠮᠦᠨ ᠬᠠᠲᠠᠭᠤᠵᠢᠯᠲᠠᠢ ᠪᠠᠢᠬᠤ ᠬᠡᠷᠡᠭᠲᠡᠢ ᠃ ᠨᠢᠭᠡᠨᠲᠡ ᠵᠠᠢᠯᠠᠰᠢ ᠦᠭᠡᠢ ᠢᠷᠡᠭᠰᠡᠨ ᠵᠣᠪᠠᠯᠠᠩ ᠢ᠋ ᠣᠭᠲᠣ ᠂ ᠵᠣᠪᠠᠬᠤ ᠴᠠᠭ ᠲᠤ᠌ ᠬᠠᠲᠠᠭᠤᠵᠢ ᠭᠡᠵᠦ ᠮᠠᠨ ᠤ᠋ ᠳ᠋ᠤ᠌ ᠣᠴᠢᠭᠠᠳ ᠪᠠᠢᠬᠤ ᠳ᠋ᠤ᠌ ᠴᠢᠨᠢ ᠬᠡᠯᠡᠭᠰᠡᠨ ᠰᠢᠦ ᠲᠠ ᠃ ᠬᠠᠷᠢᠨ ᠴᠢ ᠮᠢᠨᠦ ᠭᠠᠷ ᠢ᠋ ᠴᠢᠩᠭᠠ ᠠᠳᠬᠤ 》ᠭᠡᠯᠡ ᠃
ᠳᠤᠯᠵᠢᠨ ᠲᠠᠢᠪᠤᠩ ᠪᠠᠢᠬᠤ ᠶ᠋ᠢ ᠬᠢᠴᠢᠶᠡᠵᠦ ᠪᠠᠢᠪᠠ ᠃ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠨᠢᠳᠦᠨ ᠳ᠋ᠦ᠍ ᠬᠦᠦ ᠪᠢᠳᠡ ᠬᠣᠶᠠᠷ ᠠᠮᠢᠳᠤᠷᠠᠯ ᠤ᠋ᠨ ᠴᠢᠨᠠᠭᠰᠢᠳᠠ ᠶ᠋ᠢᠨ ᠵᠠᠮ ᠢ᠋ ᠶᠠᠭᠠᠬᠢᠵᠤ ᠳᠠᠭᠠᠭᠠᠵᠤ ᠭᠠᠷᠬᠤ ᠪᠣᠯ ᠳᠠ ᠭᠡᠰᠡᠨ ᠰᠡᠳᠬᠢᠯ ᠦ᠋ᠨ ᠭᠦᠨ ᠵᠣᠪᠠᠯᠠᠩ ᠲᠣᠳᠣᠷᠬᠠᠢ ᠪᠠᠢᠪᠠ ᠃
- ᠠᠯᠬᠤᠮ ᠪᠦᠷᠢ ᠳ᠋ᠦ᠍ ᠪᠡᠨ ᠬᠦᠦ ᠪᠡᠨ᠌᠌ ᠁ ᠭᠡᠳ ᠳᠤᠯᠵᠢᠨ ᠤ᠋ ᠬᠣᠭᠣᠯᠠᠢ ᠵᠠᠩᠭᠢᠷᠠᠨ ᠳᠠᠭᠤ ᠲᠠᠰᠤᠯᠳᠠᠵᠤ ᠬᠡᠰᠡᠭ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠄《 ᠠᠩᠬᠠᠷᠴᠤ ᠂ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ 》ᠭᠡᠪᠡ ᠃
ᠪᠢ ᠬᠠᠷᠢᠭᠤ ᠳᠤᠤᠭᠠᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠃ ᠶᠠᠭᠤᠮᠠ ᠯᠠ ᠬᠡᠯᠡᠬᠦ ᠭᠡᠬᠦ ᠪᠡᠷ ᠨᠢᠳᠦᠨ ᠦ᠌ ᠨᠢᠯᠪᠤᠰᠤ ᠭᠠᠷᠬᠤ ᠭᠡᠳ ᠪᠠᠢᠭᠰᠠᠨ ᠲᠤᠯᠠ ᠵᠥᠪᠬᠡᠨ ᠲᠣᠯᠣᠭᠠᠢ ᠪᠠᠨ ᠳᠣᠬᠢᠪᠠ ᠃ ᠢᠩᠭᠢᠭᠡᠳ ᠨᠥᠬᠥᠳ ᠴᠦ᠍ ᠢᠷᠡᠯᠡ ᠃ ᠡᠮᠴᠢ ᠴᠦ᠍ ᠢᠷᠡᠵᠦ ᠠᠮᠢ ᠲᠠᠷᠢᠶᠠ ᠬᠢᠯᠡ ᠃ ᠳᠤᠯᠵᠢᠨ ᠮᠢᠨᠢ ᠲᠣᠭᠣᠷᠢᠵᠤ ᠪᠠᠢᠭᠰᠠᠨ ᠬᠥᠮᠦᠰ ᠢ᠋ ᠬᠠᠷᠠᠵᠤ ᠄《 ᠡᠨᠡ ᠬᠣᠶᠠᠷ ᠢ᠋ ᠮᠢᠨᠢ ᠯᠡ ᠬᠠᠷᠠᠵᠤ ᠶᠠᠪᠤᠭᠠᠷᠠᠢ 》ᠭᠡᠳ ᠳᠠᠬᠢᠨ ᠦᠭᠡ ᠬᠡᠯᠡᠬᠦ ᠭᠡᠰᠡᠨ ᠢ᠋ᠶ᠋ᠡᠨ ᠴᠢᠳᠠᠭᠰᠠᠨ ᠦᠭᠡᠢ ᠂ ᠠᠮᠠ ᠨᠢ ᠠᠩᠭᠠᠯᠵᠠᠨ ᠤᠷᠲᠤ ᠁ ᠭᠡᠳ ᠳᠣᠷᠵᠢ ᠭᠤᠸᠠᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠭᠠᠷᠴᠤ ᠢᠷᠡᠭᠰᠡᠨ ᠨᠢᠯᠪᠤᠰᠤᠨ ᠤ᠋ ᠪᠠᠨ ᠳᠤᠰᠤᠯ ᠢ᠋ ᠭᠠᠵᠠᠷ ᠤᠨᠠᠭᠠᠬᠤ ᠦᠭᠡᠢ ᠭᠡᠰᠡᠨ ᠰᠢᠭ ᠰᠢᠮᠡᠨ ᠵᠠᠯᠭᠢᠭᠠᠳ ᠨᠣᠢᠲᠠᠨ ᠵᠠᠮ ᠢ᠋ ᠨᠢ ᠭᠠᠷ ᠤ᠋ᠨ ᠠᠯᠠᠭᠠ ᠪᠠᠷ ᠠᠷᠴᠢᠪᠠ ᠃ ᠳᠣᠷᠵᠢ ᠭᠤᠸᠠᠢ ᠤᠷᠤᠭᠤᠯ ᠨᠢ ᠴᠡᠴᠡᠷᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠶᠠᠭᠠ ᠲᠠᠢ ᠠᠷᠢᠬᠢ ᠠᠪᠴᠤ ᠄ 《 ᠵᠠ ᠬᠦᠦ ᠮᠢᠨᠢ ᠂ ᠴᠢᠨᠦ ᠠᠵᠠ ᠵᠢᠷᠭᠠᠯ ᠤ᠋ᠨ ᠲᠥᠯᠥᠭᠡ 》ᠭᠡᠳ ᠨᠢᠭᠡᠮᠥᠰᠥᠨ ᠬᠦᠨᠳᠡᠷᠴᠦ ᠣᠷᠬᠢᠪᠠ ᠃
- ᠲᠠᠨ ᠳ᠋ᠤ᠌ ᠵᠣᠪᠠᠯᠠᠩ ᠢ᠋ᠶ᠋ᠠᠨ ᠶᠠᠷᠢᠵᠤ ᠂ ᠲᠠᠨ ᠤ᠋ ᠠᠮᠠᠷᠠᠬᠤ ᠳ᠋ᠤ᠌ ᠴᠢᠨᠢ ᠰᠠᠭᠠᠳ ᠪᠣᠯᠵᠤ ᠪᠠᠢᠬᠤ ᠳᠠ ᠭᠡᠵᠦ ᠳᠣᠷᠵᠢ ᠭᠤᠸᠠᠢ ᠬᠡᠯᠡᠬᠦ ᠳ᠋ᠦ᠍ ᠄
- ᠦᠭᠡᠢ ᠂ ᠦᠭᠡᠢ ᠂ ᠳᠣᠷᠵᠢ ᠭᠤᠸᠠᠢ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ ᠃
- ᠠᠮᠢᠳᠤᠷᠠᠯ ᠳ᠋ᠤ᠌ ᠨᠢᠭᠡ ᠤᠳᠠᠭᠠᠨ ᠲᠣᠬᠢᠶᠠᠯᠳᠤᠭᠰᠠᠨ ᠰᠠᠢᠬᠠᠨ ᠶᠠᠭᠤᠮᠠ ᠪᠠᠨ ᠠᠯᠳᠠᠴᠢᠬᠠᠭᠰᠠᠨ ᠬᠥᠮᠦᠨ ᠲᠡᠭᠦᠨ ᠢ᠋ᠶ᠋ᠡᠨ ᠶᠠᠷᠢᠬᠤ ᠳ᠋ᠤ᠌ ᠬᠡᠴᠡᠭᠦᠦ ᠪᠣᠯᠪᠠᠴᠤ ᠶᠠᠷᠢᠭᠰᠠᠨ ᠤ᠋ ᠳᠠᠷᠠᠭᠠ ᠣᠩᠭᠣᠢᠵᠤ ᠥᠩᠭᠡᠷᠡᠬᠦ ᠰᠢᠭ ᠪᠣᠯᠳᠠᠭ ᠶᠤᠮ ᠭᠡᠳ ᠳᠣᠷᠵᠢ ᠭᠤᠸᠠᠢ ᠨᠠᠳᠠ ᠥᠭᠡᠳᠡ ᠬᠠᠷᠠᠬᠤ ᠳ᠋ᠤ᠌ ᠤᠷᠤᠭᠤᠯ ᠳ᠋ᠤ᠌ ᠨᠢ ᠬᠦᠴᠦᠯᠡᠭᠰᠡᠨ ᠢᠨᠢᠶᠡᠮᠰᠦᠭᠯᠡᠯ ᠂ ᠨᠢᠳᠦᠨ ᠳ᠋ᠦ᠍ ᠨᠢ ᠭᠦᠨ ᠭᠠᠰᠢᠭᠤᠳᠠᠯ ᠲᠣᠳᠣᠷᠠᠵᠤ ᠪᠠᠢᠪᠠ ᠃ ᠳᠣᠷᠵᠢ ᠭᠤᠸᠠᠢ ᠠᠯᠭᠤᠷᠬᠠᠨ ᠪᠣᠰᠴᠤ ᠬᠣᠢᠲᠤ ᠬᠠᠨᠠᠨ ᠳ᠋ᠤ᠌ ᠡᠯᠭᠦᠭᠡᠰᠦᠲᠡᠢ ᠪᠠᠢᠭᠰᠠᠨ ᠵᠢᠵᠢᠭᠬᠡᠨ ᠬᠦᠷᠡᠩ ᠭᠣᠣ ᠲᠠᠢ ᠵᠢᠷᠤᠭ ᠠᠪᠴᠤ ᠢᠷᠡᠭᠡᠳ ᠪᠠᠢᠷᠢᠨ ᠳ᠋ᠤ᠌ ᠪᠠᠨ
ᠰᠠᠭᠤᠵᠤ ᠄《 ᠮᠢᠨᠦ ᠵᠢᠷᠭᠠᠯ ᠤ᠋ᠨ ᠲᠡᠮᠳᠡᠭ ᠡᠨᠳᠡ ᠪᠠᠢᠨᠠ 》ᠭᠡᠳ ᠨᠠᠳᠠ ᠳ᠋ᠤ᠌ ᠥᠭᠬᠦ ᠭᠡᠰᠡᠨ ᠢ᠋ᠶ᠋ᠡᠨ ᠪᠣᠯᠢᠵᠤ ᠡᠮᠦᠨᠡ ᠪᠡᠨ ᠪᠠᠷᠢᠨ ᠰᠢᠷᠲᠡᠪᠡ ᠃ ᠪᠢ ᠪᠣᠰᠴᠤ ᠠᠷᠤ ᠳ᠋ᠤ᠌ ᠨᠢ ᠣᠴᠢᠵᠤ ᠮᠥᠷᠦᠨ ᠳᠡᠭᠡᠭᠦᠷ ᠨᠢ ᠬᠠᠷᠠᠯᠠ ᠃ ᠨᠡᠯᠢᠶᠡᠳ ᠬᠠᠭᠤᠴᠢᠷᠠᠭᠰᠠᠨ ᠭᠡᠷᠡᠯ ᠵᠢᠷᠤᠭ ᠳᠡᠭᠡᠷᠡ ᠳᠤᠮᠳᠠ ᠪᠠᠨ ᠥᠨᠳᠥᠷ ᠨᠠᠷᠢᠬᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠬᠢᠮᠡᠯ ᠴᠡᠴᠡᠭ ᠲᠠᠯᠪᠢᠵᠤ ᠂ ᠡᠭᠴᠡ ᠬᠠᠷᠠᠨ ᠵᠣᠭᠰᠣᠭᠰᠠᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠳᠦᠷᠢ ᠪᠠᠢᠪᠠ ᠃
- ᠳᠣᠯᠵᠢᠨ ᠮᠢᠨᠢ ᠡᠨᠡ ᠰᠢᠦ ᠳᠠ ᠭᠡᠵᠦ ᠳᠣᠷᠵᠢ ᠭᠤᠸᠠᠢ ᠲᠡᠷᠡ ᠵᠢᠷᠤᠭ ᠳᠡᠭᠡᠷᠡ ᠪᠠᠢᠭᠠ ᠡᠮᠡᠭᠲᠡᠢ ᠶ᠋ᠢ ᠬᠣᠰᠢᠭᠤ ᠪᠠᠨ ᠴᠣᠷᠪᠣᠢᠯᠭᠠᠨ ᠵᠢᠭᠠᠪᠠ ᠃ ᠳᠤᠯᠵᠢᠨ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠬᠥᠭᠡᠷᠦᠬᠦᠨ ᠬᠡᠦᠬᠡᠨ ᠴᠦ᠍ ᠪᠢᠰᠢ ᠯᠡ ᠪᠠᠢᠪᠠ ᠃ ᠭᠡᠪᠡᠴᠦ ᠬᠠᠷᠠᠬᠤ ᠲᠤᠲᠤᠮ ᠶᠠᠮᠠᠷ ᠨᠢᠭᠡᠨ ᠶᠡᠷᠦ ᠪᠤᠰᠤ ᠶ᠋ᠢᠨ ᠲᠠᠢᠪᠤᠩ ᠪᠠᠢᠳᠠᠯ ᠨᠢᠳᠦᠨ ᠳ᠋ᠦ᠍ ᠨᠢ ᠬᠡᠷᠡᠯᠳᠦᠵᠦ ᠨᠢᠭᠤᠷ ᠤ᠋ᠨ ᠰᠢᠷᠬᠡᠭ ᠪᠦᠷᠢ ᠡᠴᠡ ᠨᠢ ᠪᠠᠶᠠᠷ ᠵᠢᠷᠭᠠᠯ ᠤ᠋ᠨ ᠲᠤᠶᠠᠭᠠ ᠰᠠᠴᠤᠷᠠᠵᠤ ᠂ ᠨᠢᠳᠦ ᠶ᠋ᠢ ᠮᠢᠨᠢ ᠪᠤᠯᠢᠶᠠᠨ ᠢᠯᠴᠢ ᠪᠡᠷ ᠵᠢᠩᠨᠡᠵᠦ ᠂ ᠲᠡᠷᠡ ᠢᠯᠴᠢ ᠨᠢ ᠵᠢᠷᠦᠬᠡ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠳᠡᠮᠵᠢᠵᠦ ᠪᠠᠢᠪᠠ ᠃ ᠬᠡᠦᠬᠡᠨ ᠦ᠌ ᠪᠠᠷᠢᠵᠤ ᠶᠠᠳᠠᠭᠰᠠᠨ ᠭᠡᠨᠡᠨ ᠢᠨᠢᠶᠡᠮᠰᠦᠭᠯᠡᠯ ᠤᠷᠤᠭᠤᠯ ᠳ᠋ᠤ᠌ ᠨᠢ ᠲᠣᠳᠣᠷᠠᠵᠤ ᠪᠠᠢᠭᠠ ᠡᠨᠡ ᠵᠢᠷᠤᠭ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠵᠢᠷᠭᠠᠯ ᠤ᠋ᠨ ᠢ᠋ᠶ᠋ᠠᠨ ᠡᠬᠢᠨ ᠂ ᠵᠠᠯᠠᠭᠤ ᠴᠠᠭ ᠲᠤ᠌ ᠪᠠᠨ ᠵᠠᠭᠤᠷᠠᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠲᠡᠭᠦᠨ ᠦ᠌ ᠲᠥᠯᠥᠭᠡ ᠬᠠᠷᠠᠮᠰᠠᠬᠤ ᠰᠡᠳᠬᠢᠯ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠲᠥᠷᠥᠵᠦ ᠰᠠᠨᠠᠭᠠ ᠠᠯᠳᠠᠪᠠ ᠃ ᠬᠠᠷᠢᠨ ᠳᠣᠷᠵᠢ ᠭᠤᠸᠠᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠪᠣᠯ ᠲᠡᠷᠡ ᠦᠶᠡ ᠶ᠋ᠢᠨ ᠴᠣᠭ ᠵᠢᠪᠬᠤᠯᠠᠩ ᠪᠦᠷᠢᠳᠦᠭᠰᠡᠨ ᠶᠣᠰᠣᠲᠠᠢ ᠯᠠ ᠲᠣᠰᠣᠲᠠᠢ ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠰᠢ ᠦᠭᠡᠢ ᠳᠣᠷᠵᠢ ᠠ᠋ᠴᠠ ᠣᠳᠣᠬᠢ ᠶ᠋ᠢᠨ ᠳᠣᠷᠵᠢ ᠳ᠋ᠤ᠌ ᠦᠯᠡᠳᠡᠭᠡᠭᠰᠡᠨ ᠶᠠᠭᠤᠮᠠ ᠮᠠᠰᠢ ᠬᠣᠪᠣᠷ ᠪᠠᠢᠯᠠ ᠃ ᠪᠢᠳᠡ ᠬᠣᠶᠠᠷ ᠵᠢᠷᠤᠭ ᠤᠷᠤᠭᠤ ᠰᠢᠷᠳᠡᠨ ᠬᠡᠰᠡᠭ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠤ᠋ ᠳᠠᠷᠠᠭᠠ ᠳᠣᠷᠵᠢ ᠭᠤᠸᠠᠢ ᠬᠣᠶᠠᠷ ᠤᠳᠠᠭᠠ ᠵᠥᠭᠡᠯᠡᠨ ᠲᠠᠮᠰᠢᠶᠠᠯᠠᠵᠤ ᠰᠠᠨᠠᠭᠠ ᠠᠯᠳᠠᠭᠰᠠᠨ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠄
- ᠵᠠ ᠲᠡᠭᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ ᠳᠠ ᠂ ᠦᠬᠦᠭᠰᠡᠨ ᠦ᠌ ᠪᠡᠨ ᠬᠣᠢᠨᠠ ᠠ᠋ᠴᠠ ᠦᠬᠦᠳᠡᠭ ᠦᠭᠡᠢ ᠭᠡᠭᠴᠢ ᠪᠡᠷ ᠬᠦᠦ ᠪᠢᠳᠡ ᠬᠣᠶᠠᠷ ᠦᠯᠡᠳᠡᠵᠦ ᠠᠮᠢᠳᠤᠷᠠᠯ ᠤ᠋ᠨ ᠲᠥᠯᠥᠭᠡ ᠯᠡ ᠵᠢᠳᠬᠦᠯᠡ ᠃ ᠡᠬᠡ ᠨᠢ ᠣᠯᠠᠨ ᠳ᠋ᠤ᠌ ᠨᠡᠷᠡᠲᠡᠢ ᠂ ᠲᠦᠮᠡᠨ ᠳ᠋ᠦ᠍ ᠬᠦᠨᠳᠦᠲᠡᠢ ᠂ ᠬᠠᠢᠷᠠ ᠪᠤᠯᠢᠶᠠᠵᠤ ᠂ ᠰᠡᠳᠬᠢᠯ ᠲᠠᠲᠠᠭᠰᠠᠨ ᠬᠥᠮᠦᠨ ᠪᠠᠢᠭᠰᠠᠨ ᠪᠣᠯᠬᠣᠷ ᠥᠨᠥᠴᠢᠨ ᠬᠡᠦᠬᠡᠳ ᠢ᠋ ᠨᠢ ᠴᠡᠷᠢᠭ ᠂ ᠳᠠᠷᠤᠭᠠ ᠂ ᠭᠡᠷ ᠪᠦᠯᠢ ᠶ᠋ᠢᠨ ᠬᠢᠨᠢ ᠬᠥᠮᠦᠰ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠠᠰᠠᠷᠠᠵᠤ ᠂ ᠲᠥᠷᠥᠭᠰᠡᠨ ᠦᠷᠡ ᠂ ᠭᠠᠷᠤᠭᠰᠠᠨ ᠬᠡᠦᠬᠡᠳ ᠡᠰ ᠥᠭᠡᠷᠡ ᠴᠦ᠍ ᠦᠭᠡᠢ ᠬᠠᠷᠠᠵᠤ ᠬᠠᠨᠳᠤᠵᠤ ᠪᠠᠢᠯᠠ ᠃ ᠮᠢᠨᠦ ᠬᠦᠦ ᠴᠦ᠍ ᠬᠥᠮᠦᠨ ᠤ ᠬᠠᠢᠷᠠ ᠶ᠋ᠢ ᠪᠤᠯᠢᠶᠠᠭᠰᠠᠨ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠪᠠᠢᠵᠤ ᠳᠠ ᠃ ᠪᠢ ᠠᠵᠢᠯ ᠠ᠋ᠴᠠ ᠢᠷᠡᠮᠡᠭᠴᠡ ᠬᠦᠦ ᠲᠡᠢ ᠪᠡᠨ ᠲᠣᠭᠯᠠᠵᠤ ᠂ ᠠᠮᠲᠠᠲᠠᠢ ᠪᠦᠬᠦᠨ ᠢ᠋ᠶ᠋ᠡᠨ ᠠᠮᠠᠨ ᠳ᠋ᠤ᠌ ᠪᠠᠨ ᠬᠢᠯᠡ ᠦᠭᠡᠢ ᠥᠭᠴᠦ ᠂ ᠠᠯᠢ ᠰᠠᠢᠬᠠᠨ ᠪᠦᠬᠦᠨ ᠢ᠋ᠶ᠋ᠡᠨ ᠲᠡᠭᠦᠨ ᠳ᠋ᠦ᠍ ᠵᠣᠷᠢᠭᠤᠯᠤᠨ ᠵᠢᠯ ᠪᠣᠯᠤᠯᠠ ᠃
ᠦᠷᠭᠦᠯᠵᠢᠯᠡᠯ ᠪᠠᠢᠨᠠ ᠁