ᠵᠠᠩᠭᠠᠷ ᠤ᠋ᠨ ᠣᠷᠣᠰᠢᠯ ᠪᠦᠯᠦᠭ ᠦ᠋ᠨ ᠳᠥᠷᠪᠡᠳᠦᠭᠡᠷ ᠬᠡᠰᠡᠭᠯᠡᠯ- ᠠᠪᠠᠢ ᠭᠡᠷᠡᠯ ᠬᠠᠲᠤᠨЖангарын оршил бөлгийн дөрөвдүгээр хэсэглэл-авай гэрэл хатан
1234ᠵᠠᠩᠭᠠᠷ ᠤ᠋ᠨ ᠣᠷᠣᠰᠢᠯ ᠪᠦᠯᠦᠭ ᠦ᠋ᠨ ᠳᠥᠷᠪᠡᠳᠦᠭᠡᠷ ᠬᠡᠰᠡᠭᠯᠡᠯ
ᠠᠪᠠᠢ
ᠭᠡᠷᠡᠯ ᠬᠠᠲᠤᠨ
ᠠᠯᠳᠠᠷ
ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ᠂
ᠠᠪᠠᠢ ᠭᠡᠷᠡᠯ ᠬᠠᠲᠤᠨ ᠤ᠋ ᠳᠦᠷᠢ ᠶ᠋ᠢ᠂
ᠡᠨᠳᠡ ᠰᠠᠭᠤᠭᠰᠠᠨ ᠲᠠᠨᠠᠷ ᠲᠠᠭᠠᠨ᠂
ᠡᠬᠡᠰᠢᠭ ᠳᠠᠭᠤᠤ ᠪᠠᠷ ᠤᠶᠠᠩᠭᠠᠯᠠᠭᠠᠳ᠂᠂
ᠰᠠᠢᠨ ᠶᠣᠰᠣ ᠶ᠋ᠢ ᠬᠢᠴᠢᠶᠡᠩᠭᠦᠢᠯᠡᠨ᠂
ᠰᠠᠨᠠᠭᠠᠨ ᠳ᠋ᠤ᠌ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠲᠤᠩᠭᠠᠭᠠᠳ᠂
ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯᠠ᠂
ᠭᠠᠷᠬᠤ ᠨᠠᠷᠠᠨ ᠤ᠋ ᠳᠦᠷᠢ ᠲᠡᠢ ᠭᠡᠨᠡ ᠯᠡ᠂
ᠭᠠᠯᠪᠢᠷ ᠤᠯᠠᠭᠠᠨ ᠬᠠᠴᠠᠷ ᠲᠠᠢ᠂
ᠣᠷᠣᠬᠤ ᠨᠠᠷᠠᠨ ᠤ᠋ ᠳᠦᠷᠢ ᠲᠡᠢ ᠭᠡᠨᠡ ᠯᠡ᠂
ᠤᠯᠠᠪᠢᠷ ᠤᠯᠠᠭᠠᠨ ᠬᠠᠴᠠᠷ ᠲᠠᠢ᠂
ᠮᠣᠢᠯ ᠬᠣᠶᠠᠷ ᠨᠢᠳᠦ ᠲᠡᠢ ᠭᠡᠨᠡ ᠯᠡ᠂
ᠮᠥᠭᠡᠷᠡᠯ ᠰᠠᠢᠬᠠᠨ ᠬᠠᠮᠠᠷ ᠲᠠᠢ ᠭᠡᠨᠡ ᠯᠡ᠂
ᠬᠠᠰ ᠴᠠᠭᠠᠨ ᠰᠢᠲᠦ ᠲᠡᠢ ᠭᠡᠨᠡ᠂
ᠬᠠᠯᠪᠠᠷ ᠮᠥᠩᠭᠥᠨ ᠤᠷᠤᠭᠤᠯ ᠲᠠᠢ ᠭᠡᠨᠡ᠂
ᠴᠢᠬᠢ ᠲᠡᠢ ᠪᠡᠨ ᠰᠠᠴᠠᠭᠤ ᠱᠠᠩᠬᠠᠭ ᠲᠠᠢ ᠭᠡᠨᠡ ᠯᠡ᠂
ᠴᠢᠯᠳᠡᠩ ᠤᠯᠠᠭᠠᠨ ᠬᠠᠴᠠᠷ ᠲᠠᠢ ᠭᠡᠨᠡ ᠯᠡ᠂
ᠡᠭᠡᠮ ᠲᠡᠢ ᠪᠡᠨ ᠰᠠᠴᠠᠭᠤ ᠱᠠᠩᠬᠠᠭ ᠲᠠᠢ ᠭᠡᠨᠡ ᠯᠡ᠂
ᠡᠶᠡᠯᠳᠡᠭ ᠰᠠᠢᠬᠠᠨ ᠬᠠᠴᠠᠷ ᠲᠠᠢ ᠯᠠ ᠭᠡᠨᠡ ᠯᠡ᠂
ᠥᠷᠢᠭᠦᠦ ᠵᠥᠷᠢᠭᠦᠦ ᠪᠠᠷᠠᠯᠠᠭᠰᠠᠨ ᠬᠥᠮᠦᠰ ᠲᠦ᠍᠂
ᠤᠢᠲᠠᠨ ᠡᠩᠨᠡᠭᠡᠨ ᠴᠡᠴᠡᠭ ᠦ᠋ᠨ᠂
ᠦᠨᠦᠷ ᠲᠠᠨᠢᠷ ᠴᠣᠬᠢᠬᠤ ᠲᠣᠰᠤᠮ᠂
ᠦᠷᠭᠦᠯᠵᠢ ᠮᠥᠩᠬᠡ ᠨᠠᠰᠤᠯᠠᠨ ᠵᠢᠷᠭᠠᠳᠠᠭ ᠰᠠᠨᠵᠠᠢ ᠭᠡᠨᠡ
ᠯᠡ᠂
ᠭᠡᠷ ᠢᠪᠲᠡ ᠭᠡᠷᠡᠯ ᠲᠡᠢ ᠭᠡᠨᠡ ᠯᠡ᠂
ᠭᠡᠭᠡ ᠢᠪᠲᠡ ᠲᠣᠯᠢ ᠲᠠᠢ ᠭᠡᠨᠡ ᠯᠡ᠂
ᠭᠡᠷᠡᠯ ᠳ᠋ᠦ᠍ᠨᠢ ᠦᠢᠯᠡ ᠪᠠᠷᠢᠮᠠ᠂
ᠭᠡᠭᠡᠨ ᠳ᠋ᠦ᠍ᠨᠢ ᠠᠳᠤᠭᠤ ᠮᠠᠨᠠᠮᠠ᠂
ᠦᠬᠦᠭᠰᠡᠨ ᠬᠥᠮᠦᠨ ᠢ᠋ ᠠᠮᠢᠳᠤᠷᠠᠭᠤᠯᠳᠠᠭ᠂
ᠦᠭᠡᠢᠷᠡᠭᠰᠡᠨ ᠬᠥᠮᠦᠨ ᠢ᠋ ᠪᠠᠶᠠᠵᠢᠭᠤᠯᠳᠠᠭ᠂
ᠰᠣᠬᠣᠷ ᠬᠥᠮᠦᠨ ᠳ᠋ᠦ᠍ ᠨᠢᠳᠦ ᠣᠷᠣᠭᠤᠯᠳᠠᠭ᠂
ᠰᠤᠳᠤᠷ ᠬᠥᠮᠦᠨ ᠳ᠋ᠦ᠍ ᠤᠬᠠᠭᠠ ᠣᠷᠣᠭᠤᠯᠳᠠᠭ᠂
ᠷᠢᠳᠢ ᠲᠡᠢ ᠰᠢᠳᠢ ᠲᠡᠢ ᠬᠠᠲᠤᠨ ᠭᠡᠵᠦ᠂
ᠬᠡᠯᠡᠳᠡᠭ ᠰᠠᠨᠵᠠᠢ ᠭᠡᠨᠡ ᠯᠡ᠃
ᠦᠭᠡᠰ ᠦ᠋ᠨ
ᠲᠠᠢᠯᠪᠤᠷᠢ᠄
1᠂ ᠣᠷᠣᠬᠤ ᠨᠠᠷᠠ᠁
ᠵᠢᠷᠭᠠᠬᠤ ᠨᠠᠷᠠ᠂ ᠰᠢᠩᠭᠡᠬᠦ ᠨᠠᠷᠠ᠃
2᠂ ᠮᠥᠭᠡᠷᠡᠯ ᠰᠠᠢᠬᠠᠨ ᠬᠠᠮᠠᠷ᠁
ᠲᠡᠭᠰᠢ ᠰᠠᠢᠬᠠᠨ ᠬᠠᠮᠠᠷ᠃
3᠂ ᠬᠠᠯᠪᠠᠷ ᠮᠥᠩᠭᠥᠨ ᠤᠷᠤᠭᠤᠯ᠁ ᠨᠢᠮᠭᠡᠨ ᠲᠡᠭᠰᠢᠬᠡᠨ
ᠰᠠᠢᠬᠠᠨ ᠤᠷᠤᠭᠤᠯ᠃
4᠂ ᠱᠠᠩᠬᠠᠭ᠁ ᠮᠠᠩᠨᠠᠢ ᠳᠡᠭᠡᠷᠡ ᠤᠷᠭᠤᠭᠰᠠᠨ ᠦᠰᠦ ᠪᠡᠨ ᠬᠣᠶᠠᠷ ᠲᠡᠢᠰᠢ ᠨᠢ ᠬᠣᠶᠠᠷ ᠴᠢᠬᠢᠨ ᠦ᠌ ᠪᠡᠨ ᠤᠷᠢᠳᠠᠭᠤᠷ ᠰᠢᠨᠡ ᠪᠡᠨ ᠳᠠᠭᠠᠭᠤᠯᠤᠨ ᠰᠠᠮᠨᠠᠭᠰᠠᠨ ᠪᠠᠢᠳᠠᠯ᠃
5᠂ ᠤᠢᠲᠠᠨ᠁ ᠴᠡᠴᠡᠭ ᠦ᠋ᠨ ᠨᠡᠷᠡ᠃
6᠂ ᠢᠪᠡᠳᠡ᠁ ᠨᠡᠪᠲᠡ ᠣᠢᠷᠠᠳ ᠬᠡᠯᠡᠨ ᠦ᠌ ᠠᠶᠠᠯᠭᠤᠨ ᠳ᠋ᠤ᠌ ᠵᠠᠷᠢᠮ ᠭᠠᠵᠠᠷ ᠨᠤᠲᠤᠭ ᠲᠤ᠌ ᠢᠪᠲᠡ ᠭᠡᠵᠦ
ᠬᠡᠯᠡᠳᠡᠭ᠃
7᠂ ᠰᠤᠳᠤᠷ᠁ ᠣᠢᠷᠠᠳ ᠠᠶᠠᠯᠭᠤᠨ ᠳ᠋ᠤ᠌ ᠲᠡᠨᠡᠭ ᠮᠤᠩᠬᠠᠭ᠂
ᠤᠰᠤᠨ ᠲᠡᠨᠡᠭ ᠭᠡᠬᠦ ᠵᠡᠷᠭᠡ ᠤᠳᠬᠠ ᠪᠠᠷ ᠬᠡᠯᠡᠭᠳᠡᠨᠡ᠃
8᠂ ᠠᠪᠠᠢ ᠭᠡᠷᠡᠯ᠁ ᠵᠠᠩᠭᠠᠷ ᠤ᠋ᠨ ᠬᠠᠲᠤᠨ ᠤ᠋ ᠬᠦᠨᠳᠦᠳᠬᠡᠯ ᠳᠠᠭᠤᠳᠠᠯᠭᠠ᠂ ᠵᠠᠩᠭᠠᠷ ᠤ᠋ᠨ ᠠᠪᠠᠯᠢ ᠬᠠᠲᠤᠨ ᠭᠡᠰᠡᠨ ᠬᠦᠨᠳᠦᠳᠬᠡᠯ ᠳᠠᠭᠤᠳᠠᠯᠭᠠ
ᠪᠣᠯᠤᠨᠠ᠃
9᠂ ᠭᠠᠯᠪᠢᠷ ᠤᠯᠠᠭᠠᠨ᠁ ᠭᠠᠯ ᠰᠢᠭ᠋ ᠤᠯᠠᠭᠠᠨ᠃
10᠂ ᠴᠢᠯᠳᠡᠩ᠁ ᠴᠢᠰ ᠤᠯᠠᠭᠠᠨ᠃
2022᠂12᠂4 ᠭᠠᠷᠠᠭ ᠤ᠋ᠨ
ᠡᠳᠦᠷ ᠦ᠋ᠨ ᠦᠳᠡᠰᠢ ᠶ᠋ᠢᠨ10 ᠴᠠᠭ ᠲᠤ᠌
ᠬᠠᠯᠢᠮᠠᠭ ᠤᠯᠤᠰ ᠤ᠋ᠨ ᠨᠡᠢᠰᠯᠡᠯ ᠡᠯᠡᠰᠦᠲᠡᠢ ᠬᠣᠲᠠ ᠶ᠋ᠢᠨ ᠣᠶᠤᠲᠠᠨ ᠤ᠋ ᠪᠠᠢᠷᠢ ᠳ᠋ᠤ᠌ ᠪᠢᠴᠢᠵᠦ
ᠲᠡᠮᠳᠡᠭᠯᠡᠪᠡ᠃ ᠳ᠂ ᠨᠠᠷᠠᠰᠤ᠃
