ᠲᠠᠢᠬᠠᠷ ᠴᠢᠯᠠᠭᠤТайхар чулуу
396ᠲᠠᠢᠬᠠᠷ ᠴᠢᠯᠠᠭᠤ
ᠳᠡᠯᠡᠬᠡᠢ ᠳᠦ ᠪᠢ
ᠲᠥᠭᠡᠷᠢᠯᠡ ᠭᠡᠵᠦ ᠪᠣᠳᠣᠬᠤ ᠳᠤ ᠂
ᠳᠡᠪᠡᠯ ᠦᠨ ᠢᠶ᠋ᠡᠨ
ᠲᠣᠪᠴᠢ ᠪᠣᠯᠭᠠᠬᠤ ᠭᠠᠭᠴᠠ ᠴᠢᠯᠠᠭᠤ ᠲᠠᠢᠬᠠᠷ ᠂
ᠳᠡᠷᠭᠡᠳᠡᠭᠦᠷ ᠨᠢ
ᠳᠠᠪᠬᠢᠵᠤ ᠥᠩᠭᠡᠷᠡᠬᠦ ᠳᠦ ᠪᠡᠨ ᠂
ᠳᠥᠷᠥᠭᠡ
ᠮᠤᠯᠲᠤᠯᠳᠠᠭ ᠣᠯᠠᠨ ᠴᠢᠯᠠᠭᠤᠨ ᠤ ᠨᠢᠭᠡ ᠲᠠᠢᠬᠠᠷ ᠠ᠋ ᠂
ᠯᠤᠤ ᠶ᠋ᠢᠨ ᠬᠡᠲᠦ
ᠤᠷᠤᠰᠬᠠᠯ ᠭᠣᠣᠯ ᠤᠨ ᠢᠶ᠋ᠠᠨ ᠲᠣᠬᠣᠢ ᠳᠤ ᠂
ᠯᠤᠤᠰ ᠤᠨ ᠬᠠᠭᠠᠨ
ᠨᠢ ᠲᠠᠮᠠᠭᠠ ᠪᠠᠨ ᠵᠠᠯᠠᠭᠰᠠᠨ ᠶᠤᠮ ᠭᠡᠯᠲᠡᠢ ᠂
ᠮᠠᠭᠤ ᠢᠷᠣᠠ ᠶ᠋ᠢ
ᠦᠭᠡᠢ ᠬᠢᠭᠰᠡᠨ ᠬᠦᠴᠦᠲᠡᠨ ᠂
ᠮᠣᠶ᠋ᠢᠬᠤᠷᠯᠠᠵᠤ
ᠡᠪᠦᠳᠦᠭᠯᠡᠭᠰᠡᠨ ᠣᠮᠣᠭ ᠢᠶ᠋ᠠᠨ ᠳᠠᠷᠤᠭᠰᠠᠨ ᠶᠤᠮ ᠭᠡᠯᠲᠡᠢ ᠂
ᠤᠰᠤᠨ ᠤ ᠬᠠᠭᠠᠨ
ᠲᠤᠩᠭᠠᠯᠠᠭ ᠲᠦ ᠲᠤᠬᠠᠯᠠᠭᠰᠠᠨ ᠴᠢᠯᠠᠭᠤ ᠲᠠᠢᠬᠠᠷ ᠠ᠋ ᠂
ᠤᠷᠠᠨ ᠪᠠᠶ᠋ᠢᠭᠠᠯᠢ
ᠪᠠᠨ ᠲᠤᠩᠬᠠᠭᠯᠠᠭᠰᠠᠨ ᠴᠢᠯᠠᠭᠤ ᠲᠠᠢᠬᠠᠷ ᠠ᠋ ᠂
ᠬᠤᠷᠳᠤ ᠶᠡᠬᠡᠲᠡᠢ
ᠲᠠᠮᠢᠷ ᠤᠨ ᠤᠷᠤᠰᠬᠠᠯ ᠰᠥᠷᠦᠨ ᠴᠢᠩᠭᠠᠷᠠᠵᠤ ᠂
ᠬᠤᠪᠢ ᠵᠠᠶᠠᠭᠠ
ᠶᠡᠬᠡᠲᠡᠢ ᠲᠦᠮᠡᠨ ᠦ ᠳᠤᠷᠠᠰᠬᠠᠯ ᠳᠦᠭᠦᠷᠡᠩ ᠭᠠᠩᠭᠠᠷᠠᠵᠤ ᠂
ᠬᠥᠬᠡ ᠲᠡᠭᠷᠢ ᠶ᠋ᠢᠨ
ᠳᠣᠣᠷᠠ ᠲᠦᠷᠦᠭᠦᠯᠡᠭᠰᠡᠨ ᠪᠥᠬᠡ ᠰᠢᠭ᠌ ᠭᠠᠭᠴᠠᠭᠠᠷ ᠲᠣᠷᠤᠶ᠋ᠢᠬᠰᠠᠨ ᠂
ᠬᠦᠯᠦᠭ ᠰᠢᠷᠡᠭᠡ
ᠬᠥᠨᠳᠡᠢ ᠳᠦ ᠵᠠᠩᠵᠤᠨ ᠲᠤᠭ ᠰᠢᠭ᠋ ᠪᠣᠰᠤᠭᠠ ᠵᠠᠶᠠᠭᠠᠭᠰᠠᠨ ᠂
ᠤᠰᠤᠨ ᠭᠠᠯᠪᠠ ᠶ᠋ᠢᠨ
ᠬᠥᠯ ᠦᠭᠡᠢ ᠢᠷᠣᠭᠠᠷ ᠲᠦ ᠵᠢᠪᠦᠯᠡ ᠴᠦ᠍ ᠂
ᠤᠷᠤᠰᠴᠤ
ᠦᠷᠡᠭᠳᠡᠭᠡ ᠨᠢ ᠦᠭᠡᠢ ᠭᠠᠵᠠᠷ ᠤᠨ ᠪᠣᠰᠤᠭᠠ ᠴᠢᠯᠠᠭᠤ ᠲᠠᠢᠬᠠᠷ ᠠ᠋ ᠂
ᠤᠬᠠᠭᠠᠨᠲᠤ ᠠᠷᠠᠳ ᠤᠨ
ᠬᠥᠯᠭᠡᠨ ᠢᠷᠦᠭᠡᠯ ᠳᠦ ᠬᠥᠪᠦᠯᠡ ᠴᠦ᠍ ᠂
ᠤᠷᠭᠤᠵᠤ ᠨᠢᠰᠦᠭᠡ
ᠦᠭᠡᠢ ᠦᠨᠡᠨ ᠦ ᠬᠥᠰᠢᠶᠡ ᠴᠢᠯᠠᠭᠤ ᠲᠠᠢᠬᠠᠷ ᠠ᠋ ᠂
ᠥᠷᠭᠡᠨ ᠲᠦᠮᠡᠨ ᠦ
ᠨᠥᠮᠥᠭ ᠰᠤᠷᠭᠠᠯ ᠢ ᠣᠭᠣᠷᠴᠤ ᠬᠡᠮᠡᠨ ᠂
ᠥᠭᠭᠢᠶᠡᠮᠦᠷ
ᠠᠴᠢᠲᠠᠨ ᠤ ᠳᠣᠮᠣᠭ ᠴᠢᠳᠠᠯ ᠢ ᠮᠠᠷᠲᠠᠵᠤ ᠬᠡᠮᠡᠨ ᠂
ᠥᠯᠮᠡᠢ ᠳ᠋ᠤᠨᠢ
ᠰᠡᠷᠵᠢᠮ ᠳᠥᠪᠵᠢᠮ ᠣᠪᠣᠭᠠᠷᠠᠯᠠ ᠴᠤ᠌ ᠂
ᠥᠯᠢᠢᠵᠦ
ᠥᠩᠭᠡᠶ᠋ᠢᠬᠦ ᠰᠢᠬᠦᠮ ᠬᠦᠳᠦᠩ ᠴᠣᠷᠣᠶ᠋ᠢᠯᠠ ᠴᠤ᠌ ᠂
ᠬᠤᠭᠤᠷ ᠤᠨ
ᠲᠡᠪᠬᠡ ᠰᠢᠭ᠌ ᠤᠶᠠᠩᠭᠠ ᠤᠷᠤᠰᠬᠠᠯ ᠰᠠᠮᠨᠠᠵᠤ ᠡᠷᠭᠦᠭᠰᠡᠨ ᠂
ᠬᠤᠷ ᠰᠠᠯᠬᠢᠨ ᠳᠤ
ᠲᠣᠷᠲᠣᠭ ᠲᠣᠭᠣᠰᠣ ᠪᠠᠨ ᠰᠢᠯᠭᠡᠭᠡᠭᠰᠡᠨ ᠂
ᠭᠠᠷᠬᠤ ᠳᠥᠷᠥᠭᠡ
ᠦᠭᠡᠢ ᠳᠣᠭᠰᠢᠨ ᠭᠠᠵᠠᠷ ᠤᠨ ᠣᠩᠭᠣᠨ ᠴᠢᠯᠠᠭᠤ ᠲᠠᠢᠬᠠᠷ ᠂
ᠭᠠᠨᠵᠤᠭᠠ ᠵᠢᠷᠢᠮ
ᠦᠨ ᠣᠯᠣᠶ᠋ᠢᠷ ᠦᠭᠡᠢ ᠳᠡᠯᠡᠬᠡᠢ ᠶ᠋ᠢᠨ ᠡᠮᠨᠢᠭ ᠴᠢᠯᠠᠭᠤ ᠲᠠᠢᠬᠠᠷ ᠠ᠋ ᠂
ᠴᠠᠭᠠᠨ ᠳᠠᠪᠠᠭᠠᠨ ᠤ
ᠥᠨᠳᠥᠷ ᠡᠴᠡ ᠪᠠᠷᠠᠯᠠᠬᠤ ᠳᠤ ᠂
ᠴᠠᠬᠤᠯᠠᠢ ᠶ᠋ᠢᠨ
ᠳᠡᠪᠢᠭᠴᠢ ᠢᠰᠢᠭᠡ ᠡᠴᠡ ᠰᠡᠬᠡᠭᠡᠷᠡᠬᠦ ᠳᠦ ᠂
ᠠᠷᠤ ᠶ᠋ᠢᠨ
ᠰᠠᠶ᠋ᠢᠬᠠᠨ ᠬᠠᠩᠭᠠᠢ ᠶ᠋ᠢᠨ ᠢᠶ᠋ᠠᠨ ᠠᠭᠲᠠᠷᠠᠭᠠ ᠭᠡᠮᠡᠷ ᠣᠩᠭᠣᠨ ᠴᠢᠯᠠᠭᠤ ᠂
ᠠᠯᠳᠠᠭᠤᠯ ᠶᠡᠬᠡ
ᠲᠠᠮᠢᠷ ᠤᠨ ᠢᠶ᠋ᠠᠨ ᠠᠷᠭᠠᠮᠵᠢᠶᠠ ᠭᠡᠮᠡᠷ ᠡᠮᠵᠡᠭ ᠴᠢᠯᠠᠭᠤ ᠂
ᠵᠠᠭᠤ ᠵᠠᠭᠤᠨ ᠤ
ᠬᠢᠨ ᠦ ᠳᠣᠮᠣᠭ ᠲᠡᠩᠨᠡᠭᠰᠡᠨ ᠬᠠᠲᠤᠨ ᠴᠢᠯᠠᠭᠤ ᠂
ᠵᠢᠷᠦᠬᠡ ᠵᠢᠷᠦᠬᠡᠨ
ᠦ ᠤᠶᠠᠩᠭᠠ ᠨᠡᠶ᠋ᠢᠳᠬᠡᠭᠰᠡᠨ ᠬᠠᠲᠤᠨ ᠴᠢᠯᠠᠭᠤ ᠂
ᠵᠥᠷᠢᠵᠦ ᠮᠠᠷᠲᠠᠬᠤ
ᠶ᠋ᠢᠨ ᠠᠷᠭᠠ ᠦᠭᠡᠢ ᠬᠠᠷᠠᠭᠠ ᠪᠤᠯᠢᠶᠠᠭᠰᠠᠨ ᠴᠠᠮᠢᠨ ᠴᠢᠯᠠᠭᠤ ᠂
ᠵᠥᠪᠬᠡᠨ ᠭᠤᠷᠪᠠᠨ
ᠲᠠᠮᠢᠷ ᠲᠦ ᠪᠠᠨ ᠯᠠ ᠨᠢᠭᠡ ᠵᠠᠶᠠᠭᠠᠭᠰᠠᠨ ᠰᠣᠳᠣᠨ ᠴᠢᠯᠠᠭᠤ ᠂
ᠳᠡᠯᠡᠬᠡᠢ ᠳᠦ ᠪᠢ
ᠲᠥᠭᠡᠷᠢᠯᠡ ᠲᠣᠭᠣᠷᠢᠯᠠ ᠭᠡᠵᠦ ᠪᠣᠳᠣᠬᠤ ᠳᠤ ᠂
ᠳᠡᠪᠡᠯ ᠦᠨ ᠢᠶ᠋ᠡᠨ
ᠲᠣᠪᠴᠢ ᠶ᠋ᠢ ᠯᠠ ᠣᠯᠬᠤ ᠭᠠᠭᠴᠠ ᠴᠢᠯᠠᠭᠤ ᠮᠢᠨᠢ ᠲᠠᠢᠬᠠᠷ ᠠ᠋ ᠂
ᠳᠡᠷᠭᠡᠳᠡᠭᠦᠷ ᠨᠢ
ᠳᠠᠪᠬᠢᠭᠤᠯᠵᠤ ᠳᠡᠷᠪᠡᠭᠦᠯᠵᠦ ᠥᠩᠭᠡᠷᠡᠬᠦ ᠳᠦ ᠪᠡᠨ ᠂
ᠳᠥᠷᠥᠭᠡ
ᠠᠮᠠᠷᠠᠭᠠᠳᠠᠭ ᠣᠯᠠᠨ ᠣᠯᠠᠨ ᠴᠢᠯᠠᠭᠤᠨ ᠤ ᠬᠠᠭᠠᠨ ᠴᠢᠯᠠᠭᠤ ᠮᠢᠨᠢ ᠲᠠᠢᠬᠠᠷ ᠠ᠋ ᠃
ᠲᠠᠢᠬᠠᠷ ᠴᠢᠯᠠᠭᠤ ᠶᠢᠨ ᠲᠤᠬᠠᠢ
ᠠᠷᠤᠬᠠᠩᠭᠠᠢ ᠠᠢᠮᠠᠭ ᠤᠨ ᠶᠡᠬᠡᠲᠠᠮᠢᠷ ᠰᠤᠮᠤ ᠶᠢᠨ
ᠨᠤᠲᠤᠭ ᠲᠤ ᠴᠡᠴᠡᠷᠯᠢᠭ ᠬᠣᠲᠠ ᠠᠴᠠ 22 ᠺᠢᠯᠣᠮᠧᠲ᠋ᠷ ᠲᠤ ᠬᠣᠢᠳᠤ ᠲᠠᠮᠢᠷ ᠭᠣᠣᠯ ᠤᠨ ᠵᠠᠬᠠ ᠳᠤ ᠪᠠᠢᠳᠠᠭ᠃ ᠲᠠᠢᠬᠠᠷ ᠴᠢᠯᠠᠭᠤᠨ ᠤ
ᠥᠨᠳᠦᠷ ᠨᠢ 18 ᠮᠧᠲ᠋ᠷ ᠪᠥᠭᠡᠳ ᠪᠣᠷᠵᠢᠨ
ᠴᠢᠯᠠᠭᠤᠨ ᠠᠴᠠ ᠪᠦᠲᠦᠭᠰᠡᠨ ᠴᠣᠬᠢᠶᠠ ᠶᠤᠮ᠃ ᠲᠠᠮᠢᠷ ᠤᠨ ᠭᠣᠣᠯ ᠬᠣᠢᠳᠤ ᠡᠷᠭᠢ ᠶᠢᠨ ᠢᠶᠡᠨ ᠪᠣᠷᠵᠢᠨ
ᠬᠣᠰᠢᠭᠤ ᠶᠢ ᠣᠯᠠᠨ ᠰᠠᠶᠠ ᠵᠢᠯ ᠦᠨ ᠲᠤᠷᠰᠢ ᠡᠪᠳᠡᠨ ᠡᠯᠡᠭᠡᠭᠰᠡᠭᠡᠷ ᠳᠤᠮᠳᠠᠭᠤᠷ ᠨᠢ ᠲᠠᠰᠤᠯᠵᠤ ᠡᠨᠡ
ᠴᠣᠬᠢᠭᠠ ᠶᠢ ᠡᠭᠦᠰᠬᠡᠵᠡᠢ᠃
ᠲᠠᠢᠬᠠᠷ ᠴᠢᠯᠠᠭᠤᠨ ᠳᠤ ᠲᠦᠷᠦᠭ᠂ ᠤᠢᠭᠤᠷ᠂ ᠮᠣᠩᠭᠣᠯ᠂ ᠲᠦᠪᠡᠳ᠂ ᠮᠠᠨᠵᠤ᠂ ᠬᠢᠲᠠᠳ ᠵᠡᠷᠭᠡ ᠡᠷᠲᠡ
ᠡᠳᠦᠭᠡ ᠶᠢᠨ ᠣᠯᠠᠨ ᠤᠯᠤᠰ ᠦᠨᠳᠦᠰᠦᠲᠡᠨ ᠦ ᠬᠡᠯᠡ ᠪᠡᠷ ᠪᠢᠴᠢᠭᠰᠡᠨ 7-17ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ 150 ᠭᠠᠷᠤᠢ ᠪᠢᠴᠢᠭᠡᠰᠦ ᠪᠠᠢᠳᠠᠭ ᠪᠣᠯᠪᠠᠴᠤ ᠣᠨ ᠵᠢᠯ
ᠥᠩᠭᠡᠷᠡᠬᠦ ᠲᠤᠰᠤᠮ ᠤᠯᠠᠮ ᠪᠦᠳᠡᠭᠢᠷᠡᠵᠦ ᠪᠠᠯᠠᠷᠴᠢ ᠪᠠᠢᠨᠠ᠃ ᠪᠢᠴᠢᠭᠡᠰᠦ ᠶᠢᠨ 70 ᠣᠷᠴᠢᠮ ᠨᠢ ᠮᠣᠩᠭᠣᠯ ᠦᠰᠦᠭ ᠢᠶᠡᠷ ᠪᠢᠴᠢᠭᠰᠡᠨ
ᠪᠠᠢᠳᠠᠭ ᠪᠠ 15-17ᠳ᠋ᠤᠭᠠᠷ ᠵᠠᠭᠤᠨ ᠤ
ᠦᠶᠡ ᠶᠢᠨ ᠮᠣᠩᠭᠣᠯ ᠤᠨ ᠲᠥᠷᠥ ᠶᠢᠨ ᠵᠢᠳᠬᠦᠯᠲᠡᠨ ᠣᠢᠷᠠᠳ ᠤᠨ ᠬᠤᠤᠬᠠᠢ ᠳᠠᠶᠤ᠂ ᠬᠠᠯᠬᠠ ᠶᠢᠨ ᠴᠣᠭᠲᠤ
ᠬᠤᠩᠲᠠᠢᠵᠢ ᠶᠢᠨ ᠨᠡᠷᠡᠰ ᠤᠩᠰᠢᠭᠳᠠᠳᠠᠭ ᠪᠠᠢᠨᠠ᠃ ᠮᠥᠨ 1722 ᠣᠨ ᠳᠤ ᠳᠠᠢᠴᠢᠨ ᠤᠯᠤᠰ ᠤᠨ
ᠡᠩᠬᠡ-ᠠᠮᠤᠭᠤᠯᠠᠩ ᠤᠨ ᠶᠠᠮᠠᠷ ᠨᠢᠭᠡᠨ ᠪᠢᠴᠢᠭ ᠵᠠᠷᠯᠢᠭ ᠢ ᠷᠠᠪᠳᠠᠨ ᠢᠶᠠᠷ ᠬᠦᠷᠭᠡᠭᠦᠯᠦᠭᠰᠡᠨ ᠲᠤᠬᠠᠢ
ᠪᠢᠴᠢᠭᠡᠰᠦ ᠪᠤᠢ᠃ ᠲᠠᠢᠬᠠᠷ ᠴᠢᠯᠠᠭᠤᠨ ᠳᠤ ᠪᠢᠴᠢᠭ ᠰᠡᠢᠯᠵᠦ ᠦᠯᠡᠳᠡᠭᠡᠭᠰᠡᠨ ᠬᠦᠮᠦᠨ ᠨᠡᠷᠡ ᠪᠡᠨ
ᠪᠢᠴᠢᠳᠡᠭ ᠪᠠᠢᠭᠰᠠᠨ ᠤ ᠳᠡᠭᠡᠷᠡ ᠠᠯᠳᠠᠷ ᠴᠣᠯᠠ᠂ ᠬᠡᠨ ᠦ ᠬᠠᠷᠢᠶᠠᠲᠤ ᠪᠣᠯᠬᠤ ᠪᠠᠨ ᠲᠡᠮᠳᠡᠭᠯᠡᠭᠰᠡᠨ
ᠪᠠᠢᠳᠠᠭ᠃ ᠡᠨᠡ ᠨᠢ ᠣᠷᠴᠢᠨ ᠦᠶᠡ ᠳᠦ ᠬᠦᠷᠲᠡᠯᠡ ᠥᠪᠯᠡᠭᠳᠡᠵᠦ 《 ...ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠤᠨ ᠲᠡᠷᠡ
ᠡᠨᠡ ᠠᠩᠭᠢ ..》 ᠭᠡᠬᠦ ᠮᠡᠲᠦ ᠪᠡᠷ ᠨᠡᠷᠡ
ᠬᠠᠶ᠋ᠢᠭ ᠢᠶᠠᠨ ᠦᠯᠡᠳᠡᠭᠡᠭᠰᠡᠭᠡᠷ ᠯᠠ ᠪᠠᠢᠭᠠ ᠪᠥᠭᠡᠳ ᠡᠨᠡ ᠨᠢ ᠤᠷᠢᠳᠤ ᠡᠮᠦᠨᠡᠬᠢ ᠴᠠᠭ ᠦᠶᠡ ᠳᠦ
ᠪᠢᠴᠢᠭᠳᠡᠨ ᠦᠯᠡᠳᠡᠭᠰᠡᠨ ᠪᠢᠴᠢᠭᠡᠰᠦ ᠨᠦᠭᠦᠳ ᠪᠦᠳᠡᠭᠢᠷᠡᠨ ᠠᠯᠠᠭᠠ ᠪᠣᠯᠬᠤ ᠳᠤ ᠶᠡᠬᠡᠬᠡᠨ ᠨᠥᠯᠦᠭᠡᠯᠡᠵᠦ
ᠪᠠᠢᠭᠠ ᠪᠢᠯᠡ᠃
ᠲᠠᠢᠬᠠᠷ ᠴᠢᠯᠠᠭᠤ ᠡᠭᠦᠰᠦᠭᠰᠡᠨ ᠳᠣᠮᠣᠭ ᠠᠴᠠ ᠦᠵᠡᠪᠡᠯ ᠬᠠᠩᠭᠠᠢ ᠶᠢᠨ ᠭᠣᠣᠯ ᠨᠢᠷᠤᠭᠤ ᠶᠢ
ᠪᠠᠷᠠᠭᠤᠨ ᠲᠡᠰᠢ ᠳᠠᠪᠠᠵᠤ ᠵᠠᠭ ᠪᠠᠢᠳᠠᠷ ᠶᠢᠨ ᠭᠣᠣᠯ ᠬᠦᠷᠬᠦ ᠵᠠᠮ ᠳᠤ ᠨᠢᠭᠡ ᠠᠭᠤᠵᠢᠮ ᠬᠥᠨᠳᠡᠢ
ᠤᠷᠤᠭᠤᠳᠠᠳᠠᠭ ᠪᠠᠢᠪᠠ᠃ ᠡᠨᠡ ᠬᠥᠨᠳᠡᠢ ᠪᠡᠷ ᠠᠪᠤᠷᠭᠤ ᠮᠣᠭᠠᠢ ᠶᠠᠪᠤᠵᠤ᠂ ᠡᠭ ᠦᠨ ᠳᠠᠪᠠᠭᠠᠨ ᠤ ᠡᠮᠦᠨᠡᠬᠢ
ᠭᠤᠷᠪᠠᠨ ᠠᠩᠭᠠᠷᠬᠠᠢ ᠬᠠᠷᠠᠩᠭᠤᠢ ᠬᠠᠪᠴᠢᠯ ᠳᠤᠮᠳᠠᠭᠤᠷ ᠳᠠᠭᠠᠷᠢᠵᠤ ᠬᠠᠩᠭᠠᠢ ᠶᠢᠨ ᠭᠣᠣᠯ ᠨᠢᠷᠤᠭᠤ ᠶᠢ
ᠠᠷᠯᠠᠨ ᠶᠠᠪᠤᠭᠰᠠᠭᠠᠷ ᠶᠡᠬᠡ ᠲᠠᠮᠢᠷ ᠤᠷᠤᠭᠤᠳᠠᠨ ᠲᠠᠢᠬᠠᠷ ᠴᠢᠯᠠᠭᠤ ᠪᠠᠢᠳᠠᠭ ᠤᠨ ᠳᠣᠣᠷᠠ ᠨᠢᠭᠡ ᠶᠡᠬᠡ
ᠨᠦᠬᠡᠨ ᠳᠦ ᠣᠷᠣᠴᠢᠬᠠᠭᠰᠠᠨ ᠭᠡᠨᠡ᠃ ᠡᠭᠦᠨ ᠢ ᠮᠡᠳᠡᠭᠰᠡᠨ ᠨᠤᠲᠤᠭ ᠤᠨ ᠨᠡᠷᠡᠲᠡᠢ᠂ ᠪᠢᠷᠠ ᠲᠠᠢ ᠪᠥᠬᠡ
ᠲᠠᠢᠬᠠᠷ ᠭᠡᠭᠴᠢ ᠬᠦᠮᠦᠨ ᠲᠣᠮᠣ ᠴᠣᠬᠢᠶᠠ ᠠᠪᠴᠢᠷᠠᠵᠤ ᠲᠠᠭᠯᠠᠨ ᠣᠯᠠᠨ ᠠᠮᠢᠲᠠᠨ ᠢ ᠠᠪᠤᠷᠠᠭᠰᠠᠨ ᠭᠡᠳᠡᠭ᠃
