ᠰᠢᠷᠠ ᠵᠣᠣ ᠰᠦᠮᠡ ᠶ᠋ᠢᠨ ᠴᠠᠮ ᠪᠥᠵᠢᠭ-ᠰᠢᠷᠠ ᠵᠤᠤ-ᠴᠢᠮᠡᠳ ᠂ ᠫᠣᠩᠰᠣᠭShar juu-Chamd ,PonsgШар жуу-Чамд ,Понсг
125 ᠴᠠᠮ ᠪᠣᠯ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠰᠦᠮᠡ ᠬᠡᠢᠳ ᠲᠦ᠍ ᠲᠣᠭᠯᠠᠳᠠᠭ ᠯᠠᠮᠠ ᠶ᠋ᠢᠨ ᠪᠥᠵᠢᠭ᠃ ᠭᠣᠣᠯᠳᠠᠭᠤ ᠠᠳᠠᠯᠢ ᠪᠤᠰᠤ ᠪᠠᠭ᠂ ᠬᠤᠶᠠᠭ᠂ ᠬᠤᠪᠴᠠᠰᠤ ᠡᠮᠦᠰᠴᠦ ᠲᠣᠭᠯᠠᠭᠴᠢᠳ ᠤ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠬᠥᠳᠡᠯᠭᠡᠭᠡᠨ ᠢ᠋ᠶ᠋ᠡᠷ ᠳᠠᠮᠵᠢᠭᠤᠯᠵᠤ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠨᠣᠮ ᠰᠤᠳᠤᠷ ᠲᠤ᠌ ᠲᠡᠮᠳᠡᠭᠯᠡᠭᠰᠡᠨ ᠪᠣᠳᠢᠰᠠᠳ᠋ᠸᠠ ᠨᠠᠷ ᠤ᠋ᠨ ᠲᠡᠦᠬᠡᠨ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠲᠤᠰᠬᠠᠳᠠᠭ᠃
ᠰᠢᠷᠠ ᠵᠣᠣ ᠰᠦᠮᠡ ᠳ᠋ᠦ᠍ ᠵᠢᠯ ᠳ᠋ᠦ᠍ ᠬᠣᠶᠠᠷ ᠤᠳᠠᠭᠠᠨ ᠤ᠋ ᠶᠡᠬᠡ ᠴᠠᠮ ᠲᠠᠢ ᠪᠠᠢᠵᠠᠢ᠃
ᠡᠳᠦᠭᠡ2002 ᠣᠨ ᠤ᠋ ᠮᠠᠨᠢ ᠶ᠋ᠢᠨ ᠬᠤᠷᠠᠯ ᠳᠡᠭᠡᠷᠡ ᠰᠢᠷᠠ ᠵᠣᠣ ᠰᠦᠮᠡ ᠶ᠋ᠢᠨ ᠠᠯᠳᠠᠷ ᠬᠦᠨᠳᠦᠲᠡᠢ ᠪᠠᠷᠠᠭᠤᠨ ᠪᠠᠭᠰᠢ ᠲᠣᠪᠳᠣᠨᠫᠸᠯᠵᠠᠢ ᠶ᠋ᠢᠨ ᠪᠤᠩᠬᠤᠨ ᠰᠤᠪᠤᠷᠭᠠ ᠶ᠋ᠢ ᠪᠠᠢᠭᠤᠯᠵᠤ ᠷᠠᠪᠨᠠᠢᠯᠠᠭᠰᠠᠨ ᠨᠠᠢᠷ ᠳᠡᠭᠡᠷᠡ ᠲᠣᠭᠯᠠᠭᠰᠠᠨ ᠭᠤᠴᠢᠨ ᠵᠢᠷᠭᠤᠭᠠᠨ ᠴᠠᠮ ᠢ᠋ ᠳᠦᠷᠰᠦ ᠰᠢᠩᠭᠡᠭᠡᠨ ᠲᠡᠮᠳᠡᠭᠯᠡᠭᠰᠡᠨ ᠬᠡᠰᠡᠭ ᠪᠦᠯᠦᠭ ᠡᠴᠡ ᠳᠥᠭᠥᠮ ᠲᠠᠨᠢᠯᠴᠠᠭᠤᠯᠤᠶᠠ᠃
ᠡᠳᠡᠭᠡᠷ ᠴᠠᠮ ᠢ᠋ ᠪᠠᠷᠤᠭ ᠨᠢ ᠪᠦᠷ ᠵᠢᠷᠠ ᠳᠠᠯᠠ ᠶ᠋ᠢᠨ ᠳᠠᠪᠠᠭᠠ ᠶ᠋ᠢ ᠳᠠᠪᠠᠭᠰᠠᠨ ᠨᠠᠰᠤᠲᠠᠢᠴᠤᠳ ᠴᠢᠷᠮᠠᠢᠨ ᠪᠡᠶᠡᠯᠡᠵᠦ ᠲᠡᠦᠬᠡᠨ ᠤᠯᠠ ᠮᠥᠷ ᠪᠣᠯᠭᠠᠨ ᠦᠯᠡᠳᠡᠭᠡᠭᠰᠡᠨ ᠪᠢᠯᠡ᠃
1. ᠲᠣᠳᠬᠠᠨ ᠂ ᠬᠥᠰᠢᠭᠡ ᠮᠡᠳᠡᠭᠦᠯᠦᠭᠴᠢ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ᠂ ᠴᠣᠭᠪᠠᠶᠠᠷ 61 ᠨᠠᠰᠤᠲᠠᠢ᠂ ᠨᠣᠷᠪᠤ 61 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ᠂ ᠪᠤᠰᠤᠳ ᠴᠠᠮ ᠳ᠋ᠠᠭᠠᠨ ᠭᠠᠵᠠᠷ ᠣᠷᠣᠨ ᠢ᠋ ᠨᠢ ᠪᠠᠢᠴᠠᠭᠠᠨ ᠰᠢᠨᠵᠢᠵᠦ ᠲᠣᠳᠣᠯᠠᠵᠤ ᠪᠠᠢᠭᠠ ᠦᠵᠡᠭᠳᠡᠯ᠂ ᠡᠭᠦᠨ ᠢ᠋ ᠪᠠᠰᠠ ᠬᠣᠬᠢᠮᠠᠢ ᠲᠣᠯᠣᠭᠠᠢᠲᠤ ᠭᠡᠳᠡᠭ ᠲᠣᠷᠳᠠᠭ ᠭᠡᠳᠡᠭ ᠴᠣᠢᠵᠢᠨ( ᠪᠤᠷᠬᠠᠨ)᠃
2. ᠠᠵᠠᠷ᠂ ᠪᠠᠨᠵᠠᠷ ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠭᠣᠮᠪᠣ 68 ᠨᠠᠰᠤᠲᠠᠢ᠂ ᠰᠡᠮᠲᠡᠨ 66 ᠨᠠᠰᠤᠲᠠᠢ᠂ ᠠᠭᠤᠯᠭᠠ᠂ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠳᠡᠯᠭᠡᠷᠡᠬᠦ ᠳ᠋ᠦ᠍ ᠳᠠᠯᠠᠢ ᠠ᠋ᠴᠠ ᠡᠳ᠋ ᠡᠷᠳᠡᠨᠢ ᠰᠢᠭᠦᠨ ᠣᠯᠵᠤ ᠪᠠᠢᠭᠠ ᠳᠦᠷᠰᠦᠯᠡᠯ᠂ ᠡᠨᠡᠳᠬᠡᠭ ᠬᠥᠮᠦᠨ ᠭᠡᠵᠢᠭᠡ ᠪᠡᠨ ᠳᠡᠭᠡᠭᠰᠢ ᠪᠠᠭᠤᠵᠤ ᠪᠠᠢᠳᠠᠭ᠃
3. ᠬᠥᠭᠡᠷ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠨᠢᠩᠵᠢᠳ 71 ᠨᠠᠰᠤᠲᠠᠢ᠂ ᠯᠣᠴᠢᠨᠰᠡᠷᠡᠩ 72 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ᠂ ᠱᠠᠰᠢᠨ ᠢ᠋ ᠬᠠᠮᠠᠭᠠᠯᠠᠵᠤ ᠪᠠᠢᠬᠤ ᠪᠤᠷᠬᠠᠨ ᠤ᠋ ᠳᠦᠷᠰᠦᠯᠡᠯ ᠪᠣᠯᠤᠨᠠ᠃
4. ᠯᠣᠸᠠᠹᠠᠢ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ᠂ ᠰᠢᠷᠠᠪ 61 ᠨᠠᠰᠤᠲᠠᠢ᠂ ᠪᠠᠯᠳᠠᠨᠳᠣᠷᠵᠢ 69 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ᠂ ᡀᠠᠮᠣ( ᠥᠬᠢᠨ ᠲᠩᠷᠢ) ᠶ᠋ᠢᠨ ᠬᠣᠶᠠᠷ ᠬᠡᠦᠬᠡᠨ ᠢ᠋ ᠮᠠᠩᠭᠤᠰ ᠪᠦᠯᠢᠶᠡᠨ ᠠᠪᠠᠴᠢᠭᠰᠠᠨ ᠤ᠋ ᠳᠠᠷᠠᠭᠠ ᠬᠡᠦᠬᠡᠨ ᠦ᠌ ᠠᠬᠠ ᠨᠢ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠠᠪᠤᠷᠠᠬᠤ ᠪᠠᠷ ᠣᠴᠢᠬᠤ ᠦᠭᠡᠢ ᠤᠴᠢᠷ ᠨᠢᠭᠡ ᠬᠡᠦᠬᠡᠨ ᠨᠢ ᠬᠣᠯᠠ ᠯᠠᠭᠤᠰᠠ ᠤᠨᠤᠵᠤ ᠨᠢᠭᠡ ᠨᠢ ᠠᠷᠰᠯᠠᠨ ᠤᠨᠤᠵᠤ ᠠᠬᠠ ᠲᠠᠢ ᠪᠠᠨ ᠲᠤᠯᠤᠯᠳᠤᠬᠤ ᠪᠠᠷ ᠢᠷᠡᠭᠰᠡᠨ ᠳ᠋ᠦ᠍ ᠠᠬᠠ ᠨᠢ ᠬᠠᠷᠢᠨ ᠬᠣᠶᠠᠷ ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ ᠨᠣᠮ ᠤᠩᠰᠢᠵᠤ ᠠᠷᠭᠠ ᠰᠦᠪᠡᠭᠴᠢᠯᠡᠵᠦ ᠪᠠᠢᠭᠰᠠᠨ ᠭᠡᠨᠡ᠃
5. ᠰᠡᠩᠺᠷᠡᠮ ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠰᠡᠮᠲᠡᠨ 66 ᠨᠠᠰᠤᠲᠠᠢ᠂ ᠴᠣᠭᠪᠠᠶᠠᠷ 61 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ᠂ ᠰᠡᠭᠡᠱᠦᠳᠢ᠂ ᡀᠠᠮᠣ ( ᠥᠬᠢᠨ ᠲᠩᠷᠢ) ᠶ᠋ᠢᠨ ᠬᠣᠶᠠᠷ ᠬᠡᠦᠬᠡᠨ ᠦ᠌ ᠲᠣᠯᠣᠭᠠᠢ ᠶ᠋ᠢ ᠠᠪᠴᠤ ᠣᠷᠣᠨ ᠳ᠋ᠤᠨᠢ ᠪᠠᠷᠰ ᠤ᠋ᠨ ᠲᠣᠯᠣᠭᠠᠢ ᠶ᠋ᠢ ᠲᠣᠬᠢᠷᠠᠭᠤᠯᠤᠭᠰᠠᠨ ᠳᠦᠷᠰᠦᠯᠡᠯ ᠢ᠋ ᠲᠣᠭᠯᠠᠵᠤ ᠪᠠᠢᠨᠠ᠃
6. ᠲᠦᠩᠵᠢᠶᠡᠲᠤ ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠨᠢᠩᠵᠢᠳ 71 ᠨᠠᠰᠤᠲᠠᠢ᠂ ᠷᠠᠸᠠᠳᠢ 65 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ᠂ ᠥᠬᠢᠨ ᠲᠩᠷᠢ ᠶ᠋ᠢ ᠲᠣᠭᠯᠠᠵᠤ ᠪᠠᠢᠨᠠ᠃
7. ᠴᠠᠮ ᠶᠣᠭᠰᠣᠭ ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠯᠣᠴᠢᠨᠰᠡᠷᠡᠩ 72 ᠨᠠᠰᠤᠲᠠᠢ᠂ ᠴᠣᠭᠪᠠᠶᠠᠷ 61 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ ᠨᠠᠮᠰᠠᠷᠠᠢ᠂ ᠪᠠᠶᠠᠵᠢᠳᠠᠭ ᠡᠷᠳᠡᠨᠢ ᠶ᠋ᠢᠨ ᠬᠤᠯᠤᠭᠠᠨᠠ ᠶ᠋ᠢ ᠪᠠᠷᠢᠵᠤ ᠪᠠᠢᠭᠠ ᠦᠵᠡᠭᠳᠡᠯ ᠪᠣᠯᠤᠨᠠ᠃ ᠪᠠᠰᠠ ᠵᠠᠮᠰᠤᠷᠤᠩ ᠪᠤᠷᠬᠠᠨ ᠢ᠋ ᠬᠠᠮᠠᠭᠠᠯᠠᠵᠤ ᠪᠠᠢᠬᠤ ᠵᠡᠷᠭᠡ ᠦᠵᠡᠭᠳᠡᠯ ᠪᠣᠯᠤᠨᠠ᠃
8. ᠪᠤᠭᠤ᠂ ᠰᠤᠭᠤ (ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠯᠣᠴᠢᠨᠰᠡᠷᠡᠩ 72 ᠨᠠᠰᠤᠲᠠᠢ᠂ ᠴᠣᠭᠪᠠᠶᠠᠷ 19 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ᠂ ᠲᠠᠯᠠ ᠶ᠋ᠢᠨ ᠬᠣᠶᠠᠷ ᠭᠥᠷᠥᠭᠡᠰᠦ ᠲᠠᠪᠠᠲᠠᠢ ᠰᠠᠢᠬᠠᠨ ᠢᠳᠡᠰᠢᠯᠡᠵᠦ ᠰᠠᠨᠠᠭᠠ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠲᠣᠭᠯᠠᠨ ᠨᠠᠭᠠᠳᠴᠤ ᠪᠠᠢᠭᠠ ᠦᠵᠡᠭᠳᠡᠯ ᠪᠣᠯᠤᠨᠠ᠃
9. ᠡᠪᠦᠭᠡᠨ ᠰᠠᠮᠠᠭᠠᠨ ( ᠬᠣᠶᠠᠷ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠪᠦᠭᠲᠦ ᠡᠪᠦᠭᠡᠨ ᠢ᠋ ᠠᠯᠲᠠᠨᠭᠡᠷᠡᠯ 63 ᠨᠠᠰᠤᠲᠠᠢ᠂ ᠰᠠᠮᠠᠭᠠᠨ ᠢ᠋ ᠭᠣᠨᠴᠣᠭ 79 ᠨᠠᠰᠤᠲᠠᠢ᠃
10. ᠭᠠᠭᠴᠠ ᠪᠤᠭᠤ ( ᠨᠢᠭᠡ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠴᠣᠭᠪᠠᠶᠠᠷ 19 ᠨᠠᠰᠤᠲᠠᠢ᠂ ᠠᠭᠯᠠᠭ ᠭᠠᠵᠠᠷ ᠤ᠋ᠨ ᠭᠠᠭᠴᠠ ᠪᠤᠭᠤ ᠶ᠋ᠢᠨ ᠦᠵᠡᠭᠳᠡᠯ᠃
11. ᠪᠣᠭᠳᠠ ᠴᠠᠭᠠᠨ ᠡᠪᠦᠭᠡᠨ ( ᠨᠢᠭᠡ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠪᠠᠯᠳᠠᠨᠷᠠᠭᠪᠠ 72 ᠨᠠᠰᠤᠲᠠᠢ᠂ ᠬᠣᠶᠠᠷ ᠲᠣᠳᠬᠠᠨ ᠂ ᠠᠵᠠᠷ᠂ ᠪᠠᠨᠵᠠᠷ ᠳᠠᠭᠠᠵᠤ ᠪᠣᠢ᠃
12. ᠪᠠᠷᠰ ᠠᠷᠰᠯᠠᠨ ᠬᠣᠶᠠᠷ ᠶᠡᠬᠡ ᠬᠦᠴᠦᠲᠡᠨ
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠪᠦᠷᠢᠨᠳᠣᠭᠲᠠᠬᠤ 48 ᠨᠠᠰᠤᠲᠠᠢ᠂ ᠳᠠᠯᠠᠨᠨᠠᠢᠮᠠ 45 ᠨᠠᠰᠤᠲᠠᠢ᠂ ᠳᠠᠢᠴᠢᠨᠵᠤᠤ ᠶ᠋ᠢᠨ ᠰᠢᠷᠠᠬᠦᠤ 63 ᠨᠠᠰᠤᠲᠠᠢ᠂ ᠪᠠᠭᠠᠲᠤᠷ 66 ᠨᠠᠰᠤᠲᠠᠢ᠂ ᠪᠣᠭᠳᠠ ᠴᠠᠭᠠᠨ ᠡᠪᠦᠭᠡᠨ᠂ ᠠᠵᠠᠷ ᠪᠠᠨᠵᠠᠷ ᠬᠠᠮᠲᠤ ᠲᠣᠭᠯᠠᠵᠤ ᠮᠠᠭᠲᠠᠨ ᠢᠷᠦᠭᠡᠭᠰᠡᠨ ᠨᠢ᠄
ᠤᠸᠮ ᠰᠠᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠣᠯᠲᠤᠭᠠᠢ!
ᠪᠦᠭᠳᠦ ᠬᠡᠮᠡᠬᠦ ᠰᠢᠨᠵᠢ ᠪᠢᠯᠢᠭ ᠪᠦᠷᠢᠳᠦᠭᠰᠡᠨ
ᠪᠢᠯᠢᠭ ᠢ᠋ ᠪᠠᠳᠠᠷᠠᠭᠤᠯᠤᠭᠴᠢ ᠰᠢᠷᠠ ᠵᠣᠣ ᠰᠦᠮᠡ ᠶ᠋ᠢᠨ ᠡᠭᠦᠳᠡᠨ ᠳ᠋ᠦ᠍ᠷ
ᠪᠢᠯᠢᠭᠲᠦ ᠮᠡᠷᠭᠡᠳ ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠲᠠ ᠪᠦᠬᠦᠨ ᠦ᠌ ᠡᠮᠦᠨᠡ
ᠪᠢᠰᠢᠯᠭᠠᠯ ᠪᠦᠲᠦᠭᠡᠭᠰᠡᠨ ᠮᠠᠨ ᠤ᠋ ᠬᠣᠶᠠᠷ ᠪᠣᠯ ᠮᠡᠷᠭᠡᠨ ᠪᠠᠭᠰᠢ ᠶ᠋ᠢᠨ ᠱᠠᠪᠢ ᠪᠢᠯᠡ
ᠴᠠᠰᠤᠲᠤ ᠶᠡᠬᠡ ᠴᠠᠭᠠᠨ ᠠᠭᠤᠯᠠᠨ ᠠ᠋ᠴᠠ
ᠠᠵᠠᠷ ᠪᠠᠨᠵᠠᠷ ᠬᠣᠶᠠᠷ ᠶᠡᠬᠡ ᠬᠦᠴᠦᠲᠦ ᠶ᠋ᠢ ᠠᠪᠴᠢᠷᠠᠬᠤ ᠶ᠋ᠢᠨ ᠲᠤᠯᠠᠳᠠ
ᠣᠯᠬᠤ ᠪᠠ ᠤᠨᠤᠬᠤ ᠶ᠋ᠢᠨ ᠪᠣᠯᠤᠯᠴᠠᠭᠠ ᠪᠦᠬᠦᠢ ᠶ᠋ᠢᠨ ᠤᠴᠢᠷ
ᠥᠷᠭᠡᠨ ᠣᠯᠠᠨ ᠬᠠᠷᠠ ᠰᠢᠷᠠ ᠥᠭᠯᠢᠭᠡ ᠶ᠋ᠢᠨ ᠡᠵᠡᠳ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ
ᠬᠠ! ᠬᠠ! ᠬᠠ!
13. ᠽᠢᠩᠹᠤᠩ ( ᠨᠢᠭᠡ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠯᠣᠴᠢᠨᠰᠡᠷᠡᠩ 72 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ ᠭᠠᠷ ᠲᠠᠭᠠᠨ ᠪᠢᠴᠢᠬᠠᠨ ᠲᠣᠯᠢ ᠪᠠᠷᠢᠵᠤ ᠡᠯᠡ ᠵᠦᠢᠯ ᠦ᠋ᠨ ᠲᠥᠪ ᠪᠤᠰᠤ ᠬᠡᠷᠡᠭ ᠶᠠᠪᠤᠳᠠᠯ ᠤ᠋ᠳ ᠢ᠋ ᠰᠢᠭᠦᠨ ᠪᠤᠷᠤᠭᠤ ᠶᠠᠪᠤᠳᠠᠯ ᠬᠢᠭᠰᠡᠳ ᠢ᠋ ᠵᠥᠪ ᠵᠠᠮ ᠢ᠋ᠶ᠋ᠠᠷ ᠵᠢᠯᠣᠭᠣᠳᠴᠤ ᠦᠯᠦ ᠳᠠᠭᠠᠭᠰᠠᠳ ᠢ᠋ ᠬᠤᠪᠢᠯᠭᠠᠨ ᠲᠣᠯᠢ ᠪᠠᠷ ᠲᠣᠯᠢᠳᠠᠵᠤ ᠵᠠᠷᠯᠢᠭ ᠢ᠋ᠶ᠋ᠠᠷ ᠵᠥᠪ ᠵᠠᠮ ᠳ᠋ᠤ᠌ ᠣᠷᠣᠭᠤᠯᠬᠤ ᠪᠤᠶᠤ ᠦᠯᠦ ᠳᠠᠭᠠᠭᠰᠠᠳ ᠢ᠋ ᠶᠠᠯᠠᠯᠠᠨ ᠲᠣᠷᠭᠠᠳᠠᠭ᠂ ᠡᠢᠮᠦ ᠡᠴᠡ ᠬᠥᠮᠦᠰ ᠪᠦᠷ ᠽᠢᠩᠹᠤᠩ ᠳ᠋ᠤ᠌ ᠮᠥᠷᠭᠥᠵᠦ ᠨᠢᠭᠦᠯ ᠵᠣᠪᠠᠯᠠᠩ ᠢ᠋ᠶ᠋ᠠᠨ ᠠᠷᠢᠯᠭᠠᠳᠠᠭ᠃ ᠽᠢᠩᠹᠤᠩ ᠢ᠋ ᠳᠥᠷᠪᠡᠨ ᠭᠡᠪᠬᠦᠢ ᠳᠠᠭᠠᠵᠤ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢ ᠪᠠᠷᠢᠮᠲᠠᠯᠠᠵᠤ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠳᠠᠭ ᠡᠷᠯᠢᠭ ᠨᠣᠮᠣᠨ ᠬᠠᠭᠠᠨ ᠪᠢᠯᠡ᠃
14. ᠰᠤᠮᠤᠩᠬᠡᠢ ( ᠨᠢᠭᠡ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ᠂ ᠴᠣᠭᠪᠠᠶᠠᠷ 61 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ ᠴᠣᠢᠯᠠᠩ ᠤ᠋ᠨ ᠭᠡᠷᠭᠡᠢ᠂ ᠱᠠᠰᠢᠨ ᠢ᠋ ᠬᠠᠮᠠᠭᠠᠯᠠᠵᠤ ᠪᠠᠢᠬᠤ ᠳᠦᠷᠰᠦᠯᠡᠯ ᠪᠣᠯᠤᠨᠠ᠃
15. ᠴᠣᠢᠵᠢᠯ ( ᠨᠢᠭᠡ ᠬᠥᠮᠦᠨ)
ᠲᠣᠭᠯᠠᠭᠰᠠᠨ ᠬᠥᠮᠦᠨ ᠵᠣᠷᠳᠤᠩ 70 ᠨᠠᠰᠤᠲᠠᠢ᠂ ᠠᠭᠤᠯᠭᠠ ᠨᠢ ᠶᠠᠮᠠᠨᠳᠠᠭ ᠤ᠋ᠨ ᠨᠢᠮᠠ ᠴᠢᠮᠠ ᠶ᠋ᠢ ᠲᠤᠭᠤᠯᠵᠤ ᠭᠡᠳᠡᠷᠭᠦ ᠪᠡᠨ ᠬᠠᠨᠳᠤᠵᠤ ᠭᠠᠷᠴᠤ ᠢᠷᠡᠳᠡᠭ᠃ ᠲᠤᠰ ᠴᠠᠮ ᠪᠣᠯ ᠡᠷᠯᠢᠭ ᠬᠠᠭᠠᠨ ᠲᠤᠯᠠ ᠬᠥᠮᠦᠰ ᠪᠦᠷ ᠰᠢᠭᠤᠳ ᠤᠴᠠᠷᠠᠵᠤ ᠲᠠᠨᠢᠯᠴᠠᠵᠤ ᠪᠠᠢᠬᠤ ᠨᠢ ᠭᠠᠢ ᠵᠣᠪᠠᠯᠠᠩ ᠢ᠋ᠶ᠋ᠠᠨ ᠠᠷᠢᠯᠭᠠᠵᠤ ᠪᠠᠢᠨᠠ ᠭᠡᠳᠡᠭ᠃
16. ᠪᠦᠬᠦ ᠴᠠᠮ ᠭᠠᠷᠴᠤ ᠪᠠᠷᠠᠭᠰᠠᠨ ᠤ᠋ ᠳᠠᠷᠠᠭᠠ ᠭᠤᠴᠢᠨ ᠬᠣᠶᠠᠷ ᠶᠡᠬᠡ ᠴᠠᠮ ᠳᠥᠷᠪᠡᠨ ᠡᠷᠪᠡᠢ ᠬᠦᠷᠢᠶᠡᠯᠡᠵᠦ ᠬᠠᠮᠤᠭ ᠰᠡᠭᠦᠯ ᠳ᠋ᠦ᠍ᠨᠢ ᠢᠷᠡᠭᠡᠳᠦᠢ ᠶ᠋ᠢᠨ ᠭᠠᠯᠪᠠ ᠮᠠᠢᠳᠠᠷᠢ ᠪᠤᠷᠬᠠᠨ ᠢ᠋ ᠵᠠᠯᠠᠵᠤ ᠭᠣᠷᠢᠶᠠ ᠲᠣᠭᠣᠷᠢᠵᠤ ᠳᠣᠭᠵᠢᠷ ᠬᠠᠶᠠᠭᠠᠳ ᠪᠦᠬᠦ ᠴᠠᠮ ᠤ᠋ᠨ ᠬᠥᠳᠡᠯᠭᠡᠭᠡᠨ ᠲᠡᠭᠦᠰᠦᠨᠡ᠃ ᠬᠥᠮᠦᠰ ᠦ᠋ᠨ ᠨᠠᠰᠤᠨ ᠤ᠋ ᠪᠠ ᠪᠤᠰᠤᠳ ᠰᠢᠯᠲᠠᠭᠠᠨ ᠠ᠋ᠴᠠ ᠪᠣᠯᠵᠤ ᠬᠡᠳᠦᠨ ᠴᠠᠮ ᠤ᠋ᠨ ᠦᠵᠡᠭᠳᠡᠯ ᠳᠤᠲᠠᠭᠤ ᠪᠢᠯᠡ᠃