ᠪᠦᠭᠲᠤ ᠶ᠋ᠢᠨ ᠰᠢᠷᠠ ᠵᠣᠣ ᠭᠡᠳᠡᠭ ᠨᠡᠷᠡᠢᠳᠦᠯ ᠦ᠋ᠨ ᠲᠤᠬᠠᠢ-ᠰᠢᠷᠠ ᠵᠤᠤ-ᠴᠢᠮᠡᠳ ᠂ ᠫᠣᠩᠰᠣᠭShar juu-Chamd ,PonsgШар жуу-Чамд ,Понсг
180 ᠬᠠᠯᠬᠠ ᠶ᠋ᠢᠨ ᠴᠢᠩ ᠰᠦᠰᠦᠭᠲᠦ ᠨᠣᠮ ᠤ᠋ᠨ ᠬᠠᠭᠠᠨ ᠨᠣᠷᠪᠤᠰᠢᠷᠠᠪ ᠬᠠᠩᠭᠢᠨ ᠵᠠᠰᠠᠭ ᠨᠣᠶᠠᠨ ᠤ᠋ ᠵᠠᠯᠠᠯᠭᠠ ᠪᠠᠷ ᠢᠷᠡᠭᠡᠳ ᠡᠯᠡ ᠭᠠᠵᠠᠷ ᠲᠣᠭᠣᠷᠢᠨ ᠰᠦᠮᠡ ᠪᠠᠢᠭᠤᠯᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠰᠢᠨᠵᠢᠵᠦ᠂ ᠣᠳᠣ ᠶ᠋ᠢᠨ ᠪᠦᠷᠢᠳᠦ ᠶ᠋ᠢᠨ ᠳᠤᠭᠠᠩ ᠪᠠᠢᠬᠤ ᠭᠠᠵᠠᠷ ᠨᠢᠭᠡ ᠵᠢᠵᠢᠭ ᠰᠤᠮᠤ ᠬᠠᠳᠬᠤᠭᠠᠳ ᠲᠠᠯᠪᠢᠭᠰᠠᠨ ᠢ᠋ ᠨᠢ ᠨᠢᠭᠡ ᠲᠠᠤᠯᠠᠢ ᠠᠪᠴᠤ ᠶᠠᠪᠤᠵᠠᠢ᠃ ᠨᠢᠭᠡ ᠭᠠᠩᠭᠠ ᠶ᠋ᠢᠨ ᠠᠮᠠᠨ ᠳ᠋ᠤ᠌ ᠤᠯᠠᠭᠠᠨ ᠫᠠᠢᠰᠠ ᠬᠠᠶᠠᠭᠰᠠᠨ ᠳ᠋ᠤ᠌ ᠡᠨᠡ ᠭᠠᠵᠠᠷ ᠢ᠋ ᠬᠥᠮᠦᠰ ᠬᠣᠵᠢᠮ ᠨᠢ ᠤᠯᠠᠭᠠᠨ ᠵᠡᠪᠡ ᠭᠡᠮᠡᠨ ᠨᠡᠷᠡᠢᠳᠴᠦ᠂ ᠬᠥᠬᠡ ᠫᠠᠢᠰᠠ ᠬᠠᠶᠠᠭᠰᠠᠨ ᠭᠠᠵᠠᠷ ᠢ᠋ ᠨᠢ ᠬᠥᠮᠦᠰ ᠬᠥᠬᠡ ᠱᠠᠯᠠ ᠭᠡᠮᠡᠨ ᠨᠡᠷᠡᠢᠳᠦᠭᠰᠡᠨ ᠭᠡᠳᠡᠭ᠃ ᠥᠨᠥ ᠲᠠᠤᠯᠠᠢ ᠶᠡᠬᠡ ᠮᠠᠩᠬᠠ ᠶ᠋ᠢ ᠲᠤᠭᠤᠯᠵᠤ ( ᠡᠨᠡ ᠡᠯᠡᠰᠦᠨ ᠠᠮᠠ ᠶ᠋ᠢ ᠬᠥᠮᠦᠰ ᠬᠣᠵᠢᠮ ᠨᠢ ᠲᠠᠤᠯᠠᠢ ᠶ᠋ᠢᠨ ᠠᠮᠠ ᠭᠡᠮᠡᠨ ᠨᠡᠷᠡᠢᠳᠵᠡᠢ) ᠣᠳᠣ ᠶ᠋ᠢᠨ ᠰᠢᠷᠠ ᠵᠣᠣ ᠰᠦᠮᠡ ᠪᠠᠢᠭᠠ ᠭᠠᠵᠠᠷ ᠥᠨᠥ ᠰᠤᠮᠤ ᠪᠠᠨ ᠬᠠᠶᠠᠭᠠᠳ ᠶᠠᠪᠤᠵᠠᠢ᠃ ᠨᠣᠷᠪᠤᠰᠢᠷᠠᠪ ᠭᠡᠭᠡᠨ ᠲᠠᠤᠯᠠᠢ ᠰᠤᠮᠤ ᠬᠠᠶᠠᠭᠰᠠᠨ ᠭᠠᠵᠠᠷ ᠤ᠋ᠨ ᠣᠢᠷᠠᠬᠠᠨ ᠪᠠᠢᠭᠠ ᠨᠢᠭᠡ ᠠᠢᠯ ᠳ᠋ᠤ᠌ ᠬᠦᠷᠦᠭᠰᠡᠨ ᠳ᠋ᠦ᠍ ᠭᠡᠷ ᠦ᠋ᠨ ᠡᠵᠡᠨ ᠪᠦᠭᠲᠦ ᠡᠪᠦᠭᠡᠨ᠂ ᠰᠠᠮᠠᠭᠠᠨ ᠲᠠᠢ ᠪᠠᠨ ᠬᠠᠯᠠᠭᠤᠨ ᠢ᠋ᠶ᠋ᠠᠷ ᠤᠭᠲᠤᠵᠤ ᠳᠣᠯᠣᠭᠠᠨ ᠮᠠᠯ ᠢ᠋ᠶ᠋ᠠᠨ ᠲᠦᠮᠡ ᠴᠠᠭᠠᠨ ᠮᠢᠩᠭᠠᠨ ᠬᠠᠷᠠ ᠭᠡᠵᠦ ᠰᠦ ᠰᠠᠭᠠᠯᠢ ᠪᠠᠨ ᠪᠡᠯᠡᠳᠬᠡᠵᠦ ᠬᠦᠨᠳᠦᠳᠬᠡᠨ ᠵᠣᠴᠢᠯᠠᠭᠰᠠᠨ ᠳ᠋ᠤ᠌ ᠨᠣᠷᠪᠤᠰᠢᠷᠠᠪ ᠭᠡᠭᠡᠨ ᠡᠨᠡ ᠠᠢᠯ ᠤ᠋ᠨ ᠪᠡᠯᠭᠡᠲᠡᠢ ᠰᠠᠢᠨ ᠢᠷᠦᠭᠡᠯ ᠪᠣᠯᠤᠨ ᠲᠤᠰ ᠭᠠᠵᠠᠷ ᠤ᠋ᠨ ᠥᠩᠭᠡ ᠦᠵᠡᠮᠵᠢ ᠶ᠋ᠢ ᠱᠠᠭᠰᠢᠷᠠᠨ ᠮᠠᠭᠲᠠᠵᠤ᠂ ᠡᠨᠳᠡ ᠰᠦᠮᠡ ᠪᠠᠢᠭᠤᠯᠬᠤ ᠪᠠᠷ ᠵᠣᠷᠢᠭ ᠰᠢᠢᠳᠦᠭᠡᠳ ᠰᠢᠷᠠ ᠵᠣᠣ ᠰᠦᠮᠡ ᠶ᠋ᠢ ᠪᠠᠢᠭᠤᠯᠤᠭᠰᠠᠨ ᠭᠡᠳᠡᠭ᠃ ᠲᠡᠭᠡᠭᠡᠳ ᠪᠦᠭᠲᠦ ᠡᠪᠦᠭᠡᠨ ᠦ᠌ ᠨᠡᠷᠡ ᠪᠡᠷ ᠪᠦᠭᠲᠦ ᠶ᠋ᠢᠨ ᠰᠢᠷᠠ ᠵᠣᠣ ᠭᠡᠮᠡᠨ ᠨᠡᠷᠡᠢᠳᠦᠯᠡ ᠭᠡᠳᠡᠭ ᠶᠦᠮ᠃ ᠵᠠᠷᠢᠮ ᠨᠢ ᠡᠪᠦᠭᠡᠨ ᠦ᠌ ᠨᠡᠷᠡ ᠶ᠋ᠢ ᠪᠡᠬᠡᠲᠡᠢ ᠭᠡᠵᠦ ᠬᠡᠯᠡᠳᠡᠭ ᠴᠦ᠍ ᠪᠣᠢ᠃
ᠭᠠᠪᠵᠤ ᠶ᠋ᠢᠨ ᠭᠣᠣ
ᠰᠢᠷᠠ ᠵᠣᠣ ᠰᠦᠮᠡ ᠶ᠋ᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠨᠢᠭᠡ ᠭᠠᠪᠵᠤ ᠶ᠋ᠢᠨ ᠭᠣᠣ ᠭᠡᠵᠦ ᠪᠣᠢ᠃ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳ᠋ᠤ᠌ ᠨᠢᠭᠡ ᠯᠠᠮᠠ ᠭᠦᠮᠪᠦᠨ ᠮᠥᠩᠬᠡ ᠵᠣᠣ ᠪᠠᠷ ᠰᠤᠷᠤᠯᠴᠠᠨ ᠶᠠᠪᠤᠵᠤ ᠭᠠᠪᠵᠤ ᠶ᠋ᠢᠨ ᠮᠢᠨᠳᠠᠭ ᠣᠯᠵᠤ ᠢᠷᠡᠭᠡᠳ ᠰᠢᠷᠠ ᠵᠣᠣ ᠶ᠋ᠢᠨ ᠪᠠᠷᠠᠭᠤᠨ ᠡᠮᠦᠨᠡᠬᠡᠨ ᠰᠠᠭᠤᠵᠤ ᠦᠨᠢᠶᠡ ᠰᠠᠭᠠᠨ ᠰᠦ ᠰᠠᠭᠠᠯᠢ ᠪᠠᠷᠢᠵᠤ᠂ ᠰᠢᠷᠠ ᠵᠣᠣ ᠰᠦᠮᠡ ᠶ᠋ᠢᠨ ᠰᠦ ᠰᠠᠭᠠᠯᠢ ᠶ᠋ᠢ ᠬᠠᠩᠭᠠᠳᠠᠭ ᠪᠠᠢᠭᠰᠠᠨ ᠲᠤᠯᠠ ᠲᠡᠷᠡ ᠭᠣᠣ ᠶ᠋ᠢ ᠨᠢ ᠭᠠᠪᠵᠤ ᠶ᠋ᠢᠨ ᠭᠣᠣ ᠭᠡᠵᠦ ᠨᠡᠷᠡᠢᠳᠬᠦ ᠪᠣᠯᠵᠠᠢ᠃ ᠣᠳᠣ ᠴᠣ ᠭᠡᠳ ᠨᠠᠰᠤᠲᠠᠢᠴᠤᠤᠯ ᠲᠡᠨᠳᠡᠬᠢ ᠶ᠋ᠢ ᠭᠠᠪᠵᠤ ᠶ᠋ᠢᠨ ᠭᠣᠣ ᠭᠡᠵᠦ ᠬᠡᠯᠡᠳᠡᠭ ᠶᠦᠮ᠃