ᠪᠠᠲᠤ ᠬᠠᠭᠠᠨ 8-16ᠪᠠᠢᠯᠳᠤᠭᠠᠨ ᠤ᠋ ᠰᠡᠭᠦᠯ ᠳ᠋ᠦ᠍-ᠰᠢᠭᠤᠷᠭᠠ ᠲᠠᠯᠪᠢᠪᠠBat khaan Бат хаан-ᠷᠣᠮᠠᠨ
85ᠠᠷᠪᠠᠨ ᠵᠢᠷᠭᠤᠭᠠ᠂ ᠪᠠᠢᠯᠳᠤᠭᠠᠨ ᠤ᠋ ᠰᠡᠭᠦᠯ ᠳ᠋ᠦ᠍
᠁ ᠣᠷᠣᠰ ᠤ᠋ᠨ ᠳᠠᠭᠤᠤ !
ᠴᠢ ᠵᠥᠩᠳᠡᠭᠡᠨ ᠵᠣᠬᠢᠶᠠᠭᠳᠠᠭᠰᠠᠨ᠂ ᠳᠠᠭᠤᠯᠠᠭᠳᠠᠭᠰᠠᠨ ᠪᠢᠰᠢ ᠠ᠋ ᠄ ᠴᠠᠰᠤ ᠪᠣᠷᠣᠭᠠ ᠴᠢᠮᠠᠶ᠋ᠢ ᠬᠥᠳᠡᠭᠡ ᠲᠠᠯᠠ ᠠ᠋ᠴᠠ ᠤᠷᠤᠰᠬᠠᠨ ᠠᠪᠴᠢᠷᠠᠪᠠ᠂ ᠤᠲᠤᠭᠠ ᠲᠣᠷᠲᠣᠭ ᠴᠢᠮᠠᠶ᠋ᠢ ᠲᠦᠢᠮᠡᠷ ᠡᠴᠡ ᠦᠯᠢᠶᠡᠵᠦ ᠠᠪᠴᠢᠷᠠᠪᠠ᠃ ᠰᠢᠭᠤᠷᠭᠠ ᠰᠠᠯᠬᠢ ᠴᠢᠮᠠᠶ᠋ᠢ ᠴᠢᠭᠢᠭᠲᠦ ᠪᠤᠯᠠᠰᠢ ᠠ᠋ᠴᠠ ᠰᠢᠭᠤᠷᠴᠤ ᠠᠪᠴᠢᠷᠠᠪᠠ᠃
( ᠯᠸᠸ ᠮᠧᠢ ᠂ 《 ᠳᠠᠭᠤᠯᠠᠯ 》 )
ᠬᠠᠯᠠᠭᠤᠨ ᠰᠢᠷᠦᠭᠦᠨ ᠬᠡᠯᠡ ᠨᠢᠭᠤᠷ ᠳᠣᠯᠢᠶᠠᠵᠤ ᠪᠠᠢᠪᠠ᠁ ᠠᠶᠠᠷᠬᠠᠨ ᠢ᠋ᠶ᠋ᠠᠷ ᠬᠢᠬᠤᠲᠤᠨᠠᠬᠤ ᠪᠠ ᠰᠠᠯᠤᠰᠢ ᠦᠭᠡᠢ ᠪᠣᠭᠣᠨᠢ ᠪᠠᠷ ᠬᠤᠴᠠᠬᠤ ᠨᠢ ᠳᠤᠭᠤᠯᠳᠠᠨᠠ᠁ ᠡᠨᠡ ᠬᠡᠨ ᠪᠣᠢ? ᠲᠤᠷᠤᠫᠺᠠ ᠠᠭᠠᠵᠢᠮ ᠢ᠋ᠶ᠋ᠠᠷ ᠤᠬᠠᠭᠠᠨ ᠣᠷᠣᠪᠠ᠃ ᠠᠩᠬᠠᠨ ᠤ᠋ ᠪᠣᠳᠣᠯ ᠨᠢ ᠲᠡᠭᠦᠨ ᠢ᠋ ᠠᠶᠤᠯᠭᠠᠪᠠ᠄《 ᠬᠡᠭᠦᠷ ᠢᠳᠡᠳᠡᠭ ᠨᠣᠬᠠᠢ! ᠴᠢᠰᠤ ᠶ᠋ᠢ ᠳᠣᠯᠢᠶᠠᠵᠤ ᠪᠠᠢᠨᠠ᠃ ᠳᠠᠷᠠᠭᠠ ᠨᠢ ᠨᠢᠭᠤᠷ ᠢ᠋ ᠬᠡᠮᠡᠯᠢᠵᠦ ᠡᠬᠢᠯᠡᠨᠡ ! 》 ᠭᠡᠵᠦ ᠪᠣᠳᠣᠭᠳᠠᠪᠠ᠃
ᠲᠤᠷᠤᠫᠺᠠ ᠠᠷᠠᠢᠭᠡᠵᠦ ᠳᠠᠷᠤᠭᠳᠠᠭᠰᠠᠨ ᠭᠠᠷ ᠢ᠋ᠶ᠋ᠠᠨ ᠰᠤᠭᠤᠯᠤᠨ ᠠᠪᠤᠭᠠᠳ ᠨᠣᠬᠠᠢ ᠶ᠋ᠢᠨ ᠬᠣᠭᠣᠯᠠᠢ ᠶ᠋ᠢ ᠪᠠᠵᠠᠵᠤ ᠠᠪᠤᠪᠠ᠃ ᠲᠡᠭᠦᠨ ᠦ᠌ ᠬᠦᠵᠦᠭᠦᠨ ᠳ᠋ᠦ᠍ᠨᠢ ᠣᠯᠣᠰᠣᠨ ᠤ᠋ ᠲᠠᠰᠤᠷᠬᠠᠢ᠁᠁ ᠦᠭᠡᠢ ᠡᠨᠡ ᠴᠢᠨᠢ ᠫᠧᠭᠠᠱ ᠪᠠᠢᠨᠠ ! ᠡᠨᠡ ᠤᠶᠠᠭᠠ ᠪᠠᠨ ᠲᠠᠰᠤᠯᠵᠤ ᠬᠡᠮᠡᠯᠢᠭᠡᠳ ᠡᠵᠡᠨ ᠢ᠋ᠶ᠋ᠡᠨ ᠡᠷᠢᠬᠦ ᠪᠡᠷ ᠭᠦᠶᠦᠨ ᠢᠷᠡᠵᠡᠢ᠃ ᠲᠡᠢᠮᠦ ᠠ᠋᠂ ᠡᠨᠡ ᠨᠢ ᠫᠧᠭᠠᠱ ᠪᠠᠢᠨᠠ!
ᠲᠤᠷᠤᠫᠺᠠ ᠬᠠᠷᠠᠩᠭᠤᠢ ᠳ᠋ᠤ᠌ ᠲᠡᠭᠦᠨ ᠢ᠋ ᠲᠡᠮᠲᠡᠷᠢᠨ ᠦᠵᠡᠭᠡᠳ ᠲᠡᠭᠦᠨ ᠦ᠌ ᠤᠷᠲᠤ ᠬᠣᠰᠢᠭᠤ ᠪᠣᠰᠤᠭᠠ ᠴᠢᠬᠢ ᠪᠠ ᠴᠢᠨᠣᠠ ᠶ᠋ᠢᠨ ᠰᠢᠳᠦᠨ ᠦ᠌ ᠬᠠᠭᠤᠴᠢᠨ ᠰᠣᠷᠪᠢ ᠲᠠᠢ ᠥᠷᠭᠡᠨ ᠴᠡᠭᠡᠵᠢ ᠶ᠋ᠢ ᠨᠢ ᠲᠠᠨᠢᠪᠠ᠃
ᠲᠤᠷᠤᠫᠺᠠ ᠪᠣᠰᠬᠤ ᠶ᠋ᠢ ᠡᠷᠡᠮᠡᠯᠵᠡᠬᠦ ᠪᠣᠯᠪᠠᠴᠤ ᠬᠦᠨᠳᠦ ᠵᠣᠪᠠᠯᠭᠠ ᠲᠡᠭᠦᠨ ᠦ᠌ ᠬᠥᠯ ᠢ᠋ ᠳᠠᠷᠤᠭᠰᠠᠨ ᠪᠠᠢᠨᠠ᠃ ᠦᠵᠡᠪᠡᠯ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠠᠯᠠᠭᠳᠠᠭᠰᠠᠨ ᠮᠣᠷᠢ ᠤᠨᠠᠵᠠᠢ᠃ ᠵᠡᠭᠦᠨ ᠭᠠᠷ ᠨᠢ ᠪᠠᠰᠠ ᠨᠢᠭᠡᠨ ᠶᠠᠭᠤᠮᠠᠨ ᠳ᠋ᠤ᠌ ᠳᠠᠷᠤᠭᠳᠠᠵᠠᠢ᠁ ᠦᠬᠦᠯ ᠨᠢ ᠢᠷᠡᠭᠰᠡᠨ ᠮᠠᠭᠠᠳ ᠪᠣᠯᠪᠠ ᠤᠤ? ᠲᠡᠷᠡ ᠦᠬᠦᠭᠴᠢᠳ ᠦ᠋ᠨ ᠳᠤᠮᠳᠠ ᠬᠡᠪᠲᠡᠨᠡ᠃ ᠣᠳᠣ ᠲᠡᠭᠦᠨ ᠦ᠌ ᠡᠭᠡᠯᠵᠢ ᠢᠷᠡᠪᠡ᠃ ᠶᠠᠭᠤᠮᠠ ᠤᠤᠭᠤᠬᠤ ᠶᠤᠮᠰᠠᠨ! ᠲᠡᠭᠡᠭᠡᠳ ᠲᠤᠷᠤᠫᠺᠠ ᠨᠢᠭᠡᠨ ᠠᠳᠬᠤ ᠨᠣᠢᠲᠠᠨ ᠴᠠᠰᠤ ᠠᠪᠤᠪᠠ᠁ ᠴᠠᠰᠤ ᠨᠢ ᠴᠢᠰᠤ ᠪᠠᠷ ᠠᠮᠲᠠᠭᠳᠠᠨᠠ᠃
ᠲᠡᠷᠡ᠂ ᠪᠢ ᠬᠠᠮᠢᠭᠠ ᠪᠠᠢᠭᠠ ᠶᠤᠮ ᠪᠣᠢ? ᠲᠡᠭᠦᠨ ᠦ᠌ ᠬᠠᠮᠤᠭ ᠤ᠋ᠨ ᠡᠴᠦᠰ ᠦ᠋ᠨ ᠤᠬᠠᠭᠠᠨ ᠲᠠᠢ ᠪᠠᠢᠭᠰᠠᠨ ᠭᠱᠠᠨ ᠵᠠᠭᠤᠷᠠ ᠶ᠋ᠢᠨ ᠦᠶᠡ ᠨᠢ ᠰᠠᠨᠠᠭᠳᠠᠨᠠ᠃
ᠠᠶᠤᠮᠰᠢᠭᠲᠠᠢ ᠪᠠᠷ ᠤᠯᠠᠩᠭᠠᠷᠠᠭᠰᠠᠨ ( ᠤᠯᠠᠩᠭᠠᠰᠤᠭᠰᠠᠨ ) ᠨᠢᠭᠤᠷ ᠴᠢᠷᠠᠢᠲᠠᠢ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠳᠠᠪᠬᠢᠵᠤ ᠶᠠᠪᠤᠭᠠ᠂ ᠲᠣᠯᠣᠭᠠᠢ ᠳᠤᠮᠳᠠᠭᠤᠷ ᠨᠢ ᠴᠣᠬᠢᠬᠤ ᠴᠣᠬᠢᠯᠲᠠ᠂ ᠮᠠᠨᠠᠷᠠᠨ ᠤᠨᠠᠪᠠ᠁ ᠡᠨᠡ ᠨᠢ ᠪᠠᠢᠯᠳᠤᠭᠠᠨ ᠤ᠋ ᠲᠠᠯᠠᠪᠤᠷ ᠶᠤᠮ ᠠ᠋᠁ ᠶᠠᠭᠤᠨ ᠳ᠋ᠤ᠌ ᠨᠠᠮ ᠭᠦᠮ ᠪᠠᠢᠳᠠᠭ ᠪᠢᠯᠡ? ᠳᠡᠭᠡᠷᠡ ᠨᠢ ᠬᠠᠷᠠᠩᠭᠤᠢ ᠲᠩᠷᠢ᠂ ᠮᠥᠩᠭᠥ ᠮᠡᠲᠦ ᠬᠠᠪᠢᠷᠭᠠᠨ ᠰᠠᠷᠠ ᠦᠵᠡᠭᠳᠡᠨᠡ᠃ ᠪᠦᠳᠡᠭᠢ ᠮᠠᠭᠤᠬᠠᠢ ᠭᠡᠷᠡᠯ ᠨᠢ ᠬᠣᠯᠠ ᠦᠭᠡᠢ ᠪᠠᠢᠬᠤ ᠨᠠᠮ ᠭᠦᠮ ᠣᠢ᠂ ᠥᠨᠳᠥᠷ ᠭᠠᠴᠤᠷᠠ ᠮᠣᠳᠣ᠂ ᠴᠠᠰᠤ ᠪᠠᠷ ᠪᠦᠷᠬᠦᠮᠡᠯ ᠥᠷᠭᠡᠨ ᠲᠠᠯᠠ ᠶ᠋ᠢ ᠠᠷᠠᠶ᠋ᠢᠭᠡᠵᠦ ᠪᠦᠳᠡᠭᠢ ᠭᠡᠢᠭᠦᠯᠦᠨᠡ᠃
ᠶᠣᠢᠯᠠᠪᠠ᠁ ᠬᠥᠮᠦᠨ ᠦ᠌ ᠶᠣᠢᠯᠠᠬᠤ ᠢᠯᠡᠬᠡᠨ ᠳᠤᠭᠤᠯᠳᠠᠪᠠ᠃ ᠥᠭᠡᠷᠡ ᠵᠦᠭ ᠲᠦ᠍ ᠤᠯᠠᠮ ᠭᠣᠮᠣᠳᠠᠯ ᠲᠠᠢ ᠰᠡᠭᠦᠷᠡᠰᠦᠨ ᠠᠯᠳᠠᠵᠤ ᠰᠣᠨᠣᠰᠳᠠᠨᠠ᠃ ᠵᠣᠪᠠᠯᠠᠩ ᠲᠠᠢ ᠭᠠᠰᠠᠯᠠᠩᠲᠠᠢ ᠳᠠᠭᠤ ᠨᠤᠭᠤᠳ ᠡᠨᠳᠡ ᠲᠡᠨᠳᠡ ᠦᠭᠡᠢ ᠳᠤᠭᠤᠯᠳᠠᠪᠠ᠃ ᠣᠷᠣᠰ ᠤ᠋ᠨ ᠭᠠᠵᠠᠷ ᠨᠤᠲᠤᠭ᠂ ᠡᠨᠡ ᠴᠠᠰᠤᠲᠤ ᠲᠠᠯᠠᠪᠠᠢ ᠳᠡᠭᠡᠷᠡ ᠠᠮᠢ ᠠᠯᠳᠠᠭᠰᠠᠨ ᠬᠥᠪᠡᠭᠦᠳ ᠦ᠋ᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠭᠠᠰᠢᠭᠤᠳᠠᠨ ᠤᠬᠢᠯᠠᠬᠤ ᠮᠡᠲᠦ ᠪᠠᠢᠯᠠ᠃
ᠲᠠᠲ᠋ᠠᠷ ᠤ᠋ᠳ ᠶᠠᠭᠠᠬᠢᠭᠰᠠᠨ ᠶᠤᠮ ᠪᠣᠯ? ᠲᠠᠲ᠋ᠠᠷ ᠤ᠋ᠳ ᠰᠢᠷᠬᠠᠳᠤᠭᠰᠠᠨ ᠬᠥᠮᠦᠰ ᠢ᠋ ᠦᠯᠡᠳᠡᠭᠡᠬᠦ ᠦᠭᠡᠢ ᠵᠠᠪᠠᠯ ᠭᠦᠢᠴᠡᠭᠡᠨ ᠠᠯᠠᠵᠤ ᠳᠠᠭᠤᠰᠬᠠᠳᠠᠭ ᠪᠢᠯᠡ᠃ ᠲᠤᠷᠤᠫᠺᠠ ᠬᠠᠰᠬᠢᠷᠴᠤ ᠲᠤᠰᠠᠯᠠᠮᠵᠢ ᠡᠷᠢᠬᠦ ᠶ᠋ᠢ ᠪᠣᠳᠣᠪᠠᠴᠤ ᠲᠠᠲ᠋ᠠᠷ ᠤ᠋ᠳ ᠳᠣᠭᠣᠯᠴᠢᠬᠠᠨᠠ! ᠭᠡᠵᠦ ᠠᠶᠤᠨᠠ᠃
ᠫᠧᠭᠠᠱ ᠴᠢᠮᠡᠭᠡ ᠦᠭᠡᠢ ᠪᠣᠯᠵᠤ ᠴᠢᠩᠨᠠᠭᠠᠳ ᠠᠷᠬᠢᠷᠠᠵᠤ ᠡᠬᠢᠯᠡᠪᠡ᠃ ᠰᠥᠨᠢ ᠶ᠋ᠢᠨ ᠨᠠᠮ ᠭᠦᠮ ᠳ᠋ᠦ᠍ ᠬᠥᠮᠦᠨ ᠦ᠌ ᠬᠥᠯ ᠦ᠋ᠨ ᠴᠢᠮᠡᠭᠡ ᠳᠤᠭᠤᠯᠳᠠᠪᠠ᠃ ᠨᠢᠭᠡᠨ ᠬᠥᠮᠦᠨ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠣᠢᠯᠠᠭᠠᠭᠳᠠᠬᠤ ᠦᠭᠡᠢ ᠪᠡᠷ ᠶᠠᠷᠢᠬᠤ ᠰᠣᠨᠣᠰᠳᠠᠪᠠ᠃
ᠲᠤᠷᠤᠫᠺᠠ ᠠᠷᠠᠶ᠋ᠢᠭᠡᠵᠦ ᠲᠣᠯᠣᠭᠠᠢ ᠪᠠᠨ ᠥᠨᠳᠡᠢᠯᠭᠡᠵᠦ ᠬᠠᠷᠠᠪᠠ᠃ ᠪᠠᠷᠤᠭ ᠥᠰᠥᠭᠡᠢ ᠳ᠋ᠡᠭᠡᠨ ᠬᠦᠷᠦᠭᠰᠡᠨ ᠤᠷᠲᠤ ᠬᠤᠪᠴᠠᠰᠤ ᠲᠠᠢ ᠪᠠ ᠱᠣᠪᠬᠣ ᠣᠷᠣᠢ ᠲᠠᠢ ᠮᠠᠯᠠᠭᠠᠢ ᠲᠠᠢ ᠥᠨᠳᠥᠷ ᠬᠥᠮᠦᠨ ᠦᠵᠡᠭᠳᠡᠪᠡ᠃ ᠮᠥᠷᠦᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠣᠭᠣᠰᠣᠷ ᠲᠠᠢ ᠲᠦᠷᠡᠢᠪᠴᠢ ᠵᠡᠭᠦᠵᠡᠢ᠃ ᠨᠢᠭᠡ ᠭᠠᠷ ᠲᠠᠭᠠᠨ ᠰᠢᠳᠠᠮ᠂ ᠨᠥᠭᠦᠭᠡ ᠭᠠᠷ ᠲᠠᠭᠠᠨ ᠳ᠋ᠧᠩᠯᠦ ᠪᠠᠷᠢᠵᠠᠢ᠃ ᠳ᠋ᠧᠩᠯᠦ ᠶ᠋ᠢᠨ ᠪᠦᠳᠡᠭᠢ ᠭᠡᠷᠡᠯ ᠨᠢ ᠳᠡᠭᠦᠵᠢᠩᠨᠡᠵᠦ ᠴᠠᠰᠤᠨ ᠳᠡᠭᠡᠭᠦᠷ ᠴᠠᠭᠠᠨ ᠲᠣᠯᠪᠣ ᠭᠦᠶᠦᠨᠡ᠃
《 ᠰᠥᠨᠢ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠤᠤ? ᠠᠯᠠᠭᠳᠠᠭᠴᠢᠳ ᠢ᠋ ᠲᠣᠨᠣᠵᠤ ᠬᠢᠳᠤᠵᠤ ᠶᠠᠪᠤᠨᠠ ᠤᠤ?᠁ 》 ᠲᠡᠳᠦᠢ ᠯᠡ ᠬᠣᠯᠠ ᠦᠭᠡᠢ ᠤᠷᠲᠤ ᠪᠠᠷ ᠶᠣᠢᠯᠠᠨ ᠭᠠᠰᠠᠯᠬᠤ ᠳᠠᠭᠤ ᠳᠠᠬᠢᠨ ᠳᠤᠭᠤᠯᠳᠠᠪᠠ᠃
— ᠠᠢ ᠦᠬᠦᠬᠦ ᠨᠢ ᠠ᠋! ᠁ ᠶᠠᠭᠤᠮᠠ ᠤᠤᠭᠤᠬᠤ ᠶᠤᠮᠰᠠᠨ! ᠦᠬᠦᠵᠦ ᠪᠠᠢᠨᠠ᠃
ᠦᠯᠦ ᠲᠠᠨᠢᠭᠳᠠᠬᠤ ᠥᠨᠳᠥᠷ ᠬᠥᠮᠦᠨ ᠣᠢᠷᠠᠲᠤᠵᠤ ᠣᠴᠢᠭᠠᠳ ᠬᠡᠪᠲᠡᠵᠦ ᠪᠠᠢᠭᠠ ᠬᠥᠮᠦᠨ ᠦ᠌ ᠳᠡᠭᠡᠷᠡ ᠡᠴᠡ ᠪᠥᠬᠥᠢᠪᠡ᠃ ᠲᠤᠷᠤᠫᠺᠠ ᠵᠣᠷᠢᠭ ᠣᠷᠣᠵᠤ᠄
— ᠨᠠᠰᠢ ᠪᠠᠨ! ᠨᠠᠳᠠ ᠣᠢᠷᠠᠳᠤᠭᠠᠴᠢ! ᠭᠡᠵᠦ ᠬᠡᠯᠡᠪᠡ᠃ ᠬᠠᠴᠢᠨ ᠬᠥᠮᠦᠨ ᠣᠢᠷᠠᠲᠤᠵᠤ ᠢᠷᠡᠪᠡ᠂ ᠰᠢᠳᠠᠮ ᠢ᠋ᠶ᠋ᠠᠨ ᠡᠷᠭᠦᠵᠦ ᠪᠣᠯᠭᠣᠮᠵᠢᠯᠠᠨ ᠬᠠᠷᠠᠳᠠᠵᠤ ᠵᠣᠭᠰᠣᠨᠠ᠃
ᠫᠧᠭᠠᠱ ᠠᠷᠬᠢᠷᠠᠨᠠ᠂ ᠲᠡᠭᠦᠨ ᠦ᠌ ᠰᠡᠷᠪᠡᠭᠡ ᠳᠡᠭᠡᠷᠡᠬᠢ ᠦᠰᠦ ᠨᠢ ᠪᠣᠰᠴᠠᠢ᠃
— ᠫᠧᠭᠠᠱ! ᠭᠡᠳᠡᠷᠭᠦ ᠪᠡᠨ!
ᠲᠡᠷᠡᠬᠦ ᠬᠥᠮᠦᠨ ᠪᠠᠰᠠ ᠨᠢᠭᠡᠨ ᠠᠯᠬᠤᠮ ᠣᠢᠷᠠᠲᠤᠪᠠ᠃ ᠲᠡᠷᠡ ᠴᠡᠪᠡᠷ ᠪᠤᠰᠤ ᠬᠡᠯᠡ ᠪᠡᠷ᠄
— ᠣᠲᠠᠴᠢ ᠪᠠᠢᠨᠠ᠁ ᠠᠮᠢᠳᠤ ᠪᠠᠢᠨᠠ ᠤᠤ?
ᠡᠨᠡ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠣᠲᠠᠴᠢ ᠪᠤᠰᠤ ᠪᠠᠢᠭᠠ ᠳ᠋ᠠ? ᠦᠷᠦ ᠡᠪᠡᠳᠬᠦ ᠮᠠᠭᠠᠳ ᠦᠭᠡᠢ ᠪᠣᠯ ᠤᠤ? ᠬᠡᠷᠪᠡ ᠲᠡᠷᠡ᠂ ᠲᠠᠲ᠋ᠠᠷ ᠬᠥᠮᠦᠨ ᠪᠢᠰᠢ ᠪᠠᠢᠬᠤ ᠶ᠋ᠢ ᠦᠵᠡᠭᠡᠳ ᠰᠢᠳᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠣᠬᠢᠴᠢᠬᠠᠬᠤ ᠪᠣᠯᠪᠠᠤ᠁ ᠭᠡᠰᠡᠨ ᠴᠦ᠍ ᠦᠬᠦᠬᠦ ᠮᠥᠷ ᠨᠢᠭᠡ ᠭᠡᠵᠦ ᠪᠣᠳᠣᠭᠠᠳ᠁ ᠲᠤᠷᠤᠫᠺᠠ᠂
— ᠲᠤᠰᠠᠯᠠᠭᠠᠴᠢ! ᠭᠡᠵᠦ ᠭᠤᠶᠤᠪᠠ᠃
ᠤᠷᠲᠤ ᠰᠠᠬᠠᠯᠲᠠᠢ ᠲᠡᠷᠡ ᠬᠥᠮᠦᠨ ᠪᠥᠬᠥᠢᠵᠦ ᠥᠭᠡᠬᠦᠨ ᠲᠣᠰᠣᠨ ᠯᠠ ᠲᠠᠢ ᠳ᠋ᠧᠩᠯᠦ ᠪᠡᠷ ᠭᠡᠷᠡᠯᠲᠦᠭᠦᠯᠦᠨᠡ᠃
ᠳ᠋ᠧᠩᠯᠦ ᠪᠡᠨ ᠦᠬᠦᠭᠰᠡᠨ ᠮᠣᠷᠢᠨ ᠤ᠋ ᠬᠠᠪᠢᠷᠭᠠᠨ ᠳᠡᠭᠡᠷᠡ ᠲᠠᠯᠪᠢᠵᠤ ᠲᠦᠷᠡᠢᠪᠴᠢ ᠪᠠ ᠰᠢᠲᠠᠮ ᠢ᠋ᠶ᠋ᠠᠨ ᠴᠠᠰᠤᠨ ᠳᠡᠭᠡᠷᠡ ᠲᠠᠯᠪᠢᠭᠠᠳ᠂ ᠲᠤᠷᠤᠫᠺᠠ ᠶ᠋ᠢᠨ ᠳᠡᠭᠡᠭᠦᠷ ᠬᠥᠨᠳᠡᠯᠡᠨ ᠤᠨᠠᠭᠰᠠᠨ ᠬᠣᠶᠠᠷ ᠬᠡᠭᠦᠷ ᠢ᠋ ᠪᠦᠬᠦ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ ᠳᠡᠭᠡᠭᠰᠢ ᠪᠡᠨ ᠡᠷᠭᠦᠬᠦ ᠶ᠋ᠢ ᠡᠷᠡᠮᠡᠯᠵᠡᠨᠡ᠃ ᠲᠡᠷᠡ ᠬᠥᠮᠦᠨ ᠠᠭᠠᠬᠢᠯᠠᠵᠤ᠂ ᠤᠭᠤᠬᠢᠯᠠᠵᠤ ᠣᠢᠯᠠᠭᠠᠭᠳᠠᠬᠤ ᠦᠭᠡᠢ ᠦᠭᠡᠰ ᠢ᠋ ᠰᠢᠪᠡᠨᠡᠨᠡ᠃
ᠲᠤᠷᠤᠫᠺᠠ ᠴᠢᠯᠥᠭᠡᠲᠡᠢ ᠪᠣᠯᠵᠤ ᠨᠥᠭᠦᠭᠡ ᠭᠠᠷ ᠢ᠋ᠶ᠋ᠠᠨ ᠬᠥᠳᠡᠯᠭᠡᠵᠦ ᠴᠢᠳᠠᠬᠤ ᠪᠣᠯᠪᠠ᠃ ᠣᠳᠣ ᠪᠠᠰᠠ ᠮᠣᠷᠢᠨ ᠤ᠋ ᠬᠡᠭᠦᠷ ᠦ᠋ᠨ ᠳᠣᠣᠷᠠ ᠠ᠋ᠴᠠ ᠬᠥᠯ ᠢ᠋ᠶ᠋ᠡᠨ ᠭᠠᠷᠭᠠᠵᠤ ᠠᠪᠬᠤ ᠬᠡᠷᠡᠭᠲᠡᠢ᠃ ᠬᠥᠯ ᠢ᠋ᠶ᠋ᠡᠨ ᠴᠦ᠍ ᠪᠠᠰᠠ ᠪᠦᠬᠦ ᠬᠦᠴᠦ ᠪᠡᠨ ᠰᠢᠪᠬᠠᠨ ᠣᠷᠣᠯᠳᠣᠭᠰᠠᠭᠠᠷ ᠪᠠᠢᠵᠤ ᠭᠠᠷᠭᠠᠪᠠ᠃ ᠲᠤᠷᠤᠫᠺᠠ ᠳᠡᠭᠡᠭᠰᠢ ᠪᠡᠨ ᠥᠨᠳᠡᠢᠵᠦ ᠰᠠᠭᠤᠪᠠ᠃ ᠣᠲᠠᠴᠢ ᠲᠡᠭᠦᠨ ᠦ᠌ ᠲᠣᠯᠣᠭᠠᠢ ᠮᠥᠷᠥ ᠶ᠋ᠢ ᠪᠡᠷᠢᠯᠡᠵᠦ ᠦᠵᠡᠪᠡ᠃
ᠲᠤᠷᠤᠫᠺᠠ ᠶ᠋ᠢᠨ ᠮᠠᠩᠨᠠᠢ ᠶ᠋ᠢᠨ ᠦᠰᠦ ᠨᠢ ᠴᠢᠰᠤ ᠲᠠᠢ ᠪᠠᠨ ᠪᠠᠷᠢᠯᠳᠤᠵᠤ ᠨᠠᠭᠠᠯᠳᠤᠵᠠᠢ᠃ ᠳᠠᠭᠵᠠ ᠨᠢ ᠯᠤᠭᠰᠢᠵᠤ ᠪᠠᠷᠠᠭᠤᠨ ᠭᠠᠷ ᠨᠢ ᠮᠠᠭᠤᠬᠠᠨ ᠬᠥᠳᠡᠯᠦᠨᠡ᠃ ᠲᠡᠷᠡ ᠣᠲᠠᠴᠢ ᠳᠣᠷᠣᠭᠰᠢ ᠪᠠᠨ ᠰᠥᠬᠥᠷᠡᠵᠦ ᠰᠠᠭᠤᠭᠠᠳ ᠲᠤᠷᠤᠫᠺᠠ ᠶ᠋ᠢᠨ ᠪᠣᠭᠣᠨᠢ ᠳᠡᠪᠡᠯ ᠦ᠋ᠨ ᠲᠣᠪᠴᠢ ᠨᠤᠭᠤᠳ ᠢ᠋ ᠠᠶᠠᠷᠬᠠᠨ ᠢ᠋ᠶ᠋ᠠᠷ ᠲᠠᠢᠯᠵᠤ ᠬᠠᠷᠠ ᠨᠥᠵᠢᠷᠡᠭᠰᠡᠨ ᠴᠢᠰᠤ ᠪᠠᠷ ᠪᠦᠷᠬᠦᠭᠰᠡᠨ ᠮᠥᠷᠥ ᠶ᠋ᠢ ᠨᠢ ᠢᠯᠡ ᠭᠠᠷᠭᠠᠪᠠ᠃ ᠲᠡᠭᠡᠭᠡᠳ ᠥᠩᠭᠡ ᠶ᠋ᠢᠨ ᠳᠠᠪᠤᠤ ᠶ᠋ᠢ ᠭᠠᠷᠭᠠᠵᠤ ᠲᠡᠭᠦᠨ ᠢ᠋ ᠯᠣᠩᠬᠣ ᠲᠠᠢ ᠠᠭᠤᠰᠬᠠᠮᠠᠯ ᠢ᠋ᠶ᠋ᠠᠷ ᠨᠣᠷᠭᠠᠵᠤ ᠰᠢᠷᠬᠠ ᠶ᠋ᠢ ᠪᠣᠭᠣᠭᠠᠳ ᠪᠣᠭᠣᠨᠢ ᠳᠡᠪᠡᠯ ᠢ᠋ ᠳᠠᠬᠢᠨ ᠲᠣᠪᠴᠢᠯᠠᠨᠠ᠃
一 ᠡᠷᠡᠭᠦᠯ ᠪᠣᠯᠤᠨᠠ! ᠭᠡᠳ ᠴᠡᠭᠡᠵᠢ ᠶ᠋ᠢᠨ ᠳᠠᠰᠢ ᠪᠠᠨ ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠵᠢᠭᠠᠵᠤ
一 ᠪᠢ ᠪᠣᠯ ᠡᠮᠴᠢ ᠬᠠᠳ᠋ᠵᠢ ᠷᠠᠾᠢᠮ ᠭᠡᠳᠡᠭ ᠪᠠᠢᠨᠠ ᠭᠡᠵᠦ ᠬᠡᠯᠡᠪᠡ᠃
ᠲᠡᠷᠡ ᠣᠲᠠᠴᠢ ᠠᠯᠭᠤᠷ ᠲᠠᠢᠪᠤᠩ ᠠᠯᠬᠤᠮ ᠢ᠋ᠶ᠋ᠠᠷ ᠬᠣᠯᠠᠳᠠᠨ ᠶᠠᠪᠤᠵᠤ ᠳᠠᠬᠢᠨ ᠰᠢᠨᠡ ᠪᠡᠷ ᠭᠠᠰᠠᠯᠤᠨ ᠤᠬᠢᠯᠠᠬᠤ ᠬᠥᠮᠦᠨ ᠲᠡᠰᠢ ᠴᠢᠭᠯᠡᠨ ᠶᠠᠪᠤᠪᠠ᠃ ᠲᠤᠷᠤᠫᠺᠠ ᠦᠬᠦᠭᠰᠡᠨ ᠮᠣᠷᠢᠨ ᠤ᠋ ᠬᠠᠵᠠᠭᠤ ᠳᠡᠭᠡᠷᠡ ᠰᠠᠨᠳᠠᠢᠯᠠᠨ ᠰᠠᠭᠤᠭᠠᠳ᠄ ᠣᠳᠣ ᠶᠠᠭᠠᠬᠢᠬᠤ ᠪᠢᠯᠡ? ᠲᠠᠲ᠋ᠠᠷ ᠤ᠋ᠳ ᠬᠠᠮᠢᠭᠠᠰᠢ ᠣᠳᠤᠭᠰᠠᠨ ᠪᠣᠯ? ᠠᠯᠢ ᠵᠦᠭ ᠳᠠᠰᠢ ᠶᠠᠪᠤᠭᠰᠠᠨ ᠪᠣᠯ ᠳ᠋ᠠ? ᠮᠣᠳᠣᠨ ᠳᠣᠲᠣᠷᠠ ᠤᠶᠠᠭᠠᠲᠠᠢ ᠪᠠᠢᠭᠠ ᠥᠯᠥᠰᠬᠦᠯᠡᠩ ᠮᠣᠷᠢᠨ ᠳ᠋ᠠᠭᠠᠨ ᠣᠴᠢᠶᠠ ᠭᠡᠵᠦ ᠪᠣᠳᠣᠨᠠ᠃ ᠲᠡᠭᠦᠨ ᠢ᠋ ᠣᠯᠵᠤ ᠠᠪᠤᠭᠠᠳ ᠣᠢ ᠶ᠋ᠢᠨ ᠨᠠᠷᠢᠨ ᠵᠠᠮ ᠢ᠋ᠶ᠋ᠠᠷ ᠭᠡᠳᠡᠷᠭᠦ ᠪᠡᠨ ᠫᠧᠷᠦ᠋ᠨᠦᠧ ᠶ᠋ᠢᠨ ᠰᠢᠭᠤᠢ ᠤᠷᠤᠭᠤ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ᠃
ᠲᠡᠭᠦᠨ ᠦ᠌ ᠬᠣᠶᠠᠷ ᠰᠠᠢᠨ ᠨᠥᠬᠥᠳ ᠨᠢ᠂ ᠦᠯᠡᠳᠡᠵᠦ ᠬᠣᠴᠣᠷᠤᠭᠰᠠᠨ ᠨᠢ一ᠮᠣᠷᠢ ᠪᠠ ᠫᠧᠭᠠᠱ ᠨᠣᠬᠠᠢ ᠬᠣᠶᠠᠷ ᠶᠤᠮ ! ᠡᠴᠢᠭᠡ ᠮᠢᠨᠢ ᠬᠠᠮᠢᠭᠠ ᠪᠠᠢᠭᠠ ᠪᠣᠯ ? ᠡᠨᠡ ᠠᠶᠤᠮᠰᠢᠭᠲᠠᠢ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠲᠡᠷᠡ ᠠᠮᠢ ᠦᠷᠡᠭᠳᠡᠭᠰᠡᠨ ᠶᠤᠮ ᠪᠢᠰᠢ ᠪᠠᠢᠭᠠ ᠳ᠋ᠠ? ᠲᠡᠭᠦᠨ ᠢ᠋ ᠡᠷᠢᠵᠦ ᠣᠯᠬᠤ ᠬᠡᠷᠡᠭ ᠲᠡᠢ ᠪᠠᠢᠨᠠ ᠤᠤ?
ᠲᠤᠷᠤᠫᠺᠠ ᠲᠡᠭᠦᠨ ᠢ᠋ ᠫᠸᠭᠠᠱ ᠲᠸ᠋ ᠣᠢᠯᠠᠭᠠᠭᠤᠯᠬᠤ ᠭᠡᠬᠦ ᠳ᠋ᠦ᠍ ᠭᠠᠶ᠋ᠢᠬᠠᠵᠤ ᠤᠷᠢᠳᠠᠬᠢ ᠬᠥᠯ ᠢ᠋ᠶ᠋ᠡᠨ ᠡᠭᠡᠯᠵᠢᠯᠡᠨ ᠡᠷᠭᠦᠵᠦ ᠭᠠᠰᠠᠯᠬᠤ ᠲᠡᠷᠡ ᠡᠵᠡᠨ ᠨᠢ ᠶᠠᠭᠤ ᠶ᠋ᠢ ᠱᠠᠭᠠᠷᠳᠠᠵᠤ ᠪᠠᠢᠭᠠ ᠶ᠋ᠢ ᠪᠠᠰᠠ ᠴᠥ᠍ ᠤᠬᠠᠭᠠᠷᠠᠵᠤ ᠠᠪᠬᠤ ᠶ᠋ᠢ ᠬᠦᠰᠡᠨᠡ᠃
— ᠫᠧᠭᠠᠱ! ᠲᠠᠯᠠ ᠪᠠᠷ ᠭᠦᠶᠦᠨ ᠶᠠᠪᠤᠵᠤ ᠦᠬᠦᠭᠰᠡᠨ ᠬᠥᠮᠦᠰ ᠦ᠋ᠨ ᠨᠢᠭᠤᠷ ᠴᠢᠷᠠᠢ ᠨᠤᠭᠤᠳ ᠢ᠋ ᠬᠠᠷᠠᠵᠤ ᠮᠠᠨ ᠤ᠋ ᠡᠵᠡᠨ ᠪᠠᠢᠨᠠ ᠤᠤ᠂ ᠦᠭᠡᠢ ᠤᠤ ᠭᠡᠵᠦ ᠦᠵᠡᠨ᠂ ᠡᠵᠡᠨ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠡᠵᠡᠨ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? ᠡᠷᠢᠵᠦ ᠣᠯ !
ᠲᠤᠷᠤᠫᠺᠡ ᠨᠢ ᠫᠧᠭᠠᠱ ᠤ᠋ᠨ ᠬᠣᠰᠢᠭᠤ ᠶ᠋ᠢ ᠢᠯᠢᠵᠦ ᠲᠠᠯᠠ ᠳᠠᠰᠢ ᠬᠠᠷᠠᠭᠤᠯᠤᠨ ᠲᠦᠯᠬᠢᠨᠡ᠃
— ᠡᠵᠡᠨ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠᠮ ? ᠡᠷᠢ !
ᠫᠧᠭᠠᠱ ᠬᠠᠷᠠ ᠬᠤᠷᠳᠤᠨ ᠢ᠋ᠶ᠋ᠠᠷ ᠤᠷᠤᠭᠰᠢ ᠪᠠᠨ ᠭᠦᠶᠦᠵᠦ ᠬᠡᠭᠦᠷ ᠦ᠋ᠳ ᠦ᠋ᠨ ᠳᠡᠭᠡᠭᠦᠷ ᠬᠠᠷᠠᠢᠵᠤ ᠡᠷᠢᠵᠦ᠂ ᠦᠨᠦᠷᠲᠦᠵᠦ ᠡᠷᠭᠢᠯᠳᠦᠵᠦ ᠶᠠᠪᠤᠭᠰᠠᠭᠠᠷ ᠭᠡᠨᠡᠳᠲᠡ ᠵᠣᠭᠰᠣᠵᠤ ᠬᠤᠴᠠᠭᠠᠳ ᠨᠠᠷᠢᠬᠠᠨ ᠳᠠᠭᠤ ᠪᠠᠷ ᠣᠯᠢᠪᠠ᠃
ᠲᠤᠷᠤᠫᠺᠠ ᠪᠣᠰᠴᠤ ᠬᠡᠪᠲᠡᠵᠦ ᠪᠠᠢᠭᠠ ᠬᠡᠭᠦᠷ ᠦ᠋ᠳ ᠦ᠋ᠨ ᠳᠡᠭᠡᠭᠦᠷ ᠠᠶᠠᠷᠬᠠᠨ ᠢ᠋ᠶ᠋ᠠᠷ ᠠᠯᠬᠤᠵᠤ ᠶᠠᠪᠤᠪᠠ᠃ ᠲᠡᠭᠦᠨ ᠦ᠌ ᠮᠣᠷᠢᠨ ᠳ᠋ᠤ᠌ ᠳᠠᠷᠤᠭᠳᠠᠭᠰᠠᠨ ᠬᠥᠯ ᠨᠢ ᠣᠳᠣ ᠴᠥ᠍ ᠭᠡᠰᠡᠨ ᠲᠡᠳᠦᠢ ᠯᠡ ᠰᠠᠢᠨ ᠢ᠋ᠶ᠋ᠠᠷ ᠭᠢᠰᠬᠢᠭᠳᠡᠬᠦ ᠦᠭᠡᠢ ᠪᠣᠯᠪᠠᠴᠤ ᠲᠤᠷᠤᠫᠺᠠ ᠶᠠᠭᠤ ᠴᠥ᠍ ᠠᠲᠤᠭᠠᠢ ᠪᠡᠶᠡ ᠪᠡᠨ ᠠᠯᠪᠠᠳᠠᠵᠤ ᠤᠷᠤᠭᠰᠢ ᠶᠠᠪᠤᠬᠤ ᠶ᠋ᠢ ᠴᠢᠷᠮᠠᠢᠨᠠ᠃
ᠲᠤᠷᠤᠫᠺᠠ ᠲᠦᠷᠭᠡᠯᠡᠨ ᠠᠯᠬᠤᠯᠠᠪᠠ᠃ ᠪᠣᠳᠣᠪᠠᠯ ᠫᠧᠭᠠᠱ᠂ ᠡᠴᠢᠭᠡ ᠶ᠋ᠢ ᠨᠢ ᠣᠯᠤᠭᠰᠠᠨ ᠪᠢᠵᠡ ᠠ᠋? ᠦᠨᠡᠨᠴᠢ ᠰᠠᠢᠨ ᠨᠣᠬᠠᠢ᠂ ᠵᠠᠮᠪᠠᠷᠠᠭᠠ ᠦᠭᠡᠢ ᠣᠪᠣᠭᠠᠷᠠᠨ ᠤᠨᠠᠭᠰᠠᠨ ᠬᠡᠳᠦᠨ ᠬᠡᠭᠦᠷ ᠦ᠋ᠳ ᠦ᠋ᠨ ᠳᠡᠷᠭᠡᠳᠡ ᠵᠣᠭᠰᠣᠵᠤ ᠪᠠᠢᠪᠠ᠃
ᠲᠡᠳᠡᠨᠡᠷ ᠨᠢ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠰᠤᠮᠤ ᠪᠤᠶᠤ ᠰᠡᠯᠡᠮᠡ ᠪᠡᠷ ᠬᠡᠷᠬᠢᠨ ᠴᠠᠪᠴᠢᠭᠳᠠᠭᠰᠠᠨ ᠲᠡᠷᠡ ᠠᠶᠠ ᠪᠠᠷ ᠢ᠋ᠶ᠋ᠠᠨ ᠰᠢᠪᠡᠷᠡᠯᠳᠦᠨ ᠬᠡᠪᠲᠡᠵᠦ ᠪᠠᠢᠨᠠ᠃
ᠲᠤᠷᠤᠫᠺᠠ ᠠᠶᠤᠨ ᠰᠣᠴᠢᠭᠰᠠᠭᠠᠷ ᠣᠢᠷᠠᠲᠤᠪᠠ᠂ ᠴᠠᠰᠤᠨ ᠳ᠋ᠤ᠌ ᠳᠠᠷᠤᠭᠳᠠᠵᠤ ᠴᠠᠷᠴᠠᠭᠰᠠᠨ ᠬᠡᠭᠦᠷ ᠦ᠋ᠳ ᠦ᠋ᠨ ᠳᠡᠭᠡᠷᠡ ᠡᠴᠡ ᠲᠣᠩᠭᠣᠢᠵᠤ ᠦᠵᠡᠪᠡ᠄ ᠦᠭᠡᠢ ! ᠡᠨᠡ ᠡᠴᠢᠭᠡ ᠪᠢᠰᠢ ᠪᠠᠢᠨᠠ! ᠵᠠᠯᠠᠭᠤ ᠰᠠᠢᠬᠠᠨ ᠠᠪᠠᠴᠢᠨ᠂ ᠴᠣᠬᠣᠢ ᠰᠢᠭ᠋ ᠴᠠᠭᠠᠨ ᠴᠢᠷᠠᠢ ᠪᠠᠢᠨᠠ᠁ ᠡᠨᠡ ᠴᠢᠨᠢ ᠡᠷᠡᠭᠲᠡᠢ ᠬᠡᠦᠬᠡᠳ ᠪᠠᠢᠵᠤ᠁ ᠤᠷᠲᠤ ᠰᠤᠷᠮᠤᠤᠰᠤᠲᠠᠢ ᠬᠥᠬᠡ ᠨᠢᠳᠦ ᠨᠢ ᠲᠠᠢᠪᠤᠩ ᠢ᠋ᠶ᠋ᠠᠷ ᠣᠭᠲᠠᠷᠭᠤᠢ ᠶ᠋ᠢ ᠰᠢᠷᠲᠡᠨᠡ᠃ ᠰᠣᠷᠮᠤᠤᠰᠤ ᠳᠡᠭᠡᠷᠡ ᠨᠢ ᠴᠠᠭᠠᠨ ᠴᠠᠰᠤᠨ ᠤ᠋ ᠰᠢᠷᠬᠡᠭ ᠦ᠋ᠳ ᠣᠴᠢ ᠮᠡᠲᠦ ᠭᠢᠯᠠᠯᠵᠠᠨᠠ᠃ ᠬᠠᠴᠠᠷ ᠳᠡᠭᠡᠷᠡᠬᠢ ᠰᠡᠪᠬᠡ ᠨᠤᠭᠦᠳ ᠨᠢ ᠲᠣᠳᠣᠬᠠᠨ ᠬᠠᠷᠠᠭᠳᠠᠵᠤ ᠴᠡᠪᠡᠷᠬᠡᠨ ᠰᠠᠢᠬᠠᠨ ᠤᠷᠤᠭᠤᠯ ᠠᠮᠠ ᠬᠠᠭᠠᠰ ᠠᠩᠭᠠᠢᠭᠰᠠᠨ ᠪᠠᠢᠬᠤ ᠨᠢ ᠡᠶᠡᠯᠳᠡᠭ ᠦᠭᠡ ᠶ᠋ᠢ ᠰᠢᠪᠡᠨᠡᠬᠦ ᠮᠡᠲᠦ ᠠᠵᠢ᠃
ᠶᠠᠭᠠᠬᠢᠭᠰᠠᠨ ᠲᠠᠨᠢᠮᠠᠷ ᠨᠢᠭᠤᠷ ᠪᠣᠢ! ᠸᠸᠱᠨ᠋ᠶᠠᠩᠺᠠ ! ᠴᠢ ᠶᠠᠭᠠᠬᠢᠵᠤ ᠡᠨᠳᠡ ᠢᠷᠡᠭᠰᠡᠨ ᠪᠣᠢ? ᠡᠷᠡᠭᠲᠡᠢ ᠬᠡᠦᠬᠡᠳ ᠦ᠋ᠨ ᠬᠤᠪᠴᠠᠰᠤ ᠲᠠᠢ᠁ ᠲᠠᠲ᠋ᠠᠷ ᠤ᠋ᠨ ᠲᠠᠬᠢᠷ ᠰᠡᠯᠡᠮᠡ ᠴᠢᠮᠠᠶ᠋ᠢ ᠴᠠᠪᠴᠢᠪᠠ !
ᠲᠣᠷᠣᠫᠺᠠ ᠶᠠᠮᠠᠷ ᠴᠥ᠍ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠲᠡᠷᠡ ᠬᠡᠭᠦᠷ ᠦ᠋ᠨ ᠳᠡᠷᠭᠡᠳᠡ ᠰᠠᠭᠤᠪᠠ᠁ ᠡᠨᠡ ᠪᠠᠰᠠ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠬᠡᠦᠬᠡᠨ ᠬᠡᠪᠲᠡᠨᠡ᠁ ᠡᠳᠡᠨᠡᠷ ᠴᠦ᠍ ᠭᠡᠰᠡᠨ ᠡᠬᠡ ᠣᠷᠣᠨ ᠤ᠋ ᠪᠠᠨ ᠲᠥᠯᠥᠭᠡ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠪᠠᠢᠯᠳᠤᠵᠠᠢ᠃
ᠲᠣᠷᠣᠫᠺᠠ ᠠᠯᠭᠤᠷᠬᠠᠨ ᠢ᠋ᠶ᠋ᠠᠷ ᠲᠣᠩᠭᠣᠢᠵᠤ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠨᠢᠭᠤᠷ ᠲᠤᠨᠢ ᠤᠷᠤᠭᠤᠯ ᠢ᠋ᠶ᠋ᠠᠨ ᠬᠦᠷᠭᠡᠪᠡ᠃ ᠸᠸᠱᠨ᠋ᠶᠠᠩᠺᠠ ᠲᠡᠷᠡ ( ᠶ᠋ᠢᠨ ) ᠰᠠᠯᠤᠯᠴᠠᠬᠤ ᠦᠶᠡ ᠳ᠋ᠦ᠍ ᠲᠡᠭᠦᠨ ᠦ᠌ ᠡᠷᠬᠡᠯᠡᠨ ᠰᠠᠢᠬᠠᠨ ᠢ᠋ᠶ᠋ᠠᠷ ᠮᠢᠰᠢᠯᠵᠡᠬᠦ ᠪᠠ ᠭᠤᠨᠢᠭᠲᠠᠢ ᠦᠭᠡ ᠪᠡᠨ ᠬᠡᠯᠡᠵᠦ ᠪᠠᠢᠭᠰᠠᠨ ᠨᠢ ᠰᠠᠨᠠᠭᠳᠠᠪᠠ᠃
— ᠸᠸᠱᠨ᠋ᠶᠠᠩᠺᠠ ! ᠡᠴᠦᠰ ᠦ᠋ᠨ ᠢ᠋ᠶ᠋ᠡᠨ ᠭᠠᠭᠴᠠᠬᠠᠨ ᠦᠭᠡ ᠶ᠋ᠢ ᠬᠡᠯᠡᠳᠡᠭ ᠪᠣᠯᠤᠭᠠᠰᠠᠢ᠃ ᠰᠠᠯᠵᠤ ᠬᠠᠭᠠᠴᠠᠬᠤ ᠦᠭᠡ ᠪᠡᠨ ᠬᠡᠯᠡ ᠳ᠋ᠠ! ᠴᠢ ᠨᠠᠮᠠᠶ᠋ᠢ ᠬᠦᠯᠢᠶᠡᠨᠡ ᠭᠡᠵᠦ ᠬᠡᠯᠡᠭᠰᠡᠨ ᠰᠢᠦ ᠳ᠋ᠠ! ᠬᠦᠯᠢᠶᠡᠵᠡᠢ᠂ ᠬᠠᠷᠢᠨ ᠡᠨᠡ ᠤᠢᠳᠬᠠᠷ ᠭᠠᠰᠠᠯᠠᠩ ᠤ᠋ᠨ ᠬᠡᠭᠦᠷ ᠦ᠋ᠨ ᠲᠠᠯᠠᠪᠠᠢ ᠳ᠋ᠤ᠌ ᠠᠭᠤᠯᠵᠠᠬᠤ ᠪᠠᠢᠵᠠᠢ! ᠭᠡᠵᠦ ᠲᠣᠷᠣᠫᠺᠠ ᠰᠢᠪᠡᠭᠡᠨᠡᠨ ᠶᠠᠷᠢᠨᠠ᠃ ᠲᠡᠷᠡ ᠮᠥᠰᠥ ᠰᠢᠭ᠌ ᠬᠦᠢᠲᠡᠨ ᠤᠷᠤᠭᠤᠯ ᠢ᠋ ᠨᠢ ᠳᠠᠬᠢᠨ ᠨᠢᠭᠡ ᠦᠨᠦᠰᠴᠦ ᠬᠦᠢᠲᠡᠨ ᠪᠠ ᠬᠥᠰᠢᠴᠢᠬᠡᠭᠰᠡᠨ ᠬᠥᠯᠳᠡᠭᠦᠦ ᠭᠠᠷ ᠢ᠋ ᠨᠢ ᠪᠠᠷᠢᠵᠤ ᠦᠵᠡᠭᠡᠳ᠁ ᠳᠤᠭᠤᠢ ᠪᠣᠳᠣᠯᠭᠠ ᠪᠣᠯᠪᠠ᠃
ᠭᠡᠨᠡᠳᠲᠡ ᠤᠢᠳᠬᠠᠷᠲᠠᠢ ᠳᠠᠭᠤ ᠨᠤᠭᠤᠳ ᠲᠠᠢᠪᠤᠩ ᠬᠦᠢᠲᠡᠨ ᠠᠭᠠᠷ ᠲᠸ᠋ ᠳᠤᠭᠤᠯᠳᠠᠪᠠ᠃ ᠡᠨᠡ ᠪᠣᠯ ᠨᠤᠲᠤᠭ ᠤ᠋ᠨ ᠬᠥᠮᠦᠰ ᠦ᠋ᠨ ᠬᠡᠭᠦᠷ ᠦ᠋ᠳ ᠰᠢᠬᠠᠴᠠᠯᠳᠤᠨ ᠣᠷᠣᠰᠢᠬᠤ ᠫᠸᠷᠦᠨᠣᠸ ᠤᠨ ᠰᠢᠭᠤᠢ ᠶ᠋ᠢᠨ ᠪᠤᠯᠠᠰᠢᠨ ᠳᠡᠭᠡᠷᠡ ᠣᠯᠠᠨᠲᠠ ᠰᠣᠨᠣᠰᠤᠭᠰᠠᠨ ᠲᠠᠨᠢᠬᠤ ᠮᠡᠳᠡᠬᠦ ᠳᠠᠭᠤ ᠠᠵᠢ᠃
ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠨᠠᠷᠢᠬᠠᠨ ᠴᠢᠩᠭᠠ ᠬᠣᠭᠣᠯᠠᠢ ᠪᠠᠷ ᠳᠠᠭᠤᠯᠠᠬᠤ ᠪᠠ ᠪᠠᠰᠠ ᠨᠢᠭᠡᠨ ᠰᠤᠯᠠᠬᠠᠨ ᠬᠥᠨᠳᠡᠢ ᠬᠣᠭᠣᠯᠠᠢ ᠲᠡᠭᠦᠨ ᠢ᠋ ᠳᠠᠭᠠᠵᠤ ᠳᠠᠭᠤᠯᠠᠬᠤ ᠠᠵᠢ᠃ ᠳᠠᠷᠠᠭᠠ ᠨᠢ ᠲᠡᠷᠡ ᠬᠣᠶᠠᠷ ᠬᠣᠭᠣᠯᠠᠢ ᠶ᠋ᠢᠨ ᠬᠥᠭ ᠲᠡᠪᠡᠷᠢᠯᠳᠦᠭᠰᠡᠨ ᠮᠡᠲᠦ ᠨᠡᠢᠯᠡᠵᠦ ᠣᠷᠣᠰ ᠤ᠋ᠨ ᠦᠬᠦᠭᠰᠡᠨ ᠴᠡᠷᠢᠭ ᠦ᠋ᠳ ᠨᠢᠳᠦ ᠪᠡᠨ ᠬᠠᠷᠠᠵᠠᠭᠠᠵᠤ ᠠᠩᠬᠠᠷᠤᠯᠲᠠᠢ ᠴᠢᠩᠨᠠᠬᠤ ᠮᠡᠲᠦ ᠴᠠᠰᠤᠲᠠᠢ ᠥᠷᠭᠡᠨ ᠲᠠᠯᠠ ᠶ᠋ᠢᠨ ᠨᠠᠮ ᠭᠦᠮ ᠦ᠋ᠨ ᠳᠣᠲᠣᠷᠠ ᠠᠯᠭᠤᠷᠬᠠᠨᠠ ᠳᠣᠯᠭᠢᠶᠠᠯᠠᠨ ᠰᠣᠨᠣᠰᠳᠠᠪᠠ᠃
ᠨᠠᠷᠢᠬᠠᠨ ᠬᠣᠭᠣᠯᠠᠢ ᠪᠠᠷ ᠭᠠᠰᠠᠯᠠᠩᠲᠠᠢ ᠳᠠᠭᠤᠯᠠᠬᠤ ᠨᠢ᠄
ᠥᠨᠳᠥᠷ ᠠᠭᠤᠯᠠᠰ ᠤ᠋ᠨ ᠣᠷᠣᠢ ᠶ᠋ᠢᠨ ᠴᠠᠭᠠᠭᠤᠷ/
ᠥᠳᠬᠡᠨ ᠣᠢ᠂ ᠬᠥᠪᠴᠢ ᠶ᠋ᠢᠨ ᠴᠠᠭᠠᠭᠤᠷ/
ᠰᠦᠯᠵᠢᠨ ᠶᠠᠪᠤᠬᠤ ᠡᠭᠦᠯᠡᠰ ᠦ᠋ᠨ ᠴᠠᠭᠠᠭᠤᠷ/
ᠥᠷᠥᠨᠡ ᠶ᠋ᠢᠨ ᠣᠯᠠᠨ ᠣᠳᠣᠳ ᠤ᠋ᠨ ᠲᠡᠷᠲᠡᠭᠡ /
ᠤᠯᠠᠭᠠᠨ ᠶᠠᠭᠠᠨ ᠥᠬᠢᠨ ᠪᠣᠯᠵᠤ/
ᠫᠧᠩ ᠦ᠋ᠨ ᠡᠭᠦᠳᠡ ᠶ᠋ᠢ ᠲᠠᠲᠠᠪᠠᠤ /ᠦᠬᠡᠷ ᠮᠠᠯ ᠦᠷᠡ ᠬᠡᠦᠬᠡᠳ ᠲᠡᠢ ᠮᠢᠨᠢ ᠥᠨᠦᠴᠢᠷᠡᠭᠦᠯᠦᠨ/
ᠨᠠᠮᠠᠶ᠋ᠢ ᠣᠷᠬᠢᠵᠤ ᠣᠳᠪᠠ /ᠦᠷᠭᠦᠯᠵᠢ ᠶ᠋ᠢᠨ ᠭᠠᠰᠠᠯᠠᠩ ᠳ᠋ᠤ᠌ ᠦᠯᠡᠳᠡᠭᠡᠵᠦ ᠣᠳᠪᠠ/
ᠡᠭᠦᠷᠢᠳᠡ ᠶ᠋ᠢᠨ ᠡᠭᠦᠷᠢᠳᠡ ᠬᠠᠶᠠᠵᠤ ᠣᠳᠪᠠ/
ᠪᠠᠰᠠ ᠨᠢᠭᠡᠨ ᠰᠤᠯᠠᠬᠠᠨ ᠬᠣᠭᠣᠯᠠᠢ ᠦᠷᠭᠦᠯᠵᠢᠯᠡᠭᠦᠯᠦᠨ᠄
ᠬᠣᠣᠷᠲᠤ ᠦᠬᠦᠯ ᠣᠢᠷᠠᠲᠤᠨ ᠢᠷᠡᠪᠡ/
ᠬᠣᠣᠷ ᠬᠥᠨᠥᠭᠡᠯᠲᠦ ᠲᠡᠷᠡ ᠮᠢᠷᠠᠨ ᠢᠷᠡᠭᠡᠳ/
ᠵᠠᠯᠠᠭᠤ ᠰᠠᠢᠬᠠᠨ ᠡᠬᠡᠨᠡᠷ ᠪᠣᠯᠵᠤ/
ᠳᠣᠪᠵᠢᠶᠠᠨ ᠳᠡᠭᠡᠭᠦᠷ ᠶᠠᠪᠤᠪᠠ ᠤᠤ/
ᠤᠯᠠᠭᠠᠨ ᠶᠠᠭᠠᠨ ᠥᠬᠢᠨ ᠪᠣᠯᠵᠤ/
ᠫᠧᠩ ᠦ᠋ᠨ ᠡᠭᠦᠳᠡ ᠶ᠋ᠢ ᠲᠠᠲᠠᠪᠠ ᠤᠤ/
ᠡᠷᠡᠮᠳᠡᠭ ᠵᠡᠷᠡᠮᠳᠡᠭ ᠭᠤᠢᠯᠢᠨᠴᠢᠨ ᠪᠣᠯᠵᠤ ᠬᠡᠰᠦᠪᠡ ᠤᠤ/
ᠰᠡᠮᠬᠡᠨ ᠶᠠᠪᠤᠵᠤ ᠣᠢᠷᠠᠲᠤᠨ ᠢᠷᠡᠭᠡᠳ/
ᠬᠠᠷᠠ ᠬᠡᠷᠢᠶᠡ ᠪᠣᠯᠵᠤ ᠴᠣᠩᠬᠣ ᠪᠠᠷ
ᠨᠢᠰᠦᠨ ᠣᠷᠣᠭᠠᠳ /
ᠥᠨᠳᠥᠷ ᠳᠡᠷᠡ ᠶ᠋ᠢᠨ ᠳᠡᠭᠡᠷᠡ
ᠨᠢᠭᠤᠭᠳᠠᠵᠤ ᠰᠠᠭᠤᠨ /
ᠴᠠᠭᠠᠨ ᠴᠡᠭᠡᠵᠢ ᠡᠴᠡ ᠠᠮᠢᠨ
ᠰᠦᠨᠡᠰᠦ ᠨᠤᠭᠦᠳ ᠢ᠋ ᠰᠤᠭᠤᠯᠤᠨ ᠠᠪᠤᠪᠠ᠃
ᠲᠤᠷᠤᠫᠺᠠ ᠲᠠᠮᠢᠷ ᠦᠭᠡᠢ ᠲᠤᠯᠠ ᠭᠠᠩᠬᠤᠵᠤ ᠭᠤᠢᠪᠢᠭᠰᠠᠭᠠᠷ ᠶᠠᠪᠤᠵᠤ ᠳᠠᠭᠤᠯᠠᠵᠤ ᠪᠠᠢᠭᠠ ᠡᠮᠡᠭᠲᠡᠢᠴᠦᠳ ᠦ᠋ᠨ ᠳᠡᠷᠭᠡᠳᠡ ᠣᠢᠷᠠᠲᠤᠵᠤ ᠢᠷᠡᠪᠡ᠃ ᠲᠡᠳᠡᠨᠡᠷ ᠲᠣᠭᠣᠷᠢᠨ ᠰᠠᠭᠤᠵᠠᠭᠠᠨᠠ᠃ ᠳᠤᠮᠳᠠ ᠨᠢ ᠣᠷᠣᠰ ᠤ᠋ᠨ ᠴᠡᠷᠢᠭ ᠦ᠋ᠳ ᠦ᠋ᠨ ᠬᠡᠭᠦᠷ ᠦ᠋ᠳ ᠴᠠᠰᠤᠨ ᠳᠡᠭᠡᠷᠡ ᠵᠡᠷᠭᠡᠯᠡᠨ ᠬᠡᠪᠲᠡᠨᠡ᠃ ᠡᠮᠡᠭᠲᠡᠢᠴᠦᠳ ᠦ᠋ᠨ ᠣᠯᠠᠩᠬᠢ ᠨᠢ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠴᠠᠰᠤ ᠲᠠᠢ ᠪᠠ ᠲᠡᠳᠡᠨᠡᠷ ᠦ᠋ᠨ ᠳᠡᠷᠭᠡᠳᠡ ᠨᠢ ᠰᠦᠬᠡ ᠨᠤᠭᠦᠳ ᠪᠠ ᠰᠡᠷᠡᠭᠡ ᠵᠢᠳᠠ ᠨᠤᠭᠤᠳ ᠬᠡᠪᠲᠡᠪᠡ᠃ ᠡᠮᠡᠭᠲᠡᠢᠴᠦᠳ ᠳᠤᠭᠤᠢ ᠪᠣᠯᠵᠤ ᠣᠢᠷᠠᠲᠤᠨ ᠶᠠᠪᠤᠭᠠ ᠲᠤᠷᠤᠫᠺᠠ ᠶ᠋ᠢ ᠠᠶᠤᠨ ᠭᠠᠢᠬᠠᠵᠤ ᠬᠠᠷᠠᠵᠠᠭᠠᠪᠠ᠃
— ᠮᠡᠨᠳᠦ ᠪᠠᠢᠵᠠᠭᠠᠨᠠ ᠤᠤ ? ᠲᠠᠨ ᠤ᠋ ᠡᠨᠳᠡ ᠪᠠᠰᠠ ᠨᠢᠭᠡᠨ ᠬᠡᠦᠬᠡᠨ ᠢ᠋ ᠲᠠᠯᠪᠢᠵᠤ ᠪᠣᠯᠬᠤ ᠤᠤ?
— ᠢᠷᠡ ! ᠢᠷᠡ ! ᠨᠠᠰᠢ ᠪᠠᠨ ᠪᠢᠳᠡᠨ ᠦ᠌ ᠳᠡᠷᠭᠡᠳᠡ ᠢᠷᠡ! ᠴᠢ᠂ ᠬᠠᠮᠢᠭᠠ ᠪᠣᠢ ?
— ᠷᠶᠡᠽᠡᠨ ᠦ᠌ ᠲᠡᠨᠳᠡ ᠡᠴᠡ᠁
— ᠲᠡᠭᠦᠨ ᠦ᠌ ᠴᠢᠨᠢ ᠲᠤᠬᠠᠢ ᠴᠤ᠌ ᠪᠠᠰᠠ ᠭᠠᠰᠢᠭᠤᠳᠠᠵᠠᠭᠠᠶᠠ᠃ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠬᠠᠢᠷᠠᠲᠤ ᠡᠷᠡᠴᠦᠳ ᠦ᠋ᠨ ᠬᠠᠮᠲᠤ ᠴᠢᠳᠠᠬᠤ ᠴᠢᠨᠡᠭᠡ ᠪᠡᠷ ᠢ᠋ᠶ᠋ᠡᠨ ᠠᠪᠰᠠ ᠦᠭᠡᠢ ᠪᠡᠷ ᠴᠦ᠍ ᠪᠣᠯᠤᠭᠰᠠᠨ ᠣᠷᠣᠰᠢᠭᠤᠯᠤᠨᠠ᠃
ᠬᠣᠶᠠᠷ ᠡᠮᠡᠭᠲᠡᠢ ᠪᠣᠰᠴᠤ ᠲᠤᠷᠤᠫᠺᠠ ᠶ᠋ᠢᠨ ᠬᠣᠢᠨᠠ ᠠ᠋ᠴᠠ ᠶᠠᠪᠤᠪᠠ᠃ ᠲᠡᠳᠡᠨᠡᠷ ᠨᠢ ᠸᠸᠱᠨ᠋ᠶᠠᠩᠺᠡ ᠶ᠋ᠢ ᠡᠭᠦᠷᠴᠦ ᠠᠪᠴᠢᠷᠠᠭᠠᠳ ᠥᠪᠡᠷᠰᠡᠳ ᠦ᠋ᠨ ᠬᠥᠮᠦᠰ ᠦ᠋ᠨ ᠳᠡᠷᠭᠡᠳᠡ ᠲᠠᠯᠪᠢᠪᠠ ᠃ ᠲᠤᠷᠤᠫᠺᠠ ᠴᠠᠰᠤᠨ ᠳᠡᠭᠡᠷᠡ ᠰᠠᠭᠤᠵᠤ ᠡᠮᠡᠭᠲᠡᠢᠴᠦᠳ ᠦ᠋ᠨ ᠵᠠᠷᠢᠮ ᠳ᠋ᠠᠭᠠᠨ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ᠂ ᠵᠠᠷᠢᠮ ᠳ᠋ᠠᠭᠠᠨ ᠨᠢᠭᠡ ᠨᠢᠭᠡ ᠪᠡᠷ ᠢ᠋ᠶ᠋ᠡᠨ ᠴᠤᠪᠤᠷᠠᠵᠤ ᠳᠠᠭᠤᠯᠠᠬᠤ ᠶ᠋ᠢ ᠴᠢᠩᠨᠠᠵᠤ ᠪᠠᠢᠪᠠ᠃
— ᠤᠢᠳᠬᠠᠷ ᠮᠢᠨᠢ ᠴᠢ ᠲᠠᠨᠢᠭᠳᠠᠬᠤ ᠦᠭᠡᠢ ᠡᠪᠡᠰᠦ ᠪᠣᠯᠤᠨ ᠤᠷᠭᠤᠵᠤ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠴᠡᠴᠡᠭ ᠪᠣᠯᠤᠨ ᠴᠡᠴᠡᠭᠯᠡᠨ ᠭᠠᠩᠬᠤᠭᠠᠷᠠᠢ / ᠳᠡᠷᠭᠡᠳᠡᠭᠦᠷ ᠴᠢᠨᠢ ᠬᠥᠮᠦᠰ ᠶᠠᠪᠤᠵᠤ ᠭᠠᠢᠬᠠᠵᠤ ᠡᠩᠬᠦᠷᠡᠢᠯᠡᠭ᠂ ᠨᠠᠰᠤᠲᠠᠢ ᠬᠥᠭᠰᠢᠨ ᠶᠠᠪᠤᠪᠠᠯ ᠳᠠᠭᠤᠷᠢᠰᠤᠨ ᠤᠬᠢᠯᠠᠯᠳᠤᠨ ᠥᠩᠭᠡᠷᠡᠭ / ᠵᠠᠭᠤᠨ ᠨᠠᠰᠤᠲᠠᠢ ᠡᠪᠦᠭᠡᠳ ᠶᠠᠪᠤᠪᠠᠯ ᠰᠣᠴᠢᠨ ᠰᠠᠭᠤᠵᠤ ᠪᠠᠢᠭ᠁
ᠬᠠᠳ᠋ᠵᠢ ᠷᠡᠾᠢ᠍ᠮ ᠴᠢᠮᠡᠭᠡ ᠦᠭᠡᠢ ᠪᠡᠷ ᠠᠯᠬᠤᠯᠠᠨ ᠶᠠᠪᠤᠵᠤ᠂ ᠰᠠᠭᠤᠵᠤ ᠪᠠᠢᠭᠠ ᠬᠥᠮᠦᠰ ᠦ᠋ᠨ ᠳᠡᠷᠭᠡᠳᠡ ᠬᠦᠷᠴᠦ ᠢᠷᠡᠪᠡ᠃ ᠲᠡᠷᠡ ᠮᠠᠰᠢ ᠴᠢᠮᠡᠭᠡ ᠦᠭᠡᠢ ᠪᠡᠷ ᠣᠢᠷᠠᠲᠤᠵᠤ ᠢᠷᠡᠭᠰᠡᠨ ᠲᠤᠯᠠ ᠡᠮᠡᠭᠲᠡᠢᠴᠦᠳ ᠰᠠᠨᠳᠤᠷᠤᠨ ᠰᠣᠴᠢᠵᠤ ᠳᠤᠭᠤᠢ ᠪᠣᠯᠪᠠ᠃ ᠲᠡᠷᠡ ᠭᠠᠷ ᠢ᠋ᠶ᠋ᠠᠨ ᠴᠡᠭᠡᠵᠢ ᠪᠠ ᠤᠷᠤᠭᠤᠯ ᠮᠠᠩᠨᠠᠢ ᠳ᠋ᠠᠭᠠᠨ ᠬᠦᠷᠭᠡᠵᠦ ᠶᠣᠰᠣᠯᠠᠨ ᠮᠡᠨᠳᠦᠴᠢᠯᠡᠭᠰᠡᠨ ᠳᠣᠬᠢᠶᠠ ᠶ᠋ᠢ ᠥᠭᠪᠡ᠃
— ᠲᠠᠲ᠋ᠠᠷ ᠤ᠋ᠨ ᠶᠣᠰᠣᠯᠠᠯ ᠢ᠋ᠶ᠋ᠠᠷ ᠮᠥᠷᠭᠥᠵᠦ ᠪᠠᠢᠨᠠ! ᠭᠡᠵᠦ ᠨᠢᠭᠡᠨ ᠬᠥᠮᠦᠨ ᠬᠡᠯᠡᠪᠡ᠃
— ᠬᠡᠨ ᠪᠣᠢ? ᠭᠡᠵᠦ ᠠᠰᠠᠭᠤᠪᠠ᠃
— ᠡᠨᠡ ᠲᠠᠲ᠋ᠠᠷ ᠤ᠋ᠨ ᠣᠲᠠᠴᠢ᠂ ᠰᠣᠯᠢᠶᠠ ᠤᠬᠠᠭᠠᠨ ᠲᠠᠢ ᠶᠤᠮ ᠰᠢᠭ᠋ ᠡᠨᠡ ᠬᠤᠪᠢᠯᠭᠠᠨ ᠥᠪᠡᠷᠰᠡᠳ ᠦ᠋ᠨ ᠴᠦ᠍ ᠠᠲᠤᠭᠠᠢ ᠮᠠᠨ ᠤ᠋ ᠬᠢᠨ ᠢ᠋ ᠴᠥ᠍ ᠠᠲᠤᠭᠠᠢ ᠪᠦᠭᠦᠳᠡ ᠶ᠋ᠢ ᠶᠠᠮᠠᠷ ᠴᠥ᠍ ᠢᠯᠭᠠᠯ ᠦᠭᠡᠢ ᠪᠡᠷ ᠡᠮᠴᠢᠯᠡᠳᠡᠭ᠂ ᠲᠡᠭᠡᠭᠡᠳ ᠶᠠᠭᠤ ᠴᠥ᠍ ᠠᠪᠳᠠᠭ ᠦᠭᠡᠢ ᠶᠤᠮ᠃
ᠬᠠᠳ᠋ᠵᠢ ᠷᠠᡁᠢᠮ ᠰᠢᠲᠠᠮ ᠢ᠋ᠶ᠋ᠠᠨ ᠲᠤᠯᠵᠤ ᠤᠳᠠᠭᠠᠨ ᠵᠣᠭᠰᠣᠵᠤ᠂ ᠬᠡᠪᠲᠡᠵᠦ ᠪᠠᠢᠭᠠ ᠬᠡᠭᠦᠷ ᠦ᠋ᠳ ᠢ᠋ ᠬᠥᠳᠡᠯᠭᠡᠭᠡ ᠦᠭᠡᠢ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠬᠠᠷᠠᠵᠤ ᠪᠠᠢᠯᠠ᠃ ᠲᠡᠷᠡ ᠶᠡᠬᠡ ᠤᠳᠠᠭᠠᠨ ᠵᠣᠭᠰᠣᠬᠤ ᠤᠴᠢᠷ ᠡᠮᠡᠭᠲᠡᠢᠴᠦᠳ ᠪᠡᠶᠡ ᠪᠡᠶᠡ ᠪᠡᠨ ᠭᠠᠢᠬᠠᠨ ᠬᠠᠷᠠᠵᠠᠭᠠᠭᠠᠳ ᠳᠠᠬᠢᠨ ᠤᠢᠳᠬᠠᠷ ᠲᠠᠢ ᠪᠠᠷ ᠳᠠᠭᠤᠯᠠᠵᠤ ᠡᠬᠢᠯᠡᠪᠡ᠃
ᠫᠧᠭᠠᠱ ᠰᠡᠭᠦᠯ ᠢ᠋ᠶ᠋ᠡᠨ ᠬᠠᠪᠴᠢᠵᠤ ᠬᠠᠷᠠᠢᠨ ᠣᠲᠠᠴᠢ ᠶ᠋ᠢᠨ ᠠᠷᠤ ᠠ᠋ᠴᠠ ᠨᠢ ᠶᠠᠪᠤᠵᠤ ᠣᠴᠢᠭᠠᠳ ᠲᠡᠭᠦᠨ ᠦ᠌ ᠬᠤᠪᠴᠠᠰᠤᠨ ᠤ᠋ ᠬᠣᠷᠮᠣᠢ ᠶ᠋ᠢ ᠦᠨᠦᠷᠲᠦᠪᠡ᠃ ᠳᠠᠷᠠᠭᠠ ᠨᠢ ᠲᠣᠭᠣᠮᠰᠠᠷ ᠦᠭᠡᠢ ᠪᠡᠷ ᠵᠠᠢᠯᠠᠨ ᠶᠠᠪᠤᠵᠤ ᠲᠤᠷᠤᠫᠺᠠ ᠶ᠋ᠢᠨ ᠬᠥᠯ ᠦ᠋ᠨ ᠳᠡᠷᠭᠡᠳᠡ ᠴᠠᠭᠠᠷᠢᠭᠯᠠᠨ ᠬᠡᠪᠲᠡᠪᠡ᠃
ᠬᠠᠳ᠋ᠵᠢ ᠷᠠᡁᠢᠮ ᠡᠷᠭᠢᠵᠦ ᠭᠠᠷ ᠢ᠋ᠶ᠋ᠠᠨ ᠡᠷᠭᠦᠪᠡ᠃ ᠲᠡᠭᠦᠨ ᠦ᠌ ᠬᠠᠷᠠ ᠨᠢᠳᠦ ᠨᠢ ᠭᠠᠯ ᠤ᠋ᠨ ᠭᠡᠷᠡᠯ ᠳ᠋ᠦ᠍ ᠭᠢᠯᠠᠯᠵᠠᠪᠠ᠂ ᠳᠠᠭᠤᠯᠠᠵᠤ ᠪᠠᠢᠬᠴᠢᠳ ᠨᠢ ᠴᠢᠮᠡᠭᠡ ᠦᠭᠡᠢ ᠪᠣᠯᠪᠠ᠁ ᠲᠡᠷᠡ ᠣᠷᠣᠰ ᠦᠭᠡ ᠨᠤᠭᠦᠳ ᠢ᠋ ᠬᠠᠶᠠ ᠣᠷᠣᠭᠤᠯᠤᠨ ᠰᠢᠮᠳᠠᠨ ᠬᠡᠯᠡᠪᠡ᠃ ᠡᠮᠡᠭᠲᠡᠢᠴᠦᠳ ᠠᠮᠠ ᠪᠠᠨ ᠠᠩᠭᠠᠢᠯᠭᠠᠵᠤ ᠮᠠᠰᠢ ᠶᠡᠬᠡ ᠠᠩᠬᠠᠷᠤᠯᠲᠠᠢ ᠪᠠᠷ ᠰᠣᠨᠣᠰᠴᠤ ᠪᠠᠢᠪᠠ᠃
— ᠬᠠᠷᠠᠪᠠᠤ᠂ ᠶᠠᠭᠤ ᠶᠠᠷᠢᠵᠤ ᠪᠠᠢᠨᠠ ᠪᠣᠢ᠂ ᠠᠢ ᠮᠡᠳᠡᠬᠦ ᠦᠭᠡᠢ ! ᠡᠷᠳᠡᠮᠲᠡᠨ ᠪᠠᠢᠬᠠ ! ᠭᠡᠵᠦ ᠡᠮᠡᠭᠲᠡᠢᠴᠦᠳ ᠰᠢᠪᠡᠨᠡᠯᠳᠦᠨ ᠶᠠᠷᠢᠵᠠᠭᠠᠪᠠ᠃
ᠲᠠᠲ᠋ᠠᠷ ᠤ᠋ᠨ ᠣᠲᠠᠴᠢ ᠮᠡᠨᠳᠦᠴᠢᠯᠡᠬᠦ ᠳᠣᠬᠢᠶᠠ ᠶ᠋ᠢ ᠳᠠᠬᠢᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠠᠪᠲᠠᠭᠠᠳ ᠠᠭᠠᠵᠢᠮ ᠢ᠋ᠶ᠋ᠠᠷ ᠠᠯᠬᠤᠯᠠᠨ ᠶᠠᠪᠤᠵᠤ ᠬᠠᠷᠠᠩᠭᠤᠢ ᠳ᠋ᠤ᠌ ᠣᠷᠣᠵᠤ ᠦᠵᠡᠭᠳᠡᠬᠦ ᠦᠭᠡᠢ ᠪᠣᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸᠠ 2᠂ ᠤᠰᠬᠠᠯ 1᠂ ᠰᠤᠳᠤᠯᠲᠦ 2᠂ ᠡᠵᠡᠨᠡ 1᠂ ᠪᠠᠶᠠᠨᠰᠡᠷᠡᠩ 1᠂ ᠭᠡᠷᠡᠯ 1᠂ ᠬᠦᠦᠳᠠᠭᠠᠭᠤᠯ 1᠂ ᠬᠡᠷᠡᠶ᠋ᠢᠳ ᠂ ᠮᠥᠩᠬᠡᠨᠠᠰᠤᠨ 1
ᠬᠢᠨᠠᠭᠴᠢ᠄ ᠪᠠᠯ 2᠂ ᠲ᠂ ᠬᠦᠮᠦᠵᠢᠯᠲᠦ 1᠂ ᠪᠠᠶᠠᠨᠴᠡᠴᠡᠭ 1
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 10᠂ ᠠᠷᠢᠭᠤᠨ 10