ᠪᠠᠲᠤ ᠬᠠᠭᠠᠨ 8-12 ᠰᠢᠲ ᠲᠦ᠍ ᠰᠢᠭᠤᠷᠭᠠ ᠰᠢᠭᠤᠷᠪᠠ-ᠰᠢᠭᠤᠷᠭᠠ ᠲᠠᠯᠪᠢᠪᠠBat khaan Бат хаан-ᠷᠣᠮᠠᠨ
151ᠠᠷᠪᠠᠨ ᠬᠣᠶᠠᠷ ᠂ ᠰᠢᠲ ᠲᠦ᠍ ᠰᠢᠭᠤᠷᠭᠠ ᠰᠢᠭᠤᠷᠪᠠ
ᠠᠷᠪᠠᠨ ᠬᠣᠶᠠᠷ ᠂ ᠰᠢᠲ ᠲᠦ᠍ ᠰᠢᠭᠤᠷᠭᠠ ᠰᠢᠭᠤᠷᠪᠠ
ᠲᠣᠷᠣᠫᠺᠠ ᠸᠯᠠᠳᠢᠮᠢᠷ ᠤ᠋ᠨ ᠡᠯᠴᠢ ᠪᠡᠷ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡᠨ ᠳ᠋ᠦ᠍ ᠢᠷᠡᠭᠡᠳ ᠨᠤᠲᠤᠭ ᠤ᠋ᠨ ᠬᠥᠮᠦᠰ ᠲᠡᠢ ᠤᠴᠠᠷᠠᠪᠠ᠃ ᠲᠡᠳᠡᠨᠡᠷ ᠲᠡᠭᠦᠨ ᠦ᠌ ᠡᠴᠢᠭᠡ ᠰᠡᠸᠧᠯᠢ ᠳ᠋ᠢᠺᠣᠷᠣᠰ ᠪᠠᠢᠯᠳᠤᠭᠠᠨ ᠤ᠋ ᠪᠠᠢᠷᠢᠨ ᠳ᠋ᠤ᠌ ᠪᠠᠢᠲᠠᠯᠠ ᠥᠩᠭᠡᠷᠡᠭᠰᠡᠨ ᠡᠳᠦᠷ ᠭᠤᠯᠢᠷ ᠪᠤᠳᠠᠭᠠ ᠡᠪᠡᠰᠦ ᠠᠪᠴᠢᠷᠠᠬᠤ ᠪᠠᠷ ᠬᠥᠰᠬᠡ ᠲᠡᠷᠭᠡ ᠲᠡᠢ ᠶᠠᠪᠤᠭᠰᠠᠨ ᠭᠡᠪᠡ᠃
ᠲᠣᠷᠣᠫᠺᠠ ᠲᠡᠨᠳᠡ ᠪᠡᠨ ᠤᠳᠠᠬᠤ ᠠᠷᠭᠠ ᠦᠭᠡᠢ ᠪᠠᠢᠪᠠ᠃ ᠸᠠᠩ ᠸᠠᠰᠢᠯᠢᠺᠣ ᠷᠣᠰᠲ᠋ᠣᠸᠰᠺᠢ ᠲᠡᠭᠦᠨ ᠢ᠋ ᠰᠢᠲ ᠡᠴᠡ ᠮᠸᠢᠱᠺᠢᠨ ᠬᠣᠲᠠ ᠬᠦᠷᠬᠦ ᠵᠠᠮ ᠤ᠋ᠨ ᠪᠡᠯᠴᠢᠭᠡᠷ ᠳᠡᠭᠡᠷᠡᠬᠢ ᠰᠠᠬᠢᠬᠤ ᠬᠠᠷᠠᠭᠤᠯ ᠤᠷᠤᠭᠤ ᠵᠠᠷᠤᠪᠠ᠃
ᠸᠠᠩ ᠸᠠᠰᠢᠯᠢᠺᠣ ᠵᠠᠬᠢᠬᠤ ᠳ᠋ᠠᠭᠠᠨ᠄
— ᠴᠢᠨᠦ ᠮᠣᠷᠢ ᠰᠠᠯᠬᠢ ᠮᠡᠲᠦ ᠬᠤᠷᠳᠤᠨ ᠲᠤᠯᠠ ᠬᠡᠷᠪᠡ ᠲᠠᠲ᠋ᠠᠷ ᠴᠡᠷᠢᠭ ᠬᠠᠷᠠᠭᠳᠠᠪᠠᠯ᠂ ᠨᠠᠰᠢ ᠪᠠᠨ ᠳᠠᠪᠬᠢᠵᠤ ᠢᠷᠡᠵᠦ ᠪᠢᠳᠡᠨ ᠦ᠌ ᠬᠥᠳᠡᠯᠬᠦ
ᠳ᠋ᠤ᠌ ᠪᠡᠯᠡᠬᠡᠨ ᠪᠣᠯᠭᠠᠰᠤᠭᠠᠢ ᠭᠡᠵᠦ ᠵᠠᠬᠢᠨᠠ᠃
ᠴᠠᠪᠴᠢᠮᠠᠯ ᠡᠷᠭᠢᠲᠤ ᠥᠨᠳᠥᠷ ᠭᠠᠩᠭᠠ ᠶ᠋ᠢᠨ ᠤᠷᠤᠭᠤᠳᠠᠭᠰᠠᠨ ᠠᠮᠠᠨ ᠤ᠋ ᠢᠷᠣᠭᠠᠷ ᠲᠸ᠋ ᠣᠪᠣᠭᠠᠯᠠᠭᠰᠠᠨ ᠮᠥᠴᠢᠷ ᠦ᠋ᠨ ᠳᠤᠮᠳᠠ ᠪᠢᠴᠢᠬᠠᠨ ᠲᠦᠳᠡᠭ ᠭᠠᠯ ᠴᠢᠳ ᠴᠢᠳ ᠨᠣᠴᠣᠨᠠ᠃
— ᠶᠠᠮᠠᠷ ᠴᠥᠪᠲᠦ ᠴᠠᠭ ᠪᠣᠢ! ᠲᠠᠲ᠋ᠠᠷ ᠤ᠋ᠳ ᠭᠠᠵᠠᠷ ᠪᠦᠬᠦᠨ ᠬᠡᠰᠦᠭᠦᠯᠴᠢᠯᠡᠨ ᠰᠢᠨᠵᠢᠯᠡᠵᠦ ᠮᠣᠳᠣᠨ ᠳᠣᠲᠣᠷᠠ ᠭᠠᠯ ᠦᠵᠡᠪᠡᠯ ᠳᠠᠷᠤᠢ ᠳᠠᠭᠠᠷᠢᠨ ᠣᠷᠣᠨᠠ᠂ ᠵᠠᠯᠪᠠᠷᠢᠬᠤ ᠶ᠋ᠢᠨ ᠵᠠᠪᠳᠤᠯ ᠦᠭᠡᠢ ᠲᠣᠯᠣᠭᠠᠢ ᠦᠭᠡᠢ ᠪᠣᠯᠤᠨᠠ ᠭᠡᠯᠴᠡᠨᠡ᠃
ᠲᠡᠢᠮᠦ ᠴᠦ᠍ ᠤᠴᠢᠷ ᠠ᠋ᠴᠠ ᠰᠥᠨᠢ ᠶ᠋ᠢᠨ ᠬᠠᠷᠠᠭᠤᠯ ᠤ᠋ᠳ ᠭᠠᠯ ᠢ᠋ᠶ᠋ᠠᠨ ᠲᠠᠲ᠋ᠠᠷ ᠤ᠋ᠳ ᠠ᠋ᠴᠠ ᠨᠢᠭᠤᠬᠤ ᠶ᠋ᠢᠨ ᠲᠤᠯᠠ ᠲᠠᠲ᠋ᠠᠷ ᠲᠸ᠋ ᠦᠯᠦ ᠦᠵᠡᠭᠳᠡᠭᠦᠯᠬᠦ ᠪᠡᠷ ᠮᠣᠳᠣᠨ ᠤ᠋ ᠮᠥᠴᠢᠷ ᠰᠠᠯᠠᠭᠠ ᠪᠠᠷ ᠬᠠᠰᠢᠶᠠᠯᠠᠬᠤ ᠪᠣᠯᠵᠠᠢ᠃ ᠭᠠᠩᠭᠠ ᠶ᠋ᠢᠨ ᠡᠷᠭᠢᠨ ᠡᠴᠡ ᠥᠳᠬᠡᠨ ᠣᠢ ᠰᠢᠭᠤᠢ ᠡᠬᠢᠯᠡᠭᠡᠳ᠂ ᠤᠮᠠᠷᠠᠲᠤ ᠵᠦᠭ ᠶᠡᠬᠡ ᠯᠡ ᠬᠣᠯᠠ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠨᠡ᠃ ᠠᠩᠴᠢᠳ ᠤ᠋ᠨ ᠬᠡᠯᠡ ᠪᠡᠷ ᠪᠣᠯ ᠴᠠᠭᠠᠨ ᠳᠠᠯᠠᠢ ᠭᠡᠭᠴᠢ ᠶ᠋ᠢ ᠬᠦᠷᠳᠡᠭ ᠠᠵᠢ᠃ ᠡᠨᠡ ᠣᠢ ᠲᠠᠢᠭᠠ ᠳ᠋ᠤ᠌ ᠵᠦᠭ ᠲᠡᠮᠳᠡᠭ ᠦ᠋ᠳ ᠢ᠋ ᠮᠡᠳᠡᠬᠦ ᠬᠥᠮᠦᠨ ᠭᠠᠭᠴᠠᠬᠦ ᠠᠩ ᠠᠷᠢᠶᠠᠲᠠᠨ ᠤ᠋ ᠮᠥᠷ ᠢ᠋ᠶ᠋ᠡᠷ ᠶᠠᠪᠤᠵᠤ ᠪᠣᠯᠤᠨᠠ᠃ ᠮᠥᠨ ᠵᠥᠷᠢᠭ ᠵᠠᠮ ᠢ᠋ ᠠᠩ ᠭᠥᠷᠥᠭᠡᠰᠦ᠂ ᠣᠢ ᠶ᠋ᠢᠨ ᠮᠠᠩᠭᠤᠰ᠂ ᠴᠢᠳᠬᠥᠷ ᠰᠢᠮᠨᠤᠰ ᠤ᠋ᠳ ᠴᠥᠮ ᠣᠯᠠᠨ ᠵᠠᠭᠤᠨ ᠵᠢᠯ ᠳ᠋ᠦ᠍ ᠬᠡᠰᠡᠭᠯᠡᠨ ᠭᠠᠷᠭᠠᠭᠰᠠᠨ ᠶᠤᠮ᠃ ᠬᠡᠷᠪᠡ ᠵᠥᠷᠢᠭ ᠵᠠᠮ ᠠ᠋ᠴᠠ ᠪᠠᠷᠠᠭᠤᠨ ᠵᠡᠭᠦᠨ ᠲᠡᠰᠢ ᠬᠠᠵᠠᠢᠪᠠᠯ ᠲᠡᠨᠳᠡ ᠨᠣᠢᠲᠠᠨ ᠬᠥᠪᠳᠥ ᠲᠤᠩ ᠶᠡᠬᠡ ᠤᠴᠢᠷ ᠮᠥᠷᠥ ᠪᠡᠨ ᠲᠤᠯᠲᠠᠯᠠ ᠰᠢᠭᠢᠳᠦᠨᠡ᠃
ᠲᠦᠳᠡᠭ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠳᠥᠷᠪᠡᠨ ᠡᠷᠡ ᠬᠡᠪᠲᠡᠵᠦ ᠪᠠᠢᠪᠠ᠃ ᠡᠳᠡᠨᠡᠷ ᠪᠣᠷᠣᠭᠠ᠂ ᠴᠠᠰᠤ᠂ ᠰᠠᠯᠬᠢ᠂ ᠰᠢᠭᠤᠷᠭᠠ᠂ ᠴᠢᠳᠬᠥᠷ ᠰᠢᠮᠨᠤᠰ ᠤ᠋ᠨ ᠬᠣᠣᠷᠯᠠᠯ᠂ ᠠᠯᠢᠨ ᠢ᠋ ᠴᠥ᠍ ᠲᠣᠭᠣᠮᠵᠢᠷᠯᠠᠬᠤ ᠦᠭᠡᠢ ᠴᠢᠳᠠᠮᠠᠭᠠᠢ ᠡᠷᠡᠴᠦᠳ ᠪᠠᠢᠵᠠᠢ᠃ ᠬᠣᠨᠢᠨ ᠤ᠋ ᠨᠡᠬᠡᠢ᠂ ᠠᠩ ᠤ᠋ᠨ ᠠᠷᠠᠰᠤ ᠪᠠᠷ ᠪᠡᠶᠡᠰ ᠢ᠋ᠶ᠋ᠡᠨ ᠣᠷᠢᠶᠠᠭᠰᠠᠨ ᠲᠡᠳᠡᠨᠡᠷ ᠭᠠᠴᠤᠷᠠ ᠮᠣᠳᠣᠨ ᠤ᠋ ᠮᠥᠴᠢᠷ ᠢ᠋ᠶ᠋ᠡᠷ ᠵᠢᠰᠢᠭᠦᠦ ᠰᠠᠷᠠᠪᠴᠢ ᠪᠠᠷᠢᠵᠤ᠂ ᠪᠠᠰᠠ ᠭᠠᠴᠤᠷᠠ ᠶ᠋ᠢᠨ ᠮᠥᠴᠢᠷ ᠳᠡᠪᠢᠰᠦᠭᠡᠳ ᠡᠪᠦᠯ ᠦ᠋ᠨ ᠵᠢᠪᠠᠷ ᠰᠠᠯᠬᠢᠨ ᠤ᠋ ᠵᠢᠪᠡᠭᠦᠨ ᠢᠰᠬᠡᠷᠦᠯᠲᠡ ᠶ᠋ᠢ ᠠᠵᠢᠭ ᠦᠭᠡᠢ ᠴᠢᠩᠨᠠᠨ ᠬᠡᠪᠲᠡᠵᠡᠭᠡᠪᠡ᠃ ᠲᠡᠳᠡᠨᠡᠷ ᠭᠠᠯ ᠤ᠋ᠨ ᠴᠣᠭ ᠳᠡᠭᠡᠷᠡ ᠨᠠᠷᠢᠨ ᠵᠦᠰᠦᠮᠡᠯ ᠠᠳᠤᠭᠤᠨ ᠤ᠋ ᠮᠢᠬᠠ ᠰᠢᠷᠠᠨᠠ᠃ ᠳᠡᠷᠭᠡᠳᠡ ᠨᠢ ᠪᠠᠢᠭᠠ ᠮᠣᠳᠣᠨ ᠤ᠋ ᠰᠠᠯᠠᠭᠠ ᠮᠥᠴᠢᠷ ᠲᠦ᠍ ᠵᠡᠭᠡᠷᠳᠡ ᠮᠣᠷᠢᠨ ᠤ᠋ ᠠᠷᠠᠰᠤ ᠶ᠋ᠢ ᠳᠡᠯᠭᠡᠭᠰᠡᠨ ᠪᠠᠢᠨᠠ᠃ ᠴᠡᠷᠢᠭ ᠦ᠋ᠳ
ᠲᠣᠷᠤᠰᠬᠠᠯᠠᠭᠰᠠᠨ ᠲᠡᠷᠡ ᠮᠣᠷᠢ ᠶ᠋ᠢ ᠦᠬᠦᠬᠦ ᠶ᠋ᠢᠨ ᠡᠮᠦᠨᠡ ᠶᠠᠭᠠᠷᠠᠪᠴᠢᠯᠠᠨ ᠠᠯᠠᠵᠤ ᠢᠳᠡᠵᠡᠢ᠃ ᠲᠡᠳᠡᠨᠡᠷ ᠦ᠋ᠨ ᠬᠠᠮᠲᠤ ᠲᠣᠷᠤᠫᠺᠠ ᠬᠡᠪᠲᠡᠬᠦ ᠪᠠ ᠲᠡᠭᠦᠨ ᠦ᠌ ᠳᠡᠷᠭᠡᠳᠡ ᠦᠨᠡᠨᠴᠢ ᠨᠥᠬᠥᠷ ᠫᠸᠭᠠᠱ ᠨᠣᠬᠠᠢ ᠴᠠᠭᠠᠷᠢᠭᠯᠠᠨ ᠬᠡᠪᠲᠡᠨᠡ᠃
ᠬᠠᠷᠠᠭᠤᠯ ᠤ᠋ᠨ ᠡᠷᠡᠯᠬᠡᠭ ᠳᠥᠷᠪᠡᠨ ᠡᠷᠡ ᠷᠶᠠᠽᠠᠨ ᠳ᠋ᠤ᠌ ᠲᠠᠲ᠋ᠠᠷ ᠤ᠋ᠨ ᠪᠤᠭᠤᠢᠯᠢ ᠠ᠋ᠴᠠ ᠮᠤᠯᠲᠤᠷᠠᠵᠤ ᠳᠥᠷᠪᠡᠭᠦᠯᠡ ᠪᠡᠨ ᠣᠢ ᠳᠣᠲᠣᠷᠠ ᠡᠷᠭᠢ ᠳᠣᠣᠷᠠ ᠡᠷᠬᠡ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠪᠠᠢᠯᠳᠤᠨ ᠶᠠᠪᠤᠵᠤ 《 ᠭᠥᠷᠥᠭᠡᠯᠡᠬᠦ 》ᠪᠣᠯᠪᠠ᠃ ᠡᠨᠡ ᠳᠥᠷᠪᠡ ᠲᠥᠭᠡᠷᠢᠭᠰᠡᠨ ᠪᠤᠶᠤ ᠨᠥᠬᠥᠳ ᠡᠴᠡ ᠲᠠᠰᠤᠷᠠᠭᠰᠠᠨ ᠲᠠᠲ᠋ᠠᠷ ᠤ᠋ᠳ ᠢ᠋ ᠰᠥᠨᠥᠭᠡᠵᠦ ᠪᠠᠢᠯᠠ᠃
ᠸᠠᠩ ᠭᠸᠤᠷᠭᠢ ᠸᠰᠸᠸᠤᠯᠤᠳᠤᠸᠢᠴ ᠢᠵᠢᠯ ᠮᠥᠷᠡᠨ ᠦ᠌ ᠡᠬᠢ ᠪᠡᠷ ᠨᠢᠭᠡᠨ ᠭᠠᠵᠠᠷ ᠴᠡᠷᠢᠭ ᠴᠤᠭᠯᠠᠭᠤᠯᠵᠤ ᠪᠠᠢᠭᠠ ᠶ᠋ᠢ ᠰᠣᠨᠣᠰᠤᠭᠠᠳ ᠭᠥᠷᠥᠭᠡᠴᠢᠨ ᠦ᠌ ᠴᠠᠨᠠ ᠪᠠᠷ ᠭᠦᠶᠦᠯᠭᠡᠨ ᠶᠠᠪᠤᠵᠤ ᠢᠷᠡᠭᠡᠳ᠂ ᠲᠡᠭᠦᠨ ᠦ᠌ ᠲᠤᠰᠢᠶᠠᠯ ᠢ᠋ᠶ᠋ᠠᠷ ᠡᠨᠡ ᠭᠠᠩᠭᠠ ᠬᠠᠪᠢ ᠳ᠋ᠤ᠌ ᠪᠥᠭᠯᠡᠭᠦᠦ ᠵᠠᠮ ᠢ᠋ ᠰᠠᠬᠢᠬᠤ ᠬᠠᠷᠠᠭᠤᠯ ᠳ᠋ᠤ᠌ ᠣᠨᠣᠭᠳᠠᠪᠠ᠃
ᠲᠦᠭᠰᠢᠭᠦᠷᠢᠲᠡᠢ ᠴᠠᠭ ᠲᠣᠬᠢᠶᠠᠯᠳᠤᠪᠠᠯ ᠬᠤᠷᠳᠤᠨᠠ ᠴᠡᠷᠢᠭ ᠦ᠋ᠨ ᠰᠠᠭᠤᠷᠢᠨ ᠳ᠋ᠤ᠌ ᠮᠡᠳᠡᠭᠳᠡᠭᠦᠯᠬᠦ ᠶ᠋ᠢᠨ ᠲᠤᠯᠠ ᠸᠠᠩ ᠲᠡᠳᠡᠨ ᠳ᠋ᠦ᠍ ᠰᠠᠢᠨ ᠮᠣᠷᠢ ᠥᠭᠭᠦᠭᠦᠯᠪᠡ᠃ ᠮᠣᠷᠢᠨ ᠤ᠋ ᠲᠡᠵᠢᠭᠡᠯ ( ᠢ᠋ ) ᠸᠠᠩ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠦᠭᠡᠢ᠂ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠠᠷᠭᠠᠴᠠᠭᠠᠨ ᠣᠯᠤᠭᠲᠤᠨ ᠭᠡᠵᠡᠢ! ᠭᠡᠲᠡᠯᠡ ᠡᠷᠭᠢᠨ ᠲᠣᠭᠣᠷᠢᠨ ᠪᠤᠬᠠᠯ ᠴᠤ᠌ ᠡᠪᠡᠰᠦ ᠦᠭᠡᠢ᠂ ᠨᠠᠮᠤᠭ ᠤ᠋ᠨ ᠵᠡᠭᠡᠰᠦ ᠴᠦ᠍ ᠦᠭᠡᠢ ᠲᠤᠯᠠ᠂ ᠲᠡᠳᠡᠨᠡᠷ ᠥᠪᠡᠷᠰᠡᠳ ᠦ᠋ᠨ ᠴᠢᠳᠠᠮᠠᠭᠠᠢ ᠬᠥᠯ ᠪᠠ ᠬᠥᠩᠭᠡᠨ ᠰᠠᠢᠨ ᠴᠠᠨᠠ ᠳ᠋ᠠᠭᠠᠨ ᠨᠠᠢᠳᠠᠵᠤ ᠮᠣᠷᠢ ᠪᠠᠨ ᠠᠯᠠᠵᠤ ᠢᠳᠡᠵᠡᠢ᠃
ᠲᠡᠳᠡᠨᠡᠷ᠂ ᠪᠠᠭᠠᠲᠤᠷ ᠬᠥᠮᠦᠰ ᠦ᠋ᠨ ᠶᠠᠪᠤᠳᠠᠯ᠂ ᠶᠸᠯᠸᠢ᠌ᠴᠢ ᠶ᠋ᠢᠨ ᠰᠢᠳᠢᠲᠡᠨ ᠬᠥᠮᠦᠰ ᠦ᠋ᠨ ᠭᠠᠢᠬᠠᠮᠰᠢᠭᠲᠤ ᠶᠠᠪᠤᠳᠠᠯ ᠢ᠋ ᠶᠠᠷᠢᠯᠴᠠᠨ ᠴᠠᠭ ᠢ᠋ ᠨᠥᠭᠴᠢᠭᠡᠨᠡ᠃ ᠡᠨᠡ ᠬᠠᠷᠠᠭᠤᠯ ᠳᠡᠭᠡᠷᠡ ᠲᠤᠷᠤᠫᠺᠠ ᠢᠷᠡᠭᠡᠳ ᠶᠠᠷᠢᠶᠠ ᠶ᠋ᠢ ᠴᠢᠩᠨᠠᠨ ᠵᠡᠭᠡᠷᠳᠡ ᠮᠣᠷᠢᠨ ᠤ᠋ ᠠᠷᠠᠰᠤ ᠤᠷᠤᠭᠤ ᠭᠢᠯᠦᠢᠵᠦ ᠲᠡᠭᠦᠨ ᠤ᠋ ᠬᠡᠭᠡᠷ ᠮᠣᠷᠢᠨ ᠳ᠋ᠤ᠌ ᠲᠡᠢᠮᠦ ᠦᠢᠯᠡ ᠤᠴᠠᠷᠠᠬᠤ ᠪᠣᠢ ᠭᠡᠵᠦ ᠪᠣᠳᠣᠬᠤ ᠠ᠋ᠴᠠ ᠡᠮᠢᠶᠡᠬᠦ ᠪᠣᠯᠪᠠ᠃ ᠡᠳᠡᠨ ᠤ᠋ ᠨᠢᠭᠡ ᠨᠢ ᠶᠠᠷᠢᠵᠤ ᠪᠠᠢᠪᠠ᠃
一 ᠨᠢᠭᠡᠨ ᠴᠠᠭ ᠲᠤ᠌ ᠬᠠᠷᠠᠴᠤᠳ ᠣᠢ ᠳᠣᠲᠣᠷᠠ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠢᠭᠡᠨ ᠪᠢᠴᠢᠬᠠᠨ ᠪᠡᠶᠡ ᠲᠡᠢ ᠪᠥᠭᠲᠥᠷ ᠡᠪᠦᠭᠡᠨ ᠥᠪᠡᠷ ᠦ᠋ᠨ ᠪᠡᠶᠡ ᠡᠴᠡ ᠠᠷᠪᠠ ᠳᠠᠬᠢᠨ ᠶᠡᠬᠡ ᠪᠠᠭᠯᠠᠭᠠ ᠲᠦᠯᠡᠭᠡ ᠡᠭᠦᠷᠦᠨ ᠭᠦᠶᠦᠬᠦ ᠶ᠋ᠢ ᠦᠵᠡᠪᠡ᠂《 ᠡᠪᠦᠭᠡᠨ ᠴᠢ ᠣᠢ ᠳᠣᠲᠣᠷᠠ ᠶᠠᠭᠤᠨ ᠳ᠋ᠤ᠌ ᠲᠦᠯᠡᠭᠡ ᠵᠥᠭᠡᠭᠡᠨᠡ ᠪᠣᠢ? ᠡᠷᠭᠢᠨ ᠲᠣᠭᠣᠷᠢᠨ ᠲᠦᠯᠡᠭᠡ ᠳᠦᠭᠦᠷᠡᠩ ᠪᠠᠢᠭᠠ ᠪᠢᠰᠢ ᠤᠤ ? 》ᠭᠡᠬᠦ ᠳ᠋ᠦ᠍《 ᠬᠡᠷᠡᠭ ᠲᠡᠢ ᠪᠣᠯᠤᠭᠠᠳ ᠯᠠ ᠠᠪᠴᠤ ᠪᠠᠢᠭᠠ ᠪᠢᠵᠡ ᠠ᠋᠂ ᠪᠢ ᠲᠥᠷᠥᠭᠰᠡᠨ ᠨᠤᠲᠤᠭ ᠢ᠋ᠶ᠋ᠠᠨ ᠠᠪᠤᠷᠠᠬᠤ ᠭᠡᠵᠦ ᠶᠠᠪᠤᠨᠠ᠃ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠬᠡᠷᠴᠢᠮ ᠢ᠋ᠶ᠋ᠡᠷ ᠪᠠᠢᠯᠳᠤᠬᠤ ᠭᠡᠵᠦ ᠶᠠᠪᠤᠨᠠ 》 ᠭᠡᠪᠡ᠃
一 ᠴᠢ ᠲᠡᠳᠡᠨ ᠲᠡᠢ ᠶᠠᠭᠠᠬᠢᠵᠤ ᠬᠡᠷᠴᠢᠮ ᠢ᠋ᠶ᠋ᠡᠷ ᠪᠠᠢᠯᠳᠤᠬᠤ ᠶᠤᠮ ? ᠳᠡᠮᠡᠢ ᠪᠤᠤ ᠶᠠᠷᠢ᠃
ᠡᠨᠡ ᠵᠠᠪᠰᠠᠷ ᠭᠡᠨᠡᠳᠲᠡ ᠲᠠᠲ᠋ᠠᠷ ᠨᠠᠷ ᠳᠣᠪᠲᠣᠯᠤᠨ ᠢᠷᠡᠪᠡ᠃ ᠪᠥᠭᠲᠥᠷ ᠡᠪᠦᠭᠡᠨ ᠠᠭᠤᠷᠯᠠᠵᠤ ᠪᠠᠭᠯᠠᠭᠠ ᠪᠠᠨ ᠭᠠᠵᠠᠷ ᠬᠠᠶᠠᠭᠠᠳ ᠲᠠᠲ᠋ᠠᠷ ᠤ᠋ᠳ ᠢ᠋ ᠲᠦᠯᠡᠭᠡ ᠪᠡᠷ ᠢ᠋ᠶ᠋ᠡᠨ ᠰᠢᠳᠡᠯᠡᠵᠦ ᠭᠠᠷᠪᠠ᠃ ᠨᠢᠭᠡᠨ ᠬᠡᠷᠴᠢᠮ ᠰᠢᠳᠡᠬᠦ ᠳ᠋ᠦ᠍ᠨᠢ ᠴᠡᠷᠢᠭ ᠦ᠋ᠨ ᠡᠷᠡ ᠪᠣᠯᠤᠨ ᠪᠣᠰᠴᠤ᠂ ᠪᠠᠰᠠ ᠨᠢᠭᠡ ᠶ᠋ᠢ ᠰᠢᠳᠡᠬᠦ ᠳ᠋ᠦ᠍ᠨᠢ ᠲᠠᠪᠰᠢᠬᠤ ᠴᠡᠷᠢᠭ ᠦ᠋ᠳ ᠭᠠᠷᠴᠤ ᠢᠷᠡᠨ ᠪᠦᠷᠢᠶᠡ ᠦᠯᠢᠶᠡᠵᠦ᠂ ᠬᠡᠩᠭᠡᠷᠭᠡ ᠴᠠᠩ ᠳᠡᠯᠡᠳᠴᠦ ᠰᠡᠯᠡᠮᠡ ᠳᠠᠯᠠᠢᠨ ᠰᠠᠢᠨ ᠡᠷᠡᠰ ᠦ᠋ᠳ ᠲᠡᠳᠡᠨᠡᠷ ᠤᠷᠤᠭᠤ ᠳᠣᠪᠲᠣᠯᠤᠭᠠᠳ ᠴᠥᠮ ᠢ᠋ ᠨᠢ ᠬᠠᠳᠤᠭᠤᠷ ᠢ᠋ᠶ᠋ᠠᠷ ᠬᠠᠳᠤᠬᠤ ᠲᠠᠢ ᠠᠳᠠᠯᠢ ᠠᠷᠢᠯᠭᠠᠭᠰᠠᠨ ᠭᠡᠨᠡ᠃ ᠲᠣᠮᠣᠭᠠᠲᠠᠢ ᠬᠥᠮᠦᠰ ᠦ᠋ᠨ ᠬᠡᠯᠡᠬᠦ ᠨᠢ ᠲᠡᠷᠡ ᠪᠥᠭᠲᠥᠷ ᠡᠪᠦᠭᠡᠨ ᠬᠡᠳᠦᠢᠨᠡᠢ ᠰᠢᠲ ᠲᠦ᠍ ᠢᠷᠡᠭᠡᠳ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠪᠠᠢᠯᠳᠤᠬᠤ ᠭᠡᠵᠦ ᠪᠠᠢᠭᠠ ᠭᠡᠳᠡᠭ᠃
ᠥᠭᠡᠷᠡ ᠨᠢᠭᠡᠨ ᠬᠠᠷᠠᠭᠤᠯ ᠦᠷᠭᠦᠯᠵᠢᠯᠡᠨ ᠬᠡᠯᠡᠪᠡ᠃
— ᠡᠷᠲᠡ ᠨᠢᠭᠡᠨ ᠴᠠᠭ ᠲᠸ᠋ ᠡᠨᠳᠡ ᠨᠢᠭᠡᠨ ᠡᠪᠦᠭᠡᠨ ᠢᠷᠡᠭᠰᠡᠨ ᠭᠡᠨᠡ᠃ ᠰᠠᠬᠠᠯ ᠢ᠋ᠶ᠋ᠠᠨ ᠰᠤᠮᠤ ᠵᠢᠭᠠᠰᠤᠨ ᠤ᠋ ᠰᠠᠬᠠᠯ ᠰᠢᠭ᠋ ᠤᠷᠲᠤ ᠴᠢᠬᠢᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠳᠠᠪᠠᠭᠤᠯᠤᠨ ᠢᠮᠡᠷᠳᠡᠭ ᠭᠡᠨᠡ᠃ ᠲᠡᠷᠡ ᠪᠣᠷᠣᠭᠠ ᠰᠢᠭᠤᠷᠭᠠ᠂ ᠳᠤᠯᠠᠭᠠᠨ ᠠᠭᠤᠷ ᠠᠮᠢᠰᠬᠤᠯ ᠶᠠᠭᠤ ᠶ᠋ᠢ ᠴᠦ᠍ ᠰᠢᠪᠰᠢᠨ ᠳᠠᠭᠤᠳᠠᠵᠤ ᠠᠪᠴᠢᠷᠠᠨᠠ ᠭᠡᠵᠦ ᠭᠠᠢᠬᠠᠭᠤᠯᠵᠠᠢ᠃ ᠴᠠᠭᠠᠨ ᠬᠠᠷᠠ ᠲᠠᠢᠷᠠᠩ ᠤ᠋ᠳ ᠴᠥᠮ ᠲᠡᠭᠦᠨ ᠦ᠌ ᠦᠭᠡ ᠶ᠋ᠢ ᠳᠠᠭᠠᠨᠠ᠃《 ᠲᠠᠢᠷᠠᠩ ᠤ᠋ᠳ ᠢ᠋ ᠳᠠᠭᠤᠳᠠᠶᠠ 》᠃ ᠲᠡᠳᠡᠨᠡᠷ ᠲᠠᠲ᠋ᠠᠷ ᠤ᠋ᠳ ᠢ᠋ ᠬᠥᠯᠳᠡᠭᠡᠵᠦ ᠴᠠᠰᠤ ᠪᠠᠷ ᠪᠤᠯᠠᠨᠠ᠃ ᠲᠠᠲ᠋ᠠᠷ ᠤ᠋ᠳ ᠡᠨᠳᠡ ᠪᠡᠨ ᠰᠥᠨᠥᠬᠦ ᠪᠣᠯᠤᠨᠠ᠃ ᠾᠷᠢᠰᠲ᠋ᠣᠰ ᠱᠠᠰᠢᠨ ᠤ᠋ ᠲᠠᠢᠷᠠᠩ ᠤ᠋ᠳ ᠣᠷᠣᠰ ᠤ᠋ᠨ ᠲᠠᠷᠢᠶᠠᠴᠢᠳ ᠲᠸ᠋ ᠭᠠᠷ ᠬᠦᠷᠬᠦ ᠦᠭᠡᠢ᠂ ᠡᠭᠦᠨ ᠦ᠌ ᠲᠤᠬᠠᠢ ᠲᠤᠰᠬᠠᠢ ᠬᠠᠷᠢᠶᠠᠯ ᠢ᠋ ᠰᠠᠢᠨ ᠮᠡᠳᠡᠨᠡ᠃ ᠲᠡᠷᠡ ᠭᠠᠢᠬᠠᠯ ᠤ᠋ᠨ ᠨᠡᠷᠡ ᠶ᠋ᠢ ᠪᠠᠷᠠᠢᠪᠠ ᠭᠡᠳᠡᠭ ᠶᠤᠮ ᠠ᠋ ᠭᠡᠵᠡᠢ᠃
ᠲᠣᠷᠣᠫᠺᠠ ᠬᠠᠢᠭᠤᠯᠴᠢᠳ ᠤ᠋ᠨ ᠬᠠᠮᠲᠤ ᠦᠯᠡᠳᠡᠵᠦ ᠪᠣᠯᠬᠤ ᠦᠭᠡᠢ ᠪᠠᠢᠪᠠ᠃ ᠰᠢᠲ ᠭᠣᠣᠯ ᠤᠷᠤᠭᠤ ᠣᠷᠣᠬᠤ ᠣᠢ ᠶ᠋ᠢᠨ ᠬᠠᠯᠵᠠ ᠪᠠᠷ ᠠᠯᠤᠰ ᠲᠸ᠋ ᠬᠠᠷᠠ ᠤᠲᠤᠭᠠ ᠬᠠᠷᠠᠭᠳᠠᠪᠠ᠃
— ᠡᠨᠡ ᠪᠣᠵᠸᠨ᠋ᠺᠢ ᠰᠢᠲᠠᠵᠤ ᠪᠠᠢᠨᠠ᠂ ᠲᠠᠲ᠋ᠠᠷ ᠤ᠋ᠳ ᠡᠵᠡᠯᠡᠵᠦ ᠠᠪᠤᠭᠰᠠᠨ ᠶᠤᠮ ᠭᠡᠵᠦ ᠪᠠᠢᠭᠠ ᠭᠡᠵᠦ ᠲᠡᠳᠡᠨᠡᠷ ᠶᠠᠷᠢᠯᠴᠠᠪᠠ᠃ ᠨᠢᠭᠡ ᠨᠢ ᠬᠠᠢᠭᠤᠯ ᠳ᠋ᠤ᠌ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠦᠯᠡᠳᠡᠵᠦ᠂ ᠪᠤᠰᠤᠳ ᠨᠢ ᠴᠡᠷᠢᠭ ᠦ᠋ᠨ ᠰᠠᠭᠤᠷᠢᠨ ᠤᠷᠤᠭᠤ ᠶᠠᠭᠠᠷᠠᠨ ᠬᠥᠳᠡᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠡᠷᠭᠡᠨᠭᠤᠸᠠ 1᠂ ᠬᠦᠦᠳᠠᠭᠠᠭᠤᠯ 1᠂ ᠭᠡᠷᠡᠯ 1
ᠬᠢᠨᠠᠭᠴᠢ᠄ ᠪᠠᠶᠠᠨᠴᠡᠴᠡᠭ 1
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 3᠂ ᠠᠷᠢᠭᠤᠨ 3