ᠪᠠᠲᠤ ᠬᠠᠭᠠᠨ 8-11ᠰᠢᠲ ᠦ᠋ᠨ ᠨᠠᠮᠤᠭ ᠳᠡᠭᠡᠷᠡ-ᠰᠢᠭᠤᠷᠭᠠ ᠲᠠᠯᠪᠢᠪᠠBat khaan Бат хаан-ᠷᠣᠮᠠᠨ
152ᠠᠷᠪᠠᠨ ᠨᠢᠭᠡ ᠂ ᠰᠢᠲ ᠦ᠋ᠨ ᠨᠠᠮᠤᠭ ᠳᠡᠭᠡᠷᠡ
ᠸᠡᠰᠢᠯᠢᠺᠦ ᠸᠠᠩ ᠤ᠋ᠨ ᠨᠣᠢᠷ ᠨᠢ ᠬᠦᠷᠬᠦ ᠦᠭᠡᠢ ᠪᠠᠢᠨᠠ᠂ ᠡᠷᠭᠢᠯᠳᠦᠨ ᠬᠥᠷᠪᠡᠨ ᠬᠤᠴᠢᠭᠰᠠᠨ ᠳᠡᠪᠡᠯ ᠢ᠋ ᠪᠠᠢᠨ ᠪᠠᠢᠨ ᠵᠠᠰᠠᠨᠠ᠂ ᠲᠡᠷᠡ ᠱᠠᠯᠠ ᠳᠡᠭᠡᠷᠡ ᠰᠡᠪᠰᠡᠭᠡᠷ ᠡᠪᠡᠰᠦ ᠳᠡᠪᠢᠰᠦᠨ ᠡᠭᠦᠳᠡ ᠶ᠋ᠢᠨ ᠣᠷᠴᠢᠮ᠂ ᠬᠠᠮᠤᠭ ᠤ᠋ᠨ ᠵᠠᠬᠠ ᠳ᠋ᠤ᠌ ᠬᠡᠪᠲᠡᠵᠡᠢ᠃ ᠳᠡᠷᠭᠡᠳᠡ ᠨᠢ ᠲᠡᠭᠦᠨ ᠦ᠌ ᠰᠢᠳᠠᠷ ᠴᠡᠷᠢᠭ ᠦ᠋ᠳ ᠰᠢᠬᠠᠴᠠᠯᠳᠤᠨ ᠤᠨᠲᠠᠵᠤ᠂ ᠲᠠᠯᠠ ᠪᠦᠷᠢ ᠳ᠋ᠦ᠍ᠨᠢ ᠬᠤᠤᠬᠢᠷᠤᠯᠳᠤᠨᠠ᠃ ᠡᠭᠦᠳᠡ ᠪᠡᠷ ᠰᠠᠯᠬᠢ ᠦᠯᠢᠶᠡᠵᠦ᠂ ᠵᠢᠵᠢᠭᠬᠡᠨ ᠵᠠᠪᠰᠠᠷ ᠢ᠋ᠶ᠋ᠠᠷ ᠭᠤᠨᠢᠭᠲᠠᠢ ᠢᠰᠬᠡᠷᠦᠨᠡ᠃《 ᠠᠷᠠᠳ ᠣᠯᠠᠨ ᠤ᠋ ᠡᠳᠦᠢ ᠶᠡᠬᠡ ᠠᠶᠤᠯ ᠵᠣᠪᠠᠯᠠᠩ ᠤ᠋ᠨ ᠳᠣᠲᠣᠷᠠ ᠶᠠᠭᠤ ᠬᠢᠪᠡᠯ ᠵᠣᠬᠢᠬᠤ ᠪᠢᠯᠡ ? 》 ᠭᠡᠳᠡᠭ ᠪᠣᠳᠣᠯ ᠸᠠᠩ ᠤ᠋ᠨ ᠰᠡᠳᠬᠢᠯ ᠢ᠋ ᠦᠷᠭᠦᠯᠵᠢᠯᠡᠨ ᠲᠠᠮᠤᠯᠠᠵᠤ᠂ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠠᠷᠠ ᠪᠣᠳᠣᠯ ᠤ᠋ᠳ ᠡᠭᠡᠯᠵᠢᠯᠡᠨ ᠡᠷᠡᠰ ᠢ᠋ᠶ᠋ᠡᠷ ᠨᠣᠢᠷ ᠢ᠋ ᠬᠤᠯᠵᠢᠭᠠᠨᠠ᠃《 ᠠᠬᠠ ᠸᠠᠩ ᠭᠸᠤᠷᠬᠢ ᠡᠨᠳᠡ ᠶᠠᠭᠤ ᠪᠡᠯᠡᠳᠬᠡᠵᠦ ᠪᠣᠢ? ᠬᠦᠦ ᠳ᠋ᠡᠭᠡᠨ ᠦᠯᠡᠳᠡᠭᠡᠬᠦ ᠵᠤᠨ ᠤ᠋ ᠰᠢᠨᠡ ᠥᠷᠯᠥᠭᠡ ᠪᠣᠰᠴᠤ ᠪᠠᠢᠭᠠ ᠪᠢᠰᠢ ᠪᠠᠢᠭᠠ? ᠲᠠᠲ᠋ᠠᠷ ᠤ᠋ᠳ ᠠᠶᠠᠨᠳᠠᠭᠠᠨ ᠵᠠᠢᠯᠠᠵᠤ ᠣᠳᠬᠤ ᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠭᠠ ᠪᠢᠰᠢ ᠪᠢᠵᠡ ᠳ᠋ᠠ? ᠲᠡᠭᠡᠪᠡᠯ ᠤᠮᠠᠷᠠᠲᠤ ᠣᠷᠣᠰ ᠤ᠋ᠨ ᠬᠠᠮᠤᠭ ᠤ᠋ᠨ ᠬᠦᠴᠦᠷᠬᠡᠭ ᠸᠠᠩ ᠲᠡᠷᠡ ᠸᠯᠠᠳᠢᠮᠢᠷ ᠬᠣᠲᠠ ᠲᠠᠢ ᠪᠠᠨ ᠨᠢᠭᠡᠨ ᠠᠳᠠᠯᠢ ᠭᠣᠶᠣᠮᠰᠣᠭ ᠨᠡᠢᠰᠯᠡᠯ ᠬᠣᠲᠠ ᠶ᠋ᠢ ᠰᠢᠨᠡ ᠪᠡᠷ ᠪᠠᠢᠭᠤᠯᠬᠤ ᠨᠢ ᠤᠤ? ᠡᠨᠳᠡ ᠭᠣᠣᠯ ᠢ᠋ ᠭᠤᠷᠪᠠᠨ ᠭᠠᠵᠠᠷ ᠢ᠋ᠶ᠋ᠠᠷ ᠪᠣᠭᠣᠵᠤ ᠴᠥᠭᠥᠷᠥᠮ ᠪᠣᠯᠭᠠᠨ ᠤᠰᠤᠨ ᠲᠡᠭᠡᠷᠮᠡ ᠪᠠ ᠲᠠᠷᠢᠶᠠ ᠴᠡᠪᠡᠷᠯᠡᠬᠦ ᠭᠠᠵᠠᠷ ᠬᠢᠭᠡᠳ ᠪᠠᠷᠠᠭᠠ ᠠᠬᠤᠭᠤᠯᠬᠤ ᠣᠷᠣᠨ ᠰᠠᠪᠠ ᠪᠠᠷᠢᠪᠠᠯ ᠵᠣᠬᠢᠨᠠ ᠭᠡᠵᠦ ᠶᠠᠷᠢᠳᠠᠭ ᠪᠠᠢᠭᠰᠠᠨ ᠶᠤᠮᠰᠠᠨ᠃《 ᠲᠣᠭᠲᠠᠮᠠᠯ ᠴᠡᠷᠢᠭ ᠦ᠋ᠨ ᠬᠥᠮᠦᠰ ᠢᠷᠡᠬᠦ ᠨᠢ ᠶᠡᠬᠡ ᠪᠣᠯᠵᠠᠢ᠃ ᠲᠠᠷᠢᠶᠠ ᠪᠤᠳᠠᠭᠠ ᠶ᠋ᠢ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠲᠡᠭᠡᠷᠮᠡᠳᠡᠪᠡᠯ ᠠᠰᠢᠭᠲᠠᠢ ᠪᠤᠰᠤ ᠤᠤ? 》 ᠭᠡᠳᠡᠭ ᠰᠠᠨ᠂ ᠭᠡᠲᠡᠯᠡ ᠣᠢ ᠶ᠋ᠢᠨ ᠴᠠᠭᠠᠨᠠ ᠲᠦᠢᠮᠡᠷ ᠳᠡᠭᠳᠡᠨ ᠲᠣᠰᠬᠣᠨ ᠨᠤᠭᠤᠳ ᠰᠢᠲᠠᠭᠠᠳ ᠲᠠᠲ᠋ᠠᠷ ᠤ᠋ᠳ ᠵᠠᠮ ᠳ᠋ᠠᠭᠠᠨ ᠲᠣᠬᠢᠶᠠᠯᠳᠤᠭᠰᠠᠨ ᠲᠡᠳᠡᠨ ᠦ᠌ ᠭᠠᠷ ᠣᠷᠣᠭᠰᠠᠨ ᠪᠦᠬᠦᠨ ᠢ᠋ ᠴᠠᠪᠴᠢᠯᠠᠵᠤ ᠪᠠᠯᠠᠯᠤᠭᠠᠳ᠁ ᠪᠢ ᠤᠳᠠᠭᠠᠨ ᠬᠦᠯᠢᠶᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠬᠡᠷᠪᠡ ᠭᠸᠤᠷᠬᠢ ᠸᠠᠩ ᠪᠠᠢᠯᠳᠤᠵᠤ ᠡᠬᠢᠯᠡᠬᠦ ᠦᠭᠡᠢ ᠪᠣᠯ ᠪᠢ ᠷᠤᠰᠲ᠋ᠣᠸ ᠤ᠋ᠨ ᠰᠦᠰᠦᠭ ᠦ᠋ᠨ ᠴᠡᠷᠢᠭ ᠢ᠋ᠶ᠋ᠡᠨ ᠠᠪᠴᠤ ᠣᠢ ᠳ᠋ᠤ᠌ ᠣᠷᠣᠭᠠᠳ ᠥᠷᠭᠡᠨ ᠵᠠᠮ ᠤ᠋ᠨ ᠣᠢᠷᠠᠯᠴᠠᠭᠠ ᠲᠠᠲ᠋ᠠᠷ ᠤ᠋ᠳ ᠢ᠋ ᠰᠢᠭᠦᠷᠳᠡᠨ ᠪᠠᠷᠢᠵᠤ ᠤᠯᠠᠮ ᠢ᠋ᠶ᠋ᠠᠷ ᠬᠣᠣᠷᠲᠤ ᠮᠣᠭᠠᠢ ᠪᠠᠲᠤ ᠬᠠᠭᠠᠨ ᠳ᠋ᠤ᠌ ᠭᠠᠷ ᠬᠦᠷᠭᠡᠶᠡ᠁ 》
ᠸᠠᠩ ᠥᠨᠳᠡᠢᠵᠦ ᠬᠠᠷᠠᠩᠭᠤᠢ ᠳ᠋ᠤ᠌ ᠲᠡᠮᠲᠡᠷᠢᠨ᠂ ᠭᠠᠯ ᠤ᠋ᠨ ᠵᠤᠤᠬᠠᠨ ᠳ᠋ᠤ᠌ ᠡᠭᠡᠭᠡᠵᠦ ᠬᠠᠲᠠᠭᠠᠭᠰᠠᠨ ᠥᠷᠮᠥᠭ ᠣᠷᠢᠶᠠᠯᠲᠠ ᠶ᠋ᠢ ᠣᠯᠵᠤ ᠬᠥᠯ ᠢ᠋ ᠣᠷᠢᠶᠠᠭᠠᠳ ᠳᠡᠭᠡᠷᠡ ᠡᠴᠡ ᠨᠢ ᠨᠣᠣᠰᠣᠨ ᠪᠣᠭᠣᠯᠲᠠ ᠪᠠᠷ ᠪᠣᠭᠣᠵᠤ᠂ ᠪᠤᠯᠢᠭᠠᠷᠢ ᠶ᠋ᠢᠨ ᠱᠠᠬᠠᠢ ᠪᠠᠨ ᠡᠮᠦᠰᠦᠭᠡᠳ ᠣᠭᠲᠣᠷ ᠳᠡᠪᠡᠯ ᠢ᠋ ᠡᠮᠦᠰᠴᠦ ᠴᠢᠭ ᠰᠢᠯᠤᠭᠤᠨ ᠰᠡᠯᠡᠮᠡ ᠲᠡᠢ ᠰᠣᠷᠣᠨ ᠪᠦᠰᠡ ᠶ᠋ᠢ ᠴᠢᠩᠭᠠᠯᠠᠭᠠᠳ ᠡᠭᠦᠳᠡ ᠶ᠋ᠢ ᠲᠦᠯᠬᠢᠪᠡ᠃
ᠪᠠᠢᠰᠢᠩ ᠤ᠋ᠨ ᠳᠣᠲᠣᠷᠠ ᠪᠦᠭᠦᠳᠡᠭᠡᠷ ᠭᠦᠨ ᠨᠣᠢᠷ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠭᠡᠷ ᠪᠠᠢᠯᠠ᠃ ᠣᠳᠣᠨ ᠮᠡᠴᠢᠳ ᠦᠭᠡᠢ ᠲᠠᠢᠪᠤᠩ ᠣᠭᠲᠠᠷᠭᠤᠢ ᠳ᠋ᠤ᠌ ᠪᠠᠷᠠᠭᠤᠨ ᠲᠠᠯᠠ ᠠ᠋ᠴᠠ ᠰᠢᠨᠡ ᠰᠠᠷᠠ ᠬᠡᠷᠡᠯᠳᠦᠵᠦ ᠪᠠᠢᠪᠠ᠃ ᠰᠠᠯᠬᠢ᠂ ᠥᠷᠭᠡᠰᠦᠲᠦ ᠴᠠᠰᠤ ᠪᠠᠷ ᠨᠢᠭᠤᠷ ᠤᠷᠤᠭᠤ ᠰᠢᠪᠬᠠᠷᠳᠠᠭᠠᠳ ᠪᠠᠢᠪᠠ᠃ ᠸᠠᠩ ᠰᠠᠭᠤᠷᠢᠨ ᠤ᠋ ᠣᠷᠳᠣᠨ ᠢ᠋ ᠳᠠᠭᠠᠵᠤ ᠶᠠᠪᠤᠪᠠ᠃ ᠦᠷ ᠴᠠᠢᠬᠤ ᠣᠢᠷᠠᠲᠤᠭᠰᠠᠨ ᠠᠵᠢ᠃ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ ᠰᠢᠨᠡ ᠳ᠋ᠥ᠋ᠨᠵᠡᠨ ᠪᠠᠢᠰᠢᠩ ᠨᠤᠭᠤᠳ ᠪᠠ ᠨᠦᠬᠡᠨ ᠭᠡᠷ᠂ ᠰᠢᠪᠡᠭᠡ ᠨᠤᠭᠦᠳ ᠴᠥᠮ ᠲᠣᠪ ᠲᠣᠳᠣᠷᠬᠠᠢ ᠬᠠᠷᠠᠭᠳᠠᠭᠠᠳ ᠪᠠᠢᠯᠳᠤᠭᠠᠨ ᠤ᠋ ᠰᠠᠭᠤᠷᠢᠨ ᠳᠣᠲᠣᠷᠠ ᠨᠠᠮ ᠭᠦᠮ᠂ ᠴᠥᠮ ᠤᠨᠲᠠᠵᠠᠢ᠃ ᠳᠠᠢᠰᠤᠨ ᠬᠣᠯᠠ ᠪᠠᠶ᠋ᠢᠵᠠᠢ᠂ ᠡᠢᠮᠦ ᠰᠢᠷᠢᠩᠭᠢ ᠤᠷᠤᠭᠤ ᠡᠨᠡ ᠬᠡᠴᠡᠭᠦᠦ ᠵᠢᠪᠠᠷ ᠲᠤ᠌ ᠬᠡᠨ ᠲᠡᠮᠡᠦᠯᠬᠦ ᠪᠢᠯᠡ᠃ ᠬᠠᠷᠠᠭᠤᠯ ᠤ᠋ᠨ ᠬᠥᠮᠦᠨ ᠦ᠌ ᠳᠠᠭᠤ ᠴᠤ᠌ ᠦᠭᠡᠢ᠂ ᠲᠣᠭᠰᠢᠬᠤ ᠴᠤ᠌ ᠦᠭᠡᠢ᠂ ᠬᠥᠯ ᠦ᠋ᠨ ᠱᠠᠭᠢᠬᠤ ᠳᠠᠭᠤ ᠴᠤ᠌ ᠦᠭᠡᠢ ᠪᠠᠢᠨᠠ᠃
ᠸᠠᠩ ᠶᠠᠪᠤᠵᠤ ᠬᠤᠷᠢᠶᠠᠯᠭᠠᠳᠠᠢ ᠳ᠋ᠥ᠋ᠨᠵᠡᠨ ᠳᠡᠭᠡᠷᠡ ᠰᠠᠭᠤᠪᠠ᠂ ᠲᠡᠭᠦᠨ ᠦ᠌ ᠵᠢᠷᠦᠬᠡ ᠨᠢ ᠡᠮᠭᠡᠨᠢᠨ ᠪᠦᠷᠬᠦᠨᠡ᠃《 ᠠᠢ ᠣᠷᠣᠰ ᠨᠤᠲᠤᠭ! ᠴᠠᠰᠤᠲᠤ ᠲᠠᠯᠠᠪᠠᠢ᠂ ᠪᠢᠲᠡᠭᠦᠦ ᠣᠢ ᠦᠷᠭᠦᠯᠵᠢᠯᠡᠭᠰᠡᠨ ᠠᠭᠤᠳᠠᠮ ᠰᠠᠢᠬᠠᠨ ᠣᠷᠣᠨ᠂ ᠴᠢᠨᠦ ᠬᠠᠮᠠᠭᠠᠯᠠᠯ ᠭᠡᠪᠡᠯ ᠵᠥᠪᠬᠡᠨ ᠣᠢ ᠶ᠋ᠢᠨ ᠰᠢᠷᠢᠩᠭᠢ᠂ ᠢᠷᠭᠡᠨ ᠬᠠᠷᠠᠴᠤᠳ ᠤ᠋ᠨ ᠴᠢᠳᠠᠯ ᠬᠣᠶᠠᠷ ᠪᠠᠢᠨᠠ᠃ ᠣ᠁ ᠣᠷᠣᠰ ᠤ᠋ᠨ ᠲᠣᠰᠬᠣᠨ ᠪᠦᠷᠢ ᠶ᠋ᠢᠨ ᠠᠷᠠᠳ ᠤ᠋ᠳ ᠴᠤᠭᠯᠠᠷᠠᠨ ᠢᠷᠡᠭᠡᠳ ᠲᠡᠳᠡᠨ ᠢ᠋ ᠡᠪᠦᠭᠡᠨ ᠢᠯᠢᠶᠠ ᠮᠥᠷᠤᠮᠸᠼ ᠳᠠᠭᠠᠭᠠᠵᠤ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠪᠣᠯᠤᠭᠠᠰᠠᠢ! ᠶᠠᠮᠠᠷ ᠬᠣᠣᠷᠲᠤ ᠳᠠᠢᠰᠤᠨ ᠲᠡᠰᠪᠦᠷᠢᠯᠡᠬᠦ ᠪᠢᠯᠡ? ᠮᠠᠭᠤ ᠬᠤᠯᠠᠭᠠᠢ ᠳᠠᠢᠰᠤᠨ ᠨᠤᠭᠤᠳ ᠠ᠋ᠴᠠ ᠴᠥᠮ ᠢ᠋ ᠡᠷᠲᠡ ᠴᠠᠭ ᠲᠤ᠌ ᠦᠯᠳᠡᠨ ᠬᠥᠭᠡᠭᠡᠳᠡᠭ ᠲᠡᠢ ᠪᠡᠨ ᠠᠳᠠᠯᠢᠬᠠᠨ ᠦᠯᠳᠡᠨ ᠬᠥᠭᠡᠭᠡᠬᠦ ᠰᠠᠨ᠃ ᠮᠠᠨ ᠤ᠋ ᠨᠤᠲᠤᠭ ᠲᠤ᠌ ᠠᠭᠤᠷᠲᠠᠢ ᠳᠣᠭᠰᠢᠨ᠂ ᠡᠨᠡᠷᠢᠩᠭᠦᠢ ᠰᠡᠳᠬᠢᠯ ᠦᠭᠡᠢ ᠬᠠᠷᠢ ᠶ᠋ᠢᠨ ᠬᠥᠮᠦᠰ ᠨᠡᠪᠲᠡᠷᠡᠨ ᠣᠷᠣᠵᠠᠢ᠃ ᠡᠳᠡᠨᠠᠷ ᠭᠦᠨ ᠨᠡᠪᠲᠡᠷᠡᠵᠦ ᠣᠷᠣᠰ ᠭᠠᠵᠠᠷ ᠤ᠋ᠨ ᠵᠢᠷᠦᠬᠡᠨ ᠳ᠋ᠦ᠍ ᠬᠦᠷᠦᠭᠡᠳ ᠣᠷᠣᠰ ᠭᠠᠵᠠᠷ ᠢ᠋ ᠵᠢᠵᠢᠭ ᠵᠢᠵᠢᠭ ᠢ᠋ᠶ᠋ᠡᠷ ᠲᠠᠰᠤᠯᠵᠤ᠂ ᠨᠢᠭᠡ ᠴᠥ᠍ ᠠᠮᠤᠰᠬᠢᠯᠭᠡᠬᠦ ᠦᠭᠡᠢ ᠬᠡᠮᠡᠯᠢᠵᠦ᠂ ᠵᠣᠭᠣᠭᠯᠠᠵᠤ᠂ ᠢᠳᠡᠵᠦ ᠪᠠᠢᠨᠠ᠃ ᠣ᠁ ᠬᠦᠴᠦ ᠪᠡᠨ ᠬᠤᠷᠠᠯᠳᠤᠭᠤᠯᠤᠨ ᠵᠡᠬᠡᠵᠦ᠂ ᠬᠠᠯᠳᠠᠭᠰᠠᠨ ᠳᠠᠢᠰᠤᠨ ᠢ᠋ ᠮᠣᠷᠢᠨ ᠠ᠋ᠴᠠ ᠨᠢ ᠰᠡᠭᠰᠦᠷᠦᠨ ᠤᠨᠠᠭᠠᠬᠤ ᠰᠠᠨ 》ᠭᠡᠵᠦ ᠪᠣᠳᠣᠨᠠ᠃
ᠭᠡᠲᠡᠯᠡ ᠳᠥᠷᠥᠭᠡ ᠬᠠᠩᠭᠢᠨᠠᠬᠤ ᠰᠣᠨᠣᠰᠳᠠᠪᠠ᠃ ᠰᠡᠭᠦᠳᠡᠷ ᠪᠦᠷᠦᠯᠵᠡᠨ ᠮᠣᠷᠢᠲᠠᠢ ᠬᠥᠮᠦᠨ ᠤᠯᠠᠮ ᠣᠢᠷᠠᠲᠤᠨ ᠢᠷᠡᠪᠡ᠃ ᠸᠠᠩ ᠳᠣᠣᠷᠠ ᠪᠠᠨ ᠴᠢᠪ ᠴᠢᠮᠡᠭᠡ ᠦᠭᠡᠢ ᠪᠣᠯᠵᠤ ᠱᠠᠭᠠᠢᠨ ᠬᠠᠷᠠᠪᠠ᠃ ᠬᠡᠨ ᠡᠳᠦᠢ ᠳ᠋ᠦ᠍ ᠶᠠᠭᠤ ᠭᠡᠵᠦ ᠰᠥᠨᠢ ᠶ᠋ᠢᠨ ᠭᠦᠨ ᠳᠤᠮᠳᠠ ᠴᠡᠷᠢᠭ ᠦ᠋ᠨ ᠬᠦᠷᠢᠶᠡ ᠪᠡᠷ ᠭᠡᠲᠡᠵᠦ ᠶᠠᠪᠤᠳᠠᠭ ᠪᠢᠯᠡ? ᠭᠸᠤᠷᠭᠢ ᠶ᠋ᠢᠨ ᠨᠣᠶᠠᠨ ᠪᠢᠰᠢ ᠪᠢᠵᠡ? ᠮᠣᠷᠢ ᠨᠢ ᠥᠨᠳᠥᠷ ᠭᠣᠶᠣᠮᠰᠣᠭ ᠺᠸᠫᠴᠡᠺ ᠦ᠋ᠨ ᠪᠠᠢᠲᠠᠯᠠ ᠤᠨᠤᠵᠤ ᠶᠠᠪᠤᠭᠴᠢ ᠨᠢ ᠣᠷᠣᠰ ᠬᠥᠮᠦᠨ ᠪᠢᠰᠢ!
一ᠡᠨᠡ ᠶᠠᠭᠠᠬᠢᠵᠤ ᠡᠨᠳᠡ ᠢᠷᠡᠪᠡ? ᠲᠠᠲ᠋ᠠᠷ ᠪᠣᠯ ᠶᠠᠭᠠᠬᠢᠬᠤ ᠪᠢᠯᠡ?
ᠸᠠᠰᠢᠯᠢᠺᠣ ᠨᠣᠶᠠᠨ ᠰᠡᠯᠡᠮᠡ ᠶ᠋ᠢᠨ ᠡᠰᠢ ᠶ᠋ᠢ ᠴᠢᠩᠭᠠ ᠠᠳᠬᠤᠵᠤ ᠣᠷᠣᠭᠰᠢ ᠤᠬᠤᠰᠬᠢᠪᠡ᠂ ᠮᠣᠷᠢ ᠬᠠᠵᠠᠭᠤ ᠲᠠᠰᠢ ᠪᠠᠨ ᠬᠠᠷᠠᠢᠨ ᠪᠤᠰᠬᠠᠵᠤ ᠲᠡᠷᠡ ᠬᠥᠮᠦᠨ ᠣᠢ ᠶ᠋ᠢᠨ ᠵᠠᠪᠰᠠᠷ ᠢ᠋ᠶ᠋ᠠᠷ ᠬᠠᠯᠢᠵᠤ ᠳᠠᠪᠬᠢᠵᠤ ᠰᠢᠬᠠᠭᠤ ᠭᠠᠴᠤᠷᠠ ᠶ᠋ᠢᠨ ᠳᠤᠮᠳᠠᠭᠤᠷ ᠣᠷᠣᠵᠤ ᠠᠯᠠᠭᠠ ᠪᠣᠯᠪᠠ᠃ ᠲᠠᠲ᠋ᠠᠷ ᠲᠠᠩᠨᠠᠭᠤᠯᠴᠢ! ᠁ ᠪᠠᠢᠨᠠ᠃
ᠸᠠᠰᠢᠯᠢᠺᠣ ᠬᠣᠢᠨᠠ ᠠ᠋ᠴᠠ ᠨᠢ ᠬᠥᠭᠡᠭᠡᠨ ᠭᠦᠶᠦᠭᠰᠡᠨ ᠪᠣᠯᠪᠠᠴᠤ ᠭᠦᠢᠴᠡᠬᠦ ᠠᠷᠭᠠ ᠦᠭᠡᠢ ᠪᠢᠯᠡ᠃ ᠭᠡᠲᠡᠯᠡ ᠨᠥᠭᠦᠭᠡ ᠲᠠᠯᠠ ᠠ᠋ᠴᠠ ᠨᠢ ᠥᠭᠡᠷᠡ ᠨᠢᠭᠡᠨ ᠮᠣᠷᠢ ᠲᠠᠢ ᠬᠥᠮᠦᠨ ᠦᠵᠡᠭᠳᠡᠪᠡ᠃ ᠡᠮᠦᠨᠡ ᠨᠢ ᠠᠯᠠᠭ ᠲᠣᠮᠣ ᠨᠣᠬᠠᠢ ᠶᠠᠪᠤᠨᠠ᠃《 ᠪᠠᠰᠠ ᠳᠠᠢᠰᠤᠨ? ᠡᠭᠦᠨ ᠢ᠋ ᠬᠡᠷᠬᠢᠪᠡᠴᠦ ᠭᠠᠷᠭᠠᠬᠤ ᠦᠭᠡᠢ ᠳ᠋ᠠ》 ᠭᠡᠵᠦ ᠰᠢᠢᠳᠪᠡ ᠃ ᠮᠣᠷᠢ ᠲᠠᠢ ᠬᠥᠮᠦᠨ ᠤᠯᠠᠮ ᠤᠯᠠᠮ ᠣᠢᠷᠠᠲᠤᠨ ᠭᠣᠶᠣᠮᠰᠣᠭ ᠮᠣᠷᠢ ᠠᠵᠢᠭ ᠦᠭᠡᠢ ᠱᠣᠭᠰᠢᠵᠤ ᠶᠠᠪᠤᠲᠠᠯᠠ ᠨᠣᠬᠠᠢ ᠠᠷᠬᠢᠷᠠᠵᠤ᠂ ᠲᠡᠷᠡ ᠬᠥᠮᠦᠨ ᠮᠣᠷᠢᠨ ᠤ᠋ ᠵᠢᠯᠣᠭᠣ ᠶ᠋ᠢ ᠲᠠᠲᠠᠵᠤ ᠵᠣᠭᠰᠣᠪᠠ᠃
— ᠴᠢ ᠬᠡᠨ ᠪᠣᠢ?
— ᠸᠯᠠᠳᠢᠮᠢᠷ ᠠ᠋ᠴᠠ ᠭᠠᠷᠤᠭᠰᠠᠨ ᠡᠯᠴᠢ ᠪᠠᠢᠨᠠ᠃ ᠶᠡᠬᠡ ᠨᠣᠶᠠᠨ ᠭᠧᠣᠷᠺᠢ ᠸᠰᠧᠸᠣᠯᠣᠳᠣᠸᠢᠴ ᠲᠸ᠋ ᠵᠣᠯᠭᠠᠨᠠ᠃
— ᠶᠠᠭᠤ ᠵᠣᠷᠢᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠳᠠᠭᠠᠷᠢᠯᠳᠤᠵᠠᠢ᠃ ᠸᠯᠠᠳᠢᠮᠢᠷ ᠠ᠋ᠴᠠ ᠭᠠᠷᠤᠭᠰᠠᠭᠠᠷ ᠤᠳᠠᠪᠠ ᠤᠤ?
— ᠤᠳᠠᠭᠰᠠᠨ᠂ ᠠᠷᠪᠠᠨ ᠲᠠᠪᠤᠨ ᠬᠣᠨᠣᠭ ᠶᠠᠪᠤᠯᠠ᠃ ᠲᠣᠭᠣᠷᠢᠵᠤ ᠲᠡᠨᠦᠵᠦ ᠢᠷᠡᠪᠡ᠃ ᠭᠠᠵᠠᠷ ᠪᠦᠬᠦᠨ ᠳ᠋ᠦ᠍ ᠲᠠᠲ᠋ᠠᠷ ᠤ᠋ᠳ ᠵᠠᠨᠤᠵᠤ ᠪᠠᠢᠨᠠ᠃ ᠭᠤᠷᠪᠠᠨ ᠤᠳᠠᠭᠠ ᠲᠡᠳᠡᠨ ᠲᠡᠢ ᠲᠤᠯᠤᠯᠳᠤᠵᠤ ᠵᠠᠢᠯᠠᠪᠠ᠂ ᠲᠡᠨᠳᠡ ᠡᠴᠡ ᠭᠠᠭᠴᠠ ᠰᠠᠢᠨ ᠮᠣᠷᠢᠨ ᠤ᠋ ᠠᠴᠢ ᠪᠠᠷ ᠭᠠᠷᠴᠤ ᠪᠠᠢᠯᠠ᠃
— ᠸᠯᠠᠳᠢᠮᠢᠷ ᠤ᠋ᠨ ᠲᠤᠬᠠᠢ ᠶᠠᠭᠤ ᠲᠤᠭᠤᠯᠵᠤ ᠰᠣᠨᠣᠰᠪᠠ?
— ᠮᠢᠨᠦ ᠭᠠᠷᠬᠤ ᠳ᠋ᠤ᠌ ᠸᠯᠠᠳᠢᠮᠢᠷ ᠲᠣᠭᠲᠠᠨ ᠪᠠᠢᠭᠰᠠᠨ ᠶᠤᠮᠰᠠᠨ᠂ ᠬᠠᠷᠢᠨ ᠵᠠᠮ ᠳ᠋ᠠᠭᠠᠨ ᠰᠣᠨᠣᠰᠪᠠᠯ ᠮᠠᠭᠤ ᠴᠤᠤᠷᠬᠠᠯ ᠶᠠᠪᠤᠵᠤ ᠪᠠᠢᠨᠠ ᠪᠢᠯᠡ᠃
一ᠸᠯᠠᠳᠢᠮᠢᠷ ᠠᠪᠲᠠᠭᠳᠠᠭᠰᠠᠨ ᠭᠡᠵᠢ ᠤᠤ?
— ᠬᠠᠷᠢᠨ ᠲᠡᠢᠮᠦ᠂ ᠰᠢᠲᠠᠭᠠᠵᠠᠢ ᠭᠡᠵᠦ ᠶᠠᠷᠢᠯᠴᠠᠨᠠ᠂ ᠲᠩᠷᠢ ᠭᠤᠷᠪᠠᠨ ᠬᠣᠨᠣᠭ ᠤᠯᠠᠢᠷᠠᠭᠰᠠᠨ( ᠤᠯᠠᠢᠭᠰᠠᠨ) ᠭᠡᠨᠡ᠃
ᠸᠠᠩ ᠸᠠᠰᠢᠯᠢᠺᠣ ᠲᠣᠯᠣᠭᠠᠢ ᠶ᠋ᠢ ᠤᠨᠵᠢᠢᠭᠤᠯᠵᠤ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠳᠠᠬᠢᠨ ᠰᠡᠷᠭᠦᠵᠦ ᠬᠡᠯᠡᠪᠡ᠃
— ᠰᠠᠶᠢᠬᠠᠨ ᠴᠢᠨᠦ ᠤᠷᠢᠳᠠᠬᠠᠨ ᠨᠢᠭᠡ ᠮᠣᠷᠢ ᠲᠠᠢ ᠬᠥᠮᠦᠨ ᠶᠠᠪᠤᠭᠠᠳ᠂ ᠮᠢᠨᠦ ᠳᠠᠭᠤ ᠭᠠᠷᠬᠤ ᠳ᠋ᠤ᠌ ᠲᠡᠷᠡ ᠳᠠᠪᠬᠢᠨ ᠣᠳᠪᠠ᠃
— ᠮᠠᠨ ᠤ᠋ ᠬᠢᠨ ᠪᠣᠯ ᠵᠢᠭᠤᠲᠠᠬᠤ ᠦᠭᠡᠢ ᠰᠠᠨ᠂ ᠲᠡᠷᠡ ᠯᠠᠪ ᠲᠠᠲ᠋ᠠᠷ ᠤ᠋ᠨ ᠲᠠᠩᠨᠠᠭᠤᠯᠴᠢ ᠪᠢᠵᠡ᠂ ᠪᠣᠯᠭᠣᠮᠵᠢᠯᠠᠬᠤ ᠬᠡᠷᠡᠭᠲᠡᠢ! ᠲᠠᠲ᠋ᠠᠷ ᠤ᠋ᠳ ᠣᠢᠷᠠᠬᠠᠨ ᠰᠢᠦ! ᠭᠡᠨᠡᠳᠲᠡ ᠣᠪᠣᠭᠠᠷᠠᠨ ᠳᠠᠭᠠᠷᠢᠬᠤ ᠳ᠋ᠤᠨᠢ ᠳᠠᠭᠤ ᠴᠥ᠍ ᠭᠠᠷᠴᠤ ᠵᠠᠪᠳᠤᠬᠤ ᠦᠭᠡᠢ ᠰᠢᠦ᠁
— ᠲᠦᠷᠭᠡᠨ ᠶᠠᠪᠤᠵᠤ ᠸᠠᠩ ᠲᠠᠢ ᠠᠭᠤᠯᠵᠠᠶᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ 2᠂ ᠠᠯᠲᠠᠨᠴᠢᠮᠡᠭ 1᠂ ᠬᠦᠦᠳᠠᠭᠠᠭᠤᠯ 1
ᠬᠢᠨᠠᠭᠴᠢ᠄ ᠪᠠᠶᠠᠨᠴᠡᠴᠡᠭ 2
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 4᠂ ᠠᠷᠢᠭᠤᠨ 4