ᠪᠠᠲᠤ ᠬᠠᠭᠠᠨ 8-10ᠴᠠᠭᠠᠨ ᠲᠠᠢᠷᠠᠩ ᠤ᠋ᠳ ᠲᠤᠰᠠᠯᠠᠭᠲᠤᠨ-ᠰᠢᠭᠤᠷᠭᠠ ᠲᠠᠯᠪᠢᠪᠠBat khaan Бат хаан-ᠷᠣᠮᠠᠨ
148ᠠᠷᠪᠠ ᠂ ᠴᠠᠭᠠᠨ ᠲᠠᠢᠷᠠᠩ ᠤ᠋ᠳ ᠲᠤᠰᠠᠯᠠᠭᠲᠤᠨ
ᠭᠤᠷᠪᠠᠨ ᠬᠣᠨᠣᠭ ᠴᠠᠰᠤ ᠦᠷᠭᠦᠯᠵᠢᠯᠡᠨ ᠣᠷᠣᠪᠠ᠂ ᠰᠠᠯᠬᠢ ᠤᠯᠠᠮ ᠬᠦᠴᠦᠲᠡᠢ ᠪᠣᠯᠵᠤ ᠨᠠᠷᠠᠰᠤᠨ ᠤ᠋ ᠣᠷᠣᠢ ᠪᠠᠷ ᠬᠦᠩᠭᠢᠨᠡᠨ ᠬᠥᠩᠭᠡᠨ ᠴᠠᠰᠤ ᠶ᠋ᠢ ᠡᠨᠳᠡ ᠲᠡᠨᠳᠡ ᠣᠪᠣᠭᠠᠯᠠᠵᠤ ᠪᠠᠢᠲᠠᠯᠠ ᠰᠠᠨᠠᠭᠠ ᠣᠯᠤᠭᠰᠠᠨ ᠮᠡᠲᠦ ᠴᠠᠰᠤᠨ ᠬᠣᠩᠬᠣᠷ ᠤ᠋ᠳ ᠢ᠋ ᠦᠯᠢᠶᠡᠨ ᠵᠠᠢᠯᠠᠭᠤᠯᠵᠤ ᠥᠭᠡᠷᠡ ᠭᠠᠵᠠᠷ ᠬᠥᠭᠡᠭᠡᠭᠰᠡᠭᠡᠷ ᠴᠠᠰᠤᠨ ᠬᠥᠪᠡᠭᠡ ᠶ᠋ᠢ ᠰᠢᠨᠡ ᠪᠡᠷ ᠪᠤᠰᠬᠠᠨᠠ᠂ ᠪᠠᠢᠯᠳᠤᠭᠠᠨ ᠤ᠋ ᠬᠦᠷᠢᠶᠡᠨ ᠦ᠌ ᠪᠡᠶᠡ ᠪᠡᠶᠡ ᠪᠡᠨ ᠰᠢᠬᠠᠴᠠᠯᠳᠤᠭᠰᠠᠨ ᠨᠠᠮᠬᠠᠨ ᠣᠪᠣᠬᠠᠢ ᠨᠦᠬᠡᠨ ᠭᠡᠷ ᠦ᠋ᠳ ᠪᠢᠲᠡᠭᠦᠦ ᠴᠠᠭᠠᠨ ᠴᠠᠰᠤᠨ ᠨᠥᠮᠥᠷᠭᠡ ᠨᠥᠮᠥᠷᠴᠡᠢ᠃
ᠰᠢᠷᠦᠭᠦᠳᠡᠬᠦ ᠰᠢᠭᠤᠷᠭᠠᠨ ᠠ᠋ᠴᠠ ᠠᠮᠢᠲᠠᠨ ᠪᠦᠬᠦᠨ ᠠᠮᠢ ᠵᠤᠯᠪᠠᠵᠤ ᠬᠣᠷᠭᠣᠳᠠᠭᠰᠠᠨ ᠠᠪᠠᠴᠤ ᠭᠠᠭᠴᠠᠬᠠᠨ ᠬᠥᠮᠦᠨ ᠳᠣᠪᠣ ᠲᠣᠯᠣᠭᠠᠢ ᠶ᠋ᠢᠨ ᠳᠡᠭᠡᠷᠡ ᠨᠣᠮᠣᠬᠠᠨ ᠵᠣᠭᠰᠣᠬᠤ ᠨᠢ ᠠᠶᠤᠩᠭᠠᠨ ᠳ᠋ᠤ᠌ ᠰᠠᠷᠨᠢᠭᠤᠯᠤᠭᠰᠠᠨ ᠬᠠᠭᠤᠴᠢᠨ ᠬᠤᠰᠤᠨ ᠮᠣᠳᠣᠨ ᠤ᠋ ᠬᠣᠵᠤᠤᠯᠠ ᠰᠢᠭ᠋ ᠬᠠᠷᠠᠭᠳᠠᠨᠠ᠃ ᠠᠩ ᠤ᠋ᠨ ᠠᠷᠠᠰᠤᠨ ᠬᠤᠪᠴᠠᠰᠤ ᠲᠠᠢ᠂ ᠤᠷᠲᠤ ᠮᠣᠳᠣᠨ ᠡᠭᠴᠡ ᠶ᠋ᠢ ᠴᠢᠩᠭᠠ ᠲᠤᠯᠵᠤ᠂ ᠰᠠᠯᠬᠢᠨ ᠳ᠋ᠤ᠌ ᠲᠠᠭᠤᠭᠳᠠᠭᠰᠠᠨ ᠬᠥᠩᠭᠡᠨ ᠴᠠᠰᠤ ᠴᠠᠭᠠᠨ ᠰᠡᠭᠦᠳᠡᠷ ᠮᠡᠲᠦ ᠭᠦᠶᠦᠬᠦ ᠬᠣᠭᠣᠰᠣᠨ ᠲᠠᠯᠠ ᠤᠷᠤᠭᠤ ᠬᠠᠨᠳᠤᠨ ᠴᠢᠩᠭᠠ ᠤᠶᠠᠩᠭᠠᠯᠠᠨ ᠦᠭᠡ ᠶᠠᠷᠢᠨᠠ᠃ ᠰᠢᠭᠤᠷᠭᠠ ᠦᠯᠢᠶᠡᠭᠰᠡᠭᠡᠷ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠬᠥᠮᠦᠨ ᠬᠠᠰᠬᠢᠷᠴᠤ ᠴᠤ᠌ ᠦᠵᠡᠨᠡ᠂ ᠠᠶᠠᠷᠬᠠᠨ ᠰᠢᠪᠡᠨᠡᠭᠡᠳ ᠴᠦ᠍ ᠶᠠᠷᠢᠨᠠ᠄
— ᠮᠢᠨᠦ ᠪᠡᠶᠡ ᠡᠭᠦᠳᠡ ᠪᠡᠷ ᠭᠠᠷᠤᠭᠠᠳ ᠠᠲᠠᠷ ᠭᠠᠵᠠᠷ᠂ ᠠᠭᠤᠳᠠᠮ ᠪᠡᠯᠴᠢᠭᠡᠷ ᠠᠯᠤᠰ ᠤ᠋ᠨ ᠨᠤᠲᠤᠭ ᠢ᠋ ᠴᠢᠭᠯᠡᠵᠦ ᠭᠦᠨ ᠣᠢ ᠤᠷᠤᠭᠤ ᠬᠥᠯᠳᠡᠭᠦᠦ ᠭᠣᠷᠣᠬᠠᠨ ᠤ᠋ ᠡᠷᠭᠢᠨ ᠳ᠋ᠦ᠍ ᠵᠤᠵᠠᠭᠠᠨ ᠬᠠᠭ ᠬᠥᠪᠳᠥ ᠬᠥᠭᠡᠷᠦᠭᠰᠡᠨ ᠳᠡᠭᠡᠷᠡ ᠬᠥᠭᠰᠢᠨ ᠴᠠᠷᠠᠰᠤᠨ ᠮᠣᠳᠣ ᠤᠷᠭᠤᠵᠤ ᠪᠠᠢᠳᠠᠭ᠂ ᠲᠡᠨᠳᠡ ᠠᠯᠠᠲ᠋ᠠᠶᠠᠷ ᠤ᠋ᠨ ᠭᠠᠯᠲᠤ ᠴᠢᠯᠠᠭᠤ ᠬᠡᠪᠲᠡᠨᠡ᠃ ᠲᠡᠷᠡ ᠴᠢᠯᠠᠭᠤᠨ ᠤ᠋ ᠳᠣᠣᠷᠠ ᠭᠢᠨᠵᠢ ᠬᠦᠯᠢᠭ ᠦᠭᠡᠢ ᠳᠣᠯᠣᠭᠠᠨ ᠡᠪᠦᠭᠡᠨ ᠳᠣᠯᠣᠭᠤᠯᠠ ᠪᠠᠨ ᠠᠮᠢᠳᠤᠷᠠᠨᠠ᠃ ᠪᠢ ᠲᠡᠷᠡ ᠡᠷᠳᠡᠨᠢ ᠶ᠋ᠢᠨ ᠭᠠᠯᠲᠤ ᠴᠢᠯᠠᠭᠤ ᠶ᠋ᠢ ᠪᠤᠯᠭᠤ ᠲᠠᠲᠠᠵᠤ ᠡᠪᠦᠭᠡᠳ ᠢ᠋ ᠳᠠᠭᠤᠳᠠᠨ ᠲᠣᠩᠭᠣᠢᠨ ᠶᠣᠰᠣᠯᠠᠭᠠᠳ᠄ ᠡᠷᠬᠢᠮ ᠡᠪᠦᠭᠡᠳ ᠮᠢᠨᠢ ᠲᠡᠮᠦᠷ ᠠᠪᠳᠠᠷᠠ ᠨᠤᠭᠤᠳ ᠢ᠋ᠶ᠋ᠠᠨ ᠨᠡᠭᠡᠭᠡᠵᠦ ᠴᠠᠭᠠᠨ ᠲᠠᠢᠷᠠᠩ ᠨᠤᠭᠦᠳ ᠢ᠋ᠶ᠋ᠡᠨ ᠳᠡᠯᠪᠢ! ᠲᠡᠷᠡ ᠲᠠᠢᠷᠠᠩ ᠨᠤᠭᠦᠳ ᠣᠭᠲᠠᠷᠭᠤᠢ ᠪᠠᠷ ᠨᠢᠰᠦᠭ᠂ ᠰᠠᠯᠬᠢ ᠰᠢᠭᠤᠷᠭᠠ ᠶ᠋ᠢ ᠳᠡᠭᠳᠡᠭᠡᠭ᠂ ᠲᠠᠲ᠋ᠠᠷ ᠤ᠋ᠨ ᠬᠣᠣᠷᠲᠤ ᠴᠡᠷᠢᠭ ᠦ᠋ᠳ ᠢ᠋ ᠴᠠᠰᠤ ᠪᠠᠷ ᠪᠤᠯᠠᠵᠤ ᠲᠡᠰᠬᠢᠮᠡ ᠬᠦᠢᠲᠡᠨ ᠳ᠋ᠦ᠍ ᠬᠥᠯᠳᠡᠭᠡᠭ᠃ ᠲᠠᠲ᠋ᠠᠷ᠂ ᠲᠠᠲ᠋ᠠᠷ᠂ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠶ᠋ᠢᠨ ᠡᠭᠦᠯᠳᠡᠷ᠂ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ ᠡᠴᠡ ᠢᠯᠡᠭᠦᠦ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ! ᠴᠢ ᠮᠢᠨᠦ ᠨᠤᠲᠤᠭ ᠲᠤ᠌ ᠶᠠᠭᠤᠨ ᠳ᠋ᠤ᠌ ᠢᠷᠡᠪᠡ! ᠰᠠᠯᠬᠢ ᠰᠢᠭᠤᠷᠭᠠ ᠶ᠋ᠢᠨ ᠬᠣᠢᠨᠠ ᠠ᠋ᠴᠠ ᠴᠢᠯᠠᠭᠤᠨ ᠠᠭᠤᠯᠠ ᠶ᠋ᠢᠨ ᠴᠢᠨᠠᠳᠤ ᠤᠷᠤᠭᠤ ᠴᠢ ᠥᠪᠡᠷ ᠢ᠋ᠶ᠋ᠡᠨ ᠭᠦᠶᠦᠨ ᠵᠠᠢᠯᠠᠬᠤ ᠦᠭᠡᠢ ᠪᠣᠯ ᠪᠢ ᠴᠢᠮᠠᠶ᠋ᠢ ᠦᠨᠳᠦᠰᠦ ᠪᠡᠷ ᠴᠢᠨᠢ ᠰᠤᠭᠤ ᠲᠡᠳᠡᠨ ᠬᠥᠬᠡᠷᠡᠬᠦ ᠲᠠᠯᠠ ᠶ᠋ᠢᠨ ᠴᠠᠭᠠᠨᠠ ᠭᠠᠷᠲᠠᠯᠠ ᠲᠠᠶᠠᠭᠳᠠᠨᠠ᠃ ᠴᠢ ᠲᠡᠨᠳᠡ ᠲᠣᠭᠣᠰᠣᠨ ᠤ᠋ ᠰᠢᠷᠬᠡᠭ ᠰᠢᠭ᠌ ᠬᠠᠲᠠᠵᠤ ᠬᠣᠴᠣᠷᠤᠨᠠ᠂ ᠡᠪᠡᠰᠦᠨ ᠦ᠌ ᠰᠢᠷᠬᠡᠭ ᠰᠢᠭ᠌ ᠬᠠᠮᠲᠤᠷᠠᠵᠤ ᠦᠯᠡᠳᠡᠨᠡ ᠳ᠋ᠠ! ᠲᠡᠭᠡᠬᠦ ᠳ᠋ᠦ᠍ ᠪᠤᠷᠤᠭᠤ ᠪᠠᠨ ᠮᠡᠳᠡᠪᠡᠴᠦ ᠬᠣᠵᠢᠮᠳᠠᠭᠰᠠᠨ ᠪᠠᠢᠨᠠ᠃
ᠬᠡᠯᠡᠭᠰᠡᠨ ᠦᠭᠡ ᠪᠡᠨ ᠪᠢ ᠲᠡᠮᠦᠷ ᠴᠣᠣᠵᠢ ᠪᠠᠷ ᠴᠣᠣᠵᠢᠯᠠᠵᠤ ᠲᠦᠯᠬᠢᠭᠦᠷ ᠢ᠋ ᠨᠢ ᠡᠷᠳᠡᠨᠢ ᠶ᠋ᠢᠨ ᠴᠠᠭᠠᠨ ᠴᠢᠯᠠᠭᠤᠨ ᠤ᠋ ᠳᠣᠭᠤᠤᠷ ᠰᠢᠲᠠᠨᠠ! ᠴᠣᠣᠵᠢᠨ ᠤ᠋ ᠥᠷᠭᠡᠰᠦ ᠬᠡᠳᠦᠢ ᠪᠥᠬᠡ ᠪᠣᠯᠪᠠᠴᠤ( ᠪᠣᠯᠪᠠᠰᠤ ) ᠮᠢᠨᠦ ᠦᠭᠡ ᠲᠡᠳᠦᠢ ᠮᠡᠷᠭᠡᠨ᠁ ᠮᠢᠨᠦ ᠬᠠᠷᠢᠶᠠᠯ ᠢ᠋ ᠲᠠᠨᠠᠷ ᠬᠡᠢ ᠠᠭᠠᠷ᠂ ᠰᠢᠭᠤᠷᠭᠠ᠂ ᠰᠠᠯᠬᠢ᠂ ᠤᠰᠤᠨ ᠦᠶᠡᠷ᠂ ᠶᠠᠭᠤ ᠪᠠᠷ ᠴᠤ᠌ ᠲᠠᠢᠯᠵᠤ ᠴᠢᠳᠠᠬᠤ ᠦᠭᠡᠢ᠃ ᠮᠠᠨ ᠤ᠋ ᠴᠡᠷᠢᠭ ᠬᠦᠴᠦᠲᠡᠢ᠂ ᠵᠢᠷᠦᠬᠡ ᠮᠢᠨᠢ ᠵᠣᠷᠢᠭᠲᠠᠢ᠂ ᠦᠭᠡ ᠮᠢᠨᠢ ᠬᠠᠲᠠᠭᠤ ᠪᠠᠲᠤ᠂ ᠪᠠᠭᠠᠲᠤᠷ ᠤ᠋ᠳ ᠤ᠋ᠨ ᠵᠡᠭᠦᠳᠦ ᠨᠣᠢᠷ ᠠ᠋ᠴᠠ ᠢᠯᠡᠭᠦᠦ᠂ ᠬᠦᠴᠦᠨ ᠴᠢᠳᠠᠯ ᠠ᠋ᠴᠠ ᠢᠯᠡᠭᠦᠦ᠃ ᠬᠡᠷᠡᠭ ᠵᠣᠷᠢᠭ ᠮᠢᠨᠢ ᠪᠦᠲᠦᠨᠡ᠃ ᠬᠡᠯᠡᠬᠦ ᠦᠭᠡ ᠪᠡᠨ ᠲᠡᠭᠦᠰᠬᠡᠶᠡ᠃ ᠮᠢᠨᠦ ᠬᠠᠷᠢᠶᠠᠯ ᠶᠠᠭᠤ ᠶ᠋ᠢ ᠴᠦ᠍ ᠳᠡᠢᠯᠦᠨᠡ 》ᠭᠡᠪᠡ᠃
ᠰᠠᠯᠬᠢ ᠰᠢᠭᠤᠷᠭᠠ ᠶᠸᠯᠸᠢ᠌ᠴᠢ ᠶ᠋ᠢᠨ ᠬᠠᠷᠢᠶᠠᠯ ᠳ᠋ᠤ᠌ ᠠᠪᠲᠠᠭᠰᠠᠨ ᠮᠡᠲᠦ ᠳᠠᠬᠢᠨ ᠬᠦᠴᠦᠲᠡᠢ ᠪᠡᠷ ᠡᠷᠭᠢᠯᠳᠦᠵᠦ ᠬᠤᠢᠯᠠᠷᠠᠨ᠂ ᠶᠠᠷᠢᠭᠴᠢ ᠶ᠋ᠢ ᠰᠢᠷᠦᠭᠦᠨ ᠰᠠᠯᠬᠢ ᠤᠨᠠᠭᠠᠬᠤ ᠭᠡᠵᠦ ᠳᠣᠭᠳᠣᠯᠤᠭᠤᠯᠪᠠ᠃
ᠥᠭᠡᠷᠡ ᠵᠦᠭ ᠡᠴᠡ ᠬᠥᠮᠦᠨ ᠦ᠌ ᠳᠠᠭᠤ ᠰᠣᠨᠣᠰᠳᠠᠪᠠ᠃
一 ᠬᠥᠶᠢ! ᠠᠮᠢᠳᠤ ᠬᠥᠮᠦᠰ ᠪᠠᠢᠨᠠ ᠤᠤ! ᠠᠮᠢ ᠠᠪᠤᠷᠠ!
ᠶᠸᠯᠸᠢ᠌ᠴᠢ᠂
一 ᠨᠠᠰᠢ ᠪᠠᠨ ᠶᠠᠪᠤ ᠠ᠋᠂ ᠡᠨᠳᠡ ᠪᠠᠢᠨᠠ᠃
ᠪᠤᠭᠤᠷᠤᠯ ᠮᠠᠨᠠᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠨᠢᠭᠡᠨ ᠰᠡᠭᠦᠳᠡᠷ ᠭᠠᠷᠴᠤ ᠢᠷᠡᠪᠡ᠂ ᠬᠣᠢᠨᠠ ᠠ᠋ᠴᠠ ᠨᠢ ᠳᠠᠭᠠᠯᠳᠤᠨ ᠬᠣᠶᠠᠷ ᠰᠡᠭᠦᠳᠡᠷ ᠭᠠᠷᠪᠠ᠃
— ᠠᠮᠤᠷ ᠪᠠᠢᠨᠠ ᠤᠤ! ᠪᠢᠳᠡ ᠬᠠᠮᠢᠭᠠ ᠶᠠᠪᠤᠨᠠ?
— ᠴᠢ ᠵᠣᠷᠢᠭᠰᠠᠨ ᠭᠠᠵᠠᠷ ᠢ᠋ᠶ᠋ᠠᠨ ᠢᠷᠡᠭᠰᠡᠨ ᠪᠣᠯᠤᠯᠲᠠᠢ᠂ ᠲᠠᠲ᠋ᠠᠷ ᠢ᠋ ᠳᠡᠢᠯᠬᠦ ᠪᠡᠷ ᠶᠠᠪᠤᠭᠠ ᠤᠤ?
— ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠮᠡᠳᠡᠭᠡᠵᠢ ᠶ᠋ᠢᠨ ᠬᠡᠷᠡᠭ᠃ ᠪᠢᠳᠡ ᠠᠷᠪᠠᠨ ᠭᠤᠷᠪᠠ ᠮᠢᠨᠦ ᠬᠦᠦ᠂ ᠲᠤᠯᠤ ( ? ) ᠮᠢᠨᠢ ᠥᠬᠢᠳ᠁
— ᠪᠦᠲᠦᠨ ᠬᠣᠷᠢᠶᠠ ᠴᠡᠷᠢᠭ ᠪᠠᠢᠨᠠ᠃ ᠪᠢᠳᠡ ᠪᠠᠰᠠ ᠡᠨᠳᠡ ᠲᠠᠲ᠋ᠠᠷ ᠤ᠋ᠨ ᠥᠭᠡᠳᠡ ᠡᠴᠡ ᠵᠡᠪᠰᠡᠭ ᠢ᠋ᠶ᠋ᠡᠨ ᠬᠤᠷᠴᠠᠯᠠᠵᠤ ᠪᠠᠢᠨᠠ᠃
— ᠪᠢᠳᠡ ᠸᠠᠩ ᠭᠸᠤᠷᠬᠢ ᠸᠰᠸᠸᠤᠯᠤᠳᠤᠸᠢ᠍ᠴ ᠤ᠋ᠨ ᠴᠡᠷᠢᠭ ᠦ᠋ᠨ ᠬᠣᠷᠢᠶᠠᠨ ᠤ᠋ ᠰᠠᠭᠤᠷᠢ ᠶ᠋ᠢ ᠡᠷᠢᠵᠦ ᠶᠠᠪᠤᠨᠠ᠃
— ᠠᠵᠠ ᠵᠠᠶᠠᠭᠠ ᠲᠠᠢ ᠲᠠᠨᠠᠷ ᠲᠥᠭᠡᠷᠢᠵᠡᠢ᠃ ᠡᠢᠮᠦ ᠴᠦ᠍ ᠤᠴᠢᠷ ᠠ᠋ᠴᠠ ᠣᠢ ᠶ᠋ᠢᠨ ᠴᠠᠰᠤᠨ ᠬᠣᠩᠬᠣᠷ ᠲᠤ᠌ ᠰᠢᠭᠢᠳᠦᠭᠰᠡᠨ ᠥᠬᠡᠢ ᠲᠠᠨᠠᠷ ᠢᠷᠡᠵᠡᠢ᠃ ᠮᠢᠨᠦ ᠬᠣᠢᠨᠠ ᠠ᠋ᠴᠠ ᠭᠢᠰᠬᠢᠭᠰᠡᠨ ᠭᠠᠵᠠᠷ ᠭᠢᠰᠬᠢᠵᠦ ᠶᠠᠪᠤᠵᠠᠭᠠᠭᠲᠤᠨ᠃ ᠲᠡᠭᠡᠬᠦ ᠦᠭᠡᠢ ᠪᠣᠯ ᠬᠥᠪᠳᠥ ᠨᠠᠮᠤᠭ ᠲᠠᠨᠠᠷ ᠢ᠋ ᠰᠣᠷᠣᠵᠤ ᠴᠢᠳᠬᠥᠷ ᠰᠢᠮᠨᠤᠰ ᠤ᠋ᠳ ᠲᠥᠭᠡᠷᠢᠭᠦᠯᠵᠦ ᠵᠣᠪᠠᠭᠠᠪᠠᠯ ᠨᠠᠷᠠᠰᠤᠨ ᠮᠣᠳᠣᠨ ᠤ᠋ ᠳᠤᠮᠳᠠᠭᠤᠷ ᠰᠥᠨᠢᠵᠢᠨ ᠲᠡᠨᠦᠬᠦ ᠪᠣᠯᠤᠨᠠ᠃
一 ᠵᠠ᠂ ᠵᠠ! ᠷᠶᠡᠽᠡᠨ ᠦ᠌ ᠬᠢᠨ᠂ ᠣᠢ ᠮᠣᠳᠣᠨ ᠤ᠋ ᠬᠢᠨ᠂ ᠬᠠᠷᠢ ᠶ᠋ᠢᠨ ᠬᠥᠮᠦᠰ ᠨᠠᠰᠢ ᠪᠠᠨ ᠶᠠᠪᠤᠭᠲᠤᠨ᠃ ᠴᠥᠮ ᠨᠠᠰᠢ ᠪᠠᠨ ᠲᠦᠷᠭᠡᠨ ᠣᠢᠷᠠᠳᠤᠭᠲᠤᠨ! ᠠᠶᠠᠭᠦᠢ ᠪᠣᠯ ᠡᠨᠡ ᠡᠪᠦᠭᠡᠨ ᠣᠷᠬᠢᠵᠤ ᠣᠳᠤᠨᠠ ᠰᠢᠦ᠁
ᠨᠢᠭᠡᠨ ᠳᠠᠭᠤ ᠪᠠᠷ ᠴᠢᠩᠭᠠ ᠬᠠᠰᠬᠢᠷᠤᠯᠳᠤᠨᠠ᠂
— ᠡᠴᠢᠭᠡ ᠮᠢᠨᠢ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠣᠴᠢᠵᠠᠭᠠᠵᠤ ᠶᠠᠪᠤᠨᠠ ᠭᠡᠪᠡ᠃
— ᠴᠢ ᠶᠠᠮᠠᠷ ᠬᠥᠮᠦᠰ ᠲᠡᠢ ᠶᠠᠪᠤᠭᠠ ᠶᠤᠮ ᠪᠣᠢ? ᠭᠡᠵᠦ ᠡᠪᠦᠭᠡᠨ ᠠᠰᠠᠭᠤᠪᠠ᠃
— ᠠ᠂ ᠡᠳᠡ ᠨᠠᠷ ᠠᠷᠪᠠᠨ ᠬᠣᠶᠠᠷ ᠨᠢ ᠮᠢᠨᠦ ᠬᠦᠦ᠂ ᠪᠠᠰᠠ ᠥᠬᠢᠳ ᠪᠣᠢ᠁ ᠥᠬᠢᠳ ᠲᠠᠲ᠋ᠠᠷ ᠲᠸ᠋ ᠪᠠᠷᠢᠭᠳᠠᠵᠤ ᠪᠠᠢᠭᠠᠳ ᠤᠷᠭᠤᠵᠤ ᠭᠠᠷᠤᠭᠰᠠᠨ ᠶᠤᠮ᠂ ᠣᠳᠣ ᠪᠠᠰᠠ ᠪᠠᠢᠯᠳᠤᠬᠤ ᠬᠦᠰᠡᠯ ᠲᠡᠢ᠃
— ᠲᠡᠳᠡᠨ ᠦ᠌ ᠨᠡᠷᠡ ᠲᠥᠷᠥ ᠪᠠ ᠴᠣᠭ ᠵᠠᠯᠢ ᠨᠢ ᠥᠷᠨᠢᠲᠦᠭᠡᠢ᠃
ᠪᠦᠭᠦᠳᠡᠭᠡᠷ ᠮᠥᠷᠥ ᠮᠥᠷᠥ ᠪᠡᠷ ᠢ᠋ᠶ᠋ᠡᠨ ᠴᠤᠪᠤᠷᠠᠯᠳᠤᠨ ᠠᠴᠠ ᠮᠣᠳᠣ ᠶ᠋ᠢ ᠲᠤᠯᠵᠤ ᠶᠠᠪᠤᠵᠠᠭᠠᠪᠠ᠃ ᠲᠦᠷᠦᠭᠦᠨ ᠳ᠋ᠦ᠍ᠨᠢ ᠲᠠᠲ᠋ᠠᠷ ᠤ᠋ᠨ ᠥᠭᠡᠳᠡ ᠡᠴᠡ ᠰᠠᠯᠬᠢ ᠰᠢᠭᠤᠷᠭᠠ ᠶ᠋ᠢ ᠲᠠᠯᠪᠢᠭᠰᠠᠨ ᠡᠪᠦᠭᠡᠳ ᠮᠠᠩᠯᠠᠢᠯᠠᠪᠠ᠃ ᠳᠠᠷᠠᠭᠠ ᠨᠢ ᠰᠠᠶᠢ ᠶ᠋ᠢᠨ ᠢᠷᠡᠭᠰᠡᠨ ᠨᠡᠬᠡᠢ ᠬᠤᠪᠴᠠᠰᠤ ᠲᠠᠢ᠂ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠡᠶᠡ ᠲᠡᠢ᠂ ᠪᠣᠭᠣᠨᠢ ᠬᠥᠯ ᠲᠡᠢ᠂ ᠥᠷᠭᠡᠨ ᠪᠡᠶᠡ ᠲᠡᠢ ᠪᠠᠭᠠᠪᠠᠭᠠᠢ ᠶ᠋ᠢᠨ ᠣᠪᠣᠷ ᠲᠠᠢ ᠷᠶᠡᠽᠡᠨ ᠦ᠌ ᠬᠥᠮᠦᠰ ᠶᠠᠪᠤᠪᠠ᠃
ᠷᠶᠡᠽᠡᠨ ᠦ᠌ ᠬᠢᠨ ᠬᠥᠯᠳᠡᠭᠰᠡᠨ ᠭᠣᠣᠯ ᠤ᠋ᠨ ᠴᠠᠭᠠᠨᠠ ᠭᠠᠷᠤᠮᠠᠭᠴᠠ᠂ ᠰᠢᠭᠤᠷᠭᠠᠨ ᠠ᠋ᠴᠠ ᠨᠢᠭᠤᠭᠳᠠᠨ ᠬᠣᠷᠭᠣᠳᠠᠭᠰᠠᠨ ᠣᠷᠣᠰ ᠴᠡᠷᠢᠭ ᠦ᠋ᠨ ᠣᠯᠠᠨ ᠨᠦᠬᠡᠨ ᠭᠡᠷ ᠦ᠋ᠳ ᠢ᠋ ᠬᠠᠷᠠᠪᠠ᠃ ᠤᠷᠲᠤ ᠪᠠᠷ ᠴᠤᠪᠤᠷᠠᠭᠤᠯᠤᠨ ᠪᠠᠢᠭᠤᠯᠤᠭᠰᠠᠨ ᠨᠦᠬᠡᠨ ᠭᠡᠷ ᠦ᠋ᠳ ᠨᠢ ᠴᠠᠰᠤᠨ ᠬᠣᠩᠬᠣᠷ ᠤ᠋ᠳ ᠤ᠋ᠨ ᠳᠣᠲᠣᠷᠠ ᠪᠠᠷᠤᠭ ᠢᠯᠭᠠᠷᠠᠬᠤ ᠦᠭᠡᠢ ᠠᠵᠢ᠃ ᠭᠠᠭᠴᠠᠬᠦ ᠴᠣᠩᠬᠣ᠂ ᠳᠡᠭᠡᠪᠦᠷ ᠦ᠋ᠨ ᠨᠦᠬᠡ ᠪᠡᠷ ᠰᠠᠪᠰᠠᠬᠤ ᠤᠲᠤᠭᠠ ( ᠤᠲᠤᠭᠠᠨ ᠠ᠋ᠴᠠ ) ᠨᠢ ᠴᠠᠰᠤᠨ ᠳᠣᠣᠷᠠ ᠬᠥᠮᠦᠨ ᠣᠷᠣᠰᠢᠨᠠ᠂ ᠲᠡᠨᠳᠡ ᠳᠤᠯᠠᠭᠠᠨ ᠰᠠᠪᠠᠨ ᠳᠣᠲᠣᠷᠠ ᠱᠥᠯᠥ ᠲᠡᠢ ᠬᠣᠭᠣᠯᠠ ᠪᠤᠴᠠᠯᠵᠤ᠂ ᠣᠷᠣᠰ ᠤ᠋ᠳ ᠬᠦᠦᠷᠨᠢᠨ ᠰᠠᠭᠤᠵᠤ ᠪᠠᠢᠬᠤ ᠨᠢ ᠮᠡᠳᠡᠭᠳᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠡᠴᠡᠭ 1᠂ ᠠᠯᠲᠠᠨᠴᠢᠮᠡᠭ 1᠂ ᠬᠦᠦᠳᠠᠭᠠᠭᠤᠯ 1᠂ ᠬᠡᠷᠡᠶ᠋ᠢᠳ ᠂ ᠮᠥᠩᠬᠡᠨᠠᠰᠤᠨ 1
ᠬᠢᠨᠠᠭᠴᠢ᠄ ᠲ᠂ ᠬᠦᠮᠦᠵᠢᠯᠲᠦ 1
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 4᠂ ᠠᠷᠢᠭᠤᠨ 4