ᠪᠠᠲᠤ ᠬᠠᠭᠠᠨ 8-07 ᠪᠠᠲᠤ ᠬᠠᠭᠠᠨ ᠤ᠋ ᠵᠡᠭᠦᠳᠦ-ᠰᠢᠭᠤᠷᠭᠠ ᠲᠠᠯᠪᠢᠪᠠBat khaan Бат хаан-ᠷᠣᠮᠠᠨ
141ᠳᠣᠯᠣᠭᠠ ᠂ ᠪᠠᠲᠤ ᠬᠠᠭᠠᠨ ᠤ᠋ ᠵᠡᠭᠦᠳᠦ
ᠲᠦᠢᠮᠡᠷ ᠦ᠋ᠨ ᠳᠥᠯᠥ ᠤᠯᠠᠯᠵᠠᠵᠤ ᠪᠠᠢᠬᠤ ᠳ᠋ᠤ᠌ ᠮᠣᠩᠭᠣᠯᠴᠤᠳ ᠥᠭᠯᠢᠴᠢ ᠡᠴᠡ ᠭᠠᠷᠴᠤ ᠶᠠᠪᠤᠪᠠ᠃ ᠬᠡᠢᠳ ᠢ᠋ ᠵᠦᠭ ᠪᠦᠬᠦᠨ ᠡᠴᠡ ᠰᠢᠲᠠᠭᠠᠭᠰᠠᠨ ᠨᠢ ᠵᠠᠳᠠᠭᠠᠢ ᠭᠠᠯ ᠮᠡᠲᠦ ᠰᠢᠲᠠᠨᠠ᠂ ᠯᠠᠮᠠ ᠨᠠᠷ ᠭᠦᠶᠦᠯᠳᠦᠨ ᠰᠠᠪᠠ ᠲᠠᠢ ᠠᠷᠢᠬᠢ ᠪᠠ ᠢᠳᠡᠰᠢ ᠪᠣᠯᠤᠨ ᠪᠤᠷᠬᠠᠨ ᠢ᠋ᠶ᠋ᠠᠨ ᠠᠪᠴᠤ ᠭᠠᠷᠭᠠᠨᠠ᠂《 ᠣᠷᠣᠰ ᠤ᠋ᠳ ᠤ᠋ᠨ ᠪᠥᠬᠡ ᠨᠠᠷ ᠢ᠋ ᠠᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠭᠣᠮᠣᠳᠠᠭᠠᠵᠤ ᠪᠣᠯᠬᠤ ᠦᠭᠡᠢ 》ᠭᠡᠰᠡᠨ ᠪᠠᠲᠤ ᠬᠠᠭᠠᠨ ᠤ᠋ ᠬᠠᠲᠠᠭᠤ ᠲᠤᠰᠢᠶᠠᠯ ᠤ᠋ᠨ ᠶᠣᠰᠣᠭᠠᠷ ᠮᠣᠩᠭᠣᠯ ᠤ᠋ᠨ ᠴᠡᠷᠢᠭ ᠦ᠋ᠳ ᠯᠠᠮᠠ ᠨᠠᠷ ᠲᠸ᠋ ᠭᠠᠷ ᠬᠦᠷᠦᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠵᠠᠭᠤᠲᠤ ᠶ᠋ᠢᠨ ᠨᠣᠶᠠᠨ ᠤ᠋ ᠠᠵᠢᠭ ᠠᠪᠤᠭᠠ ᠦᠭᠡᠢ ᠵᠠᠪᠰᠢᠶᠠᠨ ᠲᠣᠬᠢᠶᠠᠯᠳᠤᠬᠤ ᠳ᠋ᠤ᠌ ᠯᠠᠮᠠ ᠨᠠᠷ ᠠ᠋ᠴᠠ ᠳᠤᠯᠠᠭᠠᠨ ᠰᠠᠢᠨ ᠬᠤᠪᠴᠠᠰᠤ ᠵᠡᠷᠭᠡ ᠶ᠋ᠢ ᠲᠠᠢᠯᠵᠤ ᠠᠪᠴᠢᠬᠠᠳᠠᠭ ᠪᠠᠢᠪᠠ᠃
ᠪᠠᠲᠤ ᠬᠠᠭᠠᠨ ᠰᠦᠮᠡ ᠶ᠋ᠢᠨ ᠬᠠᠭᠤᠴᠢᠨ ᠵᠥᠭᠡᠢ ᠶ᠋ᠢᠨ ᠪᠠᠯ ᠲᠠᠢ ᠠᠷᠢᠬᠢ ᠠ᠋ᠴᠠ ᠪᠣᠯᠵᠤ ᠣᠷᠴᠢᠨ ᠲᠣᠭᠣᠷᠢᠨ ᠳ᠋ᠤ᠌ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠮᠠᠭᠤ ᠮᠡᠳᠡᠨᠡ᠂ ᠶᠡᠬᠡ ᠯᠠᠮᠠ ᠶ᠋ᠢᠨ ᠠᠪᠴᠢᠷᠠᠵᠤ ᠥᠭᠭᠦᠭᠰᠡᠨ ᠲᠣᠮᠣ ᠦᠰᠦᠲᠡᠢ ᠳᠡᠪᠡᠯ ᠳ᠋ᠦ᠍ ᠪᠠᠲᠤ ᠬᠠᠭᠠᠨ ᠢ᠋ ᠠᠶᠠᠲᠠᠢ ᠰᠠᠢᠨ ᠣᠷᠢᠶᠠᠬᠤ ᠪᠠᠷ ᠰᠥᠪᠡᠭᠡᠴᠡᠢ ᠪᠠᠭᠠᠲᠤᠷ ᠲᠤᠰᠢᠶᠠᠵᠤ ᠲᠡᠭᠦᠨ ᠢ᠋ ᠡᠪᠡᠰᠦ ᠳᠡᠪᠢᠰᠦᠭᠰᠡᠨ ᠡᠷᠢᠶᠡᠨ ᠪᠣᠳᠣᠭ ᠲᠠᠢ ᠴᠢᠷᠭᠠᠨ ᠳ᠋ᠤ᠌ ᠬᠡᠪᠲᠡᠭᠦᠯᠵᠦ ᠳᠡᠷᠭᠡᠳᠡ ᠣᠷᠢᠶᠠᠯᠲᠠ ᠪᠠᠷ ᠪᠣᠭᠣᠭᠰᠠᠨ ᠶᠥᠯᠳᠦ᠋ᠽ ᠢ᠋ ᠰᠠᠭᠤᠯᠭᠠᠪᠠ᠃
ᠬᠢᠲᠠᠳ ᠥᠬᠢᠨ ᠢ ᠯᠡ ᠾᠧ ᠥᠭᠡᠷᠡ ᠠᠴᠢᠶᠠᠨ ᠳᠡᠭᠡᠷᠡ ᠳᠣᠯᠣᠳᠤᠭᠠᠷ ᠬᠠᠲᠤᠨ ᠤ᠋ ᠶᠠᠭᠤᠮᠠ ᠶ᠋ᠢ ᠬᠠᠷᠠᠵᠤ ᠶᠠᠪᠤᠪᠠ᠃ ᠮᠣᠩᠭᠣᠯ ᠤ᠋ᠨ ᠣᠲ᠋ᠷᠢᠶᠠᠳ᠋ ᠤᠮᠠᠷᠠ ᠪᠠ ᠥᠷᠥᠨᠡ ᠵᠦᠭ ᠦᠶᠡᠷ ᠮᠡᠲᠦ ᠶᠠᠪᠤᠵᠤ ᠵᠠᠮ ᠳ᠋ᠤ᠌ ᠲᠣᠬᠢᠶᠠᠯᠳᠤᠭᠰᠠᠨ ᠰᠠᠭᠤᠷᠢᠨ ᠲᠣᠰᠬᠣᠨ ᠨᠤᠭᠤᠳ ᠢ᠋ ᠳᠠᠭᠠᠷᠢᠨ ᠥᠩᠭᠡᠷᠡᠪᠡ᠃ ᠪᠠᠢᠯᠳᠤᠭᠴᠢ ᠨᠠᠷ ᠪᠠᠢᠰᠢᠩ ᠪᠦᠷᠢ ᠶ᠋ᠢᠨ ᠡᠪᠳᠡᠷᠬᠡᠢ ᠶ᠋ᠢ ᠤᠩᠬᠢᠯᠠᠨ ᠠᠯᠴᠢᠭᠤᠷ᠂ ᠥᠮᠥᠳᠥ᠂ ᠴᠠᠮᠴᠠ᠂ ᠳᠡᠪᠡᠯ ᠲᠡᠷᠢᠭᠦᠲᠡᠨ ᠢ᠋ ᠰᠡᠭᠰᠦᠷᠴᠦ ᠴᠥᠮ ᠬᠡᠷᠡᠭ ᠲᠡᠢ ᠤᠴᠢᠷ ᠥᠪᠡᠷ ᠦ᠋ᠨ ᠱᠤᠤᠮᠠᠵᠠᠨ ᠳ᠋ᠤ᠌ ᠬᠢᠬᠦ ᠪᠤᠶᠤ ᠣᠲ᠋ᠷᠢᠶᠠᠳ᠋ ᠤ᠋ᠨ ᠬᠣᠢᠨᠠ ᠠ᠋ᠴᠠ ᠳᠠᠭᠠᠵᠤ ᠶᠠᠪᠤᠬᠤ ᠠᠴᠢᠶᠠᠨ ᠳ᠋ᠤ᠌ ᠥᠭᠭᠦᠨᠡ᠃ ᠮᠣᠩᠭᠣᠯᠴᠤᠳ ᠲᠠᠷᠢᠶᠠᠨ ᠤ᠋ ᠦᠷᠡ ᠶ᠋ᠢ ᠳᠡᠭᠡᠷᠡᠮᠳᠡᠨ ᠠᠪᠴᠤ ᠥᠪᠡᠷᠰᠡᠳ ᠦ᠋ᠨ ᠲᠣᠭᠣᠭᠠᠨ ᠳ᠋ᠤ᠌ ᠬᠠᠭᠤᠷᠬᠤ ᠪᠤᠶᠤ ᠴᠢᠨᠠᠬᠤ ᠵᠡᠷᠭᠡ ᠪᠡᠷ ᠭᠠᠯ ᠢ᠋ᠶ᠋ᠠᠨ ᠲᠣᠭᠣᠷᠢᠵᠤ ᠢᠳᠡᠨᠡ᠃ ᠥᠷᠯᠥᠭᠡᠨ ᠦ᠌ ( ᠡᠴᠡ ) ᠦᠳᠡ ᠪᠣᠯᠤᠭᠠᠳ ᠪᠠᠢᠬᠤ ᠦᠶᠡ ᠳ᠋ᠦ᠍ ᠪᠠᠲᠤ ᠬᠠᠭᠠᠨ ᠮᠡᠳᠡᠷᠡᠯ ᠣᠷᠣᠵᠤ ᠰᠡᠷᠭᠦᠯᠡᠩ ᠭᠡᠭᠴᠢ ᠪᠣᠰᠴᠤ ᠭᠠᠢᠬᠠᠨ ᠬᠠᠷᠠᠨᠠ᠃ ᠴᠢᠷᠭᠠᠨ ᠤ᠋ ᠳᠡᠷᠭᠡᠳᠡ ᠨᠢ ᠠᠮᠠᠨ ᠳ᠋ᠤᠨᠢ ᠬᠡᠦᠳᠡᠢ ᠳᠡᠭᠦᠵᠢᠯᠡᠵᠦ ᠤᠶᠠᠭᠰᠠᠨ ᠮᠣᠷᠢ ᠵᠣᠭᠰᠣᠨᠠ᠂ ᠴᠠᠰᠤᠨ ᠳᠡᠭᠡᠷᠡ ᠸᠠᠨᠳᠧᠦ ᠶ᠋ᠢᠨ ᠦᠷᠡ ᠰᠠᠴᠤᠵᠤ ᠪᠥᠭᠡᠮ ᠡᠪᠡᠰᠦ ᠲᠠᠯᠪᠢᠵᠠᠢ᠃ ᠴᠢᠷᠭᠠᠨ ᠳᠣᠲᠣᠷᠠ ᠪᠢᠴᠢᠬᠠᠨ ᠡᠬᠡᠨᠡᠷ ᠡᠪᠬᠡᠷᠡᠨ ᠰᠠᠭᠤᠵᠤ ᠦᠰᠦᠲᠡᠢ ᠮᠠᠯᠠᠭᠠᠢ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠵᠢᠷᠪᠡᠭᠡᠷ ᠨᠢᠳᠦ ᠪᠡᠷ ᠬᠠᠷᠠᠨᠠ᠃ ᠪᠠᠲᠤ ᠬᠠᠭᠠᠨ ᠡᠷᠭᠢᠵᠦ ᠬᠠᠷᠠᠪᠠᠯ᠂ ᠬᠣᠯᠠ ᠪᠤᠰᠤ ᠭᠠᠵᠠᠷ ᠨᠠᠷᠠᠰᠤᠨ ᠣᠢ ᠡᠬᠢᠯᠡᠨᠡ᠃ ᠪᠠᠯ ᠳᠡᠭᠡᠷᠡ ᠭᠠᠯ ᠤ᠋ᠨ ᠤᠲᠤᠭᠠ ᠮᠠᠨᠠᠷᠠᠵᠤ ᠣᠯᠠᠨ ᠬᠥᠮᠦᠨ ᠦᠵᠡᠭᠳᠡᠨ ᠮᠣᠷᠢᠨ ᠴᠡᠷᠢᠭ ᠦ᠋ᠳ ᠶᠠᠪᠤᠨᠠ᠃ ᠴᠢᠨᠠᠳᠤ ᠲᠣᠰᠬᠣᠨ ᠤ᠋ ᠵᠠᠬᠠ ᠦᠵᠡᠭᠳᠡᠬᠦ ᠪᠥᠭᠡᠳ ᠪᠠᠢᠰᠢᠩ ᠤ᠋ᠳ ᠰᠢᠲᠠᠵᠤ ᠪᠣᠢ ᠲᠣᠳᠣᠬᠠᠨ ᠳᠥᠯᠥ ᠬᠠᠷᠠᠭᠳᠠᠨᠠ᠃ ᠬᠥᠮᠦᠨ ᠦ᠌ ᠪᠠᠷᠬᠢᠷᠠᠬᠤ᠂ ᠨᠣᠬᠠᠢ ᠶ᠋ᠢᠨ ᠬᠤᠴᠠᠬᠤ ᠲᠣᠳᠣᠬᠠᠨ ᠰᠣᠨᠣᠰᠳᠠᠨᠠ᠃
— ᠪᠢᠳᠡ ᠬᠠᠮᠢᠭᠠ ᠪᠠᠢᠨᠠ? ᠭᠡᠵᠦ ᠪᠠᠲᠤ ᠬᠠᠭᠠᠨ ᠠᠰᠠᠭᠤᠪᠠ᠃ ᠦᠰᠦᠲᠡᠢ ᠮᠠᠯᠠᠭᠠᠢ ᠡᠮᠦᠰᠦᠭᠰᠡᠨ ᠴᠡᠷᠢᠭ ᠬᠥᠳᠡᠯᠦᠯ ᠦᠭᠡᠢ ᠵᠣᠭᠰᠣᠵᠤ ᠤᠷᠤᠭᠤᠯ ᠢ᠋ᠶ᠋ᠠᠨ ᠬᠥᠳᠡᠯᠭᠡᠨ ᠶᠠᠳᠠᠵᠤ᠂
— ᠮᠥᠨᠥᠬᠡᠨ ᠣᠷᠣᠰ ᠤ᠋ᠨ ᠬᠠᠷᠠ ᠪᠥᠬᠡ ᠨᠠᠷ ᠤ᠋ᠨ ᠣᠷᠳᠣᠨ ᠢ᠋ ᠰᠢᠲᠠᠭᠠᠳᠠᠭ ᠬᠣᠲᠠ ᠪᠠᠨ ᠭᠠᠷᠤᠭᠠᠳ ᠪᠢᠳᠡ ᠨᠠᠷ ᠡᠳᠦᠷ ᠦ᠋ᠨ ᠢ᠋ᠶ᠋ᠡᠨ ᠲᠠᠪᠰᠢᠯᠲᠠ ᠳ᠋ᠤ᠌ ᠶᠠᠪᠤᠵᠤ ᠪᠠᠢᠨᠠ᠃
— ᠡᠨᠡ ᠶᠠᠮᠠᠷ ᠲᠣᠰᠬᠣᠨ ᠭᠡᠭᠴᠢ ᠪᠣᠢ?
— ᠭᠠᠢᠬᠠᠯᠲᠠᠢ ᠲᠣᠰᠬᠣᠨ᠂ ᠣᠷᠣᠰ ᠤ᠋ᠳ ᠪᠠᠭᠤᠵᠤ ᠥᠭᠬᠦ ᠦᠭᠡᠢ ᠰᠦᠬᠡ ᠪᠠᠷᠢᠵᠤ ᠴᠣᠬᠢᠯᠴᠠᠭᠰᠠᠭᠠᠷ ᠮᠠᠨ ᠤ᠋ ᠴᠡᠷᠢᠭ ᠦ᠋ᠳ ᠡᠴᠡ ᠳᠠᠷᠤᠢ ᠣᠯᠠᠨ ᠢ᠋ ᠠᠯᠠᠪᠠ᠂ ᠲᠡᠷᠡ ᠵᠠᠨᠤᠯᠲᠤ ᠡᠲᠡᠭᠡᠳ ᠦ᠋ᠨ ᠬᠣᠢᠨᠠ ᠠ᠋ᠴᠠ ᠪᠢᠳᠡ ᠬᠥᠭᠡᠭᠡᠴᠡᠯᠳᠦᠵᠦ ᠶᠠᠪᠤᠨᠠ᠃ ᠬᠠᠷᠢᠨ ᠲᠡᠳᠡᠨᠡᠷ ᠦᠯᠦ ᠠᠪᠲᠠᠭᠳᠠᠨᠠ ᠭᠡᠭᠴᠢ ᠪᠡᠨ ᠶᠡᠷᠦ ᠬᠠᠷᠠᠬᠤ ᠦᠭᠡᠢ ᠬᠣᠣᠷ ᠢᠳᠡᠭᠰᠡᠨ ᠴᠢᠨᠣᠠ ᠮᠡᠲᠦ ᠶᠠᠷᠳᠠᠭᠯᠠᠨᠠ᠃
— ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠬᠠᠮᠢᠭᠠ ᠪᠠᠢᠨᠠ?
— ᠲᠡᠷᠡ! ᠬᠣᠯᠠ ᠪᠤᠰᠤ ᠭᠠᠯ ᠤ᠋ᠨ ᠳᠡᠷᠭᠡᠳᠡ᠂ ᠲᠡᠨᠳᠡ ᠲᠥᠪᠡᠳ ᠦ᠋ᠨ ᠨᠣᠶᠠᠳ ᠨᠠᠷ ᠤ᠋ᠨ ᠬᠠᠮᠲᠤ ᠪᠠᠢᠨᠠ᠂
— ᠳᠠᠭᠤᠳᠠ! ( ᠭᠡᠪᠡᠯ )
ᠴᠡᠷᠢᠭ ᠭᠠᠷ ᠢ᠋ᠶ᠋ᠠᠨ ᠠᠮᠠᠨ ᠳ᠋ᠠᠭᠠᠨ ᠪᠠᠷᠢᠵᠤ᠂
— ᠳᠠᠭᠠᠭᠲᠤᠨ! ᠪᠢᠰᠢᠷᠡᠭᠲᠦᠨ! ᠵᠠᠩᠵᠤᠨ ᠰᠡᠷᠢᠵᠡᠢ ᠭᠡᠵᠦ ᠪᠠᠷᠬᠢᠷᠠᠪᠠ᠃
ᠮᠣᠩᠭᠣᠯ ᠤ᠋ᠨ ᠪᠠᠢᠯᠳᠤᠭᠠᠨ ᠤ᠋ ᠤᠳᠤᠷᠢᠳᠤᠭᠴᠢᠳ ᠲᠦᠷᠭᠡᠨ ᠪᠣᠰᠤᠨ ᠬᠠᠷᠠᠢᠵᠤ ᠴᠢᠷᠭᠠᠨ ᠤ᠋ ᠳᠡᠷᠭᠡᠳᠡ ᠭᠦᠶᠦᠨ ᠬᠦᠷᠴᠦ ᠲᠡᠭᠦᠨ ᠢ᠋ ᠴᠢᠷᠭᠠᠨ ᠠ᠋ᠴᠠ ᠭᠠᠷᠭᠠᠵᠤ᠂ ᠭᠠᠯ ᠳᠡᠭᠡᠷᠡ ᠠᠪᠴᠢᠷᠠᠪᠠ᠃ ᠪᠠᠲᠤ ᠬᠠᠭᠠᠨ ᠪᠦᠭᠦᠳᠡ ᠶ᠋ᠢᠨ ᠳᠡᠭᠡᠷᠡ ᠡᠴᠡ ᠦᠯᠦ ᠢᠲᠡᠭᠡᠬᠦ ᠰᠢᠨᠵᠢᠲᠡᠢ ᠪᠡᠷ ᠪᠥᠬᠥᠢᠨᠡ᠂ ᠲᠡᠭᠡᠭᠡᠳ ᠴᠢᠷᠭᠠᠨ ᠠ᠋ᠴᠠ ᠪᠠᠨ ᠭᠠᠷᠴᠤ ᠬᠠᠨᠴᠤᠢ ᠪᠠᠨ ᠰᠢᠮᠠᠯᠵᠦ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠶᠠᠪᠠᠭᠠᠨ ᠰᠠᠭᠤᠭᠠᠳ ᠰᠢᠪᠠᠷ ᠰᠢᠷᠣᠢ ᠪᠣᠯᠵᠤ ᠬᠠᠷᠠᠯᠠᠭᠰᠠᠨ ᠠᠯᠠᠭᠠ ᠪᠠᠨ ᠡᠭᠡᠭᠡᠨᠡ᠃ ᠠᠪᠤᠷᠠᠯᠲᠤ ᠬᠥᠮᠦᠨ ᠦ᠌ ᠦᠭᠡ ᠳᠤᠤᠭᠠᠷᠬᠤ ᠶ᠋ᠢ ᠬᠦᠯᠢᠶᠡᠵᠦ᠂ ᠨᠣᠶᠠᠳ ᠰᠢᠳᠠᠷᠴᠤᠳ ᠬᠦᠷᠢᠶᠡᠯᠡᠨ ᠵᠣᠭᠰᠣᠨᠠ᠃
ᠪᠠᠲᠤ ᠬᠠᠭᠠᠨ ᠪᠣᠰᠪᠠ᠃ ᠴᠥᠮ ᠪᠠᠢᠷᠢ ᠪᠠᠢᠷᠢᠨ ᠳ᠋ᠠᠭᠠᠨ ᠴᠢᠪ ᠴᠢᠮᠡᠭᠡ ᠦᠭᠡᠢ ᠪᠣᠯᠪᠠ᠃
一 ᠬᠠᠷᠠ ᠯᠠᠮᠠ ᠨᠠᠷ ᠤ᠋ᠳ ᠨᠠᠳᠠᠳᠤ ᠠᠷᠠᠰᠤ ᠡᠪᠡᠰᠦ ᠪᠡᠷ ᠨᠡᠷᠡᠭᠰᠡᠨ ᠢᠳᠢ( ᠷᠢᠳᠢ ) ᠰᠢᠳᠢ ᠲᠡᠢ ᠤᠮᠳᠠᠭᠠ ᠥᠭᠴᠡᠢ᠃ ᠬᠡᠳᠦᠢ ᠲᠡᠢᠮᠦ ᠪᠣᠯᠪᠠᠴᠤ ᠪᠢ ᠦᠬᠦᠭᠰᠡᠨ ᠦᠭᠡᠢ᠂ ᠪᠤᠷᠬᠠᠨ ᠨᠠᠮᠠᠶ᠋ᠢ ᠮᠣᠩᠭᠣᠯ ᠤ᠋ᠨ ᠠᠯᠳᠠᠷ ᠢ᠋ ᠮᠠᠨᠳᠤᠭᠤᠯᠬᠤ ᠶᠡᠬᠡ ᠬᠡᠷᠡᠭ ᠲᠦ᠍ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠪᠠ᠃ ᠮᠢᠨᠦ ᠰᠦᠨᠡᠰᠦ ᠨᠡᠭᠡᠭᠡᠯᠲᠡ ᠲᠡᠢ ᠠᠮᠠ ᠪᠠᠷ ᠭᠠᠷᠴᠤ ᠮᠢᠨᠦ ᠡᠪᠦᠭᠡ ᠡᠴᠢᠭᠡ ᠠᠷᠢᠭᠤᠨ ᠡᠵᠡᠨ ᠦ᠌ ᠵᠠᠬᠢᠷᠴᠤ ᠪᠠᠢᠭᠠ ᠬᠦᠷᠢᠶᠡᠨ ᠦ᠌ ᠬᠢᠵᠠᠭᠠᠷ ᠦᠭᠡᠢ ᠬᠥᠬᠡ ᠣᠭᠲᠠᠷᠭᠤᠢ ᠶ᠋ᠢᠨ ᠳᠣᠲᠣᠷᠠ ᠨᠠᠮᠠᠶ᠋ᠢ ᠠᠪᠴᠤ ᠨᠢᠰᠪᠡ᠃ ᠪᠢ ᠪᠠᠰᠠ ᠲᠡᠭᠦᠨ ᠲᠡᠢ ᠤᠴᠠᠷᠠᠪᠠ᠂ ᠴᠥᠮ ᠢ᠋ᠶ᠋ᠡᠷ《 ᠪᠤ 》 ᠭᠡᠵᠦ ᠳᠤᠤᠭᠠᠷᠴᠤ ᠭᠠᠷ ᠢ᠋ᠶ᠋ᠠᠨ ᠬᠠᠪᠰᠤᠷᠴᠤ ᠳᠠᠬᠢᠨ ᠴᠢᠮᠡᠭᠡ ᠦᠭᠡᠢ ᠪᠣᠯᠪᠠ᠃ ᠲᠡᠢᠮᠦ ᠠ᠋! ᠪᠢ ᠲᠡᠭᠦᠨ ᠢ᠋ ᠦᠵᠡᠯᠡ᠂ ᠪᠦᠷ ᠴᠦ᠍ ᠥᠨᠳᠥᠷ ᠪᠣᠯᠤᠭᠰᠠᠨ ᠪᠠ ᠪᠡᠶᠡ ᠨᠢ ᠥᠷᠭᠡᠨ ᠪᠣᠯᠵᠤ ᠴᠠᠭᠠᠨ ᠰᠠᠬᠠᠯ ᠨᠢ ᠤᠯᠠᠮ ᠤᠷᠲᠤ ᠪᠣᠯᠤᠨ ᠡᠪᠦᠳᠦᠭ ᠢ᠋ᠶ᠋ᠡᠨ ᠬᠦᠷᠬᠦ ᠳ᠋ᠦ᠍ ᠣᠢᠷᠠᠲᠤᠵᠠᠢ᠂ ᠲᠡᠭᠦᠨ ᠦ᠌ ᠥᠭᠦᠯᠡᠬᠦ ᠨᠢ᠄
一 ᠮᠢᠨᠦ ᠠᠴᠢ ᠬᠦᠦ ᠴᠢ᠂ ᠮᠢᠨᠦ ᠬᠡᠷᠡᠭ ᠢ᠋ ᠰᠠᠢᠨ ᠵᠠᠯᠭᠠᠮᠵᠢᠯᠠᠵᠤ ᠪᠠᠢᠨᠠ᠂ ᠠᠯᠲᠠᠨ ᠠᠪᠰᠠᠨ ᠳ᠋ᠤ᠌ ᠬᠢᠵᠦ ᠪᠤᠷᠬᠠᠨ一 ᠭᠠᠯᠳᠠᠨ ᠭᠡᠳᠡᠭ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠳᠣᠣᠷᠠ ᠣᠷᠣᠰᠢᠭᠤᠯᠤᠭᠰᠠᠨ ᠮᠢᠨᠦ ᠱᠠᠷᠢᠯ ᠠ᠋ᠴᠠ ᠪᠠᠷᠠᠭᠤᠨ ᠲᠠᠰᠢ ᠶᠠᠪᠤᠵᠤ ᠶᠢᠰᠦᠨ ᠵᠠᠭᠤᠨ ᠶᠡᠷᠡ ᠶᠢᠰᠦᠨ ᠳᠡᠪᠰᠢᠯᠲᠡ ᠶ᠋ᠢ ᠬᠢᠵᠡᠢ᠃ ᠪᠢ ᠴᠥᠮ ᠢ᠋ ᠦᠵᠡᠵᠦ ᠮᠡᠳᠡᠵᠦ ᠪᠠᠢᠨᠠ᠃ ᠴᠢ ᠮᠢᠨᠦ ᠪᠠᠭᠠ ᠬᠦᠦ ᠺᠶᠥ᠋ᠯᠺᠡᠨ( ᠭᠦᠯᠭᠡᠨ ) ᠬᠠᠭᠠᠨ ᠢ᠋ ᠠᠷᠠᠴᠢᠯᠠᠭᠰᠠᠨ ᠦᠭᠡᠢ᠂ ᠶᠠᠭᠤᠨ ᠳ᠋ᠤ᠌ ᠴᠢ ᠠᠷᠠᠴᠢᠯᠠᠭᠰᠠᠨ ᠦᠭᠡᠢ ᠪᠣᠢ? ᠭᠡᠬᠦ ᠳ᠋ᠦ᠍᠂
— ᠪᠢ ᠴᠢᠨᠦ ᠮᠠᠲᠠᠯ ᠳ᠋ᠤ᠌ ᠪᠠᠢᠨᠠ᠂ ᠡᠨᠡ ᠲᠤᠬᠠᠢ ᠮᠢᠨᠦ ᠪᠤᠷᠤᠭᠤ ᠶ᠋ᠢ ᠶᠠᠯᠠᠯᠠᠵᠤ ᠪᠣᠯᠤᠨᠠ᠂ ᠪᠢ ᠪᠢᠰᠢᠷᠡᠨ ᠳᠠᠭᠠᠶᠠ ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ᠃
一 ᠴᠢᠮᠠ ᠶ᠋ᠢ ᠶᠠᠯᠠᠯᠠᠬᠤ ᠳ᠋ᠤ᠌ ᠠᠷᠠᠢ ᠡᠷᠲᠡ ᠪᠠᠢᠨᠠ᠂ ᠺᠶᠦ᠋ᠯᠺᠡᠨ( ᠬᠥᠯᠭᠡᠨ) ᠬᠠᠭᠠᠨ ᠤ᠋ ᠦᠬᠦᠬᠦ ᠴᠠᠭ ᠲᠸ᠋ ᠴᠢ ᠬᠣᠯᠠ ᠪᠠᠢᠭᠰᠠᠨ ᠪᠥᠯᠥᠭᠡ ᠭᠡᠵᠦ ᠠᠷᠢᠭᠤᠨ ᠡᠵᠡᠨ ᠬᠠᠷᠢᠭᠤ ᠥᠭᠭᠦᠭᠡᠳ᠂
一 ᠨᠢᠭᠡᠳᠦᠭᠡᠷ ᠲᠦ᠍ ᠪᠢ ᠥᠪᠡᠷ ᠦ᠋ᠨ ᠬᠦᠦ ᠶ᠋ᠢ ᠠᠯᠠᠭᠰᠠᠨ ᠡᠲᠡᠭᠡᠳ ᠢ᠋ ᠶᠠᠯᠠᠯᠠᠬᠤ ᠶᠣᠰᠣᠲᠠᠢ᠂ ᠺᠶᠦ᠋ᠯᠺᠡᠨ( ᠬᠥᠯᠭᠡᠨ) ᠬᠠᠭᠠᠨ ᠣᠳᠣ ᠬᠦᠷᠲᠡᠯᠡ ᠨᠠᠳᠠ ᠳᠡᠭᠡᠷᠡ ᠨᠢᠭᠡ ᠴᠦ᠍ ᠢᠷᠡᠭᠰᠡᠨ ᠦᠭᠡᠢ᠂ ᠲᠡᠭᠦᠨ ᠦ᠌ ᠰᠦᠨᠡᠰᠦ ᠣᠷᠣᠰ ᠤ᠋ᠨ ᠬᠦᠢᠲᠡᠨ ᠴᠠᠰᠤᠲᠠᠢ ᠲᠠᠯᠠ ᠪᠠᠷ ᠶᠠᠪᠤᠵᠤ ᠣᠢ ᠳᠣᠲᠣᠷᠠ ᠭᠦᠶᠦᠨ ᠴᠢᠨᠣᠠ ᠮᠡᠲᠦ ᠣᠯᠢᠨᠠ᠂ ᠰᠥᠨᠢ ᠤᠨᠲᠠᠵᠤ ᠪᠦᠬᠦᠢ ᠮᠣᠩᠭᠣᠯᠴᠤᠳ ᠤ᠋ᠨ ᠳᠤᠮᠳᠠᠭᠤᠷ ᠶᠠᠪᠤᠵᠤ ᠥᠪᠡᠷ ᠢ᠋ ᠪᠡᠨ( ᠨᠢ) ᠠᠯᠠᠭᠰᠠᠨ ᠬᠥᠮᠦᠨ ᠢ᠋ ᠡᠷᠢᠨᠡ᠃ ᠺᠶᠦ᠋ᠯᠺᠡᠨ ᠬᠠᠭᠠᠨ ᠤ᠋ ᠰᠦᠨᠡᠰᠦ( ᠨᠢ ) 《 ᠪᠢ ᠠᠯᠳᠠᠷ ᠭᠠᠪᠢᠶᠠ ᠪᠠᠢᠭᠤᠯᠬᠤ ᠶ᠋ᠢ ᠬᠦᠰᠡᠭᠰᠡᠨ ᠪᠣᠯᠪᠠᠴᠤ ᠨᠠᠰᠤ ᠵᠠᠯᠠᠭᠤ ᠪᠠᠷ ᠨᠡᠷᠡ ᠳ᠋ᠦ᠍ ᠭᠠᠷᠤᠯ ᠦᠭᠡᠢ ᠪᠡᠷ ᠦᠬᠦᠪᠡ᠃ ᠬᠡᠨ ᠴᠦ᠍ ᠵᠠᠯᠠᠭᠤ ᠺᠶᠦ᠋ᠯᠺᠡᠨ ( ᠭᠦᠯᠭᠡᠨ ) ᠬᠠᠭᠠᠨ ᠤ᠋ ᠲᠤᠬᠠᠢ ᠳᠠᠭᠤᠤ ᠦᠯᠦ ᠳᠠᠭᠤᠯᠠᠨᠠ ( ᠭᠡᠵᠦ ᠪᠠᠢᠨᠠ )᠃ᠮᠣᠩᠭᠣᠯᠴᠤᠳ ᠦᠢᠯᠡᠳᠴᠦ ᠮᠠᠨ ᠤ᠋ ᠳᠠᠢᠰᠤᠨ ᠨᠤᠭᠤᠳ ᠢᠮᠠᠭᠲᠠ ᠶᠠᠷᠢᠯᠴᠠᠬᠤᠢᠴᠠ ᠠᠯᠳᠠᠷᠲᠤ ᠲᠠᠪᠰᠢᠯᠲᠠ ᠨᠤᠭᠤᠳ一 ᠲᠡᠭᠦᠨ ᠢ᠋ᠶ᠋ᠡᠷ ᠮᠠᠨ ᠤ᠋ ᠠᠴᠢ ᠨᠠᠷ ᠪᠠ ᠠᠴᠢ ᠶ᠋ᠢᠨ ᠠᠴᠢ ᠨᠠᠷ ᠪᠠᠷᠳᠠᠮᠨᠠᠬᠤ ᠴᠠᠭ ᠢᠷᠡᠬᠦ ᠡᠴᠡ ᠨᠡᠰᠢ ᠮᠢᠨᠦ ᠰᠡᠳᠬᠢᠯ ᠠᠮᠠᠷᠠᠬᠤ ᠦᠭᠡᠢ ᠭᠡᠵᠦ ᠤᠬᠢᠯᠠᠵᠤ ᠶᠠᠪᠤᠨᠠ 》ᠭᠡᠳ ᠪᠠᠲᠤ ᠬᠠᠭᠠᠨ ᠭᠥᠯᠢᠢᠵᠦ ᠳᠠᠭᠤ ᠦᠭᠡᠢ ᠪᠣᠯᠵᠤ᠂ ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠵᠣᠭᠰᠣᠬᠤ ᠪᠠᠢᠯᠳᠤᠭᠠᠨ ᠤ᠋ ᠤᠳᠤᠷᠢᠳᠤᠭᠴᠢᠳ ᠢ᠋ ᠤᠢᠳᠬᠠᠷᠲᠠᠢ ᠬᠠᠷᠠᠴᠠ ᠪᠠᠷ ᠠᠵᠢᠭᠯᠠᠨᠠ᠃
— ᠲᠠᠨᠠᠷ ᠠᠷᠢᠭᠤᠨ ᠡᠵᠡᠨ ᠦ᠌ ᠬᠡᠯᠡᠭᠰᠡᠨ ᠢ᠋ ᠰᠣᠨᠣᠰᠪᠠ ᠤᠤ?
— ᠰᠣᠨᠣᠰᠤᠯᠠ᠂ ᠪᠠᠰᠠ ᠣᠢᠯᠠᠭᠠᠯᠠ ᠭᠡᠵᠦ ᠮᠣᠩᠭᠣᠯᠴᠤᠳ ᠵᠥᠭᠡᠯᠡᠨ ᠳᠠᠭᠤ ᠪᠠᠷ ᠬᠠᠷᠢᠭᠤᠯᠤᠨᠠ᠃
— ᠪᠢ ᠠᠭᠤᠤ ᠶᠡᠬᠡ ᠤᠳᠤᠷᠢᠳᠤᠭᠴᠢᠳ ᠢ᠋ᠶ᠋ᠠᠨ《 ᠶᠣᠰᠣᠴᠢᠯᠠᠨ ᠳᠠᠭᠠᠶᠠ! ᠪᠢ ᠭᠠᠰᠢᠭᠤᠨ ᠠᠯᠳᠠᠭᠠ ᠪᠠᠨ ᠵᠠᠰᠠᠶᠠ᠂ ᠺᠶᠦ᠋ᠯᠺᠡᠨ( ᠭᠦᠯᠭᠡᠨ ) ᠬᠠᠭᠠᠨ ᠤ᠋ ᠰᠡᠭᠦᠳᠡᠷ᠂ ᠭᠠᠵᠠᠷ ᠳᠡᠭᠡᠷᠡ ᠵᠠᠩᠵᠤᠨ ᠣᠷᠣᠰᠢᠵᠤ᠂ ᠴᠢᠨᠦ ᠲᠩᠷᠢ ᠢᠵᠠᠭᠤᠷᠲᠤ ᠣᠯᠠᠨ ᠴᠡᠷᠢᠭ ᠦ᠋ᠳ ᠲᠦ᠍ ᠪᠠᠭᠲᠠᠬᠤ ᠪᠠᠷ ᠳᠠᠯᠠᠪᠴᠢᠲᠤ ᠮᠣᠷᠢ ᠪᠠᠷ ᠨᠢᠰᠦᠨ ᠣᠴᠢᠨᠠ ! 》ᠭᠡᠵᠦ ᠬᠡᠯᠡᠭᠰᠡᠨ᠃
ᠥᠷᠭᠡᠨ ᠮᠣᠩᠭᠣᠯ ᠭᠤᠲᠤᠯ ᠢ᠋ᠶ᠋ᠠᠨ ᠰᠠᠷᠴᠢᠭᠢᠨᠠᠭᠤᠯᠤᠨ ᠰᠥᠪᠡᠭᠡᠲᠡᠢ ᠪᠠᠭᠠᠲᠤᠷ ᠬᠦᠷᠴᠦ ᠢᠷᠡᠭᠡᠳ ᠵᠣᠭᠰᠣᠵᠤ ᠡᠪᠦᠭᠡᠨ ᠵᠠᠩᠵᠤᠨ ᠲᠣᠯᠣᠭᠠᠢ ᠪᠠᠨ ᠳᠣᠬᠢᠵᠤ᠄
一 ᠵᠥᠪ᠁ ᠴᠢᠨᠦ ᠬᠡᠯᠡᠳᠡᠭ ᠵᠥᠪ᠂ ᠪᠢᠳᠡ ᠶᠠᠭ ᠲᠡᠭᠡᠬᠦ ᠪᠣᠯᠤᠨᠠ᠃
一 ᠺᠶᠥ᠋ᠯᠺᠡᠨ( ᠭᠦᠯᠭᠡᠨ) ᠬᠠᠭᠠᠨ ᠨᠠᠰᠤ ᠪᠠᠷᠠᠬᠤ ᠡᠳᠦᠷ ᠬᠡᠨ ᠲᠡᠭᠦᠨ ᠦ ᠳᠡᠷᠭᠡᠳᠡ ᠪᠠᠢᠭᠰᠠᠨ ᠪᠣᠢ?
一 ᠲᠦᠮᠡᠲᠦ ᠶ᠋ᠢᠨ ᠨᠣᠶᠠᠨ ᠪᠣᠷᠤᠨᠳᠠᠢ ᠭᠡᠵᠦ ᠪᠦᠭᠦᠳᠡᠭᠡᠷ ᠳᠤᠤᠭᠠᠷᠪᠠ᠃
一 ᠲᠦᠮᠡᠲᠦ ᠶ᠋ᠢᠨ ᠨᠣᠶᠠᠨ ᠪᠣᠷᠤᠨᠳᠠᠢ ᠬᠠᠮᠢᠭᠠ ᠪᠠᠢᠨᠠ? ᠦᠰᠦ ᠦᠭᠡᠢ ᠪᠥᠭᠡᠳ ᠭᠣᠵᠢᠭᠢᠷ ᠰᠢᠷᠠ ᠴᠢᠷᠠᠢᠲᠠᠢ᠂ ᠥᠨᠳᠥᠷ ᠪᠥᠭᠡᠳ ᠪᠥᠭᠲᠥᠷ ᠮᠣᠩᠭᠣᠯ᠂ ᠥᠷᠥᠭᠡᠰᠦᠨ ᠡᠪᠦᠳᠦᠭ ᠳᠡᠭᠡᠷᠡ ᠰᠥᠬᠥᠷᠡᠵᠦ᠂
一 ᠲᠡᠷᠡ ᠪᠣᠯ ᠮᠢᠨᠦ ᠪᠤᠷᠤᠭᠤ! ᠪᠢ ᠰᠠᠢᠨ ᠬᠠᠷᠠᠵᠤ ᠵᠠᠪᠳᠤᠭᠠ ᠦᠭᠡᠢ! ᠭᠡᠪᠡ᠃
ᠪᠠᠲᠤ ᠬᠠᠭᠠᠨ ᠬᠢᠯᠢᠩᠨᠡᠭᠰᠡᠨ ᠴᠢᠷᠠᠢ ᠪᠠᠷ ᠲᠡᠭᠦᠨ ᠤᠷᠤᠭᠤ ᠣᠢᠷᠠᠲᠤᠨ ᠣᠴᠢᠵᠤ ᠂
一 ᠡᠭᠦᠨ ᠦ᠌ ᠲᠥᠯᠥᠭᠡ ᠴᠢ ᠡᠰᠡᠪᠡᠯ ᠲᠥᠯᠥᠬᠦ ᠬᠡᠷᠡᠭᠲᠡᠢ᠂ ᠡᠰᠡᠪᠡᠯ ᠦᠬᠦᠨᠡ! ᠪᠢ ᠴᠢᠮᠠᠲᠤ ᠳᠠᠭᠠᠭᠠᠯᠭᠠᠪᠤᠷᠢ ᠥᠭᠭᠦᠨᠡ᠂ ᠴᠢ ᠲᠡᠭᠦᠨ ᠢ᠋ ᠭᠦᠢᠴᠡᠳᠬᠡᠬᠦ ᠡᠴᠡ ᠨᠠᠰᠢ ᠡᠷᠭᠢᠵᠦ ᠦᠯᠦ ᠪᠣᠯᠤᠨᠠ᠃ ᠥᠪᠡᠷ ᠦ᠋ᠨ ᠲᠦᠮᠡᠨ ᠴᠡᠷᠢᠭ ᠪᠠ ᠴᠢᠮᠠᠲᠤ ᠬᠠᠮᠢᠶᠠᠷᠤᠭᠳᠠᠬᠤ ᠺᠢᠫᠴᠠᠺ ᠤ᠋ᠳ ᠤ᠋ᠨ ᠬᠠᠮᠲᠤ ᠳᠠᠰᠢ ᠣᠳᠬᠤ ᠪᠣᠯᠤᠨᠠ! ᠭᠡᠵᠦ ᠪᠠᠲᠤ ᠬᠠᠭᠠᠨ ᠥᠷᠭᠡᠨ ᠪᠥᠭᠡᠳ ᠪᠠᠷᠲᠠᠭᠠ ᠦᠭᠡᠢ ᠴᠠᠰᠤᠨ ᠲᠠᠯᠠ ᠶ᠋ᠢ ᠵᠢᠭᠠᠵᠤ᠂
一ᠲᠡᠨᠳᠡ ᠲᠡᠷᠡ ᠬᠠᠷᠠᠯᠠᠵᠤ ᠪᠠᠢᠭᠠ ᠣᠢ ᠶ᠋ᠢᠨ ᠴᠢᠨᠠᠳᠤ ᠬᠥᠯᠳᠡᠭᠦᠦ ᠭᠣᠣᠯ ᠳᠡᠭᠡᠷᠡ ᠪᠠᠢᠭᠠ᠁ ᠭᠡᠲᠡᠯᠡ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ᠂
一 ᠰᠢᠲ ᠭᠣᠣᠯ ᠭᠡᠳ ᠨᠡᠮᠡᠨ ᠬᠡᠯᠡᠪᠡ᠃
一 ᠰᠢᠲ ᠭᠣᠣᠯ ᠳᠡᠭᠡᠷᠡ ᠣᠷᠣᠰ ᠤ᠋ᠨ ᠸᠠᠩ ᠭᠸᠤᠷᠭᠢ ᠪᠠᠢᠯᠳᠤᠭᠠᠨ ᠤ᠋ ᠪᠠᠢᠷᠢ ᠪᠠᠢᠭᠤᠯᠵᠤ ᠪᠠᠢᠨᠠ᠃ ᠴᠢ ᠲᠡᠳᠡᠨᠡᠷ ᠢ᠋ ᠳᠠᠢᠯᠠᠵᠤ ᠢᠷᠡ᠂ ᠣᠷᠣᠰ ᠤ᠋ᠳ ᠲᠠᠰᠢ ᠳᠠᠭᠠᠷᠢᠬᠤ ᠬᠡᠷᠡᠭᠲᠡᠢ! ᠴᠢᠨᠦ ᠪᠠᠢᠯᠳᠤᠭᠴᠢ ᠨᠠᠷ ᠨᠢᠭᠡᠨ ᠠᠯᠬᠤᠮ ᠴᠤ᠌ ᠭᠡᠳᠡᠷᠭᠦ ᠤᠬᠤᠷᠢᠯ ᠦᠭᠡᠢ ᠲᠡᠳᠡᠨᠡᠷ ᠢ᠋ ᠪᠤᠲᠠ ᠴᠣᠬᠢᠨᠠ᠂ ᠴᠢᠨᠦ ᠴᠡᠷᠢᠭ ᠦ᠋ᠳ ᠦ᠋ᠨ ᠡᠮᠦᠨᠡ ᠺᠶᠦᠯᠺᠡᠨ( ᠭᠦᠯᠭᠡᠨ) ᠬᠠᠭᠠᠨ ᠤ᠋ ᠰᠦᠨᠡᠰᠦ ᠶᠠᠭᠠᠷᠠᠪᠴᠢᠯᠠᠨ ᠶᠠᠪᠤᠭᠠ ᠶ᠋ᠢ ᠮᠡᠳᠡᠲᠦᠭᠡᠢ! ᠴᠢ ᠡᠨᠡᠬᠦ ᠢᠯᠠᠯᠲᠠ ᠪᠠᠷ ᠲᠡᠭᠦᠨ ᠢ᠋ ᠲᠠᠢᠪᠤᠰᠢᠷᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠲᠡᠷᠡ ᠴᠠᠭ ᠲᠤ᠌ ᠺᠶᠥ᠋ᠯᠺᠡᠨ( ᠭᠦᠯᠭᠡᠨ) ᠬᠠᠭᠠᠨ ᠥᠪᠡᠷ ᠦ᠋ᠨ ᠡᠴᠢᠭᠡ ᠪᠥᠭᠡᠳ ᠮᠢᠨᠦ ᠡᠪᠦᠭᠡ ᠳ᠋ᠦ᠍ ᠣᠴᠢᠵᠤ ᠮᠣᠩᠭᠣᠯ ᠤ᠋ᠨ ᠰᠢᠨᠡ ᠢᠯᠠᠯᠲᠠ ᠶ᠋ᠢᠨ ᠲᠤᠬᠠᠢ ᠪᠠᠶᠠᠰᠬᠤᠯᠠᠩᠲᠤ ᠮᠡᠳᠡᠭᠡ ᠶ᠋ᠢ ᠰᠣᠨᠣᠰᠬᠠᠨᠠ᠃ ᠬᠡᠷᠪᠡ ᠴᠢ ᠪᠤᠲᠠ ᠴᠣᠬᠢᠭᠳᠠᠵᠤ ᠭᠠᠵᠠᠷ ᠲᠤ᠌ ᠰᠠᠷᠢᠰᠤᠨ ᠪᠠᠭᠪᠠᠭᠠᠢ ᠠᠳᠠᠯᠢ ᠰᠡᠷᠪᠡᠯᠵᠡᠵᠦ ᠪᠠᠢᠬᠤ ᠠᠬᠤᠯᠠ ᠺᠶᠥ᠋ᠯᠺᠡᠨ ( ᠬᠥᠯᠭᠡᠨ ) ᠬᠠᠭᠠᠨ ᠤ᠋ ᠰᠦᠨᠡᠰᠦ ᠨᠢᠰᠦᠨ ᠢᠷᠡᠵᠦ ᠴᠢᠨᠦ ᠨᠢᠳᠦᠨ ᠡᠴᠡ ᠴᠢᠰᠤ ᠶ᠋ᠢ ᠴᠢᠨᠢ ᠰᠣᠷᠣᠨ ᠤᠤᠭᠤᠨᠠ ᠭᠡᠪᠡ᠃
ᠪᠠᠲᠤ ᠬᠠᠭᠠᠨ ᠳᠤᠭᠤᠢ᠂ ᠲᠡᠭᠦᠨ ᠦ᠌ ᠬᠠᠮᠠᠷ ᠰᠠᠷᠲᠠᠢᠨᠠ᠂ ᠬᠦᠴᠦᠲᠡᠢ ᠠᠮᠢᠰᠬᠤᠭᠠᠳᠠᠨ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠤᠷᠤᠭᠤ ᠬᠠᠷᠠᠪᠠ᠂ ᠰᠠᠶᠢᠬᠢ ᠡᠷᠭᠢᠵᠦ ᠬᠠᠵᠠᠭᠤ ᠳᠠᠰᠢ ᠬᠠᠷᠠᠭᠠᠳ᠂
— ᠵᠥᠪ ᠵᠥᠪ ᠭᠡᠵᠦ ᠪᠠᠢᠨ ᠪᠠᠢᠨ ᠥᠭᠦᠯᠡᠪᠡ᠃
— ᠡᠨᠡ ᠰᠥᠨᠢ ᠴᠡᠷᠢᠭ( ᠢ᠋ᠶ᠋ᠡᠷ) ᠢ᠋ᠶ᠋ᠡᠨ ᠳᠠᠭᠠᠷᠢᠨ ᠣᠷᠣᠬᠤ ᠳ᠋ᠤ᠌ ᠪᠡᠯᠡᠬᠡᠨ ᠪᠣᠯᠤᠭᠲᠤᠨ᠂ ᠣᠷᠣᠰ ᠡᠬᠡᠨᠡᠷ ᠦ᠋ᠳ ᠢ᠋ ᠡᠷᠢᠵᠦ ᠶᠠᠪᠤᠳᠠᠭ ᠢ᠋ᠶ᠋ᠠᠨ ᠪᠣᠯᠢᠪᠠᠯ ᠵᠣᠬᠢᠨᠠ᠂ ᠳᠡᠢᠯᠦᠭᠳᠡᠰᠢ ᠦᠭᠡᠢ ᠪᠢᠳᠡ ᠬᠣᠶᠠᠷ ᠲᠤᠰ ᠲᠤᠰ ᠤ᠋ᠨ ᠲᠤᠭ ᠢ᠋ ᠠᠪᠴᠤ ᠲᠠᠨ ᠤ᠋ ᠮᠥᠷ ᠢ᠋ᠶ᠋ᠡᠷ ᠶᠠᠪᠤᠬᠤ ᠶ᠋ᠢ ᠪᠤᠤ ᠮᠠᠷᠲᠠ᠂ ᠪᠢᠳᠡᠨ ᠳ᠋ᠦ᠍ ᠭᠦᠢᠴᠡᠳᠬᠡᠬᠦ ( ᠭᠦᠢᠴᠡᠭᠳᠡᠬᠦ ) ᠦᠭᠡᠢ ᠶ᠋ᠢ ᠬᠢᠴᠢᠶᠡᠭᠲᠦᠨ᠂ ᠬᠡᠷᠪᠡ ᠭᠦᠢᠴᠡᠳᠬᠡᠪᠡᠯ ( ᠭᠦᠢᠴᠡᠭᠳᠡᠪᠡᠯ ) ᠪᠢᠳᠡ ᠲᠡᠷᠢᠭᠦᠨ ᠪᠠᠢᠯᠳᠤᠨ ᠣᠷᠣᠨᠠ᠃
— ᠶᠣᠰᠣᠴᠢᠯᠠᠨ ᠳᠠᠭᠠᠶᠠ ᠭᠡᠵᠦ ᠪᠣᠷᠤᠨᠳᠠᠢ ᠳᠣᠷᠣᠭᠰᠢ ᠰᠥᠭᠥᠳᠴᠦ᠂ ᠴᠠᠰᠤ ᠦᠨᠦᠰᠦᠭᠡᠳ ᠪᠣᠰᠴᠤ᠂ ᠲᠠᠰᠢᠶᠠᠨ ᠳ᠋ᠠᠭᠠᠨ ᠵᠡᠭᠦᠭᠰᠡᠨ ᠲᠠᠬᠢᠷ ᠰᠡᠯᠡᠮᠡ ᠶ᠋ᠢ ᠭᠠᠷ ᠢ᠋ᠶ᠋ᠠᠷ ᠳᠠᠷᠤᠨ ᠴᠡᠷᠢᠭ ᠦ᠋ᠨ ᠵᠦᠭ ᠭᠦᠶᠦᠨ ᠣᠳᠪᠠ᠃
ᠪᠠᠲᠤ ᠬᠠᠭᠠᠨ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠤ᠋ᠨ ᠬᠠᠮᠲᠤ ᠬᠠᠵᠠᠭᠤ ᠳᠠᠰᠢ ᠣᠴᠢᠵᠤ ᠠᠶᠠᠷᠬᠠᠨ ᠶᠠᠷᠢᠯᠴᠠᠪᠠ᠃ ᠰᠦᠪᠡᠭᠡᠳᠡᠢ ᠰᠥᠭᠡᠩᠭᠢ ᠳᠠᠭᠤ ᠪᠠᠷ ᠥᠭᠦᠯᠡᠷᠦᠨ᠂
一 ᠴᠡᠷᠢᠭ ᠦ᠋ᠨ ᠡᠷᠡ ᠮᠦᠰᠥ᠋ᠺ ᠬᠡᠳᠦᠢᠪᠡᠷ ᠦᠵᠡᠰᠬᠦᠯᠡᠩᠲᠦ ᠳᠣᠯᠣᠳᠤᠭᠠᠷ ᠣᠳᠣᠨ ᠤ᠋ ᠠᠬᠠ ᠪᠣᠯᠪᠠᠴᠤ ᠬᠣᠯᠠᠬᠠᠨ ᠶᠡᠷᠡᠨ ᠶᠢᠰᠦᠨ ᠵᠢᠯ ᠪᠣᠯᠤᠭᠠᠳ ᠡᠷᠭᠢᠬᠦ ᠪᠤᠶᠤ ᠡᠰᠡᠪᠡᠯ ᠪᠦᠷ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠠᠯᠤᠰ ᠶᠠᠪᠤᠭᠤᠯᠪᠠᠯ ᠳᠡᠭᠡᠷᠡ ᠪᠢᠵᠡ? ᠰᠢᠨᠡ ᠬᠠᠲᠤᠨ( ᠤ᠋) ᠠᠬᠠ ᠳᠡᠭᠦᠦ ᠨᠠᠷ ᠭᠡᠳᠡᠭ ᠴᠢᠨᠢ ᠳᠣᠣᠷᠠᠲᠤ ᠠ᠋ᠴᠠ ᠡᠷᠭᠦᠯ᠂ ᠳᠡᠭᠡᠳᠦ ᠡᠴᠡ ᠪᠡᠯᠡᠭ ᠠᠪᠤᠨ ᠠᠯᠲᠠ ᠮᠥᠩᠭᠥ ᠲᠡᠢ ᠪᠣᠯᠤᠭᠠᠳ ᠰᠢᠨᠡ ᠨᠥᠬᠥᠳ ᠲᠡᠢ ᠠᠷᠢᠬᠢᠳᠠᠭᠰᠠᠭᠠᠷ ᠪᠠᠢᠭᠠᠳ ᠤᠳᠠᠯ ᠦᠭᠡᠢ ᠴᠣᠭᠣᠷᠬᠠᠢ ᠲᠤᠯᠤᠮ ᠰᠢᠭ᠋ ᠬᠡᠷᠡᠭ ᠦᠭᠡᠢ ᠠᠮᠢᠲᠠᠨ ᠪᠣᠯᠤᠨᠠ ᠪᠢᠵᠡ᠃ ᠠᠶᠤᠯᠲᠠᠢ ᠪᠣᠯᠪᠠᠴᠤ ᠬᠦᠨᠳᠦᠲᠡᠢ᠂ ᠤᠷᠮᠠ ᠲᠠᠢ᠂ ᠭᠦᠢᠴᠡᠳᠬᠡᠬᠦ ᠳ᠋ᠦ᠍ ᠬᠡᠴᠡᠭᠦᠦ ᠳᠠᠭᠠᠭᠠᠯᠭᠠᠪᠤᠷᠢ ᠥᠭᠴᠦ ᠶᠠᠪᠤᠭᠤᠯ᠃ ᠵᠠᠭᠤᠨ ᠴᠡᠷᠢᠭ ᠦ᠋ᠨ ᠬᠠᠮᠲᠤ ᠰᠢᠭᠤᠳ ᠰᠢᠲ ᠭᠣᠣᠯ ᠤ᠋ᠨ ᠭᠸᠤᠷᠬᠢ ᠸᠠᠩ ᠤ᠋ᠨ ᠴᠡᠷᠢᠭ ᠦ᠋ᠨ ᠪᠠᠢᠷᠢ ᠤᠷᠤᠭᠤ ᠲᠠᠩᠨᠠᠭᠤᠯ ᠢ᠋ᠶ᠋ᠠᠷ ᠶᠠᠪᠤᠭᠤᠯᠤᠭᠲᠤᠨ᠂ ᠲᠦᠮᠡᠲᠦ ᠶ᠋ᠢᠨ ᠳᠠᠷᠤᠭᠠ ᠪᠣᠷᠤᠨᠲᠠᠢ ᠳ᠋ᠤ᠌ ᠮᠡᠳᠡᠭᠳᠡᠯ ᠦᠭᠡᠢ ᠪᠡᠷ ᠶᠠᠪᠤᠭᠤᠯᠤᠭᠠᠷᠠᠢ᠂ ᠲᠡᠭᠡᠵᠦ ᠪᠢᠳᠡ ᠲᠦᠮᠡᠲᠦ ᠶ᠋ᠢᠨ ᠨᠣᠶᠠᠨ ᠪᠣᠷᠤᠨᠲᠠᠢ ᠠ᠋ᠴᠠ ᠲᠤᠰᠢᠶᠠᠯ ᠢ᠋ ᠬᠢᠷᠢ ᠵᠡᠷᠭᠡ ᠭᠦᠢᠴᠡᠳᠬᠡᠬᠦ ᠶ᠋ᠢ ᠨᠢ ᠰᠢᠯᠭᠠᠰᠤᠭᠠᠢ ᠭᠡᠪᠡ᠃
ᠪᠠᠲᠤ ᠬᠠᠭᠠᠨ ᠡᠪᠦᠭᠡᠨ ᠨᠣᠶᠠᠨ ᠤ᠋ ᠥᠭᠡᠳᠡ ᠡᠴᠡ ᠤᠳᠠᠭᠠᠨ ᠰᠢᠷᠳᠡᠵᠦ ᠲᠡᠭᠦᠨ ᠦ᠌ ᠦᠭᠡ ᠶᠠᠮᠠᠷ ᠳᠠᠯᠳᠠ ᠤᠳᠬᠠ ᠪᠣᠳᠣᠯᠭᠠ ᠲᠠᠢ ᠶ᠋ᠢ ᠣᠢᠯᠠᠭᠠᠬᠤ ᠶ᠋ᠢ ᠡᠷᠡᠮᠡᠯᠵᠡᠨ ᠴᠢᠷᠠᠢ ᠪᠠᠨ ᠪᠠᠷᠤᠢᠯᠭᠠᠨ ᠰᠡᠭᠦᠷᠡᠰᠦᠨ ᠠᠯᠳᠠᠵᠤ᠂
— ᠴᠢ᠂ ᠮᠢᠨᠦ ᠦᠨᠡᠨᠴᠢ ᠵᠠᠷᠤᠴᠠ ᠪᠥᠭᠡᠳ ᠪᠠᠭᠰᠢ᠃ ᠪᠢ ᠲᠡᠷᠡ ᠶᠣᠰᠣᠭᠠᠷ ᠦᠢᠯᠡᠳᠰᠦᠭᠡᠢ᠂ ᠮᠦᠰᠥ᠋ᠺ ᠦ᠋ᠨ ᠬᠠᠮᠲᠤ ᠬᠤᠷᠳᠤᠨ ᠮᠣᠷᠢ ᠪᠠᠨ᠂ ᠪᠠᠷᠢᠭᠳᠠᠭᠰᠠᠨ ᠣᠷᠣᠰ ᠬᠦᠦ ᠳ᠋ᠦ᠍ ᠠᠯᠳᠠᠭᠰᠠᠨ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠲᠶᠥ᠋ᠯᠶᠠᠪ — ᠪᠢᠷᠭ᠌ᠸᠨ ᠢ᠋ ᠢᠯᠡᠭᠡᠰᠦᠭᠡᠢ᠂ ᠡᠨᠡ ᠭᠣᠷᠢ ᠦᠭᠡᠢ ᠲᠠᠴᠢᠶᠠᠳᠠᠬᠤ ᠳ᠋ᠠᠭᠠᠨ ᠭᠠᠯᠵᠠᠭᠤᠷᠠᠨᠠ ᠪᠢᠵᠡ ᠭᠡᠪᠡ᠃
ᠰᠦᠪᠡᠭᠡᠳᠡᠢ ᠲᠣᠰᠣᠨ᠂
— ᠵᠥᠪ᠂ ᠮᠥᠨ ᠨᠢᠭᠡᠨᠲᠡᠭᠡᠭᠦᠷ ᠣᠷᠣᠰ ᠴᠡᠷᠢᠭ ᠤᠷᠤᠭᠤ ᠭᠸᠤᠷᠬᠢ ᠸᠠᠩ ᠪᠢᠳᠡᠨ ᠢ᠋ ᠬᠠᠷᠠᠬᠠᠨ ᠬᠦᠯᠢᠶᠡᠭᠡ ᠦᠭᠡᠢ ᠪᠦᠬᠦᠢ ᠳ᠋ᠦ᠍᠂ ᠡᠯᠢᠶᠡ ᠬᠠᠷᠴᠠᠭᠠᠢ ᠶ᠋ᠢ ᠳᠠᠭᠠᠷᠢᠬᠤ ᠠᠳᠠᠯᠢ ᠳᠣᠪᠲᠣᠯᠤᠨ ᠤᠷᠢᠶᠠ ᠬᠠᠰᠬᠢᠷᠬᠤ ᠬᠡᠷᠡᠭᠲᠡᠢ ᠭᠡᠵᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ 2᠂ ᠬᠦᠦᠳᠠᠭᠠᠭᠤᠯ 2᠂ ᠭᠡᠷᠡᠯ 1᠂ ᠬᠡᠷᠡᠢᠳ ᠂ ᠮᠥᠩᠬᠡᠨᠠᠰᠤᠨ 1᠂ ᠮᠡᠷᠭᠡᠨᠭᠣᠸᠠ 1
ᠬᠢᠨᠠᠭᠴᠢ᠄ ᠪᠠᠶᠠᠨᠴᠡᠴᠡᠭ 1᠂ ᠲ᠂ ᠬᠦᠮᠦᠵᠢᠯᠲᠦ 1
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 7᠂ ᠠᠷᠢᠭᠤᠨ 7