ᠪᠠᠲᠤ ᠬᠠᠭᠠᠨ 7-04 ᠴᠢ ᠰᠣᠨᠣᠰ-ᠲᠣᠭᠰᠢᠨ ᠶᠸᠸᠫᠡᠲBat khaan Бат хаан-ᠷᠣᠮᠠᠨ
239ᠳᠥᠷᠪᠡ ᠂ ᠴᠢ ᠰᠣᠨᠣᠰ
ᠰᠥᠪᠡᠭᠡᠳᠡᠢ ᠪᠠᠭᠠᠲᠤᠷ ᠡᠮᠦᠨᠡ ᠪᠡᠨ ᠰᠠᠭᠤᠭᠰᠠᠨ ᠭᠤᠷᠪᠠᠨ ᠪᠢᠴᠢᠭᠡᠴᠢᠳ ᠲᠦ᠍ ᠡᠴᠦᠰ ᠦ᠋ᠨ ᠲᠤᠰᠢᠶᠠᠯ ᠢ᠋ ᠥᠭᠪᠡ᠃ ᠲᠡᠳᠡ ᠲᠡᠭᠦᠨ ᠦ᠌ ᠦᠭᠡ ᠶ᠋ᠢ ᠨᠢᠭᠡ ᠶ᠋ᠢ ᠴᠦ᠍ ᠮᠠᠷᠲᠠᠬᠤ ᠠ᠋ᠴᠠ ᠠᠶᠤᠨ ᠶᠡᠬᠡ ᠵᠠᠩᠵᠤᠨ ᠤ᠋ ᠰᠣᠷᠪᠢ᠂ ᠦᠷᠴᠢᠯᠡᠭᠡᠨ ᠳ᠋ᠦ᠍ ᠬᠤᠴᠢᠭᠳᠠᠭᠰᠠᠨ ᠨᠢᠭᠤᠷ ᠢ᠋ ᠠᠩᠬᠠᠷᠤᠯᠲᠠᠢ ᠪᠠᠷ ᠰᠢᠷᠳᠡᠨᠡ᠃
— ᠤᠷᠲᠤ ᠰᠠᠬᠠᠯᠲᠤ ᠨᠤᠭᠤᠳ᠁ ᠰᠢᠨᠡ ᠪᠠᠭ ᠤ᠋ᠳ᠁ ᠬᠠᠮᠢᠭᠠ ᠴᠤᠭᠯᠠᠷᠠᠨᠠ ᠪᠣᠢ᠁ ᠮᠡᠳᠡᠬᠦ ᠶᠠᠪᠤᠳᠠᠯ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠭᠡᠬᠦ ᠳ᠋ᠦ᠍᠂
— ᠣᠢᠯᠠᠭᠠᠯᠠ᠁ ᠭᠡᠵᠦ ᠪᠢᠴᠢᠭᠡᠴᠤᠳ ᠬᠡᠯᠡᠨᠡ᠃
— ᠣᠯᠵᠠᠯᠠᠭᠳᠠᠭᠴᠢᠳ ᠮᠡᠳᠡᠵᠡᠭᠡᠬᠦ ᠲᠤᠯᠠ᠁ ᠵᠠᠪᠠᠯ ᠲᠡᠳᠡᠨᠡᠷ ᠢ᠋ᠶ᠋ᠡᠷ ᠬᠡᠯᠡᠭᠦᠯᠦᠭᠲᠦᠨ᠃ ᠵᠠᠪᠠᠯ ᠬᠡᠯᠡᠭᠦᠯ !
ᠰᠥᠪᠡᠭᠡᠳᠡᠢ ᠭᠠᠷ ᠢ᠋ᠶ᠋ᠠᠨ ᠵᠠᠩᠭᠢᠳᠤᠨ ᠡᠪᠦᠳᠦᠭ ᠢ᠋ᠶ᠋ᠡᠨ ᠴᠣᠬᠢᠯᠠᠨᠠ᠃
— ᠶᠠᠭᠤ ᠪᠠᠨ ᠬᠦᠯᠢᠶᠡᠭᠰᠡᠨ ᠶᠤᠮ ᠪᠣᠢ? ᠶᠠᠭᠤ ᠬᠡᠷᠡᠭ ᠲᠡᠢ ᠶᠤᠮ ᠪᠣᠢ? ᠶᠠᠪᠤᠵᠠᠭᠠ᠁
— ᠬᠢᠴᠢᠶᠡᠩᠭᠦᠢᠯᠡᠨ ᠳᠠᠭᠠᠰᠤᠭᠠᠢ ᠭᠡᠵᠦ ᠪᠢᠴᠢᠭᠡᠴᠢ ᠨᠠᠷ ᠥᠭᠦᠯᠡᠯᠳᠦᠭᠡᠳ ᠬᠠᠭᠠᠯᠭᠠᠨ ᠤ᠋ ᠵᠦᠭ ᠭᠦᠶᠦᠯᠳᠦᠪᠡ᠃
ᠰᠥᠪᠡᠭᠡᠳᠡᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠦᠯᠡᠳᠡᠭᠡᠳ᠂ ᠬᠠᠭᠤᠴᠢᠨ ᠬᠠᠭᠠᠷᠬᠠᠢ ᠰᠠᠨᠳᠠᠯᠢ ᠳᠡᠭᠡᠷᠡ ᠬᠥᠯ ᠢ᠋ᠶ᠋ᠡᠨ ᠲᠠᠯᠪᠢᠵᠤ ᠰᠠᠭᠤᠨᠠ᠃ ᠭᠡᠲᠡᠯᠡ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠭᠡᠳ ᠤᠫᠠᠯᠸᠨᠢᠬᠠ ᠸᠸᠱᠨ᠋ᠶᠠᠩᠺᠡ ᠬᠣᠶᠠᠷ ᠣᠷᠣᠵᠤ ᠢᠷᠡᠪᠡ᠃ ᠰᠥᠪᠡᠭᠡᠳᠡᠢ ᠪᠠᠭᠠᠲᠤᠷ ᠤ᠋ᠨ ᠬᠥᠯᠳᠡᠭᠰᠡᠨ ᠬᠥᠪᠡᠭᠦᠨ ᠢ᠋ ᠤᠫᠠᠯᠸᠨᠢᠬᠠ ᠠᠪᠤᠷᠠᠭᠰᠠᠨ ᠠ᠋ᠴᠠ ᠬᠣᠢᠰᠢ ᠲᠡᠷᠡ ᠲᠡᠳᠡᠨ ᠢ᠋ ᠢᠮᠠᠭᠲᠠ ᠠᠪᠴᠤ ᠶᠠᠪᠤᠬᠤ ᠪᠣᠯᠤᠭᠰᠠᠨ ᠠᠵᠢ᠃
ᠣᠫᠠᠯᠧᠨᠢᠬᠠ᠂ ᠲᠠᠤᠯᠠᠢ ᠶ᠋ᠢᠨ ᠠᠷᠠᠰᠤᠨ ᠳᠡᠪᠡᠯ ᠢ᠋ᠶ᠋ᠡᠨ ᠲᠠᠢᠯᠵᠤ ᠲᠠᠯᠪᠢᠭᠠᠳ ᠴᠠᠮᠴᠠᠨ ᠤ᠋ ᠬᠠᠨᠴᠤᠢ ᠶ᠋ᠢ ᠲᠣᠬᠣᠢ ᠠ᠋ᠴᠠ ᠥᠩᠭᠡᠷᠡᠲᠡᠯᠡ ᠡᠷᠭᠢᠭᠦᠯᠵᠦ ᠭᠠᠷ ᠶᠤᠭᠠᠨ ᠵᠠᠢᠯᠵᠤ ᠬᠠᠯᠠᠭᠤᠨ ᠫᠢᠰᠢᠩ ᠦ᠋ᠨ ᠳᠡᠷᠭᠡᠳᠡ ᠪᠠᠢᠭᠰᠠᠨ ᠭᠤᠯᠢᠷ ᠤ᠋ᠨ ᠪᠦᠷᠬᠦᠭᠦᠯ ᠢ᠋ ᠠᠪᠤᠭᠠᠳ ᠂
— ᠵᠢᠭᠤᠷᠠᠭᠰᠠᠨ ᠭᠤᠯᠢᠷ ᠢᠰᠴᠦ ᠪᠠᠢᠨᠠ᠃ ᠨᠤᠬᠤᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠸᠸᠱᠨ᠋ᠶᠠᠩᠺᠡ ᠳ᠋ᠦ᠍ ᠬᠡᠯᠡᠪᠡ᠃
ᠰᠦᠪᠡᠭᠡᠳᠡᠢ᠂ ᠣᠫᠡᠯᠧᠨᠢᠬᠠ ᠶ᠋ᠢ ᠠᠵᠢᠭᠯᠠᠨ ᠲᠡᠭᠦᠨ ᠦ᠌ ᠪᠦᠳᠦᠭᠦᠨ ᠴᠠᠭᠠᠨ ᠭᠠᠷ᠁ ᠴᠡᠭᠡᠵᠢ ᠶ᠋ᠢ ᠬᠠᠷᠠᠭᠠᠳ ᠤᠷᠤᠭᠤᠯ ᠢ᠋ᠶ᠋ᠠᠨ ᠵᠢᠮᠢᠢᠨ ᠵᠡᠰ ᠠᠶᠠᠭᠠ ᠶ᠋ᠢ ᠡᠪᠦᠷ ᠡᠴᠡ ᠪᠡᠨ ᠠᠪᠴᠤ ᠲᠡᠭᠦᠨ ᠢ᠋ ᠬᠢᠲᠤᠭᠠ ᠪᠠᠷ ᠴᠣᠬᠢᠪᠠ᠃
ᠴᠢᠰᠤᠨ ᠳ᠋ᠤ᠌ ᠬᠤᠳᠬᠤᠯᠳᠤᠭᠰᠠᠨ ᠨᠡᠬᠡᠢ ᠳᠡᠪᠡᠯ ᠲᠡᠢ ᠰᠠᠬᠠᠯ ᠦᠭᠡᠢ ᠡᠪᠦᠭᠡᠨ ᠴᠡᠷᠢᠭ ᠣᠷᠣᠵᠤ ᠢᠷᠡᠪᠡ᠃
— ᠵᠠᠷᠯᠢᠭ ᠢ᠋ ᠬᠢᠴᠢᠶᠡᠩᠭᠦᠢᠯᠡᠨ ᠳᠠᠭᠠᠶᠠ᠁ ᠭᠡᠵᠦ ᠲᠡᠷᠡ ᠥᠭᠦᠯᠡᠨᠡ᠃
— ᠤᠯᠠᠭᠠᠨ ᠵᠡᠭᠡᠷᠳᠡ ᠮᠣᠷᠢᠨ ᠤ᠋ ᠭᠠᠨᠵᠤᠭᠠ ᠠ᠋ᠴᠠ ᠠᠶᠠᠨ ᠤ᠋ ᠪᠣᠭᠴᠣ ᠶ᠋ᠢ ᠠᠪᠴᠢᠷᠠᠭᠲᠤᠨ! ᠭᠡᠵᠦ ᠰᠦᠪᠡᠭᠡᠳᠡᠢ ᠲᠤᠰᠢᠶᠠᠪᠠ᠃ ᠲᠡᠷᠡ ᠭᠦᠶᠦᠨ ᠭᠠᠷᠴᠤ ᠣᠳᠪᠠ᠃
ᠣᠫᠡᠯᠧᠨᠢᠬᠠ ᠵᠢᠭᠤᠷᠠᠭᠰᠠᠨ ᠭᠤᠯᠢᠷ ᠢ᠋ᠶ᠋ᠠᠨ ᠣᠷᠬᠢᠵᠤ ᠠᠭᠤᠷᠰᠠᠨ ᠲᠡᠷᠡ ᠣᠩᠭᠣᠷᠬᠠᠢ ᠣᠷᠬᠢᠭᠰᠠᠨ ᠬᠠᠭᠠᠯᠭᠠ ᠶ᠋ᠢ ᠲᠣᠬᠣᠢ ᠪᠠᠷ ᠢ᠋ᠶ᠋ᠠᠨ ᠬᠠᠭᠠᠪᠠ᠃
— ᠰᠠᠬᠠᠯ ᠦᠭᠡᠢ ᠲᠡᠨᠡᠭ᠁ ᠳᠤᠯᠠᠭᠠᠨ ᠢ᠋ ᠬᠠᠢᠷᠠᠯᠠᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠨᠡᠮ᠃
ᠸᠸᠱᠨ᠋ᠶᠠᠩᠺᠡ᠂ ᠣᠫᠡᠯᠧᠨᠢᠬᠠ ᠳ᠋ᠤ᠌ ᠰᠢᠪᠡᠨᠡᠨ ᠬᠡᠯᠡᠬᠦ ᠨᠢ᠄
— ᠳᠣᠯᠢᠷ ᠨᠢᠳᠦᠲᠦ ᠴᠢᠮᠠᠶ᠋ᠢ ᠵᠠᠯᠭᠢᠴᠢᠬᠠᠬᠤ ᠭᠡᠵᠦ ᠪᠠᠢᠭᠠ ᠶᠤᠮ ᠰᠢᠭ᠋᠁ ᠰᠦᠷᠡᠬᠡᠢ ᠬᠠᠷᠠᠵᠤ ᠪᠠᠢᠭᠠ ᠶ᠋ᠢ ᠠᠵᠢᠭᠯᠠᠭᠠᠴᠢ !
— ᠲᠡᠭᠦᠨ ᠢ᠋ ᠬᠠᠷᠠᠬᠤ ᠠ᠋ᠴᠠ ᠮᠢᠨᠦ ᠳᠣᠲᠣᠷᠠ ᠮᠠᠭᠤᠬᠠᠢ ᠪᠣᠯᠤᠨᠠ ᠭᠡᠵᠦ ᠣᠫᠡᠯᠸᠨᠢᠬᠠ ᠠᠭᠤᠷᠰᠠᠨ ᠬᠠᠷᠢᠭᠤᠯᠪᠠ᠃
ᠴᠡᠷᠢᠭ ᠥᠨᠥᠬᠢ ᠪᠤᠯᠢᠭᠠᠷᠢᠨ ᠪᠣᠭᠴᠣ ᠶ᠋ᠢ ᠠᠪᠴᠤ ᠢᠷᠡᠭᠡᠳ ᠰᠢᠷ ᠦ᠋ᠨ ᠱᠠᠯᠠ ᠳᠡᠭᠡᠷᠡ ᠲᠠᠯᠪᠢᠪᠠ᠃
— ᠵᠠᠳᠠᠯᠤᠭᠲᠤᠨ᠃
ᠴᠡᠷᠢᠭ ᠪᠣᠭᠴᠣᠨ ᠤ᠋ ᠥᠭᠡᠳᠡᠰᠦ ᠶ᠋ᠢ ᠵᠠᠳᠠᠯᠤᠭᠠᠳ ᠭᠠᠷ ᠢ᠋ᠶ᠋ᠠᠨ ᠳᠣᠲᠣᠷᠠ ᠨᠢ ᠰᠢᠷᠭᠤᠭᠤᠯᠪᠠ᠃
— ᠶᠠᠭᠤᠨ ᠳ᠋ᠤ᠌ ᠭᠡᠵᠦ ᠰᠥᠪᠡᠭᠡᠳᠡᠢ ᠰᠢᠷᠦᠭᠦᠨ ᠳᠤᠤᠭᠠᠷᠤᠭᠠᠳ᠂
— ᠴᠢ ᠲᠡᠨᠳᠡ ᠶᠠᠭᠤ ᠪᠠᠨ ᠣᠷᠬᠢᠪᠠ? ᠭᠠᠷᠤᠭᠲᠤᠨ᠃
ᠴᠡᠷᠢᠭ ᠰᠠᠨᠳᠤᠷᠤᠨ ᠭᠦᠶᠦᠵᠦ ᠭᠠᠷᠪᠠ᠃
ᠰᠥᠪᠡᠭᠡᠳᠡᠢ ᠶᠡᠬᠡᠮᠰᠦᠭ ᠢ᠋ᠶ᠋ᠡᠷ ᠬᠡᠯᠡᠬᠦ ᠨᠢ᠂
— ᠴᠢ ᠰᠣᠨᠣᠰᠴᠤ ᠪᠠᠢ᠂ ᠴᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ( ᠭᠡᠬᠦ ᠳ᠋ᠦ᠍ )
— ᠡᠨᠡ ᠴᠢᠨᠢ ᠴᠢᠮᠠᠶ᠋ᠢ ᠳᠠᠭᠤᠳᠠᠵᠤ ᠪᠠᠢᠨᠠ᠁ ᠭᠡᠵᠦ ᠸᠸᠱᠨ᠋ᠶᠠᠩᠺᠡ ᠬᠡᠯᠡᠪᠡ᠃
ᠣᠫᠠᠯᠧᠨᠢᠬᠠ᠂ ᠶᠠᠭᠠᠷᠠᠯ ᠦᠭᠡᠢ ᠪᠡᠷ ᠭᠠᠷ ᠢ᠋ᠶ᠋ᠠᠨ ᠠᠷᠴᠢᠭᠠᠳ ᠣᠴᠢᠮᠠᠭᠴᠠ ᠰᠥᠪᠡᠭᠡᠳᠡᠢ ᠳᠠᠬᠢᠨ ᠬᠡᠯᠡᠬᠦ ᠨᠢ᠂
— ᠴᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ᠴᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ᠸᠸᠱᠨ᠋ᠶᠠᠩᠺᠡ ᠭᠡᠪᠡ᠃
ᠸᠸᠱᠨ᠋ᠶᠠᠩᠺᠡ ᠤᠯᠠᠮ ᠣᠢᠷᠠᠲᠤᠨ ᠣᠴᠢᠪᠠ᠃ ᠰᠥᠪᠡᠭᠡᠳᠡᠢ ᠪᠠᠭᠠᠲᠤᠷ ᠮᠥᠨᠥᠬᠡᠨ ᠨᠡᠭᠡᠭᠡᠭᠰᠡᠨ ᠪᠣᠭᠴᠣ ᠶ᠋ᠢ ᠵᠢᠭᠠᠵᠤ ᠲᠠᠢᠯᠪᠤᠷᠢᠯᠠᠬᠤ ᠶ᠋ᠢ ᠶᠠᠳᠠᠨᠠ᠃
— ᠠᠪᠴᠤ ᠠᠯᠢ— ᠨᠠᠳᠠ— ᠠᠯᠢ— ᠭᠡᠨᠡ᠃
ᠬᠣᠶᠠᠷ ᠪᠦᠰᠡᠭᠦᠢ ᠪᠡᠶᠡ ᠪᠡᠶᠡᠰ ᠡᠴᠡ ᠪᠡᠨ ᠬᠠᠷᠠᠨ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠸᠸᠱᠨ᠋ᠶᠠᠩᠺᠡ ᠡᠪᠦᠳᠦᠭ ᠳᠡᠭᠡᠷᠡ ᠪᠡᠨ ᠰᠠᠭᠤᠭᠠᠳ ᠪᠣᠭᠴᠣ ᠳᠣᠲᠣᠷᠠ ᠠ᠋ᠴᠠ ᠪᠣᠭᠣᠳᠠᠯᠲᠠᠢ ᠶᠠᠭᠤᠮᠠᠰ ᠢ᠋ ᠠᠪᠴᠤ ᠥᠭᠪᠡ᠃ ᠣᠫᠠᠯᠧᠨᠢᠬᠠ ᠲᠡᠳᠡᠭᠡᠷ ᠢ᠋ ᠵᠠᠳᠠᠯᠵᠤ ᠲᠣᠷᠭᠠᠨ ᠳᠡᠪᠡᠯ᠂ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠴᠠᠮᠴᠠ᠂ ᠱᠥᠪᠥᠭᠡᠷ ᠬᠣᠰᠢᠭᠤ ᠲᠠᠢ ᠤᠯᠠᠭᠠᠨ ᠱᠠᠬᠠᠢ ᠵᠡᠷᠭᠡ ᠶ᠋ᠢ ᠭᠠᠷᠭᠠᠪᠠ᠃ ᠰᠥᠪᠡᠭᠡᠳᠡᠢ ᠣᠫᠠᠯᠧᠨᠢᠬᠠ ᠶ᠋ᠢ ᠵᠢᠭᠠᠵᠤ᠂
— ᠲᠡᠷᠡ ᠳᠡᠪᠡᠯ ᠢ᠋ ᠡᠮᠦᠰᠲᠦᠭᠡᠢ ᠭᠡᠨᠡ᠃
— ᠲᠦᠷᠭᠡᠨ ᠭᠡᠬᠦ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ᠭᠡᠵᠦ ᠶᠠᠭᠠᠷᠠᠪᠴᠢᠯᠠᠨ ᠬᠡᠯᠡᠨᠡ᠃
ᠣᠫᠠᠯᠧᠨᠢᠬᠠ ᠭᠠᠢᠬᠠᠨ ᠵᠣᠭᠰᠣᠪᠠ᠃
— ᠬᠠᠭᠠᠨ ᠮᠢᠨᠢ ᠨᠠᠳᠠᠳᠤ ᠡᠮᠦᠰᠬᠡᠬᠦ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠬᠠᠷᠢᠨ ᠸᠸᠱᠨ᠋ᠶᠠᠩᠺᠡ ᠳ᠋ᠤ᠌ ᠡᠮᠦᠰᠬᠡᠪᠡᠯ ᠳᠡᠭᠡᠷᠡ ᠪᠣᠯᠤᠨᠠ᠃ ᠡᠢᠮᠦ ᠸᠠᠩ ᠤ᠋ᠳ ᠤ᠋ᠨ ᠭᠣᠶᠣᠮᠰᠣᠭ ᠰᠠᠢᠬᠠᠨ ᠡᠳ᠋ᠯᠡᠯ ᠨᠠᠳᠠᠳᠤ ᠬᠠᠮᠢᠭᠠ ᠠ᠋ᠴᠠ ᠲᠣᠬᠢᠷᠠᠬᠤ ᠪᠢᠯᠡ!
— ᠦᠭᠡᠢ ᠪᠠᠭᠠ ᠪᠡᠶᠡ ᠲᠡᠢ ᠬᠥᠮᠦᠨ ᠳ᠋ᠦ᠍ ᠳᠤᠷᠠ ᠦᠭᠡᠢ ᠭᠡᠵᠦ ᠰᠥᠪᠡᠭᠡᠳᠡᠢ ᠠᠭᠤᠷᠰᠠᠨ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠦᠨᠡ᠃
— ᠶᠠᠮᠠᠷ ᠮᠡᠬᠡ ᠲᠡᠢ ᠶᠤᠮ ᠪᠣᠢ? ᠮᠠᠨ ᠤ᠋ ᠬᠡᠯᠡ ᠪᠡᠷ ᠬᠡᠯᠡᠵᠦ ᠪᠠᠢᠨᠠ ᠰᠢᠦ ᠭᠡᠵᠦ ᠣᠫᠠᠯᠧᠨᠢᠬᠠ ᠬᠡᠯᠡᠪᠡ᠃
ᠲᠡᠷᠡ ᠪᠦᠰᠡᠭᠦᠢ ᠫᠢᠰᠢᠩ ᠦ᠋ᠨ ᠳᠡᠷᠭᠡᠳᠡ ᠣᠴᠢᠭᠠᠳ ᠮᠥᠨᠥᠬᠢ ᠭᠣᠶᠣ ᠳᠡᠪᠡᠯ ᠢ᠋ ᠨᠥᠮᠥᠷᠴᠦ ᠤᠯᠠᠭᠠᠨ ᠭᠤᠲᠤᠯ ᠢ᠋ ᠬᠥᠯ ᠳ᠋ᠡᠭᠡᠨ ᠡᠮᠦᠰᠪᠡ᠃
— ᠨᠠᠰᠢ ᠪᠠᠨ ᠁ ᠴᠢ ᠰᠣᠨᠣᠰ! ᠨᠠᠰᠢ ᠪᠠᠨ ᠭᠡᠵᠦ ᠰᠥᠪᠡᠭᠡᠳᠡᠢ ᠬᠡᠯᠡᠨᠡ᠃
ᠣᠫᠠᠯᠧᠨᠢᠬᠠ ᠣᠴᠢᠯᠠ᠃ ᠭᠢᠯᠠᠯᠵᠠᠭᠰᠠᠨ ᠠᠯᠮᠠᠰ ᠴᠢᠯᠠᠭᠤ ᠨᠤᠭᠤᠳ᠂ ᠰᠢᠷᠠ ᠨᠣᠭᠣᠭᠠᠨ ᠪᠠ ᠴᠢᠰᠤ ᠰᠢᠭ᠋ ᠤᠯᠠᠭᠠᠨ ᠥᠩᠭᠡ ᠶ᠋ᠢᠨ ᠰᠠᠢᠬᠠᠨ ᠴᠢᠯᠠᠭᠤ᠂ ᠭᠣᠶᠣᠮᠰᠣᠭ ᠡᠳ᠋ᠯᠡᠯ ᠪᠠᠳᠠᠩ ᠤ᠋ᠨ ᠳᠡᠭᠡᠷᠡ ᠪᠠᠢᠪᠠ᠃
ᠰᠥᠪᠡᠭᠡᠳᠡᠢ ᠲᠡᠭᠦᠨ ᠳᠣᠲᠣᠷᠠ ᠠ᠋ᠴᠠ ᠰᠢᠯᠢᠵᠦ ᠪᠠᠢᠭᠠᠳ ᠲᠣᠮᠣ ᠠᠯᠲᠠᠨ ᠵᠣᠭᠣᠰᠤᠨ ᠵᠦᠢᠯᠲᠦ᠂ ᠲᠣᠯᠣᠭᠠᠢ ᠶ᠋ᠢᠨ ᠰᠤᠪᠤᠳ᠂ ᠤᠲᠠᠰᠤᠨ ᠳᠠᠷᠤᠭᠤᠯᠭᠠ᠂ ᠬᠡᠳᠦᠨ ᠠᠯᠲᠠᠨ ᠪᠠᠭᠤᠪᠴᠢ ᠠᠪᠴᠤ ᠣᠫᠠᠯᠧᠨᠢᠬᠠ ᠳ᠋ᠤ᠌ ᠥᠭᠬᠦ ᠪᠡᠷ ᠭᠠᠷ ᠢ᠋ᠶ᠋ᠠᠨ ᠰᠤᠩᠭᠠᠵᠤ᠂
— ᠲᠦᠷᠭᠡᠨ᠂ ᠲᠦᠷᠭᠡᠨ ᠭᠡᠵᠦ ᠳᠠᠪᠲᠠᠨ ᠬᠡᠯᠡᠨᠡ᠃
ᠣᠫᠠᠯᠧᠨᠢᠬᠠ ᠲᠡᠭᠦᠨ ᠢ᠋ ᠬᠦᠯᠢᠶᠡᠨ ᠠᠪᠤᠭᠠᠳ ᠰᠠᠢᠬᠠᠨ ᠴᠢᠮᠡᠭ ᠢ᠋ ᠬᠦᠵᠦᠭᠦᠨᠡ ᠡᠯᠭᠦᠪᠡ᠃ ᠤᠷᠲᠤ ᠣᠭᠣᠰᠣᠷ ᠲᠠᠢ ᠰᠤᠪᠤᠳ ᠳᠠᠷᠤᠭᠤᠯᠭᠠ ᠶ᠋ᠢ ᠮᠠᠩᠨᠠᠢ ᠳ᠋ᠠᠭᠠᠨ ᠵᠡᠭᠦᠵᠦ ᠲᠡᠭᠦᠨ ᠦ᠌ ᠬᠣᠶᠠᠷ ᠰᠠᠢᠬᠠᠨ ᠨᠢᠳᠦ ᠨᠢ ᠬᠠᠷᠠ ᠬᠥᠮᠥᠰᠬᠡ ᠶ᠋ᠢᠨ ᠳᠣᠣᠷᠠ ᠠ᠋ᠴᠠ ᠵᠠᠩᠵᠤᠨ ᠢ᠋ ᠬᠠᠷᠠᠨᠠ᠃ ᠣᠫᠠᠯᠧᠨᠢᠬᠠ ᠪᠤᠯᠤᠩ ᠤ᠋ᠨ ᠵᠦᠭ ᠣᠴᠢᠵᠤ ᠶᠡᠬᠡᠮᠰᠦᠭ ᠢ᠋ᠶ᠋ᠡᠷ ᠬᠠᠷᠠᠵᠤ ᠪᠠᠢᠭᠠ ( ᠪᠠᠢᠭᠠᠳ ) ᠳᠠᠭᠤᠯᠠᠨ ᠪᠥᠵᠢᠭᠯᠡᠬᠦ ᠳ᠋ᠡᠭᠡᠨ ᠠᠯᠬᠤᠵᠤ ᠪᠠᠢᠳᠠᠭ ᠮᠠᠶᠢᠭ ᠢ᠋ᠶ᠋ᠠᠷ ᠲᠠᠰᠢᠶᠠ ᠪᠠᠨ ᠲᠤᠯᠤᠨ ᠶᠠᠪᠤᠵᠤ ᠵᠣᠴᠢᠳ ᠤ᠋ᠨ ᠥᠷᠥᠭᠡᠨ ᠳ᠋ᠦ᠍ ᠣᠷᠣᠪᠠ᠃ ᠸᠸᠱᠨ᠋ᠶᠠᠩᠺᠡ ᠢᠨᠢᠶᠡᠳᠦ ᠠᠯᠲᠠᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠮᠠ ᠶᠤᠭᠠᠨ ᠪᠠᠷᠢᠵᠤ ᠲᠡᠰᠴᠦ ᠶᠠᠳᠠᠨ ᠶᠠᠪᠤᠨᠠ᠃
— ᠡᠨᠡ ᠬᠥᠭᠰᠢᠨ ᠲᠣᠯᠣᠭᠠᠢ ᠴᠢᠨᠢ ᠶᠠᠭᠠᠬᠢᠬᠤ ᠶ᠋ᠢ ᠪᠣᠳᠣᠭᠰᠠᠨ ᠪᠢᠯᠡ ?
ᠰᠦᠪᠡᠭᠡᠳᠡᠢ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠪᠦᠳᠦᠭ ᠢ᠋ᠶ᠋ᠡᠨ ᠲᠡᠰᠢᠨ᠂ ᠨᠢᠳᠦ ᠪᠡᠨ ᠬᠥᠳᠡᠯᠭᠡᠨ ᠤᠫᠠᠯᠸᠨᠢᠬᠡ ᠶ᠋ᠢ ᠬᠠᠷᠠᠵᠤ ᠵᠥᠭᠡᠯᠡᠨ ᠳᠠᠭᠤ ᠪᠠᠷ ᠬᠡᠯᠡᠬᠦ ᠨᠢ᠄
— ᠬᠥᠭᠡᠷᠦᠬᠦᠨ ᠪᠠᠢᠨᠠ᠂ ᠰᠠᠢᠬᠠᠨ ᠪᠠᠢᠨᠠ ᠭᠡᠪᠡ᠃
ᠤᠫᠠᠯᠸᠨᠢᠬᠠ ᠲᠠᠰᠤᠯᠭᠠᠨ ᠤ᠋ ᠭᠣᠣᠯ ᠳᠤᠮᠳᠠ ᠵᠣᠭᠰᠣᠨᠠᠮ᠃
— ᠭᠦᠢᠴᠡᠪᠡ᠂ ᠲᠣᠭᠯᠠᠭᠠᠮ ᠢ᠋ᠶ᠋ᠠᠨ ᠵᠣᠭᠰᠣᠶᠠ᠂ ᠪᠣᠣᠪᠣ ᠪᠠᠷᠢᠬᠤ ᠴᠠᠭ ᠪᠣᠯᠪᠠ ᠭᠡᠵᠦ ᠰᠢᠷᠦᠭᠦᠨ ᠢ᠋ᠶ᠋ᠡᠷ ᠬᠡᠯᠡᠭᠡᠳ ᠳᠡᠪᠡᠯ ᠢ᠋ᠶ᠋ᠡᠨ ᠲᠠᠢᠯᠬᠤ ᠶ᠋ᠢ ᠵᠠᠪᠳᠤᠨᠠᠮ᠃ ᠰᠦᠪᠡᠭᠡᠳᠡᠢ ᠭᠠᠷ ᠢ᠋ᠶ᠋ᠠᠨ ᠳᠣᠬᠢᠨ᠂
— ᠦᠭᠡᠢ᠁ ᠦᠭᠡᠢ᠁ ᠴᠢᠮᠠᠲᠤ᠁ ᠴᠢ ᠰᠣᠨᠣᠰ! ᠴᠢᠮᠠᠲᠤ ᠭᠡᠨᠡ᠃
ᠲᠡᠭᠡᠭᠡᠳ ᠲᠡᠷᠡ ᠭᠡᠨᠡᠳᠲᠡ ᠴᠣᠩᠬᠣᠨ ᠤ᠋ ᠵᠦᠭ ᠡᠷᠭᠢᠵᠦ ᠴᠢᠩᠨᠠᠨᠠ᠃ ᠭᠡᠲᠡᠯᠡ ᠭᠤᠳᠤᠮᠵᠢᠨᠠ ᠣᠷᠣᠰ ᠤ᠋ᠳ ᠭᠡᠬᠦ ᠴᠢᠩᠭᠠ ᠳᠠᠭᠤ ᠪᠠ ᠪᠠᠮᠪᠠᠢ ᠨᠤᠭᠤᠳ ᠤ᠋ᠨ ᠴᠣᠬᠢᠯᠠᠬᠤ ᠴᠢᠮᠡᠭᠡ ᠭᠠᠷᠤᠨᠠ᠃
ᠰᠦᠪᠡᠭᠡᠳᠡᠢ ᠶ᠋ᠢᠨ ᠴᠢᠷᠠᠢ ᠬᠤᠪᠢᠯᠤᠨ ᠬᠢᠲᠤᠭᠠ ᠪᠠᠷ ᠢ᠋ᠶ᠋ᠠᠨ ᠵᠡᠰ ᠠᠶᠠᠭᠠ ᠶ᠋ᠢ ᠴᠢᠩᠭᠠ ᠴᠢᠩᠭᠠ ᠴᠣᠬᠢᠵᠤ ᠮᠥᠨᠥᠬᠡᠨ ᠭᠣᠶᠣᠮᠰᠣᠭ ᠵᠦᠢᠯᠡᠰ ᠢ᠋ ᠪᠣᠭᠴᠣᠨ ᠳ᠋ᠠᠭᠠᠨ ᠰᠢᠷᠭᠤᠭᠤᠯᠤᠭᠠᠳ ᠪᠦᠰᠡᠭᠦᠢᠴᠦᠳ ᠢ᠋ ᠬᠠᠷᠠᠯ ᠦᠭᠡᠢ ᠪᠡᠷ ᠶᠠᠭᠠᠷᠠᠨ ᠭᠠᠷᠤᠯᠠ᠃
ᠤᠫᠠᠯᠸᠨᠢᠬᠠ ᠠᠶᠤᠭᠰᠠᠨ ᠰᠣᠴᠢᠭᠰᠠᠨ ᠸᠸᠱᠨ᠋ᠶᠠᠩᠺᠠ ᠶ᠋ᠢ ᠲᠡᠪᠡᠷᠢᠨ ᠴᠢᠩᠨᠠᠨᠠ᠃ ᠭᠤᠳᠤᠮᠵᠢᠨᠠ ᠮᠣᠷᠢᠳ ᠤ᠋ᠨ ᠬᠥᠯ ᠪᠠ ᠮᠣᠩᠭᠣᠯᠴᠤᠳ ᠤ᠋ᠨ ᠬᠠᠰᠬᠢᠷᠤᠯᠳᠤᠬᠤ ᠴᠢᠮᠡᠭᠡ ᠲᠦᠷᠭᠡᠨᠡ ᠬᠣᠯᠠᠳᠠᠭᠠᠳ ᠨᠠᠮ ᠵᠢᠮ ᠪᠣᠯᠤᠯᠠ᠃ ᠤᠫᠠᠯᠸᠨᠢᠬᠠ ᠬᠠᠭᠠᠯᠭᠠ ᠪᠠᠷ ᠱᠠᠭᠠᠢᠨ ᠬᠠᠷᠠᠨᠠᠮ᠃
— ᠴᠥᠮ ᠡᠰᠢ ᠳᠠᠰᠢ ᠳᠠᠪᠬᠢᠯᠳᠤᠨᠠᠮ᠃ᠸᠸᠱᠨ᠋ᠶᠠᠩᠺᠠ ᠪᠥᠰᠢᠭᠤᠯᠠᠭᠠᠷᠠᠢ᠂ ᠣᠳᠣ ᠡᠨᠡᠬᠡᠨ ᠰᠠᠮᠪᠠᠭᠠᠨ ᠳ᠋ᠤ᠌ ᠵᠠᠪᠳᠤᠬᠤ ᠦᠭᠡᠢ ᠪᠣᠯ ᠬᠡᠵᠢᠶᠡ ᠴᠦ᠍ ᠦᠭᠡᠢ ᠰᠢᠦ᠃
ᠲᠡᠷᠡ ᠲᠣᠷᠭᠠᠨ ᠬᠤᠪᠴᠠᠰᠤ ᠪᠠᠨ ᠬᠤᠷᠳᠤᠨ ᠲᠠᠢᠯᠵᠤ ᠡᠪᠬᠡᠭᠡᠳ ᠪᠤᠰᠤᠳ ᠦᠨᠡ ᠪᠦᠬᠦᠢ ᠭᠣᠶᠣᠯᠠᠯ ᠤ᠋ᠨ ᠬᠡᠷᠡᠭᠯᠡᠯ ᠪᠠ ᠤᠯᠠᠭᠠᠨ ᠭᠤᠲᠤᠯ ᠤ᠋ᠨ ᠬᠠᠮᠲᠤᠪᠠᠷ ᠤᠷᠲᠤ ᠰᠠᠨᠳᠠᠯᠢ ᠳᠡᠭᠡᠷᠡ ᠬᠢᠮᠠᠭᠠᠳᠠᠨ ᠲᠠᠯᠪᠢᠪᠠ᠃
— ᠠᠢᠰ ᠬᠦᠷᠦᠭᠡᠳ ᠪᠠᠢᠨᠠ᠃ ᠬᠡᠷᠪᠡ ᠪᠢᠳᠡᠨ ᠢ᠋ ᠪᠠᠷᠢᠵᠤ ᠠᠪᠤᠪᠠᠯ ᠮᠠᠭᠤ ᠪᠣᠯᠤᠨᠠ ᠰᠢᠦ᠃ ᠵᠢᠷᠲᠠᠭᠠᠢ ᠨᠢᠳᠦᠲᠦ ᠪᠢᠳᠡᠨ ᠢ᠋ ᠭᠣᠮᠣᠳᠠᠭᠤᠯᠤᠭᠠ ᠦᠭᠡᠢ ᠭᠡᠵᠦ ᠸᠸᠱᠨ᠋ᠶᠠᠩᠺᠡ ᠶᠠᠭᠠᠷᠠᠨ ᠬᠤᠪᠴᠠᠰᠤᠯᠠᠬᠤ ᠳ᠋ᠠᠭᠠᠨ ᠬᠡᠯᠡᠪᠡ᠃
— ᠲᠡᠭᠦᠨ ᠦ᠌ ᠭᠣᠶᠣ ᠰᠠᠢᠬᠠᠨ ᠶᠠᠭᠤᠮᠠ ᠪᠢᠳᠡᠨ ᠳ᠋ᠦ᠍ ᠬᠡᠷᠡᠭ ᠦᠭᠡᠢ᠃
ᠣᠫᠠᠯᠸᠨᠢᠬᠠ ᠥᠪᠡᠷ ᠦ᠋ᠨ ᠴᠠᠮᠴᠠ ᠲᠠᠤᠯᠠᠢ ᠶ᠋ᠢᠨ ᠠᠷᠠᠰᠤᠨ ᠳᠡᠪᠡᠯ ᠢ᠋ᠶ᠋ᠡᠨ᠂ ᠭᠤᠲᠤᠯ ᠢ᠋ᠶ᠋ᠠᠨ ᠡᠮᠦᠰᠦᠭᠡᠳ ᠬᠠᠭᠤᠴᠢᠨ ᠨᠣᠣᠰᠣᠨ ᠳᠠᠪᠤᠤ ᠠᠯᠴᠢᠭᠤᠷ ᠢ᠋ᠶ᠋ᠠᠨ ᠵᠠᠩᠭᠢᠳᠪᠠ᠃ ᠸᠸᠱᠨ᠋ᠶᠠᠩᠺᠡ ᠬᠡᠳᠦᠢᠨᠡᠢ ᠪᠡᠯᠡᠬᠡᠨ ᠪᠣᠯᠤᠭᠰᠠᠨ ᠪᠠᠢᠯᠠ᠃
— ᠭᠦᠶᠦᠨ ᠣᠳᠤᠶᠠ᠁ ᠥᠪᠡᠷᠰᠡᠳ ᠦ᠋ᠨ ᠭᠡᠷ ᠲᠦ᠍ ᠬᠦᠷᠭᠡᠬᠦ ᠶ᠋ᠢ ᠪᠤᠷᠬᠠᠨ ᠮᠡᠳᠡᠲᠦᠭᠡᠢ᠃
ᠲᠡᠷᠡ ᠬᠣᠶᠠᠷ ᠪᠦᠰᠡᠭᠦᠢ ᠭᠡᠷ ᠪᠠᠢᠰᠢᠩ ᠠ᠋ᠴᠠ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠭᠠᠷᠤᠭᠠᠳ ᠬᠠᠭᠠᠯᠭᠠ ᠪᠠᠨ ᠨᠢᠭᠲᠠ ᠪᠠᠷ ᠬᠠᠭᠠᠵᠤ ᠣᠳᠤᠯᠠ᠃ ᠬᠠᠯᠠᠭᠤᠨ ᠵᠤᠤᠬᠠᠨ ᠤ᠋ ᠳᠡᠷᠭᠡᠳᠡ ᠢᠰᠬᠡᠭᠰᠡᠨ ᠭᠤᠯᠢᠷ ᠪᠠᠢᠵᠤ ᠶᠠᠳᠠᠲᠠᠯᠠ ᠬᠥᠭᠡᠭᠡᠵᠦ ᠪᠠᠢᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ 1᠂ ᠮᠡᠷᠭᠡᠨᠭᠣᠸᠠ 1᠂ ᠪᠠᠶᠠᠨᠴᠡᠴᠡᠭ 1᠂ ᠭᠡᠷᠡᠯ 2᠂ ᠬᠦᠦᠳᠠᠭᠠᠭᠤᠯ 1
ᠬᠢᠨᠠᠭᠴᠢ᠄ ᠪᠠᠶᠠᠨᠴᠡᠴᠡᠭ 2
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 6᠂ ᠠᠷᠢᠭᠤᠨ 6