ᠪᠠᠲᠤ ᠬᠠᠭᠠᠨ 7-03ᠠᠮᠠᠨ-ᠲᠣᠭᠰᠢᠨ ᠶᠸᠸᠫᠡᠲBat khaan Бат хаан-ᠷᠣᠮᠠᠨ
226ᠭᠤᠷᠪᠠ ᠂ ᠠᠮᠠᠨ
ᠣᠳᠣᠨ ᠦᠭᠡᠢ ᠲᠩᠷᠢ ᠳ᠋ᠦ᠍ ᠪᠦᠲᠦᠨ ᠰᠠᠷᠠᠨ ᠲᠤᠶᠠᠭᠠᠷᠠᠨ ᠬᠡᠷᠡᠯᠳᠦᠭᠡᠳ ᠵᠢᠵᠢᠭ ᠡᠭᠦᠯᠡ ᠨᠤᠭᠦᠳ ᠲᠦᠷᠭᠡᠨᠡ ᠭᠦᠶᠦᠯᠳᠦᠨ᠃ ᠲᠡᠳᠡ ᠰᠠᠷᠠ ᠲᠠᠢ ᠵᠢᠭᠤᠷᠠᠯᠳᠤᠭᠰᠠᠨ ᠶᠤᠮ ᠰᠢᠭ᠋ ᠭᠱᠠᠨ ᠵᠠᠭᠤᠷᠠ ᠲᠡᠭᠦᠨ ᠢ᠋ ᠪᠦᠷᠬᠦᠨ ᠬᠠᠭᠠᠭᠠᠳ ᠴᠠᠰᠢ ᠨᠡᠭᠦᠵᠦ ᠶᠠᠪᠤᠨᠠ ᠃
ᠸᠡᠥ᠋ᠯ ᠰᠠᠨᠳᠤᠷᠤᠨ ᠲᠣᠯᠣᠭᠠᠢ ᠶᠤᠭᠠᠨ ᠰᠡᠭᠰᠦᠷᠦᠨ᠂
— ᠣᠳᠣ ᠰᠢᠭᠤᠷᠭᠠ ᠲᠠᠯᠪᠢᠬᠤ ᠪᠠᠢᠬᠠ ᠭᠡᠵᠦ ᠵᠡᠷᠭᠡᠴᠡᠨ ᠠᠯᠬᠤᠯᠠᠵᠤ ᠶᠠᠪᠤᠭᠠ ᠲᠣᠮᠣ ᠰᠠᠬᠠᠯ ᠲᠠᠢ ᠨᠥᠬᠥᠷ ᠲᠡᠭᠡᠨ ᠬᠡᠯᠡᠪᠡ᠃
— ᠰᠢᠭᠤᠷᠭᠠ ᠬᠥᠳᠡᠯᠵᠦ ᠪᠠᠢᠬᠤ ᠰᠢᠦ ᠭᠡᠵᠦ ᠲᠡᠷᠡ ᠬᠠᠷᠢᠭᠤᠯᠪᠠ᠃
— ᠰᠢᠭᠤᠷᠭᠠ ᠪᠢᠳᠡᠨ ᠳ᠋ᠦ᠍ ᠲᠤᠰᠠᠲᠠᠢ᠂ ᠲᠠᠲ᠋ᠠᠷ ᠤ᠋ᠳ ᠣᠳᠣ ᠪᠠᠢᠰᠢᠩ ᠰᠠᠪᠠ ᠨᠤᠭᠤᠳ ᠢ᠋ᠶ᠋ᠠᠷ ᠪᠠᠭᠲᠠᠵᠤ ᠶᠠᠳᠠᠲᠠᠯᠠ ᠪᠠᠨ ᠳᠦᠭᠦᠷᠦᠭᠡᠳ ᠪᠣᠢ ᠲᠤᠯᠠ ᠪᠢᠳᠡᠨ ᠢ᠋ ᠮᠡᠳᠡᠬᠦ ᠦᠭᠡᠢ ᠭᠡᠵᠦ ᠼᠪᠶᠠᠭᠠ ᠬᠡᠯᠡᠪᠡ᠃
ᠰᠠᠷᠠ ᠶ᠋ᠢ ᠡᠭᠦᠯᠡ ᠳᠠᠯᠳᠠᠯᠠᠬᠤ ᠶ᠋ᠢᠨ ᠬᠠᠮᠲᠤ ᠣᠢ ᠮᠣᠳᠣ ᠨᠤᠭᠤᠳ ᠪᠦᠷᠬᠦᠭᠰᠡᠨ ᠬᠠᠷᠠ ᠰᠡᠭᠦᠳᠡᠷ ᠢ᠋ᠶ᠋ᠡᠷ ᠭᠡᠨᠡᠳᠲᠡ ᠬᠤᠴᠢᠭᠳᠠᠵᠤ ᠪᠢᠯᠡ᠃
ᠨᠠᠮ ᠨᠡᠢᠯᠡᠭᠴᠢᠳ ᠪᠡᠶᠡ ᠪᠡᠶᠡᠰ ᠲᠡᠭᠡᠨ ᠣᠢᠷᠠᠬᠠᠨ ᠢ᠋ᠶ᠋ᠠᠷ ᠴᠤᠪᠤᠷᠠᠯᠳᠤᠨ ᠣᠷᠣᠭᠰᠢ ᠶᠠᠭᠠᠷᠠᠯ ᠦᠭᠡᠢ ᠲᠠᠪᠰᠢᠨᠠ᠃ ᠲᠦᠷᠦᠭᠦᠨ ᠳ᠋ᠦ᠍ ᠶᠠᠪᠤᠭᠴᠢᠳ ᠨᠢ ᠴᠠᠨᠠ ᠪᠠᠷ ᠶᠠᠪᠤᠵᠤ ᠲᠡᠭᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠶᠠᠪᠤᠭᠴᠢᠳ ᠭᠦᠨ ᠵᠤᠵᠠᠭᠠᠨ ᠴᠠᠰᠤᠨᠠ ᠡᠪᠦᠳᠦᠭ ᠢ᠋ᠶ᠋ᠡᠷ ᠰᠥᠬᠥᠷᠡᠨ ᠤᠨᠠᠭᠰᠠᠭᠠᠷ ᠲᠦᠷᠭᠡᠨ ᠠᠯᠬᠤᠯᠠᠨᠠ᠃
— ᠣᠢᠷᠠᠬᠠᠨ᠂ ᠬᠠᠮᠲᠤ ᠠᠯᠬᠤᠭᠲᠤᠨ!᠁
ᠭᠡᠨᠡᠳᠲᠡ ᠰᠢᠭᠤᠷᠭᠠ ᠪᠤᠷᠭᠢᠵᠤ ᠣᠢ ᠶ᠋ᠢᠨ ᠨᠠᠷᠠᠰᠤ ᠪᠠ ᠬᠠᠷᠠ ᠮᠣᠳᠣᠳ ᠤ᠋ᠨ ᠦᠵᠦᠭᠦᠷ ᠢᠰᠬᠡᠷᠦᠯᠳᠦᠨ ᠭᠠᠩᠬᠤᠨᠠ᠃ ᠰᠠᠯᠬᠢ ᠰᠢᠷᠦᠭᠦᠰᠴᠦ ᠰᠡᠮᠪᠡᠭᠡᠷ (ᠰᠡᠪᠰᠡᠭᠡᠷ) ᠴᠠᠰᠤ ᠪᠠᠷ ᠨᠠᠮ ᠨᠡᠢᠯᠡᠭᠴᠢᠳ ᠢ᠋ ᠪᠤᠯᠠᠨᠠ᠃ ᠲᠡᠳᠦᠢ ᠡᠨᠳᠡ ᠲᠡᠨᠳᠡ ᠦᠭᠡᠢ ᠮᠣᠳᠣᠳ ᠤ᠋ᠨ ᠮᠥᠴᠢᠷ ᠬᠤᠭᠤᠷᠠᠵᠤ ᠮᠣᠳᠣᠳ ᠤᠨᠠᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠨᠠ᠃
— ᠪᠤᠤ ᠬᠣᠴᠣᠷᠤᠭᠲᠤᠨ! ᠭᠡᠵᠦ ᠼᠪᠶᠠᠭᠠ ᠬᠠᠰᠬᠢᠷᠤᠨᠠ᠃
ᠬᠦᠢᠲᠡᠨ ᠴᠠᠰᠤ ᠴᠥ᠍ ᠨᠢᠭᠤᠷ ᠢ᠋ ᠬᠠᠭᠠᠷᠢᠵᠤ᠂ ᠰᠠᠯᠬᠢ ᠬᠥᠯ ᠲᠤᠢᠪᠠᠭᠤᠯᠵᠤ ᠠᠮᠢᠰᠬᠤᠯ ᠳᠠᠪᠬᠤᠴᠠᠭᠤᠯᠤᠨᠠ᠃ ᠪᠡᠷᠬᠡ ᠪᠣᠯᠪᠠ᠃
— ᠱᠣᠩᠬᠣᠷ ᠤ᠋ᠳ ᠮᠢᠨᠢ ᠪᠢᠲᠡᠭᠡᠢ ᠬᠣᠴᠣᠷᠤᠭᠠᠷᠠᠢ! ᠭᠡᠬᠦ ᠳᠠᠭᠤᠨ ᠰᠣᠨᠣᠰᠳᠠᠨᠠ᠃
ᠨᠠᠮ ᠨᠡᠢᠯᠡᠭᠴᠢᠳ ᠬᠣᠴᠣᠷᠬᠤ ᠠ᠋ᠴᠠ ᠠᠶᠤᠨ ᠲᠡᠷᠢᠭᠦᠨ ᠰᠢᠭᠤᠷᠭᠠᠨ ᠳᠤᠮᠳᠠᠭᠤᠷ ᠤᠳᠠᠲᠠᠯᠠ ᠶᠠᠪᠤᠵᠠᠭᠠᠪᠠ᠃
ᠣᠢ ᠳᠣᠲᠣᠷᠠ ᠲᠥᠭᠡᠷᠢᠯᠳᠦᠨ ᠬᠣᠴᠣᠷᠪᠠᠯ ᠦᠬᠦᠨᠡ ᠭᠡᠳᠡᠭ ᠢ᠋ ᠴᠥᠮ ᠮᠡᠳᠡᠵᠡᠭᠡᠵᠦ ᠶᠠᠪᠤᠵᠠᠢ᠃ ᠲᠡᠢᠨᠬᠦ ᠶᠠᠪᠤᠲᠠᠯᠠ ᠲᠦᠷᠦᠭᠦᠯᠡᠨ ᠶᠠᠪᠤᠭᠰᠠᠨ ᠸᠠᠤᠢ᠍ᠯ ᠬᠡᠯᠡᠷᠦᠨ᠂
— ᠶᠡᠷᠤᠢ᠍ᠰᠲ᠋ᠣᠸ ᠲᠤ᠌ ᠣᠢᠷᠠᠬᠠᠨ ᠪᠣᠯᠤᠯᠠ᠃ ᠴᠢᠮᠡᠭᠡ ᠦᠭᠡᠢ ᠶᠠᠪᠤᠵᠠᠭᠠ ᠭᠡᠪᠡ᠃
ᠱᠤᠤᠭᠢᠭᠰᠠᠨ ᠶᠡᠬᠡ ᠰᠠᠯᠬᠢᠨ ᠳᠣᠲᠣᠷᠠ ᠨᠣᠬᠠᠢ ᠶ᠋ᠢᠨ ᠬᠤᠴᠠᠬᠤ ᠳᠠᠭᠤᠨ ᠭᠠᠷᠤᠨᠠ᠃ ᠲᠡᠳᠡᠭᠡᠷ ᠨᠣᠬᠠᠢ ᠶᠡᠷᠦ ᠶ᠋ᠢᠨ ᠰᠥᠨᠢ ᠬᠤᠴᠠᠳᠠᠭ ᠤ᠋ᠨ ᠠᠳᠠᠯᠢ ᠪᠠᠷ ᠪᠢᠰᠢ᠂ ᠯᠠᠪᠲᠠᠢ ᠳᠠᠢᠰᠤᠨ ᠢᠷᠡᠬᠦ ᠶ᠋ᠢ ᠮᠡᠳᠡᠭᠰᠡᠨ ᠶᠤᠮ ᠰᠢᠭ᠌ ᠵᠣᠭᠰᠣᠭᠠ ᠵᠢᠯᠣᠭᠣ ᠦᠭᠡᠢ ᠪᠡᠷ ᠬᠣᠷᠭᠣᠭᠣᠨ ᠪᠣᠷᠭᠤᠵᠠᠭᠠᠨᠠ᠃
ᠨᠠᠮ ᠨᠡᠢᠯᠡᠭᠴᠢᠳ ᠪᠢᠴᠢᠬᠠᠨ ᠵᠣᠭᠰᠣᠵᠤ ᠴᠢᠩᠨᠠᠭᠠᠳ᠂ ᠲᠠᠲ᠋ᠠᠷ ᠤ᠋ᠳ ᠲᠣᠰᠬᠣᠨ ᠳᠡᠭᠡᠷᠡ ᠪᠠᠢᠨᠠ ᠭᠡᠵᠦ ᠰᠢᠢᠳᠪᠦᠷᠢᠯᠡᠪᠡ ᠃
— ᠣᠢᠷᠠᠬᠠᠨ ᠣᠢᠷᠠᠬᠠᠨ ᠭᠡᠵᠦ ᠲᠡᠳᠡᠨ ᠦ᠌ ᠨᠢᠭᠡ ᠂ ᠨᠥᠭᠦᠭᠡ ᠳ᠋ᠡᠭᠡᠨ ᠳᠠᠮᠵᠢᠭᠤᠯᠤᠨ ᠬᠡᠯᠡᠪᠡ ᠃
ᠨᠠᠮ ᠨᠡᠢᠯᠡᠭᠴᠢᠳ ᠣᠢ ᠶ᠋ᠢᠨ ᠵᠠᠬᠠ ᠳ᠋ᠤ᠌ ᠴᠤᠭᠯᠠᠷᠠᠪᠠ᠃ ᠲᠡᠳᠡ ᠨᠢᠰᠦᠨ ᠦᠰᠴᠢᠬᠦ ᠴᠠᠰᠤᠨ ᠰᠢᠭᠤᠷᠭᠠᠨ ᠤ᠋ ᠳᠤᠮᠳᠠᠭᠤᠷ ᠶᠡᠬᠡᠳᠡ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠰᠢᠷᠲᠡᠨ ᠬᠠᠷᠠᠨᠠ᠃ ᠡᠭᠦᠯᠡᠨ ᠳ᠋ᠦ᠍ ᠳᠠᠯᠳᠠᠯᠠᠭᠳᠠᠬᠤ ᠰᠠᠷᠠᠨ ᠤ᠋ ᠪᠦᠳᠡᠭᠢ ᠭᠡᠷᠡᠯ ᠳ᠋ᠦ᠍ ᠪᠠᠢᠰᠢᠩ ᠬᠠᠰᠢᠶᠠ ᠨᠤᠭᠤᠳ ᠬᠠᠷᠠᠯᠠᠨ ᠦᠵᠡᠭᠳᠡᠨᠡ᠃ ᠵᠠᠷᠢᠮ ᠤ᠋ᠳ ᠠ᠋ᠴᠠ ᠨᠢ ᠤᠲᠤᠭᠠ ᠪᠠᠭᠠᠭᠢᠨᠠ᠃ ᠰᠢᠲᠠᠭᠰᠠᠨ ᠥᠭᠡᠬᠦ ᠲᠣᠰᠣ ᠪᠠ ᠲᠠᠷᠢᠶᠠᠨ ᠤ᠋ ᠬᠢᠷᠪᠤᠰᠤ ᠴᠤ᠌ ᠦᠨᠦᠷᠲᠦᠨᠡ᠃ ᠬᠠᠶᠠ ᠨᠠᠷᠢᠬᠠᠨ ᠴᠣᠩᠬᠣ ᠨᠤᠭᠤᠳ ᠢ᠋ᠶ᠋ᠠᠷ ᠭᠠᠯ ᠤ᠋ᠨ ᠪᠦᠳᠡᠭᠢ ᠪᠡᠲᠡᠭᠢ ᠭᠡᠷᠡᠯ ᠬᠠᠷᠠᠭᠳᠠᠵᠤ ᠪᠠᠢᠨᠠ ᠃
ᠫᠷᠤᠺᠦᠢ᠍ᠳᠡ ᠼᠪᠶᠠᠭᠠ ᠶ᠋ᠢᠨ ᠭᠠᠷ ᠢ᠋ ᠪᠠᠷᠢᠵᠤ᠂
— ᠲᠡᠷᠡ ᠵᠠᠬᠠ ᠶ᠋ᠢᠨ ᠪᠠᠢᠰᠢᠩ ᠳ᠋ᠤ᠌ ᠲᠡᠳᠡᠨ ᠦ᠌ ᠬᠢᠨ ᠦ᠌ ᠶᠡᠬᠡ ᠳᠡᠭᠡᠷᠡᠮᠴᠢᠨ ᠪᠠᠢ— ᠮᠦᠷᠡᠲ ᠪᠠᠢᠵᠤ ᠪᠠᠢᠨᠠ ᠰᠢᠦ ᠭᠡᠬᠦ ᠳ᠋ᠦ᠍ ᠼᠪᠶᠠᠭᠠ ᠲᠡᠭᠦᠨ ᠢ᠋ ᠰᠣᠨᠣᠰᠤᠨᠠ᠃
— ᠲᠡᠷᠡ ᠴᠢᠨᠢ ᠣᠳᠣ ᠲᠡᠨᠳᠡ ᠪᠡᠨ ᠱᠤᠤᠭᠢᠯᠳᠤᠭᠰᠠᠭᠠᠷ ᠪᠠᠢᠭᠠ ᠳ᠋ᠠ ᠭᠡᠪᠡ᠃ ᠰᠠᠯᠬᠢᠨ ᠤ᠋ ᠲᠠᠰᠤᠯᠤᠯ ᠢ᠋ᠶ᠋ᠠᠷ ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠤᠬᠢᠯᠠᠬᠤ ᠳᠠᠭᠤᠨ᠂ ᠭᠠᠰᠢᠭᠤᠳᠠᠨ ᠭᠣᠮᠣᠳᠠᠵᠤ ᠴᠢᠷᠠᠯᠠᠬᠤ ᠠᠪᠢᠶᠠ᠂ ᠰᠣᠭᠲᠣᠭᠤ ᠬᠥᠮᠦᠨ ᠦ᠌ ᠪᠠᠷᠬᠢᠷᠠᠨ ᠬᠠᠰᠬᠢᠷᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠪᠠ ᠃
ᠼᠪᠶᠠᠭᠠ ᠲᠤᠰᠢᠶᠠᠯ ᠢ᠋ ᠥᠭᠬᠦ ᠳ᠋ᠦ᠍ ᠨᠠᠮ ᠨᠡᠢᠯᠡᠭᠴᠢᠳ ᠲᠡᠭᠦᠨ ᠢ᠋ ᠶᠡᠬᠡᠳᠡ ᠠᠩᠬᠠᠷᠤᠯᠲᠠᠢ ᠪᠠᠷ ᠰᠣᠨᠣᠰᠤᠨᠠ᠃ ᠲᠡᠭᠡᠭᠡᠳ ᠲᠠᠰᠤᠷᠠᠨ ᠬᠠᠰᠢᠶᠠᠨ ᠤ᠋ ᠵᠦᠭ ᠮᠠᠴᠤᠯᠬᠢᠯᠠᠨ ᠶᠠᠪᠤᠵᠠᠭᠠᠪᠠ᠃
ᠨᠢᠭᠡᠨ ᠪᠠᠭᠠ ᠪᠦᠯᠦᠭ ᠼᠪᠶᠠᠭᠠ ᠶ᠋ᠢᠨ ᠬᠣᠢᠨᠠ ᠠ᠋ᠴᠠ ᠶᠠᠪᠤᠭᠰᠠᠨ ᠪᠥᠭᠡᠳ ᠫᠷᠤᠺᠦᠢ᠍ᠳᠡ ᠲᠡᠭᠦᠨ ᠡᠴᠡ ᠬᠣᠴᠣᠷᠬᠤ ᠦᠭᠡᠢ ᠶᠠᠪᠤᠯᠠ᠃ ᠪᠤᠰᠤᠳ ᠢ᠋ ᠸᠠᠥ᠋ᠯ ᠠᠪᠴᠤ ᠶᠠᠪᠤᠯᠠ᠃ ᠫᠣᠰᠫᠸᠯᠺᠡ ᠡᠴᠡᠴᠦ ᠶᠠᠳᠠᠷᠠᠭᠰᠠᠨ ᠲᠤᠯᠠ ᠮᠣᠷᠢ ᠪᠠᠨ ᠨᠢᠭᠤᠬᠤ ᠪᠠᠷ ᠣᠢ ᠳᠣᠲᠣᠷᠠ ᠬᠣᠴᠣᠷᠴᠠᠢ ᠃
ᠰᠢᠭᠤᠷᠭᠠ ᠠᠩᠬᠠ ᠡᠬᠢᠯᠡᠭᠰᠡᠨ ᠦ᠌ ᠠᠳᠠᠯᠢ ᠭᠡᠨᠡᠳᠲᠡ ᠨᠠᠮᠵᠢᠪᠠ᠃ ᠲᠡᠢᠨᠬᠦ ᠨᠠᠮ ᠨᠡᠢᠯᠡᠭᠴᠢᠳ ᠴᠢᠮᠡᠭᠡ ᠠᠪᠢᠶᠠ ᠦᠭᠡᠢ ᠶᠠᠪᠤᠵᠤ ᠬᠦᠷᠪᠡ ᠃
ᠲᠡᠳᠡᠨ ᠦ᠌ ᠡᠭᠦᠷᠭᠡᠯᠡᠭᠰᠡᠨ ᠮᠠᠨᠠᠭᠠ ᠨᠢ ᠲᠣᠮᠣ ᠪᠠᠭᠠᠨᠠ ᠶ᠋ᠢ ᠲᠦᠰᠢᠵᠦ ᠵᠣᠭᠰᠣᠨᠠ᠃ ᠼᠪᠶᠠᠭᠠ ᠣᠢᠷᠠᠲᠤᠮᠠᠭᠴᠠ ᠭᠠᠷ ᠢ᠋ᠶ᠋ᠠᠷ ᠰᠢᠭᠠᠵᠤ ᠤᠨᠠᠭᠠᠪᠠ᠃ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠮᠣᠷᠢᠳ ᠬᠠᠰᠢᠶᠠᠨ ᠳ᠋ᠤ᠌ ᠤᠶᠠᠭᠠᠲᠠᠢ ᠪᠠᠢᠬᠤ ᠪᠥᠭᠡᠳ ᠲᠡᠭᠦᠨ ᠦ᠌ ᠳᠡᠷᠭᠡᠳᠡ ᠦᠬᠦᠭᠰᠡᠨ ᠬᠥᠮᠦᠨ ᠦ᠌ ᠨᠢᠴᠦᠭᠦᠨ ᠪᠡᠶᠡ ᠴᠠᠰᠤᠨ ᠳᠡᠭᠡᠷᠡ ᠬᠡᠪᠲᠡᠨᠡ᠃
— ᠪᠤᠷᠬᠠᠨ ᠮᠢᠨᠢ᠂ ᠡᠨᠡ ᠴᠢᠨᠢ ᠶᠠᠭᠤ ᠪᠢᠯᠡ ᠭᠡᠵᠦ ᠨᠠᠮ ᠨᠡᠢᠯᠡᠭᠴᠢᠳ ᠭᠠᠰᠠᠯᠤᠯᠳᠤᠨᠠ᠃
— ᠶᠠᠪᠤᠵᠠᠭᠠᠶᠠ ᠭᠡᠵᠦ ᠼᠪᠶᠠᠭᠠ ᠶᠠᠭᠠᠷᠠᠨ᠂
— ᠪᠠᠰᠠ ᠬᠡᠨ ᠢ᠋ ᠴᠦ᠍ ᠪᠣᠯᠲᠤᠭᠠᠢ᠂ ᠠᠪᠤᠷᠠᠵᠤ ᠠᠮᠵᠢᠬᠤ ᠮᠠᠭᠠᠳ ᠦᠭᠡᠢ ᠭᠡᠪᠡ᠃
ᠨᠠᠮ ᠨᠡᠢᠯᠡᠭᠴᠳ ᠲᠡᠳᠡᠭᠡᠷ ᠦ᠋ᠨ ᠮᠣᠷᠢᠳ ᠢ᠋ ᠤᠶᠠᠭᠠᠨ ᠠ᠋ᠴᠠ ᠨᠢ ᠲᠠᠢᠯᠤᠨ ᠮᠣᠷᠳᠠᠭᠠᠳ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠵᠠᠢᠯᠠᠨ ᠶᠠᠪᠤᠪᠠ᠃ ᠲᠡᠳᠡᠨ ᠦ᠌ ᠵᠠᠮ ᠳ᠋ᠤ᠌ ᠮᠣᠩᠭᠣᠯ ᠤ᠋ᠨ ᠣᠷᠣᠰ ᠠ᠋ᠴᠠ ᠬᠤᠯᠠᠭᠠᠢᠯᠠᠭᠰᠠᠨ ᠡᠮᠨᠢᠭ ᠰᠢᠬᠠᠮ ᠮᠣᠷᠢᠳ ᠳᠠᠭᠠᠷᠢᠯᠳᠤᠪᠠ᠃ ᠲᠡᠳᠡᠨᠡᠷ ᠲᠡᠭᠦᠨ ᠢ᠋ ᠪᠠᠷᠢᠨ ᠠᠪᠴᠤ ᠰᠦᠬᠡ ᠪᠡᠨ ᠭᠠᠷ ᠲᠠᠭᠠᠨ ᠪᠥᠬᠡ ᠪᠠᠲᠤ ᠪᠠᠷᠢᠵᠤ ᠴᠢᠨᠠᠭᠰᠢᠯᠠᠨ ᠳᠠᠪᠬᠢᠪᠠ᠃
ᠲᠡᠳᠡ ᠪᠠᠢᠰᠢᠩ ᠳ᠋ᠤ᠌ ᠣᠢᠷᠠ ᠣᠴᠢᠭᠠᠳ ᠭᠤᠷᠪᠠ ᠨᠢ ᠶᠠᠭᠠᠷᠠᠨ ᠬᠠᠭᠤᠴᠢᠨ ᠮᠠᠭᠤ ᠫᠧᠩ ᠦ᠋ᠨ ᠰᠡᠭᠦᠳᠡᠷ ᠲᠠᠯᠠ ᠠ᠋ᠴᠠ ᠨᠢ ᠮᠥᠯᠬᠥᠨ ᠣᠴᠢᠵᠤ ᠰᠢᠲᠠᠭᠠᠪᠠ᠃ ᠲᠡᠭᠦᠨ ᠦ᠌ ᠰᠦᠷᠡᠯ ᠬᠥᠭᠵᠢᠯᠲᠡᠶᠡ ᠨᠣᠴᠣᠵᠤ ᠤᠯᠠᠭᠠᠨ ᠳᠥᠯᠥ ᠣᠷᠣᠢ ᠪᠠᠷ ᠨᠢ ᠨᠣᠴᠣᠵᠤ ᠪᠠᠢᠭᠠᠳ ᠤᠨᠲᠠᠷᠠᠪᠠ᠃ ᠲᠡᠭᠡᠭᠡᠳ ᠬᠡᠰᠡᠭ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠳᠠᠬᠢᠨ ᠰᠢᠳᠡᠵᠦ ᠬᠠᠷᠠᠩᠭᠤᠢ ᠤᠲᠤᠭᠠ ᠪᠤᠷᠭᠢᠭᠤᠯᠤᠨ ᠬᠤᠸᠠ ᠶᠠᠭᠠᠨ ᠲᠤᠶᠠᠭᠠ ᠰᠠᠴᠤᠷᠠᠭᠤᠯᠤᠨ ᠰᠢᠳᠡᠨᠡ᠃
— ᠷᠶᠠᠽᠠᠨ ᠤ᠋ ᠬᠢᠨ ᠣᠷᠣᠭᠰᠢ ᠪᠠᠨ ᠲᠠᠪᠰᠢᠭᠲᠤᠨ ᠭᠡᠵᠦ ᠲᠡᠳᠡ ᠠᠮᠠ ᠠᠮᠠᠨ ᠳ᠋ᠠᠭᠠᠨ ᠬᠠᠰᠬᠢᠷᠤᠯᠳᠤᠨ ᠪᠠᠢᠰᠢᠩ ᠤᠷᠤᠭᠤ ᠣᠷᠣᠪᠠ᠃ ᠲᠡᠳᠡᠨ ᠦ᠌ ᠥᠭᠡᠳᠡ ᠡᠴᠡ ᠲᠠᠲ᠋ᠠᠷ ᠤ᠋ᠳ ᠣᠷᠢᠯᠠᠯᠳᠤᠨ ᠭᠠᠷᠴᠤ ᠢᠷᠡᠪᠡ᠃ ᠲᠡᠳᠡ ᠳᠤᠯᠠᠭᠠᠨ ᠪᠠᠢᠰᠢᠩ ᠠ᠋ᠴᠠ ᠬᠦᠢᠲᠡᠨ ᠵᠢᠪᠠᠷ ᠲᠸ᠋ ᠭᠦᠶᠦᠯᠳᠦᠨ ᠭᠠᠷᠤᠭᠰᠠᠨ ᠪᠠ ᠰᠠᠶᠢᠬᠠᠨ ᠤᠤᠭᠤᠭᠰᠠᠨ ᠠᠷᠢᠬᠢ ᠨᠢ ᠰᠢᠩᠭᠡᠭᠡ ᠦᠭᠡᠢ ᠪᠠᠢᠭᠰᠠᠨ ᠲᠤᠯᠠ ᠭᠠᠢᠬᠠᠭᠰᠠᠭᠠᠷ ᠡᠰᠢ ᠳᠠᠰᠢ ᠪᠡᠨ ᠬᠠᠷᠠᠢᠯᠠᠯᠳᠤᠵᠤ ᠮᠣᠷᠢ ᠪᠠᠨ ᠡᠷᠢᠨᠡ᠃ ᠭᠡᠲᠡᠯᠡ ᠮᠣᠷᠢᠳ ᠨᠢ ᠠᠯᠠᠭᠠ ᠪᠠᠢᠪᠠ᠃
ᠰᠥᠨᠢ ᠲᠤᠷᠰᠢ ᠶ᠋ᠢᠨ ᠬᠠᠷᠠᠩᠭᠤᠢ ᠳ᠋ᠤ᠌ ᠦᠯᠦ ᠲᠠᠨᠢᠭᠳᠠᠬᠤ ᠬᠥᠮᠦᠰ ᠲᠣᠬᠢᠶᠠᠯᠳᠤᠨ ᠲᠠᠯᠠ ᠲᠠᠯᠠ ᠠ᠋ᠴᠠ ᠨᠢ ᠨᠥᠮᠥᠷᠦᠨ ᠢᠷᠡᠵᠦ ᠲᠡᠳᠡᠨ ᠢ᠋ ᠰᠦᠬᠡ ᠪᠠᠷ ᠴᠠᠪᠴᠢᠯᠠᠵᠤ ᠭᠠᠷᠪᠠ᠃
ᠲᠠᠲ᠋ᠠᠷ ᠤ᠋ᠳ ᠡᠰᠢ ᠲᠡᠰᠢ ᠵᠢᠭᠤᠲᠠᠨ ᠭᠦᠶᠦᠪᠡᠴᠦ ᠨᠠᠮ ᠨᠡᠢᠯᠡᠭᠴᠢᠳ ᠲᠡᠳᠡᠨ ᠢ᠋ ᠬᠥᠭᠡᠭᠡᠨ ᠭᠦᠢᠴᠡᠵᠦ ᠲᠤᠢᠪᠠᠷᠭᠠᠭᠰᠠᠭᠠᠷ ᠪᠠᠢᠪᠠ᠃ ᠨᠠᠮ ᠨᠡᠢᠯᠡᠭᠴᠢᠳ ᠣᠯᠵᠠᠯᠠᠨ (ᠣᠯᠵᠠᠯᠠᠭᠳᠠᠨ) ᠪᠠᠷᠢᠭᠳᠠᠭᠰᠠᠨ ᠬᠦᠯᠢᠶᠡᠰᠦᠲᠡᠢ ᠣᠷᠣᠰ ᠬᠥᠮᠦᠰ ᠢ᠋ ᠬᠣᠷᠣᠭᠠᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠣᠯᠵᠤ ᠰᠤᠯᠠᠯᠠᠪᠠ᠃ ᠲᠡᠳᠡ ᠬᠦᠷᠢᠶᠡ ᠬᠠᠰᠢᠶᠠᠨ ᠠ᠋ᠴᠠ ᠭᠠᠷᠴᠤ ᠲᠡᠢᠨᠬᠦ ᠥᠪᠡᠷᠰᠡᠳ ᠢ᠋ ᠲᠠᠮᠤᠯᠠᠭᠴᠢᠳ ᠢ᠋ ᠬᠥᠭᠡᠭᠡᠨ ᠣᠳᠤᠯᠠ᠃
ᠸᠡᠥ᠋ᠯ ᠬᠠᠷᠠ ᠯᠠᠮᠠ ᠨᠠᠷ ᠤ᠋ᠨ ᠪᠠᠢᠰᠢᠩ ᠤ᠋ᠨ ᠱᠠᠲᠤᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠭᠰᠠᠨ ᠨᠣᠢᠷᠮᠤᠭ ᠮᠠᠨᠠᠭᠠᠴᠢ ᠶ᠋ᠢ ᠭᠠᠭᠴᠠᠬᠠᠨ ᠴᠣᠬᠢᠯᠲᠠ ᠪᠠᠷ ᠳᠠᠭᠤᠰᠬᠠᠵᠤ᠂ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠳᠣᠲᠣᠷᠠ ᠨᠢ ᠣᠷᠣᠪᠠ᠃ ᠨᠠᠢᠷᠯᠠᠵᠤ ᠪᠠᠢᠭᠰᠠᠨ ᠪᠣᠯᠤᠯᠲᠠᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢ ᠤᠤᠭᠤᠭᠰᠠᠨ ᠶᠠᠭᠤᠮᠠᠨ ᠤ᠋ ᠦᠯᠡᠳᠡᠭᠳᠡᠯ᠂ ᠶᠠᠰᠤ᠂ ᠬᠠᠯᠢᠰᠤ ᠪᠣᠯᠤᠨ ᠬᠥᠮᠥᠷᠢᠭᠰᠡᠨ ᠠᠶᠠᠭᠠ ᠨᠤᠭᠤᠳ ᠬᠠᠷᠠᠭᠳᠠᠨᠠ᠃ ᠰᠣᠭᠲᠣᠭᠤ ᠬᠡᠳᠦᠨ ᠲᠠᠲ᠋ᠠᠷ ᠤ᠋ᠳ ᠱᠠᠯᠠ ᠳᠡᠭᠡᠷᠡ ᠳᠠᠢᠴᠢᠯᠠᠨ ᠬᠡᠪᠲᠡᠨᠡ᠃ ᠬᠤᠪᠴᠠᠰᠤ ᠶ᠋ᠢ ᠳᠤᠲᠠᠭᠤ ᠬᠠᠭᠠᠰ ᠲᠠᠢᠴᠢᠭᠰᠠᠨ ᠡᠪᠦᠭᠡᠨ ᠫᠣᠫ ᠲᠡᠷᠡ ᠪᠤᠯᠤᠩ ᠳ᠋ᠤ᠌ ᠰᠠᠭᠤᠵᠤ ᠭᠠᠷ ᠢ᠋ᠶ᠋ᠠᠷ ᠡᠪᠦᠳᠦᠭ ᠢ᠋ᠶ᠋ᠡᠨ ᠲᠡᠪᠡᠷᠢᠨ᠂
— ᠪᠤᠷᠬᠠᠨ ᠮᠢᠨᠢ ᠥᠷᠥᠰᠢᠶᠡ᠂ ᠪᠤᠷᠬᠠᠨ ᠮᠢᠨᠢ ᠭᠡᠵᠦ ᠳᠠᠬᠢᠨ ᠳᠠᠪᠲᠠᠨ ᠤᠩᠰᠢᠨᠠ᠃
ᠪᠠᠢ— ᠮᠦᠷᠡᠲ᠂ ᠫᠤᠫ ᠯᠠᠮᠠ ᠶ᠋ᠢᠨ ᠳᠡᠪᠡᠯ ᠢ᠋ᠶ᠋ᠡᠷ ᠬᠤᠴᠢᠭᠠᠳ ᠬᠠᠯᠠᠭᠤᠨ ᠵᠤᠤᠬᠠᠨ ᠳᠡᠭᠡᠷᠡ ᠬᠤᠷᠬᠢᠷᠠᠵᠤ ᠪᠠᠢᠪᠠ᠃ ᠲᠡᠭᠦᠨ ᠦ᠌ ᠳᠡᠷᠭᠡᠳᠡ ᠡᠪᠦᠭᠡᠨ ᠫᠤᠫ ᠤ᠋ᠨ ᠪᠢᠴᠢᠬᠠᠨ ᠠᠴᠢ ᠡᠴᠡᠩᠭᠢ ᠪᠡᠶᠡ ᠶ᠋ᠢ ᠢᠯᠡ ᠭᠠᠷᠭᠠᠨ ᠴᠡᠴᠡᠷᠡᠨ ᠵᠣᠭᠰᠣᠨᠠ᠃
ᠨᠠᠮ ᠨᠡᠢᠯᠡᠭᠴᠢᠳ ᠪᠠᠢ— ᠮᠦᠷᠡᠲ ᠢ᠋ ᠬᠦᠯᠢᠵᠦ ᠥᠨᠳᠥᠷ ᠲᠠᠲᠠᠭᠤᠷᠭᠠ ᠲᠠᠢ ᠬᠥᠯᠳᠡᠭᠦᠦ ᠬᠤᠳᠳᠤᠭ ᠳᠡᠭᠡᠷᠡ ᠠᠪᠴᠢᠷᠠᠯᠠ᠃ ᠲᠡᠷᠡ ᠴᠣᠬᠣᠮ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠦᠯᠦ ᠣᠢᠯᠠᠭᠠᠨ ᠭᠠᠢᠬᠠᠵᠤ ᠵᠣᠭᠰᠣᠨᠠ᠃ ᠲᠡᠭᠡᠭᠡᠳ ᠲᠡᠷᠡ ᠪᠥᠭᠡᠨᠡᠷᠡᠭᠰᠡᠨ(ᠪᠥᠭᠡᠮᠨᠡᠷᠡᠭᠰᠡᠨ) ᠣᠯᠠᠨ ᠡᠷᠡᠴᠦᠳ ᠢ᠋ ᠤᠯᠠᠢᠭᠰᠠᠨ ᠨᠢᠳᠦ ᠪᠡᠷ ᠰᠠᠢᠲᠤᠷ ᠠᠵᠢᠭᠯᠠᠨ ᠬᠠᠷᠠᠭᠠᠳ ᠡᠴᠦᠰ ᠲᠦ᠍᠂
— ᠠᠮᠠ᠂ ᠠᠮᠠᠨ (ᠠᠮᠠᠨ ᠭᠡᠵᠦ ᠲᠦᠷᠺ ᠬᠡᠯᠡ ᠪᠡᠷ ᠠᠭᠤᠴᠢᠯᠠ᠂ ᠥᠷᠥᠰᠢᠶᠡ ᠭᠡᠰᠡᠨ ᠦᠭᠡ ᠪᠣᠯᠤᠨᠠ) ᠭᠡᠪᠡ᠃
— ᠶᠠᠭᠤᠨ ᠤ᠋ ᠴᠢᠨᠢ ᠠᠮᠠᠨ᠁ ᠭᠡᠵᠦ ᠸᠡᠣᠢ᠍ᠯ ᠥᠨᠥᠬᠢ ᠴᠢᠬᠢ ᠲᠡᠢ ᠨᠢ ᠣᠭᠲᠣᠯᠤᠭᠰᠠᠨ ᠡᠭᠡᠮᠦᠭ ᠢ᠋ ᠪᠠᠢ— ᠮᠦᠷᠠᠲ ᠤ᠋ᠨ ᠨᠢᠭᠤᠷ ᠤ᠋ᠨ ᠡᠮᠦᠨᠡ ᠪᠠᠷᠢᠵᠤ᠂
— ᠡᠨᠡ ᠡᠭᠡᠮᠦᠭ ᠢ᠋ ᠬᠠᠮᠢᠭᠠ ᠠ᠋ᠴᠠ ᠠᠪᠤᠭᠰᠠᠨ ᠪᠣᠢ? ᠴᠢᠨᠦ ᠪᠣᠭᠴᠣᠨ ᠠ᠋ᠴᠠ ᠴᠢᠨᠢ ᠣᠯᠤᠯᠠ᠃ ᠥᠬᠢᠳ ᠦ᠋ᠨ ᠴᠢᠬᠢ ᠶ᠋ᠢ ᠬᠡᠨ ᠣᠭᠲᠣᠯᠤᠭᠰᠠᠨ ᠪᠣᠢ? ᠬᠡᠨ ᠬᠦᠴᠦᠷᠬᠡᠭᠰᠡᠨ ᠪᠣᠢ? ᠣᠯᠵᠠᠯᠠᠨ (ᠣᠯᠵᠠᠯᠠᠭᠳᠠᠨ) ᠪᠠᠷᠢᠬᠴᠢᠳ (ᠪᠠᠷᠢᠭᠳᠠᠭᠴᠢᠳ) ᠢ᠋ ᠨᠢᠴᠦᠭᠦᠯᠡᠨ ᠬᠦᠢᠲᠡᠨ ᠵᠢᠪᠠᠷ ᠲᠸ᠋ ᠬᠡᠨ ᠬᠠᠶᠠᠵᠤ ᠪᠠᠢᠭᠰᠠᠨ ᠪᠣᠢ? ᠴᠢᠮᠠ ᠰᠢᠬ ᠯᠡ ᠨᠣᠬᠠᠢ ᠲᠡᠭᠡᠭᠰᠡᠨ ᠪᠢᠵᠡ᠂ ᠡᠭᠦᠨ ᠦ᠌ ᠲᠥᠯᠥᠭᠡ ᠬᠡᠨ ᠢ᠋ ᠴᠠᠭᠠᠵᠠᠯᠠᠪᠠᠯ ᠵᠣᠬᠢᠬᠤ ᠪᠣᠢ? ᠴᠢᠮᠠᠶ᠋ᠢ (ᠴᠢ) ᠪᠠᠢᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ ᠭᠡᠪᠡ᠃
ᠫᠷᠤᠺᠥᠢ᠍ᠳᠡ ᠭᠠᠷ ᠢ᠋ᠶ᠋ᠠᠨ ᠵᠠᠩᠭᠢᠳᠤᠨ ᠭᠦᠶᠦᠵᠦ ᠢᠷᠡᠭᠡᠳ᠂
— ᠡᠳᠡ ᠨᠠᠷ ᠪᠥᠯᠡᠲ᠋ᠺᠠ ᠶ᠋ᠢ ᠶᠠᠭᠤ ᠪᠣᠯᠭᠠᠭᠰᠠᠨ ᠪᠣᠢ? ᠬᠤᠳᠳᠤᠭ ᠳᠡᠭᠡᠷᠡᠬᠢ ᠲᠠᠲᠠᠭᠤᠷᠭᠠ ᠳ᠋ᠤ᠌ ᠪᠠᠷᠢᠵᠤ ᠬᠦᠯᠢᠭᠡᠳ ᠬᠦᠢᠲᠡᠨ ᠤᠰᠤ ᠠᠰᠬᠠᠭᠰᠠᠨ ᠪᠠᠢᠨᠠ᠁ ᠬᠠᠷᠠᠬᠤ ᠦᠭᠡᠢ ᠤᠤ᠂ ᠲᠡᠷᠡ ᠳᠥᠩᠭᠡᠵᠢ ᠠᠮᠢᠳᠤ ᠶ᠋ᠢᠨ ᠲᠡᠳᠦᠢ ᠪᠠᠢᠨᠠ ᠭᠡᠪᠡ᠃
— ᠡᠨᠡ ᠳᠡᠭᠡᠷᠡᠮᠴᠢᠨ ᠢ᠋ ᠲᠡᠷᠡ ᠲᠠᠲᠠᠭᠤᠷᠭᠠ ᠳ᠋ᠤ᠌ ᠬᠦᠯᠢᠰᠦᠭᠡᠢ᠃ᠲᠡᠭᠡᠭᠡᠳ ᠪᠠᠰᠠ ᠴᠢᠬᠢ ᠶ᠋ᠢ ᠨᠢ ᠪᠠᠭᠠᠨᠠ ᠳ᠋ᠤ᠌ ᠬᠠᠳᠠᠭᠠᠰᠤ ᠪᠠᠷ ᠬᠠᠲᠠᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠮᠠᠨ ᠤ᠋ ᠥᠬᠢᠳ ᠦ᠋ᠨ ᠴᠢᠬᠢ ᠶ᠋ᠢ ᠣᠭᠲᠣᠯᠬᠤ ᠳ᠋ᠤ᠌ ᠲᠡᠳᠡᠨ ᠳ᠋ᠦ᠍ ᠶᠠᠮᠠᠷ ᠪᠠᠢᠭᠰᠠᠨ ᠢ᠋ ᠮᠡᠳᠡᠭ ᠭᠡᠵᠦ ᠸᠠᠤᠢ᠍ᠯ ᠰᠢᠢᠳᠪᠦᠷᠢᠯᠡᠪᠡ᠃
ᠼᠪᠶᠠᠭᠠ ᠲᠠᠲ᠋ᠠᠷ ᠤ᠋ᠨ ᠮᠣᠷᠢ ᠶ᠋ᠢ ᠤᠨᠤᠵᠤ ᠢᠷᠡᠭᠡᠳ᠂
— ᠲᠠ ᠨᠠᠷ ᠡᠨᠡ ᠮᠤᠤᠰᠠᠢᠨ ᠲᠠᠢ ᠶᠠᠭᠤ ᠢᠩᠭᠢᠭᠡᠳ ᠪᠠᠢᠭᠰᠠᠨ ᠶᠤᠮ ᠪᠣᠢ? ᠡᠭᠦᠨ ᠢ᠋ ᠳᠠᠭᠤᠰᠬᠠᠭᠠᠳ ᠮᠣᠷᠳᠠᠭᠲᠤᠨ᠂ ᠲᠠᠲ᠋ᠠᠷ ᠤ᠋ᠳ ᠲᠣᠰᠬᠣᠨ ᠳ᠋ᠤ᠌ ᠦᠯᠡᠳᠡᠭᠰᠡᠨ ᠦᠭᠡᠢ᠁(ᠭᠡᠯᠡ᠃)
ᠲᠠᠲ᠋ᠠᠷ ᠤ᠋ᠨ ᠭᠠᠷ ᠠ᠋ᠴᠠ ᠠᠪᠤᠷᠠᠭᠳᠠᠭᠰᠠᠨ ᠨᠠᠮ ᠨᠡᠢᠯᠡᠭᠴᠢᠳ ᠢ᠋ ᠪᠦᠰᠡᠯᠡᠨ ᠪᠦᠰᠡᠭᠦᠢᠴᠦᠳ ᠪᠠ ᠬᠡᠦᠬᠡᠳ ᠦ᠋ᠳ ᠪᠠᠶᠠᠷᠯᠠᠭᠰᠠᠨ ᠳ᠋ᠠᠭᠠᠨ ᠤᠬᠢᠯᠠᠯᠳᠤᠨ ᠲᠠᠯᠬᠠ ᠭᠤᠶᠤᠨᠠ᠃ ᠨᠠᠮ ᠨᠡᠢᠯᠡᠭᠴᠢᠳ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠳᠡᠭᠡᠷᠡᠮᠳᠡᠭᠰᠡᠨ ᠵᠦᠢᠯ ᠦ᠋ᠳ ᠢ᠋ ᠲᠡᠳᠡᠨ ᠳ᠋ᠦ᠍ ᠥᠭᠭᠦᠭᠡᠳ ᠵᠥᠪᠬᠡᠨ ᠮᠣᠷᠢ ᠪᠠ ᠵᠠᠷ ᠵᠡᠪᠰᠡᠭ ᠦ᠋ᠳ ᠢ᠋ ᠥᠪᠡᠷᠰᠡᠳ ᠲᠡᠭᠡᠨ ᠠᠪᠴᠠᠭᠠᠪᠠ᠃ ᠲᠡᠨᠳᠡ ᠡᠴᠡ ᠪᠦᠰᠡᠭᠦᠢᠴᠦᠳ ᠨᠢ ᠨᠠᠮ ᠨᠡᠢᠯᠡᠭᠴᠢᠳ ᠲᠡᠢ ᠨᠡᠢᠯᠡᠭᠡᠳ ᠪᠦᠰᠡᠭᠦᠢᠴᠦᠳ ᠨᠢ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠬᠠᠮᠲᠤᠪᠠᠷ ᠬᠥᠮᠦᠨ ᠠᠮᠢᠲᠠᠨ ᠴᠥᠭᠡᠨ ᠦᠵᠡᠭᠳᠡᠬᠦ ᠵᠠᠮ ᠪᠠ ᠣᠢ ᠳᠤᠮᠳᠠᠭᠤᠷ ᠶᠠᠪᠤᠵᠤ ᠲᠤᠰ ᠲᠤᠰ ᠤ᠋ᠨ ᠲᠣᠰᠬᠣᠨ ᠳ᠋ᠠᠭᠠᠨ ᠬᠦᠷᠬᠦ ᠪᠡᠷ ᠰᠢᠢᠳᠪᠦᠷᠢᠯᠡᠯᠡ᠃
— ᠠᠮᠠᠷᠠᠬᠤ ᠭᠡᠬᠦ ᠶᠠᠪᠤᠳᠠᠯ ᠦᠭᠡᠢ ᠭᠡᠵᠦ ᠼᠪᠶᠠᠭᠠ ᠬᠠᠰᠬᠢᠷᠤᠨᠠ᠃
—ᠪᠢᠳᠡ ᠴᠥᠭᠡᠨ ᠲᠤᠯᠠ ᠡᠨᠡ ᠬᠢᠷᠢ (ᠲᠠᠲ᠋ᠠᠷ ᠤ᠋ᠳ ᠢ᠋) ᠬᠦᠷᠦᠯᠴᠡᠨ ᠢᠷᠡᠭᠡ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠮᠥᠷ ᠢ᠋ᠶ᠋ᠡᠨ ᠪᠤᠷᠤᠭᠤᠯᠠᠬᠤ ᠬᠡᠷᠡᠭᠲᠡᠢ᠁ ᠷᠶᠡᠽᠡᠨᠴᠤᠳ ᠲᠦᠷᠭᠡᠨᠡ ᠤᠷᠤᠭᠰᠢᠯᠠᠵᠠᠭᠠ!
— ᠪᠢ ᠬᠡᠦᠬᠡᠨ ᠨᠤᠭᠦᠳ ᠢ᠋ᠶ᠋ᠡᠷ ᠶᠠᠪᠤᠬᠤ ᠦᠭᠡᠢ᠂ ᠲᠠᠨᠠᠷ ᠤ᠋ᠨ ᠬᠠᠮᠲᠤ ᠶᠠᠪᠤᠨᠠ ᠭᠡᠵᠦ ᠫᠷᠤᠺᠦᠢ᠍ᠳᠠ ᠬᠡᠯᠡᠪᠡ᠃ ᠲᠡᠷᠡ ᠥᠬᠢᠨ᠂ ᠪᠦᠯᠡᠲ᠋ᠺᠡ ᠶ᠋ᠢ ᠡᠮᠡᠭᠡᠯ ᠳᠡᠭᠡᠷᠡ ᠨᠢ ᠮᠣᠷᠳᠠᠭᠤᠯᠪᠠ᠃ ᠲᠡᠭᠦᠨ ᠦ᠌ ᠠᠷᠤ ᠳ᠋ᠤᠨᠢ ᠫᠤᠰᠫᠸᠯᠺᠡ ᠰᠤᠨᠳᠠᠯᠠᠭᠰᠠᠨ ᠪᠢᠯᠡ᠃
— ᠪᠦᠯᠡᠲ᠋ᠺᠡ ᠡᠴᠡ ᠴᠢᠩᠭᠠ ᠪᠠᠷᠢᠵᠤ ᠶᠠᠪᠤᠭᠠᠷᠠᠢ ᠭᠡᠵᠦ ᠫᠷᠤᠺᠦᠢ᠍ᠳᠠ ᠲᠡᠭᠦᠨ ᠳ᠋ᠦ᠍ ᠵᠠᠬᠢᠨ ᠬᠡᠯᠡᠪᠡ᠃ ᠲᠡᠷᠡ ᠥᠬᠢᠨ ᠥᠪᠡᠷ ᠢ᠋ᠶ᠋ᠡᠨ ᠲᠠᠲ᠋ᠠᠷ ᠤ᠋ᠨ ᠮᠣᠷᠢᠨ ᠳ᠋ᠠᠭᠠᠨ ᠦᠰᠦᠷᠦᠨ ᠮᠣᠷᠳᠠᠭᠠᠳ ᠵᠡᠷᠭᠡᠴᠡᠨ ᠶᠠᠪᠤᠯᠠ᠃
ᠮᠠᠨᠠᠨ ᠠᠷᠢᠯᠤᠭᠠᠳ ᠭᠡᠭᠡ ᠭᠠᠷᠴᠤ ᠪᠠᠢᠪᠠ᠃ ᠰᠢᠭᠤᠷᠭᠠ ᠣᠭᠲᠣ ᠰᠢᠭᠤᠷᠤᠭᠠ ᠦᠭᠡᠢ ᠶᠤᠮ ᠰᠢᠭ᠌ ᠨᠠᠮᠳᠠᠪᠠ᠃ ᠶᠡᠷᠥ᠋ᠰᠲ᠋ᠤᠸ ᠬᠣᠪ ᠬᠣᠭᠣᠰᠣᠨ ᠪᠣᠯᠤᠭᠠᠳ ᠠᠯᠠᠭᠳᠠᠭᠰᠠᠨ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠬᠡᠭᠦᠷ ᠡᠨᠳᠡ ᠲᠡᠨᠳᠡ ᠦᠭᠡᠢ ᠬᠡᠪᠲᠡᠨᠡᠮ᠃ ᠲᠤᠰ ᠬᠣᠲᠠᠨ ᠳ᠋ᠤ᠌ ᠠᠮᠢᠳᠤ ᠠᠮᠢᠲᠠᠨ ᠨᠢᠭᠡ ᠴᠦ᠍ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠭᠠᠭᠴᠠᠬᠦ ᠰᠢᠨᠡ ᠢᠳᠡᠰᠢ ᠭᠠᠷᠤᠭᠰᠠᠨ ᠢ᠋ ᠰᠢᠩᠰᠢᠯᠡᠨ ᠮᠡᠳᠡᠭᠰᠡᠨ ᠨᠣᠬᠠᠳ᠂ ᠡᠵᠡᠨ ᠦᠭᠡᠢ ᠪᠣᠯᠤᠭᠰᠠᠨ ᠭᠡᠷ ᠦ᠋ᠳ ᠦ᠋ᠨ ᠬᠣᠭᠣᠷᠣᠨᠳᠣ ᠳ᠋ᠠᠬᠢ ᠰᠡᠭᠦᠳᠡᠷ ᠲᠦ᠍ ᠲᠡᠨᠦᠭᠦᠴᠢᠯᠡᠨ ᠶᠠᠪᠤᠨᠠᠮ᠃ ᠤᠳᠠᠯ ᠦᠭᠡᠢ ᠣᠯᠠᠨ ᠬᠡᠷᠢᠶᠡ ᠰᠢᠪᠠᠭᠤ ᠭᠤᠸᠠᠭᠯᠠᠭᠰᠠᠭᠠᠷ ᠢᠷᠡᠯᠡ᠃
ᠲᠠᠲᠠᠭᠤᠷᠭᠠ ᠲᠠᠢ ᠬᠤᠳᠳᠤᠭ ᠤ᠋ᠨ ᠳᠡᠷᠭᠡᠳᠡ ᠬᠡᠳᠦᠨ ᠨᠣᠬᠠᠳ ᠣᠴᠣᠢᠨ ᠰᠠᠭᠤᠵᠤ ᠬᠡᠯᠡ ᠪᠡᠨ ᠳᠣᠯᠢᠶᠠᠨ᠂ ᠪᠠᠭᠠᠨᠠ ᠳ᠋ᠤ᠌ ᠪᠠᠷᠢᠵᠤ ᠬᠦᠯᠢᠭᠰᠡᠨ ᠪᠠᠢ— ᠮᠦᠷᠡᠲ ᠦ᠋ᠨ ᠵᠦᠭ ᠬᠠᠷᠠᠨᠠᠮ᠃ ᠲᠡᠷᠡ᠂ ᠬᠣᠶᠠᠷ ᠮᠠᠭᠤᠬᠠᠢ ᠨᠢᠳᠦ ᠪᠡᠨ ᠪᠦᠯᠲᠡᠢᠯᠭᠡᠨ᠂
— ᠠᠮᠠᠨ᠂ ᠠᠮᠠᠨ᠁ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ 1᠂ ᠮᠡᠷᠭᠡᠨᠭᠣᠸᠠ 1᠂ ᠬᠡᠷᠡᠢᠳ ᠂ ᠮᠥᠩᠬᠡᠨᠠᠰᠤᠨ 2᠂ᠬᠦᠦᠳᠠᠭᠠᠭᠤᠯ 1᠂ ᠭᠡᠷᠡᠯ 1᠂ ᠪᠠᠶᠠᠨᠴᠡᠴᠡᠭ 1᠂
ᠬᠢᠨᠠᠭᠴᠢ᠄ ᠲ᠂ ᠬᠦᠮᠦᠵᠢᠯᠲᠦ 2
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 7᠂ ᠠᠷᠢᠭᠤᠨ 7