ᠪᠠᠲᠤ ᠬᠠᠭᠠᠨ 7-02 ᠣᠢ ᠶ᠋ᠢᠨ ᠰᠢᠷᠢᠩᠭᠢ ᠳᠡᠭᠡᠷᠡ-ᠲᠣᠭᠰᠢᠨ ᠶᠸᠸᠫᠡᠲBat khaan Бат хаан-ᠷᠣᠮᠠᠨ
165ᠬᠣᠶᠠᠷ ᠂ ᠣᠢ ᠶ᠋ᠢᠨ ᠰᠢᠷᠢᠩᠭᠢ ᠳᠡᠭᠡᠷᠡ
ᠰᠡᠢᠷᠡᠭ ᠶᠡᠬᠡ ᠣᠢ ᠳᠣᠲᠣᠷᠠ ᠴᠢᠪ ᠴᠢᠮᠡᠭᠡ ᠦᠭᠡᠢ ᠠᠵᠢ᠃ ᠮᠣᠳᠣᠨ ᠤ᠋ ᠮᠥᠴᠢᠷ ᠡᠴᠡ ᠪᠥᠭᠡᠮ ᠪᠥᠭᠡᠮ ᠴᠠᠰᠤ ᠤᠨᠠᠬᠤ᠂ ᠬᠡᠷᠡᠮ ᠬᠠᠷᠠᠢᠯᠠᠯᠳᠤᠬᠤ ᠪᠠ ᠡᠪᠦᠯ ᠴᠠᠭ ᠭᠠᠭᠴᠠᠭᠠᠷ ᠣᠷᠣᠰᠢᠬᠤ ᠰᠢᠪᠠᠭᠤᠳ ᠤ᠋ᠨ ᠨᠢᠰᠬᠦ ᠨᠢ ᠲᠣᠪ ᠲᠣᠳᠣᠷᠬᠠᠢ ᠰᠣᠨᠣᠰᠳᠠᠨᠠ᠃
ᠵᠠᠷᠢᠮ ᠳ᠋ᠠᠭᠠᠨ ᠬᠦᠢᠲᠡᠨ ᠡᠴᠡ ᠮᠣᠳᠣ ᠨᠤᠭᠤᠳ ᠳᠡᠰ ᠳᠡᠰ ᠬᠢᠨ ᠬᠠᠭᠠᠷᠠᠬᠤ ᠨᠢ ᠠᠯᠤᠰ ᠤ᠋ᠨ ᠣᠢ ᠳ᠋ᠤ᠌ ᠴᠤᠤᠷᠢᠶᠠᠲᠤᠨᠠ᠃ ᠥᠨᠳᠥᠷ ᠨᠠᠷᠠᠰᠤᠨ ᠤ᠋ ᠣᠷᠣᠢ ᠰᠠᠯᠬᠢᠨᠠ ᠭᠠᠩᠬᠤᠨ ᠬᠥᠳᠡᠯᠬᠦ ᠵᠥᠭᠡᠯᠡᠨ ᠴᠢᠮᠡᠭᠡ ᠬᠠᠶᠠ ᠭᠠᠷᠤᠨᠠ᠃ ᠲᠡᠭᠡᠭᠡᠳ ᠪᠠᠰᠠ ᠬᠥᠭᠰᠢᠨ ᠣᠢ ᠪᠣᠯᠭᠣᠮᠵᠢᠯᠠᠬᠤ ᠮᠡᠲᠦ ᠴᠢᠪ ᠴᠢᠮᠡᠭᠡ ᠦᠭᠡᠢ ᠪᠣᠯᠤᠨᠠ᠃
ᠵᠢᠵᠢᠭ ᠣᠢ ᠪᠠ ᠡᠪᠡᠰᠦ ᠤᠷᠭᠤᠮᠠᠯ ᠤ᠋ᠨ ᠵᠦᠢᠯ ᠢ᠋ ᠵᠤᠵᠠᠭᠠᠨ ᠴᠠᠰᠤᠨ ᠬᠣᠩᠭᠣᠷ ᠳᠠᠷᠤᠭᠰᠠᠨ ᠲᠤᠯᠠ ᠶᠠᠪᠠᠭᠠᠨ ᠴᠤ᠌᠂ ᠣᠨᠣᠯᠭᠠ ᠲᠠᠢ ᠴᠤ᠌ ᠭᠠᠲᠤᠯᠬᠤ ᠠᠷᠭᠠ ᠦᠭᠡᠢ ᠭᠠᠭᠴᠠᠬᠠᠨ ᠠᠳᠤᠭᠤᠰᠤ ᠶ᠋ᠢᠨ ᠰᠢᠷᠢ ᠪᠡᠷ ᠰᠢᠷᠢᠯᠡᠭᠰᠡᠨ ᠪᠣᠭᠣᠨᠢᠬᠠᠨ ᠴᠠᠨᠠ ᠪᠠᠷ ᠭᠦᠨ ᠣᠢ ᠶ᠋ᠢ ᠨᠡᠪᠲᠡᠷᠡᠵᠦ ᠪᠣᠯᠬᠤ ᠠᠵᠢ᠃ ᠡᠨᠡ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠳᠥᠩᠭᠡᠵᠢ ᠮᠡᠳᠡᠭᠳᠡᠬᠦ ᠶ᠋ᠢᠨ ᠲᠡᠳᠦᠢ ᠬᠠᠷᠠᠭᠳᠠᠬᠤ ᠪᠠᠯᠠᠷᠬᠠᠢ ᠬᠠᠷᠭᠤᠢ ᠶᠠᠪᠤᠭᠰᠠᠭᠠᠷ ᠪᠢᠴᠢᠬᠠᠨ ᠨᠠᠮᠤᠭ ᠰᠢᠷᠢᠩᠭᠢ ᠳ᠋ᠦ᠍ ᠬᠦᠷᠦᠨᠡ᠃ ᠲᠡᠨᠳᠡ ᠮᠠᠨ ᠤ᠋ ᠲᠠᠯᠠ ᠶ᠋ᠢᠨ ᠬᠢᠨ ᠴᠤᠭᠯᠠᠷᠠᠵᠤ ᠪᠢᠯᠡ᠃ ᠲᠡᠨᠳᠡ ᠪᠣᠯ ᠲᠠᠲ᠋ᠠᠷ ᠤ᠋ᠨ ᠬᠤᠷᠴᠠ ᠰᠡᠯᠡᠮᠡ ᠪᠤᠶᠤ ᠤᠷᠭᠠ ᠠ᠋ᠴᠠ ᠵᠣᠯ ᠵᠠᠪᠰᠢᠶᠠᠨ ᠢ᠋ᠶ᠋ᠠᠷ ᠠᠮᠢ ᠵᠢᠭᠤᠲᠠᠨ ᠭᠠᠷᠤᠭᠴᠢᠳ᠂ ᠰᠢᠲᠠᠭᠠᠭᠰᠠᠨ ᠲᠣᠰᠬᠣᠨ ᠤ᠋ ᠬᠥᠮᠦᠰ᠂ ᠷᠶᠠᠽᠠᠨ ᠢ᠋ ᠬᠠᠮᠠᠭᠠᠯᠠᠭᠴᠢᠳ ᠠ᠋ᠴᠠ ᠠᠮᠢᠳᠤ ᠦᠯᠡᠳᠡᠭᠡᠳ ᠤᠰᠠᠳᠬᠠᠭᠳᠠᠭᠰᠠᠨ ᠪᠠᠭ ᠠ᠋ᠴᠠ ᠦᠯᠡᠳᠡᠭᠰᠡᠨ ᠴᠡᠷᠢᠭ ᠦ᠋ᠳ ᠪᠠᠢᠵᠠᠢ᠃ ᠣᠢ ᠶ᠋ᠢᠨ ᠴᠠᠭᠠᠳᠤᠬᠢ ᠲᠥᠷᠥᠭᠰᠡᠨ ᠨᠤᠲᠤᠭ ᠤ᠋ᠨ ᠴᠠᠰᠤᠲᠤ ᠲᠠᠯᠠᠪᠤᠷ ᠲᠸ᠋ ᠢᠯᠳᠦ ᠰᠡᠯᠡᠮᠡ ᠭᠢᠯᠠᠯᠵᠠᠵᠤ ᠭᠠᠰᠢᠭᠤᠨ ᠨᠢᠯᠪᠤᠰᠤ ᠠᠰᠬᠠᠷᠠᠵᠤ ᠣᠷᠣᠰ ᠤ᠋ᠨ ᠴᠢᠰᠤ ᠤᠷᠤᠰᠤᠨᠠ᠃ ᠣᠷᠣᠨ ᠭᠡᠷ ᠦ᠋ᠳ ᠰᠢᠲᠠᠵᠤ ᠪᠠᠢᠪᠠ᠃
ᠴᠡᠷᠢᠭ ᠦ᠋ᠳ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠳᠤᠯᠠᠭᠠᠴᠠᠨ ᠨᠠᠷᠠᠰᠤᠨ ᠤ᠋ ᠮᠥᠴᠢᠷ ᠳᠡᠭᠡᠷᠡ ᠬᠡᠪᠲᠡᠵᠦ ᠠᠮᠠᠷᠠᠵᠠᠭᠠᠨᠠ᠃
ᠲᠡᠳᠡ ᠨᠠᠮᠬᠠᠨ ᠳᠠᠭᠤ ᠪᠠᠷ᠄
— ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ ᠶᠠᠭᠤ ᠪᠠᠨ ᠪᠣᠳᠣᠪᠠ?
ᠠᠩᠭᠢᠷ ᠬᠥᠪᠡᠭᠦᠳ ᠮᠢᠨᠢ ᠶᠠᠭᠤ ᠪᠠᠨ ᠰᠠᠨᠠᠭᠠᠰᠢᠷᠠᠪᠠ?
ᠵᠣᠷᠢᠭᠲᠤ ᠲᠣᠯᠣᠭᠠᠢ ᠪᠠᠨ ᠤᠨᠵᠢᠢᠭᠤᠯᠤᠨ ᠰᠠᠭᠤᠳᠠᠭ ᠴᠢᠨᠢ ᠶᠠᠭᠤ ᠪᠣᠢ?
ᠵᠣᠯᠪᠣᠭᠠᠲᠤ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠭᠠᠵᠠᠷ ᠰᠢᠷᠳᠡᠳᠡᠭ ᠴᠢᠨᠢ ᠶᠠᠭᠤ ᠪᠣᠢ? ᠭᠡᠵᠦ ᠳᠠᠭᠤᠯᠠᠭᠰᠠᠨ ᠳ᠋ᠤ᠌ ᠬᠡᠳᠦᠨ ᠬᠥᠮᠦᠰ ᠨᠢᠭᠡᠨ ᠵᠡᠷᠭᠡ᠂
— ᠬᠣᠪᠳᠣᠭ ᠮᠤᠤᠰᠠᠢᠨ ᠲᠠᠲ᠋ᠠᠷ ᠤ᠋ᠳ᠂
ᠬᠣᠣᠷᠯᠠᠬᠤ ᠪᠠᠷ ᠨᠠᠰᠢ ᠪᠠᠨ ᠠᠢᠰᠤᠢ ᠭᠡᠵᠦ ᠲᠦᠷᠢᠪᠡ᠃
ᠲᠡᠳᠡᠨ ᠦ᠌ ᠳᠤᠮᠳᠠ ᠠ᠋ᠴᠠ ᠨᠢᠭᠡ ᠵᠠᠯᠠᠭᠤ ᠬᠥᠮᠦᠨ ᠠᠭᠤᠷᠰᠠᠨ᠄
— ᠳᠠᠭᠤᠯᠠᠬᠤ ᠴᠢᠨᠢ ᠰᠠᠢᠨ ᠪᠢᠰᠢ ᠳ᠋ᠠ?᠁ ᠭᠡᠳ ᠲᠡᠷᠡ ᠳᠤᠷᠠ ᠦᠭᠡᠢ ᠪᠠᠢᠳᠠᠯ ᠢ᠋ ᠦᠵᠡᠭᠦᠯᠦᠨ ᠴᠠᠰᠢ ᠡᠷᠭᠢᠲᠡᠯᠡ ᠨᠢᠭᠡᠨ ᠬᠦᠨᠳᠦ ᠭᠠᠷ ᠲᠡᠭᠦᠨ ᠦ᠌ ᠮᠥᠷᠦᠨ ᠦ᠌ ᠲᠤᠰᠢᠶᠠ ᠭᠠᠵᠠᠷ ᠴᠢᠩᠭᠠ ᠴᠣᠬᠢᠪᠠ᠃ ᠲᠡᠷᠡ ᠡᠷᠭᠢᠵᠦ ᠬᠠᠷᠠᠪᠠᠯ ᠲᠡᠭᠦᠨ ᠦ᠌ ᠳᠡᠷᠭᠡᠳᠡ ᠦᠰᠦᠲᠡᠢ ᠳᠡᠪᠡᠯ᠂ ᠨᠣᠬᠠᠢ ᠶ᠋ᠢᠨ ᠠᠷᠠᠰᠤᠨ ᠮᠠᠯᠠᠭᠠᠢ ᠡᠮᠦᠰᠴᠦ ᠪᠥᠰᠡᠨ ᠳ᠋ᠡᠭᠡᠨ ᠰᠦᠬᠡ ᠬᠠᠪᠴᠢᠭᠤᠯᠤᠭᠰᠠᠨ ᠥᠨᠳᠥᠷ ᠡᠪᠦᠭᠡᠨ ᠵᠣᠭᠰᠣᠵᠤ ᠪᠠᠢᠪᠠ᠃
— ᠶᠠᠭᠤ ᠪᠠᠨ ᠳᠣᠩᠭᠣᠳᠴᠠᠭᠠᠵᠤ ᠪᠠᠢᠭᠠ ᠶᠤᠮ ᠪᠣᠢ? ᠭᠡᠵᠦ ᠲᠡᠷᠡ ᠠᠰᠠᠭᠤᠨᠠ᠃
ᠲᠡᠷᠡ ᠵᠠᠯᠠᠭᠤ ᠮᠥᠷᠥ ᠪᠡᠨ ᠢᠯᠪᠢᠵᠦ
— ᠲᠦᠢ᠂ ᠼᠪᠶᠠᠭᠠ ᠴᠢᠨᠦ ᠡᠨᠡ ᠴᠢᠨᠢ ᠶᠠᠮᠠᠷ ᠭᠡᠭᠴᠢ ᠶ᠋ᠢᠨ ᠭᠠᠷ ᠪᠣᠢ? ᠭᠡᠨᠡ᠃
— ᠳᠠᠭᠤᠤ ᠴᠢᠮᠠᠲᠤ ᠮᠠᠭᠤ ᠪᠣᠯᠬᠤ ᠳ᠋ᠠᠭᠠᠨ ᠶᠠᠭᠠᠬᠢᠬᠤ ᠶᠤᠮ ᠪᠣᠢ?
— ᠲᠠᠲ᠋ᠠᠷ ᠤ᠋ᠳ ᠰᠣᠨᠣᠰᠬᠤ ᠪᠢᠰᠢ ᠤᠤ?
— ᠲᠡᠳᠡ ᠭᠠᠵᠠᠷ ᠤ᠋ᠨ ᠬᠠᠮᠢᠭᠠ ᠠ᠋ᠴᠠ ᠡᠨᠳᠡ ᠢᠷᠡᠵᠦ ᠴᠢᠳᠠᠬᠤ ᠪᠢᠯᠡ᠁ ᠴᠠᠰᠤᠨ ᠳ᠋ᠤ᠌ ᠰᠢᠷᠭᠤᠵᠤ ᠤᠨᠠᠵᠠᠭᠠᠬᠤ ᠪᠢᠵᠡ᠃
— ᠣᠳᠣ ᠳᠠᠭᠤᠯᠠᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠶᠤᠮ ᠪᠢᠯᠡ᠃
— ᠶᠠᠭᠤᠨ ᠳ᠋ᠤ᠌ ᠡᠰᠡ ᠳᠠᠭᠤᠯᠠᠬᠤ ᠪᠢᠯᠡ ?
— ᠣᠷᠣᠨ ᠭᠡᠷ ᠢ᠋ ᠮᠢᠨᠢ ᠰᠢᠲᠠᠭᠠᠭᠰᠠᠨ᠂ ᠡᠪᠦᠭᠡᠳ ᠬᠥᠭᠰᠢᠳ ᠢ᠋ ᠮᠢᠨᠢ ᠠᠯᠠᠭᠰᠠᠨ᠁ ᠡᠬᠡᠨᠡᠷ ᠬᠡᠦᠬᠡᠳ ᠢ᠋ ᠮᠢᠨᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠭᠡᠵᠦ ᠲᠡᠷᠡ ᠵᠠᠯᠠᠭᠤ ᠨᠢᠯᠪᠤᠰᠤ ᠪᠠᠨ ᠴᠤᠪᠤᠷᠠᠭᠤᠯᠤᠨ ᠪᠠᠢᠪᠠ᠃
— ᠵᠠ ᠪᠠᠰᠠ ᠲᠡᠭᠡᠭᠡᠳ ᠡᠨᠡ ᠴᠢᠨᠢ ᠭᠠᠭᠴᠠᠬᠠᠨ ᠴᠢᠮᠠᠲᠤ ᠲᠣᠬᠢᠶᠠᠯᠳᠤᠭᠰᠠᠨ ᠶᠤᠮ ᠤᠤ? ᠴᠢ ᠶᠠᠭᠤ ᠪᠠᠨ ᠴᠠᠯᠴᠢᠵᠤ ᠪᠠᠢᠨᠠ ᠪᠣᠢ? ᠡᠨᠡ ᠭᠠᠰᠢᠭᠤᠨ ᠵᠣᠪᠠᠯᠠᠩ ᠢ᠋ ᠪᠢᠳᠡ ᠴᠥᠮ ᠦᠵᠡᠵᠦ ᠠᠮᠰᠠᠵᠠᠭᠠᠭᠰᠠᠨ ᠰᠢᠦ᠃ ᠬᠠᠷᠢᠨ ᠮᠠᠷᠭᠠᠰᠢ ᠲᠡᠳᠡᠭᠡᠷ ᠵᠢᠷᠲᠠᠭᠠᠢ ᠨᠢᠳᠦᠲᠦ ᠨᠤᠭᠦᠳ ᠦ᠋ᠨ ᠰᠡᠭᠦᠯ ᠢ᠋ ᠨᠢ ᠲᠠᠰᠤ ᠴᠠᠪᠴᠢᠨᠠ᠃ ᠲᠡᠳᠡᠨ ᠢ᠋ ᠵᠠᠪᠠᠯ ᠴᠤ᠌ ᠬᠥᠭᠡᠭᠡᠵᠦ ᠵᠠᠢᠯᠠᠭᠤᠯᠤᠨᠠ ᠭᠡᠬᠦ ᠳ᠋ᠦ᠍ ᠥᠨᠥᠬᠢ ᠵᠠᠯᠠᠭᠤ ᠦᠯᠦ ᠢᠲᠡᠭᠡᠬᠦ ᠪᠠᠢᠳᠠᠯ ᠢ᠋ᠶ᠋ᠠᠷ ᠲᠣᠯᠣᠭᠠᠢ ᠰᠡᠭᠰᠦᠷᠦᠨᠡ᠃
— ᠦᠭᠡᠢ᠂ ᠳᠠᠭᠤᠤ ᠳᠠᠭᠤᠯᠠᠬᠤ ᠦᠭᠡᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠁ ᠭᠡᠵᠦ ᠼᠪᠶᠠᠭᠠ ᠨᠠᠷᠠᠰᠤᠨ ᠤ᠋ ᠣᠢᠴᠢᠭᠰᠠᠨ ᠨᠠᠪᠴᠢᠨ ᠳᠡᠭᠡᠷᠡ ᠰᠠᠭᠤᠵᠤ ᠥᠭᠦᠯᠡᠷᠦᠨ᠄
— ᠮᠠᠨ ᠤ᠋ ᠬᠡᠷᠡᠭ ᠵᠥᠪ᠂ ᠶᠠᠭᠠᠬᠢᠭᠠᠳ ᠲᠠᠲ᠋ᠠᠷ ᠤ᠋ᠳ ᠪᠠᠶᠠᠰᠬᠤᠯᠠᠩᠲᠠᠢ ᠪᠠᠷ ᠳᠠᠭᠤᠯᠠᠬᠤ ᠦᠭᠡᠢ ᠬᠠᠷᠢᠨ ᠴᠢᠨᠣᠠ ᠰᠢᠭ᠋ ᠤᠯᠢᠳᠠᠭ ᠪᠢᠯᠡ ᠃ ᠲᠡᠳᠡᠨ ᠦ᠌ ᠬᠡᠷᠡᠭ ᠪᠤᠷᠤᠭᠤ᠂ ᠶᠡᠷᠦ ᠡᠴᠡ ᠦᠨᠡᠨ ᠬᠡᠷᠡᠭ ᠲᠦ᠍ ᠬᠥᠮᠦᠨ ᠦᠷᠭᠦᠯᠵᠢ ᠳᠠᠭᠤᠯᠠᠳᠠᠭ ᠶᠤᠮ ᠃ ᠲᠡᠷᠡ᠁ ᠲᠡᠷᠡ᠁
— ᠮᠢᠨᠦ ᠭᠡᠳᠡᠰᠦ ᠬᠦᠷᠲᠡᠯᠡ ᠥᠯᠥᠰᠦᠭᠡᠳ ᠳᠠᠭᠤᠯᠠᠬᠤ ᠪᠠᠷᠬᠢᠷᠠᠬᠤ ᠶ᠋ᠢ ᠰᠣᠨᠣᠰᠪᠠ ᠤᠤ ᠭᠡᠬᠦ ᠳ᠋ᠦ᠍᠂
— ᠵᠠ ᠴᠢ ᠴᠢᠨᠢ ᠭᠡᠵᠦ ᠭᠤᠷᠪᠠᠳᠤᠭᠠᠷ ᠬᠥᠮᠦᠨ ᠳᠡᠷᠭᠡᠳᠡ ᠨᠢ ᠣᠢᠷᠠᠬᠠᠨ ᠣᠴᠢᠭᠠᠳ ᠴᠢᠩᠭᠠ ᠳᠠᠭᠤ ᠪᠠᠷ ᠢᠨᠢᠶᠡᠨ᠂
— ᠴᠢᠨᠦ ᠱᠥᠯᠥ ᠴᠢᠨᠢ ᠠᠷᠠᠢᠬᠢᠨ ᠪᠣᠯᠤᠭᠠ ᠦᠭᠡᠢ ᠪᠠᠢᠨᠠ ᠰᠢᠦ ᠭᠡᠨᠡ᠃
— ᠵᠦᠭᠡᠷ ᠲᠣᠭᠣᠭᠠ ᠲᠠᠢ ᠬᠠᠷᠠ ᠤᠰᠤ ᠶ᠋ᠢ ᠪᠤᠴᠠᠯᠤᠮᠠᠭᠴᠠ ᠭᠤᠯᠢᠷ ᠢ᠋ᠶ᠋ᠠᠷ ᠵᠤᠲᠠᠩ ᠪᠣᠯᠭᠠᠨ ᠢᠳᠡᠵᠡᠭᠡᠨᠡ᠃ ᠬᠠᠷᠢᠨ ᠳᠠᠪᠤᠰᠤ ᠪᠠᠢᠬᠤ ᠦᠭᠡᠢ ᠭᠡᠵᠦ ᠪᠢᠲᠡᠭᠡᠢ ᠦᠭᠡ ᠥᠭᠦᠯᠡᠨ ᠭᠠᠷᠭᠠᠭᠠᠷᠠᠢ ᠭᠡᠵᠦ ᠼᠪᠶᠠᠭᠠ ᠬᠡᠯᠡᠪᠡ᠃
— ᠵᠣᠪᠠᠬᠤ ᠴᠤ᠌ ᠡᠴᠦᠰ ᠦ᠋ᠨ ᠬᠡᠷᠡᠭ ᠪᠣᠯᠤᠭᠠᠳ ᠪᠠᠢᠨᠠ᠃ ᠡᠨᠡ ᠴᠢᠨᠢ ᠪᠢᠳᠡᠨ ᠳ᠋ᠦ᠍ ᠶᠠᠭᠤ ᠴᠤ᠌ ᠪᠢᠰᠢ᠃ ᠰᠠᠢᠨ ᠨᠣᠢᠷᠰᠤᠵᠠᠭᠠᠪᠠᠯ ᠵᠡᠭᠦᠳᠦᠨᠡ ᠪᠣᠣᠪᠣ ᠲᠠᠯᠬᠠ ᠦᠵᠡᠭᠳᠡᠨᠡ ᠪᠢᠵᠡ ? ᠭᠡᠲᠡᠯᠡ᠂
— ᠵᠣᠭᠰᠣ᠂ ᠬᠡᠨ ᠶᠠᠪᠤᠵᠤ ᠪᠠᠢᠨᠠ ᠪᠣᠢ? ᠭᠡᠬᠦ ᠴᠢᠮᠡᠭᠡ ᠰᠣᠨᠣᠰᠳᠠᠪᠠ᠃
ᠪᠦᠳᠦᠭᠦᠨ ᠪᠥᠭᠡᠳ ᠪᠣᠭᠣᠨᠢᠬᠠᠨ ᠬᠥᠯ ᠲᠡᠢ ᠨᠢᠭᠡ ᠲᠠᠷᠢᠶᠠᠴᠢᠨ ᠣᠢ ᠳᠤᠮᠳᠠᠭᠤᠷ ᠴᠠᠨᠠ ᠪᠠᠷ ᠮᠠᠢᠵᠢᠭᠢᠨᠠᠨ ᠶᠠᠪᠤᠨᠠ᠃ ᠨᠠᠮ ᠨᠡᠢᠯᠡᠭᠴᠢᠳ ᠢ᠋ ᠬᠠᠷᠠᠬᠤ ᠶ᠋ᠢᠨ ᠬᠠᠮᠲᠤ ᠲᠣᠯᠣᠭᠠᠢ ᠪᠠᠨ ᠳᠡᠭᠡᠭᠰᠢ ᠲᠠᠲᠠᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠬᠠᠷᠠ ᠰᠠᠬᠠᠯ ᠨᠢ ᠰᠡᠷᠪᠡᠯᠵᠡᠨ ᠶᠣᠷᠳᠣᠢᠨᠠ᠃ ᠲᠡᠷᠡ ᠨᠢᠷᠤᠭᠤᠨ ᠳ᠋ᠠᠭᠠᠨ ᠰᠢᠭᠤᠳᠠᠢ ᠲᠠᠢ ᠭᠤᠯᠢᠷ ᠡᠭᠦᠷᠭᠡᠯᠡᠨ ᠶᠠᠪᠤᠪᠠ ᠃ ᠡᠭᠦᠨᠡ ᠨᠠᠮ ᠨᠡᠢᠯᠡᠭᠴᠢᠳ ᠡᠴᠡ ᠬᠡᠳᠦᠨ ᠬᠥᠮᠦᠰ ᠲᠡᠭᠦᠨᠡ ᠣᠢᠷᠠᠲᠤᠵᠤ ᠣᠴᠢᠬᠤ ᠳ᠋ᠤ᠌ ᠪᠤᠰᠤᠳ ᠨᠢ ᠭᠠᠯ ᠤ᠋ᠨ ᠳᠤᠯᠠᠭᠠᠨ ᠢᠯᠴᠢ ᠶ᠋ᠢᠨ ᠳᠡᠷᠭᠡᠳᠡ ᠬᠠᠵᠠᠭᠤᠯᠠᠳᠠᠨ ᠬᠡᠪᠲᠡᠵᠡᠭᠡᠵᠦ ᠯᠡ ᠪᠠᠢᠯᠠ ᠃
— ᠵᠠ ᠴᠡᠷᠢᠭ ᠦ᠋ᠳ᠂ ᠵᠠᠯᠠᠭᠤ ᠬᠤᠷᠴᠠ ᠵᠣᠷᠢᠭᠲᠠᠨ ᠠ᠋᠂ ᠲᠣᠰᠬᠣᠨ ᠠ᠋ᠴᠠ ᠰᠢᠭᠤᠳ ᠵᠠᠭᠤᠨ ᠮᠣᠳᠣ ᠶᠠᠪᠤᠵᠤ ᠬᠠᠳᠠᠮ ᠡᠬᠡ ᠡᠴᠡ ᠪᠡᠯᠡᠭ ᠠᠪᠴᠢᠷᠠᠭᠰᠠᠨ ᠪᠠᠢᠨᠠ᠃ ᠲᠣᠮᠣ ᠰᠢᠭᠤᠳᠠᠢ ᠲᠠᠢ ᠭᠤᠯᠢᠷ ᠠᠪᠴᠢᠷᠠᠪᠠ᠃ ᠬᠣᠢᠷᠭᠣᠰᠢᠵᠤ ᠵᠠᠯᠬᠠᠭᠤᠷᠠᠬᠤ ᠦᠭᠡᠢ ᠪᠣᠯ ᠢᠷᠡᠵᠦ ᠠᠶᠠᠭᠠ ᠪᠤᠶᠤ ᠮᠠᠯᠠᠭᠠᠢ ᠪᠠᠨ ᠲᠤᠰ᠂ ᠪᠣᠰᠢᠭᠣ ᠲᠠᠯᠬᠠ ᠬᠣᠭᠣᠯᠠ ᠶ᠋ᠢ ᠬᠢᠭᠲᠦᠨ! ᠲᠡᠭᠡᠬᠦ ᠦᠭᠡᠢ ᠪᠣᠯ ᠠᠮᠠᠨ ᠳ᠋ᠤ᠌ ᠴᠤ᠌ ᠦᠭᠡᠢ ᠂ ᠬᠠᠮᠠᠷ ᠲᠤ᠌ ᠴᠤ᠌ ᠦᠭᠡᠢ ᠪᠣᠯᠤᠨᠠ ᠰᠢᠦ ᠭᠡᠵᠦ ᠢᠨᠢᠶᠡᠯᠳᠦᠨᠡ᠃
— ᠭᠤᠯᠢᠷ ᠬᠠᠮᠢᠭᠠ ᠠ᠋ᠴᠠ ᠠᠪᠴᠢᠷᠠᠪᠠ᠂ ᠬᠡᠨ ᠠᠪᠴᠢᠷᠠᠪᠠ? ᠭᠡᠵᠦ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠠᠰᠬᠢᠷᠤᠯᠳᠤᠨᠠ᠃
— ᠡᠨᠡ ᠶᠡᠬᠡ ᠰᠠᠬᠠᠯ ᠲᠠᠢ ᠥᠭᠯᠢᠭᠡᠴᠢ ᠡᠪᠦᠭᠡᠨ ᠥᠭᠪᠡ᠂ ᠲᠠᠲ᠋ᠠᠷ ᠤ᠋ᠳ ᠲᠡᠭᠦᠨ ᠢ᠋ ᠵᠤᠤᠬᠠᠨ ᠠ᠋ᠴᠠ ᠤᠨᠠᠭᠠᠳ ᠬᠡᠯᠡᠭᠡᠢ ᠪᠣᠯᠤᠭᠰᠠᠨ ᠠ᠋ᠴᠠ ᠬᠣᠢᠰᠢ ᠫᠣᠷ ᠭᠡᠵᠦ ᠨᠡᠷᠡᠯᠡᠬᠦ ᠪᠣᠯᠤᠭᠰᠠᠨ ᠶᠤᠮ ᠭᠡᠨᠡ᠃
ᠼᠪᠶᠠᠭᠠ ᠪᠣᠰᠤᠨ ᠬᠠᠷᠠᠢᠵᠤ᠂
— ᠸᠠᠤᠢ᠍ᠯ— ᠰᠸᠨᠲ ᠭᠡᠵᠦ ᠲᠠᠨᠢᠯ ᠨᠥᠬᠥᠷ ᠢ᠋ᠶ᠋ᠠᠨ ᠲᠡᠪᠡᠷᠢᠪᠡ᠃
— ᠲᠠᠨᠠᠷ ᠢ᠋ ᠡᠨᠳᠡ ᠥᠯᠪᠡᠷᠦᠨ ᠪᠠᠢᠭᠠ ᠶ᠋ᠢ ᠮᠡᠳᠡᠭᠡᠳ ᠭᠤᠯᠢᠷ ᠠᠪᠴᠢᠷᠠᠪᠠ ᠭᠡᠵᠦ ᠸᠠᠤᠢ᠍ᠯ ᠲᠠᠢᠯᠪᠤᠷᠢᠯᠠᠨ ᠬᠡᠯᠡᠨᠡᠮ᠃
— ᠵᠣᠷᠢᠭᠲᠤ ᠡᠷᠡ ᠮᠢᠨᠢ ᠪᠢᠳᠡᠨ ᠦ᠌ ᠭᠡᠳᠡᠰᠦ ᠬᠣᠭᠣᠰᠣᠨ ᠪᠣᠯᠤᠭᠠᠳ ᠪᠠᠢᠬᠤ ᠳ᠋ᠤ᠌ ᠴᠠᠳᠲᠠᠯᠠ ᠬᠣᠭᠣᠯᠠᠯᠠᠭᠤᠯᠪᠠ ᠭᠡᠵᠦ ᠪᠦᠭᠦᠳᠡᠭᠡᠷ ᠬᠡᠯᠡᠪᠡ᠃
— ᠸᠠᠤᠢ᠍ᠯ ᠮᠠᠨ ᠤ᠋ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠢᠷᠡᠵᠦ ᠰᠠᠭᠤᠭᠲᠤᠨ᠃
— ᠦᠭᠡᠢ ᠨᠡᠰᠢ ᠪᠠᠨ ᠮᠠᠨ ᠤ᠋ ᠡᠨᠳᠡ ᠢᠷᠡᠭᠲᠦᠨ ᠭᠡᠯᠴᠡᠨᠡᠮ᠃
— ᠴᠢ ᠶᠠᠭᠠᠬᠢᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠶᠠᠷᠢᠭᠲᠤᠨ ᠭᠡᠵᠦ ᠼᠪᠶᠠᠭᠠ ᠠ᠋ᠴᠠ ᠠᠰᠠᠭᠤᠨᠠ᠃
— ᠴᠢᠮᠠᠶ᠋ᠢ ᠷᠶᠡᠽᠡᠨ ᠦ᠌ ᠬᠡᠷᠡᠮ ᠡᠴᠡ ᠭᠣᠣᠯ ᠤ᠋ᠨ ᠵᠦᠭ ᠭᠦᠶᠦᠬᠦ ᠶ᠋ᠢ ᠴᠢᠨᠢ ᠪᠢ ᠦᠵᠡᠭᠡᠳ ᠴᠢᠮᠠᠶ᠋ᠢ ᠲᠡᠨᠳᠡ ᠤᠨᠠᠵᠤ ᠦᠬᠦᠭᠰᠡᠨ ᠭᠡᠵᠦ ᠪᠣᠳᠣᠭᠰᠠᠨ᠃
— ᠮᠢᠨᠦ ᠦᠬᠦᠯ ᠦ᠋ᠨ ᠡᠳᠦᠷ ᠬᠦᠷᠴᠦ ᠢᠷᠡᠬᠦ ᠪᠠᠰᠠ ᠪᠣᠯᠤᠭᠠ ᠦᠭᠡᠢ ᠪᠠᠢᠨᠠ᠃
— ᠵᠢᠳᠬᠦᠭᠰᠡᠭᠡᠷ ᠢᠷᠡᠯᠡ᠃ ᠣᠰᠤᠭᠤᠵᠤ ᠬᠠᠳᠠᠲᠠᠯᠠ ᠬᠣᠶᠠᠷ ᠬᠣᠨᠣᠭ ᠣᠢ ᠳᠤᠮᠳᠠᠭᠤᠷ ᠶᠠᠪᠤᠪᠠ᠃
— ᠬᠣ᠋᠂ ᠬᠣ᠋᠂ ᠬᠣ᠋ ᠭᠡᠵᠦ ᠢᠨᠢᠶᠡᠯᠳᠦᠨ
— ᠥᠪᠡᠷ ᠦ᠋ᠨ ᠬᠣᠶᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠲᠠᠷᠢᠭᠰᠠᠨ ᠤᠤ?
— ᠦᠭᠡᠢ᠂ ᠬᠡᠨ ᠦ᠌ ᠪᠠᠢᠬᠤ ᠶᠤᠮ ᠪᠣᠢ? ᠪᠠᠢᠳᠠᠭ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠢᠭᠤᠲᠠᠨ ᠨᠠᠮ ᠨᠡᠢᠯᠡᠭᠴᠢᠳ ᠢ᠋ ᠡᠷᠢᠭᠰᠡᠭᠡᠷ ᠨᠢᠭᠡ ᠶᠠᠭᠤᠮᠠ ᠲᠣᠬᠢᠶᠠᠯᠳᠤᠪᠠ᠃ ᠬᠣᠶᠠᠷ ᠡᠪᠦᠭᠡᠨ ᠨᠠᠮᠠᠶ᠋ᠢ ᠳᠤᠯᠠᠭᠠᠴᠠᠭᠤᠯᠵᠤ ᠴᠠᠨᠠ ᠳᠡᠭᠡᠷᠡ ᠮᠢᠨᠢ ᠭᠠᠷᠭᠠᠭᠠᠳ ᠲᠠᠯᠬᠠ ᠭᠤᠯᠢᠷ ᠢ᠋ ᠥᠭᠭᠦᠯᠡ᠃ ᠲᠡᠭᠡᠭᠡᠳ ᠤᠮᠠᠷᠠ ᠳᠠᠰᠢ ᠶᠠᠪᠤᠪᠠᠯ ᠨᠠᠮ ᠨᠡᠢᠯᠡᠭᠴᠢᠳ ᠲᠡᠢ ᠲᠣᠬᠢᠶᠠᠯᠳᠤᠨᠠ᠃ ᠲᠡᠳᠡᠨᠡᠷ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠠᠢᠷᠠᠯᠠᠨ ᠪᠠᠢᠭᠠ ᠳ᠋ᠤᠨᠢ ᠪᠠᠶᠠᠷᠯᠠᠪᠠ᠃ ᠲᠡᠳᠡᠨ ᠦ᠌ ᠬᠡᠰᠢᠭ ᠲᠦ᠍ ᠮᠥᠷᠭᠥᠶᠡ ᠭᠡᠵᠦ ᠪᠠᠢᠨᠠ ᠭᠡᠵᠦ ᠬᠡᠯᠡᠭᠲᠦᠨ᠂ ᠪᠠᠰᠠ ᠪᠢᠳᠡᠨ ᠦ᠌ ᠡᠪᠦᠭᠡᠳ ᠵᠠᠷ ᠵᠡᠪᠰᠡᠭ ᠢ᠋ᠶ᠋ᠡᠨ ᠬᠤᠷᠴᠠᠯᠠᠵᠤ ᠪᠣᠢ ᠪᠥᠭᠡᠳ ᠳᠠᠷᠤᠢ ᠲᠡᠳᠡᠨ ᠳᠡᠭᠡᠷᠡ ᠬᠦᠷᠴᠦ ᠣᠴᠢᠨᠠ ᠭᠡᠵᠦ ᠪᠠᠢᠨᠠ ᠭᠡᠪᠡ᠃
— ᠮᠠᠨ ᠤ᠋ ᠬᠢᠨ ᠡᠴᠡ ᠶᠠᠭᠤ ᠰᠣᠨᠣᠰᠳᠠᠵᠤ ᠪᠠᠢᠨᠠ?
— ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠭᠡᠵᠢ ᠤᠤ? ᠬᠡᠴᠡᠭᠦᠦ ᠴᠠᠭ ᠪᠣᠯᠤᠯᠠ᠂ ᠲᠠᠲ᠋ᠠᠷ ᠤ᠋ᠳ ᠡᠨᠳᠡ ᠲᠡᠨᠳᠡ ᠦᠭᠡᠢ ᠳᠠᠪᠬᠢᠯᠳᠤᠨ ᠬᠡᠨ ᠢ᠋ ᠴᠦ᠍ ᠦᠯᠦ ᠬᠠᠢᠷᠠᠯᠠᠨ ᠴᠥᠮ ᠢ᠋ ᠵᠠᠨᠴᠢᠨ ᠴᠠᠪᠴᠢᠵᠤ ᠠᠯᠠᠵᠤ ᠪᠠᠢᠨᠠ᠃
— ᠬᠦᠢ᠂ ᠵᠣᠭᠰᠣ! ᠲᠡᠷᠡ ᠲᠠᠲ᠋ᠠᠷ ᠤ᠋ᠨ ᠮᠣᠷᠢ ᠤᠨᠤᠭᠰᠠᠨ ᠬᠡᠨ ᠪᠣᠢ? ᠭᠡᠵᠦ ᠮᠠᠨᠠᠭᠠᠴᠢᠨ (ᠤ᠋)ᠢᠰᠬᠡᠷᠦᠨ ᠬᠠᠰᠬᠢᠷᠬᠤ ᠳᠠᠭᠤᠨ ᠠᠯᠤᠰ ᠬᠣᠯᠠ ᠠ᠋ᠴᠠ ᠰᠣᠨᠣᠰᠳᠠᠨᠠ᠃
— ᠮᠣᠷᠢ ᠨᠢ ᠲᠠᠲ᠋ᠠᠷ ᠤ᠋ᠨ ᠬᠢᠨ ᠦ᠌ ᠪᠣᠯᠪᠠᠴᠤ ᠳᠡᠭᠡᠷᠡ ᠨᠢ ᠶᠠᠪᠤᠭᠠ ᠬᠥᠮᠦᠨ ᠨᠢ ᠲᠠᠨᠠᠷ ᠰᠢᠭ᠋ ᠬᠥᠮᠦᠨ ᠪᠠᠢᠨᠠ ᠭᠡᠵᠦ ᠵᠠᠯᠠᠭᠤ ᠬᠥᠮᠦᠨ ᠦ᠌ ᠬᠤᠩᠬᠠ ᠮᠡᠲᠦ ᠳᠠᠭᠤ ᠪᠠᠷ ᠬᠠᠷᠢᠭᠤᠯᠪᠠ᠃
ᠤᠳᠠᠯ ᠦᠭᠡᠢ ᠮᠣᠷᠢᠲᠠᠢ ᠬᠥᠮᠦᠨ ᠬᠦᠷᠴᠦ ᠢᠷᠡᠯᠡ᠃ ᠲᠡᠷᠡ ᠮᠣᠷᠢ ᠪᠣᠯ ᠲᠣᠮᠣ ᠬᠠᠮᠠᠷ ᠲᠠᠢ᠂ ᠴᠦᠷᠳᠡᠭᠡᠷ ᠭᠡᠳᠡᠰᠦ ᠲᠡᠢ ᠪᠥᠭᠡᠳ ᠲᠡᠭᠦᠨ ᠳ᠋ᠦ᠍ ᠮᠥᠩᠭᠥᠨ ᠬᠡᠷᠡᠭᠯᠡᠯ ᠲᠡᠢ ᠲᠠᠲ᠋ᠠᠷ ᠬᠠᠵᠠᠭᠠᠷ ᠪᠠ ᠭᠠᠨᠵᠤᠭᠠᠯᠠᠭᠠ ᠪᠣᠭᠴᠣ ᠪᠠᠢᠪᠠ᠃ ᠲᠡᠭᠦᠨ ᠳ᠋ᠦ᠍ ᠤᠨᠤᠭᠰᠠᠨ ᠬᠥᠮᠦᠨ ᠨᠢ ᠲᠣᠮᠣ ᠮᠠᠯᠠᠭᠠᠢ᠂ ᠨᠥᠬᠦᠭᠡᠰᠦᠲᠡᠢ ᠳᠡᠪᠡᠯ ᠡᠮᠦᠰᠦᠭᠰᠡᠨ ᠪᠢᠴᠢᠬᠠᠨ ᠬᠡᠦᠬᠡᠳ ᠪᠠᠢᠭᠰᠠᠨ ᠪᠥᠭᠡᠳ ᠲᠡᠭᠦᠨ ᠦ᠌ ᠪᠤᠯᠢᠭᠠᠷᠢ ᠭᠤᠲᠤᠯ ᠲᠠᠢ ᠪᠣᠭᠣᠨᠢᠬᠠᠨ ᠬᠥᠯ ᠳ᠋ᠦ᠍ᠨᠢ ᠲᠠᠲ᠋ᠠᠷ ᠳᠥᠷᠥᠭᠡ ᠬᠠᠷᠠᠭᠳᠠᠨᠠ᠃ ᠲᠡᠭᠦᠨ ᠦ᠌ ᠮᠣᠷᠢᠨ ᠤ᠋ ᠬᠣᠢᠨᠠ ᠠ᠋ᠴᠠ ᠪᠠᠰᠠ ᠨᠢᠭᠡ ᠬᠡᠦᠬᠡᠳ ᠶᠠᠪᠤᠨᠠ᠃
— ᠬᠣ᠋᠂ ᠬᠣ᠋᠂ ᠬᠣ᠋ ᠶᠣᠰᠣᠲᠠᠢ ᠴᠡᠷᠢᠭ ᠦ᠋ᠳ ᠪᠠᠢᠨᠠ ᠳ᠋ᠠ ᠭᠡᠵᠦ ᠲᠡᠷᠡᠬᠦ ᠨᠠᠮ ᠨᠡᠢᠯᠡᠭᠴᠢᠳ ᠬᠥᠭᠡᠷᠦᠯᠳᠦᠨᠡ᠃
— ᠲᠡᠢᠮᠦ ᠪᠠᠢᠨᠠ᠂ ᠲᠡᠭᠦᠨ ᠲᠡᠢ ᠪᠠᠰᠠ ᠵᠠᠮ ᠤ᠋ᠨ ᠬᠠᠨᠢ ᠮᠣᠷᠢᠨ ᠤ᠋ ᠬᠣᠢᠨᠠ ᠠ᠋ᠴᠠ ᠲᠠᠲᠠᠭᠠᠳ ᠶᠠᠪᠤᠨᠠ ᠰᠢᠦ᠃
— ᠸᠠᠩᠲᠠᠨ ᠳᠣᠭᠤᠤᠷ ᠪᠠᠭᠠᠪᠠᠭᠠᠢ ᠰᠢᠭ᠋ ᠮᠥᠯᠬᠥᠭᠡᠳ ᠣᠳᠪᠠ ᠤᠤ?
— ᠡᠮᠡᠭᠡᠳ ᠶᠠᠮᠠᠷ ᠰᠦᠷᠡᠬᠡᠢ ᠪᠠᠭᠠᠲᠤᠷ ᠴᠡᠷᠢᠭ ᠦ᠋ᠳ ᠢ᠋ ᠪᠢᠳᠡᠨᠡᠷ ᠤᠷᠤᠭᠤ ᠶᠠᠪᠤᠭᠤᠯᠪᠠ᠃
ᠲᠡᠨᠳᠡ ᠡᠴᠡ ᠲᠡᠷᠡ ᠮᠣᠷᠢᠲᠠᠢ ᠪᠠᠭᠠᠴᠤᠳ ᠨᠠᠮ ᠨᠡᠢᠯᠡᠭᠴᠢᠳ ᠳᠡᠭᠡᠷᠡ ᠬᠦᠷᠴᠦ ᠣᠴᠢᠭᠠᠳ᠂
— ᠰᠠᠢᠨ ᠨᠥᠬᠥᠳ ᠠ᠋᠂ ᠪᠢᠳᠡᠨ ᠢ᠋ ᠪᠠᠭᠲᠠᠭᠠᠨ ᠠᠪᠤᠨᠠ ᠤᠤ? ᠪᠢᠳᠡ ᠲᠠᠲ᠋ᠠᠷ ᠤ᠋ᠨ ᠭᠠᠷ ᠠ᠋ᠴᠠ ᠵᠢᠭᠤᠲᠠᠨ ᠢᠷᠡᠯᠡ ᠭᠡᠪᠡ᠃
— ᠵᠢᠷᠦᠬᠡᠲᠦ ᠡᠷᠡᠰ ᠦ᠋ᠳ ᠪᠠᠢᠨᠠ᠃
— ᠶᠠᠪᠤ᠂ ᠶᠠᠪᠤ᠂ ᠪᠢᠳᠡᠨ ᠳᠡᠭᠡᠷᠡ ᠣᠴᠢ! ᠡᠨᠡ ᠴᠢᠨᠦ ᠬᠣᠢᠨᠠ ᠠ᠋ᠴᠠ ᠶᠠᠪᠤᠭᠠ ᠢᠳᠡᠷ ᠴᠢᠨᠢ ᠶᠠᠭᠤ ᠪᠢᠯᠡ?
— ᠫᠤᠰᠫᠸᠯᠺᠡ ᠤᠤ? ᠡᠨᠡ ᠴᠢᠨᠢ ᠠᠷᠠᠢ ᠴᠢᠷᠮᠠᠢᠨ ᠭᠠᠷᠤᠭᠰᠠᠨ ᠶᠤᠮ᠃ ᠪᠢᠳᠡ ᠬᠣᠶᠠᠭᠤᠯᠠ ᠮᠣᠷᠢ ᠪᠠᠨ ᠤᠨᠤᠵᠤ ᠶᠠᠪᠤᠭᠰᠠᠨ᠂ ᠣᠳᠣ ᠬᠠᠷᠢᠨ ᠡᠭᠡᠯᠵᠢ ᠪᠡᠷ ᠶᠠᠪᠠᠭᠠᠨ ᠶᠠᠪᠤᠬᠤ ᠪᠣᠯᠤᠭᠰᠠᠨ ᠶᠤᠮ᠃
— ᠬᠡᠦᠬᠡᠳ ᠮᠢᠨᠢ ᠨᠡᠰᠢ ᠢᠷᠡᠵᠦ ᠰᠠᠭᠤᠵᠠᠭᠠ᠃
ᠪᠠᠭᠠ ᠬᠡᠦᠬᠡᠳ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠵᠤ ᠮᠣᠷᠢ ᠪᠠᠨ ᠮᠣᠳᠣᠨ ᠠ᠋ᠴᠠ ᠤᠶᠠᠭᠠᠳ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠣᠴᠢᠪᠠ᠃ ᠲᠡᠭᠦᠨ ᠦ᠌ ᠵᠢᠵᠢᠭᠬᠡᠨ ᠬᠠᠷᠠ ᠨᠢᠳᠦ ᠨᠢ ᠶᠠᠳᠠᠷᠠᠭᠰᠠᠨ ᠴᠠᠭᠠᠨ ᠴᠢᠷᠠᠢ ᠳᠡᠭᠡᠷᠡ ᠮᠠᠰᠢ ᠶᠡᠬᠡ ᠪᠣᠯᠤᠨ ᠦᠵᠡᠭᠳᠡᠨᠡ᠃ ᠲᠡᠷᠡ ᠪᠠᠭᠠ ᠬᠡᠦᠬᠡᠳ ᠨᠥᠭᠦᠭᠡ ᠪᠡᠨ ᠬᠠᠷᠠᠭᠠᠳ ᠢᠨᠢᠶᠡᠵᠦ᠂
— ᠫᠣᠰᠫᠸᠯᠺᠡ ᠴᠢ ᠳᠠᠢᠰᠤᠨ ᠤ᠋ ᠭᠠᠷ ᠠ᠋ᠴᠠ ᠭᠠᠷᠤᠭᠰᠠᠨ ᠨᠢ ᠶᠠᠭᠤᠨ ᠶᠡᠬᠡ ᠨᠢᠯᠬᠠᠷᠤᠤ ᠶᠤᠮ ᠪᠣᠢ? ᠪᠢᠳᠡ ᠪᠣᠯᠤᠯᠠ ᠰᠢᠦ ᠳ᠋ᠠ ᠭᠡᠨᠡ᠃
— ᠲᠡᠷᠡ ᠪᠦᠯᠡᠲ᠋ᠺᠡ ᠶ᠋ᠢ ᠶᠠᠭᠠᠬᠢᠬᠤ ᠪᠣᠯ?
— ᠪᠢᠳᠡ ᠲᠡᠭᠦᠨ ᠢ᠋ ᠵᠠᠪᠠᠯ ᠠᠪᠤᠷᠠᠨᠠ᠃
— ᠬᠡᠦᠬᠡᠳ ᠮᠢᠨᠢ ᠲᠠᠨᠠᠷ ᠴᠢᠨᠢ ᠲᠡᠳᠡᠨ ᠦ᠌ ᠭᠠᠷ ᠠ᠋ᠴᠠ ᠬᠡᠷᠬᠢᠨ ᠮᠤᠯᠲᠤᠷᠠᠪᠠ?
— ᠣᠳᠣ ᠶᠠᠷᠢᠵᠤ ᠥᠭᠭᠦᠶᠡ᠃ ᠭᠠᠭᠴᠠᠬᠠᠨ ᠮᠣᠷᠢᠨ ᠳ᠋ᠤ᠌ ᠢᠳᠡᠭᠦᠯᠬᠦ ᠠᠳᠬᠤ ᠴᠥ᠍ ᠬᠠᠮᠢᠶᠠ ᠦᠭᠡᠢ ᠡᠪᠡᠰᠦ ᠪᠠᠢᠨᠠ ᠤᠤ? ᠡᠨᠡ ᠮᠣᠷᠢ ᠦᠭᠡᠢ ᠪᠣᠯ ᠪᠢᠳᠡ ᠦᠬᠦᠭᠰᠡᠨ ᠰᠢᠦ᠃
— ᠴᠢ ᠶᠠᠭᠤ ᠪᠠᠨ ᠪᠣᠳᠣᠪᠠ? ᠪᠢᠳᠡ ᠴᠢᠮᠠᠲᠤ ᠡᠪᠡᠰᠦ ᠬᠠᠮᠢᠭᠠ ᠠ᠋ᠴᠠ ᠣᠯᠵᠤ ᠥᠭᠬᠦ ᠪᠢᠯᠡ᠃ ᠬᠠᠷᠢᠨ ᠴᠢᠨᠦ ᠡᠮᠡᠭᠡᠯ ᠦ᠋ᠨ ᠬᠣᠢᠨᠠ ᠪᠠᠢᠭᠠ ᠪᠣᠭᠴᠣ ᠳᠣᠲᠣᠷᠠ ᠪᠣᠣᠪᠣ ᠳᠦᠭᠦᠷᠡᠩ ᠪᠠᠢᠭᠠ ᠶᠤᠮ ᠪᠢᠰᠢ ᠪᠢᠵᠡ᠃
— ᠲᠡᠭᠦᠨ ᠳ᠋ᠦ᠍ ᠶᠠᠭᠤ ᠪᠠᠢᠭᠠ ᠶ᠋ᠢ ᠮᠡᠳᠡᠬᠦ ᠦᠭᠡᠢ᠂ ᠲᠡᠷᠡ ᠴᠢᠨᠢ ᠮᠢᠨᠦ ᠶᠠᠭᠤᠮᠠ ᠪᠤᠰᠤ ᠪᠣᠯᠠᠢ᠃
— ᠲᠠᠲ᠋ᠠᠷ ᠤ᠋ᠳ ᠴᠢᠮᠠᠲᠤ ᠶᠠᠭᠤ ᠪᠡᠯᠡᠭᠯᠡᠭᠰᠡᠨ ᠢ᠋ ᠣᠳᠣ ᠦᠵᠡᠵᠡᠭᠡᠶᠡ᠃
ᠲᠡᠳᠡ ᠮᠣᠷᠢᠨ ᠳᠡᠭᠡᠷᠡ ᠣᠴᠢᠵᠤ ᠭᠠᠨᠵᠤᠭᠠᠨ ᠳ᠋ᠤ᠌ ᠪᠠᠢᠭᠰᠠᠨ ᠪᠣᠭᠴᠣ ᠶ᠋ᠢ ᠵᠠᠳᠠᠯᠲᠠᠯᠠ ᠲᠡᠭᠦᠨ ᠡᠴᠡ ᠡᠬᠡᠨᠡᠷ ᠬᠥᠮᠦᠨ ᠦ᠌ ᠭᠣᠶᠣᠯᠠᠯ ᠤ᠋ᠨ ᠬᠡᠷᠡᠭᠯᠡᠯ᠂ ᠤᠭᠠᠯᠵᠠ ᠣᠷᠢᠶᠠᠭᠰᠠᠨ ᠴᠠᠮᠴᠠ ᠨᠤᠭᠤᠳ᠂ ᠮᠥᠩᠭᠥᠨ ᠰᠠᠪᠠ ᠨᠤᠭᠤᠳ᠂ ᠪᠤᠷᠬᠠᠨ ᠵᠡᠷᠭᠡ ᠨᠤᠭᠦᠳ ᠤᠨᠠᠪᠠ᠃ ᠨᠢᠭᠡ ᠲᠠᠯᠠ ᠳ᠋ᠤ᠌ ᠨᠢ ᠠᠯᠲᠠᠨ ᠡᠭᠡᠮᠦᠭ᠂ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠨᠢ ᠬᠠᠷᠠ ᠪᠠ ᠮᠥᠩᠭᠥᠨ ᠵᠣᠭᠣᠰ᠂ ᠭᠤᠷᠪᠠᠳᠠᠬᠢ ᠳ᠋ᠤᠨᠢ ᠲᠠᠯᠬᠠ ᠪᠣᠣᠪᠣ ᠶ᠋ᠢᠨ ᠵᠦᠢᠯ ᠪᠠᠢᠪᠠ᠃
— ᠡᠨᠡ ᠴᠢᠨᠢ ᠴᠢᠮᠠᠲᠤ ᠲᠤᠰᠠᠲᠠᠢ ᠶᠠᠭᠤᠮᠠ ᠪᠠᠢᠨᠠ ᠳ᠋ᠠ ᠭᠡᠯᠴᠡᠨᠡ᠃
— ᠬᠠᠲᠠᠭᠠᠭᠰᠠᠨ ᠲᠠᠯᠬᠠ ᠨᠢ ᠪᠠᠭᠠ ᠪᠣᠯᠪᠠᠴᠤ ᠮᠣᠷᠢ ᠶ᠋ᠢ ᠴᠢᠨᠢ ᠠᠪᠤᠷᠠᠬᠤ ᠪᠢᠵᠡ᠃
— ᠨᠥᠬᠥᠳ ᠠ᠋᠂ ᠲᠠ ᠮᠢᠨᠢ ᠡᠨᠡ ᠴᠢᠨᠢ ᠶᠠᠭᠤ ᠪᠣᠢ? ᠬᠡᠦᠬᠡᠨ ᠨᠤᠭᠦᠳ ᠦ᠋ᠨ ᠡᠭᠡᠮᠦᠭ ᠢ᠋ ᠴᠢᠬᠢ ᠲᠡᠢ ᠨᠢ ᠣᠭᠲᠣᠯᠤᠨ ᠠᠪᠤᠭᠰᠠᠨ ᠪᠠᠢᠨᠠ ᠰᠢᠦ᠃
ᠲᠡᠳᠡ ᠪᠦᠭᠦᠳᠡᠭᠡᠷ ᠪᠣᠰᠤᠨ ᠬᠠᠷᠠᠢᠨ ᠡᠭᠡᠮᠦᠭ ᠢ᠋ ᠪᠡᠶᠡ ᠪᠡᠶᠡᠰ ᠲᠡᠭᠡᠨ ᠳᠠᠮᠵᠢᠭᠤᠯᠤᠨ ᠦᠵᠡᠵᠡᠭᠡᠪᠡ᠃
— ᠪᠢᠳᠡ ᠲᠡᠳᠡᠨ ᠳ᠋ᠦ᠍ ᠡᠭᠦᠨ ᠢ᠋ ᠰᠠᠨᠠᠭᠤᠯᠬᠤ ᠴᠠᠭ ᠢᠷᠡᠨᠡ ᠪᠢᠵᠡ᠂ ᠲᠡᠳᠡᠭᠡᠷ ᠳᠡᠭᠡᠷᠡᠮᠴᠢᠨ ᠴᠢᠨᠣᠠ ᠨᠤᠭᠤᠳ ᠬᠠᠮᠢᠭᠠ ᠪᠠᠢᠨᠠ? ᠬᠡᠦᠬᠡᠳ ᠮᠢᠨᠢ ᠬᠠᠮᠢᠭᠠ ᠠ᠋ᠴᠠ ᠵᠢᠭᠤᠲᠠᠵᠤ ᠢᠷᠡᠪᠡ᠃
ᠪᠠᠭᠠᠴᠤᠳ ᠭᠠᠯ ᠳ᠋ᠤ᠌ ᠣᠢᠷᠠᠲᠤᠨ ᠳᠤᠯᠠᠭᠠᠴᠠᠬᠤ ᠶ᠋ᠢᠨ ᠬᠠᠮᠲᠤ ᠪᠡᠶᠡ ᠪᠡᠶᠡᠰ ᠦ᠋ᠨ ᠶᠠᠷᠢᠶᠠ ᠶ᠋ᠢ ᠲᠠᠰᠤᠯᠤᠨ ᠲᠦᠷᠭᠡᠨ ᠢ᠋ᠶ᠋ᠡᠷ ᠶᠠᠷᠢᠵᠤ ᠡᠬᠢᠯᠡᠪᠡ᠃
— ᠪᠢᠳᠡ ᠸᠯᠠᠳᠢᠮᠢᠷ ᠤ᠋ᠨ ᠬᠥᠮᠦᠰ᠂ ᠬᠣᠲᠠ ᠶ᠋ᠢ ᠲᠠᠲ᠋ᠠᠷ ᠤ᠋ᠳ ᠰᠢᠲᠠᠭᠠᠭᠰᠠᠨ᠂ ᠪᠢᠳᠡ ᠭᠤᠷᠪᠠᠭᠤᠯᠠ ᠪᠠᠨ ᠣᠢ ᠳ᠋ᠤ᠌ ᠵᠢᠭᠤᠲᠠᠨ ᠭᠠᠷᠴᠤ ᠨᠠᠮ ᠨᠡᠢᠯᠡᠭᠴᠢᠳ ᠲᠡᠢ ᠤᠴᠠᠷᠠᠬᠤ ᠶ᠋ᠢ ᠬᠦᠰᠡᠵᠦ ᠪᠢᠳᠡᠨ ᠢ᠋ ᠲᠠᠲ᠋ᠠᠷ ᠤ᠋ᠨ ᠪᠠᠢ— ᠮᠥᠷᠡᠲ ᠦ᠋ᠨ ᠪᠠᠭ ᠪᠠᠷᠢᠵᠤ ᠠᠪᠤᠪᠠ᠃ ᠲᠡᠳᠡ ᠴᠢᠨᠢ ᠠᠷᠢᠶᠠᠲᠠᠨ ᠰᠢᠭ᠋ ᠳᠣᠭᠰᠢᠨ᠂ ᠲᠡᠳᠡ ᠪᠢᠳᠡᠨ ᠢ᠋ ᠠᠷᠭᠠᠮᠵᠢᠪᠠ᠃ ᠲᠡᠳᠡᠨ ᠳ᠋ᠦ᠍ ᠣᠯᠵᠠᠯᠠᠭᠳᠠᠨ ᠪᠠᠷᠢᠭᠳᠠᠭᠴᠢᠳ ᠣᠯᠠᠨ ᠪᠠᠢᠪᠠ᠃ ᠢᠳᠡᠬᠦ ᠶᠠᠭᠤᠮᠠ ᠶᠡᠷᠦ ᠥᠭᠳᠡᠭ ᠦᠭᠡᠢ ᠪᠠ ᠲᠡᠳᠡᠨ ᠦ᠌ ᠭᠠᠷ ᠢ᠋ ᠨᠢ ᠬᠦᠯᠢᠭᠡᠳ ᠬᠥᠲᠥᠯᠵᠦ ᠶᠠᠪᠤᠳᠠᠭ᠃ ᠶᠡᠷᠥ᠋ᠰᠲ᠋ᠤᠸ ᠲᠤ᠌ ᠣᠴᠢᠵᠤ ᠲᠠᠲ᠋ᠠᠷ ᠤ᠋ᠳ ᠭᠠᠩ ᠰᠠᠪᠠ ᠠᠷᠢᠬᠢ ᠶ᠋ᠢ ᠣᠯᠵᠠᠯᠠᠨ ᠪᠦᠭᠦᠳᠡᠭᠡᠷ ᠤᠤᠭᠤᠵᠠᠭᠠᠭᠠᠳ ᠤᠨᠲᠠᠪᠠ᠃ ᠲᠡᠳᠡ (ᠲᠡᠷᠡ) ᠴᠢᠯᠥᠭᠡᠨ ᠳ᠋ᠦ᠍ ᠨᠢ ᠫᠣᠰᠫᠸᠯᠺᠡ ᠪᠢᠳᠡ ᠬᠣᠶᠠᠷ ᠬᠦᠯᠢᠶᠡᠰᠦ ᠪᠡᠨ ᠲᠠᠢᠯᠤᠭᠠᠳ ᠪᠠᠢ— ᠮᠦᠷᠡᠲ ᠦ᠋ᠨ ᠮᠣᠷᠢ ᠶ᠋ᠢ ᠬᠤᠯᠠᠭᠠᠢᠯᠠᠨ ᠤᠨᠤᠭᠠᠳ ᠵᠢᠭᠤᠲᠠᠪᠠ᠃ ᠭᠠᠭᠴᠠᠬᠠᠨ ᠪᠦᠯᠡᠲ᠋ᠺᠡ ᠶ᠋ᠢ ᠠᠪᠴᠤ ᠭᠠᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠨᠢ ᠬᠠᠷᠠᠮᠰᠠᠯᠲᠠᠢ᠃ ᠸᠠᠥ᠋ᠯ ᠪᠤᠰᠤ(ᠪᠣᠰᠴᠤ)᠂
— ᠨᠥᠬᠥᠳ ᠠ᠋! ᠶᠡᠷᠥ᠋ᠰᠲ᠋ᠤᠸ ᠬᠣᠯᠠ ᠪᠤᠰᠤ ᠪᠠᠢᠨᠠ᠃ ᠪᠢ ᠵᠠᠮ ᠢ᠋ ᠮᠡᠳᠡᠨᠡ᠂ ᠶᠠᠪᠤᠵᠠᠭᠠᠶᠠ!
ᠨᠠᠮ ᠨᠡᠢᠯᠡᠭᠴᠢᠳ ᠪᠦᠭᠦᠳᠡ ᠨᠢᠭᠡᠨ ᠵᠡᠷᠭᠡ ᠱᠤᠤᠭᠢᠯᠳᠤᠨ
— ᠵᠦᠢᠲᠡᠢ᠂ ᠳᠡᠭᠡᠷᠡᠮᠴᠢᠳ ᠮᠠᠨᠠᠭᠠᠷᠯᠠᠬᠤ ᠮᠠᠭᠠᠳ ᠦᠭᠡᠢ (ᠭᠡᠪᠡᠯ)
— ᠼᠪᠶᠠᠭᠠ ᠪᠢᠳᠡ ᠬᠣᠶᠠᠷ ᠲᠡᠨᠳᠡᠬᠢ ᠵᠥᠷᠢᠭ ᠪᠦᠬᠦᠨ ᠢ᠋ ᠮᠡᠳᠡᠨᠡ ᠭᠡᠰᠡᠨ ᠳ᠋ᠦ᠍
— ᠪᠢᠳᠡ ᠲᠠᠨᠠᠷ ᠢ᠋ ᠳᠠᠭᠠᠭᠤᠯᠤᠨ ᠶᠠᠪᠤᠶᠠ ᠭᠡᠵᠦ ᠸᠡᠥ᠋ᠯ ᠬᠡᠯᠡᠪᠡ᠃
— ᠫᠤᠰᠫᠸᠯᠺᠡ ᠠ᠋! ᠪᠦᠯᠡᠲ᠋ᠺᠡ ᠶ᠋ᠢ ᠠᠪᠤᠷᠠᠨ ᠠᠪᠬᠤ ᠪᠠᠷ ᠶᠠᠪᠤᠶᠠ ᠭᠡᠵᠦ ᠵᠢᠵᠢᠭ ᠬᠡᠦᠬᠡᠳ ᠦᠰᠦᠷᠦᠨ ᠪᠣᠰᠪᠠ᠃
— ᠵᠢᠷᠦᠬᠡ ᠲᠡᠢ ᠡᠷᠡ ᠴᠢᠨᠦ ᠨᠡᠷᠡ ᠬᠡᠨ ᠭᠡᠳᠡᠭ ᠪᠣᠢ?
— ᠮᠢᠨᠦ ᠤᠤ? ᠫᠷᠤᠺᠦᠢ᠍ᠳᠠ ᠭᠡᠳᠡᠭ᠃
— ᠶᠠᠭᠤ ᠭᠡᠨᠡ᠂ ᠫᠷᠣᠺᠦᠢ᠍ᠳᠠ ᠭᠡᠪᠡ ᠤᠤ? ᠴᠢ ᠴᠢᠨᠢ ᠥᠬᠢᠨ ᠶᠤᠮ ᠤᠤ?
— ᠲᠡᠢᠮᠦ ᠪᠠᠢᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ? ᠭᠡᠳ ᠲᠡᠷᠡ ᠬᠥᠭᠡᠷᠦᠬᠦᠨ ᠬᠡᠦᠬᠡᠳ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠰᠡᠭᠰᠦᠷᠬᠦ ᠳ᠋ᠦ᠍ᠨᠢ ᠬᠣᠩᠭᠣᠷᠬᠠᠨ ᠬᠣᠶᠠᠷ ᠭᠡᠵᠢᠭᠡ ᠤᠨᠵᠢᠢᠵᠤ ᠪᠠᠢᠪᠠ᠃
ᠲᠦᠳᠡᠯ ᠦᠭᠡᠢ ᠨᠠᠮ ᠨᠡᠢᠯᠡᠭᠴᠢᠳ ᠪᠠᠭᠠ ᠶᠡᠷᠥ᠋ᠰᠲ᠋ᠣᠸ ᠤ᠋ᠨ ᠵᠦᠭ ᠴᠢᠭᠯᠡᠨ ᠴᠤᠪᠤᠷᠠᠨ ᠶᠠᠪᠤᠯᠠ᠃ ᠲᠦᠷᠦᠭᠦᠨ ᠳ᠋ᠦ᠍ᠨᠢ ᠸᠠᠥ᠋ᠯ᠂ ᠬᠣᠢᠨᠠ ᠠ᠋ᠴᠠ ᠨᠢ ᠫᠷᠤᠺᠦᠢ᠍ᠳᠠ᠂ ᠫᠤᠰᠫᠸᠯᠺᠡ ᠬᠣᠶᠠᠷ ᠶᠠᠪᠤᠯᠠ᠃ ᠭᠤᠯᠢᠷ ᠪᠠ ᠪᠤᠰᠤᠳ ᠪᠠᠭᠠ ᠰᠠᠭᠠ ᠬᠦᠨᠡᠰᠦ ᠶ᠋ᠢ ᠲᠠᠲ᠋ᠠᠷ ᠤ᠋ᠨ ᠮᠣᠷᠢᠨ ᠳ᠋ᠤ᠌ ᠠᠴᠢᠭᠠᠳ ᠼᠪᠶᠠᠭᠠ ᠬᠥᠲᠥᠯᠦᠨ ᠶᠠᠪᠤᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ 3᠂ ᠮᠡᠷᠭᠡᠨᠭᠣᠸᠠ 2 ᠭᠡᠷᠡᠯ 2᠂ ᠬᠦᠳᠠᠭᠠᠭᠤᠯ 1᠂ ᠬᠡᠷᠡᠶ᠋ᠢᠳ ᠂ ᠮᠥᠩᠬᠡᠨᠠᠰᠤᠨ 1᠂
ᠬᠢᠨᠠᠭᠴᠢ᠄ ᠲ᠂ ᠬᠦᠮᠦᠵᠢᠯᠲᠦ 1
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 9᠂ ᠠᠷᠢᠭᠤᠨ 9