ᠪᠠᠲᠤ ᠬᠠᠭᠠᠨ 6-11ᠭᠷᠧᠭ ᠣᠷᠣᠰ ᠤ᠋ᠨ ᠰᠤᠷᠭᠠᠭᠤᠯᠢ ᠳ᠋ᠤ᠌-ᠣᠷᠣᠰ ᠨᠤᠲᠤᠭ ᠢ᠋ ᠬᠠᠷᠠ ᠡᠭᠦᠯᠡ ᠪᠦᠷᠬᠦᠪᠡBat khaan Бат хаан-ᠷᠣᠮᠠᠨ
179ᠠᠷᠪᠠᠨ ᠨᠢᠭᠡ᠂ ᠭᠷᠧᠭ ᠣᠷᠣᠰ ᠤ᠋ᠨ ᠰᠤᠷᠭᠠᠭᠤᠯᠢ ᠳ᠋ᠤ᠌
ᠮᠥᠷᠭᠥᠯ ᠦ᠋ᠨ ᠰᠦᠮᠡ ᠶ᠋ᠢᠨ ᠳᠡᠷᠭᠡᠳᠡᠬᠢ ᠪᠢᠴᠢᠬᠠᠨ ᠪᠠᠢᠰᠢᠩ ᠳ᠋ᠤ᠌ ᠬᠡᠦᠬᠡᠳ ᠦ᠋ᠳ ᠴᠤᠭᠯᠠᠷᠠᠵᠠᠭᠠᠨᠠ᠃ ᠲᠡᠳᠡ ᠡᠭᠦᠳᠡᠨ ᠦ᠌ ᠥᠷᠥᠭᠡᠨ ᠳ᠋ᠦ᠍ ᠱᠠᠬᠠᠢ ᠪᠠᠨ ᠱᠦᠭᠦᠷᠳᠡᠵᠦ ᠴᠡᠪᠡᠷᠯᠡᠭᠡᠳ ᠣᠷᠣᠬᠤ ᠶ᠋ᠢᠨ ᠬᠠᠮᠲᠤ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠲᠠᠢᠯᠵᠤ ᠨᠢᠭᠡ ᠪᠤᠯᠤᠩ ᠳ᠋ᠤ᠌ ᠣᠪᠣᠭᠠᠯᠠᠭᠠᠳ ᠲᠠᠯᠪᠢᠭᠤᠷ ᠳᠡᠭᠡᠷᠡ ( ᠡᠴᠡ ) ᠮᠣᠳᠣᠨ ᠰᠠᠮ ᠠᠪᠴᠤ ᠲᠣᠭᠣᠷᠢᠭᠤᠯᠤᠨ ᠳᠠᠭᠠᠷᠢᠭᠰᠠᠨ ᠦᠰᠦ ᠪᠡᠨ ᠰᠠᠮᠨᠠᠨᠠ᠃ ᠰᠦᠮᠡ ᠶ᠋ᠢᠨ ᠲᠥᠪ ᠳᠤᠮᠳᠠ ᠣᠴᠢᠵᠤ ᠮᠠᠨᠳᠤᠮᠠᠯ ᠵᠤᠯᠠ ᠲᠠᠢ ᠪᠤᠷᠬᠠᠨ ᠤ᠋ ᠡᠮᠦᠨᠡ ᠬᠢᠴᠢᠶᠡᠩᠭᠦᠢᠯᠡᠨ ᠮᠥᠷᠭᠥᠭᠡᠳ ᠰᠡᠢᠯᠪᠦᠷᠢᠲᠡᠢ ᠮᠣᠳᠣᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠰᠠᠭᠤᠭᠠ ᠪᠠᠭᠰᠢ ᠶ᠋ᠢᠨ ᠲᠡᠰᠢ ᠣᠴᠢᠵᠤ ᠴᠥᠮ ᠨᠢᠭᠡ ᠵᠡᠷᠭᠡᠪᠡᠷ ᠴᠢᠩᠭᠠ ᠳᠠᠭᠤ ᠪᠠᠷ
— ᠮᠠᠺᠰᠢᠮ ᠳ᠋ᠣᠯᠠᠮᠲ᠋ᠣᠸᠢᠴ ᠤᠷᠲᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠲᠤᠭᠠᠢ᠁ ᠭᠡᠨᠡ᠃
ᠲᠣᠮᠣ ᠱᠣᠪᠣᠭᠣᠷ ᠬᠠᠮᠠᠷ᠂ ᠥᠷᠭᠡᠨ ᠬᠠᠷᠠ ᠰᠠᠬᠠᠯ ᠲᠠᠢ ᠪᠠᠭᠰᠢ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠵᠦᠭ ᠰᠢᠷᠦᠭᠦᠨ ᠢ᠋ᠶ᠋ᠡᠷ ᠬᠠᠷᠠᠵᠤ ᠴᠢᠩᠭᠠ ᠪᠠᠷ᠂
— ᠰᠢᠷᠡᠭᠡᠨ ᠳ᠋ᠡᠭᠡᠨ ᠰᠠᠭᠤᠵᠠᠭᠠ᠂ ᠨᠣᠮ ᠢ᠋ᠶ᠋ᠠᠨ ᠨᠡᠭᠡᠭᠡᠭᠲᠦᠨ ᠭᠡᠵᠦ ᠬᠠᠷᠢᠭᠤᠯᠪᠠ᠃
ᠠᠷᠪᠠᠨ ᠬᠣᠶᠠᠷ ᠪᠠᠭᠠᠴᠤᠳ ᠪᠠᠢᠪᠠ᠃ ᠲᠡᠳᠡᠨᠡᠷ ᠤᠷᠲᠤ ᠨᠠᠷᠢᠬᠠᠨ ᠬᠤᠰᠤ ᠮᠣᠳᠣᠨ ᠰᠢᠷᠡᠭᠡᠨ ᠦ᠌ ᠬᠣᠶᠠᠷ ᠲᠠᠯᠠ ᠶ᠋ᠢᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠴᠢᠬᠢᠯᠳᠦᠨ ᠰᠠᠭᠤᠭᠠᠳ ᠤᠷᠭᠤᠮᠠᠯ ᠤ᠋ᠨ ᠨᠠᠪᠴᠢ ᠶ᠋ᠢ ᠦᠳᠡᠵᠦ ᠬᠢᠭᠰᠡᠨ ᠪᠥᠭᠡᠳ ᠤᠷᠢᠳᠤ ᠣᠯᠠᠨ ᠬᠡᠦᠬᠡᠳ ᠢ᠋ ( ᠤ᠋ᠨ) ᠭᠠᠷ ᠳᠠᠮᠵᠢᠨ ᠤᠷᠠᠭᠳᠠᠵᠤ ᠡᠯᠡᠭᠳᠡᠭᠰᠡᠨ ᠪᠢᠴᠢᠮᠡᠯ ᠨᠣᠮ ᠤ᠋ᠳ ᠢ᠋ᠶ᠋ᠠᠨ ᠥᠪᠡᠷᠰᠡᠳ ᠦ᠋ᠨ ᠡᠮᠦᠨᠡ ᠳᠡᠯᠭᠡᠨ ᠲᠠᠯᠪᠢᠵᠠᠭᠠᠪᠠ᠃
— ᠪᠣᠰᠴᠠᠭᠠ ᠭᠡᠳ ᠪᠠᠭᠰᠢ ᠨᠢ ᠦᠰᠦ ᠲᠡᠢ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠬᠠᠨᠠ ᠳ᠋ᠠᠬᠢ ᠨᠣᠮ ᠲᠠᠢ ᠱᠦᠭᠦᠢ ᠶ᠋ᠢᠨ ᠳᠡᠷᠭᠡᠳᠡᠬᠢ ᠮᠣᠳᠣᠨ ᠬᠠᠳᠠᠭᠠᠰᠤᠨ ᠠ᠋ᠴᠠ ᠡᠯᠭᠦᠪᠡ᠃ ᠪᠠᠭᠠᠴᠤᠳ ᠪᠣᠰᠴᠠᠭᠠᠵᠤ ᠨᠢᠭᠡᠨ ᠮᠥᠷᠭᠥᠯ ᠦ᠋ᠨ ᠨᠣᠮ ᠤᠩᠰᠢᠪᠠ᠃
— ᠰᠠᠭᠤᠵᠠᠭᠠ᠂
ᠬᠡᠦᠬᠡᠳ ᠦ᠋ᠳ ᠰᠠᠭᠤᠵᠠᠭᠠᠯᠠ᠃ ᠲᠡᠷᠡ ᠦᠶᠡᠰ ᠲᠦ᠍ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠭᠡᠳ ᠫᠷᠦᠺᠦᠢ᠍ᠳ᠋ᠠ ᠲᠠᠰᠤᠯᠭᠠᠨ ᠳ᠋ᠤ᠌ ᠭᠦᠶᠦᠨ ᠣᠷᠣᠵᠤ ᠢᠷᠡᠪᠡ᠂ ᠲᠡᠭᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠬᠡᠦᠬᠡᠳ ᠬᠠᠷᠠᠭᠴᠢ ᠬᠥᠭᠰᠢᠨ ᠬᠡᠦᠬᠡᠨ ᠣᠷᠣᠵᠤ ᠢᠷᠡᠭᠡᠳ ᠫᠷᠤᠺᠦᠢ᠍ᠳ᠋ᠠ ᠶ᠋ᠢᠨ ᠳᠡᠪᠡᠯ ᠢ᠋ ᠲᠠᠢᠯᠵᠤ ᠴᠠᠮᠴᠠ ᠶ᠋ᠢ ᠨᠢ ᠵᠠᠰᠠᠭᠠᠳ ᠰᠦᠮᠡ ᠶ᠋ᠢᠨ ᠪᠤᠯᠤᠩ ᠳ᠋ᠤ᠌ ᠣᠴᠢᠵᠤ ᠰᠠᠭᠤᠨᠠᠮ᠃
ᠫᠷᠤᠺᠦᠢ᠍ᠳ᠋ᠠ ᠪᠠᠭᠰᠢ ᠳ᠋ᠠᠭᠠᠨ ᠭᠦᠨᠡ ᠮᠡᠬᠦᠢᠰᠬᠢᠵᠦ ᠠᠮᠤᠷ ᠰᠠᠢᠨ ᠢ᠋ ᠢᠷᠦᠭᠡᠭᠡᠳ ᠵᠠᠬᠠ ᠶ᠋ᠢᠨ ᠬᠡᠦᠬᠡᠳ ᠢ᠋ ᠲᠣᠬᠣᠢ ᠪᠠᠷ ᠢ᠋ᠶ᠋ᠠᠨ ᠲᠦᠯᠬᠢᠵᠦ ᠵᠠᠢᠴᠢᠯᠠᠵᠤ ᠪᠤᠰᠤᠳ ᠰᠤᠷᠤᠭᠴᠢᠳ ᠲᠠᠢ ᠵᠡᠷᠭᠡᠯᠡᠳᠡᠨ ᠰᠠᠭᠤᠪᠠ᠃
ᠪᠠᠭᠰᠢ ᠭᠬᠢᠷᠲᠦᠭᠰᠡᠨ ᠬᠠᠷᠠ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠠᠬᠠᠯ ᠢ᠋ᠶ᠋ᠠᠨ ᠢᠯᠪᠢᠵᠦ ᠬᠠᠨᠢᠶᠠᠨ ᠡᠬᠢᠯᠡᠵᠦ ᠬᠡᠯᠡᠬᠦ ᠨᠢ᠄
— ᠪᠢ ᠥᠨᠥᠳᠥᠷ ᠲᠠᠨᠠᠷ ᠲᠸ᠋ ᠰᠤᠷᠭᠠᠯ ᠪᠣᠯᠬᠤ ᠣᠨᠴᠠ ᠦᠭᠡᠰ ᠢ᠋ ᠬᠡᠯᠡᠬᠦ ᠪᠣᠯᠤᠨᠠ᠃ ᠪᠦᠯᠡᠲᠺᠦ ᠨᠠᠳᠠ ᠤᠷᠤᠭᠤ ᠬᠠᠷᠠᠭᠲᠤᠨ᠃ ᠸᠸᠷᠸᠱᠭᠠ ᠲᠣᠮᠣᠭᠠᠲᠠᠢ ᠰᠠᠭᠤᠭᠲᠤᠨ᠃ ᠨᠠᠳᠠ ᠤᠷᠤᠭᠤ ᠬᠠᠷᠠᠵᠠᠭᠠ (ᠭᠡᠪᠡ᠃ )
ᠪᠠᠭᠰᠢ ᠤᠯᠠᠮ ᠬᠦᠴᠦᠲᠡᠢ ᠬᠠᠨᠢᠶᠠᠯᠭᠠᠵᠤ᠂
— ᠭᠡᠯᠦᠩ ᠮᠡᠺᠰᠢᠮ ᠮᠢᠨᠦ ᠡᠭᠦᠷᠭᠡ ᠪᠣᠯ ᠨᠣᠮ ᠪᠢᠴᠢᠬᠦ᠂ ᠲᠠᠨᠠᠷ ᠰᠢᠭ᠋ ᠪᠠᠭᠠ ᠬᠡᠦᠬᠡᠳ ᠲᠦ᠍ ᠪᠢᠴᠢᠭ ᠰᠤᠷᠭᠠᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠲᠠᠨᠠᠷ ᠪᠦᠷ ᠦᠰᠦᠭ ᠢ᠋ ᠰᠤᠷᠤᠭᠰᠠᠨ ᠲᠤᠯᠠ ᠲᠠᠨᠠᠷ ᠢ᠋ ᠱᠠᠲᠤ ᠳᠡᠭᠡᠭᠰᠢᠯᠡᠭᠦᠯᠦᠨ ᠤᠩᠰᠢᠯᠭᠠ ᠨᠣᠮ ᠤ᠋ᠨ ᠵᠡᠷᠭᠡ ᠱᠠᠰᠢᠨ ᠤ᠋ ᠮᠡᠷᠭᠡᠨ ᠰᠤᠷᠭᠠᠯ ᠤ᠋ᠳ ᠲᠤ᠌ ᠰᠤᠷᠭᠠᠬᠤ ᠶ᠋ᠢ ᠪᠣᠳᠣᠵᠤ ᠪᠠᠢᠭᠰᠠᠨ ᠶᠤᠮ ᠭᠡᠨᠡ᠃
ᠬᠡᠦᠬᠡᠳ ᠦ᠋ᠳ ᠠᠮᠠ ᠪᠠᠨ ᠠᠩᠭᠠᠢᠨ ᠱᠣᠬᠣᠭᠣᠷᠬᠠᠨ ᠰᠣᠨᠣᠰᠴᠠᠭᠠᠨᠠ᠃ ᠫᠷᠤᠺᠦᠢ᠍ᠳ᠋ᠠ ᠵᠠᠩᠭᠢᠳᠤᠭᠰᠠᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠢᠨᠠ ᠪᠠᠨ ᠲᠤᠯᠵᠤ ᠪᠠᠭᠰᠢ ᠶ᠋ᠢᠨ ᠬᠡᠯᠡᠵᠦ ᠪᠠᠢᠭᠠ ᠦᠯᠦ ᠤᠬᠠᠭᠠᠭᠳᠠᠬᠤ ᠵᠦᠢᠯ ᠢ᠋ ᠣᠢᠯᠠᠭᠠᠬᠤ ᠶ᠋ᠢ ᠣᠷᠣᠯᠳᠣᠨᠠ᠃
ᠡᠨᠡᠬᠦ《ᠭᠷᠧᠭ— ᠣᠷᠣᠰ 》 ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢ ᠸᠯᠡᠳᠢᠮᠢᠷ ᠰᠦᠽᠳ᠋ᠠᠯᠢ ᠶ᠋ᠢᠨ ᠶᠡᠬᠡ ᠪᠠᠭᠠᠲᠤᠷ ᠮᠡᠷᠭᠡᠨ ᠸᠠᠩ ᠺᠤᠨᠰᠲ᠋ᠠᠨᠲ᠋ᠢᠨ ᠸᠰᠸᠸᠤᠯᠤᠳᠤᠸᠢᠴ ᠪᠠᠢᠭᠤᠯᠵᠠᠢ ᠃ ᠲᠡᠷᠡ ᠣᠯᠠᠨ ᠡᠷᠳᠡᠮᠲᠡᠨ ᠬᠥᠮᠦᠰ ᠢ᠋ ᠳᠡᠷᠭᠡᠳᠡ ᠪᠡᠨ ᠠᠪᠴᠤ ᠪᠠᠢᠭᠰᠠᠨ ᠪᠥᠭᠡᠳ ᠨᠣᠮ ᠳ᠋ᠤ᠌ ᠬᠠᠢᠷᠠᠲᠠᠢ ᠤᠴᠢᠷ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠨᠣᠮ ᠪᠢᠴᠢᠳᠡᠭ ᠪᠠᠢᠭᠰᠠᠨ ᠶᠤᠮ ᠃ ᠭᠠᠭᠴᠠᠬᠠᠨ ᠬ᠌ᠷᠸᠭ ᠨᠣᠮ ᠲᠡᠭᠦᠨ ᠳ᠋ᠦ᠍ ᠮᠢᠩᠭᠠ ᠢᠯᠡᠭᠦᠦ ᠪᠠᠢᠭᠰᠠᠨ ᠨᠢ ᠲᠡᠳᠡᠭᠡᠷ ᠢ᠋ ᠲᠥᠯᠥᠪ ᠥᠪᠡᠷ ᠢ᠋ᠶ᠋ᠡᠨ ᠬᠤᠳᠠᠯᠳᠤᠨ ᠠᠪᠳᠠᠭ ᠤ᠋ᠨ ᠳᠡᠭᠡᠷᠡ ᠭᠠᠵᠠᠷ ᠪᠦᠷᠢ ᠶ᠋ᠢᠨ ᠶᠡᠬᠡ ᠯᠠᠮᠠ ᠨᠠᠷ ᠠ᠋ᠴᠠ ᠪᠡᠯᠡᠭ ᠲᠦ᠍ ᠠᠪᠳᠠᠭ ᠪᠠᠢᠵᠠᠢ ᠃
ᠪᠠᠭᠰᠢ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠢᠭᠤᠷ ᠢ᠋ᠶ᠋ᠠᠨ ᠲᠠᠭᠯᠠᠨ ᠳᠣᠷᠣᠭᠰᠢ ᠰᠢᠷᠡᠭᠡᠨᠡ ᠲᠣᠩᠭᠣᠢᠵᠤ ᠲᠣᠪ ᠳᠤᠭᠤᠢ ᠪᠣᠯᠪᠠ ᠃
ᠬᠡᠦᠬᠡᠳ ᠦ᠋ᠳ ᠪᠡᠶᠡ ᠪᠡᠶᠡᠰ ᠢ᠋ ᠲᠣᠬᠣᠢ ᠪᠠᠷ ᠲᠦᠯᠬᠢᠯᠴᠡᠨ᠂
—ᠡᠭᠦᠨ ᠢ᠋ ᠶᠠᠭᠤᠨ ᠳ᠋ᠤ᠌ ᠬᠡᠯᠡᠵᠦ ᠪᠠᠢᠭᠠ ᠶᠤᠮ ᠂ ᠡᠨᠡ ᠴᠢᠨᠢ ᠶᠠᠭᠠᠬᠢᠵᠤ ᠪᠠᠢᠨᠠ? ᠭᠡᠵᠦ ᠰᠢᠪᠡᠨᠡᠯᠳᠦᠨᠡ᠃
ᠪᠠᠭᠰᠢ ᠭᠠᠷ ᠢ᠋ᠶ᠋ᠠᠨ ᠠᠪᠤᠭᠠᠳ ᠲᠣᠯᠣᠭᠠᠢ ᠪᠠᠨ ᠳᠡᠭᠡᠭᠰᠢ ᠲᠠᠲᠠᠯᠠ᠃
— ᠳᠠᠪᠠᠵᠤ ᠭᠠᠷᠬᠤ ᠳ᠋ᠤ᠌ ᠬᠡᠴᠡᠭᠦᠦ ᠪᠡᠷᠬᠡ ᠴᠠᠭ ᠢᠷᠡᠯᠡ᠃ ᠰᠤᠷᠭᠠᠭᠤᠯᠢ ᠵᠤᠯᠠ ᠮᠡᠲᠦ ᠬᠡᠷᠡᠯᠳᠦᠵᠦ ᠪᠠᠢᠳᠠᠭ ᠮᠠᠨ ᠤ᠋ ᠠᠯᠳᠠᠷᠲᠤ ᠸᠯᠠᠲᠢᠮᠢᠷ ᠬᠣᠲᠠᠨ ᠳᠡᠭᠡᠷᠡ ᠪᠣᠷᠣᠭᠠᠨ ᠤ᠋ ᠬᠠᠷᠠ ᠡᠭᠦᠯᠡ ᠨᠡᠭᠦᠭᠡᠳ ᠴᠥᠮ ᠢ᠋ ᠦᠨᠡᠰᠦᠨ ᠴᠢᠨᠳᠠᠷᠤᠤ ᠨᠤᠭᠤᠳ ᠪᠣᠯᠭᠠᠬᠤ ᠭᠡᠵᠦ ᠪᠠᠢᠨᠠ ᠃ ᠠᠷᠢᠶᠠᠲᠠᠨ ᠰᠢᠭ᠋ ᠵᠡᠷᠯᠢᠭ ᠤᠯᠤᠰ ᠤ᠋ᠳ ᠡᠨᠡ ᠰᠤᠷᠭᠠᠭᠤᠯᠢ ᠡᠨᠡ ᠶᠡᠬᠡ ᠦᠨᠡᠲᠡᠢ ᠵᠦᠢᠯᠡᠰ ᠢ᠋ ᠴᠢᠨᠢ ᠶᠠᠭᠤ ᠭᠡᠵᠦ ᠦᠵᠡᠬᠦ ᠪᠣᠯ ? ᠲᠠᠲ᠋ᠠᠷ ᠤ᠋ᠳ ᠡᠨᠡᠬᠦ ᠥᠩᠭᠡᠷᠡᠭᠰᠡᠨ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠳᠤᠷᠠᠰᠬᠠᠯ ᠤ᠋ᠳ ᠲᠠᠢ ᠦᠨᠡ ᠶᠡᠬᠡᠲᠦ ᠨᠣᠮ ᠤ᠋ᠳ ᠢ᠋ ᠬᠣᠷᠢᠶᠠᠨ ᠠᠪᠤᠭᠠᠳ ᠮᠣᠷᠢᠨ ᠤ᠋ ᠬᠥᠯ ᠰᠢᠷᠠᠵᠤ ᠢᠳᠡᠬᠦ ᠶ᠋ᠢᠨ ᠲᠤᠯᠠᠳᠠ ᠭᠠᠯ ᠳ᠋ᠤ᠌ ᠬᠠᠶᠠᠬᠤ ᠪᠣᠯᠤᠨᠠ᠃
ᠪᠠᠭᠰᠢ ᠨᠢᠳᠦ ᠪᠡᠨ ᠭᠠᠷ ᠢ᠋ᠶ᠋ᠠᠷ ᠠᠷᠴᠢᠵᠤ ᠬᠡᠦᠬᠡᠳ ᠢ᠋ ᠶᠡᠬᠡᠳᠡ ᠠᠩᠬᠠᠷᠤᠯ ᠲᠠᠢ ᠪᠥᠭᠡᠳ ᠬᠠᠭᠠᠴᠠᠵᠤ ᠪᠣᠢ ᠰᠢᠨᠵᠢᠲᠡᠢ ᠪᠡᠷ ᠰᠢᠷᠳᠡᠨᠡ᠃
— ᠥᠨᠥᠳᠥᠷ ᠮᠠᠨ ᠤ᠋ ᠡᠴᠦᠰ ᠦ᠋ᠨ ᠬᠢᠴᠢᠶᠡᠯ᠂ ᠡᠭᠦᠨ ᠡᠴᠡ ᠬᠣᠢᠰᠢ ᠲᠠᠨᠠᠷ ᠤ᠋ᠨ ᠪᠠᠢᠷᠢ᠂ ᠪᠤᠰᠤ ᠲᠤᠰ ᠬᠣᠲᠠ ᠶ᠋ᠢᠨ ᠬᠡᠷᠡᠮ ᠳᠡᠭᠡᠷᠡ ᠪᠣᠯᠬᠤ ᠪᠢᠵᠡ᠃ ᠪᠢᠳᠡᠨ ᠦ᠌ ᠡᠪᠦᠭᠡᠳ ᠬᠦᠷᠲᠡᠯᠡ ᠰᠡᠯᠡᠮᠡ ᠵᠢᠳᠠ ᠬᠣᠶᠠᠷ ᠢ᠋ ᠪᠠᠷᠢᠨᠠ᠃ ᠬᠠᠷᠢᠨ ᠲᠠᠨᠠᠷ ᠡᠴᠢᠭᠡ ᠠᠬᠠ ᠨᠠᠷ ᠲᠠᠭᠠᠨ ᠰᠤᠮᠤ ᠶ᠋ᠢ ᠲᠡᠭᠦᠵᠦ ᠥᠭᠬᠦ᠂ ᠤᠰᠤ ᠲᠠᠯᠬᠠ ᠵᠥᠭᠡᠭᠡᠵᠦ ᠠᠪᠴᠢᠷᠠᠬᠤ ᠪᠣᠯᠤᠨᠠ᠁
— ᠪᠢᠳᠡ ᠭᠠᠭᠴᠠᠬᠠᠨ ᠡᠭᠦᠨ ᠢ᠋ ᠬᠦᠰᠡᠨᠡ᠁ ᠭᠡᠵᠦ ᠪᠠᠭᠠᠴᠤᠳ ᠬᠠᠰᠬᠢᠷᠤᠯᠳᠤᠨᠠ᠃
— ᠣᠳᠣ ᠪᠠᠰᠠ ᠲᠠᠨᠠᠷ ᠲᠤ᠌ ᠭᠤᠶᠤᠬᠤ ᠡᠴᠦᠰ ᠦ᠋ᠨ ᠨᠢᠭᠡ ᠵᠦᠢᠯ ᠪᠣᠢ᠃ ᠲᠠᠲ᠋ᠠᠷ ᠤ᠋ᠳ ᠲᠤᠰ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠣᠷᠣᠵᠤ ᠢᠷᠡᠭᠡᠳ ᠰᠢᠲᠠᠭᠠᠬᠤ ᠮᠠᠭᠠᠳ ᠦᠭᠡᠢ᠃ ᠡᠨᠡ ᠦᠨᠡᠲᠦ ᠨᠣᠮ ᠤ᠋ᠳ ᠢ᠋ ᠨᠢᠭᠤᠵᠤ ᠴᠢᠯᠠᠭᠤ ᠪᠠᠷ ᠪᠤᠯᠠᠶᠠ᠃ ᠲᠠᠨᠠᠷ ᠤ᠋ᠨ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠠᠯᠢ ᠠᠯᠢ ᠨᠢ ᠲᠠᠲ᠋ᠠᠷ ᠤ᠋ᠳ ᠢ᠋ ᠶᠠᠪᠤᠭᠰᠠᠨ ᠤ᠋ ᠬᠣᠢᠨᠠ ᠡᠳᠡᠭᠡᠷ ᠪᠤᠷᠬᠠᠨ ᠤ᠋ ᠨᠣᠮ ᠢ᠋ ᠭᠡᠷᠡᠯ ᠳ᠋ᠦ᠍ ᠭᠠᠷᠭᠠᠪᠠᠯ ᠲᠠᠨᠠᠷ ᠤ᠋ᠨ ᠦᠷᠡ ᠬᠡᠦᠬᠡᠳ ᠪᠠ ᠠᠴᠢ ᠵᠢᠭᠡ ᠨᠠᠷ ᠴᠥᠮ ᠡᠭᠦᠨ ᠢ᠋ᠶ᠋ᠡᠷ ᠰᠤᠷᠤᠯᠴᠠᠬᠤ ᠪᠣᠯᠤᠨᠠ᠃ ᠪᠢᠳᠡᠨ ᠦ᠌ ᠭᠡᠭᠡᠨ ᠦᠢᠯᠡᠰ ᠪᠣᠯ ᠡᠨᠡ ᠦᠨᠡᠲᠦ ᠡᠷᠳᠡᠨᠢᠰ ᠦ᠋ᠨ ᠰᠠᠩ ᠢ᠋ ᠨᠢᠭᠤᠬᠤ ᠶᠠᠪᠤᠳᠠᠯ᠂ ᠬᠠᠷᠢᠨ ᠲᠠᠨᠠᠷ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠲᠦᠨ ᠭᠡᠯᠡ᠃
ᠬᠡᠦᠬᠡᠳ ᠦ᠋ᠳ ᠪᠣᠰᠤᠨ ᠬᠠᠷᠠᠢᠵᠠᠭᠠᠵᠤ᠂ ᠲᠡᠷᠡᠬᠦ ᠵᠤᠭᠠᠲᠠᠢ ᠠᠵᠢᠯ ᠳ᠋ᠤ᠌ ᠪᠠᠶᠠᠷᠯᠠᠨ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠡᠭᠡᠪᠡ᠃ ᠫᠷᠤᠺᠥ᠋ᠳᠠ᠂ ᠡᠨᠡ ᠪᠠᠭᠠ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠳᠡᠷᠭᠡᠳᠡ ᠣᠴᠢᠭᠠᠳ ᠲᠡᠭᠦᠨ ᠢ᠋ ᠬᠠᠵᠠᠭᠤ ᠲᠡᠰᠢ ᠪᠡᠨ ᠠᠪᠠᠴᠢᠵᠤ᠂
— ᠪᠦᠯᠡᠲ᠋ᠺᠤ ᠠ᠋᠂ ᠮᠢᠨᠦ ᠬᠡᠯᠡᠬᠦ ᠦᠭᠡ ᠶ᠋ᠢ ᠬᠡᠨ ᠳ᠋ᠦ᠍ ᠴᠦ᠍ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ᠃ ᠶᠠᠮᠠᠷ ᠴᠤ᠌ ᠬᠠᠮᠢᠶᠠ ᠦᠭᠡᠢ ᠮᠠᠯᠠᠭᠠᠢ᠂ ᠭᠤᠲᠤᠯ᠂ ᠴᠠᠮᠴᠠ᠂ ᠥᠮᠥᠳᠥ ᠶ᠋ᠢ ᠣᠯᠵᠤ ᠨᠠᠳᠠᠳᠤ ᠠᠪᠴᠢᠷᠠᠵᠤ ᠥᠭ (ᠭᠡᠯᠡ᠃ )
— ᠨᠠᠳᠠᠳᠤ ᠰᠢᠨᠡ ᠶᠠᠭᠤ ᠴᠤ᠌ ᠪᠠᠢᠬᠤ ᠦᠭᠡᠢ᠂ ᠴᠥᠮ ᠤᠷᠠᠩᠬᠠᠢ᠃
— ᠬᠠᠷᠢᠨ ᠤᠷᠠᠩᠬᠠᠢ ᠴᠢᠨᠢ ᠨᠠᠳᠠᠳᠤ ᠬᠡᠷᠡᠭ ᠲᠡᠢ᠃ ᠬᠡᠷᠪᠡ ᠲᠠᠲ᠋ᠠᠷ ᠤ᠋ᠳ ᠢ᠋ ᠢᠷᠡᠪᠡᠯ ᠭᠡᠷ ᠲᠡᠭᠡᠨ ᠴᠣᠣᠵᠢ ᠲᠠᠢ ᠰᠢᠲᠠᠭᠠᠯᠭᠠᠬᠤ ᠳ᠋ᠤ᠌ ᠪᠢ ᠬᠦᠷᠬᠦ ᠨᠢ ᠪᠠᠢᠨᠠ᠁ ᠬᠠᠷᠢᠨ ᠪᠢ ᠡᠷᠡᠭᠲᠡᠢ ᠬᠡᠦᠬᠡᠳ ᠦ᠋ᠨ ᠬᠤᠪᠴᠠᠰᠤ ᠶ᠋ᠢ ᠡᠮᠦᠰᠦᠭᠡᠳ ᠣᠢ ᠳ᠋ᠤ᠌ ᠵᠢᠭᠤᠲᠠᠨ ᠭᠠᠷᠴᠤ ᠲᠠᠲ᠋ᠠᠷ ᠤ᠋ᠳ ᠢ᠋ ᠬᠥᠭᠡᠭᠡᠨ ᠵᠠᠢᠯᠠᠭᠤᠯᠬᠤ ᠪᠣᠯᠲᠠᠯᠠ ᠲᠡᠳᠡᠨ ᠲᠡᠢ ᠲᠡᠮᠡᠴᠡᠨᠡ᠃
— ᠲᠡᠭᠡᠪᠡᠯ ᠫᠷᠤᠺᠥ᠋ᠳᠠ ᠪᠢ ᠴᠢᠮᠠᠲᠠᠢ ᠬᠠᠮᠲᠤ ᠶᠠᠪᠤᠨᠠ᠃ ᠴᠢᠮᠠᠲᠤ ᠴᠥᠮ ᠢ᠋ ᠣᠯᠵᠤ ᠦᠭᠭᠦᠨᠡ ᠭᠡᠳ ᠪᠦᠯᠡᠲ᠋ᠺᠦ ᠶᠡᠬᠡᠳᠡ ᠪᠠᠶᠠᠷᠯᠠᠨ᠂
— ᠪᠤᠰᠤᠳ ᠬᠡᠦᠬᠡᠳ ᠦ᠋ᠳ ᠪᠠᠰᠠ ᠴᠢᠮᠠᠲᠠᠢ ᠬᠠᠮᠲᠤ ᠶᠠᠪᠤᠵᠠᠭᠠᠨᠠ ᠭᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠵᠢᠩᠯᠢᠬᠤᠸᠠᠷ 1᠂ ᠮᠡᠷᠭᠡᠨᠭᠣᠸᠠ 1᠂ ᠬᠦᠦᠳᠠᠭᠠᠭᠤᠯᠠ 1᠂ ᠠᠯᠲᠠᠨᠴᠢᠮᠡᠭ 1
ᠬᠢᠨᠠᠭᠴᠢ᠄ ᠵᠢᠩᠯᠢᠬᠤᠸᠠᠷ 1
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠷᠢᠭᠤᠨ 4᠂ ᠠᠯᠲᠠᠨᠴᠢᠮᠡᠭ 4