ᠪᠠᠲᠤ ᠬᠠᠭᠠᠨ 6-04ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠬᠤ ᠬᠡᠷᠡᠭ ᠲᠦ᠍ ᠰᠢᠮᠳᠠᠭᠲᠤᠨ-ᠣᠷᠣᠰ ᠨᠤᠲᠤᠭ ᠢ᠋ ᠬᠠᠷᠠ ᠡᠭᠦᠯᠡ ᠪᠦᠷᠬᠦᠪᠡBat khaan Бат хаан-ᠷᠣᠮᠠᠨ
176ᠳᠥᠷᠪᠡ᠂ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠬᠤ ᠬᠡᠷᠡᠭ ᠲᠦ᠍ ᠰᠢᠮᠳᠠᠭᠲᠤᠨ
ᠪᠠᠭᠠ ᠬᠦᠦ ᠸᠯᠡᠳᠢᠮᠢᠷ ᠡᠴᠢᠭᠡ ᠸᠠᠩ ᠬ᠌ᠸᠤᠷᠬᠢ ᠲᠠᠢ ᠰᠠᠯᠬᠤ ᠶ᠋ᠢᠨ ᠶᠣᠰᠣ ᠶ᠋ᠢ ᠭᠦᠢᠴᠡᠳᠬᠡᠨ ᠲᠡᠭᠦᠨ ᠦ᠌ ᠳᠣᠯᠣᠪᠣᠷ ᠬᠤᠷᠤᠭᠤᠨ ᠳ᠋ᠠᠭᠠᠨ ᠠᠯᠲᠠᠨ ᠪᠥᠭᠡᠵᠢ ᠲᠡᠢ ᠭᠠᠷ ᠢ᠋ ᠦᠨᠦᠰᠪᠡ᠃
— ᠠᠪᠤ ᠠ᠋᠂ ᠪᠢ ᠬᠡᠴᠢᠨᠡᠨ ᠰᠢᠳᠠᠷ ᠴᠡᠷᠢᠭ ᠦ᠋ᠳ ᠢ᠋ ᠠᠪᠴᠤ ᠶᠠᠪᠤᠬᠤ ᠪᠣᠢ?
—ᠰᠢᠳᠠᠷ ᠴᠡᠷᠢᠭ ᠦ᠋ᠳ ᠮᠢᠨᠢ ᠮᠢᠨᠦ ᠰᠠᠢᠬᠠᠨ ᠬᠣᠲᠠ ᠶ᠋ᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠳ᠋ᠤ᠌ ᠡᠨᠳᠡ ᠬᠡᠷᠡᠭ ᠲᠡᠢ ᠪᠣᠯᠤᠨᠠ᠃ ᠪᠢ ᠥᠭᠡᠷᠡ ᠠᠷᠭᠠ ᠣᠯᠪᠠ᠃ ᠪᠢ ᠴᠡᠷᠢᠭ ᠲᠡᠢ ᠪᠡᠨ ᠬᠠᠮᠲᠤ ᠴᠢᠮᠠ ᠳ᠋ᠤ᠌ ᠵᠠᠩᠵᠤᠨ ᠹᠸᠯᠢᠫᠫᠠ ᠶ᠋ᠢ ᠥᠭᠭᠦᠨᠡ᠃ ᠲᠡᠷᠡ ᠴᠢᠨᠢ ᠶᠠᠮᠠᠷ ᠴᠤ᠌ ᠰᠢᠳᠠᠷ ᠴᠡᠷᠢᠭ ᠡᠴᠡ ᠢᠯᠡᠭᠦᠦ ᠰᠢᠦ᠃ ᠲᠡᠷᠡ ᠬᠣᠲᠠ ᠶ᠋ᠢᠨ ᠬᠥᠮᠦᠰ ᠪᠠ ᠲᠠᠷᠢᠶᠠᠴᠢᠳ ᠢ᠋ ᠲᠡᠳᠡᠨ ᠡᠯᠰᠡᠭᠦᠯᠵᠦ ᠲᠦᠷᠭᠡᠨ ᠬᠤᠭᠤᠴᠠᠭᠠᠨ ᠤ᠋ ᠳᠣᠲᠣᠷᠠ ᠶᠡᠬᠡ ᠴᠡᠷᠢᠭ ᠢ᠋ ᠬᠤᠷᠠᠯᠳᠤᠭᠤᠯᠵᠤ ᠴᠢᠳᠠᠨᠠ᠃ ᠴᠢ ᠲᠡᠭᠦᠨ ᠦ᠌ ᠲᠤᠷᠰᠢᠯᠭᠠᠲᠤ ᠨᠢᠳᠦᠨ ᠦ᠌ ᠳᠣᠣᠷᠠ ᠶᠠᠪᠤᠵᠤ ᠪᠦᠬᠦ ᠬᠠᠷᠰᠢ ᠳᠠᠢᠰᠤᠨ ᠢ᠋ ᠴᠣᠬᠢᠵᠤ ᠦᠯᠳᠡᠬᠦ ᠪᠢᠵᠡ? ᠰᠠᠢᠨ ᠴᠣᠬᠢᠭᠠᠷᠠᠢ᠂ ᠪᠤᠤ ᠠᠶᠤᠭᠠᠷᠠᠢ! ᠪᠢ ᠲᠡᠷᠡ ᠮᠣᠷᠢᠲᠠᠨ ᠨᠤᠭᠤᠳ ᠢ᠋ ᠰᠠᠢᠨ ᠮᠡᠳᠡᠵᠦ ᠪᠠᠢᠨᠠ᠃ ᠬᠡᠷᠡᠮ ᠳᠣᠲᠣᠷᠠ ᠡᠷᠭᠢᠯᠳᠦᠵᠦ ᠦᠢᠮᠡᠯᠳᠦᠵᠦ ᠪᠠᠢᠭᠠᠳ ᠡᠷᠭᠢᠵᠦ ᠬᠡᠭᠡᠷᠡ ᠲᠠᠯᠠ ᠤᠷᠤᠭᠤ ᠪᠠᠨ ᠠᠷᠢᠯᠤᠨᠠ᠃
—ᠠᠪᠤ ᠠ᠋᠂ ᠷᠶᠡᠽᠡᠨ ᠴᠢᠨᠢ ᠰᠥᠨᠥᠭᠰᠡᠨ ᠶᠤᠮ ᠤᠤ? ᠲᠡᠭᠦᠨ ᠦ᠌ ᠬᠡᠷᠡᠮ ( ᠢ᠋) ᠠᠪᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠤᠤ?
— ᠷᠶᠡᠽᠡᠨ ᠭᠡᠨᠡ ᠤᠤ! ᠲᠡᠷᠡ ᠴᠢᠨᠢ ᠡᠢᠮᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠤᠤ? ᠷᠶᠡᠽᠡᠨ ᠦ᠌ ᠬᠡᠷᠡᠮ ᠢ᠋ ᠶᠠᠮᠠᠷ ᠭᠡᠵᠦ ᠰᠠᠨᠠᠭᠠ ᠪᠣᠢ? ᠲᠡᠷᠡ ᠴᠢᠨᠢ ᠮᠤᠤᠷ ᠬᠠᠷᠠᠢᠵᠤ ᠭᠠᠷᠬᠤ ᠪᠠᠷ ᠵᠢᠭᠠᠬᠠᠨ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠤᠤ? ᠷᠶᠡᠽᠡᠨ ᠦ᠌ ᠬᠢᠨ ᠢ᠋ ᠶᠠᠮᠠᠷ ᠭᠡᠵᠦ ᠪᠣᠳᠣᠨᠠ ᠪᠣᠢ? ᠲᠡᠳᠡᠨᠡᠷ ᠢ᠋ ᠴᠢ ᠳᠠᠢᠴᠢᠳ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ ᠤᠤ? ᠬᠥᠯ ᠨᠢ ᠪᠣᠭᠣᠨᠢᠬᠠᠨ᠂ ᠪᠡᠶᠡ ᠨᠢ ᠮᠣᠳᠣᠨ ᠤ᠋ ᠬᠣᠵᠤᠤᠯᠠ ᠰᠢᠭ᠋ ᠪᠦᠳᠦᠭᠦᠨ ᠶᠤᠮ ᠰᠢᠦ ᠳ᠋ᠠ᠃ ᠬᠠᠷᠢᠨ ᠮᠠᠨ ᠤ᠋ ᠰᠦᠽᠳ᠋ᠠᠯᠢ ᠸᠯᠠᠳ᠋ᠢᠮᠢᠷ ᠤ᠋ᠨ ᠬᠢᠨ ᠪᠣᠯ ᠱᠠᠯ ᠣᠨᠳᠣᠣ ᠰᠢᠦ ᠳ᠋ᠠ᠃ ᠬᠠᠩᠬᠠᠭᠠᠷ ᠴᠡᠭᠡᠵᠢ ᠲᠡᠢ᠂ ᠥᠨᠳᠥᠷ ᠪᠡᠶᠡ ᠲᠡᠢ ᠦᠨᠡᠬᠡᠷ ᠰᠠᠢᠬᠠᠨ ᠬᠥᠮᠦᠰ ᠪᠠᠢᠬᠤ ᠦᠭᠡᠢ ᠤᠤ? ᠪᠢᠳᠡ ᠬᠡᠵᠢᠶᠡᠨ ᠡᠴᠡ ᠨᠡᠰᠢ ᠷᠶᠡᠽᠡᠨᠴᠤᠳ ᠠ᠋ᠴᠠ ᠲᠦᠷᠦᠭᠦᠨ ᠳ᠋ᠦ᠍ ᠴᠣᠬᠢᠵᠤ ᠪᠠᠢᠭᠰᠠᠨ ᠪᠠ ᠴᠣᠬᠢᠬᠤ ᠴᠤ᠌ ᠪᠣᠯᠤᠨᠠ᠃ ᠬᠦᠦ ᠮᠢᠨᠢ ᠮᠣᠰᠺᠸᠠ ᠶ᠋ᠢ ᠪᠤᠤ ᠲᠠᠯᠪᠢᠭᠠᠷᠠᠢ᠃
— ᠠᠪᠤ ᠮᠢᠨᠢ ᠨᠠᠳᠠᠳᠤ ᠬᠡᠳᠦ ᠴᠦ᠍ ᠪᠣᠯᠪᠠ᠂ ᠴᠡᠷᠢᠭ ᠡᠴᠡ ᠪᠡᠨ ᠦᠭᠭᠦᠭᠡᠴᠢ᠃ ᠲᠠ ᠠᠬᠠ ᠸᠰᠸᠸᠣᠯᠣᠳ᠋ ᠲᠸ᠋ ᠵᠢᠷᠭᠤᠭᠠᠨ ᠵᠠᠭᠤᠨ ᠴᠡᠷᠢᠭ ᠦᠭᠭᠦᠭᠰᠡᠨ ᠰᠢᠦ ᠳ᠋ᠠ᠃
— ᠸᠰᠸᠸᠣᠯᠣᠳ᠋ ᠴᠢᠨᠢ ᠺᠤᠯᠤᠮᠤᠨ ᠳ᠋ᠤ᠌ ᠣᠴᠢᠬᠤ ᠰᠢᠦ ᠳ᠋ᠠ᠃ ᠺᠤᠯᠤᠮᠤᠨ ᠴᠢᠨᠢ ᠮᠣᠰᠺᠸᠠ ᠠ᠋ᠴᠠ ᠴᠢᠬᠤᠯᠠ ᠪᠠᠢᠭᠠ ᠶᠤᠮ᠃ ᠺᠤᠯᠤᠮᠤᠨ ᠪᠣᠯ ᠬᠡᠭᠡᠷᠡ ᠲᠠᠯᠠ ᠶ᠋ᠢᠨ ᠡᠬᠢᠨ ᠦ᠌ ᠬᠠᠭᠠᠯᠲᠠ ᠪᠠᠢᠭᠠ ᠶᠤᠮ᠃ ᠬᠠᠷᠢᠨ ᠮᠣᠰᠺᠸᠠ ᠪᠣᠯ ᠳᠥᠷᠪᠡᠨ ᠵᠢᠵᠢᠭ ᠭᠣᠣᠯ ᠤ᠋ᠨ ᠠᠭᠤᠯᠵᠠᠷ ᠳᠡᠭᠡᠷᠡ ᠪᠠᠢᠭᠠ ᠶᠠᠯᠢᠮ ᠦᠭᠡᠢ ᠬᠣᠲᠠ᠂ ᠲᠠᠲ᠋ᠠᠷ ᠤ᠋ᠳ ᠮᠣᠰᠺᠸᠠ ᠶ᠋ᠢ ᠬᠠᠷᠠᠬᠤ ᠴᠤ᠌ ᠦᠭᠡᠢ ᠪᠢᠵᠡ? ᠭᠡᠰᠡᠨ ᠴᠦ᠍ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠠᠷᠪᠠᠨ ᠰᠢᠳᠠᠷ ᠴᠡᠷᠢᠭ ᠢ᠋ ᠰᠣᠩᠭᠣᠨ ᠠᠪᠲᠤᠭᠠᠢ᠂ ᠴᠣᠬᠣᠮ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠲᠤᠬᠠᠢ ᠶ᠋ᠢᠨ ᠮᠡᠳᠡᠭᠡ ᠶ᠋ᠢ ᠲᠡᠳᠡᠨ ᠳ᠋ᠦ᠍ ᠠᠪᠤᠭᠤᠯᠤᠨ ᠨᠠᠳᠠᠳᠤ ᠶᠠᠪᠤᠭᠤᠯᠵᠤ ᠪᠠᠢᠭᠠᠷᠠᠢ! ᠴᠡᠷᠢᠭ ᠡᠷᠡ ᠶ᠋ᠢᠨ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠲᠩᠷᠢ ᠴᠢᠮᠠ ᠶ᠋ᠢ ᠢᠪᠡᠭᠡᠲᠦᠭᠡᠢ! ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠷᠤᠭᠠᠳ ᠢᠷᠡᠪᠡᠯ ᠳᠠᠷᠬᠠᠨ ᠴᠣᠯᠠ ᠶ᠋ᠢ ᠬᠦᠷᠲᠡᠭᠡᠨᠡ ᠰᠢᠦ᠂
— ᠲᠡᠭᠡᠪᠡᠯ ᠨᠠᠮᠠᠶ᠋ᠢ ᠷᠶᠠᠽᠠᠨ ᠤ᠋ ᠸᠠᠩ ᠪᠣᠯᠭᠠᠭᠠᠷᠠᠢ᠃
— ᠪᠢ ᠴᠢᠮᠠᠲᠤ ᠥᠭᠴᠡᠢ᠃ ᠪᠢ ᠴᠦ᠍ ᠪᠦᠬᠦ ᠷᠶᠠᠽᠠᠨ ᠤ᠋ ᠭᠠᠵᠠᠷ ᠢ᠋ ᠠᠪᠴᠤ ᠵᠠᠬᠢᠷᠬᠤ ᠶ᠋ᠢ ᠡᠷᠲᠡᠨ ᠡᠴᠡ ᠪᠣᠳᠣᠵᠤ ᠪᠠᠢᠭᠰᠠᠨ ᠶᠤᠮ᠃
ᠶᠡᠬᠡ ᠸᠠᠩ ᠬ᠌ᠸᠤᠷᠬᠢ ᠶ᠋ᠢᠨ ᠪᠡᠶᠡ᠂ ᠥᠪᠡᠷ ᠦ᠋ᠨ ᠲᠥᠷᠥᠯ ᠦ᠋ᠨ ᠬᠣᠶᠠᠷ ᠬᠥᠮᠦᠰ ᠲᠦ᠍ ᠬᠡᠳᠦᠨ ᠵᠠᠭᠤᠨ ᠮᠣᠷᠢᠲᠤ ᠴᠡᠷᠢᠭ ᠦ᠋ᠳ ᠦ᠋ᠨ ᠬᠠᠮᠲᠤ ᠦᠷ ᠢ᠋ᠶ᠋ᠡᠷ ᠮᠣᠷᠳᠠᠪᠠ᠃ ᠪᠤᠯᠠᠭᠠᠨ ᠳᠡᠪᠡᠯ ᠡᠮᠦᠰᠦᠭᠰᠡᠨ ᠥᠨᠳᠥᠷ ᠭᠤᠸᠠᠯᠢᠭ ᠨᠢᠷᠤᠭᠤ ᠲᠠᠢ ᠬᠠᠲᠤᠨ ᠠᠭᠠᠹᠢᠶᠠ ᠡᠷᠡ ᠨᠥᠬᠥᠷ ᠢ᠋ᠶ᠋ᠡᠨ ᠰᠡᠢᠯᠪᠦᠷᠢᠲᠦ ᠳᠣᠪᠵᠢᠶᠠᠨ ᠤ᠋ ᠡᠴᠦᠰ ᠦ᠋ᠨ ᠱᠠᠲᠤ ᠬᠦᠷᠲᠡᠯᠡ ᠦᠳᠡᠵᠦ ᠭᠠᠷᠭᠠᠪᠠ᠃ ᠰᠥᠨᠢ ᠶ᠋ᠢᠨ ᠲᠤᠷᠰᠢ ᠬᠠᠲᠤᠨ ᠪᠦᠬᠦ ᠲᠣᠭᠣᠭᠠᠴᠢ ᠶ᠋ᠢ ᠪᠤᠰᠬᠠᠵᠤ ᠨᠥᠬᠥᠷ ᠲᠡᠭᠡᠨ ᠵᠠᠮ ᠤ᠋ᠨ ᠬᠦᠨᠡᠰᠦ ᠪᠣᠣᠪᠣ ᠪᠡᠯᠡᠳᠬᠡᠭᠦᠯᠵᠦ ᠠᠴᠢᠶᠠ ᠲᠡᠷᠭᠡᠨ ᠳ᠋ᠦ᠍ᠨᠢ ᠬᠢᠵᠦ ᠠᠮᠵᠢᠭᠰᠠᠨ ᠪᠢᠯᠡ᠃ ᠬᠠᠲᠤᠨ ᠪᠥᠮᠪᠥᠷᠢᠨ ᠪᠠᠢᠭᠠ ᠨᠢᠯᠪᠤᠰᠤ ᠶ᠋ᠢ ᠪᠠᠷᠢᠵᠤ ᠶᠠᠳᠠᠨ ᠴᠢᠮᠡᠭᠡ ᠦᠭᠡᠢ ᠤᠬᠢᠯᠠᠵᠤ ᠭᠦᠨᠡ ᠮᠡᠬᠦᠢᠰᠬᠢᠨ ᠰᠠᠯᠬᠤ ᠶ᠋ᠢᠨ ᠶᠣᠰᠣ ᠶ᠋ᠢ ᠭᠦᠢᠴᠡᠳᠬᠡᠭᠡᠳ ᠬᠠᠲᠤᠨ᠂ ᠲᠦᠷᠭᠡᠨᠡ ᠡᠷᠭᠢᠵᠦ ᠢᠷᠡᠨᠡ ᠭᠡᠰᠡᠨ ᠸᠠᠩ ᠤ᠋ᠨ ᠦᠭᠡᠨ ᠳ᠋ᠦ᠍ ᠢᠲᠡᠭᠡᠵᠦ ᠪᠢᠯᠡ᠃
ᠸᠠᠩ ᠬ᠌ᠸᠤᠷᠬᠢ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠷᠠᠰᠤᠨ ᠳᠡᠪᠡᠯ ᠳᠣᠲᠣᠷᠠ ᠪᠠᠨ ᠡᠷᠭᠢᠯᠳᠦᠭᠰᠡᠭᠡᠷ ᠲᠡᠷᠭᠡᠨ ᠳ᠋ᠡᠭᠡᠨ ᠣᠷᠣᠵᠤ ᠲᠠᠭᠠᠯᠠᠮᠵᠢᠲᠠᠢ ᠪᠠᠷ ᠰᠠᠭᠤᠬᠤ ᠶ᠋ᠢᠨ ᠬᠠᠮᠲᠤ ᠴᠢᠷᠭᠠ ᠬᠥᠯᠯᠡᠭᠰᠡᠨ ᠭᠤᠷᠪᠠᠨ ᠮᠣᠷᠢ ᠨᠢ ᠬᠡᠳᠦᠢᠨᠡᠢ ᠬᠥᠳᠡᠯᠵᠦ ᠶᠠᠪᠤᠪᠠ᠃᠂ ᠡᠮᠦᠨᠡ ᠨᠢ ᠲᠡᠭᠦᠨ ᠦ᠌ ᠬᠠᠭᠤᠴᠢᠨ ᠠᠯᠪᠠᠲᠤ ᠮᠣᠳᠣᠴᠢᠨ ᠮᠣᠷᠢ ᠲᠠᠢ ᠶᠠᠪᠤᠪᠠ᠃
ᠸᠠᠩ ᠬᠠᠰᠢᠶᠠᠨ ᠤ᠋ ᠬᠠᠭᠠᠯᠭᠠ ᠪᠠᠷ ᠭᠠᠷᠬᠤ ᠶ᠋ᠢᠨ ᠬᠠᠮᠲᠤ ᠵᠠᠮ ᠳ᠋ᠤ᠌ ᠬᠣᠴᠣᠷᠣᠭᠴᠢᠳ ᠲᠸ᠋ ᠲᠠᠨᠢᠭᠳᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠦᠰᠦᠲᠡᠢ ᠳᠡᠪᠡᠯ ᠦ᠋ᠨ ᠮᠢᠨᠵᠢ ᠶ᠋ᠢᠨ ᠵᠠᠬᠠ ᠶ᠋ᠢ ᠳᠡᠭᠡᠭᠰᠢ ᠪᠤᠰᠬᠠᠵᠠᠢ᠃ ᠬᠣᠲᠠ ᠶ᠋ᠢᠨ ᠳᠠᠪᠴᠢᠭᠤ ᠲᠠᠬᠢᠷ ᠭᠤᠳᠤᠮᠵᠢ ᠨᠤᠭᠤᠳ ᠬᠠᠷᠠᠩᠭᠤᠢ ᠬᠡᠪ ᠢ᠋ᠶ᠋ᠡᠷ ᠪᠠᠢᠬᠤ ᠳ᠋ᠤ᠌ ᠬᠣᠲᠠ ᠳ᠋ᠤ᠌ ᠠᠢᠯ ᠤ᠋ᠳ ᠰᠠᠶᠢ ᠪᠣᠰᠴᠤ ᠡᠨᠳᠡ ᠲᠡᠨᠳᠡ ᠵᠢᠵᠢᠭ ᠮᠣᠳᠣᠨ ᠪᠠᠢᠰᠢᠩ ᠤ᠋ᠳ ᠤ᠋ᠨ ᠴᠣᠩᠬᠣ ᠪᠠᠷ ᠪᠦᠳᠡᠭᠢ ᠤᠯᠠᠭᠠᠨ ᠭᠡᠷᠡᠯ ᠭᠢᠯᠠᠯᠵᠠᠬᠤ ᠨᠢ ᠭᠠᠯ ᠲᠦᠯᠡᠬᠦ᠂ ᠲᠠᠯᠬᠠ ᠪᠣᠣᠪᠣ ᠪᠠᠷᠢᠬᠤ ᠵᠡᠷᠭᠡ ᠶ᠋ᠢᠨ ᠡᠳᠦᠷ ᠳᠣᠳᠣᠮ ᠤ᠋ᠨ ᠠᠵᠢᠯ ᠡᠭᠡᠯᠡᠭᠰᠡᠨ ᠨᠢ ᠮᠡᠳᠡᠭᠳᠡᠨᠡ᠃ ᠮᠠᠨᠠᠭᠠᠴᠢ᠂ ᠸᠠᠩ ᠢ᠋ ᠬᠣᠲᠠ ᠶ᠋ᠢᠨ ᠬᠠᠭᠠᠯᠭᠠ ᠳᠡᠭᠡᠷᠡ ᠣᠴᠢᠬᠤ ᠶ᠋ᠢᠨ ᠬᠠᠮᠲᠤ ᠲᠡᠷᠭᠡ ᠴᠢᠷᠭᠠ ᠪᠣᠯᠤᠨ ᠣᠯᠠᠨ ᠴᠡᠷᠢᠭ ᠦ᠋ᠳ ᠢ᠋ ᠵᠣᠭᠰᠣᠭᠠᠵᠤ᠂ ᠬᠡᠨ ᠶᠠᠪᠤᠵᠤ ᠪᠠᠢᠭᠠ ᠶ᠋ᠢ ᠯᠠᠪᠯᠠᠨ ᠠᠰᠠᠭᠤᠭᠰᠠᠭᠠᠷ ᠪᠠᠢᠪᠠ᠃
ᠸᠠᠩ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠨᠡᠷᠡ ᠶ᠋ᠢ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠰᠢᠳᠠᠷ ᠴᠡᠷᠢᠭ ᠦ᠋ᠳ ᠲᠡᠭᠡᠨ ᠲᠤᠰᠢᠶᠠᠭᠰᠠᠨ ᠪᠠᠢᠵᠠᠢ᠃ ᠮᠠᠨᠠᠭᠠᠴᠢ ᠴᠢᠷᠭᠠ ᠶ᠋ᠢ ᠱᠠᠭᠠᠢᠵᠤ ᠲᠡᠨᠳᠡ ᠶᠠᠪᠤᠭᠠ ᠬᠥᠮᠦᠨ ᠦ᠌ ᠴᠣᠭᠲᠠᠢ ᠬᠠᠷᠠ ᠨᠢᠳᠦ ᠶ᠋ᠢ ᠬᠠᠷᠠᠵᠤ ᠲᠠᠨᠢᠮᠠᠭᠴᠠ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠨᠠᠬᠢᠯᠵᠠᠭᠠᠳ ᠴᠠᠷᠠᠰᠤᠨ ᠮᠣᠳᠣᠨ ᠲᠣᠮᠣ ᠬᠠᠭᠠᠯᠭᠠ ᠶ᠋ᠢ ᠨᠡᠭᠡᠭᠡᠬᠦ ᠪᠡᠷ ᠭᠦᠶᠦᠨ ᠣᠳᠪᠠ᠃
ᠲᠡᠷᠡᠬᠦ ᠮᠣᠷᠢᠲᠤ ᠬᠥᠮᠦᠰ ᠦ᠋ᠨ ᠬᠣᠢᠨᠠ ᠠ᠋ᠴᠠ ᠤᠷᠲᠤ ᠮᠣᠳᠣ ᠪᠠᠷᠢᠭᠰᠠᠨ ᠰᠠᠬᠠᠯ ᠲᠠᠢ ᠥᠨᠳᠥᠷ ᠭᠡᠯᠦᠩ ᠭᠠᠷᠴᠤ ᠣᠳᠪᠠ᠃
— ᠡᠨᠡ ᠲᠡᠨᠦᠮᠡᠯ ᠭᠡᠯᠦᠩ ᠦ᠋ᠳ ᠶᠠᠭᠤᠨ ᠣᠯᠠᠨ ᠶᠠᠪᠤᠳᠠᠭ ᠶᠤᠮ ᠪᠣᠢ? ᠬᠠᠷᠠ ᠵᠣᠯᠢᠭ ᠴᠢᠨᠢ᠂ ᠬᠠᠷᠠ ᠮᠤᠤᠷ ᠰᠢᠭ᠋ ᠶᠡᠬᠡ ᠸᠠᠩ ᠤ᠋ᠨ ᠵᠠᠮ ᠳ᠋ᠤ᠌ ᠤᠴᠠᠷᠠᠪᠠ᠃ ᠡᠢᠮᠦ ᠤᠴᠠᠷᠠᠯ ᠮᠠᠭᠤ ᠭᠡᠳᠡᠭ ᠰᠠᠨ ᠳ᠋ᠠ ᠭᠡᠵᠦ ᠮᠠᠨᠠᠭᠠᠴᠢ ᠪᠣᠳᠣᠵᠤ ᠪᠠᠢᠪᠠ᠁
ᠵᠠᠯᠠᠭᠤ ᠸᠠᠩ ᠸᠯᠠᠳᠢᠮᠢᠷ᠂ ᠵᠠᠩᠵᠤᠨ ᠹᠢᠯᠢᠫᠫᠡ ᠬᠣᠶᠠᠷ ᠪᠤᠰᠢᠭᠤᠬᠠᠨ ᠮᠣᠰᠺᠸᠠ ᠣᠷᠣᠬᠤ ᠪᠠᠷ ᠳᠣᠪᠲᠣᠯᠤᠨ ᠮᠣᠷᠳᠠᠪᠠ᠃ ᠲᠡᠳᠡᠨ ᠦ᠌ (ᠢ᠋ ) ᠭᠤᠷᠪᠠᠨ ᠮᠣᠷᠢᠲᠤ ᠰᠢᠳᠠᠷ ᠴᠡᠷᠢᠭ ᠳᠠᠭᠠᠯᠳᠤᠨ ᠶᠠᠪᠤᠯᠠ᠃ ᠲᠡᠳᠡ ᠴᠥᠮ ᠬᠥᠲᠥᠯᠦᠭᠡ ᠮᠣᠷᠢᠳ ᠲᠠᠢ ᠠᠵᠢ᠃ ᠲᠡᠳᠡᠨ ᠦ᠌ ᠬᠣᠢᠨᠠ ᠠ᠋ᠴᠠ ᠬᠤᠶᠠᠭ ᠳᠤᠭᠤᠯᠠᠭᠠ ᠵᠠᠷ ᠵᠡᠪᠰᠡᠭ᠂ ᠴᠡᠷᠢᠭ ᠦ᠋ᠨ ᠬᠦᠨᠡᠰᠦ᠂ ᠮᠣᠷᠢᠨ ᠤ᠋ ᠠᠷᠪᠠᠢ ᠵᠡᠷᠭᠡ ᠶ᠋ᠢ ᠠᠴᠢᠭᠰᠠᠨ ᠠᠷᠪᠠᠨ ᠴᠢᠷᠭᠠ ᠳᠠᠭᠠᠯᠳᠤᠨ ᠶᠠᠪᠤᠨᠠ᠃
ᠡᠬᠢᠯᠡᠭᠡᠳ ᠺᠯᠶᠠᠽᠢᠮᠸ ᠭᠣᠣᠯ ᠢ᠋ᠶ᠋ᠠᠷ ᠶᠠᠪᠤᠵᠤ ᠳᠠᠷᠠᠭᠠ ᠨᠢ ᠭᠣᠣᠯ ᠤ᠋ᠨ ᠮᠤᠰᠬᠢᠭᠠ ᠲᠠᠬᠢᠷ ᠢ᠋ ᠳᠠᠭᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠡᠪᠦᠯ ᠦ᠋ᠨ ᠵᠠᠮ ᠢ᠋ᠶ᠋ᠠᠷ ᠰᠢᠭᠤᠳ ᠵᠠᠮᠨᠠᠪᠠ᠃ ᠠᠭᠯᠠᠭ ᠶᠡᠬᠡ ᠣᠢ ᠪᠠᠷ ᠶᠠᠪᠤᠬᠤ ᠳ᠋ᠤ᠌ ᠭᠠᠴᠠᠭᠠ ᠲᠣᠰᠬᠣᠨ ᠠᠶᠳ ᠰᠦᠷᠳᠡᠬᠦ ᠶᠠᠪᠤᠳᠠᠯ ᠭᠠᠷᠤᠭᠰᠠᠭᠠᠷ ᠪᠠᠢᠪᠠ᠃ ᠪᠦᠬᠦ ᠣᠷᠣᠰ ᠣᠷᠣᠨ ᠬᠥᠳᠡᠯᠵᠦ ᠡᠷᠡᠴᠦᠳ ᠬᠢᠲᠤᠭᠠ ᠰᠦᠬᠡ ᠪᠡᠨ ᠬᠤᠷᠴᠠᠯᠠᠨ ᠢᠷᠯᠡᠵᠦ᠂《ᠴᠡᠷᠢᠭ ᠦ᠋ᠳ ᠬᠠᠮᠢᠭᠠ ᠴᠤᠭᠯᠠᠷᠠᠵᠤ ᠪᠠᠢᠨᠠ? 》ᠭᠡᠵᠦ ᠶᠠᠷᠢᠯᠴᠠᠭᠰᠠᠭᠠᠷ ᠪᠠᠢᠭᠰᠠᠨ᠂ ᠬᠡᠳᠦᠢ ᠲᠡᠢᠨ ᠪᠣᠯᠪᠠᠴᠤ ᠬᠡᠨ ᠴᠦ᠍ ᠤᠭ ᠤᠴᠢᠷ ᠢ᠋ ᠣᠯᠢᠭᠲᠠᠢ ᠮᠡᠳᠡᠳᠡᠭ ᠦᠭᠡᠢ ᠪᠠᠢᠭᠰᠠᠨ ᠪᠠ ᠪᠦᠬᠦ ᠣᠷᠣᠰ ᠤ᠋ᠨ ᠬᠦᠴᠦᠨ ᠢ᠋ ᠨᠢᠭᠡᠳᠬᠡᠨ ᠬᠤᠷᠠᠯᠳᠤᠭᠤᠯᠬᠤ ᠲᠡᠢᠮᠦ ᠲᠣᠯᠣᠭᠠᠢᠯᠠᠭᠴᠢ ᠬᠥᠮᠦᠨ ᠪᠠᠢᠭᠰᠠᠨ ᠦᠭᠡᠢ᠃
ᠸᠠᠩ ᠸᠯᠠᠳᠢᠮᠢᠷ ᠮᠣᠷᠢᠳ ᠢ᠋ᠶ᠋ᠠᠨ ᠬᠣᠭᠣᠯᠠᠯᠠᠭᠤᠯᠬᠤ ᠪᠠᠷ ᠣᠢ ᠳᠣᠲᠣᠷᠠ ᠪᠠᠭᠤᠳᠠᠯᠯᠠᠵᠤ ᠲᠡᠭᠦᠨ ᠦ᠌ ᠪᠡᠶᠡ ᠣᠪᠣᠬᠠᠢ ᠶ᠋ᠢᠨ ᠳᠣᠲᠣᠷᠠᠬᠢ ᠣᠪᠤᠭᠠᠯᠠᠰᠤᠲᠠᠢ ᠶᠠᠭᠤᠮᠠ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠲᠠᠯᠠ ᠭᠠᠷ ᠲᠠᠭᠠᠨ ᠲᠣᠮᠣ ᠮᠣᠳᠣᠨ ᠴᠢᠪᠬᠠ ᠪᠠᠷᠢᠵᠤ ᠨᠢᠷᠤᠭᠤᠨ ᠳ᠋ᠠᠭᠠᠨ ᠨᠤᠮᠤ ᠵᠡᠭᠦᠭᠰᠡᠨ ᠥᠨᠳᠥᠷ ᠬᠥᠮᠦᠨ ᠣᠢ ᠳᠣᠲᠣᠷᠠ ᠠ᠋ᠴᠠ ᠭᠠᠷᠴᠤ ᠢᠷᠡᠪᠡ᠃ ᠲᠡᠷᠡ ᠠᠩᠴᠢᠨ᠂ ᠭᠥᠷᠥᠭᠡᠰᠦ ᠡᠭᠦᠷᠴᠦ ᠰᠢᠷᠦᠭᠦᠨ ᠠᠯᠬᠤᠯᠠᠭᠰᠠᠭᠠᠷ ᠸᠯᠠᠳᠢᠮᠢᠷ ᠤ᠋ᠨ ᠳᠡᠷᠭᠡᠳᠡ ᠬᠦᠷᠴᠦ ᠢᠷᠡᠭᠡᠳ ᠦᠰᠦᠲᠡᠢ ᠮᠠᠯᠠᠭᠠᠢ ᠪᠠᠨ ᠠᠪᠬᠤ ᠳ᠋ᠤᠨᠢ ᠦᠵᠦᠭᠦᠷ ᠨᠢ ᠰᠢᠷᠠᠯᠠᠭᠰᠠᠨ ᠴᠠᠭᠠᠨ ᠦᠰᠦ ᠲᠡᠭᠦᠨ ᠦ᠌ ᠮᠥᠷᠦᠨ ᠳᠡᠭᠡᠭᠦᠷ ᠨᠠᠮᠢᠷᠠᠵᠤ ᠪᠠᠢᠭᠠ ᠬᠠᠷᠠᠭᠳᠠᠪᠠ᠃ ᠲᠡᠷᠡ ᠳᠡᠪᠡᠯ ᠦ᠋ᠨ ᠵᠠᠬᠠ ᠳᠣᠲᠣᠷᠠ ᠠ᠋ᠴᠠ ᠪᠤᠭᠤᠷᠤᠯ ᠰᠠᠬᠠᠯ ᠢ᠋ᠶ᠋ᠠᠨ ᠰᠤᠭᠤᠯᠤᠨ ᠭᠠᠷᠭᠠᠭᠰᠠᠨ ᠨᠢ ᠪᠦᠬᠦ ᠴᠡᠭᠡᠵᠢ ᠶ᠋ᠢ ᠨᠢ ᠳᠠᠯᠳᠠᠯᠠᠨ ᠤᠨᠵᠢᠢᠨᠠ᠃
ᠸᠠᠩ ᠸᠯᠠᠳᠢᠮᠢᠷ ᠤ᠋ᠨ ᠳᠡᠷᠭᠡᠳᠡ ᠬᠦᠷᠴᠦ ᠢᠷᠡᠭᠰᠡᠨ ᠢ᠋ᠶ᠋ᠡᠨ ᠮᠡᠳᠡᠭᠡᠳ ᠡᠪᠦᠭᠡᠨ ᠥᠪᠡᠷ ᠦ᠋ᠨ ᠭᠥᠷᠦᠭᠡᠰᠦᠨ ᠦ᠌ ᠮᠢᠬᠠ ᠶ᠋ᠢ ᠵᠠᠯᠠᠭᠤ ᠸᠠᠩ ᠤ᠋ᠨ ᠬᠥᠯ ᠦ᠋ᠨ ᠳᠡᠷᠭᠡᠳᠡ ᠲᠠᠯᠪᠢᠨ ᠪᠠᠷᠢᠪᠠ᠃
— ᠸᠠᠩᠲᠠᠨ ᠵᠣᠭᠣᠭᠯᠠᠭᠲᠤᠨ᠃ ᠲᠠᠨ ᠤ᠋ ᠴᠡᠷᠢᠭ ᠲᠡᠢ ᠬᠠᠮᠲᠤ ᠦᠳᠡᠯᠡᠶᠡ᠃ ᠣᠷᠣᠰ ᠤᠯᠤᠰ ᠲᠸ᠋ ᠦᠵᠡᠰᠢ ᠦᠭᠡᠢ ᠶᠡᠬᠡ ᠬᠦᠴᠦᠨ ᠳᠠᠭᠠᠷᠢᠨ ᠣᠷᠣᠵᠤ ᠭᠡᠵᠦ ᠨᠢᠭᠡ ᠭᠡᠯᠦᠩ ᠡᠴᠡ ᠣᠯᠵᠤ ᠰᠣᠨᠣᠰᠤᠭᠠᠳ ᠲᠤᠩ ᠴᠥ᠍ ᠲᠡᠰᠪᠦᠷᠢᠯᠡᠨ ᠴᠢᠳᠠᠭᠰᠠᠨ ᠦᠭᠡᠢ ᠵᠥᠭᠡᠢ ᠶ᠋ᠢᠨ ᠪᠠᠯ ( ᠢ᠋ᠶ᠋ᠠᠨ ) ᠬᠠᠶᠠᠵᠤ ᠥᠪᠡᠷ ᠦ᠋ᠨ ᠠᠩ ᠠᠪᠠᠯᠠᠵᠤ ᠠᠮᠢᠳᠤᠷᠠᠨ ᠪᠠᠢᠭᠰᠠᠨ ᠠᠭᠯᠠᠭ ᠬᠡᠭᠡᠷᠡ ᠶ᠋ᠢᠨ ᠡᠮᠦᠨᠡᠲᠦ ᠭᠠᠵᠠᠷ ᠠ᠋ᠴᠠ ᠭᠠᠷᠴᠤ ᠢᠷᠡᠪᠡ᠃ ᠮᠢᠨᠦ ᠪᠡᠶᠡ ᠡᠨᠡ ᠣᠢ ᠶ᠋ᠢᠨ ᠨᠠᠮᠤᠭ ᠰᠢᠪᠠᠷ ᠢ᠋ᠶ᠋ᠠᠷ ᠠᠷᠢᠶᠠᠲᠠᠨ ᠪᠠᠭᠠᠪᠠᠭᠠᠢ ᠶ᠋ᠢᠨ ᠬᠠᠮᠲᠤ ᠣᠯᠠᠨ ᠵᠢᠯ ᠠᠮᠢᠳᠤᠷᠠᠨ ᠰᠠᠭᠤᠵᠤ ᠪᠠᠢᠨᠠ᠃ ᠣᠳᠣ ᠪᠢ ᠥᠪᠡᠷ ᠦ᠋ᠨ ᠦᠷᠡ ᠬᠥᠪᠡᠭᠦᠳ ᠪᠠ ᠠᠴᠢ ᠵᠢᠭᠡ ᠨᠠᠷ ᠢ᠋ ᠲᠡᠢᠨ ᠳ᠋ᠦ᠍ ᠮᠣᠷᠳᠠᠭᠤᠯᠬᠤ ᠪᠠᠷ ᠰᠢᠢᠳᠪᠦᠷᠢᠯᠡᠪᠡ᠃ ᠪᠢᠳᠡ ᠪᠦᠭᠦᠳᠡᠭᠡᠷ ᠬᠣᠷᠢᠨ ᠳᠣᠯᠣᠭᠠᠨ ᠡᠷᠡᠴᠦᠳ ᠶᠤᠮ᠃ ᠪᠢᠳᠡ ᠴᠥᠮ ᠲᠡᠷᠡᠬᠦ ᠮᠠᠭᠤ ᠬᠤᠯᠠᠭᠠᠢ ᠳᠠᠢᠰᠤᠨ ᠢ᠋ ᠪᠤᠲᠠ ᠴᠣᠬᠢᠬᠤ ᠪᠠᠷ ᠶᠠᠪᠤᠨᠠ᠃ ᠲᠣᠰᠪᠣᠷᠢ ᠠ᠋ᠴᠠ ᠨᠢ ᠬᠣᠰᠢᠶᠠᠳ ᠮᠣᠷᠢ ᠶ᠋ᠢ ᠭᠠᠷᠭᠠᠭᠤᠯᠤᠨᠠ᠃ ᠪᠢᠳᠡ ᠴᠣᠬᠣᠮ ᠬᠠᠮᠢᠭᠠ ᠴᠤᠭᠯᠠᠷᠠᠬᠤ ᠪᠣᠢ? ᠭᠡᠰᠡᠨ ᠳ᠋ᠦ᠍᠂
— ᠸᠯᠠᠳᠢᠮᠢᠷ ᠬᠣᠲᠠᠨᠠ ᠤᠳᠤᠭᠲᠤᠨ ᠭᠡᠵᠦ ᠸᠠᠩ ᠬᠥᠪᠡᠭᠦᠨ ᠬᠡᠯᠡᠪᠡ᠃
— ᠴᠢᠨᠦ ᠡᠴᠢᠭᠡ ᠸᠠᠩ ᠬ᠌ᠸᠣᠷᠭᠢ ᠶ᠋ᠢᠨ ᠳ᠋ᠦ᠍ ᠣᠴᠢᠬᠤ ᠭᠡᠵᠢ ᠤᠤ? ᠪᠢ ᠲᠡᠭᠦᠨ ᠳ᠋ᠦ᠍ ᠣᠴᠢᠬᠤ ᠦᠭᠡᠢ᠃ ᠲᠡᠷᠡ ᠴᠢᠨᠢ ᠬᠡᠴᠡᠭᠦᠦ ᠪᠥᠭᠡᠳ ᠪᠣᠳᠣᠯᠭᠠ ᠦᠭᠡᠢ ᠬᠥᠮᠦᠨ ᠶᠤᠮ᠃ ᠬᠣᠷᠢᠨ ᠵᠢᠯ ᠦ᠋ᠨ ᠤᠷᠢᠳᠤ ᠲᠠᠨ ᠤ᠋ ᠡᠴᠢᠭᠡ ᠶ᠋ᠢᠨ ᠪᠡᠶᠡ ᠰᠦᠽᠳᠠᠯᠢ ᠶ᠋ᠢᠨ ᠴᠡᠷᠢᠭ ᠲᠡᠢ ᠭᠽᠸ ᠯᠢᠫᠢᠼ ᠬᠣᠶᠠᠷ ᠭᠣᠣᠯ
ᠤᠨ ᠲᠤᠰᠢᠶᠠ ᠭᠠᠵᠠᠷ ᠪᠠᠢᠵᠤ ᠪᠠᠢᠭᠠᠳ ᠳᠠᠷᠠᠭᠠ ᠨᠢ ᠠᠪᠳᠤᠸ ᠤ᠋ᠨ ᠠᠭᠤᠯᠠᠨᠠ ᠢᠷᠡᠵᠦ ᠣᠭᠲᠣ ᠳᠡᠮᠡᠢ ᠪᠠᠢᠯᠳᠤᠭᠠᠨ ᠬᠢᠯᠭᠡᠵᠦ ᠰᠦᠽᠳᠠᠯᠢ ᠶ᠋ᠢᠨ ᠠᠷᠪᠠᠨ ᠮᠢᠩᠭᠠᠨ ᠢᠳᠡᠷ ᠰᠠᠢᠨ ᠡᠷᠡᠴᠦᠳ ᠦ᠋ᠨ ᠠᠮᠢ ᠶ᠋ᠢ ᠬᠢᠳᠤᠵᠤ ᠰᠦᠢᠳᠬᠡᠭᠰᠡᠨ ᠶᠤᠮ᠂ ᠶᠠᠮᠠᠷ ᠰᠠᠢᠬᠠᠨ ᠡᠷᠡᠴᠦᠳ ᠪᠠᠢᠯᠠ ᠳ᠋ᠡ᠃ ᠬᠡᠨ ᠪᠢᠳᠡᠨ ᠢ᠋ ᠲᠡᠭᠡᠵᠦ ᠬᠢᠳᠤᠯᠠ ᠳ᠋ᠠ᠂ ᠴᠥᠮ ᠯᠡ ᠨᠢᠭᠡ ᠣᠷᠣᠨ ᠤ᠋ ᠨᠣᠸᠤᠭᠤᠷᠤᠳ᠋ ᠤ᠋ᠨ ᠬᠢᠨ᠂ ᠰᠮᠤᠯᠸᠡᠰᠺᠠ ᠶ᠋ᠢᠨ ᠬᠢᠨ᠂ ᠷᠤᠰᠲ᠋ᠤᠸ ᠤ᠋ᠨ ᠬᠢᠨ ᠪᠠᠢᠪᠠ᠃ ᠶᠠᠭᠤᠨ ᠳ᠋ᠤ᠌ ᠲᠡᠢᠨᠬᠦ ᠠᠯᠠᠵᠤ ᠬᠢᠳᠤᠵᠤ ᠪᠠᠢᠭᠰᠠᠨ ᠶᠤᠮ ᠪᠣᠢ? ᠴᠢ ᠮᠡᠳᠡᠬᠦ ᠦᠭᠡᠢ ᠪᠢᠵᠡ ᠳᠡ? ᠲᠡᠭᠦᠨ ᠢ᠋ ᠴᠢ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠯᠡ ᠳ᠋ᠠ᠃
— ᠮᠡᠳᠡᠨᠡ᠂ ᠲᠡᠳᠡ ᠨᠠᠷ ᠮᠢᠨᠦ ᠡᠴᠢᠭᠡ ᠸᠠᠩ ᠭᠸᠣᠷᠬᠢ ᠶ᠋ᠢᠨ ᠨᠤᠲᠤᠭ ᠢ᠋ ᠪᠤᠯᠢᠶᠠᠨ ᠠᠪᠬᠤ ᠭᠡᠵᠦ ᠪᠠᠢᠭᠰᠠᠨ ᠶᠤᠮ᠃
— ᠸᠯᠠᠳ᠋ᠢᠮᠢᠷ ᠤ᠋ᠨ ᠸᠠᠩ ᠢ᠋ᠶ᠋ᠠᠷ ᠭᠸᠤᠷᠬᠢ ᠰᠠᠭᠤᠬᠤ ᠤᠤ? ᠡᠰᠡᠪᠡᠯ ᠲᠡᠭᠦᠨ ᠦ᠌ ᠲᠥᠷᠥᠭᠰᠡᠨ ᠠᠬᠠ ᠺᠤᠨᠰᠲ᠋ᠠᠨᠲ᠋ᠢᠨ ᠰᠠᠭᠤᠬᠤ ᠤᠤ? ᠭᠡᠵᠦ ᠸᠠᠩ ᠤ᠋ᠳ ᠬᠣᠭᠣᠷᠣᠨᠳᠣ ᠪᠠᠨ ᠡᠪ ᠡᠪᠳᠡᠷᠡᠭᠡᠳ ᠠᠬᠠ ᠳᠡᠭᠦᠦ ᠬᠣᠶᠠᠷ ᠪᠡᠶᠡ ᠪᠡᠶᠡ ᠡᠴᠡ ᠪᠡᠨ ᠬᠢᠳᠤᠵᠤ ᠪᠠᠢᠪᠠ᠃ ᠲᠡᠳᠡᠨᠡᠷ ᠥᠪᠡᠷᠰᠡᠳ ᠦ᠋ᠨ ᠣᠷᠣᠨ ᠤ᠋ ᠡᠩ ᠦ᠋ᠨ ᠠᠷᠠᠳ ᠢ᠋ ᠠᠯᠪᠠᠲᠠᠨ ᠰᠢᠬᠠᠵᠤ ᠲᠡᠮᠡᠴᠡᠯᠳᠥᠭᠥᠯᠵᠤ ᠪᠠᠢᠭᠰᠠᠨ ᠶᠤᠮ᠃ ᠪᠢᠳᠡᠨ ᠦ᠌ ᠨᠢᠷᠤᠭᠤᠨ ᠳᠡᠭᠡᠷᠡ ᠺᠤᠨᠰᠲ᠋ᠠᠨᠲ᠋ᠢᠨ ᠭᠸᠤᠷᠬᠢ ᠬᠣᠶᠠᠷ ᠤ᠋ᠨ ᠠᠯᠢ ᠨᠢ ᠴᠦ᠍ ᠰᠠᠭᠤᠬᠤ ᠨᠢ ᠢᠯᠭᠠᠭᠠ ᠦᠭᠡᠢ ᠪᠠᠢᠪᠠ᠃ ᠢᠢᠨᠬᠦ ᠸᠠᠩ ᠤ᠋ᠳ ᠠᠷᠠᠳ ᠢᠷᠭᠡᠳ ᠢ᠋ᠶ᠋ᠡᠨ ᠬᠠᠢᠷᠠᠯᠠᠬᠤ ᠦᠭᠡᠢ ᠡᠴᠡ ᠬᠥᠭᠡᠷᠦᠬᠦᠢ ᠣᠯᠠᠨ ᠲᠠᠷᠢᠶᠠᠴᠢᠳ ᠤ᠋ᠨ ᠲᠣᠯᠣᠭᠠᠢ ᠥᠩᠬᠥᠷᠢᠵᠦ ᠪᠢᠯᠡ᠃ ᠲᠡᠷᠡ ᠴᠠᠭ ᠲᠸ᠋ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠲᠤᠬᠠᠢ ᠰᠣᠨᠣᠰᠤᠭᠠ ᠴᠤ᠌ ᠦᠭᠡᠢ ᠪᠠᠢᠭᠰᠠᠨ ᠪᠠ ᠬᠠᠷᠢᠨ ᠤᠤᠯ ᠠᠬᠠ ᠳᠡᠭᠦᠦ ᠬᠣᠶᠠᠷ᠂ ᠲᠠᠲ᠋ᠠᠷ ᠤ᠋ᠳ ᠠ᠋ᠴᠠ ᠪᠦᠷ ᠳᠣᠣᠷᠠ ᠪᠠᠢᠪᠠ᠃ ᠣᠳᠣ ᠴᠢᠨᠦ ᠠᠪᠤ ᠭᠸᠣᠷᠬᠢ ᠠᠮᠢ ᠪᠠᠨ ᠠᠯᠳᠠᠭᠰᠠᠨ ᠠᠷᠪᠠᠨ ᠮᠢᠩᠭᠠᠨ ᠬᠥᠮᠦᠰ ᠢ᠋ ᠬᠡᠷᠬᠢᠨ ᠪᠤᠰᠬᠠᠵᠤ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠡᠮᠦᠨᠡ ᠡᠴᠡ ᠡᠰᠡᠷᠭᠦᠴᠡᠭᠦᠯᠬᠦ ᠪᠢᠯᠡ ᠭᠡᠵᠦ ᠶᠸᠯᠸᠢ᠍ᠢ᠍ᠴᠢ ᠪᠥᠬᠡ ᠨᠠᠷ ᠠ᠋ᠴᠠ ᠮᠥᠩᠬᠡ ᠶ᠋ᠢᠨ ᠤᠰᠤ ᠶ᠋ᠢ ᠡᠷᠢᠵᠦ ᠪᠠᠢᠭᠠ ᠪᠣᠯᠪᠠ ᠤᠤ ᠳ᠋ᠡ᠃ ᠡᠪᠡᠢ᠂ ᠵᠠᠯᠠᠭᠤ ᠸᠠᠩ ᠸᠯᠠᠳ᠋ᠢᠮᠢᠷ ᠮᠢᠨᠢ ᠨᠢᠭᠡᠨᠲᠡ ᠦᠬᠦᠭᠴᠢᠳ ᠢ᠋ ᠶᠠᠮᠠᠷ ᠴᠤ᠌ ᠶᠠᠷᠢᠶᠠ ᠬᠡᠯᠡᠯᠴᠡᠭᠡ ᠮᠥᠷᠭᠥᠯ ᠪᠤᠶᠠᠨ ᠢ᠋ᠶ᠋ᠠᠷ ᠪᠣᠰᠬᠠᠵᠤ ᠪᠣᠯᠬᠤ ᠦᠭᠡᠢ ᠨᠢ ᠳᠠᠩᠴᠤ ᠬᠡᠴᠡᠭᠦᠦ ᠶᠤᠮ ᠳ᠋ᠠ᠃ ᠯᠢᠫᠢᠼ ᠦ᠋ᠨ ᠲᠡᠢᠨ ᠳ᠋ᠦ᠍ ᠶᠠᠪᠤᠵᠤ ᠪᠠᠢᠭᠰᠠᠨ ᠡᠪᠦᠭᠡᠳ ᠡᠴᠡ ᠨᠠᠳᠠ ᠰᠢᠭ᠋ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠨᠢ ᠲᠡᠷᠡ ᠴᠠᠭ ᠲᠸ᠋ ᠸᠠᠩ᠂ ᠪᠢᠳᠡᠨ ᠢ᠋ ᠵᠠᠨᠤᠵᠤ ᠪᠠᠢᠭᠰᠠᠨ ᠢ᠋ ᠨᠢ ᠰᠠᠢᠨ ᠮᠡᠳᠡᠬᠦ ᠲᠤᠯᠠ ᠸᠠᠩ ᠭᠧᠦᠷᠬᠢ ᠶ᠋ᠢᠨ ᠲᠠᠯᠠ ᠳ᠋ᠤ᠌ ᠬᠡᠷᠬᠢᠪᠡᠴᠦ ᠶᠠᠪᠤᠬᠤ ᠦᠭᠡᠢ ᠨᠢ ᠯᠠᠪ ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍᠂
— ᠴᠢ ᠶᠠᠭᠤ ᠭᠡᠵᠦ ᠮᠠᠭᠤ ᠳᠡᠭᠡᠷᠡᠮᠴᠢᠨ ᠦ᠌ ᠦᠭᠡ ᠶ᠋ᠢ ᠬᠡᠯᠡᠵᠦ ᠪᠠᠢᠨᠠ ᠭᠡᠳ ᠸᠯᠠᠳᠢᠮᠢᠷ ᠶᠡᠬᠡᠳᠡ ᠠᠭᠤᠷᠯᠠᠵᠤ᠂
— ᠴᠢᠨᠦ ᠨᠡᠷᠡ ᠬᠡᠨ ᠭᠡᠳᠡᠭ ᠪᠣᠢ? ᠪᠢ ᠴᠢᠨᠦ ᠲᠣᠯᠣᠭᠠᠢ ᠶ᠋ᠢ ᠡᠨᠳᠡ ᠠᠪᠤᠨᠠ ᠭᠡᠪᠡ᠃
— ᠦᠬᠦᠭᠰᠡᠨ ᠬᠥᠮᠦᠨ ᠪᠠᠰᠠ ᠨᠢᠭᠡ ᠨᠡᠮᠡᠭᠳᠡᠵᠡᠢ᠂ ᠭᠡᠰᠡᠨ ᠴᠦ᠍ ᠲᠠᠲ᠋ᠠᠷ ᠤ᠋ᠳ ᠢᠷᠡᠬᠦ ᠳ᠋ᠡᠭᠡᠨ ᠯᠡ ᠢᠷᠡᠨᠡ᠃ ᠲᠡᠭᠡᠬᠦ ᠳ᠋ᠦ᠍ ᠠᠷᠠᠳ ᠪᠢᠳᠡᠨᠡᠷ ᠲᠡᠳᠡᠨ ᠲᠡᠢ ᠲᠤᠯᠤᠯᠳᠤᠵᠤ ᠮᠠᠨ ᠤ᠋ ᠨᠤᠲᠤᠭ ᠠ᠋ᠴᠠ ᠬᠥᠭᠡᠭᠡᠨ ᠵᠠᠢᠯᠠᠭᠤᠯᠬᠤ ᠪᠣᠯᠤᠨᠠ᠃ ᠡᠨᠡ ᠨᠢ ᠸᠠᠩᠲᠠᠨ ᠤ᠋ ᠰᠡᠳᠬᠢᠯ ᠳ᠋ᠦ᠍ ᠨᠡᠢᠯᠡᠮᠵᠢᠲᠡᠢ ᠤᠤ᠂ ᠦᠭᠡᠢ ᠤᠤ? ᠬᠠᠷᠢᠨ ᠸᠠᠩ ᠭᠧᠦᠷᠬᠢ ᠲᠡᠳᠡᠨ ᠲᠡᠢ ᠬᠡᠷᠬᠢᠨ ᠲᠤᠯᠤᠯᠳᠤᠬᠤ ᠶ᠋ᠢ ᠪᠢᠳᠡ ᠪᠠᠰᠠ ᠬᠠᠷᠠᠬᠤ ᠪᠣᠯᠤᠨᠠ᠃ ᠪᠢ ᠥᠪᠡᠷ ᠦ᠋ᠨ ᠬᠥᠪᠡᠭᠦᠨ ᠠᠴᠢ ᠵᠢᠭᠡ ᠨᠠᠷ ᠢ᠋ ᠬᠤᠷᠠᠯᠳᠤᠭᠤᠯᠤᠨ ᠪᠠᠰᠠ ᠪᠤᠰᠤ ᠨᠥᠬᠥᠳ ᠢ᠋ ᠲᠠᠲᠠᠵᠤ ᠡᠯᠰᠡᠭᠦᠯᠦᠭᠡᠳ ᠲᠠᠲ᠋ᠠᠷ ᠤ᠋ᠳ ᠢ᠋ ᠪᠠᠷᠢᠵᠤ ᠴᠢᠪᠬᠠᠨ ᠳ᠋ᠠᠭᠠᠨ ᠱᠣᠷᠣᠯᠠᠨᠠ᠃ ᠬᠠᠷᠢᠨ ᠸᠠᠩ ᠸᠯᠠᠳᠢᠮᠢᠷ ᠴᠢ ᠡᠪᠦᠭᠡᠨ ᠨᠠᠳᠠᠳᠤ ᠪᠢᠲᠡᠭᠡᠢ ᠠᠭᠤᠷᠰᠠ᠂ ᠮᠢᠨᠦ ᠠᠯᠠᠭᠰᠠᠨ ᠭᠥᠷᠦᠭᠡᠰᠦᠨ ᠦ᠌ ᠮᠢᠬᠠ ᠶ᠋ᠢ ᠵᠣᠭᠣᠭᠯᠠ᠃ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠪᠠᠢᠯᠳᠤᠬᠤ ᠳ᠋ᠠᠭᠠᠨ ᠮᠣᠷᠢᠨ ᠤ᠋ ᠪᠠᠨ ᠰᠡᠭᠦᠯ ᠢ᠋ ᠲᠡᠳᠡᠨ ᠳ᠋ᠦ᠍ ᠪᠤᠤ ᠬᠠᠷᠭᠤᠯᠤᠭᠠᠷᠠᠢ ᠳ᠋ᠠ ᠭᠡᠳ ᠡᠪᠦᠭᠡᠨ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠸᠠᠩ ᠸᠯᠠᠳᠢᠮᠢᠷ ᠲᠸ᠋ ᠰᠥᠭᠥᠳᠦᠨ ᠶᠣᠰᠣᠯᠠᠭᠠᠳ᠂ ᠪᠤᠷᠵᠢᠭᠢᠷ ᠪᠤᠭᠤᠷᠤᠯ ᠲᠣᠯᠣᠭᠠᠢ ᠪᠠᠨ ᠳᠡᠭᠡᠭᠰᠢ ᠡᠷᠭᠦᠵᠦ ᠰᠢᠭᠤᠳ ᠵᠠᠢᠯᠠᠨ ᠣᠳᠪᠠ᠃ ᠮᠣᠳᠣᠨ ᠳᠣᠲᠣᠷᠠ ᠠ᠋ᠴᠠ ᠮᠥᠨ ᠴᠢᠪᠬᠠ ᠪᠠ ᠨᠤᠮᠤ ᠡᠭᠦᠷᠦᠭᠰᠡᠨ ᠦᠰᠦᠲᠡᠢ ᠳᠡᠪᠡᠯ ᠲᠡᠢ ᠬᠡᠳᠦᠨ ᠥᠨᠳᠥᠷ ᠰᠠᠢᠬᠠᠨ ᠡᠷᠡᠴᠦᠳ ᠭᠠᠷᠴᠤ ᠢᠷᠡᠭᠡᠳ ᠴᠡᠷᠢᠭ ᠦ᠋ᠨ ᠶᠣᠰᠣᠭᠠᠷ ᠬᠥᠯ ᠢ᠋ᠶ᠋ᠡᠨ ᠨᠡᠢᠯᠡᠭᠦᠯᠦᠨ ᠶᠠᠪᠤᠵᠤ ᠣᠳᠴᠠᠭᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠡᠷᠭᠡᠨᠭᠣᠣᠠ᠂ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ᠂ ᠠᠯᠲᠠᠨᠴᠢᠮᠡᠭ᠂ ᠵᠢᠩᠯᠢᠬᠤᠸᠠᠷ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠪᠠᠯ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ