ᠪᠠᠲᠤ ᠬᠠᠭᠠᠨ 6-03ᠲᠠᠲ᠋ᠠᠷ ᠤ᠋ᠳ ᠣᠢᠷᠠᠬᠠᠨ ᠪᠠᠢᠨᠠ-ᠣᠷᠣᠰ ᠨᠤᠲᠤᠭ ᠢ᠋ ᠬᠠᠷᠠ ᠡᠭᠦᠯᠡ ᠪᠦᠷᠬᠦᠪᠡBat khaan Бат хаан-ᠷᠣᠮᠠᠨ - コピー (3)
215ᠭᠤᠷᠪᠠ᠂ ᠲᠠᠲ᠋ᠠᠷ ᠤ᠋ᠳ ᠣᠢᠷᠠᠬᠠᠨ ᠪᠠᠢᠨᠠ
ᠡᠪᠦᠯ ᠦ᠋ᠨ ᠳᠤᠮᠳᠠ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠭᠤᠷᠪᠠᠨ ᠤ᠋ ᠡᠳᠦᠷ(ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢ ᠬᠦᠷᠲᠡᠯᠡ ᠳ᠋ᠸᠺᠢᠪᠷᠢ ᠰᠠᠷᠠ ᠪᠤᠶᠤ ᠰᠲ᠋ᠦᠳ᠋ᠨᠢᠶᠠ ᠨᠢ ᠣᠷᠣᠰ ᠤ᠋ᠨ ᠡᠷᠲᠡᠨ ᠦ᠌ ᠣᠨ ᠲᠣᠭᠠᠯᠠᠯ ᠤ᠋ᠨ ᠶᠣᠰᠣᠭᠠᠷ ᠵᠢᠯ ᠦ᠋ᠨ ᠠᠷᠪᠠᠳᠤᠭᠠᠷ ᠰᠠᠷᠠ ᠭᠡᠵᠦ ᠲᠣᠭᠠᠯᠠᠳᠠᠵᠤ ᠪᠠᠢᠪᠠ᠃ ᠵᠢᠯ ᠨᠢ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠡᠴᠡ ᠡᠬᠢᠯᠡᠳᠡᠭ ᠪᠠᠢᠯᠠ) ᠸᠠᠩ ᠭᠧᠦᠷᠬᠢ ᠸᠰᠧᠸᠦᠯᠦᠳᠦᠸᠢᠴ ᠦᠳᠡᠰᠢ ᠶ᠋ᠢᠨ ᠬᠣᠭᠣᠯᠠᠨ ᠳ᠋ᠠᠭᠠᠨ ᠳᠠᠪᠤᠰᠤᠲᠠᠢ ᠢᠰᠬᠦᠯᠡᠩ ᠪᠠᠢᠼᠠᠢ᠂ ᠭᠠᠯᠠᠭᠤᠨ ᠤ᠋ ᠰᠢᠷᠠᠭᠰᠠᠨ ᠮᠢᠬᠠ ᠢᠳᠡᠭᠰᠡᠨ ᠦ᠌ ᠰᠡᠭᠦᠯ ᠳ᠋ᠦ᠍ ᠤᠰᠤᠨ ᠤ᠋ ᠠᠭᠤᠷ ᠳᠸ᠋ ᠳᠡᠪᠲᠦᠭᠡᠭᠰᠡᠨ ᠬᠣᠶᠠᠷ ᠠᠯᠢᠮᠠ ᠢᠳᠡᠭᠡᠳ ᠬᠣᠨᠢᠨ ᠤ᠋ ᠠᠷᠠᠰᠤᠨ ᠪᠦᠷᠢᠶᠡᠰᠦ ᠲᠡᠢ ᠬᠡᠪᠲᠡᠷᠢ ᠳᠡᠭᠡᠷᠡ ᠪᠡᠨ ᠬᠡᠪᠲᠡᠪᠡ᠃ ᠰᠥᠨᠢ ᠳᠤᠮᠳᠠ ᠲᠡᠭᠦᠨ ᠦ᠌(᠊ᠢ) ᠡᠪᠦᠭᠡᠨ ᠴᠡᠷᠢᠭ ᠮᠥᠷᠦᠨ ᠳᠡᠭᠡᠷᠡ ᠡᠴᠡ ᠨᠢ ᠠᠶᠠᠷᠬᠠᠨ ᠲᠠᠲᠠᠵᠤ ᠠᠯᠭᠤᠷᠬᠠᠨ ᠢ᠋ᠶ᠋ᠠᠷ ᠰᠡᠷᠢᠭᠡᠪᠡ᠃ ᠶᠡᠬᠡᠪᠡᠷ ᠲᠦᠯᠡᠭᠰᠡᠨ ᠫᠢᠰᠢᠩ ᠤ᠋ᠨ ᠬᠠᠯᠠᠭᠤᠨ ᠳ᠋ᠤ᠌ ᠳᠤᠯᠠᠭᠠᠴᠠᠨ ᠤᠨᠲᠠᠭᠰᠠᠨ ᠸᠠᠩ ᠠᠷᠠᠢᠬᠢᠵᠤ ᠰᠡᠷᠢᠪᠡ᠃ ᠸᠯᠠᠳᠢᠮᠢᠷ ᠬᠣᠲᠠ ᠶ᠋ᠢᠨ ᠶᠡᠬᠡ ᠬᠠᠮᠪᠤ ᠲᠣᠭᠰᠢᠨ ᠡᠵᠡᠨ ᠮᠢᠲ᠋ᠷᠦᠹᠡᠨ᠂ ᠬᠤᠲᠤᠭᠲᠤ ᠶ᠋ᠢᠨ ᠶᠣᠰᠣᠭᠠᠷ ᠵᠠᠯᠠᠷᠠᠨ ᠰᠠᠭᠤᠭᠠᠳ ᠮᠣᠳᠣᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠢᠭᠠᠵᠤ《ᠸᠠᠩ ᠪᠣᠰ᠂ ᠰᠡᠷᠢ᠂ ᠡᠷᠭᠢᠬᠦ ᠤᠯᠠᠷᠢᠯ ᠢᠷᠡᠵᠦ ᠢᠪᠡᠭᠡᠯᠲᠦ ᠵᠤᠨ ᠪᠣᠯᠤᠯᠠ᠂ ᠢᠴᠡᠭᠡᠨ ᠦ᠌ ᠪᠠᠭᠠᠪᠠᠭᠠᠢ ᠪᠣᠯᠪᠠᠴᠤ ᠡᠷᠭᠢᠵᠦ ᠨᠠᠰᠢ ᠬᠠᠨᠳᠤᠯᠠ》ᠭᠡᠵᠦ ᠬᠡᠯᠡᠪᠡ ᠭᠡᠵᠦ ᠸᠠᠩ ᠵᠡᠭᠦᠳᠦᠯᠡᠵᠡᠢ᠃ ᠪᠢᠳᠡ ᠬᠣᠶᠠᠷ ᠪᠤᠴᠠᠨᠠ ᠭᠡᠵᠦ ᠸᠠᠩ ᠠᠮᠠᠨ ᠳᠣᠲᠣᠷᠠ ᠪᠠᠨ ᠥᠭᠦᠯᠡᠪᠡᠴᠦ ᠰᠢᠳᠠᠷ ᠴᠡᠷᠢᠭ ᠦ᠋ᠨ ᠬᠦᠳᠡᠷ ᠭᠠᠷ ᠲᠡᠭᠦᠨ ᠢ᠋ ᠮᠥᠷᠦᠨ ᠡᠴᠡ ᠨᠢ ᠴᠢᠩᠭᠠ ᠪᠠᠷᠢᠵᠤ ᠪᠠᠢᠪᠠ᠃
— ᠸᠠᠩ ᠮᠢᠨᠢ ᠪᠣᠰᠴᠤ ᠦᠵᠡᠭᠡᠴᠢ! ᠷᠶᠡᠽᠡᠨ ᠡᠴᠡ ᠢᠷᠡᠭᠰᠡᠨ ᠡᠯᠴᠢ ᠥᠭᠡᠳᠡ ᠦᠭᠡᠢ ᠮᠡᠳᠡᠭᠡ ᠠᠪᠴᠢᠷᠠᠭᠰᠠᠨ ᠪᠠᠢᠨᠠ ᠰᠢᠦ ᠭᠡᠵᠦ ᠵᠢᠳᠬᠦᠯᠳᠦ ᠡᠪᠦᠭᠡᠨ ᠳᠠᠢᠴᠢᠨ ᠬᠡᠯᠡᠪᠡ᠃
— ᠶᠠᠮᠠᠷ ᠬᠥᠮᠦᠨ? ᠶᠠᠮᠠᠷ ᠮᠡᠳᠡᠭᠡ ᠪᠣᠢ? ᠭᠡᠵᠦ ᠸᠠᠩ ᠠᠷᠠᠢᠬᠢᠨ ᠤᠬᠠᠭᠠᠷᠠᠨ ᠠᠰᠠᠭᠤᠪᠠ᠃
— ᠸᠠᠩ ᠷᠣᠮᠠᠨ ᠢᠩᠭᠧᠡᠷᠧᠸᠢᠴ ᠷᠶᠡᠽᠡᠨ ᠡᠴᠡ ᠬᠦᠷᠦᠯᠴᠡᠨ ᠢᠷᠡᠵᠡᠢ᠃ ᠪᠢᠳᠡ ᠲᠡᠭᠦᠨ ᠢ᠋ ᠬᠣᠲᠠᠨᠠ ᠣᠷᠣᠭᠤᠯᠪᠠ᠃
— ᠶᠠᠭᠤ ᠶᠠᠷᠢᠵᠤ ᠪᠠᠢᠨᠠ?
— ᠥᠪᠡᠷ ᠢ᠋ᠶ᠋ᠡᠨ ᠴᠢᠮᠠᠲᠠᠢ ᠠᠭᠤᠯᠵᠠᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠨᠠ᠃
— ᠷᠶᠡᠽᠡᠨ ᠡᠴᠡ ᠢᠷᠡᠭᠰᠡᠨ ᠭᠡᠨᠡ ᠤᠤ? ᠲᠡᠨᠳᠡ ᠴᠢᠨᠢ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ ? ᠭᠡᠵᠦ ᠸᠠᠩ ᠥᠪᠡᠷ ᠦ᠋ᠨ ᠬᠥᠯ ᠢ᠋ ᠤᠷᠤᠭᠰᠢ ᠲᠠᠯᠪᠢᠨ ᠬᠡᠯᠡᠷᠦᠨ᠂
— ᠷᠶᠠᠽᠠᠨ ᠪᠠᠢᠬᠤ ᠦᠭᠡᠢ ᠪᠣᠯᠵᠠᠢ᠃
— ᠴᠢ ᠴᠢᠨᠢ ᠤᠬᠠᠭᠠᠨ ᠲᠠᠢ ᠪᠠᠨ ᠪᠠᠢᠨᠠ ᠤᠤ? ᠸᠠᠩ ᠷᠣᠮᠠᠨ ᠬᠠᠮᠢᠭᠠ ᠪᠠᠢᠨᠠ ?
— ᠡᠨᠳᠡ ᠥᠷᠥᠭᠡᠨ ᠳ᠋ᠦ᠍ ᠢᠷᠡᠭᠡᠳ ᠪᠠᠢᠨᠠ᠃ ᠸᠠᠩ ᠬ᠌ᠸᠣᠷᠭᠢ ᠶ᠋ᠢᠨ ᠬᠦᠴᠦᠲᠦ ᠭᠠᠷ ᠰᠠᠯᠭᠠᠨᠠᠨ ᠳᠡᠪᠡᠯ ᠦ᠋ᠨ ᠬᠠᠨᠴᠤᠢ ᠶ᠋ᠢ ᠤᠳᠠᠲᠠᠯᠠ ᠣᠯᠵᠤ ᠶᠠᠳᠠᠪᠠ᠃ ᠸᠠᠩ ᠬ᠌ᠸᠣᠷᠭᠢ ᠸᠰᠸᠸᠤᠯᠤᠳᠤᠸᠢᠴ ᠵᠠᠢᠰᠠᠩ ᠤ᠋ᠳ ᠢ᠋ ᠬᠦᠯᠢᠶᠡᠨ ᠠᠪᠴᠤ ᠶᠠᠷᠢᠯᠴᠠᠳᠠᠭ ᠥᠷᠥᠭᠡᠨ ᠳ᠋ᠡᠭᠡᠨ ᠣᠷᠣᠪᠠ᠃ ᠲᠡᠨᠳᠡ ᠰᠢᠳᠠᠷ ᠬᠡᠳᠦᠨ ᠵᠥᠪᠯᠡᠬᠦ ᠨᠤᠭᠦᠳ ᠪᠠᠢᠵᠠᠭᠠᠪᠠ᠃ ᠲᠩᠷᠢ ᠶ᠋ᠢᠨ ᠬᠠᠭᠤᠴᠢᠨ ᠬᠥᠷᠥᠭ ᠦ᠋ᠨ ᠡᠮᠦᠨᠡᠬᠢ ᠵᠤᠯᠠ ᠶ᠋ᠢᠨ ᠤᠯᠠᠪᠢᠷ ᠭᠡᠷᠡᠯ ᠡᠨᠳᠡ ᠲᠡᠨᠳᠡ ᠴᠡᠮᠪᠡ ᠬᠡᠪᠢᠰ ᠤᠨᠵᠢᠭᠤᠯᠤᠭᠰᠠᠨ ᠳ᠋ᠥ᠋ᠨᠵᠡᠨ ᠬᠠᠨᠠ ᠶ᠋ᠢ ᠭᠡᠷᠡᠯᠲᠦᠭᠦᠯᠦᠨᠡ᠃ ᠵᠥᠪᠯᠡᠯᠭᠡᠨ ᠠᠪᠬᠤ ᠪᠠᠷ ᠰᠥᠨᠢ ᠶᠠᠭᠠᠷᠠᠪᠴᠢᠯᠠᠨ ᠢᠷᠡᠭᠰᠡᠨ ᠸᠠᠩ ᠤ᠋ᠨ ᠬᠦᠦ ᠸᠡᠯᠳᠢᠮᠢᠷ᠂ ᠸᠰᠸᠸᠤᠯᠤᠳ᠋ ᠬᠣᠶᠠᠷ ᠦᠭᠡ ᠳᠠᠭᠤ ᠦᠭᠡᠢ ᠵᠠᠢᠰᠠᠩ ᠤ᠋ᠳ ᠤ᠋ᠨ ᠡᠮᠦᠨᠡ ᠵᠣᠭᠰᠣᠵᠤ ᠪᠠᠢᠪᠠ᠃ ᠵᠠᠩᠵᠤᠨ ᠵᠢᠷᠤᠰᠯᠠᠸ ᠮᠢᠬᠠᠢᠯᠤᠸᠢᠴ᠂ ᠶᠸᠷᠸᠮᠸᠢ ᠬ᠌ᠯᠸᠪᠤᠸᠢᠴᠠ᠂ ᠫᠸᠲ᠋ᠷ ᠤᠰᠯᠶᠠᠳ᠋ᠶᠦᠢ᠍ᠺᠤᠸᠢᠴ ᠭᠤᠷᠪᠠ ᠶᠡᠷᠦ ᠠᠵᠢᠭ ᠦᠭᠡᠢ ᠵᠣᠭᠰᠣᠵᠤ ᠪᠠᠢᠪᠠ᠃ ᠲᠡᠳᠡ ᠲᠡᠢᠨ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠤᠳᠠᠲᠠᠯᠠ ᠶᠠᠪᠤᠵᠤ ᠡᠯᠳᠡᠪ ᠢ᠋ ᠦᠵᠡᠭᠰᠡᠨ ᠲᠤᠯᠠ ᠶᠠᠭᠤᠨ ᠠ᠋ᠴᠠ ᠴᠤ᠌ ᠦᠯᠦ ᠰᠦᠷᠳᠡᠵᠦ ᠰᠠᠨᠳᠤᠷᠬᠤ ᠠᠵᠠᠢ᠃ ᠰᠢᠷᠡᠭᠡᠨ ᠦ᠌ ᠴᠠᠭᠠᠨᠠ ᠬᠡᠪᠢᠰ ᠢ᠋ᠶ᠋ᠡᠷ ᠪᠦᠲᠡᠭᠡᠭᠰᠡᠨ ᠪᠠᠨᠲᠠᠩ ᠳᠡᠭᠡᠷᠡ ᠷᠶᠠᠽᠠᠨ ᠠ᠋ᠴᠠ ᠢᠷᠡᠭᠰᠡᠨ ᠸᠠᠩ ᠷᠣᠮᠠᠨ ᠪᠤᠷᠵᠢᠭᠢᠷ ᠲᠣᠯᠣᠭᠠᠢ ᠪᠠᠨ ᠲᠦᠰᠢᠵᠦ ᠰᠠᠭᠤᠨᠠ᠃ᠲᠡᠷᠡ ᠬᠣᠯᠠ ᠶ᠋ᠢᠨ ᠵᠠᠮ ᠳ᠋ᠤ᠌ ᠮᠣᠷᠢ ᠪᠠᠨ ᠰᠡᠯᠭᠦᠭᠡᠨ ᠨᠣᠢᠷ ᠦᠭᠡᠢ ᠳᠣᠪᠲᠣᠯᠭᠠᠨ ᠶᠠᠪᠤᠭᠰᠠᠨ ᠳ᠋ᠠᠭᠠᠨ ᠶᠠᠳᠠᠷᠠᠭᠠᠳ ᠪᠥᠬᠡ ᠪᠡᠷ ᠤᠨᠲᠠᠵᠠᠢ᠃
ᠸᠠᠩ ᠸᠰᠸᠸᠤᠯᠤᠳᠤᠸᠢᠴ ᠣᠷᠣᠮᠠᠭᠴᠠ ᠪᠠᠨ ᠥᠨᠳᠥᠷ ᠳᠠᠭᠤ ᠪᠠᠷ ᠡᠢᠨ ᠬᠡᠯᠡᠪᠡ᠄
— ᠴᠢ ᠷᠶᠠᠽᠠᠨ ᠠ᠋ᠴᠠ ᠶᠠᠭᠤ ᠠᠪᠴᠢᠷᠠᠪᠠ? ᠲᠠᠲ᠋ᠠᠷ ᠤ᠋ᠳ ᠷᠶᠠᠽᠠᠨ ᠢ᠋ ᠶᠠᠭᠤ ᠪᠣᠯᠭᠠᠭᠰᠠᠨ ᠪᠣᠢ? ᠷᠶᠠᠽᠠᠨ ᠤ᠋ ᠬᠢᠨ ᠬᠦᠴᠦ ᠵᠢᠭᠠᠨ ᠲᠤᠯᠤᠯᠳᠤᠪᠠ ᠤᠤ? ᠡᠰᠡᠪᠡᠯ ᠡᠷᠭᠢᠵᠦ ᠳᠤᠲᠠᠭᠠᠭᠠᠳ ᠲᠥᠷᠥᠭᠰᠡᠨ ᠬᠣᠲᠠ ᠪᠠᠨ ᠥᠭᠴᠢᠬᠡᠪᠡ ᠤᠤ?
ᠸᠠᠩ ᠷᠣᠮᠠᠨ ᠢᠩᠸᠡᠷᠸᠸᠢᠴ ᠶᠠᠭᠤ ᠴᠤ᠌ ᠰᠣᠨᠣᠰᠤᠭᠰᠠᠨ ᠦᠭᠡᠢ ᠬᠥᠳᠡᠯᠦᠯ ᠦᠭᠡᠢ ᠰᠠᠭᠤᠭᠰᠠᠭᠠᠷ ᠯᠠ ᠪᠠᠢᠪᠠ᠃
ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠰᠥᠨᠢ ᠶ᠋ᠢᠨ ᠳᠤᠯᠠᠭᠠᠨ ᠳ᠋ᠤ᠌ ᠤᠨᠲᠠᠵᠤ ᠪᠠᠢᠭᠠ ᠬᠥᠮᠦᠨ ᠦ᠌ ᠵᠢᠭᠳᠡᠬᠡᠨ ᠠᠮᠢᠰᠬᠤᠭᠠ᠂ ᠴᠣᠩᠬᠣᠨ ᠤ᠋ ᠬᠠᠯᠢᠰᠤᠨ ᠤ᠋ ᠠᠶᠠᠷᠬᠠᠨ ᠰᠦᠷᠴᠢᠭᠢᠨᠡᠬᠦ ᠴᠢᠮᠡᠭᠡ ᠬᠣᠶᠠᠷ ᠰᠣᠨᠣᠰᠳᠠᠨᠠ᠃
— ᠷᠶᠡᠽᠡᠨ ᠦ᠌ ᠬᠢᠨ ᠶᠠᠮᠠᠷ ᠰᠢᠭ᠋ ᠲᠤᠯᠤᠯᠳᠤᠪᠠ ᠭᠡᠵᠦ ᠪᠢ ᠠᠰᠠᠭᠤᠵᠤ ᠪᠠᠢᠨᠠ ᠰᠢᠦ! ᠯᠠᠪ ᠬᠣᠲᠠ ᠪᠠᠨ ᠲᠠᠯᠪᠢᠵᠤ ᠥᠭᠭᠦᠭᠰᠡᠨ ᠪᠢᠵᠡ ᠳ᠋ᠠ᠃ ᠸᠠᠩ ᠷᠣᠮᠠᠨ ᠰᠡᠭᠦᠯᠴᠢ ᠶ᠋ᠢᠨ ᠬᠢᠨᠢ ᠦᠭᠡ ᠶ᠋ᠢ ᠰᠣᠨᠣᠰᠬᠤ ᠲᠠᠢ ᠪᠠᠨ ᠬᠠᠮᠲᠤ ᠰᠣᠴᠢᠨ ᠰᠡᠷᠢᠵᠦ ᠸᠠᠩ ᠭᠸᠣᠷᠬᠢ ᠲᠡᠰᠢ ᠦᠰᠦᠷᠦᠨ ᠣᠴᠢᠭᠠᠳ ᠲᠡᠭᠦᠨ ᠢ᠋ ᠳᠠᠭᠠᠷᠢᠬᠤ ᠭᠡᠵᠦ ᠪᠠᠢᠭᠠ ᠶᠤᠮ ᠰᠢᠭ᠋ ᠮᠡᠬᠦᠢᠨ ᠣᠴᠢᠵᠤ ᠠᠭᠤᠷ ᠴᠢᠬᠤᠯ ᠢ᠋ᠶ᠋ᠠᠨ ᠲᠡᠪᠴᠢᠵᠦ ᠶᠠᠳᠠᠨ ᠰᠦᠷᠡᠬᠡᠢ ᠳᠠᠭᠤ ᠪᠠᠷ ᠬᠠᠰᠬᠢᠷᠤᠨ᠂
— ᠴᠢ ᠶᠠᠭᠤ ᠪᠣᠯᠤᠭᠠᠳ ᠢᠩᠭᠢᠵᠦ ᠶᠠᠷᠢᠨᠠ ᠪᠣᠢ? ᠴᠢ ᠶᠠᠭᠤ ᠪᠣᠯᠤᠭᠠᠳ ᠪᠢᠳᠡᠨ ᠢ᠋ ᠰᠢᠯᠭᠠᠨᠠ ᠤᠤ? ᠴᠢ ᠪᠡᠷᠬᠡ ᠬᠦᠨᠳᠦ ᠴᠠᠭ ᠲᠤᠨᠢ ᠪᠢᠳᠡᠨ ᠡᠴᠡ ᠵᠠᠢᠯᠠᠵᠤ ᠤᠳᠤᠭᠠᠳ ᠬᠠᠷᠢᠨ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠢᠷᠡᠬᠦ ᠦᠭᠡᠢ ᠲᠤᠰᠠᠯᠠᠮᠵᠢ ᠴᠤ᠌ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠢᠨᠠ ᠪᠣᠢ? ᠷᠶᠸᠡᠽᠡᠨ ᠪᠠᠢᠬᠤ ᠦᠭᠡᠢ ᠪᠣᠯᠤᠭᠰᠠᠨ᠁ ᠲᠡᠭᠦᠨ ᠢ᠋ ᠮᠣᠩᠭᠣᠯᠴᠤᠳ ᠰᠢᠲᠠᠭᠠᠴᠢᠬᠠᠭᠰᠠᠨ᠃ ᠬᠣᠲᠠ ᠶ᠋ᠢᠨ ᠰᠢᠳᠡᠵᠦ ᠪᠠᠢᠭᠠ ᠡᠪᠳᠡᠷᠬᠡᠢ ᠰᠠᠭᠤᠷᠢᠨ ᠳᠡᠭᠡᠷᠡ ᠨᠢ ᠪᠦᠬᠦ ᠷᠶᠠᠽᠠᠨᠴᠤᠳ ᠡᠴᠦᠰ ᠪᠣᠯᠤᠭᠰᠠᠨ᠃ ᠬᠠᠷᠢᠨ ᠬᠡᠨ ᠴᠦ᠍ ᠤᠬᠤᠷᠢᠬᠤ ᠦᠭᠡᠢ᠂ ᠪᠢᠳᠡ ᠬᠣᠲᠠ ᠪᠠᠨ ᠲᠠᠯᠪᠢᠵᠤ ᠥᠭᠭᠦᠭᠡ ᠦᠭᠡᠢ᠂ ᠭᠠᠭᠴᠠᠬᠠᠨ ᠮᠠᠨ ᠤ᠋ ᠬᠡᠭᠦᠷ ᠦ᠋ᠳ ᠦ᠋ᠨ ᠳᠤᠮᠳᠠᠭᠤᠷ ᠭᠠᠯᠵᠠᠭᠤᠷᠠᠭᠰᠠᠨ ᠮᠣᠩᠭᠣᠯᠴᠤᠳ ᠨᠡᠪᠲᠡᠷᠡᠨ ᠢᠷᠡᠯᠡ ᠭᠡᠪᠡ᠃
— ᠸᠠᠩ ᠶᠦᠷᠢ ᠢᠩᠭ᠌ᠸᠸᠡᠷᠸᠸᠢᠴ ᠶᠠᠭᠠᠬᠢᠭᠰᠠᠨ ᠪᠣᠢ?
— ᠡᠵᠡᠭᠦᠢ ᠬᠡᠭᠡᠷᠡ ᠲᠠᠯᠠ ᠳ᠋ᠤ᠌ ᠠᠯᠠᠭᠳᠠᠭᠰᠠᠨ᠃
— ᠸᠠᠩ ᠫᠷᠤᠨᠰᠺᠸ᠂ ᠮᠦᠷᠦᠮᠰᠺᠢ᠂ ᠸᠠᠰᠢᠯᠢ᠂ ᠺ᠊ᠷᠠᠰᠨᠢ ᠭᠯᠸᠪ ᠮᠢᠬᠠᠢᠯᠣᠸᠢᠴ᠂ ᠺᠣᠯᠤᠮᠸᠨ᠋ᠰᠺᠢ ᠨᠠᠷ ᠶᠠᠭᠠᠬᠢᠭᠰᠠᠨ ᠪᠣᠢ?
— ᠴᠥᠮ ᠲᠤᠯᠤᠯᠳᠤᠵᠤ ᠪᠠᠢᠭᠠᠳ ᠡᠴᠦᠰ ᠪᠤᠯᠵᠠᠭᠠᠭᠰᠠᠨ᠃ ᠰᠦᠽᠳᠡᠯᠢ ᠶ᠋ᠢᠨ ᠬᠢᠨ᠂ ᠨᠣᠸᠣᠭᠤᠷᠤᠳ᠋ ᠤ᠋ᠨ ᠬᠢᠨ ᠲᠤᠰᠠᠯᠠᠬᠤ ᠪᠠᠷ ᠢᠷᠡᠬᠦ ᠪᠣᠯ ᠤᠤ ᠭᠡᠵᠦ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠡᠷᠭᠢᠵᠦ ᠬᠠᠷᠠᠭᠰᠠᠭᠠᠷ ᠪᠠᠢᠯᠠ᠃ ᠲᠡᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠲᠠ ᠣᠷᠣᠨ ᠭᠡᠷ ᠲᠡᠭᠡᠨ ᠪᠦᠭᠭᠦᠵᠦ ᠳᠤᠯᠠᠭᠠᠨ ᠬᠠᠨᠵᠤᠨ ᠳᠡᠭᠡᠷᠡ ᠭᠠᠷᠤᠭᠠᠳ ᠠᠭᠤᠷ ᠴᠢᠬᠤᠯ ᠬᠦᠷᠬᠦ ᠳ᠋ᠡᠭᠡᠨ ᠶᠠᠭᠤᠮᠠ ᠠᠯᠠᠭᠠᠳ ᠬᠡᠪᠲᠡᠵᠦ ᠪᠠᠢᠨᠠ ᠭᠡᠬᠦ ᠳ᠋ᠦ᠍ ᠸᠯᠠᠳᠢᠯᠢᠷ ᠬᠣᠲᠠ ᠶ᠋ᠢᠨ ᠸᠠᠩ ᠵᠠᠩᠳᠤᠷᠪᠠ᠃
— ᠲᠠᠨᠠᠷ ᠰᠦᠽᠳᠡᠯᠢ ᠶ᠋ᠢᠨ ᠬᠢᠨ ᠴᠢᠨᠢ ᠬᠠᠮᠢᠭᠠ ᠪᠠᠢᠭᠰᠠᠨ ᠪᠣᠢ? ᠨᠠᠮᠤᠭ ᠲᠠᠭᠠᠨ ᠰᠢᠭᠢᠳᠴᠦ ᠰᠠᠭᠤᠭᠠᠳ ᠶᠠᠭᠤ ᠪᠠᠨ ᠬᠢᠵᠡᠭᠡᠪᠡ?
—ᠴᠢᠮᠠ ᠰᠢᠭ᠋ ᠠᠮᠢᠲᠠᠨ ᠢᠷᠡᠭᠰᠡᠨ ᠪᠢᠰᠢ᠂ ᠭᠠᠢ ᠪᠣᠯᠪᠠ ᠭᠡᠵᠦ ᠬ᠌ᠸᠤᠷᠭᠢ ᠴᠢᠬᠤᠯᠳᠠᠨᠠ᠃
— ᠵᠠ᠂ ᠴᠢ ᠷᠶᠠᠽᠠᠨ ᠤ᠋ ᠬᠢᠨ ᠢ᠋ ᠪᠢᠲᠡᠭᠡᠢ ᠳᠣᠷᠣᠮᠵᠢᠯᠠ! ᠲᠡᠳᠡᠨᠡᠷ ᠴᠠᠰᠤᠲᠤ ᠲᠠᠯᠠ ᠳᠡᠭᠡᠷᠡ ᠴᠠᠷᠴᠠᠭᠠᠳ ᠬᠡᠪᠲᠡᠵᠡᠭᠡᠵᠦ ᠪᠠᠢᠬᠤ ᠳ᠋ᠤᠨᠢ ᠲᠡᠳᠡᠨᠡᠷ ᠳᠡᠭᠡᠷᠡ ᠲᠥᠷᠥᠭᠰᠡᠨ ᠨᠤᠲᠤᠭ ᠤ᠋ᠨ ᠠᠳᠬᠤ ᠰᠢᠷᠣᠢ ᠠᠪᠤᠭᠠᠳ ᠬᠠᠶᠠᠴᠢᠬᠠᠬᠤ ᠬᠥᠮᠦᠨ ᠠᠯᠠᠭᠠ ᠪᠠᠢᠨᠠ᠃ ᠬᠡᠷᠪᠡ ᠳᠣᠷᠣᠮᠵᠢᠯᠠᠭᠰᠠᠨ ᠦᠭᠡ ᠶ᠋ᠢ ᠪᠢ ᠳᠠᠬᠢᠨ ᠰᠣᠨᠣᠰᠪᠠᠯ ᠪᠢ ᠲᠣᠯᠣᠭᠠᠢ ᠶ᠋ᠢ ᠴᠢᠨᠢ ᠬᠠᠭᠠ ᠴᠣᠬᠢᠨᠠ᠁ ᠭᠡᠳ ᠸᠠᠩ ᠷᠣᠮᠠᠨ ᠳᠡᠷᠭᠡᠳᠡ ᠪᠡᠨ ᠪᠠᠢᠭᠰᠠᠨ ᠰᠡᠯᠡᠮᠡ ᠶ᠋ᠢ ᠰᠢᠭᠦᠷᠡᠨ ᠠᠪᠤᠭᠰᠠᠨ ᠳ᠋ᠤ᠌ ᠵᠠᠢᠰᠠᠩ ᠤ᠋ᠳ ᠪᠣᠯᠤᠨ ᠸᠠᠩ ᠤ᠋ᠨ ᠬᠣᠶᠠᠷ ᠬᠥᠪᠡᠭᠦᠨ ᠤᠬᠤᠰᠬᠢᠨ ᠵᠠᠪᠳᠤᠵᠤ᠂ ᠮᠠᠷᠭᠤᠯᠳᠤᠨ ᠪᠣᠢ ᠬᠣᠶᠠᠷ ᠡᠲᠡᠭᠡᠳ ᠦ᠋ᠨ ᠭᠠᠷ ᠲᠠᠢ ᠵᠢᠭᠤᠷᠠᠯᠳᠤᠨ ᠬᠣᠷᠢᠭᠯᠠᠪᠠ᠃ ᠸᠠᠩ ᠬ᠌ᠸᠤᠷᠭᠢ ᠭᠠᠷ ᠢ᠋ᠶ᠋ᠠᠨ ᠰᠠᠯᠭᠠᠬᠤ ᠶ᠋ᠢ ᠤᠷᠤᠯᠳᠤᠨ ᠬᠠᠨᠠ ᠳ᠋ᠤ᠌ ᠡᠯᠭᠦᠭᠡᠰᠦᠲᠡᠢ ᠪᠠᠢᠭᠰᠠᠨ ᠰᠡᠯᠡᠮᠡ ᠶ᠋ᠢᠨ ᠵᠦᠭ ᠲᠡᠮᠡᠦᠯᠵᠦ᠂
— ᠨᠠᠮᠠᠶ᠋ᠢ ᠰᠤᠷᠭᠠᠳᠠᠭ ᠨᠢ ᠡᠨᠡ ᠪᠢᠰᠢ᠂ ᠲᠠᠰᠤ ᠴᠠᠪᠴᠢᠵᠤ ᠠᠯᠠᠨᠠ᠃ ᠣᠷᠣᠨ ᠭᠡᠷ ᠦᠭᠡᠢ ᠭᠤᠢᠯᠢᠨᠴᠢᠨ ᠨᠠᠳᠠ ᠠ᠋ᠴᠠ ᠲᠤᠰᠠᠯᠠᠮᠵᠢ ᠭᠤᠶᠤᠵᠤ ᠢᠷᠡᠬᠦ ᠳ᠋ᠡᠭᠡᠨ ᠬᠠᠷᠢᠨ ᠬᠠᠷᠢ ᠶ᠋ᠢᠨ ᠶᠠᠭᠤᠮᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠬᠠᠷᠠ ᠬᠡᠷᠢᠶᠡ ᠰᠢᠭ᠌ ᠭᠤᠸᠠᠭᠯᠠᠨᠠ ᠤᠤ? ᠭᠡᠪᠡ᠃
— ᠠᠪᠤ ᠮᠢᠨᠢ᠂ ᠵᠣᠴᠢᠳ ᠲᠠᠢ ᠡᠢᠨ ᠶᠠᠷᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠸᠠᠩ ᠤ᠋ᠨ ᠬᠣᠶᠠᠷ ᠬᠥᠪᠡᠭᠦᠨ᠂ ᠸᠠᠩ ᠬ᠌ᠸᠤᠷᠭᠢ ᠶ᠋ᠢ ᠠᠷᠭᠠᠳᠠᠨᠠ᠃
ᠭᠡᠨᠡᠳᠲᠡ ᠲᠣᠳᠣ ᠨᠠᠮᠤᠭᠤᠨ ᠳᠠᠭᠤ ᠱᠤᠤᠭᠢᠯᠳᠤᠭᠠᠨ ᠢ᠋ ᠳᠠᠷᠤᠪᠠ᠃
— ᠡᠨᠡ ᠭᠡᠷ ᠦ᠋ᠨ ᠡᠵᠡᠨ ᠲᠡᠷᠢᠭᠦᠯᠡᠨ ᠪᠦᠭᠦᠳᠡ ᠶ᠋ᠢᠨ ᠡᠩᠬᠡ ᠠᠮᠤᠭᠤᠯᠠᠩ ᠢ᠋ ᠠᠢᠯᠠᠳᠬᠠᠶᠠ ! ᠭᠡᠬᠦ ᠤᠶᠠᠩᠭᠠᠲᠤ ᠦᠭᠡ ᠰᠣᠨᠣᠰᠳᠠᠪᠠ᠃ ᠴᠥᠮ ᠡᠷᠭᠢᠵᠦ ᠬᠠᠷᠠᠪᠠ᠃ ᠤᠯᠠᠭᠠ(ᠤᠯᠠ ᠪᠠᠨ) ᠬᠦᠷᠦᠭᠰᠡᠨ ᠤᠷᠲᠤ ᠬᠠᠷᠠ ᠳᠡᠪᠡᠯ ᠪᠠ ᠣᠪᠣᠭᠠᠳᠠᠢ ᠲᠠᠢ᠂ ᠲᠤᠷᠠᠩᠬᠠᠢ ᠥᠨᠳᠥᠷ ᠭᠡᠯᠦᠩ ᠬᠠᠭᠠᠯᠭᠠ ᠶ᠋ᠢᠨ ᠲᠤᠰᠢᠶᠠ ᠭᠠᠵᠠᠷ ᠵᠣᠭᠰᠣᠵᠤ ᠪᠠᠢᠪᠠ᠃ ᠪᠠᠭᠠ ᠵᠡᠷᠭᠡ ᠪᠤᠭᠤᠷᠤᠯᠲᠤᠭᠰᠠᠨ ᠤᠷᠲᠤ ᠰᠠᠬᠠᠯ ᠤᠨᠵᠢᠭᠠᠷ ᠲᠣᠮᠣ ᠬᠠᠮᠠᠷ᠂ ᠨᠥᠮᠥᠷᠦᠨ ᠤᠷᠭᠤᠭᠰᠠᠨ ᠬᠠᠷᠠ ᠬᠥᠮᠥᠰᠬᠡ ᠶ᠋ᠢᠨ ᠳᠣᠣᠷᠠᠬᠢ ᠬᠠᠷᠠ ᠨᠢᠳᠦ ᠨᠢ ᠲᠡᠷᠡ ᠭᠡᠯᠦᠩ ᠦ᠋ᠨ ᠴᠢᠷᠠᠢ ᠶ᠋ᠢ ᠦᠵᠡᠮᠵᠢ ᠦᠭᠡᠢ ᠠᠭᠠᠳ ᠪᠠᠶᠠᠰᠬᠤᠯᠠᠩ ᠦᠭᠡᠢ ᠪᠣᠯᠭᠠᠵᠠᠢ᠃ ᠲᠡᠷᠡ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠵᠡᠰ ᠵᠠᠭᠠᠯᠮᠠᠢ᠂ ᠵᠡᠭᠦᠨ ᠭᠠᠷ ᠲᠠᠭᠠᠨ ᠤᠷᠲᠤ ᠮᠣᠳᠣ ᠪᠠᠷᠢᠵᠠᠢ᠃
— ᠶᠡᠬᠡ ᠸᠠᠩ ᠲᠠᠨ ᠤ᠋ ᠥᠷᠥᠭᠡᠨ ᠳ᠋ᠦ᠍ ᠬᠡᠷᠡᠭᠦᠯ ᠮᠠᠷᠭᠤᠯᠳᠤᠭᠠᠨ ᠪᠣᠯᠵᠤ ᠪᠠᠢᠬᠤ ᠶ᠋ᠢ ᠣᠯᠵᠤ ᠰᠣᠨᠣᠰᠪᠠ᠃ ᠬᠡᠯᠡ ᠠᠮᠠ ᠬᠡᠷᠡᠭᠦᠯ ᠱᠤᠤᠭᠢᠶᠠᠨ ᠢ᠋ ᠬᠢᠵᠦ ᠪᠠᠢᠳᠠᠭ ᠴᠠᠭ ᠪᠢᠰᠢ᠃ ᠪᠢ ᠲᠡᠭᠷᠢ ᠣᠭᠲᠠᠷᠭᠤᠢ ᠤᠲᠤᠭᠠ ᠤᠨᠢᠶᠠᠷ ᠢ᠋ᠶ᠋ᠠᠷ ᠪᠢᠲᠡᠭᠦᠷᠡᠵᠦ ᠬᠣᠲᠠ ᠪᠠᠯᠭᠠᠳ ᠰᠢᠳᠡᠵᠦ᠂ ᠠᠶᠤᠮᠰᠢᠭᠲᠤ ᠬᠣᠣᠷᠲᠤ ᠮᠠᠭᠤ ᠤᠯᠤᠰ ᠮᠠᠨ ᠤ᠋ ᠵᠦᠭ ᠬᠥᠳᠡᠯᠦᠭᠡᠳ᠂ ᠬᠣᠷᠸᠠ ᠶᠢᠷᠲᠢᠨᠴᠦ ᠳ᠋ᠦ᠍ ᠦᠬᠦᠯ ᠬᠥᠨᠥᠭᠡᠯ ᠢ᠋ ᠤᠴᠠᠷᠠᠭᠤᠯᠵᠤ ᠪᠠᠢᠭᠠ ᠭᠠᠵᠠᠷ ᠠ᠋ᠴᠠ ᠢᠷᠡᠯᠡ᠃
— ᠴᠢ ᠬᠡᠨ ᠭᠡᠭᠴᠢ ᠪᠣᠢ? ᠬᠠᠮᠢᠭᠠ ᠠ᠋ᠴᠠ ᠢᠷᠡᠪᠡ? ᠴᠢᠮᠠᠲᠤ ᠶᠠᠭᠤ ᠬᠡᠷᠡᠭ ᠲᠡᠢ ᠪᠣᠢ? ᠭᠡᠵᠦ ᠸᠠᠩ ᠭᠸᠤᠷᠬᠢ ᠸᠠᠰᠸᠸᠤᠯᠤᠳᠤᠸᠢᠴ ᠠᠰᠠᠭᠤᠭᠰᠠᠨ ᠳ᠋ᠤ᠌᠂
— ᠪᠢ ᠪᠤᠷᠬᠠᠨ ᠤ᠋ ᠱᠠᠪᠢ ᠹᠸᠤᠹᠢᠯ ᠨᠸᠸᠷᠶᠥ᠋ᠢ ᠭᠡᠭᠴᠢ ᠪᠠᠢᠨᠠ᠃ ᠤᠭ ᠭᠠᠷᠤᠯ ᠪᠣᠯ ᠨᠤᠸᠤᠭᠤᠷᠤᠳ᠋ ᠤ᠋ᠨ ᠬᠥᠮᠦᠨ᠃ ᠠᠮᠢᠳᠤᠷᠠᠯ ᠢ᠋ ᠬᠠᠢᠷᠠᠯᠠᠭᠴᠢ ᠡᠵᠡᠨ᠂ ᠵᠠᠭᠠᠯᠮᠠᠢ ᠶ᠋ᠢᠨ ᠱᠠᠷᠢᠯ ᠢ᠋ ᠣᠷᠣᠰᠢᠭᠤᠯᠤᠭᠰᠠᠨ ᠠᠷᠢᠯᠤᠭᠰᠠᠨ ᠣᠷᠣᠨ ᠤ᠋ ᠶᠸᠷᠥ᠋ᠰᠡᠯᠢᠮ ᠬᠣᠲᠠ ᠠ᠋ᠴᠠ ᠶᠠᠪᠤᠵᠤ ᠪᠠᠢᠨᠠ᠃ ᠬᠡᠭᠡᠷᠡ ᠲᠠᠯᠠ ᠳ᠋ᠤ᠌ ᠬᠡᠷᠴᠡᠭᠡᠢ ᠮᠠᠭᠤᠬᠠᠢ ᠲᠠᠲ᠋ᠠᠷ ᠤ᠋ᠳ ᠲᠤ᠌ ᠪᠠᠷᠢᠭᠳᠠᠭᠰᠠᠨ ᠪᠣᠯᠪᠠᠴᠤ ᠲᠡᠭᠷᠢ ᠶ᠋ᠢᠨ ᠥᠷᠥᠰᠢᠶᠡᠯ ᠢ᠋ᠶ᠋ᠡᠷ ᠲᠡᠳᠡᠨ ᠦ᠌ ᠭᠠᠷ ᠠ᠋ᠴᠠ ᠮᠡᠨᠳᠦ ᠮᠤᠯᠲᠤᠷᠠᠵᠤ ᠡᠨᠡ ᠭᠠᠢᠬᠠᠮᠰᠢᠭᠲᠤ ᠸᠯᠠᠳᠢᠮᠢᠷ ᠭᠡᠳᠡᠭ ᠬᠣᠲᠠ ᠳ᠋ᠤ᠌ ᠬᠦᠷᠦᠯᠴᠡᠨ ᠢᠷᠡᠪᠡ᠃ ᠡᠷᠲᠡᠬᠡᠨ ᠬᠢᠯᠢᠨᠴᠡ ᠪᠡᠨ ᠨᠠᠮᠠᠨᠴᠢᠯᠠᠪᠠᠯ ᠳᠡᠭᠡᠷᠡ ᠭᠡᠵᠦ ᠲᠠᠨᠠᠷ ᠲᠤ᠌ ᠬᠡᠯᠡᠬᠦ ᠪᠡᠷ ᠢᠷᠡᠪᠡ᠃ ᠮᠣᠩᠭᠣᠯᠴᠤᠳ ᠦᠢ ᠣᠯᠠᠨ ᠪᠦᠯᠦᠭᠯᠡᠨ ᠲᠡᠷᠭᠡ᠂ ᠴᠢᠷᠭᠠ ᠪᠠᠷ ᠶᠠᠪᠤᠵᠠᠭᠠᠵᠤ ᠪᠠᠢᠨᠠ᠃ ᠲᠡᠳᠡᠨ ᠦ᠌ ᠡᠪᠳᠡᠵᠦ ᠪᠤᠰᠠᠨᠢᠭᠤᠯᠤᠭᠠ ᠦᠭᠡᠢ ᠬᠡᠷᠡᠮ ᠪᠠᠢᠬᠤ ᠦᠭᠡᠢ᠂ ᠡᠵᠡᠯᠡᠨ ᠠᠪᠴᠤ ᠭᠠᠯᠳᠠᠨ ᠰᠢᠲᠠᠭᠠᠭᠠ ᠦᠭᠡᠢ ᠬᠣᠲᠠ ᠶᠡᠷᠦ ᠪᠠᠢᠬᠤ ᠦᠭᠡᠢ ᠪᠣᠯᠵᠠᠢ᠃ ᠮᠣᠩᠭᠣᠯᠴᠤᠳ ᠴᠠᠷᠴᠠᠬᠠᠢ ᠰᠢᠭ᠋ ᠲᠣᠭᠠ ᠲᠣᠮᠰᠢ ᠦᠭᠡᠢ ᠣᠯᠠᠨ᠂ ᠲᠡᠭᠷᠢ ᠡᠴᠡ ᠡᠷᠲᠡᠨ ᠦ᠌ ᠨᠢᠭᠦᠯ ᠬᠢᠯᠢᠨᠴᠡ ᠶ᠋ᠢ ᠦᠢᠯᠡᠳᠦᠭᠰᠡᠨ ᠦ᠌ ᠬᠠᠷᠢᠭᠤ ᠳ᠋ᠤ᠌ ᠴᠡᠪᠡᠷᠯᠡᠭᠦᠯᠦᠨ (ᠴᠡᠭᠡᠷᠯᠡᠭᠦᠯᠦᠨ)ᠰᠢᠢᠳᠬᠡᠬᠦ ᠪᠡᠷ ᠢᠯᠡᠭᠡᠵᠡᠢ᠃ ᠪᠢᠳᠡᠨᠡᠷ ᠴᠥᠮ ᠣᠪᠷᠢ ᠨᠤᠭᠤᠳ ᠰᠢᠭ᠋ ᠳᠠᠷᠤᠢ ᠤᠳᠠᠬᠤ ᠦᠭᠡᠢ ᠰᠥᠨᠥᠵᠦ ᠠᠯᠢ ᠡᠷᠲᠡ ᠴᠠᠭ ᠤ᠋ᠨ ᠠᠷᠢᠭᠤᠨ ᠣᠷᠣᠰ ᠭᠡᠳᠡᠭ ᠨᠡᠷᠡ ᠴᠤᠤᠷᠢᠶᠠ ᠴᠤ᠌ ᠬᠥᠮᠦᠨ ᠦ᠌ ᠰᠠᠨᠠᠭᠠᠨ ᠳ᠋ᠤ᠌ ᠮᠠᠷᠲᠠᠭᠳᠠᠬᠤ ᠪᠣᠯᠤᠨᠠ ᠪᠢᠵᠡ? ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍᠂
— ᠬᠠᠴᠢᠨ ᠵᠢᠭᠲᠡᠢᠬᠡᠨ ᠶᠠᠭᠤᠮᠠ ᠶᠠᠷᠢᠬᠤ ᠪᠠᠨ ᠵᠣᠭᠰᠣᠭᠲᠤᠨ ᠭᠡᠵᠦ ᠡᠪᠦᠭᠡᠨ ᠵᠠᠩᠵᠤᠨ ᠵᠢᠷᠤᠰᠯᠡᠸ ᠵᠠᠩᠳᠤᠷᠪᠠ᠃
— ᠮᠠᠨ ᠤ᠋ ᠲᠠᠷᠢᠶᠠᠯᠠᠩ ᠤ᠋ᠨ ᠭᠠᠵᠠᠷ ᠯᠣᠣᠯᠠᠢ ᠰᠢᠷᠠᠯᠵᠢ ᠤᠷᠭᠤᠨᠠ᠃ ᠪᠦᠬᠦ ᠬᠣᠷᠸᠠ ᠶᠢᠷᠲᠢᠨᠴᠦ ᠳ᠋ᠦ᠍ ᠭᠤᠷᠪᠠᠨ ᠰᠠᠷᠠ ᠭᠤᠷᠪᠠᠨ ᠬᠣᠨᠣᠭ ᠤ᠋ᠨ ᠬᠤᠭᠤᠴᠠᠭᠠ ᠦᠯᠡᠳᠡᠵᠡᠢ᠃ ᠬᠠᠷᠢᠨ ᠪᠢᠳᠡᠨ ᠢ᠋ ᠦᠬᠦᠵᠦ ᠬᠡᠪᠲᠡᠬᠦ ᠦᠶᠡ ᠳ᠋ᠦ᠍ ᠠᠷᠬᠠᠩᠭ᠌ᠸᠯ ᠪᠤᠷᠬᠠᠨ ᠤ᠋ ᠪᠦᠷᠢᠶᠡ ᠳᠤᠤᠭᠠᠷᠴᠤ ᠠᠶᠤᠩᠭᠠ ᠴᠠᠬᠢᠯᠭᠠᠨ ᠢ᠋ᠶ᠋ᠠᠷ ᠲᠠᠲ᠋ᠠᠷ ᠨᠠᠷ ᠢ᠋ ᠰᠦᠢᠳᠬᠡᠭᠡᠳ ᠦᠬᠦᠭᠴᠢᠳ ᠢ᠋ ᠳᠠᠬᠢᠨ ᠠᠮᠢᠳᠤᠷᠠᠭᠤᠯᠵᠤ ᠡᠴᠦᠰ ᠦ᠋ᠨ ᠶᠡᠬᠡ ᠰᠢᠭᠦᠯᠲᠡ ᠶ᠋ᠢ ᠬᠦᠯᠢᠶᠡᠯᠭᠡᠬᠦ ᠪᠣᠯᠤᠨᠠ᠃ ᠬᠢᠯᠢᠨᠴᠡ ᠪᠡᠨ ᠨᠠᠮᠠᠨᠴᠢᠯᠠᠭᠲᠤᠨ ᠭᠡᠳ ᠭᠡᠯᠦᠩ ᠭᠤᠷᠪᠠᠨᠲᠠ ᠭᠡᠷᠢᠶᠡᠰᠦᠯᠡᠨ ᠮᠥᠷᠭᠥᠭᠡᠳ ᠵᠡᠰ ᠵᠠᠭᠠᠯᠮᠠᠢ ᠪᠠᠨ ᠨᠢᠭᠡᠨᠲᠡ ᠦᠨᠦᠰᠴᠦ᠂
— ᠮᠢᠨᠦ ᠬᠡᠯᠡᠭᠰᠡᠨ ᠴᠢᠩ ᠦᠨᠡᠨ ᠪᠣᠯᠬᠤ ᠶ᠋ᠢ ᠡᠨᠡᠬᠦ ᠠᠮᠢᠳᠤᠷᠠᠯ ᠢ᠋ ᠲᠡᠳᠬᠦᠭᠴᠢ ᠵᠠᠭᠠᠯᠮᠠᠢ ᠳ᠋ᠠᠭᠠᠨ ᠲᠠᠩᠭᠠᠷᠢᠭᠯᠠᠶᠠ᠂ ᠡᠨᠡ ᠨᠢᠭᠤᠴᠠ ᠶ᠋ᠢ ᠠᠹᠤᠨ ᠠᠭᠤᠯᠠᠨ ᠳ᠋ᠤ᠌ ᠣᠷᠣᠰᠢᠭᠴᠢ ᠨᠢᠭᠡ ᠳᠢᠶᠠᠨᠴᠢ ᠡᠪᠦᠭᠡᠨ ᠨᠠᠳᠠᠳᠤ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠶᠤᠮ ᠭᠡᠪᠡ᠃
ᠸᠠᠩ ᠭᠸᠤᠷᠬᠢ ᠸᠰᠸᠸᠤᠯᠤᠳᠤᠸᠢᠴ ᠭᠡᠷᠢᠶᠡᠰᠦᠯᠡᠨ ᠮᠥᠷᠭᠥᠵᠦ ᠵᠠᠭᠠᠯᠮᠠᠢ ᠶ᠋ᠢᠨ ᠵᠦᠭ ᠣᠢᠷᠠᠲᠤᠭᠠᠳ ᠭᠡᠯᠦᠩ ᠳ᠋ᠦ᠍᠂
— ᠹᠸᠤᠹᠢᠯ ᠯᠠᠮᠠ ᠠ᠋! ᠪᠢᠳᠡ ᠲᠤᠰ ᠨᠤᠲᠤᠭ ᠤ᠋ᠨ ᠬᠡᠷᠡᠭ ᠦ᠋ᠨ ᠲᠤᠬᠠᠢ ᠶᠠᠷᠢᠵᠤ ᠪᠠᠢᠨᠠ᠃ ᠣᠳᠣ ᠴᠢᠮᠠ ᠲᠠᠢ ᠶᠠᠷᠢᠯᠴᠠᠬᠤ ᠵᠠᠪ ᠠᠯᠠᠭᠠ᠃ ᠴᠠᠭ ᠨᠢᠭᠡᠨᠲᠡ ᠣᠷᠣᠢ ᠪᠣᠯᠵᠠᠢ᠃ ᠴᠢ ᠶᠠᠭᠤᠨ ᠳ᠋ᠤ᠌ ᠬᠠᠷᠠᠩᠭᠤᠢ ᠰᠥᠨᠢ ᠲᠡᠨᠦᠭᠦᠴᠢᠯᠡᠵᠦ ᠶᠠᠪᠤᠭᠠ ᠶᠤᠮ ᠪᠣᠢ? ᠴᠢᠮᠠᠶ᠋ᠢ ᠬᠡᠨ ᠨᠡᠰᠢ ᠣᠷᠣᠭᠤᠯᠤᠭᠰᠠᠨ ᠶᠤᠮ ᠪᠣᠢ? ᠡᠭᠦᠳᠡᠨ ᠦ᠌ ᠲᠠᠰᠤᠯᠭᠠᠨ ᠳ᠋ᠤ᠌ ᠣᠷᠣᠭᠲᠤᠨ᠂ ᠲᠡᠨᠳᠡ ᠮᠢᠨᠦ ᠴᠡᠷᠢᠭ ᠦ᠋ᠳ ᠴᠢᠮᠠᠶ᠋ᠢ ᠳᠤᠯᠠᠭᠠᠨ ᠪᠠᠢᠷᠢᠨ ᠳ᠋ᠤ᠌ ᠣᠷᠣᠭᠤᠯᠤᠨᠠ᠃ ᠬᠠᠷᠢᠨ ᠮᠠᠷᠭᠠᠰᠢ ᠪᠢ ᠴᠢᠮᠠ ᠳ᠋ᠤ᠌ ᠬᠥᠮᠦᠨ ᠶᠠᠪᠤᠭᠤᠯᠤᠶᠠ᠃
— ᠲᠠᠨ ᠤ᠋ ᠭᠡᠷ ᠣᠷᠣᠨ ᠰᠠᠢᠨ ᠰᠠᠢᠬᠠᠨ ᠪᠣᠯᠲᠤᠭᠠᠢ ᠭᠡᠳ ᠭᠡᠯᠦᠩ ᠶᠠᠭᠠᠷᠠᠯ ᠦᠭᠡᠢ ᠭᠠᠷᠴᠤ ᠣᠳᠪᠠ᠃
ᠸᠠᠩ ᠭᠸᠤᠷᠬᠢ ᠸᠰᠸᠸᠤᠯᠤᠳᠤᠸᠢᠴ (ᠤ᠋ᠨ)ᠠᠭᠤᠷ ᠬᠢᠯᠢᠩ ᠲᠠᠢᠪᠤᠰᠢᠷᠠᠵᠤ ᠥᠪᠡᠷ ᠦ᠋ᠨ ᠶᠡᠷᠦᠳᠡ ᠶ᠋ᠢᠨ ᠨᠠᠮᠬᠠᠨ ᠬᠢᠴᠢᠶᠡᠩᠭᠦᠢ ᠳᠠᠭᠤ ᠪᠠᠷ ᠶᠠᠷᠢᠵᠤ ᠡᠬᠢᠯᠡᠭᠰᠡᠨ ᠨᠢ᠄
— ᠤᠬᠠᠭᠠᠨ ᠪᠣᠳᠣᠯᠭᠠ ᠦᠭᠡᠢ ᠪᠡᠷ ᠶᠠᠷᠢᠵᠤ ᠠᠶᠠᠭᠦᠢ ᠦᠭᠡ ᠬᠡᠯᠡᠭᠰᠡᠨ ᠮᠢᠨᠢ ᠪᠤᠷᠤᠭᠤ ᠪᠣᠯᠵᠠᠢ᠃ ᠣᠷᠣᠰ ᠤ᠋ᠨ ᠠᠷᠢᠭᠤᠨ ᠭᠠᠵᠠᠷ ᠤ᠋ᠨ ᠲᠥᠯᠥᠭᠡᠨᠡ ᠠᠮᠢ ᠨᠠᠰᠤ ᠪᠠᠨ ᠵᠣᠷᠢᠭᠤᠯᠤᠭᠴᠢᠳ ᠢ᠋ ᠡᠭᠦᠷᠢᠳᠡ ᠦᠯᠦ ᠮᠠᠷᠲᠠᠨᠠ᠃ ᠠᠮᠢ ᠠᠯᠳᠠᠭᠴᠢᠳ ᠤ᠋ᠨ ᠭᠠᠷ ᠠ᠋ᠴᠠ ᠤᠨᠠᠭᠰᠠᠨ ᠭᠡᠷᠡᠯᠲᠦ ᠰᠡᠯᠡᠮᠡ ᠨᠤᠭᠦᠳ ᠢ᠋ ᠡᠷᠭᠦᠵᠦ ᠠᠪᠤᠭᠠᠳ ᠲᠡᠮᠡᠴᠡᠯ ᠢ᠋ᠶ᠋ᠡᠨ ᠦᠷᠭᠦᠯᠵᠢᠯᠡᠭᠦᠯᠦᠶᠡ᠃ ᠲᠠᠲ᠋ᠠᠷ ᠤ᠋ᠳ ᠳᠡᠭᠡᠷᠡᠮᠴᠢᠨ ᠮᠠᠭᠤ ᠬᠤᠯᠠᠭᠠᠢᠴᠢ ᠨᠠᠷ ᠢ᠋ ᠮᠠᠨ ᠤ᠋ ᠸᠠᠩᠲᠤ ᠤᠯᠤᠰ ᠠ᠋ᠴᠠ ᠦᠯᠳᠡᠨ ᠬᠥᠭᠡᠭᠡᠵᠦ ᠲᠡᠳᠡᠨ ᠦ᠌ ᠣᠪᠣᠭ ᠦᠨᠳᠦᠰᠦ ᠶ᠋ᠢ ᠰᠥᠨᠥᠭᠡᠶᠡ᠃ ᠪᠢ ᠥᠪᠡᠷ ᠦ᠋ᠨ ᠬᠣᠷᠢᠶᠠ ᠴᠡᠷᠢᠭ ᠢ᠋ ᠠᠩᠭᠢ ᠬᠤᠪᠢᠶᠠᠵᠤ ᠶᠠᠪᠤᠭᠤᠯᠤᠶᠠ᠃ ᠨᠢᠭᠡ ᠠᠩᠭᠢ ᠨᠢ ᠮᠢᠨᠦ ᠶᠡᠬᠡ ᠬᠦᠦ ᠸᠠᠩ ᠸᠰᠸᠸᠤᠯᠤᠳ᠋ ᠴᠢ ᠠᠪᠴᠤ ᠺᠣᠯᠤᠮᠤᠨ ᠳ᠋ᠤ᠌ ᠣᠳᠬᠤ ᠪᠣᠯᠤᠨᠠ᠃ ᠨᠥᠭᠦᠭᠡ ᠶ᠋ᠢ ᠮᠢᠨᠦ ᠪᠠᠭᠠ ᠬᠦᠦ ᠸᠯᠠᠳᠢᠮᠢᠷ ᠠᠪᠴᠤ ᠮᠣᠰᠺᠸᠠ ᠳ᠋ᠤ᠌ ᠣᠴᠢᠬᠤ ᠪᠣᠯᠤᠨᠠ᠃ ᠲᠡᠭᠦᠨ ᠦ᠌ ᠲᠤᠰᠠᠯᠠᠬᠤ ᠪᠠᠷ ᠵᠠᠩᠵᠤᠨ ᠹᠢᠯᠢᠫᠫᠡ ᠨᠢᠶᠠᠨᠺ ᠢ᠋ ᠭᠠᠷᠭᠠᠵᠤ ᠥᠭᠭᠦᠨᠡ᠃ ᠲᠠᠲ᠋ᠠᠷ ᠤ᠋ᠳ ᠲᠠᠨᠠᠷ ᠠ᠋ᠴᠠ ᠤᠷᠢᠳᠴᠢᠯᠠᠨ ᠣᠷᠣᠵᠤ ᠪᠣᠯᠵᠣᠰᠢ ᠦᠭᠡᠢ ᠲᠤᠯᠠ ᠳᠣᠪᠲᠣᠯᠤᠨ ᠣᠷᠣᠭᠲᠤᠨ᠃ ᠡᠨᠳᠡ ᠸᠯᠠᠳᠢᠮᠢᠷ ᠬᠣᠢᠨᠠ ᠪᠠᠨ ᠨᠠᠮᠠᠶ᠋ᠢ ᠡᠵᠡᠭᠦᠢ ᠳ᠋ᠦ᠍ ᠫᠧᠲ᠋ᠷ ᠣᠰᠯᠶᠠᠳ᠋ᠶᠦᠢ᠍ᠺᠤᠸᠢᠴ ᠵᠠᠩᠵᠤᠨ ᠢ᠋ ᠣᠷᠣᠯᠠᠨ ᠬᠣᠴᠣᠷᠬᠤ ᠪᠣᠯᠤᠨᠠ᠁ ᠭᠡᠬᠦ ᠳ᠋ᠦ᠍ ᠲᠦᠭᠰᠢᠭᠦᠷᠢᠲᠡᠢ ᠴᠠᠭ ᠲᠤ᠌ ᠸᠯᠠᠳᠢᠮᠢᠷ ᠬᠣᠲᠠ ᠠ᠋ᠴᠠ ᠭᠠᠷᠴᠤ ᠮᠣᠷᠳᠠᠬᠤ ᠶ᠋ᠢ ᠪᠣᠳᠣᠭᠰᠠᠨ ᠸᠠᠩ ᠤ᠋ᠨ ᠰᠠᠨᠠᠭᠠ ᠶ᠋ᠢ ᠪᠦᠭᠦᠳᠡ ᠭᠠᠢᠬᠠᠵᠠᠭᠠᠨ ᠲᠣᠪ ᠳᠤᠭᠤᠢ ᠪᠠᠢᠪᠠ᠃
— ᠠᠪᠤ ᠮᠢᠨᠢ᠂ ᠪᠢᠳᠡ ᠲᠠᠨ ᠤ᠋ ᠰᠠᠨᠠᠭᠠ ᠶ᠋ᠢ ᠭᠦᠢᠴᠡᠳᠬᠡᠨᠡ᠃ ᠪᠢᠳᠡ ᠲᠥᠷᠥᠯᠬᠢ ᠨᠤᠲᠤᠭ ᠢ᠋ᠶ᠋ᠠᠨ ᠳᠠᠢᠰᠤᠨ ᠳ᠋ᠤ᠌ ᠥᠭᠬᠦ ᠦᠭᠡᠢ᠁ ᠪᠢᠳᠡ ᠬᠦᠴᠦ ᠬᠦᠷᠦᠯᠴᠡᠵᠦ ᠪᠠᠢᠭᠰᠠᠨ ᠴᠠᠭ ᠲᠸ᠋ ᠲᠡᠮᠡᠴᠡᠯᠳᠦᠨᠡ ᠭᠡᠵᠦ ᠬᠥᠪᠡᠭᠦᠨ ᠸᠰᠧᠸᠦᠯᠦᠳ᠋ ᠬᠡᠯᠡᠪᠡ᠃ ᠸᠠᠩ ᠭᠧᠦᠷᠬᠢ ᠸᠰᠸᠸᠯᠤᠳ᠋ᠤᠸᠢᠴ ᠰᠠᠭᠤᠳᠠᠯ ᠠ᠋ᠴᠠ ᠪᠠᠨ ᠪᠣᠰᠴᠤ ᠪᠤᠷᠬᠠᠨ ᠤ᠋ ᠬᠥᠷᠥᠭ ᠦ᠋ᠨ ᠵᠦᠭ ᠬᠠᠨᠳᠤᠨ ᠪᠠᠶᠠᠰᠬᠤᠯᠠᠩᠲᠠᠢ ᠪᠠᠷ ᠬᠡᠯᠡᠷᠦᠨ᠄
— ᠦᠯᠡᠮᠵᠢ ᠬᠦᠴᠦᠨ ᠲᠡᠭᠦᠯᠳᠡᠷ ᠲᠩᠷᠢ ᠮᠢᠨᠢ ᠠ᠋! ᠣᠷᠣᠰ ᠤ᠋ᠨ ᠶᠡᠬᠡ ᠴᠡᠷᠢᠭ ᠢ᠋ ᠬᠤᠷᠠᠯᠳᠤᠭᠤᠯᠤᠨ ᠣᠷᠣᠰ ᠬᠥᠮᠦᠰ ᠦ᠋ᠨ ᠵᠣᠷᠢᠭ ᠴᠢᠳᠠᠯ ᠢ᠋ ᠭᠠᠷᠭᠠᠬᠤ ᠳ᠋ᠤ᠌ ᠨᠠᠳᠠᠳᠤ ᠲᠤᠰᠠᠯᠠᠭᠠᠴᠢ᠃ ᠨᠢᠭᠡᠳᠦᠭᠰᠡᠨ ᠶᠡᠬᠡ ᠬᠦᠴᠦ ᠶ᠋ᠢ( ᠪᠡᠷ) ᠪᠤᠵᠠᠷ ᠮᠠᠭᠤᠬᠠᠢ ᠲᠠᠲ᠋ᠠᠷ ᠤ᠋ᠳ ᠢ᠋ ᠡᠰᠡᠷᠭᠦᠴᠡᠬᠦ ᠳ᠋ᠦ᠍ ᠲᠤᠰᠠᠯᠠᠭᠠᠴᠢ᠂ ᠮᠠᠭᠤ ᠤᠯᠤᠰ ᠢ᠋ ᠵᠡᠷᠯᠢᠭ ᠲᠠᠯᠠ ᠳ᠋ᠤᠨᠢ ᠪᠤᠴᠠᠭᠠᠨ ᠦᠯᠳᠡᠬᠦ ᠳ᠋ᠦ᠍ ᠲᠤᠰᠠᠯᠠᠭᠠᠴᠢ ᠭᠡᠵᠦ ᠮᠥᠷᠭᠥᠪᠡ᠃
ᠸᠠᠩ ᠥᠪᠡᠷ ᠦ᠋ᠨ ᠬᠥᠪᠡᠭᠦᠳ ᠦ᠋ᠨ ᠵᠦᠭ ᠡᠷᠭᠢᠵᠦ ᠲᠡᠳᠡᠨ ᠢ᠋ ᠲᠡᠪᠡᠷᠢᠵᠦ ᠰᠠᠢᠨ ᠢᠷᠦᠭᠡᠯ ᠦ᠋ᠨ ᠦᠭᠡ ᠶ᠋ᠢ ᠬᠡᠯᠡᠭᠡᠳ ᠳᠠᠷᠠᠭᠠ ᠨᠢ ᠵᠠᠩᠵᠤᠨ ᠨᠠᠷ ᠲᠠᠭᠠᠨ ᠣᠢᠷᠠᠲᠤᠨ ᠢᠷᠡᠬᠦ ᠳᠣᠬᠢᠶᠠ ᠥᠭᠪᠡ᠃
ᠸᠠᠩ ᠵᠡᠷᠭᠡᠯᠡᠳᠡᠭᠡ ᠪᠠᠢᠰᠢᠩ ᠳ᠋ᠤ᠌ ᠪᠠᠢᠭᠠ ᠪᠦᠰᠡᠭᠦᠢᠴᠦᠳ ᠲᠦ᠍ ᠰᠣᠨᠣᠰᠳᠠᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠠᠶᠠᠷᠬᠠᠨ ᠬᠡᠯᠡᠭᠰᠡᠨ ᠨᠢ᠂
— ᠪᠢ ᠲᠥᠷᠥᠯ ᠰᠠᠳᠤᠨ ᠤ᠋ ᠬᠠᠮᠲᠤᠪᠠᠷ ᠢᠵᠢᠯ ᠮᠥᠷᠡᠨ᠂ ᠶᠠᠷᠠᠰᠯᠠᠸᠯᠢ— ᠺᠣᠰᠲ᠋ᠷᠥ᠋ᠮ᠂ ᠥᠭᠯᠢᠴᠢ ᠳ᠋ᠦ᠍ ᠣᠳᠴᠤ ᠲᠡᠨᠳᠡᠬᠢ ᠶ᠋ᠢᠨ ᠥᠳᠬᠡᠨ ᠣᠢ ᠳᠣᠲᠣᠷᠠ ᠪᠠᠢᠯᠳᠤᠭᠠᠨ ᠤ᠋ ᠪᠠᠢᠷᠢ ᠶ᠋ᠢ ᠪᠠᠢᠭᠤᠯᠬᠤ ᠵᠣᠬᠢᠰᠲᠠᠢ ᠭᠠᠵᠠᠷ ᠢ᠋ ᠣᠯᠤᠨᠠ᠃ ᠲᠡᠨᠳᠡ ᠢᠯᠠᠭᠳᠠᠰᠢ ᠦᠭᠡᠢ ᠬᠦᠴᠦᠷᠬᠡᠭ ᠴᠡᠷᠢᠭ ᠢ᠋ ᠡᠯᠰᠡᠭᠦᠯᠦᠨ ᠬᠤᠷᠠᠯᠳᠤᠭᠤᠯᠤᠨᠠ᠃ ᠴᠠᠭᠠᠨ ᠨᠠᠭᠤᠷ ᠪᠠ ᠫᠧᠰᠺᠦᠸᠢᠴ᠂ ᠰᠮᠤᠯᠧᠠᠼ᠂ ᠨᠣᠸᠣᠭᠣᠷᠣᠳ᠋ ᠵᠡᠷᠭᠡᠮᠵᠢ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ ᠣᠷᠣᠰᠢᠬᠤ ᠮᠠᠨ ᠤ᠋ ᠣᠢᠷᠠ ᠬᠠᠪᠢ ᠶ᠋ᠢᠨ ᠸᠠᠩ ᠤ᠋ᠳ ᠴᠥᠮ ᠥᠪᠡᠷᠰᠡᠳ ᠦ᠋ᠨ ᠬᠠᠷᠢᠶᠠᠲᠤ ᠪᠠ ᠡᠩ ᠦ᠋ᠨ ᠴᠡᠷᠢᠭ ᠦ᠋ᠳ ᠢ᠋ ᠨᠠᠳᠠᠳᠤ ᠶᠠᠭᠠᠷᠠᠪᠴᠢᠯᠠᠨ ᠶᠠᠪᠤᠭᠤᠯᠬᠤ ᠪᠢᠵᠡ᠃ ᠲᠠᠲ᠋ᠠᠷ ᠤ᠋ᠳ ᠰᠦᠽᠳᠠᠯᠢ ᠬᠣᠲᠠ ᠶ᠋ᠢ ᠥᠪᠡᠷᠰᠡᠳ ᠦ᠋ᠨ ᠴᠡᠷᠢᠭ ᠢ᠋ ᠨᠡᠮᠡᠭᠳᠡᠭᠦᠯᠦᠨ ᠪᠠᠢᠬᠤ ᠵᠠᠭᠤᠷᠠ ᠬᠦᠴᠦᠷᠬᠡᠭ ᠴᠡᠷᠢᠭ ᠢ᠋ ᠰᠢᠨᠡ ᠪᠡᠷ ᠬᠤᠷᠠᠯᠳᠤᠭᠤᠯᠵᠤ ᠲᠡᠳᠡᠨ ᠢ᠋ ᠳᠠᠭᠠᠷᠢᠨ ᠣᠷᠣᠨᠠ᠃ ᠲᠡᠳᠡᠨ ᠦ᠌ ᠬᠦᠴᠦᠨ ᠨᠢᠭᠡᠨᠲᠡ ᠬᠡᠰᠡᠭ ᠠᠩᠭᠢ ᠪᠣᠯᠤᠨ ᠪᠤᠲᠠᠷᠠᠵᠤ ᠮᠠᠨ ᠤ᠋ ᠨᠤᠲᠤᠭ ᠭᠠᠵᠠᠷ ᠢ᠋ᠶ᠋ᠠᠷ ᠰᠠᠷᠨᠢᠨ ᠲᠡᠨᠦᠭᠦᠴᠢᠯᠡᠵᠦ ᠶᠠᠪᠤᠨᠠ᠃ ᠪᠢ ᠲᠡᠳᠡᠨ ᠢ᠋ ᠳᠠᠬᠢᠨ ᠨᠢᠭᠡᠨ ᠬᠦᠴᠦᠨ ᠪᠣᠯᠤᠨ ᠬᠤᠷᠠᠯᠳᠤᠬᠤ ᠶ᠋ᠢᠨ ᠬᠢᠨᠢ ᠡᠮᠦᠨᠡ ᠳᠣᠪᠲᠣᠯᠤᠨ ᠳᠠᠭᠠᠷᠢᠵᠤ ᠬᠡᠰᠡᠭ ᠠᠩᠭᠢ ᠪᠠᠷ ᠪᠤᠲᠠᠷᠠᠲᠠᠯᠠ ᠴᠣᠬᠢᠭᠠᠳ ᠲᠠᠲ᠋ᠠᠷ ᠤ᠋ᠨ ᠪᠠᠲᠤ ᠬᠠᠭᠠᠨ ᠢ᠋ ᠨᠢ ᠢᠯᠠᠵᠤ ᠥᠪᠡᠷᠰᠡᠳ ᠢ᠋ ᠳᠡᠮᠡᠢ ᠮᠠᠭᠲᠠᠵᠤ(ᠮᠠᠭᠲᠠᠳᠠᠭ) ᠷᠶᠡᠽᠡᠨ ᠦ᠌ ᠬᠢᠨ ᠦ᠌ ᠪᠦᠲᠦᠭᠡᠵᠦ ᠴᠢᠳᠠᠭᠠ ᠦᠭᠡᠢ ᠬᠡᠷᠡᠭ ᠢ᠋ ᠪᠢ ᠭᠦᠢᠴᠡᠳᠬᠡᠨᠡ ᠭᠡᠬᠦ ᠳ᠋ᠦ᠍᠂
— ᠲᠩᠷᠢ ᠮᠢᠨᠢ᠂ ᠴᠢᠮᠠᠲᠤ ᠮᠥᠷᠭᠥᠶᠡ ᠭᠡᠵᠦ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠳᠤᠤᠭᠠᠷᠴᠠᠭᠠᠪᠠ᠃ ᠲᠤᠰ ᠸᠯᠠᠳᠢᠮᠢᠷ ᠬᠣᠲᠠ ᠳ᠋ᠠᠬᠢ ᠴᠡᠷᠢᠭ ᠦ᠋ᠨ ᠪᠡᠯᠡᠳᠬᠡᠯ ᠦ᠋ᠨ ᠲᠤᠬᠠᠢ ᠸᠠᠩ ᠠ᠋ᠴᠠ ᠯᠠᠪᠯᠠᠨ ᠠᠰᠠᠭᠤᠵᠤ ᠮᠡᠳᠡᠬᠦ ᠶ᠋ᠢ ᠴᠡᠷᠢᠭ ᠵᠠᠩᠵᠤᠨ ᠨᠤᠭᠤᠳ ᠬᠦᠰᠡᠭᠰᠡᠨ ᠪᠣᠯᠪᠠᠴᠤ ᠸᠠᠩ ᠬᠠᠷᠢᠭᠤ ᠥᠭᠬᠦ ᠶ᠋ᠢ ᠲᠠᠲᠠᠭᠠᠯᠵᠠᠪᠠ᠃
— ᠣᠳᠣ ᠲᠠᠨᠠᠷ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠮᠡᠳᠡᠵᠦ ᠵᠠᠬᠢᠷᠤᠭᠲᠤᠨ᠂ ᠣᠳᠣ ᠲᠠᠨᠠᠷ ᠲᠦᠷᠦᠭᠦᠯᠡᠬᠦ ᠳᠠᠷᠤᠭᠠ ᠨᠠᠷ ᠰᠢᠦ᠃ ᠬᠠᠷᠢᠨ ᠥᠨᠥᠬᠢ ᠭᠡᠯᠦᠩ ᠢ᠋ ᠣᠳᠣ ᠨᠠᠳᠠ ᠳᠡᠭᠡᠷᠡ ᠤᠷᠤᠭᠤᠯ᠂ ᠲᠡᠷᠡ ᠲᠠᠲ᠋ᠠᠷ ᠤ᠋ᠨ ᠴᠣᠬᠣᠮ ᠶᠠᠭᠤ ᠦᠵᠡᠭᠰᠡᠨ ᠢ᠋ ᠨᠢ ᠪᠢ ᠲᠡᠭᠦᠨ ᠡᠴᠡ ᠠᠰᠠᠭᠤᠵᠤ ᠮᠡᠳᠡᠶᠡ ᠭᠡᠪᠡ᠃ ᠸᠠᠩ ᠤ᠋ᠨ ᠪᠠᠭᠠ ᠬᠦᠦ ᠰᠠᠬᠠᠯ ᠦᠭᠡᠢ ᠪᠥᠭᠡᠳ ᠪᠦᠰᠡᠭᠦᠢ ᠰᠢᠭ᠌ ᠶᠠᠭᠠᠨ ᠬᠠᠴᠠᠷᠲᠤ ᠸᠯᠠᠳᠢᠮᠢᠷ ᠨᠥᠭᠦᠭᠡ ᠭᠡᠯᠦᠩ ᠢ᠋ ᠣᠯᠵᠤ ᠠᠪᠴᠢᠷᠠᠬᠤ ᠪᠠᠷ ᠭᠦᠶᠦᠨ ᠭᠠᠷᠤᠨᠠ᠃ ᠢᠮᠠᠭᠲᠠ ᠲᠣᠪ ᠳᠤᠭᠤᠢ ᠪᠠᠢᠭᠰᠠᠨ ᠷᠣᠮᠠᠨ ᠢᠩᠸᠠᠷᠸᠸᠢᠴ ᠷᠶᠠᠼᠠᠨᠰᠺ᠂
— ᠡᠨᠡ ᠬᠠᠷᠠ ᠭᠡᠯᠦᠩ ᠢ᠋ ᠴᠢᠨᠢ ᠪᠢ ᠢᠲᠡᠭᠡᠬᠦ ᠦᠭᠡᠢ ᠪᠠᠢᠨᠠ᠃ ᠨᠠᠳᠠᠳᠤ ᠲᠡᠭᠦᠨ ᠦ᠌ ᠴᠢᠷᠠᠢ ᠴᠢᠳᠬᠥᠷ ᠦ᠋ᠨ ᠴᠢᠷᠠᠢ ᠰᠢᠭ᠋ ᠦᠵᠡᠭᠳᠡᠪᠡ᠃ ᠬᠠᠮᠢᠭᠠ ᠠ᠋ᠴᠠ ᠢᠷᠡᠭᠰᠡᠨ ᠶᠤᠮ ᠪᠣᠯ? ᠶᠠᠮᠠᠷ ᠵᠠᠮ ᠢ᠋ᠶ᠋ᠠᠷ ᠨᠠᠰᠢ ᠨᠡᠪᠲᠡᠷᠡᠵᠦ ᠢᠷᠡᠪᠡ? ᠭᠡᠪᠡ᠃ ᠸᠯᠠᠳᠢᠮᠢᠷ ᠨᠢᠭᠡ ᠵᠠᠷᠤᠴᠠ ᠶ᠋ᠢ ᠳᠠᠭᠠᠭᠤᠯᠤᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠳ᠋ᠦ᠍ ᠲᠡᠷᠡ ᠵᠠᠷᠤᠴᠠ ᠶᠡᠬᠡ ᠸᠠᠩ ᠤ᠋ᠨ ᠡᠮᠦᠨᠡ ᠰᠥᠭᠥᠳᠴᠦ᠂
— ᠸᠠᠩ ᠬ᠌ᠸᠤᠷᠬᠢ ᠸᠰᠸᠸᠤᠯᠤᠳᠤᠸᠢᠴ ᠠ᠋! ᠲᠠ ᠪᠢᠳᠡᠨ ᠢ᠋ ᠠᠭᠤᠴᠢᠯᠠᠨᠠ ᠤᠤ? ᠡᠨᠡ ᠡᠪᠦᠭᠡᠨ ᠭᠡᠯᠦᠩ ᠴᠣᠬᠣᠮ ᠶᠠᠮᠠᠷ ᠮᠡᠬᠡ ᠤᠪ ᠬᠡᠷᠡᠭᠯᠡᠵᠦ ᠲᠠᠨ ᠤ᠋ ᠣᠷᠳᠣᠨᠠ ᠨᠡᠪᠲᠡᠷᠡᠨ ᠣᠷᠣᠭᠰᠠᠨ ᠶᠤᠮ ᠪᠣᠯ? ᠸᠠᠩ ᠷᠣᠮᠠᠨ ᠲᠠᠢ ᠬᠠᠮᠲᠤ ᠢᠷᠡᠭᠰᠡᠨ ᠭᠡᠵᠦ ᠲᠡᠷᠡ ᠬᠡᠯᠡᠬᠦ ᠶᠤᠮ᠃ ᠲᠡᠷᠡ ᠡᠭᠦᠳᠡᠨ ᠦ᠌ ᠥᠷᠥᠭᠡᠨ ᠳ᠋ᠦ᠍ ᠪᠠᠭᠠ ᠬᠠᠭᠠᠯᠭᠠ ᠪᠠᠷ ᠣᠷᠣᠬᠤ ᠳ᠋ᠠᠭᠠᠨ ᠲᠣᠯᠣᠭᠠᠢ ᠪᠠᠨ ᠴᠣᠬᠢᠭᠰᠠᠨ ᠠ᠋ᠴᠠ ᠣᠪᠣᠭᠠᠲᠠᠢ ᠨᠢ ᠤᠨᠠᠴᠢᠬᠠᠪᠠ᠃ᠲᠡᠭᠡᠬᠦ ᠳ᠋ᠦ᠍ᠨᠢ ᠦᠵᠡᠪᠡᠯ ᠲᠠᠭᠠᠷᠢᠮᠠᠯ ᠦᠰᠦᠲᠡᠢ ᠶᠤᠮ᠃ ᠬᠡᠵᠢᠶᠡ ᠡᠪᠦᠭᠡᠨ ᠭᠡᠯᠦᠩ ᠦᠰᠦ ᠪᠡᠨ ᠳᠠᠭᠠᠷᠢᠵᠤ ᠪᠠᠢᠯᠠ ᠳ᠋ᠠ᠃ ᠲᠡᠭᠡᠭᠡᠳ ᠲᠡᠷᠡ ᠬᠠᠷᠢᠶᠠᠯ ᠲᠠᠯᠪᠢᠵᠤ ᠡᠬᠢᠯᠡᠪᠡ᠃ ᠲᠡᠷᠡ ᠨᠡᠮᠡᠷᠢ ᠡᠷᠭᠢᠵᠦ ᠬᠠᠷᠠᠬᠤ ᠶ᠋ᠢᠨ ᠵᠠᠭᠤᠷᠠ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ ᠪᠠᠢᠯᠠ᠃ ᠯᠠᠪ ᠬᠡᠷᠡᠮ ᠨᠡᠪᠲᠡᠯᠦᠨ ᠭᠠᠷᠤᠭᠰᠠᠨ ᠪᠠᠢᠬᠠ᠃ ᠶᠡᠷᠦ ᠨᠢ ᠲᠡᠷᠡ ᠴᠢᠨᠣᠠ ᠰᠢᠭ᠋ ᠠᠮᠢᠲᠠᠨ ᠪᠠᠢᠭᠰᠠᠨ ᠪᠠᠢᠬᠠ᠃ ᠲᠡᠷᠡ ᠶᠠᠪᠤᠵᠤ ᠪᠠᠢᠬᠤ ᠳ᠋ᠠᠭᠠᠨ《ᠨᠢᠶᠡᠾ ᠨᠢᠾ ᠼᠡᠫᠡᠯᠡᠮ᠂ ᠪᠠᠳᠠ ᠺᠦᠮᠡᠷᠡ! 》ᠭᠡᠵᠦ ᠠᠮᠠᠨ ᠳᠣᠲᠣᠷᠠ ᠪᠠᠨ ᠬᠠᠴᠢᠨ ᠶᠠᠭᠤᠮᠠ ᠤᠩᠰᠢᠵᠤ ᠪᠠᠢᠬᠤ ᠶ᠋ᠢ ᠨᠢ ᠪᠢ ᠰᠣᠨᠣᠰᠤᠭᠰᠠᠨ᠃ ᠤᠷᠤᠭᠤ ᠴᠢᠷᠠᠢᠯᠠᠭᠠᠳ ᠪᠠᠢᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠨᠢᠭᠡ ᠬᠠᠷᠠᠬᠤ ᠳ᠋ᠤ᠌ ᠵᠡᠭᠡᠷᠳᠡ ᠬᠤᠯᠤᠭᠠᠨᠠ ᠪᠣᠯᠤᠭᠠᠳ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ ᠪᠠᠢᠨᠠ ᠪᠢᠯᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠵᠢᠩᠯᠢᠬᠤᠸᠠᠷ᠂ ᠪᠠᠶᠠᠨᠴᠡᠴᠡᠭ᠂ ᠮᠡᠷᠭᠡᠨᠭᠣᠣᠠ᠂ ᠠᠷᠢᠭᠤᠨ
ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠯ