ᠪᠠᠲᠤ ᠬᠠᠭᠠᠨ 6-02 ᠸᠠᠩ ᠤ᠋ᠨ ᠭᠠᠷ ᠲᠠᠯᠪᠢᠭᠤ ᠪᠣᠯᠪᠠᠴᠤ ᠢᠪᠴᠤᠤ-ᠣᠷᠣᠰ ᠨᠤᠲᠤᠭ ᠢ᠋ ᠬᠠᠷᠠ ᠡᠭᠦᠯᠡ ᠪᠦᠷᠬᠦᠪᠡBat khaan Бат хаан-ᠷᠣᠮᠠᠨ
174ᠬᠣᠶᠠᠷ ᠂ ᠸᠠᠩ ᠤ᠋ᠨ ᠭᠠᠷ ᠲᠠᠯᠪᠢᠭᠤ ᠪᠣᠯᠪᠠᠴᠤ ᠢᠪᠴᠤᠤ
ᠰᠦᠽᠳᠡᠯᠢ ᠶ᠋ᠢᠨ ᠸᠠᠩ ᠭᠧᠦᠷᠬᠢ ᠸᠰᠸᠸᠤᠯᠤᠳᠤᠸᠢᠴ ᠥᠨᠳᠥᠷ ᠨᠢᠷᠤᠭᠤ ᠲᠠᠢ᠂ ᠥᠷᠭᠡᠨ ᠴᠡᠭᠡᠵᠢ ᠲᠡᠢ ᠮᠢᠬᠠᠯᠢᠭ ᠬᠥᠮᠦᠨ ᠪᠠᠢᠯᠠ᠃ ᠪᠤᠭᠤᠷᠤᠯᠲᠤᠵᠤ ᠶᠠᠪᠤᠭᠠ ᠬᠠᠷᠠ ᠰᠠᠬᠠᠯ ᠨᠢ ᠥᠨᠳᠥᠷ ᠲᠣᠮᠣ ᠴᠡᠭᠡᠵᠢ ᠶ᠋ᠢ ᠴᠢᠮᠡᠭᠯᠡᠨᠡ᠃ ᠬᠤᠷᠴᠠ ᠬᠠᠷᠠ ᠨᠢᠳᠦᠨ ᠦ᠌ ᠬᠠᠷᠠᠴᠠ ᠨᠢ ᠬᠠᠷᠠ ᠬᠥᠮᠥᠰᠬᠡ ᠶ᠋ᠢᠨ ᠳᠣᠣᠷᠠ ᠠ᠋ᠴᠠ ᠬᠥᠮᠦᠨ ᠢ᠋ ᠨᠡᠪᠲᠡ ᠬᠠᠷᠠᠵᠤ ᠰᠦᠷᠳᠡᠭᠦᠯᠦᠨᠡ᠃ ᠡᠨᠡ ᠸᠠᠩ᠂ ᠰᠦᠮᠡ ᠶ᠋ᠢᠨ ᠳᠣᠲᠣᠷᠠ ᠣᠷᠣᠭᠠᠳ ᠮᠥᠩᠭᠥᠨ ᠲᠠᠬᠠ ᠲᠠᠢ ᠠᠯᠠᠭ ᠲᠣᠷᠭᠠᠨ ᠰᠠᠪᠢᠬᠢ ᠡᠮᠦᠰᠦᠭᠰᠡᠨ ᠬᠥᠯ ᠢ᠋ᠶ᠋ᠡᠨ ᠬᠠᠵᠠᠭᠤ ᠲᠡᠰᠢ ᠲᠠᠯᠪᠢᠵᠤ ᠱᠧᠮᠠᠬᠠᠰ ᠬᠣᠲᠠ ᠳ᠋ᠤ᠌ ᠨᠡᠬᠡᠭᠰᠡᠨ ᠨᠠᠷᠢᠬᠠᠨ ᠬᠡᠪᠢᠰ ᠳᠡᠭᠡᠷᠡ ᠵᠣᠭᠰᠣᠵᠤ ᠵᠡᠭᠦᠨ ᠭᠠᠷ ᠢ᠋ᠶ᠋ᠠᠨ ᠠᠯᠲᠠᠨ ᠪᠥᠰᠡᠨ ᠳ᠋ᠡᠭᠡᠨ ᠬᠠᠪᠴᠢᠭᠤᠯᠤᠭᠠᠳ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠬᠤᠷᠤᠭᠤᠨ ᠤ᠋ ᠦᠵᠦᠭᠦᠷ ᠢ᠋ᠶ᠋ᠡᠷ ᠳᠡᠯᠭᠡᠬᠦ ᠶᠡᠬᠡ ᠴᠠᠭᠠᠨ ᠳᠤᠬᠤ ᠪᠠ ᠭᠡᠳᠡᠰᠦᠨ ᠳᠡᠭᠡᠷᠡᠬᠢ ᠠᠯᠲᠠᠨ ᠲᠣᠪᠴᠢ ᠥᠷᠭᠡᠨ ᠮᠥᠷᠦᠨ ᠳ᠋ᠡᠭᠡᠨ ᠬᠦᠷᠴᠦ ᠶᠣᠰᠣᠯᠠᠨ ᠮᠥᠷᠭᠥᠵᠦ ᠪᠠᠢᠬᠤ ᠳ᠋ᠤ᠌᠂ ᠮᠥᠷᠭᠥᠯ ᠬᠢᠵᠦ ᠪᠣᠢ ᠬᠥᠮᠦᠨ ᠪᠦᠬᠦᠨ ᠲᠡᠭᠦᠨ ᠦ᠌ ᠠᠭᠤᠤ ᠶᠡᠬᠡ ᠨᠠᠮᠪᠠᠲᠠᠢ ᠬᠥᠳᠡᠯᠭᠡᠭᠡᠨ ᠢ᠋ ᠭᠠᠢᠬᠠᠨ ᠪᠤᠶᠤ ᠪᠤᠭᠤᠷᠤᠯ ᠪᠣᠯᠵᠤ ᠶᠠᠪᠤᠭᠠ ᠳᠣᠯᠭᠢᠶᠠᠯᠠᠭᠰᠠᠨ ᠬᠠᠷᠠ ᠦᠰᠦ ᠪᠡᠨ ᠠᠯᠭᠤᠷ ᠲᠠᠢᠪᠤᠩ ᠢ᠋ᠶ᠋ᠠᠷ ᠵᠠᠰᠠᠵᠤ ᠭᠡᠳᠡᠷᠭᠦ ᠨᠢ ᠬᠠᠶᠠᠬᠤ ᠶ᠋ᠢ ᠪᠠᠬᠠᠷᠬᠠᠨ ᠬᠠᠷᠠᠵᠤ ᠰᠣᠨᠢᠷᠬᠠᠳᠠᠭ ᠠᠵᠢ᠃
《ᠸᠠᠩ ᠡᠵᠡᠨᠲᠡᠨ ᠢ᠋ ᠨᠠᠷᠢᠨ ᠴᠢᠩᠭᠠ ᠪᠠ ᠬᠡᠨ ᠦ᠌ ᠴᠦ᠍ ᠲᠣᠯᠣᠭᠠᠢ ᠶ᠋ᠢ ᠢᠯᠢᠵᠦ ᠡᠷᠬᠡᠯᠡᠭᠦᠯᠳᠡᠭ ᠦᠭᠡᠢ 》ᠭᠡᠵᠦ ᠠᠷᠠᠳ ᠤ᠋ᠳ ᠶᠠᠷᠢᠯᠴᠠᠳᠠᠭ ᠪᠠᠢᠪᠠ᠃ ᠸᠠᠩ ᠬ᠌ᠸᠤᠷᠭᠢ ᠸᠰᠸᠸᠤᠯᠤᠳᠤᠸᠢᠴ ᠣᠷᠣᠨ ᠨᠤᠲᠤᠭ ᠢ᠋ᠶ᠋ᠠᠨ ᠡᠷᠭᠢᠵᠦ ᠲᠣᠭᠣᠷᠢᠵᠤ ᠶᠠᠪᠤᠬᠤ ᠳ᠋ᠤᠨᠢ ᠬᠡᠨ ᠴᠦ᠍ ᠭᠡᠰᠡᠨ ᠲᠠᠲᠠᠪᠤᠷᠢ ᠪᠠ ᠪᠡᠯᠡᠭ ᠢ᠋ᠶ᠋ᠡᠨ ᠪᠠᠷᠢᠵᠤ ᠥᠩᠭᠡᠷᠡᠭᠦᠯᠳᠡᠭ ᠪᠠᠢᠪᠠ᠃ ᠲᠡᠷᠡ ᠬᠡᠨ ᠡᠴᠡ ᠴᠦ᠍ ᠭᠡᠰᠡᠨ ᠶᠠᠳᠠᠬᠤ ᠳ᠋ᠠᠭᠠᠨ ᠠᠳᠬᠤ ᠨᠣᠣᠰᠣ ᠶ᠋ᠢ ᠴᠥ᠍ ᠠᠲᠤᠭᠠᠢ ᠭᠠᠷᠭᠠᠭᠤᠯᠤᠨ ᠠᠪᠴᠤ ᠴᠢᠳᠠᠳᠠᠭ ᠠᠵᠢ᠃ ᠲᠡᠷᠡ ᠥᠪᠡᠷ ᠢ᠋ ᠪᠡᠨ ᠬᠥᠮᠦᠨ ᠪᠦᠬᠦᠨ ᠡᠴᠡ ᠠᠭᠤᠵᠢᠮ ᠰᠡᠷᠭᠦᠯᠡᠩ ᠤᠬᠠᠭᠠᠨᠲᠠᠢ ᠭᠡᠵᠦ ᠰᠠᠨᠠᠳᠠᠭ ᠤᠴᠢᠷ ᠪᠤᠰᠤᠳ ᠢ᠋ ᠰᠤᠷᠭᠠᠮᠵᠢᠯᠠᠬᠤ ᠳᠤᠷᠠᠲᠠᠢ ᠪᠠ ᠥᠪᠡᠷ ᠲᠡᠢ ᠨᠢ ᠮᠠᠷᠭᠤᠪᠠᠯ ᠶᠡᠬᠡ ᠠᠭᠤᠷᠯᠠᠳᠠᠭ ᠪᠢᠯᠡ᠃
— ᠵᠠᠯᠠᠭᠤ ᠪᠠᠢᠨᠠ᠃ ᠨᠠᠮᠠᠶ᠋ᠢ ᠰᠤᠷᠭᠠᠬᠤ ᠪᠣᠯᠤᠭᠠ ᠦᠭᠡᠢ᠃ ᠬᠡᠷᠪᠡ ᠴᠢ ᠮᠢᠨᠦ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠭᠰᠠᠨ ᠪᠣᠯ ᠶᠡᠬᠡ ᠶᠠᠭᠤᠮᠠ ᠴᠥ᠍ ᠰᠤᠷᠴᠤ ᠶᠡᠬᠡ ᠶᠠᠭᠤᠮᠠ ᠴᠥ᠍ ᠮᠡᠳᠡᠵᠦ ᠠᠪᠬᠤ ᠪᠠᠢᠭᠰᠠᠨ ᠪᠢᠵᠡ᠃ ᠸᠠᠩ ᠰᠢᠷᠡᠭᠡᠨ ᠳ᠋ᠦ᠍ ᠰᠠᠭᠤᠵᠤ ᠬᠥᠮᠦᠰ ᠦ᠋ᠨ ᠬᠤᠪᠢ ᠵᠠᠶᠠᠭᠠ ᠶ᠋ᠢ ᠰᠢᠢᠳᠪᠦᠷᠢᠯᠡᠬᠦ ᠶ᠋ᠢ ᠨᠠᠳᠠᠳᠤ ᠲᠩᠷᠢ ᠳᠠᠭᠠᠭᠠᠯᠭᠠᠭᠰᠠᠨ ᠶᠤᠮ᠃ ᠤᠷᠢᠳᠤ ᠡᠮᠦᠨᠡ ᠳᠤᠭᠤᠯᠳᠠᠭᠠ ᠦᠭᠡᠢ ᠲᠠᠲ᠋ᠠᠷ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠪᠣᠯᠭᠠᠷᠢ ᠶ᠋ᠢᠨ ᠬᠠᠭᠠᠨ ᠲᠥᠷᠥ ᠶ᠋ᠢ ᠳᠠᠭᠠᠷᠢᠨ ᠳᠣᠪᠲᠣᠯᠤᠭᠰᠠᠨ ᠲᠤᠬᠠᠢ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠦ᠌ ᠮᠡᠳᠡᠭᠡ ᠢᠷᠡᠭᠡᠳ ᠳᠠᠷᠠᠭᠠ ᠨᠢ ᠡᠬᠡᠨᠡᠷ ᠬᠡᠦᠬᠡᠳ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠭᠰᠠᠨ ᠺᠢᠫᠴᠠᠺ ᠦ᠋ᠳ ᠳᠦᠷᠪᠡᠵᠦ ᠪᠥᠭᠡᠮ ᠪᠥᠭᠡᠮ ᠢ᠋ᠶ᠋ᠡᠷ ᠰᠦᠽᠳᠡᠯᠢ ᠶ᠋ᠢᠨ ᠸᠠᠩ ᠳ᠋ᠤ᠌ ᠵᠢᠭᠤᠲᠠᠵᠤ ᠢᠷᠡᠬᠦ ᠳ᠋ᠦ᠍ᠨᠢ ᠸᠠᠩ ᠭᠧᠦᠷᠬᠢ ᠸᠰᠸᠧᠯᠤᠳᠤᠸᠢᠴ ᠲᠣᠭᠣᠮᠰᠠᠷ ᠦᠭᠡᠢ ᠢᠨᠢᠶᠡᠵᠦ ᠬᠡᠯᠡᠭᠰᠡᠨ ᠨᠢ᠄
— ᠵᠠ ᠶᠠᠭᠠᠬᠢᠬᠤᠪ ᠳ᠋ᠠ? ᠪᠣᠯᠭᠠᠷᠢ ᠨᠤᠭᠤᠳ ᠲᠸ᠋ ᠮᠠᠭᠤ ᠪᠣᠯᠵᠤ᠂ ᠬᠠᠷᠢᠨ ᠨᠠᠳᠠᠳᠤ ᠰᠠᠢᠨ ᠪᠣᠯᠵᠠᠢ᠃ ᠰᠠᠢᠨ ᠬᠥᠮᠦᠨ ᠰᠠᠨᠠᠭᠠ ᠪᠠᠷ ᠭᠡᠭᠴᠢ ᠪᠡᠷ ᠮᠣᠷᠢᠯᠠᠨ ᠢᠷᠡᠭᠲᠦᠨ᠃ ᠦᠨᠡᠲᠦ ᠵᠣᠴᠢᠳ᠂ ᠠᠷᠠᠰᠤ ᠰᠢᠷᠢ ᠪᠠ ᠪᠣᠯᠭᠠᠷᠢ ᠰᠠᠪᠢᠬᠢᠨ ᠤ᠋ ᠤᠷᠠᠴᠤᠳ ᠴᠥᠮ ᠳ᠋ᠦ᠍ ᠴᠢᠨᠢ ᠪᠠᠢᠷᠢ ᠣᠯᠳᠠᠨᠠ᠃ ᠨᠠᠳᠠᠳᠤ ᠡᠢᠮᠦ ᠤᠷᠠᠴᠤᠳ ᠬᠡᠷᠡᠭ ᠲᠡᠢ ᠪᠢᠯᠡ᠃ ᠪᠢ ᠲᠡᠳᠡᠨᠡᠷ ᠢ᠋ ᠣᠯᠠᠨ ᠬᠣᠲᠠ ᠳ᠋ᠤ᠌ ᠲᠠᠷᠬᠠᠭᠠᠨ ᠰᠠᠭᠤᠯᠭᠠᠨᠠ᠃ ᠲᠡᠳᠡᠨᠡᠷ ᠠᠷᠠᠰᠤ ᠰᠢᠷᠢ ᠢᠳᠡᠭᠡᠯᠡᠬᠦ ᠭᠠᠩ ᠤ᠋ᠳ ᠢ᠋ ᠬᠢᠵᠦ ᠠᠷᠠᠰᠤ ᠰᠢᠷᠢ ᠶ᠋ᠢ ᠳᠡᠪᠲᠦᠭᠡᠵᠦ ᠡᠯᠳᠡᠭᠡᠳ ᠰᠠᠪᠢᠬᠢᠨ ᠭᠤᠲᠤᠯ ᠤ᠋ᠳ ᠢ᠋ ᠬᠢᠵᠦ ᠪᠠᠢᠭ᠃ ᠨᠢᠭᠡ ᠵᠢᠯ ᠦ᠋ᠨ ᠳᠠᠷᠠᠭᠠ ᠪᠠᠷ ᠮᠢᠨᠦ ᠪᠦᠬᠦ ᠢᠵᠠᠭᠤᠷᠲᠠᠨ ᠨᠤᠭᠤᠳ ᠪᠠ ᠴᠡᠷᠢᠭ ᠦ᠋ᠳ ᠰᠦᠯᠵᠢᠮᠡᠯ ᠱᠠᠬᠠᠢ ᠪᠠᠨ ᠬᠠᠶᠠᠵᠤ ᠰᠠᠪᠢᠬᠢᠨ ᠭᠤᠲᠤᠯ ᠡᠮᠦᠰᠴᠦ ᠶᠠᠪᠤᠨᠠ ᠭᠡᠵᠦ ᠬᠡᠯᠡᠵᠦ ᠪᠠᠢᠪᠠ᠃ ᠲᠡᠷᠡ ᠸᠠᠩ ᠪᠣᠯᠭᠠᠷᠢ ᠠ᠋ᠴᠠ ᠢᠷᠡᠭᠰᠡᠨ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠡᠯᠳᠡᠭᠦᠷᠴᠢᠳ ᠢ᠋ ᠺᠢᠨᠧᠱᠮᠧ ᠪᠠ ᠥᠪᠡᠷ ᠦ᠋ᠨ ᠪᠤᠰᠤᠳ ᠬᠣᠲᠠ ᠨᠤᠭᠤᠳ ᠲᠸ᠋ ᠲᠠᠷᠬᠠᠭᠠᠨ ᠰᠠᠭᠤᠯᠭᠠᠪᠠ᠂ ᠲᠡᠳᠡ ᠦᠬᠡᠷ ᠪᠠ ᠠᠳᠤᠭᠤ᠂ ᠪᠣᠳᠣᠩ ᠭᠠᠬᠠᠢ ᠶ᠋ᠢᠨ ᠰᠢᠷᠢ ᠶ᠋ᠢ ᠡᠯᠳᠡᠵᠦ ᠰᠠᠪᠢᠬᠢᠨ ᠭᠤᠲᠤᠯ᠂ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠭᠤᠲᠤᠯ ᠤ᠋ᠳ ᠣᠶᠣᠵᠤ ᠡᠬᠢᠯᠡᠪᠡ᠃ ᠷᠶᠡᠽᠡᠨ ᠦ᠌ ᠬᠢᠵᠠᠭᠠᠷ ᠤ᠋ᠨ ᠣᠢᠷᠠᠯᠴᠠᠭᠠ《ᠵᠡᠷᠯᠢᠭ ᠲᠠᠯᠠ》ᠳ᠋ᠤ᠌ ᠲᠠᠲ᠋ᠠᠷ ᠤ᠋ᠳ ᠣᠷᠣᠵᠤ ᠢᠷᠡᠪᠡ ᠭᠡᠬᠦ ᠮᠡᠳᠡᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠸᠠᠩ ᠵᠢᠪᠡᠭᠦᠴᠡᠵᠦ ᠠᠭᠤᠷᠯᠠᠭᠰᠠᠨ ᠪᠣᠯᠪᠠᠴᠤ ᠣᠨᠴᠠ ᠰᠠᠨᠳᠤᠷᠴᠤ ᠲᠦᠭᠰᠢᠭᠦᠷᠢᠯᠡᠭᠰᠡᠨ ᠦᠭᠡᠢ᠃
— ᠷᠶᠡᠽᠡᠨ ᠦ᠌ ᠬᠢᠨ ᠢᠮᠠᠭᠲᠠ ᠳᠡᠭᠡᠭᠦᠷ ᠬᠠᠷᠠᠵᠤ ᠬᠠᠮᠠᠷ ᠢ᠋ᠶ᠋ᠠᠨ ᠰᠠᠷᠨᠢᠯᠭᠠᠵᠤ (ᠰᠠᠷᠲᠠᠶ᠋ᠢᠯᠭᠠᠵᠦ) ᠶᠡᠬᠡ ᠵᠠᠩ ᠭᠠᠷᠭᠠᠳᠠᠭ ᠪᠠ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠸᠠᠩ ᠢ᠋ ᠴᠥ᠍ ᠬᠠᠭᠠᠨ ᠭᠡᠵᠦ ᠨᠡᠷᠡᠢᠳᠳᠡᠭ ᠪᠣᠯᠤᠨᠠ᠃ ᠪᠢᠳᠡ ᠰᠦᠽᠳᠡᠯᠢ ᠶ᠋ᠢᠨ ᠢ᠋ᠶ᠋ᠡᠨ ᠷᠶᠡᠽᠡᠨ ᠦ᠌ ᠬᠢᠨ ᠢ᠋ ᠢᠯᠠᠵᠤ ᠲᠡᠳᠡᠨ ᠦ᠌ ᠬᠣᠲᠠ ᠶ᠋ᠢ ᠰᠢᠲᠠᠭᠠᠭᠠᠳ ᠷᠶᠡᠽᠡᠨ ᠤ᠋ ᠸᠠᠩ ᠤ᠋ᠳ ᠪᠠ ᠵᠠᠩᠭᠢ ᠨᠠᠷ ᠢ᠋ ᠵᠣᠭᠣᠷᠢ ᠳ᠋ᠤ᠌ ᠬᠢᠵᠦ ᠷᠶᠡᠽᠡᠨ ᠦ᠌ ᠲᠠᠷᠢᠶᠠᠴᠢᠳ ᠢ᠋ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠨᠤᠲᠤᠭ ᠲᠸ᠋ ᠠᠯᠤᠰ ᠤ᠋ᠨ ᠲᠣᠰᠬᠣᠨ ᠨᠤᠭᠤᠳ ᠢ᠋ᠶ᠋ᠠᠷ ᠲᠠᠷᠬᠠᠭᠠᠨ ᠰᠠᠭᠤᠯᠭᠠᠵᠤ ᠪᠠᠢᠭᠰᠠᠨ ᠪᠢᠯᠡ᠃ ᠪᠣᠳᠣᠪᠠᠯ ᠷᠶᠡᠽᠡᠨ ᠬᠡᠵᠢᠶᠡᠳᠡ ᠴᠦ᠍ ᠳᠠᠬᠢᠨ ᠳᠡᠭᠡᠭᠰᠢᠯᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠮᠡᠲᠦ ᠪᠣᠯᠪᠠ᠃ ᠭᠡᠪᠡᠴᠦ ᠣᠳᠣ ᠬᠠᠷᠠᠭᠲᠤᠨ! ᠷᠶᠡᠽᠡᠨ ᠳᠠᠬᠢᠨ ᠬᠥᠮᠦᠨ ᠠᠮᠢᠲᠠᠨ ᠢ᠋ᠶ᠋ᠠᠷ ᠳᠦᠭᠦᠷᠴᠦ ᠤᠷᠢᠳᠤ ᠶ᠋ᠢᠨ ᠬᠢ ᠡᠴᠡ ᠪᠡᠨ ᠢᠯᠡᠭᠦᠦ ᠪᠡᠷ ᠥᠰᠴᠦ ᠬᠥᠭᠵᠢᠵᠦ ᠪᠠᠢᠭᠠ ᠨᠢ ᠲᠦᠢᠮᠡᠷ ᠰᠢᠲᠠᠭᠰᠠᠨ ᠭᠠᠵᠠᠷ ᠰᠢᠷᠠᠯᠵᠢ ᠡᠪᠡᠰᠦ ᠤᠷᠭᠤᠬᠤ ᠲᠠᠢ ᠠᠳᠠᠯᠢ ᠪᠠᠢᠨᠠ᠃
ᠷᠶᠡᠽᠡᠨ ᠦ᠌ ᠬᠢᠨ ᠳ᠋ᠦ᠍ ᠢᠷᠡᠭᠰᠡᠨ ᠲᠠᠲ᠋ᠠᠷ ᠤ᠋ᠨ ᠡᠯᠴᠢᠨ ᠬᠣᠶᠠᠷ ᠬᠠᠢᠭᠤᠯᠴᠢ ᠪᠠ ᠶᠧᠯᠸᠢᠢᠴᠢ ᠶ᠋ᠢ ᠸᠯᠡᠳᠢᠮᠢᠷ ᠬᠣᠲᠠᠨᠠ ᠶᠠᠪᠤᠭᠤᠯᠤᠭᠰᠠᠨ ᠳ᠋ᠤ᠌ ᠸᠠᠩ ᠭᠧᠦᠷᠬᠢ ᠸᠰᠧᠸᠦᠯᠦᠳᠦᠸᠢᠴ ᠲᠡᠳᠡᠨ ᠢ᠋ ᠪᠠᠶᠠᠯᠢᠭ ᠶᠣᠰᠣᠯᠠᠯ ᠢ᠋ᠶ᠋ᠠᠷ ᠬᠦᠯᠢᠶᠡᠨ ᠠᠪᠤᠭᠠᠳ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠠᠶᠠᠯᠢᠭ ᠬᠦᠴᠦᠷᠬᠡᠭ ᠢ᠋ ᠦᠵᠡᠭᠦᠯᠪᠡ᠃ ᠥᠪᠡᠷ ᠢ᠋ᠶ᠋ᠡᠨ ᠬᠠᠮᠪᠤ ᠬᠣᠷᠭᠣᠢ ᠳᠡᠪᠡᠯ ᠬᠤᠪᠴᠠᠰᠤ ᠡᠮᠦᠰᠴᠦ ᠠᠯᠲᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠵᠤ ᠨᠣᠶᠠᠳ ᠵᠠᠩᠭᠢ ᠨᠤᠭᠤᠳ ᠨᠢ ᠡᠷᠡ ᠡᠮᠡ ᠦᠭᠡᠢ ᠴᠥᠮ ᠬᠣᠷᠭᠣᠢ ᠮᠠᠩᠨᠤᠭ ᠬᠤᠪᠴᠠᠰᠤ ᠶ᠋ᠢ ᠡᠮᠦᠰᠦᠭᠰᠡᠨ ᠪᠠᠢᠭᠰᠠᠨ ᠶᠤᠮ᠃ ᠸᠠᠩ ᠡᠯᠴᠢ ᠨᠠᠷ ᠲᠠᠢ ᠵᠣᠷᠢᠮᠠᠭ ᠢ᠋ᠶ᠋ᠠᠷ ᠡᠷᠡᠯᠬᠡᠭ ᠢ᠋ᠶ᠋ᠡᠷ ᠶᠠᠷᠢᠬᠤ ᠦᠭᠡ ᠪᠡᠨ ᠴᠢᠮᠡᠵᠦ ᠶᠠᠷᠢᠵᠤ ᠪᠠᠢᠪᠠ᠃ ᠲᠡᠷᠡ ᠡᠯᠴᠢ ᠨᠠᠷ ᠲᠤ᠌ ᠰᠠᠨᠠᠭᠰᠠᠨ ᠠ᠋ᠴᠠ ᠪᠠᠨ ᠪᠠᠭᠠ ᠪᠡᠯᠡᠭ ᠥᠭᠴᠦ ᠪᠤᠴᠠᠭᠠᠨ ᠶᠠᠪᠤᠭᠤᠯᠤᠭᠰᠠᠨ ᠪᠢᠯᠡ᠃ ᠷᠶᠡᠽᠡᠨ ᠦ᠌ ᠬᠢᠨ ᠲᠡᠭᠦᠨ ᠳ᠋ᠦ᠍ ᠡᠯᠴᠢ ᠨᠠᠷ ᠢ᠋ ᠢᠷᠡᠭᠦᠯᠵᠦ ᠥᠪᠡᠷᠰᠡᠳ ᠦ᠋ᠨ ᠶᠡᠬᠡᠮᠰᠦᠭ ᠢ᠋ ᠣᠷᠬᠢᠵᠤ ᠨᠢᠯᠪᠤᠰᠤ ᠪᠠᠨ ᠠᠰᠬᠠᠷᠠᠭᠤᠯᠵᠤ ᠲᠤᠰᠠᠯᠠᠮᠵᠢ ᠭᠤᠶᠤᠪᠠ᠃
— ᠴᠡᠷᠢᠭ ᠢ᠋ᠶ᠋ᠡᠨ ᠶᠠᠪᠤᠭᠤᠯᠵᠤ᠂ ᠲᠡᠷᠡ ᠴᠡᠷᠢᠭ ᠢ᠋ᠶ᠋ᠡᠨ ᠥᠪᠡᠷ ᠢ᠋ᠶ᠋ᠡᠨ ᠤᠳᠤᠷᠢᠳᠤᠨ ᠷᠶᠡᠽᠡᠨ ᠦ᠌ ᠴᠡᠷᠢᠭ ᠢ᠋ ᠲᠣᠯᠣᠭᠠᠢᠯᠠᠨᠠ᠃ ᠡᠪᠯᠡᠷᠡᠨ ᠨᠡᠢᠯᠡᠬᠦ ᠬᠡᠷᠡᠭ ᠲᠡᠢ᠃ ᠣᠷᠣᠰ ᠤ᠋ᠨ ᠬᠦᠴᠦᠨ ᠨᠡᠮᠡᠭᠳᠡᠨᠡ᠃ ᠺᠢᠪᠴᠡᠺ ᠦ᠋ᠨ ᠲᠠᠩᠨᠠᠭᠤᠯ ᠤ᠋ᠳ᠂ ᠲᠠᠲ᠋ᠠᠷ ᠤ᠋ᠨ ᠴᠡᠷᠢᠭ ᠦ᠋ᠳ ᠤᠷᠢᠳᠤ ᠡᠮᠦᠨᠡ ᠦᠵᠡᠭᠳᠡᠭᠡ ᠦᠭᠡᠢ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠷᠡᠵᠦ ᠶᠠᠪᠤᠨᠠ ᠭᠡᠵᠦ ᠮᠡᠳᠡᠭᠡᠯᠡᠵᠦ ᠪᠠᠢᠨᠠ᠃ ᠴᠢᠳᠠᠪᠤᠷᠢ ᠪᠦᠬᠦᠢ ᠬᠥᠮᠦᠨ ᠪᠦᠷᠢ ᠰᠦᠬᠡ ᠪᠡᠨ ᠪᠠᠷᠢᠵᠤ ᠮᠠᠭᠤ ᠬᠤᠯᠠᠭᠠᠢ ᠨᠤᠭᠤᠳ ᠲᠠᠢ ᠨᠢᠭᠤᠷ ᠲᠤᠯᠭᠠᠷᠠᠨ ᠤᠴᠠᠷᠠᠬᠤ ᠬᠡᠷᠡᠭᠲᠡᠢ ᠪᠣᠯᠪᠠ᠃ ᠡᠰᠡ ᠲᠡᠭᠡᠪᠡᠯ ᠲᠡᠳᠡᠨᠡᠷ ᠣᠷᠣᠰ ᠤ᠋ᠨ ᠭᠠᠵᠠᠷ ᠨᠤᠲᠤᠭ ᠢ᠋ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠵᠤ ᠣᠷᠬᠢᠨᠠ ᠭᠡᠬᠦ ᠳ᠋ᠦ᠍ ᠸᠠᠩ᠂
— ᠡᠳᠡᠨ ᠦ᠌ ᠰᠣᠴᠢᠵᠤ ᠠᠶᠤᠭᠰᠠᠨ ᠢ᠋ ᠦᠵᠡᠪᠡ ᠤᠤ? ᠶᠠᠭᠤᠨ ᠴᠥ᠍ ᠳᠡᠮᠡᠢ ᠶᠠᠭᠤᠮᠠ ᠰᠠᠨᠠᠭᠠᠴᠢᠯᠠᠳᠠᠭ ᠶᠤᠮ ᠪᠢᠯᠡ? ᠭᠡᠵᠦ ᠸᠠᠩ ᠭᠧᠦᠷᠬᠢᠪᠢ ᠸᠰᠸᠸᠤᠯᠤᠳᠤᠸᠢᠴ ᠬᠠᠷᠢᠭᠤ ᠲᠠᠯᠪᠢᠭᠠᠳ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠬᠦᠷᠦᠯᠴᠡᠨ ᠢᠷᠡᠬᠦ ᠶ᠋ᠢ ᠴᠦ᠍ ᠵᠥᠪᠰᠢᠶᠡᠷᠡᠭᠰᠡᠨ ᠦᠭᠡᠢ ᠪᠠ ᠥᠪᠡᠷ ᠦ᠋ᠨ ᠴᠡᠷᠢᠭ ᠦ᠋ᠳ ᠡᠴᠡ ᠨᠢᠭᠡ ᠴᠦ᠍ ᠴᠡᠷᠢᠭ ᠢ᠋ ᠢᠯᠡᠭᠡᠭᠰᠡᠨ ᠦᠭᠡᠢ᠃
— ᠲᠠᠨᠠᠷ ᠷᠶᠠᠽᠠᠨ ᠤ᠋ ᠬᠢᠨ ᠸᠯᠠᠳᠢᠮᠢᠷ ᠪᠠ ᠰᠦᠽᠳᠠᠯᠢ ᠨᠠᠷ ᠲᠠᠢ ᠡᠪ ᠨᠠᠢᠷᠠᠮᠳᠠᠯ ᠲᠠᠢ ᠰᠠᠭᠤᠵᠤ ᠪᠢᠳᠡᠨ ᠲᠡᠢ ᠵᠥᠷᠢᠯᠳᠦᠭᠡᠨ ᠰᠠᠮᠠᠭᠤᠨ ᠢ᠋ ᠭᠠᠷᠭᠠᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢ ᠤᠷᠢᠳᠤ ᠠ᠋ᠴᠠ ᠪᠣᠳᠣᠵᠤ ᠪᠠᠢᠭᠰᠠᠨ ᠪᠣᠯ ᠥᠭᠡᠷᠡ ᠪᠠᠢᠭᠰᠠᠨ ᠶᠤᠮ᠃ ᠬᠡᠷᠪᠡ ᠲᠠᠲ᠋ᠠᠷ ᠮᠣᠩᠭᠣᠯᠴᠤᠳ ᠨᠠᠰᠢ ᠮᠠᠨ ᠤ᠋ ᠡᠨᠳᠡ ᠬᠦᠷᠲᠡᠯᠡ ᠢᠷᠡᠬᠦ ᠶᠤᠮ ᠪᠣᠯ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠲᠡᠳᠡᠨ ᠲᠡᠢ ᠤᠴᠢᠷ ᠢ᠋ᠶ᠋ᠠᠨ ᠣᠯᠵᠤ ᠴᠢᠳᠠᠨᠠ ᠭᠡᠵᠡᠢ᠃
ᠷᠶᠠᠽᠠᠨ ᠤ᠋ ᠬᠢᠨ ᠶᠠᠭᠤ ᠴᠤ᠌ ᠦᠭᠡᠢ ᠬᠣᠭᠣᠰᠣᠨ ᠪᠤᠴᠠᠵᠠᠭᠠᠯᠠ᠃ ᠡᠢᠮᠦ ᠳ᠋ᠦ᠍ ᠷᠶᠠᠽᠠᠨ ᠤ᠋ ᠬᠢᠨ ᠫᠷᠤᠨᠰᠺ ᠮᠦᠷᠦᠮᠺ ᠽᠠᠷᠠᠢᠰᠺ ᠤ᠋ᠨ ᠴᠡᠷᠢᠭ ᠦ᠋ᠳ ᠳᠠᠩ ᠢ᠋ᠶ᠋ᠠᠷ ᠨᠢ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠳᠣᠪᠲᠣᠯᠭᠠᠨ ᠢ᠋ ᠨᠢᠴᠤᠭᠠᠵᠤ ᠪᠤᠴᠠᠭᠠᠬᠤ ᠶ᠋ᠢᠨ ᠲᠤᠯᠠᠳᠠ《ᠵᠡᠷᠯᠢᠭ ᠲᠠᠯᠠ》ᠳ᠋ᠤ᠌ ᠭᠠᠷᠬᠤ ᠬᠡᠷᠡᠭ ᠲᠡᠢ ᠪᠣᠯᠤᠭᠰᠠᠨ ᠠᠵᠢ᠃
— ᠬᠡᠷᠪᠡ ᠲᠠᠲ᠋ᠠᠷ ᠤ᠋ᠳ ᠨᠡᠢᠰᠯᠡᠯ ᠬᠣᠲᠠ ᠸᠯᠠᠳᠢᠮᠢᠷ ᠤ᠋ᠨ ᠬᠡᠷᠡᠮ ᠦ᠋ᠨ ᠭᠠᠳᠠᠨᠠ ᠬᠦᠷᠲᠡᠯᠡ ᠳᠠᠪᠬᠢᠵᠠᠭᠠᠨ ᠢᠷᠡᠬᠦ ᠶᠤᠮ ᠪᠣᠯ ᠲᠠ ᠶᠠᠭᠠᠬᠢᠬᠤᠪ? (ᠶᠠᠭᠠᠬᠢᠬᠤ ᠪᠣᠢ) ᠭᠡᠵᠦ ᠨᠣᠶᠠᠳ ᠵᠠᠩᠭᠢ ᠨᠤᠭᠤᠳ ᠪᠣᠯᠭᠣᠮᠵᠢᠯᠠᠨ ᠠᠰᠠᠭᠤᠬᠤ ᠳ᠋ᠤᠨᠢ ᠸᠠᠩ ᠭᠸᠤᠷᠬᠢ ᠸᠰᠸᠸᠤᠯᠥᠳᠤᠸᠢᠴ ᠰᠦᠷᠲᠡᠢ ᠪᠡᠷ ᠨᠢᠳᠦ ᠪᠡᠨ ᠡᠷᠭᠢᠯᠳᠦᠭᠦᠯᠦᠨ ᠬᠠᠷᠠᠭᠠᠳ᠂
— ᠲᠡᠳᠡᠨᠡᠷ ᠡᠴᠡ ᠠᠶᠤᠳᠠᠭ ᠨᠢ ᠪᠢ ᠪᠢᠰᠢ᠂ ᠲᠡᠷᠡ ᠵᠣᠷᠢᠭᠲᠤ ᠠᠳᠤᠭᠤᠴᠢᠳ ᠤ᠋ᠨ ᠵᠠᠩ ᠠᠭᠠᠰᠢ ᠶ᠋ᠢ ᠰᠠᠢᠨ ᠮᠡᠳᠡᠨᠡ᠃ ᠲᠡᠳᠡᠨᠡᠷ ᠢᠷᠡᠭᠡᠳ ᠪᠠᠬᠠᠨ ᠡᠷᠭᠢᠯᠳᠦᠵᠦ ᠪᠠᠢᠭᠠᠳ ᠲᠣᠰᠬᠣᠨ ᠨᠤᠭᠤᠳ ᠢ᠋ᠶ᠋ᠠᠷ ᠬᠡᠰᠦᠭᠦᠴᠢᠯᠡᠵᠦ ᠪᠠᠢᠭᠠᠳ ᠳᠠᠷᠠᠭᠠ ᠨᠢ ᠠᠯᠪᠠ ᠲᠥᠯᠥᠵᠦ ᠪᠠᠢᠬᠤ ᠶ᠋ᠢ ᠱᠠᠭᠠᠷᠳᠠᠬᠤ ᠪᠢᠵᠡ? ᠲᠡᠭᠡᠬᠦ ᠳ᠋ᠦ᠍ᠨᠢ ᠲᠡᠳᠡᠨ ᠦ᠌ ᠡᠯᠴᠢᠨ ᠨᠠᠷ ᠢ᠋ ᠥᠪᠡᠷ ᠦ᠋ᠨ ᠲᠠᠯᠠ ᠳᠠᠰᠢ ᠲᠠᠲᠠᠬᠤ ᠨᠢ ᠮᠠᠨ ᠤ᠋ ᠬᠡᠷᠡᠭ᠃ ᠪᠢᠳᠡ ᠲᠡᠳᠡ ᠨᠠᠷ ᠢ᠋ ᠪᠣᠯᠢᠲᠠᠯᠠ (ᠫᠣᠯᠤᠭᠲᠠᠲᠠᠯᠠ) ᠨᠢ ᠴᠠᠭᠠᠨ ᠵᠢᠭᠠᠰᠤ ᠬᠤᠤᠱᠤᠤᠷ ᠢᠳᠡᠭᠦᠯᠵᠦ ᠤᠳᠠᠲᠠᠯᠠ ᠨᠢ ᠵᠥᠭᠡᠢ ᠶ᠋ᠢᠨ ᠬᠠᠭᠤᠴᠢᠨ ᠪᠠᠯ ᠤᠤᠭᠤᠯᠭᠠᠵᠤ ᠵᠣᠴᠢᠯᠠᠭᠠᠳ ᠳᠠᠷᠠᠭᠠ ᠨᠢ ᠮᠢᠩᠭᠠᠨ ᠬᠣᠣᠰ ᠤᠯᠠᠭᠠᠨ ᠰᠠᠪᠢᠬᠢᠨ ᠭᠤᠲᠤᠯ᠂ ᠵᠠᠭᠤᠭᠠᠳ ᠮᠠᠩᠨᠤᠭ ᠪᠤᠯᠠᠭᠠᠨ ᠳᠡᠪᠡᠯ ᠢ᠋ᠶ᠋ᠡᠷ ᠱᠠᠩᠨᠠᠭᠠᠳ ᠪᠠᠰᠠ ᠮᠠᠨ ᠤ᠋ ᠠᠪᠳᠠᠷᠠ ᠱᠦᠭᠦᠢ ᠪᠠ ᠪᠠᠷᠠᠭᠠᠨ ᠤ᠋ ᠪᠠᠶ᠋ᠢᠰᠢᠩ ᠤ᠋ᠳ ᠲᠤ᠌ ᠪᠣᠢ ᠪᠦᠭᠦᠳᠡ ᠶ᠋ᠢ ᠬᠠᠭᠠᠨ ᠤ᠋ ᠬᠠᠲᠤᠭᠲᠠᠢ ᠨᠠᠷ ᠲᠤ᠌ ᠪᠡᠯᠡᠭ ᠭᠡᠵᠦ ᠨᠡᠮᠡᠵᠦ ᠶᠠᠪᠤᠭᠤᠯᠤᠨᠠ᠃ ᠬᠡᠷᠪᠡ ᠲᠠᠲ᠋ᠠᠷ ᠤ᠋ᠳ ᠦᠨᠡᠬᠡᠷ᠂ ᠠᠯᠠᠭ ᠪᠤᠰᠤ ᠶ᠋ᠢᠨ ᠵᠢᠰᠦᠨ ᠦ᠌ ᠮᠣᠷᠢ ᠶ᠋ᠢ ᠠᠪᠬᠤ ᠶ᠋ᠢ ᠬᠦᠰᠡᠬᠦ ᠪᠣᠯ ᠪᠢᠳᠡ ᠲᠡᠭᠦᠨ ᠢ᠋ ᠴᠦ᠍ ᠦᠭᠭᠦᠨᠠ᠃ ᠲᠡᠭᠦᠨ ᠢ᠋ᠶ᠋ᠡᠷ ᠪᠢᠳᠡ ᠬᠣᠭᠣᠰᠣᠷᠠᠬᠤ ᠦᠭᠡᠢ ᠰᠢᠦ ᠳ᠋ᠠ᠃ ᠬᠣᠲᠠ ᠶ᠋ᠢᠨ ᠬᠡᠷᠡᠮ ᠦ᠋ᠨ ᠬᠠᠨᠠ ᠲᠤᠭᠤᠷᠭᠠ ᠪᠠ ᠬᠠᠭᠠᠯᠭᠠ ᠪᠠᠲᠤ ᠪᠢᠰᠢ ᠰᠢᠦ᠃ ᠲᠠᠯᠠ ᠶ᠋ᠢᠨ ᠬᠥᠮᠦᠰ ᠲᠥᠷᠥ ᠶ᠋ᠢ (ᠲᠡᠷᠡ ᠶ᠋ᠢ) ᠮᠣᠷᠢ ᠪᠠᠷ ᠴᠥ᠍ ᠳᠠᠪᠠᠵᠤ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ᠂ ᠳᠤᠬᠤ ᠪᠠᠷ ᠢ᠋ᠶ᠋ᠠᠨ ᠴᠥ᠍ ᠡᠪᠳᠡᠵᠦ ᠴᠢᠳᠠᠬᠤ ᠦᠭᠡᠢ ᠰᠢᠦ᠃
ᠭᠡᠪᠡᠴᠦ ᠬᠸᠤᠷᠬᠢ ᠸᠰᠸᠸᠤᠯᠤᠳᠤᠸᠢᠴ ᠵᠠᠷᠢᠮ ᠨᠢᠭᠡᠨ ᠠᠷᠭᠠ ᠬᠡᠮᠵᠢᠶᠡ ᠶ᠋ᠢ ᠠᠪᠤᠭᠰᠠᠨ ᠶᠤᠮ᠃ ᠲᠡᠷᠡ ᠥᠪᠡᠷ ᠦ᠋ᠨ ᠬᠠᠮᠤᠭ ᠤ᠋ᠨ ᠰᠠᠢᠨ ᠰᠢᠯᠢᠳᠡᠭ ᠮᠣᠷᠢᠳ ᠢ᠋ᠶ᠋ᠠᠨ ᠬᠣᠢᠲᠤ ᠵᠦᠭ ᠲᠦ᠍ ᠬᠣᠯᠠ ᠣᠷᠣᠰᠢᠬᠤ ᠬᠣᠲᠠ ᠨᠤᠭᠤᠳ ᠲᠤ᠌ ᠶᠠᠪᠤᠭᠤᠯᠤᠭᠰᠠᠨ ᠪᠠ ᠭᠣᠣᠯ ᠤ᠋ᠨ ᠴᠠᠭᠠᠨᠠ ᠪᠠᠢᠭᠰᠠᠨ ᠲᠠᠷᠢᠶᠠ ᠪᠤᠳᠠᠭᠠ ᠪᠠ ᠡᠪᠡᠰᠦ ᠨᠦ᠍ᠭᠦᠳ ᠢ᠋ ᠬᠣᠲᠠᠨ ᠳ᠋ᠤ᠌ ᠵᠥᠭᠡᠭᠡᠯᠭᠡᠨ ᠠᠪᠴᠢᠷᠠᠭᠤᠯᠤᠭᠰᠠᠨ ᠪᠠ ᠴᠡᠷᠢᠭ ᠦ᠋ᠨ ᠢ᠋ᠶ᠋ᠡᠨ ᠬᠦᠴᠦ ᠶ᠋ᠢ ᠨᠡᠮᠡᠭᠳᠡᠭᠦᠯᠬᠦ ᠶ᠋ᠢᠨ ᠬᠠᠮᠲᠤ ᠴᠡᠷᠢᠭ ᠲᠦ᠍ ᠣᠷᠣᠬᠤ ᠶ᠋ᠢ ᠬᠣᠲᠠ ᠶ᠋ᠢᠨ ᠬᠥᠮᠦᠨ ᠪᠦᠭᠦᠳᠡ ᠶ᠋ᠢ ᠤᠷᠢᠶᠠᠯᠠᠵᠤ ᠠᠩᠴᠢᠨ ᠬᠥᠮᠦᠰ ᠢ᠋ ᠪᠦᠷᠢᠳᠬᠡᠨ ᠠᠪᠴᠠᠢ᠃
ᠶᠸᠷᠸᠮᠸᠶᠠ ᠬᠯᠸᠪᠤᠸᠢᠴᠠ ᠶ᠋ᠢ ᠴᠡᠷᠢᠭ ᠢ᠋ ᠤᠳᠤᠷᠢᠳᠬᠤ ᠠᠩᠭᠢ ᠳ᠋ᠤ᠌ ᠲᠣᠮᠢᠯᠠᠭᠠᠳ ᠨᠤᠸᠤᠭᠤᠷᠤᠳ᠋᠂ ᠷᠤᠰᠲ᠋ᠤᠸ᠂ ᠪᠸᠯᠤᠽᠸᠷᠰᠺᠪᠠ ᠪᠤᠰᠤᠳ ᠸᠠᠩ ᠨᠤᠭᠤᠳ ᠲᠸ᠋ ᠵᠠᠬᠢᠳᠠᠯ ᠪᠢᠴᠢᠵᠦ ᠲᠦᠷᠦᠭᠦᠴᠢ ᠶ᠋ᠢᠨ ᠳᠣᠬᠢᠶᠠ ᠲᠡᠮᠳᠡᠭ ᠢ᠋ ᠬᠦᠷᠦᠯᠴᠡᠨ ᠢᠷᠡᠮᠡᠭᠴᠡ ᠸᠯᠡᠳᠢᠮᠢᠷ ᠲᠡᠰᠢ ᠶᠠᠭᠠᠷᠠᠪᠴᠢᠯᠠᠨ ᠠᠶᠠᠯᠠᠵᠤ ᠳᠠᠢᠰᠤᠨ ᠢ᠋ ᠪᠤᠲᠠ ᠴᠣᠬᠢᠵᠤ ᠣᠷᠣᠰ ᠤ᠋ᠨ ᠭᠠᠵᠠᠷ ᠨᠤᠲᠤᠭ ᠠ᠋ᠴᠠ ᠬᠥᠭᠡᠭᠡᠨ ᠵᠠᠢᠯᠠᠭᠤᠯᠬᠤ ᠪᠠᠷ ᠪᠡᠯᠡᠳᠬᠡᠵᠦ ᠪᠠᠢᠬᠤ ᠬᠡᠷᠡᠭᠲᠡᠢ ᠪᠣᠯᠬᠤ ᠶ᠋ᠢ ᠳᠤᠷᠠᠳᠤᠨ ᠶᠠᠪᠤᠭᠤᠯᠵᠠᠢ᠃
— ᠠᠶᠤᠭᠰᠠᠨ ᠤ᠋ ᠬᠡᠷᠡᠭ ᠦᠭᠡᠢ᠂ ᠪᠦᠭᠦᠳᠡ ᠶ᠋ᠢ ᠪᠣᠳᠣᠵᠤ ᠦᠵᠡᠭᠰᠡᠨ᠂ ᠪᠦᠭᠦᠳᠡ ᠶ᠋ᠢ ᠤᠷᠢᠳ ᠠ᠋ᠴᠠ ᠰᠡᠷᠭᠡᠢᠯᠡᠨ ᠪᠣᠯᠭᠣᠮᠵᠢᠯᠠᠭᠰᠠᠨ᠂ ᠪᠦᠭᠦᠳᠡ ᠳ᠋ᠦ᠍ ᠪᠦᠬᠦᠯᠢ ᠠᠷᠭᠠ ᠬᠡᠮᠵᠢᠶᠡ ᠶ᠋ᠢ ᠤᠷᠢᠳ ᠠ᠋ᠴᠠ ᠠᠪᠤᠭᠰᠠᠨ ᠭᠡᠬᠦ ᠪᠠ
— ᠲᠠᠲ᠋ᠠᠷ ᠠᠳᠤᠭᠤᠴᠢᠳ ᠭᠤᠷᠪᠠᠨ ᠵᠢᠯ ᠦ᠋ᠨ ᠲᠤᠷᠰᠢ ᠬᠡᠷᠡᠮ ᠦ᠋ᠨ ᠬᠠᠨᠠ ᠶ᠋ᠢ ᠲᠣᠭᠰᠢᠪᠠᠴᠤ ᠡᠴᠦᠰ ᠲᠤᠨᠢ ᠮᠣᠬᠤᠷᠠᠭᠠᠳ ᠪᠤᠴᠠᠵᠤ ᠶᠠᠪᠤᠬᠤ ᠪᠣᠯᠤᠨᠠ ᠭᠡᠬᠦ ᠵᠡᠷᠭᠡ ᠪᠡᠷ ᠪᠦᠬᠦᠨ ᠳ᠋ᠦ᠍ ᠶᠠᠷᠢᠵᠤ ᠲᠠᠨᠢᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠪᠠᠶᠠᠨᠴᠡᠴᠡᠭ᠂ ᠮᠡᠷᠭᠡᠨᠭᠣᠣᠠ
ᠬᠢᠨᠠᠭᠴᠢ᠄ ᠪᠠᠶᠠᠨᠴᠡᠴᠡᠭ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠯ