ᠪᠠᠲᠤ ᠬᠠᠭᠠᠨ 6-01ᠬᠢᠬᠤᠨᠠᠪᠠ-ᠣᠷᠣᠰ ᠨᠤᠲᠤᠭ ᠢ᠋ ᠬᠠᠷᠠ ᠡᠭᠦᠯᠡ ᠪᠦᠷᠬᠦᠪᠡBat khaan Бат хаан-ᠷᠣᠮᠠᠨ
230ᠬᠢᠬᠤᠨᠠᠪᠠ
ᠵᠢᠷᠭᠤᠳᠤᠭᠠᠷ ᠪᠦᠯᠦᠭ ᠣᠷᠣᠰ ᠨᠤᠲᠤᠭ ᠢ᠋ ᠬᠠᠷᠠ ᠡᠭᠦᠯᠡ ᠪᠦᠷᠬᠦᠪᠡ
ᠮᠠᠭᠤ ᠮᠡᠳᠡᠭᠡ ᠢᠷᠡᠪᠡ᠁ ᠬᠥᠮᠦᠰ ᠰᠠᠨᠳᠤᠷᠤᠨ ᠦᠢᠮᠡᠯᠳᠦᠪᠡ
(ᠣᠨ ᠳᠠᠷᠠᠭᠠᠯᠠᠯ ᠤ᠋ᠨ ᠪᠢᠴᠢᠭ)
ᠨᠢᠭᠡ ᠬᠢᠬᠤᠨᠠᠪᠠ
ᠡᠪᠦᠯ ᠦ᠋ᠨ ᠤᠷᠲᠤ ᠰᠥᠨᠢ ᠸᠯᠠᠳ᠋ᠢᠮᠢᠷ— ᠰᠦᠽᠳ᠋ᠠᠯᠢᠰᠺ ᠦ᠋ᠨ ᠴᠢᠯᠠᠭᠤᠨ ᠬᠡᠷᠡᠮ ᠳᠡᠭᠡᠷᠡ ᠬᠠᠷᠠᠭᠤᠯ ᠵᠣᠭᠰᠣᠵᠤ ᠪᠠᠢᠵᠠᠢ᠃ ᠲᠡᠷᠡ ᠪᠣᠭᠣᠨᠢ ᠨᠡᠬᠡᠢ ᠳᠡᠪᠡᠯ ᠦ᠋ᠨ ᠳᠡᠭᠡᠭᠦᠷ ᠬᠠᠷᠠ ᠬᠦᠷᠡᠩ ᠥᠷᠮᠥᠭ ᠲᠠᠯᠪᠢᠨ ᠡᠮᠦᠰᠴᠡᠢ᠃ ᠡᠨᠡ ᠬᠠᠷᠠᠭᠤᠯ ᠤ᠋ᠨ ᠬᠥᠮᠦᠨ ᠬᠥᠯ ᠢ᠋ᠶ᠋ᠡᠨ ᠬᠣᠭᠣᠷᠣᠨᠳᠣ ᠨᠢ ᠬᠠᠪᠢᠷᠴᠤ ᠪᠠᠭᠤᠳᠠᠯᠯᠠᠭᠠ (ᠫᠤᠤᠳᠠᠯᠭᠠ) ᠶ᠋ᠢᠨ ᠨᠢᠭᠡ ᠨᠦᠬᠡ ᠡᠴᠡ ᠨᠥᠭᠦᠭᠡ ᠨᠦᠬᠡ ᠶ᠋ᠢ ᠬᠦᠷᠲᠡᠯᠡ ᠬᠣᠢᠰᠢ ᠤᠷᠤᠭᠰᠢ ᠪᠠᠨ ᠶᠠᠪᠤᠨᠠ᠃ ᠮᠣᠳᠣᠨ ᠤ᠋ ᠬᠠᠯᠢᠰᠤ ᠪᠠᠷ ᠬᠢᠭᠰᠡᠨ ᠲᠡᠭᠦᠨ ᠦ᠌ ᠰᠦᠯᠵᠢᠮᠡᠯ ᠰᠢᠨᠡ ᠱᠠᠬᠠᠢ ᠨᠢ ᠳᠠᠭᠤᠲᠤ ᠴᠠᠰᠤᠨ ᠳᠡᠭᠡᠷᠡ ᠬᠢᠬᠤᠨᠠᠪᠠ᠃ ᠨᠣᠬᠠᠢ ᠶ᠋ᠢᠨ ᠠᠷᠠᠰᠤᠨ ᠭᠤᠷᠪᠠᠯᠵᠢᠨ ᠮᠠᠯᠠᠭᠠᠢ ᠪᠠᠷ ᠲᠡᠷᠡ ᠴᠢᠬᠢ ᠪᠡᠨ ᠳᠠᠷᠤᠵᠤ ᠡᠮᠦᠰᠴᠡᠢ᠃ ᠲᠡᠭᠦᠨ ᠦ᠌ ᠰᠢᠷᠦᠭᠦᠨ ᠰᠠᠬᠠᠯ ᠨᠢ ᠮᠥᠩᠭᠥ ᠰᠢᠭ᠌ ᠴᠠᠢᠭᠰᠠᠨ ᠪᠠ ᠴᠠᠰᠤᠨ ᠳ᠋ᠤ᠌ ᠳᠠᠷᠤᠭᠳᠠᠵᠤ ᠲᠡᠷᠭᠡᠯ ᠰᠠᠷᠠᠨ ᠤ᠋ ᠴᠠᠭᠠᠨ ᠴᠡᠩᠬᠡᠷ ᠭᠡᠷᠡᠯ ᠳ᠋ᠦ᠍ ᠨᠣᠢᠷᠮᠤᠭᠯᠠᠬᠤ ᠣᠷᠴᠢᠨ ᠲᠣᠭᠣᠷᠢᠨ ᠤ᠋ ᠣᠢ ᠬᠥᠪᠴᠢ ᠳ᠋ᠦ᠍ ᠠᠯᠤᠰ ᠢ᠋ ᠬᠤᠷᠴᠠ ᠬᠣᠶᠠᠷ ᠨᠢᠳᠦ ᠨᠢ ᠰᠢᠷᠲᠡᠨ ᠬᠠᠷᠠᠬᠤ ᠠᠵᠢ᠃
ᠬᠠᠷᠠᠭᠤᠯ ᠤ᠋ᠨ ᠬᠥᠮᠦᠨ ᠰᠢᠪᠡᠯᠺᠡ ᠨᠢ ᠷᠶᠠᠽᠠᠨ ᠢ᠋ ᠴᠢᠭᠯᠡᠭᠰᠡᠨ ᠡᠮᠦᠨᠡ ᠵᠦᠭ ᠦ᠋ᠨ ᠵᠠᠮ ᠢ᠋ ᠬᠠᠷᠠᠵᠠᠭᠠᠨᠠ᠃ ᠷᠶᠠᠽᠠᠨ ᠳ᠋ᠤ᠌ ᠴᠠᠪᠴᠢᠯᠳᠤᠵᠤ ᠪᠠᠢᠨᠠ ᠭᠡᠨᠡ᠃ ᠲᠡᠨᠳᠡ ᠡᠴᠡ ᠶᠠᠮᠠᠷ ᠮᠡᠳᠡᠭᠡ ᠢᠷᠡᠬᠦ ᠪᠣᠯ᠂ ᠵᠡᠷᠯᠢᠭ ᠲᠠᠯᠠ ᠠ᠋ᠴᠠ ᠨᠠᠰᠢ ᠳᠣᠪᠲᠣᠯᠤᠭᠰᠠᠨ ᠲᠡᠷᠰ ᠨᠣᠮᠲᠠᠨ ᠲᠠᠲ᠋ᠠᠷ ᠤ᠋ᠳ ᠢ᠋ ᠷᠶᠠᠽᠠᠨ ᠤ᠋ ᠬᠢᠨ ᠨᠢᠴᠤᠭᠠᠭᠰᠠᠨ ᠭᠡᠬᠦ ᠪᠣᠯ ᠤᠤ? ᠠᠯᠢ ᠳᠠᠢᠰᠤᠨ ᠨᠤᠭᠤᠳ ᠬᠣᠲᠠ ᠶ᠋ᠢ ᠬᠣᠯᠠᠭᠤᠷ ᠲᠣᠭᠣᠷᠢᠵᠤ ᠥᠩᠭᠡᠷᠡᠭᠡᠳ ᠣᠳᠣ ᠴᠠᠰᠤ ᠲᠠᠢ ᠲᠠᠯᠠ ᠪᠠᠷ ᠳᠠᠪᠬᠢᠯᠳᠤᠨ ᠶᠠᠪᠤᠵᠤ ᠰᠦᠽᠳᠡᠯᠢ ᠶ᠋ᠢᠨ ᠲᠣᠰᠬᠣᠨ ᠨᠤᠭᠤᠳ ᠢ᠋ ᠳᠠᠮᠵᠢᠨ ᠰᠢᠭᠤᠳ ᠸᠯᠠᠳᠢᠮᠢᠷ ᠣᠷᠣᠬᠤ ᠪᠠᠷ ᠲᠠᠪᠰᠢᠵᠤ ᠶᠠᠪᠤᠭᠠ ᠪᠣᠯ ᠤᠤ?
ᠰᠢᠪᠡᠯᠺᠡ ᠥᠨᠳᠥᠷ ᠨᠠᠰᠤᠲᠠᠢ ᠠᠪᠠᠴᠤ ᠲᠡᠭᠦᠨ ᠦ᠌ ᠬᠣᠯᠬᠢᠩᠭᠣᠷ ᠲᠠᠢ ᠰᠢᠷᠦᠭᠦᠨ ᠭᠠᠷ ᠨᠢ ᠵᠢᠳᠠ ᠶ᠋ᠢ ᠤᠷᠢᠳᠤ ᠶ᠋ᠢᠨ ᠨᠢᠭᠡᠨ ᠠᠳᠠᠯᠢ ᠴᠢᠩᠭᠠ ᠠᠳᠬᠤᠭᠰᠠᠭᠠᠷ ᠪᠠᠢᠨᠠ᠃ ᠰᠢᠪᠡᠯᠺᠡ ᠲᠥᠷᠥᠭᠰᠡᠨ ᠨᠤᠲᠤᠭ ᠲᠤᠨᠢ ᠠᠶᠤᠯ ᠤ᠋ᠨ ᠴᠢᠮᠡᠭᠡ ᠮᠡᠳᠡᠭᠳᠡᠭᠰᠡᠨ ᠲᠡᠷᠡ ᠭᠠᠵᠠᠷ ᠣᠴᠢᠵᠤ ᠪᠠᠢᠯᠳᠤᠬᠤ ᠳ᠋ᠤ᠌ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠪᠡᠯᠡᠬᠡᠨ ᠪᠠᠢᠨᠠ᠃ ᠬᠠᠯᠠ ᠦᠵᠡᠭᠰᠡᠨ ᠬᠥᠭᠰᠢᠨ ᠴᠡᠷᠢᠭ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠦᠢᠯᠡ ᠶᠠᠪᠤᠳᠠᠯ ᠢ᠋ ᠳᠤᠷᠠᠰᠤᠨ ᠮᠡᠳᠡᠬᠦ ᠶᠤᠮ᠃ᠣᠳᠣ ᠴᠤ᠌ ᠭᠡᠰᠡᠨ ᠣᠭᠲᠠᠷᠭᠤᠢ ᠳ᠋ᠤ᠌ ᠠᠭᠠᠵᠢᠮ ᠢ᠋ᠶ᠋ᠠᠷ ᠨᠡᠭᠦᠨ ᠶᠠᠪᠤᠬᠤ ᠪᠠᠷᠠᠭᠠᠨ ᠡᠭᠦᠯᠡ ᠮᠡᠲᠦ ᠬᠠᠷᠠ ᠪᠣᠳᠣᠯ ᠤ᠋ᠳ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠢ᠋ ᠬᠠᠮᠤᠷᠤᠨ ᠢᠷᠡᠭᠰᠡᠭᠡᠷ ᠪᠠᠢᠨᠠ᠃ ᠬᠣᠲᠠ ᠠᠮᠤᠭᠤᠯᠠᠩ ᠲᠠᠢᠪᠤᠩ ᠤᠨᠲᠠᠵᠤ ᠪᠠᠢᠨᠠ᠃ ᠬᠦᠢᠲᠡᠨ ᠰᠥᠨᠢ ᠶ᠋ᠢᠨ ᠬᠥᠳᠡᠯᠭᠡᠭᠡᠨ ᠦᠭᠡᠢ ᠠᠭᠠᠷ ᠳᠸ᠋ ᠶᠠᠮᠠᠷ ᠴᠤ᠌ ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠠᠵᠢ᠃
ᠬᠡᠦᠬᠡᠳ ᠦ᠋ᠨ ᠳᠠᠭᠤᠨ ᠮᠡᠲᠦ ᠰᠢᠩᠭᠡᠨ ᠳᠠᠭᠤᠨ ᠬᠡᠷᠡᠮ ᠦ᠋ᠨ ᠳᠣᠣᠷᠠ ᠰᠣᠨᠣᠰᠳᠠᠪᠠ᠃ ᠰᠢᠪᠡᠯᠺᠡ ᠴᠢᠩᠨᠠᠪᠠᠯ ᠥᠨᠥᠬᠢ ᠳᠠᠭᠤᠨ ᠤᠯᠠᠮ ᠣᠢᠷᠠᠲᠤᠨᠠ᠃ ᠭᠤᠷᠪᠠᠨ ᠰᠡᠭᠦᠳᠡᠷ ᠪᠤᠯᠤᠩ ᠤ᠋ᠨ ᠴᠠᠭᠠᠨᠠ ᠠ᠋ᠴᠠ ᠱᠤᠮᠪᠠᠨ ᠭᠠᠷᠴᠤ ᠬᠡᠷᠡᠮ ᠦ᠋ᠨ ᠬᠠᠨᠠ ᠳᠡᠭᠡᠭᠦᠷ ᠭᠤᠯᠭᠤᠨ ᠶᠠᠪᠤᠨᠠ᠃ ᠡᠨᠡ ᠨᠢ ᠥᠰᠥᠭᠡᠢ ᠳ᠋ᠡᠭᠡᠨ ᠬᠦᠷᠲᠡᠯᠡ ᠤᠷᠲᠤ ᠳᠡᠪᠡᠯ ᠲᠡᠢ ᠭᠤᠷᠪᠠᠨ ᠡᠷᠡᠭᠲᠡᠢ ᠬᠡᠦᠬᠡᠳ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠰᠢᠬᠠᠴᠠᠯᠳᠤᠨ ᠰᠦᠯᠵᠢᠮᠡᠯ ᠱᠠᠬᠠᠢ ᠪᠠᠨ ᠲᠦᠷᠭᠡᠨ ᠰᠣᠯᠪᠢᠭᠤᠯᠤᠨ ᠭᠢᠰᠬᠢᠯᠡᠨᠡ᠃
— ᠬᠡᠨ ᠪᠣᠢ? ᠴᠠᠪᠴᠢᠯᠠ ᠰᠢᠦ! ᠭᠡᠵᠦ ᠰᠢᠪᠡᠯᠺᠡ ᠰᠥᠭᠡᠩᠭᠢ ᠬᠣᠭᠣᠯᠠᠢ ᠪᠠᠷ ᠬᠡᠯᠡᠭᠡᠳ ᠵᠢᠳᠠ ᠪᠠᠷ ᠢ᠋ᠶ᠋ᠠᠨ ᠲᠣᠭᠰᠢᠪᠠ᠃
— ᠪᠤᠭᠤᠷᠤᠯ ᠠᠪᠤ ᠠ᠋! ᠰᠢᠪᠡᠯᠺᠡ ᠪᠢᠲᠡᠭᠡᠢ ᠠᠭᠤᠷᠯᠠᠭᠠᠷᠠᠢ!
—ᠪᠢ ᠪᠦᠯᠡᠲ᠋ᠺᠡ ᠪᠠᠢᠨᠠ᠃ ᠨᠠᠳᠠᠲᠠᠢ ᠬᠠᠮᠲᠤ ᠮᠠᠨ ᠤ᠋ ᠠᠢᠯ ᠤ᠋ᠨ ᠫᠣᠰᠫᠧᠯᠺᠠ ᠪᠠ ᠨᠧᠽᠡᠮᠡᠢᠺᠡ ᠨᠠᠷ ᠶᠠᠪᠤᠨᠠ ᠭᠡᠵᠦ ᠨᠢᠭᠡ ᠬᠡᠦᠬᠡᠳ ᠬᠠᠷᠢᠭᠤ ᠲᠠᠯᠪᠢᠪᠠ᠃
— ᠴᠢᠮᠠᠶ᠋ᠢ ᠭᠡᠵᠦ ᠮᠡᠳᠡᠵᠦ ᠪᠠᠢᠨᠠ᠂ ᠴᠢᠳᠬᠥᠷ ᠮᠢᠨᠢ ᠲᠠᠨᠠᠷ ᠶᠠᠭᠤᠨ ᠳ᠋ᠤ᠌ ᠤᠨᠲᠠᠬᠤ ᠦᠭᠡᠢ ᠶᠠᠪᠤᠭᠠ ᠶᠤᠮ?ᠶᠠᠭᠤᠨ ᠳ᠋ᠤ᠌ ᠰᠥᠨᠢ ᠶ᠋ᠢᠨ ᠴᠠᠭ ᠲᠤ᠌ ᠬᠡᠷᠡᠮ ᠦ᠋ᠨ ᠳᠡᠭᠡᠭᠦᠷ ᠲᠡᠨᠦᠵᠡᠭᠡᠨᠡ ᠪᠣᠢ? ᠸᠠᠩ ᠮᠡᠳᠡᠪᠡᠯ ᠠᠭᠤᠷᠯᠠᠨᠠ᠃
— ᠪᠤᠭᠤᠷᠤᠯ ᠠᠪᠤ ᠠ᠋᠂ ᠪᠢᠳᠡ ᠵᠥᠪᠬᠡᠨ ᠶᠠᠭᠤ ᠬᠢᠬᠤᠨᠠᠬᠤ ᠶ᠋ᠢ ᠦᠵᠡᠬᠦ ᠪᠡᠷ ᠢᠷᠡᠯᠡ᠃
— ᠶᠠᠭᠤ?
— ᠡᠨᠡ ᠨᠧᠽᠡᠮᠡᠢᠺᠡ ᠭᠠᠵᠠᠷ ᠭᠠᠰᠠᠯᠵᠤ ᠪᠠᠢᠨᠠ ᠭᠡᠨᠡ᠃ ᠲᠠᠲ᠋ᠠᠷ ᠤ᠋ᠳ ᠮᠠᠨ ᠤ᠋ ᠡᠰᠢ ᠢᠷᠡᠵᠦ ᠶᠠᠪᠤᠭᠠ ᠦᠭᠡᠢ ᠪᠠᠢᠭᠠ ᠭᠡᠵᠦ ᠪᠢ ᠪᠣᠳᠣᠨᠠ᠃ ᠬᠡᠷᠪᠡ ᠲᠠᠲ᠋ᠠᠷ ᠤ᠋ᠳ ᠢᠷᠡᠪᠡᠯ ᠪᠢᠳᠡ ᠴᠥ᠍ ᠪᠠᠰᠠ ᠲᠡᠳᠡᠨ ᠲᠡᠢ ᠵᠠᠨᠴᠢᠯᠳᠤᠬᠤ ᠶ᠋ᠢ ᠬᠦᠰᠡᠨᠡ᠃ ᠪᠢᠳᠡ ᠨᠢᠯᠬᠠ ᠨᠢᠷᠠᠢ ᠪᠢᠰᠢ ᠳ᠋ᠠ᠂ ᠡᠢᠮᠦ ᠤᠴᠢᠷ ᠠ᠋ᠴᠠ ᠪᠢᠳᠡ ᠶᠠᠭᠤ ᠬᠢᠬᠤᠨᠠᠵᠤ ᠪᠠᠢᠬᠤ ᠶ᠋ᠢ ᠮᠡᠳᠡᠬᠦ ᠭᠡᠵᠦ ᠢᠷᠡᠪᠡ᠃
— ᠬᠠᠷᠠᠪᠠᠤ᠂ ᠰᠦᠷᠡᠬᠡᠢ ᠰᠠᠨᠠᠭᠠ ᠪᠣᠢ᠂ ᠬᠠᠮᠢᠭᠠ ᠶᠠᠭᠤ ᠬᠢᠬᠤᠨᠠᠵᠤ ᠪᠠᠢᠭᠠ ᠶᠤᠮ ᠪᠣᠢ? ᠭᠡᠵᠦ ᠰᠢᠪᠡᠯᠺᠡ ᠬᠡᠯᠡᠪᠡ᠃
— ᠦᠭᠡᠢ ᠲᠠ ᠮᠠᠯᠠᠭᠠᠢ ᠪᠠᠨ ᠠᠪᠤᠭᠲᠤᠨ! ᠮᠠᠯᠠᠭᠠᠢ ᠲᠠᠢ ᠳᠤᠭᠤᠯᠳᠠᠬᠤ ᠦᠭᠡᠢ᠃
ᠰᠢᠪᠡᠯᠺᠡ ᠦᠰᠦᠲᠡᠢ ᠭᠤᠷᠪᠠᠯᠵᠢᠨ ᠮᠠᠯᠠᠭᠠᠢ ᠪᠠᠨ ᠠᠪᠤᠭᠠᠳ ᠴᠢᠬᠢ ᠪᠡᠨ ᠲᠠᠯᠪᠢᠵᠤ ᠴᠢᠩᠨᠠᠪᠠ᠃
ᠰᠠᠷᠠ ᠲᠠᠢ ᠴᠠᠭᠠᠨ ᠰᠥᠨᠢ ᠶ᠋ᠢᠨ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠶ᠋ᠢᠨ ᠳᠣᠲᠣᠷᠠ ᠰᠢᠩᠭᠡᠨ ᠳᠠᠭᠤ ᠪᠠᠷ ᠤᠬᠢᠯᠠᠬᠤ ᠪᠤᠶᠤ ᠪᠦᠳᠡᠭᠢ ᠪᠡᠷ ᠶᠠᠷᠢᠬᠤ ᠲᠠᠢ ᠠᠳᠠᠯᠢ ᠳᠠᠭᠤᠨ᠂ ᠬᠣᠯᠠ ᠶ᠋ᠢᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠦᠩᠭᠢᠨᠡᠬᠦ ᠴᠢᠮᠡᠭᠡ ᠲᠣᠳᠣᠷᠬᠠᠢ ᠳᠤᠭᠤᠯᠳᠠᠵᠤ ᠪᠠᠢᠪᠠ᠃ ᠰᠢᠪᠡᠯᠺᠡ ᠴᠠᠰᠤᠲᠤ ᠲᠠᠯᠠ ᠶ᠋ᠢᠨ ᠭᠦᠨ ᠳᠣᠲᠣᠷᠠ ᠠ᠋ᠴᠠ ᠨᠠᠰᠢ ᠶᠠᠮᠠᠷ ᠭᠠᠰᠠᠯᠠᠩ ᠵᠣᠪᠠᠯᠠᠩ ᠣᠢᠷᠠᠲᠤᠨ ᠶᠠᠪᠤᠭᠠ ᠶ᠋ᠢ ᠮᠡᠳᠡᠬᠦ ᠶ᠋ᠢ ᠬᠦᠰᠡᠵᠦ ᠰᠢᠷᠳᠡᠨ ᠬᠠᠷᠠᠨᠠ᠃
— ᠪᠤᠭᠤᠷᠤᠯ ᠠᠪᠤ ᠠ᠋! ᠲᠠᠰᠢ ᠪᠠᠨ ᠬᠠᠷᠠᠭᠠᠴᠢ!
ᠰᠢᠪᠡᠯᠺᠡ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠣᠬᠢᠵᠤ ᠣᠷᠬᠢᠭᠠᠳ᠂
— ᠠᠢ ᠵᠠᠢᠯᠠᠭᠤᠯ᠂ ᠨᠢᠯᠬᠠ ᠪᠠᠯᠴᠢᠷ ᠬᠡᠦᠬᠡᠳ ᠦ᠋ᠳ ᠮᠢᠨᠢ ᠠ᠋! ᠡᠨᠡ ᠴᠢᠨᠢ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠦ᠌ ᠡᠵᠡᠨ ᠥᠪᠡᠷ ᠢ᠋ᠶ᠋ᠡᠨ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠷᠠᠰᠤ ᠶ᠋ᠢ ᠨᠥᠮᠥᠷᠴᠦ ᠲᠠᠯᠠ ᠪᠠᠷ ᠬᠡᠰᠦᠭᠦᠴᠢᠯᠡᠵᠦ ᠪᠠᠢᠰᠢᠩ ᠤ᠋ᠨ ᠣᠷᠣᠢ ᠶ᠋ᠢ ᠲᠣᠭᠰᠢᠵᠤ ᠰᠥᠨᠢ ᠶ᠋ᠢᠨ ᠴᠠᠭ ᠲᠤ᠌ ᠵᠤᠤᠬᠠ ᠪᠠᠨ ᠲᠦᠯᠡᠭᠲᠦᠨ ᠭᠡᠵᠦ ᠡᠮᠡᠰ ᠡᠬᠡᠨᠡᠷ ᠦ᠋ᠳ ᠢ᠋ ᠰᠡᠷᠢᠭᠡᠵᠦ ᠶᠠᠪᠤᠨᠠ᠃ ᠡᠪᠦᠯ ᠦ᠋ᠨ ᠡᠵᠡᠨ ᠦ᠌ ᠬᠣᠢᠨᠠ ᠠ᠋ᠴᠠ ᠰᠢᠭᠤᠷᠭᠠ ᠭᠦᠶᠦᠯᠳᠦᠵᠦ ᠬᠥᠰᠬᠡ ᠲᠡᠷᠭᠡ ᠨᠤᠭᠦᠳ ᠢ᠋ ᠴᠠᠰᠤ ᠪᠠᠷ ᠳᠠᠷᠤᠬᠤ ᠤᠤ? ᠡᠰᠡᠪᠡᠯ ᠣᠷᠣᠢᠲᠠᠭᠰᠠᠨ ᠵᠠᠮᠴᠢᠳ ᠢ᠋ ᠣᠰᠤᠭᠤᠬᠤ ᠤᠤ ᠭᠡᠬᠦ ᠵᠡᠷᠭᠡ ᠪᠡᠷ ᠠᠵᠢᠯ ᠭᠤᠶᠤᠨ ᠶᠠᠪᠤᠵᠠᠭᠠᠨᠠ᠃ ᠡᠪᠦᠯ ᠦ᠋ᠨ ᠡᠵᠡᠨ ᠣᠢ ᠮᠣᠳᠣ ᠪᠠᠷ ᠶᠠᠪᠤᠵᠠᠭᠠᠵᠤ ᠬᠠᠨᠴᠤᠢ ᠠ᠋ᠴᠠ ᠪᠠᠨ ᠬᠢᠷᠠᠭᠤ ᠴᠠᠩ ᠠᠰᠬᠠᠵᠤ ᠭᠣᠣᠯ ᠮᠥᠷᠡᠨ ᠦ᠌ ᠳᠡᠭᠡᠭᠦᠷ ᠶᠠᠪᠤᠵᠤ ᠥᠪᠡᠷ ᠢ᠋ᠶ᠋ᠡᠨ ᠮᠥᠷ ᠦ᠋ᠨ ᠳᠣᠣᠷᠠᠬᠢ ᠤᠰᠤ ᠶ᠋ᠢ ᠲᠠᠪᠤᠨ ᠲᠣᠬᠣᠢ ᠵᠤᠵᠠᠭᠠᠨ ᠮᠥᠰᠥ ᠪᠣᠯᠭᠠᠨ ᠳᠠᠪᠲᠠᠵᠤ ᠬᠠᠳᠠᠭᠠᠯᠠᠨᠠ᠃
ᠢᠩᠭᠢᠭᠡᠳ ᠡᠪᠦᠯ ᠦ᠋ᠨ ᠡᠵᠡᠨ ᠦ᠌ ᠠᠵᠢᠯ ᠴᠢᠮᠡᠭᠡ ᠱᠠᠭᠢᠨᠠ᠃ ᠲᠡᠨᠳᠡ ᠡᠴᠡ ᠴᠦ᠍ ᠲᠠᠵᠢᠭᠢᠨᠠᠨᠠ᠃ ᠵᠠᠷᠢᠮ ᠦᠶᠡ ᠳ᠋ᠦ᠍ ᠰᠢᠭᠤᠷᠭᠠ ᠴᠤ᠌ ᠡᠬᠡᠨᠡᠷ ᠬᠡᠦᠬᠡᠳ ᠤᠬᠢᠯᠠᠬᠤ ᠮᠡᠲᠦ ᠳᠤᠤᠭᠠᠷᠤᠨᠠ᠃ ᠭᠡᠪᠡᠴᠦ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠠᠮᠤᠷᠤᠭᠰᠠᠨ ᠦᠭᠡᠢ ᠬᠠᠷᠢᠨ ᠤᠯᠠᠮ ᠰᠢᠷᠲᠡᠨ ᠬᠠᠷᠠᠵᠠᠭᠠᠵᠤ ᠠᠯᠤᠰ ᠢ᠋ ᠵᠢᠭᠠᠨ ᠬᠡᠯᠡᠨᠡ᠃
— ᠪᠤᠭᠤᠷᠤᠯ ᠠᠪᠤ ᠠ᠋! ᠲᠡᠷᠡ ᠭᠣᠣᠯ ᠤ᠋ᠨ ᠲᠡᠷᠲᠡᠭᠡ ᠶᠠᠭᠤ ᠪᠠᠢᠨᠠ ?ᠡᠭᠦᠯᠡᠨ ᠦ᠌ ᠴᠠᠭᠠᠨᠠ ᠠ᠋ᠴᠠ ᠰᠠᠷᠠᠨ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍ ᠭᠣᠣᠯ ᠤ᠋ᠨ ᠳᠠᠭᠠᠤ ᠳᠠᠪᠲᠠᠭᠳᠠᠭᠰᠠᠨ ᠥᠷᠭᠡᠨ ᠵᠠᠮ ᠢ᠋ᠶ᠋ᠠᠷ ᠶᠠᠪᠤᠵᠤ ᠮᠣᠷᠢᠳ᠂ ᠴᠢᠷᠭᠠ ᠨᠤᠭᠤᠳ ᠶᠠᠪᠠᠭᠠᠨ ᠬᠥᠮᠦᠰ ᠮᠥᠩᠭᠥᠨ ᠲᠣᠯᠢ ᠮᠡᠲᠦ ᠭᠢᠯᠠᠯᠵᠠᠭᠰᠠᠨ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠲᠣᠳᠣᠷᠬᠠᠢ ᠦᠵᠡᠭᠳᠡᠵᠦ ᠪᠠᠢᠪᠠ᠃ ᠴᠢᠷᠭᠠᠨ ᠤ᠋ ᠤᠯᠠ ᠲᠠᠰᠤᠷᠠᠯᠲᠠ ᠦᠭᠡᠢ ᠪᠠ ᠬᠢᠬᠤᠨᠠᠨ ᠰᠢᠩᠭᠡᠨ ᠳᠠᠭᠤ ᠪᠠᠷ ᠭᠠᠰᠠᠯᠵᠤ ᠣᠷᠢᠯᠠᠬᠤ ᠮᠡᠲᠦ ᠳᠤᠤᠭᠠᠷᠴᠤ ᠬᠦᠢᠲᠡᠨ ᠰᠥᠨᠢ ᠶ᠋ᠢᠨ ᠰᠢᠷᠦᠭᠦᠨ ᠨᠠᠮ ᠭᠦᠮ ᠢ᠋ ᠠᠯᠳᠠᠭᠤᠯᠵᠤ ᠪᠠᠢᠪᠠ᠃ ᠬᠥᠮᠦᠰ ᠮᠣᠷᠢᠳ ᠭᠣᠣᠯ ᠢ᠋ ᠤᠷᠤᠭᠤᠳᠠᠨ ᠶᠠᠪᠤᠬᠤ ᠪᠥᠭᠡᠳ ᠴᠡᠩᠬᠡᠷ ᠬᠥᠬᠡ ᠮᠠᠨᠠᠨ ᠳ᠋ᠤ᠌ ᠵᠢᠪᠪᠦᠵᠦ ᠦᠵᠡᠭᠳᠡᠬᠦ ᠦᠭᠡᠢ ᠪᠣᠯᠤᠨᠠ᠃ ᠭᠡᠲᠡᠯᠡ ᠲᠡᠳᠡᠨ ᠦ᠌ ᠬᠣᠢᠨᠠ ᠠ᠋ᠴᠠ ᠬᠥᠭᠯᠡᠷᠡᠭᠰᠡᠨ ᠶᠡᠬᠡ ᠬᠥᠰᠬᠡ ᠨᠤᠭᠦᠳ ᠭᠠᠷᠴᠤ ᠢᠷᠡᠭᠡᠳ ᠳᠠᠬᠢᠨ ᠰᠡᠭᠦᠳᠡᠷ ᠮᠡᠲᠦ ᠴᠢᠮᠡᠭᠡ ᠦᠭᠡᠢ ᠪᠡᠷ ᠬᠥᠩᠭᠡᠨ ᠬᠢᠬᠤᠨᠠᠨ ᠤᠷᠤᠭᠰᠢ ᠪᠠᠨ ᠶᠠᠪᠤᠵᠤ ᠥᠩᠭᠡᠷᠡᠨᠡ᠃
— ᠲᠡᠨᠳᠡ ᠶᠠᠭᠤ ᠶᠠᠪᠤᠵᠤ ᠪᠠᠢᠭᠠ ᠶᠤᠮ ᠪᠣᠢ? ᠭᠡᠵᠦ ᠬᠡᠦᠬᠡᠳ ᠠᠰᠠᠭᠤᠪᠠ᠃
ᠡᠨᠡ ᠨᠢ ᠣᠷᠭᠣᠭᠴᠢᠳ᠁ ᠣᠢ ᠮᠣᠳᠣᠨ ᠳᠣᠲᠣᠷᠠ ᠠᠮᠢ ᠬᠣᠷᠭᠣᠳᠠᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠭᠠ᠂ ᠲᠠᠲ᠋ᠠᠷ ᠤ᠋ᠳ ᠣᠢᠷᠠ ᠪᠣᠢ ᠪᠣᠯᠤᠯᠲᠠᠢ᠃
— ᠪᠤᠭᠤᠷᠤᠯ ᠠᠪᠤ ᠠ᠋᠂ ᠲᠠᠲ᠋ᠠᠷ ᠤ᠋ᠳ ᠨᠢ ᠶᠠᠮᠠᠷ ᠬᠥᠮᠦᠰ ᠪᠣᠢ? ᠲᠠ ᠲᠡᠳᠡ ᠨᠠᠷ ᠢ᠋ ᠦᠵᠡᠭᠰᠡᠨ ᠤᠤ?
— ᠦᠵᠡᠭᠡ ᠦᠭᠡᠢ᠂ ᠲᠡᠳᠡ ᠨᠠᠷ ᠬᠥᠮᠦᠨ ᠦ᠌ ᠰᠢᠨᠵᠢ ᠦᠭᠡᠢ ᠵᠡᠷᠯᠢᠭ ᠬᠥᠮᠦᠰ ᠶᠤᠮ᠃ ᠵᠡᠷᠯᠢᠭ ᠲᠠᠯᠠ ᠳ᠋ᠤ᠌ ᠠᠳᠤᠭᠤ ᠮᠠᠯ ᠤ᠋ᠨ ᠬᠠᠮᠲᠤ ᠰᠠᠭᠤᠵᠠᠭᠠᠳᠠᠭ ᠪᠠ ᠬᠣᠣᠷ ᠬᠥᠨᠥᠭᠡᠯ ᠬᠦᠷᠭᠡᠵᠦ ᠪᠦᠭᠦᠳᠡ ᠶ᠋ᠢ ᠢᠯᠠᠵᠤ ᠳᠡᠢᠯᠳᠡᠭ ᠭᠡᠵᠦ ᠰᠣᠨᠣᠰᠤᠭᠰᠠᠨ ᠪᠢᠯᠡ᠃
— ᠲᠡᠳᠡ ᠨᠠᠷ ᠪᠢᠳᠡᠨ ᠢ᠋ ᠪᠠᠢᠯᠳᠤᠵᠤ ᠳᠡᠢᠯᠬᠦ ᠤᠤ᠁ ᠡᠨᠳᠡ ᠢᠷᠡᠬᠦ ᠤᠤ?
— ᠢᠷᠡᠬᠦ ᠴᠦ᠍ ᠮᠠᠭᠠᠳ ᠦᠭᠡᠢ᠂ ᠡᠰᠡᠪᠡᠯ ᠷᠶᠠᠽᠠᠨ ᠤ᠋ ᠬᠢᠨ ᠲᠡᠳᠡᠨ ᠢ᠋ ᠴᠠᠪᠴᠢᠯᠠᠨ ᠬᠢᠳᠤᠵᠤ ᠪᠤᠴᠠᠭᠠᠨ ᠬᠥᠭᠡᠭᠡᠭᠰᠡᠨ ᠴᠦ᠍ ᠪᠠᠢᠵᠤ ᠮᠠᠭᠠᠳ ᠦᠭᠡᠢ᠃ ᠡᠨᠡ ᠠᠳᠤᠭᠤᠴᠢᠨ ᠨᠠᠷ ᠲᠠᠢ ᠪᠠᠭᠠᠪᠠᠭᠠᠢ ᠲᠠᠢ ᠲᠤᠯᠤᠯᠳᠤᠬᠤ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠲᠤᠯᠤᠯᠳᠤᠬᠤ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠪᠠᠭᠠᠪᠠᠭᠠᠢ ᠠ᠋ᠴᠠ ᠵᠢᠭᠤᠲᠠᠪᠠᠯ ᠲᠡᠷᠡ ᠭᠦᠢᠴᠡᠵᠦ ᠢᠷᠡᠭᠡᠳ ᠪᠠᠷᠢᠵᠤ ᠣᠷᠬᠢᠨᠠ᠃ ᠬᠠᠷᠢᠨ ᠨᠤᠮᠤ ᠰᠤᠮᠤ ᠪᠠᠨ ᠪᠠᠷᠢᠵᠤ ᠡᠮᠦᠨᠡ ᠡᠴᠡ ᠨᠢ ᠣᠴᠢᠪᠠᠯ ᠲᠡᠭᠦᠨ ᠢ᠋ ᠤᠨᠠᠭᠠᠵᠤ ᠣᠷᠬᠢᠭᠠᠳ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠷᠠᠰᠤ ᠲᠠᠢ ᠪᠣᠯᠤᠨᠠ᠃
— ᠡᠰᠢ ᠪᠡᠨ ᠬᠠᠷᠠᠭᠲᠤᠨ᠃ ᠨᠠᠰᠢ ᠪᠠᠨ ᠢᠷᠡᠵᠦ ᠶᠠᠪᠤᠨᠠ᠃ ᠲᠡᠳᠡᠨ ᠦ᠌ ᠬᠣᠢᠨᠠ ᠠ᠋ᠴᠠ ᠮᠣᠷᠢᠲᠤ ᠴᠡᠷᠢᠭ ᠦ᠋ᠳ ᠶᠠᠪᠤᠨᠠ᠃ ᠡᠨᠡ ᠲᠠᠲ᠋ᠠᠷ ᠤ᠋ᠳ ᠶᠤᠮ ᠪᠢᠰᠢ ᠪᠠᠢᠭᠠ ᠳ᠋ᠠ? ᠴᠢᠷᠭᠠ ᠨᠤᠭᠤᠳ ᠴᠤᠪᠤᠷᠠᠵᠤ ᠬᠡᠷᠡᠮ ᠦ᠋ᠨ ᠬᠠᠨᠠ ᠶ᠋ᠢ ᠴᠢᠭᠯᠡᠨ ᠶᠠᠪᠤᠪᠠ᠃ ᠲᠡᠭᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠨᠢᠭᠡ ᠬᠡᠰᠡᠭ ᠮᠣᠷᠢᠲᠠᠢ ᠬᠥᠮᠦᠰ ᠳᠠᠭᠠᠵᠤ ᠶᠠᠪᠤᠨᠠ᠃ ᠪᠣᠭᠣᠨᠢ ᠵᠢᠳᠠ ᠪᠠ ᠲᠡᠮᠦᠷ ᠳᠤᠭᠤᠯᠠᠭᠠ ᠬᠢᠭᠡᠳ ᠴᠡᠭᠡᠵᠢᠨ ᠦ᠌ ᠬᠤᠶᠠᠭ ᠤ᠋ᠨ ᠡᠯᠳᠡᠰᠦ ᠨᠤᠭᠦᠳ ᠲᠦ᠍ ᠰᠠᠷᠠᠨ ᠤ᠋ ᠭᠡᠷᠡᠯ ᠭᠢᠯᠠᠯᠵᠠᠨᠠ᠃ ᠰᠢᠪᠡᠯᠺᠠ ᠳᠡᠷᠭᠡᠳᠡᠬᠢ ᠮᠤᠨᠠ ᠰᠢᠭᠦᠷᠡᠨ ᠠᠪᠴᠤ ᠫᠤᠤᠳᠠᠯᠭᠠ ᠶ᠋ᠢᠨ ᠨᠦᠬᠡ ᠶ᠋ᠢᠨ ᠬᠣᠭᠣᠷᠣᠨᠳᠣ ᠡᠯᠭᠦᠭᠡᠰᠦᠲᠡᠢ ᠪᠠᠢᠭᠠ ᠰᠢᠷᠡᠮᠦᠨ ᠲᠠᠪᠴᠠᠩ ᠢ᠋ ᠴᠣᠬᠢᠵᠤ ᠠᠶᠤᠯ ᠤ᠋ᠨ ᠳᠣᠬᠢᠶᠠ ᠶ᠋ᠢ ᠥᠭᠬᠦ ᠪᠠ ᠬᠠᠷᠢᠭᠤᠯ ᠤ᠋ᠨ ᠴᠡᠷᠢᠭ ᠢ᠋ ᠳᠠᠭᠤᠳᠠᠨᠠ᠃ ᠴᠢᠷᠭᠠ ᠬᠥᠯᠯᠡᠭᠰᠡᠨ ᠬᠣᠷᠢᠭᠠᠳ ᠮᠣᠷᠢ ᠲᠠᠢ ᠬᠥᠮᠦᠰ ᠬᠡᠷᠡᠮ ᠦ᠋ᠨ ᠠᠯᠲᠠᠨ ᠬᠠᠭᠠᠯᠭᠠ ᠭᠡᠵᠦ ᠨᠡᠷᠡᠰᠢᠭᠰᠡᠨ ᠬᠠᠭᠠᠯᠲᠠᠲᠠᠢ ᠬᠠᠭᠠᠯᠭᠠᠨ ᠳ᠋ᠤ᠌ ᠲᠤᠯᠵᠤ ᠢᠷᠡᠪᠡ᠃ ᠡᠳᠡᠭᠡᠷ ᠢᠷᠡᠭᠴᠢᠳ ᠦ᠋ᠨ ᠶᠠᠷᠢᠶᠠ ᠨᠢ ᠳᠣᠣᠷᠠ ᠠ᠋ᠴᠠ ᠲᠣᠳᠣᠷᠬᠠᠢ ᠰᠣᠨᠣᠰᠳᠠᠨᠠ᠃ ᠵᠠᠷᠢᠮ ᠮᠣᠷᠢᠲᠠᠢ ᠬᠥᠮᠦᠰ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠵᠤ ᠬᠠᠭᠠᠯᠭᠠ ᠶ᠋ᠢ ᠲᠣᠭᠰᠢᠨᠠ᠃ ᠪᠠᠢᠷᠢ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠴᠡᠷᠢᠭ ᠦ᠋ᠳ ᠭᠦᠶᠦᠯᠳᠦᠨ ᠭᠠᠷᠴᠤ ᠬᠡᠷᠡᠮ ᠦ᠋ᠨ ᠬᠠᠨᠠ ᠳᠡᠭᠡᠷᠡ ᠭᠠᠷᠴᠠᠭᠠᠪᠠ᠃ ᠵᠠᠭᠤᠲᠤ ᠶ᠋ᠢᠨ ᠶᠡᠬᠡᠮᠰᠦᠭ ᠨᠣᠶᠠᠳ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠷᠠᠰᠤᠨ ᠳᠡᠪᠡᠯ ᠦ᠋ᠨ ᠲᠣᠪᠴᠢ ᠶ᠋ᠢ ᠲᠠᠢᠯᠵᠤ ᠢᠷᠠᠭᠰᠠᠭᠠᠷ ᠠᠭᠠᠵᠢᠮ ᠢ᠋ᠶ᠋ᠠᠷ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠭᠠᠷᠤᠭᠠᠳ ᠭᠠᠳᠠᠨᠠ ᠪᠠᠨ ᠢᠷᠡᠭᠰᠡᠨ ᠬᠥᠮᠦᠰ ᠡᠴᠡ ᠠᠰᠠᠭᠤᠪᠠ᠃
— ᠲᠠᠨᠠᠷ ᠶᠠᠭᠤᠨ ᠤ᠋ ᠬᠥᠮᠦᠰ ᠪᠣᠢ? ᠭᠡᠬᠦ ᠳ᠋ᠦ᠍᠂
— ᠸᠠᠩ ᠷᠣᠮᠠᠨ ᠢᠩᠭ᠌ᠸᠡᠷᠸᠸᠢᠴ ᠷᠶᠡᠽᠡᠨ ᠡᠴᠡ ᠴᠢᠬᠤᠯᠠ ᠮᠡᠳᠡᠭᠡ ᠲᠡᠢ ᠶᠠᠪᠤᠵᠤ ᠪᠠᠢᠨᠠ ᠭᠡᠵᠦ ᠳᠣᠣᠷᠠ ᠠ᠋ᠴᠠ ᠬᠠᠷᠢᠭᠤᠯᠪᠠ᠃
— ᠪᠤᠰᠤᠳ ᠣᠯᠠᠨ ᠬᠥᠰᠬᠡ ᠲᠡᠢ ᠬᠥᠮᠦᠰ ᠴᠢᠨᠢ ᠶᠠᠭᠤ ᠪᠢᠯᠡ?
— ᠬᠣᠲᠠᠨ ᠳ᠋ᠤ᠌ ᠣᠷᠣᠭᠤᠯᠬᠤ ᠶ᠋ᠢ ᠥᠷᠥᠰᠢᠶᠡᠨᠡ ᠤᠤ? ᠲᠡᠷᠰ ᠨᠣᠮᠲᠤ ᠲᠠᠲ᠋ᠠᠷ ᠤ᠋ᠳ ᠲᠤ᠌ ᠬᠥᠨᠥᠭᠡᠭᠳᠡᠵᠦ ᠵᠢᠭᠤᠲᠠᠨ ᠭᠠᠷᠤᠭᠠᠳ ᠲᠠᠢᠪᠤᠩ ᠭᠠᠵᠠᠷ ᠢ᠋ ᠡᠷᠢᠵᠦ ᠶᠠᠪᠤᠨᠠ᠃
—ᠮᠠᠨ ᠤ᠋ ᠳ᠋ᠤ᠌ ᠶᠠᠭᠤᠨ ᠤ᠋ ᠲᠠᠢᠪᠤᠩ ᠪᠠᠢᠬᠤ ᠪᠢᠯᠡ᠃ ᠮᠠᠭᠤ ᠬᠤᠯᠠᠭᠠᠢ ᠶ᠋ᠢᠨ ᠢᠷᠡᠬᠦ ᠶ᠋ᠢ ᠡᠳᠦᠷ ᠪᠦᠷᠢ ᠬᠦᠯᠢᠶᠡᠭᠰᠡᠭᠡᠷ ᠪᠠᠢᠨᠠ᠃ ᠸᠠᠩ ᠢ᠋ ᠲᠡᠭᠦᠨ ᠦ᠌ ᠴᠡᠷᠢᠭ ᠦ᠋ᠳ ᠦ᠋ᠨ ᠬᠠᠮᠲᠤ ᠪᠠᠷ ᠣᠷᠣᠭᠤᠯᠤᠨᠠ᠃ ᠪᠤᠰᠤᠳ ᠨᠢ ᠬᠣᠯᠠ ᠶ᠋ᠢᠨ ᠲᠣᠰᠬᠣᠨ ᠳ᠋ᠤ᠌ ᠣᠴᠢᠵᠤ ᠲᠡᠨᠳᠡ ᠠᠮᠠᠷᠵᠠᠭᠠᠭᠲᠤᠨ······
ᠬᠡᠳᠦᠨ ᠴᠢᠷᠭᠠ ᠨᠤᠭᠤᠳ ᠳᠡᠭᠡᠷᠡ ᠬᠠᠰᠬᠢᠷᠬᠤ ᠪᠠ ᠣᠷᠢᠯᠠᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠪᠠ᠃ ᠬᠡᠷᠡᠮ ᠳᠡᠭᠡᠷᠡᠬᠢ ᠴᠡᠷᠢᠭ ᠦ᠋ᠨ ᠬᠥᠮᠦᠰ ᠦ᠋ᠨ ᠲᠣᠭᠠ ᠨᠡᠮᠡᠭᠳᠡᠵᠦ ᠪᠠᠢᠪᠠ᠃ ᠨᠢᠭᠡ ᠬᠡᠰᠡᠭ ᠨᠢ ᠬᠠᠭᠠᠯᠭᠠ ᠶ᠋ᠢᠨ ᠵᠦᠭ ᠳᠣᠷᠣᠭᠰᠢ ᠪᠠᠭᠤᠪᠠ᠃ ᠬᠦᠨᠳᠦ ᠴᠠᠷᠠᠰᠤᠨ ᠮᠣᠳᠣᠨ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠵᠦ ᠬᠡᠳᠦᠨ ᠮᠣᠷᠢᠲᠠᠢ ᠬᠥᠮᠦᠰ ᠢ᠋ ᠨᠡᠪᠲᠡᠷᠡᠭᠦᠯᠦᠨ ᠣᠷᠣᠭᠤᠯᠤᠭᠠᠳ ᠳᠠᠬᠢᠨ ᠬᠠᠭᠠᠭᠳᠠᠪᠠ᠃ ᠪᠤᠰᠤᠳ ᠳᠦᠷᠪᠡᠵᠦ ᠶᠠᠪᠤᠭᠠ ᠬᠥᠮᠦᠰ ᠸᠯᠠᠳᠢᠮᠢᠷ ᠬᠣᠲᠠ ᠶ᠋ᠢᠨ ᠬᠠᠨᠠ ᠶ᠋ᠢ ᠬᠠᠷᠢᠶᠠᠵᠤ ᠸᠠᠩ ᠭᠸᠣᠷᠬᠢ ᠸᠰᠸᠸᠣᠯᠣᠳᠣᠸᠢᠴ ᠢ᠋ ᠴᠢᠩᠭᠠ ᠪᠠᠷ ᠬᠠᠷᠢᠶᠠᠵᠤ ᠠᠮᠢ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠢ᠋ ᠡᠷᠢᠬᠦ ᠪᠡᠷ ᠴᠠᠰᠢ ᠶᠠᠪᠤᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠵᠢᠩᠯᠢᠬᠤᠸᠠᠷ᠂ ᠪᠠᠶᠠᠨᠴᠡᠴᠡᠭ᠂ ᠮᠡᠷᠭᠡᠨᠭᠣᠣᠠ
ᠬᠢᠨᠠᠭᠴᠢ᠄ ᠪᠠᠶᠠᠨᠴᠡᠴᠡᠭ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠯ