ᠪᠠᠲᠤ ᠬᠠᠭᠠᠨ 5-10ᠷᠶᠠᠽᠠᠨ ᠤ᠋ ᠡᠴᠦᠰ ᠦ᠋ᠨ ᠡᠳᠦᠷ ᠦ᠋ᠳ ᠲᠦ᠍-ᠷᠶᠠᠽᠠᠨ ᠤ᠋ ᠭᠠᠵᠠᠷ ᠨᠤᠲᠤᠭ ᠰᠢᠲᠠᠵᠤ ᠪᠠᠢᠨᠠBat khaan Бат хаан-ᠷᠣᠮᠠᠨ
303ᠠᠷᠪᠠ ᠷᠶᠠᠽᠠᠨ ᠤ᠋ ᠡᠴᠦᠰ ᠦ᠋ᠨ ᠡᠳᠦᠷ ᠦ᠋ᠳ ᠲᠦ᠍
᠁ ᠷᠶᠠᠽᠠᠨ ᠤ᠋ ᠨᠤᠲᠤᠭ ᠪᠠ ᠨᠡᠢᠰᠯᠡᠯ ᠨᠢ ᠮᠥᠬᠥᠵᠦ ᠲᠡᠭᠦᠨ ᠦ᠌ ᠰᠠᠢᠨ ᠰᠠᠢᠬᠠᠨ ᠨᠢ ᠥᠭᠡᠷᠡᠴᠢᠯᠡᠭᠳᠡᠨ ᠰᠠᠢᠨ ᠢ᠋ ᠦᠵᠡᠬᠦ ᠪᠡᠨ ᠥᠩᠭᠡᠷᠡᠭᠡᠳ ᠭᠠᠭᠴᠠᠬᠠᠨ ᠦᠨᠡᠰᠦ ᠴᠢᠨᠳᠠᠷᠤᠤ ᠰᠢᠷᠣᠢ ᠤᠲᠤᠭᠠ ᠠ᠋ᠴᠠ ᠥᠭᠡᠷᠡ ᠶᠠᠭᠤᠮᠠ ᠦᠭᠡᠢ ᠪᠣᠯᠵᠠᠢ᠃
《ᠪᠠᠲᠤ ᠬᠠᠭᠠᠨ ᠤ᠋ ᠢᠷᠡᠭᠰᠡᠨ ᠲᠤᠬᠠᠢ ᠲᠣᠭᠣᠵᠢ》
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ
ᠲᠠᠲ᠋ᠠᠷ ᠤ᠋ᠳ ᠥᠷᠯᠥᠭᠡ ᠡᠴᠡ ᠡᠬᠢᠯᠡᠨ ᠷᠶᠠᠽᠠᠨ ᠤ᠋ ᠬᠡᠷᠡᠮ ᠳ᠋ᠦ᠍ ᠣᠢᠷᠠᠲᠤᠵᠤ ᠢᠷᠡᠬᠦ ᠳ᠋ᠡᠭᠡᠨ ᠱᠠᠲᠤ ᠨᠤᠭᠤᠳ ᠢ᠋ ᠠᠪᠴᠢᠷᠠᠯᠴᠠᠪᠠ᠃ ᠱᠠᠲᠤ ᠨᠤᠭᠤᠳ ᠤ᠋ᠨ ᠵᠠᠷᠢᠮ ᠨᠢ ᠬᠡᠳᠦᠨ ᠪᠣᠭᠣᠨᠢ ᠪᠠᠩᠵᠠ ᠨᠤᠭᠤᠳ ᠢ᠋ ᠬᠣᠭᠣᠷᠣᠨᠳᠣ ᠨᠢ ᠤᠶᠠᠵᠤ ᠬᠢᠭᠰᠡᠨ ᠪᠠ ᠵᠠᠷᠢᠮ ᠨᠢ ᠨᠠᠷᠠᠰᠤᠨ ᠮᠣᠳᠣ ᠶ᠋ᠢ ᠬᠠᠳᠤᠵᠤ ᠬᠥᠨᠳᠡᠯᠢ ᠪᠦᠬᠦᠢ ᠪᠡᠷ ᠬᠢᠭᠰᠡᠨ ᠪᠠ ᠵᠠᠷᠢᠮ ᠨᠢ ᠬᠣᠶᠠᠷ ᠲᠠᠯᠠ ᠳ᠋ᠠᠭᠠᠨ ᠴᠠᠪᠴᠢᠮᠠᠯ ᠭᠢᠰᠬᠢᠭᠦᠷ ᠲᠡᠢ ᠤᠷᠲᠤ ᠳ᠋ᠥ᠋ᠨᠵᠡ ᠪᠡᠷ ᠶᠠᠭᠠᠷᠠᠪᠴᠢᠯᠠᠨ ᠬᠢᠭᠰᠡᠨ ᠴᠦ᠍ ᠪᠠᠢᠵᠠᠢ᠃
ᠬᠣᠲᠠ ᠶ᠋ᠢᠨ ᠬᠡᠷᠡᠮ ᠦ᠋ᠨ ᠳᠣᠣᠷᠠ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠬᠠᠰᠬᠢᠷᠤᠯᠳᠤᠬᠤ ᠪᠠ ᠵᠠᠨᠴᠢᠭᠳᠠᠵᠤ ᠪᠣᠢ ᠣᠯᠵᠠᠯᠠᠭᠳᠠᠭᠴᠢᠳ ᠤ᠋ᠨ ᠤᠬᠢᠯᠠᠬᠤ ᠪᠣᠯᠣᠳ ᠰᠦᠬᠡ ᠪᠡᠷ ᠴᠠᠪᠴᠢᠬᠤ ᠬᠠᠩᠭᠢᠨᠠᠬᠤ ᠳᠠᠭᠤᠨ ᠰᠣᠨᠣᠰᠳᠠᠨᠠ᠃ ᠪᠠᠰᠠ ᠲᠠᠲ᠋ᠠᠷ ᠤ᠋ᠨ ᠴᠡᠷᠢᠭ ᠦ᠋ᠳ ᠬᠡᠷᠡᠮ ᠢ᠋ ᠳᠠᠭᠠᠷᠢᠨ ᠣᠷᠣᠬᠤ ᠶ᠋ᠢᠨ ᠡᠮᠦᠨᠡ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠪᠡᠶᠡ ᠶ᠋ᠢ ᠵᠣᠷᠢᠭᠵᠢᠭᠤᠯᠤᠨ ᠬᠥᠭᠵᠢᠭᠡᠬᠦ ᠪᠦᠷᠢᠶᠡ ᠪᠢᠰᠬᠢᠭᠦᠷ ᠦ᠋ᠨ ᠴᠢᠷᠠᠯᠠᠬᠤ ᠳᠠᠭᠤᠨ ᠪᠠᠰᠠ ᠰᠣᠨᠣᠰᠳᠠᠨᠠ᠃ ᠱᠠᠲᠤ ᠨᠤᠭᠤᠳ ᠢ᠋ ᠬᠣᠲᠠ ᠶ᠋ᠢᠨ ᠬᠡᠷᠡᠮ ᠦ᠋ᠨ ᠵᠦᠭ ᠪᠦᠷᠢ ᠡᠴᠡ ᠨᠢ ᠨᠢᠭᠡᠨ ᠵᠡᠷᠭᠡ ᠪᠣᠰᠬᠠᠵᠤ ᠲᠠᠯᠪᠢᠭᠰᠠᠨ ᠪᠠ ᠡᠨᠡ ᠨᠢ ᠳᠠᠭᠠᠷᠢᠭᠴᠢᠳ ᠲᠤ᠌ ᠪᠠᠭᠠ ᠵᠡᠷᠭᠡ ᠶ᠋ᠢᠨ ᠲᠤᠯᠭᠠᠭᠤᠷ ᠲᠦᠰᠢᠭ ᠪᠣᠯᠬᠤ ᠠᠵᠢ᠃ ᠣᠷᠣᠰ ᠠ᠋ᠴᠠ ᠣᠯᠵᠠᠯᠠᠭᠳᠠᠭᠰᠠᠨ ᠬᠥᠮᠦᠰ ᠬᠣᠢᠨᠠ ᠠ᠋ᠴᠠ ᠪᠠᠨ ᠵᠢᠳᠠ ᠪᠠᠷ ᠬᠠᠳᠬᠤᠭᠤᠯᠤᠭᠰᠠᠭᠠᠷ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠱᠠᠲᠤ ᠪᠠᠷ ᠥᠭᠰᠥᠵᠦ ᠭᠠᠷᠪᠠ᠃
ᠲᠡᠳᠡᠨᠡᠷ ᠤᠷᠠᠩᠬᠠᠢ ᠬᠤᠪᠴᠠᠰᠤ ᠲᠠᠢ ᠨᠢᠴᠦᠭᠦᠨ ᠰᠢᠬᠠᠮ ᠲᠤᠯᠠ ᠲᠠᠭᠠᠷᠠᠵᠤ ᠬᠦᠷᠦᠭᠰᠡᠨ ᠪᠠ ᠱᠠᠲᠤ ᠪᠠᠷ ᠳᠠᠮᠵᠢᠨ ᠠᠷᠠᠢ ᠭᠡᠵᠦ ᠳᠡᠭᠡᠭᠰᠢ ᠠᠪᠠᠷᠢᠵᠤ ᠶᠠᠪᠤᠬᠤ ᠵᠠᠭᠤᠷᠠ ᠷᠶᠠᠽᠠᠨ ᠢ᠋ ᠬᠠᠮᠠᠭᠠᠯᠠᠭᠴᠢᠳ ᠢ᠋ ᠭᠤᠶᠤᠨ ᠬᠠᠰᠬᠢᠷᠬᠤ ᠨᠢ᠂
— ᠪᠢᠳᠡ ᠨᠠᠷ ᠢ᠋ ᠪᠢᠲᠡᠭᠡᠢ ᠠᠯᠠᠭᠲᠤᠨ ᠭᠡᠨᠡ᠃
— ᠠᠬᠠ ᠳᠡᠭᠦᠦ ᠨᠠᠷ ᠠ᠋᠂ ᠪᠢᠳᠡ ᠨᠠᠷ ᠢ᠋ ᠥᠷᠥᠰᠢᠶᠡᠭᠲᠦᠨ᠂ ᠪᠢᠳᠡᠨ ᠢ᠋ ᠪᠡᠬᠢᠯᠡᠯᠲᠡ ᠶ᠋ᠢᠨ ᠴᠠᠭᠠᠨᠠ ᠭᠠᠷᠭᠠᠭᠤᠯᠤᠭᠲᠤᠨ᠃ ᠡᠷᠭᠢᠵᠦ ᠲᠠᠨᠠᠷ ᠤ᠋ᠨ ᠬᠠᠮᠲᠤ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠪᠠᠢᠯᠳᠤᠨᠠ᠃ ᠪᠢᠳᠡ ᠥᠪᠡᠷ ᠦ᠋ᠨ ᠳᠤᠷᠠ ᠵᠣᠷᠢᠭ ᠢ᠋ᠶ᠋ᠠᠷ ᠶᠠᠪᠤᠭᠠ ᠪᠤᠰᠤ᠂ ᠪᠢᠳᠡᠨ ᠢ᠋ ᠬᠣᠢᠨᠠ ᠠ᠋ᠴᠠ ᠮᠢᠨᠢ ᠴᠠᠪᠴᠢᠵᠤ ᠪᠠᠢᠨᠠ᠃
— ᠡᠷᠭᠢᠵᠦ ᠪᠤᠴᠠᠵᠠᠭᠠᠭᠲᠤᠨ! ᠬᠤᠯᠴᠢᠭᠠᠷ ᠤ᠋ᠳ᠂ ᠲᠠᠤᠯᠠᠢ ᠶ᠋ᠢᠨ ᠰᠡᠭᠦᠯ ᠦ᠋ᠳ᠂ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠰᠡᠯᠡᠮᠡ ᠶ᠋ᠢ ᠪᠤᠯᠢᠶᠠᠵᠤ ᠠᠪᠤᠭᠲᠤᠨ᠃ ᠲᠡᠳᠡᠭᠡᠷ ᠢ᠋ ᠴᠠᠪᠴᠢᠯᠠᠭᠲᠤᠨ᠃ ᠱᠠᠲᠤ ᠨᠤᠭᠤᠳ ᠢ᠋ ᠡᠪᠳᠡᠯᠡᠭᠲᠦᠨ ᠭᠡᠵᠦ ᠳᠡᠭᠡᠷᠡ ᠡᠴᠡ ᠨᠢ ᠬᠠᠷᠢᠭᠤᠯᠤᠨᠠ᠃ ᠣᠯᠵᠠᠯᠠᠭᠳᠠᠭᠴᠢᠳ ᠤ᠋ᠨ ᠵᠠᠷᠢᠮ ᠨᠢᠭᠡ ᠨᠢ ᠥᠪᠡᠷ ᠦ᠋ᠨ ᠠᠬᠠ ᠳᠡᠭᠦᠦ ᠷᠶᠠᠽᠠᠨᠴᠤᠳ ᠲᠠᠢ ᠪᠠᠢᠯᠳᠤᠬᠤ ᠶ᠋ᠢ ᠲᠡᠰᠪᠦᠷᠢᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠤᠴᠢᠷ ᠱᠠᠲᠤ ᠶ᠋ᠢᠨ ᠳᠤᠮᠳᠠ ᠬᠦᠷᠴᠦ ᠢᠷᠡᠮᠡᠭᠴᠡ ᠳᠣᠷᠣᠭᠰᠢ ᠪᠠᠨ ᠦᠰᠦᠷᠦᠨ ᠤᠨᠠᠵᠤ ᠮᠥᠰᠥᠨ ᠬᠠᠨᠠ ᠶ᠋ᠢ ᠤᠷᠤᠭᠤᠳᠠᠵᠤ ᠭᠤᠯᠭᠤᠨᠠ᠃ ᠳᠣᠣᠷᠠ ᠬᠦᠷᠴᠦ ᠢᠷᠡᠭᠡᠳ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠪᠠᠷᠢᠯᠴᠠᠵᠤ ᠠᠪᠬᠤ ᠪᠣᠯᠪᠠᠴᠤ ᠲᠠᠰᠤ ᠴᠠᠪᠴᠢᠭᠤᠯᠵᠤ ᠤᠨᠠᠵᠠᠭᠠᠨᠠ᠃
ᠰᠠᠸᠸᠯᠢ ᠤᠷᠲᠤ ᠡᠰᠢᠲᠡᠢ ᠰᠦᠬᠡ ᠪᠡᠷ ᠵᠡᠪᠰᠡᠭᠯᠡᠵᠦ ᠱᠠᠲᠤ ᠪᠠᠷ ᠳᠡᠭᠡᠭᠰᠢ ᠭᠠᠷᠴᠤ ᠢᠷᠡᠬᠦ ᠬᠡᠨ ᠢ᠋ ᠴᠦ᠍ ᠴᠠᠪᠴᠢᠵᠤ ᠠᠯᠠᠬᠤ ᠳ᠋ᠤ᠌ ᠪᠡᠯᠡᠳᠬᠡᠨ ᠬᠡᠷᠡᠮ ᠳᠡᠭᠡᠷᠡ ᠵᠣᠭᠰᠣᠨᠠ᠃ ᠭᠤᠷᠪᠠᠨ ᠱᠠᠲᠤᠨ ᠤ᠋ ᠦᠵᠦᠭᠦᠷ ᠳᠡᠭᠡᠷᠡ ᠵᠡᠷᠭᠡᠯᠡᠨ ᠬᠦᠷᠴᠦ ᠢᠷᠡᠭᠡᠳ ᠲᠡᠭᠦᠨ ᠢ᠋ᠶ᠋ᠡᠷ ᠣᠯᠠᠨ ᠬᠥᠮᠦᠰ ᠳᠠᠮᠵᠢᠨ ᠬᠣᠢᠨᠠ ᠬᠣᠢᠨᠠ ᠠ᠋ᠴᠠ ᠪᠠᠨ ᠲᠦᠷᠭᠡᠨ ᠢ᠋ᠶ᠋ᠡᠷ ᠳᠡᠭᠡᠭᠰᠢ ᠠᠪᠠᠷᠢᠵᠠᠭᠠᠨᠠ᠃ ᠲᠡᠳᠡᠨᠡᠷ ᠶᠠᠮᠠᠷ ᠬᠥᠮᠦᠰ ᠪᠣᠢ? ᠣᠷᠣᠰ ᠤ᠋ᠳ ᠤᠤ? ᠡᠰᠡᠪᠡᠯ ᠲᠠᠲ᠋ᠠᠷ ᠤ᠋ᠳ ᠤᠤ? ᠲᠡᠳᠡᠨᠡᠷ ᠪᠠᠷᠤᠭ ᠨᠢᠴᠦᠭᠦᠨ ᠪᠠ ᠤᠷᠠᠩᠬᠠᠢ ᠰᠠᠷᠮᠠᠢ ᠬᠤᠪᠴᠠᠰᠤ ᠲᠠᠢ᠂ ᠭᠠᠷ ᠲᠠᠭᠠᠨ ᠪᠣᠷᠣᠣᠬᠠᠢ ᠨᠤᠭᠤᠳ ᠢ᠋ ᠪᠠᠷᠢᠵᠤ ᠭᠠᠰᠠᠯᠠᠩ ᠤ᠋ᠨ ᠶᠡᠬᠡ ᠳ᠋ᠦ᠍ ᠠᠪᠲᠠᠭᠳᠠᠨ ᠶᠠᠭᠤ ᠪᠠᠨ ᠴᠤ᠌ ᠮᠡᠳᠡᠬᠦ ᠦᠭᠡᠢ ᠬᠠᠰᠬᠢᠷᠤᠨ ᠳᠡᠭᠡᠭᠰᠢ ᠭᠠᠷᠴᠠᠭᠠᠨᠠ᠃
ᠰᠠᠸᠸᠯᠢ᠄
— ᠮᠠᠨ ᠤ᠋ ᠬᠢ ᠤᠤ? ᠪᠢᠰᠢ ᠤᠤ?ᠵᠠᠯᠮᠠᠭᠠᠢᠯᠠᠨ ᠮᠥᠷᠭᠥ ᠭᠡᠵᠦ ᠬᠠᠰᠬᠢᠷᠬᠤ ᠳ᠋ᠤ᠌ ᠲᠦᠷᠦᠭᠦᠨ ᠦ᠌ ᠬᠥᠮᠦᠰ ᠨᠢ ᠬᠠᠷᠢᠭᠤ ᠥᠭᠭᠦᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠵᠡᠷᠯᠢᠭ ᠳᠠᠭᠤᠨ ᠢ᠋ᠶ᠋ᠠᠷ ᠣᠷᠢᠯᠠᠵᠤ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠡᠨ ᠰᠢᠳᠡᠮ ᠪᠠᠷᠢᠵᠤ ᠰᠠᠸᠸᠯᠢ ᠶ᠋ᠢ ᠴᠣᠬᠢᠬᠤ ᠭᠡᠲᠡᠯᠡ ᠰᠢᠳᠠᠮ ᠢ᠋ᠶ᠋ᠠᠨ ᠠᠯᠳᠠᠵᠤ ᠳᠣᠷᠣᠭᠰᠢ ᠥᠩᠬᠥᠷᠢᠨ ᠤᠨᠠᠪᠠ᠃
ᠳᠠᠷᠠᠭᠠᠬᠢ ᠬᠥᠮᠦᠨ ᠦ᠌ ᠬᠠᠰᠬᠢᠷᠬᠤ ᠨᠢ᠄
— ᠳ᠋ᠢᠺᠤᠷᠤᠰ ᠬᠠᠳᠠᠮ ᠢ᠋ᠶ᠋ᠠᠨ( ᠳ᠋ᠤ᠌ ᠪᠠᠨ) ᠪᠢᠲᠡᠭᠡᠢ ᠭᠠᠷ ᠬᠥᠷ᠂ ᠪᠢ ᠸᠠᠥ᠋ᠯ ᠪᠠᠢᠨᠠ᠃ ᠮᠢᠨᠦ ᠬᠣᠢᠨᠠ ᠼᠪᠶᠠᠭᠠ᠁ ᠭᠡᠪᠡ᠃
ᠰᠡᠸᠸᠯᠢ ᠶ᠋ᠢᠨ ᠰᠦᠬᠡ ᠨᠢ ᠬᠡᠢ ᠳ᠋ᠦ᠍ ᠲᠣᠭᠲᠠᠪᠠ᠃ ᠡᠳᠡᠨᠠᠷ ᠴᠠᠷᠠᠰᠤᠨ ᠮᠣᠳᠣᠨ ᠬᠠᠨᠠ ᠶ᠋ᠢᠨ ᠳᠡᠭᠡᠭᠦᠷ ᠪᠣᠯᠬᠢ ᠪᠠᠷ ᠳᠠᠪᠠᠵᠤ ᠣᠷᠣᠪᠠ᠃ ᠬᠣᠢᠨᠠ ᠠ᠋ᠴᠠ ᠨᠢ ᠭᠢᠯᠪᠠᠯᠵᠠᠭᠰᠠᠨ ᠲᠠᠬᠢᠷ ᠰᠡᠯᠡᠮᠡ ᠲᠡᠢ ᠨᠢᠭᠡᠨ ᠵᠠᠯᠠᠭᠤ ᠲᠠᠲ᠋ᠠᠷ ᠲᠦᠷᠭᠡᠨ ᠢ᠋ᠶ᠋ᠡᠷ ᠠᠪᠠᠷᠢᠵᠤ ᠶᠠᠪᠤᠭᠠᠳ ᠲᠣᠯᠣᠭᠠᠢ ᠪᠠᠨ ᠬᠠᠭᠠ ᠴᠠᠪᠴᠢᠭᠤᠯᠵᠤ ᠳᠣᠷᠣᠭᠰᠢ ᠨᠢᠰᠦᠨ ᠣᠳᠪᠠ᠃ ᠰᠡᠸᠸᠯᠢ ᠨᠢ (ᠶ᠋ᠢᠨ) ᠲᠣᠭᠰᠢᠨ ᠬᠦᠴᠦᠲᠡᠢ ᠴᠠᠪᠴᠢᠬᠤ ᠨᠢ ᠣᠢ ᠬᠥᠪᠴᠢ ᠶ᠋ᠢᠨ ᠬᠡᠳᠦᠨ ᠵᠠᠭᠤᠨ ᠨᠠᠰᠤᠲᠠᠢ ᠬᠣᠰᠢ ᠨᠤᠭᠤᠳ ᠢ᠋ ᠴᠠᠪᠴᠢᠵᠤ ᠳᠠᠳᠤᠭᠰᠠᠨ ᠪᠠᠷᠳᠠᠮ ᠨᠠᠢᠳᠠᠪᠤᠷᠢ ᠢᠯᠡᠷᠬᠡᠢ ᠠᠵᠢ᠃ ᠼᠪᠶᠠᠭᠠ ᠸᠠᠥ᠋ᠯ ᠬᠣᠶᠠᠷ ᠰᠡᠸᠸᠯᠢ ᠶ᠋ᠢᠨ ᠳᠡᠷᠭᠡᠳᠡ ᠵᠣᠭᠰᠣᠭᠠᠳ ᠱᠠᠲᠤ ᠶ᠋ᠢ ᠥᠭᠰᠥᠵᠦ ᠢᠷᠡᠬᠦ ᠬᠥᠮᠦᠨ ᠪᠦᠷᠢ ᠶ᠋ᠢ ᠰᠢᠷᠭᠤᠭᠠ ᠶ᠋ᠢᠨ ᠦᠵᠦᠭᠦᠷ ᠢ᠋ᠶ᠋ᠡᠷ ᠲᠦᠯᠬᠢᠵᠦ ᠤᠨᠠᠭᠠᠨᠠ᠃ ᠲᠡᠳᠡᠭᠡᠷ ᠦ᠋ᠨ ᠳᠡᠷᠭᠡᠳᠡᠬᠢ ᠷᠶᠡᠽᠡᠨ ᠦ᠌ ᠪᠤᠰᠤᠳ ᠴᠡᠷᠢᠭ ᠦ᠋ᠳ ᠡᠷᠡᠯᠬᠡᠭ ᠢ᠋ᠶ᠋ᠡᠷ ᠪᠠᠢᠯᠳᠤᠵᠤ ᠳᠣᠪᠲᠣᠯᠭᠠ ᠶ᠋ᠢ ᠨᠢᠴᠤᠭᠠᠨᠠ᠃
ᠡᠮᠡᠭᠲᠡᠢᠴᠦᠳ ᠲᠡᠳᠡᠨ ᠳ᠋ᠦ᠍ ᠲᠤᠰᠠᠯᠠᠵᠤ ᠳᠣᠪᠲᠣᠯᠤᠭᠴᠢᠳ ᠤ᠋ᠨ ᠳᠡᠭᠡᠷᠡ ᠡᠴᠡ ᠨᠢ ᠪᠤᠴᠠᠯᠤᠮᠠᠭᠠᠢ ᠬᠠᠯᠠᠭᠤᠨ ᠤᠰᠤ ᠶ᠋ᠢ ᠬᠤᠪᠢᠩ ᠬᠤᠪᠢᠩ ᠢ᠋ᠶ᠋ᠠᠷ ᠠᠰᠬᠠᠵᠤ ᠱᠠᠲᠤ ᠪᠠᠷ ᠳᠡᠭᠡᠭᠰᠢ ᠭᠠᠷᠬᠤ ᠶ᠋ᠢ ᠡᠷᠡᠮᠡᠯᠵᠡᠭᠴᠢ ᠬᠥᠮᠦᠨ ᠪᠦᠭᠦᠳᠡ ᠶ᠋ᠢᠨ ᠳᠡᠭᠡᠷᠡ ᠡᠴᠡ ᠴᠢᠯᠠᠭᠤ ᠪᠠ ᠪᠥᠭᠡᠮ ᠪᠥᠭᠡᠮ ᠮᠥᠰᠥ ᠨᠤᠭᠦᠳ ᠢ᠋ ᠬᠠᠶᠠᠨᠠ᠃ ᠦᠳᠡ ᠶ᠋ᠢᠨ ᠦᠶᠡ ᠳ᠋ᠦ᠍ ᠳᠣᠪᠲᠣᠯᠭᠠᠨ ᠢ᠋ ᠨᠢᠴᠤᠭᠠᠪᠠ᠃ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠬᠥᠳᠡᠯᠭᠡᠭᠡᠨ ᠨᠠᠮᠳᠠᠵᠤ ᠪᠤᠴᠠᠴᠠᠭᠠᠪᠠ᠃
ᠳᠣᠣᠷᠠ ᠬᠠᠨᠠ ᠶ᠋ᠢᠨ ᠢᠷᠣᠭᠠᠷ ᠲᠤ᠌ ᠰᠢᠷᠬᠠᠲᠤᠭᠰᠠᠨ ᠬᠥᠮᠦᠰ ᠭᠠᠰᠠᠯᠤᠨ ᠪᠠᠷᠬᠢᠷᠠᠯᠳᠤᠵᠤ ᠡᠰᠢ ᠳᠠᠰᠢ ᠪᠠᠨ ᠮᠥᠯᠬᠥᠵᠦ ᠬᠥᠳᠡᠯᠵᠡᠭᠡᠨᠡ᠃ ᠲᠠᠲ᠋ᠠᠷ ᠤ᠋ᠳ ᠲᠡᠳᠡᠭᠡᠷ ᠦ᠋ᠨ ᠳᠤᠮᠳᠠᠭᠤᠷ ᠶᠠᠪᠤᠵᠤ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠥᠮᠦᠰ ᠢ᠋ ᠠᠷᠠᠴᠢᠯᠠᠨ ᠠᠪᠬᠤ ᠪᠠ ᠣᠷᠣᠰ ᠤ᠋ᠳ ᠢ᠋ ᠭᠦᠢᠴᠡᠭᠡᠨ ᠠᠯᠠᠨᠠ᠃ ᠳᠣᠪᠲᠣᠯᠭᠠ ᠲᠠᠪᠤ ᠬᠣᠨᠣᠭ ᠤ᠋ᠨ ᠲᠤᠷᠰᠢ ᠡᠳᠦᠷ ᠰᠥᠨᠢ ᠦᠭᠡᠢ ᠦᠷᠭᠦᠯᠵᠢᠯᠡᠨᠡ᠃
ᠷᠶᠡᠽᠡᠨ ᠦ᠌ ᠬᠥᠮᠦᠰ ᠥᠪᠡᠷᠰᠡᠳ ᠦ᠋ᠨ ᠪᠠᠢᠷᠢᠨᠠ ᠲᠡᠰᠪᠦᠷᠢᠲᠡᠢ ᠪᠡᠷ ᠵᠣᠭᠰᠣᠵᠤ ᠪᠠᠢᠯᠳᠤᠭᠰᠠᠨ ᠪᠣᠯᠪᠠᠴᠤ ᠲᠡᠳᠡᠨ ᠦ᠌ ᠵᠢᠭᠰᠠᠭᠠᠯ ᠠ᠋ᠴᠠ ᠨᠢ ᠴᠥᠭᠡᠷᠡᠵᠦ ᠢᠷᠡᠭᠰᠡᠨ ᠪᠤᠶᠤ ᠠᠯᠠᠭᠳᠠᠭᠴᠢᠳ ᠤ᠋ᠨ ᠣᠷᠣᠨ ᠢ᠋ ᠨᠥᠬᠥᠬᠦ ᠬᠥᠮᠦᠰ ᠦᠭᠡᠢ ᠪᠠᠢᠵᠠᠢ᠃ ᠰᠤᠮᠤᠨ ᠳ᠋ᠤ᠌ ᠦᠬᠦᠭᠰᠡᠨ ᠪᠤᠶᠤ ᠡᠰᠡᠪᠡᠯ ᠲᠣᠮᠣ ᠴᠢᠯᠠᠭᠤᠨ ᠳ᠋ᠤ᠌ ᠨᠢᠴᠠᠯᠠᠭᠳᠠᠨ ᠦᠬᠦᠭᠰᠡᠨ ᠡᠷᠡᠭᠲᠡᠢᠴᠦᠳ ᠦ᠋ᠨ ᠣᠷᠣᠨ ᠳ᠋ᠤ᠌ ᠡᠮᠡᠭᠲᠡᠢᠴᠦᠳ ᠢ᠋ ᠨᠥᠬᠥᠵᠦ ᠪᠠᠢᠪᠠ᠃
ᠲᠠᠲ᠋ᠠᠷ ᠤ᠋ᠳ ᠰᠢᠨᠡ ᠪᠥᠭᠡᠳ ᠬᠦᠴᠦᠨ ᠢ᠋ᠶ᠋ᠡᠨ ᠪᠠᠷᠠᠭᠳᠠᠭᠤᠯᠤᠭᠠ ᠦᠭᠡᠢ ᠣᠲ᠋ᠷᠢᠶᠠᠳ᠋ ᠤ᠋ᠳ ᠢ᠋ ᠳᠣᠪᠲᠣᠯᠭᠠᠨ ᠳ᠋ᠤ᠌ ᠳᠠᠬᠢᠨ ᠳᠠᠬᠢᠨ ᠶᠠᠪᠤᠭᠤᠯᠤᠭᠰᠠᠭᠠᠷ ᠪᠠᠢᠯᠠ᠃ ᠲᠡᠳᠡᠭᠡᠷ ᠦ᠋ᠨ ᠬᠡᠨ ᠨᠢ ᠤᠷᠢᠳᠠᠪᠡᠷ ᠣᠷᠣᠪᠠᠯ ᠶᠠᠭᠤ ᠬᠦᠰᠡᠭᠰᠡᠨ ᠢ᠋ᠶ᠋ᠡᠨ ᠳᠡᠭᠡᠷᠡᠮᠳᠡᠬᠦ ᠤᠴᠢᠷ ᠣᠯᠵᠠᠨ ᠳ᠋ᠤ᠌ ᠲᠦᠷᠭᠡᠨ ᠬᠦᠷᠬᠦ ᠶ᠋ᠢᠨ ᠲᠤᠯᠠᠳᠠ ᠪᠤᠴᠠᠯᠲᠠ ᠨᠢᠴᠤᠯᠲᠠ ᠦᠭᠡᠢ ᠪᠡᠷ ᠳᠠᠪᠰᠢᠵᠤ ᠪᠠᠢᠪᠠ᠃
ᠰᠠᠸᠸᠯᠢ᠂ ᠼᠪᠶᠠᠭᠠ ᠪᠠ ᠸᠠᠥ᠋ᠯ ᠨᠠᠷ ᠡᠭᠡᠯᠵᠢᠯᠡᠨ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠲᠤᠰᠠᠯᠠᠯᠴᠠᠵᠤ ᠪᠠᠢᠪᠠ᠃ ᠳᠣᠪᠲᠣᠯᠭᠠᠨ ᠲᠦᠷ ᠵᠠᠭᠤᠷᠠ ᠨᠠᠮᠵᠢᠬᠤ ᠳ᠋ᠤᠨᠢ ᠲᠡᠳᠡ ᠨᠠᠷ ᠲᠡᠷᠡ ᠳᠣᠣᠷᠠ ᠪᠠᠨ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠬᠡᠪᠲᠡᠵᠡᠭᠡᠵᠦ ᠲᠣᠯᠣᠭᠠᠢ ᠳᠣᠣᠷᠠ ᠪᠠᠨ ᠭᠠᠷ ᠢ᠋ᠶ᠋ᠠᠨ ᠬᠢᠵᠦ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠵᠡᠭᠦᠷᠮᠡᠭᠯᠡᠨᠡ᠃ ᠴᠢᠳᠥᠷ ᠣᠨᠢᠰᠣᠨ ᠤ᠋ ᠳᠠᠷᠠᠭᠠ ᠪᠠᠷ ᠬᠠᠭᠠᠯᠭᠠ ᠶ᠋ᠢᠨ ᠳᠡᠷᠭᠡᠳᠡ ᠬᠣᠶᠠᠷ ᠳ᠋ᠥ᠋ᠨᠵᠡᠨ ᠴᠢᠪᠬᠠ ᠠᠪᠴᠢᠷᠠᠪᠠ᠃ ᠡᠳᠡᠭᠡᠷ ᠨᠢ ᠪᠠᠲᠤ ᠪᠡᠬᠢ ᠰᠠᠭᠤᠷᠢᠨ ᠳ᠋ᠤ᠌ ᠰᠠᠭᠤᠯᠭᠠᠭᠰᠠᠨ ᠲᠡᠮᠦᠷ ᠦᠵᠦᠭᠦᠷᠲᠡᠢ ᠳ᠋ᠥ᠋ᠨᠵᠡ ᠨᠤᠭᠦᠳ ᠪᠠᠢᠯᠠ᠃ ᠡᠨᠡ ᠳ᠋ᠦᠨᠵᠡᠨ ᠴᠢᠪᠬᠠᠨ ᠤ᠋ ᠳᠡᠷᠭᠡᠳᠡ ᠮᠣᠩᠭᠣᠯᠴᠤᠳ ᠪᠠ ᠣᠯᠵᠠᠯᠠᠭᠳᠠᠭᠴᠢᠳ ᠠᠵᠢᠯᠯᠠᠨᠠ᠃ ᠡᠳᠡᠨᠡᠷ ᠠᠷᠠᠰᠤᠨ ᠪᠠᠮᠪᠠᠢ ᠨᠤᠭᠤᠳ ᠤ᠋ᠨ ᠴᠠᠭᠠᠨᠠ ᠨᠢᠭᠤᠭᠳᠠᠵᠤ ᠲᠡᠷᠡ ᠳ᠋ᠥ᠋ᠨᠵᠡ ᠶ᠋ᠢ ᠣᠷᠣᠭᠰᠢ ᠬᠣᠢᠰᠢ ᠰᠠᠪᠠᠯᠠᠨ ᠠᠶᠤᠮᠰᠢᠭᠲᠠᠢ ᠶᠡᠬᠡ ᠬᠦᠴᠦ ᠪᠡᠷ ᠬᠣᠲᠠ ᠶ᠋ᠢᠨ ᠬᠠᠭᠠᠯᠭᠠ ᠶ᠋ᠢ ᠴᠣᠬᠢᠯᠠᠨᠠ᠃ ᠬᠠᠭᠠᠯᠭᠠᠨ ᠤ᠋ ᠴᠠᠷᠠᠰᠤᠨ ᠮᠣᠳᠣᠨ ᠪᠠᠩᠵᠠ ᠨᠢ ᠬᠠᠭᠠᠷᠠᠵᠤ ᠵᠢᠵᠢᠭ ᠵᠣᠮᠭᠣᠯ ᠤ᠋ᠳ ᠪᠣᠯᠵᠤ ᠪᠤᠲᠠᠷᠠᠨᠠ᠃ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠡᠴᠡ ᠬᠠᠯᠠᠭᠤᠨ ᠤᠰᠤ ᠬᠠᠯᠠᠭᠤᠨ ᠳᠠᠪᠠᠷᠬᠠᠢ ᠠᠰᠬᠠᠨᠠ᠃ ᠰᠤᠮᠤ ᠪᠠᠷ ᠬᠠᠷᠪᠤᠨᠠ᠃ ᠴᠢᠯᠠᠭᠤ ᠰᠢᠳᠡᠨᠡ᠃ ᠳ᠋ᠥ᠋ᠨᠵᠡᠨ ᠴᠢᠪᠬᠠ ᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠣᠬᠢᠭᠰᠠᠭᠠᠷ ᠪᠠᠢᠭᠠᠳ ᠡᠴᠦᠰ ᠲᠤᠨᠢ ᠬᠠᠭᠠᠯᠭᠠ ᠶ᠋ᠢ ᠬᠠᠭᠠ ᠴᠣᠬᠢᠪᠠ᠃
ᠲᠠᠲ᠋ᠠᠷ ᠤ᠋ᠳ ᠪᠠᠶᠠᠷᠯᠠᠨ ᠬᠠᠰᠬᠢᠷᠴᠠᠭᠠᠵᠤ ᠬᠠᠭᠠᠯᠭᠠ ᠪᠠᠷ ᠭᠦᠶᠦᠯᠳᠦᠨ ᠣᠷᠣᠪᠠᠴᠤ ᠲᠡᠭᠦᠨ ᠦ᠌ ᠴᠠᠭᠠᠨᠠ ᠬᠠᠭᠠᠯᠭᠠ ᠶ᠋ᠢ ᠶᠠᠪ ᠴᠠᠪ ᠪᠣᠭᠣᠵᠤ ᠬᠠᠭᠠᠭᠰᠠᠨ ᠵᠤᠵᠠᠭᠠᠨ ᠬᠠᠨᠠ ᠲᠠᠢ ᠲᠤᠯᠭᠠᠷᠠᠪᠠ᠃ ᠲᠡᠭᠦᠨ ᠢ᠋ ᠳᠣᠪᠲᠣᠯᠭᠠᠨ ᠤ᠋ ᠡᠳᠦᠷ ᠦ᠋ᠳ ᠲᠦ᠍ ᠷᠶᠠᠽᠠᠨ ᠤ᠋ ᠡᠮᠡᠭᠲᠡᠢᠴᠦᠳ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠪᠤᠰᠬᠠᠵᠤ ᠪᠠᠷᠢᠭᠰᠠᠨ ᠠᠵᠢ᠃
ᠲᠠᠲ᠋ᠠᠷ ᠤ᠋ᠳ ᠳᠠᠪᠰᠢᠯᠲᠠ ᠶ᠋ᠢ ᠶᠡᠷᠦ ᠵᠣᠭᠰᠣᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠱᠠᠲᠤ ᠨᠤᠭᠤᠳ ᠨᠡᠮᠡᠵᠦ ᠠᠪᠴᠢᠷᠠᠭᠠᠳ ᠷᠶᠠᠽᠠᠨ ᠤ᠋ ᠬᠢᠨ ᠦ᠌ ᠬᠠᠲᠠᠭᠤᠵᠢᠯ ᠢ᠋ ᠳᠠᠪᠠᠬᠤ ᠶ᠋ᠢ ᠤᠷᠤᠯᠳᠤᠭᠴᠢ ᠳᠣᠭᠰᠢᠨ ᠴᠡᠷᠢᠭ ᠦ᠋ᠳ ᠢ᠋ᠶ᠋ᠡᠨ ᠳᠠᠬᠢᠨ ᠶᠠᠪᠤᠭᠤᠯᠤᠨᠠ᠃ ᠬᠣᠲᠠ ᠶ᠋ᠢ ᠬᠠᠮᠠᠭᠠᠯᠠᠭᠴᠢᠳ ᠨᠢ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠦᠴᠦ ᠶ᠋ᠢ ( ᠶ᠋ᠢᠨ) ᠰᠤᠯᠠᠷᠠᠵᠤ ᠪᠠᠢᠭᠠ ᠶ᠋ᠢ ᠦᠵᠡᠵᠦ ᠡᠳᠡᠨ ᠦ᠌ ᠡᠴᠦᠰ ᠨᠢ ᠣᠢᠷᠠᠲᠤᠭᠰᠠᠨ ᠢ᠋ ᠮᠡᠳᠡᠭᠰᠡᠭᠡᠷ ᠪᠠᠢᠯᠠ᠃
ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠤ᠋ ᠡᠳᠦᠷ ᠷᠶᠠᠽᠠᠨ ᠤ᠋ ᠸᠠᠩ ᠤ᠋ᠨ ᠪᠡᠯᠪᠡᠰᠦᠨ ᠡᠬᠡᠨᠡᠷ ᠠᠭᠷᠢᠫᠫᠢᠨᠠ ᠵᠠᠯᠠᠭᠤ ᠠᠪᠠᠭᠠᠢ ᠨᠤᠭᠤᠳ ᠪᠠ ᠣᠢᠷᠠ ᠶ᠋ᠢᠨ ᠰᠢᠳᠠᠷ ᠢᠵᠠᠭᠤᠷᠲᠠᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠬᠠᠮᠲᠤ ᠰᠦᠮᠡ ᠶ᠋ᠢᠨ ᠳᠣᠲᠣᠷᠠ ᠴᠤᠭᠯᠠᠷᠠᠭᠠᠳ ᠵᠠᠢᠯᠠᠰᠢ ᠦᠭᠡᠢ ᠦᠬᠦᠯ ᠢ᠋ᠶ᠋ᠡᠨ ᠡᠨᠳᠡ ᠬᠦᠯᠢᠶᠡᠬᠦ ᠪᠡᠷ ᠰᠢᠢᠳᠪᠦᠷᠢᠯᠡᠪᠡ᠃ ᠲᠡᠳᠡᠨ ᠢ᠋ ᠷᠶᠠᠽᠠᠨ ᠤ᠋ ᠣᠯᠠᠨ ᠡᠮᠡᠭᠲᠡᠢᠴᠦᠳ ᠲᠣᠭᠣᠷᠢᠵᠤ ᠪᠠᠢᠪᠠ᠃ ᠬᠠᠮᠪᠤ ᠨᠠᠷ ᠪᠤᠰᠤᠳ ᠯᠠᠮᠠ ᠨᠠᠷ ᠨᠣᠮ ᠤᠩᠰᠢᠵᠤ ᠵᠣᠪᠠᠯᠠᠩᠲᠤ ᠦᠬᠦᠯ ᠢ᠋ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠬᠦᠯᠢᠶᠡᠨ ᠠᠪᠤᠭᠴᠢ ᠬᠥᠮᠦᠨ ᠪᠦᠬᠦᠨ ᠳ᠋ᠦ᠍ ᠳ᠋ᠧᠪᠠᠵᠠᠨ ᠳ᠋ᠤ᠌ ᠮᠡᠨᠳᠦᠯᠡᠵᠦ ᠵᠢᠷᠭᠠᠬᠤ ᠶ᠋ᠢ ᠠᠮᠠᠯᠠᠨ ᠢᠳᠬᠠᠪᠠ᠃ ᠰᠣᠬᠣᠷ ᠬᠣᠩᠬᠠᠴᠢ ᠠᠶᠤᠯ ᠤ᠋ᠨ ᠳᠣᠬᠢᠶᠠᠨ ᠤ᠋ ᠶᠡᠬᠡ ᠬᠤᠩᠬᠠ ᠶ᠋ᠢ ᠴᠤᠴᠠᠯᠲᠠ ᠦᠭᠡᠢ ᠦᠷᠭᠦᠯᠵᠢᠯᠡᠨ ᠴᠣᠬᠢᠭᠰᠠᠭᠠᠷ ᠪᠠᠢᠪᠠ᠃ ᠬᠣᠩᠬᠠᠨ ᠤ᠋ ᠳᠠᠭᠤ ᠨᠢ᠂
—ᠲᠡᠮᠡᠴᠡᠯ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠢᠨᠠ᠂ ᠬᠡᠨ ᠴᠦ᠍ ᠪᠠᠭᠤᠵᠤ ᠥᠭᠭᠦᠭᠡ ᠦᠭᠡᠢ᠂ ᠣᠷᠣᠰ ᠬᠥᠮᠦᠰ ᠲᠥᠷᠥᠭᠰᠡᠨ ᠨᠤᠲᠤᠭ᠂ ᠡᠴᠢᠭᠡ ᠡᠪᠦᠭᠡᠳ ᠦ᠋ᠨ ᠢ᠋ᠶ᠋ᠡᠨ ᠭᠠᠵᠠᠷ ᠰᠢᠷᠣᠢ ᠶ᠋ᠢᠨ ᠲᠥᠯᠥᠭᠡ ᠶᠠᠰᠤ ᠪᠣᠯᠵᠤ ᠤᠨᠠᠲᠠᠯᠠ ᠪᠠᠨ ᠵᠣᠭᠰᠣᠨᠠ ᠭᠡᠵᠦ ᠬᠡᠯᠡᠬᠦ ᠰᠢᠭ᠌ ᠪᠠᠢᠯᠠ᠃
ᠪᠦᠰᠡᠯᠡᠯᠲᠡ ᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠡᠳᠦᠷ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠨᠢᠭᠡᠨ ᠳ᠋ᠦ᠍ ᠲᠠᠲ᠋ᠠᠷ ᠤ᠋ᠳ ᠳᠦᠷᠡᠯᠵᠡᠭᠰᠡᠨ ᠭᠠᠯ ᠢ᠋ ᠪᠠᠷᠢᠵᠤ ᠭᠡᠭᠡ ᠭᠠᠷᠭᠠᠨ ᠱᠠᠲᠤ ᠤ᠋ᠳ ᠢ᠋ᠶ᠋ᠠᠷ ᠳᠠᠬᠢᠨ ᠳᠡᠭᠡᠭᠰᠢ ᠭᠠᠷᠴᠤ ᠡᠬᠢᠯᠡᠪᠡ᠃ ᠲᠠᠲ᠋ᠠᠷ ᠤ᠋ᠳ ᠲᠠᠯᠠ ᠪᠦᠷᠢ ᠡᠴᠡ ᠨᠢᠭᠡ ᠵᠡᠷᠭᠡ ᠪᠡᠷ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠤᠪᠤᠷᠠᠨᠠ᠃ ᠵᠠᠷᠢᠮ ᠨᠢ ᠲᠠᠬᠢᠷ ᠰᠡᠯᠡᠮᠡ ᠦ᠋ᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠯᠳᠤᠬᠤ ᠪᠠ ᠵᠠᠷᠢᠮ ᠬᠠᠮᠠᠭᠠᠯᠠᠭᠴᠢᠳ ᠢ᠋ ᠨᠤᠮᠤ ᠰᠤᠮᠤ ᠪᠠᠷ ᠬᠠᠷᠪᠤᠵᠤ ᠤᠨᠠᠭᠠᠨᠠ᠃ ᠰᠡᠭᠦᠯ ᠳ᠋ᠦ᠍ᠨᠢ ᠲᠠᠲ᠋ᠠᠷ ᠤ᠋ᠳ ᠢᠯᠠᠵᠤ ᠡᠬᠢᠯᠡᠪᠡ᠃ ᠪᠠᠶᠠᠷᠯᠠᠨ ᠵᠡᠷᠯᠢᠭ ᠮᠡᠲᠦ ᠬᠠᠰᠬᠢᠷᠤᠯᠳᠤᠬᠤ ᠳᠠᠭᠤᠨ ᠬᠣᠲᠠ ᠶ᠋ᠢᠨ ᠵᠦᠭ ᠪᠦᠷᠢ ᠡᠴᠡ ᠰᠣᠨᠣᠰᠳᠠᠪᠠ᠃
ᠲᠠᠲ᠋ᠠᠷ ᠤ᠋ᠳ ᠬᠡᠳᠦᠢᠨᠡᠢ ᠭᠤᠳᠤᠮᠵᠢ ᠤ᠋ᠳ ᠢ᠋ᠶ᠋ᠠᠷ ᠭᠦᠶᠦᠯᠳᠦᠨ ᠣᠷᠣᠨ ᠰᠠᠭᠤᠴᠠ ᠪᠠᠢᠰᠢᠩ ᠤ᠋ᠳ ᠲᠦ᠍ ᠴᠥᠮᠥᠷᠡᠨ ᠣᠷᠣᠵᠤ᠂ ᠬᠡᠨ ᠳ᠋ᠦ᠍ ᠴᠦ᠍ ᠥᠷᠥᠰᠢᠶᠡᠯ ᠦᠵᠡᠭᠦᠯᠬᠦ ᠦᠭᠡᠢ ᠪᠡᠷ ᠬᠥᠭᠰᠢᠨ ᠵᠠᠯᠠᠭᠤ ᠪᠦᠭᠦᠳᠡ ᠶ᠋ᠢ ᠴᠠᠪᠴᠢᠯᠠᠵᠤ ᠭᠠᠷᠪᠠ᠃ ᠡᠳᠡ ᠨᠠᠷ ᠰᠦᠮᠡ ᠶ᠋ᠢᠨ ᠬᠠᠭᠠᠯᠭᠠ ᠶ᠋ᠢ ᠡᠪᠳᠡᠯᠡᠵᠦ ᠳᠣᠲᠣᠷᠠ ᠨᠢ ᠣᠷᠣᠭᠠᠳ ᠡᠮᠡᠭᠲᠡᠢᠴᠦᠳ ᠪᠠ ᠯᠠᠮᠠ ᠨᠠᠷ ᠢ᠋ ᠴᠠᠪᠴᠢᠯᠠᠨ ᠠᠯᠠᠵᠤ ᠰᠦᠮᠡ ᠶ᠋ᠢᠨ ᠪᠠᠷᠢᠯᠭᠠ ᠶ᠋ᠢ ᠰᠢᠲᠠᠭᠠᠪᠠ᠃ ᠲᠡᠳᠡᠨᠡᠷ ᠨᠢᠯᠬᠠ ᠪᠠᠯᠴᠢᠷ ᠬᠡᠦᠬᠡᠳ ᠦ᠋ᠳ ᠢ᠋ ᠡᠬᠡ ᠡᠴᠡ ᠨᠢ ᠪᠤᠯᠢᠶᠠᠨ ᠠᠪᠴᠤ ᠭᠠᠯ ᠳ᠋ᠤ᠌ ᠬᠠᠶᠠᠭᠠᠳ ᠡᠬᠡ ᠶ᠋ᠢ ᠨᠢ ᠲᠡᠷᠡ ᠳᠠᠷᠤᠢ ᠪᠦᠭᠦᠳᠡ ᠶ᠋ᠢᠨ ᠨᠢᠳᠦᠨ ᠦ᠌ ᠡᠮᠦᠨᠡ ᠬᠦᠴᠦᠷᠬᠡᠭᠯᠡᠭᠡᠳ ᠳᠠᠷᠠᠭᠠ ᠨᠢ ᠭᠡᠳᠡᠰᠦ ᠶ᠋ᠢ ᠨᠢ ᠬᠠᠭᠠᠯᠵᠤ ᠣᠷᠬᠢᠨᠠ᠃
ᠣᠷᠣᠢ ᠪᠣᠯᠬᠤ ᠳ᠋ᠤ᠌ ᠷᠶᠡᠽᠡᠨ ᠳ᠋ᠦ᠍ ᠠᠮᠢᠳᠤ ᠬᠥᠮᠦᠨ ᠨᠢᠭᠡ ᠴᠦ᠍ ᠦᠯᠡᠳᠡᠭᠰᠡᠨ ᠦᠭᠡᠢ ᠪᠢᠯᠡ᠃
ᠲᠡᠷᠡ ᠦᠶᠡ ᠶ᠋ᠢᠨ ᠨᠢᠭᠡ ᠬᠥᠮᠦᠨ ᠦ᠌ ᠪᠢᠴᠢᠬᠦ ᠨᠢ᠄《ᠭᠠᠰᠠᠯᠬᠤ ᠪᠠ ᠤᠬᠢᠯᠠᠬᠤ ᠬᠥᠮᠦᠨ ᠦᠯᠡᠳᠡᠭᠰᠡᠨ ᠦᠭᠡᠢ᠂ ᠦᠬᠦᠭᠴᠢᠳ ᠦ᠋ᠨ ᠬᠣᠢᠨᠠ ᠠ᠋ᠴᠠ ᠭᠠᠰᠢᠭᠤᠳᠠᠬᠤ ᠬᠥᠮᠦᠨ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠡᠴᠢᠭᠡ ᠡᠬᠡ ᠨᠤᠭᠦᠳ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ ᠨᠢ᠂ ᠬᠡᠦᠬᠡᠳ ᠦ᠋ᠳ ᠨᠢ ᠡᠴᠢᠭᠡ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ᠂ ᠠᠬᠠ ᠨᠢ ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ᠂ ᠳᠡᠭᠦᠦ ᠨᠢ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ ᠭᠠᠰᠢᠭᠤᠳᠠᠬᠤ ᠡᠮᠭᠡᠨᠢᠯ ᠪᠠᠢᠭᠰᠠᠨ ᠦᠭᠡᠢ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠦᠬᠦᠵᠦ ᠬᠠᠮᠲᠤ ᠬᠡᠪᠲᠡᠨᠡ᠁》ᠭᠡᠵᠡᠢ᠃
ᠲᠡᠷᠡ ᠡᠳᠦᠷ ᠰᠡᠸᠸᠯᠢ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠡᠴᠡ ᠥᠨᠳᠡᠢᠵᠦ ᠬᠠᠷᠠᠭᠠᠳ ᠨᠡᠯᠢᠶᠡᠳ ᠰᠦᠷᠳᠡᠪᠡ᠃ ᠲᠡᠭᠦᠨ ᠦ᠌ ᠵᠦᠭ ᠨᠠᠢ᠍ᠮᠠᠨ ᠱᠠᠲᠤᠨ ᠤ᠋ ᠦᠵᠦᠭᠦᠷ ᠴᠤᠬᠤᠢᠵᠤ ᠲᠡᠭᠦᠨ ᠦ᠌ ᠳᠣᠣᠷᠠ ᠳᠠᠪᠰᠢᠯᠠᠨ ᠣᠷᠣᠬᠤ ᠳ᠋ᠤ᠌ ᠪᠡᠯᠡᠬᠡᠨ ᠪᠠᠢᠭᠠ ᠨᠢᠭᠡ ᠬᠡᠰᠡᠭ ᠲᠠᠲ᠋ᠠᠷ ᠤ᠋ᠳ ᠬᠠᠷᠠᠯᠠᠵᠤ ᠦᠵᠡᠭᠳᠡᠪᠡ᠃
ᠰᠡᠸᠸᠯᠢ ᠪᠥᠭᠡᠮ ᠰᠢᠪᠡᠷ ᠰᠢᠷᠣᠢ ᠶ᠋ᠢ ᠳᠣᠭᠣᠭᠰᠢ ᠨᠢ ᠬᠠᠶᠠᠵᠤ ᠳᠡᠭᠡᠭᠰᠢ ᠭᠠᠷᠴᠤ ᠢᠷᠡᠭᠴᠢᠳ ᠢ᠋ ᠤᠨᠠᠭᠠᠬᠤ ᠪᠣᠯᠪᠠᠴᠤ ᠲᠡᠭᠦᠨ ᠦ᠌ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠨᠢ (ᠲᠠᠲ᠋ᠠᠷ) ᠨᠤᠭᠤᠳ ᠪᠣᠰᠴᠤ ᠢᠷᠡᠭᠰᠡᠭᠡᠷ ᠪᠠᠢᠪᠠ᠃
ᠲᠠᠲ᠋ᠠᠷ ᠤ᠋ᠳ ᠬᠡᠷᠡᠮ ᠢ᠋ ᠳᠠᠪᠠᠭᠠᠳ ᠰᠡᠸᠸᠯᠢ ᠳ᠋ᠦ᠍ ᠭᠠᠷ ᠬᠦᠷᠦᠭᠰᠡᠨ ᠦᠭᠡᠢ᠂ ᠲᠡᠳᠡ ᠶᠡᠬᠡᠯᠡ ᠶᠠᠭᠠᠷᠠᠭᠰᠠᠨ ᠲᠤᠯᠠᠳᠠ ᠲᠡᠭᠦᠨ ᠢ᠋ ᠬᠠᠷᠠᠭᠰᠠᠨ ᠦᠭᠡᠢ᠃ ᠲᠠᠲ᠋ᠠᠷ ᠤ᠋ᠳ ᠪᠡᠶᠡ ᠪᠡᠶᠡ ᠶ᠋ᠢᠨ ᠢ᠋ᠶ᠋ᠡᠨ ᠤᠷᠢᠳᠤ (ᠤᠷᠳᠤ) ᠣᠷᠣᠬᠤ ᠶ᠋ᠢ ᠡᠷᠡᠮᠡᠯᠵᠡᠵᠦ ᠳ᠋ᠸᠲ᠋ᠢᠨᠴᠡᠼ ᠳᠠᠰᠢ ᠭᠦᠶᠦᠯᠳᠦᠨ ᠣᠳᠪᠠ᠃ ᠲᠡᠨᠳᠡ ᠸᠠᠩ ᠤ᠋ᠨ ᠣᠷᠣᠨ ᠰᠠᠭᠤᠴᠠ᠂ ᠫᠦᠵᠡ ᠪᠠ ᠪᠠᠷᠠᠭᠠ ᠠᠬᠤᠭᠤᠯᠬᠤ ᠭᠠᠵᠠᠷ ᠤ᠋ᠳ ᠬᠢᠭᠡᠳ ᠮᠠᠯ ᠤ᠋ᠨ ᠬᠠᠰᠢᠶᠠ ᠨᠤᠭᠤᠳ ᠪᠠᠢᠭᠰᠠᠨ ᠶᠤᠮ᠃ ᠰᠡᠸᠸᠯᠢ ᠵᠢᠭᠤᠲᠠᠵᠤ ᠶᠠᠪᠤᠭᠠ ᠷᠶᠡᠽᠡᠨ ᠦ᠌ ᠬᠢᠨ ᠦ᠌ ᠤᠷᠤᠰᠬᠠᠯ ᠳ᠋ᠤ᠌ ᠣᠷᠣᠪᠠ᠃ ᠡᠳᠡᠨᠡᠷ ᠲᠠᠲ᠋ᠠᠷ ᠤ᠋ᠳ ᠠ᠋ᠴᠠ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠨ ᠪᠠᠢᠯᠳᠤᠵᠤ ᠭᠣᠣᠯ ᠤ᠋ᠨ ᠡᠭᠴᠡ ᠡᠷᠭᠢ ᠶ᠋ᠢᠨ ᠴᠠᠭᠠᠳᠤᠬᠢ ᠬᠡᠷᠡᠮ ᠦ᠋ᠨ ᠲᠤᠭᠤᠷᠭᠠᠨ ᠳ᠋ᠤ᠌ ᠰᠢᠪᠠᠭᠠᠷᠠᠯᠳᠤᠨᠠ᠃ ᠷᠶᠡᠽᠡᠨ ᠦ᠌ ᠬᠢᠨ ᠬᠡᠷᠡᠮ ᠦ᠋ᠨ ᠲᠤᠭᠤᠷᠭᠠᠨ ᠤ᠋ ᠳᠡᠭᠡᠭᠦᠷ ᠳᠠᠪᠠᠨ ᠮᠥᠰᠥᠨ ᠲᠤᠭᠤᠷᠭᠠ ᠶ᠋ᠢ ᠤᠷᠤᠭᠤᠳᠠᠨ ᠭᠤᠯᠭᠤᠵᠤ ᠮᠥᠰᠥ ᠶ᠋ᠢ ᠨᠢ ᠬᠠᠭᠠᠯᠤᠭᠰᠠᠨ ᠭᠠᠵᠠᠷ ᠢ᠋ ᠴᠢᠭᠯᠡᠨ ᠭᠣᠣᠯ ᠤ᠋ᠨ ᠣᠰᠤᠨᠠ ᠤᠨᠠᠵᠠᠭᠠᠨᠠ᠃ ᠬᠦᠷᠦᠯᠴᠡᠬᠦᠢᠴᠡ ᠬᠦᠴᠦᠨ ᠲᠡᠢ ᠬᠥᠮᠦᠰ ᠨᠢ ᠭᠣᠣᠯ ᠢ᠋ ᠬᠥᠨᠳᠡᠯᠡᠨ ᠰᠠᠮᠤᠷᠴᠤ ᠭᠠᠷᠤᠭᠠᠳ ᠣᠢ ᠮᠣᠳᠣ ᠶ᠋ᠢ ᠴᠢᠭᠯᠡᠨ ᠲᠠᠯᠠ ᠪᠠᠷ ᠭᠦᠶᠦᠨ ᠣᠳᠤᠨᠠ᠃ ᠲᠠᠲ᠋ᠠᠷ ᠤ᠋ᠳ ᠳᠡᠭᠡᠷᠡᠮ ᠬᠢᠬᠦ ᠶ᠋ᠢ ᠶᠠᠭᠠᠷᠠᠪᠴᠢᠯᠠᠬᠤ ᠲᠤᠯᠠ ᠵᠢᠭᠤᠲᠠᠭᠴᠢᠳ ᠤ᠋ᠨ ᠬᠣᠢᠨᠠ ᠠ᠋ᠴᠠ ᠬᠥᠭᠡᠭᠡᠭᠰᠡᠨ ᠦᠭᠡᠢ᠃《ᠬᠣᠯᠠ ᠣᠴᠢᠬᠤ ᠦᠭᠡᠢ ᠬᠡᠵᠢᠶᠡᠳᠡ ᠮᠠᠨ ᠤ᠋ ᠪᠣᠯᠤᠨᠠ》 ᠭᠡᠵᠡᠭᠡᠨᠡ᠃ ᠠᠮᠢ ᠭᠠᠷᠤᠭᠰᠠᠨ ᠴᠥᠭᠡᠨ ᠬᠡᠳᠦᠨ ᠬᠥᠮᠦᠨ ᠦ᠌ ᠳᠣᠲᠣᠷᠠ ᠰᠡᠸᠧᠯᠢ ᠪᠠᠢᠯᠴᠠᠪᠠ᠃ ᠣᠺ ᠮᠥᠷᠡᠨ ( ᠦ᠌)ᠤᠰᠤ ᠮᠥᠰᠥ ᠲᠡᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠰᠡᠸᠧᠯᠢ ᠲᠡᠭᠦᠨ ᠢ᠋ ᠰᠠᠮᠤᠷᠤᠨ ᠭᠠᠲᠤᠯᠵᠠᠢ᠃ ᠱᠠᠯ ᠨᠣᠢᠲᠠᠨ ᠬᠣᠪᠴᠠᠰᠤᠲᠠᠢ᠂ ᠪᠥᠰᠡᠨ ᠳ᠋ᠡᠭᠡᠨ ᠰᠤᠷ ᠬᠠᠪᠴᠢᠭᠤᠯᠤᠭᠰᠠᠨ ᠲᠡᠷᠡ ᠭᠣᠣᠯ ᠤ᠋ᠨ ᠴᠠᠭᠠᠳᠤᠬᠢ ᠡᠷᠭᠢᠨ ᠳᠡᠭᠡᠷᠡ ᠭᠠᠷᠴᠤ ᠢᠷᠡᠭᠡᠳ ᠵᠣᠭᠰᠣᠵᠤ ᠷᠶᠡᠽᠡᠨ ᠢ᠋ ᠬᠠᠮᠤᠭ ᠤ᠋ᠨ ᠡᠴᠦᠰ ᠦ᠋ᠨ ᠬᠠᠷᠠᠯᠲᠠ ᠪᠠᠷ ᠬᠠᠷᠠᠪᠠ᠃ ᠰᠢᠲᠠᠵᠤ ᠪᠣᠢ ᠰᠦᠮᠡ ᠶ᠋ᠢᠨ ᠬᠣᠩᠬᠠᠨ ᠤ᠋ ᠪᠥᠮᠪᠥᠭᠡᠷ ᠣᠷᠣᠢ ᠬᠤᠢᠯᠠᠷᠠᠨ ᠮᠤᠰᠬᠢᠷᠠᠯᠳᠤᠭᠰᠠᠨ ᠭᠠᠯ ᠤ᠋ᠨ ᠤᠲᠤᠭᠠ ᠪᠠ ᠭᠠᠯ ᠤ᠋ᠨ ᠳᠥᠯᠥ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠢᠯᠡᠬᠡᠨ ᠬᠠᠷᠠᠭᠳᠠᠪᠠ᠃
ᠰᠡᠸᠧᠯᠢ ᠢᠯᠠᠭᠴᠢᠳ ᠤ᠋ᠨ ᠱᠤᠤᠭᠢᠶᠠᠨ ᠪᠠ ᠲᠡᠳᠡᠨ ᠦ᠌ ᠬᠠᠰᠬᠢᠷᠤᠯᠳᠤᠬᠤ ᠶ᠋ᠢ ᠪᠥᠷᠥᠭᠬᠡᠨ ᠳᠤᠭᠤᠯᠳᠠᠬᠤ᠂ ᠠᠶᠤᠯ ᠤ᠋ᠨ ᠳᠣᠬᠢᠶᠠᠨ ᠤ᠋ ᠬᠣᠩᠬᠠᠨ( ᠤ᠋)ᠭᠠᠭᠴᠠᠭᠠᠷ ᠵᠢᠭᠳᠡ ᠳᠤᠤᠭᠠᠷᠬᠤ ᠶ᠋ᠢ ᠲᠣᠳᠣᠷᠬᠠᠢ ᠪᠠᠷ ᠰᠣᠨᠣᠰᠪᠠ᠃ ᠲᠡᠭᠦᠨ ᠢ᠋ ᠥᠨᠥᠬᠢ ᠬᠥᠭᠰᠢᠨ ᠰᠣᠬᠣᠷ ᠬᠣᠩᠬᠠᠴᠢ ᠦᠷᠭᠦᠯᠵᠢᠯᠡᠨ ᠴᠣᠬᠢᠭᠰᠠᠭᠠᠷ ᠪᠠᠢᠨᠠ᠃ ᠬᠥᠭᠰᠢᠨ ᠰᠣᠬᠣᠷ ᠬᠣᠩᠬᠠᠴᠢ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠦ᠋ᠨ ᠠᠮᠢᠰᠬᠤᠯ ᠢ᠋ᠶ᠋ᠠᠨ ᠬᠦᠷᠲᠡᠯᠡ᠂ ᠤᠯᠠᠩᠭᠠᠰᠤᠷᠠᠭᠰᠠᠨ ᠨᠢᠭᠡᠨ ᠲᠠᠲ᠋ᠠᠷ ᠲᠤ᠌ ᠠᠯᠠᠭᠳᠠᠬᠤ ᠪᠠᠨ ᠬᠦᠷᠲᠡᠯᠡ ᠬᠤᠩᠬᠠ ᠪᠠᠨ ᠴᠣᠬᠢᠵᠤ ᠣᠷᠣᠰ ᠬᠥᠮᠦᠨ ᠪᠦᠬᠦᠨ ᠢ᠋ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠭᠲᠤᠨ ᠭᠡᠵᠦ ᠣᠷᠢᠯᠠᠭᠰᠠᠭᠠᠷ ᠠᠵᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠡᠴᠡᠭ᠂ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ᠂ ᠪᠠᠶᠠᠨᠴᠡᠴᠡᠭ· ᠮᠡᠷᠭᠡᠨᠭᠣᠣᠠ
ᠬᠢᠨᠠᠭᠴᠢ᠄ ᠪᠠᠯ᠂ ᠲ· ᠬᠦᠮᠦᠵᠢᠯᠲᠦ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠶᠠᠨᠴᠡᠴᠡᠭ