ᠪᠠᠲᠤ ᠬᠠᠭᠠᠨ 5-09ᠬᠡᠨ ᠦ᠌ ᠲᠩᠷᠢ ᠢᠯᠡᠭᠦᠦ ᠬᠦᠴᠦᠲᠡᠢ ᠪᠣᠢ-ᠷᠶᠠᠽᠠᠨ ᠤ᠋ ᠭᠠᠵᠠᠷ ᠨᠤᠲᠤᠭ ᠰᠢᠲᠠᠵᠤ ᠪᠠᠢᠨᠠBat khaan Бат хаан-ᠷᠣᠮᠠᠨ
208ᠶᠢᠰᠦ ᠬᠡᠨ ᠦ᠌ ᠲᠩᠷᠢ ᠢᠯᠡᠭᠦᠦ ᠬᠦᠴᠦᠲᠡᠢ ᠪᠣᠢ
ᠷᠶᠡᠽᠡᠨ ᠢ᠋ ᠳᠠᠭᠠᠷᠢᠨ ᠣᠷᠣᠬᠤ ᠶ᠋ᠢᠨ ᠡᠮᠦᠨᠡᠬᠢ ᠦᠳᠡᠰᠢ ᠶ᠋ᠢ ᠪᠠᠲᠤ ᠬᠠᠭᠠᠨ ᠮᠥᠨ ᠯᠡ ᠲᠡᠷᠡ ᠰᠦᠮᠡ ᠳ᠋ᠡᠭᠡᠨ ᠥᠩᠭᠡᠷᠡᠪᠡ᠃ ᠭᠠᠯᠵᠠᠭᠤᠷᠠᠭᠰᠠᠨ ᠳᠡᠭᠡᠳᠦᠰ ᠣᠲ᠋ᠷᠢᠶᠠᠳ᠋ ᠤ᠋ᠳ ᠲᠠᠭᠠᠨ ᠡᠴᠦᠰ ᠦ᠋ᠨ ᠲᠤᠰᠢᠶᠠᠯ ᠤ᠋ᠳ ᠢ᠋ ᠪᠢᠴᠢᠵᠦ ᠭᠠᠷᠭᠠᠪᠠ᠃ ᠬᠣᠲᠠ ᠶ᠋ᠢ ᠳᠠᠭᠠᠷᠢᠨ ᠣᠷᠣᠵᠤ ᠴᠢᠳᠠᠯ ᠦᠭᠡᠢ ᠪᠡᠷ ᠢᠯᠠᠭᠳᠠᠵᠤ ᠨᠢᠴᠤᠭᠠᠭᠳᠠᠭᠴᠢᠳ ᠲᠤ᠌ ᠲᠤᠰᠢᠶᠠᠯ ᠤ᠋ᠨ ᠶᠣᠰᠣᠭᠠᠷ ᠬᠠᠮᠤᠭ ᠤ᠋ᠨ ᠬᠠᠲᠠᠭᠤ ᠶᠠᠯᠠ ᠣᠨᠣᠭᠳᠠᠬᠤ ᠠᠵᠢ᠃ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ᠂ ᠪᠠᠲᠤ ᠬᠠᠭᠠᠨ ᠤ᠋ ᠳᠡᠷᠭᠡᠳᠡ ᠪᠣᠳᠣᠯᠭᠠ ᠪᠣᠯᠤᠨ ᠲᠣᠪ ᠳᠤᠭᠤᠢ ᠰᠠᠭᠤᠵᠤ᠂ ᠵᠠᠷᠢᠮ ᠠᠰᠠᠭᠤᠳᠠᠯ ᠤ᠋ᠳ ᠲᠤ᠌ ᠲᠣᠯᠣᠭᠠᠢ ᠪᠠᠨ ᠲᠣᠬᠢᠬᠤ ᠪᠤᠶᠤ ᠡᠰᠡᠪᠡᠯ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠬᠤᠷᠤᠭᠤ ᠪᠠᠨ ᠭᠣᠵᠣᠢᠯᠭᠠᠨᠠ᠃ ᠢᠩᠭᠢᠵᠦ ᠰᠠᠭᠤᠭᠠᠳ ᠰᠡᠭᠦᠯ ᠳ᠋ᠦ᠍ᠨᠢ ᠰᠦᠪᠡᠭᠡᠳᠡᠢ ᠬᠡᠯᠡᠭᠰᠡᠨ ᠨᠢ᠄
— ᠥᠨᠥᠳᠥᠷ ᠰᠣᠳᠣ ᠵᠠᠩᠵᠤᠨ ᠴᠢ ᠳᠠᠭᠠᠷᠢᠨ ᠣᠷᠣᠬᠤ ᠲᠤᠰᠢᠶᠠᠯ ᠢ᠋ ᠥᠭᠪᠡ᠃ ᠬᠠᠷᠪᠤᠭᠰᠠᠨ ᠰᠤᠮᠤ ᠶ᠋ᠢ ᠡᠷᠭᠢᠭᠦᠯᠵᠦ ᠪᠣᠯᠳᠠᠭ ᠦᠭᠡᠢ ᠶᠤᠮ᠃ ᠢᠯᠠᠯᠲᠠ ᠶ᠋ᠢᠨ ᠪᠠᠶᠠᠷ ᠶᠣᠰᠣᠯᠠᠯ ᠪᠠ ᠨᠠᠢᠷ ᠢ᠋ ᠬᠢᠬᠦ ᠶ᠋ᠢᠨ ᠲᠤᠯᠠᠳᠠ ᠮᠢᠬᠠ ᠴᠢᠨᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠰᠢᠪᠡᠷ ᠵᠤᠤᠬᠠ ᠶ᠋ᠢ ᠬᠡᠳᠦᠨ ᠮᠢᠩᠭᠠ ᠪᠠᠷ ᠮᠠᠷᠭᠠᠰᠢ ᠶ᠋ᠢᠨ ᠳᠣᠲᠣᠷᠠ ᠬᠢᠬᠦ ᠶ᠋ᠢ ᠲᠤᠰᠢᠶᠠᠭᠲᠤᠨ᠃ ᠡᠨᠡ ᠰᠥᠨᠢ ᠳ᠋ᠡᠭᠡᠨ ᠤᠨᠲᠠᠵᠤ ᠠᠮᠠᠷᠠᠬᠤ ᠪᠠ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠪᠡᠯᠡᠳᠬᠡᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ ᠭᠡᠪᠡ᠃
ᠪᠠᠲᠤ ᠬᠠᠭᠠᠨ ᠤ᠋ ᠳᠡᠷᠭᠡᠳᠡ ᠰᠠᠭᠤᠵᠠᠭᠠᠭᠰᠠᠨ ᠬᠠᠭᠠᠳ ᠨᠢ ᠶᠡᠷᠦᠳᠡ ᠶ᠋ᠢᠨ ᠵᠠᠩᠰᠢᠯ ᠢ᠋ᠶ᠋ᠠᠷ ᠲᠠᠭᠠᠨ ᠵᠥᠪᠰᠢᠶᠡᠷᠡᠵᠡᠭᠡᠵᠦ᠂
— ᠥᠭᠡᠬᠦ ᠲᠣᠰᠣ ᠪᠠᠷ ᠪᠢᠯᠬᠠᠭᠰᠠᠨ ᠨᠠᠢᠷ ᠴᠡᠩᠭᠡᠯ ᠪᠠ ᠴᠢᠰᠤᠲᠤ ᠲᠡᠢᠨ ᠳ᠋ᠦ᠍ ᠪᠢᠳᠡ ᠶᠠᠭᠤ ᠪᠡᠷ ᠴᠤ᠌ ᠳᠤᠲᠠᠭᠳᠠᠬᠤ ᠦᠭᠡᠢ ᠶᠠᠪᠤᠬᠤ ᠪᠣᠯᠲᠤᠭᠠᠢ᠃
ᠪᠠᠲᠤ ᠬᠠᠭᠠᠨ ᠤ᠋ ᠰᠡᠳᠬᠢᠯ ᠵᠣᠪᠠᠨᠢᠵᠤ᠂
— ᠮᠢᠨᠦ ᠪᠠᠭᠰᠢ ᠮᠢᠷᠽ (ᠴᠣᠯᠠ) ᠬᠠᠳ᠋ᠵᠢ ᠷᠠᡁᠢᠮ ᠢ᠋ ᠠᠪᠴᠢᠷᠠᠬᠤ ᠶ᠋ᠢ ᠲᠤᠰᠢᠶᠠᠭᠰᠠᠨ ᠪᠢᠯᠡ᠃
— ᠲᠡᠷᠡ ᠡᠨᠳᠡ ᠴᠢᠨᠢ᠂ ᠥᠷᠥᠭᠡᠨ ᠦ᠌ ᠳᠡᠷᠭᠡᠳᠡ ᠴᠢᠨᠢ ᠪᠠᠢᠨᠠ᠃ ᠲᠡᠷᠡ ᠯᠠᠯᠤ ᠶ᠋ᠢᠨ ᠱᠠᠰᠢᠨᠲᠠᠨ ᠢ᠋ ᠬᠠᠮᠠᠭᠠᠯᠠᠨ ᠰᠠᠬᠢᠵᠤ ᠪᠠᠢᠨᠠ᠃
— ᠬᠠᠮᠠᠭᠠᠯᠠᠨ ᠰᠠᠬᠢᠬᠤ ᠨᠢ ᠲᠡᠭᠦᠨ ᠦ᠌ ᠬᠡᠷᠡᠭ ᠪᠢᠰᠢ᠂ ᠲᠡᠭᠦᠨ ᠢ᠋ ᠪᠢ ᠳᠠᠭᠤᠳᠠᠭᠰᠠᠨ ᠲᠤᠯᠠ ᠲᠡᠷᠡ ᠡᠨᠳᠡ ᠪᠠᠢᠬᠤ ᠶᠣᠰᠣᠲᠠᠢ᠃
— ᠰᠣᠳᠣ ᠡᠵᠡᠨ ᠮᠢᠨᠢ᠂ ᠲᠡᠷᠡ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠬᠦ ᠦᠭᠡᠢ ᠪᠠᠢᠨᠠ᠃ ᠪᠠᠲᠤ ᠬᠠᠭᠠᠨ ᠪᠣᠰᠴᠤ ᠲᠦᠷᠭᠡᠨ ᠢ᠋ᠶ᠋ᠡᠷ ᠶᠠᠪᠤᠵᠤ ᠰᠦᠮᠡ ᠡᠴᠡ ᠭᠠᠷᠪᠠ᠃ ᠠᠩ ᠤ᠋ᠨ ᠪᠥᠰ ᠢ᠋ᠶ᠋ᠡᠷ ᠡᠮᠵᠢᠭᠰᠡᠨ ᠥᠩᠭᠡ ᠪᠦᠷᠢ ᠶ᠋ᠢᠨ ᠬᠥᠪᠡᠭᠡᠲᠡᠢ ᠲᠡᠷᠯᠢᠭ ᠪᠠ ᠲᠣᠮᠣ ᠴᠠᠭᠠᠨ ᠳᠥᠷᠪᠡᠳ ᠮᠠᠯᠠᠭᠠᠢ ᠶ᠋ᠢ ᠡᠮᠦᠰᠦᠭᠰᠡᠨ ᠬᠡᠰᠡᠭ ᠬᠥᠮᠦᠰ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠨᠠᠭᠠᠯᠳᠤᠨ ᠰᠢᠬᠠᠴᠠᠯᠳᠤᠵᠤ ᠰᠦᠮᠡ ᠶ᠋ᠢᠨ ᠳᠣᠪᠵᠢᠶᠠᠨ ᠤ᠋ ᠳᠡᠷᠭᠡᠳᠡ ᠰᠠᠭᠤᠵᠠᠭᠠᠵᠤ ᠪᠠᠢᠪᠠ᠃ ᠵᠠᠷᠢᠮ ᠨᠢ ᠤᠩᠰᠢᠯᠭᠠ ᠤᠩᠰᠢᠨ ᠵᠠᠯᠪᠠᠷᠢᠬᠤ ᠪᠠ ᠵᠠᠷᠢᠮ ᠨᠢ ᠵᠣᠪᠠᠯᠠᠩ ᠢ᠋ᠶ᠋ᠠᠨ ᠲᠣᠭᠠᠴᠢᠨ ᠥᠭᠦᠯᠡᠵᠦ ᠰᠠᠭᠤᠨᠠ᠃ ᠲᠡᠳᠡᠨᠡᠷ ᠦ᠋ᠨ ᠳᠡᠷᠭᠡᠳᠡ ᠬᠠᠳ᠋ᠵᠢ ᠷᠡᡁᠢᠮ ᠵᠣᠭᠰᠣᠵᠤ ᠰᠠᠷᠠᠭᠤᠯ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠭᠢᠯᠪᠠᠯᠵᠠᠭᠰᠠᠨ ᠠᠯᠲᠠᠨ ᠫᠠᠢᠵᠠ ᠶ᠋ᠢ ᠪᠠᠷᠢᠭᠰᠠᠨ ᠭᠠᠷ ᠢ᠋ᠶ᠋ᠠᠨ ᠳᠡᠭᠡᠭᠰᠢ ᠡᠷᠭᠦᠨ ᠪᠠᠢᠨᠠ᠃ ᠬᠡᠳᠦᠨ ᠠᠯᠬᠤᠮ ᠵᠠᠢᠲᠠᠢ ᠬᠡᠳᠦᠨ ᠮᠣᠩᠭᠣᠯ ᠴᠡᠷᠢᠭ ᠦ᠋ᠳ ᠵᠣᠭᠰᠣᠵᠤ ᠪᠠᠢᠪᠠ᠃ ᠡᠳᠡᠭᠡᠷ ᠦ᠋ᠨ ᠬᠥᠳᠡᠯᠬᠦ ᠪᠦᠷᠢ ᠳ᠋ᠦ᠍ ᠯᠠᠯᠤ ᠶ᠋ᠢᠨ ᠱᠠᠰᠢᠨ ᠤ᠋ ᠬᠥᠮᠦᠰ ᠣᠷᠢᠯᠠᠯᠳᠤᠨ ᠬᠠᠰᠬᠢᠷᠤᠯᠳᠤᠬᠤ ᠪᠠ ᠬᠠᠳ᠋ᠵᠢ ᠷᠡᡁᠢᠮ ᠠᠯᠲᠠᠨ ᠫᠠᠢᠵᠠ ᠪᠠᠨ ᠤᠯᠠᠮ ᠳᠡᠭᠡᠭᠰᠢ ᠪᠡᠨ ᠡᠷᠭᠦᠨᠡ᠃ ᠪᠠᠲᠤ ᠬᠠᠭᠠᠨ ᠳᠡᠷᠭᠡᠳᠡ ᠪᠡᠨ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠬᠡᠯᠡᠮᠦᠷᠴᠢ ᠳ᠋ᠦ᠍ ᠬᠡᠳᠦᠨ ᠦᠭᠡ ᠬᠡᠯᠡᠪᠡ᠃ ᠲᠠᠪᠰᠢᠵᠤ ᠪᠠᠢᠭᠰᠠᠨ ᠮᠣᠩᠭᠣᠯᠴᠤᠳ ᠰᠣᠴᠢᠨ ᠤᠬᠤᠷᠢᠵᠤ ᠵᠢᠭᠤᠲᠠᠨ ᠣᠳᠬᠤ ᠭᠡᠲᠡᠯᠡ ᠬᠠᠷᠠᠩᠭᠤᠢ ᠠ᠋ᠴᠠ ᠰᠡᠯᠡᠮᠡ ᠪᠡᠨ ᠰᠤᠭᠤᠯᠤᠨ ᠪᠠᠷᠢᠵᠠᠭᠠᠭᠰᠠᠨ 《ᠦᠯᠦ ᠢᠯᠠᠭᠳᠠᠭᠴᠢᠳ》ᠢᠷᠡᠭᠡᠳ ᠲᠡᠳᠡᠨᠡᠷ ᠢ᠋ ᠵᠣᠭᠰᠣᠭᠠᠪᠠ᠃ ᠬᠡᠯᠡᠮᠦᠷᠴᠢ᠂ ᠮᠣᠩᠭᠣᠯᠴᠤᠳ ᠳᠠᠰᠢ ᠬᠠᠨᠳᠤᠵᠤ᠄
— ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠴᠢᠭᠡ ᠶ᠋ᠢᠨ ( ᠪᠡᠨ) ᠰᠢᠭᠦᠰᠦᠯᠡᠵᠦ ᠢᠳᠡᠭᠰᠡᠨ ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠤ᠋ ᠲᠡᠨᠡᠭ ᠦ᠋ᠳ᠂ ᠤᠬᠠᠭᠠᠨ ᠦᠭᠡᠢ ᠲᠠᠨᠤᠮᠠᠯ ᠨᠣᠬᠠᠢ ᠨᠤᠭᠤᠳ ᠲᠠᠨᠠᠷ ᠶᠠᠭᠤᠨ ᠳ᠋ᠤ᠌ ᠡᠨᠳᠡ ᠵᠠᠩᠵᠤᠨ ᠤ᠋ ᠪᠣᠱᠣᠭᠠ ᠶ᠋ᠢᠨ ᠳᠡᠷᠭᠡᠳᠡ ᠴᠤᠭᠯᠠᠷᠠᠪᠠ? ᠲᠠᠨᠠᠷ ᠤᠲᠠᠰᠤᠨ ᠴᠢᠨᠡᠭᠡ ᠤᠯᠠᠭᠠᠨ ᠠᠮᠢ ᠪᠠᠨ ᠬᠠᠢᠷᠠᠯᠠᠵᠠᠭᠠᠭᠲᠤᠨ ᠭᠡᠪᠡ᠃
ᠮᠣᠩᠭᠣᠯᠴᠤᠳ ᠱᠤᠤᠭᠢᠯᠳᠤᠨ ᠪᠡᠶᠡ ᠪᠡᠶᠡ ᠡᠴᠡ ᠪᠡᠨ ᠥᠷᠢᠰᠦᠯᠳᠦᠨᠡ᠃
— ᠪᠢᠳᠡ ᠣᠯᠵᠠ ᠣᠯᠵᠤ ᠠᠪᠤᠭᠰᠠᠨ ᠶᠤᠮ᠂ ᠪᠢᠳᠡᠨ ᠦ᠌ ᠶᠠᠭᠤᠮᠠ᠂ ᠫᠠᠨᠽᠠᠴᠢᠨ ᠪᠢᠳᠡᠨ ᠡᠴᠡ ᠣᠯᠵᠠ ᠶ᠋ᠢ ᠪᠤᠯᠢᠶᠠᠵᠤ ᠪᠠᠢᠨᠠ᠃ ᠪᠢᠳᠡ ᠡᠳᠡᠨᠡᠷ ᠢ᠋ ᠴᠠᠪᠴᠢᠵᠤ ᠠᠯᠠᠭᠠᠳ ᠠᠯᠲᠠ ᠮᠥᠩᠭᠥ ᠶ᠋ᠢ ᠨᠢ ᠠᠪᠤᠨᠠ᠃ ᠡᠳᠡᠨᠡᠷ ᠣᠷᠣᠰ ᠤ᠋ᠳ ᠲᠠᠢ ᠬᠠᠮᠲᠤ ᠪᠠᠢᠭᠰᠠᠨ ᠶᠤᠮ᠃ ᠡᠨᠡ ᠯᠠᠯᠤ ᠶ᠋ᠢᠨ ᠱᠠᠰᠢᠨ ᠤ᠋ ᠤᠷᠲᠤ ᠰᠠᠬᠠᠯᠲᠠᠢ ᠪᠠᠳᠢᠷᠴᠢᠨ᠂ ᠬᠤᠪᠢᠯᠭᠠᠨ ᠡᠵᠡᠨ ᠦ᠌ ᠠᠯᠲᠠᠨ ᠫᠠᠢᠵᠠ ᠶ᠋ᠢ ᠲᠡᠳᠡᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠷᠡ ᠡᠭᠦᠷᠴᠦ(ᠡᠷᠭᠦᠵᠦ) ᠪᠠᠢᠨᠠ᠃ ᠡᠨᠡ ᠫᠠᠢᠵᠠ ᠶ᠋ᠢ ᠲᠡᠭᠦᠨ ᠦ᠌ ᠪᠠᠷᠢᠵᠤ ᠪᠠᠢᠭᠠ ᠴᠠᠭ ᠲᠤ᠌ ᠡᠳᠡᠨ ᠳ᠋ᠦ᠍ ᠭᠠᠷ ᠬᠦᠷᠭᠡᠬᠦ ᠦᠭᠡᠢ᠃ ᠬᠠᠷᠢᠨ ᠫᠠᠢᠵᠠ ᠲᠠᠢ ᠭᠠᠷ ᠢ᠋ᠶ᠋ᠠᠨ ᠳᠣᠷᠣᠭᠰᠢ ᠪᠠᠭᠤᠯᠭᠠᠬᠤ ᠳ᠋ᠤᠨᠢ ᠪᠢᠳᠡ ᠡᠨᠡ ᠬᠤᠳᠠᠯᠳᠤᠭᠠᠴᠢᠨ ᠫᠠᠨᠽᠠᠴᠢᠨ ᠨᠠᠷ ᠢ᠋ ᠬᠢᠲᠤᠭᠠᠯᠠᠵᠤ ᠠᠯᠠᠭᠠᠳ ᠣᠯᠵᠠᠯᠠᠭᠰᠠᠨ ᠢ᠋ᠶ᠋ᠠᠨ ᠬᠤᠪᠢᠶᠠᠨᠠ ᠭᠡᠪᠡ᠃
ᠪᠠᠲᠤ ᠬᠠᠭᠠᠨ ᠬᠥᠯ ᠢ᠋ᠶ᠋ᠡᠨ ᠳᠡᠪᠰᠡᠭᠡᠳ᠂
— ᠮᠢᠨᠦ ᠰᠢᠢᠳᠪᠦᠷᠢ ᠶ᠋ᠢ ᠲᠠᠨᠠᠷ ᠣᠳᠣ ᠰᠣᠨᠣᠰᠤᠨᠠ᠃ ᠬᠠᠷᠢᠨ ᠯᠠᠯᠤ ᠶ᠋ᠢᠨ ᠯᠠᠮᠠ ᠲᠠᠨᠠᠷ ᠦᠭᠡ ᠪᠡᠨ ᠬᠡᠯᠡᠵᠡᠭᠡ! ᠲᠠᠨᠠᠷ ᠤ᠋ᠨ ᠡᠬᠡ ᠣᠷᠣᠨ ᠲᠥᠷᠥᠭᠰᠡᠨ ᠨᠤᠲᠤᠭ ᠴᠢᠨᠢ ᠬᠠᠮᠢᠭᠠ ᠪᠣᠢ? ᠲᠠᠨᠠᠷ ᠤ᠋ᠨ ᠨᠡᠷᠡᠰ ᠬᠡᠨ ᠭᠡᠳᠡᠭ ᠪᠣᠢ? ᠬᠡᠷᠡᠭ ᠵᠣᠷᠢᠭ ᠬᠡᠨ ᠳ᠋ᠦ᠍ ᠪᠣᠢ? ᠪᠣᠰᠢᠭᠣ ᠬᠠᠷᠢᠭᠤᠯᠤᠭᠲᠤᠨ ᠭᠡᠪᠡ᠃ ᠰᠥᠬᠥᠷᠡᠭᠡᠳ ᠰᠠᠭᠤᠵᠠᠭᠠᠵᠤ ᠪᠠᠢᠭᠠ ᠬᠤᠳᠠᠯᠳᠤᠭᠠᠴᠢᠳ ᠭᠠᠵᠠᠷ ᠬᠦᠷᠲᠡᠯᠡ ᠪᠦᠬᠦᠢᠯᠵᠡᠨ ᠮᠥᠷᠭᠥᠭᠡᠳ ᠲᠡᠳᠡᠨ ᠦ᠌ ᠳᠣᠲᠣᠷᠠ ( ᠠ᠋ᠴᠠ) ᠤᠷᠲᠤ ᠬᠠᠷᠠ ᠰᠠᠬᠠᠯᠲᠠᠢ ᠨᠢᠭᠡ ᠬᠥᠮᠦᠨ ᠥᠨᠳᠡᠢᠨ ᠬᠡᠯᠡᠪᠡ᠃
— ᠪᠢᠳᠡ ᠭᠠᠵᠠᠷ ᠪᠦᠷᠢ ᠶ᠋ᠢᠨ ᠬᠥᠮᠦᠰ ᠪᠢᠯᠡ᠃ ᠭᠡᠪᠡᠴᠦ ᠨᠢᠭᠡ ᠱᠠᠰᠢᠨ ᠲᠠᠢ᠂ ᠴᠥᠮ ᠮᠥᠬᠠᠮᠸᠳ᠋ ᠤ᠋ᠨ ᠬᠥᠪᠡᠭᠦᠨ ᠪᠢᠯᠡ᠃ ᠪᠢᠳᠡ ᠬᠤᠳᠠᠯᠳᠤᠭᠠᠴᠢᠳ ᠴᠢᠨᠦ ᠴᠡᠷᠢᠭ ᠦ᠋ᠨ ᠳᠣᠲᠣᠷᠠ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ ᠬᠢᠬᠦ ᠪᠡᠷ ᠢᠷᠡᠯᠡ᠃ ᠮᠠᠨ ᠤ᠋ ᠠᠯᠲᠠ ᠮᠥᠩᠭᠥ ᠨᠡᠢᠲᠡ ᠣᠯᠠᠨ ᠳ᠋ᠤ᠌ ᠠᠰᠢᠭ ᠣᠯᠵᠠ ᠶ᠋ᠢ ᠣᠷᠣᠭᠤᠯᠬᠤ ᠪᠢᠵᠡ ᠠ᠋᠃ ᠪᠢᠳᠡ ᠴᠡᠷᠢᠭ ᠦ᠋ᠳ ᠦ᠋ᠨ ᠬᠤᠳᠠᠯᠳᠤᠬᠤ ᠶᠠᠭᠤᠮᠠ ᠨᠤᠭᠤᠳ ᠢ᠋ ᠬᠤᠳᠠᠯᠳᠤᠨ ᠠᠪᠴᠤ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠬᠠᠲᠠᠭᠠᠭᠰᠠᠨ ᠦᠵᠦᠮ ᠢᠯᠠᠮᠠ ᠴᠢᠪᠠᠭᠠ ᠵᠢᠮᠢᠰ᠂ ᠠᠷᠢᠬᠢ ᠳᠠᠷᠠᠰᠤ᠂ ᠲᠠᠯᠬᠠ ᠲᠠᠷᠢᠶᠠ ᠪᠣᠯᠤᠨ ᠴᠢᠨᠦ ᠵᠣᠷᠢᠭᠲᠤ ᠡᠷᠡᠴᠦᠳ ᠲᠤ᠌ ᠬᠡᠷᠡᠭᠯᠡᠭᠳᠡᠬᠦ ᠵᠦᠢᠯ ᠪᠦᠬᠦᠨ ᠢ᠋ ᠬᠤᠳᠠᠯᠳᠤᠨᠠ᠃
ᠪᠠᠲᠤ ᠬᠠᠭᠠᠨ ᠬᠠᠳ᠋ᠵᠢ ᠷᠠᠾᠢᠮ ᠳᠠᠰᠢ ᠵᠢᠭᠠᠵᠤ᠂
— ᠲᠠᠨᠠᠷ ᠡᠨᠡ ᠬᠥᠮᠦᠨ ᠢ᠋ ᠤᠷᠢᠳᠤ ᠲᠠᠨᠢᠬᠤ ᠪᠠᠢᠭᠰᠠᠨ ᠤᠤ?
— ᠦᠭᠡᠢ᠂ ᠲᠡᠷᠡ ᠪᠢᠳᠡᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠭᠦᠷ ᠠᠯᠲᠠᠨ ᠫᠠᠢᠵᠠ ᠡᠷᠭᠦᠬᠦ ᠶ᠋ᠢᠨ ᠰᠠᠴᠠᠭᠤ ᠪᠢᠳᠡ ᠲᠡᠭᠦᠨ ᠢ᠋ ᠠᠩᠬᠠ ᠦᠵᠡᠭᠰᠡᠨ ᠪᠢᠯᠡ᠃
— ᠲᠠᠨᠠᠷ ᠲᠡᠭᠦᠨ ᠳ᠋ᠦ᠍ ᠱᠠᠩᠨᠠᠯ ᠥᠭᠭᠦᠨᠡ ᠭᠡᠵᠦ ᠬᠡᠯᠡᠭᠰᠡᠨ ᠤᠤ?
— ᠪᠢᠳᠡ ᠬᠡᠯᠡᠭᠰᠡᠨ ᠪᠢᠯᠡ᠃ ᠣᠳᠣ ᠴᠤ᠌ ᠪᠢᠳᠡᠨ ᠢ᠋ ᠠᠪᠤᠷᠠᠭᠰᠠᠨ ᠤ᠋ ᠲᠤᠯᠠᠳᠠ ᠱᠠᠩᠨᠠᠯ ᠥᠭᠬᠦ ᠶ᠋ᠢ ᠳᠠᠬᠢᠨ ᠪᠠᠲᠤᠯᠠᠨᠠ᠃ ᠭᠡᠪᠡᠴᠦ ᠪᠠᠳᠢᠷᠴᠢᠨ ᠬᠥᠮᠦᠨ ᠬᠥᠷᠥᠩᠭᠡ ᠬᠣᠭᠰᠢᠯ ᠦᠭᠡᠢ ᠪᠠ ᠠᠯᠲᠠᠨ ᠠ᠋ᠴᠠ ᠵᠢᠭᠰᠢᠳᠡᠭ ᠭᠡᠵᠦ ᠲᠡᠷᠡ ᠥᠭᠦᠯᠡᠭᠰᠡᠨ ᠪᠢᠯᠡ᠃ ᠬᠠᠳ᠋ᠵᠢ ᠲᠡᠳᠡᠨ ᠦ᠌ ᠦᠭᠡ ᠶ᠋ᠢ ᠲᠠᠰᠤᠯᠵᠤ᠂
— ᠲᠡᠢᠮᠦ ᠠ᠋᠂ ᠴᠢᠨᠦ ᠨᠡᠷᠡ ᠪᠦᠬᠦᠢ ᠠᠯᠲᠠᠨ ᠫᠠᠢᠵᠠᠨ ᠠ᠋ᠴᠠ ᠪᠤᠰᠤᠳ ᠠᠯᠲᠠ ᠶ᠋ᠢ ᠵᠢᠭᠰᠢᠳᠡᠭ ᠶᠤᠮ ᠭᠡᠪᠡ᠃
ᠪᠠᠲᠤ ᠬᠠᠭᠠᠨ ᠲᠦᠷᠭᠡᠨ ᠪᠠ ᠡᠷᠡᠰ ᠢ᠋ᠶ᠋ᠡᠷ ᠬᠡᠯᠡᠪᠡ᠃
— ᠬᠤᠳᠠᠯᠳᠤᠭᠠᠴᠢᠨ ᠨᠠᠷ ᠠ᠋᠂ ᠲᠠᠨᠠᠷ ᠰᠣᠨᠣᠰᠴᠤ ᠪᠠᠢ! ᠪᠠᠲᠤ ᠬᠠᠭᠠᠨ ᠣᠯᠠᠨ ᠭᠠᠵᠠᠷ ᠣᠷᠣᠨ ᠢ᠋ᠶ᠋ᠠᠷ ᠶᠠᠪᠤᠵᠤ ᠣᠯᠠᠨ ᠶᠠᠰᠤᠲᠠᠨ ᠦᠨᠳᠦᠰᠦᠲᠡᠨ ᠢ᠋ ᠢᠯᠠᠵᠤ ᠥᠪᠡᠷ ᠦ᠋ᠨ ᠡᠷᠬᠡᠨ ᠳ᠋ᠦ᠍ ᠣᠷᠣᠭᠤᠯᠵᠤ ᠠᠪᠳᠠᠭ ᠪᠢᠯᠡ᠃ ᠬᠡᠨ ᠮᠢᠨᠦ ᠡᠷᠬᠡᠰᠢᠶᠡᠯ ᠳ᠋ᠦ᠍ ᠦᠯᠦ ᠣᠷᠣᠵᠤ ᠥᠭᠬᠦ ᠶᠤᠮ ᠪᠣᠯ ᠲᠡᠷᠡ ᠦᠬᠦᠯ ᠢ᠋ ᠦᠵᠡᠨᠡ᠃ ᠬᠡᠨ ᠲᠠᠨᠠᠷ ᠲᠠᠢ ᠠᠳᠠᠯᠢ ᠮᠣᠩᠭᠣᠯᠴᠤᠳ ᠢ᠋ ᠵᠢᠭᠠᠵᠤ ᠰᠠᠮᠠᠭᠤᠨ ᠢ᠋ ᠳᠡᠭᠳᠡᠭᠡᠬᠦ ᠶᠤᠮ ᠪᠣᠯ ᠮᠢᠨᠦ《ᠦᠯᠦ ᠢᠯᠠᠭᠳᠠᠭᠴᠢᠳ》ᠲᠡᠭᠦᠨ ᠦ᠌ ᠨᠢᠷᠤᠭᠤ ᠶ᠋ᠢ ᠬᠤᠭᠤᠯᠵᠤ ᠨᠤᠭᠤᠰᠤ ᠶ᠋ᠢ ᠲᠠᠰᠤᠯᠤᠨᠠ᠃ ᠮᠣᠩᠭᠣᠯᠴᠤᠳ ᠴᠠᠰᠤᠨ ᠳᠡᠭᠡᠷᠡ ᠤᠨᠠᠵᠤ᠂
— ᠪᠢᠳᠡᠨ ᠢ᠋ ᠥᠷᠥᠰᠢᠶᠡᠭᠲᠦᠨ! ᠶᠡᠬᠡ ᠵᠠᠩᠵᠤᠨ ᠭᠡᠵᠡᠭᠡᠪᠡ᠃
— ᠲᠠᠨᠠᠷ ᠬᠤᠳᠠᠯᠳᠤᠭᠠᠴᠢᠳ ᠠ᠋᠂ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠲᠤ᠌ ᠣᠴᠢᠭᠲᠤᠨ᠃ ᠲᠡᠷᠡ ᠲᠠᠨᠠᠷ ᠤ᠋ᠨ ᠬᠡᠨ ᠴᠢᠨᠢ ᠦᠨᠡᠬᠡᠷ ᠬᠤᠳᠠᠯᠳᠤᠭᠠᠴᠢᠨ ᠪᠣᠯᠬᠤ ᠡᠰᠡᠬᠦ ᠶ᠋ᠢ ᠰᠢᠯᠭᠠᠵᠤ ᠦᠵᠡᠨᠡ᠃ ᠬᠤᠳᠠᠯᠳᠤᠭᠠᠴᠢᠨ ᠨᠢᠭᠡᠪᠦᠷᠢ ᠮᠢᠨᠦ ᠨᠡᠷᠡᠲᠡᠢ ᠫᠠᠢᠵᠠ ᠶ᠋ᠢ ᠬᠦᠯᠢᠶᠡᠨ ᠠᠪᠴᠤ ᠮᠢᠨᠦ ᠴᠡᠷᠢᠭ ᠦ᠋ᠨ ᠬᠠᠮᠲᠤ ᠠᠶᠠᠯᠠᠨ ᠶᠠᠪᠤᠵᠤ ᠴᠢᠯᠥᠭᠡᠲᠡᠢ ᠪᠡᠷ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠬᠢᠨᠡ᠃ ᠲᠠᠨᠠᠷ ᠤ᠋ᠨ ᠬᠡᠨ ᠨᠢ ᠬᠠᠭᠤᠷᠮᠠᠴᠢ ᠪᠠᠢᠪᠠᠯ ᠲᠡᠭᠦᠨ ᠦ᠌ ᠳᠠᠭᠵᠠ ᠶ᠋ᠢ ᠬᠠᠭᠠ ᠴᠣᠬᠢᠵᠤ ᠠᠯᠠᠭᠠᠳ ᠨᠣᠬᠠᠢ ᠳ᠋ᠤ᠌ ᠬᠠᠶᠠᠵᠤ ᠦᠭᠭᠦᠨᠡ᠃ ᠬᠠᠷᠢᠨ ᠲᠠᠨᠠᠷ ᠥᠪᠡᠷ ᠦ᠋ᠨ ᠤᠲ᠋ᠷᠢᠶᠠᠳ᠋ ᠠ᠋ᠴᠠ ᠬᠣᠯᠠᠳᠠᠵᠤ ᠶᠠᠪᠤᠭᠰᠠᠨ ᠲᠡᠨᠦᠭᠦᠯᠴᠢᠳ᠂ ᠭᠤᠢᠯᠢᠨᠴᠢᠳ᠂ ᠠᠯᠢ ᠲᠦᠮᠡᠲᠦ ᠶ᠋ᠢᠨ ᠪᠢᠯᠡ ᠠ᠋?
— ᠶᠡᠬᠡ ᠬᠠᠭᠠᠨ ᠭᠦᠶᠦᠭ ᠬᠠᠭᠠᠨ ᠤ᠋ ᠲᠦᠮᠡᠲᠦ ᠡᠴᠡ ᠪᠢᠯᠡ᠃
— ᠪᠢ ᠲᠡᠭᠡᠵᠦ ᠮᠡᠳᠡᠭᠰᠡᠨ ᠶᠤᠮ᠃ ᠲᠠᠨᠠᠷ ᠢᠷᠡᠭᠡᠳᠦᠢ ᠳ᠋ᠦ᠍ ᠬᠠᠭᠠᠨ ᠰᠠᠭᠤᠬᠤ ᠬᠥᠮᠦᠨ ᠦ᠌ ᠴᠡᠷᠢᠭ ᠦ᠋ᠨ ᠳᠣᠲᠣᠷᠠ ᠶᠠᠪᠤᠭᠠ ᠦᠨᠡᠯᠡᠵᠦ ᠦᠵᠡᠬᠦ ᠦᠭᠡᠢ ᠭᠦᠶᠦᠭ ᠬᠠᠭᠠᠨ ᠤ᠋ ᠨᠡᠷᠡ ᠠᠯᠳᠠᠷ ᠢ᠋ ᠭᠤᠲᠤᠭᠠᠵᠤ ᠶᠠᠪᠤᠨᠠ᠃ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠠ᠋! ᠡᠳᠡᠭᠡᠷ ᠲᠡᠨᠦᠭᠦᠯᠴᠢᠨ ᠶᠠᠪᠤᠭᠴᠢᠳ ᠠᠯᠢ ᠣᠲᠷᠢᠶᠠᠳ᠋ ᠤ᠋ᠨ ᠤ᠋ᠨ ᠪᠣᠯᠬᠤ ᠶ᠋ᠢ ᠰᠢᠯᠭᠠᠵᠤ ᠦᠵᠡᠭᠡᠳ᠂ ᠬᠥᠮᠦᠨ ᠪᠦᠷᠢ ᠶ᠋ᠢᠨ ᠪᠠᠷᠠᠭᠤᠨ ᠴᠢᠬᠢ ᠶ᠋ᠢ ᠨᠢ ᠣᠭᠲᠣᠯᠵᠤ ᠬᠠᠶᠠᠭᠠᠳ ᠰᠡᠷᠭᠡᠢᠯᠡᠭᠴᠢ ᠶ᠋ᠢᠨ ᠬᠠᠮᠲᠤ ᠭᠦᠶᠦᠭ ᠬᠠᠭᠠᠨ ᠤ᠋ ᠴᠡᠷᠢᠭ ᠦ᠋ᠨ ᠪᠠᠢᠷᠢᠨ ᠳ᠋ᠤ᠌ ᠪᠤᠴᠠᠭᠠᠵᠤ ᠶᠠᠪᠤᠭᠤᠯᠤᠭᠲᠤᠨ ᠭᠡᠪᠡ᠃
ᠮᠣᠩᠭᠣᠯᠴᠤᠳ ᠳᠠᠬᠢᠨ ᠤᠬᠢᠯᠠᠵᠤ ᠪᠠᠷᠬᠢᠷᠠᠯᠳᠤᠨ ᠥᠷᠥᠰᠢᠶᠡᠯ ᠢ᠋ ᠭᠣᠶᠣᠵᠠᠭᠠᠨᠠ᠃ ᠪᠠᠲᠤ ᠬᠠᠭᠠᠨ ᠲᠡᠳᠡᠨᠡᠷ ᠢ᠋ ᠣᠭᠲᠣ ᠠᠩᠬᠠᠷᠤᠨ ᠦᠵᠡᠭᠰᠡᠨ ᠦᠭᠡᠢ᠃ ᠬᠠᠳ᠋ᠵᠢ ᠷᠠᠾᠢᠮ ᠤ᠋ᠨ ᠬᠠᠨᠴᠤᠢ ᠠ᠋ᠴᠠ ᠪᠠᠷᠢᠵᠤ ᠬᠥᠲᠥᠯᠦᠨ ᠳᠠᠭᠠᠭᠤᠯᠤᠭᠰᠠᠭᠠᠷ ᠣᠳᠪᠠ᠃
ᠰᠦᠮᠡ ᠶ᠋ᠢᠨ ᠳᠣᠲᠣᠷᠠ ᠥᠷᠭᠡᠨ ᠢ᠋ᠶ᠋ᠡᠷ ᠨᠡᠭᠡᠭᠡᠯᠲᠡᠲᠡᠢ᠂ ᠲᠠᠬᠢᠯ ᠦᠷᠦᠭᠰᠡᠨ ᠬᠠᠭᠠᠯᠭᠠ ᠶ᠋ᠢᠨ ᠳᠡᠷᠭᠡᠳᠡ ᠬᠡᠪᠢᠰ ᠪᠠ ᠳᠡᠪᠡᠯ ᠦ᠋ᠳ ᠢ᠋ ᠳᠡᠯᠭᠡᠵᠦ ᠲᠠᠯᠪᠢᠭᠰᠠᠨ ᠪᠠᠢᠨᠠ᠃ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠨᠢ ᠪᠠᠲᠤ ᠬᠠᠭᠠᠨ ᠵᠠᠪᠢᠯᠠᠵᠤ ᠰᠠᠭᠤᠨᠠ᠃ ᠳᠡᠷᠭᠡᠳᠡ ᠪᠡᠨ ᠰᠠᠭᠤᠭᠠ ᠬᠠᠳ᠋ᠵᠢ ᠷᠠᠾᠢᠮ ᠤ᠋ᠨ ᠶᠠᠭᠤ ᠶᠠᠷᠢᠬᠤ ᠶ᠋ᠢ ᠴᠢᠩᠨᠠᠵᠤ ᠲᠣᠯᠣᠭᠠᠢ ᠪᠠᠨ ᠲᠣᠬᠢᠯᠠᠨ ᠰᠠᠭᠤᠨᠠ᠃ ᠳ᠋ᠸᠷᠸᠢᠱ ᠨᠢ ᠪᠠᠲᠤ ᠬᠠᠭᠠᠨ ᠠ᠋ᠴᠠ ᠪᠡᠯᠡᠭ ᠪᠣᠯᠭᠠᠨ ᠦᠭᠭᠦᠭᠰᠡᠨ ᠣᠷᠣᠰ ᠳᠡᠪᠡᠯ ᠪᠠ ᠦᠰᠦᠲᠡᠢ ᠰᠠᠪᠢᠬᠢᠨ ᠭᠤᠲᠤᠯ ᠡᠮᠦᠰᠦᠭᠰᠡᠨ ᠠᠵᠢ᠃ ᠥᠷᠭᠡᠨ ᠬᠠᠨᠴᠤᠢ ᠲᠠᠢ ᠤᠷᠲᠤ ᠬᠠᠷᠠ ᠳᠠᠪᠠᠯᠲᠠᠢ ᠯᠠᠮᠠ ᠴᠡᠭᠡᠵᠢᠨ ᠳ᠋ᠡᠭᠡᠨ ᠵᠡᠭᠦᠯᠲᠡᠲᠡᠢ ᠮᠥᠩᠭᠥᠨ ᠵᠠᠭᠠᠯᠮᠠᠢ ᠨᠤᠭᠤᠳ ᠢ᠋ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠢᠵᠤ ᠰᠦᠮᠡ ᠶ᠋ᠢᠨ ᠳᠣᠲᠣᠭᠤᠷ ᠠᠶᠠᠷᠬᠠᠨ ᠶᠠᠪᠤᠵᠤ ᠵᠠᠭᠠᠯᠮᠠᠢᠯᠠᠨ ᠵᠠᠯᠪᠠᠷᠢᠵᠤ ᠪᠤᠷᠬᠠᠨ ᠪᠦᠷᠢ ᠶ᠋ᠢᠨ ᠡᠮᠦᠨᠡ ᠥᠨᠳᠥᠷ ᠵᠤᠯᠠ ᠶ᠋ᠢ ᠲᠠᠯᠪᠢᠵᠤ ᠶᠣᠰᠣᠯᠠᠨ ᠮᠥᠷᠭᠥᠨᠡ᠃ ᠡᠨᠡ ᠨᠢ ᠮᠣᠩᠭᠣᠯ ᠤ᠋ᠨ ᠡᠵᠡᠨ ᠳᠡᠭᠡᠳᠦᠰ ᠦ᠋ᠨ ᠲᠤᠰᠢᠶᠠᠯ ᠢ᠋ ᠭᠦᠢᠴᠡᠳᠬᠡᠵᠦ ᠶᠠᠪᠤᠭᠠ ᠠᠵᠢ᠃
ᠲᠡᠷᠡ《ᠪᠢ ᠣᠷᠣᠰ ᠤ᠋ᠨ ᠪᠤᠷᠬᠠᠨ ᠨᠢᠭᠡ ᠪᠦᠷᠢ ᠶ᠋ᠢ ᠬᠦᠨᠳᠦᠳᠬᠡᠨ ᠶᠣᠰᠣᠯᠠᠬᠤ ᠶ᠋ᠢ ᠬᠦᠰᠡᠨᠡ᠃ ᠣᠷᠣᠰ ᠤ᠋ᠨ ᠶᠠᠮᠠᠷ ᠨᠢᠭᠡᠨ ᠪᠤᠷᠬᠠᠨ ᠨᠠᠳᠠᠳᠤ ᠠᠭᠤᠷᠯᠠᠵᠤ ᠨᠠᠳᠠᠳᠤ ᠬᠣᠣᠷ ᠬᠥᠨᠥᠭᠡᠯ ᠤᠴᠠᠷᠠᠭᠤᠯᠬᠤ ᠶ᠋ᠢ ᠪᠢ ᠶᠡᠷᠦ ᠬᠦᠰᠡᠭᠡ ᠦᠭᠡᠢ ᠪᠠᠢᠨᠠ》ᠭᠡᠵᠦ ᠬᠡᠯᠡᠮᠦᠷᠴᠢ ᠪᠡᠷ ᠤᠯᠠᠮᠵᠢᠯᠠᠨ ᠲᠡᠭᠦᠨᠡ ᠲᠤᠰᠢᠶᠠᠭᠰᠠᠨ ᠠᠵᠢ᠃ ᠲᠡᠷᠡ ᠯᠠᠮᠠ ᠪᠠᠲᠤ ᠬᠠᠭᠠᠨ ᠢ᠋ ᠭᠢᠯᠤᠢᠨ ᠬᠠᠷᠠᠬᠤ ᠪᠠ ᠪᠠᠲᠤ ᠬᠠᠭᠠᠨ ᠶᠠᠮᠠᠷ ᠴᠤ᠌ ᠳᠠᠭᠤ ᠴᠢᠮᠡᠭᠡ ᠦᠭᠡᠢ ᠰᠠᠭᠤᠭᠰᠠᠭᠠᠷ ᠪᠠᠢᠨᠠ᠃ ᠬᠠᠳ᠋ᠵᠢ ᠷᠠᠾᠢᠮ ᠲᠡᠭᠦᠨ ᠳ᠋ᠦ᠍ ᠬᠡᠯᠡᠬᠦ ᠨᠢ᠄
— ᠪᠢ ᠴᠢᠮᠠ ᠶ᠋ᠢ ᠳᠠᠬᠢᠨ ᠭᠤᠶᠤᠶᠠ᠃ ᠨᠠᠮᠠᠶ᠋ᠢ ᠲᠠᠯᠪᠢᠵᠤ ᠶᠠᠪᠤᠭᠤᠯ᠃ ᠡᠨᠡ ᠴᠢᠰᠤᠨ ᠳᠠᠯᠠᠢ ᠳ᠋ᠤ᠌ ᠪᠠᠢᠬᠤ ᠳ᠋ᠤ᠌ ᠨᠠᠳᠠᠳᠤ ᠬᠡᠴᠡᠭᠦᠦ ᠪᠠᠢᠨᠠ᠃ᠠᠮᠤᠭᠤᠯᠠᠩ ᠲᠠᠢᠪᠤᠩ ᠡᠷᠬᠡ ᠴᠢᠯᠥᠭᠡᠲᠡᠢ ᠪᠡᠷ ᠠᠵᠤ ᠲᠥᠷᠥᠨ ᠠᠮᠢᠳᠤᠷᠠᠬᠤ ᠶ᠋ᠢ ᠬᠦᠰᠡᠭᠴᠢ ᠡᠳᠦᠢᠴᠢᠨᠡᠭᠡᠨ ᠶᠠᠰᠤᠲᠠᠨ ᠦᠨᠳᠦᠰᠦᠲᠡᠨ ᠨᠠᠷ ᠢ᠋ ᠴᠢ ᠶᠠᠭᠤᠨ ᠳ᠋ᠤ᠌ ᠠᠯᠠᠨ ᠬᠢᠳᠤᠵᠤ ᠪᠠᠢᠨᠠ ? ᠭᠡᠪᠡ᠃
— ᠲᠡᠳᠡᠨᠡᠷ ᠥᠪᠡᠷᠰᠡᠳ ᠦ᠋ᠨ ᠡᠷᠬᠡ ᠴᠢᠯᠥᠭᠡ ᠶ᠋ᠢ ᠰᠡᠯᠡᠮᠡ ᠪᠡᠷ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠭ᠃ ᠮᠣᠩᠭᠣᠯᠴᠤᠳ ᠪᠦᠭᠦᠳᠡ ᠡᠴᠡ ᠬᠦᠴᠦᠲᠡᠢ ᠶᠤᠮ᠃ ᠪᠦᠬᠦ ᠶᠢᠷᠲᠢᠨᠴᠦ ᠮᠢᠨᠦ ᠡᠪᠦᠭᠡ ᠡᠴᠢᠭᠡ ᠬᠤᠪᠢᠯᠭᠠᠨ ᠡᠵᠡᠨ ᠦ᠌ ᠦᠷᠡ ᠬᠡᠦᠬᠡᠳ ᠦ᠋ᠨ ᠡᠷᠬᠡᠰᠢᠶᠡᠯ ᠳ᠋ᠦ᠍ ᠣᠷᠣᠵᠤ ᠥᠭᠬᠦ ᠶᠣᠰᠣᠲᠠᠢ᠃
— ᠴᠢ ᠨᠠᠳᠠ ᠪᠠᠷ ᠶᠠᠭᠠᠬᠢᠬᠤ ᠪᠢᠯᠡ ?ᠨᠠᠮᠠᠶ᠋ᠢ ᠲᠠᠯᠪᠢᠵᠤ ᠶᠠᠪᠤᠭᠤᠯ᠂
— ᠦᠭᠡᠢ ᠴᠢ ᠨᠠᠳᠠᠲᠠᠢ ᠴᠣᠭ ᠶᠠᠪᠤᠨᠠ᠃ ᠪᠢ ᠡᠷᠭᠢᠨ ᠲᠣᠭᠣᠷᠢᠨ ᠳ᠋ᠤ᠌ ᠭᠠᠭᠴᠠᠬᠠᠨ ᠵᠢᠰᠤᠷᠯᠠᠨ ᠪᠢᠯᠳᠠᠤᠴᠢᠯᠠᠬᠤ ᠦᠭᠡ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ᠃ ᠭᠠᠭᠴᠠᠬᠦ ᠰᠦᠪᠡᠭᠡᠳᠡᠢ ᠶᠦᠯᠳᠥ᠋ᠽ ᠬᠠᠲᠤᠨ ᠲᠠ ᠭᠤᠷᠪᠠ᠂ ᠨᠠᠳᠠᠳᠤ ᠦᠨᠡᠨ ᠢ᠋ ᠬᠡᠯᠡᠳᠡᠭ ᠪᠢᠯᠡ᠃ ᠦᠨᠡᠨ ᠢ᠋ ᠬᠡᠯᠡᠳᠡᠭ ᠬᠥᠮᠦᠨ ᠢ᠋ ᠬᠡᠵᠢᠶᠡᠳᠡ ᠳᠡᠷᠭᠡᠳᠡ ᠪᠡᠨ ᠠᠪᠴᠤ ᠪᠠᠢᠬᠤ ᠶ᠋ᠢ ᠪᠢ ᠶᠡᠬᠡᠳᠡ ᠬᠦᠰᠡᠳᠡᠭ᠃ ᠴᠢ ᠪᠢᠳᠡ ᠬᠣᠶᠠᠷ ᠬᠣᠶᠠᠭᠤᠯᠬᠠᠨ ᠢ᠋ᠶ᠋ᠠᠨ ᠪᠠᠢᠬᠤ ᠴᠠᠭ ᠲᠤ᠌ ᠴᠢ ᠭᠠᠭᠴᠠᠬᠦ ᠦᠨᠡᠨ ᠢ᠋ ᠬᠡᠯᠡᠳᠡᠭ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠴᠢ ᠪᠤᠰᠤᠳ ᠤ᠋ᠨ ᠳᠡᠷᠭᠡᠳᠡ ᠨᠠᠮᠠᠶ᠋ᠢ ᠵᠢᠮᠡᠯᠡᠬᠦ ᠠᠬᠤᠯᠠ ᠪᠤᠰᠤᠳ ᠬᠥᠮᠦᠰ ᠨᠠᠳᠠ ᠠ᠋ᠴᠠ ᠠᠶᠤᠳᠠᠭ ᠪᠠᠢᠬᠤ ᠶ᠋ᠢᠨ ᠲᠤᠯᠠ ᠨᠢᠷᠤᠭᠤ ᠶ᠋ᠢ ᠴᠢᠨᠢ ᠬᠤᠭᠤᠯᠤᠭᠤᠯᠬᠤ ᠶ᠋ᠢ ᠲᠤᠰᠢᠶᠠᠶᠠ᠃
— ᠦᠨᠡᠨ ᠢ᠋ ᠬᠡᠯᠡᠭᠴᠢ ᠬᠥᠮᠦᠨ᠂ ᠥᠪᠡᠷ ᠦ᠋ᠨ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠦᠬᠦᠳᠡᠭ ᠦᠭᠡᠢ ᠶᠤᠮ᠃
ᠪᠠᠲᠤ ᠬᠠᠭᠠᠨ ᠰᠦᠮᠡ ᠶ᠋ᠢᠨ ᠳᠣᠲᠣᠭᠤᠷ ᠵᠥᠭᠡᠯᠡᠨ ᠠᠯᠬᠤᠮ ᠢ᠋ᠶ᠋ᠠᠷ ᠶᠠᠪᠤᠵᠤ ᠯᠠᠮᠠ ᠲᠡᠰᠢ ᠡᠷᠭᠢᠵᠦ ᠬᠠᠷᠠᠭᠠᠳ ᠬᠡᠯᠡᠪᠡ᠃
— ᠡᠨᠡ ᠰᠠᠢᠬᠠᠨ ᠦᠨᠦᠷ ᠶᠠᠭᠤ ᠪᠣᠢ?
— ᠪᠢ ᠬᠤᠪᠢᠯᠭᠠᠨ ᠪᠤᠷᠬᠠᠳ ᠤ᠋ᠨ ᠡᠮᠦᠨᠡ ᠪᠣᠢᠫᠣᠷ ᠲᠤ᠌ ᠰᠠᠩ ᠲᠠᠯᠪᠢᠭᠰᠠᠨ ᠪᠢᠯᠡ᠃
— ᠪᠣᠢᠫᠣᠷ ᠭᠡᠵᠦ ᠶᠠᠭᠤ ᠪᠣᠢ? ᠦᠵᠡᠭᠦᠯ᠂
ᠯᠠᠮᠠ ᠨᠢ ᠪᠣᠢᠫᠣᠷ ᠤ᠋ᠨ ᠴᠣᠭ ᠳᠡᠭᠡᠷᠡ ᠠᠷᠴᠠ ᠬᠢᠵᠦ ᠪᠤᠷᠬᠠᠨ ᠤ᠋ ᠡᠮᠦᠨᠡ ᠰᠠᠩ ᠤ᠋ᠨ ᠤᠲᠤᠭᠠ ᠶ᠋ᠢ ᠣᠷᠭᠢᠯᠤᠭᠤᠯᠪᠠ᠃ ᠪᠠᠲᠤ ᠬᠠᠭᠠᠨ ᠬᠠᠮᠠᠷ ᠢ᠋ᠶ᠋ᠠᠨ ( ᠢ᠋ᠶ᠋ᠠᠷ) ᠲᠠᠲᠠᠵᠤ ᠦᠨᠦᠷᠲᠦᠭᠡᠳ᠂
— ᠬᠡ᠂ ᠬᠡ᠂ ᠡᠨᠡ ᠰᠠᠢᠬᠠᠨ ᠪᠠᠢᠨᠠ᠃ ᠨᠡᠰᠢ ᠦᠯᠢᠶᠡᠭᠲᠦᠨ᠃ ᠲᠡᠷᠡ ᠠᠶᠤᠨ ᠰᠣᠴᠢᠵᠤ ᠵᠠᠭᠠᠯᠮᠠᠢᠯᠠᠨ ᠮᠥᠷᠭᠥᠭᠡᠳ᠂
— ᠠᠢ ᠪᠤᠷᠬᠠᠨ᠂ ᠨᠢᠭᠦᠯ ᠢ᠋ ᠮᠢᠨᠢ ᠠᠭᠤᠴᠢᠯᠠ᠁ ᠭᠡᠳ ᠪᠠᠲᠤ ᠬᠠᠭᠠᠨ ᠤ᠋ ᠡᠮᠦᠨᠡ ᠰᠠᠩ ᠤ᠋ᠨ ᠤᠲᠤᠭᠠ ᠶ᠋ᠢ ᠣᠷᠭᠢᠯᠤᠭᠤᠯᠤᠨ ᠤᠲᠤᠪᠠ᠃
— ᠬᠡᠨ ᠦ᠌ ᠪᠤᠷᠬᠠᠨ ᠬᠦᠴᠦᠲᠡᠢ ᠪᠣᠢ? ᠣᠷᠣᠰ ᠤ᠋ᠨ ᠪᠤᠷᠬᠠᠨ ᠬᠦᠴᠦᠲᠡᠢ ᠤᠤ? ᠡᠰᠡᠪᠡᠯ ᠮᠣᠩᠭᠣᠯ ᠤ᠋ᠨ ᠪᠤᠷᠬᠠᠨ ᠬᠦᠴᠦᠲᠡᠢ ᠤᠤ? ᠭᠡᠵᠦ ᠪᠠᠲᠤ ᠬᠠᠭᠠᠨ ᠦᠷᠭᠦᠯᠵᠢᠯᠡᠨ ᠠᠰᠠᠭᠤᠪᠠ᠃ ᠲᠡᠷᠡ ᠯᠠᠮᠠ
— ᠪᠤᠷᠬᠠᠨ ᠨᠢᠭᠡ ᠪᠢᠯᠡ᠃
— ᠬᠤᠳᠠᠯ ᠂ ᠲᠠᠨ ᠤ᠋ ᠰᠦᠮᠡ ᠳ᠋ᠦ᠍ ᠣᠯᠠᠨ ᠪᠤᠷᠬᠠᠨ ᠬᠠᠨᠠ ᠪᠠᠷ ᠳᠦᠭᠦᠷᠡᠩ ᠡᠯᠭᠦᠭᠡᠰᠦᠲᠡᠢ ᠪᠠᠢᠨᠠ᠃ ᠮᠠᠭᠤ ᠴᠤ᠌ ᠲᠡᠷᠡ᠂ ᠰᠠᠢᠨ ᠴᠤ᠌ ᠲᠡᠷᠡ ᠪᠤᠷᠬᠠᠨ ᠨᠤᠭᠤᠳ ᠣᠯᠠᠨ ᠪᠠᠢᠳᠠᠭ᠃ ᠬᠠᠮᠤᠭ ᠤ᠋ᠨ ᠶᠡᠬᠡ᠂ ᠬᠠᠮᠤᠭ ᠤ᠋ᠨ ᠬᠦᠴᠦᠲᠡᠢ ᠪᠤᠷᠬᠠᠨ ᠨᠢ ᠮᠠᠨ ᠤ᠋ ᠲᠡᠢᠨ ᠦ᠌ ᠪᠤᠷᠬᠠᠨ᠂ ᠮᠠᠨ ᠤ᠋ ᠰᠦᠯᠳᠡ ᠲᠩᠷᠢ ᠪᠣᠯᠤᠨᠠ᠃ ᠲᠡᠷᠡ ᠪᠢᠳᠡᠨ ᠳ᠋ᠦ᠍ ᠢᠯᠠᠯᠲᠠ ᠶ᠋ᠢ ᠥᠭᠳᠡᠭ᠃ ᠨᠡᠢᠲᠡ ᠣᠯᠠᠨ ᠮᠠᠨ ᠤ᠋ ᠢᠯᠠᠯᠲᠠ ᠶ᠋ᠢᠨ ᠡᠷᠬᠡᠰᠢᠶᠡᠯ ᠳ᠋ᠦ᠍ ᠣᠷᠣᠨᠠ᠃ ᠲᠡᠢᠮᠦ ᠤᠴᠢᠷ ᠠ᠋ᠴᠠ ᠮᠣᠩᠭᠣᠯᠴᠤᠳ ᠪᠦᠬᠦ ᠶᠢᠷᠲᠢᠨᠴᠦ ᠶ᠋ᠢ ᠵᠠᠬᠢᠷᠤᠨᠠ ᠭᠡᠵᠦ ᠪᠠᠲᠤ ᠬᠠᠭᠠᠨ ᠬᠡᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠡᠴᠡᠭ᠂ ᠪᠠᠶᠠᠨᠴᠡᠴᠡᠭ· ᠮᠡᠷᠭᠡᠨᠭᠣᠣᠠ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ
ᠬᠢᠨᠠᠭᠴᠢ᠄ ᠪᠠᠯ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠶᠠᠨᠴᠡᠴᠡᠭ