ᠪᠠᠲᠤ ᠬᠠᠭᠠᠨ 5-08ᠲᠦᠭᠰᠢᠭᠦᠷᠢᠲᠡᠢ ᠰᠥᠨᠢ ᠨᠦ᠍ᠭᠦᠳ-ᠷᠶᠠᠽᠠᠨ ᠤ᠋ ᠭᠠᠵᠠᠷ ᠨᠤᠲᠤᠭ ᠰᠢᠲᠠᠵᠤ ᠪᠠᠢᠨᠠBat khaan Бат хаан-ᠷᠣᠮᠠᠨ
193ᠨᠠᠢ᠍ᠮᠠ ᠲᠦᠭᠰᠢᠭᠦᠷᠢᠲᠡᠢ ᠰᠥᠨᠢ ᠨᠦ᠍ᠭᠦᠳ
ᠳᠠᠢᠰᠤᠨ ᠨᠢ ᠥᠪᠡᠷ ᠦ᠋ᠨ ᠳᠠᠢᠰᠤᠨ ᠤ᠋ ᠰᠠᠨᠠᠭᠠ ᠶ᠋ᠢ ᠮᠡᠳᠡᠳᠡᠭ ᠦᠭᠡᠢ᠃
(ᠳᠣᠷᠣᠨᠠ ᠳ᠋ᠠᠬᠢᠨ ᠤ᠋ ᠵᠦᠢᠷ ᠦᠭᠡ)
ᠰᠡᠸᠸᠯᠢ ᠨᠢ ᠪᠦᠬᠦᠯᠢ ᠰᠥᠨᠢ ᠶ᠋ᠢ ᠲᠦᠭᠰᠢᠭᠦᠷᠢ ᠲᠡᠢ ᠪᠡᠷ ᠥᠩᠭᠡᠷᠡᠭᠦᠯᠪᠡ᠃ ᠵᠠᠷᠢᠮ ᠳ᠋ᠠᠭᠠᠨ ᠲᠡᠷᠡ ᠫᠤᠤᠳᠠᠯᠭᠠ ᠶ᠋ᠢᠨ ᠨᠦᠬᠡ ᠪᠡᠷ ᠬᠣᠯᠠ ᠶ᠋ᠢ ᠰᠢᠷᠲᠡᠨ ᠬᠠᠷᠠᠬᠤ ᠪᠠ ᠵᠠᠷᠢᠮ ᠳ᠋ᠠᠭᠠᠨ ᠦᠢᠮᠡᠵᠦ ᠰᠠᠨᠳᠤᠷᠤᠭᠰᠠᠨ ᠬᠣᠲᠠ ᠶ᠋ᠢᠨ ᠱᠤᠤᠭᠢᠶᠠᠨ ᠢ᠋ ᠴᠢᠩᠨᠠᠵᠤ ᠪᠠᠢᠯᠠ᠃ ᠷᠶᠡᠽᠡᠨ ᠢ᠋ ( ᠤ᠋) ᠡᠷᠭᠢᠨ ᠲᠣᠭᠣᠷᠢᠨ( ᠳ᠋ᠤ᠌) ᠶᠡᠷᠦᠳᠡ ᠶ᠋ᠢᠨ ᠰᠥᠨᠢ ᠶ᠋ᠢᠨ ᠨᠠᠮ ᠭᠦᠮ ᠲᠠᠰᠤᠷᠠᠵᠠᠢ᠃ ᠤᠯᠠᠭᠠᠨ ᠴᠣᠭ ᠤ᠋ᠳ ᠢ᠋ ᠡᠯᠪᠡᠭ ᠢ᠋ᠶ᠋ᠡᠷ ᠲᠠᠷᠬᠠᠭᠠᠨ ᠬᠠᠶᠠᠭᠰᠠᠨ ᠨᠢ ᠬᠡᠳᠦ ᠬᠡᠳᠦᠨ ᠮᠢᠩᠭᠠᠨ ᠭᠠᠯ ᠤ᠋ᠳ ᠬᠡᠷᠡᠮ ᠦ᠋ᠨ ᠳᠣᠣᠷᠠ ᠪᠠ ᠭᠣᠣᠯ ᠤ᠋ᠨ ᠴᠢᠨᠠᠳᠤ ᠲᠠᠯᠠ ᠳ᠋ᠤ᠌ ᠨᠣᠴᠣᠵᠤ ᠦᠵᠡᠭᠳᠡᠨᠡ᠃
ᠲᠠᠲ᠋ᠠᠷ ᠤ᠋ᠳ ᠣᠢᠷᠠ ᠬᠠᠪᠢ ᠶ᠋ᠢᠨ ᠪᠠᠢᠰᠢᠩ ᠰᠠᠷᠠᠪᠴᠢ ᠬᠠᠰᠢᠶᠠ ᠵᠡᠷᠭᠡ ᠶ᠋ᠢ ᠡᠪᠳᠡᠯᠡᠨ ᠪᠠᠭᠤᠯᠭᠠᠵᠤ ᠰᠥᠨᠢ ᠶ᠋ᠢᠨ ᠲᠤᠷᠰᠢ ᠭᠠᠯ ᠲᠦᠯᠡᠵᠦ ᠬᠣᠨᠣᠨᠠ᠃ ᠲᠡᠷᠲᠡᠭᠡ ᠬᠣᠯᠠ ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌ ᠲᠦᠢᠮᠡᠷ ᠦ᠋ᠨ ᠭᠠᠯ ᠳᠦᠷᠡᠯᠵᠡᠨ ᠦᠵᠡᠭᠳᠡᠵᠦ ᠲᠡᠭᠦᠨ ᠦ᠌ ᠲᠤᠶᠠᠭᠠᠨ ᠳ᠋ᠤ᠌ ᠳᠣᠣᠭᠤᠷ ᠶᠠᠪᠤᠭᠠ ᠡᠭᠦᠯᠡ ᠤᠯᠠᠢᠨ ᠦᠵᠡᠭᠳᠡᠨᠡ᠃
— ᠬᠣᠲᠠ ᠶ᠋ᠢ ᠬᠠᠮᠠᠭᠠᠯᠠᠭᠴᠢᠳ ᠴᠤᠭᠯᠠᠷᠠᠨ ᠢᠷᠡᠭᠲᠦᠨ᠃
ᠲᠦᠭᠰᠢᠭᠦᠷᠢ ᠲᠡᠢ ᠪᠡᠷ ᠠᠯᠤᠰ ᠢ᠋ ᠰᠢᠷᠳᠡᠵᠦ ᠶᠠᠷᠢᠯᠴᠠᠨᠠ᠃ ᠲᠡᠨᠳᠡ ᠫᠷᠤᠨᠰᠺᠠ ᠰᠢᠲᠠᠵᠤ ᠪᠠᠢᠨᠠ᠃
— ᠵᠠ ᠳᠡᠮᠡᠢ ᠪᠤᠤ ᠶᠠᠷᠢ᠂ ᠫᠷᠤᠨᠰᠺ ᠬᠦᠷᠲᠡᠯᠡ ᠲᠠᠪᠢᠭᠠᠳ ᠮᠣᠳᠣ ᠪᠢᠰᠢ ᠤᠤ?
— ᠲᠡᠭᠡᠪᠡᠯ ᠲᠡᠷᠡ ᠶᠠᠭᠤ ᠪᠣᠢ?
— ᠦᠨᠡᠬᠡᠷ ᠫᠷᠤᠨᠰᠺ ᠪᠠᠢᠬᠤ ᠰᠢᠪ ᠳ᠋ᠠ ᠁
— ᠬᠠᠷᠠᠭᠠᠴᠢ ᠲᠡᠷᠡ ᠰᠤᠪᠤᠯᠸᠸᠺ ᠰᠢᠲᠠᠪᠠ᠃
— ᠠᠬᠠ ᠳᠡᠭᠦᠦ ᠠᠮᠠᠷᠠᠭ ᠰᠠᠳᠤᠨ ᠮᠢᠨᠢ ᠁ ᠦᠬᠤᠷᠰᠺ ᠰᠢᠲᠠᠭᠠᠵᠤ (ᠰᠢᠲᠠᠵᠤ) ᠪᠠᠢᠨᠠ᠁
— ᠬᠠᠮᠢᠭᠠ?
— ᠲᠡᠷᠡ ᠣᠢ ᠶ᠋ᠢᠨ ᠴᠠᠭᠠᠨᠠ ᠂
ᠫᠸᠷᠸᠸᠤᠯᠤᠺ ᠪᠢᠰᠢ ᠤᠤ?
— ᠦᠭᠡᠢ᠂ ᠣᠳᠣᠬᠠᠨ ᠳᠡᠭᠡᠷᠡ ᠪᠡᠨ ᠲᠡᠭᠦᠨ ᠳ᠋ᠦ᠍ ᠭᠠᠷ ᠬᠦᠷᠭᠡᠬᠦ ᠦᠭᠡᠢ ᠪᠠᠢᠨᠠ᠃
— ᠡᠨᠡ ᠴᠢᠨᠢ ᠶᠠᠭᠤ ᠪᠣᠯᠵᠤ ᠪᠠᠢᠨᠠ᠂ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ⁈ ᠶᠠᠭᠠᠬᠢᠭᠰᠠᠨ ᠭᠠᠯᠵᠠᠭᠤᠷᠠᠭᠰᠠᠨ ᠵᠡᠷᠯᠢᠭ ᠦ᠋ᠳ ᠪᠣᠢ? ᠡᠳᠡ ᠴᠢᠨᠢ᠂
— ᠲᠡᠨᠳᠡ ᠪᠠᠰᠠ ᠰᠢᠲᠠᠵᠤ ᠪᠠᠢᠨᠠ᠃ ᠲᠡᠷᠲᠡᠭᠡ ᠲᠡᠨᠳᠡ······ ᠬᠣᠯᠠ······
— ᠲᠡᠷᠡ ᠴᠢᠨᠢ ᠶᠡᠷᠦ᠋ᠰᠲ᠋ᠦᠸᠣ᠋······
— ᠦᠨᠡᠬᠡᠷ ᠶᠡᠷᠦ᠋ᠰᠲ᠋ᠦᠸᠣ᠋ ᠭᠡᠵᠢ ᠤᠤ? ᠭᠡᠵᠦ ᠰᠡᠸᠸᠯᠢ ᠭᠠᠰᠠᠯᠵᠤ᠂
— ᠶᠡᠷᠦ᠋ᠰᠲ᠋ᠦᠸᠣ᠋ ᠴᠢᠨᠢ ᠷᠶᠡᠽᠡᠨ ᠡᠴᠡ ᠭᠤᠴᠢᠭᠠᠳ ᠮᠣᠳᠣ ᠰᠢᠦ ᠳ᠋ᠠ ᠭᠡᠳ ᠥᠪᠡᠷ ᠦ᠋ᠨ ᠭᠡᠷ ᠪᠦᠯᠢ ᠳ᠋ᠦ᠍ ᠬᠡᠷᠪᠡ ᠲᠦᠭᠰᠢᠭᠦᠷᠢᠲᠡᠢ ᠴᠠᠭ ᠲᠣᠬᠢᠶᠠᠯᠳᠤᠪᠠᠯ ᠤᠷᠭᠤᠨ ᠶᠠᠪᠤᠵᠤ ᠶᠡᠷᠦ᠋ᠰᠲ᠋ᠦᠸᠣ᠋ ᠳ᠋ᠠᠬᠢ ᠵᠢᠭᠠᠰᠤᠴᠢᠨ ᠫᠠᠬᠤᠮ ᠤ᠋ᠨ ᠳ᠋ᠤ᠌ ᠣᠴᠢᠭᠠᠷᠠᠢ ᠭᠡᠵᠦ ᠵᠠᠬᠢᠭᠰᠠᠨ ᠢ᠋ᠶ᠋ᠠᠨ ᠳᠤᠷᠠᠰᠤᠨ ᠰᠠᠨᠠᠪᠠ᠃
— ᠲᠡᠳᠡᠨᠡᠷ ᠶᠠᠭᠤ ᠭᠡᠵᠦ ᠷᠶᠠᠽᠠᠨ ᠢ᠋ ᠠᠪᠲᠠᠯᠠ ᠪᠠᠨ ᠬᠦᠯᠢᠶᠡᠵᠦ ᠪᠠᠢᠬᠤ ᠶᠤᠮ ᠪᠣᠢ? ᠲᠡᠳᠡᠭᠡᠷ ᠭᠠᠢ ᠲᠠᠢ ᠮᠠᠭᠤ ᠵᠠᠨᠳᠠᠯᠴᠢᠳ ᠲᠸ᠋ ᠭᠤᠴᠢᠨ ᠮᠣᠳᠣ ᠴᠢᠨᠢ ᠶᠠᠭᠤ ᠪᠠᠢᠬᠤ ᠶᠤᠮ ᠪᠣᠢ? ᠬᠠᠷᠠᠬᠤ ᠦᠭᠡᠢ ᠤᠤ᠂ ᠲᠡᠳᠡᠨᠡᠷ ᠬᠡᠴᠢᠨᠡᠨ ᠬᠣᠯᠠ ᠪᠣᠢ? ᠡᠷᠭᠢᠨ ᠲᠣᠭᠣᠷᠢᠨ ᠵᠥᠩᠳᠡᠭᠡᠨ ᠲᠠᠷᠬᠠᠴᠢᠬᠠᠭᠰᠠᠨ ᠪᠠᠢᠨᠠ᠃ ᠰᠢᠲᠠᠭᠠᠬᠤ ᠳᠡᠭᠡᠷᠡᠮᠳᠡᠬᠦ ᠡᠴᠡ ᠥᠭᠡᠷᠡ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠦᠬᠡᠷ ᠦ᠋ᠳ᠃
ᠶᠡᠷᠦ᠋ᠰᠲ᠋ᠦᠸᠣ᠋ ᠶ᠋ᠢᠨ ᠵᠦᠭ ᠲᠦ᠍ ᠭᠠᠯ ᠤ᠋ᠨ ᠲᠤᠶᠠᠭᠠ ᠣᠨᠴᠠ ᠶᠡᠬᠡ ᠪᠠᠢᠪᠠ᠃ ᠮᠠᠰᠢ ᠶᠡᠬᠡ ᠭᠡᠷᠡᠯᠲᠡᠢ ᠭᠠᠯ ᠤ᠋ᠨ ᠤᠯᠠᠪᠢᠷ ᠳᠥᠯᠥ ᠪᠦᠷ ᠳᠡᠭᠡᠷᠡ ᠬᠥᠭᠡᠷᠴᠦ ᠡᠭᠦᠯᠡ ᠶ᠋ᠢ ᠲᠤᠯᠵᠤ ᠪᠠᠢᠪᠠ᠃
— ᠲᠡᠨᠡᠭ ᠦ᠋ᠳ᠂ ᠡᠨᠡ ᠴᠢᠨᠢ ᠲᠠᠲ᠋ᠠᠷ ᠤ᠋ᠳ ᠨᠢᠷᠤᠭᠤᠯᠳᠠᠭᠰᠠᠨ ᠡᠪᠡᠰᠦ ᠶ᠋ᠢ ᠰᠢᠲᠠᠭᠠᠵᠤ ᠥᠪᠡᠷᠰᠡᠳ ᠦ᠋ᠨ ᠬᠠᠷᠠ ᠲᠣᠯᠣᠭᠠᠢ ᠳ᠋ᠤ᠌ ᠬᠣᠬᠢᠷᠠᠯ ᠬᠢᠵᠦ ᠪᠠᠢᠨᠠ ᠭᠡᠵᠦ ᠨᠢᠭᠡᠨ ᠵᠠᠯᠠᠭᠤ ᠴᠡᠷᠢᠭ ᠬᠡᠯᠡᠪᠡ᠃
— ᠦᠭᠡᠢ ᠲᠡᠢᠮᠦ ᠪᠢᠰᠢ᠂ ᠲᠠᠲ᠋ᠠᠷ ᠤ᠋ᠳ ᠲᠸ᠋ ᠡᠪᠡᠰᠦ᠂ ᠲᠠᠯᠬᠠ ᠠ᠋ᠴᠠ ᠦᠨᠡᠲᠡᠢ ᠰᠢᠦ ᠭᠡᠵᠦ ᠰᠡᠸᠸᠯᠢ ᠪᠤᠷᠤᠭᠤᠰᠢᠶᠠᠪᠠ᠃
— ᠡᠪᠡᠰᠦ ᠦᠭᠡᠢ ᠪᠣᠯ ᠮᠣᠷᠢᠳ ᠨᠢ ᠦᠬᠦᠨᠡ ᠪᠢᠵᠡ᠃ ᠲᠡᠭᠡᠪᠡᠯ ᠡᠨᠡ ᠮᠠᠭᠤ ᠵᠠᠨᠳᠠᠯᠴᠢᠳ ᠬᠠᠮᠢᠭᠠ ᠣᠴᠢᠬᠤ ᠪᠢᠯᠡ᠃ ᠮᠠᠨ ᠤ᠋ ᠬᠢᠨ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠡᠪᠡᠰᠦ ᠪᠡᠨ ᠰᠢᠲᠠᠭᠠᠭᠰᠠᠨ ᠪᠠᠢᠬᠤ᠃ ᠪᠢᠳᠡ ᠨᠢᠷᠤᠭᠤᠯᠳᠠᠭᠰᠠᠨ ᠡᠪᠡᠰᠦ ᠪᠡᠨ ᠲᠦᠢᠮᠡᠷᠳᠡᠵᠦ ᠲᠠᠲ᠋ᠠᠷ ᠤ᠋ᠳ ᠢ᠋ ᠥᠯᠥᠰᠬᠦᠯᠡᠩ ᠢ᠋ᠶ᠋ᠡᠷ ᠢᠯᠠᠨᠠ᠃
— ᠲᠡᠢᠮᠦ ᠠ᠋! ᠲᠡᠳᠡᠨᠡᠷ ᠲᠦ᠍ ᠡᠨᠳᠡ ᠠᠮᠢᠳᠤᠷᠠᠯᠭᠠ ᠴᠥ᠍ ᠣᠭᠲᠣ ᠦᠭᠡᠢ ᠯᠡ ᠳ᠋ᠠ᠁ ᠡᠨᠡ ᠰᠥᠨᠢ ᠲᠦᠭᠰᠢᠭᠦᠷᠢᠲᠡᠢ ᠥᠩᠭᠡᠷᠡᠪᠡ᠃ ᠬᠠᠷᠠᠭᠤᠯ ᠮᠠᠨᠠᠭᠠᠨ ᠨᠤᠭᠤᠳ ᠨᠢᠳᠦ ᠴᠠᠪᠴᠢᠯ ᠦᠭᠡᠢ ᠰᠡᠷᠭᠡᠢᠯᠡᠵᠦ ᠪᠠᠢᠪᠠ᠃
ᠥᠷᠯᠥᠭᠡ ᠪᠣᠯᠬᠤ ᠳ᠋ᠤ᠌ ᠭᠣᠣᠯ ᠤ᠋ᠨ ᠴᠠᠭᠠᠨᠠ ᠲᠠᠬᠢᠶᠠ ᠳᠣᠩᠭᠣᠳᠪᠠ᠃ ᠷᠶᠠᠽᠠᠨ ᠳ᠋ᠠᠬᠢ ᠲᠠᠬᠢᠶᠠ ᠨᠤᠭᠤᠳ ᠬᠠᠷᠢᠭᠤ ᠳᠣᠩᠭᠣᠳᠪᠠ᠃ ᠠᠭᠤᠷ ᠴᠠᠩ ᠪᠣᠯᠤᠭᠰᠠᠨ ᠴᠡᠷᠢᠭ ᠦ᠋ᠳ ᠪᠠᠭᠠᠰᠴᠤ ᠪᠠᠢᠭᠠ ᠭᠠᠯ ᠤ᠋ᠨ ᠲᠤᠶᠠᠭᠠ ᠶ᠋ᠢ ᠠᠰᠢᠭᠯᠠᠨ ᠬᠠᠷᠠᠵᠠᠭᠠᠨᠠ᠃ ᠲᠠᠲ᠋ᠠᠷ ᠤ᠋ᠳ ( ᠤ᠋ᠨ) ᠵᠠᠳᠠᠭᠠᠢ ᠭᠠᠯ ᠤ᠋ᠳ ᠬᠡᠳᠦᠨ ᠮᠢᠩᠭᠠ ᠪᠠᠷ ᠭᠢᠯᠪᠡᠯᠵᠡᠨ ᠦᠵᠡᠭᠳᠡᠭᠰᠡᠭᠡᠷ ᠪᠠᠢᠪᠠ᠃ ᠬᠣᠯᠠ ᠶ᠋ᠢᠨ ᠣᠢ ᠬᠥᠪᠴᠢ ᠶ᠋ᠢᠨ ᠬᠥᠬᠡ ᠴᠡᠩᠬᠡᠷ ᠰᠠᠴᠤᠭᠲᠤ ᠦᠵᠦᠭᠦᠷ ᠦ᠋ᠨ ᠳᠡᠭᠡᠭᠦᠷ ᠨᠠᠷᠠ ᠮᠠᠨᠳᠤᠵᠤ ᠭᠠᠷᠪᠠ᠃ ᠴᠠᠰᠤ ᠲᠠᠢ ᠲᠠᠯᠠ ᠳᠡᠭᠡᠭᠦᠷ ᠰᠠᠴᠤᠷᠠᠨ ᠦᠵᠡᠭᠳᠡᠬᠦ ᠨᠠᠷᠠᠨ ᠤ᠋ ᠶᠠᠭᠠᠨ ᠲᠤᠶᠠᠭᠠ ᠬᠣᠲᠠ ᠶ᠋ᠢ ᠴᠢᠭᠯᠡᠵᠦ ᠤᠷᠤᠰᠬᠤ ᠮᠡᠲᠦ ᠬᠠᠷᠠᠯᠠᠨ ᠶᠠᠪᠤᠬᠤ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠣᠲ᠋ᠷᠢᠶᠠᠳ᠋ ᠢ᠋ ᠢᠯᠡᠷᠡᠭᠦᠯᠪᠡ᠃
ᠮᠣᠷᠢᠳ ᠪᠠ ᠬᠥᠮᠦᠰ᠂ ᠳ᠋ᠥ᠋ᠨᠵᠡᠨ ᠮᠣᠳᠣ ᠪᠠ ᠰᠢᠭᠤᠷᠭᠠ (ᠰᠢᠷᠭᠤᠭᠠ?) ᠪᠠᠩᠵᠠ ᠶ᠋ᠢ ᠠᠴᠢᠭᠰᠠᠨ ᠴᠢᠷᠭᠠ ᠨᠤᠭᠤᠳ ( ᠢ᠋)ᠮᠣᠷᠢ ᠲᠠᠢ ᠪᠠ ᠶᠠᠪᠠᠭᠠᠨ ᠬᠥᠮᠦᠰ ᠴᠢᠷᠴᠦ ᠶᠠᠪᠤᠨᠠ᠃ ᠷᠶᠠᠽᠠᠨᠴᠤᠳ ᠤ᠋ᠨ ᠬᠡᠷᠡᠮ ᠳᠡᠭᠡᠷᠡ ᠦᠢᠮᠡᠵᠡᠭᠡᠵᠦ ᠪᠠᠢᠭᠰᠠᠨ ᠬᠥᠮᠦᠰ ᠰᠡᠳᠬᠢᠯ ᠬᠥᠳᠡᠯᠦᠭᠰᠡᠨ ᠪᠠ ᠰᠣᠨᠢᠷᠬᠠᠭᠰᠠᠨ ᠪᠠᠢᠳᠠᠯ ᠲᠠᠢ ᠲᠠᠲ᠋ᠠᠷ ᠤ᠋ᠳ( ᠤ᠋ᠨ) ᠶᠠᠭᠤ ᠬᠢᠬᠦ ᠶ᠋ᠢ ᠲᠠᠭᠠᠪᠤᠷᠢᠯᠠᠨ ᠬᠠᠷᠠᠵᠠᠭᠠᠵᠤ ᠪᠠᠢᠪᠠ᠃ ᠣᠯᠵᠠᠯᠠᠭᠳᠠᠭᠰᠠᠨ ᠬᠥᠮᠦᠰ ᠢ᠋ ᠬᠡᠰᠡᠭ ᠬᠡᠰᠡᠭ ᠢ᠋ᠶ᠋ᠡᠷ ᠨᠢ ᠠᠪᠴᠢᠷᠠᠵᠠᠭᠠᠵᠤ ᠶᠠᠪᠤᠬᠤ ᠳ᠋ᠠᠭᠠᠨ ᠲᠠᠲ᠋ᠠᠷ ᠤ᠋ᠳ ᠲᠡᠳᠡᠭᠡᠷ ᠢ᠋ ᠡᠷᠭᠢᠨ ᠲᠣᠭᠣᠷᠢᠨ ᠭᠦᠶᠦᠯᠳᠦᠵᠦ ᠬᠣᠴᠣᠷᠤᠭᠴᠢᠳ ᠢ᠋ ᠲᠠᠰᠢᠭᠤᠷ ᠢ᠋ᠶ᠋ᠠᠷ ᠵᠠᠨᠴᠢᠵᠤ ᠬᠥᠭᠡᠭᠡᠨᠡ᠃ ᠨᠡᠯᠢᠶᠡᠳ ᠣᠯᠠᠨ ᠲᠠᠲ᠋ᠠᠷ᠂ ᠣᠷᠣᠰ ᠤ᠋ᠨ ᠲᠠᠷᠢᠶᠠᠴᠢᠨ ᠤ᠋ ᠪᠣᠭᠣᠨᠢ ᠳᠡᠪᠡᠯ ᠪᠠ ᠥᠷᠮᠥᠭ ᠳᠡᠪᠡᠯ ᠦ᠋ᠳ ᠢ᠋ ᠡᠮᠦᠰᠴᠦ ᠠᠮᠵᠢᠭᠰᠠᠨ ᠪᠠ ᠣᠯᠵᠠᠯᠠᠭᠴᠢᠳ (ᠣᠯᠵᠠᠯᠠᠭᠳᠠᠭᠴᠢᠳ) ᠨᠢ ᠳᠡᠪᠡᠯ ᠦᠭᠡᠢ ᠤᠷᠠᠩᠬᠠᠢ ᠨᠣᠣᠷᠠᠩᠬᠠᠢ ᠬᠤᠪᠴᠠᠰᠤ ᠲᠠᠢ᠂ ᠣᠯᠠᠩᠬᠢ ᠨᠢ ᠵᠥᠪᠬᠡᠨ ᠥᠮᠥᠳᠥ ᠴᠠᠮᠴᠠ ᠲᠠᠢ ᠶᠠᠪᠤᠬᠤ ᠨᠢ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠡᠴᠡ ᠲᠣᠳᠣᠷᠬᠠᠢ ᠦᠵᠡᠭᠳᠡᠨᠡ᠃ ᠡᠳᠡᠭᠡᠷ ᠦ᠋ᠨ ᠵᠠᠷᠢᠮ ᠨᠢ ᠪᠦᠳᠦᠷᠢᠵᠦ ᠤᠨᠠᠬᠤ ᠳ᠋ᠤ᠌ ᠲᠠᠲ᠋ᠠᠷ ᠤ᠋ᠳ ᠭᠦᠶᠦᠯᠳᠦᠨ ᠢᠷᠡᠵᠦ ᠪᠣᠰᠲᠠᠯᠠ ᠨᠢ ᠡᠰᠡᠪᠡᠯ ᠪᠦᠷᠢᠮᠦᠰᠦᠨ ᠪᠤᠰᠬᠠᠬᠤ ᠪᠠᠨ ᠪᠠᠢᠲᠠᠯᠠ ᠨᠢ ᠵᠣᠳᠣᠨᠠ᠃ ᠣᠯᠵᠠᠯᠠᠭᠴᠢᠳ(ᠣᠯᠵᠠᠯᠠᠭᠳᠠᠭᠴᠢᠳ) ᠨᠢ ᠪᠠᠢᠰᠢᠩ ᠤ᠋ᠳ ᠠ᠋ᠴᠠ ᠡᠪᠳᠡᠯᠡᠨ ᠡᠪᠡᠰᠦᠨ ᠳ᠋ᠥ᠋ᠨᠵᠡ ᠪᠠ ᠪᠠᠩᠵᠠ ᠨᠤᠭᠤᠳ ᠢ᠋ ᠣᠪᠣᠭᠠᠯᠠᠵᠤ ᠬᠣᠲᠠ ᠶ᠋ᠢ ᠲᠣᠭᠣᠷᠢᠭᠤᠯᠤᠨ ᠬᠡᠷᠡᠮ ᠦ᠋ᠨ ᠳᠣᠣᠷᠠ ᠨᠢ ᠮᠣᠳᠣᠨ ᠬᠠᠰᠢᠶᠠ ᠪᠠᠷᠢᠵᠤ ᠡᠬᠢᠯᠡᠪᠡ᠃
— ᠬᠠᠷᠠᠪᠠᠤ? ᠬᠣᠨᠢ ᠬᠠᠰᠢᠵᠤ ᠪᠠᠢᠭᠠ ᠶᠤᠮ ᠰᠢᠭ᠋ ᠬᠠᠰᠢᠵᠤ ᠪᠠᠢᠨᠠ᠁ ᠭᠡᠵᠦ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠶᠠᠷᠢᠯᠴᠠᠵᠠᠭᠠᠨᠠ᠃
— ᠪᠠᠰᠠ ᠬᠣᠨᠢᠨ ᠤ᠋ ᠠᠷᠠᠰᠤ ᠥᠪᠴᠢᠬᠦ ᠰᠢᠭ᠌ ᠠᠷᠠᠰᠤ ᠥᠪᠴᠢᠨᠡ ᠳ᠋ᠠ!
— ᠡᠷᠡᠭᠴᠢᠨ ᠡᠮᠡᠭᠴᠢᠨ ᠢ᠋ᠶ᠋ᠡᠨ ᠦᠵᠡᠶᠡ᠂ ᠨᠠᠰᠢ ᠪᠠᠨ ᠢᠷᠡᠭ ᠂ ᠮᠠᠭᠤ ᠭᠡᠢᠴᠢᠨ ᠨᠤᠭᠦᠳ ᠭᠡᠨᠡ᠃ ᠬᠡᠳᠦᠨ ᠮᠣᠷᠢᠲᠠᠢ ᠬᠥᠮᠦᠰ ᠬᠠᠭᠠᠯᠭᠠᠨ ᠳ᠋ᠤ᠌ ᠣᠢᠷᠠᠲᠤᠨ ᠢᠷᠡᠪᠡ᠃ ᠲᠡᠳᠡᠨ ᠦ᠌ ᠬᠠᠮᠲᠤ ᠸᠠᠩ ᠭᠯᠸᠪ ᠶᠠᠪᠤᠯᠴᠠᠪᠠ᠃
— ᠬᠠᠭᠠᠯᠭᠠ ᠨᠤᠭᠤᠳ ᠢ᠋ᠶ᠋ᠠᠨ ᠨᠡᠭᠡᠭᠡᠵᠦ ᠭᠠᠳᠠᠭᠰᠢ ᠭᠠᠷᠤᠭᠲᠤᠨ᠃ ᠭᠠᠭᠴᠠᠬᠠᠨ ᠬᠥᠷᠥᠩᠭᠡ ᠬᠣᠭᠰᠢᠯ ᠢ᠋ᠶ᠋ᠠᠨ ᠭᠡᠷ ᠲᠡᠭᠡᠨ ᠣᠷᠬᠢᠭᠲᠤᠨ᠃ ᠲᠠᠨᠠᠷ ᠳᠤᠷᠠᠲᠠᠢ ᠳᠠᠰᠢ ᠪᠠᠨ ᠴᠢᠯᠥᠭᠡᠲᠡᠢ ᠶᠠᠪᠤᠵᠤ ᠪᠣᠯᠤᠨᠠ᠃ ᠲᠠᠲ᠋ᠠᠷ ᠤ᠋ᠳ ᠲᠠᠨᠠᠷ ᠲᠤ᠌ ᠬᠤᠷᠤᠭᠤ ᠪᠠᠨ ᠴᠤ᠌ ᠬᠦᠷᠭᠡᠬᠦ ᠦᠭᠡᠢ᠃ ᠷᠶᠡᠽᠡᠨ ᠦ᠌ ᠬᠡᠨ ᠳ᠋ᠦ᠍ ᠶᠠᠮᠠᠷ ᠴᠤ᠌ ᠬᠣᠣᠷ ᠬᠥᠨᠥᠭᠡᠯ ᠲᠣᠬᠢᠶᠠᠯᠳᠤᠬᠤ ᠦᠭᠡᠢ ᠭᠡᠬᠦ ᠮᠡᠲᠦ ᠪᠡᠷ ᠸᠠᠩ ᠭᠯᠸᠪ ᠲᠠᠩᠭᠠᠷᠢᠭᠯᠠᠨ ᠬᠠᠰᠬᠢᠷᠤᠨᠠ᠃
— ᠡᠨᠡ ᠠᠬᠠ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠠᠯᠠᠨ ᠬᠢᠳᠤᠭᠴᠢ᠂ ᠮᠠᠭᠤ ᠵᠠᠶᠠᠭᠠᠲᠤ ᠵᠠᠨᠳᠠᠯᠴᠢᠨ᠂ ᠲᠥᠷᠥᠯ ᠰᠠᠳᠤᠨ ᠢ᠋ᠶ᠋ᠠᠨ ᠮᠡᠬᠡᠯᠡᠵᠦ ᠲᠣᠯᠣᠭᠠᠢ ᠶ᠋ᠢ ᠨᠢ ᠵᠠᠯᠭᠢᠭᠰᠠᠨ ᠪᠤᠵᠠᠷ ᠵᠣᠯᠢᠭ ᠴᠢᠮᠠᠶ᠋ᠢ ᠬᠠᠷᠠ ᠰᠢᠮᠨᠤ ᠭᠡᠵᠦ ᠳᠤᠭᠤᠯᠳᠠᠳᠠᠭ ᠨᠢ ᠵᠦᠢᠲᠡᠢ ᠶᠤᠮ ᠪᠠᠢᠨᠠ᠃
— ᠮᠠᠨ ᠤ᠋ ᠢᠳᠡᠷᠴᠦᠳ ᠦ᠋ᠨ ᠭᠠᠷ ᠲᠤ᠌ ᠴᠢᠨᠦ ᠣᠷᠣᠬᠤ ᠴᠠᠭ ᠪᠣᠢ᠃
— ᠠᠬᠠ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠪᠦᠷᠢᠯᠭᠡᠵᠦ ᠭᠦᠢᠴᠡᠭᠡᠳ ᠣᠳᠣ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠤᠳᠠᠯᠳᠤᠵᠤ ᠪᠠᠢᠨᠠ ᠤᠤ ᠴᠢ᠂ ᠨᠢᠷᠤᠭᠤᠨ ᠳ᠋ᠤ᠌ ᠴᠢᠨᠢ ᠭᠠᠳᠠᠰᠤ ᠰᠢᠭᠠᠭᠳᠠᠭᠠᠰᠠᠢ ᠮᠠᠭᠤ ᠵᠣᠯᠢᠭ ᠭᠡᠵᠦ ᠬᠡᠷᠡᠮ ᠳᠡᠭᠡᠷᠡᠬᠢ ᠬᠥᠮᠦᠰ ᠦᠢᠮᠡᠵᠡᠭᠡᠵᠦ ᠪᠠᠢᠲᠠᠯᠠ ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠡᠴᠡ ᠰᠤᠮᠤ ᠨᠤᠭᠤᠳ ᠨᠢᠰᠦᠨ ᠪᠠᠭᠤᠪᠠ᠃ ᠮᠡᠷᠭᠡᠨ ᠢ᠋ᠶ᠋ᠡᠷ ᠰᠢᠳᠡᠭᠰᠡᠨ ᠴᠢᠯᠠᠭᠤ ᠭᠯᠸᠪ ᠢ᠋ ᠰᠢᠷᠬᠠᠲᠤᠭᠤᠯᠪᠠ᠃ ᠲᠡᠷᠡ ᠮᠣᠷᠢ ᠪᠠᠨ ᠶᠠᠭᠠᠷᠠᠨ ᠡᠷᠭᠢᠭᠦᠯᠵᠦ ᠪᠤᠴᠠᠵᠤ ᠳᠠᠪᠬᠢᠪᠠ᠃ ᠴᠢᠯᠠᠭᠤ ᠰᠢᠳᠡᠬᠦ ᠮᠠᠰᠢᠨ ᠢ᠋ ᠦᠷ ᠴᠠᠢᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠬᠣᠲᠠ ᠶ᠋ᠢᠨ ᠬᠠᠭᠠᠯᠭᠠ ᠤᠷᠤᠭᠤ ᠣᠷᠣᠭᠤᠯᠵᠤ ᠢᠷᠡᠪᠡ᠃ ᠲᠠᠲ᠋ᠠᠷ ᠤ᠋ᠳ ᠲᠣᠮᠣ ᠮᠣᠳᠣᠨ ᠪᠠᠮᠪᠠᠢ ᠨᠤᠭᠤᠳ ᠤ᠋ᠨ ᠴᠠᠭᠠᠨᠠ ᠨᠢᠭᠤᠭᠳᠠᠵᠤ ᠫᠤᠤᠳᠠᠯᠭᠠ ᠶ᠋ᠢ ᠡᠬᠢᠯᠡᠪᠡ᠃ ᠦᠵᠦᠭᠦᠷ ᠲᠡᠭᠡᠨ ᠲᠣᠮᠣ ᠲᠡᠮᠦᠷ ᠤᠳᠬᠤᠭᠤᠷ ᠪᠦᠬᠦᠢ ᠳ᠋ᠥ᠋ᠨᠵᠡᠨ ᠮᠣᠳᠣ ᠶ᠋ᠢ ᠠᠪᠴᠢᠷᠠᠨ ᠲᠡᠭᠦᠨ ᠢ᠋ ᠪᠠᠨ ᠭᠡᠳᠡᠷᠭᠦ ᠨᠢ ᠬᠥᠪᠴᠢᠯᠡᠨ ᠲᠠᠲᠠᠵᠤ ᠲᠡᠷᠡ ᠤᠳᠬᠤᠭᠤᠷ ᠳᠣᠲᠣᠷᠠ ᠲᠣᠮᠣ ᠴᠢᠯᠠᠭᠤ ᠲᠠᠯᠪᠢᠪᠠ᠃ ᠲᠡᠷᠡ ᠳ᠋ᠥ᠋ᠨᠵᠡ ᠨᠢ ᠣᠷᠣᠭᠰᠢ ᠪᠠᠨ ᠴᠢᠮᠡᠭᠡ ᠲᠡᠢ ᠪᠡᠷ ᠴᠢᠪᠬᠠᠳᠠᠵᠤ ᠴᠢᠯᠠᠭᠤ ᠶ᠋ᠢ ᠰᠢᠳᠡᠨᠡ᠃ ᠲᠡᠳᠦᠢ ᠯᠡ ᠬᠣᠯᠠ ᠦᠭᠡᠢ ᠡᠪᠳᠡᠷᠡᠭᠰᠡᠨ ᠪᠠᠢᠰᠢᠩ ᠤ᠋ᠨ ᠴᠠᠭᠠᠨᠠ ᠮᠣᠷᠢᠲᠠᠢ ᠲᠠᠲ᠋ᠠᠷ ᠤ᠋ᠳ ᠨᠢᠭᠤᠭᠳᠠᠵᠤ ᠵᠣᠷᠢᠮᠠᠭ ᠬᠥᠮᠦᠰ ᠡᠭᠦᠳᠡ ᠬᠠᠭᠠᠯᠭᠠ ᠪᠠᠷ ᠭᠠᠷᠴᠤ ᠢᠷᠡᠬᠦ ᠪᠣᠯ ᠤᠤ ᠭᠡᠵᠦ ᠬᠦᠯᠢᠶᠡᠨ ᠵᠣᠭᠰᠣᠵᠠᠭᠠᠨᠠ᠃
— ᠴᠢᠳᠠᠯ ᠬᠦᠴᠦ ᠪᠡᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠲᠤᠨ᠃ ᠦᠯᠦ ᠪᠦᠲᠦᠬᠦ ᠠᠮᠢᠲᠠᠳ ᠢ᠋ ᠨᠢᠴᠤᠭᠠᠭᠲᠤᠨ᠂ ᠭᠡᠬᠦ ᠳ᠋ᠡᠭᠡᠨ ᠬᠠᠭᠠᠯᠭᠠ ᠠ᠋ᠴᠠ ᠪᠠᠨ ᠪᠢᠲᠡᠭᠡᠢ ᠭᠠᠷᠤᠭᠲᠤᠨ᠂ ᠲᠡᠳᠡᠨᠡᠷ ᠪᠢᠳᠡᠨ ᠢ᠋ ᠮᠡᠬᠡᠯᠡᠬᠦ ᠰᠠᠨᠠᠭᠠᠲᠠᠢ ᠪᠠᠢᠨᠠ ᠭᠡᠵᠦ ᠵᠠᠩᠭᠢ ᠺᠤᠹᠠ ᠬᠠᠲᠠᠭᠤ ᠠ᠋ᠴᠠ ᠬᠠᠲᠠᠭᠤ ᠪᠠᠷ ᠲᠤᠰᠢᠶᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠡᠷᠭᠡᠨᠭᠣᠣᠠ᠂ ᠵᠢᠩᠯᠢᠬᠤᠸᠠᠷ· ᠬᠡᠷᠡᠢᠳ·ᠮᠥᠩᠬᠡᠨᠠᠰᠤᠨ᠂ ᠭᠡᠷᠡᠯ᠂ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠶᠠᠨᠴᠡᠴᠡᠭ