ᠪᠠᠲᠤ ᠬᠠᠭᠠᠨ 5-05ᠨᠣᠬᠠᠢ ᠬᠤᠴᠠᠬᠤ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ-ᠷᠶᠠᠽᠠᠨ ᠤ᠋ ᠭᠠᠵᠠᠷ ᠨᠤᠲᠤᠭ ᠰᠢᠲᠠᠵᠤ ᠪᠠᠢᠨᠠBat khaan Бат хаан-ᠷᠣᠮᠠᠨ
9ᠨᠣᠬᠠᠢ ᠬᠤᠴᠠᠬᠤ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ
ᠠᠶᠤᠯ ᠤ᠋ᠨ ᠳᠣᠲᠣᠷᠠ ᠵᠡᠭᠦᠷᠮᠡᠭᠯᠡᠭᠰᠡᠨ ᠪᠸᠷᠤᠢ᠍ᠨᠣᠸ —ᠪᠣᠷ ᠤ᠋ᠨ ᠰᠢᠭᠤᠢ ᠶ᠋ᠢ ᠮᠥᠩᠭᠥᠨ ᠰᠠᠷᠠ ᠲᠠᠢ ᠰᠥᠨᠢ ᠨᠥᠮᠥᠷᠦᠨ ᠬᠤᠴᠢᠯᠠ᠃ ᠣᠯᠠᠨ ᠣᠨ ᠵᠢᠯ ᠨᠣᠢᠷ ᠲᠠᠭᠠᠨ ᠳᠠᠷᠤᠭᠳᠠᠭᠰᠠᠨ ᠣᠢ ᠬᠥᠪᠴᠢ ᠶ᠋ᠢᠨ ᠴᠤᠭᠤᠷᠬᠠᠢ ᠳ᠋ᠠᠬᠢ ᠲᠣᠰᠬᠣᠨ ᠤ᠋ ᠮᠣᠳᠣᠨ ᠪᠠᠢᠰᠢᠩ ᠤ᠋ᠳ ᠨᠢ ᠬᠥᠷ ᠴᠠᠰᠤᠨ ᠳ᠋ᠤ᠌ ᠭᠦᠨᠵᠡᠭᠡᠢ ᠪᠡᠷ ᠳᠠᠷᠤᠭᠳᠠᠵᠠᠢ᠃ ᠤᠷᠭᠤᠭᠠ ᠮᠣᠳᠣ ᠪᠤᠷᠭᠠᠰᠤᠨ ᠰᠦᠯᠵᠢᠶᠡ ᠬᠠᠰᠢᠶᠠᠨ ᠤ᠋ ᠬᠠᠲᠠᠭᠰᠠᠨ ᠰᠠᠯᠠᠭᠠ ᠮᠥᠴᠢᠷ ᠦ᠋ᠳ ᠦ᠋ᠨ ᠬᠤᠭᠤᠷᠠᠬᠤ ᠴᠢᠮᠡᠭᠡ ᠬᠠᠶᠠ ᠰᠣᠨᠣᠰᠳᠠᠵᠤ ᠣᠷᠴᠢᠨ ᠲᠣᠭᠣᠷᠢᠨ ᠤ᠋ ᠨᠠᠮ ᠭᠦᠮ ᠢ᠋ ᠡᠪᠳᠡᠯᠡᠬᠦ ᠡᠴᠡ ᠥᠭᠡᠷᠡ ᠴᠢᠮᠡᠭᠡ ᠠᠨᠢᠷ ᠦᠭᠡᠢ᠂ ᠨᠣᠬᠠᠢ ᠴᠤ᠌ ᠬᠤᠴᠠᠬᠤ ᠪᠠᠨ ᠪᠣᠯᠢᠵᠤ ᠬᠣᠰᠢᠭᠤ ᠪᠠᠨ ᠰᠠᠬᠤᠯᠠᠭ ᠦᠰᠦᠨ ᠳ᠋ᠡᠭᠡᠨ ᠰᠢᠷᠭᠤᠭᠤᠯᠵᠤ ᠴᠠᠭᠠᠷᠢᠭᠯᠠᠨ ᠬᠡᠪᠲᠡᠵᠡᠭᠡᠨᠡ᠃
ᠴᠠᠰᠤᠨ ᠳ᠋ᠤ᠌ ᠳᠠᠷᠤᠭᠳᠠᠭᠰᠠᠨ ᠨᠢᠷᠤᠭᠤ ᠲᠠᠢ ᠡᠪᠡᠰᠦ ᠪᠠ ᠬᠤᠪᠠᠬᠠᠢᠷᠠᠭᠰᠠᠨ ᠮᠣᠳᠣ ᠪᠣᠯᠤᠨ ᠲᠣᠰᠬᠣᠨ ᠤ᠋ ᠠᠬᠠᠯᠠᠭᠴᠢ ᠶ᠋ᠢᠨ ᠪᠠᠢᠰᠢᠩ ᠤ᠋ᠨ ᠳᠡᠷᠭᠡᠳᠡᠬᠢ ᠶ᠋ᠢ ᠦᠵᠡᠬᠦ ᠳ᠋ᠦ᠍᠂ ᠨᠣᠭᠣᠭᠠᠨ ᠰᠢᠯᠮᠦᠦᠰᠦ ᠲᠡᠢ ᠱᠣᠩ ᠮᠣᠳᠣ ᠨᠤᠭᠤᠳ ᠰᠥᠨᠢ ᠶ᠋ᠢᠨ ᠬᠥᠬᠡ ᠲᠤᠶᠠᠭᠠᠨ ᠳ᠋ᠤ᠌ ᠪᠦᠷᠦᠭ ᠪᠠᠷᠤᠭ ᠬᠠᠷᠠᠭᠳᠠᠨᠠ᠃ ᠲᠣᠰᠬᠣᠨ ᠤ᠋ ᠵᠠᠬᠠ ᠳ᠋ᠤ᠌ ᠨᠢᠭᠡᠨ ᠨᠣᠬᠠᠢ ᠬᠡᠳᠦ ᠬᠤᠴᠠᠭᠠᠳ ᠳᠠᠷᠠᠭᠠ ᠨᠢ ᠭᠡᠨᠡᠳᠲᠡ ᠬᠤᠴᠠᠭᠠᠳ ᠳᠠᠷᠠᠭᠠ ᠨᠢ ᠨᠠᠷᠢᠨ ᠳᠠᠭᠤ ᠪᠠᠷ ᠣᠯᠢᠨᠠ᠃ ᠪᠤᠰᠤᠳ ᠨᠣᠬᠠᠳ ᠲᠡᠭᠦᠨ ᠢ᠋ ᠳᠠᠭᠠᠯᠳᠤᠨ ᠤᠯᠢᠵᠠᠭᠠᠬᠰᠠᠨ ᠨᠢ ᠫᠸᠷᠥ᠋ᠨᠤᠸ— ᠫᠣᠷ ᠤ᠋ᠨ ᠰᠢᠭᠤᠢ ᠵᠦᠭ ᠪᠦᠷᠢ ᠡᠴᠡ ᠪᠡᠨ ᠨᠣᠬᠠᠢ ᠶ᠋ᠢᠨ ᠳᠠᠭᠤ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠷᠭᠦᠯᠵᠢᠯᠡᠨ ᠨᠢᠭᠡᠨ ᠶᠠᠪᠠᠭᠠᠨ ᠬᠠᠭᠠᠯᠭᠠ ᠶ᠋ᠢᠨ ᠴᠢᠮᠡᠭᠡ ᠭᠠᠷᠴᠤ ᠮᠣᠷᠢ ᠢᠨᠴᠠᠭᠠᠪᠠ᠃ ᠲᠣᠰᠬᠣᠨ ᠤ᠋ ᠬᠠᠮᠤᠭ ᠤ᠋ᠨ ᠵᠠᠬᠠ ᠪᠠᠢᠰᠢᠩ ᠳ᠋ᠤ᠌ ᠵᠡᠭᠦᠷᠮᠡᠭᠯᠡᠵᠦ ᠪᠠᠢᠭᠰᠠᠨ ᠡᠬᠡᠨᠡᠷ ᠤᠫᠠᠯᠸᠨᠢᠬᠠ ᠮᠣᠳᠣᠨ ᠬᠠᠨᠵᠤ ᠳᠡᠭᠡᠷᠡ ᠡᠴᠡ ᠦᠰᠦᠷᠦᠨ ᠪᠣᠰᠴᠤ ᠵᠢᠭᠠᠰᠤᠨ ᠤ᠋ ᠦᠩᠬᠦᠯᠴᠡᠭ ᠨᠠᠭᠠᠭᠰᠠᠨ ᠴᠣᠩᠬᠣᠨ ᠤ᠋ ᠨᠡᠭᠡᠭᠡᠯᠲᠡ ᠶ᠋ᠢ ᠰᠡᠮᠡᠬᠡᠷ ᠰᠤᠭᠤᠯᠵᠤ ᠴᠣᠩᠬᠣᠨ ᠤ᠋ ᠴᠠᠩᠲᠤᠭᠰᠠᠨ ᠬᠠᠷᠠᠩᠭᠤᠢ ᠪᠠᠷ ᠱᠠᠭᠠᠢᠵᠤ ᠬᠠᠷᠠᠪᠠᠯ ᠬᠠᠴᠢᠨ ᠮᠠᠶᠢᠭ ᠤ᠋ᠨ ᠮᠠᠯᠠᠭᠠᠢ ᠲᠠᠢ ᠤᠷᠲᠤ ᠬᠣᠷᠮᠣᠢ ᠲᠠᠢ ᠳᠡᠪᠡᠯ ᠲᠡᠢ ᠨᠢᠭᠡᠨ ᠬᠥᠮᠦᠨ ᠰᠦᠯᠵᠢᠮᠡᠯ ᠪᠤᠷᠭᠠᠰᠤᠨ ᠬᠠᠰᠢᠶᠠᠨ ᠤ᠋ ᠳᠡᠭᠡᠷᠡ ᠪᠠᠢᠭᠠ ᠪᠠᠷᠠᠭᠠᠨ ᠳᠦᠷᠰᠦ ᠦᠵᠡᠭᠳᠡᠯᠡ᠃ ᠲᠡᠷᠡ ᠬᠥᠮᠦᠨ ᠦᠰᠦᠷᠴᠦ ᠬᠠᠰᠢᠶᠠᠨ ᠤ᠋ ᠳᠣᠲᠣᠷᠠ ᠣᠷᠣᠭᠠᠳ ᠠᠰᠬᠠᠵᠤ ᠬᠤᠷᠢᠶᠠᠭᠰᠠᠨ ᠲᠠᠷᠢᠶᠠ ᠶ᠋ᠢ ᠴᠢᠭᠯᠡᠨ ᠶᠠᠪᠤᠯᠠ᠃ ᠤᠫᠠᠯᠸᠨᠢᠬᠠ᠂
— ᠸᠸᠱᠨ᠋ᠶᠠᠩᠺᠠ ᠪᠣᠰ ᠭᠡᠵᠦ ᠰᠡᠷᠢᠮᠡᠷ ᠦᠭᠡᠢ ᠤᠨᠲᠠᠵᠤ ᠪᠠᠢᠭᠠ ᠬᠡᠦᠬᠡᠨ ᠢ᠋ ᠲᠠᠲᠠᠯᠠᠵᠤ
— ᠨᠣᠬᠠᠢ ᠬᠤᠴᠠᠵᠤ ᠪᠠᠢᠬᠤ ᠶ᠋ᠢ ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ᠥᠨᠥᠬᠢ ᠲᠠᠲ᠋ᠠᠷ ᠤ᠋ᠳ ᠢᠷᠡᠯᠡ᠃ ᠬᠠᠰᠢᠶᠠᠨ ᠳᠣᠲᠣᠷᠠ ᠮᠠᠭᠤ ᠬᠥᠮᠦᠨ ᠣᠷᠣᠵᠤ ᠢᠷᠡᠭᠰᠡᠨ ᠰᠢᠦ᠃ ᠡᠪᠡᠰᠦᠨ ᠦ᠌ ᠰᠠᠷᠠᠪᠴᠢ ᠳᠠᠰᠢ ᠶᠠᠪᠤᠭᠰᠠᠨ᠂ ᠠᠶᠤᠯ ᠲᠠᠢ ᠪᠠᠢᠨᠠ᠃ ᠲᠡᠷᠡ ᠪᠢᠳᠡᠨ ᠢ᠋ ᠪᠢᠲᠡᠭᠡᠢ ᠰᠢᠳᠡᠵᠦ(ᠰᠢᠲᠠᠭᠠᠵᠤ ?) ᠤᠷᠭᠢᠭᠠᠰᠠᠢ ᠪᠢᠯᠡ(ᠳ᠋ᠠ)᠃ ᠡᠷᠡᠴᠦᠳ ᠮᠠᠨᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠶᠠᠪᠤᠵᠠᠭᠠᠭᠰᠠᠨ! ᠪᠢᠳᠡ ᠡᠮᠡᠰ ᠦ᠋ᠳ ᠶᠠᠭᠠᠬᠢᠬᠤ ᠪᠢᠯᠡ ᠳ᠋ᠠ ᠭᠡᠵᠦ ᠥᠭᠦᠯᠡᠪᠡ᠃
ᠲᠡᠷᠡ ᠬᠣᠶᠠᠷ ᠰᠠᠪᠢᠬᠢᠨ ᠭᠤᠲᠤᠯ ᠢ᠋ᠶ᠋ᠠᠨ ᠡᠮᠦᠰᠴᠦ ᠲᠣᠯᠣᠭᠠᠢ ᠪᠠᠨ ᠠᠯᠴᠢᠭᠤᠷ ᠢ᠋ᠶ᠋ᠠᠷ ᠪᠣᠭᠣᠵᠤ ᠦᠰᠦ ᠲᠡᠢ ᠪᠣᠭᠣᠨᠢ ᠳᠡᠪᠡᠯ ᠢ᠋ᠶ᠋ᠡᠨ ᠡᠮᠦᠰᠦᠭᠡᠳ᠂ ᠳᠠᠬᠢᠨ ᠴᠣᠩᠬᠣ ᠪᠠᠷ ᠱᠠᠭᠠᠢᠵᠠᠭᠠᠪᠠ᠃ ᠰᠠᠷᠠ ᠲᠠᠢ ᠲᠤᠩᠭᠠᠯᠠᠭ ᠰᠥᠨᠢ ᠶ᠋ᠢᠨ ᠭᠡᠷᠡᠯ ᠴᠥᠮ ᠲᠠᠢᠪᠤᠩ ᠰᠠᠢᠬᠠᠨ ᠮᠡᠲᠦ ᠦᠵᠡᠭᠳᠡᠪᠡ᠃ ᠭᠠᠭᠴᠠᠬᠠᠨ ᠨᠣᠬᠠᠢ ᠨᠤᠭᠤᠳ ᠵᠣᠭᠰᠣᠯᠲᠠ ᠦᠭᠡᠢ ᠪᠡᠷ ᠬᠤᠴᠠᠵᠠᠭᠠᠵᠤ ᠤᠶᠠᠭᠠᠨ ᠳ᠋ᠠᠭᠠᠨ ᠲᠡᠮᠡᠦᠯᠦᠨᠡ᠃
— ᠨᠠᠭᠠᠴᠤ ᠡᠭᠡᠴᠢ ᠤᠫᠠᠯᠸᠨᠢᠬᠠ ᠠ᠋! ᠪᠢ ᠴᠦ᠍ ᠪᠠᠰᠠ ᠠᠶᠤᠵᠤ ᠪᠠᠢᠨᠠ᠃ ᠶᠠᠭᠤ ᠪᠣᠯᠳᠠᠭ ᠪᠣᠯ ᠳ᠋ᠠ? ᠭᠡᠵᠦ ᠬᠡᠦᠬᠡᠨ ᠰᠢᠪᠡᠨᠡᠨ ᠠᠰᠠᠭᠤᠵᠤ ᠪᠠᠢᠪᠠ᠃ ᠣᠫᠠᠯᠧᠨᠢᠬᠠ ᠪᠦᠰᠡ ᠪᠡᠨ ᠶᠠᠭᠠᠷᠠᠨ ᠪᠦᠰᠡᠯᠡᠭᠡᠳ ᠪᠡᠭᠡᠯᠡᠢ ᠪᠡᠨ ᠰᠢᠳᠦᠨ ᠳ᠋ᠡᠭᠡᠨ ᠵᠠᠭᠤᠵᠤ ᠠᠯᠴᠢᠭᠤᠷ ᠲᠠᠭᠠᠨ ᠲᠠᠯᠬᠠ ᠪᠣᠭᠣᠵᠤ ᠠᠪᠤᠭᠠᠳ ᠪᠠᠨᠲᠠᠩ ᠤ᠋ᠨ ᠳᠣᠣᠷᠠ ᠠ᠋ᠴᠠ ᠰᠦᠬᠡ ᠪᠡᠨ ᠭᠠᠷᠭᠠᠵᠤ ᠪᠠᠷᠢᠪᠠ᠃
— ᠲᠠᠲ᠋ᠠᠷ ᠤ᠋ᠳ ᠯᠠ ᠪᠠᠢᠬᠤ ᠭᠡᠵᠦ ᠪᠢ ᠪᠣᠳᠣᠵᠤ ᠪᠠᠢᠨᠠ᠃ ᠲᠠᠯᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠢᠲᠤᠭᠠ ᠶ᠋ᠢ ᠠᠪ᠂ ᠪᠠᠰᠠ ᠮᠣᠳᠣᠨ ᠲᠠᠪᠠᠭ ᠢ᠋ᠶ᠋ᠠᠨ ᠠᠪ᠂ ᠭᠠᠯ ᠢ᠋ᠶ᠋ᠠᠨ ᠪᠤᠤ ᠤᠨᠲᠠᠷᠠᠭᠠᠭᠠᠷᠠᠢ ᠭᠡᠵᠦ ᠵᠠᠬᠢᠪᠠ᠃ ᠲᠡᠭᠡᠭᠡᠳ ᠬᠣᠶᠠᠭᠤᠯᠠ ᠪᠠᠨ ᠭᠡᠷ ᠡᠴᠡ ᠪᠡᠨ ᠰᠡᠮᠬᠡᠨ ᠭᠠᠷᠴᠤ ᠰᠡᠭᠦᠳᠡᠷ ᠲᠦ᠍ ᠨᠢᠭᠤᠭᠳᠠᠪᠠ᠃ ᠦᠯᠦ ᠲᠠᠨᠢᠭᠳᠠᠬᠤ ᠨᠢᠭᠡ ᠬᠥᠮᠦᠨ ᠡᠪᠡᠰᠦᠨ ᠦ᠌ ᠰᠠᠷᠠᠪᠴᠢᠨ ᠤ᠋ ᠳᠡᠷᠭᠡᠳᠡ ᠲᠦᠭᠳᠦᠭᠡᠨᠡᠵᠦ ᠬᠡᠲᠡ ᠪᠡᠨ ᠴᠣᠬᠢᠵᠤ ᠣᠴᠢ ᠭᠠᠷᠭᠠᠵᠤ ᠰᠠᠭᠤᠪᠠ᠃ ᠲᠣᠰᠬᠣᠨ ᠤ᠋ ᠨᠥᠭᠦᠭᠡ ᠵᠠᠬᠠ ᠠ᠋ᠴᠠ ᠠᠶᠤᠮᠰᠢᠭᠲᠠᠢ ᠮᠠᠭᠤᠬᠠᠢ ᠳᠠᠭᠤ ᠭᠠᠷᠴᠤ ᠨᠣᠢᠷᠮᠤᠭᠯᠠᠨ ᠪᠠᠢᠭᠠ ᠣᠢ ᠰᠢᠭᠤᠢ ᠴᠤᠤᠷᠢᠶᠠᠲᠤᠪᠠ᠃ ᠭᠠᠰᠠᠯᠠᠩ ᠵᠣᠪᠠᠯᠠᠩ ᠳᠦᠭᠦᠷᠡᠩ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠴᠢᠷᠠᠯᠠᠭᠰᠠᠨ ᠳᠠᠭᠤ ᠳᠠᠬᠢᠨ ᠰᠣᠨᠣᠰᠤᠭᠳᠠᠯᠠ᠃ ᠪᠦᠬᠦ ᠲᠣᠰᠬᠣᠨ ᠲᠦᠷᠭᠡᠨ ᠰᠡᠷᠢᠵᠦ ᠡᠭᠦᠳᠡ ᠬᠠᠭᠠᠯᠭᠠ ᠨᠤᠭᠤᠳ ᠡᠨᠳᠡ ᠲᠡᠨᠳᠡ ᠦᠭᠡᠢ ᠳᠤᠤᠭᠠᠷᠴᠤ ᠮᠣᠷᠢᠳ ᠤ᠋ᠨ ᠲᠤᠭᠤᠷᠠᠢ ᠪᠠᠩᠵᠠᠨ ᠳᠡᠭᠡᠭᠦᠷ ᠬᠠᠷᠠᠢᠬᠤ ᠰᠣᠨᠣᠰᠳᠠᠨᠠ᠃ ᠵᠠᠢᠳᠠᠩ ᠮᠣᠷᠢᠲᠠᠢ᠂ ᠮᠠᠯᠠᠭᠠᠢ ᠪᠠ ᠳᠡᠪᠡᠯ ᠦᠭᠡᠢ ᠨᠢᠭᠡ ᠪᠥᠭᠲᠥᠷ ᠡᠪᠦᠭᠡᠨ᠂
— ᠪᠢᠳᠡ ᠰᠢᠲᠠᠵᠤ ᠪᠠᠢᠨᠠ ᠰᠢᠦ᠃ ᠲᠠᠲ᠋ᠠᠷ ᠤ᠋ᠳ ᠢᠷᠡᠯᠡ᠂ ᠠᠮᠢ ᠪᠠᠨ ᠠᠷᠴᠢᠯᠠᠭᠲᠤᠨ ᠭᠡᠵᠦ ᠬᠠᠰᠬᠢᠷᠤᠨ ᠳᠠᠪᠬᠢᠪᠠ᠃ ᠣᠫᠠᠯᠧᠨᠢᠬᠠ ᠮᠡᠷᠡᠢᠵᠦ (ᠮᠢᠷᠢᠶᠠᠵᠤ) ᠶᠠᠪᠤᠭᠰᠠᠭᠠᠷ ᠬᠤᠷᠢᠶᠠᠭᠰᠠᠨ ᠲᠠᠷᠢᠶᠠᠨ ᠤ᠋ ᠳᠡᠷᠭᠡᠳᠡ ᠰᠡᠭᠦᠳᠡᠩᠨᠡᠵᠦ ᠰᠠᠭᠤᠭᠠ ᠬᠥᠮᠦᠨ ᠦ᠌ ᠳᠡᠷᠭᠡᠳᠡ ᠬᠦᠷᠴᠦ ᠢᠷᠡᠭᠡᠳ ᠲᠡᠷᠡ ᠬᠥᠮᠦᠨ ᠦ᠌ ᠡᠷᠭᠢᠵᠦ ᠬᠠᠷᠠᠬᠤ ᠶ᠋ᠢᠨ ᠰᠠᠴᠠᠭᠤ ᠳᠠᠯᠠᠢᠭᠰᠠᠨ ᠰᠦᠬᠡ ᠪᠡᠨ ᠪᠠᠭᠤᠯᠭᠠᠨ ᠴᠠᠪᠴᠢᠪᠠ᠃ ᠬᠥᠯ ᠦ᠋ᠨ ᠥᠯᠮᠡᠢ ᠬᠦᠷᠦᠭᠰᠡᠨ ᠤᠷᠲᠤ ᠬᠥᠬᠡ ᠳᠡᠪᠡᠯ ᠪᠠ ᠨᠣᠬᠠᠢ ᠶ᠋ᠢᠨ ᠠᠷᠠᠰᠤ ᠪᠠᠷ ᠬᠢᠭᠰᠡᠨ ᠬᠠᠴᠢᠨ ᠮᠠᠶᠢᠭ ᠤ᠋ᠨ ᠴᠠᠭᠠᠨ ᠢᠯᠭᠢᠨ ᠭᠤᠲᠤᠯ ᠵᠡᠷᠭᠡ ᠶ᠋ᠢ ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍ ᠣᠫᠠᠯᠧᠨᠢᠬᠠ ᠢᠯᠭᠠᠪᠤᠷᠢᠯᠠᠨ ᠬᠠᠷᠠᠵᠠᠢ᠃ ᠪᠥᠰᠡᠨ ᠳ᠋ᠦ᠍ᠨᠢ ᠲᠠᠬᠢᠷ ᠰᠡᠯᠡᠮᠡ ᠪᠠᠢᠪᠠ᠃ ᠲᠡᠷᠡ ᠠᠯᠠᠭᠳᠠᠭᠰᠠᠨ ᠬᠥᠮᠦᠨ ᠨᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠣᠷᠣᠭᠰᠢ ᠬᠠᠷᠠᠵᠤ ᠬᠡᠪᠲᠡᠬᠦ ᠪᠠ ᠠᠰᠬᠠᠷᠠᠭᠰᠠᠨ ᠴᠢᠰᠤ ᠨᠢ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ ᠶᠠᠭᠠᠨ ᠲᠣᠯᠪᠣ ᠪᠣᠯᠤᠨ ᠤᠷᠤᠰᠤᠨᠠ᠃
— ᠠᠷᠤ ᠶ᠋ᠢᠨ ᠬᠠᠰᠢᠶᠠ᠂ ᠨᠣᠭᠣᠭᠠ ᠶ᠋ᠢᠨ ᠬᠠᠰᠢᠶᠠ ᠨᠤᠭᠤᠳ ᠢ᠋ ᠳᠠᠮᠵᠢᠨ ᠵᠢᠭᠤᠲᠠᠶᠠ᠃ ᠪᠣᠰᠢᠭᠣ ᠶᠠᠪᠤ᠂ ᠰᠡᠭᠦᠳᠡᠷ ᠲᠦ᠍ ᠣᠷᠣ ᠭᠡᠵᠦ ᠣᠫᠠᠯᠸᠨᠢᠬᠠ ᠰᠢᠪᠡᠨᠡᠨ ᠬᠡᠯᠡᠪᠡ᠃ ᠭᠡᠲᠡᠯᠡ ᠵᠢᠭᠤᠲᠠᠨ ᠭᠠᠷᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠲᠠᠲ᠋ᠠᠷ ᠤ᠋ᠳ ᠳᠡᠪᠡᠯ ᠦ᠋ᠨ ᠬᠣᠷᠮᠣᠢ ᠶ᠋ᠢ ᠪᠥᠰᠡᠨ ᠳ᠋ᠡᠭᠡᠨ ᠬᠠᠪᠴᠢᠭᠤᠯᠵᠤ ᠬᠠᠰᠢᠶᠠᠨ ᠳᠡᠭᠡᠭᠦᠷ ᠳᠠᠪᠠᠵᠤ ᠣᠷᠣᠪᠠ᠃ ᠲᠡᠷᠡ ᠪᠦᠰᠡᠭᠦᠢᠴᠦᠳ ᠣᠪᠣᠭᠠᠯᠠᠭᠰᠠᠨ ᠵᠡᠭᠡᠰᠦ ᠪᠠ ᠰᠢᠷᠭᠤᠭᠠ ᠶ᠋ᠢᠨ ᠳᠣᠲᠣᠷᠠ ᠣᠷᠣᠵᠤ ᠨᠢᠭᠤᠭᠳᠠᠪᠠ᠃ ᠲᠣᠰᠬᠣᠨ ᠬᠡᠳᠦ ᠬᠡᠳᠦᠨ ᠲᠠᠯᠠ ᠠ᠋ᠴᠠ ᠪᠠᠨ ᠵᠡᠷᠭᠡ ᠰᠢᠳᠡᠵᠦ ᠡᠬᠢᠯᠡᠪᠡ᠃ ᠲᠡᠭᠦᠨᠴᠢᠯᠡᠨ ᠵᠡᠯᠢᠭᠦᠳ ᠪᠠᠢᠭᠰᠠᠨ ᠬᠣᠶᠠᠷ ᠪᠠᠢᠰᠢᠩ ᠪᠠ ᠡᠪᠡᠰᠦᠲᠡᠢ ᠬᠠᠰᠢᠶᠠ ᠨᠤᠭᠤᠳ ᠰᠢᠳᠡᠵᠡᠢ᠃ ᠭᠠᠯ ᠤ᠋ᠨ ᠳᠥᠯᠥ ᠨᠢ ᠮᠠᠰᠢ ᠶᠡᠬᠡᠪᠡᠷ ᠳᠦᠷᠡᠯᠵᠡᠵᠦ ᠬᠠᠪ ᠬᠠᠷᠠ ᠤᠲᠤᠭᠠ ᠪᠥᠭᠡᠮ ᠪᠥᠭᠡᠮ ᠢ᠋ᠶ᠋ᠡᠷ ᠳᠡᠭᠳᠡᠨᠡ᠃ ᠭᠤᠳᠤᠮᠵᠢᠨ ᠳ᠋ᠤ᠌ ᠲᠠᠭᠤᠭᠳᠠᠵᠤ ᠬᠥᠭᠡᠭᠡᠭᠳᠡᠭᠰᠡᠨ ᠦᠬᠡᠷ ᠦ᠋ᠳ ᠭᠣᠮᠣᠳᠠᠯ ᠡᠷᠢᠨ ᠮᠥᠭᠡᠷᠡᠯᠳᠦᠵᠦ᠂ ᠰᠣᠴᠢᠵᠤ ᠰᠠᠨᠳᠤᠷᠤᠭᠰᠠᠨ ᠮᠣᠷᠢᠳ ᠡᠰᠢ ᠳᠠᠰᠢ ᠪᠠᠨ ᠳᠠᠪᠬᠢᠵᠠᠭᠠᠨᠠ᠃ ᠡᠨᠳᠡ ᠲᠡᠨᠳᠡ ᠦᠭᠡᠢ ᠥᠬᠢᠳ᠂ ᠡᠬᠡᠨᠡᠷ ᠦ᠋ᠳ ᠪᠠᠷᠬᠢᠷᠠᠨ ᠤᠬᠢᠯᠠᠯᠳᠤᠬᠤ ᠰᠣᠨᠣᠰᠳᠠᠨᠠ᠃ ᠵᠠᠷᠢᠮ ᠡᠮᠡᠰ ᠬᠠᠮᠢᠭᠠ ᠵᠢᠭᠤᠲᠠᠬᠤ ᠪᠠ ᠶᠠᠭᠤ ᠪᠠᠨ ᠬᠡᠷᠬᠢᠨ ᠠᠪᠬᠤ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠬᠡᠢ ᠳᠡᠮᠡᠢ ᠤᠬᠢᠯᠠᠯᠳᠤᠨ ᠭᠦᠶᠦᠵᠡᠭᠡᠵᠡᠢ᠂ ᠵᠠᠷᠢᠮ ᠨᠢ ᠰᠢᠲᠠᠵᠤ ᠪᠦᠬᠦᠢ ᠪᠠᠶ᠋ᠢᠰᠢᠩ ᠨᠤᠭᠤᠳ ᠳᠣᠲᠣᠷᠠ ᠠ᠋ᠴᠠ ᠣᠷᠢᠯᠠᠵᠤ ᠪᠠᠷᠬᠢᠷᠠᠭᠰᠠᠨ ᠬᠡᠦᠬᠡᠳ ᠢ᠋᠂ ᠲᠠᠯᠬᠠ ᠲᠠᠷᠢᠶᠠ ᠪᠦᠬᠦᠢ ᠰᠢᠭᠤᠳᠠᠢ ᠨᠤᠭᠤᠳ ᠢ᠋ ᠭᠠᠷᠭᠠᠵᠠᠭᠠᠨᠠ᠃
— ᠬᠥᠶᠢ᠂ ᠬᠥᠶᠢ᠂ ᠬᠥᠶᠢ᠂ ᠣᠷᠣᠭᠰᠢ ᠪᠠᠨ! ᠭᠡᠵᠦ ᠤᠷᠢᠳᠤ ᠶᠡᠷᠦ ᠳᠤᠭᠤᠯᠳᠠᠭᠠ ᠦᠭᠡᠢ ᠠᠶᠤᠮᠰᠢᠭᠲᠤ ᠳᠠᠭᠤᠨ ᠣᠢ ᠮᠣᠳᠣᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠤᠯᠠᠮ ᠣᠢᠷᠠᠲᠤᠵᠤ ᠶᠠᠪᠤᠬᠤ ᠨᠢ ᠰᠣᠨᠣᠰᠤᠭᠳᠠᠨᠠ᠃ ᠮᠣᠷᠢᠲᠠᠢ ᠬᠥᠮᠦᠰ ᠦ᠋ᠨ ᠦᠶᠡᠷ ᠲᠦ᠍ ᠠᠪᠲᠠᠭᠳᠠᠭᠰᠠᠨ ᠲᠣᠰᠬᠣᠨ ᠦᠢᠮᠡᠵᠦ ᠮᠣᠷᠢᠳ ᠤ᠋ᠨ ᠢᠨᠴᠠᠭᠠᠯᠠᠯᠲᠠ ᠪᠠ ᠦᠯᠦ ᠲᠠᠨᠢᠭᠳᠠᠬᠤ ᠠᠶᠤᠮᠰᠢᠭᠲᠤ ᠬᠥᠮᠦᠰ ᠦ᠋ᠨ ᠰᠥᠭᠡᠩᠭᠢ ᠬᠣᠭᠣᠯᠠᠢ ᠲᠡᠳᠡᠨ ᠦ᠌ ᠬᠤᠷᠴᠠ ᠦᠨᠦᠷ ᠢ᠋ᠶ᠋ᠡᠷ ᠳᠦᠭᠦᠷᠪᠡ᠃ ᠨᠣᠬᠠᠢ ᠨᠤᠭᠤᠳ ᠭᠠᠰᠠᠯᠤᠨ ᠬᠤᠴᠠᠵᠤ ᠲᠣᠰᠬᠣᠨ ᠤ᠋ ᠳᠣᠲᠣᠭᠤᠷ ᠰᠠᠯᠬᠢ ᠮᠡᠲᠦ ᠳᠠᠪᠬᠢᠯᠳᠤᠬᠤ ᠬᠠᠷᠢ ᠶ᠋ᠢᠨ ᠮᠣᠷᠢᠲᠠᠨ ᠤ᠋ ᠬᠣᠢᠨᠠ ᠠ᠋ᠴᠠ ᠬᠠᠩᠭᠢᠨᠠᠨ ᠬᠤᠴᠠᠨ ᠭᠦᠶᠦᠯᠳᠦᠨᠡ᠃ ᠡᠳᠡ ᠨᠠᠷ ᠵᠠᠮ ᠳ᠋ᠤ᠌ ᠳᠠᠭᠠᠷᠢᠯᠳᠤᠭᠰᠠᠨ ᠪᠦᠬᠦᠨ ᠢ᠋ ᠲᠠᠬᠢᠷ ᠰᠡᠯᠡᠮᠡ ᠪᠡᠷ ᠢ᠋ᠶ᠋ᠡᠨ ᠲᠠᠰᠤ ᠴᠠᠪᠴᠢᠵᠠᠭᠠᠵᠤ ᠵᠢᠭᠤᠲᠠᠵᠤ ᠶᠠᠪᠤᠭᠠ ᠡᠮᠡᠭᠲᠡᠢᠴᠦᠳ ᠢ᠋ ᠤᠷᠭᠠ ᠴᠠᠯᠮᠠ ᠪᠠᠷ ᠪᠠᠷᠢᠵᠠᠭᠠᠨᠠ᠃
ᠲᠠᠲ᠋ᠠᠷ ᠤ᠋ᠳ ᠲᠣᠰᠬᠣᠨ ᠤ᠋ ᠬᠣᠶᠠᠷ ᠲᠠᠯᠠ ᠠ᠋ᠴᠠ ᠣᠷᠣᠵᠤ ᠢᠷᠡᠭᠡᠳ ᠲᠣᠬᠢᠶᠠᠯᠳᠤᠭᠰᠠᠨ ᠪᠦᠬᠦᠨ ᠢ᠋ ᠲᠣᠰᠬᠣᠨ ᠤ᠋ ᠳᠤᠮᠳᠠᠬᠢ ᠴᠢᠯᠥᠭᠡᠨ ᠳ᠋ᠦ᠍ ᠪᠠᠢᠭᠠ ᠠᠬᠠᠯᠠᠭᠴᠢ ᠶ᠋ᠢᠨ ᠪᠠᠢᠰᠢᠩ ᠲᠡᠰᠢ ᠬᠥᠭᠡᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠡᠴᠡᠭ᠂ ᠬᠡᠷᠡᠢᠳ· ᠮᠥᠩᠬᠡᠨᠡᠰᠤᠨ· ᠮᠡᠷᠭᠡᠨᠭᠣᠣᠠ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠪᠠᠯ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ