ᠪᠠᠲᠤ ᠬᠠᠭᠠᠨ 4-08ᠨᠠᠢ᠍ᠮᠠ ᠵᠡᠷᠯᠢᠭ ᠲᠠᠯ᠎ᠠ ᠳ᠋ᠠᠬᠢ ᠴᠣᠬᠢᠯᠲᠠ-ᠮᠣᠩᠭᠣᠯᠴᠤᠳ ᠲᠠᠢ ᠠᠩᠬ᠎ᠠ ᠤᠳᠠᠭ᠎ᠠ ᠲᠤᠯᠤᠯᠳᠤᠭᠰᠠᠨ-Bat khaan Бат хаан-ᠷᠣᠮᠠᠨ ᠲᠤᠭᠤᠵᠢ ᠷᠣᠮᠠᠨ

᠁ ᠬᠣᠭᠣᠰᠣᠨ ᠲᠠᠯ᠎ᠠ ᠳ᠋ᠤ᠌ ᠡᠪᠡᠰᠦ ᠰᠢᠷᠣᠢ ᠴᠠᠰᠤ ᠪᠠ ᠮᠥᠰᠥᠨ ᠳᠡᠭᠡᠷ᠎ᠡ ᠬᠥᠯᠲᠡᠨ ᠬᠡᠪᠲᠡᠵᠡᠭᠡᠵᠦ᠂ ᠦᠢ ᠣᠯᠠᠨ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠳ᠋ᠤ᠌ ᠢᠳᠡᠭᠦᠯᠵᠦ ᠬᠡᠨ ᠦ᠌ ᠴᠦ᠍ ᠬᠠᠢᠷ᠎ᠠ ᠶ᠋ᠢ ᠦᠵᠡᠯ ᠦᠭᠡᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠬᠠᠮᠲᠤ ᠬᠡᠪᠲᠡᠵᠦ ᠨᠢᠭᠡᠨ ᠦᠬᠦᠯ ᠤ᠋ᠨ ᠠᠶᠠᠭᠠᠨ ᠠ᠋ᠴᠠ ᠤᠮᠳᠠᠭᠠᠯᠠᠨ ᠨᠥᠭᠴᠢᠵᠡᠢ᠃

(ᠪᠠᠲᠤ ᠬᠠᠭᠠᠨ ᠤ᠋ ᠲᠤᠬᠠᠢ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶ᠎ᠡ ᠳ᠋ᠦ᠍ ᠪᠢᠴᠢᠭᠰᠡᠨ ᠵᠣᠬᠢᠶᠠᠯ ᠠ᠋ᠴᠠ) ᠦᠷ ᠴᠠᠢᠬᠤ ᠦᠶ᠎ᠡ ᠳ᠋ᠦ᠍ ᠴᠡᠷᠢᠭ ᠦ᠋ᠨ ᠬᠣᠷᠢᠶ᠎ᠠ ᠨᠤᠭᠤᠳ ᠪᠡᠯᠡᠬᠡᠨ ᠪᠣᠯᠵᠠᠢ᠃ ᠴᠡᠷᠢᠭ ᠦ᠋ᠳ ᠴᠠᠰᠤᠨ ᠳᠣᠲᠣᠷ᠎ᠠ ᠤᠨᠲᠠᠵᠠᠢ᠃ ᠲᠦᠳᠡᠭ ᠭᠠᠯ ᠤ᠋ᠳ ᠊ᠢ ᠠᠰᠠᠭᠠᠭᠰᠠᠨ ᠦᠭᠡᠢ᠂ ᠰᠢᠭᠤᠷᠭ᠎ᠠ ᠨᠠᠮᠵᠢᠵᠤ ᠴᠠᠰᠤ ᠨᠢ ᠲᠣᠮᠣ ᠲᠣᠮᠣ ᠰᠢᠷᠬᠡᠭ ᠲᠡᠢ ᠪᠡᠷ ᠪᠠᠭᠤᠨ᠎ᠠ᠃ ᠬᠥᠪᠡᠭᠡᠨ ᠦ᠌ ᠴᠠᠭᠠᠨ᠎ᠠ ᠠ᠋ᠴᠠ ᠲᠩᠷᠢ ᠤᠯᠠᠢᠬᠤ ᠳ᠋ᠤ᠌ ᠪᠠᠢᠯᠳᠤᠭᠴᠢᠳ ᠪᠣᠰᠴᠤ ᠴᠠᠰᠤ ᠪᠠᠨ ᠭᠦᠪᠢᠭᠡᠳ ᠪᠣᠷᠣᠣᠬᠠᠢ ᠪᠠ ᠵᠢᠳᠠ ᠪᠠᠨ ᠠᠪᠴᠠᠭᠠᠪᠠ᠃ ᠬᠦ᠋ ᠬᠤᠶᠠᠭ ᠲᠠᠢ ᠨᠢ ᠬᠤᠶᠠᠭ ᠢ᠋ᠶ᠋ᠠᠨ ᠡᠮᠦᠰᠪᠡ᠃ ᠸᠠᠩ ᠶᠦᠷᠢ ᠢᠩᠬᠸᠡᠷᠸᠸᠢᠴ ᠬᠣᠷᠢᠶ᠎ᠠ ᠨᠤᠭᠤᠳ ᠤ᠋ᠨ ᠡᠮᠦᠨᠡᠭᠦᠷ ᠮᠣᠷᠢ ᠲᠠᠢ ᠪᠠᠨ ᠶᠠᠪᠤᠵᠤ ᠥᠩᠭᠡᠷᠡᠪᠡ᠃ ᠪᠠᠢᠯᠳᠤᠭᠴᠢᠳ ᠮᠥᠷᠥ ᠮᠥᠷᠥ ᠪᠡᠷ ᠢ᠋ᠶ᠋ᠡᠨ ᠵᠡᠷᠭᠡᠯᠡᠨ ᠵᠣᠭᠰᠣᠵᠠᠢ᠃ ᠲᠤᠩᠭᠠᠯᠠᠭ ᠠᠭᠠᠷ ᠤ᠋ᠨ ᠳᠣᠲᠣᠷ᠎ᠠ ᠸᠠᠩ ᠤ᠋ᠨ ᠬᠡᠯᠡᠬᠦ ᠦᠭᠡ ᠲᠣᠳᠣᠬᠠᠨ ᠰᠣᠨᠣᠰᠳᠠᠨ᠎ᠠ᠃

— ᠠᠬ᠎ᠠ ᠳᠡᠭᠦᠦ ᠨᠠᠷ ᠠ᠋! ᠡᠷᠡᠯᠬᠡᠭ ᠪᠠᠢᠯᠳᠤᠭᠴᠢᠳ ᠠ᠋! ᠷᠶᠠᠽᠠᠨ ᠤ᠋ ᠡᠷᠡᠯᠬᠡᠭ ᠴᠢᠳᠠᠯᠲᠠᠨ! ᠪᠡᠯᠡᠬᠡᠨ ᠪᠣᠯᠤᠭᠲᠤᠨ! ᠬᠣᠣᠷᠲᠠᠨ ᠳᠠᠢᠰᠤᠨ ᠮᠡᠰᠡ ᠪᠠᠷᠢᠵᠤ ᠣᠷᠣᠰ ᠤ᠋ᠨ ᠨᠤᠲᠤᠭ ᠲᠤ᠌ ᠢᠷᠡᠯ᠎ᠡ᠃ ᠪᠢᠳᠡᠨ ᠦ᠌ ᠡᠷᠬᠡ ᠴᠢᠯᠥᠭᠡᠨ ᠳ᠋ᠦ᠍ ᠬᠥᠮᠦᠨ ᠤ᠋ ᠭᠠᠷ ᠬᠠᠯᠲᠠᠯ᠎ᠠ᠃ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠪᠡᠯᠡᠬᠡᠨ ᠪᠣᠯᠤᠭᠲᠤᠨ! ᠡᠩ ᠦ᠋ᠨ ᠠᠮᠤᠭᠤᠯᠠᠩ ᠲᠠᠢᠪᠤᠩ ᠠᠮᠢᠳᠤᠷᠠᠯ ᠢ᠋ ᠲᠦᠢᠪᠡᠭᠡᠵᠦ ᠮᠡᠬᠡᠲᠦ ᠳᠠᠢᠰᠤᠨ ᠶᠠᠭᠤᠨ ᠳ᠋ᠤ᠌ ᠪᠢᠳᠡᠨ ᠳ᠋ᠦ᠍ ᠬᠠᠯᠳᠠᠬᠤ ᠪᠠᠷ ᠢᠷᠡᠪᠡ?

ᠺᠢᠫᠴᠡᠺ ᠦ᠋ᠨ ᠪᠦᠬᠦ ᠭᠠᠵᠠᠷ ᠢ᠋ ᠲᠡᠳᠡ ᠡᠵᠡᠯᠡᠵᠦ ᠪᠠᠢᠭ᠎ᠠ ᠠᠲᠠᠯ᠎ᠠ ᠪᠠᠰᠠ ᠶᠠᠭᠤ ᠪᠠᠨ ᠪᠢᠳᠡᠨ ᠡᠴᠡ ᠲᠡᠭᠡᠷᠮᠡᠳᠡᠬᠦ ᠭᠡᠰᠡᠨ ᠪᠢᠯᠡ᠃ ᠭᠠᠯ ᠮᠡᠰᠡ ᠶ᠋ᠢ ᠮᠠᠨ ᠤ᠋ ᠭᠠᠵᠠᠷ ᠳᠡᠭᠡᠷ᠎ᠡ ᠳᠡᠭᠳᠡᠭᠡᠬᠦ ᠶ᠋ᠢ ᠤᠷᠤᠯᠳᠤᠵᠤ ᠪᠠᠢᠨ᠎ᠠ᠃ ᠮᠠᠭᠤᠬᠠᠢ ᠮᠣᠩᠭᠣᠯᠴᠤᠳ ᠳᠣᠪᠲᠣᠯᠵᠤ ᠢᠷᠡᠪᠡᠯ ᠡᠷᠬᠡ ᠴᠢᠯᠥᠭᠡᠲᠦ ᠷᠶᠠᠽᠠᠨ ᠳ᠋ᠦ᠍ ᠪᠦᠲᠦᠨ ᠴᠢᠯᠠᠭᠤ᠎ᠴᠤ ᠦᠯᠡᠳᠡᠬᠦ ᠦᠭᠡᠢ ᠪᠣᠯᠤᠨ᠎ᠠ᠃ ᠲᠠᠨᠠᠷ ᠤ᠋ᠨ ᠡᠷᠡᠯᠬᠡᠭ ᠡᠴᠡ ᠲᠥᠷᠥᠭᠰᠡᠨ ᠬᠣᠲᠠ ᠣᠷᠣᠨ᠂ᠮᠠᠨ ᠤ᠋ ᠠᠢᠯ ᠲᠣᠰᠬᠣᠨ᠂ ᠭᠠᠵᠠᠷ ᠲᠠᠷᠢᠶ᠎ᠠ᠂ ᠬᠠᠢᠷᠠᠲᠤ ᠦᠷ᠎ᠡ ᠬᠡᠦᠬᠡᠳ᠂ ᠡᠬᠡᠨᠡᠷ᠂ ᠡᠴᠢᠭᠡ ᠡᠬᠡ ᠶ᠋ᠢᠨ ᠵᠣᠯ ᠵᠠᠶᠠᠭ᠎ᠠ ᠶ᠋ᠢ ᠲᠠᠨᠠᠷ ᠣᠳᠣ ᠰᠢᠢᠳᠪᠦᠷᠢᠯᠡᠨ᠎ᠡ᠃ ᠲᠣᠭᠰᠢᠨ ᠳᠠᠢᠰᠤᠨ ᠠᠯᠭᠤᠷᠯᠠᠬᠤ ᠦᠭᠡᠢ ᠪᠠᠢᠨ᠎ᠠ᠃ ᠲᠡᠷᠡ ᠲᠦᠢᠮᠡᠷ ᠦ᠋ᠨ ᠭᠠᠯ ᠳ᠋ᠤ᠌ ᠳᠤᠯᠠᠭᠠᠴᠠᠵᠤ ᠪᠢᠳᠡᠨ ᠦ᠌ ᠪᠠᠶᠠᠯᠢᠭ ᠢ᠋ ᠢᠳᠡᠵᠦ ᠤᠤᠭᠤᠬᠤ ᠭᠡᠵᠦ ᠷᠶᠠᠽᠠᠨ ᠦ᠌ ᠤᠷᠤᠭᠤ ᠶᠠᠭᠠᠷᠠᠨ ᠢᠷᠡᠵᠦ ᠶᠠᠪᠤᠨ᠎ᠠ᠃ ᠳᠠᠢᠰᠤᠨ ᠡᠨᠳᠡ ᠲᠠᠨᠠᠷ ᠤ᠋ᠨ ᠡᠮᠦᠨ᠎ᠡ ᠪᠠᠶ᠋ᠢᠨ᠎ᠠ᠃ᠤᠳᠠᠬᠤ ᠦᠭᠡᠢ ᠲᠤᠯᠤᠯᠳᠤᠭᠠᠨ ᠡᠬᠢᠯᠡᠨ᠎ᠡ᠃ ᠳᠠᠢᠰᠤᠨ ᠤ᠋ ᠡᠮᠦᠨ᠎ᠡ ᠪᠦᠦ ᠤᠬᠤᠷᠢᠭᠲᠤᠨ!᠁ ᠪᠢ ᠲᠠᠨᠠᠷ ᠤ᠋ᠨ ᠠᠬ᠎ᠠ᠂ ᠲᠠᠨᠠᠷ ᠤ᠋ᠨ ᠲᠦᠷᠦᠭᠦᠨ ᠳ᠋ᠤ᠌ ᠶᠠᠪᠤᠵᠤ ᠦᠬᠦᠯ ᠢ᠋ ᠠᠮᠰᠠᠶ᠎ᠠ᠃

ᠡᠴᠢᠭᠡ ᠢᠩᠭᠧᠡᠷᠧᠸᠢᠴ ᠰᠧᠶᠡᠲ᠋ᠤᠰᠯᠡᠸᠢᠴ ‍ᠤ᠋ᠨ ᠴᠢᠯᠥᠭᠡᠲᠦ ᠨᠤᠲᠤᠭ ᠤ᠋ᠨ ᠲᠥᠯᠥᠭᠡ ᠠᠮᠢ ᠪᠡᠶ᠎ᠡ ᠪᠡᠨ ᠬᠠᠶ᠋ᠢᠷᠠᠯᠠᠬᠤ ᠦᠭᠡᠢ ᠲᠤᠯᠤᠯᠳᠤᠶ᠎ᠠ᠃

ᠸᠠᠩ ᠤ᠋ᠨ ᠴᠢᠷᠠᠢ ᠪᠠᠷᠤᠭᠠᠷ ᠪᠠ ᠬᠥᠮᠥᠰᠬᠡ ᠨᠢ ᠪᠠᠶ᠋ᠢᠨ ᠪᠠᠶ᠋ᠢᠨ ᠵᠠᠩᠭᠢᠷᠠᠵᠤ ᠬᠤᠷᠴᠠ ᠨᠢᠳᠦ ᠨᠢ ᠮᠣᠬᠣᠰᠢ ᠦᠭᠡᠢ ᠵᠣᠷᠢᠭ ᠤ᠋ᠨ ᠣᠴᠢ ᠪᠠᠷ ᠭᠢᠯᠠᠯᠵᠠᠵᠤ ᠰᠡᠯᠡᠮ᠎ᠡ ᠶ᠋ᠢᠨ ᠪᠠᠷᠢᠭᠤᠯ ᠊ᠢ ᠴᠢᠩᠭ᠎ᠠ ᠠᠳᠬᠤᠭᠠᠳ᠂ ᠲᠡᠰᠬᠢᠮ᠎ᠡ ᠬᠦᠢᠲᠡᠨ ᠳ᠋ᠦ ᠲᠣᠭᠲᠠᠵᠤ ᠶᠠᠳᠠᠲᠠᠯ᠎ᠠ ᠰᠣᠶ᠋ᠢᠬᠳᠠᠭᠰᠠᠨ ᠬᠡᠭᠡᠷ ᠮᠣᠷᠢᠨ ᠤ᠋ ᠴᠤᠯᠪᠤᠭᠤᠷ ᠊ᠢ ᠬᠠᠨᠲᠠᠷᠤᠨ᠎ᠠ᠃

— ᠤᠬᠤᠷᠢᠯᠲᠠ ᠦᠭᠡᠢ ᠵᠣᠭᠰᠣᠨ᠎ᠠ᠂ ᠰᠠᠨᠠᠭ᠎ᠠ ᠪᠠᠨ ᠪᠤᠤ ᠵᠣᠪᠠ᠃ ᠬᠡᠷᠪᠡ ᠪᠢᠳᠡ ᠤᠬᠤᠷᠢᠪᠠᠯ ᠤᠺᠠ ᠭᠣᠣᠯ ᠭᠡᠳᠡᠷᠭᠦ ᠤᠷᠤᠰᠬᠤ ᠪᠣᠯᠤᠨ᠎ᠠ ᠭᠡᠵᠡᠢ᠃ ᠴᠡᠷᠢᠭ ᠦ᠋ᠳ ᠣᠭᠵᠣᠮᠬᠠᠨ ᠬᠠᠰᠬᠢᠷᠤᠯᠳᠤᠨ ᠬᠠᠷᠢᠭᠤᠯᠤᠨ ᠮᠢᠩᠭ᠎ᠠ ᠪᠣᠯᠤᠨ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭ᠎ᠠ ᠨᠠᠷ ᠥᠪᠡᠷᠰᠡᠳ ᠦ᠋ᠨ ᠤᠲ᠋ᠷᠢᠶᠠᠳ᠋ ᠤ᠋ᠨ ᠡᠩᠨᠡᠭᠡ ᠶ᠋ᠢ ᠲᠣᠭᠣᠷᠢᠨ ᠶᠠᠪᠤᠵᠤ ᠤᠬᠠᠭᠤᠯᠤᠭᠰᠠᠨ ᠨᠢ᠄

— ᠪᠢᠳᠡ ᠨᠠᠷ ᠵᠠᠨᠤᠯᠲᠤ ᠮᠣᠩᠭᠣᠯᠴᠤᠳ ᠊ᠢ ᠤᠭᠲᠤᠵᠤ ᠣᠴᠢᠨ᠎ᠠ᠃ ᠳᠤᠮᠳᠠᠭᠤᠷ ᠨᠢ ᠰᠡᠳᠡ ᠴᠣᠬᠢᠵᠤ ᠣᠷᠣᠭᠠᠳ ᠬᠣᠶᠠᠷ ᠬᠡᠰᠡᠭ ᠪᠣᠯᠭᠠᠨ ᠬᠤᠪᠢᠶᠠᠨ᠎ᠠ᠃ ᠨᠢᠭᠡᠨ ᠵᠢᠭᠦᠷ ᠊ᠢ ᠪᠤᠲᠠ ᠴᠣᠬᠢᠭᠠᠳ ᠨᠥᠭᠥᠭᠡ ᠵᠢᠭᠦᠷ ᠊ᠢ ᠳᠣᠪᠲᠣᠯᠤᠨ᠎ᠠ᠃ ᠰᠠᠭᠤᠷᠢ ᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ᠃ ᠮᠣᠩᠭᠣᠯᠴᠤᠳ ᠮᠡᠬᠡ ᠲᠡᠢ ᠰᠢᠦ᠃ ᠲᠡᠳᠡ ᠨᠠᠷ ᠲᠤ᠌ ᠬᠥᠭᠰᠢᠨ ᠴᠢᠨᠣ᠎ᠠ ᠶ᠋ᠢᠨ ᠮᠡᠬᠡ ᠪᠤᠢ᠃ ᠲᠡᠳᠡ ᠪᠠᠷᠤᠭᠲᠠᠢ ᠪᠣᠯ ᠰᠡᠭᠦᠯ ᠶ᠋ᠢᠡᠨ ᠬᠠᠪᠴᠢᠵᠤ ᠬᠥᠭᠡᠭᠡᠭᠳᠡᠬᠦ ᠮᠡᠳᠡᠬᠦ (ᠮᠡᠲᠦ) ᠵᠢᠭᠤᠲᠠᠨ᠎ᠠ᠃ ᠲᠡᠷᠡ ᠪᠣᠯ ᠮᠠᠨ ᠤ᠋ ᠴᠡᠷᠢᠭ ᠊ᠢ ᠳᠠᠭᠠᠭᠤᠯᠵᠤ ᠥᠪᠡᠷ ᠦ᠋ᠨ ᠬᠦᠴᠦᠨ ᠳᠡᠭᠡᠷ᠎ᠡ ᠰᠠᠷᠨᠢᠭᠤᠯᠤᠨ ᠣᠷᠣᠭᠤᠯᠬᠤ ᠠᠷᠭ᠎ᠠ ᠪᠣᠯᠤᠨ᠎ᠠ᠃ ᠲᠡᠳᠡᠨ ᠊ᠢ ᠪᠤᠤ ᠢᠲᠡᠭᠡ! ‍ᠪᠤᠤ ᠬᠥᠭᠡᠭᠡᠭᠲᠦᠨ! ᠢᠩᠭᠢᠵᠦ ᠮᠥᠷᠥ ᠮᠥᠷᠥ ᠪᠡᠨ ᠵᠡᠷᠭᠡᠯᠡᠨ ᠡᠪᠲᠡᠢ ᠵᠣᠭᠰᠣᠵᠠᠭᠠᠵᠤ ᠬᠣᠶᠠᠳᠤᠭᠠᠷ ᠴᠣᠬᠢᠯᠲᠠ ᠶ᠋ᠢ ᠬᠦᠯᠢᠶᠡᠬᠦ ᠬᠡᠷᠡᠭᠲᠡᠢ᠂ ᠢᠩᠭᠢᠵᠦ ᠪᠢᠳᠡ ᠮᠣᠩᠭᠣᠯᠴᠤᠳ ᠊ᠢ ᠲᠠᠶ᠋ᠢᠯᠤᠨ᠎ᠠ ᠭᠡᠪᠡ᠃ ᠴᠠᠰᠤ ᠪᠣᠯᠤᠭᠰᠠᠨ ᠪᠠᠶ᠋ᠢᠯᠳᠤᠭᠴᠢᠳ ᠲᠠᠶ᠋ᠢᠪᠤᠩ ᠪᠠ ᠵᠣᠷᠢᠬᠲᠠᠢ ᠪᠠᠷ ᠵᠢᠳᠠ ᠪᠣᠷᠣᠣᠬᠠᠢ ᠰᠢᠳᠠᠮ ᠶ᠋ᠢᠠᠨ ᠪᠠᠷᠢᠵᠤ ᠵᠣᠭᠰᠣᠵᠤ ᠰᠣᠨᠣᠰᠤᠨ᠎ᠠ᠃ ᠡᠳᠡᠨ ᠤ᠋ ᠴᠠᠭ ᠤ᠋ᠨ ᠪᠠᠶ᠋ᠢᠳᠠᠯ ᠪᠠ ᠣᠯᠠᠨ ᠵᠢᠯ ᠦ᠋ᠨ ᠡᠲ᠌ᠯᠡᠭᠡᠨ ᠡᠴᠡ ᠪᠣᠯᠵᠤ ᠬᠠᠷᠠᠯᠠᠴᠢᠬᠠᠭᠰᠠᠨ ᠦᠰᠦᠲᠡᠢ ᠪᠣᠭᠣᠨᠢ ᠳᠡᠪᠡᠯ᠂ ᠨᠠᠷᠢᠨ ᠰᠤᠷ ᠤ᠋ᠨ ᠪᠥᠰᠡᠨ ᠡᠴᠡ ᠮᠣᠳᠣᠨ ᠬᠤᠢ ᠲᠠᠢ ᠬᠢᠲᠤᠭ᠎ᠠ ᠵᠡᠭᠦᠭᠰᠡᠨ ᠪᠠ ᠡᠪᠦᠳᠦᠭ ᠲᠤᠯᠲᠠᠯ᠎ᠠ ᠲᠠᠲᠠᠭᠰᠠᠨ ᠦᠰᠦᠲᠡᠢ ᠪᠣᠶ᠋ᠢᠲᠣᠭ ᠲᠠᠢ᠂ ᠡᠨᠡ ᠬᠤᠪᠴᠠᠰᠤ ᠬᠡᠷᠡᠭᠰᠡᠯ ᠴᠥᠮ ᠲᠡᠳᠡᠨ ᠤ᠋ ᠶᠠᠳᠠᠭᠤ ᠠᠮᠢᠳᠤᠷᠠᠯ᠂ ᠠᠵᠢᠯ ᠤ᠋ᠨ ᠬᠦᠨᠳᠦ ᠶ᠋ᠢ ᠦᠵᠡᠭᠦᠯᠦᠨ᠎ᠡ᠃ ᠡᠳᠡ ᠨᠠᠷ ᠷᠶᠨᠽᠡᠨ ᠤ᠋ ᠭᠠᠵᠠᠷ ᠊ᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠬᠥᠳᠡᠯᠦᠯ᠎ᠡ᠃ ᠡᠳᠡᠨᠡᠷ ᠡᠨᠳᠡ ᠪᠡᠨ ᠤᠨᠠᠪᠠᠴᠤ᠂ ᠠᠷᠤ ᠳ᠋ᠠᠭᠠᠨ ᠬᠣᠴᠣᠷᠤᠭᠰᠠᠨ ᠣᠷᠣᠨ ᠪᠠᠶ᠋ᠢᠰᠢᠩ ᠳ᠋ᠠᠭᠠᠨ ᠳᠠᠶ᠋ᠢᠰᠤᠨ ᠊ᠢ ᠣᠷᠣᠭᠤᠯᠬᠤ ᠦᠭᠡᠢ᠂ ᠴᠡᠷᠢᠭ ᠦ᠋ᠳ ᠠᠭᠠᠵᠢᠮ ᠶ᠋ᠢᠠᠷ ᠤᠷᠤᠭᠰᠢ ᠬᠥᠳᠡᠯᠵᠦ ᠳᠣᠪᠣ ᠶ᠋ᠢᠨ ᠬᠢᠷ᠎ᠠ ᠥᠭᠡᠳᠡ ᠠᠪᠠᠷᠢᠨ ᠠᠯᠬᠤᠯᠠᠨ᠎ᠠ᠃ ᠶᠠᠪᠤᠬᠤ ᠳ᠋ᠤ᠌ ᠪᠡᠷᠬᠡᠲᠡᠢ ᠪᠥᠭᠡᠳ ᠰᠢᠭᠤᠷᠭ᠎ᠠ ᠡᠪᠦᠳᠦᠭ ᠲᠤᠯᠤᠮ᠎ᠠ ᠴᠠᠰᠤᠨ ᠬᠥᠷ ᠣᠪᠣᠭᠠᠯᠠᠵᠠᠢ᠃

ᠬᠢᠷ᠎ᠠ ᠳᠡᠭᠡᠷ᠎ᠡ ᠲᠦᠷᠦᠭᠦᠴᠢ ᠶ᠋ᠢᠨ ᠡᠩᠨᠡᠭᠡ ᠭᠠᠷᠤᠭᠠᠳ ᠵᠣᠭᠰᠣᠪᠠ᠃

ᠭᠡᠨᠡᠳᠲᠡ ᠂

—ᠣᠷᠣᠰ ᠤ᠋ᠳ! ᠣᠷᠣᠰ ᠤ᠋ᠳ! ᠭᠡᠵᠦ ᠴᠣᠴᠢᠮᠠᠭ ᠬᠠᠰᠬᠢᠷᠬᠤ ᠳᠠᠭᠤᠨ ᠣᠷᠴᠢᠨ ᠲᠣᠭᠣᠷᠢᠨ ᠤ᠋ ᠨᠠᠮ ᠬᠥᠮ᠎ ᠢ᠋ ᠬᠠᠭᠠᠯᠤᠯ᠎ᠠ᠃ ᠡᠨᠡ ᠨᠢ ᠷᠠᠲ᠋ᠢᠪᠣᠷ ᠤ᠋ᠨ ᠳᠡᠷᠭᠡᠳᠡ ᠬᠦᠯᠢᠶᠡᠰᠦᠲᠡᠢ ᠶᠠᠪᠤᠭ᠎ᠠ ᠣᠯᠵᠠᠯᠠᠭᠳᠠᠭᠰᠠᠨ ᠬᠣᠶᠠᠷ ᠴᠡᠷᠢᠭ ᠪᠦᠬᠦ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠬᠢᠷᠠᠵᠤ᠂ ᠥᠪᠡᠷᠰᠡᠳ ᠦ᠋ᠨ ᠲᠠᠯ᠎ᠠ  ᠳ᠋ᠠᠭᠠᠨ ᠮᠡᠳᠡᠭᠡ ᠥᠭᠬᠦ ᠶ᠋ᠢ ᠣᠷᠣᠯᠳᠣᠭᠰᠠᠨ ᠠᠵᠢ᠃

ᠢᠩᠭᠢᠵᠦ ᠬᠠᠰᠬᠢᠷᠬᠤ ᠳᠠᠭᠤᠨ ᠡᠮᠦᠨ᠎ᠡ ᠲᠠᠯ᠎ᠠ ᠳ᠋ᠤ᠌᠂ ᠪᠠᠷᠭᠠᠳ ᠪᠠ ᠵᠡᠭᠦᠨ ᠲᠠᠯ᠎ᠠ ᠠ᠋ᠴᠠ ᠰᠣᠨᠣᠰᠳᠠᠵᠤ᠂ ᠳᠠᠮᠵᠢᠭᠤᠯᠤᠭᠳᠠᠨ ᠤᠯᠠᠮᠵᠢᠯᠠᠭᠰᠠᠭᠠᠷ ᠠᠯᠤᠰ ᠲᠤ᠌ ᠬᠦᠷᠲᠡᠯ᠎ᠡ ᠦᠷᠭᠦᠯᠵᠢᠯᠡᠨ᠎ᠡ᠃ ᠭᠦᠨ ᠴᠠᠰᠤ ᠪᠠᠷ ᠪᠦᠷᠬᠦᠭᠳᠡᠭᠰᠡᠨ ᠬᠣᠭᠣᠰᠣᠨ ᠲᠠᠯ᠎ᠠ ᠭᠠᠵᠠᠷ ᠭᠡᠨᠡᠳᠲᠡ ᠬᠥᠳᠡᠯᠭᠡᠭᠡᠨ ᠣᠷᠣᠯ᠎ᠠ᠃ ᠴᠠᠰᠤᠨ ᠳᠣᠲᠣᠷ᠎ᠠ ᠠ᠋ᠴᠠ ᠬᠠᠷ᠎ᠠ ᠳᠦᠷᠰᠦ ᠨᠤᠭᠦᠳ ᠪᠣᠰᠴᠤ ᠪᠠᠷᠬᠢᠷᠠᠯᠳᠤᠬᠤ ᠰᠣᠨᠣᠰᠳᠠᠨ ᠤᠤᠬᠠᠢᠯᠠᠬᠤ ᠣᠯᠠᠨ ᠬᠥᠮᠦᠰ ᠪᠠ ᠮᠣᠷᠢᠨ ᠤ᠋ ᠲᠦᠪᠦᠷᠭᠡᠨ ᠴᠠᠰᠤᠲᠤ ᠲᠠᠯ᠎ᠠ ᠳ᠋ᠤ᠌ ᠤᠯᠠᠮ ᠪᠦᠷ ᠴᠢᠨᠠᠭᠰᠢᠯᠠᠨ ᠴᠤᠤᠷᠢᠶᠠᠲᠤᠭᠰᠠᠭᠠᠷ᠂ ᠥᠷᠯᠥᠭᠡ ᠶ᠋ᠢᠨ ᠪᠤᠳᠠᠩ ᠮᠠᠨᠠᠨ ᠳ᠋ᠤ᠌ ᠵᠠᠮᠬᠠᠷᠠᠨ᠎ᠠ᠃ ᠣᠯᠠᠨ ᠬᠥᠮᠦᠨ ᠦ᠌ ᠳᠠᠭᠤ ᠲᠠᠰᠤᠷᠠᠵᠤ ᠭᠠᠭᠴᠠ ᠨᠢᠭᠡᠨ ᠬᠥᠮᠦᠨ ᠤ᠋ ᠬᠠᠰᠬᠢᠷᠬᠤ ᠰᠣᠨᠣᠰᠳᠠᠭᠰᠠᠭᠠᠷ ᠤᠳᠠᠯ ᠦᠭᠡᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠠᠨ ᠠᠯᠠᠭ᠎ᠠ ᠪᠣᠯᠤᠯ᠎ᠠ᠃

—ᠵᠠ ᠲᠠᠲ᠋ᠠᠷ ᠤ᠋ᠳ! ᠵᠠ ᠵᠠᠨᠤᠯᠲᠤ ᠮᠣᠩᠭᠣᠯᠴᠤᠳ ᠠ᠋! ᠡᠳᠡ ᠨᠠᠷ ᠶᠠᠭᠤᠨ ᠳ᠋ᠤ᠌ ᠵᠢᠭᠤᠲᠠᠪᠠ? ᠪᠢᠳᠡᠨ ᠡᠴᠡ ᠠᠶᠤᠪᠠᠤ? ᠡᠰᠡᠪᠡᠯ ᠪᠢᠳᠡᠨ ᠢ᠋ ᠡᠳᠦᠵᠦ (ᠥᠳᠥᠭᠡᠵᠦ) ᠪᠠᠢᠨ᠎ᠠ ᠤᠤ? ᠪᠢᠳᠡᠨ ᠢ᠋ ᠭᠡᠨᠡᠳᠡᠭᠦᠯᠵᠦ

ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠴᠡᠷᠢᠭ ᠦ᠋ᠳ ᠶᠠᠷᠢᠯᠴᠠᠪᠠ᠃ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭ᠎ᠠ ᠨᠠᠷ ᠪᠠᠢᠯᠳᠤᠭᠴᠢᠳ ᠢ᠋

ᠲᠠᠢᠳᠬᠤᠷᠠᠭᠤᠯᠵᠤ

ᠰᠣᠨᠳᠤᠤᠯᠠ ᠨᠤᠭᠤᠳ ᠤ᠋ᠨ ᠠᠷᠤ ᠳ᠋ᠤ᠌᠂ ᠬᠠᠮᠢᠭ᠎ᠠ ᠨᠢᠭᠤᠭᠳᠠᠨ ᠬᠡᠪᠲᠡᠬᠦ ᠪᠠᠢᠷᠢ ᠶ᠋ᠢ ᠵᠢᠭᠠᠵᠤ ᠥᠭᠭᠦᠨ᠎ᠡ᠃ ᠣᠷᠣᠰ ᠤ᠋ᠨ ᠴᠡᠷᠢᠭ ᠦ᠋ᠨ ᠡᠩᠨᠡᠭᠡ

ᠨᠤᠭᠦᠳ ᠴᠠᠰᠤᠨ ᠳᠣᠲᠣᠷ᠎ᠠ ᠨᠢᠭᠤᠭᠳᠠᠵᠤ ᠪᠡᠶ᠎ᠡ ᠪᠡᠶ᠎ᠡ ᠳ᠋ᠡᠭᠡᠨ ᠰᠢᠬᠠᠴᠠᠯᠳᠤᠨ ᠳᠠᠢᠰᠤᠨ ᠢ᠋ ᠬᠦᠯᠢᠶᠡᠨ᠎ᠡ᠃ ᠤᠯᠠᠭᠠᠨ ᠨᠠᠷᠠᠨ ᠮᠠᠨᠳᠤᠵᠤ ᠳᠣᠨᠤᠷᠠᠭᠤ ᠮᠠᠨᠠᠨ ᠪᠤᠳᠠᠩ ᠢ᠋ ᠨᠡᠪᠲᠡᠯᠦᠭᠰᠡᠭᠡᠷ ᠤᠷᠲᠤ ᠴᠠᠭᠠᠨ ᠲᠤᠶᠠᠭ᠎ᠠ ᠪᠠᠷ ᠢ᠋ᠶ᠋ᠠᠨ ᠲᠤᠩ ᠴᠠᠭᠠᠨ ᠲᠠᠯ᠎ᠠ ᠶ᠋ᠢ ᠭᠡᠢᠭᠦᠯᠪᠡ᠃

ᠠᠯᠤᠰ ᠲᠤ᠌ ᠮᠣᠩᠭᠣᠯ ᠤ᠋ᠨ ᠮᠣᠷᠢᠨ ᠴᠡᠷᠢᠭ ᠦ᠋ᠨ ᠮᠤᠷᠤᠶ᠋ᠢᠯᠵᠠᠭᠰᠠᠨ ᠡᠩᠨᠡᠭᠡ ᠲᠣᠳᠣᠬᠠᠨ ᠦᠵᠡᠭᠳᠡᠯ᠎ᠡ᠃ ᠲᠡᠳᠡ ᠨᠡᠷ ᠬᠡᠳᠦᠶ᠋ᠢᠨᠡᠢ ᠭᠡᠳᠡᠷᠭᠦ ᠪᠤᠴᠠᠵᠠᠢ᠃ ᠵᠢᠳᠠ ᠪᠠᠨ ᠤᠷᠤᠭᠰᠢ ᠨᠢ ᠬᠠᠨᠳᠤᠭᠤᠯᠤᠨ ᠪᠠᠷᠢᠵᠤ᠂ ᠭᠢᠯᠠᠯᠵᠠᠭᠰᠠᠨ ᠳᠠᠭᠢᠷ ᠰᠡᠯᠡᠮ᠎ᠡ ᠪᠡᠨ ᠪᠠᠷᠠᠭᠤᠨ ᠮᠥᠷᠥᠨ ᠳᠡᠭᠡᠷ᠎ᠡ ᠪᠡᠨ ᠲᠠᠯᠪᠢᠭᠠᠳ ᠲᠡᠳᠡᠨᠡᠷ ᠬᠡᠳᠦᠶ᠋ᠢᠨᠡᠢ ᠭᠡᠳᠡᠷᠭᠦ ᠪᠤᠴᠠᠵᠤ ᠢᠷᠡᠪᠡ᠃ ᠴᠡᠷᠢᠭ ᠦ᠋ᠳ ᠦ᠋ᠨ ᠪᠦᠯᠦᠭᠯᠡᠯ ᠨᠦ᠍ᠭᠦᠳ᠂ ᠳᠣᠪᠣ ᠰᠣᠨᠳᠤᠤᠯᠠ ᠨᠤᠭᠤᠳ ᠤ᠋ᠨ ᠴᠠᠭᠠᠨ᠎ᠠ ᠨᠢᠭᠤᠭᠳᠠᠨ ᠴᠠᠰᠤᠨ ᠳᠣᠲᠣᠷ᠎ᠠ ᠬᠡᠪᠲᠡᠭᠰᠡᠭᠡᠷ ᠪᠠᠶ᠋ᠢᠪᠠ᠃ ᠬᠡᠳᠦᠶ᠋ᠢᠨᠡᠢ ᠮᠣᠩᠭᠣᠯ ᠤ᠋ᠨ ᠮᠣᠷᠢᠳ ᠤ᠋ᠨ ᠳᠠᠪᠬᠢᠬᠤ ᠨᠢᠭᠡᠨ ᠵᠢᠭᠳᠡ ᠲᠥᠪᠦᠷᠭᠡᠨ ᠰᠣᠨᠣᠰᠳᠠᠬᠤ ᠪᠣᠯᠤᠯ᠎ᠠ᠃

ᠬᠡᠳᠦᠨ ᠠᠷᠪᠠᠨ ᠮᠢᠩᠭᠠᠨ ᠮᠣᠷᠢᠳ ᠤ᠋ᠨ ᠲᠤᠭᠤᠷᠠᠢ ᠠ᠋ᠴᠠ ᠪᠦᠬᠦ ᠲᠠᠯ᠎ᠠ ᠬᠦᠩᠭᠢᠨᠡᠨ ᠴᠡᠴᠡᠷᠡᠬᠦ ᠮᠡᠲᠦ ᠰᠠᠨᠠᠭᠳᠠᠨ᠎ᠠ᠃ ᠴᠠᠰᠤᠨ ᠲᠣᠭᠣᠰᠣ ᠪᠠᠷ ᠮᠠᠨᠠᠨ ᠲᠠᠲᠠᠭᠤᠯᠤᠨ ᠬᠠᠯᠠᠵᠤ ᠲᠦᠷᠭᠡᠰᠦᠭᠰᠡᠨ ᠮᠣᠷᠢᠳ ᠠᠭᠤᠷ ᠰᠠᠪᠰᠠᠭᠤᠯᠤᠨ ᠤᠯᠠᠩᠭᠠᠰᠤᠭᠰᠠᠨ ᠮᠣᠩᠭᠣᠯᠴᠤᠳ ᠣᠶ᠋ᠢᠷᠠᠳᠤᠵᠤ ᠢᠷᠡᠪᠡ᠃

ᠲᠡᠳᠡ ᠨᠡᠷ ᠵᠡᠷᠯᠢᠭ ᠶ᠋ᠢᠡᠷ᠄

— ᠬᠥᠶᠢ! ᠬᠥᠶᠢ! ᠤᠷᠤᠭᠰᠢ ᠪᠠᠨ ᠭᠡᠵᠦ ᠱᠠᠭᠢᠨ᠎ᠠ᠃ ᠲᠠᠲ᠋ᠠᠷ ᠦ᠋ᠳ ᠣᠷᠣᠰ ᠦ᠋ᠳ ᠤ᠋ᠨ ᠨᠢᠭᠤᠭᠳᠠᠭᠰᠠᠨ ᠳᠣᠪᠣ ᠲᠤᠯᠤᠭᠠᠳ ᠤ᠋ᠨ ᠬᠢᠷ᠎ᠠ ᠥᠭᠡᠳᠡ ᠠᠪᠠᠷᠢᠵᠤ ᠭᠠᠷᠪᠠ᠃ ᠬᠡᠳᠦ ᠬᠡᠳᠦᠨ ᠮᠣᠷᠢᠳ ᠪᠦᠳᠦᠷᠢᠨ ᠤᠨᠠᠪᠠ᠂ ᠪᠤᠰᠤᠳ ᠨᠢ ᠡᠮᠬᠢ ᠵᠠᠮᠪᠠᠷᠠᠭ᠎ᠠ ᠦᠭᠡᠢ ᠡᠪᠬᠡᠷᠡᠨ ᠳᠠᠪᠬᠢᠯᠳᠤᠨ᠎ᠠ᠃ ᠲᠡᠳᠡᠨᠡᠷ ᠬᠢᠷ᠎ᠠ ᠳ᠋ᠤ ᠬᠣᠷᠢᠭᠠᠳ ᠠᠯᠬᠤᠮ ᠣᠶ᠋ᠢᠷᠠᠳᠤᠭᠰᠠᠨ ᠤ᠋ ᠬᠣᠶ᠋ᠢᠨ᠎ᠠ ᠷᠶᠠᠽᠠᠨ ‍ ᠤ᠋ ᠪᠠᠶ᠋ᠢᠯᠳᠤᠭᠴᠢᠳ ᠪᠣᠰᠤᠨ ᠬᠠᠷᠠᠶ᠋ᠢᠵᠤ᠂

—ᠷᠶᠠᠽᠠᠨᠴᠤᠳ ᠠ᠋᠂ ᠤᠷᠤᠭᠰᠢ ᠪᠠᠨ! ᠭᠡᠵᠦ ᠪᠠᠷᠬᠢᠷᠠᠯᠳᠤᠨ ᠳᠠᠶ᠋ᠢᠰᠤᠨ ᠤ᠋ ᠡᠮᠦᠨ᠎ᠡ ᠡᠴᠡ ᠳᠠᠪᠰᠢᠨ ᠣᠷᠣᠯ᠎ᠠ᠃ ᠮᠣᠷᠢᠳ ᠨᠢ ᠦᠷᠭᠦᠵᠦ ᠵᠠᠷᠢᠮ ᠨᠢ ᠡᠵᠡᠨ ᠶ᠋ᠢᠡᠨ ᠬᠠᠶᠠᠨ᠎ᠠ᠂ ᠵᠠᠷᠢᠮ ᠨᠢ ᠳᠡᠭᠡᠭᠰᠢ ᠪᠡᠨ ᠴᠣᠪᠬᠣᠷᠴᠤ ᠤᠨᠠᠨ᠎ᠠ᠂ ᠪᠤᠰᠤᠳ ᠨᠢ ᠴᠠᠰᠢ ᠳᠠᠪᠬᠢᠵᠤ ᠪᠣᠷᠣᠣᠬᠠᠢ ᠰᠦᠬᠡ ᠶ᠋ᠢᠨ ᠴᠣᠬᠢᠯᠲᠠ ᠶ᠋ᠢ ᠤᠭᠲᠤᠨ ᠣᠷᠣᠵᠠᠭᠠᠨ᠎ᠠ᠃ ᠣᠷᠣᠰ ᠦ᠋ᠳ ᠮᠣᠷᠢᠲᠠᠨ ᠲᠡᠰᠢ ᠰᠢᠷᠦᠭᠦᠨ ᠶ᠋ᠢᠡᠷ ᠳᠣᠪᠲᠣᠯᠤᠨ ᠦᠰᠦᠲᠡᠢ ᠳᠡᠪᠡᠯ ᠲᠡᠮᠦᠷ ᠮᠠᠯᠠᠭᠠᠢ ᠶ᠋ᠢ ᠲᠠᠰᠤ ᠴᠠᠪᠴᠢᠨ᠎ᠠ᠃

ᠲᠠᠲ᠋ᠠᠷ ᠦ᠋ᠳ ᠦ᠋ᠨ ᠳᠠᠭᠢᠷ ᠰᠡᠯᠡᠮ᠎ᠡ ᠤ᠋ᠳ ᠠᠭᠠᠷ ᠲᠤ᠌ ᠭᠢᠯᠠᠯᠵᠠᠨ᠎ᠠ᠃ ᠲᠡᠳᠡᠨᠡᠷ ᠶᠠᠪᠤᠵᠤ ᠪᠠᠶ᠋ᠢᠬᠤ ᠳ᠋ᠠᠭᠠᠨ ᠨᠤᠮᠤ ᠰᠤᠮᠤ ᠪᠠᠨ