ᠪᠠᠲᠤ ᠬᠠᠭᠠᠨ 4-02ᠸᠣᠷᠤᠨ᠋ᠸᠵ ᠭᠣᠣᠯ ᠳ᠋ᠠᠬᠢ ᠲᠠᠲ᠋ᠠᠷ ᠤ᠋ᠨ ᠯᠠᠭᠧᠷ ᠲᠸ᠋-Bat khaan Бат хаан-ᠷᠣᠮᠠᠨ
22ᠬᠣᠶᠠᠷ ᠸᠣᠷᠤᠨ᠋ᠸᠵ ᠭᠣᠣᠯ ᠳ᠋ᠠᠬᠢ ᠲᠠᠲ᠋ᠠᠷ ᠤ᠋ᠨ ᠯᠠᠭᠧᠷ ᠲᠸ᠋
ᠬᠠᠳ᠋ᠵᠢ ᠷᠠᠾᠢ᠍ᠮ ᠤ᠋ᠨ ᠪᠢᠴᠢᠭᠰᠡᠨ ᠨᠢ᠄《ᠶᠡᠬᠡ ᠬᠤᠷᠠ ᠶ᠋ᠢᠨ ᠡᠮᠦᠨᠡᠬᠢ ᠬᠠᠷᠠ ᠮᠠᠨᠠᠨ ᠠᠳᠠᠯᠢ᠂ ᠬᠠᠶᠠ ᠦᠭᠡᠢ ᠲᠠᠪᠰᠢᠵᠤ ᠪᠠᠢᠭᠠ ᠰᠢᠨᠡ ᠳᠣᠪᠲᠣᠯᠭᠠᠨ ᠠ᠋ᠴᠠ ᠲᠡᠨᠦᠮᠡᠯ ᠬᠥᠮᠦᠨ ᠢ᠋ ᠲᠩᠷᠢ ᠠᠪᠤᠷᠠᠭᠲᠤᠨ 》ᠭᠡᠵᠡᠢ᠃
— ᠪᠠᠲᠤ ᠬᠠᠭᠠᠨ ᠸᠣᠷᠤᠨ᠋ᠸᠵ ᠭᠣᠣᠯ ᠤ᠋ᠨ ᠴᠠᠷᠠᠰᠤᠨ ᠰᠢᠭᠤᠢ ᠳᠣᠲᠣᠷᠠ ᠶᠡᠬᠡ ᠯᠠᠭᠧᠷ ᠢ᠋ᠶ᠋ᠡᠷ ᠪᠠᠭᠤᠳᠠᠯᠯᠠᠵᠠᠢ᠃ ᠡᠪᠦᠯ ᠪᠣᠯᠪᠠᠴᠤ ᠲᠠᠲ᠋ᠠᠷ ᠤ᠋ᠨ ᠮᠣᠷᠢᠳ ᠲᠸ᠋ ᠡᠪᠡᠰᠦ ᠪᠡᠷ ᠪᠠᠶᠠᠯᠢᠭ ᠲᠠᠯᠠ ᠠᠵᠢ᠃ ᠲᠤᠭᠤᠷᠠᠢ ᠪᠠᠷ ᠢ᠋ᠶ᠋ᠠᠨ ᠴᠠᠰᠤ ᠴᠠᠪᠴᠢᠯᠠᠬᠤ ᠳᠤᠷᠠ ᠦᠭᠡᠢ ᠮᠣᠷᠢᠨ ᠳ᠋ᠤ᠌ ᠴᠤ᠌ ᠪᠣᠯᠪᠠ ᠡᠯᠪᠡᠭ ᠲᠡᠵᠢᠭᠡᠯ ᠣᠯᠳᠠᠨᠠ᠃ ᠴᠢᠩᠭᠢᠰ ᠦ᠋ᠨ ᠪᠤᠰᠤᠳ ᠬᠥᠪᠡᠭᠦᠳ ᠦ᠋ᠨ ᠯᠠᠭᠧᠷ ᠦ᠋ᠳ ᠡᠨᠡ ᠲᠠᠯᠠ ᠨᠢ ᠳᠣᠷᠣᠨᠠ ᠵᠦᠭ ᠳᠠᠰᠢ ᠦᠷᠭᠦᠯᠵᠢᠯᠡᠨ ᠣᠷᠣᠰᠢᠨᠠ᠃ ᠪᠠᠢᠯᠳᠤᠭᠴᠢᠳ ᠤ᠋ᠨ ᠶᠠᠷᠢᠯᠴᠠᠬᠤ ᠨᠢ ᠣᠷᠣᠰ ᠤ᠋ᠨ ᠭᠠᠵᠠᠷ ᠲᠸ᠋ ᠲᠦᠷᠭᠡᠨ ᠣᠴᠢᠵᠤ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠴᠠᠳᠲᠠᠯᠠ ᠢᠳᠡᠵᠦ ᠵᠢᠷᠭᠠᠬᠤ ᠶᠤᠮᠰᠠᠨ ᠭᠡᠯᠴᠡᠨᠡ᠃ ᠡᠩ ᠦ᠋ᠨ ᠨᠢᠭᠡᠨ ᠴᠡᠷᠢᠭ ᠬᠦᠷᠲᠡᠯᠡ ᠡᠳᠦᠢ ᠲᠡᠳᠦᠢ ᠶᠠᠭᠤᠮᠠ ᠳᠡᠭᠡᠷᠡᠮᠳᠡᠨ ᠠᠪᠬᠤ ᠲᠤᠯᠠ ᠮᠢᠩᠭᠠ ᠪᠠᠷ ᠠᠯᠪᠠᠲᠤ ᠶ᠋ᠢ ᠵᠠᠬᠢᠷᠬᠤ ᠮᠣᠵᠢ ᠶ᠋ᠢᠨ ᠬᠠᠭᠠᠨ ᠠ᠋ᠴᠠ ᠢᠯᠭᠠᠯ ᠦᠭᠡᠢ ᠪᠠᠶᠠᠨ ᠪᠣᠯᠤᠨᠠ ᠭᠡᠯᠴᠡᠨᠡ᠃ ᠲᠡᠭᠡᠪᠡᠴᠦ ᠣᠷᠣᠰ ᠤᠯᠤᠰ ᠬᠦᠴᠦᠲᠡᠢ᠂ ᠴᠢᠨᠣᠠ ᠰᠢᠭ᠋ ᠠᠭᠤᠷᠲᠠᠢ᠂ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠵᠣᠷᠢᠮᠠᠭ ᠪᠥᠭᠡᠳ ᠰᠢᠳᠤᠷᠭᠤ᠂ ᠲᠡᠳᠡ ᠨᠠᠷ ᠪᠠᠢᠯᠳᠤᠨ ᠬᠠᠮᠠᠭᠠᠯᠠᠬᠤ ᠦᠭᠡᠢ ᠪᠡᠷ ᠥᠪᠡᠷ ᠦ᠋ᠨ ᠲᠠᠷᠢᠶᠠ᠂ ᠥᠪᠡᠷ ᠦ᠋ᠨ ᠮᠠᠯ ᠢ᠋ ᠥᠭᠬᠦ ᠦᠭᠡᠢ ᠭᠡᠵᠦ ᠶᠠᠷᠢᠯᠴᠠᠨᠠ᠃ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠢᠲᠠᠯᠠ ᠣᠷᠣᠰ ᠤ᠋ᠨ ᠡᠯᠴᠢᠨ ᠷᠶᠠᠽᠠᠨ ᠤ᠋ ᠸᠠᠩ ᠤ᠋ᠨ ᠵᠠᠯᠠᠭᠤ ᠬᠥᠪᠡᠭᠦᠨ ᠹᠸᠣᠳᠣᠷ ᠢ᠋ᠶ᠋ᠠᠷ ᠲᠣᠯᠣᠭᠠᠢᠯᠠᠭᠤᠯᠤᠨ ᠬᠦᠷᠴᠦ ᠢᠷᠡᠵᠡᠢ᠃ ᠪᠠᠲᠤ ᠬᠠᠭᠠᠨ ᠥᠪᠡᠷ ᠦ᠋ᠨ ᠶᠡᠬᠡᠮᠰᠦᠭ ᠢ᠋ ᠦᠵᠡᠭᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠬᠥᠮᠦᠨ ᠢ᠋ᠶ᠋ᠡᠷ ᠳᠠᠮᠵᠢᠭᠤᠯᠤᠨ ᠣᠳᠣ ᠤᠯᠤᠰ ᠲᠥᠷᠥ ᠶ᠋ᠢᠨ ᠠᠵᠢᠯ ᠶᠠᠪᠤᠳᠠᠯ ᠲᠠᠢ ᠲᠤᠯᠠ ᠸᠠᠩ ᠹᠸᠤᠳᠣᠷ ᠲᠠᠢ ᠬᠡᠳᠦ ᠬᠣᠨᠣᠭ ᠤ᠋ᠨ ᠬᠣᠢᠨᠠ ᠠᠭᠤᠯᠵᠠᠨᠠ ᠭᠡᠵᠦ ᠬᠡᠯᠡᠭᠦᠯᠵᠡᠢ᠃ ᠭᠣᠣᠯ ᠤ᠋ᠨ ᠡᠷᠭᠢ ᠳᠡᠭᠡᠷᠡ ᠣᠷᠣᠰ ᠤ᠋ᠳ ᠨᠢᠭᠡ ᠠᠯᠲᠠᠨ ᠬᠡ ᠲᠡᠢ ᠬᠠᠭᠠᠨ ᠤ᠋ ᠠᠰᠠᠷ᠂ ᠬᠠᠭᠠᠨ ᠤ᠋ ᠭᠤᠷᠪᠠᠨ ᠵᠢᠵᠢᠭ ᠡᠷᠢᠶᠡᠨ ᠡᠳ᠋ ᠢ᠋ᠶ᠋ᠡᠷ ᠬᠢᠭᠰᠡᠨ ᠠᠰᠠᠷ ᠤ᠋ᠳ ᠪᠠᠷᠢᠵᠤ ᠰᠠᠭᠤᠯᠠ᠃ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠠᠰᠠᠷ ᠤ᠋ᠳ ᠢ᠋ ᠬᠦᠷᠢᠶᠡᠯᠡᠭᠰᠡᠨ ᠮᠠᠨᠠᠭᠠ ᠭᠠᠷᠭᠠᠵᠤ ᠣᠷᠣᠰ ᠢ᠋ ᠬᠠᠮᠠᠭᠠᠯᠠᠭᠤᠯᠪᠠ᠃ ᠲᠡᠭᠡᠬᠦ ᠦᠭᠡᠢ ᠪᠣᠯ ᠲᠠᠲ᠋ᠠᠷ ᠴᠡᠷᠢᠭ ᠦ᠋ᠳ ᠲᠡᠷᠡ ᠠᠰᠠᠷ ᠤ᠋ᠳ ᠢ᠋ᠶ᠋ᠠᠷ ᠣᠷᠣᠵᠤ ᠭᠠᠷ ᠲᠠᠭᠠᠨ ᠠᠯᠢ ᠲᠣᠬᠢᠶᠠᠯᠳᠤᠭᠰᠠᠨ ᠢ᠋ ᠠᠪᠴᠤ ᠭᠠᠷᠬᠤ ᠪᠠᠢᠯᠠ᠃ ᠡᠨᠡ ᠶᠠᠪᠤᠳᠠᠯ ᠠ᠋ᠴᠠ ᠪᠣᠯᠵᠤ ᠢᠷᠡᠭᠰᠡᠨ ᠣᠷᠣᠰ᠂ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠬᠣᠭᠣᠷᠣᠨᠳᠣ ᠬᠡᠳᠦ ᠳᠠᠬᠢᠨ ᠵᠣᠳᠣᠯᠳᠤᠭᠠᠨ ᠭᠠᠷᠤᠨᠠ᠃ ᠰᠦᠪᠡᠭᠡᠳᠡᠢ ᠶ᠋ᠢᠨ ᠭᠠᠯᠵᠠᠭᠤ ᠴᠡᠷᠢᠭ ᠦ᠋ᠳ ᠰᠠᠪᠠᠭᠠ ᠦᠭᠡᠢ ᠬᠥᠮᠦᠰ ᠢ᠋ ᠵᠢᠳᠠ ᠶ᠋ᠢᠨ ᠡᠰᠢ ᠪᠡᠷ ᠵᠠᠨᠴᠢᠬᠤ ᠵᠢᠷᠤᠮ ᠲᠣᠭᠲᠠᠭᠠᠪᠠ᠃ ᠪᠠᠲᠤ ᠬᠠᠭᠠᠨ᠂ ᠣᠷᠣᠰ ᠤ᠋ᠨ ᠡᠯᠴᠢ ᠶ᠋ᠢ ᠬᠦᠯᠢᠶᠡᠨ ᠠᠪᠬᠤ ᠶ᠋ᠢᠨ ᠲᠤᠯᠠᠳᠠ ᠷᠶᠡᠽᠡᠨ ᠦ ᠭᠠᠵᠠᠷ( ᠢ᠋ᠶ᠋ᠠᠷ ) ᠶᠠᠪᠤᠵᠤ ᠪᠦᠭᠦᠳᠡ ᠶ᠋ᠢ ᠦᠵᠡᠵᠦ ᠰᠠᠶᠢᠬᠠᠨ ᠡᠷᠭᠢᠵᠦ ᠢᠷᠡᠭᠰᠡᠨ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠤ᠋ᠨ ᠬᠦᠦ ᠦᠷᠶᠠᠩᠾ— ᠭᠠᠳᠠᠩ (ᠤᠷᠢᠶᠠᠩᠬᠠᠳᠠᠢ ) ᠲᠠᠢ ᠤᠳᠠᠲᠠᠯᠠ ᠥᠭᠦᠯᠡᠯᠳᠦᠪᠡ᠃ ᠲᠡᠭᠦᠨ ᠢ᠋ ᠳᠠᠭᠠᠯᠳᠤᠵᠤ ᠶᠠᠪᠤᠭᠰᠠᠨ ᠢᠳᠤᠭᠠᠨ ᠺᠸᠷᠢᠨᠺᠸᠢ— ᠽᠠᠳᠠᠨ᠂ ᠣᠷᠣᠰ ᠤ᠋ᠳ ᠲᠤ᠌ ᠠᠶᠤᠯ ᠪᠠ ᠡᠪᠡᠳᠴᠢᠨ ᠲᠣᠰᠴᠤ ᠵᠢᠷᠦᠬᠡ ᠨᠢ ᠳᠡᠯᠪᠡᠷᠡᠭ ᠭᠡᠵᠦ ᠪᠥᠭᠡᠯᠡᠵᠦ ᠶᠠᠪᠤᠵᠠᠢ᠃ ᠦᠷᠶᠠᠩᠾ— ᠭᠠᠳᠠᠩ(ᠤᠷᠢᠶᠠᠩᠬᠠᠳᠠᠢ )᠂ ᠷᠶᠡᠽᠡᠨ ᠪᠠ ᠸᠯᠡᠳᠢᠮᠢᠷ ᠬᠣᠲᠠ ᠨᠤᠭᠤᠳ ᠢ᠋ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠶᠠᠷᠢᠪᠠ᠃
— ᠡᠳᠡ ᠡᠩ ᠦ᠋ᠨ ᠬᠣᠲᠠ ᠪᠢᠰᠢ᠂ ᠬᠦᠴᠦᠷᠬᠡᠭ ᠪᠡᠬᠢᠯᠡᠯᠲᠡ ᠲᠡᠢ ᠲᠤᠯᠠ ᠠᠪᠬᠤ ᠳ᠋ᠤ᠌ ᠬᠢᠯᠪᠠᠷ ᠪᠢᠰᠢ᠂ ᠥᠨᠳᠥᠷ ᠵᠤᠵᠠᠭᠠᠨ ᠬᠡᠷᠡᠮ ᠢ᠋ ᠡᠪᠳᠡᠬᠦ ᠳ᠋ᠦ᠍ ᠣᠯᠠᠨ ᠠᠷᠭᠠ ᠬᠡᠷᠡᠭᠲᠡᠢ᠃ ᠵᠤᠨ ᠪᠣᠯ ᠣᠷᠣᠰ ᠤ᠋ᠨ ᠵᠠᠮ ᠤ᠋ᠳ ᠠᠮᠢᠲᠠᠨ ᠢ᠋ ᠭᠡᠨᠡᠳᠡᠭᠦᠯᠦᠨ ᠰᠢᠭᠢᠳᠬᠡᠳᠡᠭ ᠨᠦᠬᠡ ᠲᠡᠢ ᠠᠳᠠᠯᠢ ᠲᠣᠪᠤᠲᠣ ᠭᠣᠷᠣᠬᠠ ᠨᠠᠮᠤᠭ ᠪᠣᠯᠤᠨᠠ᠃ ᠡᠪᠦᠯ ᠬᠥᠯᠳᠡᠭᠦᠦ ᠴᠠᠭ ᠲᠤ᠌ ᠶᠠᠪᠤᠵᠤ ᠪᠣᠯᠬᠤ ᠠ᠋ᠴᠠ ᠪᠤᠰᠤ ᠵᠤᠨ ᠪᠣᠯ ᠣᠷᠣᠰ ᠤ᠋ᠳ ᠬᠣᠭᠣᠷᠣᠨᠳᠣ ᠪᠠᠨ ᠵᠠᠪᠢ ᠪᠠᠷ ᠬᠠᠷᠢᠯᠴᠠᠨᠠ᠃ ᠬᠠ ᠶᠠ ᠦᠭᠡᠢ ᠣᠢ ᠮᠣᠳᠣ ᠂ ᠡᠨᠡ ᠣᠢ ᠨᠤᠭᠤᠳ ᠨᠢ ᠪᠡᠬᠢᠯᠡᠯᠲᠡ ᠦ᠋ᠳ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠨᠠ᠃ ᠲᠡᠢᠮᠦ ᠶ᠋ᠢᠨ ᠲᠤᠯᠠᠳᠠ ᠣᠷᠣᠰ ᠲᠡᠰᠢ ᠡᠪᠦᠯ ᠤᠰᠤ ᠬᠥᠯᠳᠡᠭᠦᠦ ᠳ᠋ᠦ᠍ ᠶᠠᠪᠤᠬᠤ ᠬᠡᠷᠡᠭᠲᠡᠢ ᠭᠡᠪᠡ᠃
ᠪᠠᠲᠤ ᠬᠠᠭᠠᠨ᠂ ᠣᠷᠣᠰ ᠤ᠋ᠨ ᠠᠪᠴᠢᠷᠠᠭᠰᠠᠨ ᠪᠡᠯᠡᠭ ᠦ᠋ᠳ ᠢ᠋ ᠦᠵᠡᠬᠦ ᠰᠠᠨ ᠭᠡᠵᠦ ᠬᠦᠰᠡᠵᠡᠢ᠃ ᠭᠡᠲᠡᠯᠡ ᠡᠯᠴᠢ ᠶ᠋ᠢ ᠨᠢ ᠥᠪᠡᠷ ᠲᠡᠢ ᠪᠡᠨ ᠤᠴᠠᠷᠠᠭᠤᠯᠤᠭᠰᠠᠨ ᠦᠭᠡᠢ ᠪᠢᠯᠡ᠃ ᠣᠷᠣᠰ ᠤ᠋ᠨ ᠴᠡᠷᠢᠭ ᠦ᠋ᠳ ᠠᠷᠪᠠᠨ ᠬᠣᠶᠠᠷ ᠦᠵᠡᠰᠬᠦᠯᠡᠩᠲᠦ ᠮᠣᠷᠢᠳ ᠤ᠋ᠨ ᠨᠢᠳᠦ ᠶ᠋ᠢ ᠬᠡᠪᠢᠰ ᠢ᠋ᠶ᠋ᠡᠷ ᠪᠦᠲᠡᠭᠡᠵᠦ ᠬᠥᠲᠥᠯᠦᠨ ᠢᠷᠡᠭᠰᠡᠨ᠂ ᠡᠭᠦᠨ ᠡᠴᠡ ᠬᠡᠷᠢᠶᠡ ᠬᠠᠷᠠ ᠮᠣᠷᠢᠨ ᠳ᠋ᠤ᠌ ᠠᠯᠲᠠ ᠰᠤᠪᠤᠳ ᠢ᠋ᠶ᠋ᠠᠷ ᠴᠢᠮᠡᠭᠯᠡᠭᠰᠡᠨ ᠡᠮᠡᠭᠡᠯ ᠲᠣᠬᠣᠵᠤ ᠢᠷᠡᠭᠰᠡᠨ ᠨᠢ ᠪᠠᠲᠤ ᠬᠠᠭᠠᠨ ᠳ᠋ᠤ᠌ ᠵᠣᠷᠢᠭᠤᠯᠤᠭᠰᠠᠨ ᠪᠡᠯᠡᠭ ᠪᠠᠢᠵᠠᠢ᠃ ᠪᠤᠰᠤᠳ ᠮᠣᠷᠢᠳ ᠢ᠋ ᠭᠣᠶᠣᠮᠰᠣᠭ ᠰᠠᠢᠬᠠᠨ ᠬᠡᠪᠢᠰ ᠨᠦ᠍ᠭᠦᠳ ᠢ᠋ᠶ᠋ᠡᠷ ᠪᠦᠲᠡᠭᠡᠵᠡᠢ᠃ ᠠᠴᠢᠶᠠᠨ ᠳᠣᠲᠣᠷᠠ ᠦᠨᠡᠭᠡ ᠪᠤᠯᠠᠭᠠᠨ ᠳᠣᠲᠣᠷ ᠲᠠᠢ ᠬᠣᠷᠭᠣᠢ᠂ ᠲᠣᠷᠭᠠᠨ ᠭᠠᠳᠠᠷ ᠲᠠᠢ ᠳᠡᠪᠡᠯ ᠦ᠋ᠳ ᠣᠯᠠᠨ ᠪᠠᠢᠯᠠ᠃ ᠠᠷᠪᠠᠨ ᠪᠠᠢᠯᠳᠤᠭᠴᠢᠳ ᠨᠢᠭᠡ ᠨᠢᠭᠡ ᠪᠠᠭᠯᠠᠭᠠ ᠠᠩ ᠤ᠋ᠨ ᠦᠰᠦ ᠠᠪᠴᠢᠷᠠᠪᠠ᠃ ᠪᠠᠭᠯᠠᠭᠠ ᠪᠦᠷᠢ ᠳᠥᠴᠢᠨ ᠰᠢᠷᠬᠡᠭ ᠠᠩ ᠤ᠋ᠨ ᠦᠰᠦ ᠪᠠᠢᠵᠠᠢ᠃ ᠪᠠᠲᠤ ᠬᠠᠭᠠᠨ ᠳ᠋ᠤ᠌ ᠵᠣᠷᠢᠭᠤᠯᠵᠤ ᠠᠪᠴᠢᠷᠠᠭᠰᠠᠨ ᠠᠯᠲᠠᠨ ᠡᠰᠢ ᠲᠡᠢ ᠰᠡᠯᠡᠮᠡ᠂ ᠠᠶᠠᠭᠠ ᠲᠠᠪᠠᠭ ᠵᠡᠷᠭᠡ ᠮᠥᠩᠭᠥᠨ ᠬᠡᠷᠡᠭᠯᠡᠯ᠂ ᠲᠡᠭᠦᠨ ᠦ᠌ ᠡᠬᠡᠨᠡᠷ ᠲᠸ᠋ ᠠᠪᠴᠢᠷᠠᠭᠰᠠᠨ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤᠨ ᠴᠢᠮᠡᠭ ᠵᠡᠭᠦᠳᠬᠡᠯ᠂ ᠲᠣᠯᠣᠭᠠᠢ ᠶ᠋ᠢᠨ ᠣᠷᠢᠶᠠᠯᠲᠠ᠂ ᠠᠯᠲᠠᠨ ᠪᠠᠭᠤᠪᠴᠢ᠂ ᠡᠭᠡᠮᠦᠭ᠂ ᠪᠥᠭᠡᠵᠢ ᠵᠡᠷᠭᠡ ᠪᠠᠢᠯᠠ᠃ ᠪᠠᠲᠤ ᠬᠠᠭᠠᠨ ᠬᠠᠨᠤᠮᠵᠢ ᠦᠭᠡᠢ ᠠᠪᠤᠷᠢ ᠪᠠᠢᠳᠠᠯ ᠲᠠᠢ ᠠᠰᠠᠷ ᠤ᠋ᠨ ᠳᠡᠷᠭᠡᠳᠡ ᠵᠣᠭᠰᠣᠵᠤ ᠪᠠᠢᠯᠠ᠃ ᠳᠡᠷᠭᠡᠳᠡᠭᠦᠷ ᠨᠢ ᠪᠡᠯᠡᠭ ᠦ᠋ᠨ ᠶᠠᠭᠤᠮᠠ ᠶ᠋ᠢ ᠵᠥᠭᠡᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠨᠢ ᠬᠠᠢᠬᠤᠷᠤᠮᠵᠢ ᠦᠭᠡᠢ ᠬᠠᠷᠠᠵᠤ ᠪᠠᠢᠵᠠᠢ᠃ ᠪᠦᠬᠦ ᠦᠨᠡᠲᠦ ᠡᠷᠳᠡᠨᠢᠰ ᠢ᠋ ᠲᠡᠭᠦᠨ ᠦ᠌ ᠠᠰᠠᠷ ᠤ᠋ᠨ ᠳᠣᠲᠣᠷᠠ ᠬᠡᠪᠢᠰᠦᠨ ᠳᠡᠭᠡᠷᠡ ᠲᠠᠯᠪᠢᠵᠠᠢ᠃ ᠬᠢᠲᠠᠳ ᠤ᠋ᠨ ᠣᠷᠳᠣᠨ ᠠ᠋ᠴᠠ ᠪᠠᠲᠤ ᠬᠠᠭᠠᠨ ᠳ᠋ᠤ᠌ ᠡᠭᠦᠨ ᠡᠴᠡ ᠢᠯᠡᠭᠦᠦ ᠤᠷᠠᠨ ᠭᠣᠶᠣᠮᠰᠣᠭ ᠪᠡᠯᠡᠭ ᠢᠷᠡᠵᠦ ᠪᠠᠢᠭᠰᠠᠨ ᠭᠡᠵᠦ ᠲᠡᠷᠡ ᠬᠡᠯᠡᠪᠡ᠃ ᠭᠡᠲᠡᠯᠡ ᠲᠡᠭᠦᠨ ᠦ᠌ ᠡᠮᠦᠨᠡ ᠦᠵᠡᠰᠬᠦᠯᠡᠩᠲᠡᠢ ᠠᠷᠪᠠᠨ ᠬᠣᠶᠠᠷ ᠮᠣᠷᠢ ᠶ᠋ᠢ ᠠᠪᠴᠢᠷᠠᠭᠰᠠᠨ ᠳ᠋ᠤ᠌ ᠪᠠᠲᠤ ᠬᠠᠭᠠᠨ ᠰᠠᠶᠢ ᠪᠠᠶᠠᠷᠯᠠᠵᠠᠢ᠃ ᠮᠣᠷᠢ ᠪᠦᠷᠢ ᠶ᠋ᠢ ᠬᠣᠶᠠᠷ ᠠᠳᠤᠭᠤᠴᠢ ᠮᠥᠩᠭᠥᠨ ᠴᠤᠯᠪᠤᠭᠤᠷ ᠢ᠋ᠶ᠋ᠠᠷ ᠬᠥᠲᠥᠯᠵᠡᠢ᠃ ᠮᠣᠷᠢᠳ ᠨᠢ ᠥᠨᠳᠥᠷ ᠪᠥᠭᠡᠳ ᠥᠷᠭᠡᠨ ᠬᠣᠨᠳᠣᠯᠠᠢ ᠲᠠᠢ᠂ ᠳᠠᠪᠠᠯᠭᠠᠯᠠᠭᠰᠠᠨ ᠳᠡᠯ ᠰᠡᠭᠦᠯ ᠲᠡᠢ᠂ ᠳᠡᠪᠬᠡᠴᠡᠬᠦ ᠪᠠ ᠬᠣᠢᠲᠤ ᠬᠣᠶᠠᠷ ᠬᠥᠯ ᠳᠡᠭᠡᠷᠡ ᠪᠡᠨ ᠴᠣᠪᠬᠣᠷᠤᠨ ᠪᠣᠰᠴᠤ ᠪᠠᠢᠯᠠ᠃ ᠪᠠᠲᠤ ᠬᠠᠭᠠᠨ ᠥᠪᠡᠷ ᠢ᠋ᠶ᠋ᠡᠨ ᠬᠡᠷᠢᠶᠡ ᠬᠠᠷᠠ ᠵᠢᠰᠦ ᠲᠡᠢ᠂ ᠡᠪᠦᠳᠦᠭ ᠢ᠋ᠶ᠋ᠡᠨ ᠬᠦᠷᠲᠡᠯᠡ ᠳᠥᠷᠪᠡᠨ ᠬᠥᠯ ᠴᠠᠭᠠᠨ᠂ ᠭᠠᠯ ᠰᠢᠭ᠋ ᠨᠢᠳᠦ ᠲᠡᠢ᠂ ᠭᠡᠳᠡᠷᠭᠦ ᠴᠣᠪᠬᠣᠴᠢᠵᠤ ᠬᠥᠮᠦᠨ ᠢ᠋ ᠬᠠᠵᠠᠬᠤ ᠭᠡᠳᠡᠭ ᠰᠠᠢᠬᠠᠨ ᠮᠣᠷᠢ ᠶ᠋ᠢ ᠰᠣᠩᠭᠣᠨ ᠠᠪᠤᠯᠠ᠃ ᠨᠥᠭᠦᠭᠡ ᠮᠣᠷᠢᠳ ᠢ᠋ ᠪᠤᠰᠤᠳ ᠬᠠᠭᠠᠳ ᠲᠸ᠋ ᠥᠭ ᠭᠡᠵᠡᠢ᠃ ᠪᠠᠲᠤ ᠬᠠᠭᠠᠨ᠂ ᠣᠷᠣᠰ ᠤ᠋ᠨ ᠡᠯᠴᠢᠨ ᠨᠠᠷ ᠢ᠋ ᠠᠷᠠᠢ ᠴᠢᠮᠠᠢ ᠬᠦᠯᠢᠶᠡᠨ ᠠᠪᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠠᠰᠠᠷ ᠲᠸ᠋ ᠴᠢᠩᠭᠢᠰ ᠦ᠋ᠨ ᠦᠷᠡᠰ ᠪᠠ ᠪᠠᠢᠯᠳᠤᠭᠠᠨ ᠤ᠋ ᠳᠠᠷᠤᠭᠠ ᠨᠠᠷ ᠬᠤᠷᠠᠯᠳᠤᠭᠰᠠᠨ ᠪᠠᠢᠯᠠ᠃
ᠪᠠᠲᠤ ᠬᠠᠭᠠᠨ᠂ ᠠᠯᠲᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠵᠤ᠂ ᠡᠷᠳᠡᠨᠢ ᠶ᠋ᠢᠨ ᠲᠢᠲᠢᠮ ᠢ᠋ᠶ᠋ᠡᠨ ᠡᠮᠦᠰᠴᠦ ᠠᠯᠲᠠᠨ ᠯᠤᠤ ᠣᠶᠣᠭᠰᠠᠨ ᠳᠡᠪᠡᠯ ᠡᠮᠦᠰᠴᠡᠢ᠃ ᠣᠷᠣᠰ ᠢ᠋ ᠢᠲᠡᠭᠡᠬᠦ ᠦᠭᠡᠢ ᠲᠤᠯᠠ ᠪᠣᠯᠣᠳ ᠬᠤᠶᠠᠭ ᠢ᠋ᠶ᠋ᠠᠨ ᠡᠮᠦᠰᠴᠡᠢ᠃ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠪᠠᠲᠤ ᠬᠠᠭᠠᠨ ᠤ᠋ ᠳᠣᠯᠣᠭᠠᠨ ᠬᠠᠲᠤᠳ ᠰᠠᠭᠤᠵᠠᠭᠠᠭᠰᠠᠨ ᠨᠢ ᠡᠳᠡ ᠨᠠᠷ ᠷᠶᠡᠽᠡᠨ ᠦ᠌ ᠸᠠᠩ ᠣᠨ ᠠᠪᠴᠢᠷᠠᠭᠰᠠᠨ ᠪᠡᠯᠡᠭ ᠢ᠋ᠶ᠋ᠡᠷ ᠬᠡᠳᠦᠢᠨᠡᠢ ᠭᠤᠶᠤᠵᠠᠢ᠃ ᠶᠡᠬᠡ ᠬᠠᠲᠤᠨ ᠳ᠋ᠤ᠌ ᠲᠣᠮᠣ ᠰᠤᠪᠤᠳ ᠲᠠᠢ ᠡᠭᠡᠮᠦᠭ᠂ ᠨᠥᠭᠦᠭᠡ ᠳ᠋ᠦ᠍ ᠠᠯᠲᠠᠨ ᠬᠠᠪᠴᠢᠶᠠᠷᠢ᠂ ᠪᠠᠭᠠ ᠬᠠᠲᠤᠨ ᠤ᠋ ᠮᠠᠩᠨᠠᠢ ᠳᠡᠭᠡᠷᠡ ᠰᠤᠪᠤᠳ ᠤᠲᠠᠰᠤ ᠪᠠᠷ ᠬᠢᠭᠰᠡᠨ ᠵᠠᠩᠭᠢᠯᠠᠭᠠ ᠪᠠᠢᠯᠠ᠃ ᠬᠠᠭᠠᠨ ᠰᠢᠷᠡᠭᠡᠨ ᠦ᠌ ᠵᠡᠭᠦᠨ ᠲᠠᠯᠠ ᠳ᠋ᠤ᠌ ᠬᠠᠭᠠᠳ ᠪᠣᠯᠣᠳ ᠴᠡᠷᠢᠭ ᠦ᠋ᠨ ᠵᠠᠬᠢᠷᠤᠯ ᠤ᠋ᠳ ᠰᠠᠭᠤᠵᠠᠢ᠃
ᠸᠠᠩ ᠹᠸᠣᠳᠣᠷ ᠬᠣᠶᠠᠷ ᠠᠯᠬᠤᠮ ᠶᠠᠪᠤᠭᠠᠳ ᠵᠣᠭᠰᠣᠵᠠᠢ᠃ ᠠᠰᠠᠷ ᠤ᠋ᠨ ᠳᠣᠲᠣᠷᠠ ᠪᠦᠷᠦᠩᠬᠦᠢ ᠲᠤᠯᠠ ᠮᠠᠭᠤ ᠬᠠᠷᠠᠭᠳᠠᠨᠠ᠃ ᠲᠡᠭᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠵᠢᠷᠭᠤᠭᠠᠨ ᠬᠥᠮᠦᠨ ᠣᠷᠣᠵᠤ ᠢᠷᠡᠭᠰᠡᠨ ᠨᠢ ᠳᠠᠭᠠᠯᠲᠠ᠂ ᠪᠡᠶᠡ ᠬᠠᠮᠠᠭᠠᠯᠠᠭᠴᠢ᠂ ᠵᠥᠪᠯᠡᠬᠦ ᠨᠠᠷ ᠨᠢ ᠪᠠᠢᠵᠠᠢ᠃ ᠹᠸᠣᠳᠣᠷ ᠪᠤᠯᠠᠭᠠᠨ ᠮᠠᠯᠠᠭᠠᠢ ᠪᠠᠨ ᠠᠪᠴᠤ᠂ ᠪᠠᠲᠤ ᠬᠠᠭᠠᠨ ᠳ᠋ᠤ᠌ ᠳᠣᠣᠷᠠ ᠮᠡᠬᠦᠢᠰᠬᠢᠨ ᠶᠣᠰᠣᠯᠠᠭᠰᠠᠨ ᠳ᠋ᠤ᠌ ᠬᠤᠷᠤᠭᠤᠨ ᠤ᠋ ᠬᠢᠨᠢ ᠦᠵᠦᠭᠦᠷ ᠬᠡᠪᠢᠰᠦᠨ ᠳ᠋ᠦ᠍ ᠬᠦᠷᠴᠡᠢ᠃ ᠲᠡᠭᠦᠨ ᠦ᠌ ᠪᠡᠶᠡ ᠬᠠᠮᠠᠭᠠᠯᠠᠭᠴᠢᠳ ᠮᠥᠨ ᠠᠳᠠᠯᠢ ᠶᠣᠰᠣᠯᠠᠵᠠᠭᠠᠵᠠᠢ᠃
— ᠲᠠᠲ᠋ᠠᠷ ᠤᠯᠤᠰ ᠤ᠋ᠨ ᠬᠠᠭᠠᠨ᠂ ᠲᠠᠲ᠋ᠠᠷ ᠤ᠋ᠨ ᠣᠯᠠᠨ ᠵᠣᠷᠢᠭᠲᠤ ᠪᠠᠢᠯᠳᠤᠭᠴᠢᠳ ᠢ᠋ ᠵᠠᠬᠢᠷᠤᠭᠴᠢ ᠤᠳᠤᠷᠢᠳᠤᠭᠴᠢ ᠤᠷᠲᠤ ᠨᠠᠰᠤᠯᠠᠬᠤ ᠪᠣᠯᠲᠤᠭᠠᠢ ᠭᠡᠵᠦ ᠹᠸᠣᠳᠣᠷ ᠬᠡᠯᠡᠪᠡ᠃ ᠪᠠᠲᠤ ᠬᠠᠭᠠᠨ ᠤᠳᠠᠲᠠᠯᠠ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠨᠢᠳᠦ ᠪᠡᠨ ᠠᠨᠢᠪᠴᠢᠭᠠᠳ ᠬᠥᠯ ᠳᠣᠣᠷᠠ ᠪᠠᠨ ᠰᠠᠭᠤᠵᠤ ᠪᠠᠢᠭᠰᠠᠨ ᠷᠶᠠᠽᠠᠨ ᠤ᠋ ᠸᠠᠩ ᠭᠯᠧᠪ ᠸᠯᠠᠳᠢᠮᠢᠷᠣᠸᠢᠴ ᠲᠸ᠋ ᠰᠢᠪᠡᠨᠡᠨ ᠬᠡᠯᠡᠭᠰᠡᠨ ᠨᠢ᠄
— ᠨᠠᠳᠠᠳᠤ ᠮᠡᠬᠦᠢᠰᠬᠢᠳᠡᠭ ᠨᠢ ᠶᠠᠮᠠᠷ ᠬᠦᠨᠳᠦᠳᠬᠡᠯ ᠦᠭᠡᠢ ᠬᠡᠷᠡᠭ ᠪᠣᠯᠵᠤ ᠪᠠᠢᠨᠠ? ᠲᠡᠭᠦᠨ ᠳ᠋ᠦ᠍ ᠬᠡᠯᠡ! ᠲᠡᠷᠡ ᠨᠠᠳᠠ ᠲᠠᠢ ᠲᠡᠭᠰᠢ ᠡᠷᠬᠡ ᠲᠡᠢ ᠪᠢᠰᠢ᠂ ᠬᠠᠷᠢᠨ ᠮᠢᠨᠦ ᠪᠣᠭᠣᠯ ᠶᠤᠮ᠃ ᠡᠨᠡ ᠪᠣᠭᠣᠯ ᠪᠣᠯ ᠭᠠᠵᠠᠷ ᠰᠠᠮᠤᠷᠳᠠᠨ ᠮᠥᠷᠭᠥᠬᠦ ᠬᠡᠷᠡᠭᠲᠡᠢ ᠭᠡᠪᠡ᠃ ᠭᠯᠧᠪ ᠸᠯᠠᠳᠢᠮᠢᠷᠣᠸᠢᠴ ᠂ᠬᠠᠭᠠᠨ ᠰᠢᠷᠡᠭᠡᠨ ᠦ᠌ ᠳᠣᠣᠷᠠ ᠣᠢᠷᠠ ᠴᠣᠮᠴᠣᠢᠨ ᠰᠠᠭᠤᠬᠤ ᠡᠯᠴᠢᠨ ᠳ᠋ᠦ᠍ ᠬᠡᠯᠡᠭᠰᠡᠨ ᠨᠢ᠄
— ᠸᠠᠩ ᠹᠸᠣᠳᠣᠷ ᠶᠦᠷᠢᠶᠧᠸᠢᠴ ᠴᠢ ᠬᠡᠨ ᠦ᠌ ᠡᠮᠦᠨᠡ ᠵᠣᠭᠰᠣᠵᠤ ᠪᠠᠢᠨᠠ? ᠮᠣᠩᠭᠣᠯ ᠤ᠋ᠨ ᠶᠡᠬᠡ ᠬᠥᠮᠦᠨ ᠦ᠌ ᠡᠮᠦᠨᠡ ᠰᠥᠭᠥᠳᠬᠦ ᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ ᠤᠤ? ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠭᠠᠰ ᠢ᠋ ᠡᠵᠡᠯᠡᠭᠰᠡᠨ ᠪᠥᠭᠡᠳ ᠳᠣᠷᠣᠨᠠ ᠵᠦᠭ ᠦ᠋ᠨ ᠭᠠᠵᠠᠷ ᠢ᠋ ᠡᠵᠡᠮᠰᠢᠭᠴᠢ ᠶᠡᠬᠡ ᠬᠠᠭᠠᠨ ᠴᠢᠩᠭᠢᠰ ᠦ᠋ᠨ ᠠᠴᠢ ᠬᠦᠦ ᠪᠠᠲᠤ ᠬᠠᠭᠠᠨ ᠭᠡᠭᠴᠢ ᠶ᠋ᠢ ᠴᠢ ᠯᠠᠪ ᠮᠠᠷᠲᠠᠭᠰᠠᠨ ᠪᠢᠵᠡ? ᠳᠠᠷᠤᠢᠬᠠᠨ ᠭᠠᠵᠠᠷ ᠰᠥᠭᠥᠳᠴᠦ ᠬᠦᠨᠳᠦᠳᠬᠡᠭᠰᠡᠨ ᠢ᠋ᠶ᠋ᠡᠨ ᠦᠵᠡᠭᠦᠯ ᠭᠡᠬᠦ ᠳ᠋ᠦ᠍ᠨᠢ ᠹᠸᠣᠳᠣᠷ ᠲᠡᠭᠦᠨ ᠳ᠋ᠦ᠍᠄
— ᠴᠢᠨᠦ ᠨᠢᠭᠤᠷ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠦᠵᠡᠭᠰᠡᠨ ᠨᠢᠭᠤᠷ ᠰᠢᠭ᠋ ᠪᠠᠢᠨᠠ᠃ ᠸᠠᠩ ᠭᠯᠧᠪ ᠸᠯᠠᠳᠢᠮᠢᠷᠣᠸᠢᠴ ᠭᠡᠳᠡᠭ ᠴᠢ ᠪᠢᠰᠢ ᠪᠢᠯᠢᠤ? ᠴᠢ ᠥᠪᠡᠷ ᠦ᠋ᠨ ᠠᠬᠠ ᠳᠡᠭᠦᠦᠰ ᠢ᠋ ᠨᠠᠢᠷ ᠢ᠋ᠶ᠋ᠠᠷ ᠳᠠᠯᠢᠮᠳᠠᠭᠤᠯᠤᠨ ᠬᠢᠳᠤᠭᠰᠠᠨ ᠪᠢᠰᠢ ᠪᠢᠯᠢᠤ? ᠣᠳᠣ ᠴᠢ ᠤᠷᠪᠠᠵᠤ ᠣᠷᠣᠰ ᠤ᠋ᠨ ᠭᠠᠵᠠᠷ ᠢ᠋ ᠲᠠᠲ᠋ᠠᠷ ᠤ᠋ᠳ ᠲᠸ᠋ ᠥᠭᠬᠦ ᠪᠡᠷ ᠲᠤᠰᠠᠯᠠᠵᠤ ᠪᠠᠢᠨᠠ ᠤᠤ? ᠴᠢ ᠥᠪᠡᠷ ᠦ᠋ᠨ ᠰᠢᠨᠡ ᠡᠵᠡᠨ ᠪᠣᠯᠬᠤ ᠬᠠᠭᠠᠨ ᠳ᠋ᠠᠭᠠᠨ ᠬᠡᠯᠡ! ᠪᠢᠳᠡ ᠾᠷᠢᠰᠲ᠋ᠣᠰ ᠱᠠᠰᠢᠨᠲᠠᠨ᠂ ᠭᠠᠭᠴᠠ ᠬᠤᠪᠢᠯᠭᠠᠨ ᠪᠤᠷᠬᠠᠨ ᠤ᠋ ᠡᠮᠦᠨᠡ ᠪᠤᠶᠤ ᠲᠩᠷᠢ ᠶ᠋ᠢᠨ ᠬᠠᠭᠠᠨ ᠳ᠋ᠤ᠌ ᠮᠥᠷᠭᠥᠨᠡ᠃ ᠣᠳᠣ ᠬᠦᠷᠲᠡᠯᠡ ᠮᠠᠨ ᠤ᠋ ᠳ᠋ᠤ᠌ ᠭᠠᠵᠠᠷ ᠤ᠋ᠨ ᠬᠠᠭᠠᠨ ᠪᠠᠢᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠸᠠᠩ ᠴᠢᠮᠠᠲᠠᠢ ᠬᠥᠳᠡᠭᠡ ᠤᠴᠠᠷᠠᠭᠰᠠᠨ ᠪᠣᠯ ᠴᠢᠮᠠᠲᠠᠢ ᠢᠩᠭᠢᠵᠦ ᠶᠠᠷᠢᠬᠤ ᠦᠭᠡᠢ ᠪᠠᠢᠭᠰᠠᠨ ᠶᠤᠮ ᠭᠡᠬᠦ ᠳ᠋ᠦ᠍ᠨᠢ ᠪᠠᠶᠠᠨ ᠵᠠᠢᠰᠠᠩ ᠨᠠᠷ 《ᠤᠷᠪᠠᠭᠴᠢ ᠢᠤᠳᠠ 》ᠭᠡᠵᠦ ᠲᠡᠭᠦᠨ ᠢ᠋ ᠵᠥᠭᠡᠪᠡ᠃
ᠭᠯᠢᠪ᠂ ᠹᠸᠣᠳᠣᠷ ᠤ᠋ᠨ ᠦᠭᠡ ᠶ᠋ᠢ ᠣᠷᠴᠢᠭᠤᠯᠵᠤ ᠥᠭᠭᠦᠭᠰᠡᠨ ᠳ᠋ᠦ᠍ ᠪᠠᠲᠤ ᠬᠠᠭᠠᠨ ᠤ᠋ ᠠᠮᠠᠨ ᠠ᠋ᠴᠠ ᠬᠥᠭᠡᠰᠦ ᠰᠠᠬᠠᠷᠠᠵᠤ ᠥᠭᠦᠯᠡᠭᠰᠡᠨ ᠨᠢ᠄
— ᠪᠦᠬᠦ ᠳᠡᠯᠡᠬᠡᠢ ᠳ᠋ᠠᠬᠢᠨ ᠮᠢᠨᠦ ᠡᠪᠦᠭᠡ ᠡᠴᠢᠭᠡ ᠶ᠋ᠢᠨ ᠡᠮᠦᠨᠡ ᠰᠥᠭᠥᠳᠦᠭᠰᠡᠨ ᠶᠤᠮ᠂ ᠲᠡᠭᠡᠵᠦ ᠮᠣᠩᠭᠣᠯ ᠤ᠋ᠨ ᠠᠯᠳᠠᠷ ᠳᠡᠯᠡᠬᠡᠢ ᠳ᠋ᠠᠬᠢᠨ ᠢ᠋ ᠰᠦᠷᠳᠡᠭᠦᠯᠦᠭᠰᠡᠨ ᠪᠠᠢᠲᠠᠯᠠ ᠲᠠᠨᠠᠷ ᠣᠷᠣᠰ ᠤ᠋ᠳ ᠪᠢᠳᠡᠨ ᠲᠡᠢ ᠮᠠᠷᠭᠤᠯᠳᠤᠬᠤ ᠭᠡᠵᠦ ᠪᠣᠳᠣᠭᠠ ᠤᠤ? ᠪᠢᠳᠡᠨ ᠲᠡᠢ ᠮᠠᠷᠭᠤᠯᠳᠤᠭᠰᠠᠨ ᠤᠯᠤᠰ ᠪᠦᠬᠦᠨ ᠰᠢᠷᠣᠢ ᠦᠨᠡᠰᠦ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ ᠶᠤᠮ᠃ ᠲᠠᠨᠠᠷ ᠶᠠᠭᠤᠨ ᠳ᠋ᠠᠭᠠᠨ ᠪᠡᠷᠲᠡᠵᠦ ᠪᠠᠢᠨᠠ?ᠪᠢᠳᠡᠨ ᠡᠴᠡ ᠢᠯᠡᠭᠦᠦ ᠬᠦᠴᠦᠲᠡᠢ ᠳ᠋ᠡᠭᠡᠨ ᠤᠤ?
ᠹᠸᠣᠳᠣᠷ ᠲᠠᠢᠪᠤᠩ ᠢ᠋ᠶ᠋ᠠᠷ ᠬᠡᠯᠡᠭᠰᠡᠨ ᠨᠢ᠄
— ᠪᠢ ᠲᠠᠨ ᠤ᠋ ᠡᠪᠦᠭᠡ ᠡᠴᠢᠭᠡ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠲᠤᠬᠠᠢ ᠰᠣᠨᠣᠰᠤᠭᠰᠠᠨ᠂ ᠪᠢ ᠡᠨᠡ ᠶᠡᠬᠡ ᠪᠠᠢᠯᠳᠤᠭᠴᠢ ᠪᠣᠯᠣᠳ ᠲᠡᠭᠦᠨ ᠦ᠌ ᠠᠴᠢ ᠬᠦᠦ ᠲᠠᠨ ᠢ᠋ ᠦᠨᠡᠯᠡᠨ ᠦᠵᠡᠵᠦ ᠲᠠᠨ ᠤ᠋ ᠪᠡᠶᠡ ᠡᠷᠡᠭᠦᠯ ᠡᠩᠬᠡ ᠤᠷᠲᠤ ᠨᠠᠰᠤᠯᠠᠬᠤ ᠪᠣᠯᠲᠤᠭᠠᠢ ᠭᠡᠵᠦ ᠢᠷᠦᠭᠡᠨᠡ᠃ ᠭᠡᠲᠡᠯᠡ ᠡᠳᠦᠢ ᠴᠢᠨᠡᠭᠡ ᠪᠠᠶᠠᠯᠢᠭ ᠪᠣᠯᠤᠭᠠᠳ ᠬᠦᠴᠦᠷᠬᠡᠭ ᠲᠠᠨ ᠳ᠋ᠤ᠌ ᠮᠠᠨ ᠤ᠋ ᠷᠶᠠᠽᠠᠨ ᠤ᠋ ᠶᠠᠳᠠᠭᠤᠬᠠᠨ ᠭᠠᠵᠠᠷ ᠶᠠᠮᠠᠷ ᠬᠡᠷᠡᠭ ᠲᠡᠢ ᠪᠣᠯᠪᠠ? ᠲᠠᠨᠠᠷ ᠲᠠᠲ᠋ᠠᠷ ᠤ᠋ᠳ ᠪᠣᠯ ᠲᠠᠯᠠ ᠳ᠋ᠤ᠌ ᠠᠮᠢᠳᠤᠷᠠᠵᠤ ᠮᠣᠷᠢᠳ ᠴᠢᠨᠢ ᠲᠠᠯᠠ ᠶ᠋ᠢᠨ ᠡᠪᠡᠰᠦᠨ ᠳ᠋ᠦ᠍ ᠳᠤᠷᠠᠯᠠᠳᠠᠭ ᠪᠠᠢᠨᠠ᠃ ᠪᠢᠳᠡᠨᠡᠷ ᠪᠣᠯ ᠪᠠᠭᠠᠪᠠᠭᠠᠢ ᠠᠳᠠᠯᠢ ᠣᠢ ᠳᠣᠲᠣᠷᠠ ᠨᠢᠭᠤᠭᠳᠠᠵᠤ ᠤᠲᠤᠭᠠ ᠲᠠᠢ ᠪᠠᠢᠰᠢᠩ ᠳ᠋ᠤ᠌ ᠠᠮᠢᠳᠤᠷᠠᠨᠠ᠃ ᠶᠠᠭᠤᠨ ᠳ᠋ᠤ᠌ ᠪᠢᠳᠡᠨᠡᠷ ᠲᠠᠨ ᠲᠠᠢ ᠠᠢᠯ ᠵᠡᠷᠭᠡᠯᠡᠳᠡᠭᠡ ᠨᠠᠢᠷᠠᠮᠳᠠᠨ ᠰᠠᠭᠤᠵᠤ ᠪᠣᠯᠬᠤ ᠦᠭᠡᠢ ᠪᠣᠯᠪᠠ? ᠭᠡᠬᠦ ᠳ᠋ᠦ᠍ᠨᠢ᠂
— ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠥᠬᠥ ᠡᠴᠡ ᠰᠠᠯᠤᠭᠠ ᠦᠭᠡᠢ ᠲᠡᠨᠡᠭ ᠬᠡᠦᠬᠡᠳ ᠦ᠋ᠳ ᠂ ᠮᠣᠩᠭᠣᠯ ᠤ᠋ᠨ ᠢᠯᠠᠭᠳᠠᠰᠢ ᠦᠭᠡᠢ ᠶᠡᠬᠡ ᠬᠥᠮᠦᠨ ᠳ᠋ᠦ᠍ ᠢᠩᠭᠢᠵᠦ ᠬᠡᠯᠡᠵᠦ ᠪᠣᠯᠤᠨᠠ ᠤᠤ? ᠭᠡᠵᠦ ᠭᠯᠧᠪ ᠰᠢᠪᠡᠨᠡᠨ ᠬᠡᠯᠡᠪᠡ᠃
ᠪᠠᠲᠤ ᠬᠠᠭᠠᠨ᠂ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠵᠡᠷᠭᠡᠴᠡᠨ ᠰᠠᠭᠤᠵᠤ ᠪᠠᠢᠭᠠ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠲᠸ᠋ ᠬᠡᠳᠦᠨ ᠦᠭᠡ ᠬᠡᠯᠡᠯᠡ᠃
ᠹᠧᠦᠲᠤᠷ ᠂ ᠥᠷᠥᠭᠡᠰᠦᠨ ᠨᠢᠳᠦ ᠨᠢ ᠪᠠᠭᠤᠭᠰᠠᠨ ᠲᠠᠷᠭᠤᠨ ᠬᠥᠭᠰᠢᠨ(ᠪᠣᠯ )ᠮᠣᠩᠭᠣᠯ ᠴᠡᠷᠢᠭ ᠦ᠋ᠨ ᠶᠡᠬᠡ ᠳᠠᠷᠤᠭᠠ ᠪᠥᠭᠡᠳ ᠲᠠᠲ᠋ᠠᠷ ᠤ᠋ᠨ ᠬᠠᠭᠠᠨ ᠤ᠋ ᠵᠥᠪᠯᠡᠭᠴᠢ ᠭᠡᠭᠴᠢ ᠶ᠋ᠢ ᠲᠠᠭᠠᠪᠤᠷᠢᠯᠠᠨ ᠮᠡᠳᠡᠵᠡᠢ᠃
— ᠲᠩᠷᠢ ᠳᠡᠭᠡᠷᠡ ᠨᠢᠭᠡ ᠨᠠᠷᠠ ᠪᠣᠢ᠂ ᠭᠠᠵᠠᠷ ᠳᠡᠭᠡᠷᠡ ᠨᠢᠭᠡ ᠡᠵᠡᠨ ᠮᠣᠩᠭᠣᠯ ᠤ᠋ᠨ ᠬᠠᠭᠠᠨ ᠪᠣᠢ᠃ ᠴᠥᠮ ᠢ᠋ᠶ᠋ᠡᠷ ᠲᠡᠭᠦᠨ ᠦ᠌ ᠡᠮᠦᠨᠡ ᠰᠥᠭᠥᠳᠴᠦ ᠪᠠᠢᠨᠠ᠃ ᠮᠥᠨ ᠲᠠᠨᠠᠷ ᠣᠷᠣᠰ ᠤ᠋ᠳ ᠰᠠᠢᠨ ᠳᠤᠷᠠ ᠪᠠᠷ ᠪᠤᠶᠤ ᠳᠤᠷᠠ ᠦᠭᠡᠢ ᠴᠦ᠍ ᠭᠡᠰᠡᠨ ᠳᠠᠭᠠᠵᠤ ᠣᠷᠣᠬᠤ ᠪᠣᠯᠤᠨᠠ᠃ ᠪᠠᠲᠤ ᠬᠠᠭᠠᠨ ᠲᠠᠨᠠᠷ ᠤ᠋ᠨ ᠬᠦᠵᠦᠭᠦᠨ ᠳᠡᠭᠡᠷᠡ ᠠᠷᠢᠭᠤᠨ ᠬᠥᠯ ᠢ᠋ᠶ᠋ᠡᠨ ᠲᠠᠯᠪᠢᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠨᠡᠷᠡ ᠶ᠋ᠢ ᠳᠠᠭᠤᠳᠠᠵᠤ ᠮᠥᠷᠭᠥᠯ ᠬᠢᠬᠦ ᠠᠯᠪᠠ ᠲᠥᠯᠥᠬᠦ ᠪᠣᠯᠤᠨᠠ᠃ ᠣᠳᠣ ᠬᠦᠷᠲᠡᠯᠡ ᠪᠠᠭᠤᠵᠤ ᠥᠭᠭᠦᠭᠡ ᠦᠭᠡᠢ ᠨᠢ ᠳᠡᠮᠡᠢ ᠪᠣᠯᠵᠠᠢ ᠭᠡᠵᠦ ᠰᠦᠪᠡᠭᠡᠳᠡᠢ ᠬᠡᠯᠡᠪᠡ᠃
ᠡᠨᠡ ᠦᠶᠡ ᠳ᠋ᠦ᠍ ᠪᠠᠭᠤᠷᠴᠢ ᠣᠷᠣᠵᠤ ᠢᠷᠡᠭᠡᠳ ᠭᠠᠵᠠᠷ ᠰᠥᠭᠥᠳᠴᠦ᠄
— ᠢᠳᠡᠭᠡ ᠪᠡᠯᠡᠬᠡᠨ ᠪᠣᠯᠪᠠ᠂ ᠠᠪᠤᠷᠠᠯᠲᠤ ᠡᠴᠢᠭᠡ ᠮᠢᠨᠢ ᠲᠠᠨ ᠤ᠋ ᠵᠣᠭᠣᠭ ᠪᠦᠭᠦᠳᠡ ᠶ᠋ᠢ ᠠᠪᠴᠢᠷᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠨᠡ ᠤᠤ? ᠭᠡᠵᠦ ᠰᠢᠪᠡᠨᠡᠨ ᠬᠡᠯᠡᠪᠡ᠃
— ᠠᠪᠴᠢᠷᠠ ᠭᠡᠵᠦ ᠬᠥᠳᠡᠯᠦᠯ ᠦᠭᠡᠢ᠂ ᠨᠢᠳᠦ ᠴᠠᠪᠴᠢᠯ ᠦᠭᠡᠢ ᠬᠡᠯᠡᠪᠡ᠃ ᠹᠧᠦᠲᠤᠷ ᠪᠠ ᠲᠡᠭᠦᠨ ᠦ᠌ ᠳᠠᠭᠠᠯᠲᠠ ᠨᠠᠷ ᠵᠣᠭᠰᠣᠭᠰᠠᠭᠠᠷ ᠪᠥᠭᠡᠳ ᠲᠡᠳᠡ ᠨᠠᠷ ᠢ᠋ ᠬᠥᠮᠦᠨ ᠮᠠᠷᠲᠠᠭᠰᠠᠨ ᠪᠣᠯᠤᠯᠲᠠᠢ ᠪᠠᠢᠯᠠ᠃
ᠬᠦᠩ ᠬ᠌ᠯᠸᠪ᠂ ᠪᠤᠭᠤᠷᠤᠯ ᠰᠠᠭᠤᠵᠤ ᠪᠠᠢᠭᠠ ᠬᠠᠷᠠ ᠰᠠᠬᠠᠯ ᠢ᠋ᠶ᠋ᠠᠨ ᠢᠯᠪᠢᠵᠦ ᠣᠷᠣᠰ ᠤ᠋ᠨ ᠡᠯᠴᠢᠨ ᠢ᠋ ᠡᠯᠡᠭᠯᠡᠭᠰᠡᠨ ᠮᠡᠲᠦ ᠪᠡᠷ ᠠᠵᠢᠭᠯᠠᠨᠠ᠃ ᠡᠨᠡ ᠬᠥᠮᠦᠨ ᠬᠠᠭᠤᠴᠢᠷᠠᠭᠰᠠᠨ ᠳᠡᠪᠡᠯ ᠲᠡᠢ ᠪᠣᠯᠪᠠᠴᠤ ᠬᠥᠯ ᠳ᠋ᠡᠭᠡᠨ ᠭᠢᠨᠵᠢ ᠵᠡᠭᠦᠭᠰᠡᠨ ᠪᠦᠷᠭᠦᠳ ᠡᠴᠡ ᠢᠯᠭᠠᠯ ᠦᠭᠡᠢ ᠠᠶᠤᠮᠰᠢᠭᠲᠠᠢ ᠰᠠᠨᠠᠭᠳᠠᠨᠠ᠃ ᠡᠨᠡ ᠬᠥᠮᠦᠨ ᠣᠷᠣᠰ ᠤ᠋ᠨ ᠡᠯᠴᠢ ᠳ᠋ᠦ᠍ ᠥᠭᠦᠯᠡᠭᠰᠡᠨ ᠨᠢ᠄
— ᠡᠷᠬᠢᠮ ᠵᠣᠴᠢᠳ ᠶᠠᠭᠤᠨ ᠳ᠋ᠤ᠌ ᠵᠣᠭᠰᠣᠨᠠ ᠪᠣᠢ? ᠲᠠᠨᠠᠷ ᠢ᠋ ᠳᠠᠭᠤᠳᠠᠭᠠ ᠦᠭᠡᠢ ᠪᠠᠢᠲᠠᠯᠠ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠨᠢᠭᠡᠨᠲᠡ ᠢᠳᠡᠭᠡᠨ ᠢ᠋ᠶ᠋ᠡᠷ ᠲᠣᠬᠢᠶᠠᠯᠳᠤᠭᠰᠠᠨ ᠲᠤᠯᠠ ᠬᠤᠪᠢ ᠬᠦᠷᠲᠡᠯᠴᠡᠨ᠂ ᠵᠣᠭᠰᠣᠵᠤ ᠪᠠᠢᠭᠠ ᠭᠠᠵᠠᠷ ᠲᠠᠭᠠᠨ ᠰᠠᠭᠤᠵᠠᠭᠠᠭᠲᠤᠨ ᠭᠡᠪᠡ᠃ ᠲᠣᠭᠲᠠᠭᠤᠬᠠᠨ ᠰᠠᠭᠤᠷᠢ ᠲᠠᠢ ᠬᠦᠩ ᠢᠵᠸᠰᠯᠡᠸᠯᠢᠰᠺᠢ᠂ ᠹᠸᠤᠳᠤᠷ ᠤ᠋ᠨ ᠳᠡᠷᠭᠡᠳᠡ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠰᠢᠪᠡᠨᠡᠨ ᠥᠭᠦᠯᠡᠭᠰᠡᠨ ᠨᠢ᠄
— ᠣᠷᠣᠰ ᠭᠠᠵᠠᠷ ᠤ᠋ᠨ ᠲᠥᠯᠥᠭᠡ ᠳᠣᠷᠣᠮᠵᠢᠯᠠᠯ ᠢ᠋ ᠬᠦᠯᠢᠴᠡᠶᠡ᠃ ᠸᠠᠩ ᠹᠸᠤᠳᠤᠷ ᠮᠢᠨᠢ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠣᠯᠣᠳ ᠮᠠᠨ ᠤ᠋ ᠨᠡᠷᠡ ᠲᠥᠷᠥ ᠶ᠋ᠢᠨ ᠲᠥᠯᠥᠭᠡ ᠵᠢᠳᠬᠦᠵᠦ ᠦᠵᠡ ᠭᠡᠳ
— ᠬᠠᠷᠢᠬᠤ ᠳ᠋ᠤ᠌ ᠠᠮᠠᠷᠬᠠᠨ᠂ ᠡᠨᠡ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠶᠠᠷᠢᠵᠤ ᠲᠣᠬᠢᠷᠠᠬᠤ ᠭᠡᠳᠡᠭ ᠪᠡᠷᠬᠡ ᠭᠡᠪᠡ᠃ ᠵᠠᠯᠠᠭᠤ ᠸᠠᠩ ᠮᠦᠷᠦᠮᠰᠺᠢ᠂
— ᠪᠢᠳᠡ ᠪᠦᠭᠦᠳᠡᠭᠡᠷ ᠪᠤᠴᠠᠵᠤ ᠴᠢᠳᠠᠬᠤ ᠪᠡᠨ (ᠠ᠋ᠴᠠ) ᠥᠩᠭᠡᠷᠡᠪᠡ᠃ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠶᠣᠰᠣ ᠠᠯᠢ ᠬᠢᠷᠢ ᠠᠮᠲᠠᠲᠠᠢ ᠶ᠋ᠢ ᠦᠵᠡᠭᠡᠳ ᠬᠦᠯᠢᠶᠡᠵᠦ ᠪᠠᠢᠬᠤ ᠪᠣᠯᠵᠠᠢ ᠭᠡᠲᠡᠯᠡ ᠪᠠᠭᠤᠷᠴᠢ ᠢᠷᠡᠵᠦ᠂
— ᠰᠠᠭᠤᠵᠠᠭᠠ᠂ ᠪᠠᠲᠤ ᠬᠠᠭᠠᠨ ᠲᠠᠨᠠᠷ ᠢ᠋ ᠬᠣᠭᠣᠯᠠ ᠢᠳᠡᠭᠲᠦᠨ ᠭᠡᠵᠦ ᠤᠷᠢᠵᠤ ᠪᠠᠢᠨᠠ ᠭᠡᠵᠦ ᠬᠡᠯᠡᠪᠡ᠃
ᠣᠷᠣᠰ ᠤ᠋ᠨ ᠡᠯᠴᠢ ᠨᠤᠭᠦᠳ ᠲᠤᠭᠤᠷᠭᠠ ᠳᠠᠰᠢ ᠤᠬᠤᠷᠢᠵᠤ ᠬᠥᠯ ᠢ᠋ᠶ᠋ᠡᠨ ᠳᠣᠣᠷᠠ ᠪᠠᠨ ᠬᠢᠵᠦ ᠰᠠᠭᠤᠪᠠ᠃ ᠸᠠᠩ ᠹᠸᠤᠲᠤᠷ ᠪᠠ ᠲᠡᠭᠦᠨ ᠦ᠌ ᠳᠠᠭᠠᠯᠳᠤᠭᠴᠢ ᠨᠠᠷ ᠨᠢᠭᠡ ᠪᠤᠰᠤ ᠤᠳᠠᠭᠠ ᠫᠤᠯᠤᠸᠸᠼᠠ ᠶ᠋ᠢᠨ ᠬᠠᠭᠠᠨ ᠳ᠋ᠤ᠌ ᠢᠷᠡᠵᠦ ᠪᠠᠢᠭᠰᠠᠨ ᠲᠤᠯᠠ ᠲᠡᠳᠡᠨ ᠦ᠌ ᠵᠠᠩᠰᠢᠯ ᠢ᠋ ᠮᠡᠳᠡᠨᠡ᠃ ᠨᠠᠢᠷ ᠴᠠᠢᠯᠠᠯᠭᠠ ᠳᠡᠭᠡᠷᠡ ᠬᠣᠭᠣᠯᠠ ᠮᠢᠬᠠ ᠶᠠᠮᠠᠷ ᠨᠢᠭᠡᠨ ᠢᠳᠡᠭᠡ ᠥᠪᠡᠷ ᠦ᠋ᠨ ᠴᠢᠨᠠᠷ ᠢ᠋ ᠬᠠᠳᠠᠭᠠᠯᠠᠭᠰᠠᠨ ᠪᠠ ᠵᠢᠷᠤᠮᠲᠠᠢ ᠪᠠᠢᠬᠤ ᠪᠥᠭᠡᠳ ᠶᠡᠬᠡ ᠪᠤᠶᠤ ᠪᠠᠭᠠ ᠬᠦᠨᠳᠦᠳᠬᠡᠭᠰᠡᠨ ᠵᠡᠷᠭᠡ ᠪᠡᠷ ᠢᠯᠭᠠᠭᠳᠠᠨᠠ᠃ ᠲᠡᠢᠮᠦ ᠶ᠋ᠢᠨ ᠲᠤᠯᠠ ᠣᠷᠣᠰ ᠤ᠋ᠳ ᠡᠳᠡ ᠨᠠᠷ ᠲᠤ᠌ ᠡᠯᠴᠢ ᠭᠡᠵᠦ ᠬᠦᠨᠳᠦᠯᠡᠭᠳᠡᠬᠦ ᠡᠰᠡᠬᠦ᠂ ᠬᠡᠷᠪᠡ ᠬᠦᠨᠳᠦᠯᠡᠪᠡᠯ ᠬᠡᠷᠬᠢᠨ ᠬᠦᠨᠳᠦᠯᠡᠬᠦ ᠶ᠋ᠢ ᠬᠤᠷᠴᠠ ᠪᠠᠷ ᠠᠩᠬᠠᠷᠬᠤ ᠪᠠᠷ ᠪᠡᠯᠡᠳᠬᠡᠵᠡᠢ᠃
ᠲᠠᠲ᠋ᠠᠷ ᠤ᠋ᠨ ᠶᠣᠰᠣᠨ ᠳ᠋ᠤ᠌ ᠪᠣᠯ ᠴᠢᠨᠠᠭᠰᠠᠨ ᠬᠣᠨᠢ ᠪᠤᠶᠤ ᠥᠭᠡᠷᠡ ᠠᠮᠢᠲᠠᠨ ᠤᠨᠠᠭᠠ᠂ ᠵᠡᠷᠯᠢᠭ ᠢᠮᠠᠭᠠ ᠵᠡᠷᠭᠡ ᠶ᠋ᠢ ᠡᠷᠲᠡ ᠪᠠᠯᠠᠷ ᠴᠠᠭ ᠲᠤ᠌ ᠲᠣᠭᠲᠠᠭᠰᠠᠨ ᠵᠢᠷᠤᠮ ᠢ᠋ᠶ᠋ᠠᠷ ᠮᠥᠴᠢᠯᠡᠨ ᠬᠤᠪᠢᠶᠠᠨᠠ᠃ ᠡᠭᠦᠨ ᠢ᠋ ᠲᠤᠰᠬᠠᠢ ᠡᠨᠡ ᠶᠠᠪᠤᠳᠠᠯ ᠤ᠋ᠨ ᠨᠠᠷᠢᠨ ᠤᠴᠢᠷ ᠢ᠋ ᠮᠡᠳᠡᠬᠦ ᠬᠥᠮᠦᠨ ᠳ᠋ᠦ᠍ ᠬᠠᠷᠢᠭᠤᠴᠠᠭᠤᠯᠤᠨᠠ᠃ ᠪᠦᠬᠦᠯᠢ ᠮᠢᠬᠠ ᠶ᠋ᠢ ᠬᠣᠶᠠᠷ ᠲᠠᠯᠠᠯᠠᠨ ᠬᠤᠪᠢᠶᠠᠵᠤ ᠮᠠᠯ ᠤ᠋ᠨ ᠪᠠᠷᠠᠭᠤᠨ ᠲᠠᠯᠠ ᠵᠡᠭᠦᠨ ᠲᠠᠯᠠ ᠭᠡᠵᠦ ᠬᠠᠮᠲᠤᠷᠠᠭᠤᠯᠵᠤ ᠦᠨᠳᠦᠰᠦᠨ ᠬᠣᠭᠣᠯᠠ ᠭᠡᠨᠡ᠃ ᠮᠠᠯ ᠤ᠋ᠨ ᠮᠢᠬᠠ ᠬᠣᠷᠢᠨ ᠳᠥᠷᠪᠡ ᠬᠤᠪᠢᠶᠠᠭᠳᠠᠨᠠ᠃ ᠡᠨᠡ ᠮᠥᠴᠢ ᠨᠤᠭᠦᠳ ᠬᠣᠷᠢᠨ ᠳᠥᠷᠪᠡᠨ ᠬᠤᠭᠤᠰ ᠬᠣᠭᠣᠯᠠ ᠪᠣᠯᠵᠤ ᠬᠤᠪᠢᠶᠠᠭᠳᠠᠨᠠ᠂ᠡᠰᠡᠪᠡᠯ ᠠᠷᠪᠠᠨ ᠬᠣᠶᠠᠷ ᠮᠥᠴᠢ ᠬᠣᠭᠣᠯᠠ᠂ ᠵᠣᠴᠢᠳ ᠤ᠋ᠨ ᠲᠣᠭᠠ ᠪᠠᠷ ᠪᠣᠯᠤᠨᠠ᠃ ᠢᠩᠭᠢᠵᠦ ᠵᠣᠴᠢᠳ ᠪᠦᠬᠦᠨ ᠳ᠋ᠦ᠍ ᠪᠦᠲᠦᠨ ᠮᠥᠴᠢ ᠬᠣᠭᠣᠯᠠ ᠣᠨᠣᠭᠳᠠᠨᠠ᠃ ᠬᠡᠷᠪᠡ ᠵᠣᠴᠢᠳ ᠣᠯᠠᠨ ᠪᠣᠯ ᠨᠢᠭᠡ ᠮᠥᠴᠢ ᠬᠣᠭᠣᠯᠠ ᠶ᠋ᠢ ᠬᠣᠶᠠᠷ ᠪᠤᠶᠤ ᠭᠤᠷᠪᠠᠨ ᠬᠥᠮᠦᠨ ᠢᠳᠡᠳᠡᠭ ᠪᠢᠯᠡ᠃ ᠲᠡᠳᠦᠢ ᠵᠠᠷᠤᠴᠠ ᠨᠠᠷ ᠠᠭᠤᠷ ᠰᠠᠪᠰᠠᠭᠤᠯᠤᠨ ᠨᠢᠭᠡ ᠠᠯᠲᠠᠨ ᠲᠠᠪᠠᠭ ᠲᠠᠢ᠂ ᠳᠠᠷᠠᠭᠠ ᠨᠢ ᠮᠥᠩᠭᠥᠨ ᠲᠠᠪᠠᠭ ᠲᠠᠢ ᠵᠣᠭᠣᠭ ᠠᠪᠴᠤ ᠭᠠᠷ ᠢ᠋ᠶ᠋ᠠᠨ ᠰᠤᠩᠭᠠᠨ ᠪᠠᠷᠢᠵᠤ ᠶᠣᠰᠣᠯᠠᠯ ᠤ᠋ᠨ ᠵᠢᠷᠤᠮ ᠢ᠋ᠶ᠋ᠠᠷ ᠣᠷᠣᠵᠤ ᠢᠷᠡᠪᠡ᠃ ᠪᠤᠭᠤᠷᠴᠢ ᠠᠯᠲᠠᠨ ᠲᠠᠪᠠᠭ ᠲᠠᠢ ᠵᠣᠭᠣᠭ ᠢ᠋ ᠵᠠᠷᠤᠴᠠ ᠶ᠋ᠢᠨ ᠭᠠᠷ ᠠ᠋ᠴᠠ ᠠᠪᠴᠤ ᠪᠠᠲᠤ ᠬᠠᠭᠠᠨ ᠤ᠋ ᠡᠮᠦᠨᠡ ᠪᠠᠷᠢᠵᠤ ᠰᠥᠭᠥᠳᠪᠡ᠃ ᠠᠯᠲᠠᠨ ᠲᠠᠪᠠᠭ ᠲᠤᠨᠢ ᠬᠣᠨᠢᠨ ᠤ᠋ ᠤᠭᠤᠴᠠ ᠲᠣᠯᠣᠭᠠᠢ ᠬᠣᠶᠠᠷ ᠪᠠᠢᠪᠠ᠃ ᠪᠠᠲᠤ ᠬᠠᠭᠠᠨ᠂ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠲᠠᠪᠠᠭ ᠢ᠋ ᠠᠪᠴᠤ ᠡᠮᠦᠨᠡ ᠪᠡᠨ ᠲᠠᠯᠪᠢᠵᠤ ᠪᠥᠰᠡᠨ ᠡᠴᠡ ᠪᠡᠨ ᠨᠢᠮᠭᠡᠨ ᠬᠢᠲᠤᠭᠠ ᠠᠪᠴᠤ ᠬᠣᠨᠢᠨ ᠤ᠋ ᠲᠣᠯᠣᠭᠠᠢ ᠶ᠋ᠢᠨ ᠨᠢᠭᠡ ᠴᠢᠬᠢ ᠶ᠋ᠢ ᠣᠭᠲᠣᠯᠤᠨ ᠠᠪᠤᠭᠠᠳ ᠲᠣᠯᠣᠭᠠᠢ ᠶ᠋ᠢ ᠵᠡᠭᠦᠨ ᠭᠠᠷ ᠲᠤ᠌ ᠰᠠᠭᠤᠵᠤ ᠪᠠᠢᠭᠠ ᠥᠪᠡᠷ ᠦ᠋ᠨ ᠳᠡᠭᠦᠦ ᠱᠸᠢ᠌ᠪᠠᠨᠢ ᠳ᠋ᠤ᠌ ᠥᠭᠪᠡ᠃ ᠡᠨᠡ ᠵᠠᠪᠰᠠᠷ ᠱᠠᠯᠠᠮᠠᠭᠠᠢ ᠵᠠᠷᠤᠴᠠ ᠨᠠᠷ ᠴᠢᠮᠡᠭᠡ ᠠᠨᠢᠷ ᠦᠭᠡᠢ ᠵᠣᠴᠢᠳ ᠤ᠋ᠨ ᠳᠤᠮᠳᠠᠭᠤᠷ ᠶᠠᠪᠤᠵᠤ ᠲᠡᠳᠡᠨᠡᠷ ᠦ᠋ᠨ ᠡᠮᠦᠨᠡ ᠨᠢ ᠬᠣᠭᠣᠯᠠ ᠨᠤᠭᠤᠳ ᠢ᠋ ᠲᠠᠯᠪᠢᠪᠠ᠃ ᠳᠥᠷᠪᠡᠨ ᠵᠣᠴᠢᠳ ᠲᠤ᠌ ᠲᠤᠰ ᠪᠦᠷᠢ ᠲᠠᠪᠠᠭ ᠲᠠᠢ ᠬᠣᠭᠣᠯᠠ ᠲᠠᠯᠪᠢᠪᠠ᠃ ᠡᠨᠡ ᠪᠣᠯ ᠳᠡᠭᠡᠳᠦ ᠬᠦᠨᠳᠦᠳᠬᠡᠯ ᠦ᠋ᠨ ᠲᠡᠮᠳᠡᠭ ᠮᠥᠨ᠃ ᠳᠠᠷᠠᠭᠠ ᠨᠢ ᠨᠢᠭᠡᠨ ᠬᠣᠭᠣᠯᠠ ᠬᠣᠶᠠᠷ ᠬᠥᠮᠦᠨ ᠳ᠋ᠦ᠍ ᠣᠨᠣᠭᠳᠠᠪᠠ᠃
ᠣᠷᠣᠰ ᠤ᠋ᠨ ᠡᠯᠴᠢ ᠨᠤᠭᠦᠳ᠂ ᠲᠠᠷᠬᠠᠭᠠᠨ ᠲᠠᠯᠪᠢᠵᠤ ᠪᠠᠢᠭᠠ ᠬᠣᠭᠣᠯᠠ ᠶ᠋ᠢ ᠠᠵᠢᠭᠯᠠᠵᠤ ᠪᠠᠢᠭᠠᠳ᠂ ᠡᠨᠡ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠯᠠ( ᠳ᠋ᠤ᠌ ) ᠨᠢᠭᠤᠭᠳᠠᠵᠤ ᠪᠠᠢᠭᠠ ᠬᠠᠭᠠᠳ ᠤ᠋ᠳ ᠪᠣᠯ ᠪᠠᠢᠯᠳᠤᠭᠠᠨ ᠤ᠋ ᠪᠠᠷᠠᠭᠤᠨ ᠵᠡᠭᠦᠨ ᠳᠠᠯᠪᠠᠭᠠ ᠶ᠋ᠢ ᠵᠠᠬᠢᠷᠬᠤ ᠳᠠᠷᠤᠭᠠ ᠨᠠᠷ ᠪᠠᠢᠨᠠ ᠭᠡᠵᠦ ᠮᠡᠳᠡᠪᠡ᠃ ᠡᠨᠡ ᠨᠢᠭᠡ ᠳᠤᠮᠳᠠ ᠴᠢᠮᠥᠭᠡ ᠵᠣᠭᠣᠭᠯᠠᠵᠤ ᠪᠠᠢᠭᠠ ᠬᠥᠮᠦᠨ᠂ ᠲᠡᠷᠢᠭᠦᠨ ᠦ᠌ ᠣᠲᠷᠢᠶᠠᠳ᠋ ᠲᠤ᠌ ᠪᠠᠢᠳᠠᠭ ᠪᠣᠯᠤᠯᠲᠠᠢ ᠭᠡᠵᠦ ᠮᠡᠳᠡᠯᠡ᠃ ᠡᠪᠴᠢᠭᠦᠦ ᠶ᠋ᠢ ᠶᠡᠬᠡ ᠬᠠᠲᠤᠨ ᠤ᠋ ᠡᠮᠦᠨᠡ ᠲᠠᠯᠪᠢᠵᠤ᠂ ᠵᠢᠵᠢᠭ ᠵᠦᠢᠯ ᠢ᠋ ᠪᠤᠰᠤᠳ ᠬᠠᠲᠤᠳ ᠲᠤ᠌ ᠪᠠᠷᠢᠪᠠ᠃ ᠪᠠᠭᠤᠷᠴᠢ ᠶ᠋ᠢ ᠮᠥᠷᠭᠥᠯ ᠤᠩᠰᠢᠭᠰᠠᠨ ᠤ᠋ ᠳᠠᠷᠠᠭᠠ ᠲᠠᠲ᠋ᠠᠷ ᠤ᠋ᠳ ᠬᠣᠭᠣᠯᠠᠯᠠᠵᠤ ᠡᠬᠢᠯᠡᠪᠡ᠃
ᠡᠯᠴᠢ ᠶ᠋ᠢᠨ ᠲᠤᠬᠠᠢ ᠴᠥᠮ ᠮᠠᠷᠲᠠᠵᠠᠢ᠃ ᠭᠠᠭᠴᠠᠬᠠᠨ ᠬᠡᠳᠦᠨ ᠵᠠᠷᠤᠴᠠ ᠲᠡᠳᠡᠨ ᠢ᠋ ᠮᠠᠷᠲᠠᠭᠰᠠᠨ ᠦᠭᠡᠢ ᠬᠣᠶᠠᠷ ᠲᠠᠪᠠᠭ ᠬᠣᠭᠣᠯᠠ ᠠᠪᠴᠢᠷᠠᠵᠤ ᠬᠡᠪᠢᠰ ᠳᠡᠭᠡᠷᠡ ᠲᠠᠯᠪᠢᠵᠠᠢ᠃ ᠭᠡᠲᠡᠯᠡ ᠬᠣᠨᠢᠨ ᠤ᠋ ᠰᠢᠭᠢᠷᠡ᠂ ᠥᠯᠥᠨ ᠭᠡᠳᠡᠰᠦ᠂ ᠰᠡᠭᠦᠯ ᠦ᠋ᠨ ᠶᠠᠰᠤ ᠪᠠᠢᠵᠠᠢ᠃ ᠡᠯᠴᠢ ᠨᠤᠭᠦᠳ ᠡᠨᠡ ᠪᠦᠬᠦᠢ ᠪᠠᠢᠳᠠᠯ ᠪᠣᠯ ᠰᠠᠨᠠᠭᠠ ᠲᠠᠢ ᠪᠠᠷ ᠳᠣᠷᠣᠮᠵᠢᠯᠠᠬᠤ ᠭᠡᠰᠡᠨ ᠵᠣᠷᠢᠯᠭᠠ ᠲᠠᠢ ᠶ᠋ᠢ ᠣᠢᠯᠠᠭᠠᠪᠠ᠃ ᠡᠨᠡ ᠪᠣᠯ ᠳᠣᠣᠷᠠᠲᠤ ᠵᠡᠷᠭᠡ ᠶ᠋ᠢᠨ ᠪᠣᠭᠣᠯᠴᠤᠳ᠂ ᠭᠡᠳᠡᠰᠦ ᠳᠣᠲᠣᠷ ᠢ᠋ ᠴᠡᠪᠡᠷᠯᠡᠭᠰᠡᠨ ᠡᠮᠡᠭᠲᠡᠢᠴᠦᠳ᠂ ᠭᠠᠯ ᠲᠦᠯᠡᠭᠰᠡᠨ ᠬᠡᠦᠬᠡᠳ ᠵᠡᠷᠭᠡ ᠳ᠋ᠦ᠍ ᠥᠭᠳᠡᠭ ᠶᠠᠭᠤᠮᠠᠰ ᠪᠢᠯᠡ᠃ ᠨᠢᠭᠡ ᠴᠦ᠍ ᠣᠷᠣᠰ ᠬᠥᠮᠦᠨ ᠬᠣᠭᠣᠯᠠ ᠳᠠᠰᠢ ᠭᠠᠷ ᠰᠤᠩᠭᠠᠭᠰᠠᠨ ᠦᠭᠡᠢ᠂ ᠪᠦᠭᠦᠳᠡᠭᠡᠷ ᠲᠠᠢᠪᠤᠩ ᠰᠠᠭᠤᠵᠤ ᠬᠣᠭᠣᠯᠠᠯᠠᠬᠤ ᠶ᠋ᠢ ᠠᠵᠢᠭᠯᠠᠨᠠ᠃ ᠵᠠᠷᠢᠮ ᠨᠢᠭᠡᠨ ᠱᠣᠭ ᠦᠭᠡ ᠲᠡᠳᠡᠨ ᠳ᠋ᠦ᠍ ᠵᠣᠷᠢᠭᠤᠯᠤᠭᠳᠠᠵᠤ ᠪᠠᠢᠭᠠ ᠶ᠋ᠢ ᠲᠡᠳᠡ ᠨᠠᠷ ᠣᠢᠯᠠᠭᠠᠪᠠ᠃
ᠸᠠᠩ ᠭᠯᠧᠪ ᠬᠣᠶᠠᠷ ᠬᠠᠭᠠᠳ ᠤ᠋ᠨ ᠬᠠᠮᠲᠤ ᠨᠢᠭᠡ ᠲᠠᠪᠠᠭ ᠠ᠋ᠴᠠ ᠢᠳᠡᠨᠡ᠃ ᠲᠡᠷᠡ ᠭᠯᠧᠪ ᠂ ᠡᠯᠴᠢ ᠨᠤᠭᠦᠳ ᠲᠡᠰᠢ ᠡᠷᠭᠢᠵᠦ᠄
— ᠡᠷᠬᠢᠮ ᠵᠣᠴᠢᠨ ᠨᠤᠭᠤᠳ ᠶᠠᠭᠤᠨ ᠳ᠋ᠤ᠌ ᠲᠡᠢᠮᠦ ᠪᠠᠭᠠ ᠢᠳᠡᠨᠡ ᠪᠣᠢ? ᠡᠵᠡᠨ ᠭᠣᠮᠣᠳᠠᠨᠠ ᠰᠢᠦ ᠭᠡᠪᠡ᠃
ᠸᠠᠩ ᠫᠷᠤᠰᠺᠢ ᠬᠠᠷᠢᠭᠤᠯᠤᠭᠰᠠᠨ ᠨᠢ᠄
— ᠫᠣᠯᠣᠸᠧᠼᠡ ᠶ᠋ᠢᠨ ᠵᠦᠢᠷ ᠦᠭᠡ ᠪᠠᠢᠳᠠᠭ ᠨᠢ᠄ ᠬᠤᠷᠢᠮ ᠨᠠᠢᠷ ᠲᠸ᠋ ᠣᠴᠢᠬᠤ ᠳ᠋ᠠᠭᠠᠨ᠂ ᠭᠡᠷ ᠲᠡᠭᠡᠨ ᠴᠠᠳᠲᠠᠯᠠ ᠬᠣᠭᠣᠯᠠ ᠢᠳᠡ ᠭᠡᠳᠡᠭ ᠪᠢᠯᠡ᠃ ᠡᠶᠡᠯᠳᠡᠭ ᠡᠵᠡᠨ ᠡᠴᠡ ᠡᠯᠪᠡᠭ ᠬᠣᠭᠣᠯᠠ ᠱᠠᠩᠨᠠᠭᠰᠠᠨ ᠳ᠋ᠤ᠌ ᠪᠠᠶᠠᠷᠯᠠᠪᠠ ᠭᠡᠵᠡᠢ᠃ ᠲᠡᠳᠡ ᠮᠢᠬᠠ ᠢᠳᠡᠵᠦ ᠳᠠᠭᠤᠰᠤᠭᠰᠠᠨ ᠤ᠋ ᠳᠠᠷᠠᠭᠠ ᠪᠠᠷ ᠲᠣᠰᠣ ᠲᠠᠢ ᠭᠠᠷ ᠢ᠋ᠶ᠋ᠠᠨ ᠡᠷᠢᠶᠡᠨ ᠠᠯᠴᠢᠭᠤᠷ ᠢ᠋ᠶ᠋ᠠᠷ ᠠᠷᠴᠢᠨᠠ᠂ ᠪᠠᠰᠠ ᠳᠣᠲᠣᠭᠠᠳᠤ ᠬᠣᠷᠮᠣᠢ ᠳ᠋ᠠᠭᠠᠨ ᠠᠷᠴᠢᠨᠠ᠂ ᠪᠠᠰᠠ ᠪᠠᠷᠠᠭᠤᠨ ᠬᠥᠯ ᠦ᠋ᠨ ᠭᠤᠲᠤᠯ ᠤ᠋ᠨ ᠲᠦᠷᠡᠢ ᠳ᠋ᠦ᠍ ᠠᠷᠴᠢᠨᠠ᠃ᠵᠠᠷᠤᠴᠠ ᠨᠠᠷ ᠮᠥᠩᠭᠥᠨ ᠰᠠᠪᠠ ᠲᠠᠢ ᠶᠠᠭᠤᠮᠠ ᠶ᠋ᠢ ᠠᠪᠴᠢᠷᠠᠵᠤ ᠣᠯᠠᠨ ᠲᠥᠷᠥᠯ ᠦ᠋ᠨ ᠬᠡᠯᠪᠡᠷᠢᠲᠡᠢ ᠠᠯᠲᠠᠨ ᠠᠶᠠᠭᠠ ᠨᠤᠭᠤᠳ ᠢ᠋ᠶ᠋ᠠᠷ ᠠᠷᠢᠬᠢ ᠪᠣᠯᠤᠨ ᠠᠷᠠᠵᠠ ᠬᠣᠣᠷᠠᠵᠠ ᠶ᠋ᠢ ᠬᠡᠨ ᠶᠠᠭᠤᠨ ᠳ᠋ᠤ᠌ ᠳᠤᠷᠠᠲᠠᠢ ᠪᠣᠯ ᠬᠢᠵᠦ ᠪᠠᠷᠢᠨᠠ᠃ ᠴᠥᠮ ᠠᠶᠠᠭᠠ ᠤ᠋ᠳ ᠢ᠋ ᠭᠠᠷ ᠲᠠᠭᠠᠨ ᠪᠠᠷᠢᠵᠠᠭᠠᠪᠠ᠃
ᠣᠷᠣᠰ ᠤ᠋ᠨ ᠡᠯᠴᠢ ᠨᠤᠭᠦᠳ ᠲᠦ᠍ ᠠᠶᠠᠭᠠ ᠲᠠᠢ ᠠᠷᠢᠬᠢ ᠶ᠋ᠢ ᠠᠪᠴᠢᠷᠠᠵᠤ ᠥᠭᠪᠡ᠃ ᠲᠡᠭᠡᠭᠰᠡᠨ ᠦ᠌ ᠳᠠᠷᠠᠭᠠ ᠪᠣᠭᠣᠷᠴᠢ ᠪᠠᠲᠤ ᠬᠠᠭᠠᠨ ᠤ᠋ ᠡᠪᠦᠳᠦᠭ ᠳᠡᠭᠡᠷᠡ ᠰᠥᠭᠥᠳᠦᠨ ᠪᠠᠢᠵᠤ ᠪᠠᠶᠠᠷ ᠤ᠋ᠨ ᠮᠥᠷᠭᠥᠯ ᠤᠩᠰᠢᠪᠠ᠃
— ᠡᠭᠦᠷᠢᠳᠡ ᠭᠠᠢᠬᠠᠮᠰᠢᠭᠲᠤ ᠬᠠᠭᠠᠨ᠂ ᠵᠣᠴᠢᠳ ᠢ᠋ ᠬᠦᠨᠳᠦᠳᠬᠡᠭᠴᠢ ᠲᠠᠨ ᠢ᠋ ᠳᠡᠭᠡᠷᠡ ᠡᠴᠡ ᠲᠩᠷᠢ ᠪᠤᠷᠬᠠᠨ ᠪᠤᠶᠠᠨ ᠢ᠋ ᠢᠷᠥᠭᠡᠵᠦ ᠪᠠᠢᠨᠠ᠃ ᠳᠡᠷᠭᠡᠳᠡ ᠡᠴᠡ ᠮᠠᠨ ᠤ᠋ ᠡᠨᠡ ᠠᠯᠲᠠᠨ ᠠᠰᠠᠷ ᠤ᠋ᠨ ᠰᠦᠯᠳᠡ ᠲᠩᠷᠢ ᠵᠢᠷᠭᠠᠯ ᠲᠠᠢ ᠰᠢᠪᠠᠭᠤ ᠪᠣᠯᠤᠨ ᠬᠤᠪᠢᠷᠠᠵᠤ ᠨᠢᠰᠦᠨ ᠢᠷᠡᠵᠦ ᠪᠠᠢᠨᠠ᠃ ᠡᠨᠡ ᠠᠰᠠᠷ ᠤ᠋ᠨ ᠡᠵᠡᠳ ᠲᠦ᠍ ᠠᠷᠪᠠᠨ ᠬᠣᠶᠠᠷ ᠤᠳᠠᠭᠠ ᠦᠷᠡ ᠵᠠᠶᠠᠭᠠᠵᠤ ᠬᠡᠦᠬᠡᠨ ᠪᠤᠰᠤ ᠬᠦᠦ ᠪᠣᠯᠬᠤ ᠶ᠋ᠢ ᠬᠠᠷᠠᠵᠠᠭᠠᠵᠤ ᠨᠢᠳᠦᠨ ᠳ᠋ᠦ᠍ ᠪᠠᠶᠠᠷ ᠤ᠋ᠨ ᠴᠣᠭ ᠳᠤᠯᠠᠯᠵᠠᠭ᠃ ᠵᠠᠶᠠᠭᠠᠭᠰᠠᠨ ᠲᠠᠨ ᠤ᠋ ᠵᠢᠷᠭᠠᠯ ᠢ᠋ ᠬᠡᠨ ᠴᠦ᠍ ᠡᠪᠳᠡᠵᠦ ᠦᠯᠦ ᠴᠢᠳᠠᠨᠠ᠃ ᠲᠠᠨ ᠤ᠋ ᠠᠰᠠᠷ ᠢ᠋ ᠬᠦᠷᠢᠶᠡᠯᠡᠵᠦ ᠮᠢᠩᠭᠠᠨ ᠮᠢᠩᠭᠠᠨ ᠲᠡᠮᠡᠭᠡ ᠨᠤᠭᠦᠳ ᠪᠠᠢᠨᠠ᠂ᠲᠡᠳᠡ ᠠᠷᠤ ᠶ᠋ᠢᠨ ᠪᠦᠬᠦ ᠨᠢ ᠥᠭᠡᠬᠦᠯᠡᠨ ᠪᠣᠰᠤᠭ᠃ ᠨᠢᠭᠡ ᠨᠢᠭᠡᠨ ᠲᠡᠢ ᠪᠡᠨ ᠴᠢᠩᠭᠠ ᠳᠠᠭᠤ ᠪᠠᠷ ᠤᠩᠭᠤᠯᠳᠠᠬᠤ ᠠᠵᠢᠷᠭᠠ ᠪᠠ ᠤᠨᠠᠭᠠ ᠨᠤᠭᠤᠳ᠂ ᠰᠦᠷᠦᠭ ᠢ᠋ᠶ᠋ᠡᠷ ᠬᠣᠨᠢ ᠨᠤᠭᠤᠳ᠂ ᠲᠠᠷᠭᠤᠨ ᠦᠨᠢᠶᠡ ᠦᠬᠡᠷ ᠦ᠋ᠳ ᠦᠷᠡᠵᠢᠵᠦ ᠣᠯᠠᠰᠢᠷᠠᠨᠠ᠃ ᠬᠡᠷᠪᠡ ᠲᠠᠨ ᠤ᠋ ᠡᠨᠡ ᠪᠦᠬᠦᠢ ᠵᠦᠢᠯ ᠳ᠋ᠦ᠍ ᠡᠰᠡᠷᠭᠦᠴᠡᠬᠦ ᠬᠢᠯᠢᠨᠴᠡᠲᠦ ᠡᠲᠡᠭᠡᠳ ᠪᠠᠢᠬᠤ ᠪᠣᠯ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠴᠢᠳᠠᠯ ᠦᠭᠡᠢ᠂ ᠡᠵᠡᠭᠦᠢ ᠬᠡᠭᠡᠷᠡ ᠶᠠᠪᠤᠬᠤ ᠳ᠋ᠤ᠌ ᠮᠣᠷᠢᠨ ᠠ᠋ᠴᠠ ᠪᠠᠨ᠂ ᠡᠷᠡ ᠳᠤᠮᠳᠠ ᠨᠠᠰᠤᠨ ᠳ᠋ᠠᠭᠠᠨ ᠡᠬᠡᠨᠡᠷ ᠡᠴᠡ ᠰᠠᠯᠤᠭ᠃ ᠭᠣᠯᠣᠮᠲᠠ ᠳᠡᠭᠡᠷᠡ ᠨᠢ ᠭᠣᠭᠣᠳ ᠤᠷᠭᠤᠬᠤ ᠪᠣᠯᠲᠤᠭᠠᠢ ᠭᠡᠬᠦ ᠳ᠋ᠦ᠍ᠨᠢ ᠪᠦᠭᠦᠳᠡᠭᠡᠷ ᠤᠤᠭᠤᠵᠠᠭᠠᠪᠠ᠃ ᠣᠷᠣᠰ ᠤ᠋ᠳ ᠮᠥᠨ ᠠᠶᠠᠭᠠ ᠨᠤᠭᠤᠳ ᠢ᠋ ᠤᠷᠤᠭᠤᠯ ᠳ᠋ᠠᠭᠠᠨ ᠬᠦᠷᠭᠡᠪᠡ᠃
ᠭᠡᠲᠡᠯᠡ ᠨᠢᠭᠡ ᠬᠠᠭᠠᠨ ᠠ᠋ᠴᠠ ᠥᠭᠦᠯᠡᠭᠰᠡᠨ ᠨᠢ᠄
— ᠣᠷᠣᠰ ᠤ᠋ᠳ ᠲᠡᠮᠡᠭᠡᠨ ᠦ᠌ ᠬᠥᠯ ᠳ᠋ᠦ᠍ ᠭᠢᠰᠬᠢᠭᠳᠡᠬᠦ ᠳᠡᠪᠬᠡᠷᠭᠡ ᠠᠳᠠᠯᠢ ᠰᠥᠨᠥᠲᠦᠭᠡᠢ ᠭᠡᠬᠦ ᠳ᠋ᠦ᠍ᠨᠢ ᠥᠭᠡᠷᠡ ᠨᠢᠭᠡᠨ ᠬᠠᠭᠠᠨ ᠳᠠᠭᠠᠯᠳᠤᠨ ᠥᠭᠦᠯᠡᠭᠰᠡᠨ ᠨᠢ᠄
— ᠲᠡᠢᠮᠦ ᠠ᠋᠂ ᠡᠯᠢᠶᠡ ᠲᠡᠢ ᠤᠴᠠᠷᠠᠭᠰᠠᠨ ᠪᠣᠯᠵᠣᠮᠣᠷ ᠰᠢᠭ᠋᠂ ᠴᠢᠨᠣᠠ ᠶ᠋ᠢᠨ ᠰᠦᠷᠦᠭ ᠲᠡᠢ ᠲᠣᠬᠢᠶᠠᠯᠳᠤᠭᠰᠠᠨ ᠬᠣᠨᠢ ᠰᠢᠭ᠋ ᠤᠰᠠᠳᠲᠤᠭᠠᠢ᠃ ᠡᠯᠴᠢ ᠨᠤᠭᠦᠳ ᠠᠶᠠᠭᠠ ᠨᠤᠭᠤᠳ ᠢ᠋ᠶ᠋ᠠᠨ ᠤᠷᠤᠭᠤᠯ ᠠ᠋ᠴᠠ ᠵᠠᠢᠯᠠᠭᠤᠯᠵᠤ ᠡᠮᠦᠨᠡ ᠪᠡᠨ ᠲᠠᠯᠪᠢᠵᠠᠭᠠᠪᠠ᠃
ᠪᠠᠲᠤ ᠬᠠᠭᠠᠨ᠂ ᠣᠷᠣᠰ ᠤ᠋ᠳ ᠤ᠋ᠨ ᠤᠤᠭᠤᠬᠤ ᠦᠭᠡᠢ ᠶ᠋ᠢ ᠦᠵᠡᠭᠡᠳ ᠲᠡᠳᠡ ᠨᠠᠷ ᠢ᠋ ᠳᠣᠷᠣᠮᠵᠢᠯᠠᠨ ᠥᠭᠦᠯᠡᠭᠰᠡᠨ ᠨᠢ᠄
— ᠲᠠᠨᠠᠷ ᠶᠠᠭᠤᠨ ᠳ᠋ᠤ᠌ ᠭᠠᠭᠴᠠ ᠪᠠᠷ ᠢᠷᠡᠵᠡᠭᠡᠪᠡ? ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠡᠬᠡᠨᠡᠷ ᠦ᠋ᠳ ᠢ᠋ ᠠᠪᠴᠢᠷᠠᠳᠠᠭ ᠰᠠᠨᠵᠢ(ᠭᠡᠪᠡ)᠃
ᠬᠦᠩ ᠭᠯᠧᠪ ᠪᠦᠭᠦᠳᠡ ᠶ᠋ᠢᠨ ᠢᠨᠢᠶᠡᠳᠦᠮ ᠪᠣᠯᠭᠠᠵᠤ ᠳᠠᠪᠲᠠᠨ ᠥᠭᠦᠯᠡᠭᠰᠡᠨ ᠨᠢ᠄
— ᠢᠯᠠᠩᠭᠤᠶᠠ ᠹᠧᠦᠲᠤᠷ᠂ ᠵᠠᠯᠠᠭᠤ ᠡᠬᠡᠨᠡᠷ ᠶᠧᠸᠫᠷᠡᠺᠰᠶᠡ ᠪᠡᠨ ᠠᠪᠴᠢᠷᠠᠬᠤ ᠪᠠᠢᠭᠰᠠᠨ ᠶᠤᠮ᠂ ᠲᠡᠷᠡ ᠪᠣᠯ ᠳᠠᠯᠠᠢ ᠶ᠋ᠢᠨ ᠴᠠᠭᠠᠳᠤᠬᠢ ᠭᠠᠵᠠᠷ ᠤ᠋ᠨ ᠬᠠᠲᠤᠨ ᠪᠣᠯᠬᠤ ᠲᠤᠯᠠ ᠦᠵᠡᠰᠬᠦᠯᠡᠩ ᠭᠤᠸᠠ ᠨᠢ ᠲᠡᠭᠷᠢ ᠶ᠋ᠢᠨ ᠳᠠᠭᠢᠨᠢᠰ ᠠ᠋ᠴᠠ ᠢᠯᠭᠠᠯ ᠦᠭᠡᠢ ᠭᠡᠪᠡ᠃ ᠪᠠᠲᠤ ᠬᠠᠭᠠᠨ ᠶᠡᠬᠡᠳᠡ ᠢᠨᠢᠶᠡᠵᠦ ᠹᠸᠤᠲᠤᠷ ᠲᠤ᠌ ᠥᠭᠦᠯᠡᠭᠰᠡᠨ ᠨᠢ᠄
— ᠬᠤᠷᠳᠤᠨ ᠭᠡᠷ ᠲᠠᠰᠢ ᠪᠠᠨ ᠳᠠᠪᠬᠢᠵᠤ ᠪᠢᠳᠡᠨ ᠳ᠋ᠦ᠍ ᠵᠠᠯᠠᠭᠤ ᠡᠬᠡᠨᠡᠷ ᠢ᠋ᠶ᠋ᠡᠨ ᠠᠪᠴᠢᠷᠠ᠂ ᠲᠡᠷᠡ ᠪᠢᠳᠡᠨ ᠳ᠋ᠦ᠍ ᠳᠠᠭᠤᠤ ᠳᠠᠭᠤᠯᠠᠵᠤ᠂ ᠪᠥᠵᠢᠭᠯᠡᠵᠦ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠰᠠᠢᠬᠠᠨ ᠴᠢᠷᠠᠢ ᠪᠠᠷ ᠪᠢᠳᠡᠨ ᠢ᠋ ᠰᠠᠭᠠᠳᠠᠭᠤᠯᠤᠭ! (ᠭᠡᠯᠡ)᠃
ᠸᠠᠩ ᠹᠸᠤᠲᠤᠷ ᠲᠠᠢᠪᠤᠩ ᠢ᠋ᠶ᠋ᠠᠷ ᠬᠠᠷᠢᠭᠤᠯᠤᠭᠰᠠᠨ ᠨᠢ᠄
— ᠢᠩᠭᠢᠵᠦ ᠬᠠᠷᠢᠯᠴᠠᠬᠤ ᠪᠣᠯ ᠬᠦᠨᠳᠦᠲᠡᠢ ᠪᠢᠰᠢ᠂ ᠬᠡᠷᠪᠡ ᠴᠢ ᠪᠠᠢᠯᠳᠤᠭᠠᠨ ᠢ᠋ᠶ᠋ᠠᠷ ᠳᠠᠷᠤᠵᠤ ᠠᠪᠤᠭᠰᠠᠨ ᠪᠣᠯ ᠮᠠᠨ ᠤ᠋ ᠳ᠋ᠤ᠌ ᠶᠠᠭᠤ ᠪᠠᠢᠭᠠ ᠶ᠋ᠢ ᠴᠥᠮ ᠢ᠋ ᠡᠵᠡᠮᠰᠢᠵᠦ ᠪᠣᠯᠤᠨᠠ ᠭᠡᠪᠡ᠃ ᠪᠠᠲᠤ ᠬᠠᠭᠠᠨ ᠤ᠋ ᠬᠠᠲᠤᠳ ᠬᠥᠰᠢᠶᠡ ᠠᠳᠠᠯᠢ ᠬᠥᠳᠡᠯᠦᠯ ᠦᠭᠡᠢ ᠰᠠᠭᠤᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠣᠷᠣᠰ ᠬᠦᠩ ᠦ᠋ᠨ ᠬᠠᠷᠢᠭᠤᠯᠤᠭᠰᠠᠨ ᠢ᠋ ᠮᠡᠳᠡᠭᠡᠳ ᠬᠥᠳᠡᠯᠭᠡᠭᠡᠨ ᠣᠷᠣᠪᠠ᠃
ᠬᠣᠶᠠᠷ ᠨᠢ ᠠᠯᠠᠭᠠ ᠲᠡᠰᠢᠵᠦ ᠪᠠᠬᠠᠳᠤᠪᠠ᠃ ᠪᠠᠭᠠ ᠬᠠᠲᠤᠨ ᠬᠡᠯᠡᠭᠰᠡᠨ ᠨᠢ᠄
— ᠡᠨᠡ ᠣᠷᠣᠰ ᠤ᠋ᠳ ᠵᠣᠷᠢᠭᠲᠠᠢ ᠪᠥᠭᠡᠳ ᠰᠠᠢᠨ ᠤᠯᠤᠰ ᠤ᠋ᠳ ᠶᠤᠮ ᠠ᠋ ᠭᠡᠪᠡ᠃
— ᠪᠢᠳᠡ ᠬᠢᠬᠦ ᠶᠠᠭᠤᠮᠠ ᠦᠭᠡᠢ ᠪᠣᠯᠪᠠ ᠭᠡᠵᠦ ᠸᠠᠩ ᠢᠵᠸᠰᠯᠡᠸᠯᠢᠰᠺᠢ᠂ ᠹᠸᠤᠲᠤᠷ ᠸᠠᠩ ᠳ᠋ᠤ᠌ ᠰᠢᠪᠡᠨᠡᠨ ᠬᠡᠯᠡᠪᠡ᠃
— ᠪᠢ ᠴᠦ᠍ ᠪᠠᠰᠠ ᠢᠩᠭᠢᠵᠦ ᠪᠣᠳᠣᠵᠤ ᠪᠠᠢᠨᠠ ᠭᠡᠳ ᠹᠸᠤᠲᠤᠷ ᠪᠣᠰᠪᠠ᠃ ᠪᠠᠲᠤ ᠬᠠᠭᠠᠨ ᠨᠢᠳᠦ ᠪᠡᠨ ᠶᠡᠬᠡ ᠪᠣᠯᠭᠠᠵᠤ ᠲᠡᠭᠦᠨ ᠳᠠᠰᠢ ᠬᠠᠷᠠᠯᠠ᠃
— ᠰᠠᠷᠠᠭᠤᠯ ᠭᠡᠭᠡᠨ ᠬᠠᠭᠠᠳ ᠪᠢᠳᠡᠨ ᠢ᠋ ᠥᠷᠥᠰᠢᠶᠡ᠂ ᠪᠢᠳᠡ ᠬᠠᠷᠢᠨ ᠬᠡᠷᠡᠭ ᠲᠡᠢ ᠪᠣᠯᠪᠠ ᠭᠡᠵᠦ ᠹᠸᠤᠲᠤᠷ ᠬᠡᠯᠡᠪᠡ᠃
— ᠶᠠᠭᠤᠨ ᠳ᠋ᠤ᠌ ᠶᠠᠪᠤᠬᠤ ᠭᠡᠵᠦ ᠪᠠᠢᠨᠠ? ᠠᠢᠷᠠᠭ ᠵᠣᠭᠣᠭᠯᠠᠭᠲᠤᠨ᠃
— ᠪᠢᠳᠡ ᠴᠢᠮᠠᠲᠠᠢ ᠡᠪ ᠨᠠᠢᠷᠠᠮᠳᠠᠯ ᠤ᠋ᠨ ᠭᠡᠷᠡ ᠪᠠᠢᠭᠤᠯᠬᠤ᠂ ᠠᠢᠯ ᠵᠡᠷᠭᠡᠯᠡᠳᠡᠭᠡ ᠤᠯᠤᠰ ᠤ᠋ᠨ ᠶᠣᠰᠣᠭᠠᠷ ᠠᠶᠠᠲᠠᠢ ᠰᠠᠢᠬᠠᠨ ᠪᠠᠢᠬᠤ ᠪᠣᠯ ᠶᠡᠬᠡ ᠪᠠᠶᠠᠷᠯᠠᠭᠰᠠᠨ᠂ ᠭᠡᠲᠡᠯᠡ ᠬᠦᠴᠦ ᠪᠡᠷ ᠢᠨᠠᠭ ᠦᠯᠦ ᠪᠣᠯᠤᠨᠠ ᠭᠡᠳᠡᠭ ᠬᠠᠭᠤᠴᠢᠨ ᠦᠭᠡ ᠪᠣᠢ᠃ ᠪᠢᠳᠡ ᠴᠢᠨᠦ ᠰᠢᠳᠤᠷᠭᠤ ᠨᠥᠬᠥᠳ ᠪᠣᠯᠵᠤ ᠴᠢᠳᠠᠨᠠ᠂ ᠬᠠᠷᠢᠨ ᠴᠢᠨᠦ ᠰᠢᠪᠡᠭᠴᠢᠨ ᠪᠣᠯᠵᠤ ᠬᠡᠵᠢᠶᠡ ᠴᠦ᠍ ᠴᠢᠳᠠᠬᠤ ᠦᠭᠡᠢ᠃ ᠬᠡᠷᠪᠡ ᠪᠢᠳᠡᠨ ᠲᠡᠢ ᠪᠠᠢᠯᠳᠤᠬᠤ ᠪᠠᠷ ᠣᠴᠢᠪᠠᠯ ᠬᠡᠷᠡᠭᠦᠯ ᠢ᠋ᠶ᠋ᠡᠨ ᠮᠡᠰᠡ ᠪᠡᠷ ᠰᠢᠢᠳᠪᠦᠷᠢᠯᠡᠬᠦ ᠪᠣᠯᠤᠨᠠ ᠭᠡᠳ ᠹᠸᠣᠳᠥᠷ ᠪᠣᠯᠤᠨ ᠡᠯᠴᠢᠳ ᠴᠥᠮ ᠬᠠᠭᠠᠨ ᠳ᠋ᠤ᠌ ᠮᠡᠬᠦᠢᠵᠦ ᠶᠣᠰᠣᠯᠠᠪᠠ᠃ ᠲᠡᠭᠡᠭᠡᠳ ᠹᠸᠤᠳᠥᠷ ᠪᠣᠰᠴᠤ ᠪᠡᠶᠡ ᠪᠡᠨ ᠲᠡᠭᠰᠢᠯᠡᠨ ᠬᠣᠷᠮᠣᠢ ᠪᠠᠨ ᠰᠡᠭᠰᠦᠷᠴᠦ᠂ ᠭᠢᠯᠠᠯᠵᠠᠭᠰᠠᠨ ᠬᠣᠷᠭᠣᠢ ᠳᠡᠪᠡᠯ ᠡᠮᠦᠰᠴᠦ ᠨᠢᠭᠤᠷ ᠬᠥᠮᠥᠰᠬᠡ ᠪᠡᠨ ᠪᠣᠳᠣᠭᠰᠠᠨ ᠪᠥᠭᠡᠳ ᠲᠦᠷᠭᠡᠨ ᠬᠥᠳᠡᠯᠬᠦ ᠪᠠᠲᠤ ᠬᠠᠭᠠᠨ ᠤ᠋ ᠵᠠᠯᠠᠭᠤ ᠬᠠᠲᠤᠨ ᠢ᠋ ᠠᠵᠢᠭᠯᠠᠨ ᠬᠠᠷᠠᠪᠠ᠃ ᠲᠡᠷᠡ ᠬᠠᠲᠤᠨ ᠰᠠᠶᠢ ᠲᠡᠭᠦᠨ ᠢ᠋ ᠮᠠᠭᠲᠠᠭᠰᠠᠨ ᠠᠵᠢ᠃ ᠲᠡᠭᠡᠭᠡᠳ ᠪᠤᠯᠠᠭᠠᠨ ᠮᠠᠯᠠᠭᠠᠢ ᠪᠠᠨ ᠮᠠᠩᠨᠠᠢ ᠳᠠᠷᠤᠨ ᠡᠮᠦᠰᠴᠦ ᠡᠭᠴᠡ ᠡᠷᠡᠯᠬᠡᠭ ᠪᠥᠭᠡᠳ ᠶᠡᠬᠡᠮᠰᠦᠭ ᠢ᠋ᠶ᠋ᠡᠷ ᠠᠰᠠᠷ ᠠ᠋ᠴᠠ ᠭᠠᠷᠴᠤ ᠣᠳᠪᠠ᠃ ᠪᠠᠲᠤ ᠬᠠᠭᠠᠨ᠂ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠲᠸ᠋ ᠬᠡᠳᠦᠨ ᠦᠭᠡ ᠰᠢᠪᠡᠨᠡᠨ ᠬᠡᠯᠡᠪᠡ᠃ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠠᠭᠠᠬᠢᠯᠠᠭᠰᠠᠭᠠᠷ ᠪᠣᠰᠤᠭᠠᠳ ᠠᠰᠠᠷ ᠠ᠋ᠴᠠ ᠭᠠᠷᠴᠠᠢ᠃
ᠪᠠᠲᠤ ᠬᠠᠭᠠᠨ᠂ ᠰᠢᠷᠡᠭᠡᠨ ᠡᠴᠡ ᠪᠡᠨ ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠵᠤ ᠬᠥᠳᠡᠯᠦᠯ ᠦᠭᠡᠢ ᠰᠠᠭᠤᠪᠠ᠃ ᠪᠦᠭᠦᠳᠡᠭᠡᠷ ᠴᠢᠮᠡᠭᠡ ᠦᠭᠡᠢ ᠪᠣᠯᠵᠤ ᠶᠠᠭᠤ ᠪᠣᠯᠵᠤ ᠪᠠᠢᠭᠠ ᠶ᠋ᠢ ᠦᠯᠦ ᠣᠢᠯᠠᠭᠠᠨᠠ᠃ ᠭᠡᠲᠡᠯᠡ ᠮᠣᠷᠢᠨ ᠲᠤᠭᠤᠷᠠᠢ ᠰᠣᠨᠣᠰᠳᠠᠵᠤ ᠮᠣᠷᠢᠨ ᠴᠡᠷᠢᠭ ᠦ᠋ᠳ ᠠᠰᠠᠷ ᠤ᠋ᠨ ᠳᠡᠷᠭᠡᠳᠡᠭᠦᠷ ᠳᠠᠪᠬᠢᠯᠳᠤᠪᠠ᠃ ᠮᠡᠩᠳᠡᠨ ᠪᠠᠷᠬᠢᠷᠠᠯᠲᠠ᠂ ᠰᠢᠬᠠᠮᠳᠠᠭᠰᠠᠨ ᠪᠦᠭᠴᠢᠮᠡ ᠳᠠᠭᠤᠨ᠂ ᠰᠡᠯᠡᠮᠡ ᠬᠠᠩᠭᠢᠨᠠᠬᠤ ᠵᠡᠷᠭᠡ ᠰᠣᠨᠣᠰᠳᠠᠪᠠ᠃ ᠪᠠᠲᠤ ᠬᠠᠭᠠᠨ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠬᠥᠳᠡᠯᠬᠦ ᠦᠭᠡᠢ ᠰᠠᠭᠤᠨᠠ᠃ ᠬᠡᠨ ᠴᠦ᠍ ᠴᠢᠮᠡᠭᠡ ᠭᠠᠷᠭᠠᠬᠤ ᠪᠠ ᠪᠣᠰᠬᠤ ᠶ᠋ᠢ ᠦᠯᠦ ᠵᠣᠷᠢᠭᠯᠠᠨᠠ᠃ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠡᠷᠭᠢᠵᠦ ᠢᠷᠡᠪᠡᠯ ᠲᠡᠭᠦᠨ ᠦ᠌ ᠨᠢᠳᠦ ᠨᠢ ᠭᠢᠯᠠᠯᠵᠠᠵᠤ᠂ ᠨᠢᠭᠤᠷ ᠲᠤᠨᠢ ᠬᠥᠯᠥᠰᠥᠨ ᠦ᠌ ᠳᠤᠰᠤᠯ ᠪᠥᠮᠪᠥᠷᠢᠵᠦ ᠠᠮᠢᠰᠬᠤᠭᠠᠳᠠᠨᠠ᠃
— ᠵᠠ ᠶᠠᠭᠤ ᠪᠣᠯᠪᠠ? ᠭᠡᠵᠦ ᠪᠠᠲᠤ ᠬᠠᠭᠠᠨ ᠠᠰᠠᠭᠤᠯᠠ᠃
— ᠴᠥᠮ ᠢ᠋ ᠴᠣᠬᠢᠵᠤ ᠠᠯᠠᠵᠠᠢ᠃ ᠭᠠᠭᠴᠠᠬᠠᠨ ᠬᠥᠭᠰᠢᠨ ᠵᠠᠷᠤᠴᠠ ᠠᠮᠢᠳᠤ ᠦᠯᠡᠳᠡᠵᠦ ᠲᠠᠲ᠋ᠠᠷ ᠴᠡᠷᠢᠭ ᠦ᠋ᠨ ᠰᠡᠯᠡᠮᠡ ᠠᠪᠤᠭᠠᠳ ᠥᠪᠡᠷ ᠦ᠋ᠨ ᠡᠵᠡᠨ ᠺᠨ᠋ᠶᠠᠽ ᠹᠸᠣᠳᠥᠷ ᠦ᠋ᠨ ᠬᠡᠭᠦᠷ ᠳᠡᠭᠡᠷᠡ ᠵᠣᠭᠰᠣᠭᠠᠳ ᠣᠳᠣ ᠬᠦᠷᠲᠡᠯᠡ ᠭᠠᠷ ᠲᠠᠭᠠᠨ ᠰᠡᠯᠡᠮᠡ ᠪᠠᠷᠢᠵᠤ ᠠᠯᠠᠯᠳᠤᠭᠰᠠᠭᠠᠷ ᠪᠠᠢᠨᠠ᠃ ᠪᠢ ᠲᠡᠭᠦᠨ ᠳ᠋ᠦ᠍ ᠭᠠᠷ ᠪᠤᠤ ᠭᠦᠷᠦᠭᠲᠦᠨ ᠭᠡᠵᠦ ᠲᠤᠰᠢᠶᠠᠯ ᠦᠭᠭᠦᠭᠰᠡᠨ᠃ ᠴᠢᠨᠦ ᠡᠪᠦᠭᠡ ᠡᠴᠢᠭᠡ ᠪᠠᠢᠬᠤ ᠳ᠋ᠠᠭᠠᠨ ᠴᠤ᠌ ᠳᠠᠢᠰᠤᠨ ᠤ᠋ ᠪᠣᠭᠣᠯ ᠪᠣᠯᠪᠠᠴᠤ ᠰᠢᠳᠤᠷᠭᠤ ᠪᠣᠭᠣᠯ ᠢ᠋ ᠡᠩᠬᠦᠷᠡᠢᠯᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠣᠯᠠᠨᠲᠠ ᠬᠡᠯᠡᠭᠰᠡᠨ ᠪᠢᠯᠡ ᠭᠡᠪᠡ᠃
— ᠪᠢ ᠲᠡᠭᠦᠨ ᠢ᠋ ᠦᠵᠡᠬᠦ ᠶ᠋ᠢ ᠬᠦᠰᠡᠨᠡ᠃ ᠭᠯᠧᠪ ᠲᠡᠭᠦᠨ ᠢ᠋ ᠠᠪᠤᠭᠠᠳ ᠢᠷᠡ ᠭᠡᠪᠡ᠃
ᠸᠠᠩ ᠭᠯᠧᠪ ᠸᠯᠠᠳ᠋ᠢ᠍ᠮᠢᠷᠤᠸᠢᠴ ᠬᠥᠯ ᠢ᠋ᠶ᠋ᠡᠨ ᠰᠣᠯᠪᠢᠵᠤ ᠥᠰᠥᠭᠡᠢ ᠳᠡᠭᠡᠷᠡ ᠪᠡᠨ ᠮᠣᠩᠭᠣᠯ ᠮᠠᠶᠢᠭ ᠢ᠋ᠶ᠋ᠠᠷ ᠰᠠᠭᠤᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠪᠣᠰᠴᠤ ᠠᠰᠠᠷ ᠠ᠋ᠴᠠ ᠭᠠᠷᠪᠠ᠃ ᠲᠡᠭᠡᠭᠡᠳ ᠥᠨᠳᠥᠷ ᠪᠤᠭᠤᠷᠤᠯ ᠬᠥᠭᠰᠢᠨ ᠦ᠌ ᠬᠠᠮᠲᠤ ᠡᠷᠭᠢᠵᠦ ᠢᠷᠡᠪᠡ᠃ ᠬᠣᠶᠠᠷ ᠮᠣᠩᠭᠣᠯ ᠪᠠᠢᠯᠳᠤᠭᠴᠢ ᠲᠡᠭᠦᠨ ᠦ᠌ ᠪᠠᠭᠤᠤ ᠠ᠋ᠴᠠ ᠪᠠᠷᠢᠵᠠᠢ᠃ ᠨᠢᠭᠤᠷ ᠨᠢ ᠮᠠᠭᠠᠵᠢᠭᠳᠠᠵᠤ ᠴᠠᠭᠠᠨ ᠰᠠᠬᠠᠯ ᠳ᠋ᠤᠨᠢ ᠴᠢᠰᠤ ᠨᠠᠭᠠᠯᠳᠤᠵᠠᠢ᠃
— ᠴᠢ ᠬᠡᠨ ᠭᠡᠭᠴᠢ ᠪᠣᠢ? ᠭᠡᠵᠦ ᠪᠠᠲᠤ ᠬᠠᠭᠠᠨ ᠠᠰᠠᠭᠤᠨᠠ᠃
—ᠪᠢ ᠸᠠᠩ ᠹᠧᠦᠲᠤᠷ ᠶᠦᠷᠢᠶᠧᠸᠢᠴ ᠦ᠋ᠨ ᠵᠠᠷᠤᠴᠠ ᠪᠠᠷᠯᠤᠭ᠃
—ᠨᠡᠷᠡ ᠴᠢᠨᠢ ᠬᠡᠨ ᠪᠣᠢ?
— ᠠᠫᠣᠨᠢᠼ᠃
— ᠴᠢ ᠨᠠᠮᠠᠶ᠋ᠢ ᠳᠠᠭᠠᠵᠤ ᠣᠷᠣ᠂ ᠴᠢᠮᠠᠶ᠋ᠢ ᠴᠢᠬᠤᠯᠠ ᠠᠵᠢᠯ ᠳ᠋ᠤ᠌ ᠬᠡᠷᠡᠭᠯᠡᠶᠡ᠃
— ᠴᠢ ᠨᠠᠮᠠᠶ᠋ᠢ ᠠᠯᠠᠭᠲᠤᠨ᠂ ᠪᠢ ᠴᠢᠮᠠᠶ᠋ᠢ ᠳᠠᠭᠠᠬᠤ ᠦᠭᠡᠢ ᠭᠡᠬᠦ ᠳ᠋ᠦ᠍ ᠪᠠᠲᠤ ᠬᠠᠭᠠᠨ ᠤ᠋ ᠪᠠᠭᠠ ᠬᠠᠲᠤᠨ ᠶᠦᠯᠳᠦ᠋ᠽ ᠬᠣᠭᠣᠯᠠᠢ ᠨᠢ ᠴᠡᠴᠡᠷᠡᠵᠦ ᠬᠦᠴᠦ ᠮᠠᠭᠤᠲᠠᠢ ᠳᠠᠭᠤ ᠪᠠᠷ ᠥᠭᠦᠯᠡᠭᠰᠡᠨ ᠨᠢ᠄
— ᠵᠠᠩᠵᠤᠨ ᠲᠠᠯᠪᠢᠭᠲᠤᠨ ᠭᠡᠪᠡ᠃ ᠪᠠᠲᠤ ᠬᠠᠭᠠᠨ ᠵᠥᠪᠰᠢᠶᠡᠷᠡᠨ ᠲᠣᠯᠣᠭᠠᠢ ᠳᠣᠬᠢᠵᠤ ᠥᠭᠦᠯᠡᠷᠦᠨ᠄
— ᠴᠢ ᠦᠨᠡᠨᠴᠢ ᠬᠥᠮᠦᠨ ᠪᠣᠯᠬᠤ ᠲᠤᠯᠠ ᠴᠢᠮᠠᠶ᠋ᠢ ᠪᠢ ᠥᠷᠥᠰᠢᠶᠡᠶᠡ᠃ ᠪᠢ ᠴᠢᠮᠠᠲᠤ ᠮᠣᠷᠢ ᠥᠭᠴᠦ ᠡᠭᠡᠵᠦ ᠬᠠᠷᠢᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠨᠡ᠃ ᠷᠶᠡᠽᠡᠨᠰᠺᠢ ᠸᠠᠩ ᠳ᠋ᠤ᠌ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠮᠢᠨᠦ ᠡᠮᠦᠨᠡ ᠬᠡᠷᠴᠡᠭᠡᠢ ᠵᠠᠩᠨᠠᠭᠰᠠᠨ ᠤ᠋ ᠤᠯᠠᠮ ᠠ᠋ᠴᠠ ᠴᠠᠭᠠᠵᠠ ᠪᠠᠷ ᠠᠪᠤᠭᠳᠠᠭᠰᠠᠨ ᠭᠡᠵᠦ ᠬᠡᠯᠡᠭᠲᠦᠨ! ᠰᠦᠪᠡᠭᠡᠳᠡᠢ ᠡᠨᠡᠬᠦ ᠣᠷᠣᠰ ᠢ᠋ ᠳᠥᠷᠪᠡᠨ ᠢᠲᠡᠭᠡᠮᠵᠢᠲᠡᠢ ᠴᠡᠷᠢᠭ ᠲᠦ᠍ ᠠᠪᠤᠭᠤᠯᠤᠨ ᠶᠠᠪᠤᠭᠤᠯ᠂ ᠲᠡᠳᠡ ᠨᠠᠷ ᠲᠤ᠌ ᠵᠠᠮ ᠳ᠋ᠠᠭᠠᠨ ᠡᠭᠦᠨ ᠢ᠋ ᠪᠤᠤ ᠠᠯᠠᠭᠲᠤᠨ ᠭᠡᠵᠦ ᠲᠤᠰᠢᠶᠠᠯ ᠥᠭᠭᠦᠭᠡᠷᠡᠢ᠃ ᠬᠠᠷᠢᠨ᠂ ᠣᠷᠣᠰ ᠤ᠋ᠨ ᠠᠩᠬᠠ ᠲᠣᠬᠢᠶᠠᠯᠳᠤᠭᠰᠠᠨ ᠬᠠᠷᠠᠭᠤᠯ ᠳᠡᠭᠡᠷᠡ ᠬᠦᠷᠭᠡᠵᠦ ᠥᠭ ᠭᠡᠵᠡᠢ᠃
ᠮᠣᠩᠭᠣᠯᠴᠤᠳ ᠠᠫᠤᠨᠢᠼ ᠢ᠋ ᠠᠰᠠᠷ ᠠ᠋ᠴᠠ ᠭᠠᠷᠭᠠᠪᠠ᠃ ᠪᠠᠲᠤ ᠬᠠᠭᠠᠨ ᠪᠣᠯᠤᠨ ᠲᠡᠭᠦᠨ ᠦ᠌ ᠵᠣᠴᠢᠳ ᠨᠠᠢᠷ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠵᠦ ᠣᠷᠣᠰ ᠭᠠᠵᠠᠷ ᠢ᠋ ᠳᠣᠪᠲᠣᠯᠬᠤ ᠲᠥᠯᠥᠪᠯᠡᠭᠡ ᠶ᠋ᠢ ᠬᠡᠯᠡᠯᠴᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠡᠴᠡᠭ᠂ ᠠᠷᠢᠭᠤᠨ᠂ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ᠂ ᠠᠯᠲᠠᠨᠴᠢᠮᠡᠭ᠂ ᠭᠡᠷᠡᠯ
ᠬᠢᠨᠠᠭᠴᠢ᠄ ᠪᠠᠯ᠂ ᠠᠷᠢᠭᠤᠨ᠂ ᠠᠯᠲᠠᠨᠴᠢᠮᠡᠭ᠂ ᠲ· ᠬᠦᠮᠦᠵᠢᠯᠲᠦ᠂ ᠪᠠᠶᠠᠨᠴᠡᠴᠡᠭ