ᠪᠠᠲᠤ ᠬᠠᠭᠠᠨ 3-10 ᠲᠠᠲ᠋ᠠᠷ ᠤ᠋ᠨ ᠲᠦᠷᠦᠭᠦᠴᠢ ᠶ᠋ᠢᠨ ᠵᠠᠭᠤᠲᠤ ᠳᠣᠲᠣᠷᠠ-ᠮᠣᠩᠭᠣᠯᠴᠤᠳ ᠣᠷᠣᠰ ᠲᠡᠰᠢ ᠬᠥᠳᠡᠯᠪᠡ-Bat khaan Бат хаан-ᠷᠣᠮᠠᠨ
42ᠠᠷᠪᠠ ᠲᠠᠲ᠋ᠠᠷ ᠤ᠋ᠨ ᠲᠦᠷᠦᠭᠦᠴᠢ ᠶ᠋ᠢᠨ ᠵᠠᠭᠤᠲᠤ ᠳᠣᠲᠣᠷᠠ
ᠲᠶᠥ᠋ᠯᠶᠡᠪ— ᠪᠢᠷᠭᠧᠨ ᠦ᠌ ᠲᠦᠷᠦᠭᠦᠴᠢ ᠶ᠋ᠢᠨ ᠵᠠᠭᠤᠲᠤ《ᠭᠦᠶᠦᠳᠡᠯᠲᠦ ᠬᠡᠭᠦᠷ ᠦ᠋ᠨ ᠲᠠᠯᠠ》 ᠳ᠋ᠤ᠌ ᠪᠠᠢᠪᠠ᠃ ᠡᠨᠳᠡ ᠤᠷᠤᠰᠬᠤ ᠪᠤᠯᠠᠭ ᠬᠥᠯᠳᠡᠵᠦ᠂ ᠮᠥᠰᠥ ᠲᠡᠭᠦᠨ ᠦ᠌ ᠲᠦᠪᠰᠢᠨ ᠢ᠋ ᠪᠦᠷᠬᠦᠵᠡᠢ᠃ ᠮᠣᠳᠣᠨ ᠬᠡᠷᠡᠮ ᠢ᠋ᠶ᠋ᠡᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠭᠠᠵᠠᠷ ᠳᠣᠣᠷᠠᠬᠢ ᠰᠠᠭᠤᠴᠠ ᠨᠤᠭᠤᠳ ᠬᠡᠪ ᠢ᠋ᠶ᠋ᠡᠷ ᠦᠯᠡᠳᠡᠵᠡᠢ᠃ ᠤᠷᠢᠳᠤ ᠡᠨᠳᠡ ᠷᠶᠡᠽᠡᠨ ᠦ᠌ ᠬᠠᠷᠠᠭᠤᠯ ᠤ᠋ᠨ ᠪᠠᠢᠷᠢ ᠪᠠᠢᠭᠰᠠᠨ ᠠᠵᠢ᠃ ᠲᠠᠲ᠋ᠠᠷ ᠤ᠋ᠳ ᠤ᠋ᠨ ᠳᠡᠪᠰᠢᠯᠲᠡ ᠶ᠋ᠢ ᠮᠡᠳᠡᠵᠦ ᠷᠶᠡᠽᠡᠨᠴᠤᠳ ᠤᠮᠠᠷᠠ ᠵᠦᠭ ᠤᠬᠤᠷᠢᠵᠠᠢ᠃ ᠤᠷᠢᠳᠤ ᠡᠨᠡ ᠬᠠᠷᠠᠭᠤᠯ ᠤ᠋ᠨ ᠭᠠᠵᠠᠷ ᠣᠷᠣᠰ ᠤ᠋ᠨ ᠬᠤᠳᠠᠯᠳᠤᠭᠠᠴᠢᠨ ᠮᠠᠯ ᠲᠠᠭᠤᠵᠤ ᠢᠷᠡᠳᠡᠭ᠂ ᠨᠡᠭᠦᠳᠡᠯ ᠠᠢᠮᠠᠭ ᠤ᠋ᠨ ᠠᠶᠠᠨᠴᠢᠨ ᠲᠠᠢ ᠬᠤᠳᠠᠯᠳᠤᠭᠠ ᠬᠢᠳᠡᠭ ᠪᠠᠢᠵᠠᠢ᠃ ᠭᠠᠵᠠᠷ ᠢ᠋ᠶ᠋ᠠᠷ ᠬᠠ ᠶᠠ ᠦᠭᠡᠢ ᠮᠣᠷᠢᠨ ᠤ᠋ ᠬᠣᠮᠣᠯ᠂ ᠬᠣᠨᠢᠨ ᠤ᠋ ᠬᠣᠷᠭᠣᠯ ᠦᠵᠡᠭᠳᠡᠨᠡ᠃ ᠡᠨᠡ ᠲᠠᠯᠠ ᠳ᠋ᠤ᠌ ᠬᠦᠷᠴᠦ ᠢᠷᠡᠭᠰᠡᠨ ᠲᠶᠥ᠋ᠯᠶᠡᠪ— ᠪᠢᠷᠭᠧᠨ ᠦ᠌ ᠵᠠᠭᠤᠲᠤ ᠬᠠᠷᠠ ᠨᠢᠳᠦ ᠲᠡᠢ ᠰᠣᠨᠲᠣᠭᠣᠷ ᠬᠠᠮᠠᠷ ᠲᠠᠢ ᠡᠮᠡᠭᠡᠨ ᠢ᠋ ᠣᠯᠵᠠᠢ᠃ ᠡᠨᠡ ᠡᠮᠡᠭᠡᠨ ᠬᠠᠭᠠᠰ ᠨᠢ ᠨᠤᠷᠠᠭᠰᠠᠨ ᠭᠠᠵᠠᠷ ᠰᠠᠭᠤᠴᠠ ᠶ᠋ᠢᠨ ᠡᠭᠦᠳᠡᠨ ᠳ᠋ᠦ᠍ ᠶᠠᠭᠤᠨ ᠠ᠋ᠴᠠ ᠦᠯᠦ ᠪᠤᠴᠠᠬᠤ ᠰᠢᠨᠵᠢ ᠲᠡᠢ ᠰᠠᠭᠤᠵᠤ ᠪᠠᠢᠵᠠᠢ᠃
ᠲᠠᠲ᠋ᠠᠷ ᠤ᠋ᠳ ᠭᠠᠵᠠᠷ ᠳᠣᠣᠷᠠ ᠰᠠᠭᠤᠴᠠ ᠲᠠᠢ ᠬᠥᠭᠰᠢᠨ ᠡᠴᠡ ᠣᠯᠤᠭᠰᠠᠨ ᠪᠦᠭᠦᠳᠡ ᠶ᠋ᠢ ᠪᠤᠯᠢᠶᠠᠨ ᠠᠪᠤᠪᠠ᠃ ᠲᠡᠭᠦᠨ ᠳ᠋ᠦ᠍ ᠦᠯᠡᠳᠡᠭᠰᠡᠨ ᠨᠢ ᠭᠠᠭᠴᠠ ᠥᠷᠭᠡᠨ ᠥᠮᠥᠳᠥ᠂ ᠤᠷᠠᠩᠬᠠᠢ ᠭᠤᠲᠤᠯ᠂ ᠪᠤᠯᠠᠭ ᠠ᠋ᠴᠠ ᠤᠰᠤ ᠠᠪᠴᠤ ᠪᠠᠢᠭᠰᠠᠨ ᠭᠣᠭᠣᠵᠢᠷᠬᠠᠢ ᠬᠤᠪᠢᠩ ᠪᠢᠯᠡ᠃ ᠦᠳᠡᠰᠢ ᠲᠠᠲ᠋ᠠᠷ ᠤ᠋ᠳ ᠢ᠋ ᠤᠨᠲᠠᠬᠤ ᠪᠠᠷ ᠪᠡᠯᠡᠳᠬᠡᠬᠦ ᠳ᠋ᠦ᠍ ᠬᠥᠭᠰᠢᠨ᠂ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠣᠴᠢᠵᠤ ᠶᠠᠭᠤᠮᠠ ᠢᠳᠡᠭᠡᠳ ᠴᠢᠮᠡᠭᠡ ᠦᠭᠡᠢ ᠪᠤᠴᠠᠵᠤ᠂ ᠥᠪᠡᠷ ᠦ᠋ᠨ ᠡᠭᠦᠳᠡᠨ ᠦ᠌ ᠳᠡᠷᠭᠡᠳᠡ ᠰᠠᠭᠤᠯᠠ᠃
— ᠴᠢ ᠬᠡᠨ ᠭᠡᠭᠴᠢ ᠪᠣᠢ? ᠭᠡᠵᠦ ᠵᠠᠭᠤᠲᠤ ᠳ᠋ᠤ᠌ ᠬᠠᠮᠢᠶᠠᠷᠤᠭᠳᠠᠬᠤ ᠺᠢᠫᠴᠠᠺ ᠠᠰᠠᠭᠤᠬᠤ ᠳ᠋ᠤ᠌᠂
— ᠶᠠᠰᠢᠷᠺᠡ (ᠣᠯᠵᠠᠯᠠᠭᠳᠠᠭᠰᠠᠨ ᠪᠣᠭᠣᠯ) ᠪᠢ᠂ ᠠᠷᠤ ᠺᠡᠥ᠋ᠺᠡᠰ ᠦ᠋ᠨ ᠲᠠᠪᠤᠨ ᠠᠭᠤᠯᠠ ᠭᠡᠳᠡᠭ ᠭᠠᠵᠠᠷ ᠨᠠᠮᠠᠶ᠋ᠢ ᠬᠦᠴᠦ ᠲᠠᠮᠢᠷ ᠲᠠᠢ ᠪᠠᠢᠬᠤ ᠳ᠋ᠤ᠌ ᠭᠢᠨᠵᠢ ᠵᠡᠭᠦᠯᠭᠡᠭᠡᠳ ᠠᠯᠪᠠ ᠪᠠᠷ ᠠᠵᠢᠯ ᠬᠢᠯᠭᠡᠵᠦ ᠪᠠᠢᠯᠠ᠃ ᠨᠠᠮᠠᠶ᠋ᠢ ᠬᠥᠭᠰᠢᠷᠡᠵᠦ ᠬᠦᠴᠦᠨ ᠳᠣᠷᠣᠢᠲᠠᠭᠰᠠᠨ ᠤ᠋ ᠬᠣᠢᠨᠠ ᠳᠥᠷᠪᠡᠨ ᠵᠦᠭ ᠦ᠋ᠨ ᠠᠯᠢ ᠳᠤᠷᠠᠲᠠᠢ ᠳᠠᠰᠢ ᠶᠠᠪᠤ ᠭᠡᠵᠦ ᠬᠡᠯᠡᠭᠰᠡᠨ᠃ ᠪᠢ ᠬᠠᠮᠢᠭᠠ ᠶᠠᠪᠤᠬᠤ ᠪᠢᠯᠡ? ᠪᠠᠰᠠ ᠳᠠᠬᠢᠨ ᠲᠠᠯᠠ ᠳᠤᠮᠳᠠᠭᠤᠷ ᠶᠠᠪᠤᠬᠤ ᠤᠤ? ᠲᠠᠯᠠ ᠪᠣᠯ ᠡᠷᠭᠢᠨ ᠲᠣᠭᠣᠷᠢᠨ ᠴᠠᠰᠤ ᠪᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠭᠣᠪᠢ ᠪᠣᠯᠣᠳ ᠦᠨᠡᠭᠡ᠂ ᠵᠡᠭᠡᠷᠡ᠂ ᠴᠢᠨᠣᠠ ᠶ᠋ᠢᠨ ᠮᠥᠷ ᠡᠴᠡ ᠥᠭᠡᠷᠡ ᠶᠠᠭᠤ ᠴᠤ᠌ ᠦᠭᠡᠢ ᠪᠠᠢᠪᠠ᠃ ᠮᠣᠷᠢᠨ ᠴᠡᠷᠢᠭ ᠦ᠋ᠳ ᠭᠠᠵᠠᠷ ᠳᠣᠣᠷᠠᠬᠢ ᠰᠠᠭᠤᠴᠠ ᠶ᠋ᠢ ᠱᠠᠭᠠᠢᠪᠠᠯ ᠨᠣᠢᠲᠠᠨ ᠪᠠ ᠨᠤᠷᠠᠵᠤ ᠡᠪᠳᠡᠷᠡᠵᠡᠢ᠃ ᠵᠠᠪᠰᠠᠷ ᠢ᠋ᠶ᠋ᠠᠷ ᠨᠢ ᠬᠥᠪᠳᠥ ᠴᠤᠬᠤᠢᠵᠤ ᠵᠢᠷᠠᠨ ᠬᠥᠯᠲᠦ ᠶᠠᠪᠤᠨᠠ᠃ ᠡᠳᠡ ᠨᠠᠷ ᠨᠤᠯᠮᠤᠵᠤ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠢᠰᠡᠭᠡᠢ ᠠᠳᠠᠰᠬᠠ ᠵᠡᠷᠭᠡ ᠶ᠋ᠢ ᠳᠡᠪᠢᠰᠦᠨ ᠬᠡᠪᠲᠡᠵᠦ ᠴᠠᠭ ᠨᠥᠭᠴᠢᠭᠡᠬᠦ ᠪᠤᠶᠤ ᠡᠰᠡᠪᠡᠯ ᠬᠥᠪᠡᠭᠡᠨ ᠳᠡᠭᠡᠷᠡ ᠭᠠᠷᠴᠤ ᠰᠣᠨᠳᠤᠤᠯᠠ ᠶ᠋ᠢᠨ ᠠᠷᠤ ᠳ᠋ᠤ᠌ ᠨᠢᠭᠤᠭᠳᠠᠨ ᠲᠠᠯᠠ ᠲᠡᠰᠢ ᠬᠠᠷᠠᠵᠠᠭᠠᠨᠠ᠃
ᠴᠢᠳᠥᠷᠯᠡᠭᠰᠡᠨ ᠮᠣᠷᠢᠳ ᠵᠦᠯᠭᠡᠨ ᠳᠡᠭᠡᠷᠡ ᠬᠠᠲᠠᠭᠰᠠᠨ ᠳᠠᠷᠠᠰᠤ ᠢᠳᠡᠰᠢᠯᠡᠬᠦ ᠪᠠ ᠦᠯᠡᠳᠡᠭᠰᠡᠨ ᠮᠣᠷᠢᠳ ᠨᠢ ᠡᠮᠡᠭᠡᠯ ᠲᠡᠢ ᠪᠡᠨ ᠬᠡᠵᠢᠶᠡᠳᠡ ᠪᠡᠯᠡᠬᠡᠨ ᠪᠠᠢᠵᠠᠢ᠃ ᠬᠠᠮᠤᠭ ᠤ᠋ᠨ ᠣᠯᠢᠭᠲᠠᠢ ᠳᠡᠭᠡᠪᠦᠷ ᠨᠢ ᠬᠠᠭᠤᠷᠠᠵᠤ ᠡᠪᠳᠡᠷᠡᠭᠡ ᠦᠭᠡᠢ ᠭᠠᠵᠠᠷ ᠰᠠᠭᠤᠴᠠᠨ ᠳ᠋ᠤ᠌ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠲᠶᠥ᠋ᠯᠶᠠᠪ— ᠪᠢᠷᠭᠧᠨ ᠪᠠᠢᠷᠢᠯᠠᠵᠠᠢ᠃ ᠡᠨᠡ ᠭᠠᠵᠠᠷ ᠰᠠᠭᠤᠴᠠᠨ ᠳ᠋ᠤ᠌ ᠣᠷᠣᠰ ᠤ᠋ᠨ ᠬᠢᠭᠰᠡᠨ ᠰᠢᠪᠡᠷ ᠪᠠᠢᠰᠢᠩ ᠨᠢ ᠪᠦᠲᠦᠨ ᠢ᠋ᠶ᠋ᠡᠷ ᠦᠯᠡᠳᠡᠵᠦ᠂ ᠠᠳᠠᠰᠬᠠ ᠪᠠᠷ ᠬᠢᠭᠰᠡᠨ ᠤᠷᠲᠤ ᠳᠡᠷᠭᠡᠳᠡ ᠨᠢ ᠪᠠᠢᠨᠠ᠃ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠠᠬᠠᠯᠠᠭᠴᠢ ᠶ᠋ᠢᠨ ᠬᠤᠪᠢ ᠪᠠᠷ ᠣᠷᠣᠨ ᠳᠡᠭᠡᠷᠡ ᠬᠥᠯ ᠢ᠋ᠶ᠋ᠡᠨ ᠡᠪᠬᠡᠵᠦ ᠦᠰᠦ ᠲᠡᠢ ᠳᠡᠪᠡᠯ ᠢ᠋ᠶ᠋ᠡᠨ ᠨᠥᠮᠥᠷᠴᠦ ᠪᠠᠢᠰᠢᠩ ᠳ᠋ᠤ᠌ ᠨᠣᠴᠣᠬᠤ ᠭᠠᠯ ᠤ᠋ᠨ ᠳᠥᠯᠥ ᠶ᠋ᠢ ᠬᠠᠷᠠᠵᠤ ᠰᠠᠭᠤᠨᠠ᠃ ᠴᠡᠷᠢᠭ ᠦ᠋ᠳ ᠡᠨᠡ ᠲᠠᠯᠠ ᠪᠣᠯ《ᠭᠦᠶᠦᠳᠡᠯᠲᠦ ᠬᠡᠭᠦᠷ 》 ᠭᠡᠳᠡᠭ ᠮᠠᠭᠤᠬᠠᠢ ᠨᠡᠷᠡ ᠲᠡᠢ ᠲᠠᠯᠠ ᠭᠡᠵᠦ ᠵᠢᠪᠡᠭᠦᠴᠡᠵᠡᠭᠡᠨᠡ᠃
—ᠬᠠᠭᠠᠨ ᠪᠠᠶᠠᠨᠳ᠋ᠸᠷ ᠪᠢᠳᠡᠨ ᠢ᠋ ᠬᠠᠮᠢᠭᠠᠰᠢ ᠨᠢ ᠬᠥᠭᠡᠭᠡᠵᠦ ᠠᠪᠴᠢᠷᠠᠬᠤ ᠨᠢ ᠡᠨᠡ ᠪᠣᠢ? ᠲᠠᠯᠠ ᠭᠣᠪᠢ ᠳᠣᠲᠣᠷᠠ ᠡᠨᠡ ᠮᠠᠭᠤ ᠣᠩᠭᠢᠯᠠᠭᠰᠠᠨ ᠪᠤᠯᠠᠰᠢ ᠠᠳᠠᠯᠢ ᠭᠠᠵᠠᠷ ᠭᠡᠷ ᠲᠡᠢ᠂ ᠬᠠᠷᠠᠭᠰᠠᠨ ᠬᠥᠭᠰᠢᠨ ᠢ᠋ᠶ᠋ᠡᠷ ᠬᠠᠷᠠᠭᠤᠯ ᠲᠠᠢ ᠡᠢᠮᠦ ᠭᠠᠵᠠᠷ ᠠ᠋ᠴᠠ ᠳᠡᠭᠡᠷᠡ ᠣᠯᠢᠭᠲᠠᠢᠬᠠᠨ ᠭᠠᠵᠠᠷ ᠣᠯᠳᠠᠭᠰᠠᠨ ᠦᠭᠡᠢ ᠶᠤᠮ ᠪᠣᠯ ᠤᠤ? ᠡᠨᠳᠡ ᠪᠢᠳᠡ ᠨᠠᠷ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠤᠷᠠᠵᠤ ᠦᠬᠦᠨᠡ ᠪᠢᠵᠡ? ᠨᠢᠭᠡ ᠪᠣᠯ ᠨᠣᠢᠲᠠᠨ ᠴᠠᠰᠤ᠂ ᠡᠰᠡᠪᠡᠯ ᠬᠦᠢᠲᠡᠨ ᠵᠢᠪᠠᠷ᠂ ᠬᠤᠪᠴᠠᠰᠤ ᠪᠠᠨ ᠴᠤ᠌ ᠬᠠᠲᠠᠭᠠᠬᠤ ᠴᠠᠭ ᠣᠯᠳᠠᠬᠤ ᠦᠭᠡᠢ ᠶᠤᠮ᠃ ᠬᠡᠵᠢᠶᠡ ᠨᠢᠭᠡ ᠣᠷᠣᠭᠰᠢ ᠪᠠᠨ ᠬᠥᠳᠡᠯᠵᠦ᠂ ᠰᠢᠲᠠᠵᠤ ᠪᠠᠢᠭᠠ ᠬᠣᠲᠠ ᠳ᠋ᠤ᠌ ᠳᠤᠯᠠᠭᠠᠴᠠᠵᠤ᠂ ᠣᠷᠣᠰ ᠤ᠋ᠳ ᠤ᠋ᠨ ᠪᠤᠯᠠᠭᠠ ᠰᠤᠤᠰᠠᠷ ᠳᠣᠲᠣᠷ ᠲᠠᠢ ᠳᠡᠪᠡᠯ ᠰᠣᠯᠢᠵᠤ ᠡᠮᠦᠰᠬᠦ ᠶᠤᠮ ᠪᠣᠯ ᠭᠡᠵᠦ ᠶᠠᠷᠢᠯᠴᠠᠵᠠᠭᠠᠪᠠ᠃ ᠰᠦᠰᠦᠭᠲᠡᠨ ᠴᠡᠷᠢᠭ ᠦ᠋ᠳ ᠪᠦᠬᠦᠯᠢ ᠰᠥᠨᠢ ᠳ᠋ᠡᠭᠡᠨ ᠭᠠᠯ ᠢ᠋ᠶ᠋ᠠᠨ ᠤᠨᠲᠠᠷᠠᠭᠠᠭᠰᠠᠨ ᠦᠭᠡᠢ᠃ ᠬᠠᠷᠠᠭᠤᠯ ᠤ᠋ᠨ ᠬᠥᠮᠦᠰ ᠬᠥᠪᠡᠭᠡᠨ ᠳᠡᠭᠡᠷᠡ ᠭᠠᠷᠴᠤ᠂ ᠡᠨᠳᠡ ᠠᠯᠠᠭᠳᠠᠭᠰᠠᠨ ᠴᠡᠷᠢᠭ ᠦ᠋ᠨ ᠰᠦᠨᠡᠰᠦ ᠲᠠᠯᠠ ᠪᠠᠷ ᠳᠦᠭᠦᠷᠡᠩ ᠪᠤᠵᠢᠭᠢᠨᠠᠵᠤ ᠪᠠᠢᠭᠠ ᠪᠣᠯ ᠤᠤ? ᠭᠡᠵᠦ ᠵᠢᠪᠡᠭᠦᠴᠡᠨ ᠴᠡᠴᠡᠷᠡᠨᠡ᠃ ᠮᠥᠯᠯᠠ ᠠᠪᠳᠥ᠋᠊ — ᠷᠠᠰᠦᠢ᠍ᠯ ᠭᠡᠭᠴᠢ᠂ ᠰᠠᠨᠳᠤᠷᠠᠯᠲᠠ ᠶ᠋ᠢ ᠤᠯᠠᠮ ᠨᠡᠮᠡᠭᠳᠡᠭᠦᠯᠦᠨᠡ᠃ ᠡᠨᠡ ᠰᠢᠭᠨᠡᠺ ᠬᠤᠸᠠᠷᠠᠨ ᠳ᠋ᠤ᠌ ᠲᠤᠰ ᠵᠠᠭᠤᠨ ᠳ᠋ᠤ᠌ ᠣᠷᠣᠭᠰᠠᠨ ᠬᠥᠮᠦᠨ ᠪᠥᠭᠡᠳ ᠥᠳᠬᠡᠨ ᠬᠣᠩᠭᠣᠷ ᠰᠠᠬᠠᠯ ᠲᠠᠢ ᠮᠥᠯᠯᠠ ᠴᠡᠷᠢᠭ ᠦ᠋ᠳ ᠢ᠋ ᠠᠮᠠᠷᠠᠭᠤᠯᠤᠭᠰᠠᠨ ᠦᠭᠡᠢ ᠨᠢᠭᠡ ᠬᠣᠨᠣᠭ ᠲᠤ᠌ ᠲᠠᠪᠤᠨ ᠤᠳᠠᠭᠠ ᠮᠥᠷᠭᠥᠯ ᠬᠢᠬᠦ ᠪᠡᠷ ᠱᠠᠭᠠᠷᠳᠠᠵᠤ ᠪᠠᠢᠵᠠᠢ᠃ ᠵᠠᠪᠰᠢᠶᠠᠨ ᠲᠣᠬᠢᠶᠠᠯᠳᠤᠪᠠᠯ ᠵᠠᠯᠪᠠᠷᠢᠯ ᠠᠶᠠᠯᠤᠨ ᠤᠩᠰᠢᠨᠠ᠃ ᠰᠥᠨᠢ ᠪᠣᠯ ᠦᠯᠢᠭᠡᠷ ᠰᠣᠨᠣᠰᠤᠭᠴᠢᠳ ᠢ᠋ ᠠᠶᠤᠯᠭᠠᠨ ᠪᠤᠭ ᠰᠢᠮᠨᠤᠰ᠂ ᠦᠨᠡᠨ ᠰᠦᠰᠦᠭᠲᠡᠨ ᠢ᠋ ᠠᠯᠠᠭᠰᠠᠨ ᠲᠤᠬᠠᠢ ᠪᠤᠶᠤ ᠭᠦᠶᠦᠯᠳᠦᠬᠦ ᠦᠬᠦᠳᠡᠯ ᠦ᠋ᠳ ᠦ᠋ᠨ ᠲᠤᠬᠠᠢ᠂ ᠰᠥᠨᠢ ᠨᠢᠰᠴᠦ ᠶᠠᠪᠤᠭᠠᠳ ᠤᠨᠲᠠᠵᠤ ᠪᠠᠢᠭᠠ ᠬᠥᠮᠦᠰ ᠦ᠋ᠨ ᠴᠢᠰᠤ ᠶ᠋ᠢ ᠰᠤᠷᠤᠭᠴᠢ ᠳ᠋ᠵᠢᠨᠠ ᠭᠡᠳᠡᠭ ᠠᠮᠢᠲᠠᠨ ᠤ᠋ ᠲᠤᠬᠠᠢ ᠶᠠᠷᠢᠨᠠ᠃ ᠲᠡᠭᠡᠭᠡᠳ ᠮᠠᠭᠤ ᠶᠠᠭᠤᠮᠠᠨ ᠠ᠋ᠴᠠ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠨᠠᠷᠢᠬᠠᠨ ᠴᠠᠭᠠᠰᠤᠨ ᠳᠡᠭᠡᠷᠡ ᠮᠥᠯᠯᠠ ᠶ᠋ᠢᠨ ᠪᠢᠴᠢᠭᠰᠡᠨ ᠬᠠᠷᠢᠶᠠᠯ ᠪᠦᠬᠦᠢ ᠥᠭᠦᠯᠡᠪᠦᠷᠢ ᠶ᠋ᠢ ᠤᠩᠰᠢᠭᠤᠯᠵᠤ᠂ ᠡᠨᠡ ᠨᠢ ᠬᠢᠯᠢᠩᠴᠡᠲᠦ ᠰᠦᠨᠡᠰᠦ ᠨᠦ᠍ᠭᠦᠳ ᠢ᠋ ᠬᠥᠭᠡᠭᠡᠨᠡ᠂ ᠡᠭᠦᠨ ᠦ᠌ ᠲᠤᠰᠠᠯᠠᠮᠵᠢ ᠦᠭᠡᠢ ᠪᠣᠯ ᠴᠡᠷᠢᠭ ᠦ᠋ᠳ ᠬᠡᠳᠦᠢᠨᠡᠢ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠠ᠋ᠴᠠ ᠦᠬᠦᠵᠦ ᠳᠠᠭᠤᠰᠤᠭᠰᠠᠨ ᠪᠠᠢᠬᠤ ᠰᠠᠨ ᠭᠡᠨᠡ᠃
ᠮᠦᠯᠯᠠ ᠠᠪᠳᠥ᠋᠊ — ᠷᠠᠰᠦᠢ᠍ᠯ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠶ᠋ᠢᠨ ᠭᠠᠵᠠᠷ ᠰᠠᠭᠤᠴᠠ ᠶ᠋ᠢᠨ ᠣᠷᠣᠨ ᠳᠡᠭᠡᠷᠡ ᠤᠳᠠᠲᠠᠯᠠ ᠤᠨᠲᠠᠬᠤ ᠪᠥᠭᠡᠳ ᠣᠨᠴᠠ ᠶ᠋ᠢᠨ ᠮᠡᠷᠭᠡᠵᠢᠯ ᠨᠢ ᠭᠡᠪᠡᠯ ᠶᠠᠮᠠᠷ ᠨᠢᠭᠡᠨ ᠬᠣᠭᠣᠯᠠ ᠴᠢᠨᠠᠬᠤ ᠪᠤᠶᠤ ᠰᠢᠷᠠᠬᠤ ᠦᠶᠡ ᠳ᠋ᠦ᠍ ᠮᠦᠯᠯᠠ ᠳᠠᠷᠤᠢᠬᠠᠨ ᠨᠣᠢᠷ ᠠ᠋ᠴᠠ ᠰᠡᠷᠢᠵᠦ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠣᠴᠢᠵᠤ ᠢᠳᠡᠬᠦ ᠶᠠᠭᠤᠮᠠᠨ ᠳ᠋ᠤ᠌ ᠨᠡᠮᠡᠷᠢ ᠪᠣᠯᠤᠨ ᠰᠠᠭᠤᠨᠠ᠃ ᠢᠳᠡᠬᠦ ᠶᠠᠭᠤᠮᠠ ᠪᠠᠭᠠ ᠪᠥᠭᠡᠳ ᠫᠣᠯᠤᠸᠸᠼᠠ ᠶ᠋ᠢᠨ ᠨᠡᠭᠦᠳᠡᠯᠴᠢᠨ( ᠦ᠌ )ᠠᠪᠴᠤ ᠢᠷᠡᠭᠰᠡᠨ ᠬᠣᠨᠢ ᠶ᠋ᠢ ᠢᠳᠡᠵᠦ ᠳᠠᠭᠤᠰᠤᠭᠰᠠᠨ ᠲᠤᠯᠠ ᠴᠡᠷᠢᠭ ᠦ᠋ᠳ ᠮᠦᠯᠯᠠ ᠶ᠋ᠢ ᠲᠡᠳᠦᠢ ᠯᠡ ᠪᠠᠶᠠᠰᠬᠤᠯᠠᠩᠲᠠᠢ ᠪᠠᠷ ᠬᠠᠷᠠᠳᠠᠭ ᠦᠭᠡᠢ ᠪᠠᠢᠯᠠ᠃ ᠡᠳᠡ ᠨᠠᠷ ᠪᠤᠳᠠᠭᠠ ᠲᠠᠢ ᠬᠣᠭᠣᠯᠠ ᠪᠤᠶᠤ ᠬᠣᠨᠢᠨ ᠤ᠋ ᠮᠢᠬᠠ ᠬᠥᠰᠬᠥᠯᠡᠭᠰᠡᠨ ᠭᠤᠯᠢᠷ ᠲᠠᠢ ᠬᠣᠭᠣᠯᠠ ᠬᠢᠵᠦ ᠲᠣᠭᠣᠭᠠ ᠪᠠᠨ ᠲᠣᠭᠣᠷᠢᠨ ᠰᠢᠬᠠᠯᠴᠠᠯᠳᠤᠨ ᠰᠠᠭᠤᠵᠠᠭᠠᠨᠠ᠃ ᠮᠦᠯᠯᠠ ᠮᠥᠷᠭᠥᠯ ᠢ᠋ᠶ᠋ᠡᠨ ᠠᠶᠠᠯᠤᠭᠰᠠᠭᠠᠷ ᠢᠴᠢᠵᠦ ᠵᠣᠪᠠᠬᠤ ᠶ᠋ᠢ ᠮᠠᠷᠲᠠᠵᠤ ᠲᠣᠭᠣᠭᠠᠨ ᠳ᠋ᠤ᠌ ᠣᠶ᠋ᠢᠷᠠᠬᠠᠨ ᠰᠠᠭᠤᠵᠤ ᠪᠣᠢ ᠬᠥᠮᠦᠰ ᠦ᠋ᠨ ᠳᠤᠮᠳᠠ ᠣᠴᠢᠵᠤ ᠰᠠᠭᠤᠨᠠ᠃ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠲᠶᠦᠯᠶᠠᠪ—ᠪᠢᠷᠭ᠌ᠸᠨ ᠠᠷᠪᠠᠲᠤ ᠶ᠋ᠢᠨ ᠳᠠᠷᠤᠭᠠ ᠺᠡᠳᠢᠷ ᠳ᠋ᠵᠢᠪᠡᠷ ᠬᠣᠶᠠᠷ ᠢ᠋ ᠳᠠᠭᠤᠳᠠᠪᠠ᠃
— ᠬᠣᠶᠠᠷ ᠬᠣᠨᠣᠪᠠ᠃ ᠳᠥᠷᠪᠡᠨ ᠠᠬᠠ ᠲᠡᠬᠦᠤᠰ ᠢᠷᠡᠭᠡ ᠦᠭᠡᠢ ᠪᠠᠢᠨᠠ᠃ ᠡᠳᠡ ᠨᠠᠷ ᠢ᠋ ᠠᠶᠤᠯ ᠤ᠋ᠨ ᠲᠠᠮᠤ ᠳ᠋ᠤ᠌ ᠬᠠᠶᠠᠪᠠᠤ? ᠲᠡᠳᠡ ᠨᠠᠷ ᠲᠡᠷᠡ ᠠᠯᠤᠰ ᠲᠸ᠋ ᠬᠠᠷᠠᠭᠳᠠᠬᠤ ᠬᠠᠢᠯᠠᠰᠤᠨ ᠳ᠋ᠤ᠌ ᠬᠦᠷᠬᠦ ᠶᠣᠰᠣᠲᠠᠢ ᠶᠤᠮᠰᠠᠨ᠃ ᠲᠡᠳᠡ ᠨᠠᠷ ᠤ᠋ᠨ ᠮᠥᠷ ᠢ᠋ᠶ᠋ᠡᠷ ᠶᠠᠪᠤᠵᠤ᠂ ᠲᠡᠳᠡ ᠨᠠᠷ ᠤ᠋ᠨ ᠶᠠᠭᠤ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠬᠦ ᠬᠡᠷᠡᠭᠲᠡᠢ ᠪᠣᠯᠪᠠ᠃ ᠺᠠᠳᠢᠷ ᠴᠢ ᠳᠥᠷᠪᠡᠨ ᠮᠣᠷᠢᠨ ᠤ᠋ ᠮᠥᠷ ᠢ᠋ᠶ᠋ᠡᠷ ᠠᠬᠠ ᠳᠡᠭᠦᠣᠰ ᠢ᠋ ᠣᠯᠲᠠᠯᠠ ᠪᠠᠨ ᠶᠠᠪᠤᠬᠤ ᠬᠡᠷᠡᠭᠲᠡᠢ᠃ ᠳ᠋ᠵᠢᠪᠠᠷ ᠴᠢ ᠬᠠᠵᠠᠭᠤ ᠪᠠᠷ ᠲᠣᠭᠣᠷᠢᠵᠤ ᠮᠥᠨ ᠬᠠᠢᠯᠠᠰᠤ ᠶ᠋ᠢ ᠴᠢᠭᠯᠡᠨ ᠶᠠᠪᠤᠭᠲᠤᠨ! ᠬᠡᠷᠪᠡ ᠣᠷᠣᠰ ᠤ᠋ᠳ ᠲᠡᠨᠳᠡ ᠪᠣᠬᠰᠢᠬᠰᠠᠨ ᠪᠣᠯ ᠲᠠᠨᠠᠷ ᠤ᠋ᠨ ᠨᠢᠭᠡ ᠶ᠋ᠢ ᠬᠥᠭᠡᠭᠡᠬᠦ ᠪᠣᠯᠤᠨᠠ᠃ ᠲᠡᠭᠡᠪᠡᠯ ᠲᠠᠨᠠᠷ ᠭᠡᠳᠡᠷᠭᠦ ᠤᠬᠤᠷᠢᠵᠤ ᠣᠷᠣᠰ ᠤ᠋ᠳ ᠢ᠋ ᠥᠳᠥᠭᠡᠵᠦ ᠨᠡᠰᠢ ᠠᠪᠴᠢᠷᠠᠬᠤ ᠬᠡᠷᠡᠭᠲᠡᠢ᠂ ᠪᠢ ᠡᠨᠳᠡ ᠡᠴᠡ ᠪᠦᠬᠦ ᠵᠠᠭᠤᠲᠤ ᠪᠠᠨ ᠳᠠᠭᠠᠭᠤᠯᠤᠨ ᠭᠠᠷᠴᠤ ᠳᠠᠭᠠᠷᠢᠪᠠᠯ ᠶᠠᠳᠠᠬᠤ ᠳ᠋ᠠᠭᠠᠨ ᠭᠠᠭᠴᠠ ᠠᠮᠢᠳᠤ ᠬᠡᠯᠡ ᠪᠠᠷᠢᠵᠤ ᠠᠪᠤᠨᠠ ᠪᠢᠵᠡ? ᠡᠨᠡ ᠳᠠᠭᠠᠭᠠᠯᠭᠠᠪᠤᠷᠢ ᠪᠣᠯ ᠣᠨᠴᠠ ᠴᠢᠬᠤᠯᠠ ᠪᠥᠭᠡᠳ ᠪᠠᠲᠤ ᠬᠠᠭᠠᠨ ᠤ᠋ ᠦᠷᠭᠦᠭᠡᠨ ᠡᠴᠡ ᠢᠷᠡᠭᠰᠡᠨ ᠶᠤᠮ ᠰᠢᠦ᠂ ᠶᠠᠭᠤ ᠴᠤ᠌ ᠭᠡᠰᠡᠨ ᠠᠲᠤᠭᠠᠢ ᠪᠡᠶᠡᠯᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠵᠠ᠂ ᠶᠠᠪᠤᠵᠠᠭᠠ ᠭᠡᠪᠡ᠃ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠲᠶᠦᠯᠶᠠᠪ—ᠪᠢᠷᠭ᠌ᠸᠨ ᠭᠠᠵᠠᠷ ᠰᠠᠭᠤᠴᠠ ᠶ᠋ᠢᠨ ᠪᠠᠭᠠᠨᠠ ᠶ᠋ᠢ ᠨᠠᠯᠠᠵᠤ᠂ ᠲᠠᠯᠠ ᠠ᠋ᠴᠠ ᠠᠭᠤᠷ ᠲᠠᠢ ᠬᠠᠷᠠᠴᠠ ᠪᠠᠨ ᠦᠯᠦ ᠰᠠᠯᠭᠠᠨᠠ᠃ ᠡᠨᠡ ᠪᠣᠯ ᠰᠠᠬᠠᠯ ᠲᠠᠢ᠂ ᠪᠦᠷᠦᠭ ᠴᠥᠭᠡᠨ ᠦᠭᠡ ᠲᠡᠢ ᠬᠥᠮᠦᠨ ᠪᠥᠭᠡᠳ ᠭᠠᠷ ᠲᠠᠭᠠᠨ ᠲᠡᠩᠬᠡᠭᠡ ᠲᠡᠢ ᠲᠤᠯᠠ ᠪᠤᠭᠤᠢᠯᠢ ᠬᠠᠶᠠᠭᠠᠳ ᠲᠠᠯᠪᠢᠵᠤ ᠪᠠᠢᠭᠰᠠᠨ ᠤᠳᠠᠭᠠ ᠶᠡᠷᠦ ᠦᠭᠡᠢ ᠭᠡᠨᠡ᠃ ᠬᠠᠷᠢᠨ ᠰᠠᠬᠠᠯ ᠢ᠋ᠶ᠋ᠠᠨ ᠬᠠᠢᠴᠢᠯᠠᠵᠤ ᠬᠠᠴᠠᠷ ᠢ᠋ᠶ᠋ᠠᠨ ᠬᠤᠰᠤᠭᠰᠠᠨ ᠠᠵᠢ᠃ ᠴᠡᠷᠢᠭ ᠦ᠋ᠳ ᠦ᠋ᠨ ᠳᠣᠲᠣᠷᠠ ᠠ᠋ᠴᠠ ᠥᠪᠡᠷ ᠢ᠋ ᠪᠡᠨ ᠲᠡᠭᠦᠨ ᠦ᠌ ᠨᠥᠬᠥᠷ ᠭᠡᠵᠦ ᠵᠠᠷᠯᠠᠭᠰᠠᠨ ᠬᠥᠮᠦᠨ᠂ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠶ᠋ᠢᠨ ᠰᠠᠬᠠᠯ ᠢ᠋ ᠬᠤᠰᠤᠬᠤ ᠪᠥᠭᠡᠳ ᠲᠡᠭᠦᠨ ᠦ᠌ ᠬᠡᠭᠡᠷ ᠠᠵᠢᠷᠭᠠ ᠶ᠋ᠢᠨ ᠭᠢᠯᠠᠯᠵᠠᠵᠤ ᠪᠠᠢᠬᠤ ᠶ᠋ᠢ ᠬᠠᠷᠠᠵᠤ ᠬᠠᠷᠢᠭᠤᠴᠠᠳᠠᠭ ᠪᠠᠢᠯᠠ᠃ ᠲᠡᠷᠡ ᠨᠢ ᠬᠣᠶᠠᠷ ᠠᠯᠬᠤᠮ ᠵᠠᠢ ᠲᠠᠢ ᠶᠠᠪᠠᠭᠠᠨ ᠰᠠᠭᠤᠵᠤ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠶ᠋ᠢᠨ ᠠᠩᠬᠠᠳᠤᠭᠠᠷ ᠳᠣᠬᠢᠶᠠ ᠪᠠᠷ ᠬᠠᠮᠢᠭᠠᠰᠢ ᠪᠠᠨ ᠴᠤ᠌ ᠦᠰᠦᠷᠬᠦ ᠳ᠋ᠦ᠍ ᠪᠡᠯᠡᠬᠡᠨ ᠪᠠᠢᠳᠠᠭ ᠪᠠᠢᠵᠠᠢ᠃ ᠲᠶᠦᠯᠶᠠᠪ—ᠪᠢᠷᠭ᠌ᠸᠨ ᠬᠥᠪᠥᠭᠦᠷ ᠢ᠋ ᠳᠠᠪᠠᠭᠤᠯᠤᠨ ᠠᠯᠤᠰ ᠲᠠᠯᠠ ᠶ᠋ᠢᠨ ᠵᠦᠭ ᠪᠠᠰᠠ ᠯᠠ ᠰᠢᠷᠳᠡᠭᠰᠡᠭᠡᠷ ᠪᠥᠭᠡᠳ ᠳᠥᠷᠪᠡᠨ ᠠᠬᠠ ᠳᠡᠭᠦᠦ ᠨᠠᠷ᠂ ᠪᠠᠷᠢᠭᠰᠠᠨ ᠣᠷᠣᠰ ᠤ᠋ᠨ ᠬᠠᠮᠲᠤ ᠢᠷᠡᠨᠡ ᠭᠡᠵᠦ ᠪᠠᠰᠠ ᠯᠠ ᠭᠣᠷᠢᠳᠠᠭᠰᠠᠭᠠᠷ ᠪᠠᠢᠵᠠᠢ᠃ ᠲᠡᠭᠦᠨ ᠡᠴᠡ ᠬᠣᠯᠠ ᠪᠤᠰᠤ ᠭᠠᠯ ᠤ᠋ᠨ ᠳᠡᠷᠭᠡᠳᠡ ᠴᠡᠷᠢᠭ ᠦ᠋ᠳ ᠰᠠᠭᠤᠵᠤ ᠮᠦᠯᠯᠠ ᠠᠪᠳᠦᠢ᠍᠊ —ᠷᠠᠰᠦᠢ᠍ᠯ ᠦ᠋ᠨ ᠶᠠᠷᠢᠬᠤ ᠶ᠋ᠢ ᠰᠣᠨᠣᠰᠴᠠᠭᠠᠨᠠ᠃
— ᠡᠨᠡ ᠪᠦᠬᠦᠢ ᠲᠠᠯᠠ ᠡᠷᠭᠢᠨ ᠲᠣᠭᠣᠷᠢᠨ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠠᠮ ᠭᠦᠮ ᠪᠤᠯᠠᠰᠢ ᠪᠠᠢᠭᠠ ᠶᠤᠮ᠃ ᠡᠨᠳᠡ ᠤᠯᠤᠰ ᠤᠯᠤᠰ ᠲᠠᠢ ᠪᠠᠨ ᠠᠯᠠᠯᠴᠠᠵᠤ ᠦᠬᠦᠭᠰᠡᠨ ᠴᠡᠷᠢᠭ ᠦ᠋ᠳ ᠢᠯᠡ ᠬᠠᠶᠠᠭᠳᠠᠭᠰᠠᠨ ᠲᠤᠯᠠ ᠰᠥᠨᠢ ᠶ᠋ᠢᠨ ᠴᠠᠭ ᠲᠸ᠋ ᠡᠨᠳᠡ ᠶᠣᠢᠯᠠᠬᠤ᠂ ᠭᠠᠰᠠᠯᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠬᠤ ᠪᠣᠯᠣᠳ ᠦᠬᠦᠭᠰᠡᠨ ᠴᠡᠷᠢᠭ ᠦ᠋ᠨ ᠰᠦᠨᠡᠰᠦ ᠨᠦ᠍ᠭᠦᠳ ᠤᠲ᠋ᠷᠢᠶᠠᠳ᠋ ᠤᠲ᠋ᠷᠢᠶᠠᠳ᠋ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠤᠵᠢᠭᠢᠨᠠᠯᠳᠤᠨ ᠲᠡᠨᠦᠭᠦᠴᠢᠯᠡᠵᠦ ᠶᠠᠪᠤᠳᠠᠭ ᠶᠤᠮ᠃ ᠲᠡᠳᠡ ᠨᠡᠪᠲᠡ ᠦᠵᠡᠭᠳᠡᠬᠦ ᠮᠣᠷᠢᠳ ᠤᠨᠤᠵᠤ ᠲᠤᠯᠤᠭᠠᠳ ᠤ᠋ᠨ ᠴᠠᠭᠠᠨᠠ ᠠ᠋ᠴᠠ ᠬᠥᠩᠭᠡᠨ ᠮᠠᠨᠠᠨ ᠳᠤᠮᠳᠠᠭᠤᠷ ᠴᠢᠮᠡᠭᠡ ᠦᠭᠡᠢ ᠭᠠᠷᠴᠤ ᠢᠷᠡᠭᠡᠳ ᠲᠠᠯᠠ ᠳ᠋ᠤ᠌ ᠣᠷᠣᠵᠤ ᠥᠭᠡᠷᠡ ᠰᠦᠨᠡᠰᠦ ᠨᠤᠭᠦᠳ ᠦ᠋ᠨ ᠤᠲ᠋ᠷᠢᠶᠠᠳ᠋ ᠲᠠᠢ ᠲᠤᠯᠭᠠᠷᠠᠨᠠ᠃ ᠲᠡᠷᠡ ᠦᠶᠡ ᠳ᠋ᠦ᠍ ᠰᠡᠯᠡᠮᠡ ᠶ᠋ᠢᠨ ᠬᠠᠩᠭᠢᠨᠠᠬᠤ᠂ ᠬᠦ᠋ ᠬᠤᠶᠠᠭ ᠤ᠋ᠨ ᠬᠠᠷᠴᠢᠭᠢᠨᠠᠬᠤ ᠲᠣᠳᠣᠬᠠᠨ ᠰᠣᠨᠣᠰᠳᠠᠳᠠᠭ ᠶᠤᠮ ᠭᠡᠵᠦ ᠶᠠᠷᠢᠵᠤ ᠪᠠᠢᠲᠠᠯᠠ ᠲᠠᠯᠠ ᠳᠣᠲᠣᠷᠠ ᠬᠣᠯᠠ ᠠ᠋ᠴᠠ ᠬᠠᠰᠬᠢᠷᠬᠤ ᠰᠦᠷᠡᠬᠡᠢ ᠴᠢᠩᠭᠠ ᠳᠠᠭᠤ ᠰᠣᠨᠣᠰᠳᠠᠭᠠᠳ ᠳᠠᠬᠢᠨ ᠳᠠᠪᠲᠠᠵᠤ ᠬᠠᠰᠬᠢᠷᠬᠤ ᠨᠢ ᠰᠣᠨᠣᠰᠳᠠᠪᠠ᠃
— ᠭᠠᠯ ᠢ᠋ᠶ᠋ᠠᠨ ᠤᠨᠲᠠᠷᠠᠭᠠ ᠭᠡᠵᠦ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠠᠶᠠᠷᠬᠠᠨ ᠲᠤᠰᠢᠶᠠᠪᠠ᠃ ᠴᠡᠷᠢᠭ ᠦ᠋ᠳ ᠭᠠᠯ ᠢ᠋ ᠰᠢᠷᠣᠢ ᠪᠠᠷ ᠪᠤᠯᠠᠵᠤ ᠭᠠᠯ ᠤ᠋ᠨ ᠳᠥᠯᠥ ᠤᠨᠲᠠᠷᠠᠪᠠ᠃ ᠴᠡᠷᠢᠭ ᠦ᠋ᠳ ᠬᠠᠷᠠᠩᠭᠤᠢ ᠶ᠋ᠢᠨ ᠳᠤᠮᠳᠠ ᠵᠢᠬᠡᠭᠦᠴᠡᠵᠦ ᠴᠥᠮ ᠢ᠋ᠶ᠋ᠡᠷ ᠴᠢᠮᠡᠭᠡ ᠠᠨᠢᠷ ᠭᠠᠷᠭᠠᠯ ᠦᠭᠡᠢ ᠳᠣᠪᠣᠴᠠᠭ ᠳᠡᠭᠡᠷᠡ ᠭᠠᠷᠴᠠᠭᠠᠪᠠ᠃
ᠬᠣᠯᠠ ᠠ᠋ᠴᠠ ᠮᠣᠷᠢᠨ ᠲᠦᠪᠦᠷᠭᠡᠨ ᠰᠣᠨᠣᠰᠳᠠᠪᠠ᠃ ᠮᠣᠷᠢᠳ ᠲᠦᠷᠭᠡᠨ ᠢ᠋ᠶ᠋ᠡᠷ ᠳᠠᠪᠬᠢᠬᠤ ᠲᠤᠯᠠ ᠰᠠᠷᠠᠨ ᠤ᠋ ᠪᠦᠳᠡᠭᠢ ᠭᠡᠷᠡᠯ ᠳ᠋ᠦ᠍ ᠤᠲᠤᠭᠠ ᠠᠳᠠᠯᠢ ᠮᠠᠨᠠᠨ ᠤ᠋ ᠳᠤᠮᠳᠠᠭᠤᠷ ᠨᠡᠪᠲᠡᠷᠡᠵᠦ᠂ ᠢᠷᠡᠬᠦ ᠰᠡᠭᠦᠳᠡᠷ ᠤᠯᠠᠮ ᠣᠢᠷᠠᠲᠤᠨ ᠦᠵᠡᠭᠳᠡᠪᠡ᠃
— ᠡᠨᠡ ᠴᠢᠨᠢ ᠥᠨᠥᠬᠢ ᠬᠡᠭᠦᠷ ᠦ᠋ᠳ ᠪᠠᠢᠨᠠ ᠭᠡᠵᠦ ᠨᠢᠭᠡ ᠬᠥᠮᠦᠨ ᠦ᠌ ᠳᠤᠤᠭᠠᠷᠬᠤ ᠰᠣᠨᠣᠰᠳᠠᠪᠠ᠃
— ᠴᠢᠮᠡᠭᠡ ᠦᠭᠡᠢ ᠠᠵᠢᠭᠯᠠᠵᠤ ᠬᠠᠷᠠᠭᠲᠤᠨ ᠭᠡᠵᠦ ᠨᠢᠭᠡ ᠨᠢ ᠬᠡᠯᠡᠪᠡ᠃ ᠬᠡᠳᠦᠨ ᠠᠷᠪᠠᠭᠠᠳ ᠠᠳᠤᠭᠤ ᠭᠠᠩᠭᠠ ᠤᠷᠤᠭᠤ ᠳᠠᠪᠬᠢᠨ ᠪᠠᠭᠤᠵᠤ ᠲᠦᠷ ᠵᠣᠭᠰᠣᠭᠠᠳ᠂ ᠭᠠᠯᠵᠠᠭᠤ ᠮᠡᠲᠦ ᠪᠤᠯᠠᠭ ᠳᠠᠰᠢ ᠳᠠᠪᠬᠢᠪᠠ᠃ ᠲᠡᠳᠡᠨ ᠳ᠋ᠦ᠍ ᠬᠥᠯ ᠦ᠋ᠨ ᠴᠢᠮᠡᠭᠡ ᠪᠠ ᠮᠣᠷᠢᠳ ᠤ᠋ᠨ ᠤᠰᠤ ᠤᠤᠭᠤᠬᠤ ᠰᠣᠨᠣᠰᠳᠠᠪᠠ᠃ ᠲᠡᠳᠦᠢ ᠳ᠋ᠦ᠍ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠲᠡᠳᠡᠨ ᠢ᠋ ᠰᠣᠴᠢᠭᠠᠭᠰᠠᠨ ᠳ᠋ᠤ᠌ ᠲᠡᠳᠡᠭᠡᠷ ᠮᠣᠷᠢᠳ ᠰᠣᠴᠢᠭᠰᠠᠨ ᠪᠠᠢᠳᠠᠯ ᠲᠠᠢ ᠨᠢᠭᠡ ᠨᠢᠭᠡ ᠪᠡᠨ ᠳᠠᠭᠠᠷᠢᠨ ᠰᠢᠬᠠᠯᠴᠠᠯᠳᠤᠵᠤ ᠬᠠᠷᠠᠩᠭᠤᠢ ᠶ᠋ᠢᠨ ᠳᠣᠲᠣᠷᠠ ᠭᠠᠩᠭᠠ ᠥᠭᠡᠳᠡ ᠳᠠᠪᠬᠢᠯᠳᠤᠨ ᠲᠠᠯᠠ ᠳ᠋ᠤ᠌ ᠭᠠᠷᠴᠤ ᠳᠠᠪᠬᠢᠨ ᠣᠳᠪᠠ᠃ ᠬᠣᠯᠠ ᠪᠤᠰᠤ ᠮᠣᠷᠢᠨ ᠤ᠋ ᠢᠨᠴᠠᠭᠠᠨ ᠲᠡᠮᠡᠦᠯᠬᠦ ᠪᠠ ᠮᠣᠷᠢᠨ ᠲᠤᠭᠤᠷᠠᠢ ᠶ᠋ᠢᠨ ᠴᠠᠪᠴᠢᠯᠠᠬᠤ ᠳᠠᠭᠤ ᠪᠦᠳᠡᠭᠢᠬᠡᠨ ᠰᠣᠨᠣᠰᠳᠠᠪᠠ᠃
— ᠭᠠᠯ ᠢ᠋ᠶ᠋ᠠᠨ ᠠᠰᠠᠭᠠᠵᠠᠭᠠ᠂ ᠨᠠᠰᠢ ᠪᠠᠨ ᠢᠷᠡᠵᠡᠭᠡ᠂ ᠪᠤᠭᠤᠢᠯᠢ ᠠᠪᠤᠭᠠᠳ ᠢᠷᠡᠭᠡᠷᠡᠢ ᠭᠡᠵᠦ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠪᠠᠷᠬᠢᠷᠠᠪᠠ᠃ ᠴᠡᠷᠢᠭ ᠦ᠋ᠳ ᠰᠠᠨᠳᠤᠷᠴᠠᠭᠠᠨ ᠬᠠᠭᠤᠴᠢᠨ ᠬᠡᠪ ᠢ᠋ᠶ᠋ᠡᠷ ᠭᠠᠯ ᠢ᠋ᠶ᠋ᠠᠨ ᠰᠢᠨᠡ ᠪᠡᠷ ᠨᠣᠴᠤᠭᠠᠵᠠᠭᠠᠨ᠂ ᠮᠣᠷᠢ ᠶ᠋ᠢ ᠭᠡᠷᠡᠯᠲᠦᠭᠦᠯᠪᠡ᠃ ᠪᠤᠭᠤᠢᠯᠢ ᠲᠡᠭᠦᠨ ᠦ᠌ ᠬᠦᠵᠦᠭᠦᠨ ᠳ᠋ᠦ᠍ ᠣᠷᠣᠵᠤ ᠲᠠᠲᠠᠭᠳᠠᠪᠠ᠃ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠪᠤᠭᠤᠢᠯᠢ ᠶ᠋ᠢ ᠮᠣᠳᠣᠨ ᠳ᠋ᠤ᠌ ᠣᠷᠢᠶᠠᠪᠠᠯ ᠮᠣᠷᠢᠨ ᠤ᠋ ᠦᠰᠦᠷᠬᠦ ᠳ᠋ᠦ᠍ ᠮᠣᠳᠣ ᠨᠠᠢᠭᠤᠵᠤ ᠪᠠᠢᠯᠠ᠃
— ᠮᠣᠷᠢ ᠶ᠋ᠢ ᠠᠯᠠᠭᠲᠤᠨ ᠭᠡᠵᠦ ᠪᠤᠭᠤᠢᠯᠢ ᠶ᠋ᠢ ᠴᠢᠩᠭᠠᠭᠠᠬᠤ ᠵᠠᠭᠤᠷᠠ ᠪᠠᠨ ᠪᠠᠷᠬᠢᠷᠠᠪᠠ᠃ ᠴᠡᠷᠢᠭ ᠦ᠋ᠳ᠂ ᠠᠶᠤᠨ ᠴᠡᠴᠡᠷᠡᠵᠦ ᠪᠦᠬᠦᠢ ᠮᠣᠷᠢᠨ ᠳᠠᠰᠢ ᠭᠦᠶᠦᠯᠳᠦᠵᠦ ᠭᠤᠷᠪᠠᠨ ᠤᠷᠲᠤ ᠤᠯᠠᠭᠠᠨ ᠥᠳᠥ ᠲᠡᠢ ᠰᠤᠮᠤ ᠬᠠᠵᠠᠭᠤ ᠠ᠋ᠴᠠ ᠨᠢ ᠰᠢᠭᠠᠨ ᠣᠷᠣᠪᠠ᠂ ᠮᠣᠷᠢ ᠡᠮᠦᠨᠡ ᠬᠥᠯ ᠳᠡᠭᠡᠷᠡ ᠪᠡᠨ ᠰᠥᠬᠥᠷᠡᠨ ᠤᠨᠠᠭᠠᠳ᠂ ᠳᠠᠬᠢᠨ ᠪᠣᠰᠬᠤ ᠭᠡᠲᠡᠯᠡ ᠨᠢᠭᠡ ᠴᠡᠷᠢᠭ ᠬᠣᠭᠣᠯᠠᠢ ᠶ᠋ᠢ ᠨᠢ ᠣᠭᠲᠣᠯᠵᠠᠢ᠃
— ᠭᠠᠵᠠᠷ ᠤ᠋ᠨ ᠡᠵᠡᠨ ᠪᠢᠳᠡᠨ ᠳ᠋ᠦ᠍ ᠦᠳᠡᠰᠢ ᠶ᠋ᠢᠨ ᠬᠣᠭᠣᠯᠠ ᠶᠠᠪᠤᠭᠤᠯᠪᠠ᠃ ᠮᠥᠷᠭᠥᠯ ᠢ᠋ᠶ᠋ᠡᠨ ᠪᠤᠤ ᠮᠠᠷᠲᠠ᠂ ᠰᠠᠬᠢᠯ ᠰᠠᠨᠸᠠᠷ ᠢ᠋ ᠦᠷᠭᠦᠯᠵᠢ ᠰᠠᠬᠢᠭᠲᠤᠨ᠂ ᠡᠳᠦᠷ ᠰᠥᠨᠢ ᠬᠠᠮᠤᠭ ᠢ᠋ ᠮᠡᠳᠡᠭᠴᠢ ᠶ᠋ᠢᠨ ᠨᠡᠷᠡ ᠶ᠋ᠢ ᠳᠤᠷᠠᠰᠴᠤ ᠪᠠᠢᠭᠲᠤᠨ᠃ ᠲᠡᠷᠡ ᠪᠢᠳᠡᠨ ᠢ᠋ ᠱᠠᠩᠨᠠᠨᠠ ᠭᠡᠵᠦ ᠮᠥᠯᠯᠡ ᠬᠡᠯᠡᠪᠡ᠃
ᠴᠡᠷᠢᠭ ᠦ᠋ᠳ ᠬᠠᠨᠴᠤᠢ ᠰᠢᠮᠡᠯᠡᠨ ᠵᠠᠩᠰᠢᠭᠰᠠᠨ ᠶᠣᠰᠣᠭᠠᠷ ᠮᠣᠷᠢ ᠶ᠋ᠢ ᠥᠪᠴᠢᠵᠦ ᠮᠢᠬᠠ ᠶ᠋ᠢ ᠮᠥᠴᠢᠯᠡᠨ ᠬᠤᠪᠢᠶᠠᠵᠤ ᠬᠡᠳᠦᠢᠨ ᠠᠷᠠᠰᠤᠨ ᠳᠡᠭᠡᠷᠡ ᠨᠢ ᠣᠪᠣᠭᠠᠯᠠᠨ ᠲᠠᠯᠪᠢᠵᠠᠭᠠᠵᠤ ᠪᠠᠶᠠᠰᠬᠤᠯᠠᠩᠲᠠᠢ ᠪᠠᠢᠯᠠ᠃
— ᠮᠠᠨ ᠤ᠋ ᠵᠠᠭᠤᠨ ᠤ᠋ ᠨᠣᠶᠠᠨ ᠠᠢᠬᠤᠪᠲᠤᠷ ᠰᠠᠢᠨ ᠡᠷᠡ ᠪᠠᠢᠨᠠ ᠰᠢᠦ᠂ ᠪᠢᠳᠡᠨ ᠢ᠋ ᠦᠬᠦᠳᠡᠯ ᠡᠴᠡ ᠠᠶᠤᠵᠤ ᠪᠠᠢᠬᠤ ᠳ᠋ᠤ᠌ ᠮᠠᠨ ᠤ᠋ ᠲᠦᠷᠦᠭᠦᠴᠢ ᠪᠤᠭᠤᠢᠯᠢ ᠬᠠᠶᠠᠭᠠᠳ ᠨᠢᠭᠡ ᠭᠠᠷ ᠢ᠋ᠶ᠋ᠠᠷ ᠮᠣᠷᠢ ᠶ᠋ᠢ ᠲᠣᠭᠲᠠᠭᠠᠨ ᠪᠠᠷᠢᠵᠤ ᠪᠠᠢᠯᠠ᠃ ᠬᠡᠷᠪᠡ ᠪᠢᠳᠡᠨᠡᠷ ᠠᠢᠮᠠᠬᠠᠢ ᠬᠤᠳᠠᠯᠴᠢ ᠨᠠᠷ ᠪᠢᠰᠢ ᠪᠠᠢᠭᠰᠠᠨ ᠪᠣᠯ ᠠᠮᠢᠳᠤ ᠪᠠᠷ ᠪᠠᠰᠠ ᠬᠡᠳᠦᠨ ᠵᠡᠷᠯᠢᠭ ᠮᠣᠷᠢᠳ ᠪᠠᠷᠢᠵᠤ ᠪᠣᠯᠬᠤ ᠪᠠᠢᠭᠰᠠᠨ ᠭᠡᠵᠦ ᠨᠢᠭᠡ ᠵᠡᠷᠭᠡ ᠥᠭᠦᠯᠡᠪᠡ᠃
— ᠡᠨᠡ ᠴᠢᠨᠢ ᠵᠡᠷᠯᠢᠭ ᠮᠣᠷᠢᠳ ᠶᠤᠮ ᠭᠡᠵᠢ ᠤᠤ? ᠦᠭᠡᠢ ᠪᠠᠢᠬᠠ᠂ ᠲᠠᠲ᠋ᠠᠷ ᠤ᠋ᠳ ᠢ᠋ ᠬᠥᠳᠡᠯᠬᠦ ᠳ᠋ᠦ᠍ ᠺᠢᠫᠴᠠᠺ ᠤ᠋ᠨ ᠠᠳᠤᠭᠤ ᠲᠠᠯᠠ ᠪᠠᠷ ᠲᠠᠷᠬᠠᠭᠰᠠᠨ ᠭᠡᠳᠡᠭ᠃ ᠲᠡᠭᠡᠭᠡᠳ ᠲᠡᠷᠡ ᠮᠣᠷᠢᠳ ᠪᠦᠷ ᠵᠡᠷᠯᠢᠭᠰᠢᠭᠰᠡᠨ ᠭᠡᠨᠡ ᠪᠢᠯᠡ᠃ ᠡᠨᠡ ᠬᠥᠭᠰᠢᠨ ᠮᠣᠷᠢ ᠪᠣᠯ ᠬᠠᠭᠠᠨ ᠺᠣᠲ᠋ᠶᠠᠩ ᠤ᠋ᠨ ᠲᠡᠮᠳᠡᠭ ᠲᠡᠢ᠂ ᠵᠡᠷᠯᠢᠭ ᠮᠣᠷᠢ ᠪᠣᠯ ᠡᠢᠮᠦ ᠪᠠᠢᠬᠤ ᠶᠣᠰᠣ ᠦᠭᠡᠢ᠃ ᠲᠡᠳᠡ ᠨᠠᠷ ᠡᠯᠡᠰᠦᠨ ᠦ᠌ ᠥᠩᠭᠡᠲᠡᠢ ᠬᠠᠪᠢᠷᠭᠠ ᠳᠠᠭᠠᠤ ᠬᠠᠷᠠ ᠵᠢᠷᠤᠭᠠᠰᠤᠲᠠᠢ ᠳ᠋ᠠᠭ ᠭᠡᠵᠦ ᠭᠠᠵᠠᠷᠴᠢ ᠰᠸᠨ᠋ᠲ᠋ᠶᠠᠺ ᠬᠡᠯᠡᠭᠰᠡᠨ ᠳ᠋ᠦ᠍ ᠡᠨᠡ ᠮᠣᠷᠢ ᠶ᠋ᠢ ᠵᠡᠷᠯᠢᠭ ᠪᠠᠢᠭᠰᠠᠨ ᠴᠤ᠌ ᠳᠠᠭᠤᠰᠲᠠᠯᠠ ᠨᠢ ᠢᠳᠡᠵᠡᠭᠡᠨᠡ ᠭᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠪᠠᠶᠠᠨᠴᠡᠴᠡᠭ᠂ ᠠᠷᠢᠭᠤᠨ᠂ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠪᠠᠯ᠂ ᠠᠷᠢᠭᠤᠨ᠂ ᠠᠯᠲᠠᠨᠴᠢᠮᠡᠭ