ᠪᠠᠲᠤ ᠬᠠᠭᠠᠨ 2-15 ᠸᠠᠸᠢᠯ ᠡᠪᠦᠭᠡᠨ-ᠪᠠᠲᠤ ᠬᠠᠭᠠᠨ ᠥᠷᠥᠨᠡ ᠵᠦᠭ ᠲᠦ᠍ ᠬᠥᠳᠡᠯᠦᠯᠡ-Bat khaan Бат хаан-ᠷᠣᠮᠠᠨ
34ᠠᠷᠪᠠᠨ ᠲᠠᠪᠤ ᠮᠣᠩᠭᠣᠯ ᠴᠡᠷᠢᠭ ᠦ᠋ᠨ ᠨᠠᠭᠠᠳᠤᠮ
ᠤᠰᠤ ᠶ᠋ᠢ ᠰᠠᠭᠠᠳ ᠦᠭᠡᠢ ᠭᠠᠲᠤᠯᠤᠭᠰᠠᠨ ᠲᠤᠬᠠᠢ ᠳ᠋ᠤ᠌ ᠪᠠᠲᠤ ᠬᠠᠭᠠᠨ ᠠ᠋ᠴᠠ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠠᠮᠠᠷᠠᠯᠲᠠ ᠵᠠᠷᠯᠠᠪᠠ᠃ ᠲᠡᠭᠡᠭᠡᠳ ᠦᠷᠠᠺ ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ ᠵᠦᠯᠭᠡᠨ ᠳᠡᠭᠡᠷᠡ ᠪᠠᠢᠯᠳᠤᠭᠴᠢᠳ ᠤ᠋ᠨ ᠤᠭᠲᠤᠯᠭᠠ ᠶ᠋ᠢᠨ ᠪᠠᠶᠠᠷ ᠬᠢᠬᠦ ᠪᠣᠯᠵᠠᠢ᠃ ᠵᠠᠷᠯᠠᠭᠰᠠᠨ ᠡᠳᠦᠷ ᠲᠦ᠍ ᠮᠣᠷᠢ ᠲᠠᠢ ᠬᠥᠮᠦᠨ ᠮᠢᠩᠭᠠ ᠮᠢᠩᠭᠠ ᠪᠠᠷ ᠴᠤᠭᠯᠠᠷᠠᠨ ᠢᠷᠡᠵᠡᠢ᠃ ᠪᠠᠢᠯᠳᠤᠭᠴᠢᠳ ᠶᠡᠬᠡ ᠲᠥᠭᠥᠷᠢᠭ ᠢ᠋ᠶ᠋ᠡᠷ ᠴᠣᠮᠴᠣᠢᠨ ᠰᠠᠭᠤᠵᠠᠭᠠᠵᠠᠢ᠃ ᠲᠦᠷᠦᠭᠦᠨ ᠦ᠌ ᠡᠩᠨᠡᠭᠡᠨ ᠳ᠋ᠦ᠍ ᠰᠠᠭᠤᠵᠤ ᠪᠠᠢᠭᠠ ᠪᠣᠯᠣᠳ ᠵᠣᠭᠰᠣᠵᠤ ᠪᠠᠢᠭᠠ ᠬᠥᠮᠦᠰ ᠦ᠋ᠨ ᠳᠤᠮᠳᠠᠭᠤᠷ ᠮᠣᠷᠢ ᠲᠠᠢ ᠬᠥᠮᠦᠰ ᠴᠤ᠌ ᠴᠢᠬᠢᠯᠳᠦᠬᠦ ᠨᠢ ᠦᠵᠡᠭᠳᠡᠨᠡ᠃ ᠪᠠᠲᠤ ᠬᠠᠭᠠᠨ ᠪᠣᠯᠤᠨ ᠪᠤᠰᠤᠳ ᠬᠠᠭᠠᠳ ᠤ᠋ᠳ ᠦᠷᠠᠺ ᠠᠭᠤᠯᠠ ᠶ᠋ᠢᠨ ᠪᠠᠯ ᠳ᠋ᠤ᠌ ᠬᠡᠪᠢᠰ ᠪᠠ ᠮᠣᠷᠢᠨ ᠤ᠋ ᠲᠣᠬᠣᠮ ᠵᠡᠷᠭᠡ ᠶ᠋ᠢ ᠳᠡᠯᠭᠡᠵᠦ ᠰᠠᠭᠤᠵᠠᠭᠠᠪᠠ᠃
ᠤᠷᠲᠤ ᠪᠦᠷᠢᠶᠡ ᠨᠦ᠍ᠭᠦᠳ ᠬᠠᠩᠭᠢᠨᠠᠨ ᠳᠤᠤᠭᠠᠷᠴᠤ ᠵᠠᠷᠯᠠᠭᠴᠢ ᠠ᠋ᠴᠠ ᠪᠠᠷᠬᠢᠷᠠᠬᠤ ᠨᠢ᠄
— ᠪᠥᠬᠡ ᠳᠡᠭᠡᠷᠡ ᠢᠷᠡᠵᠡᠭᠡ᠃ ᠠᠶᠤᠮᠰᠢᠭ ᠦᠭᠡᠢ ᠠᠪᠤᠷᠭᠤ ᠨᠤᠭᠤᠳ ᠠ᠋᠂ ᠡᠷᠡᠭᠦᠯ ᠴᠢᠭᠢᠷᠠᠭ ᠤ᠋ᠨ ᠲᠥᠯᠥᠭᠡ ᠪᠠᠷᠢᠯᠳᠤᠬᠤ ᠪᠠᠷ ᠢᠷᠡᠵᠡᠭᠡ᠃ ᠵᠣᠷᠢᠭ ᠢ᠋ᠶ᠋ᠠᠨ ᠦᠵᠡᠭᠦᠯᠵᠦ ᠬᠦᠴᠦ ᠪᠡᠨ ᠰᠢᠯᠭᠠᠵᠠᠭᠠ ᠭᠡᠪᠡ᠃ ᠰᠢᠯᠢᠳᠡᠭ ᠬᠦᠴᠦᠲᠡᠨ ᠨᠦ᠍ᠭᠦᠳ ᠢᠲᠡᠭᠡᠭᠰᠡᠨ ᠨᠥᠬᠥᠳ ᠳᠡᠭᠡᠷᠡ ᠪᠡᠨ ᠮᠣᠷᠢᠳ ᠢ᠋ᠶ᠋ᠠᠨ ᠣᠷᠬᠢᠵᠤ ᠶᠡᠬᠡ ᠬᠦᠷᠢᠶᠡ ᠡᠴᠡ ᠭᠠᠷᠴᠤ ᠡᠨᠳᠡ ᠲᠡᠨᠳᠡ ᠬᠡᠰᠡᠭ ᠢ᠋ᠶ᠋ᠡᠷ ᠪᠥᠭᠡᠮᠨᠡᠷᠡᠪᠡ᠃ ᠪᠥᠬᠡ ᠪᠦᠷᠢ ᠳ᠋ᠦ᠍ ᠵᠠᠰᠠᠭᠤᠯᠴᠢ ᠢᠲᠡᠭᠡᠮᠵᠢᠲᠦ ᠨᠥᠬᠥᠳ ᠨᠢ ᠪᠠᠢᠪᠠ᠃
ᠵᠠᠰᠠᠭᠤᠯᠴᠢ ᠪᠣᠯ ᠪᠥᠬᠡᠴᠦᠳ ᠢ᠋ ᠵᠦᠢ ᠪᠤᠰᠤ ᠪᠠᠷᠢᠯᠳᠤᠬᠤ᠂ ᠪᠡᠶᠡ ᠪᠡᠶᠡ ᠪᠡᠨ ᠬᠠᠵᠠᠬᠤ ᠪᠤᠶᠤ ᠠᠯᠠᠯᠳᠤᠬᠤ ᠦᠭᠡᠢ ᠪᠠᠢᠯᠭᠠᠬᠤ ᠡᠭᠦᠷᠭᠡ ᠶ᠋ᠢ ᠬᠦᠯᠢᠶᠡᠵᠦ ᠰᠢᠯᠭᠠᠵᠤ ᠪᠠᠢᠬᠤ ᠶᠣᠰᠣᠲᠠᠢ ᠪᠠᠢᠯᠠ᠃
— ᠣᠳᠣ ᠡᠬᠢᠯᠡᠭᠲᠦᠨ᠂ ᠪᠠᠲᠤ ᠬᠠᠭᠠᠨ ᠲᠠᠨᠠᠷ ᠢ᠋ ᠬᠠᠷᠠᠵᠤ ᠪᠠᠢᠨᠠ᠃ ᠭᠠᠪᠰᠢᠭᠠᠢ ᠵᠠᠯᠠᠭᠤ ᠳ᠋ᠤ᠌ ᠱᠠᠩᠨᠠᠯ ᠥᠭᠭᠦᠨᠡ᠃ ᠬᠥᠮᠦᠨ ᠪᠦᠷᠢ ᠭᠤᠷᠪᠠᠨ ᠪᠡᠷᠬᠡ ᠲᠡᠮᠡᠴᠡᠭᠡᠨ ᠳ᠋ᠦ᠍ ᠢᠯᠠᠵᠤ ᠭᠤᠷᠪᠠᠨ ᠪᠡᠷᠬᠡ ᠶ᠋ᠢ ᠳᠠᠪᠠᠵᠤ ᠭᠠᠷᠤᠭᠲᠤᠨ᠃ ᠨᠢᠭᠡ ᠴᠥ᠍ ᠤᠳᠠᠭᠠ ᠮᠥᠷᠥ ᠪᠡᠨ ᠰᠢᠷᠣᠢᠳᠠᠭᠠ ᠦᠭᠡᠢ ᠬᠥᠮᠦᠨ ᠢ᠋ ᠪᠠᠭᠠᠲᠤᠷ ᠪᠣᠯᠭᠠᠵᠤ ᠵᠠᠷᠯᠠᠨᠠ᠃ ᠮᠠᠨ ᠤ᠋ ᠣᠷᠣᠨ ᠤ᠋ ᠬᠠᠤᠯᠢ ᠡᠢᠮᠦ ᠪᠣᠯᠤᠭᠠᠳ ᠬᠥᠮᠦᠨ ᠨᠡᠢᠲᠡ ᠶ᠋ᠢᠨ ᠵᠠᠩᠰᠢᠯ ᠮᠥᠨ ᠡᠢᠮᠦ ᠶᠤᠮ᠃ ᠰᠠᠢᠨ ᠬᠡᠷᠡᠭ ᠲᠦ᠍ ᠰᠠᠭᠠᠳ ᠪᠠᠢᠳᠠᠭ ᠦᠭᠡᠢ᠂ ᠰᠠᠢᠨ ᠲᠩᠷᠢ ᠳ᠋ᠦ᠍ ᠪᠦᠷᠬᠦᠭ ᠪᠠᠢᠳᠠᠭ ᠦᠭᠡᠢ ᠭᠡᠪᠡ᠃
ᠠᠩᠬᠠ ᠡᠬᠢᠯᠡᠵᠦ ᠥᠨᠳᠥᠷ ᠪᠥᠭᠡᠳ ᠥᠷᠭᠡᠨ ᠴᠡᠭᠡᠵᠢ ᠲᠡᠢ ᠵᠠᠯᠠᠭᠤ ᠠᠷᠪᠠᠨ ᠬᠣᠶᠠᠷ ᠪᠥᠬᠡᠴᠦᠳ ᠪᠠᠷᠢᠯᠳᠤᠵᠤ ᠡᠬᠢᠯᠡᠬᠦ ᠶᠣᠰᠣᠲᠠᠢ ᠪᠠᠢᠯᠠ᠃ ᠣᠲ᠋ᠷᠢᠶᠠᠳ᠋ ᠤ᠋ᠳ ᠡᠷᠲᠡ ᠡᠴᠡ ᠥᠪᠡᠷᠰᠡᠳ ᠦ᠋ᠨ ᠰᠠᠢᠨ ᠵᠠᠰᠠᠭᠤᠯ ᠤ᠋ᠳ ᠢ᠋ ᠰᠣᠩᠭᠣᠨ ᠣᠯᠵᠠᠢ᠃ ᠤᠴᠠᠷᠠᠭᠠ ᠨᠤᠭᠤᠳ ᠨᠢ ᠥᠪᠡᠷ ᠦ᠋ᠨ ᠡᠭᠡᠯᠵᠢ ᠶ᠋ᠢ ᠬᠦᠯᠢᠶᠡᠵᠦ ᠴᠣᠮᠴᠣᠢᠨ ᠰᠠᠭᠤᠭᠠᠳ ᠪᠥᠬᠡᠴᠦᠳ ᠪᠠᠢᠷᠢ ᠪᠠᠢᠷᠢᠨ ᠳ᠋ᠠᠭᠠᠨ ᠳᠡᠪᠢᠯᠴᠡᠨᠡ᠃ ᠲᠡᠳᠡ ᠨᠢᠭᠡ ᠬᠥᠯ ᠡᠴᠡ ᠨᠥᠭᠦᠭᠡ ᠬᠥᠯ ᠳᠡᠭᠡᠷᠡ ᠦᠰᠦᠷᠴᠡᠭᠡᠨ ᠭᠠᠷ ᠢ᠋ᠶ᠋ᠠᠨ ᠶᠠᠭ ᠳᠠᠯᠠᠪᠴᠢ ᠠᠳᠠᠯᠢ ᠰᠤᠩᠭᠠᠵᠤ᠂ ᠡᠪᠦᠳᠦᠭ ᠢ᠋ᠶ᠋ᠡᠨ ᠨᠤᠭᠤᠯᠤᠨ ᠳᠡᠪᠢᠨᠡ᠃ ᠭᠠᠵᠠᠷ ᠠ᠋ᠴᠠ ᠰᠢᠷᠣᠢ ᠪᠤᠶᠤ ᠨᠣᠭᠣᠭᠠ ᠰᠢᠭᠦᠷᠡᠨ ᠠᠪᠴᠤ ᠰᠢᠪᠠᠭᠤᠨ ᠤ᠋ ᠦᠰᠦᠷᠦᠯᠲᠡ ᠪᠡᠷ ᠨᠢᠭᠡ ᠨᠢᠭᠡᠨ ᠳ᠋ᠡᠭᠡᠨ ᠣᠢᠷᠠᠲᠤᠭᠰᠠᠭᠠᠷ ᠵᠢᠷᠭᠤᠭᠠᠨ ᠬᠣᠣᠰ ᠨᠢᠭᠡᠨ ᠵᠡᠷᠭᠡ ᠶᠡᠬᠡ ᠲᠠᠯᠠᠪᠠᠢ ᠳ᠋ᠤ᠌ ᠤᠴᠠᠷᠠᠵᠤ ᠮᠥᠷᠥ ᠮᠥᠷᠥ ᠡᠴᠡ ᠪᠡᠨ ᠰᠢᠭᠦᠷᠡᠨ ᠪᠠᠷᠢᠯᠴᠠᠯᠠ᠃ ᠭᠠᠷ ᠬᠥᠯ ᠬᠦᠵᠦᠭᠦᠦ ᠵᠡᠷᠭᠡ ᠡᠴᠡ ᠪᠡᠨ ᠪᠠᠷᠢᠯᠴᠠᠵᠤ ᠨᠢᠭᠡ ᠨᠢᠭᠡ ᠪᠡᠨ ᠭᠠᠵᠠᠷ ᠲᠸ᠋ ᠤᠨᠠᠭᠠᠬᠤ ᠶ᠋ᠢ ᠬᠢᠴᠢᠶᠡᠬᠦ ᠪᠥᠭᠡᠳ ᠬᠠᠶᠠᠭᠰᠠᠨ ᠨᠢ ᠬᠠᠶᠠᠭᠳᠠᠭᠰᠠᠨ ᠢ᠋ᠶ᠋ᠠᠨ ᠳᠡᠮᠵᠢᠵᠦ ᠪᠤᠰᠬᠠᠨᠠ᠃ ᠬᠣᠣᠰ ᠪᠥᠬᠡᠨ ᠦ᠌ ᠳᠡᠷᠭᠡᠳᠡ ᠬᠣᠶᠠᠷ ᠵᠠᠰᠠᠭᠤᠯ ᠲᠣᠭᠣᠷᠢᠨ ᠭᠦᠶᠦᠵᠦ ᠦᠭᠡ ᠬᠠᠰᠬᠢᠷᠤᠨ ᠨᠥᠬᠥᠳ ᠢ᠋ᠶ᠋ᠡᠨ ᠵᠣᠷᠢᠭ ᠣᠷᠣᠭᠤᠯᠤᠨᠠ ᠃ ᠨᠢᠭᠡ ᠨᠢ ᠤᠨᠠᠵᠤ ᠪᠡᠶᠡ ᠨᠢ ᠭᠠᠵᠠᠷ ᠲᠤ᠌ ᠰᠢᠷᠣᠢᠳᠠᠭᠰᠠᠨ ᠪᠣᠯ ᠲᠡᠮᠡᠴᠡᠭᠡᠨ ᠡᠴᠡ ᠬᠠᠰᠤᠭᠳᠠᠵᠤ ᠵᠠᠰᠠᠭᠤᠯ ᠤ᠋ᠨ ᠬᠠᠮᠲᠤ ᠤᠢᠳᠬᠠᠷᠯᠠᠭᠰᠠᠨ ᠪᠠᠢᠳᠠᠯ ᠲᠠᠢ ᠪᠠᠷ ᠲᠠᠯᠠᠪᠤᠷ ᠠ᠋ᠴᠠ ᠭᠠᠷᠤᠨᠠ᠃ ᠳᠡᠢᠯᠦᠭᠰᠡᠨ ᠨᠢ ᠮᠥᠨ ᠥᠨᠥᠬᠢ ᠦᠰᠦᠷᠦᠯᠲᠡ ᠪᠡᠷ ᠢ᠋ᠶ᠋ᠡᠨ ᠶᠠᠪᠤᠵᠤ ᠬᠦᠨᠳᠦᠲᠦ ᠰᠢᠯᠭᠠᠭᠴᠢᠳ ᠤ᠋ᠨ ᠰᠠᠭᠤᠬᠤ ᠭᠠᠵᠠᠷ ᠳᠠᠰᠢ ᠣᠴᠢᠨᠠ᠃ ᠲᠡᠨᠳᠡ ᠰᠢᠭᠤᠳᠠᠢ ᠲᠠᠢ ᠪᠣᠭᠣᠷᠰᠣᠭ ᠪᠤᠶᠤ ᠠᠮᠲᠠᠲᠤ ᠢᠳᠡᠭᠡ ᠪᠠᠢᠨᠠ᠃ ᠳᠠᠪᠠᠭᠰᠠᠨ ᠪᠥᠬᠡ ᠠᠳᠬᠤ ᠳᠦᠭᠦᠷᠡᠩ ᠠᠪᠴᠤ᠂ ᠤᠷᠤᠭᠤᠯ ᠳ᠋ᠠᠭᠠᠨ ᠠᠪᠠᠴᠢᠵᠤ ᠶᠠᠭ ᠬᠠᠵᠠᠬᠤ ᠰᠢᠭ᠋ ᠪᠣᠯᠤᠭᠠᠳ ᠲᠡᠭᠦᠨ ᠢ᠋ ᠪᠡᠨ ᠪᠣᠯᠢᠭᠠᠳ ᠢᠯᠠᠯᠲᠠ ᠶ᠋ᠢ ᠥᠭᠭᠦᠭᠰᠡᠨ ᠲᠩᠷᠢ ᠳ᠋ᠦ᠍ ᠡᠷᠭᠦᠨ ᠰᠠᠴᠤᠬᠤ ᠪᠤᠶᠤ ᠵᠠᠷᠢᠮ ᠨᠢ ᠨᠥᠬᠥᠳ ᠦ᠋ᠨ ᠢ᠋ᠶ᠋ᠡᠨ ᠳᠤᠮᠳᠠ ᠰᠠᠴᠤᠨᠠ᠃ ᠪᠥᠬᠡᠴᠦᠳ ᠬᠡᠰᠡᠭ ᠬᠡᠰᠡᠭ ᠢ᠋ᠶ᠋ᠡᠷ ᠳᠠᠷᠠᠭᠠᠯᠠᠨ ᠭᠠᠷᠴᠤ ᠬᠠᠶᠠᠯᠴᠠᠨᠠ᠃ ᠳᠡᠢᠯᠦᠭᠳᠡᠭᠰᠡᠨ ᠨᠢ ᠵᠠᠢᠯᠠᠵᠤ ᠳᠡᠢᠯᠦᠭᠰᠡᠨ ᠨᠢ ᠬᠣᠴᠣᠷᠴᠤ ᠬᠣᠭᠣᠷᠣᠨᠳᠣ ᠪᠠᠨ ᠪᠠᠷᠢᠯᠳᠤᠨᠠ᠃ ᠰᠢᠯᠭᠠᠷᠠᠵᠤ ᠲᠡᠷᠢᠭᠦᠯᠡᠭᠰᠡᠨ ᠨᠢ ᠥᠨᠳᠥᠷ ᠪᠥᠭᠡᠳ ᠬᠦᠴᠦᠷᠬᠡᠭ᠂ ᠠᠶᠤᠮᠰᠢᠭᠲᠠᠢ ᠬᠠᠷᠠᠭᠳᠠᠭᠴᠢ᠂
ᠮᠣᠩᠭᠣᠯ ᠨᠡᠷᠡ ᠨᠢ ᠲᠣᠭᠣᠷᠢᠭᠤᠯ ᠭᠡᠭᠴᠢ᠃ ᠤᠴᠠᠷᠠᠭᠠ ᠨᠤᠭᠤᠳ ᠢ᠋ᠶ᠋ᠠᠨ ᠬᠠᠶᠠᠭᠰᠠᠨ ᠲᠤᠯᠠ ᠰᠡᠭᠦᠯᠴᠢ ᠶ᠋ᠢᠨ ᠤᠴᠠᠷᠠᠭᠠ ᠪᠠᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠡᠨ ᠡᠷᠭᠦᠵᠦ ᠵᠡᠷᠯᠢᠭ ᠰᠢᠨᠵᠢᠲᠡᠢ ᠪᠡᠶᠡᠰᠴᠦ ᠭᠠᠵᠠᠷ ᠲᠤ᠌ ᠴᠢᠯᠠᠭᠤᠳᠠᠭᠰᠠᠨ ᠪᠢᠯᠡ᠃ ᠤᠨᠠᠭᠰᠠᠨ ᠨᠢ ᠬᠥᠳᠡᠯᠦᠯ ᠦᠭᠡᠢ ᠬᠡᠪᠲᠡᠵᠦ ᠤᠬᠢᠯᠠᠬᠤ ᠪᠥᠭᠡᠳ ᠡᠨᠡ ᠬᠥᠮᠦᠨ ᠤᠷᠢᠳᠤ ᠣᠯᠠᠨ ᠤᠳᠠᠭᠠ ᠳᠠᠪᠠᠵᠤ ᠲᠡᠷᠢᠭᠦᠯᠡᠭᠰᠡᠨ ᠪᠥᠬᠡ ᠲᠤᠯᠠ ᠲᠡᠭᠡᠵᠦ ᠤᠬᠢᠯᠠᠵᠠᠢ᠃ ᠲᠣᠭᠣᠷᠢᠭᠤᠯ ᠲᠡᠭᠦᠨ ᠳ᠋ᠦ᠍ ᠣᠢᠷᠠᠲᠤᠨ ᠣᠴᠢᠭᠠᠳ ᠬᠥᠯ ᠢ᠋ᠶ᠋ᠡᠨ ᠳᠠᠢᠯᠠᠨ ᠵᠣᠭᠰᠣᠵᠤ᠂
— ᠴᠢ ᠶᠠᠭᠤᠨ ᠳ᠋ᠤ᠌ ᠤᠢᠳᠬᠠᠷᠯᠠᠪᠠ? ᠭᠡᠵᠦ ᠠᠰᠠᠭᠤᠵᠠᠢ᠃
— ᠬᠡᠷᠪᠡ ᠪᠢ ᠦᠬᠦᠭᠰᠡᠨ ᠪᠣᠯ ᠭᠣᠮᠣᠳᠠᠯ ᠦᠭᠡᠢ ᠶᠤᠮᠰᠠᠨ᠃ ᠠᠮᠢᠳᠤ ᠪᠠᠢᠭᠠ ᠶᠤᠮ ᠪᠣᠯᠬᠣᠷ ᠪᠠᠶᠠᠰᠬᠤᠯᠠᠩ ᠪᠠᠭᠠ ᠪᠠᠢᠨᠠ ᠭᠡᠬᠦ ᠳ᠋ᠦ᠍ᠨᠢ ᠲᠣᠭᠣᠷᠢᠭᠤᠯ ᠲᠡᠭᠦᠨ ᠢ᠋ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠡᠷᠭᠦᠨ ᠪᠣᠰᠬᠠᠵᠤ᠂
— ᠮᠣᠩᠭᠣᠯ ᠤ᠋ᠨ ᠶᠡᠬᠡ ᠲᠥᠷᠥ ᠶ᠋ᠢ ᠮᠠᠨᠳᠤᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ ᠰᠢᠳᠤᠷᠭᠤ ᠡᠭᠦᠷᠭᠡ ᠶ᠋ᠢ ᠭᠦᠢᠴᠡᠳᠬᠡᠵᠦ ᠪᠠᠢᠨᠠ ᠭᠡᠵᠦ ᠥᠭᠦᠯᠡᠭᠡᠳ ᠬᠣᠶᠠᠭᠤᠯᠠ ᠬᠢᠲᠤᠭᠠ ᠪᠠᠨ ᠰᠤᠭᠤᠯᠵᠤ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠭᠠᠳ ᠬᠠᠴᠠᠷ ᠢ᠋ᠶ᠋ᠠᠨ ᠦᠨᠦᠰᠦᠯᠴᠡᠨ ᠲᠡᠪᠡᠷᠢᠯᠳᠦᠵᠦ ᠨᠠᠭᠠᠳᠤᠮ ᠤ᠋ᠨ ᠲᠠᠯᠠᠪᠤᠷ ᠠ᠋ᠴᠠ ᠠᠬᠠ ᠳᠡᠭᠦᠦ ᠰᠢᠭ ᠨᠠᠢᠷᠠᠯᠳᠤᠵᠤ
ᠰᠠᠯᠵᠠᠢ᠃ ᠡᠳᠡᠨᠡᠷ ᠦ᠋ᠨ ᠬᠣᠢᠨᠠ ᠠ᠋ᠴᠠ ᠮᠣᠷᠢ ᠲᠠᠢ ᠴᠡᠷᠢᠭ ᠦ᠋ᠳ ᠢᠷᠡᠵᠦ ᠥᠭᠦᠯᠡᠬᠦ ᠨᠢ᠄
— ᠠᠪᠤᠷᠠᠯᠲᠤ ᠪᠠᠲᠤ ᠬᠠᠭᠠᠨ ᠪᠢᠳᠡ ᠨᠠᠷ ᠢ᠋ ᠢᠯᠡᠭᠡᠵᠦ ᠲᠠᠨᠠᠷ ᠤ᠋ᠨ ᠡᠷᠡᠯᠬᠡᠭ ᠢ᠋ ᠮᠠᠭᠲᠠᠭᠠᠳ ᠬᠣᠶᠠᠭᠤᠯᠠ ᠶ᠋ᠢ ᠴᠢᠨᠢ ᠥᠪᠡᠷ ᠦ᠋ᠨ ᠪᠡᠶᠡ ᠬᠠᠮᠠᠭᠠᠯᠠᠭᠴᠢ ᠮᠣᠩᠭᠣᠯ ᠲᠣᠷᠭᠤᠳ ᠲᠤ᠌ ᠪᠠᠭᠲᠠᠭᠠᠨ ᠠᠪᠤᠨᠠ ᠭᠡᠵᠦ ᠵᠠᠷᠯᠠᠭᠲᠤᠨ ᠭᠡᠪᠡ ᠭᠡᠵᠡᠢ᠃
ᠪᠥᠬᠡ ᠪᠠᠷᠢᠯᠳᠤᠭᠰᠠᠨ( ᠤ᠋) ᠳᠠᠷᠠᠭᠠ ᠮᠣᠷᠢ ᠤᠷᠤᠯᠳᠤᠵᠤ᠂ ᠰᠤᠷ ᠬᠠᠷᠪᠤᠪᠠ᠃ ᠭᠡᠪᠡᠴᠦ ᠳᠠᠷᠤᠢ ᠲᠠᠷᠬᠠᠬᠤ ᠪᠣᠯᠵᠠᠢ᠃ ᠬᠦᠴᠦᠲᠦ ᠰᠠᠯᠬᠢᠨ ᠪᠣᠯᠵᠤ ᠰᠢᠭᠤᠷᠭᠠ ᠤᠯᠠᠮ ᠡᠬᠢᠯᠡᠵᠡᠢ( ᠶᠡᠬᠡᠰᠴᠡᠢ)᠃ ᠶᠡᠬᠡ ᠮᠥᠷᠡᠨ( ᠤ᠋ )ᠳᠠᠪᠠᠯᠭᠠᠨ ᠱᠤᠤᠭᠢᠵᠤ ᠡᠷᠭᠢ ᠤᠷᠤᠭᠤ ᠪᠠᠨ ᠬᠠᠯᠢᠭᠠᠳ ᠶᠠᠭᠤ ᠲᠣᠬᠢᠶᠠᠯᠳᠤᠭᠰᠠᠨ ᠢ᠋ᠶ᠋ᠠᠨ ᠰᠦᠢᠳᠬᠡᠵᠦ ᠡᠬᠢᠯᠡᠪᠡ᠃ ᠵᠠᠪᠢᠴᠢ ᠨᠤᠭᠤᠳ ᠭᠣᠣᠯ ᠢ᠋ ᠳᠠᠬᠢᠨ ᠭᠠᠲᠤᠯᠬᠤ ᠶ᠋ᠢ ᠵᠢᠷᠦᠬᠡᠯᠡᠬᠦ ᠦᠭᠡᠢ ᠪᠠᠢᠯᠠ᠃ ᠪᠠᠶᠠᠷ ᠨᠠᠭᠠᠳᠤᠮ ᠳ᠋ᠤ᠌ ᠢᠷᠡᠭᠰᠡᠨ ᠬᠥᠮᠦᠰ ᠮᠣᠷᠢᠳ ᠢ᠋ᠶ᠋ᠠᠨ ᠤᠨᠤᠵᠤ ᠥᠪᠡᠷᠰᠡᠳ ᠦ᠋ᠨ ᠯᠠᠭ᠌ᠸᠷ ᠲᠤ᠌ ᠣᠴᠢᠬᠤ ᠪᠠᠷ ᠳᠠᠪᠬᠢᠯᠳᠤᠪᠠ᠃
— ᠡᠨᠳᠡᠬᠢ ᠪᠥᠬᠡ ᠨᠠᠷ ᠢᠩᠭᠢᠵᠦ ᠰᠢᠭᠤᠷᠭᠠ ᠪᠠᠷ ᠬᠠᠷᠢᠶᠠᠯ ᠬᠢᠯᠡ ᠭᠡᠵᠦ ᠮᠣᠩᠭᠣᠯᠴᠤᠳ ᠦᠭᠦᠯᠡᠯᠳᠦᠨᠡ᠃
— ᠡᠨᠡ ᠰᠥᠨᠢ ᠪᠠᠰᠠ ᠶᠠᠭᠤ ᠪᠣᠯᠬᠤ ᠪᠣᠯ ᠳ᠋ᠠ᠂ ᠴᠢᠨᠠᠭᠰᠢᠳᠠ ᠣᠷᠣᠰ ᠨᠤᠲᠤᠭ ᠲᠤ᠌ ᠪᠢᠳᠡ ᠨᠠᠷ ᠶᠠᠭᠤ ᠦᠵᠡᠬᠦ ᠪᠣᠯ ᠳ᠋ᠠ? ᠭᠡᠵᠦ ᠶᠠᠷᠢᠯᠴᠠᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ᠂ ᠪᠠᠶᠠᠨᠴᠡᠴᠡᠭ ᠂ ᠠᠷᠢᠭᠤᠨ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠪᠠᠶᠠᠨᠴᠡᠴᠡᠭ᠂ ᠠᠷᠢᠭᠤᠨ᠂ ᠠᠯᠲᠠᠨᠴᠢᠮᠡᠭ