ᠦᠭᠡ ᠶ᠋ᠢᠨ ᠵᠦᠢ03ᠮᠣᠩᠭᠣᠯ ᠬᠡᠯᠡᠨ ᠦ᠌ ᠨᠡᠷᠡ ᠦᠭᠡ ᠬᠤᠪᠢᠯᠭᠠᠬᠤ ᠶᠣᠰᠣ-03(ᠭᠤᠷᠪᠠ) ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ ᠪᠠᠷ ᠬᠤᠪᠢᠯᠭᠠᠬᠤ
215(ᠭᠤᠷᠪᠠ) ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ ᠪᠠᠷ ᠬᠤᠪᠢᠯᠭᠠᠬᠤ
ᠬᠥᠮᠦᠨ ᠶᠠᠭᠤᠮᠠ ᠶ᠋ᠢᠨ ᠬᠠᠮᠢᠶᠠᠳᠠᠬᠤ ᠡᠵᠡᠨ ᠪᠡᠶᠡ ᠶ᠋ᠢ ᠵᠢᠭᠠᠬᠤ ᠶ᠋ᠢᠨ ᠵᠡᠷᠭᠡᠴᠡᠭᠡ ᠪᠡᠷ ᠲᠡᠳᠡᠭᠡᠷ ᠢ᠋ ᠨᠡᠢᠲᠡ ᠣᠯᠠᠨ ᠠ᠋ᠴᠠ ᠨᠢ ᠢᠯᠭᠠᠨ ᠦᠵᠡᠭᠦᠯᠬᠦ ᠭᠡᠰᠡᠨ ᠬᠡᠯᠡᠨ ᠵᠦᠢ ᠶ᠋ᠢᠨ ᠶᠣᠰᠣ ᠶ᠋ᠢ ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ ᠭᠡᠨᠡ᠃ ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ ᠨᠢ ᠨᠡᠷᠡ ᠦᠭᠡ ᠶ᠋ᠢᠨ ᠵᠦᠢᠯ ᠳ᠋ᠦ᠍ ᠬᠣᠯᠪᠣᠭᠳᠠᠬᠤ ᠪᠥᠭᠡᠳ ᠮᠥᠨ ᠨᠡᠷᠡ ᠦᠭᠡ ᠶ᠋ᠢᠨ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠭᠳᠡᠭᠰᠡᠨ ᠲᠡᠮᠳᠡᠭ ᠦᠭᠡ᠂ ᠲᠣᠭᠠᠨ ᠤ᠋ ᠦᠭᠡ᠂ ᠲᠥᠯᠥᠭᠡᠨ ᠦ᠌ ᠦᠭᠡ᠂ ᠲᠡᠮᠳᠡᠭ ᠦᠢᠯᠡ ᠦᠭᠡ᠂ ᠵᠢᠴᠢ ᠨᠥᠬᠥᠴᠡᠯ ᠦᠢᠯᠡ ᠦᠭᠡ᠂ ᠶ᠋ᠢᠨ ᠵᠠᠷᠢᠮ ᠬᠡᠯᠪᠡᠷᠢ ᠳ᠋ᠦ᠍ ᠪᠠᠰᠠ ᠬᠣᠯᠪᠣᠭᠳᠠᠬᠤ ᠶᠤᠮ᠃ ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ ᠶ᠋ᠢ ᠵᠣᠬᠢᠬᠤ ᠨᠡᠷᠡ ᠶ᠋ᠢᠨ ᠵᠦᠢᠯ ᠳ᠋ᠦ᠍《ᠪᠡᠨ᠂ ᠢ᠋ᠶ᠋ᠡᠨ》 ᠮᠡᠲᠦ ᠲᠤᠰᠬᠠᠢ ᠳᠠᠭᠠᠪᠤᠷᠢ ᠵᠠᠯᠭᠠᠵᠤ ᠦᠭᠡ ᠶ᠋ᠢᠨ ᠵᠦᠢ ᠶ᠋ᠢᠨ ᠠᠷᠭᠠ ᠪᠠᠷ ᠢᠯᠡᠷᠡᠭᠦᠯᠬᠦ ᠪᠠ ᠮᠥᠨ ᠵᠣᠬᠢᠬᠤ ᠦᠭᠡ ᠶ᠋ᠢᠨ ᠳᠠᠷᠠᠭᠠ《ᠮᠢᠨᠢ᠂ ᠴᠢᠨᠢ᠂ ᠨᠢ》 ᠮᠡᠲᠦ ᠶ᠋ᠢᠨ ᠲᠤᠰᠠᠯᠠᠬᠤ ᠦᠭᠡ ᠳᠠᠭᠠᠭᠤᠯᠵᠤ ᠥᠭᠦᠯᠡᠪᠦᠷᠢ ᠶ᠋ᠢᠨ ᠵᠦᠢ ᠶ᠋ᠢᠨ ᠠᠷᠭᠠ ᠪᠠᠷ ᠢᠯᠡᠷᠡᠭᠦᠯᠦᠨᠡ᠃ ᠭᠡᠬᠦ ᠳ᠋ᠡᠭᠡᠨ ᠶᠡᠷᠦᠩᠬᠡᠢᠯᠡᠨ ᠬᠠᠮᠢᠶᠠᠳᠠᠭᠤᠯᠬᠤ᠂ ᠭᠤᠷᠪᠠᠨ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠭᠡᠵᠦ ᠠᠩᠭᠢᠯᠠᠵᠤ ᠪᠣᠢ᠃
1 ᠶᠡᠷᠦᠩᠬᠡᠢᠯᠡᠨ ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ
ᠶᠠᠮᠠᠷ ᠨᠢᠭᠡᠨ ᠬᠥᠮᠦᠨ ᠶᠠᠭᠤᠮᠠ ᠳ᠋ᠤ᠌ ᠲᠤᠰᠬᠠᠢᠯᠠᠨ ᠬᠠᠮᠢᠶᠠᠳᠠᠭᠤᠯᠬᠤ ᠦᠭᠡᠢ᠂ ᠨᠡᠢᠲᠡ ᠳ᠋ᠦ᠍ᠨᠢ ᠬᠠᠮᠢᠶᠠᠲᠠᠢ ᠪᠣᠯᠭᠠᠬᠤ ᠶᠣᠰᠣ ᠶ᠋ᠢ ᠶᠡᠷᠦᠩᠬᠡᠢᠯᠡᠨ ᠬᠠᠮᠢᠶᠠᠳᠠᠭᠤᠯᠬᠤ ᠭᠡᠨᠡ᠃ ᠶᠡᠷᠦᠩᠬᠡᠢᠯᠡᠨ ᠬᠠᠮᠢᠶᠠᠳᠠᠭᠤᠯᠬᠤ ᠳ᠋ᠤ᠌《ᠪᠠᠨ᠂ ᠢ᠋ᠶ᠋ᠠᠨ》 ᠭᠡᠰᠡᠨ ᠳᠠᠭᠠᠪᠤᠷᠢ ᠪᠠᠷ ᠢᠯᠡᠷᠡᠭᠦᠯᠦᠨᠡ᠃
ᠪᠡᠨ— ᠡᠬᠡᠰᠢᠭ ᠢ᠋ᠶ᠋ᠡᠷ ᠲᠡᠭᠦᠰᠦᠭᠰᠡᠨ ᠦᠭᠡᠨ ᠦ᠌ ᠳᠠᠷᠠᠭᠠ ᠬᠡᠷᠡᠭᠯᠡᠨᠡ᠃
ᠢ᠋ᠶ᠋ᠠᠨ— ᠭᠡᠢᠭᠦᠯᠦᠭᠴᠢ ᠪᠡᠷ ᠲᠡᠭᠦᠰᠦᠭᠰᠡᠨ ᠦᠭᠡᠨ ᠦ ᠳᠠᠷᠠᠭᠠ ᠬᠡᠷᠡᠭᠯᠡᠨᠡ᠃
ᠡᠭᠦᠨ ᠳ᠋ᠦ᠍᠂ ᠶᠠᠮᠠᠷ ᠴᠤ᠌ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢᠲᠦ ᠦᠭᠡ ᠶ᠋ᠢᠨ ᠳᠠᠷᠠᠭᠠ ᠪᠦᠷ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠪᠥᠭᠡᠳ ᠵᠢᠭᠠᠬᠤ ᠶ᠋ᠢᠨ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢᠲᠦ ᠦᠭᠡ ᠶ᠋ᠢᠨ ᠳᠠᠷᠠᠭᠠ ᠬᠡᠷᠡᠭᠯᠡᠬᠦ ᠳ᠋ᠡᠭᠡᠨ ᠤᠤᠯ ᠦᠭᠡ ᠨᠢ ᠬᠥᠮᠦᠨ ᠡᠴᠡ ᠪᠤᠰᠤᠳ ᠵᠦᠢᠯ ᠢ᠋ ᠵᠢᠭᠠᠭᠰᠠᠨ ᠪᠠᠢᠪᠠᠯ ᠵᠢᠭᠠᠬᠤ ᠶ᠋ᠢᠨ ᠲᠡᠢᠨ ᠢᠯᠭᠠᠯ ᠤ᠋ᠨ ᠳᠠᠭᠠᠪᠤᠷᠢ ᠨᠢ ᠬᠠᠰᠤᠭᠳᠠᠬᠤ ᠪᠠ ᠬᠥᠮᠦᠨ ᠦ᠌ ᠵᠦᠢᠯ ᠢ᠋ ᠵᠢᠭᠠᠭᠰᠠᠨ ᠪᠣᠯ ᠵᠢᠭᠠᠬᠤ ᠶ᠋ᠢᠨ ᠲᠡᠢᠨ ᠢᠯᠭᠠᠯ ᠤ᠋ᠨ ᠳᠠᠭᠠᠪᠤᠷᠢ ᠨᠢ ᠭᠡᠭᠡᠭᠳᠡᠬᠦ᠂ ᠭᠡᠭᠡᠭᠳᠡᠬᠦ ᠦᠭᠡᠢ ᠬᠣᠶᠠᠷ ᠵᠦᠢᠯ ᠪᠣᠢ᠃
ᠵᠢᠱ᠌ᠢᠶᠡᠯᠡᠪᠡᠯ᠄
<1> ᠳᠡᠪᠲᠡᠷ ᠢ᠋ᠶ᠋ᠡᠨ᠂ ᠰᠢᠷᠭᠤᠤᠯ ᠢ᠋ᠶ᠋ᠠᠨ᠂ ᠬᠤᠳᠳᠤᠭ ᠢ᠋ᠶ᠋ᠠᠨ᠂ ᠨᠣᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ᠂ ᠪᠢᠷ ᠦ᠋ᠨ ᠢ᠋ᠶ᠋ᠡᠨ᠂ ᠪᠠᠭᠰᠢ ᠲᠠᠢ ᠪᠠᠨ᠂ ᠠᠬᠠ ᠪᠠᠨ᠂ ᠠᠬᠠ ᠶ᠋ᠢ ᠪᠡᠨ᠂ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ᠂ ᠰᠤᠷᠭᠠᠭᠤᠯᠢ ᠪᠠᠨ᠂ ᠬᠤᠪᠴᠠᠰᠤ ᠪᠠᠨ᠂ ᠨᠣᠮ ᠢ᠋ᠶ᠋ᠠᠨ᠂ ᠪᠠᠲᠤ ᠪᠠᠨ᠂ ᠪᠠᠲᠤ ᠶ᠋ᠢ ᠪᠡᠨ;
<2> ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠠᠷᠠᠳ ᠲᠦᠮᠡᠨ ᠳ᠋ᠦ᠍ ᠦᠢᠯᠡᠴᠢᠯᠡᠬᠦ ᠬᠡᠷᠡᠭᠲᠡᠢ᠃᠁
<3> ᠨᠠᠨᠳᠢᠨ ᠠᠮᠢ ᠪᠠᠨ ᠴᠥᠯᠡᠨ ᠦᠷᠡᠭᠳᠡᠭᠦᠯᠬᠦ ᠠᠤᠭᠠ ᠵᠣᠷᠢᠭ ᠦᠯᠡᠮᠵᠢ᠂ ᠨᠠᠷᠠᠨ ᠰᠠᠷᠠᠨ ᠢ᠋ ᠵᠢᠭᠠᠨ ᠵᠠᠬᠢᠷᠴᠤ ᠰᠢᠨᠡ ᠣᠷᠴᠢᠯᠠᠩ ᠪᠣᠯᠭᠠᠮᠤᠢ᠃
ᠵᠢᠭᠠᠬᠤ ᠶ᠋ᠢᠨ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢᠲᠦ ᠦᠭᠡ ᠶ᠋ᠢᠨ ᠳᠠᠷᠠᠭᠠ《ᠪᠠᠨ᠂ ᠢ᠋ᠶ᠋ᠠᠨ》 ᠢ᠋ ᠬᠠᠪᠰᠤᠷᠭᠠᠪᠠᠯ《ᠶ᠋ᠢ᠂ ᠊ᠢ》 ᠶ᠋ᠢ《ᠶᠣ᠋》 ᠪᠠᠷ ᠣᠷᠣᠯᠠᠭᠤᠯᠵᠤ᠂《ᠪᠠᠨ᠂ ᠢ᠋ᠶ᠋ᠠᠨ》 ᠊ᠢ ᠨᠢ《᠊᠊ᠭᠠᠨ᠂ ᠊᠊ᠬᠡᠨ》 ᠢ᠋ᠶ᠋ᠡᠷ ᠰᠣᠯᠢᠵᠤ᠂ ᠥᠭᠬᠦ ᠣᠷᠣᠰᠢᠬᠤ᠂ ᠭᠠᠷᠬᠤ ᠶ᠋ᠢᠨ
ᠲᠡᠢᠨ ᠢᠯᠭᠠᠯ ᠤ᠋ᠨ ᠳᠠᠷᠠᠭᠠ ᠬᠡᠷᠡᠭᠯᠡᠪᠡᠯ《ᠪᠡᠨ᠂ ᠶ᠋ᠢᠡᠨ》 ᠊ᠢ《᠊ ᠊ᠭᠠᠨ᠂ ᠊᠊ᠬᠡᠨ》 ᠢ᠋ᠶ᠋ᠡᠷ ᠰᠣᠯᠢᠵᠤ ᠪᠣᠯᠤᠨᠠ᠃
ᠵᠢᠭᠠᠬᠤ+《ᠪᠠᠨ᠂ ᠢ᠋ᠶ᠋ᠠᠨ》— ᠶᠤᠭᠠᠨ᠂ ᠶᠤᠭᠠᠨ᠂,
ᠥᠭᠬᠦ ᠣᠷᠣᠰᠢᠬᠤ+《ᠪᠠᠨ᠂ ᠢ᠋ᠶ᠋ᠠᠨ》— ᠳ᠋ᠠᠭᠠᠨ ᠳ᠋ᠡᠭᠡᠨ᠂ ᠲᠠᠭᠠᠨ ᠲᠡᠭᠡᠨ᠃
ᠭᠠᠷᠬᠤ+《ᠪᠠᠨ᠂ ᠢ᠋ᠶ᠋ᠠᠨ》— ᠡᠴᠠᠭᠠᠨ᠂ ᠡᠴᠡᠭᠡᠨ ᠭᠡᠬᠦ ᠮᠡᠲᠦ ᠪᠡᠷ ᠰᠣᠯᠢᠭᠳᠠᠵᠤ ᠪᠣᠯᠤᠨᠠ᠃
2 ᠭᠤᠷᠪᠠᠨ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ
ᠪᠡᠶᠡ ᠶ᠋ᠢᠨ ᠲᠥᠯᠥᠭᠡᠨ ᠦ᠌ ᠦᠭᠡ ᠶ᠋ᠢᠨ ᠬᠠᠷᠢᠶᠠᠯᠠᠬᠤ ᠶ᠋ᠢᠨ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢ ᠶ᠋ᠢ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠡᠷ ᠥᠭᠦᠯᠡᠪᠦᠷᠢ ᠶ᠋ᠢᠨ ᠵᠦᠢ ᠶ᠋ᠢᠨ ᠠᠷᠭᠠ ᠪᠠᠷ ᠬᠠᠮᠢᠶᠠᠳᠠᠬᠤ ᠶᠣᠰᠣ ᠶ᠋ᠢ ᠢᠯᠡᠷᠡᠭᠦᠯᠬᠦ ᠳ᠋ᠦ᠍ ᠤᠤᠯ ᠪᠡᠶᠡ ᠶ᠋ᠢᠨ ᠲᠥᠯᠥᠭᠡᠨ ᠦ᠌ ᠦᠭᠡ ᠶ᠋ᠢᠨ ᠤᠳᠬᠠ ᠪᠠᠷ ᠭᠤᠷᠪᠠᠨ ᠪᠡᠶᠡ ᠶ᠋ᠢᠨ ᠠᠯᠢᠨ ᠪᠣᠯᠬᠤ ᠨᠢ ᠲᠣᠪ ᠲᠣᠳᠣᠷᠬᠠᠢ ᠪᠠᠢᠳᠠᠭ ᠲᠤᠯᠠ ᠡᠭᠦᠨ ᠢ᠋ ᠭᠤᠷᠪᠠᠨ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠶᠣᠰᠣ ᠭᠡᠨᠡ᠃ ᠭᠤᠷᠪᠠᠨ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠳ᠋ᠠᠭᠠᠨ ᠮᠢᠨᠦ— ᠮᠢᠨᠢ᠂᠂ᠴᠢᠨᠦ— ᠴᠢᠨᠢ᠂ ᠠᠨᠤ᠂ ᠢᠨᠦ— ᠨᠢ ᠭᠡᠬᠦ ᠮᠡᠲᠦ ᠪᠡᠷ ᠲᠤᠰᠠᠯᠠᠬᠤ ᠦᠭᠡ ᠶ᠋ᠢ ᠬᠡᠷᠡᠭᠯᠡᠵᠦ ᠢᠯᠡᠷᠡᠭᠦᠯᠦᠨᠡ᠃
ᠮᠢᠨᠢ— ᠨᠢᠭᠡᠳᠦᠭᠡᠷ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠴᠢᠨᠢ— ᠬᠣᠶᠠᠳᠤᠭᠠᠷ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠨᠢ— ᠭᠤᠷᠪᠠᠳᠤᠭᠠᠷ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠭᠤᠷᠪᠠᠨ ᠪᠡᠶᠡ ᠳ᠋ᠦ᠍ ᠬᠠᠮᠢᠶᠠᠳᠠᠭᠤᠯᠬᠤ《ᠮᠢᠨᠢ᠂ ᠴᠢᠨᠢ᠂ ᠨᠢ》 ᠶ᠋ᠢ ᠶᠠᠮᠠᠷ ᠴᠤ᠌ ᠦᠰᠦᠭ ᠢ᠋ᠶ᠋ᠡᠷ ᠲᠡᠭᠦᠰᠦᠭᠰᠡᠨ ᠦᠭᠡ ᠶ᠋ᠢᠨ ᠳᠠᠷᠠᠭᠠ ᠪᠦᠷ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠪᠥᠭᠡᠳ ᠶᠠᠮᠠᠷ ᠴᠤ᠌ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢᠲᠦ ᠦᠭᠡ ᠶ᠋ᠢᠨ ᠳᠠᠷᠠᠭᠠ ᠬᠡᠷᠡᠭᠯᠡᠵᠦ ᠪᠠᠢᠬᠤ ᠪᠠ ᠲᠡᠢᠨ ᠢᠯᠭᠠᠯ ᠤ᠋ᠨ ᠳᠠᠭᠠᠪᠤᠷᠢ ᠶ᠋ᠢ ᠨᠢ ᠭᠡᠭᠡᠬᠦ ᠦᠭᠡᠢ᠃
ᠵᠢᠱ᠌ᠢᠶᠡᠯᠡᠪᠡᠯ᠄<1> ᠨᠠᠮ ᠮᠢᠨᠢ᠂ ᠤᠯᠤᠰ ᠮᠢᠨᠢ᠂ ᠨᠣᠮ ᠤ᠋ᠨ ᠮᠢᠨᠢ᠂ ᠨᠣᠮ ᠠ᠋ᠴᠠ ᠴᠢᠨᠢ᠂ ᠲᠤᠭ ᠨᠢ᠂ ᠲᠤᠭ ᠢ᠋ᠶ᠋ᠠᠷ ᠨᠢ;
<2> ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠨ ᠪᠠᠢᠬᠤ ᠳ᠋ᠤ᠌
ᠤᠶᠠᠩᠭᠠᠲᠤ ᠠᠶᠠᠰ ᠮᠢᠨᠢ ᠲᠠᠯᠠ ᠨᠤᠲᠤᠭ ᠥᠭᠡᠳᠡ᠃
ᠤᠷᠠᠨ ᠨᠠᠢᠷᠠᠭ ᠢ᠋ ᠪᠢᠴᠢᠨ ᠰᠠᠭᠤᠬᠤ ᠳ᠋ᠤ᠌
ᠤᠯᠠᠭᠠᠨ ᠵᠢᠷᠦᠬᠡ ᠮᠢᠨᠢ ᠡᠬᠡ ᠣᠷᠣᠨ ᠥᠭᠡᠳᠡ᠃
(ᠪᠡ᠊· ᠪᠦᠷᠢᠨᠪᠡᠬᠢ ᠶ᠋ᠢᠨ《ᠠᠮᠢᠯᠠᠯ ᠤ᠋ᠨ ᠪᠡᠯᠭᠡᠲᠦ ᠴᠡᠴᠡᠭ》 ᠡᠴᠡ)