ᠦᠭᠡ ᠶ᠋ᠢᠨ ᠵᠦᠢ02-08(ᠨᠠᠢ᠍ᠮᠠ) ᠰᠤᠯᠠ ᠦᠭᠡ ᠪᠠ ᠰᠤᠯᠠ ᠦᠭᠡ ᠶ᠋ᠢᠨ ᠵᠦᠢᠯ
160(ᠨᠠᠢ᠍ᠮᠠ) ᠰᠤᠯᠠ ᠦᠭᠡ ᠪᠠ ᠰᠤᠯᠠ ᠦᠭᠡ ᠶ᠋ᠢᠨ ᠵᠦᠢᠯ
ᠶᠠᠭᠤᠮᠠ ᠪᠤᠶᠤ ᠦᠵᠡᠭᠳᠡᠯ᠂ ᠰᠢᠨᠵᠢ ᠪᠠᠢᠳᠠᠯ ᠢ᠋ ᠲᠤᠰᠬᠠᠢᠯᠠᠨ ᠵᠢᠭᠠᠭᠰᠠᠨ ᠤᠳᠬᠠ ᠦᠭᠡᠢ᠂ ᠭᠣᠣᠯ ᠲᠥᠯᠥᠪ ᠥᠭᠦᠯᠡᠪᠦᠷᠢ ᠪᠠ ᠥᠭᠦᠯᠡᠪᠦᠷᠢ ᠶ᠋ᠢᠨ ᠶᠠᠮᠠᠷ ᠨᠢᠭᠡᠨ ᠭᠡᠰᠢᠭᠦᠨ ᠳ᠋ᠦ᠍ ᠨᠡᠮᠡᠯᠲᠡ ᠤᠳᠬᠠ ᠣᠷᠣᠭᠤᠯᠳᠠᠭ ᠦᠭᠡᠰ ᠢ᠋ ᠰᠤᠯᠠ ᠦᠭᠡ ᠭᠡᠨᠡ᠃ ᠰᠤᠯᠠ ᠦᠭᠡᠰ ᠨᠢ ᠨᠡᠷᠡ᠂ ᠦᠢᠯᠡ ᠦᠭᠡ ᠰᠢᠭ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠤᠪᠢᠯᠤᠯ ᠢ᠋ᠶ᠋ᠠᠷ ᠣᠭᠲᠣ ᠬᠤᠪᠢᠯᠬᠤ ᠦᠭᠡᠢ᠃ ᠪᠡᠶᠡ ᠪᠡᠨ ᠳᠠᠭᠠᠭᠠᠵᠤ ᠥᠭᠦᠯᠡᠪᠦᠷᠢ ᠶ᠋ᠢᠨ ᠭᠡᠰᠢᠭᠦᠨ ᠪᠣᠯᠬᠤ ᠦᠭᠡᠢ᠃
ᠰᠤᠯᠠ ᠦᠭᠡ ᠶ᠋ᠢ ᠤᠳᠬᠠ ᠶ᠋ᠢᠨ ᠲᠠᠯᠠ ᠪᠠᠷ ᠨᠢ ᠠᠰᠠᠭᠤᠬᠤ ᠰᠤᠯᠠ ᠦᠭᠡ᠂ ᠬᠣᠷᠢᠭᠯᠠᠬᠤ ᠰᠤᠯᠠ ᠦᠭᠡ᠂ ᠬᠦᠴᠦᠨ ᠨᠡᠮᠡᠭᠳᠡᠭᠦᠯᠬᠦ ᠰᠤᠯᠠ ᠦᠭᠡ᠂ ᠪᠠᠲᠤᠯᠠᠬᠤ ᠰᠤᠯᠠ ᠦᠭᠡ᠂ ᠦᠭᠡᠢᠰᠬᠡᠬᠦ ᠰᠤᠯᠠ ᠦᠭᠡ᠂ ᠡᠷᠡᠭᠡᠯᠵᠡᠬᠦ ᠰᠤᠯᠠ ᠦᠭᠡ᠂ ᠳᠠᠭᠢᠬᠤ ᠰᠤᠯᠠ ᠦᠭᠡ᠂ ᠵᠥᠪᠰᠢᠶᠡᠷᠡᠬᠦ ᠰᠤᠯᠠ ᠦᠭᠡ᠂ ᠲᠤᠰᠢᠶᠠᠬᠤ ᠰᠤᠯᠠ ᠦᠭᠡ᠂ ᠳᠠᠭᠤᠳᠠᠬᠤ ᠰᠤᠯᠠ ᠦᠭᠡ ᠭᠡᠵᠦ ᠬᠡᠳᠦᠨ ᠵᠦᠢᠯ ᠢ᠋ᠶ᠋ᠡᠷ ᠠᠩᠭᠢᠯᠠᠵᠤ ᠪᠣᠯᠤᠨᠠ᠃
1 ᠠᠰᠠᠭᠤᠬᠤ ᠰᠤᠯᠠ ᠦᠭᠡ᠄
ᠤᠤ᠂ ᠪᠣᠢ᠂ ᠭᠡᠬᠦ ᠮᠡᠲᠦ᠃
ᠠᠰᠠᠭᠤᠬᠤ ᠰᠤᠯᠠ ᠦᠭᠡ《ᠤᠤ᠂ ᠪᠣᠢ》 ᠶ᠋ᠢ ᠠᠰᠠᠭᠤᠬᠤ ᠥᠭᠦᠯᠡᠪᠦᠷᠢ ᠶ᠋ᠢᠨ ᠨᠡᠷᠡ᠂ ᠦᠢᠯᠡ ᠥᠭᠦᠯᠡᠬᠦᠨ ᠦ᠌ ᠳᠠᠷᠠᠭᠠ ᠬᠡᠷᠡᠭᠯᠡᠨᠡ᠃
2 ᠬᠣᠷᠢᠭᠯᠠᠬᠤ ᠰᠤᠯᠠ ᠦᠭᠡ᠄
ᠪᠤᠤ᠂ ᠪᠢᠲᠡᠭᠡᠢ ᠭᠡᠬᠦ ᠮᠡᠲᠦ᠃
ᠬᠣᠷᠢᠭᠯᠠᠬᠤ ᠰᠤᠯᠠ ᠦᠭᠡ《ᠪᠦᠦ᠂ ᠪᠢᠲᠡᠭᠡᠢ》 ᠶ᠋ᠢ ᠵᠠᠬᠢᠷᠬᠤ ᠬᠦᠰᠡᠬᠦ ᠬᠡᠯᠪᠡᠷᠢ ᠶ᠋ᠢᠨ ᠡᠮᠦᠨᠡ ᠬᠡᠷᠡᠭᠯᠡᠨᠡ᠃
3 ᠬᠦᠴᠦᠨ ᠨᠡᠮᠡᠭᠳᠡᠭᠦᠯᠬᠦ ᠰᠤᠯᠠ ᠦᠭᠡ᠄
ᠴᠦ᠍᠂ ᠯᠡ ᠭᠡᠬᠦ ᠮᠡᠲᠦ᠄
ᠬᠦᠴᠦᠨ ᠨᠡᠮᠡᠭᠳᠡᠭᠦᠯᠬᠦ ᠰᠤᠯᠠ ᠦᠭᠡ《ᠴᠦ᠍᠂ ᠯᠡ》 ᠶ᠋ᠢ ᠥᠭᠦᠯᠡᠬᠦᠨ ᠡᠴᠡ ᠪᠤᠰᠤ ᠨᠡᠷᠡ ᠦᠭᠡ ᠪᠡᠷ ᠢᠯᠡᠷᠡᠭᠰᠡᠨ ᠭᠡᠰᠢᠭᠦᠨ ᠳ᠋ᠦ᠍ ᠳᠠᠭᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠪᠤᠶᠤ ᠡᠰᠡᠪᠡᠯ ᠭᠡᠰᠢᠭᠦᠨ ᠥᠭᠦᠯᠡᠪᠦᠷᠢ ᠶ᠋ᠢᠨ ᠥᠭᠦᠯᠡᠬᠦᠨ ᠦ᠌ ᠳᠠᠷᠠᠭᠠ ᠬᠡᠷᠡᠭᠯᠡᠨᠡ᠃
4 ᠪᠠᠲᠤᠯᠠᠬᠤ ᠰᠤᠯᠠ ᠦᠭᠡ᠄
ᠰᠢᠦ᠂ ᠳᠡ᠂ ᠮᠥᠨ᠂ ᠶᠤᠮ᠂ ᠪᠢᠯᠡ ᠭᠡᠬᠦ ᠮᠡᠲᠦ᠃
ᠪᠠᠲᠤᠯᠠᠬᠤ ᠰᠤᠯᠠ ᠦᠭᠡ 《ᠰᠢᠦ᠂ ᠳᠡ᠂ ᠮᠥᠨ᠂ ᠶᠤᠮ᠂ ᠪᠢᠯᠡ》 ᠶ᠋ᠢ ᠨᠡᠷᠡ᠂ ᠦᠢᠯᠡ ᠶᠠᠮᠠᠷ ᠴᠤ᠌ ᠥᠭᠦᠯᠡᠬᠦᠨ ᠦ᠌ ᠳᠠᠷᠠᠭᠠ ᠪᠦᠷ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃
5 ᠦᠭᠡᠢᠰᠬᠡᠬᠦ ᠰᠤᠯᠠ ᠦᠭᠡᠢ᠄
ᠦᠯᠦ᠂ ᠡᠰᠡ᠂ ᠦᠭᠡᠢ᠂ ᠪᠢᠰᠢ ᠭᠡᠬᠦ ᠮᠡᠲᠦ᠃
ᠦᠭᠡᠢᠰᠬᠡᠬᠦ ᠰᠤᠯᠠ ᠦᠭᠡ《ᠦᠯᠦ᠂ ᠡᠰᠡ᠂ ᠦᠭᠡᠢ᠂ ᠪᠢᠰᠢ》 ᠶ᠋ᠢ ᠴᠠᠭ ᠢ᠋ ᠵᠢᠭᠠᠬᠤ ᠬᠡᠯᠪᠡᠷᠢ ᠪᠣᠯᠤᠨ ᠪᠣᠯᠭᠣᠮᠵᠢᠯᠠᠬᠤ ᠬᠡᠯᠪᠡᠷᠢ ᠶ᠋ᠢᠨ ᠦᠢᠯᠡ ᠦᠭᠡ ᠪᠠ ᠲᠡᠮᠳᠡᠭ ᠦᠢᠯᠡ ᠦᠭᠡ ᠶ᠋ᠢᠨ ᠡᠮᠦᠨᠡ ᠬᠣᠢᠨᠠ ᠬᠡᠷᠡᠭᠯᠡᠨᠡ᠃
6 ᠡᠷᠡᠭᠡᠯᠵᠡᠬᠦ ᠰᠤᠯᠠ ᠦᠭᠡ᠄
ᠪᠢᠵᠡ(ᠪᠣᠢ ᠊ᠶᠠ) ᠭᠡᠬᠦ ᠮᠡᠲᠦ᠃
ᠡᠷᠡᠭᠡᠯᠵᠡᠬᠦ ᠰᠤᠯᠠ ᠦᠭᠡ《ᠪᠢᠵᠡ(ᠪᠣᠢ ᠊ᠶᠠ)》 ᠶ᠋ᠢ ᠨᠡᠷᠡ ᠦᠭᠡ᠂ ᠲᠡᠮᠳᠡᠭ ᠦᠢᠯᠡ ᠦᠭᠡ᠂ ᠦᠢᠯᠡ ᠦᠭᠡ ᠶ᠋ᠢᠨ ᠦᠷᠭᠦᠯᠵᠢᠯᠡᠨ ᠲᠡᠭᠦᠰᠦᠭᠡᠳᠦᠢ ᠴᠠᠭ ᠢ᠋ ᠵᠢᠭᠠᠬᠤ ᠬᠡᠯᠪᠡᠷᠢ ᠪᠡᠷ ᠢᠯᠡᠷᠡᠭᠰᠡᠨ ᠥᠭᠦᠯᠡᠬᠦᠨ ᠦ᠌ ᠳᠠᠷᠠᠭᠠ ᠬᠡᠷᠡᠭᠯᠡᠨᠡ᠃
7 ᠳᠠᠭᠢᠬᠤ ᠰᠤᠯᠠ ᠦᠭᠡ᠄
ᠪᠠᠰᠠ ᠭᠡᠬᠦ ᠮᠡᠲᠦ᠃
ᠳᠠᠭᠢᠬᠤ ᠰᠤᠯᠠ ᠦᠭᠡ《ᠪᠠᠰᠠ》 ᠶ᠋ᠢ ᠨᠡᠷᠡ᠂ ᠦᠢᠯᠡ ᠥᠭᠦᠯᠡᠬᠦᠨ ᠦ᠌ ᠡᠮᠦᠨᠡ ᠬᠡᠷᠡᠭᠯᠡᠨᠡ᠃
8 ᠵᠥᠪᠰᠢᠶᠡᠷᠡᠬᠦ ᠰᠤᠯᠠ ᠦᠭᠡ᠄
ᠵᠠ ᠭᠡᠬᠦ ᠮᠡᠲᠦ᠃
ᠵᠥᠪᠰᠢᠶᠡᠷᠡᠬᠦ ᠰᠤᠯᠠ ᠦᠭᠡ《ᠵᠠ》 ᠶ᠋ᠢ ᠥᠭᠦᠯᠡᠪᠦᠷᠢ ᠶ᠋ᠢᠨ ᠠᠯᠢ ᠨᠢᠭᠡᠨ ᠭᠡᠰᠢᠭᠦᠨ ᠳ᠋ᠦ᠍ ᠬᠣᠯᠪᠣᠬᠤ ᠦᠭᠡᠢ᠂ ᠥᠭᠦᠯᠡᠪᠦᠷᠢ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠪᠤᠶᠤ ᠳ᠋ᠠᠩ ᠢ᠋ᠶ᠋ᠠᠷ ᠨᠢ ᠬᠡᠷᠡᠭᠯᠡᠨᠡ᠃
9 ᠲᠤᠰᠢᠶᠠᠬᠤ ᠰᠤᠯᠠ ᠦᠭᠡ᠄
ᠮᠠ ᠭᠡᠬᠦ ᠮᠡᠲᠦ᠃
ᠲᠤᠰᠢᠶᠠᠬᠤ ᠰᠤᠯᠠ ᠦᠭᠡ《 ᠮᠠ》 ᠶ᠋ᠢ ᠥᠭᠦᠯᠡᠪᠦᠷᠢ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠪᠤᠶᠤ ᠳ᠋ᠠᠩ ᠢ᠋ᠶ᠋ᠠᠷ ᠨᠢ ᠬᠡᠷᠡᠭᠯᠡᠨᠡ᠃
10 ᠳᠠᠭᠤᠳᠠᠬᠤ ᠰᠤᠯᠠ ᠦᠭᠡ
ᠠ᠋ ᠭᠡᠬᠦ ᠮᠡᠲᠦ᠃
ᠳᠠᠭᠤᠳᠠᠬᠤ ᠰᠤᠯᠠ ᠦᠭᠡ《ᠠ᠋》 ᠶ᠋ᠢ ᠥᠭᠦᠯᠡᠪᠦᠷᠢ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠬᠡᠷᠡᠭᠯᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠢ᠂ ᠰᠠᠷᠠᠨᠠ᠂ ᠬᠡᠯᠡᠰᠣᠶᠣᠯ(ᠪᠤᠤ ᠵᠢᠨ ᠬᠤᠸᠠ)᠂ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠪᠣᠷᠵᠢᠭᠢᠨ ᠡᠷᠴᠢᠨ᠂ ᠨᠠᠷᠠᠨ᠂ ᠣᠳᠬᠠᠨᠰᠤᠠ