ᠦᠭᠡ ᠶ᠋ᠢᠨ ᠵᠦᠢ02-07(ᠳᠣᠯᠣᠭᠠ) ᠳᠠᠭᠠᠪᠤᠷᠢ ᠦᠭᠡ ᠪᠠ ᠳᠠᠭᠠᠪᠤᠷᠢ ᠦᠭᠡ ᠶ᠋ᠢᠨ ᠵᠦᠢᠯ
319(ᠳᠣᠯᠣᠭᠠ) ᠳᠠᠭᠠᠪᠤᠷᠢ ᠦᠭᠡ ᠪᠠ ᠳᠠᠭᠠᠪᠤᠷᠢ ᠦᠭᠡ ᠶ᠋ᠢᠨ ᠵᠦᠢᠯ
ᠳᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠦᠭᠡᠰ ᠦ᠋ᠨ ᠰᠠᠩ ᠤ᠋ᠨ ᠪᠣᠳᠠᠲᠤ ᠤᠳᠬᠠ ᠦᠭᠡᠢ᠂ ᠵᠥᠪᠬᠡᠨ ᠡᠮᠦᠨᠡᠬᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠦᠭᠡ ᠪᠡᠨ ᠳᠠᠭᠠᠮᠠᠨᠵᠢᠨ ᠰᠠᠶᠢ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡᠯᠡᠨ ᠵᠦᠢ ᠶ᠋ᠢᠨ ᠨᠡᠮᠡᠯᠲᠡ ᠤᠳᠬᠠ ᠶ᠋ᠢ ᠢᠯᠡᠳᠬᠡᠬᠦ ᠦᠭᠡᠰ ᠢ᠋ ᠳᠠᠭᠠᠪᠤᠷᠢ ᠦᠭᠡ ᠭᠡᠨᠡ᠃ ᠳᠠᠭᠠᠪᠤᠷᠢ ᠦᠭᠡ ᠶ᠋ᠢᠨ ᠵᠦᠢᠯ ᠨᠢ ᠣᠷᠣᠨ᠂ ᠴᠠᠭ᠂ ᠨᠥᠬᠥᠴᠡᠯ ᠰᠢᠯᠲᠠᠭᠠᠨ᠂ ᠵᠣᠷᠢᠯᠭᠠ ᠵᠡᠷᠭᠡ ᠶ᠋ᠢ ᠵᠢᠭᠠᠭᠰᠠᠨ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠤᠳᠬᠠ ᠲᠠᠢ ᠪᠣᠯᠪᠠᠴᠤ ᠳᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠥᠭᠦᠯᠡᠪᠦᠷᠢ ᠶ᠋ᠢᠨ ᠭᠡᠰᠢᠭᠦᠨ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠡᠮᠦᠨᠡᠬᠢ ᠦᠭᠡ ᠲᠡᠢ ᠪᠡᠨ ᠬᠠᠮᠲᠤ ᠨᠢᠭᠡᠨ ᠠᠰᠠᠭᠤᠯᠲᠠ ᠳ᠋ᠤ᠌ ᠨᠣᠭᠳᠠᠨᠠ᠃
ᠳᠠᠭᠠᠪᠤᠷᠢ ᠦᠭᠡ ᠶ᠋ᠢ ᠤᠳᠬᠠ ᠪᠠᠷ ᠨᠢ ᠳᠣᠣᠷᠠᠬᠢ ᠮᠡᠲᠦ ᠬᠡᠳᠦᠨ ᠵᠦᠢᠯ ᠢ᠋ᠶ᠋ᠡᠷ ᠠᠩᠭᠢᠯᠠᠨ ᠦᠵᠡᠵᠦ ᠪᠣᠯᠤᠨᠠ᠃
1 ᠣᠷᠣᠨ ᠤ᠋ ᠳᠠᠭᠠᠪᠤᠷᠢ ᠦᠭᠡ᠄
ᠳᠡᠭᠡᠷᠡ᠂ ᠳᠣᠣᠷᠠ᠂ ᠳᠣᠲᠣᠷᠠ᠂ ᠭᠠᠳᠠᠨᠠ᠂ ᠭᠠᠳᠠᠭᠠ᠂ ᠨᠠᠭᠠᠨᠠ᠂ ᠴᠠᠭᠠᠨᠠ᠂ ᠨᠡᠰᠢ᠂ ᠴᠠᠰᠢ᠂ ᠬᠣᠢᠨᠠ᠂ ᠡᠮᠦᠨᠡ᠂ᠤᠷᠲᠤ᠂ ᠵᠠᠪᠰᠠᠷ᠂ ᠬᠣᠭᠣᠷᠣᠨᠳᠣ᠂ ᠳᠡᠷᠭᠡᠳᠡ᠂ ᠳᠡᠭᠡᠭᠦᠷ᠂ ᠳᠡᠭᠡᠭᠰᠢ᠂ ᠳᠣᠭᠤᠤᠷ᠂ ᠳᠣᠷᠣᠭᠰᠢ᠂ ᠬᠣᠢᠭᠤᠷ᠂ ᠬᠣᠢᠰᠢ᠂ ᠬᠣᠭᠣᠷᠣᠨᠳᠣᠭᠤᠷ᠂ ᠳᠡᠷᠭᠡᠳᠡᠭᠦᠷ᠂ ᠭᠠᠳᠠᠭᠰᠢ᠂ ᠭᠠᠳᠠᠭᠤᠷ᠂ ᠨᠠᠭᠠᠭᠤᠷ᠂ ᠴᠠᠭᠠᠭᠤᠷ᠂ ᠤᠷᠳᠤᠭᠤᠷ᠂ ᠡᠮᠦᠨᠡᠭᠦᠷ᠂ ᠳᠣᠲᠣᠭᠤᠷ᠂ ᠢᠨᠠᠭᠰᠢ᠂ ᠴᠢᠨᠠᠭᠰᠢ᠂ ᠢᠨᠠᠳᠤ᠂ ᠴᠢᠨᠠᠳᠤ᠂ ᠤᠷᠤᠭᠤ᠂ ᠥᠭᠡᠳᠡ᠂ ᠡᠰᠡᠷᠭᠦ᠂ ᠳᠤᠮᠳᠠ᠂ ᠳᠤᠮᠳᠠᠭᠤᠷ᠂ ᠲᠣᠭᠣᠷᠢᠨ᠂ ᠳᠠᠭᠠᠤ᠂ ᠪᠡᠶᠡ᠂ ᠵᠠᠬᠠ᠂ ᠲᠠᠯᠠ ᠭᠡᠬᠦ ᠮᠡᠲᠦ᠃
2 ᠴᠠᠭ ᠢ᠋ ᠵᠢᠭᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠬᠣᠢᠨᠠ᠂ ᠡᠮᠦᠨᠡ᠂ ᠤᠷᠢᠳ᠂ ᠤᠷᠢᠳᠤ᠂ ᠨᠠᠭᠠᠨᠠ᠂ ᠴᠠᠭᠠᠨᠠ᠂ ᠳᠡᠭᠡᠭᠰᠢ᠂ ᠳᠣᠷᠣᠭᠰᠢ᠂ ᠬᠣᠢᠰᠢ᠂ ᠣᠷᠣᠭᠰᠢ᠂ ᠵᠠᠪᠰᠠᠷ᠂ ᠬᠣᠭᠣᠷᠣᠨᠳᠣ᠂ ᠳᠠᠷᠠᠭᠠ᠂ ᠬᠣᠵᠢᠮ᠂ ᠢᠨᠠᠷᠤ᠂ ᠳᠣᠲᠣᠷᠠ᠂ ᠳᠤᠮᠳᠠ᠂ ᠳᠤᠮᠳᠠᠭᠤᠷ᠂ ᠬᠦᠷᠲᠡᠯᠡ᠂ ᠪᠣᠯᠲᠠᠯᠠ᠂ ᠣᠷᠴᠢᠨ᠂ ᠣᠷᠴᠢᠮ᠂ ᠳᠠᠭᠤᠰᠤᠨ᠂ ᠲᠤᠷᠰᠢ᠂ ᠵᠠᠭᠤᠷᠠ ᠭᠡᠬᠦ ᠮᠡᠲᠦ᠃
3 ᠵᠣᠷᠢᠯᠭᠠ ᠶ᠋ᠢ ᠵᠢᠭᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠲᠥᠯᠥᠭᠡ᠂ ᠤᠴᠢᠷ᠂ ᠲᠤᠯᠠ ᠭᠡᠬᠦ ᠮᠡᠲᠦ᠃
4 ᠰᠢᠯᠲᠠᠭᠠᠨ ᠢ᠋ ᠵᠢᠭᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠤᠴᠢᠷ᠂ ᠲᠤᠯᠠ᠂ ᠲᠤᠯᠠᠳᠠ᠂ ᠪᠣᠯᠬᠣᠷ᠂ ᠤᠯᠠᠮ᠂ ᠬᠠᠷᠠᠭᠠ ᠭᠡᠬᠦ ᠮᠡᠲᠦ᠃
5 ᠬᠠᠮᠲᠤᠷᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠬᠠᠮᠲᠤ᠂ ᠰᠡᠯᠲᠡ ᠭᠡᠬᠦ ᠮᠡᠲᠦ
6 ᠠᠳᠠᠯᠢᠳᠬᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠰᠢᠬ᠂ ᠰᠢᠭ᠌᠂ ᠴᠢᠨᠡᠭᠡ᠂ ᠮᠡᠲᠦ᠂ ᠠᠳᠠᠯᠢ᠂ ᠬᠢᠷᠢ ᠭᠡᠬᠦ ᠮᠡᠲᠦ᠃
7 ᠪᠠᠷᠤᠭᠯᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠭᠠᠷᠤᠢ᠂ ᠰᠢᠬᠠᠮ᠂ ᠣᠷᠴᠢᠮ᠂ ᠪᠠᠷᠤᠭ ᠭᠡᠬᠦ ᠮᠡᠲᠦ᠃
8 ᠬᠢᠵᠠᠭᠠᠷᠯᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠬᠦᠷᠲᠡᠯᠡ᠂ ᠲᠤᠯᠲᠠᠯᠠ᠂ ᠪᠣᠯᠲᠠᠯᠠ ᠭᠡᠬᠦ ᠮᠡᠲᠦ᠃
9 ᠬᠠᠮᠢᠶᠠᠳᠠᠭᠤᠯᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠲᠤᠬᠠᠢ ᠭᠡᠬᠦ ᠮᠡᠲᠦ᠃
10 ᠳᠠᠭᠤᠷᠢᠶᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠶᠣᠰᠣᠭᠠᠷ ᠭᠡᠬᠦ ᠮᠡᠲᠦ᠃
11 ᠬᠤᠷᠢᠶᠠᠬᠤ ᠳᠠᠭᠠᠪᠤᠷᠢ ᠦᠭᠡ᠄
ᠪᠣᠯᠭᠠᠨ᠂ ᠪᠦᠷ᠂ ᠵᠡᠷᠭᠡ᠂ ᠭᠡᠬᠦ ᠮᠡᠲᠦ᠂ ᠳᠣᠳᠣᠮ ᠭᠡᠬᠦ ᠮᠡᠲᠦ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠯᠡᠰᠣᠶᠣᠯ( ᠪᠤᠤ ᠵᠢᠨ ᠬᠤᠸᠠ)
ᠬᠢᠨᠠᠭᠴᠢ᠄ ᠨᠠᠷᠠᠨ᠂ ᠪᠣᠷᠵᠢᠭᠢᠨ ᠡᠷᠴᠢᠨ᠂ ᠣᠳᠬᠠᠨᠰᠣᠠ