ᠦᠭᠡ ᠶ᠋ᠢᠨ ᠵᠦᠢ02-06(ᠵᠢᠷᠭᠤᠭᠠ) ᠳᠠᠢᠪᠤᠷᠢ ᠦᠭᠡ ᠪᠠ ᠳᠠᠢᠪᠤᠷᠢ ᠦᠭᠡ ᠶ᠋ᠢᠨ ᠵᠦᠢᠯ
155(ᠵᠢᠷᠭᠤᠭᠠ) ᠳᠠᠢᠪᠤᠷᠢ ᠦᠭᠡ ᠪᠠ ᠳᠠᠢᠪᠤᠷᠢ ᠦᠭᠡ ᠶ᠋ᠢᠨ ᠵᠦᠢᠯ
ᠦᠢᠯᠡ ᠬᠥᠳᠡᠯᠭᠡᠭᠡᠨ ᠦ᠌ ᠶᠠᠪᠤᠭᠳᠠᠭᠰᠠᠨ ᠪᠤᠶᠤ ᠶᠠᠪᠤᠭᠳᠠᠬᠤ ᠣᠷᠣᠨ᠂ ᠴᠠᠭ᠂ ᠪᠠᠢᠳᠠᠯ ᠤ᠋ᠨ ᠬᠢᠷᠢ ᠬᠡᠮᠵᠢᠶᠡ ᠶ᠋ᠢ ᠵᠢᠭᠠᠭᠰᠠᠨ ᠦᠭᠡᠰ ᠢ᠋ ᠳᠠᠢᠪᠤᠷᠢ ᠦᠭᠡ ᠭᠡᠨᠡ᠃ ᠳᠠᠢᠪᠤᠷᠢ ᠦᠭᠡᠰ ᠨᠢ ᠬᠠᠮᠢᠭᠠ? ᠬᠠᠮᠢᠭᠠᠭᠤᠷ? ᠬᠠᠮᠢᠭᠠᠰᠢ? ᠬᠠᠮᠢᠭᠠ ᠠ᠋ᠴᠠ? ᠬᠡᠵᠢᠶᠡ? ᠬᠡᠵᠢᠶᠡᠨ ᠡᠴᠡ? ᠶᠠᠭᠠᠬᠢᠵᠤ? ᠠᠯᠢ ᠬᠢᠷᠢ? ᠭᠡᠬᠦ ᠮᠡᠲᠦ ᠶ᠋ᠢᠨ ᠠᠰᠠᠭᠤᠯᠲᠠ ᠳ᠋ᠤ᠌ ᠨᠣᠭᠳᠠᠨᠠ᠃
ᠳᠠᠢᠪᠤᠷᠢ ᠦᠭᠡᠰ ᠨᠢ ᠦᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠰᠢᠨᠵᠢ ᠪᠡᠷ ᠲᠡᠢᠨ ᠢᠯᠭᠠᠯ ᠤ᠋ᠨ ᠳᠠᠭᠠᠪᠤᠷᠢ᠂ ᠣᠯᠠᠨ ᠲᠣᠭᠠᠨ ᠤ᠋ ᠳᠠᠭᠠᠪᠤᠷᠢ ᠪᠠᠷ ᠦᠯᠦ ᠬᠤᠪᠢᠯᠬᠤ ᠪᠤᠶᠤ ᠵᠠᠷᠢᠮᠳᠠᠭ ᠬᠤᠪᠢᠯᠬᠤ ᠦᠭᠡᠰ ᠮᠥᠨ᠃
ᠳᠠᠢᠪᠤᠷᠢ ᠦᠭᠡᠰ ᠨᠢ ᠥᠭᠦᠯᠡᠪᠦᠷᠢ ᠶ᠋ᠢᠨ ᠳᠣᠲᠣᠷᠠ ᠪᠠᠢᠴᠠ ᠭᠡᠰᠢᠭᠦᠨ ᠦ᠌ ᠡᠭᠦᠷᠭᠡ ᠶ᠋ᠢ ᠭᠣᠣᠯᠯᠠᠨ ᠭᠦᠢᠴᠡᠳᠬᠡᠨᠡ᠃
ᠳᠠᠢᠪᠤᠷᠢ ᠦᠭᠡᠰ ᠢ᠋ ᠤᠳᠬᠠ ᠶ᠋ᠢᠨ ᠲᠠᠯᠠ ᠪᠠᠷ ᠦᠵᠡᠪᠡᠯ ᠣᠷᠣᠨ ᠭᠠᠵᠠᠷ ᠢ᠋ ᠵᠢᠭᠠᠭᠰᠠᠨ ᠳᠠᠢᠪᠤᠷᠢ ᠦᠭᠡ᠂ ᠴᠠᠭ ᠬᠤᠭᠤᠴᠠᠭᠠ ᠶ᠋ᠢ ᠵᠢᠭᠠᠭᠰᠠᠨ ᠳᠠᠢᠪᠤᠷᠢ ᠦᠭᠡ᠂ ᠪᠠᠢᠳᠠᠯ ᠲᠥᠯᠥᠪ ᠢ᠋ ᠵᠢᠭᠠᠭᠰᠠᠨ ᠳᠠᠢᠪᠤᠷᠢ ᠦᠭᠡ᠂ ᠬᠢᠷᠢ ᠬᠡᠮᠵᠢᠶᠡ ᠶ᠋ᠢ ᠵᠢᠭᠠᠭᠰᠠᠨ ᠳᠠᠢᠪᠤᠷᠢ ᠦᠭᠡ ᠭᠡᠵᠦ ᠬᠡᠳᠦᠨ ᠵᠦᠢᠯ ᠢ᠋ᠶ᠋ᠡᠷ ᠠᠩᠭᠢᠯᠠᠨ ᠦᠵᠡᠵᠦ ᠪᠣᠯᠤᠨᠠ᠃
1 ᠣᠷᠣᠨ ᠤ᠋ ᠳᠠᠢᠪᠤᠷᠢ ᠦᠭᠡ ᠨᠦ᠍ᠭᠦᠳ ᠨᠢ᠄
ᠡᠨᠳᠡ᠂ ᠲᠡᠨᠳᠡ᠂ ᠳᠡᠭᠡᠷᠡ᠂ ᠳᠣᠣᠷᠠ᠂ ᠭᠠᠳᠠᠨᠠ᠂ ᠳᠣᠲᠣᠨᠠ᠂ ᠳᠣᠲᠣᠷᠠ᠂ ᠭᠠᠳᠠᠭᠠᠳᠤ᠂ ᠳᠣᠲᠣᠭᠠᠳᠤ᠂ ᠳᠡᠭᠡᠳᠦ᠂ ᠳᠣᠣᠷᠠᠲᠤ᠂ ᠳᠡᠷᠭᠡᠳᠡ᠂ ᠨᠠᠭᠠᠨᠠ᠂ ᠴᠠᠭᠠᠨᠠ᠂ ᠣᠷᠣᠭᠰᠢ᠂ ᠬᠣᠢᠰᠢ᠂ ᠳᠡᠭᠡᠭᠰᠢ᠂ ᠳᠣᠷᠣᠭᠰᠢ᠂ ᠭᠠᠳᠠᠭᠰᠢ᠂ ᠳᠣᠲᠣᠭᠰᠢ᠂ ᠡᠰᠢ᠂ ᠲᠡᠰᠢ᠂ ᠢᠨᠠᠭᠰᠢ(ᠨᠠᠰᠢ)᠂ ᠴᠢᠨᠠᠭᠰᠢ᠂ (ᠴᠠᠰᠢ)᠂ ᠵᠡᠭᠦᠨᠰᠢ᠂ ᠪᠠᠷᠠᠭᠤᠨᠰᠢ᠂ ᠳᠡᠭᠡᠭᠦᠷ᠂ ᠳᠣᠭᠤᠤᠷ᠂ ᠬᠣᠢᠭᠤᠷ᠂ ᠤᠷᠳᠤᠭᠤᠷ᠂ ᠡᠮᠦᠨᠡᠭᠦᠷ᠂ ᠭᠠᠳᠠᠭᠤᠷ᠂ ᠳᠣᠲᠣᠭᠤᠷ᠂ ᠨᠠᠭᠠᠭᠤᠷ᠂ ᠴᠠᠭᠠᠭᠤᠷ᠂ ᠵᠡᠭᠦᠨᠲᠡᠢ᠂ ᠪᠠᠷᠠᠭᠤᠨᠲᠠᠢ᠂ ᠤᠷᠢᠲᠠᠢ᠂ ᠬᠣᠢᠲᠠᠢ᠂ ᠳᠡᠭᠡᠲᠡᠢ᠂ ᠳᠣᠣᠲᠠᠢ ᠭᠡᠬᠦ ᠮᠡᠲᠦ᠃
2 ᠴᠠᠭ ᠤ᠋ᠨ ᠳᠠᠢᠪᠤᠷᠢ ᠦᠭᠡ ᠨᠦ᠍ᠭᠦᠳ ᠨᠢ᠄
ᠦᠷᠭᠦᠯᠵᠢ᠂ ᠦᠷᠭᠦᠯᠵᠢᠳᠡ᠂ ᠢᠮᠠᠭᠲᠠ᠂ ᠴᠠᠭ ᠢᠮᠠᠭᠲᠠ᠂ ᠬᠡᠵᠢᠶᠡ ᠢᠮᠠᠭᠲᠠ᠂ ᠴᠠᠭ ᠦᠷᠭᠦᠯᠵᠢ᠂ ᠬᠡᠵᠢᠶᠡᠳᠡ᠂ ᠡᠭᠦᠷᠢᠳᠡ᠂ᠥᠨᠢ᠂ ᠥᠨᠢᠳᠡ᠂ ᠬᠣᠵᠢᠮ᠂ ᠥᠨᠢ ᠡᠭᠦᠷᠢᠳᠡ᠂ ᠡᠭᠡᠨᠡᠭᠲᠡ᠂ ᠳᠠᠷᠤᠢ᠂ ᠮᠥᠳᠳᠥ᠂ ᠳᠣᠣᠷᠠ ᠪᠠᠨ᠂ ᠮᠠᠷᠭᠠᠰᠢ᠂ᠬᠠᠶᠠ᠂ ᠬᠠᠶᠠ ᠬᠠᠶᠠ᠂ ᠪᠠᠢᠨ ᠪᠠᠢᠨ᠂ ᠬᠠᠨᠠ ᠴᠠᠨᠠ᠂ ᠳᠠᠬᠢᠨ ᠳᠠᠬᠢᠨ᠂ ᠠᠬᠢᠨ ᠳᠠᠬᠢᠨ᠂ ᠢᠳᠡᠭ ᠢᠳᠡᠭ᠂ᠭᠡᠨᠡᠳᠲᠡ᠂ ᠰᠠᠶᠢ᠂ ᠰᠠᠶᠢᠬᠠᠨ᠂ ᠲᠦᠷ᠂ ᠲᠦᠷ ᠴᠠᠭ᠂ ᠲᠦᠷ ᠵᠠᠭᠤᠷᠠ᠂ ᠭᠱᠠᠨ ᠵᠠᠭᠤᠷᠠ᠂ ᠬᠣᠷᠣᠮᠬᠠᠨ ᠵᠠᠭᠤᠷᠠ᠂ᠬᠣᠵᠢᠮ ᠬᠣᠢᠰᠢᠳᠠ᠂ ᠰᠡᠭᠦᠯ ᠳ᠋ᠦ᠍᠂ ᠤᠷᠢᠳᠤ᠂ ᠣᠷᠣᠢ᠂ ᠤᠷᠢᠳᠠ᠂ ᠤᠷᠢᠳ᠂ ᠳᠠᠷᠠᠭᠠ᠂ ᠴᠢᠨᠠᠭᠰᠢᠳᠠ᠂ ᠥᠨᠥᠳᠥᠷ᠂ᠥᠴᠥᠭᠡᠳᠦᠷ᠂ ᠦᠳᠡᠰᠢ᠂ ᠥᠷᠯᠥᠭᠡ᠂ ᠨᠢᠭᠡᠨᠲᠡ᠂ ᠶᠡᠷᠦ᠂ ᠶᠡᠷᠦᠳᠡᠭᠡᠨ ᠭᠡᠬᠦ ᠮᠡᠲᠦ᠃
3 ᠪᠠᠢᠳᠠᠯ ᠤ᠋ᠨ ᠳᠠᠢᠪᠤᠷᠢ ᠦᠭᠡ ᠨᠦ᠍ᠭᠦᠳ ᠨᠢ᠄
ᠬᠠᠭᠠ᠂ ᠬᠤᠭᠤ᠂ ᠪᠠᠯᠪᠠ᠂ ᠳᠡᠯᠪᠡ᠂ ᠮᠤᠯᠲᠤ᠂ ᠮᠤᠯᠭᠤ᠂ ᠰᠤᠭᠤ᠂ ᠬᠡᠮᠬᠡ᠂ ᠪᠢᠴᠠ᠂ ᠨᠢᠴᠠ᠂ ᠪᠤᠲᠠ᠂ ᠵᠠᠳᠠ᠂ᠨᠡᠪᠲᠡ᠂ ᠰᠢᠪᠲᠤ᠂ ᠬᠠᠯᠳᠠ᠂ ᠬᠡᠭᠵᠡ᠂ ᠲᠠᠰᠤ᠂ ᠴᠣᠭᠣ᠂ ᠴᠥᠮᠥ᠂ ᠠᠷᠠᠢ ᠴᠢᠷᠠᠢ᠂ ᠬᠠᠯᠲᠤ ᠮᠤᠯᠲᠤ᠂ ᠰᠠᠨᠳᠤ ᠮᠡᠨᠳᠦ᠂ ᠲᠠᠲᠠᠭ ᠶᠠᠳᠠᠭ᠂ ᠪᠥᠭ ᠪᠥᠭ᠂ ᠰᠢᠪ ᠰᠢᠪ᠂ ᠱᠣᠪᠣᠩ᠂ ᠬᠣᠲᠣᠩ᠂ ᠭᠡᠳᠡᠩ᠂ ᠭᠣᠳᠣᠩ᠂ ᠳᠠᠲᠠᠪ ᠶᠠᠲᠠᠪ᠂ ᠲᠣᠩᠭᠣᠰ᠂ ᠯᠠᠪᠲᠠᠩ᠂ ᠳᠠᠢᠪᠠᠩ᠂ ᠠᠷᠪᠠᠩ᠂ ᠭᠢᠯᠠᠰ ᠭᠢᠯᠠᠰ᠂ ᠰᠡᠷ ᠰᠡᠷ᠂ ᠲᠦᠩ ᠲᠦᠩ ᠭᠡᠬᠦ ᠮᠡᠲᠦ᠃
4 ᠬᠢᠷᠢ ᠬᠡᠮᠵᠢᠶᠡᠨ ᠦ᠌ ᠳᠠᠢᠪᠤᠷᠢ ᠦᠭᠡ ᠨᠦ᠍ᠭᠦᠳ ᠨᠢ᠄
ᠨᠡᠩ᠂ ᠲᠤᠩ᠂ ᠮᠠᠰᠢ᠂ ᠠᠰᠤᠷᠤ᠂ ᠨᠡᠯᠢᠶᠡᠳ᠂ ᠪᠠᠬᠠᠨ᠂ ᠵᠢᠭᠠᠬᠠᠨ᠂ ᠬᠠᠷᠠᠬᠠᠨ᠂ ᠬᠠᠯᠲᠤ᠂ ᠡᠰᠡᠯᠡ᠂ ᠨᠢᠭᠡᠨᠲᠡ᠂ ᠨᠢᠭᠡᠮᠦᠰᠦᠨ᠂ ᠪᠦᠷᠢᠮᠦᠰᠦᠨ᠂ ᠵᠠᠪᠠᠯ ᠂ᠣᠭᠲᠣ᠂ ᠡᠷᠬᠡᠪᠰᠢ᠂ ᠡᠷᠡᠰ᠂ ᠶᠠᠭ᠂ ᠪᠠᠷᠤᠭ᠂ᠠᠷᠠᠢ᠂ ᠳᠡᠮᠡᠢ᠂ ᠬᠠᠷᠠᠲᠠᠢ᠂ ᠦᠨᠡᠬᠡᠷ᠂ ᠯᠤᠲᠤ᠂ ᠲᠠᠭ᠂ ᠮᠠᠭᠠᠳ᠂ ᠯᠠᠪ᠂ ᠮᠠᠭᠠᠳ ᠦᠭᠡᠢ᠂ ᠤᠯᠠᠮ ᠭᠡᠬᠦ ᠮᠡᠲᠦ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ᠂ ᠪᠣᠷᠵᠢᠭᠢᠨ ᠡᠷᠴᠢᠨ᠂ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠡᠭᠦᠯᠡᠩᠬᠤᠸᠠᠷ᠂ ᠨᠠᠷᠠᠨ᠂ ᠣᠳᠬᠠᠨᠰᠣᠠ