ᠦᠭᠡ ᠶ᠋ᠢᠨ ᠵᠦᠢ02-02(ᠬᠣᠶᠠᠷ) ᠲᠡᠮᠳᠡᠭ ᠦᠭᠡ ᠪᠠ ᠲᠡᠮᠳᠡᠭ ᠦᠭᠡ ᠡᠭᠦᠰᠬ
317(ᠬᠣᠶᠠᠷ) ᠲᠡᠮᠳᠡᠭ ᠦᠭᠡ ᠪᠠ ᠲᠡᠮᠳᠡᠭ ᠦᠭᠡ ᠡᠭᠦᠰᠬᠦ
ᠬᠥᠮᠦᠨ ᠶᠠᠭᠤᠮᠠ᠂ ᠬᠡᠷᠡᠭ ᠪᠣᠳᠠᠰ᠂ ᠦᠵᠡᠭᠳᠡᠯ ᠦ᠋ᠨ ᠰᠢᠨᠵᠢ ᠲᠡᠮᠳᠡᠭ ᠪᠠ ᠣᠨᠴᠠᠯᠢᠭ ᠢ᠋ ᠵᠢᠭᠠᠭᠰᠠᠨ ᠦᠭᠡᠰ ᠢ᠋ ᠲᠡᠮᠳᠡᠭ ᠦᠭᠡ ᠭᠡᠨᠡ᠃ ᠲᠡᠮᠳᠡᠭ ᠦᠭᠡ ᠨᠢ ᠶᠠᠮᠠᠷ? ᠶᠠᠭᠠᠬᠢᠵᠢ? ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠬᠠᠷᠢᠭᠤᠯᠬᠤ ᠦᠭᠡᠰ ᠪᠠᠢᠳᠠᠭ᠃
ᠲᠡᠮᠳᠡᠭ ᠦᠭᠡ ᠶ᠋ᠢᠨ ᠠᠢᠮᠠᠭ ᠲᠤ᠌ ᠪᠠᠭᠲᠠᠬᠤ ᠦᠭᠡᠰ ᠢ᠋ ᠤᠳᠬᠠ ᠶ᠋ᠢᠨ ᠬᠢᠨᠢ ᠲᠠᠯᠠ ᠪᠠᠷ ᠠᠪᠴᠤ ᠦᠵᠡᠪᠡᠯ ᠬᠥᠬᠡ᠂ ᠤᠯᠠᠭᠠᠨ᠂ ᠴᠠᠭᠠᠨ᠂ ᠬᠠᠷᠠ᠂ ᠰᠢᠷᠠ᠂ ᠪᠣᠷᠣ ᠭᠡᠬᠦ ᠮᠡᠲᠦ ᠪᠡᠷ ᠥᠩᠭᠡ ᠶ᠋ᠢᠨ ᠨᠡᠷᠡᠰ᠂ ᠰᠠᠢᠨ᠂ ᠮᠠᠭᠤ᠂ ᠰᠢᠨᠡ᠂ ᠬᠠᠭᠤᠴᠢᠨ᠂ ᠪᠠᠲᠤ᠂ ᠬᠡᠪᠡᠷᠡᠭ᠂ ᠬᠦᠨᠳᠦ᠂ ᠬᠥᠩᠭᠡᠨ᠂ ᠬᠤᠷᠴᠠ᠂ ᠮᠣᠬᠣᠭᠣ᠂ ᠬᠠᠲᠠᠭᠤ᠂ ᠵᠥᠭᠡᠯᠡᠨ ᠭᠡᠬᠦ ᠮᠡᠲᠦ ᠪᠡᠷ ᠣᠨᠴᠠᠯᠢᠭ ᠴᠢᠨᠠᠷ ᠤ᠋ᠨ ᠨᠡᠷᠡᠰ; ᠶᠡᠬᠡ᠂ ᠪᠠᠭᠠ᠂ ᠥᠨᠳᠥᠷ᠂ ᠨᠠᠮ᠂ ᠤᠷᠲᠤ᠂ ᠣᠬᠣᠷ᠂ ᠪᠣᠭᠣᠨᠢ᠂ ᠵᠤᠵᠠᠭᠠᠨ᠂ ᠨᠢᠮᠭᠡᠨ᠂ ᠬᠣᠯᠠ᠂ ᠣᠢᠷᠠ᠂ ᠣᠯᠠᠨ᠂ ᠴᠥᠭᠡᠨ ᠭᠡᠬᠦ ᠮᠡᠲᠦ ᠪᠡᠷ ᠬᠡᠮᠵᠢᠶᠡ ᠪᠠᠢᠳᠠᠯ ᠤ᠋ᠨ ᠨᠡᠷᠡᠰ᠂ ᠬᠣᠲᠣᠭᠣᠷ᠂ ᠳᠣᠪᠣᠭᠣᠷ᠂ ᠬᠣᠩᠬᠣᠷ᠂ ᠭᠣᠨᠵᠣᠭᠣᠢ᠂ ᠭᠤᠷᠪᠠᠯᠵᠢᠨ᠂ ᠳᠥᠷᠪᠡᠯᠵᠢᠨ᠂ ᠲᠡᠭᠰᠢ᠂ ᠬᠠᠵᠠᠭᠠᠢ ᠭᠡᠬᠦ ᠮᠡᠲᠦ ᠶ᠋ᠢᠨ ᠣᠪᠣᠷ ᠪᠠᠢᠳᠠᠯ ᠤ᠋ᠨ ᠨᠡᠷᠡᠰ ᠵᠡᠷᠭᠡ ᠪᠠᠢᠳᠠᠭ᠃
ᠲᠡᠮᠳᠡᠭ ᠦᠭᠡ ᠶ᠋ᠢᠨ ᠦᠭᠡ ᠶ᠋ᠢᠨ ᠵᠦᠢ ᠶ᠋ᠢᠨ ᠰᠢᠨᠵᠢ ᠨᠢ ᠵᠢᠩᠬᠢᠨᠢ ᠬᠥᠮᠦᠨ ᠶᠠᠭᠤᠮᠠ᠂ ᠦᠵᠡᠭᠳᠡᠯ ᠪᠤᠶᠤ ᠦᠢᠯᠡ ᠶ᠋ᠢᠨ ᠪᠡᠯᠭᠡ ᠲᠡᠮᠳᠡᠭ ᠢ᠋ ᠵᠢᠭᠠᠭᠰᠠᠨ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠭᠳᠡᠬᠦ ᠳ᠋ᠡᠭᠡᠨ ᠢᠮᠠᠭᠲᠠ ᠦᠭᠡ ᠶ᠋ᠢᠨ ᠦᠨᠳᠦᠰᠦ ᠪᠤᠶᠤ ᠨᠡᠷᠡᠯᠡᠬᠦ ᠶ᠋ᠢᠨ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢ ᠪᠡᠷ ᠪᠠᠢᠵᠤ᠂ ᠨᠡᠷᠡ ᠦᠭᠡ ᠶ᠋ᠢᠨ ᠤᠳᠬᠠ ᠪᠠᠷ ᠪᠤᠶᠤ ᠪᠤᠲᠠ ᠪᠡᠶᠡ ᠶ᠋ᠢ ᠵᠢᠭᠠᠭᠰᠠᠨ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠭᠳᠡᠬᠦ ᠳ᠋ᠡᠭᠡᠨ ᠰᠠᠶᠢ ᠮᠥᠨ ᠬᠦ᠌ ᠨᠡᠷᠡ ᠦᠭᠡ ᠶ᠋ᠢᠨ ᠠᠳᠠᠯᠢ ᠨᠡᠷᠡᠯᠡᠬᠦ ᠡᠴᠡ ᠪᠤᠰᠤᠳ ᠲᠡᠢᠨ ᠢᠯᠭᠠᠯ ᠤ᠋ᠨ ᠬᠡᠯᠪᠡᠷᠢ ᠪᠡᠷ ᠪᠠᠢᠵᠤ ᠣᠯᠠᠨ ᠢ᠋ ᠵᠢᠭᠠᠭᠰᠠᠨ ᠳᠠᠭᠠᠪᠤᠷᠢ᠂ ᠬᠠᠮᠢᠶᠠᠳᠠᠭᠤᠯᠬᠤ ᠶ᠋ᠢᠨ ᠳᠠᠭᠠᠪᠤᠷᠢ ᠠᠪᠴᠤ ᠴᠢᠳᠠᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠤᠯᠠᠭᠠᠨ(ᠲᠡᠮᠳᠡᠭ ᠦᠭᠡ) ᠨᠠᠷᠠ ᠮᠠᠨᠳᠤᠪᠠ᠃
ᠪᠠᠲᠤ (ᠨᠡᠷᠡ ᠦᠭᠡ) ᠶ᠋ᠢᠨ ᠰᠤᠷᠤᠯᠭᠠ ᠰᠠᠢᠨ᠃
ᠪᠠᠲᠤ (ᠨᠡᠷᠡ ᠦᠭᠡ) ᠮᠢᠨᠢ ᠢᠷᠡᠯᠡ᠃
ᠲᠡᠮᠳᠡᠭ ᠦᠭᠡ ᠶ᠋ᠢᠨ ᠥᠭᠦᠯᠡᠪᠦᠷᠢ ᠶ᠋ᠢᠨ ᠵᠦᠢ ᠶ᠋ᠢᠨ ᠰᠢᠨᠵᠢ ᠨᠢ ᠭᠣᠣᠯ ᠲᠥᠯᠥᠪ ᠲᠣᠳᠣᠳᠬᠠᠯ ᠪᠠᠢᠵᠤ ᠪᠣᠯᠳᠠᠭ ᠪᠣᠯᠪᠠᠴᠤ ᠥᠭᠦᠯᠡᠪᠦᠷᠢ ᠶ᠋ᠢᠨ ᠪᠤᠰᠤᠳ ᠶᠠᠮᠠᠷ ᠴᠤ᠌ ᠭᠡᠰᠢᠭᠦᠨ ᠪᠠᠢᠵᠤ ᠪᠣᠯᠤᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠳᠠᠷᠤᠤ ᠬᠢᠴᠢᠶᠡᠩᠭᠦᠢ ᠪᠣᠯ(ᠥᠭᠦᠯᠡᠭᠳᠡᠬᠦᠨ) ᠳᠠᠪᠰᠢᠳᠠᠭ᠃
ᠮᠠᠯᠵᠢᠬᠤ ᠣᠷᠣᠨ ᠤ᠋ ᠦᠰᠦᠷᠦᠩᠭᠦᠢ ᠲᠠᠪᠰᠢᠯᠲᠠ
ᠮᠥᠩᠭᠥᠨ(ᠲᠣᠳᠣᠳᠬᠠᠯ) ᠨᠢᠰᠬᠡᠯ ᠡᠴᠡ ᠲᠦᠷᠭᠡᠨ᠂
ᠮᠥᠩᠬᠡ ᠶ᠋ᠢᠨ(ᠲᠣᠳᠣᠳᠬᠠᠯ) ᠨᠠᠷᠠᠨ ᠠ᠋ᠴᠠ ᠳᠤᠯᠠᠭᠠᠨ᠃
ᠣᠯᠠᠨ ᠢ᠋(ᠲᠤᠰᠤᠭᠳᠠᠬᠤᠨ) ᠳᠠᠢᠴᠢᠯᠠᠵᠤ᠂ ᠦᠢᠯᠡᠳᠪᠦᠷᠢᠯᠡᠯ ᠳ᠋ᠦ᠍ ᠣᠷᠣᠯᠴᠠᠭᠤᠯᠪᠠ᠃
ᠠᠵᠢᠯᠴᠢᠳ ᠪᠠᠭᠠᠲᠤᠷᠯᠢᠭ ᠢ᠋ᠶ᠋ᠠᠷ(ᠪᠠᠢᠴᠠ) ᠠᠵᠢᠯᠯᠠᠵᠤ ᠪᠠᠢᠨᠠ᠃
ᠲᠡᠮᠳᠡᠭ ᠦᠭᠡ ᠶ᠋ᠢ ᠪᠦᠲᠦᠨ ᠢ᠋ᠶ᠋ᠡᠷ ᠨᠢ ᠦᠨᠳᠦᠰᠦᠨ ᠪᠠ ᠡᠭᠦᠰᠦᠮᠡᠯ ᠲᠡᠮᠳᠡᠭ ᠦᠭᠡ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠨᠠ᠃ ᠦᠨᠳᠦᠰᠦᠨ ᠲᠡᠮᠳᠡᠭ ᠦᠭᠡ ᠨᠢ ᠦᠭᠡ ᠶ᠋ᠢᠨ ᠢᠵᠠᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠬᠤ ᠲᠡᠮᠳᠡᠭ ᠦᠭᠡ ᠪᠣᠯᠤᠨᠠ᠃ ᠡᠭᠦᠰᠦᠮᠡᠯ ᠲᠡᠮᠳᠡᠭ ᠦᠭᠡ ᠨᠢ ᠨᠡᠷᠡ᠂ ᠦᠢᠯᠡ ᠦᠭᠡᠨ ᠳ᠋ᠦ᠍ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠳᠠᠭᠠᠪᠤᠷᠢ ᠵᠠᠯᠭᠠᠬᠤ ᠪᠤᠶᠤ ᠦᠭᠡ ᠬᠣᠷᠰᠢᠵᠤ ᠪᠦᠲᠦᠭᠡᠬᠦ ᠠᠷᠭᠠ ᠪᠠᠷ ᠡᠭᠦᠰᠦᠭᠰᠡᠨ ᠲᠡᠮᠳᠡᠭ ᠦᠭᠡ ᠶ᠋ᠢ ᠬᠡᠯᠡᠵᠦ ᠪᠠᠢᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠶᠡᠬᠡ᠂ ᠪᠠᠭᠠ᠂ ᠰᠠᠢᠨ᠂ ᠮᠠᠭᠤ᠂ᠬᠠᠲᠠᠭᠤ᠂ ᠵᠥᠭᠡᠯᠡᠨ᠂ ᠬᠤᠷᠴᠠ᠂ ᠮᠣᠬᠣᠭᠣ᠂ ᠬᠥᠬᠡ᠂ ᠰᠢᠷᠠ ᠭᠡᠬᠦ ᠮᠡᠲᠦ ᠶ᠋ᠢᠨ ᠲᠡᠮᠳᠡᠭ ᠦᠭᠡ ᠨᠢ ᠦᠨᠳᠦᠰᠦᠨ ᠲᠡᠮᠳᠡᠭ ᠦᠭᠡ ᠪᠣᠯᠬᠤ ᠪᠠ ᠰᠦᠷᠯᠢᠭ᠂ ᠪᠠᠶᠠᠯᠢᠭ᠂ ᠨᠥᠬᠥᠷᠰᠡᠭ᠂ ᠬᠠᠯᠠᠭᠤᠮᠰᠤᠭ᠂ ᠬᠥᠩᠭᠡᠮᠰᠦᠭ᠂ ᠦᠨᠡᠨᠴᠢ᠂ ᠭᠣᠣᠯᠴᠢ᠂ ᠴᠣᠪᠣᠭᠣ ᠰᠡᠷᠭᠦᠯᠡᠩ᠂ ᠵᠥᠪ ᠣᠨᠣᠪᠴᠢᠲᠠᠢ᠂ ᠢᠷᠠᠭᠤ ᠲᠣᠳᠣ᠂ ᠰᠠᠢᠨ ᠰᠠᠢᠬᠠᠨ ᠭᠡᠬᠦ ᠮᠡᠲᠦ ᠶ᠋ᠢᠨ ᠲᠡᠮᠳᠡᠭ ᠦᠭᠡ ᠨᠢ ᠡᠭᠦᠰᠦᠮᠡᠯ ᠲᠡᠮᠳᠡᠭ ᠦᠭᠡ ᠪᠣᠯᠤᠨᠠ᠃
ᠲᠡᠮᠳᠡᠭ ᠦᠭᠡ ᠡᠭᠦᠰᠬᠦ ᠶ᠋ᠢᠨ ᠳᠠᠭᠠᠪᠤᠷᠢ ᠪᠠ ᠲᠡᠭᠦᠨ ᠦ᠌ ᠵᠢᠱ᠌ᠢᠶᠡ᠄
- ᠊ᠯᠢ᠊ᠭ᠂ ᠊ᠯᠢᠭ᠄ ᠤᠰᠤᠯᠢᠭ᠂ ᠲᠣᠰᠣᠯᠢᠭ᠂ ᠰᠦᠷᠯᠢᠭ᠂ ᠬᠥᠷᠥᠰᠥᠯᠢᠭ᠃
- ᠳ᠋ᠠᠢ᠄ ᠪᠠᠶᠠᠷᠲᠠᠢ᠂ ᠵᠣᠷᠢᠭᠲᠠᠢ᠂ ᠵᠢᠳᠬᠦᠯᠲᠡᠢ᠂ ᠢᠳᠡᠪᠬᠢᠲᠡᠢ᠂ ᠠᠮᠲᠠᠲᠠᠢ᠃
- ᠊ᠳᠤ᠄ ᠠᠴᠢᠲᠤ᠂ ᠠᠯᠳᠠᠷᠲᠤ᠂ ᠵᠢᠷᠤᠮᠲᠤ
- ᠬᠢ᠄ ᠠᠭᠤᠯᠠᠨ ᠳ᠋ᠠᠬᠢ᠂ ᠬᠣᠲᠠ ᠳ᠋ᠠᠬᠢ᠂ ᠵᠢᠷᠦᠬᠡᠨ ᠳ᠋ᠡᠬᠢ᠃
- ᠊ᠰᠠᠭ᠂ ᠊ᠰᠡᠭ᠄ ᠨᠠᠢᠷᠰᠠᠭ᠂ ᠨᠥᠬᠥᠷᠰᠡᠭ᠂ ᠡᠯᠢᠭᠡᠰᠡᠭ᠃
- ᠷᠠᠬᠤ᠂ ᠊ᠷᠬᠦᠤ᠄ ᠶᠣᠰᠣᠷᠬᠠᠤ᠂ ᠦᠰᠦᠷᠬᠦᠤ᠃
- ᠊ᠮᠰᠤ᠊ᠭ᠂ ᠊ᠮᠰᠦᠭ᠌᠄ ᠡᠯᠢᠭᠡᠮᠰᠦᠭ᠂ ᠭᠣᠶᠣᠮᠰᠣᠭ᠂ ᠶᠡᠬᠡᠮᠰᠦᠭ᠃
- ᠴᠠ᠄ ᠥᠩᠭᠡᠴᠡ᠃
- ᠊ᠮᠠ᠋᠄ ᠭᠠᠢᠬᠠᠮᠠ᠂ ᠠᠩᠬᠢᠯᠤᠮᠠ᠂ ᠬᠠᠩᠭᠢᠨᠠᠮᠠ᠂ ᠴᠠᠪᠴᠢᠮᠠ᠃
- ᠊ᠵᠢᠶᠡᠷ ᠂ ᠊ᠵᠢᠶᠡᠯ ᠄ ᠡᠪᠦᠭᠡᠵᠢᠶᠡᠷ᠂ ᠡᠪᠦᠭᠡᠵᠢᠶᠡᠯ᠂ ᠡᠮᠡᠭᠡᠵᠢᠶᠡᠷ᠂ ᠡᠮᠡᠭᠡᠵᠢᠶᠡᠯ᠃
- ᠊ᠨᠴᠢᠷ᠂ ᠊᠊ᠨᠴᠢ᠄ ᠠᠮᠢᠨᠴᠢᠷ᠂ ᠠᠮᠢᠨᠴᠢ᠃
- ᠩᠭᠤᠢ᠂᠊ᠩᠭᠦᠢ ᠄ ᠪᠠᠳᠠᠷᠠᠩᠭᠤᠢ᠂ ᠳᠡᠯᠭᠡᠷᠡᠩᠭᠦᠢ᠂ ᠪᠣᠯᠪᠠᠰᠤᠷᠠᠩᠭᠤᠢ᠃
- ᠊᠊ᠠ᠄ ᠴᠠᠭᠠᠨ᠂ ᠨᠣᠭᠣᠭᠠᠨ᠂ ᠰᠢᠩᠭᠡᠨ᠂ ᠬᠤᠷᠳᠤᠨ᠂ ᠲᠠᠷᠭᠤᠨ᠃
- ᠊᠊ᠮᠡᠷ᠄ ᠭᠠᠢᠬᠠᠮᠠᠷ᠂ ᠰᠣᠨᠢᠷᠬᠠᠮᠠᠷ᠂ ᠪᠣᠯᠤᠮᠠᠷ᠃
- ᠊ᠯᠵᠢᠨ᠄ ᠭᠤᠷᠪᠠᠯᠵᠢᠨ᠂ ᠳᠥᠷᠪᠡᠯᠵᠢᠨ᠃
- ᠊ᠬᠴᠢ᠂ ᠊᠊ᠭ᠌ᠴᠢ᠄ ᠬᠠᠷᠠᠭᠴᠢ᠂ ᠬᠥᠭᠡᠭᠴᠢ᠂ ᠪᠣᠷᠣᠭᠴᠢ᠃
- ᠊ᠬᠴᠢᠨ᠂ ᠊ᠭ᠌ᠴᠢᠨ᠄ ᠤᠯᠠᠭᠠᠭᠴᠢᠨ᠂ ᠴᠠᠭᠠᠭᠴᠢᠨ᠂ ᠬᠥᠬᠡᠭᠴᠢᠨ᠃
- ᠪᠴᠢ᠄ ᠪᠦᠳᠦᠭᠦᠪᠴᠢ᠂ ᠨᠠᠷᠢᠪᠴᠢ᠂ ᠥᠩᠭᠡᠪᠴᠢ᠃
- ᠊ᠬᠠᠢ᠂ ᠬᠡᠢ᠄ ᠪᠤᠲᠠᠷᠬᠠᠢ᠂ ᠡᠮᠲᠡᠷᠬᠡᠢ᠂ ᠬᠡᠯᠲᠡᠷᠬᠡᠢ᠃
- ᠴᠢ᠄ ᠭᠣᠣᠯᠴᠢ᠂ ᠦᠨᠡᠨᠴᠢ᠃
- ᠊ᠭᠠᠷ᠂ ᠭᠡᠷ᠂ ᠊ᠭᠣᠷ᠄ ᠪᠦᠯᠲᠡᠭᠡᠷ᠂ ᠠᠷᠵᠠᠭᠠᠷ᠂ ᠪᠠᠷᠵᠠᠭᠠᠷ᠂ ᠱᠣᠪᠣᠭᠣᠷ᠂ ᠬᠠᠨᠠᠭᠠᠷ᠃
- ᠊ᠮᠠᠯ᠄ ᠵᠣᠬᠢᠶᠠᠮᠠᠯ᠂ ᠪᠢᠴᠢᠮᠡᠯ᠂ ᠰᠣᠩᠭᠣᠮᠠᠯ᠂ ᠲᠠᠷᠢᠮᠠᠯ᠃
- ᠊ᠮᠠᠳᠠᠭᠠᠢ᠂ ᠊ᠮᠡᠳᠡᠭᠡᠢ᠄ ᠬᠥᠭᠡᠷᠮᠡᠲᠡᠭᠡᠢ᠂ ᠠᠶᠤᠮᠠᠲᠠᠭᠠᠢ᠃
- ᠊ᠮᠠᠭᠠᠢ᠂ ᠊ᠮᠡᠬᠡᠢ᠄ ᠴᠢᠳᠠᠮᠠᠭᠠᠢ᠂ ᠳᠠᠳᠮᠠᠭᠠᠢ᠂ ᠬᠡᠯᠡᠮᠡᠭᠡᠢ᠃
- ᠊ᠭ᠂ ᠊ᠭ᠌᠄ ᠬᠦᠴᠦᠷᠬᠡᠭ᠂ ᠶᠣᠰᠣᠷᠬᠠᠭ᠂ ᠶᠡᠬᠡᠷᠬᠡᠭ᠃
- ᠊ᠭᠤ᠂ ᠊ᠭᠦᠦ᠂ ᠊᠊ᠤ᠄ ᠶᠠᠳᠠᠭᠤ᠂ ᠵᠦᠳᠡᠭᠦᠦ᠂ ᠶᠠᠭᠠᠷᠠᠤ᠂ ᠳᠠᠷᠤᠤ᠃
- ᠩᠬᠠᠢ᠂ ᠊ᠩᠬᠡᠢ᠄ ᠡᠴᠡᠩᠬᠡᠢ(ᠡᠴᠡᠩᠭᠢ)᠂ ᠬᠠᠲᠠᠩᠬᠠᠢ᠂ ᠴᠣᠭᠣᠷᠠᠩᠬᠠᠢ᠃
-(᠊ᠩᠬᠢ᠂ ᠊ᠩᠬᠢᠷ)᠄ (ᠬᠠᠲᠠᠩᠭᠢᠷ)᠃
- ᠊᠊ᠮᠠᠭ᠂ ᠊ᠮᠩ᠄ ᠵᠣᠷᠢᠮᠠᠭ᠂ ᠬᠠᠭᠤᠷᠮᠠᠭ᠂ ᠬᠣᠯᠢᠮᠠᠭ᠂ ᠰᠤᠷᠮᠠᠭ᠃
- ᠊ᠭᠤᠠ᠂ ᠊ᠭᠦᠨ᠄ ᠬᠥᠭᠵᠢᠭᠦᠨ᠂ ᠠᠭᠰᠢᠭᠤᠨ᠃
- ᠊ᠰᠢ ᠲᠡᠢ᠂ ᠊ᠰᠢ ᠦᠭᠡᠢ᠄ ᠠᠪᠤᠰᠢ ᠲᠠᠢ᠂ ᠠᠪᠤᠰᠢ ᠦᠭᠡᠢ᠂ ᠦᠵᠡᠰᠢ ᠦᠭᠡᠢ᠃
- ᠊ᠭᠠ᠂ ᠬᠡ᠄ ᠪᠠᠷᠬᠢᠷᠠᠭᠠ᠂ ᠬᠠᠰᠬᠢᠷᠤᠭᠠ᠃
- ᠊ᠬᠦᠳᠦᠷ᠄ ᠢᠴᠢᠭᠦᠲᠦᠷ᠃
- ᠊ᠪᠳᠦᠷ᠄ ᠶᠡᠬᠡᠪᠲᠦᠷ᠂ ᠤᠯᠠᠭᠠᠪᠲᠤᠷ᠂ ᠰᠢᠷᠠᠪᠲᠤᠷ᠃
- ᠊ᠳ᠄ ᠭᠦᠢᠴᠡᠳ᠃
- ᠪᠣᠷ᠄ ᠡᠭᠡᠪᠦᠷ᠂
- ᠪᠠᠰᠤᠨ᠄ ᠪᠣᠯᠪᠠᠰᠤᠨ᠃
- ᠊ᠷᠠᠭᠭ᠋(᠊ᠷᠭᠡᠭ)᠄ ᠠᠭᠤᠯᠠᠷᠬᠠᠭ᠂ ᠡᠯᠡᠰᠦᠷᠬᠡᠭ᠃
- ᠊ᠯᠠᠭᠭ᠋(᠊ᠯᠭᠡᠭ)᠄ ᠡᠷᠡᠯᠬᠡᠭ᠃
- ᠊ᠭᠠᠢ᠂ ᠬᠡᠢ᠄ ᠬᠡᠯᠡᠭᠡᠢ᠂ ᠬᠠᠩᠭᠠᠢ᠃
- ᠊ᠩ᠄ ᠳᠦᠭᠦᠷᠡᠩ᠂ ᠡᠭᠡᠳᠡᠩ᠃
- ᠊ᠭᠤᠯᠠᠩ᠂ ᠊ᠭᠥᠯᠡᠩ᠄ ᠥᠯᠥᠰᠬᠦᠯᠡᠩ᠂ ᠴᠠᠳᠬᠤᠯᠠᠩ᠂ᠦᠵᠡᠰᠬᠦᠯᠡᠩ᠃
- ᠊ᠯᠠᠩ᠄ ᠰᠡᠷᠭᠦᠯᠡᠩ᠂ ᠵᠣᠪᠠᠯᠠᠩ᠃
- ᠊ᠬᠠᠨ᠂ ᠊ᠬᠡᠨ᠄ ᠪᠠᠭᠠᠬᠠᠨ᠂ ᠶᠡᠬᠡᠬᠡᠨ᠃
- ᠷᠠᠢ᠄ ᠪᠠᠭᠤᠷᠠᠢ᠃
- ᠊ᠨᠴᠡ᠄ ᠥᠭᠡᠨᠴᠡ ᠃
- ᠊ᠯ᠊ᠳᠡᠩ᠄ ᠭᠣᠵᠣᠢᠯᠳᠠᠩ
ᠭᠡᠬᠦ ᠵᠡᠷᠭᠡ ᠪᠣᠯᠤᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠮᠥᠩᠭᠥᠨ᠂ ᠪᠠᠢ᠂ ᠰᠠᠷᠠᠨᠠ᠂ ᠪᠠᠶᠠᠨᠴᠡᠴᠡᠭ᠂ ᠨᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠨᠠᠷᠠᠨ᠂ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠤᠠ