ᠦᠭᠡ ᠶ᠋ᠢᠨ ᠵᠦᠢ02-01ᠨᠡᠷᠡ ᠦᠭᠡ ᠪᠠ ᠨᠡᠷᠡ ᠦᠭᠡ ᠡᠭᠦᠰᠬᠦ-ᠮᠣᠩᠭᠣᠯ ᠬᠡᠯᠡᠨ ᠦ᠌ ᠦᠭᠡᠰ ᠦ᠋ᠨ ᠠᠢᠮᠠᠭ
383ᠬᠣᠶᠠᠷ᠃ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠦᠭᠡᠰ ᠦ᠋ᠨ ᠠᠢᠮᠠᠭ
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠦᠭᠡᠰ ᠢ᠋ ᠦᠭᠡ ᠶ᠋ᠢᠨ ᠵᠦᠢ ᠶ᠋ᠢᠨ ᠬᠤᠪᠢᠷᠠᠯ᠂ ᠦᠭᠡᠯᠡᠪᠦᠷᠢ ᠶ᠋ᠢᠨ ᠵᠦᠢ ᠶ᠋ᠢᠨ ᠰᠢᠨᠵᠢ᠂ ᠦᠭᠡᠰ ᠦ᠋ᠨ ᠬᠡᠢᠰᠪᠦᠷᠢ ᠤᠳᠬᠠ ᠶ᠋ᠢ ᠨᠢ ᠦᠨᠳᠦᠰᠦᠯᠡᠨ ᠠᠩᠭᠢᠯᠠᠪᠠᠯ ᠳᠣᠣᠷᠠᠬᠢ ᠮᠡᠲᠦ ᠠᠷᠪᠠᠨ ᠠᠢᠮᠠᠭ ᠲᠤ᠌ ᠬᠤᠪᠢᠶᠠᠵᠤ ᠪᠣᠯᠤᠨᠠ᠃
(ᠨᠢᠭᠡ) ᠨᠡᠷᠡ ᠦᠭᠡ
(ᠬᠣᠶᠠᠷ) ᠲᠡᠮᠳᠡᠭ ᠦᠭᠡ
(ᠭᠤᠷᠪᠠ) ᠲᠣᠭᠠᠨ ᠤ᠋ ᠦᠭᠡ
(ᠳᠥᠷᠪᠡ) ᠲᠥᠯᠥᠭᠡᠨ ᠦ᠌ ᠦᠭᠡ
(ᠲᠠᠪᠤ) ᠦᠢᠯᠡ ᠦᠭᠡ
(ᠵᠢᠷᠭᠤᠭᠠ) ᠳᠠᠢᠪᠤᠷᠢ ᠦᠭᠡ
(ᠳᠣᠯᠣᠭᠠ) ᠳᠠᠭᠠᠪᠤᠷᠢ ᠦᠭᠡ
(ᠨᠠᠢ᠍ᠮᠠ) ᠰᠤᠯᠠ ᠦᠭᠡ
(ᠶᠢᠰᠦ) ᠬᠣᠯᠪᠣᠬᠤ ᠦᠭᠡ
(ᠠᠷᠪᠠ) ᠠᠶᠠᠯᠭᠠ ᠦᠭᠡ ᠵᠡᠷᠭᠡ ᠪᠣᠯᠤᠨᠠ
ᠡᠳᠡᠭᠡᠷ ᠠᠷᠪᠠᠨ ᠠᠢᠮᠠᠭ ᠦᠭᠡᠰ ᠢ᠋ ᠳᠣᠲᠣᠷᠠ ᠨᠢ ᠪᠠᠰᠠ ᠪᠣᠳᠠᠲᠤ ᠦᠭᠡᠰ᠂ ᠬᠡᠢᠰᠪᠦᠷᠢ ᠦᠭᠡᠰ ᠭᠡᠵᠦ ᠬᠣᠶᠠᠷ ᠪᠦᠯᠦᠭ ᠲᠦ᠍ ᠬᠤᠪᠢᠶᠠᠵᠤ ᠪᠣᠯᠤᠨᠠ᠃ ᠦᠭᠡᠰ ᠦ᠋ᠨ ᠰᠠᠩ ᠤ᠋ᠨ ᠪᠣᠳᠠᠲᠤ ᠤᠳᠬᠠ᠂ ᠦᠭᠡ ᠶ᠋ᠢᠨ ᠵᠦᠢ ᠶ᠋ᠢᠨ ᠬᠤᠪᠢᠷᠠᠯ ᠲᠠᠢ ᠪᠥᠭᠡᠳ ᠥᠭᠦᠯᠡᠪᠦᠷᠢ ᠶ᠋ᠢᠨ ᠠᠯᠢ ᠨᠢᠭᠡᠨ ᠭᠡᠰᠢᠭᠦᠨ ᠪᠣᠯᠵᠤ ᠴᠢᠳᠠᠳᠠᠭ ᠦᠭᠡᠰ ᠢ᠋ ᠪᠣᠳᠠᠲᠤ ᠦᠭᠡᠰ ᠭᠡᠨᠡ᠃ ᠡᠢᠮᠦ ᠪᠣᠳᠠᠲᠤ ᠦᠭᠡᠰ᠄ ᠨᠡᠷᠡ ᠦᠭᠡ᠂ ᠲᠡᠮᠳᠡᠭ ᠦᠭᠡ᠂ ᠲᠣᠭᠠᠨ ᠤ᠋ ᠦᠭᠡ᠂ ᠲᠥᠯᠥᠭᠡᠨ ᠦ᠌ ᠦᠭᠡ᠂ ᠦᠢᠯᠡ ᠦᠭᠡ᠂ ᠳᠠᠢᠪᠤᠷᠢ ᠦᠭᠡ ᠪᠣᠯᠤᠨᠠ᠃ ᠶᠡᠷᠦᠩᠬᠡᠢ ᠳ᠋ᠡᠭᠡᠨ ᠭᠠᠭᠴᠠ ᠬᠡᠯᠡᠨ ᠦ᠌ ᠵᠦᠢ ᠶ᠋ᠢᠨ ᠤᠳᠬᠠ ᠲᠠᠢ ᠪᠥᠭᠡᠳ ᠥᠭᠦᠯᠡᠪᠦᠷᠢ ᠶ᠋ᠢᠨ ᠳᠣᠲᠣᠷᠠ ᠦᠭᠡᠰ ᠦ᠋ᠨ ᠬᠣᠭᠣᠷᠣᠨᠳᠣ ᠶ᠋ᠢᠨ ᠬᠠᠷᠢᠴᠠᠭᠠ ᠶ᠋ᠢ ᠵᠢᠭᠠᠬᠤ ᠪᠤᠶᠤ ᠡᠰᠡᠬᠦᠯᠡ ᠨᠥᠭᠦᠭᠡ ᠦᠭᠡᠨ ᠳ᠋ᠦ᠍ ᠨᠡᠮᠡᠯᠲᠡ ᠤᠳᠬᠠ ᠣᠷᠣᠭᠤᠯᠬᠤ ᠦᠭᠡᠰ ᠢ᠋ ᠬᠡᠢᠰᠪᠦᠷᠢ ᠦᠭᠡᠰ ᠭᠡᠨᠡ᠃ ᠡᠢᠮᠦ ᠬᠡᠢᠰᠪᠦᠷᠢ ᠦᠭᠡᠰ ᠨᠢ᠄ ᠳᠠᠭᠠᠪᠤᠷᠢ ᠦᠭᠡ᠂ ᠰᠤᠯᠠ ᠦᠭᠡ᠂ ᠬᠣᠯᠪᠣᠬᠤ ᠦᠭᠡ ᠪᠣᠯᠤᠨᠠ᠃ ᠠᠶᠠᠯᠭᠠ ᠦᠭᠡᠰ ᠨᠢ ᠪᠣᠳᠠᠲᠤ ᠦᠭᠡᠰ᠂ ᠬᠡᠢᠰᠪᠦᠷᠢ ᠦᠭᠡᠰ ᠦ᠋ᠨ ᠠᠯᠢ ᠠᠯᠢᠨ ᠠ᠋ᠴᠠ ᠢᠯᠭᠠᠪᠤᠷᠢ ᠲᠠᠢ ᠤᠷᠠᠯᠢᠭ ᠦᠭᠡᠰ ᠪᠣᠯᠤᠨᠠ᠃
ᠪᠣᠳᠠᠲᠤ ᠦᠭᠡᠰ ᠢ᠋ ᠶᠡᠷᠦᠩᠬᠡᠢ ᠬᠡᠢᠰᠪᠦᠷᠢ ᠤᠳᠬᠠ ᠶ᠋ᠢᠨ ᠬᠢᠨᠢ ᠲᠠᠯᠠ ᠪᠠᠷ ᠨᠢ ᠦᠵᠡᠪᠡᠯ᠂ ᠨᠡᠷᠡ ᠦᠭᠡ ᠨᠢ ᠪᠣᠳᠠᠲᠤ ᠪᠠ ᠬᠡᠢᠰᠪᠦᠷᠢ ᠶᠠᠭᠤᠮᠠ ᠶ᠋ᠢ ᠵᠢᠭᠠᠵᠤ᠂ ᠦᠢᠯᠡ ᠦᠭᠡ ᠨᠢ ᠬᠥᠮᠦᠨ ᠶᠠᠭᠤᠮᠠ ᠶ᠋ᠢᠨ ᠦᠢᠯᠡ ᠬᠥᠳᠡᠯᠦᠯ ᠢ᠋ ᠵᠢᠭᠠᠨ᠂ ᠲᠡᠮᠳᠡᠭ ᠦᠭᠡ ᠨᠢ ᠬᠥᠮᠦᠨ ᠶᠠᠭᠤᠮᠠ ᠪᠠ ᠲᠡᠭᠦᠨ ᠦ᠌ ᠦᠢᠯᠡ ᠬᠥᠳᠡᠯᠭᠡᠭᠡᠨ ᠦ᠌ ᠪᠡᠯᠭᠡ ᠲᠡᠮᠳᠡᠭ᠂ ᠰᠢᠨᠵᠢ ᠪᠠᠢᠳᠠᠯ ᠢ᠋ ᠵᠢᠭᠠᠭᠠᠳ᠂ ᠳᠠᠢᠪᠤᠷᠢ ᠦᠭᠡ ᠨᠢ ᠦᠢᠯᠡ ᠶ᠋ᠢᠨ ᠰᠢᠨᠵᠢ ᠪᠠᠢᠳᠠᠯ᠂ ᠣᠷᠣᠨ᠂ ᠴᠠᠭ᠂ ᠨᠥᠬᠥᠴᠡᠯ ᠰᠢᠯᠲᠠᠭᠠᠨ ᠵᠡᠷᠭᠡ ᠶ᠋ᠢ ᠵᠢᠭᠠᠨᠠ᠃ ᠲᠣᠭᠠᠨ ᠤ᠋ ᠦᠭᠡ ᠨᠢ ᠬᠥᠮᠦᠨ ᠶᠠᠭᠤᠮᠠ ᠪᠠ ᠲᠡᠭᠦᠨ ᠦ᠌ ᠬᠥᠳᠡᠯᠭᠡᠭᠡᠨ ᠦ᠌ ᠲᠣᠭᠠ ᠬᠡᠮᠵᠢᠶᠡ ᠶ᠋ᠢ ᠵᠢᠭᠠᠨᠠ᠃ ᠲᠥᠯᠥᠭᠡᠨ ᠦ᠌ ᠦᠭᠡ ᠪᠣᠯ ᠬᠥᠮᠦᠨ ᠶᠠᠭᠤᠮᠠ ᠪᠠ ᠲᠡᠭᠦᠨ ᠦ᠌ ᠰᠢᠨᠵᠢ ᠲᠡᠮᠳᠡᠭ᠂ ᠦᠢᠯᠡ ᠬᠥᠳᠡᠯᠭᠡᠭᠡᠨ ᠢ᠋ ᠨᠡᠷᠡᠯᠡᠬᠦ ᠦᠭᠡᠢ ᠪᠡᠷ ᠵᠢᠭᠠᠨᠠ᠃ ᠬᠡᠢᠰᠪᠦᠷᠢ ᠦᠭᠡᠰ ᠡᠴᠡ ᠳᠠᠭᠠᠪᠤᠷᠢ ᠦᠭᠡ ᠨᠢ ᠥᠭᠦᠯᠡᠪᠦᠷᠢ ᠶ᠋ᠢᠨ ᠳᠣᠲᠣᠷᠠᠬᠢ ᠦᠭᠡᠰ ᠦ᠋ᠨ ᠬᠠᠷᠢᠴᠠᠭᠠ ᠶ᠋ᠢ ᠵᠢᠭᠠᠵᠤ᠂ ᠰᠤᠯᠠ ᠦᠭᠡ ᠨᠢ ᠦᠭᠡᠨ ᠳ᠋ᠦ᠍ ᠨᠡᠮᠡᠯᠲᠡ ᠤᠳᠬᠠ ᠣᠷᠣᠭᠤᠯᠬᠤ ᠪᠠ ᠬᠣᠯᠪᠣᠬᠤ ᠦᠭᠡ ᠪᠡᠷ ᠦᠭᠡ ᠶ᠋ᠢ ᠬᠣᠯᠪᠣᠬᠤ ᠵᠡᠷᠭᠡ ᠪᠣᠯᠤᠨᠠ᠃ ᠠᠶᠠᠯᠭᠠ ᠦᠭᠡ ᠨᠢ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠭᠡᠨ ᠢ᠋ ᠢᠯᠡᠳᠬᠡᠬᠦ ᠪᠣᠯᠤᠨᠠ᠃ ᠡᠨᠡ ᠮᠡᠲᠦ ᠪᠡᠷ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠦᠭᠡᠰ ᠦ᠋ᠨ ᠠᠢᠮᠠᠭ ᠨᠢ ᠲᠤᠰ ᠲᠤᠰ ᠲᠠᠭᠠᠨ ᠢᠯᠭᠠᠷᠠᠬᠤ ᠣᠨᠴᠠᠯᠢᠭ ᠲᠠᠢ ᠪᠠᠢᠭᠠ ᠪᠣᠯᠪᠠᠴᠤ ᠵᠠᠷᠢᠮ ᠦᠭᠡᠰ ᠨᠢ ᠨᠢᠭᠡ ᠠᠢᠮᠠᠭ ᠠ᠋ᠴᠠ ᠨᠥᠭᠦᠭᠡ ᠠᠢᠮᠠᠭ ᠲᠤ᠌ ᠰᠢᠯᠵᠢᠨ ᠬᠡᠷᠡᠭᠯᠡᠭᠳᠡᠬᠦ ᠪᠤᠶᠤ ᠬᠡᠳᠦ ᠬᠡᠳᠦᠨ ᠦᠭᠡᠰ ᠦ᠋ᠨ ᠠᠢᠮᠠᠭ ᠲᠤ᠌ ᠵᠡᠷᠭᠡ ᠪᠡᠷ ᠬᠠᠮᠢᠶᠠᠷᠤᠭᠳᠠᠬᠤ ᠦᠵᠡᠭᠳᠡᠯ ᠪᠠᠢᠳᠠᠭ ᠶᠤᠮ᠃
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠦᠭᠡᠰ ᠦ᠋ᠨ ᠠᠢᠮᠠᠭ ᠪᠣᠯ ᠦᠭᠡᠰ ᠦ᠋ᠨ ᠰᠠᠩ ᠤ᠋ᠨ ᠤᠳᠬᠠ᠂ ᠦᠭᠡ ᠶ᠋ᠢᠨ ᠵᠦᠢ ᠪᠣᠯᠤᠨ ᠥᠭᠦᠯᠡᠪᠦᠷᠢ ᠶ᠋ᠢᠨ ᠵᠦᠢ ᠶ᠋ᠢᠨ ᠲᠠᠯᠠ ᠪᠠᠷ ᠲᠣᠭᠲᠠᠭᠰᠠᠨ ᠬᠡᠮᠵᠢᠶᠡᠨ ᠦ᠌ ᠠᠢᠮᠠᠭᠴᠢᠯᠠᠭᠰᠠᠨ ᠣᠨᠴᠠᠯᠢᠭ ᠪᠦᠬᠦᠢ ᠦᠭᠡᠰ ᠦ᠋ᠨ ᠪᠦᠯᠦᠭ ᠮᠥᠷᠲᠡᠭᠡᠨ ᠬᠡᠯᠡᠨ ᠳ᠋ᠦ᠍ ᠣᠷᠣᠰᠢᠵᠤ ᠪᠠᠢᠬᠤ ᠪᠣᠳᠠᠲᠤ ᠠᠬᠤᠢ ᠪᠣᠯᠤᠨᠠ᠃
(ᠨᠢᠭᠡ) ᠨᠡᠷᠡ ᠦᠭᠡ ᠪᠠ ᠨᠡᠷᠡ ᠦᠭᠡ ᠡᠭᠦᠰᠬᠦ
ᠬᠥᠮᠦᠨ ᠠᠮᠢᠲᠠᠨ᠂ ᠬᠡᠷᠡᠭ ᠪᠣᠳᠠᠰ ᠪᠠ ᠦᠵᠡᠭᠳᠡᠯ ᠢ᠋ ᠰᠢᠭᠤᠳ ᠨᠠᠷᠠᠯᠠᠨ ᠵᠢᠭᠠᠭᠰᠠᠨ ᠦᠭᠡ ᠶ᠋ᠢ ᠨᠡᠷᠡ ᠦᠭᠡ ᠭᠡᠨᠡ᠃ ᠨᠡᠷᠡ ᠦᠭᠡ ᠨᠢ ᠬᠥᠮᠦᠨ ᠦ᠌ ᠵᠦᠢᠯ ᠳ᠋ᠦ᠍ ᠬᠡᠨ? ᠪᠤᠰᠤᠳ ᠠᠮᠢ ᠲᠠᠢ᠂ ᠠᠮᠢ ᠦᠭᠡᠢ ᠵᠦᠢᠯ ᠳ᠋ᠦ᠍ ᠶᠠᠭᠤ? ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠬᠠᠷᠢᠭᠤᠯᠬᠤ ᠦᠭᠡᠰ ᠪᠠᠢᠳᠠᠭ᠃
ᠨᠡᠷᠡ ᠦᠭᠡ ᠶ᠋ᠢᠨ ᠠᠢᠮᠠᠭ ᠲᠤ᠌ ᠪᠠᠭᠲᠠᠬᠤ ᠦᠭᠡᠰ ᠢ᠋ ᠤᠳᠬᠠ ᠶ᠋ᠢᠨ ᠬᠢᠨᠢ ᠲᠠᠯᠠ ᠪᠠᠷ ᠠᠪᠴᠤ ᠦᠵᠡᠪᠡᠯ ᠮᠠᠰᠢ ᠣᠯᠠᠨ ᠶᠠᠩᠵᠤ ᠪᠥᠭᠡᠳ ᠬᠥᠮᠦᠨ᠂ ᠮᠣᠷᠢ᠂ ᠳᠡᠪᠲᠡᠷ᠂ ᠬᠠᠷᠠᠨᠳᠠ᠂ ᠮᠣᠳᠣ᠂ ᠴᠢᠯᠠᠭᠤ᠂ ᠲᠡᠮᠦᠷ ᠭᠡᠬᠦ ᠮᠡᠲᠦ ᠪᠡᠷ ᠠᠮᠢᠲᠠᠨ ᠤᠷᠭᠤᠮᠠᠯ ᠶᠠᠭᠤᠮᠠ ᠶ᠋ᠢᠨ ᠨᠡᠷᠡᠰ; ᠪᠣᠷᠣᠭᠠᠨ᠂ ᠰᠠᠯᠬᠢᠨ᠂ ᠭᠡᠷᠡᠯ᠂ ᠴᠠᠬᠢᠯᠭᠠᠨ ᠭᠡᠬᠦ ᠮᠡᠲᠦᠴᠢᠯᠡᠨ ᠪᠠᠢᠭᠠᠯᠢ ᠶ᠋ᠢᠨ ᠦᠵᠡᠭᠳᠡᠯ ᠦ᠋ᠨ ᠨᠡᠷᠡᠰ; ᠬᠦᠴᠦᠨ᠂ ᠵᠣᠷᠢᠭ ᠭᠡᠬᠦ ᠵᠡᠷᠭᠡ ᠪᠡᠷ ᠶᠠᠭᠤᠮᠠ ᠶ᠋ᠢᠨ ᠪᠡᠯᠭᠡ ᠴᠢᠨᠠᠷ ᠤ᠋ᠨ ᠨᠡᠷᠡᠰ; ᠭᠦᠶᠦᠳᠡᠯ᠂ ᠶᠠᠪᠤᠳᠠᠯ᠂ ᠡᠷᠭᠢᠯᠲᠡ ᠭᠡᠬᠦ ᠮᠡᠲᠦᠴᠢᠯᠡᠨ ᠦᠢᠯᠡ ᠪᠠᠢᠳᠠᠯ ᠤ᠋ᠨ ᠨᠡᠷᠡ; ᠨᠥᠬᠥᠴᠡᠯ᠂ ᠰᠢᠯᠲᠠᠭᠠᠨ᠂ ᠵᠣᠷᠢᠯᠭᠠ ᠭᠡᠬᠦ ᠮᠡᠲᠦ ᠪᠡᠷ ᠬᠡᠢᠰᠪᠦᠷᠢ ᠤᠬᠠᠭᠳᠠᠬᠤᠨ ᠤ᠋ ᠨᠡᠷᠡ ᠴᠥᠮ ᠨᠡᠷᠡ ᠦᠭᠡ ᠶ᠋ᠢᠨ ᠠᠢᠮᠠᠭ ᠲᠤ᠌ ᠪᠠᠭᠲᠠᠨᠠ᠃
ᠨᠡᠷᠡ ᠦᠭᠡ ᠶ᠋ᠢᠨ ᠦᠭᠡ ᠶ᠋ᠢᠨ ᠵᠦᠢ ᠶ᠋ᠢᠨ ᠰᠢᠨᠵᠢ ᠨᠢ ᠲᠡᠢᠨ ᠢᠯᠭᠠᠯ ᠢ᠋ᠶ᠋ᠠᠷ ᠢᠯᠭᠠᠯᠯᠠᠭᠳᠠᠵᠤ᠂ ᠬᠠᠮᠢᠶᠠᠳᠠᠭᠤᠯᠬᠤ ᠶ᠋ᠢᠨ ᠳᠠᠭᠠᠪᠤᠷᠢ ᠶ᠋ᠢ ᠠᠪᠤᠨ᠂ ᠭᠠᠭᠴᠠ ᠪᠠ ᠣᠯᠠᠨ ᠲᠣᠭᠠᠨ ᠤ᠋ ᠬᠡᠯᠪᠡᠷᠢ ᠪᠡᠷ ᠪᠠᠢᠵᠤ ᠪᠣᠯᠤᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠷᠠᠳ ᠤ᠋ᠨ᠂ ᠭᠦᠩᠱᠧ ᠳ᠋ᠦ᠍᠂
ᠣᠭᠲᠠᠷᠭᠤᠢ ᠪᠠᠷ; ᠵᠣᠷᠢᠭ ᠨᠢ᠂ ᠬᠦᠴᠦ ᠪᠡᠨ᠂ ᠨᠠᠮ ᠮᠢᠨᠢ; ᠪᠠᠭᠰᠢ ᠨᠠᠷ᠂ ᠰᠤᠷᠤᠭᠴᠢᠳ᠂ ᠪᠠᠢᠰᠢᠩ ᠤ᠋ᠳ ᠭᠡᠬᠦ ᠮᠡᠲᠦ᠃
ᠨᠡᠷᠡ ᠦᠭᠡ ᠶ᠋ᠢᠨ ᠥᠭᠦᠯᠡᠪᠦᠷᠢ ᠶ᠋ᠢᠨ ᠵᠦᠢ ᠶ᠋ᠢᠨ ᠰᠢᠨᠵᠢ ᠨᠢ᠂ ᠨᠡᠷᠡ ᠦᠭᠡ ᠨᠢ ᠥᠭᠦᠯᠡᠪᠦᠷᠢ ᠶ᠋ᠢᠨ ᠶᠠᠮᠠᠷ ᠴᠤ᠌ ᠭᠡᠰᠢᠭᠦᠨ ᠪᠠᠢᠵᠤ ᠪᠣᠯᠬᠤ ᠪᠣᠯᠪᠠᠴᠤ ᠭᠣᠣᠯ ᠲᠥᠯᠥᠪ ᠥᠭᠦᠯᠡᠭᠳᠡᠬᠦᠨ᠂ ᠲᠤᠰᠤᠭᠳᠠᠬᠤᠨ ᠪᠣᠯᠳᠠᠭ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠨᠠᠷᠠ(ᠥᠭᠦᠯᠡᠭᠳᠡᠬᠦᠨ) ᠮᠠᠨᠳᠤᠪᠠ᠃
ᠪᠠᠭᠰᠢ ᠠ᠋ᠴᠠ(ᠲᠤᠰᠤᠭᠳᠠᠬᠤᠨ) ᠨᠣᠮ ᠵᠢᠭᠡᠯᠡᠪᠡ᠃
ᠪᠡᠭᠡᠵᠢᠩ ᠡᠴᠡ (ᠪᠠᠢᠴᠠ) ᠣᠴᠢᠪᠠ᠃
ᠲᠡᠮᠦᠷ(ᠲᠣᠳᠣᠳᠬᠠᠯ) ᠬᠡᠷᠡᠮ ᠪᠣᠯᠣᠳ(ᠲᠣᠳᠣᠳᠬᠠᠯ) ᠬᠠᠨᠠ ᠪᠣᠰᠬᠠᠪᠠ᠃
ᠨᠡᠷᠡ ᠦᠭᠡ ᠶ᠋ᠢ ᠪᠦᠲᠦᠴᠡ ᠪᠡᠷ ᠨᠢ ᠦᠨᠳᠦᠰᠦᠨ ᠪᠠ ᠡᠭᠦᠰᠦᠮᠡᠯ ᠨᠡᠷᠡ ᠦᠭᠡ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠨᠠ᠃ ᠦᠨᠳᠦᠰᠦᠨ ᠨᠡᠷᠡ ᠦᠭᠡ ᠨᠢ ᠦᠭᠡ ᠶ᠋ᠢᠨ ᠢᠵᠠᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠬᠤ ᠨᠡᠷᠡ ᠦᠭᠡ ᠪᠣᠯᠤᠨᠠ᠃ ᠡᠭᠦᠰᠦᠮᠡᠯ ᠨᠡᠷᠡ ᠦᠭᠡ ᠨᠢ ᠨᠡᠷᠡ᠂ ᠦᠢᠯᠡ ᠦᠭᠡᠨ ᠳ᠋ᠦ᠍ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠳᠠᠭᠠᠪᠤᠷᠢ ᠵᠠᠯᠭᠠᠵᠤ ᠡᠭᠦᠰᠦᠭᠰᠡᠨ ᠨᠡᠷᠡ ᠦᠭᠡ ᠶ᠋ᠢ ᠬᠡᠯᠡᠵᠦ ᠪᠠᠢᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠵᠢᠯ - ᠠᠵᠢᠯᠴᠢᠨ
ᠮᠡᠷᠭᠡᠨ - ᠮᠡᠷᠭᠡᠵᠢᠯ - ᠮᠡᠷᠭᠡᠵᠢᠯᠲᠡᠨ᠃
ᠬᠥᠭᠵᠢ - ᠬᠥᠭᠵᠢᠯ᠃
ᠲᠠᠪᠰᠢ - ᠳᠡᠪᠰᠢᠯᠲᠡ ᠭᠡᠬᠦ ᠮᠡᠲᠦ᠃
ᠨᠡᠷᠡ ᠦᠭᠡ ᠡᠭᠦᠰᠬᠦ ᠶ᠋ᠢᠨ ᠳᠠᠭᠠᠪᠤᠷᠢ ᠪᠣᠯᠤᠨ ᠲᠡᠭᠦᠨ ᠦ᠌ ᠵᠢᠱ᠌ᠢᠶᠡ᠄
- ᠴᠢ᠂ ᠴᠢᠨ᠄ ᠠᠵᠢᠯᠴᠢᠨ᠂ ᠲᠠᠷᠢᠶᠠᠴᠢᠨ᠂ ᠮᠠᠯᠴᠢᠨ᠂ ᠡᠮᠴᠢ᠂ ᠲᠣᠭᠣᠭᠠᠴᠢ᠃
- ᠳ᠋ᠠᠨ᠄ ᠢᠳᠡᠪᠬᠢᠲᠡᠨ᠂ ᠮᠡᠷᠭᠡᠵᠢᠯᠲᠡᠨ᠂ ᠰᠤᠷᠤᠯᠭᠠᠲᠠᠨ᠃
- ᠬᠢ᠂ ᠬᠢᠨ᠄ ᠮᠠᠨ ᠤ᠋ ᠬᠢ᠂ ᠲᠠᠨ ᠤ᠋ ᠬᠢ᠂ ᠮᠠᠨ ᠤ᠋ ᠬᠢᠨ᠂ ᠲᠠᠨ ᠤ᠋ ᠬᠢᠨ᠃
- ᠊ᠪᠴᠢ᠄ ᠬᠤᠷᠤᠭᠤᠪᠴᠢ᠂ ᠪᠠᠭᠤᠪᠴᠢ᠂ ᠴᠢᠬᠢᠪᠴᠢ᠂ ᠬᠦᠵᠦᠭᠦᠪᠴᠢ᠃
- ᠊᠊ᠯᠢ᠊ᠭ᠂ ᠊ᠯᠢᠭ᠌᠄ ᠵᠠᠷᠯᠢᠭ᠂ ᠬᠥᠮᠦᠨᠯᠢᠭ
- ᠊ᠰᠦ᠍᠂ ᠊ᠰᠤᠨ᠄ ᠭᠥᠷᠥᠭᠡᠰᠦ᠂ ᠠᠳᠤᠭᠤᠰᠤᠨ᠂ ᠨᠢᠯᠪᠤᠰᠤ᠃
- ᠊ᠨᠴᠢᠷ᠂ ᠊ᠨᠴᠡᠷ᠄ ᠦᠶᠡᠨᠴᠢᠷ᠂ ᠵᠢᠭᠡᠨᠴᠢᠷ᠂ ᠦᠭᠡᠨᠴᠡᠷ᠃
- ᠊ᠮᠡᠳ᠄ ᠠᠬᠠᠮᠠᠳ᠂ ᠡᠭᠡᠴᠢᠮᠡᠳ᠃
- ᠊ᠯᠢ᠄ ᠦᠶᠡᠯᠢ᠂ ᠰᠠᠭᠠᠯᠢ᠂ ᠰᠠᠴᠤᠯᠢ᠃
- ᠊ᠬᠲᠠᠢ᠂ ᠊᠊ᠭᠲᠡᠢ᠄ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ᠃
- ᠊ᠮ᠄ ᠢᠨᠢᠶᠡᠳᠦᠮ᠂ ᠨᠠᠭᠠᠳᠤᠮ᠃
- ᠊ᠭᠠᠨᠠ᠂ ᠊ᠭᠡᠨᠡ᠄ ᠠᠯᠲᠠᠭᠠᠨᠠ᠂ ᠤᠯᠠᠯᠵᠢᠭᠠᠨᠠ᠃
- ᠊ᠯᠵᠢ᠄ ᠰᠢᠷᠠᠯᠵᠢ᠂ ᠤᠯᠠᠯᠵᠢ᠃
- ᠊ᠵᠢ᠂ ᠊ᠵᠢᠨ᠄ ᠭᠤᠨᠵᠢ᠂ ᠭᠤᠨᠵᠢᠨ᠂ ᠳᠥᠨᠵᠢ᠂ ᠳᠦᠨᠵᠢᠨ᠃
- ᠊ᠭᠠᠢ᠂ ᠊ᠭᠠᠷ᠄ ᠠᠨᠳᠠᠭᠠᠢ ᠠᠨᠳᠠᠭᠠᠷ᠃
- ᠴᠠᠭ᠄ ᠳᠣᠪᠣᠴᠠᠭ᠂ ᠬᠣᠩᠭᠣᠷᠴᠠᠭ᠃
- ᠊ᠷᠴᠠ᠊ᠭ᠄ ᠳᠣᠪᠣᠷᠴᠠᠭ᠃
- ᠊ᠮᠵᠢ᠄ ᠪᠢᠲᠡᠭᠦᠮᠵᠢ᠃
- ᠊ᠭᠠ᠂ ᠬᠡ᠂ ᠊ᠶᠡ᠄ ᠤᠶᠠᠭᠠ᠂ ᠲᠠᠭᠯᠠᠭᠠ᠂ ᠬᠣᠷᠢᠶᠠ᠂ ᠬᠡᠮᠵᠢᠶᠡ᠃
- ᠊ᠭᠠᠨ᠂ ᠬᠡᠨ᠂ ᠶᠠᠨ᠄ ᠬᠥᠳᠡᠯᠭᠡᠭᠡᠨ᠂ ᠪᠠᠢᠯᠳᠤᠭᠠᠨ᠂ ᠨᠠᠷᠭᠢᠶᠠᠨ᠂ ᠤᠬᠠᠭᠠᠨ᠂ ᠤᠷᠤᠯᠳᠤᠭᠠᠨ᠃
- ᠊ᠭᠠ᠂ ᠬᠡ᠄ ᠨᠠᠢᠷᠠᠭᠤᠯᠭᠠ᠂ ᠠᠵᠢᠯᠯᠠᠭᠠ᠂ ᠦᠳᠡᠰᠢᠯᠡᠭᠡ᠂ ᠡᠭᠦᠷᠭᠡ᠃
- ᠊ᠯᠭᠠ᠂ ᠊ᠯᠬᠡ᠄ ᠪᠣᠳᠣᠯᠭᠠ᠂ ᠪᠠᠷᠢᠯᠭᠠ᠂ ᠥᠭᠦᠯᠡᠯᠭᠡ᠃
- ᠊ᠯ᠄ ᠪᠠᠳᠠᠷᠠᠯ᠂ ᠲᠡᠮᠡᠴᠡᠯ᠂ ᠬᠥᠭᠵᠢᠯ᠂ ᠠᠷᠠᠳᠴᠢᠯᠠᠯ᠃
- ᠪᠤᠷᠢ᠄ ᠲᠠᠢᠯᠪᠤᠷᠢ᠂ ᠪᠠᠲᠤᠯᠠᠪᠤᠷᠢ ᠲᠡᠭᠡᠭᠡᠪᠦᠷᠢ᠂ ᠦᠯᠡᠳᠡᠪᠦᠷᠢ᠂ ᠬᠥᠲᠥᠯᠪᠦᠷᠢ᠃
- ᠊ᠭᠤᠯ᠂ ᠊᠊ᠭᠦᠯ᠄ ᠬᠠᠷᠠᠭᠤᠯ᠂ ᠲᠤᠷᠰᠢᠭᠤᠯ᠃ ᠢᠷᠡᠭᠦᠯ
- ᠊ᠭᠤᠷ᠂ ᠊᠊ᠬᠥᠷ᠄ ᠬᠠᠳᠤᠭᠤᠷ᠂ ᠠᠷᠴᠢᠭᠤᠷ᠂ ᠬᠥᠯᠳᠡᠭᠦᠷ᠃
- ᠊ᠯᠳᠠ᠄ ᠦᠰᠦᠷᠦᠯᠲᠡ᠂ ᠳᠡᠪᠰᠢᠯᠲᠡ᠂ ᠠᠭᠤᠯᠵᠠᠯᠲᠠ᠃
- ᠊ᠭ᠂ ᠊ᠭ᠌᠄ ᠵᠣᠷᠢᠭ᠂ ᠴᠢᠮᠡᠭ᠂ ᠵᠢᠷᠤᠭ᠂ ᠪᠢᠴᠢᠭ᠃
- ᠴᠠ᠄ ᠤᠷᠭᠤᠴᠠ᠂ ᠳᠠᠯᠠᠢᠴᠠ᠂ ᠲᠠᠭᠠᠴᠠ᠂ ᠬᠢᠴᠡ᠃
- ᠊ᠶᠡ᠄ ᠲᠠᠷᠢᠶᠠ᠂ ᠬᠡᠮᠵᠢᠶᠡ᠂ ᠬᠣᠷᠰᠢᠶᠠ᠃
- ᠊ᠬᠤᠢ᠂ ᠊᠊ᠬᠦᠢ᠄ ᠰᠡᠳᠬᠢᠬᠦᠢ᠂ ᠥᠭᠦᠯᠡᠬᠦᠢ᠂ ᠮᠡᠳᠡᠷᠡᠬᠦᠢ
- ᠊ᠬᠤᠨ᠂ ᠊ᠭᠦᠨ᠄ᠦᠢᠯᠡᠳᠬᠦᠨ᠂ ᠪᠦᠲᠦᠭᠡᠭᠳᠡᠬᠦᠨ ᠂ᠥᠭᠦᠯᠡᠭᠳᠡᠬᠦᠨ᠂ ᠲᠤᠰᠤᠭᠳᠠᠬᠤᠨ᠃
- ᠊ᠬᠴᠢ᠂ ᠊᠊ᠭ᠌ᠴᠢ᠄ ᠵᠢᠷᠤᠭᠴᠢ᠂ ᠪᠢᠴᠢᠭᠴᠢ᠂ ᠤᠳᠤᠷᠢᠳᠤᠭᠴᠢ᠃
- ᠊᠊ᠭᠠᠴᠢ᠂ ᠊ᠭᠡᠴᠢ᠄ ᠵᠢᠷᠤᠭᠠᠴᠢ᠂ ᠪᠢᠴᠢᠭᠡᠴᠢ᠂ ᠬᠠᠷᠪᠤᠭᠠᠴᠢ᠃
- ᠊ᠶᠠᠴᠢ᠄ ᠪᠠᠷᠢᠶᠠᠴᠢ᠃
- ᠊᠊᠊ᠲᠠᠯ᠄ ᠰᠤᠷᠲᠠᠯ᠂ ᠪᠠᠭᠤᠳᠠᠯ᠂ ᠵᠠᠷᠤᠳᠠᠯ᠂ ᠨᠡᠭᠦᠳᠡᠯ
- ᠊ᠭᠠᠰᠤ᠂ ᠊᠊ᠬᠡᠰᠦ᠄ ᠵᠢᠷᠤᠭᠠᠰᠤ᠂ ᠨᠥᠬᠥᠭᠡᠰᠦ᠃
- ᠊ᠶᠠᠰᠤ᠄ ᠬᠦᠯᠢᠶᠡᠰᠦ᠃
- ᠊᠊ᠳᠠᠰᠤ᠄ ᠦᠷᠡᠳᠡᠰᠦ᠂ ᠤᠬᠢᠶᠠᠳᠠᠰᠤ᠃
- ᠊᠊ᠰᠢ᠄ ᠲᠦᠯᠡᠰᠢ᠂ ᠢᠳᠡᠰᠢ᠂ ᠬᠡᠪᠲᠡᠰᠢ᠂ ᠪᠤᠯᠠᠰᠢ᠃
- ᠊ᠭᠣᠷᠢ᠂ ᠊᠊ᠬᠦᠷᠢ᠄ ᠠᠩᠨᠠᠭᠤᠷᠢ᠂ ᠢᠴᠢᠭᠦᠷᠢ᠃
- ᠊ᠭᠣᠯᠢ᠄ ᠰᠤᠷᠭᠠᠭᠤᠯᠢ᠃
- ᠊ᠩ᠄ ᠲᠠᠷᠢᠶᠠᠯᠠᠩ᠂ ᠬᠦᠷᠢᠶᠡᠯᠡᠩ᠃
- ᠊ᠭᠤᠯᠠᠩ᠂ ᠊ᠭᠦᠯᠡᠩ᠄ ᠴᠠᠳᠬᠤᠯᠠᠩ᠂ ᠥᠯᠥᠰᠬᠦᠯᠡᠩ᠂ ᠪᠠᠶᠠᠰᠬᠤᠯᠠᠩ᠃
- ᠶᠠᠷᠢ᠄ ᠡᠮᠵᠢᠶᠡᠷᠢ᠂ ᠬᠠᠪᠴᠢᠶᠠᠷᠢ᠃
- ᠊ᠮᠰᠠᠷ᠄ ᠰᠠᠨᠠᠮᠰᠠᠷ᠂ ᠤᠬᠠᠮᠰᠠᠷ᠃
- ᠊ᠷᠢ᠄ ᠠᠪᠤᠷᠢ᠂ ᠬᠤᠪᠢᠶᠠᠷᠢ᠂ ᠰᠠᠭᠤᠷᠢ᠃
- ᠊ᠮᠰᠢ᠊ᠭ᠂ ᠊ᠮ᠊ᠰᠢᠭ᠌᠄ ᠭᠠᠢᠬᠠᠮᠰᠢᠭ᠂ ᠠᠶᠤᠮᠰᠢᠭ᠃
- ᠊ᠳᠦ᠄ ᠢᠨᠢᠶᠡᠳᠦ᠂ ᠬᠠᠨᠢᠶᠠᠳᠤ᠂ ᠬᠠᠷᠢᠶᠠᠲᠤ᠃
- ᠊ᠮ᠊ᠲᠡ᠄ ᠪᠠᠷᠢᠮᠲᠠ᠂ ᠪᠣᠭᠣᠮᠲᠠ᠃
- ᠊ᠷ᠄ ᠪᠡᠯᠴᠢᠭᠡᠷ᠃
- ᠊ᠮ᠊ᠵᠢ᠄ ᠲᠤᠰᠠᠯᠠᠮᠵᠢ᠂ ᠤᠳᠤᠷᠢᠳᠤᠮᠵᠢ᠂ ᠦᠵᠡᠮᠵᠢ᠃
- ᠊ᠮᠢ᠄ ᠤᠬᠤᠮᠢ᠂ ᠪᠣᠭᠣᠮᠢ᠃
- ᠊ᠵᠠ᠄ ᠣᠯᠵᠠ᠂ ᠭᠠᠷᠤᠵᠠ᠃
- ᠊ᠰ᠄ ᠵᠣᠬᠢᠰ᠂ ᠠᠯᠳᠠᠰ᠃
- ᠳ᠋ᠠ᠊ᠮ᠄ ᠴᠠᠢᠳᠠᠮ᠃
- ᠊ᠭᠡᠷ᠄ ᠳᠡᠪᠢᠰᠬᠡᠷ᠃
- ᠊ᠪ᠄ ᠰᠡᠳᠦᠪ᠂ ᠲᠥᠰᠥᠪ᠃
- ᠊ᠭᠠᠯᠢ᠂ ᠊ᠭᠡᠯᠢ᠄ ᠦᠶᠡᠭᠡᠯᠢ᠂ ᠬᠠᠶᠠᠭᠠᠯᠢ᠃
- ᠊ᠵᠢᠭ᠂ ᠊ᠵᠡᠭᠡᠢ᠄ ᠡᠭᠡᠵᠢᠭ᠂ ᠡᠭᠡᠵᠡᠭᠡᠢ᠂ ᠭᠦᠨᠵᠡᠭᠡᠢ᠃
- ᠊ᠬᠠᠢ᠂ ᠊ᠬᠡᠢ᠄ ᠠᠩᠭᠠᠬᠠᠢ᠂ ᠳᠡᠭᠳᠡᠭᠡᠬᠡᠢ᠂ ᠡᠷᠪᠡᠬᠡᠢ ᠭᠡᠬᠦ ᠵᠡᠷᠭᠡ ᠪᠣᠯᠤᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠠᠨᠴᠢᠮᠡᠭ᠂ ᠪᠠᠢ᠂ ᠰᠠᠷᠠᠨᠠ᠂ ᠪᠠᠶᠠᠨᠴᠡᠴᠡᠭ᠂ ᠮᠥᠩᠭᠥᠨ᠂ ᠠᠯᠲᠠᠨᠴᠢᠮᠡᠭ ᠂ ᠬᠡᠯᠡᠰᠣᠶᠣᠯ(ᠪᠤᠤ ᠵᠢᠨ ᠬᠤᠸᠠ)᠂ ᠨᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ᠂ ᠨᠠᠷᠠᠨ᠂ ᠭᠡᠷᠡᠯ