ᠠᠪᠢᠶᠠᠨ ᠤ᠋ ᠵᠦᠢ06ᠮᠣᠩᠭᠣᠯ ᠬᠡᠯᠡᠨ ᠦ ᠦᠶᠡ ᠶ᠋ᠢᠨ ᠲᠤᠬᠠᠢАвины зүйАвины зүй
263ᠵᠢᠷᠭᠤᠭᠠ᠃ ᠮᠣᠩᠭᠣᠯ ᠬᠡᠯᠡᠨ ᠦ ᠦᠶᠡ ᠶ᠋ᠢᠨ ᠲᠤᠬᠠᠢ
ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠨᠢᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠠᠪᠢᠶᠠ ᠠ᠋ᠴᠠ ᠪᠦᠲᠦᠭᠰᠡᠨ᠂ ᠤᠩᠰᠢᠬᠤ ᠳ᠋ᠤ᠌ ᠳᠠᠭᠤᠲᠠᠢ᠂ ᠰᠣᠨᠣᠰᠬᠤ ᠳ᠋ᠤ᠌ ᠲᠣᠳᠣᠷᠬᠠᠢ᠂ ᠦᠭᠡ ᠬᠡᠯᠡᠨ ᠦ᠌ ᠲᠠᠰᠤᠷᠬᠠᠢ ᠬᠡᠰᠡᠭ ᠢ᠋ ᠦᠶᠡ ᠭᠡᠨᠡ᠃ ᠦᠭᠡ ᠨᠢ ᠨᠢᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠦᠶᠡ ᠶ᠋ᠢᠨ ᠨᠡᠢᠯᠡᠪᠦᠷᠢ ᠡᠴᠡ ᠪᠦᠲᠦᠬᠦ ᠪᠥᠭᠡᠳ ᠦᠶᠡ ᠨᠢ ᠨᠢᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠠᠪᠢᠶᠠᠨ ᠤ᠋ ᠨᠡᠢᠯᠡᠪᠦᠷᠢ ᠡᠴᠡ ᠪᠦᠲᠦᠭᠰᠡᠨ ᠶᠦᠮ᠃
ᠵᠢᠱ᠌ᠢᠶᠡᠯᠡᠪᠡᠯ᠄《ᠰᠤᠷᠤᠯᠴᠠᠵᠠᠭᠠᠶᠠ》 ᠭᠡᠳᠡᠭ ᠦᠭᠡ ᠨᠢ《ᠰᠤ᠊ ᠊ᠷᠤᠯ᠊ ᠊ᠴᠠ᠊ ᠊ᠵᠠ᠊ ᠊ᠭᠠ᠊ ᠊ᠶᠠ᠋ 》 ᠭᠡᠰᠡᠨ ᠵᠢᠷᠭᠤᠭᠠᠨ ᠦᠶᠡ ᠡᠴᠡ ᠪᠦᠲᠦᠭᠰᠡᠨ ᠪᠥᠭᠡᠳ ᠬᠡᠯᠡᠬᠦ ᠳ᠋ᠦ᠍ ᠠᠭᠤᠰᠬᠢᠨ ᠠ᠋ᠴᠠ ᠭᠠᠷᠤᠭᠰᠠᠨ ᠬᠡᠢ ᠶ᠋ᠢᠨ ᠲᠦᠷᠢᠯᠲᠡ ᠳᠠᠭᠠᠤ ᠬᠢᠯᠪᠠᠷᠬᠠᠨ ᠢ᠋ᠶ᠋ᠠᠷ ᠬᠡᠰᠡᠭᠯᠡᠨ ᠬᠤᠪᠢᠶᠠᠭᠳᠠᠵᠤ ᠲᠣᠳᠣᠷᠬᠠᠢ ᠰᠣᠨᠣᠰᠳᠠᠵᠤ ᠪᠠᠢᠬᠤ ᠶᠤᠮ᠃ ᠦᠭᠡ ᠶ᠋ᠢᠨ ᠡᠢᠮᠦ ᠲᠠᠰᠤᠷᠬᠠᠢ ᠬᠡᠰᠡᠭ ᠢ᠋ ᠦᠶᠡ ᠭᠡᠳᠡᠭ᠃
( ᠨᠢᠭᠡ) ᠦᠶᠡ ᠶ᠋ᠢᠨ ᠪᠦᠲᠦᠴᠡ
ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠬᠡᠯᠡᠨ ᠳ᠋ᠦ᠍ ᠦᠶᠡ ᠶ᠋ᠢᠨ ᠪᠦᠲᠦᠴᠡ ᠨᠢ ᠳᠣᠣᠷᠠᠬᠢ ᠮᠡᠲᠦ ᠬᠡᠳᠦᠨ ᠵᠦᠢᠯ ᠪᠣᠢ᠃
1 ᠵᠥᠪᠬᠡᠨ ᠡᠭᠡᠰᠢᠭ ᠡᠴᠡ ᠦᠶᠡ ᠪᠦᠲᠦᠳᠡᠭ;
ᠵᠢᠱ᠌ᠢᠶᠡᠯᠡᠪᠡᠯ᠄ ᠠ᠊ ᠊ᠭᠤᠤ᠂ ᠡ᠊ ᠊ᠬᠡ᠂ ᠣ ᠊ᠷᠣᠨ᠂ ᠣᠢ᠂ ᠤ᠊ ᠊ᠯᠠ᠊ ᠊ᠭᠠᠨ᠂ ᠦ᠊ ᠊ᠨᠡᠨ ᠭᠡᠬᠦ ᠮᠡᠲᠦ᠃
2 ᠡᠭᠡᠰᠢᠭ᠂ ᠭᠡᠢᠭᠦᠯᠦᠭᠴᠢ ᠬᠣᠶᠠᠷ ᠠ᠋ᠴᠠ ᠦᠶᠡ ᠪᠦᠲᠦᠳᠡᠭ;
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠯ᠊ ᠊ᠳᠠ ᠂ ᠡᠷ᠊ ᠊ᠳᠡ ᠂ ᠢᠷ᠊ ᠊ᠮᠡᠭ᠌ ᠂ ᠣ᠊ᠨ᠊ ᠴᠠ ᠂ ᠤᠷ᠊ ᠊ᠲᠤ ᠂ ᠥᠭ᠊ ᠊᠊ᠳᠡᠭ ᠭᠡᠬᠦ ᠮᠡᠲᠦ᠃
3 ᠭᠡᠢᠭᠦᠯᠦᠭᠴᠢ᠂ ᠡᠬᠡᠰᠢᠭ ᠬᠣᠶᠠᠷ ᠡᠴᠡ ᠦᠶᠡ ᠪᠦᠲᠦᠳᠡᠭ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠨᠠ᠊ ᠊ᠷᠠ ᠂ ᠪᠡ᠊ ᠊ᠶᠡ᠂ ᠬᠠ᠊ ᠊ᠲᠠ᠊ ᠊ᠭᠤ᠂
ᠴᠠ᠊ ᠊ᠭᠠᠠ᠊ ᠊ᠰᠦ᠍᠂ ᠰᠣ᠊ ᠊ᠶᠤ᠌᠊ ᠊ᠭᠠ᠂
ᠲᠡ᠊ ᠊ᠮᠡ᠊ ᠴᠠ᠂ ᠶ᠋ᠢ᠊ ᠊ᠭᠠ᠊ ᠊ᠪᠤ᠌᠊ ᠊ᠷᠢ ᠭᠡᠬᠦ ᠮᠡᠲᠦ᠃
4 ᠭᠡᠢᠭᠦᠯᠦᠭᠴᠢ᠂ ᠡᠬᠡᠰᠢᠭ᠂ ᠭᠡᠢᠭᠦᠯᠦᠭᠴᠢ ᠂ ᠭᠤᠷᠪᠠ ᠡᠴᠡ ᠦᠶᠡ ᠪᠦᠲᠦᠳᠡᠭ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠳᠠᠩ᠊ ᠊ᠰᠤᠭ᠂ ᠳᠡᠯ᠊ ᠊ᠭᠡᠷ ᠂ ᠰᠢᠷ᠊ ᠊ᠭᠠᠯ᠂
ᠨᠠᠪ᠊ ᠴᠢᠨ ᠂ ᠬᠦ᠊ᠭ᠌᠊ ᠊ᠵᠢᠯ᠂ ᠮᠡᠷ᠊ ᠊ᠬᠡᠨ ᠂ᠮᠤᠷ᠊ ᠊ᠳᠠ᠂ ᠳᠠᠪ᠊ ᠊ᠰᠢᠨ ᠭᠡᠬᠦ ᠮᠡᠲᠦ᠃
5 ᠡᠬᠡᠰᠢᠭ ᠂ ᠭᠡᠢᠭᠦᠯᠦᠭᠴᠢ᠂ ᠭᠡᠢᠭᠦᠯᠦᠭᠴᠢ ᠭᠤᠷᠪᠠ ᠡᠴᠡ ᠦᠶᠡ ᠪᠦᠲᠦᠳᠡᠭ᠃
ᠵᠢᠱ᠌ᠢᠶᠡᠯᠡᠪᠡᠯ ᠠᠷᠰ᠊ ᠊ᠯᠠᠨ
6 ᠭᠡᠢᠭᠦᠯᠦᠭᠴᠢ᠂ ᠡᠬᠡᠰᠢᠭ᠂ ᠭᠡᠢᠭᠦᠯᠦᠭᠴᠢ᠂ ᠭᠡᠢᠭᠦᠯᠦᠭᠴᠢ ᠳᠥᠷᠪᠡ ᠡᠴᠡ ᠦᠶᠡ ᠪᠦᠲᠦᠳᠡᠭ᠃
ᠵᠢᠰᠢᠶᠠᠯᠠᠪᠠᠯ᠄ ᠪᠠᠷᠰ᠂ ᠲᠡᠷᠰ᠂ ᠮᠧᠲ᠋ᠷ ᠭᠡᠬᠦ ᠮᠡᠲᠦ᠃
7 ᠭᠡᠢᠭᠦᠯᠦᠭᠴᠢ᠂ ᠭᠡᠢᠭᠦᠯᠦᠭᠴᠢ᠂ ᠡᠬᠡᠰᠢᠭ᠂ ᠭᠡᠢᠭᠦᠯᠦᠭᠴᠢ ᠳᠥᠷᠪᠡ ᠡᠴᠡ ᠦᠶᠡ ᠪᠦᠲᠦᠳᠡᠭ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠭ᠌ᠱᠠᠨ᠂ ᠭ᠌ᠬᠢᠷ ᠭᠡᠬᠦ ᠮᠡᠲᠦ᠃
ᠡᠭᠦᠨ ᠳ᠋ᠦ᠍ ᠡᠭᠡᠰᠢᠭ ᠢ᠋ᠶ᠋ᠡᠷ ᠲᠡᠭᠦᠰᠦᠭᠰᠡᠨ ᠦᠶᠡ ᠶ᠋ᠢ ᠵᠠᠳᠠᠭᠠᠢ ᠦᠶᠡ ᠭᠡᠵᠦ᠂ ᠭᠡᠢᠭᠦᠯᠦᠭᠴᠢ ᠪᠡᠷ ᠲᠡᠭᠦᠰᠦᠭᠰᠡᠨ ᠦᠶᠡ ᠶ᠋ᠢ ᠪᠢᠲᠡᠭᠦᠦ ᠦᠶᠡ ᠭᠡᠳᠡᠭ᠃
ᠮᠣᠩᠭᠣᠯ ᠪᠢᠴᠢᠭ ᠦ᠋ᠨ ᠬᠡᠯᠡᠨ ᠳ᠋ᠦ᠍ ᠦᠶᠡ ᠶ᠋ᠢᠨ ᠪᠦᠲᠦᠴᠡ ᠨᠢ ᠳᠡᠭᠡᠷᠡᠬᠢ ᠮᠡᠲᠦ ᠣᠯᠠᠨ ᠶᠠᠩᠵᠤ ᠪᠠᠢᠭᠠ ᠪᠣᠯᠪᠠᠴᠤ ᠦᠭᠡ ᠶ᠋ᠢ ᠦᠶᠡ ᠪᠡᠷ ᠲᠠᠰᠤᠯᠬᠤ ᠳ᠋ᠤ᠌ ᠳᠣᠣᠷᠠᠬᠢ ᠮᠡᠲᠦ ᠬᠡᠳᠦᠨ ᠵᠦᠢᠯ ᠦ᠋ᠨ ᠦᠨᠳᠦᠰᠦᠨ ᠠᠷᠭᠠ ᠪᠣᠢ᠄
1 ᠬᠣᠶᠠᠷ ᠡᠬᠡᠰᠢᠭ ᠦ᠋ᠨ ᠳᠤᠮᠳᠠ ᠨᠢᠭᠡ ᠭᠡᠢᠭᠦᠯᠦᠭᠴᠢ ᠣᠷᠣᠵᠤ ᠪᠠᠢᠪᠠᠯ ᠲᠡᠷᠡ ᠭᠡᠢᠭᠦᠯᠦᠭᠴᠢ ᠶ᠋ᠢᠨ ᠡᠮᠦᠨᠡᠭᠦᠷ ᠨᠢ ᠲᠠᠰᠤᠯᠤᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠷᠠᠳ — ᠠ᠊ ᠊ᠷᠠᠳ᠂ ᠲᠦᠮᠡᠨ — ᠲᠦ᠊ ᠊ᠮᠠᠨ᠂ ᠠᠵᠢᠯ— ᠠ᠊ ᠊ᠵᠢᠯ ᠂ ᠶᠠᠪᠤᠳᠠᠯ— ᠶᠠ᠊ ᠊ᠪᠤ᠊ ᠳ᠋ᠠᠯ᠃ ᠬᠠᠮᠠᠭᠠᠯᠠᠬᠤ— ᠬᠠ᠊ ᠊ᠮᠡ᠊ ᠊᠊ᠭᠠ᠊ ᠊ᠯᠠ᠊ ᠊ᠬᠤ᠌
2 ᠬᠣᠶᠠᠷ ᠡᠬᠡᠰᠢᠭ ᠦ᠋ᠨ ᠳᠤᠮᠳᠠ ᠬᠣᠶᠠᠷ ᠭᠡᠢᠭᠦᠯᠦᠭᠴᠢ ᠳᠠᠷᠠᠭᠠᠯᠠᠨ ᠣᠷᠣᠵᠤ ᠪᠠᠢᠪᠠᠯ ᠬᠣᠶᠠᠷ ᠭᠡᠢᠭᠦᠯᠦᠭᠴᠢ ᠶ᠋ᠢᠨ ᠳᠤᠮᠳᠠᠭᠤᠷ ᠨᠢ ᠲᠠᠰᠤᠯᠤᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠡᠯᠳᠡᠪ — ᠡ᠊ᠯ᠊ ᠳ᠋ᠡᠪ᠂
ᠳᠡᠪᠲᠡᠷ— ᠳᠡᠪ᠊ ᠊᠊ᠲᠡᠷ᠂
ᠠᠩᠬᠢ — ᠠ᠊ᠩ᠊ ᠊ᠬᠢ᠂
ᠵᠣᠭᠰᠣᠯᠲᠠ— ᠵᠣᠬ᠊ ᠊ᠰᠣ᠊ᠯ᠊ ᠊ᠲ᠊ᠠ᠂
ᠳᠡᠪᠰᠢᠯᠲᠡ— ᠳᠠᠪ᠊ ᠊ᠰᠢᠯ᠊ ᠊ᠲᠠ ᠭᠡᠬᠦ ᠮᠡᠲᠦ᠃
3 ᠬᠣᠶᠠᠷ ᠡᠬᠡᠰᠢᠭ ᠦ᠋ᠨ ᠳᠤᠮᠳᠠ ᠭᠤᠷᠪᠠᠨ ᠭᠡᠢᠭᠦᠯᠦᠭᠴᠢ ᠳᠠᠷᠠᠭᠠᠯᠠᠨ ᠣᠷᠣᠵᠤ ᠪᠠᠢᠪᠠᠯ ᠭᠤᠷᠪᠠᠳᠤᠭᠠᠷ ᠭᠡᠢᠭᠦᠯᠦᠭᠴᠢ ᠶ᠋ᠢᠨ ᠡᠮᠦᠨᠡᠭᠦᠷ ᠨᠢ ᠲᠠᠰᠤᠯᠤᠨᠠ᠃᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠲᠡᠷᠰᠯᠡᠭᠦᠦ — ᠲᠡᠷᠰ᠊ ᠊ᠯᠡ᠊ ᠊᠊ᠭᠦ᠊ᠥ᠂
ᠠᠷᠰᠯᠠᠨ— ᠠᠷᠰ᠊ ᠊ᠯᠠᠨ ᠭᠡᠬᠦ ᠮᠡᠲᠦ᠃
( ᠬᠣᠶᠠᠷ) ᠦᠶᠡ ᠪᠦᠲᠦᠬᠦ ᠶᠣᠰᠣ
ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠠᠪᠢᠶᠠ ᠨᠡᠶ᠋ᠢᠯᠡᠵᠦ ᠦᠶᠡ ᠪᠦᠲᠦᠬᠦ ᠶᠣᠰᠣ ᠨᠢ ᠣᠯᠠᠨ ᠵᠦᠢᠯ ᠪᠠᠶ᠋ᠢᠭᠠ ᠪᠣᠯᠪᠠᠴᠤ ᠨᠢᠭᠡᠨ ᠦᠨᠳᠦᠰᠦᠨ ᠶᠣᠰᠣ ᠭᠣᠣᠯᠯᠠᠵᠤ ᠪᠠᠶ᠋ᠢᠭᠠ ᠶᠤᠮ᠃ ᠡᠨᠡ ᠨᠢ ᠡᠭᠡᠰᠢᠭ ᠠᠪᠢᠶᠠ ᠲᠤᠯᠭᠠᠭᠤᠷᠢ ᠪᠡᠶᠡ ᠪᠣᠯᠤᠨ ᠦᠶᠡ ᠪᠦᠲᠦᠭᠡᠵᠦ ᠴᠢᠳᠠᠬᠤ ᠠ᠋ᠴᠠ ᠪᠤᠰᠤ ᠭᠡᠶ᠋ᠢᠭᠦᠯᠦᠭᠴᠢ ᠠᠪᠢᠶᠠ ᠳᠠᠩ ᠶ᠋ᠢᠠᠷ ᠶ᠋ᠢᠠᠨ ᠦᠶᠡ ᠪᠦᠲᠦᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠡᠶ᠋ᠢᠮᠦ ᠡᠴᠡ ᠡᠭᠡᠰᠢᠭ ᠠᠪᠢᠶᠠ ᠨᠢ ᠢᠮᠠᠭᠲᠠ ᠦᠶᠡ ᠪᠦᠲᠦᠭᠡᠳᠡᠭ ᠠᠪᠢᠶᠠ ᠪᠣᠯᠤᠨᠠ᠃
ᠡᠭᠦᠨ ᠳ᠋ᠦ᠍ ᠨᠢᠭᠡ ᠡᠭᠡᠰᠢᠭ ᠠᠪᠢᠶᠠ ᠨᠢᠭᠡ ᠦᠶᠡ ᠶ᠋ᠢ ᠪᠦᠲᠦᠭᠡᠳᠡᠭ ᠪᠥᠭᠡᠳ ᠡᠩ ᠦ᠋ᠨ ᠪᠠᠢᠳᠠᠯ ᠳ᠋ᠤ᠌ ᠨᠢᠭᠡ ᠦᠶᠡ ᠶ᠋ᠢᠨ ᠳᠣᠲᠣᠷᠠ ᠬᠣᠶᠠᠷ ᠡᠭᠡᠰᠢᠭ ᠣᠷᠣᠬᠤ ᠦᠭᠡᠢ ᠶᠤᠮ᠃ ᠭᠡᠪᠡᠴᠦ ᠬᠣᠣᠰ ᠡᠭᠡᠰᠢᠭ ᠪᠤᠶᠤ ᠤᠷᠲᠤ ᠡᠭᠡᠰᠢᠭ ᠨᠢ ᠨᠢᠭᠡ ᠦᠶᠡ ᠳ᠋ᠦ᠍ ᠣᠷᠣᠬᠤ ᠣᠨᠴᠣᠭᠣᠢ ᠦᠵᠡᠭᠳᠡᠯ ᠪᠠᠶ᠋ᠢᠳᠠᠭ᠃ ᠦᠭᠡ ᠶ᠋ᠢ ᠦᠶᠡ ᠪᠡᠷ ᠵᠠᠳᠠᠯᠤᠨ ᠤᠩᠰᠢᠬᠤ ᠪᠠ ᠪᠢᠴᠢᠬᠦ ᠳ᠋ᠡᠭᠡᠨ ᠡᠳᠡᠭᠡᠷ ᠵᠦᠢᠯ ᠊ᠢ ᠭᠦᠢᠴᠡᠳ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃
( ᠭᠤᠷᠪᠠ) ᠡᠭᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣ
ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠡᠬᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣ ᠭᠡᠵᠦ ᠪᠠᠢᠳᠠᠭ᠃ ᠡᠨᠡ ᠨᠢ ᠡᠩ ᠦ᠋ᠨ ᠪᠠᠢᠳᠠᠯ ᠳᠣᠣᠷᠠ᠂ ᠦᠭᠡ ᠶ᠋ᠢᠨ ᠲᠦᠷᠦᠭᠦᠨ ᠦ᠌ ᠦᠶᠡ ᠶ᠋ᠢᠨ ᠡᠬᠡᠰᠢᠭ ᠨᠢ ᠮᠥᠨ ᠦᠭᠡᠨ ᠦ᠌ ᠳᠠᠷᠠᠭᠠᠬᠢ ᠦᠶᠡ ᠶ᠋ᠢᠨ ᠡᠭᠡᠰᠢᠭ ᠦ᠋ᠳ ᠦ᠋ᠨ ᠳᠠᠷᠠᠭᠠᠯᠠᠨ ᠣᠷᠣᠬᠤ ᠵᠢᠷᠤᠮ ᠢ᠋ ᠢᠯᠭᠠᠨ ᠲᠣᠭᠲᠠᠭᠠᠵᠤ ᠥᠭᠬᠦ ᠶᠣᠰᠣ ᠶ᠋ᠢ ᠬᠡᠯᠡᠵᠦ ᠪᠠᠢᠨᠠ᠃ ᠡᠭᠡᠰᠢᠭ ᠦ᠋ᠳ ᠦ᠋ᠨ ᠳᠠᠷᠠᠭᠠᠯᠠᠨ ᠣᠷᠣᠬᠤ ᠵᠢᠷᠤᠮ ᠢ᠋ ᠲᠣᠭᠲᠠᠭᠠᠬᠤ ᠳ᠋ᠤ᠌ ᠭᠣᠣᠯᠳᠠᠭᠤ ᠡᠭᠡᠰᠢᠭ ᠦ᠋ᠳ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠬᠡᠯᠡ ᠪᠠ ᠤᠷᠤᠭᠤᠯ ᠤ᠋ᠨ ᠣᠷᠣᠯᠴᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠦᠨᠳᠦᠰᠦ ᠪᠣᠯᠭᠠᠪᠠ᠃
ᠡᠭᠡᠰᠢᠭ ᠦ᠋ᠳ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠬᠡᠯᠡᠨ ᠦ᠌ ᠣᠷᠣᠯᠴᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠭᠠᠪᠠᠯ᠂ ᠬᠡᠯᠡᠨ ᠦ᠌ ᠤᠭ ᠢ᠋ᠶ᠋ᠠᠷ ᠥᠭᠦᠯᠡᠭᠳᠡᠬᠦ《ᠠ᠊᠂ ᠣ᠊᠂ ᠤ᠊》ᠭᠤᠷᠪᠠ ᠶ᠋ᠢ ᠴᠢᠩᠭᠠ( ᠡᠷᠡ) ᠡᠬᠡᠰᠢᠭ ᠭᠡᠨᠡ᠃ ᠬᠡᠯᠡᠨ ᠦ᠌ ᠳᠤᠮᠳᠠᠭᠤᠷ ᠦᠭᠦᠯᠡᠭᠳᠡᠬᠦ《ᠡ᠊᠂ ᠥ᠊᠂ ᠦ᠊》 ᠭᠤᠷᠪᠠ ᠶ᠋ᠢ ᠬᠥᠨᠳᠡᠢ( ᠡᠮᠡ) ᠡᠬᠡᠰᠢᠭ ᠭᠡᠨᠡ᠃ ᠬᠡᠯᠡᠨ ᠦ᠌ ᠦᠵᠦᠭᠦᠷ ᠢ᠋ᠶ᠋ᠡᠷ ᠦᠭᠦᠯᠡᠭᠳᠡᠬᠦ《ᠢ᠊》 ᠡᠬᠡᠰᠢᠭ ᠢ᠋ ᠰᠠᠭᠠᠷᠮᠠᠭ( ᠡᠷᠰᠦ) ᠡᠬᠡᠰᠢᠭ ᠭᠡᠨᠡ᠃ ᠮᠣᠩᠭᠣᠯ ᠬᠡᠯᠡᠨ ᠦ᠌ ᠨᠢᠭᠡ ᠦᠭᠡᠨ ᠳ᠋ᠦ᠍ ᠴᠢᠩᠭᠠ ᠬᠥᠨᠳᠡᠢ ᠡᠬᠡᠰᠢᠭ ᠬᠣᠯᠢᠯᠳᠤᠨ ᠣᠷᠣᠳᠠᠭ ᠦᠭᠡᠢ᠃ ᠴᠢᠩᠭᠠ ᠡᠬᠡᠰᠢᠭ ᠢ᠋ᠶ᠋ᠡᠷ ᠡᠬᠢᠯᠡᠭᠰᠡᠨ ᠦᠶᠡ ᠪᠠᠢᠪᠠᠯ ᠳᠠᠷᠠᠭᠠᠯᠠᠨ ᠴᠢᠩᠭᠠ ᠡᠭᠡᠰᠢᠭ ᠢᠷᠡᠵᠦ᠂ ᠬᠥᠨᠳᠡᠢ ᠡᠬᠡᠰᠢᠭ ᠢ᠋ᠶ᠋ᠡᠷ ᠡᠬᠢᠯᠡᠭᠰᠡᠨ ᠦᠶᠡ ᠪᠠᠢᠪᠠᠯ ᠬᠥᠨᠳᠡᠢ ᠡᠭᠡᠰᠢᠭ ᠳᠠᠭᠠᠯᠳᠤᠨ ᠢᠷᠡᠵᠦ᠂ ᠰᠠᠭᠠᠷᠮᠠᠭ ᠡᠭᠡᠰᠢᠭ ᠢ᠋ᠶ᠋ᠡᠨ ᠴᠢᠩᠭᠠ ᠬᠥᠨᠳᠡᠢ ᠡᠭᠡᠰᠢᠭ ᠠᠯᠢ ᠠᠯᠢᠨ ᠳ᠋ᠤ᠌ ᠪᠦᠷ ᠳᠠᠭᠠᠭᠤᠯᠤᠨ ᠠᠪᠴᠤ᠂ ᠴᠢᠩᠭᠠ ᠡᠭᠡᠰᠢᠭᠲᠦ ᠦᠭᠡ ᠶ᠋ᠢ ᠳᠠᠭᠠᠪᠠᠯ ᠴᠢᠩᠭᠠ ᠪᠠᠷ ᠳᠠᠭᠤᠳᠠᠵᠤ᠂ ᠬᠥᠨᠳᠡᠢ ᠡᠭᠡᠰᠢᠭᠲᠦ ᠦᠭᠡᠨ ᠳ᠋ᠦ᠍ ᠣᠷᠣᠪᠠᠯ ᠬᠥᠨᠳᠡᠢ ᠪᠡᠷ ᠳᠠᠭᠤᠳᠠᠨᠠ᠃ ᠨᠢᠭᠡ ᠦᠭᠡ ᠨᠢ ᠪᠦᠷ ᠰᠠᠭᠠᠷᠮᠠᠭ ᠡᠬᠡᠰᠢᠭ ᠢ᠋ᠶ᠋ᠡᠷ ᠪᠦᠲᠦᠭᠰᠡᠨ ᠪᠠᠢᠪᠠᠯ ᠲᠡᠭᠦᠨ ᠦ᠌ ᠴᠢᠨᠠᠷ ᠢ᠋ ᠬᠥᠨᠳᠡᠢ ᠪᠡᠷ ᠲᠣᠭᠲᠠᠭᠠᠨᠠ᠃ ᠡᠢᠮᠦ ᠤᠴᠢᠷ ᠠ᠋ᠴᠠ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠴᠢᠩᠭᠠ ᠡᠬᠡᠰᠢᠭ ᠢ᠋ᠶ᠋ᠡᠷ ᠪᠦᠲᠦᠭᠰᠡᠨ ᠦᠭᠡ ᠶ᠋ᠢ ᠴᠢᠩᠭᠠ ᠦᠭᠡ᠂ ᠬᠥᠨᠳᠡᠢ ᠡᠬᠡᠰᠢᠭ ᠢ᠋ᠶ᠋ᠡᠷ ᠪᠦᠲᠦᠭᠰᠡᠨ ᠦᠭᠡ ᠶ᠋ᠢ ᠬᠥᠨᠳᠡᠢ ᠦᠭᠡ ᠭᠡᠵᠦ ᠢᠯᠭᠠᠨ ᠬᠡᠯᠡᠳᠡᠭ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠷᠠᠳ᠂ ᠠᠭᠤᠤ᠂ ᠠᠵᠢᠯᠴᠢᠨ᠂ ᠠᠩᠭᠢ᠂ ᠤᠳᠤᠷᠢᠳᠤᠯᠭᠠ᠂ ᠰᠤᠷᠭᠠᠭᠤᠯᠢ᠂ ᠰᠤᠷᠤᠯᠭᠠ᠂ ᠰᠤᠷᠤᠭᠴᠢ᠂ ᠪᠠᠭᠰᠢ᠂ ᠠᠵᠢᠯ᠂ ᠶᠠᠪᠤᠳᠠᠯ᠂ ᠵᠠᠰᠠᠭ᠂ ᠵᠠᠬᠢᠷᠭᠠ᠂ ᠤᠯᠤᠰ᠂ ᠣᠷᠣᠨ᠂ ᠮᠠᠨᠳᠤᠨ᠂ ᠪᠠᠳᠠᠷᠠᠬᠤ ᠵᠡᠷᠭᠡ ᠦᠭᠡᠰ ᠨᠢ ᠪᠦᠷ ᠴᠢᠩᠭᠠ ᠦᠭᠡ ᠪᠣᠯᠬᠤ ᠪᠠ ᠲᠦᠮᠡᠨ᠂ ᠶᠡᠬᠡ᠂ ᠥᠩᠭᠡ᠂ ᠦᠢᠯᠡᠳᠪᠦᠷᠢ᠂ ᠵᠡᠷᠭᠡ᠂ ᠬᠥᠭᠵᠢᠯ᠂ ᠢᠷᠡᠭᠡᠳᠦᠢ᠂ ᠦᠵᠡᠮᠵᠢ᠂ ᠢᠵᠢᠯ᠂ ᠡᠩᠬᠦᠷᠡᠢ᠂ ᠡᠪ᠂ ᠡᠷᠬᠡ᠂ ᠡᠩᠬᠡ᠂ ᠡᠷᠭᠦᠨᠡ᠂ ᠥᠭᠡᠳᠡᠯᠡᠨᠡ ᠵᠡᠷᠭᠡ ᠦᠭᠡᠰ ᠨᠢ ᠪᠦᠷ ᠬᠥᠨᠳᠡᠢ ᠦᠭᠡ ᠪᠣᠯᠤᠨᠠ᠃
ᠡᠬᠡᠰᠢᠭ ᠦ᠋ᠳ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠤᠷᠤᠭᠤᠯ ᠤ᠋ᠨ ᠣᠷᠣᠯᠴᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠢᠯᠭᠠᠪᠠᠯ᠂ ᠲᠦᠷᠦᠭᠦᠨ ᠦ᠌ ᠦᠶᠡ ᠳ᠋ᠦ᠍《ᠠ᠊᠂ ᠤ᠊ <5>》 ᠪᠠᠢᠪᠠᠯ ᠳᠠᠷᠠᠭᠠᠬᠢ ᠦᠶᠡ ᠨᠤᠭᠦᠳ ᠲᠦ᠍《ᠠ᠊᠂ ᠤ᠊ <5>᠂ ᠢ᠊》 ᠣᠷᠣᠵᠤ ᠪᠣᠯᠤᠨᠠ᠃ ᠲᠦᠷᠦᠭᠦᠨ ᠦ᠌ ᠦᠶᠡ ᠳ᠋ᠦ᠍《ᠣ᠊<4>》ᠪᠠᠢᠪᠠᠯ ᠳᠠᠷᠠᠭᠠᠬᠢ ᠦᠶᠡ ᠨᠦ᠍ᠭᠦᠳ ᠲᠦ᠍《ᠣ᠊ <4>᠂ ᠠ᠊᠂ ᠢ᠊᠂ ᠤ᠊ <5>》 ᠣᠷᠣᠵᠤ ᠪᠣᠯᠤᠨᠠ᠃ ᠲᠦᠷᠦᠭᠦᠨ ᠦ᠌ ᠦᠶᠡ ᠳ᠋ᠦ᠍《ᠡ᠊ ᠂ ᠦ᠊ <7>》 ᠪᠠᠢᠪᠠᠯ ᠳᠠᠷᠠᠭᠠᠬᠢ ᠦᠶᠡ ᠨᠤᠭᠦᠳ ᠲᠦ᠍《ᠡ᠊᠂ ᠥ᠊ <7>᠂ ᠢ᠊》 ᠣᠷᠣᠵᠤ ᠪᠣᠯᠤᠨᠠ᠃ ᠲᠦᠷᠦᠭᠦᠨ ᠦ᠌ ᠦᠶᠡ ᠳ᠋ᠦ᠍《ᠢ᠊》 ᠪᠠᠢᠪᠠᠯ ᠳᠠᠷᠠᠭᠠᠬᠢ ᠦᠶᠡ ᠨᠤᠭᠦᠳ ᠲᠦ᠍《ᠠ᠊᠂ ᠡ᠊᠂ ᠢ᠊᠂ ᠣ᠊᠂ ᠤ᠊᠂ ᠦ᠊ <7>》 ᠣᠷᠣᠵᠤ ᠪᠣᠯᠤᠨᠠ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠷᠢᠭᠤᠨ᠂ ᠠᠳᠤᠭᠤ᠂ ᠠᠵᠢᠯ᠂ ᠤᠬᠠᠭᠤᠯᠬᠤ᠂ ᠤᠯᠠᠭᠠᠨ᠂ ᠣᠭᠣᠲᠣᠨᠠ᠂ ᠣᠨᠣᠭᠳᠠᠬᠤ᠂ ᠣᠬᠢ᠂ ᠡᠷᠡᠭᠦᠯ᠂ ᠡᠬᠢ᠂ ᠥᠬᠢᠨ᠂ ᠥᠳᠥᠬᠦᠷ᠂ᠥᠭᠡᠳᠡ᠂ ᠥᠭᠡᠬᠦ᠂ ᠰᠥᠨᠢ᠂ ᠥᠭᠡᠳᠡᠯᠡᠬᠦ᠂ ᠢᠯᠭᠠᠪᠤᠷᠢ᠂ ᠢᠯᠡᠭᠦᠦ᠂ ᠢᠷᠣᠭᠠᠷ ᠭᠡᠬᠦ ᠮᠡᠲᠦ᠃
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠡᠨᠡ ᠬᠦ᠌ ᠶᠣᠰᠣ ᠶ᠋ᠢ ᠡᠬᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣ ᠭᠡᠳᠡᠭ᠃ ᠭᠡᠲᠡᠯᠡ ᠵᠠᠷᠢᠮ ᠦᠶᠡ ᠳ᠋ᠦ᠍ ᠬᠣᠶᠠᠷ ᠦᠭᠡ ᠡᠴᠡ ᠨᠡᠢᠯᠡᠵᠦ ᠪᠦᠲᠦᠭᠰᠡᠨ ᠨᠢᠭᠡ ᠦᠭᠡᠨ ᠳ᠋ᠦ᠍ ᠴᠢᠩᠭᠠ ᠬᠥᠨᠳᠡᠢ ᠡᠬᠡᠰᠢᠭ ᠬᠣᠯᠢᠯᠳᠤᠨ ᠣᠷᠣᠬᠤ ᠪᠠ ᠵᠠᠷᠢᠮ ᠨᠡᠷᠡ ᠦᠭᠡ ᠶ᠋ᠢ ᠰᠠᠯᠭᠠᠵᠤ ᠪᠢᠴᠢᠬᠦ ᠦᠭᠡᠢ ᠶ᠋ᠢᠨ ᠤᠴᠢᠷ ᠡᠬᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣ ᠶ᠋ᠢ ᠵᠥᠷᠢᠴᠡᠵᠦ ᠴᠢᠩᠭᠠ ᠬᠥᠨᠳᠡᠢ ᠡᠭᠡᠰᠢᠭ ᠢ᠋ ᠬᠤᠳᠬᠤᠯᠳᠤᠭᠤᠯᠤᠨ ᠪᠢᠴᠢᠵᠦ ᠪᠠᠢᠭᠠ ᠦᠵᠡᠭᠳᠡᠯ ᠪᠣᠢ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠬᠥᠬᠡᠬᠣᠲᠠ᠂ ᠬᠠᠷᠠᠮᠦ᠋ᠷᠡᠨ᠂ ᠤᠯᠠᠭᠠᠨᠭᠡᠷᠡᠯ᠂ ᠥᠯᠵᠡᠶ᠋ᠢᠪᠠᠶᠠᠷ᠂ ᠶᠠᠪᠤᠰᠬᠢᠬᠦ᠂ ᠰᠣᠴᠢᠰᠬᠢᠭᠡᠳ ᠭᠡᠬᠦ ᠮᠡᠲᠦ᠃
ᠳᠥᠷᠪᠡ ᠭᠡᠢᠭᠦᠯᠦᠭᠴᠢ ᠵᠣᠬᠢᠴᠠᠬᠤ ᠶᠣᠰᠣ
ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠡᠬᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠣ ᠪᠠᠢᠬᠤ ᠠ᠋ᠴᠠ ᠭᠠᠳᠠᠨᠠ᠂ ᠭᠡᠢᠭᠦᠯᠦᠭᠴᠢ ᠵᠣᠬᠢᠴᠠᠬᠤ ᠶᠣᠰᠣ ᠭᠡᠵᠦ ᠪᠠᠰᠠ ᠪᠠᠢᠳᠠᠭ ᠶᠤᠮ᠃ ᠡᠭᠦᠨ ᠢ᠋ ᠪᠢᠳᠡ ᠳᠣᠣᠷᠠᠬᠢ ᠮᠡᠲᠦ ᠬᠣᠶᠠᠷ ᠵᠦᠢᠯ ᠢ᠋ᠶ᠋ᠡᠷ ᠬᠤᠪᠢᠶᠠᠵᠤ ᠦᠵᠡᠶᠡ᠃
① ᠭᠡᠢᠭᠦᠯᠦᠭᠴᠢ《ᠬ᠂ ᠊ᠬ᠊᠂ ᠊ᠬ 》᠂《ᠭ᠂ ᠊ᠭ᠋᠊ ᠂ ᠊ᠭ᠊ ᠂ ᠊ᠬ᠋᠂ ᠊ᠭ》 ᠳᠦᠷᠰᠦ ᠨᠢ ᠬᠡᠵᠢᠶᠡᠳᠡ ᠴᠢᠩᠭᠠ ᠦᠭᠡᠨ ᠳ᠋ᠦ᠍ ᠪᠢᠴᠢᠭᠳᠡᠬᠦ ᠪᠠ 《ᠭ᠌᠊᠊᠂ ᠊᠊᠊ᠬ᠌᠊ 》《ᠭ᠌᠊᠊᠂ ᠊᠊ᠭ᠌᠊᠊ ᠂ ᠊ᠭ᠌ 》 ᠳᠦᠷᠰᠦ ᠨᠢ ᠬᠡᠵᠢᠶᠡᠳᠡ ᠬᠥᠨᠳᠡᠢ ᠦᠭᠡᠨ ᠳ᠋ᠦ᠍ ᠪᠢᠴᠢᠭᠳᠡᠨᠡ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠬᠠᠮᠠᠭᠠᠯᠠᠬᠤ᠂ ᠬᠠᠮᠲᠤ᠂ ᠬᠣᠯᠪᠣᠬᠤ᠂ ᠪᠠᠭᠠ᠂ ᠰᠠᠭᠠ᠂ ᠰᠠᠨᠠᠭᠠ᠂ ᠭᠠᠵᠠᠷ᠂ ᠠᠭᠤᠳᠠᠮ᠂ ᠬᠤᠪᠢᠰᠬᠠᠯ᠂ ᠳᠤᠷᠠᠰᠬᠠᠯ᠂ ᠲᠤᠭ᠂ ᠮᠠᠭᠲᠠᠬᠤ᠂ ᠪᠠᠭᠲᠠᠬᠤ; ᠬᠡᠯᠡ᠂ ᠪᠢᠴᠢᠭ᠂ ᠦᠵᠡᠬᠦ᠂ ᠬᠥᠭᠵᠢᠬᠦ᠂ ᠭᠡᠷ᠂ ᠭᠡᠷᠡᠯ᠂ ᠦᠭᠡ᠂ ᠦᠬᠡᠷ᠂ ᠥᠭᠡᠳᠡᠯᠡᠬᠦ᠂ ᠥᠭᠰᠥᠬᠦ᠂ ᠡᠷᠬᠢᠮ᠂ ᠡᠷᠭᠢᠨ᠂ ᠵᠢᠭᠡᠯᠡᠨ᠂ ᠵᠢᠭᠳᠡᠷᠡᠬᠦ᠂ ᠵᠢᠷᠦᠬᠡ ᠭᠡᠬᠦ ᠮᠡᠲᠦ᠃
2 ᠭᠡᠢᠭᠦᠯᠦᠭᠴᠢ《᠊ᠪ᠂ ᠊ᠭ( ᠊ᠭ᠌)᠂ ᠊ᠷ᠂ ᠊ᠰ᠂ ᠊ᠳ》 ᠢ᠋ᠶ᠋ᠡᠷ ᠲᠡᠭᠦᠰᠦᠭᠰᠡᠨ ᠦᠭᠡᠨ ᠦ᠌ ᠳᠠᠷᠠᠭᠠ ᠬᠡᠵᠢᠶᠡᠳᠡ《ᠴ᠂ ᠲ》 ᠭᠡᠢᠭᠦᠯᠦᠭᠴᠢ ᠪᠡᠷ ᠡᠬᠢᠯᠡᠭᠰᠡᠨ ᠳᠠᠭᠠᠪᠤᠷᠢ ᠶ᠋ᠢ ᠵᠠᠯᠭᠠᠬᠤ ᠪᠠ ᠭᠡᠢᠭᠦᠯᠦᠭᠴᠢ《᠊ᠨ ᠂ ᠊ᠮ᠂ ᠊ᠯ᠂ ᠊ᠩ》 ᠪᠣᠯᠤᠨ ᠡᠬᠡᠰᠢᠭ ᠢ᠋ᠶ᠋ᠡᠷ ᠲᠡᠭᠦᠰᠦᠭᠰᠡᠨ ᠦᠭᠡᠨ ᠦ᠌ ᠳᠠᠷᠠᠭᠠ ᠬᠡᠵᠢᠶᠡᠳᠡ《᠊ᠵ᠊᠂ ᠳ》 ᠭᠡᠢᠭᠦᠯᠦᠭᠴᠢ ᠪᠡᠷ ᠡᠬᠢᠯᠡᠭᠰᠡᠨ ᠳᠠᠭᠠᠪᠤᠷᠢ ᠵᠠᠯᠭᠠᠳᠠᠭ ᠶᠤᠮ᠃
ᠵᠢᠰᠢᠶᠠᠯᠠᠪᠠᠯ᠄ ᠠᠪᠴᠤ᠂ ᠥᠭᠴᠦ᠂ ᠰᠤᠷᠴᠤ᠂ ᠭᠠᠷᠴᠠᠢ᠂ ᠤᠯᠤᠰ ᠲᠠᠭᠠᠨ᠂ ᠰᠤᠷᠤᠭᠴᠢᠳ ᠲᠤ᠌᠂ ᠭᠡᠷ ᠲᠡᠭᠡᠨ᠂ ᠡᠭᠡᠰᠢᠭ ᠲᠦ᠍᠂ ᠭᠡᠢᠭᠦᠯᠦᠭᠴᠢ ᠳ᠋ᠦ᠍᠂ ᠶᠠᠪᠤᠵᠠᠢ᠂ ᠲᠦᠮᠡᠨ ᠳ᠋ᠦ᠍᠂ ᠠᠵᠢᠯ ᠳ᠋ᠤ᠌᠂ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ᠂ ᠵᠢᠭᠠᠪᠤᠷᠢ ᠳ᠋ᠤ᠌᠂ ᠰᠤᠷᠤᠯᠭᠠ ᠳ᠋ᠠᠭᠠᠨ᠂ ᠰᠤᠷᠭᠠᠵᠠᠢ ᠭᠡᠬᠦ ᠮᠡᠲᠦ᠃
( ᠲᠠᠪᠤ) ᠡᠷᠭᠦᠯᠲᠡ ᠶ᠋ᠢᠨ ᠤᠴᠢᠷ
ᠮᠣᠩᠭᠣᠯ ᠬᠡᠯᠡᠨ ᠦ᠌ ᠦᠭᠡ ᠨᠢ ᠦᠶᠡ ᠡᠴᠡ ᠪᠦᠲᠦᠭᠰᠡᠨ ᠶᠤᠮ᠃ ᠬᠡᠳᠦ ᠬᠡᠳᠦᠨ ᠦᠶᠡ ᠪᠡᠷ ᠪᠦᠲᠦᠭᠰᠡᠨ ᠦᠭᠡ ᠶ᠋ᠢ ᠬᠡᠯᠡᠬᠦ ᠳ᠋ᠦ᠍ ᠠᠯᠢ ᠨᠢᠭᠡ ᠦᠶᠡ ᠨᠢ ᠪᠤᠰᠤᠳ ᠦᠶᠡ ᠡᠴᠡ ᠪᠡᠨ ᠲᠣᠳᠣ ᠬᠦᠴᠦᠲᠡᠢ ᠰᠣᠨᠣᠰᠳᠠᠬᠤ ᠪᠣᠯ ᠲᠡᠭᠦᠨ ᠢ᠋ ᠡᠷᠭᠦᠯᠲᠡᠲᠦ ᠦᠶᠡ ᠭᠡᠨᠡ᠃ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠦᠭᠡ ᠶ᠋ᠢᠨ ᠡᠷᠭᠦᠯᠲᠡᠲᠦ ᠦᠶᠡ ᠶ᠋ᠢ ᠲᠣᠳᠣ ᠬᠡᠯᠡᠳᠡᠭ ᠪᠥᠭᠡᠳ ᠡᠷᠭᠦᠯᠲᠡᠲᠦ ᠦᠶᠡ ᠨᠢ ᠬᠡᠵᠢᠶᠡᠳᠡ ᠦᠭᠡ ᠶ᠋ᠢᠨ ᠨᠢᠭᠡᠳᠦᠭᠡᠷ ᠦᠶᠡ ᠳ᠋ᠡᠭᠡᠨ ᠪᠠᠢᠳᠠᠭ ᠶᠤᠮ᠃
ᠵᠢᠱ᠌ᠢᠶᠡᠯᠡᠪᠡᠯ᠄《ᠪᠠᠭᠰᠢ》 ᠭᠡᠳᠡᠭ ᠦᠭᠡ ᠪᠣᠯ《ᠪᠠ᠊ᠬ᠊ ᠊ᠰᠢ》 ᠭᠡᠰᠡᠨ ᠬᠣᠶᠠᠷ ᠦᠶᠡ ᠡᠴᠡ ᠪᠦᠲᠦᠭᠰᠡᠨ ᠪᠥᠭᠡᠳ ᠡᠷᠭᠦᠯᠲᠡᠲᠦ ᠦᠶᠡ ᠨᠢ ᠨᠢᠭᠡᠳᠦᠭᠡᠷ ᠦᠶᠡ《ᠪᠠ᠊ᠬ᠊》 ᠳᠡᠭᠡᠷᠡ ᠪᠡᠨ ᠪᠠᠢᠵᠤ᠂ ᠬᠡᠯᠡᠬᠦ ᠳ᠋ᠦ᠍ ᠪᠤᠰᠤᠳ ᠦᠶᠡ ᠡᠴᠡ ᠪᠡᠨ ᠲᠣᠳᠣ ᠬᠦᠴᠦᠲᠡᠢ ᠰᠣᠨᠣᠰᠳᠠᠵᠤ ᠪᠠᠢᠭᠠ ᠶᠤᠮ᠃
ᠦᠭᠡ ᠶ᠋ᠢᠨ ᠡᠷᠭᠦᠯᠲᠡ ᠡᠴᠡ ᠭᠠᠳᠠᠨᠠ᠂ ᠪᠠᠰᠠ ᠤᠳᠬᠠ ᠶ᠋ᠢᠨ ᠡᠷᠭᠦᠯᠲᠡ ᠭᠡᠵᠦ ᠪᠠᠢᠳᠠᠭ᠃ ᠥᠭᠦᠯᠡᠪᠦᠷᠢ ᠶ᠋ᠢᠨ ᠳᠣᠲᠣᠷᠠ᠂ ᠬᠡᠯᠡᠯᠴᠡᠬᠦ ᠦᠶᠡ ᠳ᠋ᠦ᠍ ᠤᠳᠬᠠ ᠶ᠋ᠢᠨ ᠲᠠᠯᠠ ᠪᠠᠷ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠪᠣᠯᠵᠤ ᠠᠩᠬᠠᠷᠤᠯ ᠲᠥᠪᠯᠡᠷᠡᠵᠦ ᠪᠦᠬᠦᠢ ᠦᠭᠡ ᠨᠢ ᠤᠤᠯ ᠥᠭᠦᠯᠡᠪᠦᠷᠢ ᠶ᠋ᠢᠨ ᠳᠣᠲᠣᠷᠠ ᠪᠤᠰᠤᠳ ᠦᠭᠡᠰ ᠡᠴᠡ ᠲᠣᠳᠣ ᠬᠦᠴᠦᠲᠡᠢ ᠪᠠᠢᠳᠠᠭ᠃ ᠡᠭᠦᠨ ᠊ᠢ ᠤᠳᠬᠠ ᠶ᠋ᠢᠨ ᠡᠷᠭᠦᠯᠲᠡ ᠭᠡᠨᠡ᠃
ᠵᠢᠱ᠌ᠢᠶᠡᠯᠡᠪᠡᠯ᠄ ᠤᠮᠠᠷᠠᠲᠤ ᠣᠷᠣᠨ ᠤ᠋ ᠥᠩᠭᠡ ᠦᠵᠡᠮᠵᠢ
ᠮᠢᠩᠭᠠᠨ ᠭᠠᠵᠠᠷ ᠮᠥᠰᠥ ᠪᠦᠷᠬᠦᠵᠦ
ᠲᠦᠮᠡᠨ ᠭᠠᠵᠠᠷ ᠴᠠᠰᠤ ᠯᠠᠪᠰᠠᠮᠤᠢ᠃
ᠭᠡᠰᠡᠨ ᠥᠭᠦᠯᠡᠪᠦᠷᠢ ᠶ᠋ᠢ ᠬᠡᠯᠡᠬᠦ ᠳ᠋ᠦ᠍᠂《ᠤᠮᠠᠷᠠᠲᠤ ᠣᠷᠣᠨ》 ᠭᠡᠳᠡᠭ ᠦᠭᠡ ᠨᠢ ᠪᠤᠰᠤᠳ ᠦᠭᠡ ᠡᠴᠡ ᠪᠡᠨ ᠲᠣᠳᠣ ᠬᠦᠴᠦᠲᠡᠢ ᠪᠠᠢᠬᠤ ᠲᠤᠯᠠ᠂ ᠡᠨᠡ ᠥᠭᠦᠯᠡᠪᠦᠷᠢ ᠶ᠋ᠢᠨ ᠤᠳᠬᠠ ᠶ᠋ᠢᠨ ᠡᠷᠭᠦᠯᠲᠡ ᠶ᠋ᠢᠨ ᠬᠡᠰᠡᠭ ᠪᠣᠯᠤᠨᠠ᠃
ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠦᠭᠡ ᠶ᠋ᠢᠨ ᠡᠷᠭᠦᠯᠲᠡ ᠪᠠ ᠤᠳᠬᠠ ᠶ᠋ᠢᠨ ᠡᠷᠭᠦᠯᠲᠡ ᠨᠢ ᠮᠠᠰᠢ ᠴᠢᠬᠤᠯᠠ ᠶᠤᠮ᠃ ᠡᠷᠭᠦᠯᠲᠡ ᠶ᠋ᠢ ᠲᠣᠳᠣ ᠬᠡᠯᠡᠪᠡᠯ ᠬᠠᠢᠷᠠ ᠰᠡᠳᠬᠢᠯᠭᠡ ᠪᠡᠨ ᠬᠤᠷᠴᠠ ᠲᠣᠳᠣ ᠪᠠᠷ ᠢᠯᠡᠷᠡᠭᠦᠯᠵᠦ ᠤᠳᠬᠠ ᠰᠠᠨᠠᠭᠠ ᠪᠠᠨ ᠳᠣᠪᠣᠢᠮᠠ ᠢᠯᠡᠳᠬᠡᠵᠦ ᠴᠢᠳᠠᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠴᠡᠴᠡᠭ᠂ ᠮᠥᠩᠭᠥᠨ᠂ ᠬᠡᠯᠡᠰᠣᠶᠣᠯ(ᠪᠤᠤ ᠵᠢᠨ ᠬᠤᠸᠠ)᠂ ᠠᠯᠲᠠᠨᠴᠢᠮᠡᠭ᠂ ᠳ᠂ ᠣᠶᠤᠨᠪᠢᠯᠢᠭ᠌᠂ ᠭᠡᠷᠡᠯ
ᠬᠢᠨᠠᠭᠴᠢ᠄ ᠬᠡᠯᠡᠰᠣᠶᠤᠯ᠂ ᠨᠠᠷᠠᠨ᠂ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ