ᠪᠠᠲᠤ ᠬᠠᠭᠠᠨ 1-01ᠳᠣᠷᠣᠨᠠ ᠳ᠋ᠠᠬᠢᠨ ᠤ᠋ ᠲᠡᠦᠬᠡ ᠲᠡᠮᠳᠡᠭᠯᠡᠭᠴᠢ ᠶ᠋ᠢᠨ ᠣᠪᠣᠬᠠᠢ ᠳᠣᠲᠣᠷᠠ- Бат хаан
576 ᠬᠡᠷᠪᠡ ᠭᠠᠰᠠᠯᠠᠩ ᠭᠠᠯ ᠮᠡᠲᠦ ᠤᠲᠤᠭᠠ ᠮᠠᠨᠠᠷᠠᠭᠤᠯᠪᠠᠯ ᠲᠡᠭᠦᠨ ᠦ᠌ ᠤᠲᠤᠭᠠᠨ ᠳ᠋ᠤ᠌ ᠪᠦᠬᠦ ᠳᠡᠯᠡᠬᠡᠢ ᠶ᠋ᠢ ᠪᠦᠷᠬᠦᠭᠳᠡᠬᠦ ᠪᠢᠵᠡ᠃
(ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠪᠠᠯᠾ ᠤ᠋ᠨ ᠱᠠᠭᠢ ᠳ᠋ᠤ᠌)
ᠨᠢᠭᠡ ᠳᠣᠷᠣᠨᠠ ᠳ᠋ᠠᠬᠢᠨ ᠤ᠋ ᠲᠡᠦᠬᠡ ᠲᠡᠮᠳᠡᠭᠯᠡᠭᠴᠢ ᠶ᠋ᠢᠨ ᠣᠪᠣᠬᠠᠢ ᠳᠣᠲᠣᠷᠠ
ᠥᠭᠦᠯᠡᠬᠦ ᠨᠢ᠄ ᠹᠠᠺᠢ᠍ᠾ ᠬᠠᠲᠠᠩᠭᠢᠷ ᠬᠠᠭᠤᠷᠠᠢ ᠭᠠᠷ ᠲᠠᠭᠠᠨ ᠬᠤᠯᠤᠰᠤ ᠪᠠᠷᠢᠨ ᠨᠠᠷᠢᠨ ᠵᠤᠷᠪᠤᠰ ᠴᠠᠭᠠᠰᠤᠨ ᠤ᠋ ᠳᠡᠭᠡᠭᠦᠷ ᠮᠤᠰᠬᠢᠷᠠᠯᠳᠤᠭᠰᠠᠨ ᠠᠷᠠᠪ ᠪᠢᠴᠢᠭ ᠦ᠋ᠨ ᠮᠥᠷ ᠢ᠋ ᠳᠡᠰ ᠳᠠᠷᠠᠭᠠ ᠪᠠᠷ ᠵᠢᠭᠠᠨ ᠨᠠᠮᠤᠭᠤᠬᠠᠨ ᠳᠠᠭᠤ ᠪᠠᠷ ᠤᠩᠰᠢᠵᠤ ᠪᠠᠢᠪᠠ ᠃ ᠣᠪᠣᠬᠠᠢ ᠳᠣᠲᠣᠷᠠ ᠨᠠᠮ ᠭᠦᠮ᠃ ᠵᠡᠭᠡᠰᠦᠨ ᠳᠡᠭᠡᠪᠦᠷ ᠳᠡᠭᠡᠷᠡ ᠲᠠᠰᠤᠷᠠᠯ ᠦᠭᠡᠢ ᠳᠤᠰᠤᠯᠠᠬᠤ ᠪᠣᠷᠣᠭᠠᠨ ᠤ᠋ ᠰᠦᠷᠴᠢᠭᠢᠨᠡᠬᠦ ᠠᠨᠢᠷ ᠹᠠᠺᠢ᠍ᠾ ᠤ᠋ᠨ ᠨᠢᠭᠡᠨ ᠶᠠᠩᠵᠤ ᠶ᠋ᠢᠨ ᠳᠠᠭᠤ ᠲᠠᠢ ᠨᠡᠢᠯᠡᠯᠴᠡᠪᠡ᠃
《ᠮᠡᠳᠡᠬᠦ ᠬᠥᠮᠦᠨ ᠪᠦᠬᠦᠨ ᠡᠴᠡ ᠠᠰᠠᠭᠤᠨ᠂ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠭᠡᠷᠢᠶᠡᠰ ᠢ᠋ ᠣᠯᠵᠤ ᠮᠡᠳᠡᠬᠦ ᠭᠡᠲᠡᠯᠡ᠂ᠮᠢᠨᠦ ᠠᠵᠠ ᠳᠤᠲᠠᠵᠠᠢ᠃ ᠪᠢ ᠪᠤᠬᠠᠷ ᠲᠤ᠌ ᠰᠠᠨᠸᠠᠷᠲᠠᠨ ᠢᠮᠡᠮ ᠳ᠋ᠦ᠍ ᠪᠠᠷᠢᠭᠳᠠᠯᠠ᠃
ᠲᠡᠳᠡ ᠨᠠᠮᠠᠶ᠋ᠢ ᠠᠯᠠᠬᠤ ᠳ᠋ᠤ᠌ ᠦᠯᠦ ᠰᠦᠰᠦᠭᠯᠡᠬᠦ ᠬᠠᠷᠠ ᠨᠢᠭᠦᠯᠲᠦ ᠭᠡᠵᠦ ᠮᠠᠭᠤᠬᠠᠢ ᠪᠥᠭᠡᠳ ᠨᠠᠮᠬᠠᠨ᠂ ᠲᠡᠮᠦᠷ ᠲᠣᠣᠷ ᠲᠤ᠌ ᠬᠣᠷᠢᠯᠠ᠃ ᠲᠡᠭᠦᠨ ᠳᠣᠲᠣᠷᠠ ᠪᠢ ᠳᠡᠯᠲᠦ ᠴᠢᠨᠣᠠ ᠮᠡᠲᠦ ᠳᠥᠷᠪᠡᠨ ᠬᠥᠯᠯᠡᠨ ᠮᠥᠯᠬᠥᠵᠦ᠂ ᠳᠡᠭᠡᠭᠰᠢ ᠪᠣᠰᠴᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠪᠠ᠃ ᠬᠤᠪᠴᠠᠰᠤ ᠮᠢᠨᠢ ᠢᠯᠵᠠᠷᠠᠨ ᠤᠷᠠᠭᠳᠠᠭᠰᠠᠨ ᠳ᠋ᠤ᠌ ᠪᠢ ᠲᠡᠭᠦᠨ ᠢ᠋ ᠵᠠᠢ ᠵᠠᠪᠰᠠᠷ ᠦᠭᠡᠢ ᠬᠡᠷᠦᠵᠦ ᠬᠣᠯᠪᠣᠯᠠ᠃ ᠭᠢᠨᠳᠠᠨ ᠤ᠋ ᠰᠠᠬᠢᠭᠤᠯ ᠡᠳᠦᠷ ᠲᠦ᠍ ᠨᠢᠭᠡᠨ ᠤᠳᠠᠭᠠ ᠮᠢᠨᠦ ᠲᠠᠬᠱᠠᠨ ᠳ᠋ᠤ᠌ ᠪᠤᠯᠠᠩᠭᠢᠷ ᠲᠠᠢ ᠤᠰᠤ ᠬᠢᠵᠦ ᠥᠭᠳᠡᠭ ᠪᠣᠯᠪᠠᠴᠤ ᠵᠠᠷᠢᠮ ᠳ᠋ᠠᠭᠠᠨ ᠡᠭᠦᠨ ᠢ᠋ ᠪᠡᠨ ᠮᠠᠷᠲᠠᠴᠢᠬᠠᠳᠠᠭ ᠪᠢᠯᠡ᠃ ᠲᠡᠷᠡ ᠬᠠᠶᠠ ᠭᠢᠨᠵᠢᠯᠡᠭᠳᠡᠭᠰᠡᠨ ᠪᠣᠭᠣᠯ ᠢ᠋ ᠠᠪᠴᠢᠷᠠᠬᠤ ᠳ᠋ᠤ᠌ ᠲᠡᠷᠡ ᠨᠢ ᠬᠠᠷᠢᠶᠠᠯ ᠲᠠᠯᠪᠢᠨ ᠳᠡᠭᠡᠭᠡ ᠪᠡᠷ ᠢ᠋ᠶ᠋ᠡᠨ ᠮᠢᠨᠦ ᠲᠣᠣᠷ ᠤ᠋ᠨ ᠪᠣᠷᠲᠠᠬᠲᠤ ᠱᠠᠯ ᠢ᠋ ( ᠱᠠᠯᠠ ᠶ᠋ᠢ ) ᠬᠤᠰᠤᠳᠠᠭ᠃ ᠪᠤᠰᠤᠳ ᠬᠣᠷᠢᠭᠳᠠᠯ ᠤ᠋ᠨ ᠲᠥᠷᠥᠯ ᠰᠠᠳᠤᠨ ᠤ᠋ ᠬᠥᠮᠦᠰ ᠨᠠᠳᠠ ᠤᠷᠤᠭᠤ ᠠᠶᠤᠭᠰᠠᠨ ᠴᠢᠷᠠᠢ ᠲᠠᠢ ᠪᠠᠷ ᠰᠢᠷᠲᠡᠨ ᠬᠠᠷᠠᠳᠠᠭ᠃ ᠪᠢ ᠪᠣᠯ< ᠠᠷᠢᠭᠤᠨ ᠢᠮᠡᠮ ᠨᠦ᠍ᠭᠦᠳ ᠲᠦ᠍ ᠵᠠᠨᠤᠭᠳᠠᠭᠰᠠᠨ>< ᠡᠨᠡ ᠬᠣᠢᠲᠤ ᠬᠣᠶᠠᠷ ᠲᠥᠷᠥᠯ ᠳ᠋ᠡᠭᠡᠨ ᠭᠠᠯ ᠳ᠋ᠤ᠌ ᠣᠷᠣᠰᠢᠬᠤ᠂ ᠮᠥᠩᠬᠡ ᠦᠬᠦᠯ ᠳ᠋ᠦ᠍ ᠶᠠᠯᠠ ᠵᠢᠭᠠᠭᠳᠠᠭᠰᠠᠨ ᠬᠥᠮᠦᠨ>ᠠᠵᠢ᠃ ᠹᠠᠺᠢ᠍ᠾ ᠰᠢᠪᠠᠷ ᠴᠥᠭᠥᠴᠡ ᠲᠡᠢ ᠳ᠋ᠧᠩ ᠦ᠋ᠨ ᠰᠢᠲᠠᠭᠰᠠᠨ ᠭᠣᠣᠯ ᠢ᠋ ᠵᠠᠰᠠᠭᠠᠳ ᠴᠠᠰᠢ ᠤᠩᠰᠢᠨ᠄ ᠨᠢᠭᠡ ᠡᠳᠦᠷ ᠲᠣᠣᠷ ᠤ᠋ᠨ ᠬᠠᠵᠠᠭᠤ ᠳ᠋ᠤ᠌ ᠺᠢ᠍ᠫᠴᠠᠺ ᠨᠠᠷ ᠲᠤ᠌ ᠳᠣᠷᠣᠮᠵᠢᠯᠠᠭᠳᠠᠭᠰᠠᠨ ᠪᠥᠭᠡᠳ ᠭᠠᠯ ᠰᠢᠲᠦᠭᠴᠢ ᠬᠡᠷᠦᠮᠡᠯ ᠯᠶᠥ᠋ᠯᠢ ᠣᠪᠣᠭ ᠲᠠᠢ ᠨᠢᠭᠡᠨ ᠬᠡᠦᠬᠡᠨ ᠱᠣᠣᠯᠠᠬᠤ ᠬᠠᠷᠢᠶᠠᠬᠤ ᠠ᠋ᠴᠠ ᠡᠮᠢᠶᠡᠯ ᠦᠭᠡᠢ ᠵᠣᠭᠰᠣᠵᠤ᠂ ᠲᠡᠷᠡ ᠨᠠᠳᠠᠳᠤ ᠨᠢᠭᠡ ᠠᠳᠬᠤ ᠦᠵᠦᠮ᠂ ᠰᠡᠮᠡᠬᠡᠷ ᠣᠷᠬᠢᠭᠠᠳ ᠭᠦᠶᠦᠨ ᠣᠳᠤᠯᠠ᠃
ᠮᠠᠷᠭᠠᠰᠢ ᠨᠢ ᠭᠠᠵᠠᠷ ᠰᠢᠭᠦᠷᠦᠭᠰᠡᠨ ᠤᠷᠲᠤ ᠬᠠᠷᠠ ᠨᠣᠣᠰᠣᠨ ᠠᠯᠴᠢᠭᠤᠷ ᠨᠥᠮᠥᠷᠦᠨ ᠢᠷᠡᠭᠡᠳ᠂ ᠱᠣᠷᠣᠩ ᠤ᠋ᠨ ᠲᠤᠭᠤᠷᠭᠠᠨ ᠤ᠋ ᠳᠠᠭᠠᠤ ᠠᠨᠢᠷ ᠦᠭᠡᠢ ᠶᠠᠪᠤᠵᠤ ᠨᠠᠳᠠᠳᠤ ᠪᠣᠭᠣᠷᠰᠣᠭ᠂ ᠪᠢᠴᠢᠬᠠᠨ ᠠᠮᠲᠠᠲᠠᠢᠬᠠᠨ ᠭᠤᠸᠠ ᠠᠪᠴᠢᠷᠠᠵᠤ ᠦᠭᠭᠦᠭᠡᠳ ᠮᠥᠩᠭᠥᠨ ᠪᠥᠭᠡᠵᠢ ᠲᠡᠢ ᠪᠣᠷᠣ ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠲᠣᠣᠷ ᠤ᠋ᠨ ᠰᠡᠷᠡᠯᠵᠢᠨ ᠡᠴᠡ ᠪᠠᠷᠢᠨ ᠨᠠᠳᠠ ᠤᠷᠤᠭᠤ ᠲᠤᠩᠭᠠᠯᠠᠭ ᠬᠠᠷᠠ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠠᠯᠭᠤᠷ ᠰᠡᠮᠬᠡᠨ ᠢ᠋ᠶ᠋ᠡᠷ ᠰᠢᠷᠳᠡᠵᠦ ᠠᠶᠠᠷᠬᠠᠨ ᠰᠢᠪᠡᠨᠡᠨ᠂ ᠮᠢᠨᠦ ᠲᠥᠯᠥᠭᠡᠨᠡ ᠵᠠᠯᠪᠠᠷᠢᠭᠲᠤᠨ! ᠭᠡᠪᠡ᠃ ᠪᠢ ᠲᠡᠭᠦᠨ ᠢ᠋ ᠢᠨᠢᠶᠡᠳᠦᠮ ᠪᠣᠯᠭᠠᠵᠤ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠠᠳ ᠪᠤᠷᠤᠭᠤ ᠬᠠᠷᠠᠪᠠ᠃
ᠭᠡᠲᠡᠯᠡ ᠳᠠᠷᠠᠭᠠᠬᠢ ᠡᠳᠦᠷ ᠨᠢ ᠥᠨᠥ ᠬᠡᠦᠬᠡᠨ ᠲᠣᠣᠷ ᠤ᠋ᠨ ᠳᠡᠷᠭᠡᠳᠡ ᠳᠠᠬᠢᠨ ᠢᠷᠡᠭᠡᠳ ᠬᠢᠴᠢᠶᠡᠩᠭᠦᠢ ᠪᠡᠷ ᠳᠠᠪᠲᠠᠨ᠄
ᠮᠢᠨᠦ ᠲᠥᠯᠥᠭᠡ᠂ ᠮᠢᠨᠦ ᠡᠷᠡ ᠴᠡᠷᠢᠭ ᠢ᠋᠂ ᠮᠢᠨᠦ ᠬᠠᠢᠷᠠᠲᠤ ᠶ᠋ᠢ ᠢᠷᠡᠲᠦᠭᠡᠢ ᠭᠡᠵᠦ ᠵᠠᠯᠪᠠᠷᠢᠭᠲᠤᠨ! ᠭᠡᠵᠦ ᠥᠭᠦᠯᠡᠯᠡ᠃
ᠪᠢ ᠵᠠᠯᠪᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠶᠠᠭᠠᠬᠢᠬᠤ ᠶᠤᠮ ᠪᠣᠢ ᠳᠠ? ᠨᠠᠮᠠᠶ᠋ᠢ ᠭᠡᠭᠡᠨ ᠢᠮᠡᠮ ᠨᠠᠷ ᠵᠠᠨᠤᠭᠰᠠᠨ ᠪᠢᠰᠢ ᠤᠤ?
— ᠢᠮᠡᠮ ᠨᠠᠷ ᠪᠣᠯ ᠪᠠᠴᠢᠲᠤ ᠡᠪᠯᠢᠰ ᠡᠴᠡ ᠳᠣᠣᠷᠠ᠂ ( ᠃ ) ᠲᠡᠳᠡ ( ᠪᠣᠯ ) ᠮᠠᠭᠤ ᠦᠢᠯᠡᠰ᠂ ᠶᠡᠬᠡᠮᠰᠦᠭ ᠵᠠᠩ ᠤ᠋ᠨ ᠡᠵᠡᠳ᠂ ᠲᠡᠳᠡ ᠬᠡᠷᠪᠡ ᠴᠢᠮᠠᠶ᠋ᠢ ᠵᠠᠨᠤᠭᠰᠠᠨ ᠪᠣᠯ ᠴᠢ ᠵᠥᠪ ᠰᠢᠳᠤᠷᠭᠤ ᠬᠥᠮᠦᠨ᠃ ᠨᠠᠳᠠᠳᠤ ᠪᠠ ᠬᠣᠯᠠ ᠪᠠᠢᠭᠠ ᠮᠢᠨᠦ ᠲᠡᠭᠦᠨ ᠳ᠋ᠦ᠍ ᠠᠯᠯᠠᠾ ᠠ᠋ᠴᠠ ᠥᠷᠥᠰᠢᠶᠡᠯ ᠬᠠᠢᠷᠠ ᠶ᠋ᠢ ᠭᠣᠶᠣᠭᠲᠤᠨ! ᠲᠡᠭᠦᠨ ᠦ᠌ ᠭᠤᠶᠤᠭᠰᠠᠨ ᠢ᠋ ᠭᠦᠢᠴᠡᠳᠬᠡᠬᠦ ᠪᠡᠷ ᠪᠢ ᠠᠮᠠ ᠠᠯᠳᠠᠪᠠ᠃ ᠬᠡᠦᠬᠡᠨ ᠪᠠᠰᠠ ᠬᠡᠳᠦ ᠢᠷᠡᠬᠦ ᠳ᠋ᠦ᠍ ᠰᠡᠳᠬᠢᠯ ᠢ᠋ ᠨᠢ ᠲᠠᠢᠳᠬᠤᠷᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠵᠣᠯ ᠵᠠᠶᠠᠭᠠ ᠶ᠋ᠢ ᠬᠦᠷᠲᠡᠭᠡᠬᠦ ᠵᠠᠯᠪᠠᠷᠢᠯ ᠢ᠋ ᠰᠥᠨᠢ ᠳ᠋ᠡᠭᠡᠨ ᠶᠢᠰᠦᠨ ᠶᠢᠰᠦ ᠥᠴᠢᠨᠡ ᠭᠡᠵᠦ ᠪᠢ ᠬᠡᠯᠡᠯᠡ᠃ ᠨᠢᠭᠡ ᠡᠳᠦᠷ ᠹᠸᠨ᠋ᠲ —ᠽᠠᠩᠺᠢᠳᠵᠠ ᠭᠡᠳᠡᠭ ᠨᠡᠷᠡ ᠲᠡᠢ ᠥᠬᠢᠨ ᠂ ᠣᠭᠲᠣ ᠦᠯᠦ ᠢᠨᠢᠶᠡᠮᠰᠦᠭᠯᠡᠭᠴᠢ ᠨᠢᠭᠡᠨ ᠵᠠᠯᠠᠭᠤ ᠡᠷᠡ ᠶ᠋ᠢᠨ ᠬᠠᠮᠲᠤ ᠢᠷᠡᠭᠰᠡᠨ᠃ ᠲᠡᠷᠡ ᠵᠠᠯᠠᠭᠤ ᠶ᠋ᠢᠨ ᠪᠤᠷᠵᠢᠭᠢᠷ ᠬᠠᠷᠠ ᠦᠰᠦ ᠨᠢ ᠮᠥᠷᠦᠨ ᠳ᠋ᠡᠭᠡᠨ ᠬᠦᠷᠴᠡᠢ᠃ ᠮᠥᠩᠭᠥᠨ ᠵᠡᠪᠰᠡᠭ ᠢ᠋ ᠵᠡᠭᠦᠵᠦ ᠬᠤᠷᠴᠠ ᠲᠣᠪᠬᠤ ᠲᠠᠢ ᠤᠷᠲᠤ ᠲᠦᠷᠡᠢ ᠲᠡᠢ ᠰᠢᠷᠠ ᠭᠤᠲᠤᠯ ᠡᠮᠦᠰᠴᠡᠢ᠃
ᠨᠠᠳᠠ ᠤᠷᠤᠭᠤ ᠳᠠᠭᠤ ᠦᠭᠡᠢ ᠬᠠᠷᠠᠭᠠᠳ ᠥᠬᠢᠨ ᠦ᠌ ᠵᠦᠭ ᠬᠠᠨᠳᠤᠵᠤ:
— ᠵᠠ ᠲᠡᠷᠡ ᠮᠥᠨ ᠪᠠᠢᠨᠠ᠃ ᠪᠢᠰᠢᠷ ᠬᠠᠭᠤᠷᠮᠠᠭ ᠢ᠋ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ᠃ ᠪᠢ ᠲᠤᠰᠠᠯᠠᠰᠤᠭᠠᠢ! ᠭᠡᠪᠡ᠃ ᠪᠢᠳᠡ ᠬᠣᠶᠠᠷ ᠪᠡᠶᠡ ᠪᠡᠶᠡ ᠪᠡᠨ ᠤᠳᠠᠲᠠᠯᠠ ᠬᠠᠷᠠᠭᠠᠳ ᠬᠤᠷᠴᠠ ᠪᠠᠷ ᠬᠠᠷᠠᠬᠤ ᠬᠤᠶᠠᠭ ᠨᠠᠷ ᠲᠤ᠌ ᠠᠯᠠᠭᠳᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠ ᠠᠬᠠ ᠳᠡᠭᠦᠦ ᠬᠣᠶᠠᠷ ᠤᠴᠠᠷᠠᠯᠳᠤᠭᠰᠠᠨ ᠢ᠋ᠶ᠋ᠠᠨ ᠢᠯᠡᠴᠢᠯᠡᠬᠦ ᠡᠴᠡ ᠠᠶᠤᠨ ᠪᠡᠷᠬᠡᠰᠢᠶᠡᠪᠡ᠃ ᠡᠨᠡ ᠥᠨᠳᠥᠷ ᠵᠠᠯᠠᠭᠤ ᠡᠷᠡ ᠪᠣᠯ ᠠᠯᠢ ᠡᠷᠲᠡ ᠪᠢ ᠠᠯᠳᠠᠭᠠᠳ ᠳᠠᠬᠢᠨ ᠠᠭᠤᠯᠵᠠᠬᠤ ᠭᠣᠷᠢᠳᠠᠯᠭᠠ ᠦᠭᠡᠢ ᠭᠡᠵᠦ ᠰᠠᠨᠠᠭᠰᠠᠨ ᠮᠢᠨᠦ ᠳᠡᠭᠦᠦ ᠳᠤᠭᠠᠩ ᠮᠥᠨ᠃
ᠳᠤᠭᠠᠩ᠂ ᠬᠡᠦᠬᠡᠨ ᠥᠭᠡᠳᠡ ᠬᠠᠷᠠᠵᠤ:
ᠢᠮᠡᠮ ᠳ᠋ᠦ᠍ ᠵᠠᠨᠤᠭᠳᠠᠭᠰᠠᠨ ᠵᠥᠪ ᠰᠢᠳᠤᠷᠭᠤ ᠬᠥᠮᠦᠨ᠂ ᠴᠢ ᠮᠢᠨᠦ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠦᠢᠯᠡᠳᠲᠦᠭᠡᠢ᠃ ᠪᠢ ᠭᠤᠷᠪᠠᠨ ᠬᠠᠷᠠ ᠺᠢᠯᠪ ᠠᠪᠴᠢᠷᠠᠯᠠ᠃ ᠴᠢ ᠵᠠᠯᠭᠢᠭᠲᠤᠨ᠂ ᠲᠡᠭᠡᠪᠡᠯ ᠴᠢᠨᠦ ᠣᠶᠤᠨ ᠤᠬᠠᠭᠠᠨ ᠡᠨᠳᠡ ᠡᠴᠡ ᠳᠡᠭᠳᠡᠵᠦ ᠠᠭᠤᠯᠠᠰ ᠢ᠋ ᠳᠠᠪᠠᠨ ᠰᠡᠷᠢᠭᠦᠨ ᠭᠣᠷᠣᠬᠠ᠂ ᠠᠩᠬᠢᠯᠤᠮᠠ ᠴᠡᠴᠡᠭᠲᠦ ᠬᠥᠨᠳᠡᠢ ᠳ᠋ᠦ᠍ ᠣᠴᠢᠨᠠ᠃ ᠲᠡᠨᠳᠡ ᠴᠠᠰᠤ ᠰᠢᠭ᠋ ᠴᠠᠭᠠᠨ ᠠᠳᠤᠭᠤ ᠪᠡᠯᠴᠢᠨᠡ᠃ ᠠᠯᠲᠠᠨ ᠰᠢᠪᠠᠭᠤᠳ ᠬᠥᠮᠦᠨ ᠦ᠌ ᠠᠶᠠᠯᠭᠤ ᠪᠠᠷ ᠳᠣᠩᠭᠣᠳᠤᠯᠠ᠃ ᠲᠡᠨᠳᠡ ᠴᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠳ᠋ᠠᠭᠠᠨ ᠳᠠᠰᠤᠭᠰᠠᠨ ᠬᠡᠦᠬᠡᠨ ᠲᠡᠢ ᠤᠴᠠᠷᠠᠨᠠ ᠭᠡᠬᠦ ᠳ᠋ᠦ᠍ ᠪᠢ ᠲᠡᠭᠦᠨ ᠦ᠌ ᠦᠭᠡ ᠶ᠋ᠢ ᠲᠠᠰᠤᠯᠵᠤ᠄
—ᠲᠡᠭᠡᠭᠡᠳ ᠨᠣᠢᠷ ᠠ᠋ᠴᠠ ᠰᠡᠷᠢᠮᠡᠭᠴᠡ ᠲᠣᠣᠷ ᠤ᠋ᠨ ᠲᠡᠮᠦᠷ ᠰᠡᠷᠡᠯᠵᠢ ᠶ᠋ᠢ ᠮᠡᠷᠡᠬᠦ ᠪᠣᠯᠤᠨᠠ᠃ ᠲᠡᠢᠮᠦ ᠵᠡᠭᠦᠳᠦ ᠨᠠᠳᠠᠳᠤ ᠬᠡᠷᠡᠭ ᠦᠭᠡᠢ ᠭᠡᠪᠡ᠃
—ᠵᠥᠷᠢᠭᠦᠳ ᠬᠥᠮᠦᠨ ᠴᠢ᠂ ᠦᠭᠡ ᠪᠤᠯᠢᠶᠠᠯᠴᠠᠯᠳᠤᠯ ᠦᠭᠡᠢ ᠴᠠᠰᠢ ᠨᠢ ᠰᠣᠨᠣᠰᠤᠭᠲᠤᠨ!ᠴᠢᠨᠦ ᠣᠶᠤᠨ ᠤᠬᠠᠭᠠᠨ ᠴᠠᠭᠠᠨ ᠠᠳᠤᠭᠤ ᠲᠠᠢ ᠠᠭᠤᠯᠠ ᠶ᠋ᠢᠨ ᠬᠥᠨᠳᠡᠢ ᠳ᠋ᠦ᠍ ᠠᠮᠤᠷᠯᠢᠩᠭᠤᠢ ᠳᠦᠷᠢ ᠪᠡᠷ ᠵᠢᠷᠭᠠᠬᠤ ᠦᠶᠡ ᠳ᠋ᠦ᠍᠄
ᠪᠢ ᠬᠤᠶᠠᠭ ᠨᠠᠷ ᠲᠤ᠌ ᠴᠢᠮᠠᠶ᠋ᠢ ᠦᠬᠦᠭᠰᠡᠨ ᠭᠡᠵᠦ ᠬᠡᠯᠡᠰᠦᠭᠡᠢ᠂ ᠨᠣᠮ ᠤ᠋ᠨ ᠶᠣᠰᠣᠭᠠᠷ ᠴᠢᠨᠦ ᠪᠡᠶᠡ ᠶ᠋ᠢ ᠨᠡᠩ ᠳᠠᠷᠤᠢ ᠭᠠᠵᠠᠷ ᠣᠷᠣᠰᠢᠭᠤᠯᠤᠨᠠ᠃ ᠪᠣᠭᠣᠯ ᠳᠠᠷᠬᠠᠴᠤᠳ ᠲᠣᠣᠷ ᠢ᠋ ᠡᠪᠳᠡᠵᠦ ᠪᠡᠶᠡ ᠶ᠋ᠢ ᠴᠢᠨᠢ ᠳᠡᠭᠡᠭᠡ ᠪᠡᠷ ᠴᠢᠷᠦᠨ ᠴᠠᠭᠠᠵᠠᠯᠠᠭᠳᠠᠭᠴᠢᠳ ᠤ᠋ᠨ ᠬᠡᠭᠦᠷ ᠦ᠋ᠨ ᠨᠦᠬᠡᠨ ᠳ᠋ᠦ᠍ ᠬᠢᠨᠡ᠃ ᠬᠠᠷᠢᠨ ᠬᠡᠳᠦᠢᠴᠢᠨᠡᠭᠡᠨ ᠡᠪᠡᠳᠪᠡᠴᠦ ᠣᠷᠢᠯᠠᠵᠤ ᠤᠬᠢᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠬᠡᠷᠪᠡ ᠬᠠᠰᠬᠢᠷᠴᠤ ᠤᠬᠢᠯᠠᠪᠠᠯ ᠲᠣᠯᠣᠭᠠᠢ ᠶ᠋ᠢ ᠴᠢᠨᠢ ᠲᠡᠮᠦᠷ ᠰᠢᠲᠠᠮ ᠢ᠋ᠶ᠋ᠠᠷ ᠬᠠᠭᠠ ᠴᠣᠬᠢᠨᠠ᠃ ᠰᠥᠨᠢ ᠳᠤᠮᠳᠠ ᠶ᠋ᠢᠨ ᠬᠢᠷᠢ ᠳ᠋ᠦ᠍ ᠴᠢᠮᠠᠶ᠋ᠢ ᠬᠡᠭᠦᠷ ᠦ᠋ᠨ ᠳᠤᠮᠳᠠ ᠬᠡᠪᠲᠡᠬᠦ ᠳ᠋ᠦ᠍ ᠨᠣᠬᠠᠢ᠂ ᠴᠢᠳᠬᠥᠷ ᠦ᠋ᠳ ᠴᠢᠨᠦ ᠬᠥᠯ ᠢ᠋ ᠮᠡᠷᠡᠬᠦ ᠪᠡᠷ ᠮᠢᠷᠠᠵᠤ ᠢᠷᠡᠬᠦ ᠴᠠᠭ ᠲᠤ᠌ ᠪᠢ ᠴᠡᠷᠢᠭ ᠦ᠋ᠨ ᠭᠤᠷᠪᠠᠨ ᠡᠷᠡ ᠶ᠋ᠢᠨ ᠬᠠᠮᠲᠤ ᠴᠢᠮᠠᠶ᠋ᠢ ᠬᠦᠯᠢᠶᠡᠰᠦᠭᠡᠢ᠃ ᠪᠢᠳᠡ ᠴᠢᠮᠠᠶ᠋ᠢ ᠴᠤᠪᠠ ᠪᠠᠷ ᠣᠷᠢᠶᠠᠨ ᠬᠤᠷᠳᠤᠨ ᠢ᠋ᠶ᠋ᠠᠷ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠨᠠ᠃ ᠲᠡᠭᠡᠮᠡᠭᠴᠡ ᠪᠢᠳᠡ ᠬᠡᠩᠭᠡᠷᠭᠡ ᠬᠠᠷᠠᠩᠭᠠ ᠳᠡᠯᠡᠳᠦᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠴᠢᠨᠦ ᠣᠶᠤᠨ ᠤᠬᠠᠭᠠᠨ ᠢ᠋ ᠠᠮᠤᠷᠯᠢᠩᠭᠤᠢ ᠶ᠋ᠢᠨ ᠬᠥᠨᠳᠡᠢ ᠡᠴᠡ ᠳᠠᠭᠤᠳᠠᠨᠠ᠃ ᠴᠢ ᠠᠮᠢ ᠣᠷᠣᠵᠤ ᠳᠠᠬᠢᠨ ᠰᠡᠷᠭᠦᠬᠦ ᠨᠢ ᠯᠠᠪ ᠭᠡᠵᠦ ᠪᠢ ᠠᠮᠠ ᠠᠯᠳᠠᠰᠤᠭᠠᠢ! ᠵᠢᠴᠢ ᠴᠢ ᠮᠣᠷᠢᠨ ᠳ᠋ᠤ᠌ ᠮᠣᠷᠳᠠᠮᠠᠭᠴᠠ ᠠᠯᠤᠰ ᠬᠣᠯᠠ ᠶ᠋ᠢᠨ ᠬᠠᠷᠢ ᠨᠤᠲᠤᠭ ᠲᠤ᠌ ᠣᠴᠢᠵᠤ ᠰᠢᠨᠡ ᠵᠠᠮ ᠢ᠋ᠶ᠋ᠠᠷ ᠠᠮᠢᠳᠤᠷᠠᠨᠠ ᠭᠡᠵᠡᠢ ᠃
ᠹᠠᠺᠢ᠍ᠾ ᠰᠡᠭᠡᠭᠡ ᠠᠪᠴᠤ ᠴᠢᠩᠨᠠᠪᠠ᠃ ᠣᠪᠣᠬᠠᠢ ᠶ᠋ᠢᠨ ᠨᠢᠮᠭᠡᠨ ᠬᠠᠨᠠ ᠶ᠋ᠢᠨ ᠴᠠᠭᠠᠨᠠ ᠠ᠋ᠴᠠ ᠴᠢᠮᠡᠭᠡ ᠰᠣᠨᠣᠰᠤᠭᠳᠠᠯᠠ᠃ ᠬᠡᠳᠦᠨ ᠭᠱᠠᠨ ᠳ᠋ᠤ᠌ ᠬᠥᠳᠡᠯᠦᠯ ᠦᠭᠡᠢ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠴᠠᠰᠢ ᠳᠠᠬᠢᠨ ᠪᠢᠴᠢᠭᠰᠡᠨ ᠨᠢ:《ᠣᠭᠲᠣ ᠦᠯᠦ ᠢᠨᠢᠶᠡᠮᠰᠦᠭᠯᠡᠭᠴᠢ ᠵᠠᠯᠠᠭᠤ ᠡᠷᠡ ᠶ᠋ᠢᠨ ᠬᠡᠯᠡᠭᠰᠡᠨᠴᠢᠯᠡᠨ ᠪᠦᠲᠦᠪᠡ᠃ ᠭᠡᠪᠡᠴᠦ ᠵᠦᠳᠡᠷᠡᠵᠦ ᠡᠴᠡᠵᠦ ᠲᠤᠷᠠᠭᠰᠠᠨ ᠪᠣᠯᠪᠠᠴᠤ ᠠᠮᠢᠳᠤ ᠪᠣᠢ! ᠵᠣᠷᠢᠭᠲᠠᠢ ᠲᠤᠰᠠᠯᠠᠮᠵᠢ ᠶ᠋ᠢᠨ ᠠᠴᠢ ᠪᠠᠷ ᠰᠠᠨᠠᠮᠰᠠᠷ ᠦᠭᠡᠢ ᠡᠷᠬᠡ ᠴᠢᠯᠥᠭᠡ ᠲᠡᠢ ᠪᠣᠯᠵᠠᠢ᠃ ᠪᠢ ᠭᠠᠯ ᠰᠢᠳᠡᠭᠴᠢᠳ ᠦ᠋ᠨ ᠳ᠋ᠦ᠍ ᠡᠯᠡᠰᠦᠨ ᠭᠣᠪᠢ ᠳ᠋ᠤ᠌ ᠬᠡᠳᠦ ᠬᠣᠨᠣᠭᠠᠳ ᠰᠢᠭᠨᠡᠺᠥ᠋ ᠬᠣᠲᠠ ᠳ᠋ᠤ᠌ ᠣᠴᠢᠵᠤ᠂ ᠳᠠᠷᠠᠭᠠ ᠶ᠋ᠢᠨ ᠢ᠋ᠶ᠋ᠡᠨ ᠠᠮᠢᠳᠤᠷᠠᠯ ᠢ᠋ ᠡᠬᠢᠯᠡᠪᠡ》 ᠭᠡᠵᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ·ᠮᠥᠩᠬᠡᠨᠠᠰᠤᠨ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ