ᠨᠢᠭᠡᠨ ᠨᠣᠮ ᠲᠠᠪᠴᠠᠩ ᠦ᠋ᠨ ᠡᠳᠦᠷ ᠦ᠋ᠨ ᠲᠡᠮᠳᠡᠭᠯᠡᠯ ᠡᠴᠡ –5 Нэгэн ном тавцан үн өдөр үн тэмдэглэлээс –5
476 ᠠᠩᠭ᠌ᠯᠢ ᠶ᠋ᠢᠨ 53 ᠳ᠋ᠤᠭᠠᠷ ᠲᠡᠷᠢᠭᠦᠨ ᠰᠠᠢᠳ ᠺᠠᠮᠸᠷᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠤᠷᠤᠯᠴᠠᠵᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠨᠢᠭᠡ ᠡᠳᠦᠷ ᠦᠳᠡ ᠶ᠋ᠢᠨ ᠬᠣᠭᠣᠯᠠᠨ ᠤ᠋ ᠳᠠᠷᠠᠭᠠ ᠭᠤᠷᠪᠠᠨ ᠬᠠᠮᠲᠤ ᠰᠤᠷᠤᠭᠴᠢ ᠲᠠᠢ ᠪᠠᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠦᠷᠢᠶᠡᠨ ᠦ᠌ ᠭᠠᠳᠠᠨᠠ ᠭᠠᠷᠴᠤ ᠨᠠᠭᠠᠳᠤᠭᠠᠳ ᠬᠢᠴᠢᠶᠡᠯ ᠣᠷᠣᠬᠤ ᠪᠠᠨ ᠮᠠᠷᠲᠠᠵᠤ ᠴᠢᠬᠤᠯᠠ ᠰᠢᠯᠭᠠᠯᠲᠠ ᠠ᠋ᠴᠠ ᠨᠢᠭᠡ ᠴᠠᠭ ᠬᠣᠵᠢᠮᠳᠠᠵᠠᠢ᠃
ᠲᠡᠷᠡ ᠠᠩᠭᠢ ᠶ᠋ᠢᠨ ᠭᠡᠷ ᠦ᠋ᠨ ᠡᠭᠦᠳᠡᠨ ᠳ᠋ᠦ᠍ ᠵᠣᠭᠰᠣᠭᠠᠳ᠄《ᠪᠠᠭᠰᠢ ᠠ᠋᠂ ᠠᠭᠤᠴᠢᠯᠠᠭᠠᠷᠠᠢ! ᠮᠠᠨᠤᠰ ᠵᠣᠷᠢᠭᠤᠳᠠ ᠬᠣᠴᠣᠷᠴᠤ ᠢᠷᠡᠭᠰᠡᠨ ᠪᠢᠰᠢ᠂ ᠮᠢᠨᠦ ᠲᠡᠷᠭᠡᠨ ᠦ᠌ ᠬᠦᠷᠳᠦ ᠬᠠᠭᠠᠷᠠᠭᠠᠳ ᠴᠠᠭ ᠢ᠋ ᠰᠠᠭᠠᠲᠠᠭᠠᠴᠢᠬᠠᠯᠠ》 ᠭᠡᠵᠦ ᠬᠡᠯᠡᠭᠡᠳ ᠬᠠᠵᠠᠭᠤ ᠳ᠋ᠠᠬᠢ ᠭᠤᠷᠪᠠ ᠳ᠋ᠤ᠌ ᠪᠠᠨ ᠨᠢᠳᠦ ᠵᠠᠷᠤᠪᠠ᠃ ᠲᠡᠷᠡ ᠬᠡᠳᠦ ᠨᠢ ᠴᠦ᠍ ᠲᠡᠭᠦᠨ ᠦ᠌ ᠡᠮᠦᠨᠡ ᠡᠴᠡ ᠲᠣᠯᠣᠭᠠᠢ ᠳᠣᠬᠢᠵᠤ ᠲᠡᠭᠦᠨ ᠦ᠌ ᠬᠡᠯᠡᠭᠰᠡᠨ ᠢ᠋ ᠭᠡᠷᠡᠴᠢᠯᠡᠵᠦ ᠪᠠᠢᠯᠠ᠃ ᠪᠠᠭᠰᠢ ᠨᠢ᠄ 《ᠬᠠᠮᠢᠭᠠ ᠦᠭᠡᠢ᠂ ᠬᠡᠦᠬᠡᠳ ᠦ᠋ᠳ ᠠ᠋! ᠪᠢ ᠲᠠᠨᠤᠰ ᠲᠤ ᠨᠥᠬᠥᠵᠦ ᠰᠢᠯᠭᠠᠬᠤ ᠵᠠᠪᠰᠢᠶᠠᠨ ᠥᠭᠭᠦᠶᠡ》 ᠭᠡᠳ ᠲᠡᠷᠡ ᠳᠥᠷᠪᠡᠭᠦᠯᠡ ᠶ᠋ᠢ ᠠᠩᠭᠢ ᠶ᠋ᠢᠨ ᠭᠡᠷ ᠦ᠋ᠨ ᠳᠥᠷᠪᠡᠨ ᠥᠨᠴᠥᠭ ᠲᠦ᠍ ᠰᠠᠭᠤᠯᠭᠠᠵᠤ᠄《ᠲᠠᠨᠤᠰ ᠶᠡᠬᠡ ᠠᠵᠠ ᠲᠠᠢ᠂ ᠨᠢᠭᠡ ᠯᠡ ᠰᠡᠳᠦᠪ ᠬᠠᠷᠢᠭᠤᠯᠪᠠᠯ ᠪᠣᠯᠴᠢᠬᠠᠬᠤ ᠮᠥᠷᠲᠡᠭᠡᠨ ᠰᠡᠳᠦᠪ ᠨᠢ ᠴᠦ᠍ ᠮᠠᠰᠢ ᠠᠮᠠᠷᠬᠠᠨ》 ᠭᠡᠵᠡᠢ᠃
ᠲᠡᠳᠡ ᠮᠠᠨ ᠤ᠋ ᠪᠠᠭᠰᠢ ᠡᠢᠮᠦ ᠠᠮᠠᠷᠬᠠᠨ ᠮᠠᠨ ᠳ᠋ᠤ᠌ ᠬᠠᠭᠤᠷᠲᠠᠭᠳᠠᠭᠰᠠᠨ ᠪᠠᠢᠨᠠ ᠭᠡᠵᠦ ᠰᠠᠮ ᠪᠠᠶᠠᠷᠯᠠᠵᠤ ᠪᠠᠢᠯᠠ᠃《ᠲᠡᠷᠭᠡᠨ ᠦ᠌ ᠠᠯᠢ ᠬᠦᠷᠳᠦ ᠨᠢ ᠳᠡᠯᠪᠡᠷᠡᠭᠰᠡᠨ ᠪᠣᠢ?》ᠭᠡᠬᠦ ᠰᠢᠯᠭᠠᠯᠲᠠ ᠶ᠋ᠢᠨ ᠰᠡᠳᠦᠪ ᠢ᠋ ᠬᠠᠷᠠᠬᠤ ᠲᠠᠢ ᠵᠡᠷᠭᠡ ᠮᠡᠯᠡᠷᠡᠴᠢᠬᠡᠪᠡ᠃
《ᠡᠨᠡ ᠰᠢᠯᠭᠠᠯᠲᠠ ᠨᠠᠳᠠ ᠳ᠋ᠤ᠌ ᠬᠡᠵᠢᠶᠡᠳᠡ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠰᠠᠭᠤᠭᠳᠠᠯ ᠥᠭᠴᠡᠢ᠃ ᠮᠠᠰᠢ ᠠᠮᠠᠷᠬᠠᠨ ᠰᠡᠳᠦᠪ ᠪᠠᠢᠲᠠᠯᠠ ᠪᠢ ᠲᠡᠭ ᠬᠤᠪᠢ ᠣᠯᠵᠠᠢ》᠃
ᠣᠯᠠᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠡᠨᠡ ᠤᠴᠢᠷ ᠢ᠋ ᠳᠠᠬᠢᠨ ᠳᠤᠷᠠᠳᠬᠤ ᠳ᠋ᠤ᠌ ᠪᠠᠨ《ᠪᠠᠭᠰᠢ ᠨᠢᠭᠡᠨ ᠮᠠᠰᠢ ᠠᠮᠠᠷᠬᠠᠨ ᠰᠡᠳᠦᠪ ᠢ᠋ᠶ᠋ᠡᠷ ᠮᠠᠨᠤᠰ ᠲᠤ ᠬᠥᠮᠦᠨ ᠪᠣᠯᠬᠤ ᠶ᠋ᠢᠨ ᠶᠣᠰᠣ ᠤᠴᠢᠷ ᠢ᠋ ᠲᠠᠨᠢᠭᠤᠯᠤᠭᠰᠠᠨ᠃ ᠳᠠᠷᠤᠢ ᠥᠪᠡᠷ ᠢ᠋ᠶ᠋ᠡᠨ ᠰᠡᠴᠡᠷᠬᠡᠵᠦ᠂ ᠪᠤᠰᠤᠳ ᠲᠤ ᠬᠤᠳᠠᠯ ᠬᠡᠯᠡᠳᠡᠭ ᠬᠥᠮᠦᠨ ᠯᠠᠪᠲᠠᠢ ᠦᠷᠡᠭᠳᠡᠯ ᠭᠠᠷᠭᠠᠵᠤ ᠬᠣᠣᠷ ᠠᠮᠰᠠᠬᠤ ᠮᠥᠷᠲᠡᠭᠡᠨ ᠡᠨᠡᠬᠦ ᠬᠣᠣᠷ ᠤ᠋ᠨ ᠢᠷᠡᠬᠦ ᠨᠢ ᠴᠦ᠍ ᠬᠤᠷᠳᠤᠨ ᠪᠠᠢᠵᠤ ᠬᠥᠮᠦᠨ ᠢ᠋ ᠶᠠᠭᠠᠬᠢᠬᠤ ᠶ᠋ᠢᠨ ᠴᠦ᠍ ᠠᠷᠭᠠ ᠦᠭᠡᠢ ᠪᠣᠯᠲᠠᠯᠠ ᠭᠡᠮᠰᠢᠨ ᠬᠠᠷᠠᠮᠰᠠᠭᠤᠯᠳᠠᠭ》 ᠭᠡᠵᠦ ᠶᠠᠷᠢᠵᠤ ᠪᠠᠢᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ