ᠠᠪᠤ ᠠᠷᠭᠠᠯ ᠬᠣᠶᠠᠷ -ᠨᠣᠮᠴᠢᠨАав аргал хоёр-Номчин
381ᠠᠪᠤ ᠠᠷᠭᠠᠯ ᠬᠣᠶᠠᠷ
ᠰᠢᠯᠦᠭ ᠄ ᠰᠡᠴᠡᠨᠲᠤ
ᠰᠢᠯᠦᠭᠯᠡᠭᠰᠡᠨ ᠨᠢ᠄ ᠨᠣᠮᠴᠢᠨ
ᠠᠢᠯ ᠤ᠋ᠨ ᠬᠣᠲᠣᠭᠣᠷ ᠲᠤ᠌ ᠪᠠᠨ ᠠᠪᠤ ᠮᠢᠨᠢ
ᠠᠷᠭᠠᠯ ᠲᠡᠭᠦᠳᠡᠭ《 ᠣᠳᠣ》 ᠨᠢ ᠪᠠᠢᠯᠠ᠂
ᠠᠯᠤᠰ ᠲᠤ᠌ ᠶᠠᠪᠤᠬᠤ ᠵᠠᠮ ᠤ᠋ᠨ ᠵᠣᠭᠣᠰ ᠢ᠋
ᠠᠲᠠᠷ ᠠ᠋ᠴᠠ ᠲᠡᠭᠦᠳᠡᠭ《 ᠡᠷᠢᠯᠴᠢᠨ》 ᠪᠠᠢᠯᠠ᠃
ᠦᠰᠦᠭ ᠲᠠᠨᠢᠬᠤ ᠦᠭᠡᠢ ᠠᠪᠤ ᠮᠢᠨᠢ ᠲᠡᠭᠡᠬᠦ ᠳ᠋ᠦ᠍
ᠦᠦᠷ ᠢ᠋ᠶ᠋ᠡᠷ ᠠᠷᠭᠠᠯ ᠤᠩᠰᠢᠳᠠᠭ ᠪᠠᠢᠯᠠ᠂
ᠦᠷᠡ ᠨᠠᠮᠠ ᠶ᠋ᠢ ᠪᠡᠨ ᠪᠢᠴᠢᠭ ᠦᠵᠡᠭᠦᠯᠬᠦ ᠪᠡᠷ
ᠦᠳᠡᠰᠢ ᠴᠤ᠌ ᠠᠷᠭᠠᠯ ᠢ᠋ ᠦᠰᠦᠭᠯᠡᠴᠢᠬᠡᠳᠡᠭ ᠪᠠᠢᠯᠠ᠃
ᠬᠥᠯᠳᠡᠭᠦᠰᠦ ᠲᠡᠭᠦᠬᠦ ᠨᠦᠰᠡᠷ ᠠᠵᠢᠯ
ᠬᠥᠬᠡᠭᠡ ᠡᠪᠦᠯ ᠡᠴᠡ ᠡᠬᠢᠯᠡᠳᠡᠭ᠂
ᠬᠦᠦ ᠮᠢᠨᠦ ᠰᠤᠷᠤᠯᠭᠠ ᠶ᠋ᠢᠨ ᠰᠦᠢᠳᠬᠡᠯ ᠢ᠋
ᠬᠥᠯᠳᠡᠭᠦᠰᠦᠨ ᠳᠣᠲᠣᠷᠠ ᠠ᠋ᠴᠠ ᠲᠥᠷᠥᠳᠡᠭ ᠪᠠᠢᠯᠠ᠃
ᠠᠭᠰᠠᠭᠠᠵᠤ ᠪᠦᠰᠡᠯᠡᠭᠰᠡᠨ ᠠᠪᠤ ᠶ᠋ᠢᠨ ᠮᠢᠨᠢ ᠳᠡᠪᠡᠯ᠂
ᠠᠷᠤᠭ ᠤ᠋ᠨ ᠣᠷᠣ ᠪᠠᠷ ᠨᠤᠯᠲᠤᠷᠠᠳᠠᠭ ᠪᠠᠢᠯᠠ᠃
ᠠᠢᠯ ᠤ᠋ᠨ ᠠᠮᠢᠳᠤᠷᠠᠯ ᠢ᠋ ᠠᠷᠤ ᠳ᠋ᠤ᠌ ᠪᠠᠨ ᠡᠭᠦᠷᠦᠭᠰᠡᠨ᠂
ᠠᠪᠤ ᠶ᠋ᠢᠨ ᠮᠥᠷᠥ ᠡᠪᠡᠷᠰᠢᠶᠡᠳᠡᠭ ᠪᠠᠢᠯᠠ᠃
ᠠᠷᠤ ᠠ᠋ᠴᠠ ᠢᠯᠡᠭᠡᠭᠰᠡᠨ ᠵᠣᠭᠣᠰ ᠢ᠋ ᠨᠢ ᠭᠠᠷᠲᠠᠬᠤ ᠳ᠋ᠤ᠌
ᠠᠪᠤ ᠶ᠋ᠢᠨ ᠪᠠᠷᠠ ᠬᠠᠷᠠᠭᠳᠠᠳᠠᠭ ᠪᠠᠢᠯᠠ᠂
ᠠᠷᠪᠠᠨ ᠮᠥᠩᠭᠥ ᠶ᠋ᠢᠨ ᠬᠠᠷᠠᠨᠳᠠ ᠪᠠᠨ ᠠᠳᠬᠤᠬᠤ ᠳ᠋ᠤ᠌
ᠠᠷᠤᠭ ᠰᠠᠪᠠᠷ ᠨᠢ ᠦᠵᠡᠭᠳᠡᠳᠡᠭ ᠪᠠᠢᠯᠠ᠃
ᠠᠷᠤᠭ ᠰᠠᠪᠠᠷ ᠲᠠᠢ ᠬᠠᠷᠠᠨᠳᠠ ᠪᠠᠨ ᠪᠢ
ᠠᠯᠳᠠᠭᠠᠳ ᠬᠤᠭᠤᠯᠴᠢᠬᠠᠬᠤ ᠠ᠋ᠴᠠ ᠠᠶᠤᠳᠠᠭ ᠪᠠᠢᠯᠠ᠂
ᠡᠪᠡᠷᠰᠢᠶᠡᠵᠦ ᠶᠥᠭᠡᠷᠡᠭᠰᠡᠨ ᠠᠪᠤ ᠶ᠋ᠢᠨ ᠮᠥᠷᠥ ᠶ᠋ᠢ
ᠡᠷᠡᠬᠡᠭᠡᠵᠦ ᠡᠮᠵᠡᠭᠯᠡᠭᠦᠯᠬᠦ ᠡᠴᠡ ᠵᠢᠷᠦᠬᠡᠰᠢᠶᠡᠳᠡᠭ ᠪᠠᠢᠯᠠ᠃
ᠬᠣᠷᠭᠣᠯᠵᠢᠨ ᠪᠢᠷ ᠢ᠋ ᠵᠣᠷᠭᠣᠬᠤ ᠪᠦᠷᠢ ᠳ᠋ᠦ᠍
ᠬᠤᠷᠳᠤᠨ ᠪᠠᠷᠠᠭᠳᠠᠳᠠᠭ ᠲᠤ᠌ ᠨᠢ ᠭᠡᠮᠰᠢᠳᠡᠭ ᠪᠠᠢᠯᠠ᠂
ᠬᠤᠭᠤᠴᠠᠭᠠᠨ ᠰᠡᠭᠦᠯ ᠦ᠋ᠨ ᠰᠢᠯᠭᠠᠯᠲᠠ ᠪᠣᠯᠬᠤ ᠳ᠋ᠤ᠌
ᠬᠤᠪᠢ ᠪᠠᠨ ᠦᠵᠡᠭᠡᠳ ᠪᠠᠶᠠᠷᠯᠠᠳᠠᠭ ᠪᠠᠢᠯᠠ᠃
ᠠᠷᠤᠭ ᠰᠠᠪᠠᠷ ᠲᠠᠢ ᠪᠢᠷ ᠢ᠋ᠶ᠋ᠡᠨ ᠪᠠᠷᠢᠭᠠᠳ
ᠠᠷᠢᠭᠤᠨ ᠮᠡᠳᠡᠯᠭᠡ ᠶ᠋ᠢ ᠲᠡᠭᠦᠵᠦ ᠶᠠᠪᠤᠨᠠ᠃
ᠠᠲᠤᠷᠢᠶᠠ ᠲᠠᠲᠠᠭᠰᠠᠨ ᠠᠪᠤ ᠶ᠋ᠢᠨ ᠮᠢᠨᠢ ᠮᠠᠩᠨᠠᠢ
ᠠᠯᠠᠰᠬᠢᠨ ᠭᠡᠷᠡᠯᠲᠦᠨ ᠲᠡᠨᠢᠢᠳᠡᠭ ᠴᠤ᠌ ᠪᠣᠯᠪᠠ ᠤᠤ᠃
ᠢᠷᠡᠯᠲᠡ ᠄ ᠤᠯᠠᠭᠠᠨ ᠬᠠᠳᠠ ᠶ᠋ᠢᠨ ᠮᠣᠩᠭᠣᠯ ᠲᠧᠯᠸᠢᠰ ᠲᠠᠪᠴᠠᠩ ᠠ᠋ᠴᠠ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ
ᠬᠢᠨᠠᠯᠲᠠ᠄ ᠵᠡᠷᠮᠤᠳ ᠥᠯᠵᠡᠢ ᠂ ᠭᠠᠷᠮᠠ᠂ ᠮᠥᠴᠢᠷ ᠨᠠᠷ