ᠢᠰᠡᠭᠡᠢ ᠪᠠᠢᠭᠰᠠᠨЭсгий байсан
396ᠢᠰᠡᠭᠡᠢ ᠪᠠᠢᠭᠰᠠᠨ
ᠡᠬᠡ ᠡᠴᠡ ᠲᠥᠷᠥᠬᠦ ᠳ᠋ᠦ᠍ ᠠᠩᠬᠠᠷᠤᠭᠰᠠᠨ ᠲᠩᠷᠢ ᠮᠢᠨᠢ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠡᠬᠢᠯᠡᠵᠦ ᠮᠡᠳᠡᠭᠰᠡᠨ ᠠᠯᠲᠠᠨ ᠳᠡᠯᠡᠬᠡᠢ ᠮᠢᠨᠢ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠲᠦᠰᠢᠭᠡᠳ ᠪᠣᠰᠬᠤ ᠳ᠋ᠤ᠌ ᠠᠭᠤᠯᠠᠰ ᠤ᠋ᠨ ᠮᠢᠨᠢ ᠬᠠᠶᠠᠭᠠ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠳᠦᠷᠡᠯᠵᠡᠨ ᠨᠣᠴᠣᠳᠠᠭ ᠲᠤᠯᠭᠠ ᠶ᠋ᠢᠨ ᠭᠠᠯ ᠮᠢᠨᠢ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠵᠤᠳ ᠤ᠋ᠨ ᠵᠢᠯ ᠦ᠋ᠨ ᠰᠢᠭᠤᠷᠭᠠ ᠨᠠᠮᠠ ᠶ᠋ᠢ ᠭᠤᠶᠠᠳᠠᠵᠤ ᠥᠯᠴᠢᠷ ᠪᠣᠯᠭᠠᠭᠰᠠᠨ᠂
ᠵᠤᠨ ᠤ᠋ ᠰᠥᠨᠢ ᠶ᠋ᠢᠨ ᠪᠣᠷᠣᠭᠠ ᠳᠡᠭᠡᠪᠦᠷ ᠪᠥᠮᠪᠥᠭᠡᠳᠡᠵᠦ ᠨᠠᠳᠠ ᠰᠢᠯᠦᠭ ᠥᠭᠭᠦᠭᠰᠡᠨ᠂
ᠤᠨᠢᠨ ᠳ᠋ᠤ᠌ ᠬᠠᠪᠴᠢᠭᠤᠯᠤᠭᠰᠠᠨ ᠰᠣᠨᠢᠨ ᠤ᠋ ᠲᠠᠰᠤᠷᠬᠠᠢ ᠮᠢᠨᠦ ᠣᠳᠣ ᠲᠠᠢ ᠰᠠᠨᠰᠠᠷ ᠪᠠᠢᠭᠰᠠᠨ᠂
ᠤᠲᠤᠭᠠᠨ ᠳ᠋ᠤ᠌ ᠰᠢᠷᠠᠭᠰᠠᠨ ᠠᠪᠳᠠᠷᠠ ᠲᠠᠢ ᠨᠣᠮ ᠤ᠋ᠨ ᠮᠢᠨᠢ ᠠᠯᠲᠠᠨ ᠣᠪᠣᠭᠠ ᠪᠠᠢᠭᠰᠠᠨ᠂
ᠳᠡᠭᠡᠪᠦᠷ ᠳᠡᠭᠡᠷᠡ ᠠᠶᠤᠩᠭᠠ ᠪᠠᠭᠤᠬᠤ ᠳ᠋ᠤ᠌ ᠳᠠᠭᠤᠨ ᠨᠢ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠳᠡᠯᠡᠬᠡᠢ ᠳ᠋ᠦ᠍ ᠭᠠᠵᠠᠷ ᠬᠥᠳᠡᠯᠬᠦ ᠳ᠋ᠦ᠍ ᠳᠤᠭᠲᠤᠷᠬᠤ ᠨᠢ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠪᠠᠭᠠ ᠶ᠋ᠢᠨ ᠮᠢᠨᠢ ᠵᠡᠭᠦᠳᠦᠯᠡᠳᠡᠭ ᠦᠨᠡᠭᠡ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠪᠠᠶᠠᠨ ᠮᠤᠩᠬᠠᠭ ᠤ᠋ᠨ ᠲᠣᠰᠣᠲᠠᠢ ᠪᠠᠷᠢᠭᠤᠯ ᠯᠠ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠦᠯᠢᠭᠡᠷ ᠦ᠋ᠨ ᠳᠠᠯᠠᠢ ᠲᠣᠭᠣᠭᠠᠨᠲᠡᠮᠦᠷᠡ ᠠᠪᠤ ᠮᠢᠨᠢ ᠢᠰᠡᠭᠡᠢ ᠭᠤᠲᠤᠯ ᠲᠠᠢ ᠪᠠᠢᠭᠰᠠᠨ᠂
ᠡᠭᠦᠷᠴᠦ ᠶᠠᠪᠤᠳᠠᠭ ᠪᠢᠴᠢᠭ ᠦ᠋ᠨ ᠪᠣᠭᠴᠣ ᠮᠢᠨᠢ ᠢᠰᠡᠭᠡᠢ ᠪᠠᠢᠭᠰᠠᠨ᠂
ᠠᠯᠠᠭ ᠨᠤᠲᠤᠭ ᠤ᠋ᠨ ᠬᠠᠮᠢᠭᠠ ᠭᠠᠵᠠᠷ ᠦᠭᠡᠢ ᠮᠢᠨᠦ ᠨᠤᠲᠤᠭ ᠤ᠋ᠨ ᠰᠢᠷᠠ ᠢᠰᠡᠭᠡᠢ ᠪᠠᠢᠳᠠᠭ᠃
ᠠᠯᠤᠰ ᠭᠠᠵᠠᠷ ᠰᠠᠵᠢᠯᠠᠨ ᠶᠠᠪᠤᠬᠤ ᠳ᠋ᠤ᠌ ᠬᠥᠮᠦᠨ ᠦ᠌ ᠨᠤᠲᠤᠭ ᠤ᠋ᠨ ᠴᠢᠯᠠᠭᠤ ᠴᠤ᠌ ᠢᠰᠡᠭᠡᠢ ᠪᠠᠢᠭᠰᠠᠨ᠂ ᠢᠰᠡᠭᠡᠢ ᠪᠠᠢᠭᠰᠠᠨ᠃
ᠢᠷᠡᠯᠲᠡ ᠄ ᠰᠦᠯᠵᠢᠶᠡᠨ ᠡᠴᠡ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠢ · ᠤᠷᠠᠨᠴᠡᠴᠡᠭ
ᠬᠢᠨᠠᠯᠲᠠ ᠄ ᠵᠡᠷᠮᠤᠳ ᠥᠯᠵᠡᠢ᠂ ᠭᠠᠷᠮᠠ᠂ ᠲᠡᠰᠢᠮᠡ ᠨᠠᠷ